Cricket

Entertainment

Football

سونے کی قیمت میں اضافہ بدستور جاری ہے اور آج مسلسل چوتھے روز سونے کی قیمت نے نیا ریکارڈ بنایا ہے۔آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت  میں 1800 روپے کا اضافہ ہوا ہے جس کے بعد سونے کی فی تولہ قیمت 3 لاکھ 20 ہزار 800 روپے کی ریکارڈ سطح پر پہنچ گئی ہے۔ایسو سی ایشن کے مطابق 10 گرام سونے کی قیمت 1543 روپے اضافے کے ساتھ 2 لاکھ 75 ہزار 34 روپے ہوگئی ہے۔دوسری جانب پاکستان اسٹاک ایکسچینج میںکاروبار کا مثبت رجحان اور تاریخ ساز تیزی دیکھی گئی جہاں 100 انڈیکس تاریخ کی نئی بلندی کو چھو گیا ۔کاروباری ہفتے کے چوتھے روز کاروبار کے آغاز پر ہی اسٹاک مارکیٹ میں زبردست تیزی دیکھنے میں آئی۔ٹریڈنگ کے دوران پاکستان اسٹاک ایکسچینج میں 1400 سے زائد پوائنٹس کا اضافہ ہوا جس کے ساتھ تاریخ میں پہلی بار اسٹاک مارکیٹ میں ہنڈرڈ انڈیکس ایک لاکھ 19 ہزار 421 پوائنٹس کی حد کو چھو گیا جبکہ کم سے کم انڈیکس کی سطح ایک لاکھ 18 ہزار 444 رہی۔تاہم کاروباری دن کے اختتام پر پاکستان اسٹاک ایکسچینج میں ہنڈرڈ انڈیکس 795 پوائنٹس کے اضافے کے ساتھ ایک لاکھ 18 ہزار 769 پوائنٹس کی سطح پر بند ہوا۔آج اسٹاک مارکیٹ میں 442 کمپنیز میں سے 205 کمپنیز کے شیئرز میں اضافہ اور 176 کمپنیز کے شیئرز میں کمی ہوئی، جبکہ 66 کروڑ 78 لاکھ مالیت شیئرز کا کاروباری حجم 38 ارب روپے سے زائد رہا۔

مہنگا سونا مزید مہنگا، پاکستان میں فی تولہ سونا3لاکھ20ہزار 800روپے کا ہوگیا

اسٹاک ایکسچینج میں ہنڈرڈ انڈیکس 795 پوائنٹس کے اضافے کیساتھ ایک لاکھ 18 ہزار 769 پوائنٹس کی سطح پر بند ہوا

دورہ نیوزی لینڈ کے موقع پر قومی کرکٹ ٹیم آکلینڈ پہنچ گئی،پاکستان اور نیوزی لینڈ کی کرکٹ ٹیموں کے درمیان پانچ ٹی 20 انٹرنیشنل میچوں پر مشتمل سیریز کا تیسرا میچ کل(جمعہ کو)ایڈن پارک،آکلینڈمیں کھیلا جائے گا۔ پاکستانی وقت کے مطابق میچ سوا گیارہ بجے شروع ہو گاجو ٹیپمیڈ پربراہ راست دکھایاجائے گا۔ میزبان نیوزی لینڈ کی ٹیم کو پانچ میچوں کی ٹی ٹونٹی سیریز میں مہمان پاکستان کی ٹیم کے خلاف 0-2 کی برتری حاصل ہے۔نیوزی لینڈ کی ٹیم نے پہلے میچ میں پاکستان کی ٹیم کو باآسانی 9 وکٹوں سے شکست دی تھی جبکہ دوسرے ٹی ٹونٹی میچ میں میزبان کیوی ٹیم نے گرین شرٹس کو 5وکٹوں سے شکست دی تھی۔ ٹی 20 سیریز میں پاکستان ٹیم کی قیادت سلمان علی آغا کر رہے ہیں۔ اس سے قبل انہوں نے زمبابوے کے خلاف سیریز میں قیادت کی تھی جو پاکستان نے 1-2 سے جیتی تھی۔پاکستان ٹیم میں شاداب خان، محمد حارث، عمیر بن یوسف، حسن نواز، عبدالصمد، عرفان نیازی، خوشدل شاہ، عباس آفریدی، محمد علی، شاہین شاہ آفریدی، حارث رؤف، سفیان مقیم، ابرار احمد، جہانداد خان اور عثمان خان شامل ہیں۔ نیوزی لینڈ کی قیادت مائیکل بریسویل کر رہے ہیں۔ان کی بھی بحیثیت کپتان یہ دوسری سیریز ہے۔ اس سے قبل انہوں نے گزشتہ سال پاکستان میں کھیلی گئی سیریز میں قیادت کی تھی جو 2-2 سے برابر رہی تھی۔ نیوزی لینڈ کی ٹیم میں سات وہ کھلاڑی شامل ہیں جو حال ہی میں آئی سی سی چیمپئنز ٹرافی کا فائنل کھیلے تھے۔پاکستان اور نیوزی لینڈ کے درمیان اب تک 46 ٹی 20 انٹرنیشنل میچ کھیلے جا چکے ہیں جن میں پاکستان نے 23 اور نیوزی لینڈ نے 21 میچوں میں کامیابی حاصل کی ہے جبکہ دو میچز نتیجہ خیز ثابت نہیں ہو سکے ہیں۔ دونوں ٹیموں کے درمیان سیریز کا تیسرا ٹی ٹونٹی میچ کل جمعہ کو ایڈن پارک،آکلینڈ،چوتھا ٹی ٹونٹی میچ 23مارچ کو بے اوول، ماؤنٹ مونگانوئی میں کھیلا جائے گاجبکہ پانچواں اور آخری ٹی ٹونٹی میچ 26 مارچ کو سکائی سٹیڈیم،ویلنگٹن میں کھیلا جائے گا۔پانچ ٹی ٹونٹی میچوں کی سیریز مکمل ہونے کے بعد نیوزی لینڈ اور پاکستان کی ٹیمیں 29 مارچ کو نیپئرپہنچیں گی جہاں وہ تین ون ڈے میچوں پر مشتمل سیریز کا پہلا میچ میک لین پارک، نیپئر میں کھیلیں گی۔ دوسرا ون ڈے میچ 2اپریل کو سڈن پارک، ہملٹن میں کھیلا جائے گا جبکہ تیسرا اور آخری ون ڈے میچ 5 اپریل کو بے اوول، ماؤنٹ مونگانوئی میں کھیلا جائے گا۔

پاکستان اور نیوزی لینڈ کے درمیان تیسراٹی ٹوئنٹی میچ کل کھیلا جائے گا

پاکستانی وقت کےمطابق میچ صبح سواگیارہ بجے شروع ہوگا،پانچ ٹی ٹوئنٹی میچز کی سیریز میں کیوی ٹیم کو دو صفر کی برتری حاصل ہے

مصطفیٰ قتل کیس میں اہم پیشر فت ،مصطفی عامر قتل کیس کے مرکزی ملزم ارمغان کے والد کامران قریشی کو گرفتار کرلیا گیا۔تفصیلات کے مطابق اے وی سی سی پولیس نے کارروائی کرتے ہوئے منشیات فروشی میں ملوث اور مصطفی عامر قتل کیس کے مرکزی ملزم ارمغان کے والد کامران قریشی کو گرفتار کرلیا۔ڈی آئی جی سی آئی اے اور ایس ایس پی اے وی سی سی کی ہدایت پر کارروائی کرتے ہوئے اے وی سی سی نے 7th اسٹریٹ، بنگلہ نمبر 35، خیابان مومن فیز 5 سے منشیات فروشی میں ملوث  ملزم کامران اصغر قریشی کو گرفتار کرلیا۔ گرفتار ملزم کے قبضہ سے 200 گرام منشیات آئس اور ایک 9 ایم ایم پسٹل اور 2 میگزین 10 گولیاں برآمد ہوئیں ۔ گرفتار ملزم کے خلاف کنٹرول آف نارکوٹیکس سبسٹینس ایکٹ اور بلا لائسنس اسلحہ رکھنے کے تحت مقدمہ درج کرلیا گیا ہے اور تفتیش جاری ہے۔یادرہے گذشتہ روز پراسیکیوشن زرائع کا کہنا تھا کہ ملزم ارمغان کی انسداددہشت گردی کورٹ میں تکرار اور ڈرامہ ہے،ملزم ارمغان نےوالدکوگرفتاری سے بچنےکیلئےامریکا جانےکاکہاہے اگرملزم کامران قریشی گرفتارنہ ہواتوکسی وقت بھی فرارہوجائےگا۔ جبکہ ملزم ارمغان نےمصطفی عامرکوقتل کےبعد اپنےوالد کو آگاہ کیا،ملزم کامران اصغرقریشی نےپولیس کو اطلاع کےبجائےبیٹےکو روپوش ہونے کامشورہ دیا،ملزم ارمغان اپنےوالدکےمشورےپر شیراز کےہمراہ اسکردو اور دیگرعلاقوں میں روپوش رہا۔واضح رہے کہ انسداد دہشت گردی عدالت نے مصطفیٰ عامر قتل کیس اور صحافی پر فائرنگ کے مقدمات میں ملزم ارمغان کے جسمانی ریمانڈ میں 24 مارچ تک توسیع کردی تھی۔

مصطفی عامر قتل کیس، مرکزی ملزم ارمغان کا والد گرفتار،منشیات اور اسلحہ برآمد

کنٹرول آف نارکوٹیکس سبسٹینس ایکٹ اور بلا لائسنس اسلحہ رکھنے کے تحت مقدمہ درج کرنے کے بعد تفتیش کا آغاز کردیا گیا

آئی سی سی کی جانب ٹی ٹوئنٹی پلیئرز رینکنگ جاری کردی گئی، جس کے مطابق بلے بازوں آسٹریلیا کے ٹریوس ہیڈ اور بولرز میں ویسٹ انڈیز کے اکیل حسین کا پہلا نمبر ہے۔ بیٹرز میں پاکستان کے اسٹار بیٹر بابر اعظم ایک درجہ تنزلی کے بعد 8ویں نمبر پر چلے گئے جبکہ محمد رضوان کا بیٹرز کی رینکنگ میں نواں نمبر ہے۔ نیوزی لینڈ کے ٹم سائفرٹ 20 درجے ترقی کے بعد 13ویں نمبر پر آگئے، نیوزی لینڈ کے فن ایلن 8 درجے ترقی کے بعد 18ویں نمبر پر آگئے۔بولرز کی فہرست کی بات کی جائے تو ٹاپ 20 میں بھی کوئی پاکستانی بولر شامل نہیں ہے۔ فاسٹ بولر حارث رؤف چار درجے ترقی کے بعد 26ویں نمبر پر موجود ہیں جبکہ شاہین آفریدی 6 درجے تنزلی کے بعد 30ویں نمبر پر چلے گئے۔نیوزی لینڈ کے جیکب ڈفی 23 درجے ترقی کے بعد 12ویں نمبر پر آگئے۔آل راؤنڈرز میں بھارت کے ہاردیک پانڈیا کا پہلا نمبر برقرار ہے۔

نئی ٹی ٹوئنٹی رینکنگ جاری،آسٹریلیا کے ٹریوس ہیڈ کا پہلا نمبر ، بابراعظم ،شاہین آفریدی کی تنزلی

بولرز میں ویسٹ انڈیز کے اکیل حسین کا پہلا نمبر ، پاکستان کا کوئی بھی گیند باز ٹاپ 20میں بھی شامل ہوسکا

امریکی محکمہ خارجہ کی ترجمان ٹیمی بروس نے بانی پی ٹی آئی عمران خان سے متعلق سوال پر ردعمل دینے سے انکار کردیا۔ترجمان امریکی محکمہ خارجہ ٹیمی بروس سے میڈیا بریفنگ کے دوران سابق وزیر اعظم پاکستان اور تحریک انصاف کے بانی عمران خان سے متعلق سوال کیا گیا۔ تاہم امریکی محکمہ خارجہ کی ترجمان نے عمران خان سے متعلق سوال پر ردعمل دینے سے انکار کر دیا۔ محکمہ خارجہ ٹیمی بروس سے میڈیا بریفنگ کے  دوران سابق وزیر اعظم پاکستان اور تحریک انصاف کے بانی عمران خان سے متعلق سوال کیا گیا۔ صحافی نے کہا کہ ’پاکستان کے مقبول رہنما عمران خان گذشتہ چند برسوں سے جیل میں ہیں۔ دو برسوں میں ملک میں چاہے جمہوریت ہو یا خواتین کے حقوق سب کچھ بکھر گیا ہے۔ صدر ٹرمپ انتخابات سے پہلے پاکستان کے بارے میں بہت سی باتیں کرتے تھے۔انہوں نے سوال کیا کہ ’امریکہ میں ان ( صدر ٹرمپ) کے ہزاروں نئے ووٹرز اور لاکھوں پاکستانی ان سے کسی نہ کسی اقدام کی توقع کر رہے ہیں۔ کیا آپ کے ذہن میں اس حوالے سے کچھ ہے یا آپ نے صدر سے کچھ سُنا؟‘تاہم امریکی محکمہ خارجہ کی ترجمان نے عمران خان سے متعلق سوال پر ردعمل دینے سے انکار کر دیا۔ ٹیمی بروس نے کہا کہ امریکی حکومت کسی دوسرے ملک کے اندرونی معاملات پر بات نہیں کرے گی۔ٹیمی بروس نے مزید کہا کہ اگر کسی کو صدر ڈونلڈ ٹرمپ کی سوچ سے متعلق معلومات درکار ہوں تو وہ وائٹ ہاؤس سے رابطہ کرسکتے ہیں۔انہوں نے یہ بھی وضاحت کی کہ صدر ٹرمپ اور وزیر خارجہ مارکو روبیو نے ہمیشہ یہ واضح کیا ہے کہ امریکا کو اپنے پڑوسیوں اور دنیا بھر کے معاملات کی پرواہ ہے۔ترجمان امریکی محکمہ خارجہ نے کہا کہ ہمیں اس بات کی فکر ہے کہ دنیا میں کیا ہو رہا ہے اور یہ ہمارے اقدامات سے ظاہر ہوتا ہے۔ترجمان ٹیمی بروس نے اس جواب کے بعد سوال کرنے والے کا شکریہ ادا کیا اور بریفنگ میں اگلے سوال کی جانب منتقل ہو گئیں۔اس کے علاوہ امریکی محکمہ خارجہ کی ترجمان نے امریکا میں داخلے پر پابندی کے لیے ملکوں کی فہرست بنانے کی تردید کر دی۔محکمہ خارجہ کی ترجمان ٹیمی بروس نے بتایا کہ کئی دنوں سے جس فہرست کا انتظار ہو رہا ہے اس کا کوئی وجود نہیں۔انہوں نے کہا کہ صدر ٹرمپ کے حکم پر امریکی سلامتی کےلیے جائزہ لیا جارہا ہے کہ ویزا مسائل سے کس طرح نمٹنا ہے اور کسے داخلے کی اجازت دینی ہے جب یہ جائزہ مکمل ہوگا تو ہم اس بارے میں بات کرسکیں گے۔یاد رہے کہ اس سے پہلے عالمی ذرائع ابلاع نے رپورٹ دی تھی کہ ٹرمپ انتظامیہ اپنے گزشتہ دور کی طرح سفری پابندیاں عائد کرنے پر غور کر رہی ہے، جس سے افغانستان اور پاکستان سمیت متعدد ممالک متاثر ہوں گے۔

امریکا کا بانی پی ٹی آئی عمران خان سے متعلق سوال پر ردعمل دینے سے انکار

امریکی محکمہ خارجہ کی ترجمان نے امریکا میں داخلے پر پابندی کے لیے ملکوں کی فہرست بنانے کی تردید کر دی

وزیراعظم شہباز شریف اور سعودی ولی عہد محمدبن سلمان نے ملاقات میں باہمی شراکت داری کو نئی بلندیوں تک پہنچانے کے عزم کا اعادہ کیا۔تفصیلات کے مطابق وزیر اعظم شہباز شریف کی سعودی ولی عہد محمد بن سلمان سے ملاقات ہوئی ، نائب وزیر اعظم اسحاق ڈار، آرمی چیف جنرل عاصم منیر اور وزیر اعلیٰ پنجاب مریم نواز بھی ملاقات میں موجود تھیں۔پریس انفارمیشن ڈیپارٹمنٹ (پی آئی ڈی) سے جاری بیان کے مطابق ملاقات میں پاکستان اور سعودی عرب کے درمیان مضبوط اور تاریخی تعلقات کی اہمیت پر زور دیا گیا اور اقتصادی، تجارت، سرمایہ کاری، توانائی اور دفاعی شعبوں میں تعاون بڑھانے پر بات چیت کی گئی۔ دونوں رہنماؤں نے پاکستان اور سعودی عرب کے درمیان بڑھتے ہوئے اقتصادی تعاون پر اطمینان کا اظہار کیا۔وزیراعظم نے اہم شعبوں میں سرمایہ کاری بڑھانے کے لیے سعودی عرب کے عزم کو سراہا، جو پاکستان کی اقتصادی ترقی اور استحکام میں معاون ثابت ہوں گے۔ دونوں اطراف نے علاقائی سلامتی کے مسائل سے نمٹنے کے لیے مشترکہ کوششوں کی اہمیت کو تسلیم کرتے ہوئے دفاعی اور سیکیورٹی تعاون کو مضبوط بنانے کے اپنے عزم کا اعادہ کیا۔دونوں رہنماؤں نے ابھرتی ہوئی علاقائی صورتحال کے ساتھ ساتھ خطے کے سیاسی منظر نامے پر بھی بات چیت کی۔ انہوں نے خطے میں امن، استحکام اور خوشحالی کے لیے اپنے مشترکہ وژن کو فروغ دینے کے لیے ہر سطح پر مل کر کام کرنے پر اتفاق کیا۔دونوں رہنماؤں نے عوام کے درمیان روابط، ثقافتی تبادلے اور تعلیمی تعاون کو مزید مضبوط بنانے کی ضرورت پر زور دیا، وزیراعظم اور سعودی ولی عہد نے باہمی احترام، مشترکہ مفادات اور ترقی و خوشحالی کے مشترکہ وژن کی رہنمائی میں پاک سعودیہ شراکت داری کو نئی بلندیوں تک پہنچانے کے عزم کا اعادہ کیا۔

وزیراعظم کی سعودی ولی عہد سے ملاقات، پاک سعودی تعلقات کو مزید مستحکم کرنے کا عزم

ملاقات کے موقع پر نائب وزیر اعظم اسحاق ڈار، آرمی چیف جنرل سید عاصم منیر اور وزیر اعلیٰ پنجاب مریم نواز بھی موجود تھیں

وزیراعلیٰ خیبر پختونخوا علی امین گنڈاپور نے کہا ہے کہ قومی سلامتی کمیٹی کا اجلاس میٹنگ کم اور پریزنٹیشن زیادہ تھی، پریزنٹیشن اور اعلامیہ پیش کرنے سے دہشتگردی ختم ہونا ہوتی تو اب تک ہوچکی ہوتی۔نجی ٹی وی چینل سماء نیوز کے پروگرام ’ ندیم ملک لائیو میں گفتگوکرتے ہوئے علی امین گنڈا پور کا کہنا تھا کہ کے پی میں کسی صورت آپریشن کی اجازت نہیں دیں گے، آپریشن کا فائدہ نہیں نقصان ہی ہونا ہے، جتنے دہشتگرد مارے جا رہے ہیں، افغانستان سے مزید آرہے ہیں۔علی امین گنڈا پور کاکہناتھا کہ 9 مئی کو لوگوں  نے پارٹی پالیسی کی خلاف ورزی کی، عسکری تنصیبات پر حملے کرنا پارٹی پالیسی میں نہیں تھا، پارٹی پالیسی کیخلاف جو کچھ ہوا،اس کی مذمت کرتا ہوں ،علی امین گنڈاپور نے کہا کہ خیبرپختونخواہ میں آپریشن کی اجازت نہیں دیں گے، کیونکہ آپریشن کا فائدہ نہیں نقصان ہی ہونا ہے، انٹیلی جنس بیسڈ آپریشن تو چل ہی رہے ہیں، سب کو بیٹھنا ہوگا قرار داد پاس کرنے سے کچھ نہیں ہوتا، ہماری افغانستان کے ساتھ بات چیت ضروری ہے، اسٹیبلشمنٹ افغانستان میں جرگہ بھیجنے کے حوالے سے آن بورڈ ہے، عوام کا اعتماد غلط پالیسیوں کی وجہ سے اٹھا اب بھی نظر ثانی کرنا ہوگی، جب تک بانی پی ٹی آئی جیل میں ہیں سیاسی استحکام نہیں آسکتا، آگے بڑھنے کیلئے بانی کو رہا کرنا چاہیئے۔کل کی میٹنگ میں سیاسی معاملات اور بانی سے متعلق بات نہیں ہوئی۔بانی پی ٹی آئی کی رہائی کیلئے کام کررہا ہوں، بانی کو کہا کہ میرا ضمیر کہتا ہے آپ کی رہائی کیلئے جو کرسکا کروں گا۔ انہوں نے کہا کہ کل کے اعلامیہ میں دہشتگردتنظیموں ڈیجیٹل نیٹ ورکس کی بات ہوئی۔اعلامیہ میں ہمارے سیاسی ڈیجیٹل نیٹ ورکس کی بات نہیں ہوئی۔بانی نے ہمیشہ کہا کہ فوج ہماری ہے فوج مضبوط ہوگی تو پاکستان مضبوط ہوگا، قمر باجوہ سے اختلاف ہوسکتا ہے لیکن فوج سے کوئی اختلاف نہیں۔علی امین گنڈا پور کامزیدکہناتھاکہ افغانستان سے بات چیت کے لیے وفاق کو 2 مہینے پہلے ٹی اوآرز بھیج چکے ہیں، افغانستان سے بات چیت کے لیے میں نے اپنا جرگہ بنا لیا تھا، حامد الحق کی شہادت پر جے آئی ٹی بنائی، انکوائری ہو رہی ہے، حامدالحق کی شہادت کے پیچھے بیرون ملک کی کوئی تنظیم ہو گی۔انہوں نے کہا کہ وفاق کا ایجنڈا بس ’خوش کرنا ہے‘، یہ مینڈیٹ کے بغیر آئے ہوئے ہیں، وفاقی حکومت کی ساری توجہ پی ٹی آئی کو دبانے پر ہے، وزیراعلیٰ خیبرپختونخوا علی امین گنڈا پور نے افغانستان سے مذاکرات کے معاملے پر گرینڈ جرگہ بنانے کا بھی اعلان کیا اور کہا کہ میں ایک بڑا جرگہ بھی بناؤں گا جس میں ہر قوم سے بندے لیں گے، گرینڈ جرگہ قوموں کے درمیان ہوگا، عوام کے بغیر اس طرح کی جنگ جیتنا ممکن نہیں، عوام کا حکومت اور اداروں سے اعتماد اٹھ چکا ہے۔ وزیراعلیٰ خیبرپختونخوا نے اعتراف کیا کہ گڈ اور بیڈ طالبان کی تفریق ختم کی لیکن گڈ طالبان اب بھی گھوم رہے ہیں، انہیں تحفظ مل رہا ہے، گڈ طالبان کے اڈے بنے ہوئے تھے میں نے اپیکس کمیٹی سے منظوری لے کر انہیں بند کیا، گڈ طالبان اب بھی موجود ہیں، اپیکس کمیٹی میں منظوری ہوئی انہیں نہیں چھوڑنا، گڈ طالبان وہ لوگ ہیں جنہوں نے سرنڈر کیا، جس نے ایک بار سرنڈرکردیا وہ ہمیشہ سرنڈر کرے گا، یہ طالبان بھتا لیتے ہیں، وصولی کرکے بھاگ جاتے ہیں، ناکے لگانے والوں میں یہ بھی شامل ہیں۔انہوں نے یہ بھی کہا کہ میری پارٹی کا تو انہوں نے نام ہی ختم کر دیا، میں پی ٹی آئی کا وزیراعلیٰ ہوں اور آزاد حثیت سے بیٹھا ہوا ہوں، مشاورت کیلئے ہماری بانی پی ٹی آئی سے ملاقات تک نہیں کروائی گئی۔ ہمارے صوبے میں سینیٹ کا الیکشن تک نہیں ہوا۔وزیراعلیٰ خیبرپختونخوا نے کہا کہ عوام کا اعتماد غلط پالیسیوں کی وجہ سے اٹھا، اب نظرثانی کرنا ہوگی، جب تک بانی پی ٹی آئی جیل میں ہیں، سیاسی استحکام نہیں آسکتا۔

خیبر پختونخوا میں کسی صورت آپریشن کی اجازت نہیں دینگے،وزیراعلیٰ خیبر پختونخوا

اسٹیبلشمنٹ افغانستان میں جرگہ بھیجنے کے حوالے سے آن بورڈ ہے، علی امین گنڈاپور کی گفتگو

جمعیت علمائے اسلام (ف) کے مرکزی رہنما اور سابق سینیٹر حافظ حسین احمد کوئٹہ میں انتقال کرگئے۔تفصیلات کے مطابق حافظ حسین احمد گردوں کے عارضے میں مبتلا تھے، حافظ حسین احمد کا شمار مولانا فضل الرحمن کے قریبی ساتھیوں میں ہوتا تھا۔جے یو آئی نے بھی اپنے آفیشل فیس بک اکاؤنٹ سے ان کے انتقال کی تصدیق کردی، مرحوم کے اہل خانہ کا کہنا ہے کہ ان کی نماز جنازہ کا اعلان جلد کیا جائے گا، اہل خانہ کے مطابق وہ گزشتہ کچھ عرصے سے علیل تھے۔حافظ حسین احمد سینیٹر اور رکن قومی اسمبلی بھی رہ چکے ہیں، مرحوم کے بیٹے منیر احمد کے مطابق وہ طویل عرصے سے گردوں کے عارضے میں مبتلا تھے۔دوسری جانب جمعیت علمائے اسلام کے سربراہ مولانا فضل الرحمان نے سینئر سیاستدان اور جے یو آئی رہنما حافظ حسین احمد کی وفات پر اظہار افسوس کیا ہے۔جمعیت علمائے اسلام (ف) کے سربراہ مولانا فضل الرحمان نے سابق سینیٹر حافظ حسین احمد کے انتقال پر گہرے رنج و غم کا اظہار کرتے ہوئے اپنے تعزیتی پیغام میں کہا کہ حافظ حسین احمد کی وفات سے حسین یادوں کا ایک باب ختم ہوگیا ہے۔مولانا فضل الرحمان نے کہا کہ جوانی سے بڑھاپے تک ایک ہی کاز کے لیے ایک ہی پلیٹ فارم سے جدوجہد کی یادیں ہمیشہ یاد رہیں گی۔ انہوں نے حافظ حسین احمد کو ایک زیرک، حاضر جواب، نکتہ داں، سیاسی، نظریاتی اور پارلیمانی رہنماء قرار دیا۔انہوں نے دعا کی کہ اللہ کریم حافظ صاحب کی سیئات سے درگزر فرما کر ان کی خدمات کو قبول فرمائے۔ انہوں نے کہا کہ رمضان کریم کی بابرکت ساعات میں اللہ کریم کے حضور پیش ہونا یقینا حافظ صاحب کے بلندی درجات کا سبب بنے گا۔سربراہ جے یو آئی نے حافظ حسین احمد مرحوم کے فرزندان، اہل خانہ، متعلقین اور جے یو آئی کارکنوں سے اظہار تعزیت کیا اور اہل مدارس، کارکنان اور رہنماؤں سے اپیل کی کہ وہ اپنی دعاؤں میں حافظ صاحب کو یاد رکھیں۔مولانا فضل الرحمان نے کہا کہ غم کی اس گھڑی میں وہ اہل خانہ کے ساتھ برابر کے شریک ہیں اور دعا گو ہیں کہ اللہ کریم اہل خانہ کو صبر جمیل عطا فرمائے۔

جے یو آئی ف کےسینئر رہنما اور سینیٹر حافظ حسین احمد انتقال کرگئے

حافظ حسین احمد گردوں کے عارضے میں مبتلا تھے، ان کا شمار مولانا فضل الرحمن کے قریبی ساتھیوں میں ہوتا تھا

پاکستانی نژاد آسٹریلوی کرکٹر عثمان خواجہ نے ایک بار پھر فلسطین کے لیے آواز اٹھادی۔آسٹریلیا کے ٹیسٹ کرکٹر عثمان خواجہ نے سوشل میڈیا پلیٹ فارم ’تھریڈ‘ پر فلسطینی عوام پر ہونے والے مظالم سے متعلق ایک پوسٹ کی جسے انہوں نے اپنے ایکس اکاؤنٹ پر بھی شیئر کیا۔پوسٹ میں آسٹریلیا کے اوپننگ بلے باز عثمان خواجہ نے لکھا کہ غزہ میں بغیر کسی وجہ کے جنگ بندی کو ختم کیا گیا اور صرف ایک دن میں 123 بچے مارے گئے۔انہوںنے کہاکہ تصویر کریں اگر یہی معاملہ مخالف سمت میں ہوتا (یعنی اسرائیل میں اس طرح بچے مارے جاتے) تو دنیا کس طرح اس کا رد عمل دیتی اور غصے کا کیا عالم ہوتا ’تاہم، بدقسمتی سے تمام زندگیاں برابر نہیں ہیں، یہ بچے صرف میں تاریخ میں نمبرز کی حد تک رہ جائیں گے لیکن آپ لوگوں کی طرح ان بچوں کے بھی اپنے نام، بہن بھائی، والدین اور خاندان ہیں۔عثمان خواجہ کے مطابق ہم ان مظالم کو معمول پر نہیں لاسکتے، حالانکہ مجھے ڈر ہے کہ ہم شاید پہلے ہی ایسا کر چکے ہیں، مجھے یقین نہیں ہورہا ہے کہ یہ اب بھی ہورہا ہے۔واضح رہے کہ عثمان خواجہ ماضی میں بھی فلسطین کی حمایت میں آواز اٹھاتے رہے ہیں۔اس سے قبل انہوں نے سری لنکا ٹیسٹ سیریز کی کوریج کرنے والے آسٹریلوی صحافی پیٹر لالور کو اسرائیل اور فلسطین کے مسئلے پر نوکری سے نکالے جانے کی سخت مذمت کی تھی۔

عثمان خواجہ غزہ میں اسرائیلی مظالم کے شکار فلسطینیوں کی شہادت پر پھربول پڑے

غزہ میں صرف ایک دن میں 123 بچے مارے گئے اگر یہی معاملہ مخالف سمت میں ہوتا تو کیا دنیا کا یہی رد عمل ہوتا؟ عثمان خواجہ

کوئٹہ/اسلام آباد(این این آئی) سابق کمشنر کوئٹہ افتخار جوگزئی کی بیٹی کی جانب سے نجی ائیرلائن کی ائیر ہوسٹس کو تشدد کا نشانہ بنایا گیا۔ تفصیلات کے مطابق واقعہ 18 مارچ کو کوئٹہ سے اسلام آباد جانے والی سرین ائیر کی فلائٹ میں پیش آیا جس میں سابق کمشنر کوئٹہ افتخار جوگزئی بیٹی صائمہ کے ساتھ سفر کررہے تھے اور دونوں نے کوئٹہ ائیر پورٹ پر چیک ان کرتے وقت بھی عملے سے بدتمیزی کی۔طیارے میں داخل ہونے کے بعد فضائی عملہ مسافروں کو سیٹ بیلٹ باندھنے سمیت دیگر ہدایات دیتا ہے اور اس دوران خاتون فضائی میزبان نے صائمہ جوگزئی سے بھی سیٹ بیلٹ باندھنے اور کھانے کی میز بند کرنے کو کہا تو اس پر سابق کمشنر کی بیٹی صائمہ جوگزئی آپے سے باہر ہوگئی۔مبینہ طور پر سابق کمشنر افتخار جوگزئی اور ان کی بیٹی صائمہ جوگزئی نے غیرشائستہ زبان استعمال کی اور طیارے میں شورشرابہ شروع کردیا۔فضائی میزبان نے کپتان کو معاملے سے آگاہ کیا اور باپ بیٹی کی جانب سے ہنگامہ آرائی جاری رکھنے پر کپتان نے کنٹرول ٹاور سے رابطہ کیا اور طیارے کو رن وے سے واپس لے آیا  جب کہ صورتحال کو دیکھتے ہوئے ائیرپورٹ سکیورٹی فورس کو طیارے میں فوری طور پر طلب کرلیا گیا۔مسلسل ہنگامہ آرائی پر طیارے کے کپتان نے مسافروں کے تحفظ کی خاطر باپ اور بیٹی کو آف لوڈ کرنے کے لیے کہا جس پر صائمہ جوگزئی نے طیارے سے اترنے سے انکار کردیا۔ ائیر لائن انتظامیہ کے مطابق اس موقع پرصائمہ جوگزئی نے غصے میں ایک فضائی میزبان کو مکہ دے مارا جس سے چہرے پر مکہ لگنے سے خاتون فضائی میزبان کی ناک سے خون نکلنے لگا اور ایک دانت بھی ٹوٹ گیا جس کے بعد اے ایس ایف نے دونوں باپ بیٹی کو حراست میں لے لیا۔ائیر لائن انتظامیہ کے مطابق واقعے کے بعد بلوچستان انتظامیہ نے معاملہ ختم کرنے کیلئے دباو ڈالا، کمشنر کوئٹہ فوری طور پر کوئٹہ ائیرپورٹ پہنچے، اے ایس ایف سے صورتحال معلوم کی اور معاملہ رفع دفع کرنے کا کہا جب کہ بعد میں کمشنر کوئٹہ کی جانب سے باپ بیٹی سے تحریری معافی نامہ لکھوایا گیا۔معافی نامے کے بعد دونوں باپ بیٹی کو بغیر کسی قانونی کارروائی کے جانے کی اجازت دے دی گئی جب کہ زخمی ائیر ہوسٹس کو اسپتال روانہ کر دیا گیا۔ائیر لائن ذرائع نے بتایا کہ طیارے میں ہنگامہ آرائی کرنے والی خاتون مبینہ طور پر نشے میں تھی جب کہ یہ واقعہ فضائی عملے کی عزت اور تحفظ پر ایک بڑا سوال بھی ہے۔

سابق کمشنر کوئٹہ افتخار جوگیزئی کی بیٹی کا ایئرہوسٹس پر تشدد، دانٹ توڑ دیا

افتخار جوگزئی بیٹی صائمہ کے ساتھ سفر کررہے تھے ، دونوں نے ائیر پورٹ پر چیک ان کرتے وقت بھی عملے سے بدتمیزی کی

سپریم کورٹ آف پاکستان نے اینٹی کرپشن ہاٹ لائن قائم کر دی ہے، جس کا مقصد عدالتی احتساب اور شفافیت کو یقینی بنانا ہے۔ سپریم کورٹ سے جاری اعلامیے میں کہا گیا ہے کہ انصاف کی جلد فراہمی میں حائل رکاوٹوں کو دور اور احتساب کے نظام کو شفاف بنانے کے لئے یہ اقدام اُٹھایا گیا ہے۔ کرپشن سے متعلق شکایات کے ازالے کے لیے اس نمبر (03264442444) پر رابطہ کیا جا سکتا ہے۔اس حوالسے سے چیف جسٹس یحیٰی آفریدی نے قوم کے نام ایک پیغام بھی جاری کیا ہے۔’میرے قابلِ احترام بہنو اور بھائیو، السلام وعلیکم! میں جسٹس یحیٰی آفریدی چیف جسٹس آف پاکستان آپ سے مخاطب ہوں۔ نظام عدل اور بالخصوص سپریم کورٹ میں تیز ترین انصاف کی فراہمی میری اوّلین ترجیح ہے۔پچھلے قریباً 5 مہینوں میں دائر ہونے والے 7633 نئے مقدمات کے مقابلے میں آپ کی سپریم کورٹ نے 11779 مقدمات کا فیصلہ کیا۔ نئے ججوں کے آنے کے بعد مقدمات کے فیصلوں میں مزید تیزی آئے گی۔ اس لیے میں ضروری سمجھتا ہوں کہ آپ کو یقین دلاؤں کہ اگر آپ کا کوئی مقدمہ سپریم کورٹ میں دائر ہے تو اُس کا فیصلہ بہت جلد میرٹ کی بنیاد پر ہو جائے گا۔لہٰذا آپ سے گزارش کرتا ہوں کہ اگر کوئی سرکاری یا غیر سرکاری شخص مقدمے کی فکسیشن، نقل کے حصول کی بابت یا سپریم کورٹ سے متعلقہ کسی بھی کام کے لیے آپ سے رشوت طلب کرے آپ فوراً مجھے اطلاع دیں۔ رشوت اور سفارش کے متعلق میں عدم برداشت کی پالیسی پر عمل پیرا ہوں۔ میں آپ کو یقین دلاتا ہوں کہ نہ صرف آپ کا نام خفیہ رکھا جائیگا بلکہ آپ کی شکایت کی فوراً شنوائی ہوگی۔سپریم کورٹ اعلامیے کے مطابق یہ ہاٹ لائن 24 گھنٹے کام کرے گی اور اِس ہاٹ لائن کو بذریعہ فون، آن لائن پورٹل، ٹیکسٹ میسیج اور ای میل کے ذریعے سے استعمال کیا جا سکے گا۔ ہاٹ لائن اردو اور انگلش دونوں زبانوں میں کام کرے گی۔ سپریم کورٹ اعلامیے میں عوام سے استدعا کی گئی ہے کہ کرپشن کے خاتمے کے لیے اِس ہاٹ لائن کا استعمال کریں۔

سپریم کورٹ آف پاکستان میں خصوصی اینٹی کرپشن ہاٹ لائن قائم کردی گئی

گزشتہ 5 ماہ کے دوران 7 ہزار 633 نئے مقدمات کا اندراج ہوا، جب کہ 11 ہزار 779 مقدمات نمٹائے گئے، اعلامیہ سپریم کورٹ

پاکستان مسلم لیگ (ن) کے صدر اور سابق وزیراعظم نواز شریف کے صاحبزادے حسن نواز کو برطانیہ میں ٹیکس ڈیفالٹر قرار دے کر 52 لاکھ پاؤنڈز کا ٹیکس جرمانہ عائد کردیا گیا۔ برطانوی حکومت نے اپنی جاری کردہ تازہ فہرست میں حسن نواز کو ٹیکس ڈیفالٹر قرار دے دیا۔رپورٹ کے مطابق حسن نواز نے 5 اپریل 2015 سے 6 اپریل 2016 تک تقریبا 94 لاکھ پاؤنڈز کا ٹیکس ادا نہیں کیا۔برطانوی ٹیکس اتھارٹی نے حسن نواز پر جرمانہ عائد کیا، اس حوالے سے برطانوی حکومت نے اپنی سرکاری ویب سائٹ پر بھی تفصیلات شیئر کردیں۔حسن نواز نے 5 اپریل 2015 سے 6 اپریل 2016 تک 9.4 ملین پاؤنڈ ٹیکس ادا نہیں کیا۔قانونی ماہرین کے مطابق  چند ماہ قبل دیوالیہ ہونے کے باوجود حسن نواز سے جرمانے کی وصولی کا امکان ہے۔خیال رہے کہ برطانوی قوانین کے تحت قرضہ تو معاف ہو جاتا ہے لیکن ٹیکس چوری کا جرمانہ دیوالیہ ہونے پر بھی معاف نہیں ہوتا، اور حسن نواز کے وکلا کی جانب سے تاحال کوئی رد عمل سامنے نہیں آیا ہے۔

نواز شریف کے بیٹے حسن نواز برطانیہ میں ٹیکس ڈیفالٹر قرار، 52 لاکھ پاؤنڈز کا جرمانہ

برطانوی ٹیکس اتھارٹی نے صدر مسلم لیگ (ن) اور سابق وزیر اعظم نواز شریف کے بیٹے پر جرمانہ عائد کیا

اسلام آباد ہائی کورٹ کے جج جسٹس سردار اعجاز اسحاق خان نے سابق وزیراعظم عمران خان سے ملاقات کے کیسوں کی کاز لسٹ منسوخ کرنے پر سخت ریمارکس د یتے ہوئے کہا کہ کاز لسٹ منسوخ کرنے کے بجائے آپ میری عدالت کی بنیادوں میں بارود رکھ کر اڑا دیتے۔تفصیلات کے مطابق اسلام آباد ہائیکورٹ کے جسٹس اعجاز اسحاق خان نے مشال یوسفزئی کی سپرنٹنڈنٹ اڈیالہ جیل کے خلاف توہین عدالت کیس کی کازلسٹ منسوخ ہونے کے معاملے پر ریمارکس دیے کہ ایسا کرنے سے پہلے میری عدالت کی بنیادوں میں بارود رکھ کر اڑا دیتے۔عدالتی حکم کے باوجود بانی پی ٹی آئی سے ملاقات نہ کروانے پر توہین عدالت کیس کی کاز لسٹ منسوخ کرنے پر عدالت کے طلب کرنے پر ڈپٹی رجسٹرار جوڈیشل اسلام آباد ہائیکورٹ سلطان محمود عدالت میں پیش ہوئے۔جسٹس سردار اعجاز اسحاق خان نے سٹیٹ کونسل سے استفسار کیا جو کچھ ہوا ہے کیا آپ اس میں ملوث ہیں؟ آپ نے کس کے کہنے پر کازلسٹ منسوخ کی؟ڈپٹی رجسٹرار جوڈیشل نے عدالت کو بتایا کہ ہمیں چیف جسٹس آفس سے ہدایات آئی تھیں، چیف جسٹس آفس سے کہا گیا لارجر بنچ بنا دیا ہے، اب اس کیس کی کازلسٹ منسوخ کر دیں۔جسٹس سردار اعجاز اسحاق نے پوچھا کیس منتقلی کے لیے متفرق درخواست کس قانون کے تحت دائر کی گئی؟ کیا ریاست جج کی مرضی کے بغیر کیس لارجر بنچ کو منتقل کرنے کی حمایت کرتی ہے؟فاضل جج نے ریمارکس دیئے یہ کرنے کی بجائے آپ میری عدالت کی بنیادوں میں بارود رکھ کر اڑا دیتے، ہم بنیادی سوالات ہی طے نہیں کر پاتے، ہر 10 سال بعد بنیادی اصولوں پر اسی مقام پر کھڑے ہو جاتے ہیں۔اسلام آباد ہائیکورٹ کے جج کا کہنا تھا اس سے بڑی حماقت نہیں کہ قانون کی عملداری کے بغیر معیشت ترقی کرے، یہ میری ذات کا یا میرے اختیارات کا مسئلہ نہیں بلکہ یہ معاملہ ہائیکورٹ کی توقیر کا ہے، کیا اس طرح عوام کا نظام انصاف پر یقین رہے گا؟درخواست گزار مشال یوسفزئی بولیں ہمارے ساتھ باہر یہ ہو رہا ہے تو بانی پی ٹی آئی عمران خان اور بشریٰ بی بی کے ساتھ جیل میں کیا کرتے ہوں گے؟ عدالت نے کہا آپ وہ بات کر رہی ہیں، ہمیں تو اپنے ادارے کی فکر ہو گئی ہے، گائیڈڈ میزائل آپ کی طرف جا رہا تھا وہ اب ہماری طرف آرہا ہے۔اسلام آباد ہائیکورٹ نے ڈپٹی رجسٹرار جوڈیشل کو تحریری جواب جمع کرانے کا حکم دیتے ہوئے ایڈووکیٹ جنرل اسلام آباد سے بھی جواب طلب کر لیا اور پوچھا کیا چیف جسٹس کے پاس ایک جج کے پاس زیر سماعت کیس اس کی مرضی کے بغیر دوسرے جج کو منتقل کرنے کا اختیار ہے؟عدالت کا کہنا تھا فرض کریں مستقبل میں ایک نہایت کرپٹ چیف جسٹس ہو تو اس کے پاس کیس اس طرح منتقل کرنے کا اختیار ہو گا؟ ایک پارٹی کے 3 کیسز ہوں، چیف جسٹس کو درخواست دیں تو زیر سماعت کیس منتقل ہو سکتا ہے؟ کیا آپ کرپشن اور اقربا پروری کے دروازے کھول رہے ہیں؟جسٹس سردار اعجاز اسحاق خان کا کہنا تھا یہ انصاف کی عدالت کو گمراہ کرنے کے بھی مترادف ہے، اسلام آباد ہائیکورٹ رولز میں نہیں ہے کہ جج کی مرضی کے بغیر چیف جسٹس کیس ٹرانسفر کر دے، آپ ایک چیز کو انا کا مسئلہ بنا کر جو کچھ کر رہے ہیں وہ ہائیکورٹ کے بخیے ادھیڑ دے گا۔عدالت کا کہنا تھا ریاست نے اگر فیصلہ کر لیا ہے کہ انہوں نے انا کی جنگ جیتنی ہے تو میرا یہاں بیٹھنے کا کوئی فائدہ نہیں، اگر بڑے صاحب کی مرضی کہیں اور ہے تو وہ کہیں کہ میں کیس اپنے پاس لے لوں؟ جج رجسٹرار آفس کے مرہون منت ہے؟ آفس فیصلہ کرے گا کہ جج نے کیس سننا ہے یا نہیں سننا؟ کیا کاز لسٹ فیصلہ کرے گی کہ عدالت انصاف کیسے دے گی؟ڈپٹی رجسٹرار جوڈیشل کا کہنا تھا ہم نے چیف جسٹس آفس سے ہدایت کیلئے معاملہ بھیجا، کیس لارجر بنچ کو منتقل کرنے کا کہا گیا جس پر جسٹس سردار اعجاز کا کہنا تھا لارجر بنچ جو کارروائی کر رہا ہے اس عدالت کی کارروائی کی توہین میں کر رہا ہے، کازلسٹ منسوخ کر کے کیس ٹرانسفر کرنے پر توہین عدالت کی کارروائی کا آغاز کر رہا ہوں۔بعدازاں اسلام آباد ہائیکورٹ نے عمران خان سے ملاقات نہ کرانے پر توہین عدالت کی کاز لسٹ منسوخ ہونے سے متعلق کیس کی سماعت کل تک ملتوی کر دی۔

کاز لسٹ منسوخ کرنے کے بجائے میری عدالت کی بنیاد میں بارود رکھ کر اڑا دیتے، جسٹس سرداراعجاز

ریاست نے فیصلہ کر لیا ہے کہ انہوں نے انا کی جنگ جیتنی ہے تو میرا یہاں بیٹھنے کا کوئی فائدہ نہیں، جج کے سخت ریمارکس

وفاقی حکومت کی جانب سے عیدالفطر پر دی جانے والی چھٹیوں کا اعلان کردیا گیا، کابینہ ڈویژن نے اس سلسلے میں نوٹیفکیشن بھی جاری کردیا ہے۔نوٹیفکیشن کے مطابق پیر 31 مارچ سے بدھ 2 اپریل تک 3 دن کی سرکاری تعطیلات ہوں گی۔تعطیلات کے بعد جمعرات 3 اپریل سے دفاتر معمول کے مطابق کھل جائیں گے۔اتوار کی ہفتہ وار تعطیل ملا کر چھٹیوں کی مجموعی تعداد 4 ہو جائے گی جبکہ ان اداروں میں جن میں ہفتے کو بھی تعطیل ہوتی چھٹیوں کی تعداد 5 ہوگی۔واضح رہے کہ صوبوں کی جانب سے اب تک عید کی تعطیلات کا اعلان نہیں کیا گیا ہے۔

حکومت کی جانب سے عیدالفطر کی چھٹیوں کا اعلان کردیا گیا، نوٹیفکیشن جاری

حکومت کی جانب سے اس بار عیدالفطر کے موقع پر سرکاری طور پر 3 چھٹیاں دی گئی ہیں

عالمی بینک نے پاکستان کے لیے 10 کروڑ 20 لاکھ ڈالرز قرض کی منظوری دے دی۔عالمی بینک کےمطابق قرض کی رقم میکروکریڈٹ اورمیکروفنانس کیلئےاستعمال ہوگی،قرض کی رقم سے 18 لاکھ 90 ہزار افراد مستفید ہو سکیں گے،غریب اورکم آمدن والے گھرانوں کو قرض دیا جا سکے گا۔جاری اعلامیے کے مطابق اس رقم کا مقصد موسمیاتی تبدیلیوں سے متاثرہ افراد کی آمدن بڑھانا ہے، یہ رقم عالمی بینک کے 10سالہ کنٹری پارٹنر شپ پروگرام کا حصہ ہے۔اعلامیے کے مطابق منصوبہ چھوٹے کاروباروں اور دیہی علاقوں میں مالیاتی شمولیت بڑھانے میں مدد دے گا۔

ورلڈ بینک نے پاکستان کیلئے 10 کروڑ ڈالر قرض کی کی منظوری دے دی

رقم سے 18 لاکھ 90 ہزار افراد مستفید ہو سکیں گے،غریب اورکم آمدن والے گھرانوں کو قرض دیا جا سکے گا

امریکی خلا باز9ماہ خلا میں پھنسے رہنے کے بعدبحفاظت زمین پرواپس پہنچ گئے۔غیر ملکی میڈیا کی رپورٹس کے مطابق بین الاقوامی خلائی اسٹیشن (آئی ایس ایس) میں سوار 58 سالہ سنیتا ولیمز اور 62 سالہ بوچ ولمور خلاء میں 8 دنوں کے لیے گئے تھے، تاہم اسٹار لائنر خلائی جہاز میں تکنیکی خرابی کی وجہ سے گزشتہ ساڑھے 9 ماہ سے خلاء میں پھنسے ہوئے تھے۔دونوں خلاء بازوں کو اسپیس ایکس کے کریو ڈریگن خلائی جہاز کے ذریعے ریسکیو کیا گیا۔خلابازوں نے انٹرنیشنل اسپیس اسٹیشن سے زمین تک پہنچنے میں تقریباً 17 گھنٹے کا سفر طے کیا۔امریکی خلابازوں نے کہا کہ انہوں نے اس مشن سے لطف اٹھایا، سنیتا ولیمز نے اسپیس اسٹیشن کو اپنا  بہترین مقام قرار دیا۔ناسا نے لینڈنگ مشن کی لائیو اسٹریم اپنے چینل پر براہ راست نشر کی جہاںاسپیس ایکس انجینئرنگ مینیجرکیٹ ٹائس اورناسا کمیونیکیشن آفیسر سینڈرا جونز لمحہ بہ لمحہ لائیو اپ ڈیٹس فراہم کرتے رہے۔خلاء بازوں کی واپسی پر ایک حیرت انگیز منظر پیش آیا جب اسپیس ایکس کے ڈریگن کیپسول کے ارد گرد پانی میں ڈولفنز تیراکی کرتی نظر آئیں، یہ خوبصورت لمحہ ناصرف حیران کن بلکہ دل کو چھو لینے والا بھی تھا، اس منظر کی ویڈیو سوشل میڈیا پر وائرل ہو گئی۔کیپسول کے پانی میں لینڈ کرنے کے بعد ریکوری ٹیم نے اسے بحفاظت نکالا اور پھر کئی ماہ بعد اس کا سائیڈ ہیچ پہلی مرتبہ کھولا گیا۔ خلاء باز کیپسول سے باہر آئے اور انہیں فوری طور پر ہیوسٹن لے جایا گیا جہاں وہ 45 دن کے بحالی پروگرام میں شامل ہوں گے۔

امریکی خلا باز9ماہ خلا میں پھنسے رہنے کے بعد بحفاظت زمین پرواپس پہنچ گئے

خلابازوں نے انٹرنیشنل اسپیس اسٹیشن سے زمین تک پہنچنے میں تقریباً 17 گھنٹے کا سفر طے کیا

محکمہ موسمیات نے 31 مارچ کو عید الفطرہونے کی پیش گوئی کردی۔تفصیلات کے مطابق ماہرین فلکیات کے بعد محکمہ موسمیات نے بھی ملک میں عیدالفطر 31 مارچ کو ہونے کی پیش گوئی کر دی۔محکمہ موسمیات کے مطابق عید الفطر31مارچ کو ہو گی جس کے لیے ماہِ شوال کا چاند 29مارچ کو 3 بجکر 58 منٹ پر پیدا ہو گا اور 30 مارچ کو رویت ہلال کمیٹی کا اجلاس ہوگا اس  وقت چاند کی عمر 27 گھنٹے ہو گی۔فوکل پرسن محکمہ موسمیات انجم نذیر زیگم نے بتایا کہ ماہ شوال کا چاند با آسانی سے دیکھا جا سکے گا، 30 مارچ کو چاند نظر آ جائے گا، یکم شوال 31 مار کو ہوگی تاہم ماہ شوال کے چاند کا حتمی اعلان مرکزی رویت ہلال کمیٹی کرے گی۔محکمہ موسمیات کا کہنا ہے کہ عید الفطر پر کراچی کا درج حرارت 36 سے 37 ڈگری سینٹی گریڈ رہے گا کراچی میں عید الفطر کے ایام میں سمندری ہوائیں بحال رہیں گی اور نمی زیادہ ہونے کی وجہ سے گرمی کی شدت زیادہ محسوس ہو گی۔دوسری جانب شوال کا چاند دیکھنے کے لیے مرکزی رویت ہلال کمیٹی اور زونل کمیٹیوں کا اجلاس 30 مارچ (اتوار) کو کیا گیا ہے۔سرکاری خبر رساں ادارے ’اے پی پی‘ کے مطابق مرکزی رویت ہلال کمیٹی کا اجلاس وزارت مذہبی امور اور بین المذاہب ہم آہنگی میں منعقد ہوگا، جہاں شوال کا چاند دیکھنے کے ساتھ ساتھ ملک بھر سے شہادتیں وصول کی جائیں گی۔ اجلاس میں مذہبی اسکالرز، ماہرین موسمیات اور دیگر شرکت کریں گے۔چاند نظر آنے یا نہ آنے کی صورت میں پاکستان میں عید الفطر منانے کی تاریخ کا اعلان کیا جائے گا۔

محکمہ موسمیات نےبھی 31 مارچ بروزپیر کو عید الفطرہونے کی پیش گوئی کردی

چاند کی پیدائش 29مارچ کو3بجکر58منٹ پرہوگی ، 30مارچ کورویت ہلال کمیٹی کااجلاس ہوگا

حکومت سندھ نے یوم علیؓ کے موقع پر 21 رمضان کو تمام تعلیمی اداروں میں تعطیل کر اعلان کر دیا۔تفصیلات کے مطابق  محکمہ اسکول ایجوکیشن سندھ نے 21 رمضان المبارک کو تعلیمی ادارے بند رکھنے کا اعلان کیا ہے۔تعلیمی اداروں میں  22 مارچ کو چھٹی کا اعلان یوم علیؓ کے موقع پر کیا گیا ہے۔محکمہ اسکول تعلیم کے ڈپٹی سیکرٹری اشرف حسین انصاری کے دستخط سے نوٹیفکیشن جاری کردیا گیا۔نوٹیفکیشن کے مطابق سندھ میں 21 رمضان المبارک (22 مارچ) کو حضرت علی کے یوم شہادت پر تمام سرکاری و نجی اسکول اور کالجز بند رہیں گے۔

حکومت سندھ کا21رمضان کو سرکاری و نجی تعلیمی اداروں میں تعطیل کا اعلان

بائیس مارچ کو یوم علیؓ کے موقع پرصوبے میں تمام نجی اور سرکاری تعلیمی ادارے بند رہیں گے، نوٹیفکیشن

پاکستان شوبز انڈسٹری کی سابقہ اداکارہ زرنش خان نے سوشل میڈیا پلیٹ فارمز سے درخواست کی ہے کہ ان کی پرانی تصاویر استعمال نہ کریں۔زرنش خان نے اپنی انسٹا اسٹوری پر لکھا ہے کہ میری سارے سوشل میڈیا پلیٹ فارمز سے درخواست ہے کہ براہِ مہربانی میری پرانی تصاویر استعمال نہ کریں۔انہوں نے لکھا ہے کہ میں اب پردہ کرتی ہوں اس لیے صرف یہ درخواست ہی کر سکتی ہوں کہ میری پرانی تصاویر نہ استعمال کریں۔زرنش خان نے لکھا ہے کہ باقی جس کو جو بھی لکھنا ہے لکھے، بس صرف میری پرانی تصاویر اور ویڈیوز استعمال نہ کریں۔انہوں نے آخر میں لکھا ہے کہ آپ سب کے لیے یہ مہینہ مبارک ثابت ہو۔یاد رہے کہ زرنش خان نے 2023 میں عمرے کی سعادت حاصل کرنے بعد اسلامی تعلیمات کے مطابق زندگی گزارنے کے لیے شوبز انڈسٹری کو خیر باد کہہ دیا تھا۔اداکارہ نے عمرے کی سعادت حاصل کرنے کے فورا بعد اپنے سوشل میڈیا اکاونٹس سے اپنی ساری پرانی تصاویر اور ویڈیوز بھی ڈیلیٹ کر دی تھیں۔

زرنش خان کی سوشل میڈیا پلیٹ فارمز سے پرانی تصاویر استعمال نہ کرنے کی اپیل

زرنش خان نے 2023 میں اسلامی تعلیمات کے مطابق زندگی گزارنے کے لیے شوبز انڈسٹری کو خیر باد کہہ دیا تھا

راولپنڈی (این این آئی)سابق وزیراعظم اور پاکستان تحریک انصاف (پی ٹی آئی) کے بانی چیئرمین عمران خان نے کہا ہے کہ افغانستان ہمارا دشمن نہیں ہے آپ اسے دشمن بنانے کی کوشش نہ کریں، کیوں بلاوجہ مسلمان بھائیوں سے لڑائی مول لے رہے ہیں۔اڈیالہ جیل کے باہر میڈیا سے گفتگو کے دوران عمران خان کی بہن علیمہ خان کے مطابق بانی پی ٹی آئی نے انہیں بتایا کہ مجھے اخبار نہیں مل رہا اور ٹی وی بھی بند ہے، وہ حالیہ واقعات سے بے خبر تھے۔علیمہ خان نے کہا کہ جب ہم نے عمران خان کو قومی سلامتی کمیٹی اجلاس کا بتایا تو انہوں نے کہا کہ اس لیے میرا اخبار اور ٹی وی بند کیا گیا۔عمران خان نے کہا کہ پی ٹی آئی میری اجازت بغیر اس اے پی سی میں شرکت نہیں کر سکتے، یعنی وہ میری اجازت سے ہی قومی سلامتی کمیٹی میں جائیں گے۔بانی پی ٹی آئی نے کہا کہ گراف نکال کر دیکھیں دہشتگردی 2021 تک کم ہو گئی تھی اور 2022 میں پھر بڑھنا شروع ہوئی جب کہ افغانستان ہمارا دشمن نہیں ہے آپ اسے دشمن بنانے کی کوشش نہ کریں، آپ کیوں بلاوجہ مسلمان بھائیوں سے لڑائی مول لے رہے ہیں۔علیمہ خان نے صحافیوں کو بتایا کہ مینوئیل کے مطابق بشری بی بی اور عمران خان کو آدھا گھنٹہ فیملیز اور پھر آپس میں ملاقات کرنی چاہیے، یہ مجموعی طور پر ڈیڑھ گھنٹے کی ملاقات بنتی ہے لیکن صرف 30 منٹ کی ملاقات کرائی جاتی ہے تاہم ہم نے احتجاجا آج 45 منٹ تک ملاقات کی۔انہوںنے کہاکہ عمران خان کی بچوں سے بھی فون پر بات نہیں کروائی گئی اور نہ ان کے ذاتی معالج سے ان کا طبی معائنہ کروایا گیا، حالانکہ عدالت سے اجازت لے رکھی ہے کہ ڈاکٹر ثمینہ نیازی سے بانی کے دانتوں کا طبی معائنہ کروایا جائے۔علیمہ خان نے کہا کہ یہ ہر طریقے سے تنگ کر رہے ہیں، مشرف نے جب نواز شریف کو جیل میں ڈالا تو کلثوم نواز کو جیل میں نہیں ڈالا تھا لیکن بانی پی ٹی آئی کے ساتھ اہلیہ کو جیل میں رکھا تاکہ ان پر دباؤ ڈالا جاسکے۔علیمہ خان کے مطابق عمران خان نے واضح کیا کہ ملک میں آزادی، اتحاد، قانون کی حکمرانی اور ظلم کے خلاف کھڑا ہوں، اگر یہ ان چیزوں کے لیے مجھے اندر رکھیں گے تو میں تیار ہوں، اگر یہ سمجھتے ہیں ان کے ان حربوں سے میں ٹوٹ جاؤں گا تو یہ ان کی غلط فہمی ہے۔بانی پی ٹی آئی کے مطابق یہ جو مرضی کرلیں میں اپنے اصول سے نہیں ہٹوں گا، انہوں نے کیسسز التوا میں رکھے، ملاقاتوں پر پابندی لگا رہے ہیں، اس وقت پاکستان میں کوئی قانون کام نہیں کر رہا ہے۔عمران خان نے کہا کہ اس وقت کس کی مرضی چل رہی ہے یہ آپ کو اور ہمیں پتا ہے، سب کو پتا ہے پاکستان بدل چکا ہے، ہم مضبوط کھڑے ہیں اور ہمیں کبھی اللہ سے ناامید نہیں ہونا چاہیے، پاکستانیوں کو ملک اور اس کی سالمیت کے دعا کرنی چاہیے۔

افغانستان ہمارا دشمن نہیں ہے، اسے دشمن بنانے کی کوشش نہ کریں، عمران خان

اس وقت پاکستان میں کوئی قانون کام نہیں کر رہا، کس کی مرضی چل رہی ہے یہ آپ کو اور ہمیں پتا ہے، سابق وزیراعظم

آرمی چیف جنرل سید عاصم منیر نے کہا ہے کہ ہمیں گورننس بہتر کرنے اور مملکت پاکستان کو ہارڈ اسٹیٹ بنانے کی ضرورت ہے، ہم کب تک ایک سوفٹ اسٹیٹ کی طرز پر بے پناہ جانوں کی قربانی دیتے رہیں گے، گورننس کے گیپس کو کب تک افواج پاکستان اور شہداء کے خون سے بھرتے رہیں گے۔چیف آف آرمی اسٹاف جنرل سید عاصم منیر نے قومی سلامتی کی پارلیمانی کمیٹی سے خطاب کیا۔آرمی چیف کا کہنا تھا کہ ملک کی سلامتی سے بڑا کوئی ایجنڈا نہیں، کوئی تحریک نہیں، کوئی شخصیت نہیں، پائیدار استحکام کے لئے قومی طاقت کے تمام عناصر کو ہم آہنگی کے ساتھ کام کرنا ہو گا، یہ ہماری اور ہماری آنے والی نسلوں کی بقا کی جنگ ہے۔انہوں نے کہا کہ ہم کو بہتر گورننس اور مملکت پاکستان کو  ہارڈ اسٹیٹ بنانے کی ضرورت ہے، ہم کب تک ایک سوفٹ اسٹیٹ کے طرز پر بے پناہ جانوں کی قربانی دیتے رہیں گے۔آرمی چیف نے کہا کہ ہم گورننس کے گیپس کو کب تک افواج پاکستان اور شہداء کے خون سے بھرتے رہیں گے، علماء سے درخواست ہے کہ وہ خوارج کی طرف سے اسلام کی مسخ شدہ تشریح کا پردہ چاک کریں۔جنرل سید عاصم منیر نے کہا کہ اگر یہ ملک ہے تو ہم ہیں، لہٰذا ملک کی سلامتی سے بڑھ کر ہمارے لئے کوئی چیز نہیں، پاکستان کے تحفظ کیلئے یک زبان ہو کر اپنے سیاسی اور ذاتی مفادات سے بالاتر ہو کر ایک بیانیہ اپنانا ہو گا۔آرمی چیف نے کہا کہ جو سمجھتے ہیں کہ وہ پاکستان کو ان دہشت گردوں کے ذریعے کمزور کر سکتے ہیں، آج کا دن ان کو یہ پیغآم دیتا ہے کہ ہم متحد ہو کر نہ صرف ان کو بلکہ ان کے تمام سہولت کاروں کو بھی ناکام کریں گے۔جنرل سید عاصم منیر نے کہا کہ ہمیں اللہ تعالیٰ پر پورا بھروسہ ہے جو کچھ بھی ہو جائے انشاء اللہ ہم کامیاب ہوں گے۔

ملک کی سلامتی سے بڑا کوئی ایجنڈا نہیں ،کوئی تحریک نہیں، کوئی شخصیت نہیں، آرمی چیف

ہمیں اللہ تعالیٰ پر پورا بھروسہ ہے جو کچھ بھی ہو جائے انشاء اللہ ہم کامیاب ہونگے، قومی سلامتی کی پارلیمانی کمیٹی سے خطاب

Babar Azam's bad form results in another humiliating dismissal for him during the Champions One-Day Cup 2024.

Babar Azam Poor Form Continues, Gets Bowled By A Local Spinner During Champions Cup 2024

Pakistan&rsquo;s white-ball captain and leading batsman, Babar Azam has not been having the best time in his career.&nbsp;

With the Champions One-Day Cup 2024 <a href="https://www.tapmad.com/blog/champions-one-day-cup-2024-live-streaming-schedule/445-2-0">starting on 12th September</a>, the players have indulged in practice sessions to get into their best form before the beginning of this highly anticipated tournament.&nbsp;

One such practice session has spotlighted both promise and concern among the country&#39;s top players.&nbsp;

The practice match between Lions and Stallions added insult to Babar Azam&rsquo;s injury. He was bowled out by a local player Asghar while trying to play a weird sweep shot.&nbsp;

Babar Azam must have entered the match with high expectations, but had a very disappointing encounter.&nbsp;

The Pakistan skipper&rsquo;s form has been a topic of discussion in recent times, with the fans hoping for him to regain his form in Champions Cup Pakistan 2024.&nbsp;

In the practice match, Babar was dismissed for just 20 runs, falling prey to the spinner Mohammad Asghar.&nbsp;

His attempt to play a sweep shot, a risky move that ultimately failed, resulted in his dismissal. Babar&rsquo;s recent failure has added more disappointment to his already struggling career.&nbsp;

Babar Azam&#39;s recent form has been significantly concerning. His performance in the <a href="https://www.tapmad.com/blog/shocking-collapse-babar-azams-unbelievable-8th-duck-stuns-fans-in-test-cricket/418-2-0">Pakistan vs Bangladesh test series</a> was notably poor, including a duck in the series opener and below average scores in subsequent innings.&nbsp;

His struggling form has resulted in a decrease in his international rankings and has attracted criticism from fans and experts alike.

Will Babar Azam be able to recover from this disturbance in his form during the Champions One-Day Cup 2024?

Babar Azam Faces Backlash Due To Poor Performance In Champions Cup 2024

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan