Cricket

Entertainment

Football

افغانستان کے دارالحکومت کابل میں دھماکے کے نتیجے میں افغان طالبان کے قائم مقام وزیر برائے مہاجرین اور حقانی نیٹ ورک کے سنیئر رہنما خلیل رحمان حقانی جاں بحق ہوگئے۔ دھماکا وزارت مہاجرین کی عمارت کے اندر ہوا جس میں خلیل الرحمان حقانی سمیت متعدد افراد جاں بحق ہوئے۔خلیل الرحمان حقانی افغان وزیر داخلہ سراج الدین حقانی کے چچا اور حقانی نیٹ ورک کے بانی جلال الدین حقانی کے بھائی تھے۔بین الاقوامی میڈیا کے مطابق وزیر برائے مہاجرین خلیل الرحمان حقانی کے بھتیجے انس حقانی نے تصدیق کی ہے ان کے چچا دھماکے میں جاں بحق ہوگئے۔58 سالہ خلیل الرحمان حقانی نیٹ ورک کے ایک سینئر رہنما تھے اور2021 میں افغانستان سے غیر ملکی افواج کے انخلاء کے بعد طالبان کی عبوری حکومت میں وزیر بنے۔افغان میڈیا کے مطابق دھماکا وزارت کے دفتر میں ہوا جہاں وزیر خلیل الرحمان حقانی ایک اہم میٹنگ میں مصروف تھے۔طالبان اہلکاروں نے جائے وقوعہ کا گھیراؤ کرلیا۔ دھماکے کی نوعیت کے حوالے سے تفتیش جاری ہے۔عینی شاہدین کا کہنا ہے کہ ممکنہ طور پر یہ دھماکا خودکش ہوسکتا ہے۔  تاحال کسی گروپ نے دھماکے کی ذمہ داری قبول نہیں کی۔تاہم افغانستان میں طالبان کے حکومت میں آنے کے بعد سے ایسی کارروائیوں میں داعش خراسان ملوث رہی ہے۔

کابل میں دھماکا،افغانستان کے وزیر برائے مہاجرین خلیل الرحمان حقانی جاں بحق

دھماکا وزارت مہاجرین کے دفتر میں ہوا، خلیل الرحمٰن، حقانی نیٹ ورک کے بانی جلال الدین حقانی کے بھائی تھے

پاکستان تحریک انصاف (پی ٹی آئی) کے رہنما اور قومی اسمبلی میں قائد حزب اختلاف عمر ایوب نے کہا ہے کہ مہنگائی کو کم کرنے کا حکومتی دعویٰ جھوٹ پر مبنی ہے کیوں کہ مہنگائی کم نہیں ہوئی بلکہ بڑھ رہی ہے۔ میڈیا سے گفتگو کرتے ہوئے انہوں نے کہا کہ خواجہ آصف کے پاس ذاتی حملوں کے علاوہ کوئی بات نہیں ہوتی، حکومت ریت کے ٹیلے پر کھڑی ہے، فیض حمید کا کورٹ مارشل فوج کا اندرونی معاملہ ہے، فیض حمید کا معاملہ پاکستان آرمی جانے اور اُن کا کام جانے، حیرت اس بات کی ہے کہ جب یہ ساری چیزیں آرمی کو پتا تھیں تو پہلے کیوں نہیں کاروائی کی گئی؟۔انہوں نے کہا کہ خواجہ آصف کے پاس ذاتی حملوں کے علاوہ کوئی بات نہیں ہوتی۔ حکومت ریت کے ٹیلے پر کھڑی ہے۔ جبکہ فیض حمید کا کورٹ مارشل فوج کا اندرونی معاملہ ہے۔ قائد حزب اختلاف عمر ایوب کاکہناتھا کہ بانی پی ٹی آئی، شاہ محمود قریشی اور دیگر رہنماؤں کو رہا کیا جائے۔ اور 9 مئی،  24 نومبر کے حوالے سے جوڈیشل کمیشن بنایا جائے۔اس سے قبل قومی اسمبلی اجلاس میں اظہار خیال کرتے ہوئے عمر ایوب نے کہا کہ مہنگائی بڑھ رہی ہے کم نہیں ہو رہی۔ اور مہنگائی کو کم کرنے کا حکومتی دعویٰ جھوٹ پر مبنی ہے۔انہوں نے کہا کہ صنعتیں نہیں لگ رہیں تو ترقی کیسے آئے گی؟ ملک میں سرمایہ کاری نہیں آرہی ہے۔ اور بیرونی ممالک کے وفود کے دوروں سے ترقی نہیں آئے گی۔پی ٹی آئی رہنما نے مطالبہ کیا کہ خورشید شاہ کی سربراہی میں بننے والی پارلیمانی کمیٹی کا اجلاس بلایا جائے۔ اور پارلیمانی کمیٹی میں اسلام آباد کے احتجاج کا معاملہ زیر بحث لایا جائے۔

مہنگائی کم نہیں ہوئی بلکہ بڑھ رہی ہے، حکومتی دعویٰ جھوٹ پر مبنی ہے، عمر ایوب

قائد حزب اختلاف عمر ایوب نے 9 مئی اور 24 نومبر کے معاملے پر جوڈیشل کمیشن بنانے کا مطالبہ کر دیا

پاکستان سپر لیگ (پی ایس ایل) کے 10 ویں ایڈیشن کے لیے پلیئرز ڈرافٹ 11 جنوری کو ہوں گے۔رواں ہفتے ملکی اور غیر ملکی کھلاڑیوں کی رجسٹریشن شروع ہو جائے گی، پاکستان کرکٹ بورڈ نے ڈرافٹ کا پرومو بھی جاری کر دیا ہے۔جاری پرومو میں پی ایس ایل پلیئر ڈرافٹ 11.1 لکھا ہوا ہے، یعنی پی ایس ایل پلیئر ڈرافٹ 11 جنوری کو ہوگا۔ تقریب میں 6 ٹیمیں کھلاڑیوں کا چناؤ کرکے اپنا اپنا اسکواڈ بنائیں گی۔دنیائے کرکٹ کی ایک مقبول کرکٹ لیگ ’پاکستان سپر لیگ’’پی ایس ایل‘‘ عمومی طور پر ہر سال فروری مارچ میں کھیلا جاتا ہے تاہم اگلا ایڈیشن چیمپئنز ٹرافی کی وجہ سے اپریل تا مئی میں منعقد کیا جائے گا۔پی ایس ایل ٹین کی پلیئرز ڈرافٹ 11 جنوری کو ہو گی لیکن کہاں ہو گی اس کا فیصلہ ہونا باقی ہے، ایک تجویز یہ بھی ہے کہ ڈرافٹنگ بیرون ملک کی جائے لیکن اس کا فیصلہ پی ایس ایل میٹنگ میں کیا جا سکتا ہے۔واضح رہے کہ پی ایس ایل کی حتمی تاریخوں کا اعلان ہونا ابھی باقی ہے۔

پی ایس ایل کے 10 ویں ایڈیشن کیلئے پلیئرز ڈرافٹ 11 جنوری کو ہوں گے

رواں ہفتے ملکی اور غیر ملکی کھلاڑیوں کی رجسٹریشن شروع ہوجائیگی،پی سی بی نے ڈرافٹ کا پرومو جاری کر دیا

