Cricket

Entertainment

Football

یونان کشتی حادثے میں ڈوبنے والے درجنوں پاکستانی تاحال لاپتا ہیں، جس کی تصدیق پاکستانی سفیر نے کردی ہے۔تفصیلات کےمطابق یونان میں پاکستانی سفیر عامر آفتاب قریشی نے کہا ہے کہ یونان کشتی حادثے میں ڈوبنے والے درجنوں پاکستانی تاحال لاپتہ ہیں جن کے بچنے کی امیدیں ختم ہوگئی ہیں۔یونان میں پریس کانفرنس کرتے ہوئے پاکستانی سفیر عامر آفتاب قریشی کا کہنا تھا کہ کشتی حادثے میں 4 پاکستانیوں کے جاں بحق ہونے کی تصدیق ہوگئی، کشتی میں 80 سے زائد پاکستانی سوار تھے، نامعلوم جگہ پر ہزاروں فٹ گہرے سمندر میں ڈوب گئے، جائے حادثہ پر ریسکیو آپریشن جاری ہے، تاہم لاپتہ افراد کے بچنے کی امیدیں کم ہیں۔انہوں نے کہا کہ لیبیا سے غیرقانونی طریقے سے جانے والی 5 کشتیوں پر پاکستانی سوار تھے۔عامر آفتاب قریشی کا کہنا تھا کہ کشتی میں پہلے شگاف پڑا اور پھر ڈوب گئی۔پاکستانی سفیر عامرآفتاب قریشی کاکہناتھا کہ کشتی حادثہ میں جاں بحق ہونے والے پاکستانیوں کی لاشیں سفارتخانہ اپنے اخراجات پرپاکستان روانہ کریگا۔واضح رہےکہ لیبیا سے غیرقانونی طریقے سے جانے والی5 کشتیوں پرپاکستانی سوارتھے، کشتیوں کو حادثہ ضرورت سے زیادہ افراد سوار ہونےکی وجہ سے پیش آیا، متاثرہ کشتوں میں پاکستانی بچےبھی تھے، یہ حادثہ 13 دسمبر کو یونان کےجزیرہ کریٹ کے جنوب میں  پیش آیا تھا جس میں 4  پاکستانیوں کے جاں بحق ہونے کی تصدیق ہوئی تھی۔

یونان کشتی حادثے میں درجنوں لاپتا پاکستانیوں کے بچنے کی امیدیں ختم ہوگئیں، پاکستانی سفیر

کشتی حادثے میں جاں بحق ہونے والوں کی  لاشیں سفارتخانہ اپنے اخراجات پر پاکستان روانہ کریگا،عامر آفتاب قریشی

غزہ کے فلسطینیوں کی حمایت کا انوکھا انداز کانگرسی رہنماپریانکا گاندھی فلسطینی بیگ لے کر پارلیمنٹ پہنچ گئیں،جس پرانہیں بی جے پی کی جانب سے تنقید کا نشانہ بنایا گیا۔تفصیلات کے مطابق بھارت کی اپوزیشن جماعت کانگریس کی رہنما پریانکا گاندھی گزشتہ روز فلسطینی ہینڈ بیگ کے ساتھ پارلیمنٹ میں داخل ہوئیں، جس پر حکمران جماعت بھارتیہ جنتہ پارٹی (بے جی پی ) کو مرچیں لگ گئیں۔میڈیا رپورٹس کے مطابق پریانکا گاندھی نے فلسطینی عوام سے اظہار یکجہتی کیلئے انوکھا قدم اٹھایا ہے اور فلسطین اورفلسطینیوں سے حمایت کے لئے ایک ایسا بیگ اٹھائے پارلیمنٹ میں پہنچ گئیں جس پر بڑے انگریزی حروف میں فلسطین لکھا تھا ، جبکہ اس پر تربوز کی نشان بھی نمایاں ہے ۔ یادرہے تربوز کی قاش کو بھی فلسطینی قومی نشان کی حیثیت سے دیکھا جارہا ہے ۔ کانگریس کے ترجمان ڈاکٹر شمع محمد کی طرف سے سماجی رابطے کی سائٹ ایکس پر پریانکا کی تصویر شیئر کی گئی جس کے ساتھ انہوں نے پیغام پوسٹ کیا ہے کہ’’ پریانکا گاندھی فلسطینیوں کے لئے اپنی حمایت اور یک جہتی کا اظہار ایک خصوصی بیگ اٹھا کرکررہی ہیں‘‘۔ دوسری طرف برسر اقتدار بھارتیہ جنتا پارٹی ( بی جے پی) کے رکن پارلیمنٹ اور ترجمان سمبیت پاترا نےفلسطین  کی حمایت کے لئے بیگ اٹھانے پر پریانکا گاندھی پرکو تنقید کا نشانہ بنایا ہے اور کہا ہے تک گاندھی خاندان کے افراد  کے لئےیہ کوئی نئی بات نہیں ہے۔ نہرو سے لے کر پرینکا   تک، اس کے ارکان  گاندھی خاندان  موج مستی کا تھیلا  اٹھائے گھوم رہے ہیں۔’انہوں نے کبھی حب الوطنی کا تھیلا اپنے کندھوں پر نہیں لٹکایا یہی ان کی شکست کی وجہ ہے۔ واضح رہے کہ اس  سے قبل جون میں پریانکا گاندھی نے غزہ میں جاری اسرائیلی حکومت کی بربریت پر وزیر اعظم بنجمن نیتن یاہو پر سخت تنقید کی تھی،انہوں نے کہا کہ غزہ کے معصوم لوگوں بشمول بچوں، خاندانوں اور کارکنوں کے لیے صرف بولنا ہی کافی نہیں ہے۔ انہوں نے اس بات پر زور دیا کہ غزہ میں خوفناک تشدد اور قتل و غارت پر مزید سخت کارروائی عمل میں لانے کی ضرورت ہے۔

پریانکا گاندھی کی فلسطین کی حمایت کا انوکھا انداز،بی جے پی کو مرچیں لگ گئیں

پریانکا گاندھی بیگ اٹھائے پارلیمنٹ میں پہنچ گئیں جس پر بڑے انگریزی حروف میں فلسطین لکھا تھا

شام کے سابق صدر بشارالاسد کا شام سے فرار ہونے کے بعد پہلا بیان سامنے آگیا۔بشار الاسد نے اپنی حکومت کے خاتمے کے بعد پہلے بیان میں ملک سے منصوبے کے تحت روانہ ہونے کی خبروں کی تردید کردی ہے۔بین الاقوامی میڈیارپورٹس کے مطابق شامی صدر کے دفتر کے ٹیلیگرام اکاؤنٹ پر جاری ہونے والے بیان میں بشار الاسد نے بتایا کہ کبھی ذاتی فائدے کیلئے عہدہ نہیں چاہا ، آخری وقت تک ریاست کی حفاظت پر یقین رکھا اب ملک دہشت گردوں کے ہاتھوں میں ہے۔سابق شامی صدر نے کہا کہ انہیں 8 دسمبر کی شام حمیمیم بیس سے اس وقت روس منتقل کیا گیا جب اس پر ڈرون حملے ہو رہے تھے۔انہوں نے کہا کہ روس نے ان کے انخلا کی درخواست کی تھی “جب دہشت گردی پورے شام میں پھیل گئی اور بالآخر ہفتہ، 7 دسمبر 2024 کی شام دمشق تک پہنچ گئی، تو صدر کے انجام اور موجودگی کے بارے میں سوالات اٹھنے لگے، بشارالاسد نے واضح کیاشام سے میری روانگی نہ تو کسی منصوبہ بندی کے نتیجے میں تھی اور نہ ہی یہ لڑائی کے آخری لمحات میں ہوئی۔ ماسکو نے 8 دسمبر، اتوار کی شام ہنگامی طور پر روس روانگی کی درخواست کی، اس روز میں پہلے ہی لاذقیہ منتقل ہوچکا تھا۔بشارالاسد نے کہا کہ شام دہشت گردوں کے ہاتھوں میں ہے، میں نے کبھی ذاتی فائدے کیلئے عہدہ نہیں لیا، عوام کی مرضی سے ریاست کی حفاظت اور دفاع پر اٹل یقین رکھا۔شام کے سابق صدر بشارالاسد نے کہا کہ مجھے امید ہے کہ شام ایک بار پھر آزاد اور خود مختار ہوگا۔

امید ہے کہ شام ایک بار پھر آزاد اور خود مختار ہوگا،بشارالاسد کا ملک چھوڑنے کے بعد پہلا بیان

آخری وقت تک ریاست کی حفاظت پر یقین رکھا ، اب ملک دہشت گردوں کے ہاتھوں میں ہے ، بشار الاسد

سوشل میڈیا صارفین کی تعداد کے حوالے سے (پی ٹی اے) نے اعدادوشمار جاری کر دیئے۔تفصیلات کے مطابق پاکستان ٹیلی کمیونی کیشن اتھارٹی (پی ٹی اے) نے جنوری 2024 تک ملک میں سوشل میڈیا صارفین کی تعداد سے متعلق تازہ ترین اعداد و شمار جاری کیے ہیں، جن کے مطابق مختلف سوشل میڈیا پلیٹ فارمز کے صارفین کی تعداد میں نمایاں اضافہ ہوا ہے۔پی ٹی اے رپورٹ کے مطابق جنوری 2024 تک فیس بک صارفین کی تعداد 6کروڑ4لاکھ ریکارڈ کی گئی اور فیس بک کے مرد صارفین 76 فیصد اور خواتین صارفین 24 فیصد ہیں۔پی ٹی اے رپورٹ میں بتایا گیا ہے کہ جنوری 2024 تک ملک میں یوٹیوب صارفین کی تعداد 7 کروڑ 17 لاکھ ریکارڈ کی گئی جن میں مرد صارفین 72 فیصد اور خواتین صارفین 28 فیصد ہیں۔رپورٹ میں کہا گیا ہے کہ ملک میں جنوری 2024 ٹک ٹاک صارفین کی تعداد 5کروڑ 44 لاکھ ریکارڈ ہوئی، مرد ٹک ٹاک صارفین 78 فیصد اور خواتین ٹک ٹاک صارفین 22 فیصد ہیں۔رپورٹ کے مطابق جنوری 2024 تک انسٹاگرام صارفین کی تعداد 1 کروڑ 73 لاکھ ریکارڈ کی گئی جن میں مرد صارفین 64 فیصد، خواتین صارفین 36 فیصد ہیں۔پی ٹی اے کا کہنا ہے کہ ان پلیٹ فارمز پر مردوں کی اکثریت نظر آتی ہے، لیکن خواتین کا تناسب بھی تیزی کے ساتھ بڑھ رہا ہے، جو کہ پاکستان میں سوشل میڈیا کے بڑھتے ہوئے استعمال کو ظاہر کرتا ہے۔

پاکستان میں سوشل میڈیا پلیٹ فارمز کے صارفین کی تعداد میں نمایاں اضافہ

ٹک ٹاک استعمال کرنے والے مرد صارفین کی تعداد 78 فیصد،خواتین کی تعداد 22 فیصدہے،پی ٹی اے

خیبرپختونخوا کے ضلع مالاکنڈ کی تحصیل شانگلہ میں پولیس چیک پوسٹ پر حملہ کردیا، جس کے نتیجے میں اسسٹنٹ سب انسپکٹر (اے ایس آئی) سمیت دو پولیس اہلکار شہید اور تین زخمی ہوگئے۔پولیس کے مطابق دہشت گردوں کے حملے میں اے ایس آئی سمیت 2 اہلکار شہید اور محرر سمیت 2 زخمی ہوئے ہیں۔شہید اہلکاروں میں اے ایس آئی حسن خان اور سپاہی نثار خان شامل ہیں۔دہشت گردوں نے چیک پوسٹ پر دستی بم پھینکا اور فائرنگ کی، اور فرار ہوگئے۔پولیس کے مطابق زخمی اہلکاروں کو بٹ گرام اسپتال منتقل کر دیا گیا ہے۔دوسری جانب وفاقی وزیر داخلہ محسن نقوی نے ضلع شانگلہ میں پولیس چوکی پردہشت گردوں کے حملے کی شدید الفاظ میں مذمت کی اور فائرنگ سے جام شہادت نوش کرنے والے 2 پولیس اہلکاروں کو خراج عقیدت پیش کیا۔محسن نقوی نے اے ایس آئی حسن خان اور ہیڈ کانسٹیبل نثار خان کی شہادت پر دکھ و افسوس کا اظہار اور شہداء کے خاندانوں سے دلی ہمدردی و اظہار تعزیت کا اظہار کیا۔

شانگلہ میں پولیس چوکی پر دہشت گردوں کا حملہ، 2 اہلکار شہید،2زخمی

خیبرپختونخوا کے ضلع شانگلہ کے علاقے چکیسر میں دہشت گردوں نے پولیس چوکی گنانگر پر حملہ کیا

پاکستان اور جنوبی افریقا کے درمیان ون ڈے سیریز کی ٹرافی کی رونمائی کر دی گئی ۔پاکستان ٹیم کے کپتان محمد رضوان اور جنوبی افریقا کے کپتان ٹیمبا باووما نے ٹرافی کی رونمائی کی ۔تفصیلات کے مطابق ٹی ٹوئنٹی سیریز کے بعد اب پاکستان اور جنوبی افریقا کے درمیان ون ڈے سیریز کا آغاز کل سے ہونے جارہا ہے۔جنوبی افریقا اور پاکستان کے درمیان پہلا ون ڈے کل بولینڈ پارک میں کھیلا جائے گا۔پیر کو پہلے ون ڈے کی تیاری کیلئے پاکستانی کھلاڑیوں نے پریکٹس سیشن کیا، اسی دوران سیریز کی ٹرافی کی رونمائی بھی کی گئی، پاکستانی کپتان محمد رضوان اور جنوبی افریقی کپتان ٹیمبا باووما شریک ہوئے۔جنوبی افریقا کی ٹیم کے کپتان ٹیمبا باووما ورک لوڈ کے سبب پہلے ون ڈے میں شرکت نہیں کریں گے، اُن کی جگہ ایڈم مارکرم قیادت کریں گے۔قومی کرکٹ ٹیم کے کپتان محمد رضوان اورجنوبی افریقاکے کپتان ٹیمبا باووما نے ٹرافی کی رونمائی کی، دونوں ٹیموں کے کپتانوں نے فوٹو شوٹ بھی کرایا۔پاکستان اورجنوبی افریقا کے درمیان پہلا ون ڈے کل کھیلا جائے گا جبکہ دوسرا میچ 19 دسمبر کو کیپ ٹاؤن اور تیسرا ون ڈے 22 دسمبر کو جوہانسبرگ میں کھیلا جائے گا۔

پاکستان اور جنوبی افریقا کے درمیان ون ڈے سیریز کی ٹرافی کی رونمائی کر دی گئی

تین میچوں کی سریز کا پہلا ون ڈے کل جبکہ دوسرا میچ19دسمبراورآخری ون ڈے22دسمبر کوکھیلا جائیگا

سیکیورٹی گارڈ کی بیٹی انٹرنیشنل کرکٹر بن گئی، ہیڈ کوچ نے شہربانو کو ڈیبیو کیپ پہنائی۔تفصیلات کے مطابق لودھراں سے تعلق رکھنے والے سیکیورٹی گارڈ کی با صلاحیت بیٹی شہر بانو نے ویمنز انڈر 19 ٹی20 ایشیا کپ میں نیپال کے خلاف میچ سے انٹرنیشنل کیریئر کا آغاز کر دیا۔شہر بانو فاسٹ بولر ہیں جنہوں نے آج نیپال کے خلاف میچ سے انٹرنیشنل کیریئر کا آغاز کیا ہے۔ ویمنز ٹیم کےہیڈ کوچ محسن کمال کی جانب سے شہربانو کو ڈیبیو کیپ پہنائی گئی جبکہ ساتھی کھلاڑیوں نے انہیں کیرئیر شروع کرنے پر مبارکباد دی۔ 15 سالہ شہر بانو جنہوں نے نیپال کے خلاف انٹرنیشنل کیریئر کا آغاز کیا ہے، ساتویں جماعت کی طالبہ بھی ہیں۔ وہ لودھراں میں ترین کرکٹ اکیڈمی کی جانب سے کھیلتی ہیں، ان کی انڈر 19 ایشیا کپ ٹی 20 کپ کے لیے سلیکشن پر ترین کرکٹ اکیڈمی کے مالک نے بھی مبارکباد دی۔شہر بانو کی کہانی ان نوجوان لڑکیوں کے لیے ایک مثال ہے جو محدود وسائل کے باوجود اپنے خوابوں کو حقیقت میں بدلنے کا عزم رکھتی ہیں۔ ان کے والد سیکیورٹی گارڈ ہیں، لیکن ان کی محنت اور لگن نے اس کامیابی کی بنیاد رکھی۔واضح رہےویمن انڈر 19 ایشیاء کپ میں نیپال نے پاکستان کو 6 وکٹ سے ہرا دیا۔پاکستان ویمن ٹیم نے پہلے کھیلتے ہوئے 5 وکٹ پر 104 رنز بنائے۔کومل خان 38 اور ماہم انیس 29 رنز بناکر نمایاں رہیں۔نیپال ویمن انڈر ٹیم نے ہدف 6 گیندیں قبل حاصل کر لیا، پوجا موہاٹو 47 رنز بنا کر ناٹ آؤٹ رہیں۔پاکستان کی جانب سے قرۃ العین اور فاطمہ خان نے ایک ایک وکٹ لی۔

سیکیورٹی گارڈ کی باصلاحیت بیٹی شہربانو انٹرنیشنل کرکٹر بن گئی

شہر بانو نے ویمنز انڈر 19 ٹی ٹوئنٹی ایشیاء کپ میں نیپال کیخلاف میچ سے انٹرنیشنل کیریئر کا آغاز کیا

عوامی مسلم لیگ کے سربراہ اور سابق وفاقی وزیر شیخ رشید احمد کا کہنا ہے کہ پی ٹی آئی نے حکومت سے مذاکرات کے لیے ایک کمیٹی بنائی ہے لیکن ان مذاکرات سے نکلنا کچھ نہیں ہے۔راولپنڈی کی انسداد دہشت گردی عدالت پیشی کے موقع پر میڈیا سے گفتگو کرتے ہوئے سابق وفاقی وزیر شیخ رشید احمد کا کہنا تھا کہ اچھی بات ہے مذاکرات کی انہوں نے ایک کمیٹی بنائی ہے لیکن نکلنا کچھ نہیں کیونکہ قبر ایک اور بندے دو ہیں اور صرف ایک نے اندر جانا ہے۔انہوں نے کہا کہ اگر مذاکرات سے کچھ نہ نکلا تو پھر جوڈو کراٹے اور بنکاک کے شعلے ہیں، 26 تاریخ ایک خوفناک اور دہشت ناک ظلم و ستم کا دن تھا، اس کی جتنی مذمت کی جائے کم ہے، پہلے ہی کہا تھا 30 دسمبر تک عدم استحکام ہو گا،خونی 26 نومبر گزری ہے،شیخ رشید کا کہنا تھا کہ بانی پی ٹی آئی سے لمبی ملاقات ہوئی باہر آ کر میں نے سوچا شارٹ ہی رکھوں تو بہتر ہے،عمران خان نے ملاقات میں کہا کہ میں اور آپ ایک ہیں اور ہمارا مقصد 11 ہے جو بہتری کا نمبر ہے، حالات سیاسی طور پر عدم استحکام کا شکار ہیں، بہتری کے حالات نکلنے چاہئیں۔سربراہ عوامی مسلم لیگ نے مزید کہا کہ میں مذاکرات کا حامی تھا اور حامی ہوں، مذاکرات بہت اچھی چیز ہے، دنیا میں جنگ کے بعد بھی مذاکرات ہوتے ہیں،ان کا کہنا تھا کہ میں ابھی دورہ سعودی عرب سے آیا ہوں، ملنے والا ہر بندہ کہتا ہے کہ خدا پاکستان کو محفوظ رکھے۔شیخ رشید نے کہا کہ میں مذاکرات کا حامی تھا اور حامی ہوں، میرا صرف ایک آدمی سے تعلق ہے اور وہ بانی پی ٹی آئی ہے، میں باقی کسی کو نہیں جانتا۔

پی ٹی آئی اورحکومت کے درمیان مذاکرات سے کچھ نہیں نکلنا،شیخ رشیداحمد

چھبیس نومبر ظلم و ستم کا دن تھا ، میرا صرف بانی پی ٹی آئی سے تعلق ہے،سربراہ عوامی مسلم لیگ

پاکستان تحریک انصاف کے بانی چیئرمین عمران خان کا کہنا ہے کہ ساری عمر بھی جیل میں گزارنے کیلئے تیار ہوں لیکن وقت کے یزید کے آگے کبھی نہیں جھکوں گا۔ جیل میں 500 دن مکمل ہونے پر اپنے ورکرز اور وکلاء سے اڈیالہ جیل عدالت میں گفتگو کرتے ہوئے انہوں نے کہا کہ سب سے پہلے تو آپ نے گھبرانا نہیں ہے، اللہ الحق ہے وہ حق سچ کا خدا ہے اور صبر کرنے والوں کے ساتھ ہے، ہم سب اس ملک کی حقیقی آزادی کے لیے قربانی دے رہے ہیں، آپ نے صبر کرنا ہے اور میرے ساتھ مل کر ظلم کا مقابلہ کرنا ہے، میں ساری عمر بھی جیل میں گزارنے کے لئے تیار ہوں لیکن وقت کے یزید کے آگے کبھی نہیں جھکوں گا۔سابق وزیراعظم عمران خان نے ایکس پر جاری پر اپنے بیان میں کہا کہ ’اللہ الحق ہے، وہ حق سچ کا خدا ہے اور صبر کرنے والوں کے ساتھ ہے، ہم سب اس ملک کی حقیقی آزادی کے لیےقربانی دے رہے ہیں، آپ نے صبر کرنا ہے اور میرے ساتھ مل کر ظلم کا مقابلہ کرنا ہے۔ ڈی چوک میں دور حاضر کے جنرل ڈائیر نے قوم کو اپنا غلام گردانتے ہوئے نہتے اور پر امن شہریوں پر بلااشتعال گولیاں چلوائیں، ہم اس واقعہ کو کبھی بھی بھولنے نہیں دیں گے اور اپنے ورکرز اور شہدأ کو انصاف دلائیں گے۔مجھے ورکرز اور وکلا نے بتایا ہے کہ ابھی تک سامنے آنے والے 12 شہدا وہ ہیں جنہیں 26 نومبر کو مغرب سے پہلے شہید کیا گیا اور باقی لوگوں کو رات کو علاقے کی بجلی بند کروا کر گولیاں ماری گئی ہیں، ان کو کدھر غائب کیا گیا ہے؟ ابھی بھی درجنوں افراد مسنگ ہیں، مسنگ پرسنز کو تلاش کرنا اور تمام ڈیٹا پبلک کرنا  حکومت کی ذمہ داری ہے۔میڈیا سمیت ہزاروں لوگوں نے اندھا دھند فائرنگ اور بربریت اپنی آنکھوں سے دیکھی اور اس کے بعد ہسپتالوں کا ریکارڈ غائب کرنے اور شہدا کی لاشیں ورثأ کو فراہم کرنے سے انکار کی بھی میڈیا رپورٹس موجود ہیں۔بانی پی ٹی آئی نے کہا کہ ہمارا مطالبہ ہے کہ جلد از جلد 9 مئی کے فالس فلیگ آپریشن اور 26 نومبر کے اسلام آباد قتل عام کی شفاف تحقیقات اور ذمہ داران کے تعین کے لئے آزادانہ جوڈیشل کمیشن تشکیل دیا جائے جس میں سینئر ترین سپریم کورٹ ججز شامل ہوں۔عمران خان کااپنے پیغام میںمزید کہناتھا کہ’قوم تیار رہے، میں جلد اگلے لائحہ عمل کا اعلان کروں گا۔دوسری جانب اڈیالہ جیل کے باہر میڈیا سے گفتگو کرتے ہوئے پی ٹی آئی رہنما فیصل چوہدری نے کہا کہ تمام تر ہتھکنڈوں کے باوجود عمران خان ڈٹ کر کھڑا ہے، وہ نہ گھبرایا اور نہ ہی ٹوٹا، موجودہ حکومت خوف کے سہارے پر قائم ہے، جس روز یہ خوف ختم ہوگیا یہ حکومت تنکوں کی طرح بکھر جائے گی۔فیصل چوہدری نے کہا کہ ملک میں عدل کے نظام پر سنگین سوالات ہیں، عمران خان کو جیل میں دی جانے والی سہولیات پھر روک دی گئی ہیں، پی ٹی آئی کے جن رہنماؤں نے 9 مئی کے خلاف پریس کانفرنس نہیں کی، وہ درجنوں مقدمات میں نامزد ہیں، جبکہ پریس کانفرنس کرنے والے آزاد ہوگئے۔فیصل چوہدری نے کہا کہ ملک میں عدل کے نظام پر سنگین سوالات ہیں، عمران خان کو جیل میں دی جانے والی سہولیات پھر روک دی گئی ہیں، پی ٹی آئی کے جن رہنماؤں نے 9 مئی کے خلاف پریس کانفرنس نہیں کی، وہ درجنوں مقدمات میں نامزد ہیں، جبکہ پریس کانفرنس کرنے والے آزاد ہوگئے۔ان کا مزید کہنا تھا کہ جیل حکام عدالتوں کے احکامات نہیں مان رہے لیکن اس پر کوئی ایکشن نہیں لیا جارہا، جس پر ہمیں سخت مایوسی ہے، 26 ویں آئینی ترمیم کے ذریعے سپریم کورٹ کو کریش کردیا گیا جبکہ میڈیا کا گلا بھی گھونٹ دیا گیا ہے۔عمران خان کے وکیل کا یہ بھی کہنا تھا کہ عمران خان قوم کی خاطر ہر طرح کی قربانی دے رہے ہیں جبکہ ان کا خاندان اور کارکنان بھی قربانیاں دے رہے ہیں، آج بھی ملاقات میں بانی پی ٹی آئی نے شہدا اور لاپتہ افرد کا پوچھا۔فیصل چوہدری نے کہا کہ عدالتوں میں جس طرح کیسز چلائے جارہے ہیں ہم اس پر ملکی سمیت بین الاقوامی فورمز پر بھی آواز اٹھائیں گے، ہمارے پاس کوئی بندوق نہیں، ہم آئین و قانون کے دائرے میں رہتے ہوئے اپنی جدوجہد جاری رکھیں گے۔

پانچ سو سال جیل میں گزار دوں گا مگر یزید کی بیعت نہیں کروں گا، عمران خان

قوم تیار رہے میں جلد اگلے لائحہ عمل کا اعلان کروں گا،عمران خان کی جیل میں وکلاء سے گفتگو

اسٹیٹ بینک آف پاکستان نے شرح سود میں 2 فیصد کی کمی کردی۔ گورنر اسٹیٹ بینک جمیل احمد کی زیر صدارت مانیٹری پالیسی کے حوالے سے اجلاس ہوا جس میں شرح سود میں 2 فیصد کمی کردی گئی۔تفصیلات کے مطابق اسٹیٹ بینک کے مطابق مانیٹری پالیسی کمیٹی نے سود کی شرح 13 فیصد کردی ہے۔اسٹیٹ بینک کی مانیٹری پالیسی کمیٹی نے مسلسل پانچویں مرتبہ شرح سود کم کی ہے۔اسٹیٹ بینک آف پاکستان کی جانب سے جاری مانیٹری پالیسی بیان کے مطابق شرح سود میں 2 فیصد کمی کی گئی جس کے بعد شرح سود 15 فیصد سے کم ہوکر 13 فیصد ہوگئی ہے۔  اسٹیٹ بینک آف پاکستان کی جانب سے جاری اعلامیے میں کہا گیا کہ زری پالیسی کمیٹی (ایم پی سی) نے اپنے آج کے اجلاس میں پالیسی ریٹ کو 17دسمبر 2024 سے200 بی پی ایس کم کرکے 13فیصد کرنے کا فیصلہ کیاہے۔اس میں کہا گیا کہ ایم پی سی کی توقعات کے مطابق نومبر 2024 میں عمومی مہنگائی کم ہو کر سالانہ بنیادوں پر 4.9 فیصد ہوگئی، اس کمی کی بڑی وجہ غذائی مہنگائی کا مسلسل کم ہونا نیز نومبر 2023 میں گیس کے نرخوں میں اضافے کے اثرات کا بتدریج ختم ہونا تھا۔اعلامیہ کے مطابق روپیہ مستحکم ، کرنٹ اکاؤنٹ سرپلس اور ترسیلات زر میں اضافہ ہوا ہے اور مہنگائی کنٹرول اور زرمبادلہ ذخائر بڑھ رہے ہیں، نومبر میں افراط زر کی شرح 6 سال کی کم ترین سطح 4.9 فیصد پرآگئی ہے۔خیال رہے کہ شرح سود میں مسلسل پانچویں مرتبہ کمی کی گئی ہے جبکہ 5 بار میں 9 فیصد کمی ہوئی۔یاد رہے کہ تاجر تنظیموں نے شرح سود میں 3 سے 5 فیصد تک کمی کا مطالبہ کیا تھا۔

اسٹیٹ بینک نے شرح سود میں 2 فیصد کمی کا اعلان کردیا

ملک کی شرح سوددوفیصد کمی کے بعد 15 فیصد سے کم ہوکر 13 فیصد کی سطح پر آگئی

پاکستان ریڈ بال ٹیم کے سابق کوچ جیسن گلیسپی نے مستعفی ہونے کی وجوہات بتا دیں۔ جیسن گلیسپی نے دل کی بھڑاس نکالتے ہوئے پی سی بی حکام کو سخت تنقید کا نشانہ بنا ڈالا۔آسٹریلین میڈیا کو دیے گئے انٹرویو میں جیسن گلیسپی نے کہا کہ میرے بطور ہیڈ کوچ ٹیم سلیکشن میں اختیارات ختم کردیے گئے تھے، میری ڈیوٹی میدان میں کھلاڑیوں کو کیچنگ پریکٹس کرانا باقی رہ گئی تھی۔پاکستان کے سابق ہیڈ کوچ گلیسپی کا مستعفی ہونے کے بعد آسٹریلوی میڈیا کو انٹرویو میں کہنا تھا کہ ہائی پرفارمنس کوچ ٹم نیلسن کے معاملے پر بےخبری ناراضی کا سبب بنی، ٹم نیلسن کو نہ رکھنے کے فیصلے سے مجھے مکمل بے خبر رکھا گیا، نیلسن کے معاملے کے بعد لگا کہ میرا کام اب مشکل ہوگیا ہے، ایک اہم فیصلے سے ہیڈ کوچ کو آگاہ نہ رکھنے نے مجھے ایسا سوچنے پر مجبور کیا۔قومی ٹیم کے سابق کوچ نے کہا کہ ماضی کے چند واقعات کے بعد اس معاملے نے مجھے سوچنے پر مجبور کیا کہ میری ضرورت ہے یا نہیں، میرا پاکستاں کی کوچنگ کا جو مقصد تھا وہ فوت ہوتا جا رہا تھا، میرا کام صرف میچ کی صبح کھلاڑیوں کو کیچنگ پریکٹس کرانا رہ گیا تھا۔ ان کا کہنا تھا کہ ہیڈ کوچ کا سلیکٹرز سمیت ہر کسی سے مکمل رابطہ ضروری ہوتا ہے، پلاننگ کے لیے ضروری ہے کہ کم از کم ایک روز پہلے تو مجھے سکواڈ کے بارے میں بتایا جائے، ان تمام معاملات کی عدم موجودگی میں کام کرنا مشکل ہو جاتا ہے۔گلسپی نے کہا کہ انگلینڈ کے خلاف پہلے میچ کے بعد گروپ پر ایک ٹیکسٹ میسج سے نئی سلیکشن کمیٹی کی خبر ملی، سلیکشن کمیٹی کے معاملے پر بھی مجھ سے کوئی بات نہیں کی گئی تھی جب کہ بابر اعظم کو ڈراپ کرنے کا فیصلہ بھی نئی سلیکشن کمیٹی کا تھا۔ سابق ہیڈ کوچ جیسن گلیسپی کا کہنا تھا کہ پاکستان کرکٹ ٹیم کے ساتھ بہت سی مثبت پیشرفت ہو رہی تھی مگر ٹیم کے انتخاب میں کوئی کردار نہیں دیا گیا، میرا کردار صرف میچ کے دن تک محدود ہوگیا تھا۔جیسن گلیسپی کامزیدکہناتھا کہ اگر نظام بہتر ہوتو پاکستان کرکٹ کو بہتری سے کوئی نہیں روک سکتا،پاکستان میں ٹیلنٹ کی کمی نہیں، صحیح طریقے سے نکھارا جائے تو بہترین ٹیم بن سکتی ہے۔

سابق کوچ جیسن گلیسپی نے پاکستانی ٹیم کی کوچنگ چھوڑنے کی وجہ بتادی

اگر نظام بہتر ہوتو پاکستان کرکٹ کو بہتری سے کوئی نہیں روک سکتا، جیسن گلیسپ کا آسٹریلوی میڈیا کو انٹرویو

کراچی کے علاقے یوسف گوٹھ کا ایک اوباش نوجوان خاتون کے سامنے برہنہ ہوگیا جس کی ویڈیوسوشل میڈیا پروائرل ہوگئی۔تفصیلات کے مطابق شہر قائد کے علاقے یوسف گوٹھ، گلی نمبر 1 میں ایک اوباش نوجوان کی راہگیر خاتون کے سامنے نازیبا حرکت کرتے ہوئے ویڈیو سامنے آئی تھی جو سوشل میڈیا پر وائرل ہو گئی ہے۔ویڈیو میں دیکھا جاسکتا ہے کہ خاتون گلی سے گزرتی ہے اسی دوران اوباش نوجوان برہنہ ہوجاتا ہے جبکہ اس کے دوست ویڈیو بناتے ہوئے نظر آرہے ہیں اس کے علاوہ گلی میں کھڑے دیگر افراد بھی ویڈیو بنتے دیکھتے رہے۔جبکہ اس کے دوست اس حرکت کو ویڈیو میں ریکارڈ کرتے ہیں اور پھر اسے دوبارہ ایسی حرکت کرنے کی ترغیب دیتے ہیںتو دوستوں کے کہنے پر وہ دوبارہ برہنہ ہوتا ہے، اس دوران ایک اور خاتون کا وہاں سے گزر ہوتا ہے۔ویڈیو میں نظر آنے والا نوجوان اس ویڈیو کے بعد میڈیا کے سامنے آیا اور اس نے اپنی غلطی کا اعتراف کرتے ہوئے کہا اپنا ایک ویڈیو بیان جاری کیا جس میں اس نے کہا کہ مجھے اپنی حرکت کا پچھتاوا ہے، میں ماں بہنوں سے معافی مانگتا ہوں۔دوسری جانب نجی ٹی وی کے مطابق سرجانی پولیس نے غیر اخلاقی حرکات کرنے والے ملزم کو گرفتار کرلیا۔ پولیس کے مطابق سرجانی میں یوسف گوٹھ کے مقام پر خاتون سے ہراسانی کے وقعے کی ویڈیو سامنے آئی تھی۔پولیس کا بتاناہے کہ سرجانی ٹاؤن میں غیراخلاقی حرکات کرنےوالے نوجوان کو گرفتار کرلیا گیاہے، پولیس نے ملزم کو ویڈیو کی مدد سے گرفتار کیا ہے۔پولیس کے مطابق متاثرہ خاتون یا اس کے گھر والوں نے اس واقعے کی رپورٹ درج نہیں کرائی،ملزم کے خلاف ریاست کی مدعیت میں مقدمہ درج کرکے تفتیش کا آغاز کردیا گیا ہے۔

کراچی میں نوجوان راہ چلتی خاتون کے سامنے برہنہ ہو گیا، ویڈیو وائرل

سرجانی میں یوسف گوٹھ کے مقام پر خاتون سے ہراسانی کے وقعے کی ویڈیوسوشل میڈیا پروائرل ہوئی تھی

جی ایچ کیو گیٹ حملہ کیس میں مزید 9 ملزمان پر فرد جرم عائد کردی گئی جبکہ شاہ محمود قریشی اوردیگر نے فرد جرم کی کاپی پر دستخط سے انکارکر دیا۔انسداد دہشت گردی عدالت کے جج امجد علی شاہ نے اڈیالہ جیل راولپنڈی میں جی ایچ کیو حملہ کیس کی سماعت کی، اس موقع پر بانی پی ٹی آئی عمران خان اور شاہ محمود قریشی کو خصوصی عدالت میں پیش کیا گیا۔اے ٹی سی کے جج نے فرد جرم پڑھ کر سنائی، عدالت نے شیریں مزاری، راشد حفیظ، منیر، خادم حسین کھوکھر، ذاکر اللہ، عظیم اللہ، طاہر صادق، مہر جاوید، چودھری آصف سمیت 9 ملزمان پر فرد جرم عائد کی جبکہ ملزمان نے صحت جرم سے انکار کر دیا۔رہنما پی ٹی آئی شاہ محمود قریشی، اجمل صابر اور سکندر زیب پر فرد جرم عائد نہ ہو سکی، تینوں نے فرد جرم کی شیٹ پردستخط کرنے سے انکار کر دیا۔مسلسل غیر حاضر رہنے والے 23 ملزمان کی ضمانت منسوخی کی درخواست دائر کی گئی جس پر عدالت نے نوٹس جاری کر دیا، علی امین گنڈاپور سمیت 23 ملزمان کے ناقابل ضمانٹ وارنٹ گرفتاری برقرار ہیں، کیس میں کل 98 ملزمان پر فرد جرم عائد ہو چکی ہے۔شاہ محمود قریشی، اجمل صابر، سکندر زیب  نے دستخط سے انکارکرتے ہوئے مؤقف اپنایا کہ ہمارے خلاف ثبوت ناکافی ہیں۔  پہلے 265 ڈی کی درخواست پرسماعت کی جائے۔استغاثہ نے علی امین، شبلی فراز، زین قریشی سمیت 23 ملزمان کی ضمانت منسوخی کی درخواست دائر کر دی۔ عدالت نے نوٹس جاری کر کے سماعت انیس دسمبر تک ملتوی کر دی۔ واضح رہے کہ 9 مئی جی ایچ کیو حملہ کیس میں بانی پاکستان تحریک انصاف (پی ٹی آئی) عمران خان پر پہلے ہی فرد جرم عائد ہو چکی ہے۔

جی ایچ کیو حملہ کیس میں شیریں مزاری سمیت مزید 9 ملزمان پر فرد جرم عائد

پی ٹی آئی رہنماشاہ محمود قریشی،اجمل صابر اور سکندر زیب نے فرد جرم کی کاپی پر دستخط سے انکارکر دیا

سپریم کورٹ کے سینیئر ترین جج جسٹس منصور علی شاہ کا کہنا ہے کہ چھبیسویں آئینی ترمیم کے بعد سوموٹو کی پاور واپس لے لی گئی ہے۔ سو موٹو اب نہیں لے سکتے۔ 26 ویں آئینی ترمیم بھی کلائمٹ فنانس جیسا بڑا ایشو ہے۔تفصیلات کے مطابق سپریم کورٹ کے سینئر جج جسٹس منصور علی شاہ نے کہا ہے کہ ہم ٹرک کی بتی کے پیچھے لگے ہوئے ہیں، اب سو موٹو نہیں لے سکتے، گزشتہ 7 سال میں موسمیاتی تبدیلیوں پر کوئی کام نہیں ہوا۔کیسز میں عدالتوں نے ہدایات جاری کیں لیکن گراؤنڈ پر کچھ نہیں ہوا۔ لاہور میں موسمیاتی تبدیلیوں کے حوالے سے متعقد سیمینار سے خطاب کرتے ہوئے جسٹس منصورعلی شاہ نے کہا کہ فوڈ سکیورٹی، ڈیزاسٹر مینجمنٹ، واٹر سکیورٹی سمیت دیگر عوامل پر غور کی ضرورت ہے۔ اربن پلاننگ، ایگری کلچرل پلاننگ پر بات کرنا ہوگی۔ان کا کہنا تھا کہ گزشتہ سات سال میں موسمیاتی تبدیلیوں کے حوالے سے کوئی کام نہیں ہوا، کیسز میں عدالتوں نے ہدایات جاری کیں لیکن گراؤنڈ پر کچھ نہیں ہوا، یہ دیکھا نہیں گیا ریسورس ہے کہ نہیں، حکومت نے بھی فوکس نہیں کیا۔انہوں نے کہا کہ پاکستان میں کلائمیٹ فنانس امید کی ایک کرن ہوگا، جسٹس منصور علی شاہ نے کہا کہ موسمیاتی ایمرجنسی کا پاکستان کو سامنا ہے، کلائمٹ فنانس ہی کلائمٹ جسٹس ہے۔ پاکستان دنیا کا آٹھواں بڑا ملک ہے جو موسمیاتی تبدیلیوں سے اثر انداز ہے، عدالتوں نے ہمیشہ موسمیاتی ایمرجنسی کے کیسز کو سنجیدہ لیا ہے۔انہوں نے کہا کہ 90 کی دہائی میں انڈسٹریوں کو بند کرنے سے لیکر دیگر عوامل پر بات کی گئی، عمل درآمد کون کرے گا اس پر بات نہیں ہوئی، کلائمٹ فنانس پر بات ہی نہیں ہوئی۔ نیچر فنانس کے بغیر موسمیاتی ایمرجنسی سے لڑا نہیں جاسکتا۔جسٹس منصور علی شاہ نے کہا کہ ہمارے ہاں ایڈمنسٹریشن کے مسائل ہیں، باکو میں حکومت نے اچھی کوشش کی، کلائمٹ ڈپلومیسی پر جلدی کام کرنے کی ضرورت ہے، حکومت کے پاس ابھی لگتا ہے اتنے پیسے نہیں ہیں،2017 میں میں قانون بنا لیکن ابھی تک اتھارٹی نہیں بنی،جٹ میں بھی اس کا ذکر نہیں کیا گیا، ہوسکتا ہے جلد بن جائے، عدالتیں سمجھتی ہیں کہ کلائمٹ فنانس کو بنیادی حق سمجھنا ہوگا۔ یہ انسان کا بنیادی حق ہے۔

ہم ٹرک کی بتی کے پیچھے لگے ہیں، اب سو موٹو نہیں لے سکتے، جسٹس منصور علی شاہ

چھبیسویں آئینی ترمیم بھی کلائمٹ فنانس جیسا بڑا ایشو ہے،جسٹس منصور علی شاہ کاکانفرنس سے خطاب

ایرانی گلوکارہ کو ورچوئل کانسرٹ میں حجاب کے بغیر پرفارم کرنے پر گرفتار کرلیا گیا۔تفصیلات کے مطابق ایرانی گلوکارہ پرستو احمدی کو بغیر حجاب پر فارم کرنے پر مشکل میں پڑگئیں، ان کے خلاف مقدمہ درج کرکے گرفتار کرلیا گیا۔غیرملکی میڈیا کے مطابق 27 سالہ ایرانی گلوکارہ پرستو احمدی کو یوٹیوب پر ورچوئل کانسرٹ میں حجاب نہ پہننے پر گرفتار کیا گیا۔گلوکارہ کو صوبہ مازندران کے شہر ساری سے حراست میں لیا گیا۔گلوکارہ کے وکیل کے مطابق پرستو احمدی نے اپنے کانسرٹ کی ویڈیو آن لائن پوسٹ کی تھی جس میں انہوں نے حجاب نہیں پہنا ہوا تھا، ان کے خلاف جمعرات کو مقدمہ دائر کیا گیا تھا۔گلوکارہ کے وکیل کا کہنا تھا کہ میرے موکل کی گرفتاری عدلیہ کی جانب سے پیشگی اطلاع یا سمن کے بغیر کی گئیں۔پرستو احمدی نے اپنی ویڈیو کے ساتھ لکھا تھا کہ میں ایک لڑکی ہوں جو ان لوگوں کے لیے گانا چاہتی ہوں جن سے میں محبت کرتی ہوں، یہ وہ حق ہے جسے میں نظر انداز نہیں کرسکتی۔انہوں نے اپنی پوسٹ میں ایران سے محبت کا اظہار بھی کیا تھا۔غیرملکی میڈیا کے مطابق ایرانی گلوکارہ کے ورچوئل کانسرٹ کی اس ویڈیو کو یوٹیوب پر 16 لاکھ سے زائد مرتبہ دیکھا گیا۔میڈیا رپورٹس کے مطابق گلوکارہ کے وکیل نے دعویٰ کیا ہے کہ اسی دن دارالحکومت تہران سے 2 مرد موسیقاروں کو بھی گرفتار کیا گیا تھا۔ واضح رہے کہ 1979ء کے اسلامی انقلاب کے بعد ایران میں قانون کے ذریعے حجاب کو لازمی قرار دیا گیا تھا۔

ایرانی گلوکارہ پرستو احمدی کو بغیر حجاب پرفارم کرنے پر گرفتار کرلیا گیا

ایرانی گلوکارہ پرستو احمدی نے یوٹیوب پر اپنی فارمنس کی ویڈیو اپلوڈ کی تھی جسے 16 لاکھ سے زائد مرتبہ دیکھا گیا

لاہور ہائیکورٹ نے وزیراعظم شہباز شریف کے ہر جانے کے دعویٰ کے خلاف بانی پی ٹی آئی عمران خان کی درخواست کے قابل سماعت ہونے پر فیصلہ محفوظ کر لیا۔لاہور ہائیکورٹ کے جسٹس اقبال چودھری نے وزیر اعظم شہباز شریف کے دعویٰ کیخلاف عمران خان کی درخواست پر سماعت کی۔بانی پی ٹی آئی نے ہتک عزت کے دعویٰ پر سماعت کرنے والی عدالت کے فیصلے کو چیلنج کیا ہے۔عمران خان کی درخواست میں مؤقف اختیار کیا گیا ہے کہ ٹرائل کورٹ نے ہتک عزت کے دعوے میں گواہوں کو تحریری صورت میں گواہی دینے کی اجازت دی ہے، ٹرائل کورٹ کا یہ فیصلہ حقائق کے برعکس ہے۔ گواہ کمرہ عدالت میں پیش ہوکر گواہی دیں۔ عدالت سے استدعا کی گئی ہے کہ ٹرائل کورٹ کا فیصلہ کالعدم قرار دیا جائے۔بعد ازاں لاہور ہائیکورٹ نے عمران خان کی درخواست کے قابل سماعت ہونے پر فیصلہ محفوظ کرلیا

وزیراعظم کا ہرجانے کا دعویٰ، عمران خان کی درخواست قابل سماعت ہونے پر فیصلہ محفوظ

ٹرائل کورٹ کا گواہوں کو تحریری گواہی دینے کی اجازت دینا حقائق کے برعکس ہے، عمران خان کا درخواست میں مؤقف

مشرقی پاکستان کو آج علیحدہ ہوئے 53 برس بیت گئے۔مشرقی پاکستان کے علیحدہ ہونے کا سانحہ 16 دسمبر 1971ء کو پیش آیا تھا جسے یوم سقوطِ ڈھاکا کے طور پر یاد کیا جاتا ہے۔قیام پاکستان کے 24 سال بعد آج ہی کے دن پاکستان کا مشرقی بازو ہم سے الگ ہوگیا تھا جسے قوم سقوطِ ڈھاکا کے نام سے یاد کرتی ہے۔ملک کے قیام کی سلور جوبلی منانے سے قبل ہی ہم ملک کے بڑے بازو سے محروم ہوگئے۔ سابق مشرقی پاکستان قدرت کی فیاضیوں سے مالا مال خطہ تھا۔ اس خطے کے مکین بھی وطن کو چاہنے اور اس چاہت کے اظہار میں کسی سے کم نہ تھے۔ بے مثال جغرافیائی فاصلے اور رنگ، نسل، زبان اور ثقافت کے غیر معمولی فرق کے باوجود سابق مشرقی پاکستان کے مکین دین کی رسی کو تھام کر مغربی مغربی بازو میں آباد ہم وطنوں سے جڑے ہوئے تھے۔سقوط ڈھاکہ 1971 کی پاک بھارت جنگ کا نتیجہ نہیں بلکہ اس کے پس پردہ کئی عوامل کار فرما ہیں، دور اندیشی پر مبنی پالیسیاں نہ ہونے کیساتھ اپنوں نے طاقت کو مسئلے کا حل سمجھا تو پاکستان کے وجود سے انکاری بھارت کی سازش نے جلتی پر تیل کا کام کیا۔1970 کے انتخابات میں شیخ مجیب الرحمان کو اکثریت ملی مگر اقتدار کی منتقلی کا مرحلہ طے نہ پاسکا، بھارت نے موقع کو غنیمت جانا، آپریشن جیک پاٹ لانچ کیا اور پھر بھارتی فوج اور مکتی باہنی کے گٹھ جوڑ نے مشرقی پاکستان کی گلیوں میں خون کی ہولی کھیلی۔پاکستان دوستوں کی مدد کا منتظر رہا مگر چھٹا بحری بیٹرہ پہنچا نہ دوستوں نے ساتھ نبھایا اور مشرقی پاکستان ہم سے جدا ہو کر دنیا کے نقشے پر بنگلہ دیش کے نام سے نیا ملک بن گیا۔سقوط ڈھاکا پر بھارتی وزیراعظم اندرا گاندھی نے یہ کہہ کر پاکستانیوں کے زخموں پر نمک چھڑکا تھا کہ میں نے آج دو قومی نظریہ خلیج بنگال میں ڈبو دیا لیکن وقت نےبھارت کا سارا غرور خاک میں ملا دیا۔چھ اگست 2024 کو بنگلادیشی عوام نے بھارت نواز حکومت کا تختہ الٹ دیا اور شیخ حسینہ کو ملک سے فرار ہونا پڑا ۔ اندراگاندھی اس روز زندہ ہوتیں تو اپنی آنکھوں سے دیکھتیں کہ ڈوبا ہوا دو قومی نظریہ دوبارہ خلیج بنگال کی سطح پر آ چکا ہے ۔ دو قومی نظریہ کا سچ اپنی جگہ مگر قوموں اور ملکوں کیلئے اپنی غلطیوں کا ادراک بھی ضروری ہے ۔سقوطِ ڈھاکا کے اسباب کا تجزیہ کرنے والوں نے بہت کچھ لکھا ہے۔ پاکستانی تجزیہ نگاروں کے علاوہ غیر ملکی مبصرین نے بھی اس سانحے پر بہت کچھ لکھا ہے۔ سقوطِ ڈھاکا میں مرکزی کردار ادا کرنے والے پڑوسی ملک کے لکھاری اور تجزیہ کار بھی قومی مفادات کے تحت متنازع نوعیت کے مضامین اور کتابیں لکھتے رہے ہیں۔ پاکستان میں بھی بہت سے لکھنے والون نے سقوطِ ڈھاکا کے اسباب کے تجزیے کے ذریعے قوم کو سوچنے اور سمجھنے کی تحریک دینے کی کوشش کی ہے۔

وہ زخم جو کبھی بھر نہیں سکتا، مشرقی پاکستان کی علیحدگی، سقوطِ ڈھاکا کو 53 برس بیت گئے

مشرقی پاکستان کے علیحدہ ہونے کا سانحہ 16 دسمبر 1971ء کو پیش آیا تھا جسے یوم سقوطِ ڈھاکا کے طور یاد کیا جاتا ہے

سانحہ آرمی پبلک اسکول (اے پی ایس) کی دسویں برسی آج منائی جارہی ہے۔تفصیلات کے مطابق سانحہ اے پی ایس میں شہید ہونے والےمعصوم بچوں کی یاد،دل کوپھرتڑپانے لگی، 10سال بعد دہشت گردحملےمیں اےپی ایس پشاورکےبچوں کےقتل عام کو10سال ہوگئے، اس دن کی مناسبت سے ملک بھر میں خصوصی دعائیہ تقریبات ہوں گی جس میں شہداء کی روح کو ایصال ثواب کیلئے فاتحہ اور قرآن خوانی کا اہتمام بھی ہوگا۔سولہ دسمبر کا وہ بھیانک دن جب دہشت گردوں نے معصوموں کے خون کی ہولی کھیلی۔ پشاور کے آرمی پبلک اسکول پرحملہ کیا۔ اسکول پرنسپل اور اسٹاف سمیت 140 بچے شہید ہوئے۔ سانحے کا غم آج بھی تازہ ہے۔ سولہ دسمبرکا دن آتے ہی پشاور کی فضا سوگوار ہو جاتی ہے۔16 دسمبر 2014 کو ملک کی تاریخ کا المناک واقعہ رونما ہوا، چھ دہشت گرد دیوار پھلانگ کر آرمی پبلک اسکول میں داخل ہوئے، جدید اسلحہ سے لیس اور سرکاری اہلکاروں کی وردیوں میں ملبوث دہشت گردوں نے علم کی پیاس بجھانے والے طلباء پر اندھا دھند گولیوں کی بوچھاڑ کی۔دہشت گرد اسکول کے عقبی راستے سے صبح 10 بجے کے قریب عمارت میں داخل ہوئے، اس وقت آٹھویں ،نویں اور دسویں جماعت کے طالب علم آڈیٹوریم میں تربیت میں مشغول تھے۔دہشت گردوں نے ہال میں داخل ہوتے ہی ہر طرف اندھا دھند فائرنگ شروع کردی اور اے پی ایس کی دیواروں کو خون سے رنگ دیا، دہشت گردوں کی فائرنگ سے پرنسپل ،اساتذہ ،طلبہ اور دیگر عملے سمیت 140 سے زائد افراد شہید ہوئے۔سکیورٹی فورسز کے جوانوں نے بھرپورکارروائی کرتے ہوئے دہشت گردوں کو ان کے انجام تک پہنچایا، سانحہ اے پی ایس نے دہشتگردی کے خلاف جنگ میں نئی روح پھونکی، نیشنل ایکشن پلان تشکیل دیا گیا اور قبائلی علاقوں سے دہشت گردی کا خاتمہ ممکن ہوا۔آرمی پبلک اسکول حملے میں ملوث 6 دہشتگردوں کو سیکیورٹی فورسز نے گرفتار کیا جنہیں ملٹری کورٹس نے موت کی سزائیں سنائی۔ شہداء کے لواحقین جب بھی اپنے پیاروں کو یاد کرتے ہیں تو غم سے نڈھال ہوجاتے ہیں تاہم جب قربانی دینے والے شہداء کو خراج تحسین پیش کیا جاتا ہے تو لواحقین کے حوصلے بڑھ جاتے ہیں۔ دوسری جانب صدر مملکت آصف علی زرداری اور وزیراعظم شہباز شریف نے سانحہ آرمی پبلک اسکول پشاور کے شہداء کو 10ویں برسی پر خراج عقیدت پیش کیا ہے۔سانحہ اے پی ایس کو10 برس مکمل ہونے پر اپنے پیغام میں صدر مملکت آصف علی زرداری نے کہا کہ 16 دسمبر 2014 کے افسوسناک دن دہشت گردوں نے ہمارے بچوں اور قوم کے مستقبل پر حملہ کیا، معصوم بچوں پر حملہ گھناؤنا اور انسانیت سوز جرم ہے، دہشت گردی کے خاتمے کے لیے عالمی برادری کو مشترکہ طور پر کوششیں کرنا ہوں گی، آئیے دہشت گردی کے خاتمے اور پرامن پاکستان کے لیے کام کرنے کا عہد کریں۔وزیرِاعظم محمد شہباز شریف نے اپنے پیغام میں کہا کہ آج جبکہ پاکستان کی تاریخ کے ایک ناقابل فراموش سانحے، ایک بہت بڑے نقصان کے 10 سال مکمل ہو رہے ہیں، ہمارا دل غم زدہ اور خون کے آنسو روتا ہے. یہ ایک ایسا دل سوز واقعہ تھا جس کی یاد ایک دہائی سے ہمارے دلوں کو مضطرب کر رہی ہے۔شہباز شریف نے کہا کہ 16 دسمبر 2014 کو بزدل، بے رحم اور حیوانیت سے بھرپور دہشت گرد آرمی پبلک اسکول پشاور کے احاطے میں گھس کر تباہی و بربادی کرتے ہوئے 144 معصوم جانوں کو ہم سے ہمیشہ کیلئے جدا کر گئے، اس حیوانیت کا شکار ہوکر شہید ہونے والوں میں سے اکثریت کم سن بچوں کی تھی جو کہ بہت ہی کم عمری میں ہمیں غمگین کرکے دنیا سے چلے گئے۔ ان کی زندگی، ان کے خواب، ان کی امیدیں، ان کا مستقبل ان سے چھین لیا گیا۔وزیراعظم نے کہا کہ اس سانحے کو خواہ کتنا ہی وقت کیوں نہ گزر جائے، ان معصوم و کم سن بچوں کی جدائی کے صدمے کو مٹا نہیں سکتا، ان ننھی کونپلوں نے اس دن ناقابل برداشت ظلم و بربریت کا سامنا کیا اور جام شہادت نوش کیا۔ ان خاندانوں اور والدین جنہوں نے اپنے پیاروں کو اس بھیانک سانحے میں کھو دیا، جن کے لخت جگر ان سے چھین لئے گئے، کے غم اور تکلیف کو کسی طور بھی کم نہیں کیا جا سکتا ہے۔سانحہ آرمی پبلک سکول کی دسویں برسی کے موقع پر وزیراعلیٰ خیبر پختونخوا علی امین گنڈاپور نے اپنےبیان میں کہا ہےکہ آرمی پبلک اسکول پشاور کا دلخراش واقعہ ملکی تاریخ کا نہایت اندوہناک سانحہ تھا،اس اندوہناک سانحے نے ملک میں دیر پا امن کی بنیاد رکھی اور پوری قوم، حکومت اور اداروں کو مشترکہ دشمن کے خلاف متحد کر دیا ۔ علی امین گنڈاپور نے کہا کہ اس المناک واقعہ کے بعد پوری قوم اور ادارے دہشت گردی کے ناسور کو معاشرے سے ختم کرنے کیلئے متحد ہوئے ، حکومتی ، سیاسی اور عسکری قیادت نے مل بیٹھ کر اتفاق رائے سے نیشنل ایکشن پلان بنایا جو پرامن پاکستان کی طرف درست اور بروقت اقدام ثابت ہوا،صوبائی حکومت، صوبے کے عوام اور پوری قوم شہدائے اے پی ایس کے خاندانوں کے عزم و حوصلے کو سلام پیش کرتے ہیں جنہوں نے انتہائی صبروتحمل اور استقامت سے اپنے جگر گوشوں کی جدائی برداشت کی ہے۔سانحہ اے پی ایس اور سقوط ڈھاکہ یاد میں آج لاہور اور جڑواں شہروں میں تعلیمی ادارے بند ہیں جبکہ گجرات اور سیالکوٹ میں بھی تعلیمی اداروں کو بند رکھنے کا فیصلہ کیا گیا ہے۔

سانحہ اے پی ایس کو 10 سال بیت گئے ، زخم آج بھی تازہ

صدرمملکت ،وزیراعظم ،وزیراعلیٰ خیبرپختونخواسمیت دیگر شخصیات کا شہدائے اے پی ایس پشاور کو خراج عقیدت

حکومت نے آئندہ 15 روز کے لیے پیٹرول اور ڈیزل کی قیمتوں کا اعلان کر دیا۔وزارت خزانہ کی جانب سے جاری نوٹیفکیشن کے مطابق پٹرولیم مصنوعات کی نئی قیمتوں کا اعلان کردیا گیا جس کے مطابق 15 دسمبر سے یکم جنوری 2025 تک پٹرول کی قیمت252 روپے 10 پیسے فی لٹر برقرار رکھنے کا فیصلہ کیا گیا ہے۔نوٹیفکیشن کے مطابق ہائی اسپیڈ ڈیزل کی قیمت میں 3 روپے 5  پیسے اور لائٹ ڈیزل کی قیمت میں 2 روپے 78 پیسے کی کمی کی گئی ہے۔قیمتوں میں کمی کے بعد ہائی اسپیڈ ڈیزل کی قیمت 255 روپے 38 پیسے اور لائٹ ڈیزل کی قیمت148 روپے 95 پیسے ہوگئی، مٹی کےتیل کی قیمت میں 3 روپے 32 پیسےفی لیٹرکمی کی گئی ہے جس کے بعد مٹی کےتیل کی نئی قیمت 161 روپے66 پیسےفی لیٹر ہوگی۔ نئی قیمتوں کا اطلاق رات 12 بجے سے ہوگا۔

حکومت نے پٹرولیم مصنوعات کی نئی قیمتوں کا اعلان کردیا

ہائی اسپیڈ ڈیزل کی قیمت میں 3 روپے 5 پیسے ،مٹی کے تیل کی قیمت میں 3 روپے 32 پیسے کمی کی گئی

ویمنز انڈر 19 ٹی 20 ایشیا کپ میں بھارت نے پاکستان کو 9 وکٹوں سے شکست دے دی۔تفصیلات کے مطابق ویمنز انڈر 19 ٹی ٹوئنٹی ایشیا کپ کا میلہ ملائشیا کے شہر کوالالمپور میں سج گیاجہاںویمنز انڈر 19 ٹی 20 ایشیا کپ میں پاکستان اور بھارت کے درمیان میچ بائیو ماس کرکٹ اوول گراؤنڈ میں کھیلا گیا، پاکستان نے بھارت کے خلاف ٹاس جیت کر پہلے بیٹنگ کرنے کا فیصلہ کیا۔پہلے بیٹنگ کرتے ہوئے پاکستانی ٹیم بھارت کو بڑا ہدف دینے میں ناکام رہی اور صرف 67 رنز پر ہی ڈھیر ہو گئی۔ بھارت نے 68 رنز کا ہدف باآسانی ایک وکٹ کے نقصان پر حاصل کر لیا۔خیال رہے ویمنز انڈر 19 ٹی 20 ایشیا کپ 15 دسمبر سے 22 دسمبر تک ملائیشیا کے شہر کوالالمپور میں کھیلا جارہاہے۔ گروپ اے میں پاکستان، بھارت اور نیپال کی ٹیمیں شامل ہیں۔جبکہ گروپ بی میں سری لنکا، بنگلہ دیش اور ملائیشیا کی ٹیمیں ہیں۔ پاکستانی ٹیم اپنا دوسرا میچ 16 دسمبر کو نیپال کے خلاف کھیلے گی۔

ویمنز انڈر19 ایشیا کپ،بھارت نےروایتی حریف پاکستان کو 9 وکٹوں سے ہرادیا

بھارت نےپاکستان کادیاگیا 68 رنز کا ہدف باآسانی ایک وکٹ کے نقصان پر حاصل کر لیا

عماد وسیم، محمد عامر کے بعد اب فاسٹ بولر محمد عرفان نے بھی انٹرنیشنل کرکٹ سے ریٹائرمنٹ کا اعلان کردیا۔تفصیلات کے مطابق محمد عرفان نے انٹرنیشنل کرکٹ سے ریٹائرمنٹ لے لی ہے، وہ گزشتہ تین دنوں میں ایسا کرنے والے تیسرے پاکستانی ہیں، عماد وسیم ،محمد عامر بھی اپنی ریٹائرمنٹ کا اعلان کر چکے ہیں۔محمدعرفان نے ریٹائرمنٹ کا اعلان سوشل میڈیا پر کیا۔انہوں نے کہا ہے کہ سپورٹ کرنے پر ساتھی کھلاڑیوں، کوچز اور تمام لوگوں کا شکر گزار ہوں۔ محمد عرفان نے 4 ٹیسٹ، 60 ون ڈے اور 22 ٹی ٹوئنٹی میچز میں پاکستان کی نمائندگی کی۔یادرہے محمد عرفان سے قبل گزشتہ روز فاسٹ بولر محمد عامر نے بھی انٹرنیشنل کرکٹ سے ریٹائر ہونے کا اعلان کیا تھا جبکہ آل راؤنڈ عماد وسیم دو روز قبل ریٹائرمنٹ کااعلان کر چکے ہیں۔

محمدعامراورعمادوسیم کے بعد محمد عرفان کا بھی انٹرنیشنل کرکٹ سے ریٹائرمنٹ کا اعلان

گزشتہ 3 دن میں قومی کرکٹرز کی جانب سے سامنے آنے والا یہ ریٹائرمنٹ کا تیسرا اعلان ہے

According to Cricbuzz, the Pakistan Cricket Board is on the verge of accepting the hybrid model and will co-host the ICC Champions Trophy 2025 with UAE.

Champions Trophy 2025 Venue Finalised - PCB Accepts Hybrid Model

According to Cricbuzz, the Pakistan Cricket Board is on the verge of accepting the hybrid model and will co-host the ICC Champions Trophy 2025 with UAE.

ICC has called a final meeting regarding the Champions Trophy 2025 venue on Thursday, 5th December, at 4:30 PM (PST).&nbsp;

The PCB put forward three demands in exchange for their acceptance of the hybrid model.&nbsp;

First, to stage all the ICC events in India in a hybrid model till 2031, because if India can&rsquo;t come to Pakistan then Pakistan won&rsquo;t play in India either.&nbsp;

Second, to put Pakistan and India in separate groups for the CT25 so that the chances of them going up against each other are as low as possible and all of Pakistan&rsquo;s matches can be played at their home ground.&nbsp;

Third, to hold a tri-series between India, Pakistan, and any other team at a neutral venue like the UAE.&nbsp;

Expectedly, none of the above-mentioned demands of the PCB will be accepted by the BCCI and because the BCCI has so much influence on the ICC, it will convince the ICC to reject these demands as well.&nbsp;

PCB will eventually have to accept the hybrid model without getting any of their demands accepted.&nbsp;

According to the hybrid model, five of the fifteen league matches including 3 of India&rsquo;s group stage matches, 1 semi final, and the final match will be moved to the UAE.&nbsp;

The model is designed to meet the needs of both the PCB and the International Cricket Council (ICC), with the latter expected to approve the arrangement.

Despite initial resistance, the PCB will have to put their foot down and accept the ICC&rsquo;s proposed hybrid model plan.&nbsp;

Champions Trophy 2025 Venue Finalised - PCB Accepts Hybrid Model

Related Post

Virat Kohli’s Performance in Border-Gavaskar Trophy: Concerning or Charming?

Shocking Revelation: Why Jason Gillespie Stepped Down

Fakhar Should Focus More On His On-Field Performance, Says Shoaib Akhtar

Champions T20 Cup 2024 Live Score, Points Table, Schedule, & News

Virat Kohli’s Performance in Border-Gavaskar Trophy: Concerning or Charming?

Shocking Revelation: Why Jason Gillespie Stepped Down

Fakhar Should Focus More On His On-Field Performance, Says Shoaib Akhtar

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan