آئی سی سی ویمنز کرکٹ ورلڈ کپ کوالیفائر ، پاکستان ویمنز کرکٹ ٹیم کی مسلسل تیسری فتح

لاہور( این این آئی)آئی سی سی ویمنز کرکٹ ورلڈ کپ کوالیفائر میں پاکستان ویمنز کرکٹ ٹیم نے مسلسل تیسری فتح حاصل کر لی، گرین شرٹس نے ویسٹ انڈیز کو 65 رنز سے شکست دے دی،191رنز کے تعاقب میں ویسٹ انڈیز کی پوری ٹیم 40ویں اوورز میں126رنزپر آل آئوٹ ہو گئی ۔،فاطمہ ثنا نے3کھلاڑیوں ، نشرہ سندھو اور رامین شمیم نے2،2،سعدیہ اقبال نے ایک کھلاڑی کو پویلین کی راہ دکھائی جبکہ2کھلاڑی رن آئوٹ ہوئیں۔ پہلے بیٹنگ کرتے ہوئے پاکستان ویمنز ٹیم 50 ویں اوور میں 191رنز بنا کر آل آئوٹ ہوئی۔ سدرہ امین 94 بالز پر 54 رنز بنا کر ٹاپ اسکورر رہیں جبکہ اوپننگ بیٹر منیبہ علی نے 60 بالز پر 33 رنز اسکور کیے۔عالیہ ریاض نے35گیندوں پر20رنز اور سدرہ نواز نے 28 گیندوں 23 رنز بنائے۔ ویسٹ انڈیز کی بالر ایفی فلیچر نے39رنز دے کر 2 اورہیلی میتھیوز نے 30 رنز پر 2 کھلاڑیوں کو آئوٹ کیا۔