چیمپیئنز ٹرافی کے آفیشل پرومو نے نیا تنازع کھڑا کردیا، پرومو میں میزبان ملک پاکستان کا نام تک نہیں ہے۔انٹرنیشنل کرکٹ کونسل (آئی سی سی ) نے پاکستان میں ہونے والی چیمپیئنز ٹرافی 2025 کا آفیشل پرومو جاری کردیا ہے، چیمپیئنز ٹرافی کے لیے اسٹار اسپورٹس کے آفیشل براڈکاسٹر نے آفیشل پرومو میں ’پاکستان ‘ کا بطور میزبان ملک کوئی نام نہیں لیا، جس کے بعد چیمپیئنز ٹرافی کے پاکستان میں یا ہائبرڈ ماڈل پر منعقد ہونے کے بارے میں نئی بحث نے جنم لے لیا ہے۔آفیشل براڈکاسٹر ’اسٹار اسپورٹس کی جانب سے سوشل میڈیا پلیٹ فارمز پر شیئر کیے گئے پرومو کے کیپشن میں لکھا گیا ہے کہ 2025 میں آئی سی سی چیمپیئنز ٹرافی کی واپسی کے ساتھ ہی کرکٹ ایکشن کے لیے تیار رہو، اس بار فاتح کون ٹھہرے گا؟پرومو کی شروعات ایک ویڈیو سے ہوتی ہیں، جس میں موجودہ اور سابق بھارتی کپتان روہت شرما اور ویرات کوہلی نظر آرہے ہیں۔چیمپئنز ٹرافی کے پرومو میں جنوبی افریقہ کے ڈی کاک اور ریزا ہینٹرکس، آسٹریلیا کے کپتان پیٹ کمنز، ڈیوڈ وارنر، انگلینڈ کے جوفرا آرچر، پاکستان کے فاسٹ باؤلر شاہین آفریدی اور بھارت باؤلر جسپریت بمرا کے علاوہ دیگر کھلاڑیوں کو شامل کیا گیا ہے۔20 سیکنڈ کی ویڈیو میں ’جلد آرہا ہے‘ بھی لکھا ہوا ہے جس سے اندازہ ہوتا ہے کہ ایونٹ کے براڈکاسٹرز کو بھی آئی سی سی کی جانب سے شیڈول کے باضابطہ اجرا کے بارے میں کوئی معلومات نہیں ہے۔براڈ کاسٹرز کی جانب سے جاری کردہ پرومو تنقید کی زد میں آگیا پرومو میں میزبان کا نام لکھنے سے گریز کیا گیا جبکہ تصویری اور ویڈیو جھلکیوں میں ٹی20 ورلڈکپ 2024 کے کلپس ڈالے گئے۔اسی طرح 2017 میں ہونیوالی آخری آئی سی سی چیمپئینز ٹرافی میں پاکستانی ٹیم کی فاتح کی حیثیت سے کوئی تصویر یا ویڈیو جھلک شیئر تک نہ کی گئی، جس نے گرین شرٹس کے مداحوں کو مزید مایوس کردیا۔صارفین نے ویڈیو میں چیمپئینز ٹرافی 2017 کے لمحات اور پاکستان کے بطور ہوسٹ نام درج نہ کرنے پر اسٹار اسپورٹس کو شدید ننقید کا نشانہ بنایا۔دوسری جانب، چیمپئنز ٹرافی کے شیڈول سے متعلق اب بھی حتمی طور پر کچھ طے نہیں ہوا ہے، بھارتی میڈیا یہ دعویٰ کرتی دکھائی دیتی ہے کہ پاکستان کرکٹ بورڈ ’ہائبرڈ‘ ماڈل پر رضامند ہوچکا ہے۔

پاکستان میں چیمپیئنز ٹرافی؟ آئی سی سی کے آفیشل پرومو نے نئی بحث کو جنم دیدیا

پرومومیں روہت شرما، ویرات کوہلی، شاہین آفریدی، پیٹ کمنز سمیت دیگر کھلاڑیوں کو دکھایا گیا ہے

چیئرمین پی ٹی آئی بیرسٹر گوہر علی خان نے کہا ہے کہ پارلیمنٹ ہمیں مذاکرات کے ذریعے راستہ فراہم کرے، اب 9 مئی کی دھول بیٹھنی چاہئے۔ بیرسٹر گوہر کاکہناتھاکہ ہمیں دوبارہ سڑکوں پر آنے پر مجبور نہ کریں یہ ایوان ہمیں انصاف دے۔قومی اسمبلی میں خطاب کرتے ہوئے بیرسٹر گوہرنے کہا کہ ہم اس ایوان میں مذاکرات کرکے اپنے اوپر ہونے والے ظلم کا حساب چاہتے ہیں، ہم اس ایوان سے مذاکرات کے ذریعے راستہ چاہتے ہیں، ہم نے مذاکرات کیلئے کمیٹی بنائی ہے اسے کمزوری نہ سمجھا جائے، اگر ہمیں مذاکرات سے راستہ نہ دیا گیا تو پھر سے سڑکوں پر آئیں گے، ہمیں بار بار سڑکوں پر آنے پر مجبور نہ کیا جائے، آئیں پارلیمانی کمیٹی کا اجلاس بلائیں، اب نومئی کی دھول بیٹھنی چاہئے۔چیئرمین پی ٹی آئی کا کہنا تھا کہ ہمارے لوگوں کے ساتھ زیادتیاں ہوئیں، ان پر گولیاں چلائی گئیں، دنیا میں کہیں بھی پرامن مظاہرین پر گولیاں نہیں چلیں، حالیہ دنوں میں برازیل سمیت کتنے ہی ممالک میں لوگ ایوانوں میں داخل ہوگئے کیا وہاں گولی چلی؟، یہاں آئینی احتجاج ہوا جس پر گولی چلائی گئی۔انہوں نے کہا کہ آپ کی پارلیمان کے سامنے گولی چلی، وزیر دفاع نے عجیب منطق دی کہ گولی علی امین گنڈاپور کے گارڈز نے چلائی، یہ عجیب بات ہے کہ حکومت یہ ماننے کو تیار نہیں کہ گولی بھی چلی۔بیرسٹر گوہر کا کہنا تھا کہ ہمیں پشتون کارڈ استعمال کرنے کا طعنہ دیا جاتا ہے، ہمارے لوگ جو احتجاج پر آئے تھے غیر مسلح تھے، ہم پشتون کارڈ استعمال نہیں کر رہے، آپ وہ ویڈیوز سامنے لائیں جن میں پی ٹی آئی کے لوگوں نے کسی قسم کا اسلحہ استعمال کیا۔انہوں نے مزید کہا کہ عمران خان کو کو مقبولیت کیلئے جلسے جلوس نکالنے کی ضرورت نہیں، 8 فروری کو ان کی مقبولیت ثابت ہوچکی ہے، فیض حمید پر چارج شیٹ فوج کا اندرونی معاملہ ہے، چارج شیٹ سے ہمارا کوئی لینا دینا نہیں، سول نافرمانی تحریک بارے بانی پی ٹی آئی سے بات ہوگی۔اپوزیشن لیڈر قومی اسمبلی عمر ایوب کا کہنا تھا کہ ملک میں قانون نام کی کوئی شے نہیں، وزیر کہہ رہے ہیں مہنگائی کم ہوگئی، یہ کس دنیا میں رہتے ہیں، کس کو بیوقوف بنا رہے ہیں۔

بس بہت ہوگیا، اب 9 مئی کی دھول بیٹھنی چاہیے، چیئرمین پی ٹی آئی بیرسٹر گوہر

آئیں پارلیمانی کمیٹی کا اجلاس بلائیں، راستہ نہ ملا تو پھر سڑکوں پر نکلیں گے، بیرسٹر گوہر کا قومی اسمبلی میں خطاب

