Cricket

Entertainment

Football

ڈسٹرکٹ اینڈ سیشن کورٹ اسلام آباد نے 4 مقدمات میں بانی پی ٹی آئی کی اہلیہ بشریٰ بی بی کی عبوری ضمانت 13 جنوری تک منظور کر لی۔ڈسٹرکٹ اینڈ سیشن کورٹس اسلام آباد میں ڈیوٹی جج شبیر بھٹی نے پی ٹی آئی کے 26 نومبر کے احتجاج پر بشریٰ بی بی کیخلاف درج مقدمات میں عبوری ضمانت کی درخواستوں پر سماعت کی، سابق خاتون اول اپنے وکلاء کے ہمراہ کمرہ عدالت میں پیش ہوئیں۔عدالت نے بشریٰ بی بی کی عبوری ضمانت 13 جنوری تک منظور کرلی، عدالت نے 50، 50 ہزار روپے کے مچلکوں کی عوض ضمانت منظور کی۔یاد رہے کہ بشریٰ بی بی کیخلاف تھانہ ترنول میں ایک اور 3 مقدمات تھانہ رمنا میں درج ہیں۔

چھبیس نومبر احتجاج کیسز ،بشریٰ بی بی کی 4 مقدمات میں عبوری ضمانت منظور

عدالت نے 50، 50 ہزار روپے کے مچلکوں کے عوض 13 جنوری تک ضمانت منظور کرلی

نو منتخب امریکی صدر ڈونلڈ ٹرمپ کی جانب سے تعینات نمائندہ برائے خصوصی مشن رچرڈ گرینل نے انکشاف کیا ہے کہ ٹرمپ کے نامزد وزیر خارجہ مارکو روبیو نے پاکستان کے میزائل پروگرام پر بات کرنے کی تیاری کی ہوئی ہے، ہم چاہتے ہیں عمران خان کو جیل سے رہا کیا جائے، بانی پی ٹی آئی عمران خان پر بھی ٹرمپ کی طرح کرپشن کے جھوٹے الزامات ہیں۔ایک امریکی ٹی وی انٹرویو دیتے ہوئے نومنتخب امریکی صدر کے نامزد کردہ خصوِصی ایلچی رچرڈ گرینل نے کہا انہیں یقین ہے کہ سیاست میں باہر سے آنے والے لوگ، غیر سیاسی، عام فہم لوگ، کاروباری لوگ وہ لوگ ہیں ’جو میرے ساتھ بہترین کام کرتے ہیں۔ لہٰذا میں چاہتا ہوں کہ عمران خان جیل سے رہا ہوں۔ وہ اس وقت جیل میں ہیں۔پاکستان کی سابق حکومت کے حوالے سے پوچھے گئے سوال کے جواب میں رچرڈ گرینل نے کہا کہ ڈونلڈ ٹرمپ کے پہلے دورِ اقتدار میں اُس وقت کی پاکستانی حکومت سے بہترین تعلقات تھے۔عمران خان کے حوالے سے رچرڈ گرینل نے کہا کہ پاکستان کے اسیر سابق وزیراعظم بھی ڈونلڈ ٹرمپ کی طرح سیاست میں مورثی طور پر نہیں آئے تھے، رچرڈ گرینل نے ایک بار پھر عمران خان کو رہا کرنے کا مطالبہ کرتے ہوئے کہا کہ سابق وزیراعظم پر بھی ویسے ہی الزامات ہیں جیسے ٹرمپ پر تھے۔ رچرڈ گرینل کامزیدکہناتھا کہ ڈونلڈ ٹرمپ کے نامزد وزیرخارجہ مارکو روبیو نے پاکستان کے میزائل پروگرام پر بات کرنے کی تیاری کی ہوئی ہے۔انہوں نے کہا کہ ایٹمی صلاحیت کے حامل ملکوں سے مختلف انداز میں ڈیل کیا جاتا ہے۔انہوں نے بائیڈن انتظامیہ پر پاکستان کے حوالے سے معاملات کو آگے بڑھانے پر زور دیتے ہوئے کہا کہ ’جوبائیڈن انتظامیہ جوکام 4 سال میں کرنے میں ناکام رہی وہ آخری 45 دن میں کرنے کی کوشش کر رہی ہے۔ رچرڈ گرینل نے موجودہ ترجمان امریکی وزارت خارجہ میتھیو ملر کی میڈیا سے گفتگو کو پیچیدہ قرار دیتے ہوئے کہا کہ اصل بات یہی ہے کہ پاکستان کے سابق وزیراعظم کو رہا کیا جائے۔

عمران خان کورہاکیاجائے ، ان پر بھی صدر ٹرمپ کی طرح جھوٹے الزامات ہیں ، رچرڈ گرینیل

نامزد وزیر خارجہ نے پاکستان کے میزائل پروگرام پر بات کرنے کی تیاری کی ہوئی ہے، امریکی ایلچی

جنوبی افریقا کو ون ڈے سیریز میں کلین سوئپ کرنے کے بعد ٹیسٹ سیریز جیتنے کا مشن۔پاکستان اور جنوبی افریقہ کے درمیان دو میچوں کی سیریز کا پہلا ٹیسٹ آج سنچورین میں کھیلا جائے گا۔قومی اسکواڈ کی باکسنگ ڈے ٹیسٹ کے لیے تیاریاں مکمل ہو گئیں، کھلاڑیوں نے بیٹنگ، باؤلنگ اور فیلڈنگ کی جم کر پریکٹس کی۔قومی ٹیم کے کپتان شان مسعود نے کہا ہے کہ یہاں کی کنڈیشن فاسٹ باؤلرز اور بیٹرز کیلئے سازگار ہیں۔جنوبی افریقا کیخلاف پہلے ٹیسٹ کیلئے قومی ٹیم کی پلیئنگ الیون کا اعلان کردیاگیا ہے، انگلینڈ کے خلاف ہوم سیزیز کے آخری دو میچوں کے لیے ڈراپ ہونے والے بابراعظم کی واپسی ہوئی ہے۔پاکستان چار فاسٹ بولرز کے ساتھ میدان میں اترےگا، تجربہ کار فاسٹ بولر محمد عباس کی پلیئنگ الیون میں واپسی ہوئی ہے، فاسٹ باؤلر محمد عباس کو ٹیم میں 3 سال بعد شامل کیا گیا ہے جنہوں نے آخری بار پاکستان کے لیے اگست 2021 میں ویسٹ انڈیز کے خلاف ٹیسٹ کھیلا تھا۔پاکستان ٹیم نے اپنی آخری ٹیسٹ سیریز شان مسعود کی قیادت میں انگلینڈ کے خلاف دو ایک سے جیتی ہے۔پاکستان کے ٹیسٹ اسکواڈ میں شان مسعود، سعود شکیل، عامر جمال، عبداللہ شفیق، بابر اعظم، حسیب اللہ (وکٹ کیپر) کامران غلام، خرم شہزاد، میر حمزہ، محمد عباس، محمد رضوان (وکٹ کیپر ) نسیم شاہ، نعمان علی، صائم ایوب اور سلمان علی آغا شامل ہیں۔

پاکستان اور جنوبی افریقا کے درمیان دو میچوں کی سیریز کا پہلا ٹیسٹ آج کھیلا جائے گا

جنوبی افریقا کیخلاف پہلے ٹیسٹ کیلئے قومی ٹیم کی پلیئنگ الیون کا اعلان، محمد عباس کی 3 سال بعد واپسی

انٹرنیشنل کرکٹ کونسل (آئی سی سی )نے نئی ون ڈے رینکنگ جاری کر دی۔آئی سی سی کی جانب سے جاری کردہ نئی رینکنگ کے مطابق سابق کپتان بابراعظم کی ون ڈے فارمیٹ میں بادشاہی تاحال برقرار ہے جبکہ فاسٹ بولر شاہین شاہ آفریدی کی تنزلی ہوئی ہے۔صائم ایوب نے ون ڈے رینکنگ میں لمبی چھلانگ لگائی اور وہ  57 درجے ترقی سے بیٹنگ رینکنگ میں 24ویں پوزیشن پر پہنچ گئے۔آئی سی سی کی ون ڈے پلیئرز رینکنگ میں بلے بازوں کی فہرست میں پاکستان کے بابراعظم کی ون ڈے رینکنگ میں 795 پوائنٹس کے ساتھ پہلی پوزیشن برقرار ہے۔روہت شرما، شبمن گل اور ویرات کوہلی کی بدستور دوسری، تیسری اور چوتھی پوزیشن ہے۔جنوبی افریقا کےکلاسن 8 درجہ بہتری کے بعد پانچویں نمبر پر آگئے ہیں، محمد رضوان تین درجہ بہتری کے بعد 21 ویں نمبر پر پہنچ گئے ہیں۔جنوبی افریقا کے خلاف ون ڈے سیریز میں 2 سنچریاں بنانے والے صائم ایوب کی57  درجہ بہتری ہوئی ہے اور وہ  رینکنگ میں 24 ویں نمبر پر آگئےہیں۔ون ڈے میں بالرز کی رینکنگ میں  افغانستان کے راشد خان کا پہلا نمبر برقرار ہے۔بھارت کے کلدیپ یادیو 2 درجہ بہتری کے بعد دوسرے نمبر پر پہنچ گئے ہیں،بولرز کی رینکنگ میں شاہین آفریدی کی ایک درجہ تنزلی ہوئی ہے اور وہ تیسرے نمبر پر آگئے ہیں جبکہ ون ڈے آل راونڈرز کی فہرست میں کوئی پاکستانی ٹاپ 10 میں شامل نہیں ہے۔

آئی سی سی نئی رینکنگ جاری،بابراعظم کی بادشاہت برقرار ،شاہین آفریدی کی تنزلی

صائم ایوب شاندار کارکردگی کے بعد 57 درجے کی بڑی جھلانگ لگاتے ہوئے 24ویں نمبر پر آگئے

پی ایچ ڈی کی تعلیم چھوڑ کر فحش اداکارہ بننے کا اعلان کرنے والی یوٹیوبر زارا ڈار نے انٹرنیٹ پر بہت تیزی سے شہرت حاصل کر لی ہے۔زارا ڈار کے وائرل ہونے کے بعد ان سے متعلق سوشل میڈیا پر یہ مشہور ہو گیا تھا کہ ان کا تعلق پاکستان سے ہے تاہم اب زارا ڈار نے خود اس معاملے پر وضاحت جاری کر دی ہے۔زارا ڈار نے سماجی رابطوں کی ویب سائٹ ایکس پر لکھا کہ ’جب سے میں نے یہ ویڈیو بنائی کہ میں نے ’اونلی فینز‘ کے لیے کام کرنے کے لیے پی ایچ ڈی چھوڑ ڈی ہے، تو اس کے بعد سے میری نظر سے کئی ایسی پوسٹیں گزری ہیں جن میں میرے متعلق غلط معلومات پھیلائی جا رہی ہے۔انہوں نے مزید لکھا کہ میں نے اس معاملے پر تاحال کوئی ایکسکلوسیو انٹرویو تو نہیں دیا ہے البتہ میں کچھ حقائق آپ کے سامنے رکھنا چاہتی ہوں۔زارا ڈار نے لکھا کہ میرا نام ڈارسی ہے اور میں نے اسے مختصر کر کے ڈارز؍ڈار کر رکھا ہے۔انہوں نے اپنے پاکستانی ہونے کی تردید کرتے ہوئے لکھا کہ میں احترام کے ساتھ عرض کرنا چاہتی ہوں کہ میں پاکستانی نہیں ہوں، میں امریکی ہوں اور یہیں پلی بڑھی ہوں اور میرے خاندانی پس منظر میں امریکی، ایرانی، یورپی، مشرق وسطیٰ اور انڈین نسلیں شامل ہیں۔زارا ڈار نے خود سے منسوب تمام مصنوعات، جعلی اکاؤنٹس اور ڈیپ فیک ویڈیوز سے لاتعلقی کا بھی اظہار کیا اور اپنا واحد آفیشل ’’ایکس‘‘ اکاؤنٹ بھی شیئر کیا۔واضح رہے کہ سائنس اور ٹیکنالوجی کے میدان میں خواتین کی شمولیت کیلئے آواز اٹھانے والی یوٹیوبر زارا ڈار نے حال ہی میں اپنی پی ایچ ڈی کی تعلیم چھوڑ کر ’’اونلی فینز ماڈل‘‘ بننے کا اعلان کیا تھا۔خیال رہےزارا ڈار نامی یوٹیوبر و ماڈل کی تصاویر اور ویڈیوز گزشتہ چند روز سے پاکستانی اور بھارتی میڈیا و سوشل میڈیا پر وائرل ہو رہی تھیں۔ان کے نام کی وجہ سے سوشل میڈیا پر افواہیں تھیں کہ وہ پاکستانی انفلوئنسر و ماڈل ہیں۔امریکی ماڈل زارا ڈار نے کچھ عرصہ قبل بتایا تھا کہ انہوں نے پی ایچ ڈی کی تعلیم ادھوری چھوڑ کر فحش ویب سائٹ ’اونلی فینز‘ پر ماڈلنگ کرنا شروع کی ہے، جہاں انہوں نے تھوڑے ہی عرصے میں 10 لاکھ امریکی ڈالرز کمالیے، جس کے بعد اب وہ سرمایہ کاری کرنے کا ارادہ بھی رکھتی ہیں۔ اونلی فینز نامی یہ پلیٹ فارم فحش مواد شائع کرنے کے حوالے سے مشہور ہے جہاں نوجوان لڑکے لڑکیاں اپنی عریاں تصاویر اور ویڈیوز اپ لوڈ کر کے پیسہ کماتے ہیں، جس کی مقبولیت میں تیزی سے اضافہ ہوا ہے۔اسی پلیٹ فارم پر زارا ڈار نے بھی انٹری دی ہے جس کے بعد وہ سوشل میڈیا پر بھرپور وائرل ہوئیں۔

میں پاکستانی نہیں ہوں، امریکی ہوں اور یہیں پلی بڑھی ہوں، زارا ڈارکی وضاحت

زارا ڈار نامی یوٹیوبر و ماڈل کی تصاویر اور ویڈیوز گزشتہ چند روز سے پاکستانی اور بھارتی میڈیا و سوشل میڈیا پر وائرل ہو رہی تھیں

آذربائیجان کا مسافر طیارہ قازقستان ایئرپورٹ کے قریب گر کر تباہ ہو گیا۔میڈیارپورٹس کے مطابق باکو سے گروزنی جانے والا طیارہ اکٹو ہوائی اڈے کے قریب گر کر تباہ ہوا۔حادثے کا شکار ہونے والے مسافر طیارے میں 62 مسافر اور 5 عملے کے افراد سوار تھے جس میں سے 25 افراد بچ نکلنے میں کامیاب رہے۔حادثے کا شکار طیارہ آذربائیجان کے دارالحکومت باکو سے روس کے زیر تسلط ریاست جمہوریہ چیچن کے دارالحکومت گروزنی جا رہا تھا۔الجزیرہ کے مطابق گروزنی میں شدید دھند کے باعث حادثے کا شکار ہونے سے قبل طیارے کو رخ تبدیل کرنے کی ہدایت کی گئی تھی۔روسی ہوا بازی کے نگران ادارے کے مطابق اطلاعات ہیں کہ طیارے سے پرندہ ٹکرانے کے بعد پائلٹ نے ہنگامی لینڈنگ کا فیصلہ کیا تھا۔میڈیا رپورٹس کے مطابق طیارے نے حادثے سے قبل ہنگامی لینڈنگ کی درخواست کی تھی۔حادثے سے قبل طیارے نے مبینہ طور پر کئی بار ہوائی اڈے کا چکر لگایا تھا۔ طیارے حادثے میں 27 مسافر اسپتال منتقل کیے گئے ہیں۔جہاز کی تباہی کی ایک  ویڈیو وائرل ہو رہی ہے جس میں دیکھا جاسکتا ہے کہ طیارہ  تیزی سے نیچے اتر رہا تھا، پھر سمندر کے کنارے سے ٹکرایا، جس کے بعد آگ اور دھویں کے بڑے مرغولے میں تبدیل ہوگیا۔

قازقستان میں آذربائیجان کا مسافر طیارہ گر کر تباہ ہوگیا، درجنوں ہلاک

حادثے کا شکار ہونیوالا طیارہ باکو سےگروزنی جارہا تھا، طیارے میں 62 مسافر اور 5 عملے کے افراد سوار تھے

آرمی چیف جنرل عاصم منیر نے کہا ہے کہ مسیحی برادری قوم کیلئے فخر اور طاقت کا باعث ہے۔پاک فوج کے شعبہ تعلقات عامہ( آئی ایس پی آر) کے مطابق آرمی چیف جنرل عاصم منیر نے سینٹ جوزف کیتھولک کیتھیڈرل چرچ میں کرسمس تقریب میں شرکت کی اور مسیحی برادری سے یکجہتی کا اظہار کرتے ہوئے ملک بھرمیں مسیحی برادری کو کرسمس کی دلی مبارکباد دی جبکہ مسیحی برادری نے چرچ آمد پر آرمی چیف کا پرتپاک خیرمقدم کیا۔ آئی ایس پی آرکے مطابق آرمی چیف جنرل سید عاصم منیر نے ملکی، ثقافتی، سماجی، اقتصادی، قومی ترقی میں اقلیتوں اور مسیحی برادری کی شراکت کا اعتراف کیا۔ تقریب سے خطاب میں آرمی چیف جنرل سید عاصم منیر نے کہا ہے کہ مسیحی برادری قوم کے لیے فخر اور طاقت کا باعث ہیں۔آرمی چیف جنرل عاصم منیر نے کہا ہے کہ پاکستان کو قائد کے تصور کردہ پرامن اور خوشحال ملک میں تبدیل کرنے کے لیے اپنے اجتماعی عزم کا اعادہ کریں، ان کے آزادی، مساوات، مذہبی رواداری کے نظریات چیلنجز سے نمٹنے کے لیے قوم کی رہنمائی کرتے ہیں، تمام شہری اس کے لیے انتھک محنت کریں۔انہوں نے مزید کہا ہے کہ قائد اعظم کے نظریات علاقائی سالمیت کے تحفظ سے لے کر اندرونی استحکام کو فروغ دینے کے لیے حوصلہ افزائی کرتے ہیں، قائد کی دور اندیش قیادت اور غیر متزلزل عزم نے پاکستان کی تعمیر کی راہ ہموار کی۔

مسیحی برادری قوم کیلئے فخر اور طاقت کا باعث ہے،آرمی چیف کا کرسمس تقریب سےخطاب

آرمی چیف جنرل عاصم منیرکی کرسمس تقریبات میں شرکت، مسیحی برادری کو تہوار کی مبارکباد دی،آئی ایس پی آر

یوں دی ہمیں آزادی کہ دنیا ہوئی حیران ۔۔ بابائے قوم محمد علی جناح کا 148 واں یوم پیدائش آج ملک بھر میںملی جوش وجذبےسے منایا جارہا ہے،آج وفاقی دارالحکومت اسلام آباد اور چاروں صوبائی دارالحکومتوں میں دن کا آغاز توپوں کی سلامی سے ہوا۔محمد علی جناحؒ 25 دسمبر 1876ء کو کراچی میں پیدا ہوئے، ابتدائی تعلیم سندھ مدرستہ الاسلام سے حاصل کی، پھر لندن سے قانون کی ڈگری لی، قائداعظمؒ نے سیاست کا آغاز انڈین نیشنل کانگریس میں شمولیت سے کیا۔1913ء میں محمد علی جناحؒ نے آل انڈیا مسلم لیگ میں شمولیت اختیار کی، الگ مسلم ریاست کیلئے برصغیر کے مسلمانوں کی رہنمائی کی۔یوم قائد کی مناسبت سے شہر شہر تقریبات کا انعقاد کر کے بانی پاکستان کی انتھک جدوجہد، دانشمندی اور قیادت کو خراج تحسین پیش کیا جائے گا، جس کے نتیجے میں برصغیر کے مسلمانوں کے لئے ایک علیحدہ وطن کا قیام عمل میں آیا۔بانی پاکستان کے یوم پیدائش پر گارڈز کی تبدیلی کی پُروقار تقریب مزار قائد اعظم پر منعقد ہوئی۔ پاکستان ملٹری اکیڈمی کاکول کے چاق وچوبند دستے نے مزار قائد پر گارڈز کے فرائض سنبھالے۔اس موقع پر کمانڈنٹ ملٹری اکیڈمی کاکول میجر جنرل افتخار حسن چودھری (ہلال امتیار ملٹری) نے مزار قائد پر سلامی دی، پھولوں کی چادر چڑھائی اور فاتحہ خوانی کے بعد مہمانوں کی کتاب میں تاثرات درج کئے۔اس سے قبل، پاک فضائیہ کے جوان مزار قائد پر گارڈز کے فرائض انجام دے رہے تھے۔بابائے قوم کے یوم پیدائش کے موقع پر گورنر سندھ کامران ٹیسوری، وزیراعلیٰ سندھ سید مراد علی شاہ، سینئیر وزیر شرجیل میمن، صوبائی کابینہ کے ارکان، عسکری و سول حکام سمیت اہم شخصیات نے مزار قائد پر حاضری دی اور پھولوں کی چادر چڑھا کر فاتحہ خوانی کی۔مزار قائد پر حاضری کے موقع پر گورنر سندھ اور وزیراعلیٰ سندھ نے مہمانوں کی کتاب میں تاثرات درج کیے۔دوسری جانب صدرمملکت آصف علی زرداری اور وزیراعظم محمد شہبازشریف نے قائداعظم کے یوم پیدائش پر خراج عقیدت پیش کیا۔

بابائے قوم محمد علی جناح کا 148 واں یوم پیدائش آج ملی جوش وجذبے سےمنایا جارہا ہے

محمد علی جناح کے یوم پیدائش پر گارڈز کی تبدیلی کی پُروقار تقریب کراچی میںمزار قائد پر منعقد ہوئی

دنیا بھر کی طرح پاکستان میں بھی مسیحی برادری آج کرسمس کا تہوار جوش و جذبے کے ساتھ منا رہی ہے۔ملک کے مختلف شہروں میں مسیحی برادری نے اپنا تہوار بھرپور عقیدت و احترام سے منانے کیلئے کرسمس ٹری سجا لئے، گرجا گھروں میں خصوصی عبادات اور دعائیہ تقریبات کا انعقاد کیا جارہاہے، جہاں مسیحی برادری کے افراد اپنی مذہبی تقریبات کی ادائیگی اور عبادات کررہے ہیں۔کراچی کے سینٹ پیٹرک چرچ میں کرسمس کی دعائیہ تقریب کا اہتمام کیا گیا جس میں مسیحی برادری نے  بڑی تعدادمیں شرکت کی۔حیدرآباد میں رات گئے سینٹ فرانس چرچ میں کرسمس کے حوالے سے دعائیہ تقریب ہوئی اور مٹھائیاں تقسیم کی گئیں۔اس موقع پر ملکی ترقی، قیام امن اور سلامتی و خوشحالی کی خصوصی دعائیں مانگی جارہی ہیں۔اسلام آباد میں مسیحی برادری نے گلی کوچوں کی سجاوٹ کے ساتھ گھروں میں کرسمس ٹری بھی سجا لیے،کرسمس کے موقع پر ملک بھر کی طرح پشاور میں بھی چرچز اور گھروں کو خوبصورتی سے سجایا گیا ہے، مسیحی برادری نے گھروں کو کرسمس ٹریز سے مزین کرلیا۔دوسری جانب سانتا کلاز خوشیاں بکھیرنے کیلئے سفر پر نکل پڑے، اسپتال میں بچوں کو تحائف دینے کے انوکھے انداز کے باعث ٹیکساس میں ڈرون سے بنے سانتا کلاز توجہ کا مرکز بن گئے، روم میں بازاروں اور شاہراہوں کو روشنیوں سے سجا دیا گیا۔نیویارک، لندن، پیرس، ٹورنٹو اور میکسیکو سمیت دنیا کے کئی بڑے شہروں میں تقریبات ہوئیں، مسیحی برادری مذہبی تہوار کو بھرپور انداز سے منانے میں مصروف ہے۔مصر کے دارالحکومت قاہرہ کی گلیوں، بازاروں میں کرسمس کی روایتی سجاوٹ،دبئی کے ونٹر فیسٹیول میں بھی کرسمس کا جشن منایا گیا۔ دمشق کے گرجا گھر میں بھی دعائیہ تقریب،لندن میں کرسمس کی روایتی گوشت نیلامی میں بڑی تعداد میں لوگوں نے شرکت کی۔غزہ میں جاری اسرائیلی مظالم پرعیسائیوں کے مقدس شہر بیت لحم میں مسلسل دوسرے سال کرسمس کا تہوار سادگی سے منانے کا اعلان کیا گیا۔صدر مملکت آصف علی زرداری، وزیراعظم شہباز شریف اور مسلح افواج کی جانب سے مسیحی برادری کو کرسمس کی مبارکباد دی گئی۔

پاکستان سمیت دنیا بھر میں مسیحی برادری آج کرسمس کا تہوارجوش و خروش سے منا رہی ہے

کرسمس کی مناسبت سے گرجا گھروں میں خصوصی عبادات اورعائیہ تقریبات کاانعقاد کیاجارہاہے

پاکستان نے فوجی عدالتوں سے متعلق بیرون ممالک کے تبصروں پر ردعمل دیتے ہوئے کہا ہے کہ پاکستان انسانی حقوق کے بین الاقوامی معیارات کو مکمل طور پر تسلیم کرتا ہے۔تفصیلات کے مطابق 9 مئی کے مجرموں کی فوجی عدالتوں سے سزاؤں بارے امریکا، برطانیہ اور یورپی یونین کے بیانات پر ترجمان دفتر خارجہ نے واضح کیا ہے کہ پاکستان کا قانونی نظام عالمی معاہدوں کے مطابق ہے۔فوجی عدالتوں کے حالیہ فیصلوں پر امریکی، برطانوی اور یورپی یونین بیانات کے حوالے سے پوچھے گئے ایک سوال کے جواب میں دفتر خارجہ کی ترجمان نے ردعمل دیتے ہوئے کہا ہے کہ پاکستان انسانی حقوق کی اپنی تمام بین الاقوامی ذمہ داریوں کو پورا کرنے کے لیے پوری طرح پرعزم ہے۔ترجمان دفتر خارجہ نے کہا کہ پاکستان کا قانونی نظام بین الاقوامی انسانی حقوق کے قانون سے مطابقت رکھتا ہے، ہمارے قانون نظام میں شہری اور سیاسی حقوق کے بین الاقوامی معاہدے کی دفعات بھی شامل ہیں، قانون نظام میں اعلیٰ عدالتوں کے ذریعے عدالتی نظرثانی کے نظام موجود ہے، ہمارے نظام میں انسانی حقوق اور بنیادی آزادیوں کے فروغ اور تحفظ کی ضمانت دی گئی ہے۔ترجمان کا مزید کہنا تھا کہ یہ فیصلے پارلیمنٹ کے ذریعے منظور شدہ قانون اور سپریم کورٹ آف پاکستان کے فیصلوں کے تحت کیے گئے ہیں، پاکستان جمہوریت کے اصولوں، انسانی حقوق اور قانون کی حکمرانی کے فروغ کے لیے تعمیری اور نتیجہ خیز مذاکرات پر یقین رکھتا ہے۔دفتر خارجہ نے کہا کہ ہم جی ایس پی پلس اسکیم اور بنیادی بین الاقوامی انسانی حقوق کنونشنز کے تحت اپنے وعدوں پر عمل درآمد کے لیے پوری طرح پرعزم ہیں اور بغیر کسی امتیاز اور دوہرے معیار کے بین الاقوامی انسانی حقوق کے قانون کو برقرار رکھنے کے لیے یورپی یونین سمیت اپنے بین الاقوامی شراکت داروں کے ساتھ بات چیت جاری رکھیں گے۔واضح رہے کہ 9 مئی کے واقعات میں ملوث مجرموں کو فوجی عدالتوں سے سزائیں سنائے جانے پر امریکا نے شدید تشویش کا اظہار کیا ہے۔اس سے قبل یورپی یونین پر ان فیصلوں پر تشویش کا اظہار کرچکا ہے، جس میں کہا گیا تھا کہ پاکستان میں عام شہریوں کو فوجی عدالتوں سے سزائیں بین الاقوامی معاہدوں کی خلاف ورزی ہے۔اس کے علاقہ برطانیہ نے اپنے ردعمل میں کہاکہ اس طرح کی کارروائیاں انصاف کے بنیادی اصولوں کی خلاف ورزی ہیں اور عوامی حقوق کی پامالی کرتی ہیں۔

فوجی عدالتوں سے سزاؤں پر امریکا، برطانیہ اور یورپی یونین کے بیانات پر پاکستان کا دوٹوک جواب

پاکستان کا عدالتی نظام عالمی معاہدوں کے تحت ہے، پارلیمنٹ اور سپریم کورٹ کی ججمنٹ پر فیصلے کیے گئے ہیں، دفتر خارجہ

پاکستان تحریک انصاف ( پی ٹی آئی) کے بانی چیئرمین عمران خان عمران خان نے سول نافرمانی کی کال واپس لینے کا حکومتی مطالبہ مسترد کرتے ہوئے پارٹی کو مذاکرات جاری رکھنے کی ہدایت کردی۔میڈیارپورٹس کے مطابق اڈیالہ جیل میں وکلا سے گفتگو میں بانی پی ٹی آئی نے حکومت کے ساتھ مذاکرات کا عمل معنی خیز بنانے کے لئے پی ٹی آئی کی نامزد کردہ کمیٹی سے ملاقات کا مطالبہ کردیا۔انہوں نے کہاکہ پارٹی کی مذاکراتی کمیٹی کی کاوشیں اچھی بات ہے لیکن مذاکرات کے عمل کو معنی خیز بنانے کے لئے اہم ہے کہ میری ملاقات میری نامزد کردہ مذاکراتی ٹیم سے کروائی جائے تا کہ مجھے معاملات کا صحیح علم ہو سکے، میں نے صاحبزادہ حامد رضا کو تحریک انصاف کے مذاکراتی عمل کا ترجمان نامزد کیا ہے۔انہوں نے کہاکہ حکومت اگر نتیجہ خیز مذاکرات چاہتی ہے تو ہمارے سیاسی قیدیوں کی رہائی سمیت 9 مئی اور 26 نومبر کی واقعات کی تحقیقات کے لئے سینئر ترین ججز پر مشتمل جوڈیشل کمیشن قائم کرے۔انہوں نے کہاکہ ان مطالبات پر عمل درآمد کی صورت میں ہم سول نافرمانی کی تحریک کو موخر کردیں گے، لیکن مجھے خدشہ ہے کہ حکومت ہمارے 9 مئی اور 26 نومبر کی تحقیقات کے مطالبے کو پس پشت ڈالنے کی کوشش کرے گی لیکن ہم ایسا نہیں ہونے دیں گے۔انہوں نے کہاکہ ملٹری کورٹس کے غیر آئینی فیصلوں کو مسترد کرتا ہوں، ان فیصلوں کی وجہ سے پاکستان کی بین الاقوامی دنیا میں بدنامی بھی ہورہی ہے اور ایسے غیر انسانی عمل سے ملک کو معاشی پابندیوں کا سامنا بھی کرنا پڑ سکتا ہے۔ یہ فیصلہ دے کر آئینی بینچ کے چہرے پر بھی طمانچہ مارا گیا ہے۔ اب تو عدلیہ نے بھی اعتراف کیا ہے کہ ملک میں سیاسی انجینئرنگ ہو رہی ہے جس کا صاف مطلب ہے کہ تحریک انصاف کو کچلا جا رہا ہے اور تحریک انصاف کو دباتے دباتے حقیقت میں جمہوریت، عدلیہ کی آزادی اور قانون کی حکمرانی کا جنازہ نکال دیا گیا ہے۔عمران خان نے کہاکہ کوئی ملک بیرونی اور اندرونی سرمایہ کاری کے بغیر ترقی نہیں کر سکتا اور سرمایہ کاری کبھی قانون کی حکمرانی کے بغیر آ ہی نہیں سکتی۔انہوں نے کہاکہ لوگ پاکستان سے باہر سرمایہ منتقل کررہے ہیں کیونکہ یہاں نہ تو عدلیہ آزاد ہے اور نہ ہی قانون کا کوئی احترام ہے، 26ویں آئینی ترمیم کے بعد عدلیہ کے مکمل طور پر ہاتھ پاوں کاٹ دیے گئے ہیں، آئینی بینچ کا قیام اور اس کے فیصلے سپریم کورٹ کو شرمندہ کرنے کے مترادف ہیں۔واضح رہے کہ گزشتہ روز حکومتی ٹیم سے مذاکرات کے پہلے دور میں پی ٹی آئی کی مذاکراتی ٹیم نے عمران خان سے ملاقات کرانے کا مطالبہ کیا تھا۔ پی ٹی آئی کے سیکریٹری اطلاعات شیخ وقاص اکرم کا کہنا تھا کہ مذاکراتی کمیٹی کا عمران خان سے ملنا بہت ضروری ہے، ہماری جماعت کی خواہش ہے کہ حکومت بانی پی ٹی آئی پر سختیوں کو کم کرے تاکہ کمیٹی اپنے قائد کو مل سکے تاکہ کوئی معنی خیز نتیجہ نکلے۔

عمران خان نے سول نافرمانی کی کال واپس لینے کا حکومتی مطالبہ مسترد کردیا

فوجی عدالتوں کے فیصلوں کی وجہ سے پاکستان کو معاشی پابندیوں کا سامنا کرنا پڑسکتا ہے،عمران خان

انتظار کی گھڑیاں ختم، آئی سی سی نےبالآخر  چیمپئنز ٹرافی 2025 کا شیڈول جاری کر دیاجس کے مطابق ایونٹ کا پہلا میچ پاکستان اور نیوزی لینڈ کے درمیان کراچی میں 19 فروری 2025 کو ہوگا۔تفصیلات کے مطابق انٹرنیشنل کرکٹ کونسل (آئی سی سی) نے چیمپئنز ٹرافی کے شیڈول کا اعلان کر دیا۔آئی سی سی چیمپئنز ٹرافی کا افتتاحی میچ 19 فروری کو کراچی میں کھیلا جائے گا اور 9 مارچ تک چیمپئنز ٹرافی جاری رہے گی۔چیمپئنز ٹرافی میں 8 ممالک کے درمیان 15 میچز کھیلے جائیں گے۔ چیمپئنز ٹرافی کے میچز کراچی، لاہور، راولپنڈی اور دبئی میں کھیلیں جائیں گے اور تمام میچز ڈے اینڈ نائٹ ہوں گے۔ بھارتی ٹیم اپنے سارے میچز نیوٹرل وینیو دبئی میں کھیلے گی۔ چیمپیئنز ٹرافی کا یہ 9 واں ایڈیشن 19 دن پر محیط ہوگا اور اس کا آغاز 19 فروری کو کراچی میں ہوگا جبکہ فائنل 9 مارچ کو کھیلا جائے گا، ہر وینیو میں تین گروپ میچز ہوں گے جبکہ لاہور دوسرے سیمی فائنل اور بھارت کے فائنل میں نہ پہنچنے کی صورت میں فائنل کی میزبانی کرے گا۔تاہم اگر بھارت فائنل کے لیے کوالیفائی کرتا ہے تو فائنل دبئی میں کھیلا جائے گا۔ دونوں سیمی فائنلز اور فائنل کے لیے ریزرو دن مختص کیا گیا ہے۔بھارت کے تین گروپ میچز اور سیمی فائنل میں پہنچنے کی صورت میں پہلا سیمی فائنل دبئی میں ہوں گے۔ٹورنامنٹ کا افتتاحی میچ 19 فروری کو کراچی میں پاکستان اور نیوزی لینڈ کے درمیان ہوگا۔ دبئی میں میچز کا آغاز اگلے دن بھارت اور بنگلادیش کے درمیان میچ سے ہوگا۔گروپ بی کے میچز کا آغاز 21 فروری کو کراچی میں افغانستان اور جنوبی افریقہ کے مقابلے سے ہوگا۔ہفتے کے روز 22 فروری کو لاہور میں انگلینڈ اور آسٹریلیا کے درمیان اہم مقابلہ ہوگا جبکہ 23 فروری کو دبئی میں پاکستان اور بھارت کے درمیان بڑا ٹاکرا ہوگا۔ چیمپئنز ٹرافی کے مقابلوں کیلئے دو گروپ بنائے گئے ہیں، گروپ اے میں پاکستان، بھارت، نیوزی لینڈ اور بنگلادیش جبکہ گروپ بی میں جنوبی افریقا، آسٹریلیا، افغانستان اور انگلینڈ شامل ہیں۔چیمپئنز ٹرافی کا شیڈول درج ذیل ہے۔ 19 فروری، پاکستان بمقابلہ نیوزی لینڈ، (کراچی)۔20 فروری، بنگلا دیش بمقابلہ بھارت (دبئی)21 فروری، افغانستان بمقابلہ جنوبی افریقا (کراچی)22 فروری، آسٹریلیا بمقابلہ انگلینڈ (لاہور)23 فروری، پاکستان بمقابلہ بھارت (دبئی)24 فروری، بنگلادیش بمقابلہ نیوزی لینڈ (راولپنڈی)25 فروری، آسٹریلیا بمقابلہ جنوبی افریقا (راولپنڈی)26 فروری، افغانستان بمقابلہ انگلینڈ (لاہور)27 فروری، پاکستان بمقابلہ بنگلادیش (راولپنڈی)28 فروری، افغانستان بمقابلہ آسٹریلیا (لاہور)یکم مارچ، جنوبی افریقا بمقابلہ انگلینڈ (کراچی)2 مارچ، بھارت بمقابلہ نیوزی لینڈ (دبئی)4 مارچ، پہلا سیمی فائنل (دبئی)5 مارچ، دوسرا سیمی فائنل (لاہور)9 مارچ، فائنل لاہور (بھارت کے فائنل میں پہنچنے کی صورت میں دبئی میں ہوگا)10 مارچ، ریزرو ڈے۔۔۔تمام میچ ڈے نائٹ ہوں گے۔

انتظار کی گھڑیاں ختم، آئی سی سی نے چیمپئنز ٹرافی 2025 کا شیڈول جاری کر دیا

میگا ایونٹ 19 جنوری سے کراچی سے شروع ہوگا،پاک بھارت ٹاکرا23فروری کو دبئی میں ہوگا

پاکستان تحریک انصاف کے رہنماء اور سابق صدر مملکت عارف علوی نے کہا ہے کہ میں کہتا ہوں جنہوں نے سیاست میں حصہ لیا ان سب ملٹری افسران کے خلاف تحقیقات ہونی چاہیے،ملٹری کورٹس جیسے فیصلے ہوں گے تو دنیا نے مذمت کرنی ہے، پشاور ہائیکورٹ کے باہر رہنماء عمر ایوب کے ہمراہ میڈیا سے گفتگو کرتے ہوئے ان کا کہنا ہے کہ ہمارا سارا وقت اس بات پر گزر جاتا ہے کہ اس کو پکڑو، اس کو پکڑو، مذاکرات والے یہاں ہیں، ملک کا وقت ضائع ہو رہا ہے۔سابق صدر مملکت عارف علوی کا کہنا تھا کہ لوٹنے والے حکومت اور پارلیمنٹ میں بیٹھے ہیں، بانی پی ٹی آئی کو دور رکھنے کیلئے انہوں نے جمہوریت کو تباہ کردیا، بانی پی ٹی آئی 90 فیصد عوام کا نمائندہ ہے، عوام کی دھڑکنیں عمران خان کیساتھ جڑی ہیں۔انہوں نے کہا کہ کیا بانی پی ٹی آئی کا نام نہیں لے سکتے؟ کرکٹ میچوں میں بھی کہہ دیا ہے کہ عمران خان کا نام لیا گیا تو رائٹس لے لیں گے، یہ اپنی حرکتوں سے 2018 میں پہنچ چکے ہیں، سب دوبارہ سے شروع کرنا پڑے گا، یہاں ہم ملک کے حوالے سے غمزدہ ہیں، مجھے ان غاصبوں اور قابض مافیا سے ملک آزاد کرانا ہے۔عارف علوی کا کہنا تھا کہ ملٹری کورٹس میں سویلینز کے ٹرائل چلائیں گے تو دنیا مذمت کرے گی، دنیا مذمت کررہی ہے لیکن کسی کو کوئی فکر ہی نہیں، مافیا مزے کررہا ہے لیکن غریب کے پاس کھانے کو نہیں، ملک میں دنیا کے کسی کونے سے پیسہ نہیں آرہا، یہ ہمیں کہتے رہے 70 ارب ڈالر کی سرمایہ کاری آئے گی، ایک پیسے کی سرمایہ کاری نہیں آئی۔رہنما تحریک انصاف نے کہا کہ حکمرانوں نے عدلیہ اور آئین کو تباہ کردیا، 26 ویں آئینی ترمیم لاکر سب ستیاناس کردیا، 26 ویں ترمیم کر کے صرف وقت ضائع کیا گیا ہے، یہ 99 فیصد عوام سے اپنا بزنس چلاتے ہیں، ایک دھیلے کی اسمگلنگ نہیں رکی، بلوچستان میں کہیں اسمگلنگ رکی؟سابق صدر کا کہنا تھا کہ بات چیت اس سے ہوتی ہے جو صاحب اقتدار ہو صاحب حکومت نہیں، جو مقتدر ہوں ان سے بات ہوتی ہے، ثالثِی وہاں نہیں ہوتی جہاں قبضہ ہو، غاصب ثالثِی کا صرف ایک بہانہ ہے، حکمرانوں کے دن گنے چنے ہیں، ستارے حرکت میں آگئے ہیں، تبدیلی آنے والی ہے۔انہوں نے کہا کہ بانی پی ٹی آئی کے دل کی دھڑکنوں سے عوام کی دھڑکنیں جڑی ہیں، اب بھی وقت ہے پچھلے قدموں پر آجائیں، مشورہ دیتا ہوں اب بھی وقت ہے کسی طرح عمران خان کو راضی کرو، وقت بدلے گا اور بدل رہا ہے، پاکستان میں اچھائی کے ستارے ایک دوسرے کے قریب آگئے ہیں، بانی پی ٹی آئی جلد رہا ہوں گے ۔ عارف علوی کا کہنا تھا کہ بانی پی ٹی آئی کو مشورہ دوں گا ہاؤس اریسٹ والی تجویز پر عمل نہ کریں، تمام مسنگ پرسنز کی تحقیقات حکومت کا کام ہے، جن لوگوں نے سیاست میں حصہ لیا یا لے رہے ہیں سب کا ٹرائل ہونا چاہیے، انصاف یہی ہے کہ ایک کا ملٹری ٹرائل ہو گا تو سب کا ہونا چاہیے، یہ اپنے ہاتھوں سے اپنی قبر کھود رہے ہیں، میں جناح ہاؤس کا نہیں قائداعظم کے اقوام کا پرستار ہوں۔اس موقع پر اپوزیشن لیڈر قومی اسمبلی عمر ایوب نے کہا کہ مذاکراتی کمیٹی کا لائحہ عمل پریس ریلیز میں دیکھ لیا ہوگا، ہماری ٹیم نے اپنے مطالبات پیش کردیے ہیں، ہمارے سیاسی اسیران پر غلط کیسز ہیں رہائی کا مطالبہ کرتے ہیں، 9 مئی اور 26 نومبر پر جوڈیشل کمیشن بنایا جائے۔عمر ایوب کا مزید کہنا تھا کہ الیکشن پر تحقیقات اور نئے انتخابات بھی ہماری ڈیمانڈز ہیں، ہم مجبوری کے تحت بات چیت کررہے ہیں، مجبوری ہماری یہ ہے کہ یہ فارم 47 پر آئی حکومت ہے، عمرایوب کا کہناتھا کہ حکومت کی نیت دیکھیں گے ، مذاکرات کو چانس دینا چاہتے ہیں، حکومت مفاہمت کرے گی یا جفا،ویسا ہی ردعمل دیں گے، مذاکراتی ٹیم کی بانی پی ٹی آئی تک رسائی ہونی چاہیے، مذکرات پر ہدایت ہم نے بانی پی آئی سے لینے ہیں۔

ملٹری کورٹس میں سویلینز کے ٹرائل چلائیں گے تو دنیا مذمت کرے گی،عارف علوی

سیاست میں حصہ لینے والے تمام فوجی افسران کیخلاف تحقیقات ہونی چاہئیں،سابق صدر کی میڈیاسےگفتگو

وزیراعظم شہباز شریف نے کہا ہے کہ میزائل پروگرام کے سبب ہم پر عائد امریکی پابندیوں کا کوئی جواز نہیں، میزائل پروگرام پر کوئی کمپرومائز نہیں ہوگا، پاکستان کا جوہری پروگرام سو فیصد دفاعی مقاصد کے لیے ہے، یہ جوہری پروگرام ملک کے 24 کروڑ عوام کا پروگرام ہے جس پر ہم کوئی سمجھوتہ نہیں کریں گے۔وفاقی کابینہ کے اجلاس میں اظہار خیال کرتے ہوئے وزیراعظم شہباز شریف کا کہنا تھا کہ پاکستان کا دفاعی نظام جارحیت کیلئے نہیں، دفاع کیلئے ہے، پاکستان اپنے دفاع کیلئے مضبوط اقدامات کرتا رہے گا، نیشنل ڈیفنس کمپلیکس اور دیگر اداروں پر پابندی کا کوئی جواز نہیں، پاکستان کیخلاف مذموم سازشیں کامیاب نہیں ہونے دیں گے۔انہوں نے کہا کہ دفتر خارجہ نے مربوط جواب دیا ہے لیکن ایک بات طے ہے کہ پاکستان کا ایٹمی پروگرام پاکستان کے 24 کروڑ عوام کا ہے، جو انہیں اپنے دلوں سے زیادہ عزیز ہے، اس پر کوئی سمجھوتہ نہیں ہوگا، پوری قوم اس پروگرام پر یکسو ہے اور پوری طرح متحد ہے۔ان کا کہنا تھا کہ اسپیکر کی تجویز پر میں نے مشاورت سے کمیٹی بنائی اور کل ہماری پی ٹی آئی سے پہلی ملاقات بھی ہوگئی ہے، یقین ہے دونوں مذاکراتی کمیٹیاں ایسا حل نکالیں گی جو پاکستان کے بہتر مفاد میں ہوگا۔شہباز شریف نے کہا کہ مذاکرات کا مقصد یہی ہے کہ ذاتی مفادات کو قومی مفادات کے تابع کریں، قومی مفاد کو سامنے رکھ کر گفتگو ہوگی تو یکجہتی کو فروغ ملے گا، کسی کی نیت پر شک نہیں، امید ہے دونوں پارٹیاں ملکی مفاد میں بہترین فیصلے کریں گی۔وزیراعظم کا مزید کہنا تھا کہ چند ماہ میں دہشت گردی کے واقعات میں اضافہ ہوا، دہشتگردی کے مکمل خاتمے تک چین سے نہیں بیٹھیں گے، پاک فوج کے جوان وطن کے دفاع کیلئے جانیں دے رہے ہیں، دہشت گردی کا خاتمہ کئے بغیر معاشی ترقی ممکن نہیں۔

امریکی پابندیاں بلاجوازہیں، میزائل پروگرام پر کوئی سمجھوتا نہیں ہوگا،وزیراعظم کادوٹوک اعلان

ہماراجوہری پروگرام ملک کے 24 کروڑ عوام کا پروگرام ہے ، شہبازشریف کاوفاقی کابینہ کے اجلاس سے خطاب

سنی اتحاد کونسل نے 26 ویں آئینی ترمیم کو سپریم کورٹ میں چیلنج کردیا،درخواست میں کہا گیا ہے کہ چھبیسویں آئینی ترمیم غیر آئینی، غیر قانونی اور ناقابل عمل ہے۔سنی اتحاد کونسل کی جانب سے سپریم کورٹ میں دائر درخواست میں کہا گیا کہ چھبیسویں ترمیم سے آئین کی اہم خصوصیات اور بنیادی اقدار ختم ہوگئی ہیں، ترمیم سے عدلیہ کی آزادی بھی ختم ہو گئی، جبکہ بنیادی حقوق اور اختیارات کی تقسیم متاثر ہوئی ہے۔درخواست میں کہا گیا کہ چھبیسویں ترمیم آئین کی بنیادی خصوصیات بدلنے، منسوخ کرنے یا ختم کرنے کی کوشش ہے، ترمیم آئین کے آرٹیکل 239 کے تحت غیر قانونی اور ناقابل عمل ہے۔درخواست میں استدعا کی گئی کہ چھبیسویں ترمیم کو غیر آئینی قرار دیا جائے، اس کے سیکشنز 7، 10، 14، 17، 21 اور 27 کو بھی غیر آئینی قرار دیا جائے۔درخواست میں مزید کہا گیا کہ ترمیم غیر قانونی اور غلط طریقے سے منظور کی گئی، چھبیسویں آئینی ترمیم کے ذریعے ہونے والے تمام فیصلوں، نوٹیفکیشنز اور تقرریوں کو کالعدم قرار دیا جائے، چھبیسویں ترمیم کے حق میں ووٹوں کے حصول کے طریقہ کار کی آزادانہ تحقیقات کی جائیں اور ترمیم پاس کروانے کیلئے جبری اقدامات اورغیرقانونی طریقوں کے الزامات کی تحقیقات کی جائیں۔درخواست میں مزید استدعا کی گئی کہ سپریم کورٹ (پریکٹس اینڈ پروسیجر) ترمیمی ایکٹ 2024 اور سپریم کورٹ (ججز کی تعداد) ترمیمی ایکٹ 2024 غیر آئینی قرار دیا جائے۔

سنی اتحاد کونسل نے 26 ویں آئینی ترمیم کوسپریم کورٹ میں چیلنج کردیا

چھبیسویںآئینی ترمیم غیر آئینی، غیر قانونی اور ناقابل قبول عمل ہے، درخواست میں موقف

بھارتی مفادات کا خیال رکھنے پربرطانوی اخبار نے انٹرنیشنل کرکٹ کونسل پر تنقید کر ڈالی۔تفصیلات کے مطابق چیمپئنز ٹرافی میں بھارت کو ایڈجسٹ کرنے پر برطانوی اخبار نے آئی سی سی پر شدید تنقید کی ہے۔برطانوی اخبار دی ٹیلی گراف نے انٹرنیشنل کرکٹ کونسل (آئی سی سی) پر تنقید کرتے ہوئے کہا ہے کہ پاکستان میں ہونے والی چیمپئنز ٹرافی 2025 میں بھارت کو فائدہ پہنچانے کے لیے کرکٹ کی ساکھ کو نقصان پہنچایا گیا اور بھارت اپنی طاقت سے پاکستان کو فائنل کی میزبانی سے روک رہا ہے۔اخبار نے اپنی رپورٹ میں مزید کہا گیا ہے کہ کرکٹ کے کھیل میں بھارتی اثر و رسوخ کی مثال دنیا کے کسی کھیل میں نہیں ملتی، ایک ملک اپنے بےجا طاقت کا مظاہرہ کرکے دوسرے ملک کو ایونٹ کی میزبانی سے روک رہا ہے۔اخبار کے مطابق یہ سب مکمل طور پر رسوائی ہے، چیمپئنز ٹرافی کے 2 وینیوز پاکستان اور یو اے ای رکھے گئے ہیں، جبکہ فائنل لاہور میں شیڈول ہے تاہم انڈیا پہنچا تو فائنل یو اے ای میں کھیلا جائے گا، رپورٹ میں مزید لکھا گیا ہے کہ ایک ملک کے پاس اتنی طاقت ہے کہ وہ دوسرے ملک کو فائنل کی میزبانی سے روک سکتا ہے، اخبار نے سوال اٹھایا کہ چیمپئینز ٹرافی فائنل کے وینیو کا 4 مارچ تک یعنی 5 روز پہلے تک علم ہی نہیں ہوگا کہ ایونٹ کہاں منعقد ہوگا، جو کسی کھیل میں نہیں ہوتا۔برطانوی اخبار نے رپورٹ میںمزید لکھا کہ پاکستان لاہور میں  1996 کے ورلڈ کپ کے فائنل کی میزبانی کے بعد پھر تیاریاں کر رہا ہے، جبکہ شائقین اور منتظمین کو ابھی تک یہ نہیں علم کہ فائنل لاہور میں ہو گا بھی یا نہیں، اخبار نے لکھا کہ پاکستان کو 2021 میں چیمپئنز ٹرافی کی میزبانی 15 میچز کے ساتھ ایوارڈ ہوئی تب انڈیا کے لیے یہ سہولت نہیں رکھی گئی تھی کہ وہ میچز دوسرے ملک میں کھیلے گا،لیکن ٹورنامنٹ کے شیڈول کے اعلان سے قبل ہی بی سی سی آئی کے دباؤ  پرآئی سی سی نے اپنا جھکاؤ دیکھایا اور پاکستان کو مجبور کیا گیا کہ ایونٹ کو ہائبرڈ پر ہوسٹ کریں۔اپنی رپورٹ میں اخبار نے لکھا کہ اسی طرح چیمپئینز ٹرافی کے ایونٹ کے 7 ممالک کو یہ نہیں پتہ کہ وہ ناک آؤٹ میچ کہاں کھیلیں گے، صرف انڈیا اکیلے کو پتہ ہے کہ وہ سیمی فائنل اور فائنل کہاں کھیلے گا۔اخبار کے مطابق آئی سی سی ایونٹس میں بھارتی مفادات کے لیے کھیل کی ساکھ کو قربان کرنے کا سلسلہ جاری رہتا ہے، 2019 کے ورلڈکپ میں بھارت نے ٹورنامنٹ شروع ہونے کے 8 روز تک کوئی میچ نہیں کھیلا جبکہ جنوبی افریقا تیسرا میچ کھیل رہا تھا، آئی پی ایل کے اختتام سے انٹرنیشنل میچ تک 15 روز کا وقفہ ڈالا گیا ہے۔جبکہ دوسری جانب  2021 اور 2022 میں ٹی20 ورلڈکپ میں بھارت کے آخری گروپ میچز رن ریٹ کو دیکھنے کیلئے آخر میں رکھے گئے۔اسی طرح بھارت کو ٹی20 اور ون ڈے ورلڈکپ میں آخری میچز کمزور حریفوں کے خلاف رکھے گئے، رواں برس ٹی20 ورلڈکپ میں گروپ پوزیشن کا خیال رکھے بغیر انڈیا کا سیمی فائنل گیانا میں رکھا گیا۔چیمپئنز ٹرافی میں انڈیا کو ایک ملک کی کنڈیشنز کے مطابق اسکواڈ بنانا ہوگا جبکہ دیگر 7 ٹیموں کو اسکواڈ کے لیے دو ممالک کی کنڈیشنز کو دیکھنا ہوگا۔

چیمپئنز ٹرافی، بھارت کو فائدہ پہنچانے کیلئے کرکٹ کی ساکھ کو نقصان پہنچایا گیا، دی ٹیلی گراف

بھارتی مفادات کا خیال رکھنے پر برطانوی اخبارکی آئی سی سی پر کڑی تنقید

یورپی یونین اور برطانیہ کے بعد امریکا نے بھی سویلین کے ملٹری ٹرائل پر گہری تشویش کا اظہار کرتے ہوئے کہا ہے کہ ان فوجی عدالتوں میں عدالتی آزادی، شفافیت اور مناسب طریقہ کار کی ضمانتوں کا فقدان ہے۔میڈیارپورٹس کے مطابق امریکی محکمہ خارجہ نے پاکستان کی فوجی عدالتوں کی کارروائی پر گہری تشویش کا اظہار کرتے ہوئے اپنے ایک بیان میں کہا ہے کہ واشنگٹن کو 9 مئی کے مظاہروں میں ملوث شہریوں کے خلاف فوجی ٹریبونلز کی جانب سے سزاؤں کی سنائی جانے والی کارروائی پر تحفظات ہیں۔ان کا کہنا تھا کہ فوجی عدالتوں میں عدالتی آزادی، شفافیت اور مناسب عمل کی ضمانتوں کا فقدان ہے، پاکستانی حکام آئین میں درج منصفانہ ٹرائل کا احترام کریں۔واضح رہے کہ اس سے قبل یورپی یونین نے بھی اس فیصلے پر ردعمل دیتے ہوئے سخت تشویش کا اظہار کیا تھا اور کہا تھا کہ پاکستان کی جانب سے شہریوں کے خلاف فوجی عدالتوں میں کیے جانے والے فیصلے بین الاقوامی معاہدوں کی خلاف ورزی ہیں۔یورپی یونین نے اپنے بیان پاکستان پر زور دیا تھا کہ وہ اپنے شہریوں کے حقوق کی حفاظت کرے اور ان کے خلاف منصفانہ ٹرائل کی ضمانت دے۔برطانوی دفتر خارجہ نے بھی فوجی عدالتوں میں عام شہریوں کے مقدمات چلانے پر تنقید کی تھی اور ایک بیان میں کہا گیا کہ فوجی عدالتوں میں شفافیت اور آزادانہ جانچ پڑتال کا فقدان ہے، جس کی وجہ سے انصاف کے عمل پر سوالات اٹھتے ہیں۔برطانیہ کا موقف ہے کہ اس طرح کی کارروائیاں انصاف کے بنیادی اصولوں کی خلاف ورزی ہیں اور عوامی حقوق کی پامالی کرتی ہیں۔

امریکا نے بھی پاکستان میں فوجی عدالتوں سے 25 شہریوں کی سز ا پر تشویش کااظہارکردیا

فوجی عدالتوں میں عدالتی آزادی، شفافیت اور مناسب طریقہ کار کی ضمانتوں کا فقدان ہے، امریکی محکمہ خارجہ

عوامی مسلم لیگ کے سربراہ شیخ رشید احمد نے کہا ہے کہ حکومت کو سپورٹ دینے والوں کو سوچنا چاہیے، یہ لوگ انہیں لے ڈوبیں گے۔ شیخ رشید احمدکاکہناتھاکہ مذاکرات کی بیل چڑھتی نظر نہیں آ رہی، دعا ہے کہ مذاکرات کامیاب ہو جائیں۔ انسداد دہشت گردی عدالت کے باہر میڈیا سے گفتگو کرتے ہوئے شیخ رشید احمد کا کہنا تھا کہ مذاکرات سے قوم میں ایک نئی روشنی پیدا ہوگی، مذاکرات کو مذاق کی رات نہ بنایا جائے، جیلیں آباد اور غریب لوگ برباد ہو رہے ہیں، چاہتے ہیں کہ مذاکرات سے جیلوں کے دروازے کھلیں اور جوڈیشل کمیشن بنایا جائے اور جو غریب لوگ جیلوں میں ہیں، انہیں نکال دیا جائے۔ ایسا ماحول پاکستان کے خلاف بن رہا ہے کہ شاید پاکستان معیشت اور سرمایہ کاری کے بہت بڑے بحران میں داخل ہو جائے گا۔ پاکستان معیشت اور سرمایہ کاری سے تباہی کی جانب جا رہا ہے۔شیخ رشید کا کہنا تھا کہ عام آدمی سے پوچھیں اسٹاک ایکسچینج سیاست کی اسٹاک ایکسچینج ہے۔ کسی ریڑھی والے یا کسی گھر سے پوچھیں وہ بتائیں گے۔ میرا ایک بندے سے تعلق ہے، وہی نبھانے کی کوشش کررہا ہوں، باقی نہ میں پی ٹی آئی میں ہوں، جو پوچھنا ہے ان کے لیڈرز سے پوچھیں۔سابق وفاقی وزیر نے کہا کہ اتنے کیسز بنا دیے گئے ہیں کہ زندگی سے اکتاہٹ ہونے لگی ہے۔  میری اصل حکمرانوں سے درخواست ہے کہ گیٹ کھول دیں، قیدیوں کو رہا کریں اور جوڈیشل کمیشن بنا دیں۔ سب لوگوں سے اپیل کرتا ہوں کہ جیلوں کے دروازے کھلیں، بے چارے غریب لوگوں کو سزا ہو رہی ہے۔انہوں نے مزید کہا کہ قوم کو پتا چلنا چاہیے کہ پی ٹی آئی کی کیا سوچ ہے اور حکومت کہاں پھنسی ہوئی ہے۔ حکومتیں معافی دیتی ہیں۔  اس حکومت کے ساتھ نہ عوام ہیں نہ کوئی سپورٹ ہے  اور جو سپورٹ ہے انہیں بھی سوچنا چاہیے کہ یہ لوگ لے ڈوبیں گے۔ انہوں نے کہا کہ آئندہ ہفتوں بعض اہم فیصلے کرنے ہوں  گے ورنہ عالمی دباؤ ہمارے خلاف نہیں حکومت کے خلاف زیادہ بڑھ جائے گا۔

حکومت کو سپورٹ دینے والوں کو سوچنا چاہیے، یہ لوگ انہیں لے ڈوبیں گے، شیخ رشید

آئندہ ہفتوں میں بعض اہم فیصلے کرنے ہونگے ورنہ عالمی دباؤ حکومت کے خلاف زیادہ بڑھ جائے گا

پاکستانی صارفین کے لیے اچھی خبر سامنے آئی ہے، کئی ماہ سے سست رفتار انٹرنیٹ کی اسپیڈ میں اضافے کے لیے جدید کیبلز منسلک ہونے جا رہی ہیں۔میڈیارپورٹس کے مطابق انٹرنیٹ اسپیڈ کو بہتر بنانے کے لیے ایک اہم پیشرفت کے تحت افریقا سے گزرنے والی 45 ہزار کلومیٹر طویل جدید انٹرنیٹ کیبل کے ساتھ آج پاکستان کی کیبل کو منسلک کر دیا جائے گا۔آئی ٹی ماہرین کے مطابق یہ کیبل 180 ٹیرا بائٹس فی سیکنڈ تک ڈیٹا ٹرانسفر کرنے کی گنجائش رکھتی ہے، جس سے سوشل میڈیا ایپس سمیت انٹرنیٹ کی مجموعی اسپیڈ میں نمایاں بہتری آئے گی۔یہ اقدام ایسے وقت میں کیا جا رہا ہے جب ملک میں انٹرنیٹ اسپیڈ کے مسائل پر مسلسل تنقید کی جا رہی ہے۔واضح رہے کہ گزشتہ دنوں وزیر مملکت برائے انفارمیشن ٹیکنالوجی (آئی ٹی) شزا فاطمہ نے اعتراف کیا تھا کہ ملک میں انٹرنیٹ کی سپیڈ اس طرح نہیں ہے جیسے ہونی چاہیے۔ انٹرنیٹ اسپیڈ میں کمی پر حکومتی اتحادی جماعت پیپلز پارٹی نے حکومت پر چڑھائی کی تھی۔قومی اسمبلی اجلاس کے دوران اظہار خیال کرتے ہوئے شازیہ مری نے کہا کہ ہنسی آرہی تھی کہ ایسی انٹرنیٹ اسپیڈ میں ڈیجیٹل نیشن بل لایا گیا، فائر وال کا سن سن کر کان پک گئے ہیں، ایسی ناقص انٹرنیٹ سپیڈ کے ساتھ ڈیجیٹل ترقی کے دعوے مضحکہ خیز ہیں۔توقع کی جا رہی ہے کہ جدید کیبل کے منسلک ہونے سے پاکستان میں ڈیجیٹل ترقی کو فروغ ملے گا اور انٹرنیٹ صارفین کے لئے زیادہ تیز اور مستحکم کنیکٹیویٹی فراہم کی جائے گی۔

انٹرنیٹ اسپیڈ بڑھانے کیلئےجدید انٹرنیٹ کیبل کے ساتھ آج پاکستان کی کیبل کو منسلک کر دیا جائے گا

یہ کیبل 180 ٹیرا بائٹس فی سیکنڈ تک ڈیٹا ٹرانسفر کرنے کی گنجائش رکھتی ہے،آئی ٹی ماہرین

برطانوی حکومت نے پاکستان میں فوجی عدالتوں سے25 شہریوں کو سزاؤں پر اپنا ردعمل جاری کردیا۔برطانوی دفتر خارجہ کی جانب سے جاری ایک بیان میں کہا گیا ہے کہ برطانیہ اپنی قانونی کارروائیوں پر پاکستان کی خودمختاری کا احترام کرتا ہے، فوجی عدالتوں میں عام شہریوں کے ٹرائل میں شفافیت، آزادانہ جانچ پڑتال کا فقدان ہے۔ اعلامیے میں کہا گیا ہے کہ فوجی عدالتوں کی کارروائی سے شہریوں کے منصفانہ ٹرائل کے حق کو نقصان پہنچتا ہے، حکومت پاکستان شہری اور سیاسی حقوق کے بین الاقوامی معاہدے کے تحت ذمہ داریوں کو نبھائے۔واضح رہے کہ اس سے قبل یورپی یونین نے 25 شہریوں کی فوجی عدالتوں سے سزاؤں پر ردعمل دیتے ہوئے اسے انصاف کے منافی قرار دیتے ہوئے تشویش کا اظہار کیا تھا۔

فوجی عدالتوں سے شہریوں کے منصفانہ ٹرائل کے حق کو نقصان پہنچتا ہے،برطانیہ

پاکستان شہری اور سیاسی حقوق کے بین الاقوامی معاہدے کے تحت ذمہ داریوں کو نبھائے،برطانوی دفتر خارجہ

پاکستان سپر لیگ (پی ایس ایل) کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے راؤنڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔ڈائمنڈ کے پہلے راؤنڈ میں کراچی کنگز، دوسرے میں ملتان سلطانز اور تیسرے راؤنڈ میں اسلام آباد یونائیٹڈ کی پہلی پک ہوگی، گولڈ کیٹیگری کے پہلے راؤنڈ میں پشاور زلمی، دوسرے راؤنڈ میں کوئٹہ گلیڈیٹرز اور تیسرے میں ملتان سلطانز کی پہلی پک ہوگی۔سلور کیٹیگری میں مجموعی طور پر پانچ پکس رکھی گئی ہیں۔ پہلے راؤنڈ میں ملتان سلطانز، دوسرے میں پشاور زلمی اور تیسرے میں لاہور قلندرز کی پہلی پک ہوگی۔اسی طرح سلور کیٹیگری کے چوتھے راؤنڈ میں ملتان سلطانز جبکہ پانچویں میں اسلام آباد یونائیٹڈ کی پہلی پک ہو گی، ایمرجنگ کیٹیگری میں دو جبکہ سپلیمنٹری میں چار پک ہوں گی۔  ایچ بی ایل پی ایل ڈرافٹ 2025 گوادر 11 جنوری کو منعقد ہوگا۔

پی ایس ایل سیزن 10،کھلاڑیوں کے انتخاب کیلئے ڈرافٹ کا پک آرڈرجاری

پلاٹینم کیٹیگری کیلئے لاہور قلندرز سب سے پہلے اور دفاعی چیمپئن اسلام آباد یونائیٹڈ آخری نمبر پر کھلاڑی کا انتخاب کریگی

The Bangladesh cricket team has made history by winning the PAK vs BAN test series 2-0.

Bangladesh Makes History By Defeating Pakistan 2-0 In PAK vs BAN Test Series

3rd September 2024 will go down in history as one of the happiest days for the Bangladesh Cricket Team.&nbsp;

Najmul Hussain Shanto led Bangladesh has clean swept the two-match test series against Pakistan in Rawalpindi.&nbsp;

The visitors won the 1st test by 10 wickets, thanks to Mushfiqur Rahim&rsquo;s massive 191-run knock.&nbsp;

The hosts were looking to save face by winning the PAK vs BAN 2nd test and leveling the series 1-1. Unfortunately for them, the Bangladesh cricket team outshone them in all 3 departments of the game.&nbsp;

Shakib Al Hasan scored the winning runs as he struck Abrar Ahmed for a boundary, steering Bangladesh to clean sweep the series 2-0.

The Men in Green posted a mediocre total of 185 which the Bangladesh team chased quite comfortably.&nbsp;

Skipper Najmul Hossain Shanto made a modest contribution to the chase with his 38 runs. Mominul supported the skipper with his 34-run knock.&nbsp;

Bangladesh&rsquo;s experienced batsmen Mushfiqur Rahim and Shakib Al Hasan then joined hands and helped their team cross the finish line.&nbsp;

The tourists won the 2nd test with 6 wickets. This is Bangladesh&rsquo;s first test series victory against Pakistan.

Bangladesh Makes History By Defeating Pakistan 2-0 In Test Series

Related Post

Virat Kohli & Sam Konstas Shoulder Barge: Kohli Showcasing Dominance On Teen Debutant

PAK vs SA 1st Test: Pakistan Announces Playing XI For First Test

Ben Stokes Performance: A Combination of Blood, Sweat, & “Tears”

Fakhar Zaman Tries To Clear The Air Between Him and The PCB

Virat Kohli & Sam Konstas Shoulder Barge: Kohli Showcasing Dominance On Teen Debutant

PAK vs SA 1st Test: Pakistan Announces Playing XI For First Test

Ben Stokes Performance: A Combination of Blood, Sweat, & “Tears”

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan