Cricket

Entertainment

Football

پی ٹی آئی کے مرکزی سیکرٹری جنرل شیخ وفاص اکرم  نے کہا کہ کس منہ سے موجودہ وزیراعظم اس قوم کا سامنا کریں گے۔پی ٹی آئی کے سیکریٹری اطلاعات شیخ وقاص اکرم اور اپوزیشن لیڈر عمر ایوب نے پشاور میں پریس کانفرنس کرتے ہوئے کہاکہ ہمارے متعدد کارکنان جاں بحق ہوئے، اب تک ہم 12 کی تصدیق کرتے ہیں۔پی ٹی آئی کے مرکزی ترجمان وقاص اکرم شیخ نے اپوزیشن لیڈر عمر ایوب کے ساتھ پریس کانفرنس سے خطاب کرتے ہوئے کہا کہ پاکستان کے احتجاجوں کی تاریخ میں اس قسم کا رویہ نہیں دیکھا۔ اس وقت قوم اور ہر بچہ دکھ اور تکلیف محسوس کررہا ہے ۔ پرامن مظاہرین پر تشدد کیا گیا اور حکومت شواہد چھپانے کی کوشش کررہی ہے۔انہوں نے کہا کہ ہلاکتیں رپورٹ کرنے والوں کو جیل میں ڈالا گیا۔ بہت سے لوگ تاحال لاپتا ہیں اور ہمیں کچھ پتا نہیں۔ کچھ تعداد پولیس دے رہی ہے جب کہ کچھ گرفتار افراد کا ڈیٹا ہم نے اکٹھا کیا ہے۔وقاص اکرم شیخ نے کہا کہ 12 افراد دھرنے میں جاں بحق ہوئے ہیں۔ تعداد زیادہ ہے مگر ہم کنفرم میڈیا کے ساتھ شیئر کررہے ہیں۔ یہ ہمیں میت تک نہیں دے رہے تھے، ورثا کو میت 3 دن بعد دی گئی۔ حکومت شواہد اور میتیں چھپانے کی کوشش کررہی ہے مگر یہ چیزیں چھپ نہیں سکتیں۔پریس کانفرنس میں وقاص اکرم شیخ نے کہا کہ حکومت نام اور ثبوت مانگ رہی ہے۔ اسپتالوں پر دباؤ ڈالا گیا کہ لسٹ میڈیا کے ساتھ شیئر نہ کی جائے۔نہتے لوگوں پر گولیاں چلانے کی اجازت کون سا قانون دیتا ہے؟۔ کس حکومت نے پرامن شہریوں پر گولیاں چلائی ہیں؟۔ ریاستی مشینری کو اپنے لوگوں کے خلاف کیسے استعمال کیا جا سکتا ہے؟۔انہوں نے کہا کہ احتجاج اتنا بڑا گناہ تو نہیں ہے۔ اس کا حق تو آئین دیتا ہے۔ ہمارے کارکن آنسو گیس، ربڑ گولیوں کے لیے تیار تھے، مگر اصل گولیوں کے لیے نہیں۔ جنگ میں تو فوجیوں کو بھی گولیوں سے جان بچانے کی اجازت ہے۔وقاص اکرم شیخ کا کہنا تھا کہ ریاست ماں کی طرح ہوتی ہے، ریاست نے اپنے عوام کے ساتھ کیا کیا؟۔ وزرا کہتے ہیں ایک بھی گولی نہیں چلی تو یہ کس نے چلائی ہیں؟۔ ریاست کے صبر کا پیمانہ کیسے لبریز ہوا؟۔ اس طرح سے تو نفرتیں مزید بڑھیں گی۔ خود حکومتی وزرا کی باتوں میں بہت تضاد ہے۔ترجمان پی ٹی آئی کا کہنا تھا کہ بانی چیئرمین نے ڈی چوک تک جانے کی ہدایت کی تھی۔یہ دہشت گرد نہیں بلکہ سیاسی جماعت کے کارکن تھے۔ یہ دلیر لوگ تھے، انہیں خراج تحسین پیش کرتے ہیں۔انہوں نے کہا کہ خیبرپختونخوا کے وزیراعلیٰ نے بانی چیئرمین کی بیوی کو بچایا ہے تاکہ کل کوئی انہیں پختون ہونے کا طعنہ نہ دے۔ وزیراعلیٰ کی ذمے داری تھی کہ وہ خاتون کی حفاظت کرے، اس لیے وہاں سے واپس آئے۔وزیراعلیٰ کی گاڑی پر فائرنگ کی گئی، ان کی گاڑی کو ہِٹ کیا گیا۔ روکنے کی کوشش کی گئی لیکن سی ایم کی گاڑی کے پی کے میں رُکی۔پی ٹی آئی رہنما کا کہنا تھا کہ ساڑھے 5ہزار لوگوں کو دھرنے سے قبل اٹھایا گیا۔ ہم تمام گرفتار افراد کو سہولیات دیں گے۔ ہزاروں گاڑیاں اسلام آباد میں اب بھی کھڑی ہیں۔ سرکاری وردی میں گلوبٹ ذہن والے لوگ گاڑیوں کو تباہ کررہے ہیں۔ ریاست کی ذمے داری ہمارا تحفظ کرنا ہے مگر یہ تو نقصان پہنچا رہے ہیں۔انہوں نے کہا کہ بلوچستان اسمبلی کی قرار داد ہے کہ پی ٹی آئی پر پابندی عائد کی جائے۔ ہم بھی کے پی اسمبلی میں ن لیگ اور پیپلز پارٹی پر پابندی کی قرارد داد لائیں گے۔ کے پی میں گورنر راج کی باتیں ہو رہی ہیں، پختونخوا کے لوگ ہر سازش کو ناکام بنائیں گے۔اپوزیشن لیڈر عمر ایوب نے کہا کہ تمام متاثرہ افراد کو قانونی کراروائی کا آغاز کرنے کی ہدایت کی جاتی ہے۔ یہ اندھیرے کا دور جلد ختم ہوگا، انہیں اس ظلم کا جواب دینا ہوگا ۔ ہم جوڈیشل انکوائری کا مطالبہ کرتے ہیں۔ ہم وزیراعظم، وزیر داخلہ اور وزیر اطلاعات پر ایف آئی آر درج کرنے کا مطالبہ کرتے ہیں۔ میں پختونخوا کے لوگوں کا شکریہ ادا کرتا ہوں جو بانی چیئرمین کی ہدایت پر ڈی چوک پہنچے۔عمر ایوب نے کہا کہ وزیراعلی کا جو کردار رہا ہے جس طرح انہوں نے احتجاج کو لیڈ کیا علی امین داد کے مستحق ہیں، 8 فروری کو الیکشن نتائج تبدیل کیے گئے موجود حکومت غیر قانونی ہے، پاکستان کے سیکیورٹی اہلکار جو بارڈرز پر جو لڑرہے ہیں وہ قوم کے ہیرو ہیں۔انہوں نے کہا کہ ڈی چوک میں شدید شیلنگ کے ساتھ فائرنگ شروع ہوئی، لیڈر شپ قریبی فائرنگ کی وجہ سے نہیں ٹھہری، فائرنگ کے سامنے کون ٹھہر سکتا ہے؟ نماز پڑھنے والے کو 35 فٹ کنٹینر سے گرانے والے اہلکاروں کے خلاف کاروائی ہونے چاہییے، چیف جسٹس آف پاکستان ڈی چوک میں ہونے والے مواقع کی جوڈیشل انکوائری کرائیں یہ ہمارا مطالبہ ہے، یہ حکومت غلط بنیادوں پر بنی ہے اسے گرایا جانا چاہیے، فورسز اس حکومت کو سپورٹ نہ کریں، ڈی چوک تک پہنچے کا ٹارگٹ ہم نے پورا کیا اور فائرنگ  کے بعد ہم وہاں سے چلے گئے۔وقاص اکرم نے کہا کہ سلمان اکرم راجہ کا استعفی منظور نہیں کیا گیا، وہ کل سیاسی کمیٹی کے اجلاس میں شریک تھے، سلمان اکرم راجہ بطور جی ایس کام کررہے ہیں، پنجاب سے لوگ نہیں نکلے کیونکہ وہاں پر لوگوں کے خلاف کریک ڈاؤن شروع ہوا تھا، پنجاب سے لوگ نہیں نکلے ہم خود بھی دیکھ رہے ہیں کہ کیا وجہ تھے مگر ٹرانسپورٹ بند کی گئی اڈے بند کئے اور لوگوں کے خلاف کاروائی کی گئی۔

اپوزیشن لیڈر نے اسلام آباد میں مظاہرین پر تشدد کی جوڈیشل انکوائری کرانے کا مطالبہ کردیا

حکومت شواہد اور میتیں چھپانے کی کوشش کررہی ہے مگر یہ چیزیں چھپ نہیں سکتیں، پی ٹی آئی رہنمائوں کی پریس کانفرنس

چیمپئنز ٹرافی پاکستان میں ہو گی یا نہیں؟ اس حوالے سے فیصلہ نہ ہو سکا، آئی سی سی کا اجلاس کل تک ملتوی ہو گیا۔آج ہونے والے اجلاس میں آئی سی سی چیمپئنز ٹرافی سے متعلق  بڑے فیصلے کا امکان تھا،مگر آئی سی اجلاس بنا کسی نتیجے کے ہی ختم ہو گیا ہے۔تفصیلات کے مطابق انٹرنیشنل کرکٹ کونسل ( آئی سی سی) نے چیمپئنز ٹرافی بچانے کے لیے پاکستان اور بھارت کے لیے خصوصی ہائبرڈ ماڈل پیش کردیا تاہم ہائبرڈ ماڈل پیش کیے جانے کے فوری بعد اجلاس ملتوی ہوگیا۔میڈیارپورٹس کے مطابق کے مطابق آئی سی سی نے اہم بورڈ اجلاس میں خصوصی ہائبرڈ ماڈل کے تحت پیشکش کی ہے کہ بھارت پاکستان جائے نہ پاکستان بھارت جاکر کھیلے۔پاکستان ہائبر ماڈل پر نہ مانا تو ایونٹ سری لنکا منتقل کرنے کا آپشن موجود ہے۔میڈیارپورٹس کے مطابق ہائبرڈ ماڈل کے معاملے پر پاکستان کرکٹ بورڈ اپنےمؤقف پر قائم رہا، پاکستان نے اپنے مؤقف سے متعلق بریفنگ دی اور اس پر کوئی لچک نہیں دکھائی۔ چیمپئنز ٹرافی سے متعلق قابل قبول فارمولا کل تک سامنے آنےکا امکان ہے۔

چیمپئنز ٹرافی پاکستان میں ہو گی یا نہیں؟ آج بھی فیصلہ نہ ہو سکا، اجلاس کل تک ملتوی

آئی سی سی چیمپئنز ٹرافی کے مقام کے تعین سے متعلق آج ہونے والی آئی سی سی بورڈ میٹنگ میں فیصلہ نہ ہوسکا

اسلام آباد ہائیکورٹ نے سینئر صحافی مطیع اللہ جان کا دو روزہ جسمانی ریمانڈ کا فیصلہ معطل کردیا ہے۔ اس حوالے سے مطیع اللہ جان کی وکیل ایمان مزاری کا کہنا ہے کہ آج ہی مطیع اللہ جان کی ضمانت کی دراخواست دائر کی جائے گی۔چیف جسٹس اسلام آباد ہائیکورٹ جسٹس عامر فاروق اور جسٹس ارباب محمد طاہر نے صحافی مطیع اللہ جان کے دو روزہ جسمانی ریمانڈ کے خلاف درخواست پر سماعت کی ،صدر اسلام آباد ہائیکورٹ بار ایسوسی ایشن ریاست علی آزاد، مطیع اللہ جان کے وکلاء ایمان مزاری اور ہادی علی چٹھہ عدالت کے سامنے پیش ہوئے۔دوران سماعت عدالتی ہدایت پر انسداد دہشت گردی عدالت کا آرڈر پڑھا گیا، ایڈووکیٹ ریاست علی آزاد نے ایف آئی آر بھی عدالت کے سامنے پڑھ کر سنائی۔صدر اسلام آباد ہائیکورٹ بار ریاست علی آزاد نے عدالت کو بتایا کہ ایف آئی آر میں خرید وفروخت کا کوئی ذکر موجود نہیں، دوسرے صحافی کا بیان حلفی بھی موجود ہے ، اس بنیاد پر یہ کیس جھوٹ پر گھڑی بے بنیاد کہانی ہے۔اسلام آباد ہائی کورٹ نے مطیع اللہ جان کا دو روزہ جسمانی ریمانڈ کا انسداد دہشت گردی عدالت کا فیصلہ معطل کرتے ہوئے کہا کہ مطیع اللہ جان کو عدالتی ریمانڈ پر تصور کیا جائے۔دوسری جانب مطیع اللہ جان کی وکیل ایمان مزاری نے کہا ہے کہ مطیع اللہ جان کی درخواست ضمانت آج ہی دائر کی جائے گی۔ واضح رہے کہ صحافی مطیع اللہ جان کا اے ٹی سی کی جانب سے دو روزہ جسمانی ریمانڈ اسلام آباد ہائی کورٹ میں چیلنج کیا گیا تھا۔ قبل ازیں ایڈووکیٹ ایمان مزاری نے مطیع اللہ جان کے جسمانی ریمانڈ کے خلاف درخواست دائر کی جس میں مؤقف اپنایا کہ مطیع اللہ جان کو جھوٹے اور من گھڑت مقدمے میں گرفتار کیا گیا۔ہماری استدعا ہے کہ جسمانی ریمانڈ کے خلاف درخواست پر سماعت آج ہی ہو ۔

اسلام آباد ہائیکورٹ نے صحافی مطیع اللہ جان کا جسمانی ریمانڈ معطل کردیا

ایڈووکیٹ ایمان مزاری نے صحافی مطیع اللہ جان کے جسمانی ریمانڈ کے خلاف درخواست دائر کی تھی

وزیرِ اعلیٰ خیبر پختون خوا علی امین گنڈاپور نے کہا ہے کہ آج خیبر پختون خوا اسمبلی میں خطاب کروں گا، جو کچھ ہوا، مستقبل میں کیا کرنا ہے، سب خطاب میں بتاؤں گا۔تفصیلات کے مطابق  وزیراعلیٰ خیبرپختونخواہ علی امین گنڈاپور نے کہا ہے کہ آگے کیا کرنا ہے اس کا اعلان آج کرونگا،میرے اور بشریٰ بی بی کے درمیان کوئی اختلافات نہیں ہیں، اور اختلافات کی خبریں محض پروپیگنڈہ ہیں، آج صوبائی اسمبلی سے خطاب کرونگا اور جو کچھ ہوا سب بتاوں گا،اپنے بیان میں وزیراعلیٰ خیبرپختونخواہ کا کہنا ہے کہ ہمارے خلاف بے بنیاد مقدمات درج کئے گئے ہیں ہمارا مقصد بانی پی ٹی آئی عمران خان کی رہائی ہے۔علی امین گنڈا پور نے اپنے اور بانی پی ٹی آئی کی اہلیہ کے درمیان اختلاقات کی خبروں کی تردید کرتے ہوئے کہا کہ اس میں کوئی حقیقت نہیں ہے ۔میرے اور بشریٰ بی بی کے درمیان کوئی اختلافات نہیں ہیں۔واضح رہے کہ گزشتہ روز پاکستان تحریک انصاف کی کور کمیٹی کا اجلاس ہوا جس میں اسلام آباد میں احتجاج اور دھرنے میں کوتاہیوں کا جائزہ لیاگیاتھا۔پی ٹی آئی کور کمیٹی کے اجلاس کی اندرونی کہانی میں یہ بات سامنے آئی تھی کہ اجلاس کے دوران علی امین گنڈاپور اور بشریٰ بی بی کے درمیان تلخ کلامی ہوئی تھی۔

مستقبل میں کیا کرنا ہے؟ آج صوبائی اسمبلی سے خطاب میں بتاؤں گا، علی امین گنڈاپور

جو کچھ ہوا سب بتاوں گا، علی امین گنڈا پور نے اپنے اور بشریٰ بی بی کے درمیان اختلاقات کی خبروں کی تردید کردی

آسٹریلیا میں ایوان نمائندگان کے بعد سینیٹ میں بھی 16 سال سے کم عمر بچوں کے سوشل میڈیا کے استعمال پر پابندی کا بل منظور کرلیا گیا۔تفصیلات کے مطابق سخت ترین فیصلہ کرتے ہوئے آسٹریلیا نے 16سال سے کم عمر بچوں کے لیے سوشل میڈیا استعمال کرنے پر پابندی عائد کرنے کی منظوری دے دی۔ملک میں سوشل میڈیا پر پابندی کی جذباتی بحث کافی عرصے سے جاری تھی، جس کے بعد آسٹریلوی حکام نے جمعرات کو اس فیصلے کی منظوری دی ہے، اس کے ساتھ ہی آسٹریلیا نے سوشل میڈیا پر سخت ترین ضابطوں کے حوالے سے دنیا بھرمیں ایک معیار بھی قائم کردیا ہے۔قانون کے تحت انسٹاگرام اور فیس بک سے لے کر ٹک ٹوک تک بڑی ٹیکنالوجیکل کمپنیز اس بات کی پابند ہوں گی کہ وہ وہ نابالغوں کو لاگ ان کرنے سے روکیںعالمی خبر رساں ادارے کے مطابق آسٹریلوی پارلیمان میں 102 ارکان نے 16 سال سے کم عمر بچوں کے سوشل میڈیا کے استعمال پر پابندی کے بل کے حق میں ووٹ دیا جب کہ صرف 13 نے مخالفت کی۔بی بی سی کے مطابق پارلیمان کے بعد آسٹریلوی آئین کے تحت بل کو سینیٹ میں پیش کیا گیا جہاں 19 کے مقابلے میں 34 ووٹس سے بل منظور کرالیا گیا۔سینیٹ سے منظوری کے بعد اب ایک سال کے اندر اندر بچوں کو سوشل میڈیا سے دور رکھنے کے لیے سیکیورٹی نظام وضع کیا جائے گا۔سوشل میڈیا پلیٹ فارم کو بھی پابند کیا گیا ہے کہ وہ اپنی سائٹس کو 16 سال سے کم عمر کے بچوں کو استعمال میں نہ آنے دیں۔خلاف ورزی کی صورت میں سوشل میڈیا پلیٹ فارم کو 3 کروڑ اور 25 لاکھ امریکی ڈالر تک جرمانہ ہوسکتا ہے۔اے پی کے مطابق جن سوشل میڈیا پلیٹس فارمز پر پابندی عائد ہوسکتی ہیں ان میں فیس بک، ٹک ٹاک، اسنیپ چیٹ، ریڈٹ، ایکس اور انسٹاگرام شامل ہوسکتے ہیں۔ماہرین کا کہنا ہے کہ یوٹیوب سمیت مسیجنگ اور گیمنگ ایپس پر پابندی مشکل کام ہے کیوں کہ انھیں اکاؤنٹ بنائے بغیر استعمال کیا جا سکتا ہے۔ماہرین کا کہنا ہے کہ جن سوشل میڈیا پلیٹ فارمز پر پابندی لگائی جارہی ہیں انھیں بآسانی دستیاب وی پی این کے ذریعے بچے استعمال کرسکتے ہیں۔گوگل، اسنیپ چیٹ سمیت سوشل میڈیا پلیٹ فارمز نے اس پابندی اور بھاری جرمانے پر تشویش کا اظہار کیا ہے۔دوسری جانب آسٹریلیا کا کہنا ہے کہ یہ بل بہت سوچ سمجھ کر اور اپنی نسلوں کو محفوظ بنانے کے لیے منظور کیا گیا ہے۔ وی پی این سمیت دیگر رکاوٹوں کا حل بھی نکالیں گے۔ ادھر آسٹریلوی ارکان اسمبلی کا کہنا ہے کہ اس بل پر عمل درآمد کے لیے اساتذہ، والدین اور معاشرے کے ہر فرد کو بھی اپنا کردار ادا کرنا ہوگا۔واضح رہے کہ سوشل میڈیا پر پابندی کے حوالے سے یہ آسٹریلیا کا اپنی نوعیت کا پہلا بل ہے۔

آسٹریلیا میں 16 سال سے کم عمر بچوں کے سوشل میڈیا استعمال پر پابندی کاقانون منظور

اگرسوشل میڈیا کمپنیاںنابالغوں کو ایسا کرنے سے نہیں روکتیں توان پرکروڑوں ڈالر جرمانہ ہوگا

بانی پی ٹی آئی عمران خان اور بشریٰ بی بی کے خلاف توشہ خانہ ٹو کیس میں فرد جرم کی کارروائی ایک بار پھر موخر ہو گئی۔اسپیشل جج سنٹرل شاہ رخ ارجمند نے جوڈیشل کمپلیکس اسلام آباد میں ہی بانی پی ٹی آئی عمران خان اور ان کی اہلیہ بشریٰ بی بی کیخلاف توشہ خانہ ٹو کیس کی سماعت کی۔عمران خان اور بشریٰ بی بی کیخلاف توشہ خانہ ٹو کیس کی سماعت بغیر کسی کارروائی کے 3 دسمبر تک ملتوی کر دی گئی، عدالت نے آج ملزمان کو فرد جرم عائد کرنے کیلئے طلب کر رکھا تھا۔

بانی پی ٹی آئی عمران خان اور بشری بی بی پر فرد جرم عائد کرنے کی کارروائی پھر مؤخر

عدالت کی جانب سےتوشہ خانہ ٹو کیس کی سماعت بغیر کارروائی کے 3 دسمبر تک ملتوی کردی گئی

آئی سی سی بورڈ ممبران کااجلاس آج ہوگا۔اجلاس میں آئی سی سی چیمپئنز ٹرافی سے متعلق آج بڑے فیصلے کا امکان ہے، دوسری جانب چیئرمین پی سی بی کا بھی دو ٹوک مؤقف ہے کہ ہائبرڈ ماڈل کسی بھی صورت قابل قبول نہیں، چیمپئنز ٹرافی کے انعقاد پر ہمارا اصولی مؤقف ہے۔تفصیلات کے مطابق آئی سی سی بورڈ میٹنگ میں آج طے کیا جائے گا کہ چیمپئنز ٹرافی پاکستان میں ہوگی یا نہیں یا پھر ٹورنامنٹ ہوگا بھی یا نہیں۔ میٹنگ میں آج یہ بھی واضح ہوجائے گا کہ آئی سی سی پاکستان کی بات مانے گا یا بھارت کی حمایت کرے گا۔ پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) کوآج کے اجلاس سے قبل چیمپیئنز ٹرافی 2025 کے لیے ہائبرڈ ہوسٹنگ ماڈل کو مسترد کرنے کے حتمی فیصلے سے باضابطہ طور پرآگاہ کردیا ہے۔میڈیا رپورٹس کے مطابق آئی سی سی بورڈ آف ڈائریکٹرز کے اجلاس سے قبل ’پی سی بی‘ نے اپنے مؤقف کا اعادہ کیا ہے اور کرکٹ کی عالمی باڈی کو دوٹوک بتا دیا ہے کہ پاکستان آئی سی سی چیمپیئنز ٹرافی کی میزبانی کے لیے ملنے والے حقوق کسی دوسرے ملک کے ساتھ قطعاً شیئر کرنے کے لیے تیار نہیں ہے۔آئی سی سی کے عہدیداروں کو چیئرمین پی سی بی نے پاکستان کے واضح مؤقف سے آگاہ کر دیا اور دوٹوک پیغام دیا کہ پاکستان اپنے مؤقف پر واضح انداز میں کھڑا ہے۔محسن نقوی نے آئی سی سی کو پیغام میں کہا کہ ہم زخم سہہ لیں گے لیکن ہم اپنی بےعزتی نہیں کرائیں گے۔خیال رہے کہ پی سی بی نے اس سے قبل بھی آئی سی سی کو واضح کردیا تھا کہ چمپیئنز ٹرافی کی میزبانی میں کسی دوسرے ملک کو شریک نہیں بنائیں گے۔ پاکستان کرکٹ بورڈ (پی سی بی) نے آئی سی سی کو دوٹوک بتا دیا ہے کہ ایسا کس طرح قابل قبول ہو سکتا ہے کہ پاکستانی ٹیم تو میچ کھیلنے کے لیے بھارت کا دورہ کرے جبکہ بھارتی ٹیم پاکستان آنے سے انکار کرتی ہے۔واضح رہے کہ چیمپیئنز ٹرافی فروری، مارچ 2025 میں پاکستان میں ہونا شیڈول ہے لیکن بھارت کی جانب سے اپنی ٹیم کو پاکستان بھیجنے سے انکار کے باعث ٹورنامنٹ کے انعقاد کے حوالے سے غیر یقینی صورتحال پیدا کردی ہے۔ پی سی بی نے ہائبرڈ ماڈل کے خیال کو بار بار مسترد کرتے ہوئے منصوبہ بندی کے مطابق ایونٹ کی میزبانی پاکستان میں کرنے پر زور دیا ہے۔توقع ہے کہ آئی سی سی آج  بورڈ کے اجلاس میں ان خدشات کو دور کرے گی ۔

چیمپئنز ٹرافی پاکستان میں ہوگی یا نہیں؟ آئی سی سی بورڈ میٹنگ میں فیصلہ آج ہوگا

ہم زخم سہہ لیں گے اپنی بے عزتی نہیں کرائیں گے، پی سی بی کا آئی سی سی کو دو ٹوک جواب

اسٹیٹ بینک آف پاکستان کو ایشیائی ترقیاتی بینک کی جانب سے 500 ملین ڈالر کا قرض موصول ہوگیا۔اسٹیٹ بینک آف پاکستان کے مطابق رقم ایشیائی ترقیاتی بینک کی جانب سے موسمیاتی تبدیلیوں کی تباہ کاریوں سے نمٹنے کیلئے بھیجی گئی۔اسٹیٹ بینک کا کہنا ہے کہ ایشیائی ترقیاتی بینک سے 500ملین ڈالرکی آمد سے رواں ہفتے کے اختتام پر زرمبادلہ کے ذخائر میں مزید اضافہ ہوگا۔

ایشیائی ترقیاتی بینک کی طرف سے پاکستان کو 50 کروڑ ڈالرموصول ہوگئے

پاکستان کو یہ قرض موسمیاتی تبدیلی اور آفات سے نمٹنے کے پروگرام کے تحت دیا گیا،اسٹیٹ بینک آف پاکستان

جمعیت علمائے اسلام (ف) کے سربراہ مولانا فضل الرحمان نے کہا ہےکہ ہم اس ملک میں غلامی کی زندگی گزار رہے ہیں،یہ ملک ہمارا ہے،اس ملک کے کچھ تقاضے ہیں،اسلام امن کا پیغام دیتا ہے،انسان کے جان و مال کے حقوق کا تحفظ کرتا ہے،ستتر سال سے جو قوتیں پاکستان پر مسلط ہیں انہیں گریبان میں جھانکنا چاہئے۔ سکھر میں سندھ باب السلام کانفرنس سے خطاب کرتے ہوئےفضل الرحمٰن نےکہا ہے کہ اسٹیبلشمنٹ، مفاد پرست سیاستدان راستے سے ہٹ جائیں اور ناکامی تسلیم کریں۔ انہوں نے کہا کہ 77 سال سے جو قوتیں پاکستان پر مسلط ہیں ان کو گریبان میں جھانکنا چاہیے، پاکستان کی اسٹیبلشمنٹ، مفاد پرست سیاست دانوں اور بیورو کریسی کو کہنا چاہتا ہوں آپ کے بس میں ملک کی خوشحالی نہیں، آپ راستے سے ہٹ جائیں اور اپنی ناکامی کو تسلیم کریں۔انہوں نے کہا کہ اداروں کی طاقت کو غلط استعمال کیا جا رہا ہے، غلط حکمرانی کی وجہ سے ملک میں قدم قدم پر اضطراب ہے، خون بہہ رہا ہے اور وسائل پر قبضہ کیا جارہا ہے۔مولانا فضل الرحمٰن کا کہنا تھا کہ تمام صوبوں پر اس کی عوام کا حق ہے، کسی کو یہ حق حاصل نہیں کہ وہ وہاں کے وسائل پر جبراً قبضہ کرے، ہم نہ اپنے بچوں کا حق کسی کو دینا چاہتے ہیں اور نہ ہی کسی کا حق چھیننا چاہتے ہیں۔سربراہ جے یو آئی (ف) نے کہا کہ پاکستان کو انارکی کی طرف دھکیلا جارہا ہے، عوام آئین اور قانون کا احترام کرتی ہے لیکن اگر ملک میں قانون پر حکمرانوں کی جانب سے عمل درآمد نہیں تو پھر قوم بھی اس کی پابند ہونے کی مجاز نہیں۔سربراہ مولانا فضل الرحمٰن نے کہا ہے کہ موجودہ اسمبلیاں عوام کی منتخب اسمبلیاں نہیں ہیں، بلکہ ان کے پیچھے ایک خاص ایجنڈا ہوتا ہے۔ انہوں نے واضح کیا کہ ہر اسمبلی کے حوالے سے طے کیا جاتا ہے کہ کس طرح کی قانون سازی اور ترامیم پاس کی جائیں گی۔مولانا فضل الرحمٰن نے موجودہ پارلیمنٹ پر تنقید کرتے ہوئے کہا کہ ”حکمرانوں اور ان کے پیچھے کھڑی طاقتور قوتوں نے آئین کا حلیہ بگاڑنے کا سوچا ہے۔“ انہوں نے ماضی کے آمرانہ دور کا حوالہ دیتے ہوئے کہا کہ آئین کا مذاق اڑایا گیا، جس کی تلافی 18 ویں ترمیم کے ذریعے کی گئی۔ تاہم، اب 26 ویں ترمیم کے ذریعے اس محنت پر پانی پھیرنے کی کوشش کی جا رہی ہے۔انہوں نے مزید کہا کہ ”جمعیت علمائے اسلام کے ساتھ ظلم کیا گیا“ اور قومی اسمبلی میں ان کی 16 سیٹوں کو 8 میں تبدیل کر دیا گیا۔ یہ اقدام صرف اس وجہ سے کیا گیا کیونکہ جے یو آئی (ف) والے غیر آئینی کاموں کی راہ میں رکاوٹ بنتے ہیں۔مولانا نے کہا کہ انہیں ایسا مسودہ دیا گیا جو آئینی ترمیم نہیں، بلکہ ”ایک ایسا کالا ناگ“ تھا جس میں بنیادی انسانی حقوق پامال کیے گئے اور عدلیہ کا بیڑا غرق کیا گیا۔ انہوں نے مزید وضاحت کی کہ ایک ماہ کی محنت کے بعد 56 شقوں والے مسودے کو ایک قابل قبول شکل میں تبدیل کیا گیا۔ فضل الرحمان نے مزیدکہاکہ اسلام آباد میں جو کچھ ہوا، مجھے کسی پارٹی کے فیصلے سے غرض نہیں، وہ اپنے فیصلے کے خود ذمہ دار ہیں، اگر مشورہ لیں گے تو دیانت سے مشورہ دیں گے۔انہوں نے کہا کہ تم نے جے یو آئی کا مینڈیٹ چرایا، حالات پر قابو نہیں پاسکے، بلوچستان، خیبر پختونخوا کی صورتحال خطرناک ہے، امن قائم رکھنا وہاں کے حکمرانوں کے بس کی بات نہیں رہی۔ مولانا فضل الرحمان نے یہ بھی کہا کہ مدارس کی آزادی و حریت ہمارا نصب العین ہے،  چھبیسویں ترمیم پر ہم نے اس بل کو پاس کرنے کا کہا، اتفاق رائے ہوا، زرداری نے سب پر دستخط کر دیے مگر مدارس کے بل پر دستخط نہیں کیے، جس بل پر دستخط کیے ہیں اس پر اتفاق نہیں ہوا، وہ آئین کی روح کے خلاف ہے، ایک طرف اتفاق رائے کیا دوسری طرف حقوق غضب کرنے کی کوشش کی۔

حکمرانوں اور ان کے پیچھے کھڑی طاقتور قوتوں نے آئین کا حلیہ بگاڑنے کا سوچا ہے،فضل الرحمان

اسٹیبلشمنٹ، مفاد پرست سیاستدان راستے سے ہٹ جائیں اور ناکامی تسلیم کریں، سربراہ جے یو آئی

قومی احتساب بیورو (نیب) نے بانی پاکستان تحریک انصاف کی اہلیہ بشریٰ بی بی کو گرفتار کرنے کا فیصلہ کرلیا۔میڈیارپورٹس کے مطابق نیب راولپنڈی کی ٹیم کو خیبر پختونخوا بھجوادیا گیا ہے،بشریٰ بی بی کے خلاف 190 ملین پاؤنڈ کے کیس میں وارنٹ گرفتاری جاری کیے گئے ہیں، اور انہیں اسی وارنٹ کی بنیاد پر گرفتار کیا جائے گا۔ذرائع کا کہنا ہے کہ نیب ٹیم 3 روز قبل بھی خیبر پختونخوا میں بشریٰ بی بی کی گرفتاری کی کوشش کرتی رہی، آج دوبارہ سے نیب کی ٹیم گرفتاری کیلئے تشکیل دی گئی۔نیب خیبر پختونخوا کو بھی ٹیم سے مکمل تعاون کی ہدایت جاری کی گئی ہے، بشریٰ بی بی کی گرفتاری کیلئے نیب خیبر پختونخوا پولیس کی بھی مدد لے گی۔ یاد رہے کہ 22 نومبر کو راولپنڈی کی احتساب عدالت نے 190 ملین پاؤنڈ ریفرنس میں بشریٰ بی بی کے ناقابلِ ضمانت وارنٹ گرفتاری جاری کیے تھے جو عدالت نے آج بھی برقرار رکھے ہیں۔کیس کی سماعت احتساب عدالت کے جج ناصر جاوید رانا نے کی تھی۔ عدالت نے بشریٰ بی بی کے ضامن کو بھی شوکاز جاری کیا تھا جبکہ بانی پی ٹی آئی کو بھی 19 ملین پاؤنڈز کیس میں عدالت میں پیش کیا گیا تھا۔سابق خاتون اوّل کو وارنٹ گرفتاری مسلسل عدم حاضری کے باعث جاری کیے گئے تھے۔ عدالت نے نیب کو ملزمہ کو گرفتار کر کے 26 نومبر کو پیش کرنے کی ہدایت کی تھی۔

بشریٰ بی بی کو گرفتار کرنے کیلئےنیب ٹیم خیبر پختونخوا بھجوا دی گئی

بانی پی ٹی آئی کی اہلیہ کیخلاف 190 ملین پاؤنڈ کے کیس میں وارنٹ گرفتاری جاری کیے گئے ہیں

تیسرے اور آخری ایک روزہ میچ میں پاکستان نے زمبابوے کو 99 رنز سے شکست دے کر سیریز  1-2 سےجیت لی۔بلاوائیو میں کھیلے گئے میچ میں پاکستان نے زمبابوے کے خلاف ٹاس جیت کر بیٹنگ کا فیصلہ کیا، قومی ٹیم نے مقررہ 50 اوورز میں6 وکٹوں کے نقصان پر 303 رنز اسکور کیے۔304 رنز کے ہدف کے جواب میں میزبان ٹیم 41 ویں اوور میں 204 رنز  بنا کر آؤٹ ہوگئی۔قبل ازیں بلاوائیو میں ہونیوالے ون ڈے سیریز کے آخری اور فیصلہ کن میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 6 وکٹوں کے نقصان پر 303 رنز بنائے۔پاکستان کی جانب سے اننگز کا آغاز صائم ایوب اور عبداللہ شفیق نے کیا تاہم 58 رنز کے مجموعی اسکور پر صائم ایوب 31 رنز بناکر آؤٹ ہوگئے جبکہ عبداللہ شفیق 50 رنز بنا کر پویلین لوٹ گئے۔پاکستان کی جانب سے کامران غلام نے ذمہ دارانہ بیٹنگ کا مظاہرہ کرتے ہوئے 103 رنز کی شاندار اننگز کھیلی، کپتان محمد رضوان نے 37، سلمان آغا نے اور عرفان خان نے تین رنز بنائے جبکہ طیب طاہر 29 اور عامر جمال 5 رنز کیساتھ ناقابل شکست رہے۔ زمبابوے کی جانب سے سکندر رضا اور رچرڈ نگروا نے 2، 2 جبکہ فراز اکرم اور بلیسنگ مزاربانی نے ایک ایک وکٹ حاصل کی۔ہدف کے تعاقب میں زمبابوے کی ٹیم 41 ویں اوور میں 204 رنز بنا کر آؤٹ ہوگئی۔زمبابوے کی جانب سے کپتان کریگ اروائن 51 رنز بنا کر نمایاں رہے۔ برائن بینیٹ 37، شان ولیمز 24، ٹیڈیوناشے مارومانی 24، کلائیو مداندے 20، رچرڈ نگاروا 17، سکندر رضا 16، فراز اکرم 5، جوئے لورڈ گمبی 5 اور ڈائن مائرز 4 رنز بنا کر آؤٹ ہوئے۔پاکستان کی جانب سے عامر جمال، حارث رؤف، ابرار احمد اور صائم ایوب نے دو، دو جبکہ کامران غلام اور فیصل اکرم نے ایک، ایک کھلاڑی کو آؤٹ کیا۔

پاکستان نے زمبابوے کوتیسرے ون ڈے میں 99 رنزسےہرا کرسیریز جیت لی

پاکستان کے304 رنز کے ہدف کے جواب میں زمبابوے 41 ویں اوور میں 204 رنز  بنا کر آؤٹ ہوگئی

پاکستان تحریک انصاف کے رہنما سلمان اکرم راجہ نے پارٹی عہدے سے استعفیٰ دے دیا۔میڈیارپورٹس کے مطابق سلمان اکرام راجہ نے پی ٹی آئی سیکریٹری جنرل کے عہدے سے استعفیٰ دیا ہے جس کی تصدیق چیئرمین پی ٹی آئی بیرسٹر گوہر نے بھی کردی ہے۔سلمان اکرم راجہ نے مستعفی ہونے سے متعلق چیئرمین بیرسٹر گوہر علی کو آگاہ کیا، انہوں نے کہا کہ ذاتی وجوہات کی بنا پر عہدے پر مزید کام نہیں کر سکتا۔چیئرمین پی ٹی آئی بیرسٹر گوہر نے سلمان اکرم راجہ کا استعفیٰ منظور کرنے سے انکار کر دیا، بیرسٹر گوہر نے سلمان اکرم کو کام جاری رکھنے کا کہا۔بیرسٹر گوہر کا کہنا تھا کہ نہ بانی نے، نہ کسی اور نے آپ سے استعفیٰ کا تقاضا کیا، میں خود بھی مستعفی نہیں ہو رہا،رپورٹس کے مطابق پارٹی نے بھی سلمان اکرم راجہ کو استعفیٰ دینے سے منع کیا ہے۔سلمان اکرم راجہ کے استعفیٰ کی حتمی منظوری بانی پی ٹی آئی دیں گے،سلمان اکرم راجہ کے استعفیٰ کا معاملہ سیاسی کمیٹی میں رکھا جائے گا۔ حالیہ سیاسی صورتحال اور پی ٹی آئی کی سیاسی قیادت پر تنقید کی گئی تھی۔پارٹی رہنماؤں کی جانب سے بیرسٹر گوہر اور سلمان اکرم راجہ کو شدید تنقید کا نشانہ بنایا گیا تھا۔واضح رہے کہ لاہور میں پی ٹی آئی احتجاج میں نقائص سامنے آنے اور مسلسل تنقید کے بعد سلمان اکرم راجہ نے استعفی دیا، سلمان اکرم راجہ کو لاہور سے قافلہ لے کر اسلام آباد جانے کی ذمہ داری سونپی گئی تھی، راستے بند ہونے کے بعد سلمان اکرم راجہ کی جانب سے لاہور میں ہی احتجاج کا پلان بنایا گیا تھا جب کہ سلمان اکرم راجہ لاہور میں بھی ورکرز کو نکالنے میں ناکام رہے تھے۔سلمان اکرم راجہ نے ایک روز قبل ویڈیو پیغام جاری کیا تھا جس میں وہ معاملات کو لے کر رنجیدہ دکھائی دے رہے تھے اور کارکنان کی جانب سے ان کی دی ہوئی وضاحت کو تسلیم نہیں کیا جارہا تھا۔

سلمان اکرم راجہ نے سیکرٹری جنرل پی ٹی آئی کے عہدے سے استعفیٰ دے دیا

چیئرمین پی ٹی آئی بیرسٹر گوہر نے استعفیٰ کی مخالفت کردی، استعفیٰ کا معاملہ سیاسی کمیٹی میں رکھا جائے گا

پاکستان کے صوبہ خیبر پختونخوا اور آزاد کشمیر کے دارلحکومت مظفرآباد میں زلزلے کے جھٹکے محسوس کیے گئے ہیں، پشاور، مالا کنڈ، سوات، مانسہرہ سمیت ان سے منسلک دیگرعلاقوں میں زلزلے کے جھٹکے محسوس کیے گئے ہیں۔ اس کے علاوہ آزاد کشمیر کے دارالحکومت مظفر آباد میں بھی جھٹکے محسوس کیے جانے کی اطلاعات ہیں۔زلزلے سے لوگوں میں خوف و ہراس پھیل گیا۔ لوگ کلمہ طیبہ کا ورد کرتے ہوئے گھروں سے باہر نکل آئے۔ ریکٹر اسکیل پر شدت5.2بتائی جارہی ہے۔زلزلہ پیما مرکز کے مطابق زلزلے کی شدت 5.2 ریکارڈ کی گئی اور گہرائی 212 کلومیٹر تھی جبکہ زلزلے کا مرکز افغانستان اور تاجکستان کا سرحدی علاقہ ہے۔زلزلے سے تاحال کسی جانی و مالی نقصان کی اطلاعات موصول نہیں ہوئی ہیں۔

خیبرپختونخوا کے مختلف علاقوں میں 5.2 شدت کا زلزلہ، لوگ گھروں سے باہر نکل آئے

زلزلہ پیما مرکز کے مطابق زلزلے کی شدت 5.2 ریکارڈ کی گئی اور گہرائی 212 کلومیٹر تھی

عالمی جریدے دی گارڈین کی جانب سے دعویٰ کیا گیا ہے کہ پی ٹی آئی مظاہرین کیخلاف ہونے والے کریک ڈائون میں 17 سویلیں جاں بحق ہوئے۔ تفصیلات کے مطابق اسلام آباد میں پاکستان تحریک انصاف (پی ٹی آئی) کے احتجاج کے دوران مبینہ ہلاکتوں کی تعداد کے حوالے سے حکومت اور پی ٹی آئی کے درمیان تنازع کھڑا ہوچکا ہے۔وزیر داخلہ محسن نقوی اور وزیر برائے اطلاعات و نشریات عطا اللہ تارڑ سرے سے ہلاکتوں کی ہی تردید کرتے نظر آرہے ہیں۔وفاقی وزیر داخلہ محسن نقوی نے تحریک انصاف کو چیلنج دیا ہے کہ اگر منگل کو اسلام آباد میں آپریشن کے دوران پی ٹی آئی کا کوئی ایک کارکن بھی مرا ہے تو بتایا جائے۔جبکہ پی ٹی آئی کے سیکریٹری جنرل سلمان اکرم راجہ نے دعویٰ کیا تھا کہ منگل کو پارٹی کے احتجاج میں 20 افراد جاں بحق ہوئے۔سوشل میڈیا پر جاری بیان میں سلمان اکرم راجہ نے الزام لگایا کہ اسپتالوں میں زیرعلاج پی ٹی آئی کارکنوں تک رسائی نہیں دی جارہی۔دوسری جانب عالمی جریدے دی گارڈین کی رپورٹ کی رپورٹ سامنے آئی ہے جس میں دعویٰ کیا گیا ہے کہ سرکاری ذرائع کے مطابق فائرنگ کے نتیجے میں 17 افراد جاں بحق اور سینکڑوں زخمی ہوئے۔ دی گارڈین کے مطابق ہمارے نمائندے نے گولیوں لگنے سے زخمی ہونے والے 5 افراد کو خود ہسپتال میں دیکھا، اسلام آباد کے ہسپتالوں کے ڈاکٹرز کی جانب سے بھی بتایا گیا کہ انہوں نے درجنوں ایسے افراد کا علاج کیا جنہیں گولیاں لگیں۔ حفاظت کی خاطر نام نہ بتانے کی شرط پر اسلام آباد کے ایک ہسپتال کے ایک ڈاکٹر نے بتایا اموات کو چھپانے کی کوشش کی گئی ہے، تمام جاں بحق اور زخمی افراد کے ریکارڈ حکام نے ضبط کر لیے ہیں۔ ہمیں بات کرنے کی اجازت نہیں ہے۔ اعلیٰ حکومتی افسران اسپتال کا دورہ کر رہے ہیں تاکہ ریکارڈ چھپایا جا سکے۔ دوسری جانب سینئر صحافی حامد نے بھی وائس آف امریکا سے خصوصی گفتگو کرتے ہوئے تحریک انصاف کے احتجاج کیخلاف ہونے والے کریک ڈاون سے متعلق اہم انکشافات کیے۔ حامد میر نے بتایا کہ 26 نومبر کو جب تحریک انصاف کے مظاہرین ڈی چوک پہنچ گئے تو وہاں کنٹینرز پر موجود رینجرز اہلکاروں نے سلام کیا اور وہاں سے اسلحہ اٹھا کر چلے گئے۔ تب سوشل میڈیا پر دنیا تک خبریں پہنچیں کہ پی ٹی آئی والوں نے ڈی چوک پر قبضہ کر لیا، لیکن پاکستانی میڈیا پر یہ خبریں نہیں چلیں، اس کا مطلب ہے کہ میڈیا دبائومیں تھا اور سے حقائق رپورٹ کرنے کی اجازت نہیں تھی۔ حامد میر نے مزید انکشاف کیا کہ 3 ساڑھے 3 گھنٹے اتنی شدید فائرنگ اور شیلنگ کی گئی جو میں نے اسلام آباد کی تاریخ میں پہلے کبھی نہیں دیکھی۔ مجھے ایسے لگ رہا تھا جیسے افغانستان، لبنان یا فلسطین میں ہوں۔ میڈیا کی ساکھ تباہ ہو گئی میڈیا کو حقائق رپورٹ کرنے کی اجازت نہیں مل رہی تھی۔ ریاستی ادارے جن کے بارے میں ہم بڑا فخر کرتے ہیں کہ کا ڈسپلن بڑا مثالی ہے، میرے سامنے کی بات ہے کہ پی ٹی آئی والے جب ڈی چوک پہنچے تو رینجرز والے سلام کر کے وہاں سے چلے گئے تھے، بعد وہاں کوئی اور فورس آئی جس نے آ کر فائرنگ کی، میرے سامنے گولیاں چلائی گئیں۔ افسوسناک بات ہے کہ رینجرز کے جوان شہید ہوئے، پولیس والے اور عام لوگ بھی شہید ہوئے۔ حامد میر نے کہا کہ کریک ڈائون کے بعد کچھ نوجوان سے مجھ سے بات کی کہ ہم دوبارہ واپس آئیں گے، جو کچھ ہمارے ساتھ کیا گیا وہی کچھ ہم بھی کریں گے۔ تحریک انصاف کے ورکز بہت چارجڈ تھے جو چاروں صوبے سے آئے ان کی اکثریت غیر مسلح تھی۔ ان لوگوں کے پاس کوئی اسلحہ نہیں بلکہ ہاتھوں میں پانی کی بوتلیں یا کچھ کے پاس غلیلیں تھیں۔ کل جو کچھ ہوا اس سے خدشہ ہے کہ کچھ لوگ پارٹی چھوڑ کر شدت پسندی کی جانب جا سکتے ہیں۔ اس دن سے ڈریں جب ان لوگوں میں سے ایک یا 2 فیصد نے بھی وہی کچھ کرنے کا فیصلہ کر لیا جو کل ان کے ساتھ کیا گیا۔ اس لیے حکومت کے وزراء جو بڑی باتیں کر رہے ہیں وہ تاریخ سے سبق سیکھیں۔ حامد میر نے مزید کہا کہ آنے والے دنوں میں مجھے مزید مسائل نظر آ رہے ہیں۔ 26 نومبر کو گولیاں چلیں اور لوگ واپس چلے گئے، لیکن مجھے لگتا ہے یہ لوگ واپس آئیں گے، کیسے آئیں گے یہ نہیں معلوم لیکن بہتر ہے حکومت اور ریاستی ادارے ضد چھوڑ دیں اور مذاکرات کریں۔علاوہ ازیں ڈان اخبار کی رپورٹ کے مطابق عام طور پر کسی دہشت گرد حملے، بڑے حادثے یا قدرتی آفت کے بعد ادارے اور محکمہ صحت کے حکام ہسپتالوں میں زیر علاج افراد اور مرنے والوں کی تعداد کے حوالے سے اعداد و شمار جاری کرتے ہیں، تاہم اس مارچ کے بعد ایسے کوئی اعداد و شمار جاری نہیں کیے گئے۔سوشل میڈیا کے صارفین اور بعض صحافیوں کی جانب سے نامعلوم ذرائع کے حوالے سے احتجاج کے دوران ہلاک افراد کی معلومات اور فہرستیں شیئر کی جارہی ہیں تاہم انکی آزادانہ طور پر تصدیق نہیں کی جاسکی ہے۔

پی ٹی آئی احتجاج، ہلاکتوں کی اصل تعداد کون چُھپا رہا ہے؟ دی گارڈین کی رپورٹ میں بڑا دعویٰ

اعلیٰ حکومتی افسران اسپتال کا دورہ کر رہے ہیں تاکہ ریکارڈ چھپایا جا سکے، عالمی جریدے دی گارڈین کا رپورٹ میں انکشاف

چیئرمین پی سی بی محسن نقوی نے کہا کہ یہ نہیں ہوسکتا کہ پاکستانی ٹیم بھارت جاکر کھیلے اورانڈین ٹیم پاکستان نہ آئے۔چیئرمین پی سی بی محسن نقوی نے قذافی اسٹیڈیم میں میڈیا سے گفتگو کرتے ہوئے کہا کہ اب کرکٹ میں تمام فیصلے برابری کی بنیاد پر ہوں گے، امید ہے چیمپئنز ٹرافی پاکستان میں ہی ہوگی،بورڈمیٹنگ میں جو فیصلہ ہوگا پاکستان کے لیے بیسٹ کرکے نکلیں گے۔ آئی سی سی کے ساتھ مسلسل رابطے میں ہیں، پیسے لے کر ماننے کا سوال ہی پیدا نہیں ہوتا۔انہوں نے کہا کہ چیمپیئنز ٹرافی کے لیے تیاریاں مکمل ہیں، قذافی اسٹیڈیم لاہور انٹرنیشنل اسٹینڈرڈ کا ہوگیا ہے، 10 اکتوبر کو قذافی اسٹیڈیم کا تعمیراتی کام شروع ہوا تھا جو 20 دسمبر تک مکمل کرلیا جائے گا، راولپنڈی اسٹیڈیم کے اسٹرکچر کی رپورٹ تاخیر سے ملی ورنہ اسے بھی نیا اسٹیڈیم بنا دیتے۔واضح رہے کہ آئی سی سی چیمپئنز ٹرافی کے مستقبل پر غور کے لیے انٹرنیشنل کرکٹ کونسل کی بورڈ میٹنگ جمعے کو ہوگی ۔

ایسا نہیں ہوسکتا کہ پاکستان بھارت جاکر کھیلے اور انڈین ٹیم پاکستان نہ آئے، چیئرمین پی سی بی

امید ہے چیمپئنز ٹرافی پاکستان میں ہی ہوگی،آئی سی سی میٹنگ کے دوران پاکستان کیلئےبہترین فیصلہ کرینگے،محسن نقوی

مشہور زمانہ کورین ویب سیریز اسکوئڈ گیم کے سیزن 2 کا سنسنی خیز ٹریلر جاری کر دیا گیا۔اسکوئڈ گیم کے مداحوں کا طویل انتظار ختم کرتے ہوئے میکرز نے سیزن 2 کا شاندار ٹریلر ریلیز کر دیا ہے جس کو ناظرین کی جانب سے بےحد پسند کیا جارہا ہے اور وہ اس کی ریلیز کے منتظر ہیں۔زندگی اور موت کے مقابلوں پر مبنی تجسس سے بھرپور ویب سیریز کے ٹریلر میں سیزن 1 کے مرکزی کردار جی ہن کی اِس جان لیوا کھیل میں واپسی دکھائی گئی ہے۔مشہور جنوبی کورین تھرلر سیریز میں لی جونگ جے، جو سیزن 1 میں ’سیونگ گی ہن‘ المعروف ’پلیئر 456‘کا کردار نبھا رہے تھے، ایک بار پھر جان لیوا گیم جلوہ گر ہوں گے، سیریز کے سیزن 2 کی اس نئی کہانی میں ’گی ہن‘ کا کردار اسکوئڈ گیم کو ختم کرنے اور معصوم جانوں کو بچانے کے لیے پرعزم نظر آتا ہے۔ ٹریلر میں دکھایا گیا ہے کہ وہ ’ریڈ لائٹ، گرین لائٹ‘ گیم کے دوران دوسرے 455 کھلاڑیوں کو بچانے کی کوشش کرتے ہیں لیکن ناکامی کا سامنا کرتے ہیں جب افراتفری پھیل جاتی ہے اور گولیاں چلنے لگتی ہیں۔ اس دورانگی ہن گارڈز سے لڑتے ہیں اور اپنی زندگی بچانے کی جدوجہد کرتے ہیں۔ٹریلر میں دیکھا جاسکتا ہے کہ مرکزی کردار جی ہن اِس بار نئے کھلاڑیوں کے ساتھ زندگی اور موت کے اِس کھیل کے میدان میں اترتا ہے اور ساتھی کھلاڑیوں کو متنبہ کرنے کے باوجود کئی لوگ جانیں گنوا دیتے ہیں۔پہلے سیزن کے اختتام پر مقابلہ جی ہن نے جیت لیا تھا لیکن وہ خود کو اپنے تمام ساتھی کھلاڑیوں کی موت کا قصوروار سمجھتا ہے۔دوسرے سیزن کے ٹریلر سے بظاہر یہی لگتا ہے کہ وہ اِس پُرتشدد کھیل کا ہمیشہ کیلئے خاتمہ کرنے اور گیم کے ماسٹر مائنڈ کو بےنقاب کرنے کیلئے دوبارہ میدان میں اُترا ہے۔ٹریلر میں دکھایا گیا ہے کہ اِس بار کھیل کے ہر مرحلے کے بعد کھلاڑیوں کو یہ آپشن دیا جاتا ہے کہ وہ یہ جان لیوا کھیل مزید کھیلنے کیلئے آگے بڑھیں یا اس مرحلے تک جیتی گئی رقم باقی رہ جانے والے تمام کھلاڑیوں میں تقسیم کرکے واپس لوٹ جائیں، تاہم ٹریلر میں جی ہن ساتھی کھلاڑیوں کو دوسرے آپشن کا انتخاب کرنے پر قائل میں ناکام نظر آرہا ہے۔یاد رہے کہ سیریز میں مختلف کھیل اور ٹاسک کے ذریعے قرض اتارنے کے خواہش مند افراد کو گیم میں شکست پر سب کے سامنے گولی مار کر ہلاک کردیا جاتا ہے اور اسی سنسنی کی وجہ سے ہی یہ سیریز دنیا بھر میں مقبول ہوئی۔ 2021 میں کورونا وبا کے دوران ’اسکوئیڈ گیم‘ کا پہلا سیزن ریلیز ہوتے ہی صرف ایک ہفتے کے دوران پوری دنیا میں شہرت کی بلندیوں پر پہنچ گیا تھا۔سیریز کا دوسرا سیزن رواں برس 26 دسمبر کو اسٹریمنگ کیلئے پیش کیا جائے گا جبکہ تیسرا اور آخری سیزن 2025 میں ریلیز کیا جائے گا۔

اسکوئڈ گیم ٹو کے دوسرے سیزن کا دھماکہ خیز ٹریلر جاری کردیاگیا

معروف ویب سیریز اسکوئڈ گیم ٹوکا دوسرا سیزن رواں برس 26 دسمبر کو ریلیز کیا جائے گا

انٹرنیشنل کرکٹ کونسل ( آئی سی سی)  نے ون ڈے، ٹی ٹوئنٹی اور ٹیسٹ  بیٹرز کی رینکنگ جاری کی ہے، جس کے مطابق ون ڈے بیٹرز کی رینکنگ میں بابراعظم پہلی، بھارت کے روہت شرما بدستور دوسری اور تیسری پوزیشن پر شبمن گل موجود ہیں۔ون ڈے بیٹرز کی رینکنگ میں پاکستان کے صائم ایوب ٹاپ ہنڈرڈ کھلاڑیوں میں شامل ہو گئے ہیں، زمبابوے کے خلاف ناقابل شکست سنچری اسکور کرنے کے بعد صائم ایوب رینکنگ میں 90 ویں پوزیشن پر ہیں۔آئی سی سی ون ڈے بولرز کی رینکنگ میں افغانستان کے راشد خان سرفہرست ہیں جبکہ پاکستان کے فاسٹ بولر شاہین شاہ آفریدی ایک درجہ تنزلی کے بعد دوسرے نمبر پر ہیں۔بھارت کے جسپریت بمرا ٹیسٹ رینکنگ میں دوبارہ نمبر ون باؤلر بن گئے۔ جسپریت بمرا کی رینکنگ میں دو درجے ترقی ہوئی۔ ساؤتھ افریقہ کے کگیسو ربادا ایک درجہ تنزلی کے بعد دوسرے نمبر پر چلے گئے۔ جوش ہیزل ووڈ ایک درجے تنزلی کے بعد تیسرے نمبر پر آگئے۔ پاکستان کے نعمان علی کا رینکنگ میں 9 واں نمبر برقرار ہے۔ویسٹ انڈیز کے جیڈن سیلز تین درجے ترقی کے بعد 11 ویں اور کیمار روچ چار درجے ترقی کے بعد 17 ویں نمبر پر آگئے۔آئی سی سی ٹیسٹ بیٹنگ رینکنگ میں جو روٹ کا پہلا نمبر برقرار ہے۔ بھارت کے یشسوی جیسوال دو درجے ترقی کے بعد دوسرے نمبر پر پہنچ گئے۔ نیوزی لینڈ کے ڈیرل مچل دو درجے ترقی کے بعد پانچویں نمبر پر آگئے۔ سعود شکیل کی ایک درجہ بہتری، آٹھویں نمبر پر پہنچ گئے۔سری لنکا کے کمیندو مینڈس دو درجہ بہتری کے بعد نویں اور ٹریوس ہیڈ تین درجے بہتری کے بعد دسویں نمبر پر پہنچ گئے۔ بھارت کے ویرات کوہلی 9 درجے ترقی کے بعد 13 ویں نمبر پر پہنچ گئے جبکہ بابر اعظم کی ایک درجہ تنزلی کے بعد 18 ویں نمبر پر چلے گئے۔

آئی سی سی کی نئی رینکنگ جاری ، بابر اعظم سرفہرست،شاہین نے پہلی پوزیشن کھو دی

ون ڈے بیٹرز کی رینکنگ میںبھارت کے روہت شرما بدستور دوسری اور تیسری پوزیشن پر شبمن گل موجود ہیں

جی ایچ کیو حملہ کیس میں بانی پی ٹی آئی عمران خان سمیت دیگر ملزمان پر فرد جرم چوتھی بار مؤخر کر دی گئی۔انسداد دہشت گردی عدالت راولپنڈی کی خصوصی عدالت کے جج امجد علی شاہ نے کیس کی سماعت کی۔ کیس میں مزید 10 ملزمان نے عدم ثبوت کی بنیاد پر بریت کی درخواستیں دائر کر دی ہیں۔عدالت نے کیس کی سماعت 2 دسمبر تک ملتوی کر دی۔سربراہ عوامی مسلم لیگ شیخ رشید احمد عدالت سے حاضری کے بعد واپس روانہ ہو گئے جبکہ تمام ملزمان کی عدم حاضری کے باعث آج بھی ملزمان پر فرد جرم عائد نہ ہو سکی۔بعدازاں راولپنڈی کی خصوصی عدالت کے جج امجد علی شاہ نے جی ایچ کیو حملہ کیس کی سماعت ملتوی کر دی اور عمران خان سمیت دیگر پر فرد جرم کی کارروائی چوتھی بار موخر ہو گئی۔کیس میں عمران خان سمیت 143 سے زائد ملزمان نامزد ہیں جبکہ ذوالفقار بخاری، شہباز گل سمیت 23 ملزمان اشتہاری ہیں، نامزد ملزمان پر بیرون ممالک جانے پر پابندی بھی عائد ہے۔

جی ایچ کیو حملہ کیس، عمران خان سمیت دیگر ملزمان پر فرد جرم چوتھی بار مؤخر

مزید 10 ملزمان نے عدم ثبوت کی بنیاد پر درخواستیں دائر کر دیں،سماعت2دسمبرتک ملتوی

معروف سینئر صحافی مطیع اللہ جان کو اسلام آباد کے پمز ہسپتال کی پارکنگ سےگزشتہ رات 11 بجے نامعلوم افراد نے مبینہ طور پر اغوا کر لیا، مطیع اللہ جان کے بیٹے سمیت اسلام آباد کے کئی صحافیوں نے مطیع اللہ جان کے اغوا کا دعویٰ کیاجارہاہے جبکہ نجی ٹی وی کے مطابق لاپتا ہونے والے سینیئر صحافی مطیع اللّٰہ جان کو گرفتار کر کے تھانہ مارگلہ میں منتقل کیا گیا ہے۔تفصیلات کے مطابق صحافی مطیع اللہ جان کے اپنے ٹوئٹر ہینڈل سے ان کے صاحبزادے وحید مراد کی جانب سے کی جانے والی ٹوئٹ کے مندرجات کے مطابق مطیع اللہ جان کو ان کے ساتھ صحافی ثاقب بشیر کے ہمراہ شب 11 بجے پمز اسپتال کی پارکنگ سے اس وقت اغوا کر لیا گیا جب وہ پیشہ ورانہ امور کی انجام دہی کے لیے وہاں پہنچے تھے۔ٹوئٹ کے مطابق ثاقب بشیر کو 5 منٹ بعد چھوڑ دیا گیا، تاہم مطیع اللہ جان کو ایک اغوا کار ایک بے نشان گاڑی میں اپنے ہمراہ لے گئے۔ٹوئٹ میں کہا گیا ہے کہ مطیع اللہ جان کو اسلام آباد میں احتجاج کی جرأت مندانہ کوریج کے بعد اغوا کیا گیا، ٹوئٹ میں مطالبہ کیا گیا ہے کہ نہ صرف مطیع اللہ جان کے ٹھکانے سے متعلق ان کے اہل خانہ کو مطلع کیا جائے بلکہ انہیں فوری طور پر رہا کر دیا جائے۔اس حوالے سے سینئر صحافی حامد میر نے جمعرات کی صبح سوشل میڈیا پلیٹ فارم ایکس پر ایک پوسٹ میں دعوی کیا کہ مطیع اللہ جان اور ایک اور صحافی ثاقب بشیر کو نامعلوم افراد نے اغوا کر لیا ثاقب بشیر کو بعد میں رہا کر دیا گیا لیکن مطیع اللہ جان اب تک لاپتہ ہیں۔حامد میر کے مطابق ثاقب بشیر اس حوالے سے اسلام آباد ہائی کورٹ میں پٹیشن دائر کر رہے ہیں۔دوسری جانب نجی ٹی وی جیو نیوزکے مطابق پولیس نے مطیع اللہ جان کو گرفتار کرکے تھانہ مارگلہ میں منتقل کر دیا ہے۔مطیع اللہ جان کے خلاف مقدمہ درج کیے جانے کی اطلاعات ہیں تاہم مطیع اللہ جان کے خلاف ابھی تک کسی درج مقدمے کی نقل فراہم نہیں کی گئی۔یاد رہے کہ مطیع اللہ جان نے اسلام آباد میں رینجرز اہلکاروں کے گاڑی سے کچل لے جانے پر ایک ویڈیو سوشل میڈیا پر شائع کی تھی جس میں انہوں نے دعوی کیا تھا کہ رینجرز اہلکار اپنی ہی گاڑی سے کچلے گئے تاہم بعد ازاں چند رینجرز اہلکاروں نے اپنے بیانات میں بتایا تھا کہ مظاہرین کی طرف سے انے والی ایک تیز رفتار گاڑی ان کے ساتھیوں کے اوپر چڑھ دوڑی اور انہیں کچلتے ہوئے نکل گئی۔

پولیس نے صحافی مطیع اللہ جان کو گرفتار کر لیا، مارگلہ پولیس اسٹیشن میں موجودگی سامنے آگئی

صحافی مطیع اللہ جان نے رینجرز اہلکاروں کے گاڑی سے کچل لے جانے پر ایک ویڈیو سوشل میڈیا پر شائع کی تھی

پاکستان اور زمبابوے کے درمیان تین میچوں مشتمل ون ڈے سیریز کا فیصلہ کن میچ آج بلاوائیو میں کھیلا جائیگا۔ میچ دن ساڑھے بارہ بجے شروع ہوگا اورٹیپمیڈپربراہ راست دکھایا جائے گا، تیسرا ون ڈے جیت کر پاکستان مسلسل دوسری دن ڈے سیریز جیت سکتا ہے جبکہ زمبابوے پاکستان کے خلاف پہلی سیریز جیتنے کے لئے سردھڑ کی بازی لگانے کے لئے تیار ہے۔قومی ٹیم کے فاسٹ بائولرز احمد دانیال اور شاہنواز دھانی  ون ڈے  سیریز سے باہر ہو گئے ۔ وہ واپس پاکستان آرہے ہیں۔احمددانیال کو ہیمسٹرنگ انجری کا سامنا کرنا پڑا ہے جبکہ شاہنواز کو ٹریننگ سیشن کے دوران بائیں ٹخنے میں چوٹ لگی۔ دونوں کی جگہ عباس آفریدی اور جہانداد خان کو شامل کیا گیا ہے جو بلاوائیو پہنچ کر آج سیریز کے فیصلہ کن میچ کی سلیکشن کیلئے دستیاب ہونگے۔خیال رہے کہ سیریز کے پہلےمیچ میں زمبابوے نے ڈک ورتھ لوئیس میتھڈ کے تحت 80 رنز سے کامیابی حاصل کی تھی جبکہ پاکستان نے دوسرے ایک روزہ میچ میں زمبابوے کو 10 وکٹوں سے شکست دی تھی۔یاد رہے کہ پاکستان اور زمبابوے کے درمیان تین میچوں کی ون ڈے سیریز 1-1 سے برابر ہے۔

پاکستان اور زمبابوے کے درمیان تیسرااور فیصلہ کن ون ڈے آج کھیلا جائے گا

پاکستان اور زمبابوے کے درمیان تین میچوں کی ون ڈے سیریز 1-1 سے برابر ہے

پاکستان اسٹاک ایکسچینج نے تمام ریکارڈ توڑ دیئے ، 100 انڈیکس نے تاریخ میں پہلی مرتبہ ایک لاکھ پوائنٹس کی حد عبور کر لی۔تفصیلات کے مطابق پاکستان اسٹاک ایکسچینج نے نئی تاریخ رقم کرلی، بینچ مارک کے ایس ای ہنڈرڈ انڈیکس ایک لاکھ پوائنٹس کا سنگ میل عبور کرگیا۔جمعرات کو نئے کاروباری دن کے آغاز پر پاکستان اسٹاک ایکسچینج میں بینچ مارک کے ایس ای ہنڈرڈ انڈیکس 1210پوائنٹس اضافے کے بعد ایک لاکھ پوائنٹس کا تاریخی سنگ میل عبور کرگیا۔خیال رہے دو روز قبل سیاسی صورتحال کے پیش نظر پاکستان اسٹاک ایکسچینج 100 انڈیکس میں 3500 پوائنٹس کی کمی دیکھنے میں آئی تھی تاہم گزشتہ روز سیاسی صورتحال بہتر ہونے کے بعد 100 انڈیکس میں 4500 سے زائد پوائنٹس کا اضافہ دیکھنے میں آیا اور پھر انڈیکس 99 ہزار 239 پوائنٹس کر جا کر بند ہوا۔یاد رہے کہ پاکستان اسٹاک ایکسچینج کے 100 انڈیکس نے 17 ماہ میں 40 ہزار پوائنٹس سے ایک لاکھ پوائنٹس کا تاریخی سنگ میل عبور کیا ہے۔

اسٹاک مارکیٹ میں نیا ریکارڈ قائم ، پہلی بار ایک لاکھ پوائنٹس کی حد عبور کر لی

کاروباری دن کے آغاز پر100 انڈیکس نے 1210 پوائنٹس کے اضافے سے ایک لاکھ کی نفسیاتی حد عبور کر لی

Pakistan T20I squad vs Zimbabwe: Salman Ali Agha (captain), Abbas Afridi, Ahmed Daniyal, Arafat Minhas, Haris Rauf..

Zimbabwe vs Pakistan 1st T20I Playing XI & Live Streaming Details

The Zimbabwe vs Pakistan 1st T20I will be played on 1st December, Sunday, at 4 PM (PST).&nbsp;

The Pakistan tour of Zimbabwe 2024 featured 3 ODIs and 3 T20I matches. After Zimbabwe claimed a huge victory in the Pak vs Zim 1st ODI, the Men in Green bounced back and performed massively well to <a href="https://www.tapmad.com/blog/pak-wins-odi-series-against-zimbabwe/502-2-0">win the series 2-1</a>.&nbsp;

Now it&rsquo;s time for both sides to display their fiercely competitive side in this three-match T20 series.&nbsp;

Follow our official <a href="https://whatsapp.com/channel/0029VaAdx1iLY6d69TiZbo0m">Whatsapp Channel.</a>&nbsp;

<h2>Zimbabwe vs Pakistan 1st T20I squads</h2>

Both teams have selected different captains for their T20I squads and have chosen to go with a mixture of experience and youth.&nbsp;

Salman Ali Agha will head the Pakistan T20I squad whereas Sikandar Raza is the captain of the Zimbabwe T20 squad.&nbsp;

Let&rsquo;s take a look at their detailed squads:&nbsp;

Zimbabwe T20I Squad vs Pakistan: Sikandar Raza (captain), Faraz Akram, Brian Bennett, Ryan Burl, Trevor Gwandu, Clive Madande, Wessly Madhevere, Tinotenda Maposa, Tadiwanashe Marumani, Wellington Masakadza, Brandon Mavuta, Tashinga Musekiwa, Blessing Muzarabani, Dion Myers, Richard Ngarava.

Pakistan T20I squad vs Zimbabwe: Salman Ali Agha (captain), Abbas Afridi, Ahmed Daniyal, Arafat Minhas, Haris Rauf, Haseebullah Khan, Irfan Khan, Jahandad Khan, Mohammad Hasnain, Omair Yousuf, Qasim Akram, Sahibzada Farhan, Sufiyan Muqeem, Tayyab Tahir, Usman Khan.&nbsp;

<h2>PAK vs ZIM live streaming in Pakistan</h2>

You can watch the Pak vs Zim live streaming in Pakistan in HD and ad-free on tapmad.&nbsp;

tapmad will provide full coverage of the Pakistan tour of Zimbabwe 2024 which can be accessed through web, tapmad mobile application, or a smart TV!

So don&rsquo;t miss a beat and catch every match live with tapmad.&nbsp;

Zimbabwe vs Pakistan 1st T20I 2024 Squads & Where to Watch Online?

Zimbabwe vs Pakistan 1st T20I squads

PAK vs ZIM live streaming in Pakistan

Related Post

ICC Champions Trophy Meeting: Will The Final Match Take Place in PAK?