سپریم کورٹ کے آئینی بینچ نے عام انتخابات 2024 میں دھاندلی سے متعلق 3 درخواستیں عدم پیروی پر خارج کردیں جبکہ پاکستان تحریک انصاف (پی ٹی آئی) کے بانی چیئرمین عمران خان کے وکیل نے موسم سرما کی تعطیلات کے بعد دوبارہ سماعت مقررکرنے کی استدعا کردی۔جسٹس امین الدین کی سربراہی میں 7 رکنی آئینی بنچ نے 8 فروری 2024ء کے انتخابات میں دھاندلی کے خلاف درخواستوں پر سماعت کی، درخواست گزار قیوم خان، محمود اختر اور میاں شبیر عدالت پیش نہیں ہوئے۔جس پر سپریم کورٹ کے آئینی بنچ نے عام انتخابات 2024 میں دھاندلی سے متعلق 3 درخواستیں عدم پیروی پر خارج کر دیں۔تینوں درخواست گزاروں نے عام انتخابات 2024ء میں مبینہ دھاندلی پر درخواستیں دائر کی تھیں۔دوسری جانب سپریم کورٹ کے آئینی بنچ نے بانی پی ٹی آئی عمران خان کی 8 فروری 2024ء کے انتخابات میں دھاندلی کے خلاف کیس کی سماعت موسم سرما کی چھٹیوں کے بعد تک ملتوی کر دی۔ جسٹس امین الدین کی سربراہی میں 7 رکنی آئینی بنچ نے عام انتخابات 2024 میں دھاندلی کے خلاف بانی پی ٹی آئی کی درخواست پر سماعت کی، دوران سماعت عمران خان کے وکیل حامد خان نے کیس کی سماعت ملتوی کرنے کی استدعا کی۔وکیل حامد خان نے کہا کہ نوٹس موصول نہیں ہوا جس کے باعث کیس کی تیاری نہیں کر سکا، موسم سرما کی چھٹیوں کے بعد کیس مقرر کیا جائے، جس پر جسٹس جمال مندوخیل نے حامد خان سے کہا کہ آپ کو نوٹس بھیجا ہوا ہے، اپنے اے او آر سے رابطے میں رہا کریں۔بعد ازاں، عدالت نے عمران خان کی درخواست پر سماعت موسم سرما کی تعطیلات کے بعد تک ملتوی کردی۔آئینی بنچ نے مبینہ دھاندلی کیخلاف رہنما پی ٹی آئی شیر افضل مروت کی درخواست بھی سردیوں کی چھٹیوں کے بعد تک ملتوی کردی۔

الیکشن میں دھاندلی کیخلاف عمران خان کی درخواست پر سماعت جنوری تک ملتوی

سپریم کورٹ کے آئینی بینچ نے عام انتخابات 2024 میں دھاندلی سے متعلق 3 درخواستیں عدم پیروی پر خارج کردیں

پاکستان کرکٹ ٹیم کے فاسٹ بولر شاہین شاہ آفریدی نے ٹی ٹوئنٹی انٹرنیشنلز میں اپنی وکٹوں کی سنچری مکمل کرلی۔ تفصیلات کے مطابق پاکستان کرکٹ ٹیم کے فاسٹ باؤلر شاہین شاہ آفریدی نے ٹی 20 انٹرنیشنلز میں 100 وکٹیں مکمل کرلیں۔انہوں نے کارنامہ ڈربن میں جنوبی افریقہ کے خلاف 3 ٹی 20 میچوں کی سیریز کے پہلے میچ میں انجام دیا۔گزشتہ روز جنوبی افریقا کیخلاف ڈربن میں کھیلے گئے میچ میں فاسٹ بولر شاہین شاہ آفریدی ایک وکٹ لیکر اپنے سُسر شاہد آفریدی کا 97 ٹی20 انٹرنیشنل وکٹیں لینے کا ریکارڈ توڑا، بعدازاں مزید 2 وکٹیں لیکر انہوں نے ٹی20 انٹرنیشنلز میں 100 وکٹیں مکمل کیں۔واضح رہے کہ پاکستان کی جانب سے حارث رؤف اور شاداب خان بھی ٹی ٹوئنٹی انٹرنیشنلز میں 100 وکٹیں حاصل کرچکے ہیں۔پاکستان کیلئے سب سے زیادہ ٹی20 انٹرنیشنل میچز میں وکٹیں حاصل کرنے ریکارڈ حارث رؤف کے نام ہے انہوں نے 75 اننگز میں 110 وکٹیں حاصل کررکھی ہیں، فہرست میں دوسرے نمبر پر شاداب خان موجود ہیں جنہوں نے 96 اننگز میں 107 وکٹیں لی ہیں۔اس کے علاوہ بائیں ہاتھ کے فاسٹ بولرشاہین شاہ آفریدی نے ایک اور منفرد اعزاز بھی حاصل کرلیا۔ وہ انٹرنیشنل کرکٹ کے تینوں فارمیٹس میں 100 یا اس سے زائد وکٹیں لینے والے پہلے پاکستانی بولر بھی بن گئے ہیں۔شاہین آفریدی نے ایک روزہ کرکٹ میں 112 اور ٹیسٹ کرکٹ میں 116 وکٹیں حاصل کر رکھی ہیں۔

شاہین شاہ آفریدی نے اہم اعزاز حاصل کرلیا، ٹی ٹوئنٹی انٹرنیشنلز میں 100 وکٹیں مکمل

شاہین آفریدی انٹرنیشنل کرکٹ کے تینوں فارمیٹس میں 100، 100 وکٹیں لینے والے پہلے پاکستانی بن گئے ہیں

ایشیائی ترقیاتی بینک (اے ڈی بی) نے پاکستان میں بجلی کی ترسیل کے نظام کو جدید بنانے اور بجلی کی فراہمی میں بہتری کے لیے 20 کروڑ ڈالر کے قرض کی منظوری دے دی ہے۔اے ڈی بی کی جانب سے جاری کردہ اعلامیہ کے مطابق قرض کی رقم بجلی کی تقسیم کے نظام میں جدت کیلئے استعمال ہوگی، تقسیم کار کمپنیوں کی پائیدار بجلی فراہم کرنے کی استعداد میں اضافہ ہوگا، ابتدائی مرحلے میں تین بجلی کی تقسیم کار کمپنیوں کو تعاون فراہم کیا جائے گا، لیسکو، میپکو اور سیپکو اپنے ریجنز میں پائیدار توانائی کیلئے موثر کردار ادا کریں گی۔جاری کردہ اعلامیے کے مطابق منصوبے کے تحت 3 لاکھ سے زائد ایڈوانسڈ میٹرنگ انفراسٹرکچر لگائیں گے، ڈیٹا منیجمنٹ اور کمیونیکیشن سسٹمز کی تنصیب بھی منصوبے کا حصہ ہے، منصوبے کے تحت ساڑھے 15 ہزار سے زائد آن لائن ٹرانسفارمرز پر مانیٹرنگ سسٹمز لگیں گے، سسٹم لاہور، ملتان اور سکھر الیکٹرک سپلائی کمپنیز میں نصب کئے جائیں گے۔اعلامیہ میں کہا گیا کہ سیپکو کے 4 گرڈ سٹیشنز کا وولٹیج 66 کے وی سے 132 کے وی کیا جائے گا، ترسیلی نظام میں نقصانات کم اور بجلی کی طلب پورا کرنے میں مدد ملے گی۔لیسکو میں کم از کم 25 گرڈ اسٹیشن تعمیر اور جدید بنائے جائیں گے، ان گرڈ اسٹیشنز میں اہم اور جدید آلات بھی فراہم کئے جائیں گے، زیادہ نقصانات والے 11 کے وی فیڈر کو جدید کیبلز سے تبدیل کیا جائے گا، اس کے علاوہ نقصانات والے فیڈر لائن کی ترتیب بھی بہتر کی جائے گی، اقدامات بجلی کے شعبے کے مالی نقصانات کم کرنے میں بھی معاون ہوں گے۔ترسیلی نظام مضبوط بنانے کا مقصد بجلی کی بڑھتی طلب پوری کرنا ہے، ترسیلی نظام کو اپ گریڈ اور جدید بنانا بھی منصوبے کا اہم مقصد ہے۔اس حوالے سے ایشیائی ترقیاتی بینک کے پرنسپل انرجی اسپیشلسٹ سیونگ ڈک کم نے کہا کہ یہ اَپ گریڈ نہ صرف نقصانات کو کم کریں گے بلکہ آمدنی کی وصولی میں بہتری اور تقسیم کار کمپنیوں کو بجلی کی کھپت اور گرڈ کی کارکردگی کا ریئل ٹائم ڈیٹا فراہم کریں گے۔ شدید موسم کی صورت میں یہ نظام خرابیوں کو فوری شناخت اور الگ کرنے میں مددگار ہوں گے جس سے بحالی کے وقت کو کم اور بلیک آؤٹ کے اثرات کو محدود کیا جا سکے گا۔منصوبے کے تحت تینوں تقسیم کار کمپنیوں کی کارکردگی کو بہتر بنانے کے لیے اصلاحاتی اقدامات اور پالیسی سفارشات کا بھی جائزہ لیا جائے گا۔اے ڈی بی اعلامیہ کے مطابق پاکستان ایشیائی ترقیاتی بینک کا بانی رکن ہے اور 1966 سے لے کر اب تک ایشیائی ترقیاتی بینک نے پاکستان میں جامع اقتصادی ترقی کو فروغ دینے اور انفرا اسٹرکچر، توانائی، خوراک کی حفاظت، ٹرانسپورٹ نیٹ ورکس اور سماجی خدمات کو بہتر بنانے کے لیے 52 ارب ڈالر سے زائد کے قرضے اور گرانٹس فراہم کیے ہیں۔

ایشیائی ترقیاتی بینک نے پاکستان کیلئے 20 کروڑ ڈالر قرض کی منظوری دیدی

منصوبے کے تحت بجلی کی بڑھتی ہوئی طلب کو پورا کرنے کیلئے ترسیلی نظام کو اَپ گریڈ اور جدید بنایا جائے گا

اسٹار فٹبالر کرسٹیانو رونالڈو کے بیٹے کی مسٹر بیسٹ کے کیساتھ ایک پروگرام میں سوال پرانشا اللہ کہنے کی ویڈیو سوشل میڈیا پر وائرل ہوگئی۔عالمی شہرت یافتہ فٹبالر کرسٹیانو رونالڈو کے بیٹے کا انٹرویو کرنے والے مسٹر بیسٹ اس وقت حیران رہ گئے جب اس نے انشااللہ کہا۔پرتگال کے اسٹار فٹبالر کرسٹیانو رونالڈو جو اس وقت اپنے فٹبال کیرئیر کے عروج پر ہیں انہوں نے چند ماہ قبل اپنا یو ٹیوب چینل بھی لانچ کیا تھا جس نے محض ڈیڑھ گھنٹے سے بھی کم وقت میں 10 لاکھ سبسکرائبرز حاصل کر کے نیا ریکارڈ بنا لیاتھا۔حال ہی میں کرسٹیانو رونالڈو نے مسٹر بیسٹ کے ساتھ ایک ویڈیو یو ٹیوب پر اپلوڈ کی جو ان کے سب سے بڑے حریف سمجھے جاتےہیں کیونکہ اس وقت یوٹیوب پر ان کے تقریباً 331 ملین سبسکرائبرز ہیں اور وہ  یوٹیوب کے سب سے بڑے اسٹار سمجھے جاتے ہیں۔ اس ویڈیو میں جونیئر رونالڈو یعنی کرسٹیانو رونالڈو کے بیٹے بھی نظرآئے۔مسٹر بیسٹ نے کرسٹیانو رونالڈو جونیئر سے پوچھا کہ کیا آپ نے باسکٹ بال میں لیجنڈ لیبرون جمیز اور ان کے بیٹے برونی جیمز کی جوڑی کو کھیلتے ہوئے دیکھا تھا جس پر انہوں نے ہاں میں جواب دیا تو مسٹر بیسٹ نے کہا کیا آپ بھی اپنے والد کے ساتھ ایسے ہی کھیلیں گے جس پر کرسٹیانو رونالڈو جونیئر نے کہا ’انشااللہ‘۔ بیٹے کی اس بات پر رونالڈو نے مسٹر بیسٹ کو کہا کہ امید ہے ایسا ہوگا۔یاد رہے گزشتہ دنوں النصر فٹبال کلب کے سابق گول کیپر ولید عبداللہ کا انٹرویو وائرل ہوا تھا جس میں وہ یہ بتارہے تھے کہ کرسٹیانو رونالڈو حقیقی طور پر اسلام قبول کرنا چاہتے ہیں اور وہ گراؤنڈ میں سجدہ کرکے اس بات کا اظہار کرچکے ہیں۔

فٹبالر کرسٹیانو رونالڈو کے بیٹے کی انشا اللہ کہنے کی ویڈیو وائرل

رونالڈو کے بیٹے کا انٹرویو کرنے والے مسٹر بیسٹ اس وقت حیران رہ گئے جب اس نے انشااللہ کہا

جنوبی افریقا نے دلچسپ مقابلے کے بعدپہلے ٹی 20 میچ میں پاکستان کو 11 رنز سے شکست دے دی۔ڈربن میں کھیلے گئے پہلے ٹی 20 میچ میں جنوبی افریقا کی جانب سے دیے گئے 184 رنز کے تعاقب میں پاکستان کی ٹیم 8 وکٹوں کے نقصان پر 172 رنز بناسکی۔کپتان محمد رضوان کی  74 رنز کی شاندار اننگ بھی پاکستان کو فتح سے ہمکنار نہ کرا سکی۔قبل ازیں پاکستان اور جنوبی افریقا کے درمیان پہلے ٹی 20 میچ میں میزبان ٹیم نے ٹاس جیت کر پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 183 رنز بنائے۔جنوبی افریقہ کی جانب سے ڈیوڈ ملر 82 اور جارج لنڈے 48 رنز کے ساتھ نمایاں رہے، کپتان ہینرچ کلاسن 12، ہینڈرکس 8 اور فیریرا 7 رنز بناکر آؤٹ ہوئے۔پاکستان کی جانب سے شاہین شاہ آفریدی اور ابرار احمد نے 3،3 جبکہ عباس آفریدی نے 2 اور صفیان مقیم نے ایک وکٹ حاصل کی۔ جنوبی افریقا کے 184 رنز کے ہدف کے تعاقب میں پاکستانی ٹیم 8 وکٹوں کے نقصان پر مقررہ 20 اوورز میں 172 رنز بناسکی۔پاکستان کی جانب سے کپتان محمد رضوان  74 رنز بنا کر نمایاں رہے، صائم ایوب 31 اور طیب طاہر 18 رنز اسکور کر پائے۔بابر اعظم بغیر کوئی رن بنائے پویلین لوٹے جبکہ پاکستان کا کوئی دوسرا پلیئر ڈبل فگر میں داخل نہ ہو سکا۔جنوبی افریقا کی جانب سے جارج لِنڈا نے 4 جبکہ کوینا مپاکا نے 2، اور اوٹنیل بارٹمن اور اینڈیل سمیلانے نے 1، 1 وکٹ حاصل کی۔

پہلا ٹی ٹوئنٹی ،جنوبی افریقا نے پاکستان کو 11رنز سے شکست دیدی

جنوبی افریقا کی جانب سے دیے گئے 184 رنز کے تعاقب میں پاکستان کی ٹیم 172 رنز بناسکی

امریکہ کے نومنتخب صدر ڈونلڈ ٹرمپ نے امریکی شہریت کا پیدائشی حق ختم کرنے کا اعلان کر دیا۔امریکا کے نومنتخب صدر ڈونلڈ ٹرمپ نے واضح کیا ہے کہ وہ 20 جنوری کو عہدہ سنبھالنے کے بعد وسیع پیمانے پر تبدیلیاں کریں گے جن میں پیدائشی امریکی شہریت کا خاتمہ بھی شامل ہے۔تفصیلات کے مطابق امریکی نومنتخب صدر ڈونلڈ ٹرمپ نے انٹرویو میں امریکا میں پیدا ہونے غیر ملکی اور غیر قانون قانونی طور مقیم تارکین وطن کے حوالے سے واضح بیان دے دیا۔غیر ملکی میڈیا کے مطابق ٹرمپ نے حال ہی میں این بی سی چینل کو کو دیے گئے انٹرویو میں کہا کہ انہیں امریکا میں موجود تمام غیر قانونی تارکین وطن کو ملک بدر کرنے اور پیدائشی شہریت ختم کرنے سمیت انتخابی مہم کے کیے گئے تمام وعدوں کو فوری پورا کرنا ہوگا۔جب ان سے پوچھا گیا کہ کیا وہ اپنی مدت کے دوران اگلے 4 سالوں میں غیر قانونی طور پر مقیم افراد کو ملک بدر کرنے کا ارادہ رکھتے ہیں تو انہوں نے جواب دیا ’ایسا کرنا پڑے گا۔ٹرمپ نے اس بات پر زور دیا کہ ہم امریکی آئین میں درج پیدائشی شہریت کو ختم کر دیں گے، اگر ہم انتظامی کارروائی کے ذریعے ایسا کر سکتے ہیں تو اس پر جلد عمل کریں گے۔یاد رہے کہ ڈونلڈ ٹرمپ انتخابی مہم کے دوران بھی کئی مرتبہ پیدائشی شہریت فراہم کرنے پر بائیڈن حکومت کو تنقید کا نشانہ بنا چکے ہیں۔ ان کا ماننا ہے کہ امریکی سرزمین میں پیدا ہونے والے کسی بھی بچے کو خود بخود امریکی شہریت کا اہل قرار دینے سے متعلق قائد و ضوابط تبدیل ہونا چاہیے۔

ڈو نلڈ ٹرمپ کا غیرملکی تارکین وطن کے بچوں کی پیدائشی شہریت ختم کرنے کااعلان

بیس 20 جنوری کو عہدہ سنبھالنے کے بعد قانون میں وسیع پیمانے پر تبدیلیاں کریں گے

پاکستان کے نوح دستگیر بٹ نے ازبکستان میں جاری ایشین پاور لفٹنگ میں نیا ریکارڈ قائم کردیا۔ تفصیلات کے مطابق پاکستان کے نوح دستگیر بٹ نے ایشین پاور لفٹنگ چیمپئن شپ میں نیا ریکارڈ قائم کرتے ہوئے گولڈ میڈل حاصل کر لیا ہے، چیمپئن شپ تاشقند میں منعقد ہو رہی ہے۔پاکستان کے پاور لفٹنگ اسٹار نوح دستگیر بٹ نے ایشین پاور لفٹنگ میں400 کلوگرام وزن اٹھا کر اسکواٹ میں ایشین ریکارڈ قائم کیا۔انہوں نے 120 پلس کے جی میں پہلا گولڈ میڈل بھی جیت لیا۔میڈیا رپورٹس کے مطابق بنچ پریس، ڈیڈ لفٹ اور مجموعی مقابلوں میں بقیہ تمغوں کا فیصلہ ہونا ابھی باقی ہے، نوح دستگیر بٹ مزید اعزازات حاصل کرنے کی دوڑ میں شامل ہیں۔

ایشین پاور لفٹنگ چیمپئن شپ، پاکستان کے نوح دستگیر بٹ نے گولڈ میڈل جیت لیا

نوح دستگیر بٹ نے اسکاٹ ایونٹ میں 400 کلو گرام وزن اٹھا کر ایشیا میں نیا ریکارڈ قائم کیا

تین ٹی ٹونٹی میچز کی سیریز کے پہلے میچ میں جنوبی افریقہ نے پاکستان کیخلاف ٹاس جیت کر پہلے بیٹنگ کرنے کا فیصلہ کیا ہے۔تفصیلات کے مطابق ڈربن میں کھیلے جارہے پہلے ٹی 20 میچ میں جنوبی افریقا نے پاکستان کے خلاف ٹاس جیت لیا اور پاکستان کو پہلے بولنگ کی دعوت دی ہے۔جنوبی افریقی کپتان ہینرک کلاسن کا کہنا ہے کہ نئے کھلاڑیوں کے لیے بہترین موقع ہے، پاکستان کے پاس زبردست بولنگ اٹیک ہے، جیتنا آسان نہیں ہوگا۔اس موقع پرمحمد رضوان نے کہا کہ ٹاس جیتنے یا ہارنے سے اتنا فرق نہیں پڑتا، بابر اعظم نے جنوبی افریقہ میں ہمیشہ اچھا پرفارم کیا ہے، کوشش ہوگی جنوبی افریقا کو کم سے کم اسکور تک محدود رکھیں۔قبل ازیں جنوبی افریقا کے خلاف پہلے ٹی 20 کے لیے پاکستان کی پلیئنگ الیون کا اعلان کر دیا گیا۔محمد رضوان اور اسٹار بیٹر بابر اعظم کی ٹیم میں واپسی ہوئی ہے جبکہ زمبابوے کیخلاف سیریز جیتنے والے کپتان سلمان علی آغا کو ڈراپ کردیا گیا ہے۔پی سی بی کی جانب سے جاری اعلامیے کے مطابق محمد رضوان کپتانی کے فرائض انجام دیں گے۔اس کے علاوہ ٹیم میں صائم ایوب، بابراعظم، عثمان خان، طیب طاہر، عرفان خان، عباس آفریدی، شاہین شاہ آفریدی شامل ہیں۔اسی طرح حارث رؤف، سفیان مقیم اور ابرار احمد کو بھی پلیئنگ الیون کا حصہ بنایا گیا ہے۔

پہلا ٹی 20، جنوبی افریقا کا پاکستان کیخلاف ٹاس جیت کرپہلے بیٹنگ کا فیصلہ

محمد رضوان اور اسٹار بیٹر بابر اعظم کی ٹیم میں واپسی،سلمان علی آغا  پلیئنگ الیون میں شامل نہیں ہیں

دہرے قتل کے مقدمے میں عدالت نے سابق وفاقی وزیر کو اشتہاری قرار دے دیا۔تفصیلات کے مطابق رہنما تحریک انصاف و سابق وفاقی وزیر چوہدری مونس الہٰی کو عدالت نے دہرے قتل کے مقدمہ میں اشتہاری قرار دے دیا۔گجرات کے ایڈیشنل سیشن جج میاں جاوید اکرم نے چوہدری مونس الہٰی کو اشتہاری قرار دیا، چوہدری مونس الہٰی سمیت دیگر ملزمان پر 28 جون 2023 کو چکریاں کے رہائشی یاسر اور محمد یوسف کو فائرنگ کر کے قتل کرنے کا الزام تھا۔پولیس کے مطابق اسی کیس میں نامزد ملزم محمد اختر دوران ٹرائل جیل میں وفات پاگیا تھا، چوہدری مونس الہٰی کو ایف آئی آر کے ملزمان کے انکشاف کے بعد اس کیس میں نامزد کیا گیا تھا، سابق وفاقی وزیر کو دفعہ 109 کے تحت ایماء مشورہ کا ملزم نامزد کیا گیا تھا۔واضح رہے کہ تھانہ منگووال میں دہرے قتل کا مقدمہ 29 جون 2023 کو درج ہوا تھا، مقدمہ میں چوہدری مونس الہٰی کو اشتہاری قرار دینے کا فیصلہ 19 صفحات پر مشتمل ہے۔

دہرے قتل کا مقدمہ،عدالت نے سابق وفاقی وزیر مونس الہٰی کو اشتہاری قرار دیدیا

مونس الہٰی سمیت دیگر ملزمان پر چکریاں کے رہائشی یاسر اور محمد یوسف کو فائرنگ کر کے قتل کرنے کا الزام تھا

بیرون ملک سے آنے والوں پر ایک سے زائد موبائل فون لانے پر پابندی کی تجویز پر عمل درآمد سے روک دیا۔تفصیلات کے مطابق چیئرمین ایف بی آر نے ایک سے زائد موبائل فون لانے پر پابندی کی تجویز پر عمل درآمد روک دیا۔میڈیا رپورٹس کے مطابق، بیگیج اسکیم کے معاملے پر مشاورت ابھی مکمل نہیں ہوئی، ایک روز قبل یہ نوٹیفکیشن جاری کیا گیا تھا جو اب منسوخ کردیا گیا ہے۔رپورٹ کے مطابق چیئرمین ایف بی آر نے کسٹم کے بیگیج رولز 2006 میں مجوزہ ترامیم واپس لینے کی ہدایت کردی ہے اور فوری طور پر ایک سے زائد موبائل فون لانے پر پابندی کی تجویز پر عمل درآمد روک دیا ہے۔رپورٹ میں کہا گیا کہ موجودہ قانون 2006 کے تحت بیرون ملک سے آنے والے مسافروں کو 2 موبائل فون لانے کی اجازت برقرار ہے۔علاوہ ازیں چیئرمین ایف بی آر نے 1200 ڈالر سے زائد کی کمرشل اشیا پر پابندی کی تجویز واپس لینے کی ہدایت کردی اور رولز میں مجوزہ ترامیم واپس لے کر مشاورت کر کے دوبارہ پیش کرنے کا کہا ہے۔واضح رہے کہ گزشتہ روزایف بی آر نے بیگیج اسکیم میں ترمیم سے متعلق نوٹیفکیشن جاری کیا تھا جس کے تحت بیرون ملک سے کمرشل مقدار میں اشیاء ساتھ لانے پر مکمل پابندی کا فیصلہ کیا گیا اور بیرون ملک سے ذاتی استعمال کے لیے ایک موبائل فون لانےکی اجازت دی گئی تھی۔

ایف بی آر کا یوٹرن، بیرون ملک سے ایک سے زائد موبائل فون لانے کی اجازت بحال

چیئرمین ایف بی آر نے 1200 ڈالر سے زائد کی کمرشل اشیا پرپابندی کی تجویز بھی واپس لینے کی ہدایت کردی

فیلڈ جنرل کورٹ مارشل کے اگلے مرحلے میں لیفٹیننٹ جنرل فیض حمید (ر) کو باضابطہ طور پر چارج شیٹ کردیا گیا ہے۔پاک فوج کے شعبہ تعلقات عامہ (آئی ایس پی آر) کے مطابق  12 اگست 2024 کو پاکستان آرمی ایکٹ کی متعلقہ دفعات کے تحت لیفٹیننٹ جنرل فیض حمید (ر) کے خلاف فیلڈ جنرل کورٹ مارشل کی کارروائی شروع کی گئی، فیلڈ جنرل کورٹ مارشل کے اگلے مرحلے میں لیفٹیننٹ جنرل فیض حمید(ر) کوباضابطہ طور پر چارج شیٹ کردیا گیا ہے۔ترجمان پاک فوج کا کہناہے کہ ان چارجز میں سیاسی سرگرمیوں میں ملوث ہونا، آفیشل سکریٹ ایکٹ کی خلاف ورزیاں کرتے ہُوئے ریاست کے تحفظ اور مفاد کو نقصان پہنچانا،اختیارات اور سرکاری وسائل کا غلط استعمال اور افراد کو ناجائز نقصان پہنچنانا شامل ہیں۔آئی ایس پی آر کے مطابق  فیلڈ جنرل کورٹ مارشل کے عمل کے دوران ملک میں انتشار اور بدامنی سے متعلق  پرتشدد واقعات میں لیفٹیننٹ جنرل فیض حمید(ر) کے ملوث ہونے سے متعلق  علیحدہ تفتیش بھی کی جا رہی ہے، ان پرتشدد اور بدامنی کے متعدد  واقعات میں 9 مئی سے جڑے واقعات بھی شامل تفتیش ہیں، ان متعدد پرتشدد واقعات میں مذموم سیاسی عناصر کی ایماء اور ملی بھگت بھی شامل تفتیش ہے۔ترجمان پاک فوج نے کہا کہ فیلڈجنرل کورٹ مارشل کے عمل کے دوران لیفٹیننٹ جنرل فیض حمید (ر)کو قانون کے مطابق تمام قانونی حقوق فراہم کیے جا رہے ہیں۔

لیفٹیننٹ جنرل (ر) فیض حمید کو باضابطہ طور پرچارج شیٹ کردیا گیا، آئی ایس پی آر

ملک میں انتشار اور بدامنی سے متعلق پرتشدد واقعات میں فیض حمیدکے ملوث ہونے سے متعلق علیحدہ تفتیش بھی کی جا رہی ہے، آئی ایس پی آر

آرمی چیف جنرل عاصم منیر نے کیمبرین پٹرول میں گولڈ میڈل جیتنے والی ٹیم سے ملاقات میں بین الاقوامی پلیٹ فارم پر شاندار کامیابی پر تعریف کی۔تفصیلات کےمطابق  آرمی چیف جنرل سید عاصم منیر سے ایکسرسائز کیمبرین پٹرول میں حصہ لینے والی پاک فوج کی ٹیم نے ملاقات کی ہے۔آئی ایس پی آر کے مطابق ’’کیمبرین پیٹرول مشق‘‘برطانیہ میں 4 سے 13 اکتوبر 2024 تک منعقد ہوئی جو دنیا کی مشکل ترین فوجی مشقوں میں شمار کی جاتی ہے، پاک فوج کی ٹیم سمیت اس سال 143 ٹیموں نے حصہ لیا۔پاک فوج کے دستے نے غیر معمولی مہارت اور عزم کا مظاہرہ کرتے ہوئے چھٹی بار یہ اعزاز اپنے نام کیا۔ آرمی چیف نے ٹیم کی شاندار کارکردگی کو سراہتے ہوئے پاکستان کا نام عالمی سطح پر روشن کرنے پر انہیں مبارکباد دی۔یہ مشق مڈ ویلز، برطانیہ کے سخت اور دشوار گزار پہاڑی علاقوں میں منعقد کی جاتی ہے جس میں جسمانی قوت برداشت، حکمت عملی اور ذہنی پختگی کو پرکھا جاتا ہے۔کیمرین پیٹرول مشق ٹیم ورک، قیادت، خود نظم و ضبط، جرات اور سخت ترین آپریشنل حالات میں عزم کا عملی مظاہرہ کرنے کا ایک معیار سمجھی جاتی ہے۔

برطانیہ میں ’’کیمبرین پیٹرول مشق‘‘میں گولڈ میڈل جیتنے والی آرمی ٹیم کی آرمی چیف سے ملاقات

مشق برطانیہ میں 4 سے 13 اکتوبر 2024 تک منعقد ہوئی جو دنیا کی مشکل ترین فوجی مشقوں میں شمار کی جاتی ہے، آئی ایس پی آر

برطانیہ میں فرسٹ کزنز کے درمیان شادی پر پابندی لگانے کیلئے تیار کردہ مجوزہ بل آج دارالعوام میں پیش کیا جائے گا۔ غیر ملکی میڈیا رپورٹس کے مطابق دارالعوام میں پیش کیا جانے والا مجوزہ بل اگر منظور ہوا تو  برطانیہ میں فرسٹ کزنز کے درمیان شادی پرپاپندی عائد ہوگی ۔ رپورٹس کے مطابق اس بل کے تحت فرسٹ کزنز کی شادیوں پر پابندی عائد کی جائے گی، جس کا مقصد جینیاتی بیماریوں کی روک تھام ہے۔ دنیا بھر میں کزن میرجز کی شرح پائی جاتی ہے جس کے نتیجے میں جینیاتی بیماریاں ہوتی ہیں،طبی ماہرین نے اس نوعیت کی شادیوں کے بارے میں اپنے تحفظات کا اظہار کرتے ہوئے کہا ہے کہ کزن میرجز کے نتیجے میں جینیاتی خرابیوں (جینومک ڈس آرڈر) کا خطرہ کافی حد تک بڑھ جاتا ہے،جو بچے کی پیدائش کے بعد فوری اموات، بے اولادی، پری ٹرم ڈیلیوری، تھیلیسیمیا، مرگی، گونگا پن، بہرہ پن، بائی پولر ڈس آرڈر اور دیگر جینیاتی بیماریوں کا سبب بن سکتی ہیں۔ماہرین کے مطابق  جب کزنز آپس میں شادی کے بندھن میں بندھتے ہیں تو ان کی جینیاتی معلومات ایک دوسرے سے ملتی جلتی ہوتی ہیں،جس سے خطرناک جینیاتی تبدیلیوں کا امکان بڑھ جاتا ہے۔یہی وجہ ہے کہ برطانیہ میں اس بل کی حمایت کی جا رہی ہے تاکہ عوام کو ایسی شادیوں کے ممکنہ خطرات سے بچایا جا سکے۔واضح رہے کہ بل دارالعوام میں پیش کیے جانے کے بعد اس پر بحث کا آغاز ہوگا، جس کے بعد پارلیمنٹ کے اراکین اس بل کو منظور یا مسترد کرنے کا فیصلہ کریں گے۔اس بل کی کامیابی سے فرسٹ کزنز کے درمیان شادیوں پر ایک تاریخی پابندی عائد ہو جائے گی، جس کے صحت پر پڑنے والے اثرات کو سامنے رکھتے ہوئے یہ اقدام کافی اہمیت اختیار کر چکا ہے۔یہ بل اگر منظور ہوگیا تو یہ ایک نیا اور تاریخ ساز قدم ہوگا۔

برطانیہ میں فرسٹ کزنز کے درمیان شادی پرپابندی لگانے کی تیاریاں، بل آج پیش ہوگا

دنیا بھر میں کزن میرجز کی شرح پائی جاتی ہے جس کے نتیجے میں جینیاتی بیماریاں ہوتی ہیں، طبی ماہرین

سپریم کورٹ کے آئینی بنچ نے 9 مئی واقعہ کی جوڈیشل انکوائری کیلئے بانی پی ٹی آئی عمران خان کی درخواست سماعت کیلئے منظور کرلی۔سپریم کورٹ کے آئینی بینچ نے 9 مئی واقعہ کی جوڈیشل انکوائری کے لیے بانی پی ٹی آئی کی درخواست پر سماعت کی۔ آئینی بینچ نے بانی تحریک انصاف کی درخواست پر رجسٹرار آفس کے اعتراضات ختم کرتے ہوئے درخواست کو نمبر لگا کر سماعت کے لیے مقرر کرنے کا حکم دیا ہے۔تفصیلات کے مطابق جسٹس امین الدین خان کی سربراہی میں 7 رکنی آئینی بنچ نے عمران خان کی درخواست پر سماعت کی۔دوران سماعت ایڈیشنل اٹارنی جنرل نے درخواست کی مخالفت کرتے ہوئے مؤقف اپنایا کہ یہ درخواست عوامی اہمیت کی نہیں ہے، وفاق کی جانب سے اس نقطہ پر دلائل دیئے جائیں گے۔ عدالت نے 9 مئی واقعہ کی جوڈیشل انکوائری کیلئے بانی پی ٹی آئی عمران خان کی درخواست پر رجسٹرار آفس کے اعتراضات ختم کرتے ہوئے درخواست کو نمبر لگا کر سماعت کیلئے مقرر کرنے کا حکم دے دیا۔بعد ازاں 9 مئی کی جوڈیشل تحقیقات کیلئے عمران خان کی درخواست باضابطہ سماعت کے لئے منظور کرلی گئی، بانی پی ٹی آئی کی جانب سے حامد خان عدالت کے سامنے پیش ہوئے۔وکیل درخواست گزار نے مؤقف اپنایا کہ ڈیڑھ سال ہوچکا ہے پتہ تو کرالیں کہ 9 مئی کو ہوا کیا تھا، ملک میں غیر اعلانیہ مارشل لاء لگا ہوا ہے، احتجاج کرنے پر فوج طلب کرلی جاتی ہے۔جسٹس مسرت ہلالی نے ریمارکس میں کہا کہ مارشل لاء میں وہ خود آتے ہیں طلب نہیں کئے جاتے، جسٹس محمد علی مظہر نے کہا کہ فوج تو آرٹیکل 245 کے تحت طلب ہوتی ہے، اگر آپ اسے مارشل لاء کہتے ہیں تو پھر آرٹیکل 245 کو بھی چیلنج کریں۔جسٹس جمال مندوخیل نے ریمارکس دیئے کہ آپ مارشل لاء کہہ کر سویپنگ سٹیٹمنٹ دے رہے ہیں، کیا کسی اتھارٹی کا کوئی ایسا حکم موجود ہے جسے آپ چیلنج کررہے ہیں۔ایڈووکیٹ حامد خان نے کہا کہ 9 مئی کے بعد سیکڑوں ایف آئی آرز ہوئیں،ایک پارٹی کو دیوار سے لگادیا گیا جس پر جسٹس جمال مندوخیل نے استفسار کیا کہ آپ نے ہائی کورٹ سے رجوع کیوں نہ کیا؟حامد خان نے جواب دیا کہ یہ کسی صوبے کا نہیں پورے ملک کا معاملہ ہے اسی لیے سپریم کورٹ آئے، رجسٹرار آفس اعتراض لگا رہا ہے کہ یہ عوامی مفاد کا معاملہ ہی نہیں۔بنچ کے سربراہ جسٹس امین الدین خان نے ریمارکس میں کہا کہ آپ ٹھوس وجہ بتائیں،بادی النظر میں تو رجسٹرار آفس کے اعتراضات دور نہیں ہونے چاہئیں جس پر ایڈووکیٹ حامد خان نے کہا کہ آپ اعتراضات دور کرکے میرٹ پر سنیں تو میں عدالت کو مطمئن کروں گا۔جسٹس امین الدین نے کہا کہ عدالت نے رجسٹرار آفس کے اعتراضات دور کردیئے، کیس دوبارہ لگنے پر آپ کو اٹھائے گئے سوالات پر ہمیں مطمئن کرنا ہوگا۔ جسٹس مسرت ہلالی نے کہا کہ اگر کمیشن بن بھی گیا تو صرف ذمے داری ہی فکس کرے گا، جوڈیشل کمیشن رپورٹ کا فوجداری مقدمات پر اثر نہیں پڑے گا۔ بعدازاں سپریم کورٹ کے آئینی بنچ نے 9 مئی واقعہ کی جوڈیشل تحقیقات کی درخواست پر سماعت غیر معینہ مدت کے لیے ملتوی کر دی۔

بانی پی ٹی آئی عمران خان کی 9 مئی کی جوڈیشل تحقیقات کی درخواست سماعت کیلئے منظور

سپریم کورٹ کے آئینی بینچ نے درخواست کو نمبر لگا کر سماعت کیلئے مقرر کرنے کا حکم دے دیا

سپریم کورٹ کے آئینی بنچ نے فوجی عدالتوں میں سویلینز کے ٹرائل کے کیس میں زیر حراست ملزمان کو عام جیلوں میں منتقل کرنے کی لطیف کھوسہ کی استدعا مسترد کردی۔جسٹس امین الدین خان کی سربراہی میں سات رکنی آئینی بنچ نے فوجی عدالتوں میں سویلینز کے ٹرائل کیخلاف کیس کی سماعت کی۔دوران سماعت وکیل لطیف کھوسہ نے استدعا کی کہ زیر حراست ملزمان کوعام جیلوں میں منتقل کردیا جائے، جیلوں میں کم از کم ملاقات تو ہوسکتی ہے۔عدالت نے زیر حراست ملزمان کو عام جیلوں میں منتقل کرنے کی استدعا مسترد کرتے ہوئے ریمارکس میں کہا کہ ملاقات کے حوالے سے اٹارنی جنرل یقین دہانی کروا چکے ہیں، مقدمہ سن رہے ہیں فی الحال کسی اور طرف نہ جائیں۔سماعت کے دوران ایڈیشنل اٹارنی جنرل نے سماعت ملتوی کرنے کی استدعا کرتے ہوئے مؤقف اپنایا کہ وزارت دفاع کے وکیل خواجہ حارث بیمار ہیں، خواجہ حارث کے معدے میں تکلیف ہے اس لئے پیش نہیں ہوسکتے۔بعدازاں عدالت نے ایڈیشنل اٹارنی جنرل کی استدعا منظور کرتے ہوئے کیس کی مزید سماعت 12 دسمبر بروز جمعرات تک ملتوی کر دی۔

سویلنز کاملٹری ٹرائل کیس ،گرفتار ملزمان کو عام جیلوں میں منتقل کرنیکی استدعا مسترد

مقدمہ سن رہے ہیں فی الحال کسی اور طرف نہ جائیں، جسٹس امین الدین خان کے ریمارکس

پاکستان اور جنوبی افریقا کے درمیان 3 ٹی20 میچز کی سیریز کا آغاز آج سے ہوگاپاکستان اور جنوبی افریقا کے درمیان پہلا ٹی ٹوئنٹی میچ آج کھیلا جائے گا  اس دورے میں پاکستان تین ٹی ٹوئنٹی، تین ایک روزہ اور دو ٹیسٹ میچز کھیلے گا۔پاکستان کرکٹ ٹیم آج جنوبی افریقا کے خلاف ٹی ٹوئنٹی سیریز کے پہلے میچ میں ڈربن کے کنگز میڈ اسٹیڈیم میں میدان میں اترے گی۔شاہین فتوحات کا سلسلہ جاری رکھنے کیلئے پرعزم ہیں، جنوبی افریقا کیخلاف ٹی 20 سیریز کیلئے قومی ٹیم کی بھرپور تیاریاں ہیں، پاکستانی ٹیم نے کنگز میڈ اسٹیڈیم میں پریکٹس کی۔پاکستان اور جنوبی افریقا کے درمیان پہلا ٹی ٹوئنٹی میچ آج پاکستانی وقت کے مطابق رات 9 بجے شروع ہو گا اورٹیپمیڈ پراشتہارات کے بغیر ایچ ڈی کوالٹی میں براہ راست دکھایاجائے گا۔پاکستانی وائٹ بال ٹیم کے کپتان محمد رضوان کا میچ سے قبل کہنا ہے کہ ماضی کی کارکردگی اہم نہیں بلکہ حالیہ سیریز میں چیلنج کو قبول کرنا ہماری ترجیح ہے۔پاکستانی ٹیم نے اب تک جنوبی افریقا میں 11 ٹی ٹوئنٹی میچز کھیلے ہیں جن میں سے چھ میں جیت اور پانچ میں ہار کا منہ دیکھنا پڑی۔ ڈربن میں اب تک پاکستان نے کوئی ٹی ٹوئنٹی میچ نہیں کھیلا۔واضح رہے کہ قومی ٹیم کے کپتان محمد رضوان نے اس عزم کا اظہار کیا ہے کہ امید ہے جیسے ٹیم نے آسٹریلیا اور زمبابوے میں پرفارم کیا یہاں بھی پرفارم کرے گی، پاکستان کے نئے کھلاڑیوں میں کافی ٹیلنٹ ہے،اوور سیز سیریز ہمیشہ مشکل ہوتی ہیں۔

پاکستان اور جنوبی افریقا کے درمیان پہلا ٹی ٹوئنٹی میچ آج کھیلا جائے گا

شاہین فتوحات کا سلسلہ جاری رکھنے کیلئے پرعزم، میچ پاکستانی وقت کے مطابق رات9بجے شروع ہوگا

Sarfaraz Ahmed clarifies his stance regarding retirement

Is Sarfaraz Ahmed Retiring from International Cricket?

Former captain and wicket-keeper batsman, Sarfaraz Ahmed became the talk of the town after news of his retirement started making rounds in the media.&nbsp;

The legendary wicket-keeper was caught off-guard during a media interaction related to the Champions T20 Cup where he&rsquo;s serving as the coach of team Dolphins.&nbsp;

&ldquo;Look, as far as my career is concerned. I think I don&rsquo;t need to say anything. Nothing is left. I know what you are waiting for and it will happen soon,&rdquo; Sarfaraz responded.

After giving a statement that clearly showed retirement in the pipeline, Sarfaraz made another media appearance to clarify his previous statement.&nbsp;

Rumors regarding Sarfaraz&rsquo;s retirement heightened further when he was not selected for any format of the Pakistan tour of South Africa.&nbsp;

However, Sarfaraz Ahmed has refuted all rumors suggesting that he&rsquo;s planning to retire.&nbsp;

He stated that he remains actively engaged in playing cricket and is open to grabbing any opportunities that will be presented to him.&nbsp;

Moreover, Sarfaraz reaffirmed his commitment and willingness to play for Pakistan in any position if given another opportunity.

&ldquo;I&rsquo;ve never demanded, &lsquo;I want to bat here or there.&rsquo; If I am given the chance to play for the national team, I will gladly accept it,&rdquo; he added.

Regarding&nbsp;retirement from international cricket, Sarfaraz said: &ldquo;As far as leaving cricket is concerned, that is my personal decision. When I feel that I should quit cricket, I will quit.&rdquo;

Sarfaraz Ahmed made his international cricket debut in 2007 and since then has been a significant part of the Pakistan cricket team.&nbsp;

His most notable achievement came in 2017 when he led Pakistan to its first-ever ICC Men&rsquo;s Champions Trophy title with a stunning 180-run victory over fierce rivals India in the final.

Is Sarfaraz Ahmed Retiring from International Cricket?

Related Post

PAK vs SA: Skipper Rizwan or Politician Rizwan?

South Africa vs Pakistan 1st T20: Slow & Steady Doesn’t Always Win The Race

Is Sarfaraz Ahmed Retiring from International Cricket?

PAK vs SA 1st T20 Live Updates, Playing XI, & Pitch Report

PAK vs SA: Skipper Rizwan or Politician Rizwan?

South Africa vs Pakistan 1st T20: Slow & Steady Doesn’t Always Win The Race

Is Sarfaraz Ahmed Retiring from International Cricket?

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan