Cricket

Entertainment

Football

پی ایس ایل 10 کے آٹھویں میچ میں کراچی کنگز نے کوئٹہ گلیڈی ایٹرز کو 56 رنز سے شکست دے دی۔کراچی کے نیشنل بینک اسٹیڈیم میں کھیلے جارہے میچ میں کراچی کنگز کی جانب سے دیے گئے 176 رنز کے تعاقب میں کوئٹہ گلیڈی ایٹرز کی ٹیم 9 وکٹوں کے نقصان پر 119 رنز بناسکی۔قبل ازیں نیشنل اسٹیڈیم کراچی میں ہونیوالے میچ میں کراچی کنگز کے کپتان ڈیوڈ وارنر نے کوئٹہ گلیڈی ایٹرز کیخلاف ٹاس جیت کر پہلے بیٹنگ کافیصلہ کیا،کراچی کنگز نےپہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 175 رنز بنائے۔کنگز کی جانب سے جیمز ونس 70 رنز بنا کر نمایاں رہے۔ کپتان ڈیوڈ وارنر 31، ٹِم سائفرٹ 27، محمد نبی 18، عرفان خان 17، ریاض اللہ 6 اور خوشدل شاہ 1رن بنا کر آؤٹ ہوئے، عامر جمال 1 رن بنا کر ناٹ آؤٹ پویلین لوٹے۔گلیڈی ایٹرز کی جانب سے علی ماجد اور محمد عامر نے 2، 2 جبکہ کپتان سعود شکیل، شان ایبٹ، ابرار احمد نے 1، 1 وکٹ حاصل کی۔کراچی کنگز کے دیئے گئے176رنز کے ہدف کےتعاقب میںکوئٹہ گلیڈی ایٹرز کی ٹیم 119 رنز بنا سکی۔کوئٹہ گلیڈی ایٹرز کی جانب سے کپتان سعود شکیل 33 رنز ناٹ آؤٹ بنا کر نمایاں رہے۔ محمد عامر 30، کوشل مینڈس 12، فن ایلن 6، ابرار احمد 5، فہیم اشرف 3، شان ایبٹ 3، حسن نواز 1، خواجہ نافع 1 اور رائلی روسو 1 رن بنا کر آؤٹ ہوئے۔علی ماجد 9 رنز بنا کر ناٹ آؤٹ پویلین لوٹے۔کراچی کنگز کی جانب سے حسن علی نے 3، محمد نبی اور عباس آفریدی نے 2، 2 جبکہ عامر جمال اور میر حمزہ نے 1، 1 وکٹ حاصل کی۔

پی ایس ایل10،کراچی کنگز نے کوئٹہ گلیڈی ایٹرزباآسانی56رنز سے ہرادیا

کراچی کنگزکےدیے گئے 176 رنز کے تعاقب میں کوئٹہ گلیڈی ایٹرز کی ٹیم 119 رنز بناسکی

راولپنڈی (این این آئی)سابق وزیر اعظم عمران خان کا اپنی لیگل ٹیم کے ذریعے ایکس پر جاری پیغام میں کہا ہے کہ میں نے کسی کو اسٹیبلشمنٹ کے ساتھ مذاکرات میں شامل ہونے کا اختیار نہیں دیا ،ماضی میں کبھی کوئی معاہدہ کیا نہ ہی اب میں اس پر بات کروں گا۔ایکس پر بانی پی ٹی آئی کے نام سے منسوب اکائونٹ پر جاری بیان میں عمران خان کی جانب سے کہا گیا کہ اگر مجھے کوئی معاہدہ کرنے میں دلچسپی ہوتی تو میں دو سال پہلے کی جانے والی پیش کش کو قبول کر لیتا، ایک ایسی پیشکش جس میں دو سال کی خاموشی کے بدلے قانونی کارروائی سے مکمل استثنی کی تجویز دی گئی تھی۔انہوں نے لکھا کہ میںنے اس وقت اسے مسترد کر دیا تھا، اوراب میں اس طرح کے کسی بھی تصور کو مسترد کرتا ہوں۔بیان میں کہا گیا کہ علی امین گنڈاپور اوراعظم سواتی نے مذاکرات کی خواہش کا اظہار کیا ہو لیکن میرے خیال میں اس طرح کے مذاکرات بے معنی ہیں۔ مخالف فریق کو مسائل کو حل کرنے میں کوئی دلچسپی نہیں ہے۔انہوں نے کہا کہ علی امین اور اعظم سواتی اپنی مرضی سے بات چیت کرنا چاہتے تھے، میں نے ہمیشہ کہا ہے اور اس بات کا اعادہ کیا ہے کہ ایک سیاسی جماعت کی حیثیت سے ہمیں بات چیت پر کوئی اعتراض نہیں ہے۔بانی پی ٹی آئی کا اپنی لیگل ٹیم کے ذریعے جاری بیان میں کہا گیا ہے کہ مذاکرات کے دروازے کبھی بند نہیں ہوئے، لیکن میں یہ واضح کر دوں کہ کوئی بھی بات چیت آئین کی بالادستی، قانون کی حکمرانی اور عوام کے مفادات پر مبنی ہونی چاہیے، نہ کہ میرے یا میری بیوی کیلئے۔بیان میں مزید کہا گیا ہے کہ پاکستان تحریک انصاف واحد حقیقی قومی سیاسی قوت ہے جو بیرونی حمایت کے بغیر کسی بھی وقت ملک گیر تحریک کو متحرک کر سکتی ہے۔ ایک سیاسی جماعت صرف اس وقت کمزور ہوتی ہے جب وہ عوامی حمایت کھو دیتی ہے اور اس وقت پوری قوم پی ٹی آئی کے ساتھ مضبوطی سے کھڑی ہے۔

کسی کو اسٹیبلشمنٹ کے ساتھ مذاکرات کا اختیار نہیں دیا ، عمران خان

میں نے ماضی کبھی کوئی معاہدہ نہیں کیا اور نہ اب اس پر بات کروں گا، بانی پی ٹی آئی کا ایکس پر پیغام

چیئرمین پاکستان پیپلزپارٹی بلاول بھٹو نے شہباز حکومت کا ساتھ چھوڑنے کی دھمکی دیدی، پاکستان پیپلزپارٹی (پی پی پی) کے چیئرمین بلاول بھٹو نے وفاقی حکومت کو خبردار کرتے ہوئے کہا ہے کہ اگر فی الفور دریائے سندھ پر متنازع کینالز منصوبہ نہ روکا گیا تو ہم ساتھ نہیں چل سکیں گے، وزارتوں کو لات مارتے ہیں۔حیدرآباد میں جلسہ عام سے خطاب کرتے ہوئے انہوں نے کہاکہ اگر ہمارا مطالبہ نہ مانا گیا تو پھر ہمیشہ کی طرح مشکل وقت کا سامنا کرنے کے لیے تیار ہیں، اصولوں پر کوئی سودے بازی نہیں ہوگی۔حیدر آباد میں پیپلز پارٹی کے جلسہ عام سے خطاب کرتے ہوئے کہی۔ بلاول بھٹو زرداری نے کہا کہ عمر کوٹ میں پیپلز پارٹی کی جیت مبارک ہو، پاکستان کے عوام آج بھی شہید بے نظیر بھٹو کے ساتھ کھڑے ہیں، سندھ کے عوام نے ثابت کردیا کہ سندھ میں صرف تیر کا مینڈیٹ ہے، 17 جماعتیں ایک طرف اور پیپلز پارٹی ایک طرف، فتح ہمیں ملی۔انہوں نے کہا کہ سندھ کے عوام نے کینالز منصوبہ مسترد کردیا، اسلام آباد والے اندھے اور بہرے ہیں، 6 میں سے دو کینالز کی منظوری قیدی نمبر 420 نے دی تھی، اسلام آباد والے ہماری بات سنیں ہم آپ کے مںصوبے کی مخالفت کرتے ہیں۔چیئرمین پی پی نے کہا کہ پانی کی تقسیم کا مسئلہ وفاق کو خطرے میں ڈال سکتا ہے، ہم نے شہباز شریف کو ایک بار نہیں دو بار وزیراعظم بنوایا اور کیا اب دھمکی سے پیپلز پارٹی کو ڈرایا جائے گا؟بلاول کا کہنا تھا کہ شیر والوں کا ہر منصوبہ کسان دشمن ہوتا ہے، انہوں نے گندم اسکینڈل کی وجہ سے کسانوں کا معاشی قتل عام کیا، شیر والے صرف عوام کا خون چوستے ہیں اور کچھ نہیں کرتے، حکومت کسی غلط فہمی میں نہ رہے کہ پیچھے ہٹ جاؤں گا میں عوام کے ساتھ کھڑا ہوں۔انہوں نے کہاکہ عمران خان نے بھی اپنے دور میں دریائے سندھ سے 2 کینالز بنانے کی منظوری دی تھی، لیکن ہم نے ڈٹ کر مقابلہ کیا اور عدم اعتماد کے ذریعے گھر بھیج دیا۔انہوں نے کہاکہ پاکستان بھر کے کسانوں کے ہونے والے معاشی قتل کا ساتھ نہیں دے سکتے، چاہتے ہیں کہ چاروں صوبوں میں معاشی ترقی ہو اور عوام کو روزگار کے مواقع ملیں۔انہوں نے مسلم لیگ ن پر تنقید کرتے ہوئے کہاکہ شیر والے عوام کا خون چوستے ہیں، ان کا ہر منصوبہ کسان دشمن ہوتا ہے، کسانوں پر اضافی ٹیکس لگا دیا گیا، اب وہ کہاں جائیں۔انہوں نے مزید کہاکہ پانی تو پہلے ہی موجود نہیں، تو کینالز بنانے کے منصوبے کا پھر کیا مطلب ہے؟ حکومت کینالز منصوبہ روکے، ہم 50 سالہ پلان بتائیں گے کہ زراعت میں کیسے ترقی کرنی ہے۔بلاول بھٹو زرداری نے شہباز حکومت کا ساتھ چھوڑنے کی دھمکی دیدی اور کہا کہ وفاق کینالز مںصوبے کو واپس لے ورنہ پیپلز پارٹی حکومت کے ساتھ نہیں چلے گی۔

حکومت کینال منصوبہ فوری روکے، ورنہ ساتھ نہیں چل سکتے، بلاول کی شہباز شریف کودھمکی

حکومت فوری طور پر متنازع کینالز منصوبہ واپس لے، ہمارے اعتراضات کو مانے، ورنہ پیپلزپارٹی حکومت کے ساتھ نہیں چل سکے گی

اسلام آباد (این این آئی )ترجمان دفتر خارجہ شفقت علی خان نے کہا کہ بھارتی وزیر خارجہ کے بیان کا نوٹس لیا ہے، انہوں نے پاکستان پر متعدد الزامات عائد کیے ہیں، بھارتی وزیر خارجہ پاکستان کے خلاف بیان بازی کے بجائے دہشت گردی کی سرپرستی کرنا ختم کرے۔ترجمان وزارت خارجہ شفقت علی خان نے ہفتہ وار بریفنگ میں صحافیوں کو بتایا کہ پاکستان اور بنگلہ دیش کے درمیان سیکرٹری خارجہ سطح پر کچھ تصفیہ طلب امور پر بات چیت کی گئی، نائب وزیراعظم اسحق ڈار ہفتہ کو افغانستان کا دورہ کریں گے، غزہ میں اسرائیلی مظالم کی مذمت اور بین الاقوامی برادری سے فلسطینیوں کو تحفظ فراہم کرنے کا مطالبہ کرتے ہیں۔ترجمان وزارت خارجہ نے کہا کہ پاکستان اور بنگلادیش کے درمیان مذاکرات اچھے ماحول میں ہوئے، کچھ عناصر ان مذاکرات کے خلاف منظم پراپیگنڈا کررہے ہیں۔ترجمان وزارت خارجہ نے بتایا کہ نائب وزیراعظم اسحق ڈار ہفتہ کو وفد کے ہمراہ کابل جائیں گے، یہ دورہ افغان عبوری وزیرخارجہ کی دعوت پر کیا جارہا ہے، نائب وزیراعظم کا دورہ کابل افغانستان کے ساتھ تعلقات بہتر کرنے کی کوشش ہے کیونکہ پاکستان افغانستان کے ساتھ خوشگوار برادرانہ تعلقات کا خواہاں ہے۔انہوں نے کہا کہ نائب وزیراعظم افغان نائب وزیراعظم برائے اقتصادی امور سے بھی ملاقات کریں گے، اور کابل میں وفود کی سطح پر بھی مذاکرات ہوں گے، جن میں سیکیورٹی اور تجارتی روابط، اور عوامی تعلقات پر گفتگو ہوگی۔ترجمان وزارت خارنہ بتایا کہ ایران میں دہشت گردانہ حملے میں جاں بحق ہونے والے آٹھ پاکستانی شہریوں کی میتیں بدھ کی رات پی اے ایف سی 130 طیارے کے ذریعے بہاولپور، پاکستان منتقل کی گئیں۔نائب وزیر اعظم اور وزیر خارجہ سینیٹر محمد اسحق ڈار کو ایرانی وزیر خارجہ عباس عراقچی کا ٹیلی فون آیا، جنہوں نے ایران میں آٹھ پاکستانیوں کی المناک موت پر تعزیت کی اور مجرموں کو انصاف کے کٹہرے میں لانے اور متاثرین کی میتوں کی وطن واپسی میں مکمل تعاون کا یقین دلایا۔ایرانی وزیر خارجہ نے نائب وزیر اعظم کو 12 اپریل کو عمان میں امریکا اور ایران کے درمیان ہونے والے مذاکرات سے بھی آگاہ کیا، جس کی نائب وزیر اعظم نے تعریف کی اور حوصلہ افزائی کی۔پاکستان اسلامی جمہوریہ ایران اور امریکا کے درمیان 12 اپریل کو مسقط میں عمان کی کوششوں سے ہونے والے مذاکرات کا خیرمقدم کرتا ہے، پاکستان سمجھتا ہے کہ مکالمہ اور سفارت کاری خطے میں امن اور استحکام کو فروغ دیں گے اور مذاکرات اور باہمی احترام کی بنیاد پر اختلافات اور تنازعات کے حل کے مقاصد کو آگے بڑھائیں گے، پاکستان ان مذاکرات کی سہولت اور میزبانی میں عمان کے سلطان کے قابل قدر کردار کو سراہتا ہے۔نائب وزیر اعظم اور وزیر خارجہ سینیٹر محمد اسحق ڈار نے اسلام آباد میں پاکستان اور جمہوریہ کوریا کی مشترکہ میزبانی میں اقوام متحدہ کے امن مشن کی تیاری کے اجلاس کے موقع پر شعبہ امن مشن آپریشنز کے انڈر سیکریٹری جنرل اور شعبہ آپریشن سپورٹ کے انڈر سیکریٹری جنرل سے ملاقات کی۔وزیرخارجہ اسحق ڈار نے اقوام متحدہ کے امن مشن کے لیے پاکستان کے دیرینہ عزم کا اعادہ کیا اور امن مشن کے میدان میں پاکستان کی قابل فخر میراث کو یاد کیا۔نائب وزیر اعظم نے برطانیہ کی وزارت ہائوسنگ، کمیونٹیز اور لوکل گورنمنٹ کے پارلیمانی انڈر سیکرٹری آف اسٹیٹ لارڈ وجیت خان سے بھی ملاقات کی، انہوں نے باہمی دلچسپی کے امور پر تبادلہ خیال کیا، نائب وزیر اعظم نے مضبوط، وسیع البنیاد، کثیر الجہتی پاکستان برطانیہ شراکت داری کے لیے پاکستان کے عزم کا اعادہ کیا اور دونوں ممالک کے درمیان خیر سگالی کو فروغ دینے میں برطانوی پاکستانی کمیونٹی کے کردار کو سراہا۔ترجمان دفتر خارنہ نے بتایا کہ نائب وزیر اعظم اور وزیر خارجہ سینیٹر اسحق ڈار کی دعوت پر شنگھائی تعاون تنظیم کے سیکریٹری جنرل نورلان یرمیکبایف اس وقت پاکستان کے دورے پر ہیں، وہ بیجنگ میں ایس سی او سیکریٹریٹ کے عہدیداروں پر مشتمل ایک وفد کی سربراہی کر رہے ہیں۔سیکرٹری جنرل نے نائب وزیر اعظم سے ملاقات کی، وہ وزیر تجارت اور سیکریٹری خارجہ سے بھی ملاقات کریں گے، وہ نیشنل ڈیزاسٹر مینجمنٹ اتھارٹی اور فیڈریشن آف پاکستان چیمبرز آف کامرس اینڈ انڈسٹری کا دورہ بھی کریں گے۔شنگھائی تعاون تنظیم کے سیکریٹری جنرل کا دورہ پاکستان کو ایس سی او سیکریٹریٹ کے ساتھ گفت وشنید ہونے کا موقع فراہم کرتا ہے جبکہ مشترکہ علاقائی سلامتی اور اقتصادی ترقی کو آگے بڑھانے میں ایس سی او کے طریقہ کار کو مزید موثر بنانے کے لیے اپنے نقطہ نظر اور ترجیحات کو اجاگر کرتا ہے۔ترجمان دفتر خارجہ نے بتایا کہ 15 اپریل کو پاکستان اور چین کے درمیان بحری تعاون پر پانچواں مذاکراتی دور بیجنگ میں منعقد ہوا, اس مذاکرات کی مشترکہ صدارت وزارت خارجہ کے ایڈیشنل سیکریٹری ایشیا پیسیفک عمران احمد صدیقی اور عوامی جمہوریہ چین کی وزارت خارجہ کے محکمہ سرحد اور سمندری امور کے ڈائریکٹر جنرل ہونگ گانگ نے کی، دونوں فریقین نے اگلے سال مناسب وقت پر پاکستان میں پاکستان چین بحری تعاون پر چھٹا مذاکراتی دور منعقد کرنے پر اتفاق کیا۔ترجمان دفتر خارجہ نے بریفنگ میں بتایا کہ 16 اپریل کو اسلام آباد میں پاکستان روس اسٹریٹجک استحکام پر 15 واں مشاورتی گروپ منعقد ہوا، ایڈیشنل سیکریٹری اسلحہ کنٹرول برائے تخفیف اسلحہ سفیر طاہر اندرابی اور روسی نائب وزیر خارجہ جناب رابکوف نے بالترتیب وفود کی قیادت کی، دونوں فریقین نے بین الاقوامی سلامتی، علاقائی اور عالمی استحکام اور اسلحہ کنٹرول تخفیف اسلحہ اور عدم پھیلا کے مختلف پہلوں پر تفصیلی تبادلہ خیال کیا۔ترجمان دفتر خارجہ نے کہا کہ پاکستان اسرائیلی قابض افواج کی جانب سے غزہ میں بپٹسٹ ہسپتال پر بمباری کی شدید مذمت کرتا ہے، طبی سہولیات کو نشانہ بنانے کے اس حملے میں بین الاقوامی انسانی قانون کی صریح خلاف ورزی کی گئی ہے۔ترجمان دفتر خارجہ نے کہا کہ پاکستان اسرائیل کے جاری مظالم کو فوری طور پر ختم کرنے کا مطالبہ کرتا ہے، جس کے نتیجے میں خواتین اور بچوں سمیت معصوم اور غیر مسلح فلسطینیوں کی شہادتیں اور انفرا اسٹرکچرکی منظم تباہی ہوئی ہے۔انہوںنے کہاکہ اسرائیل کے مسلسل حملوں نے غزہ کے صحت کی دیکھ بھال کے نظام کو مفلوج کر دیا ہے، جس سے انتہائی بیمار مریض طبی امداد سے محروم ہوگئے ہیں۔ اسرائیل کی جانب سے انسانی امداد کی ناکہ بندی کے ساتھ مل کر یہ اقدامات مصائب کو طول دینے اور تنازعات کو بڑھانے کی ایک دانستہ حکمت عملی کی عکاسی کرتے ہیں۔ترجمان نے کہا کہ پاکستان بین الاقوامی برادری پر زور دیتا ہے کہ وہ اسرائیل کو جوابدہ ٹھہرانے اور فلسطینی شہریوں کو اس کے ظلم و ستم سے بچانے کے لیے فیصلہ کن اقدام کرے۔ترجمان وزارت خارجہ نے کہا کہ ہم جموں و کشمیر کے بارے میں بھارتی وزارت خارجہ کے ترجمان کے گزشتہ روز کے ریمارکس کے حوالے سے ریکارڈ درست کرنا چاہتے ہیں، انہوں نے پاکستان پر متعدد الزامات عائد کیے ہیں، انہیں بھارت کی دہشت گردی کی سرپرستی اور بیرون ممالک قتل عام میں ملوث ہونے پر توجہ دینی چاہیے۔ترجمان نے کہا کہ جموں و کشمیر ایک بین الاقوامی طور پر تسلیم شدہ متنازع علاقہ ہے جس کی حتمی حیثیت اقوام متحدہ کی سلامتی کونسل کی متعلقہ قراردادوں اور کشمیری عوام کی امنگوں کے مطابق طے کی جانی ہے، بے بنیاد دعوے کرنے کے بجائے بھارت کو مقبوضہ جموں و کشمیر کے بیشتر علاقے پر اپنا 77 سالہ قبضہ ختم کرنا چاہیے۔ترجمان دفتر خارجہ نے کہا کہ متحدہ عرب امارات کے وزیرخارجہ 20 اپریل کو پاکستان کا دورہ کریں گے، جبکہ جمہوریہ روانڈا کے وزیرخارجہ 21 اپریل کو پاکستان کے دورے پر آئیں گے، جمہوریہ روانڈا کے وزیرخارجہ اسلام آباد میں روانڈا ہائی کمیشن کا بھی افتتاح کریں گے۔

پاکستان پر الزامات کے بجائے بھارت دہشت گردی کی سرپرستی ختم کرے،دفتر خارجہ

پاکستان اور بنگلا دیش کے درمیان مذاکرات خوشگوار ماحول میں ہوئے مگر کچھ عناصر منفی پروپیگنڈا کررہے ہیں،ترجمان دفترخارجہ

اسلام آباد؍لندن (این این آئی)برطانوی نشریاتی ادارے نے ذرائع کے حوالے سے دعوی کیا ہے کہ افغانستان میں طالبان کی جانب سے حاصل کیے گئے 5 لاکھ ہتھیار ضائع ہو چکے ہیں، انہیں فروخت کیا جا چکا ہے یا عسکریت پسند گروہوں کو اسمگل کیا جا چکا ہے۔ایک سابق افغان اہلکار نے نام ظاہر نہ کرنے کی شرط پر ’’بی بی سی ‘‘سے بات کرتے ہوئے بتایا کہ طالبان نے 2021 میں افغانستان پر دوبارہ کنٹرول حاصل کرنے کے بعد تقریباً 10لاکھ ہتھیاروں اور فوجی سازوسامان کا کنٹرول سنبھال لیا تھا۔2021میں جب طالبان نے افغانستان میں پیش قدمی کی تو بہت سے افغان فوجیوں نے ہتھیار ڈال دئیے یا اپنے ہتھیار اور گاڑیاں چھوڑ کر فرار ہو گئے، کچھ ساز و سامان امریکی افواج چھوڑ گئی تھیں۔ان ہتھیاروں کے ذخیرے میں امریکی ساختہ اسلحہ، جیسے ایم 4 اور ایم 16 رائفلز کے ساتھ ساتھ افغانستان کے قبضے میں موجود دیگر پرانے ہتھیار بھی شامل تھے جو دہائیوں سے جاری لڑائی کے بعد وہاں رہ گئے تھے۔ذرائع نے ’’بی بی سی ‘‘کو بتایا کہ گزشتہ سال کے اواخر میں دوحہ میں اقوام متحدہ کی سلامتی کونسل کی پابندیوں کی کمیٹی کے بند کمرا اجلاس میں طالبان نے اعتراف کیا تھا کہ ان میں سے کم از کم آدھے آلات اب غائب ہوچکے ہیں، کمیٹی کے ایک رکن نے کہا کہ انہوں نے دیگر ذرائع سے تصدیق کی ہے کہ 5 لاکھ اشیا کا علم نہیں ہے۔فروری میں اقوام متحدہ نے ایک رپورٹ میں کہا تھا کہ تحریک طالبان پاکستان، اسلامک موومنٹ آف ازبکستان، ایسٹ ترکستان اسلامک موومنٹ اور یمن کی انصار اللہ تحریک سمیت القاعدہ سے وابستہ تنظیمیں طالبان کے قبضے میں لیے گئے ہتھیاروں تک رسائی حاصل کر رہی ہیں یا انہیں بلیک مارکیٹ سے خرید رہی ہیں۔’’بی بی سی ‘‘نے یہ بات طالبان حکومت کے نائب ترجمان حمد اللہ فطرات سے پوچھی جنہوں نے بتایا کہ وہ ہتھیاروں کے تحفظ اور ذخیرے کو بہت سنجیدگی سے لے رہے ہیں، تمام ہلکے اور بھاری ہتھیار محفوظ طریقے سے ذخیرہ کیے جاتے ہیں، ہم اسمگلنگ یا تباہی کے دعوں کو سختی سے مسترد کرتے ہیں۔2023میں اقوام متحدہ کی ایک رپورٹ میں کہا گیا تھا کہ طالبان نے مقامی کمانڈروں کو ضبط شدہ امریکی ہتھیاروں کا 20 فیصد اپنے پاس رکھنے کی اجازت دی اور اس کے نتیجے میں بلیک مارکیٹ پھل پھول رہی ہے، یہ کمانڈر طالبان سے وابستہ ہیں لیکن اکثر انہیں اپنے علاقوں میں خود مختاری حاصل ہوتی ہے۔اقوام متحدہ نے نوٹ کیا کہ طاقت کو مستحکم کرنے کے لیے مقامی کمانڈروں اور جنگجوں کے درمیان ہتھیاروں کا تحفہ دینے کا وسیع پیمانے پر رواج پایا جاتا ہے، بلیک مارکیٹ اب بھی طالبان کے لیے ہتھیاروں کا ایک بھرپور ذریعہ ہے۔قندھار شہر کے ایک سابق صحافی نے بتایا کہ طالبان کے قبضے کے بعد ایک سال تک وہاں کھلے ہتھیاروں کی ایک مارکیٹ موجود تھی لیکن اس کے بعد میسجنگ سروس واٹس ایپ کے ذریعے اسے زیر زمین منتقل کر دیا گیا ہے، اس پر دولت مند افراد اور مقامی کمانڈر نئے ہتھیاروں کی تجارت کرتے ہیں اور امریکی ہتھیاروں اور سازوسامان کا استعمال کرتے ہیں جن میں سے زیادہ تر امریکی حمایت یافتہ افواج کے چھوڑے ہوئے ہتھیار ہیں۔افغانستان کی تعمیر نو کے منصوبوں کی نگرانی کرنے والے امریکی ادارے سیگار کی جانب سے ریکارڈ کیے گئے ہتھیاروں کی تعداد ہمارے ذرائع کے حوالے سے ریکارڈ کیے گئے ہتھیاروں سے کم ہے، لیکن 2022 کی ایک رپورٹ میں تسلیم کیا گیا تھا کہ وہ درست معلومات حاصل کرنے میں ناکام رہا ہے، اس کی وجہ یہ بتائی گئی تھی کہ گزشتہ برسوں کے دوران مختلف امریکی محکموں اور تنظیموں کی طرف سے سازوسامان کی مالی اعانت اور فراہمی کی گئی ہے۔سیگار نے کہا کہ ایک دہائی سے زیادہ عرصے سے افغانستان میں آلات کو ٹریک کرنے کے لیے محکمہ دفاع کے طریقہ کار میں خامیاں اور مسائل موجود تھے۔بیان میں اسٹیٹ ڈیپارٹمنٹ کو بھی تنقید کا نشانہ بناتے ہوئے کہا گیا کہ ریاست نے ہمیں اپنے پیچھے چھوڑے گئے آلات اور فنڈز کے بارے میں محدود، غلط اور بے وقت معلومات فراہم کیں۔ محکمہ نے اس بات سے انکار کیا کہ یہ معاملہ ہے،یہ ایک سیاسی مسئلہ ہے اور امریکی صدر ڈونلڈ ٹرمپ بارہا کہہ چکے ہیں کہ وہ افغانستان سے ہتھیار واپس لیں گے، ان کا کہنا تھا کہ وہاں 85 ارب ڈالر کے جدید ہتھیار رہ گئے ہیں۔افغانستان دنیا میں فوجی ساز و سامان بیچنے والے سب سے بڑے ممالک میں سے ایک ہے، آپ جانتے ہیں کیوں؟ ٹرمپ نے نئی انتظامیہ کی کابینہ کے پہلے اجلاس کے دوران کہا کہ وہ، وہ سازوسامان فروخت کر رہے ہیں جو ہم نے چھوڑے تھے۔میں اس پر غور کرنا چاہتا ہوں،اگر ہمیں انہیں ادائیگی کرنے کی ضرورت ہے، تو یہ ٹھیک ہے لیکن ہم اپنا فوجی سازوسامان واپس چاہتے ہیں۔صدر کے اعداد و شمار متنازع رہے ہیں کیونکہ افغانستان میں خرچ کی جانے والی رقم تربیت اور تنخواہوں کے لیے بھی خرچ کی جاتی ہے، اس کے علاوہ اسٹاک ہوم انٹرنیشنل پیس ریسرچ انسٹی ٹیوٹ کے 25 بڑے ہتھیار برآمد کنندگان میں افغانستان بھی شامل نہیں تھا۔ٹرمپ کے بیان کے جواب میں طالبان کے ترجمان ذبیح اللہ مجاہد نے افغانستان کے سرکاری ٹی وی کو بتایا تھا کہ ہم نے یہ ہتھیار پچھلی انتظامیہ سے حاصل کیے ہیں اور انہیں ملک کے دفاع اور کسی بھی خطرے کا مقابلہ کرنے کے لیے استعمال کریں گے۔طالبان باقاعدگی سے امریکی ہتھیاروں کی پریڈ کرتے ہیں، بشمول بگرام ایئر فیلڈ جو امریکا اور نیٹو کا اہم اڈہ تھا، اور انہیں فتح اور قانونی حیثیت کی علامت کے طور پر پیش کرتا ہے۔2021 میں انخلا کے بعد پینٹاگون نے دعوی کیا تھا کہ افغانستان میں موجود امریکی سازوسامان ناکارہ ہو چکا ہے لیکن اس کے بعد طالبان نے امریکی ہتھیاروں کا استعمال کرتے ہوئے ایک قابل فوج تیار کرلی ہے اور حریف گروہوں جیسے قومی مزاحمتی محاذ اور دولت اسلامیہ خراسان پر برتری حاصل کر لی ہے۔سابق افغان حکومت کے ایک ذرائع نے بی بی سی کو بتایا کہ قندھار کے گوداموں میں سیکڑوں غیر استعمال شدہ ہموی، بارودی سرنگوں سے مزاحمت کرنے والی محفوظ گاڑیاں (ایم آر اے پیز)اور بلیک ہاک ہیلی کاپٹر موجود ہیں۔طالبان نے پروپیگنڈا ویڈیوز میں ان میں سے کچھ ضبط شدہ آلات کو دکھایا ہے تاہم تربیت یافتہ اہلکاروں اور تکنیکی مہارت کی کمی کی وجہ سے بلیک ہاک ہیلی کاپٹروں جیسی جدید مشینری کو چلانے اور برقرار رکھنے کی ان کی صلاحیت محدود ہے، ان جدید ترین آلات کا زیادہ تر حصہ غیر فعال ہے  طالبان اپنی کارروائیوں میں ہمویز اور چھوٹے ہتھیاروں جیسے زیادہ سادہ آلات استعمال کرنے میں کامیاب رہے ہیں۔اگرچہ ڈونلڈ ٹرمپ افغانستان سے امریکی اسلحہ واپس حاصل کرنے کے لیے پرعزم دکھائی دیتے ہیں، لیکن سیگار کے سابق سربراہ جان سوپکو کا کہنا ہے کہ اس طرح کی کوشش بے معنی ہوگی۔حال ہی میں افغان انسٹی ٹیوٹ فار اسٹریٹجک اسٹڈیز کی میزبانی میں منعقدہ ایک تقریب میں انہوں نے کہا کہ لاگت اس کی اصل قیمت سے زیادہ ہوگی۔ٹرمپ کوئی قدم اٹھاتے ہیں یا نہیں یہ دیکھنا باقی ہیتاہم اس دوران خطے میں ہتھیاروں کے پھیلا اور عسکریت پسند گروہوں کی رسائی کے بارے میں خدشات ابھی تک حل نہیں ہوئے ہیں۔

افغان طالبان نے 5 لاکھ امریکی ہتھیار دہشت گردوں کو بیچ دیئے، بی بی سی کا انکشاف

طالبان نے دوبارہ کنٹرول حاصل کرنے کے بعد تقریباً 10لاکھ ہتھیاروں اور فوجی سازوسامان کا کنٹرول سنبھال لیا تھا

خیبر پختونخوا حکومت کے مشیر اطلاعات بیرسٹر ڈاکٹر سیف کا کہنا ہے کہ مریم نواز کی ہدایات پر پنجاب پولیس عدالتی احکامات کا مذاق اڑا رہی ہے، مریم نواز اتنا ظلم کریں کہ کل اسے خود برداشت بھی کر سکیں۔ بیرسٹر سیف کا کہنا تھاکہ بانی پی ٹی آئی عمران خان سے ان کی بہنوں کی ملاقات آئینی و قانونی حق ہے۔اپنے بیان میں مشیرِ اطلاعات خیبر پختون خوا بیرسٹر سیف نے کہا کہ وزیر اعلیٰ پنجاب کی ہدایات پر پولیس عدالتی احکامات کا مذاق اڑا رہی ہے۔ بیرسٹر سیف نے کہا کہ مریم نواز اتنا ظلم کریں جتنا کل خود برداشت کر سکیں، ملاقات کے بجائے بانی چیئرمین کی بہنوں کو گرفتار کر کے ویرانے میں چھوڑ دینا عدالتی احکامات کا مذاق اڑانے کے مترادف ہے۔انہوں نے مزید کہا ہے کہ حواس باختہ حکومت عمران خان کی بہنوں سے بھی خوفزدہ ہے، بانی پی ٹی آئی کی بہنوں کے ساتھ روا رکھا گیا سلوک قابلِ مذمت ہے۔ان کا کہنا ہے کہ پنجاب حکومت 26ویں آئینی ترمیم کی آڑ میں اڈیالہ جیل کے سامنے عدلیہ کی آزادی کا جنازہ نکال رہی ہے، عدلیہ آئین و قانون کی پامالی کا نوٹس لے ۔مشیرِ اطلاعات خیبر پختون خوا  نے کہا کہ پنجاب حکومت کا یہ اقدام عدالتی احکامات کا مذاق اڑانے کے مترادف ہے۔

مریم نواز اتنا ہی ظلم کریں جتنا کل خود برداشت کر سکیں، بیرسٹر سیف

مریم نواز کی ہدایات پر پنجاب پولیس عدالتی احکامات کا مذاق اڑا رہی ہے، مشیر اطلاعات خیبر پختونخوا

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کے آٹھویں میچ میں آج کراچی کنگز اورکوئٹہ گلیڈی ایٹرزکی ٹیمیں آمنے سامنے ہوں گی ۔کراچی کے نیشنل اسٹیڈیم میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔کراچی کنگز کو سابق آسٹریلوی جارح مزاج بیٹر ڈیوڈ وارنر لیڈ کر رہے ہیں اور دیگر نمایاں کھلاڑیوں میں حسن علی، شان مسعود، ٹم سیفرٹ، جیمز ونس، ایڈم ملن شامل ہیں۔ کنگز نے اب تک دو میچ کھیل کر ایک میں کامیابی حاصل کی ہے۔ کوئٹہ گلیڈی ایٹرز کو سعود شکیل لیڈ کریں گے۔ اس ٹیم کے نمایاں کھلاڑیوں میں رائیلی روسو، شعیب ملک، محمد عامر، کوسال مینڈس، فن ایلن اور عقیل حسین شامل ہیں۔ کوئٹہ گلیڈی ایٹرز نے دو میچ کھیلے ، ایک جیتا اور ایک میں شکست کا سامنا کرنا پڑا۔پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔ایونٹ میں اسلام آباد یونائیٹڈ تین فتوحات کے ساتھ پہلی پوزیشن پر قابض پر ہے، لاہور قلندرز کے تین میچز میں چار پوائنٹس اور ٹیبل پر دوسرا نمبر ہے۔ملتان سلطانز اور پشاور زلمی کی ٹیمیں ابھی تک کوئی میچ نہیں جیت سکیں اس لیے پوائنٹس ٹیبل پر پیچھے ہیں۔

پی ایس ایل 10  میں کراچی کنگز اور کوئٹہ گلیڈی ایٹرز کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرکوئٹہ گلیڈی ایٹرز کے2جبکہ کراچی کنگز کے بھی2 پوائنٹس ہیں

یمن میں امریکا نے بڑا فضائی حملہ کیا ہے جس میں 38 افراد جاں بحق اور 102 زخمی ہوگئے۔بین الاقوامی خبر رساں ایجنسیوں کے مطابق فضائی حملہ تیل بردار بندرگاہ پر کیا گیا، جہاں کارکن تیل کی ترسیل کے امور میں مصروف تھے۔رواں برس مارچ سے شروع ہونے والے یمن پر امریکی حملوں میں یہ سب سے بڑا جانی نقصان ہے۔امریکی سینٹرل کمانڈ (سینٹ کام) کی جانب سے جاری کردہ بیان میں کہا گیا کہ آج امریکی افواج نے ایران کے حمایت یافتہ حوثی دہشت گردوں کے ایندھن کے اس اہم ذریعہ کو ختم کرنے کے لیے کارروائی کی تاکہ انہیں غیر قانونی آمدنی سے محروم کیا جا سکے۔بیان میں کہا گیا کہ یہ کارروائی یمن کے عوام کو نشانہ بنانے کے بجائے صرف حوثیوں کی فوجی و اقتصادی صلاحیتوں کو کمزور کرنے کے لیے کی گئی ہے۔یہ حملہ راس عیسیٰ آئل پورٹ پر کیا گیا، جو یمن کے مغربی ساحل پر واقع تین اہم بندرگاہوں میں سے ایک ہے، جہاں سے ملک کی زیادہ تر درآمدات اور انسانی امداد پہنچتی ہے۔دوسری جانب حوثی وزارت صحت کے ترجمان نے سوشل میڈیا پر جاری بیان میں کہا کہ امریکی جارحیت میں راس عیسیٰ بندرگاہ پر کام کرنے والے درجنوں ملازمین نشانہ بنے۔ ان کے مطابق، حملے میں 38 افراد موقع پر جاں بحق جبکہ 102 شدید زخمی ہوئے۔یاد رہے کہ یمن کے حوثیوں کے زیر قبضہ علاقوں پر روزانہ کی بنیاد پر فضائی حملے جاری ہیں جن کا الزام امریکا پر عائد کیا جا رہا ہے کیوںکہ امریکا نے 15 مارچ سے حوثیوں کے خلاف فضائی کارروائیوں کا آغاز کیا تاکہ انہیں اہم انٹرنیشنل بحری راستوں میں جہازوں کو نشانہ بنانے سے روکا جا سکے۔حوثی باغی بھی نہ صرف امریکی فوجی جہازوں کو نشانہ بنا چکے ہیں بلکہ اسرائیل پر بھی حملے کر چکے ہیں، وہ ان کارروائیوں کو غزہ کے فلسطینی عوام کے ساتھ اظہار یکجہتی قرار دیتے ہیں۔

امریکا کا یمنی بندرگاہ پرفضائی حملہ، 38 افراد جاں بحق، 102 زخمی ہوگئے

حملہ راس عیسیٰ آئل پورٹ پر کیا گیا، جو یمن کے مغربی ساحل پر واقع تین اہم بندرگاہوں میں سے ایک ہے

کمشنر کراچی سید حسن نقوی  نے شہر میں ٹریفک حادثات پر قابو پانے کے لیے دفعہ 144 کے تحت صبح 6 بجے سے رات 10 بجے تک ہیوی ٹریفک کے داخلے پر پابندی عائد کر دی اور اس حوالے سے نوٹیفکیشن بھی جاری کردیا گیا۔کمشنر کراچی سید حسن نقوی نے ڈی جی آئی جی ٹریفک کی سفارش پر شہر میں دفعہ 144 کے تحت شہر میں ہیوی ٹریفک کے داخلے پر دو ماہ کے لیے پابندی عائد کی ہے۔کراچی میں ٹریفک حادثات میں مسلسل اضافہ ہو رہا ہے اور ہیوی گاڑیوں کی زد میں آکر موٹرسائیکل سوار جاں بحق ہور ہے ہیں، جس پر ڈی آئی جی ٹریفک کی سفارش پر کمشنر کراچی حسن نقوی نے ایک نوٹیفکیشن جا ری کیا۔نوٹیفکیشن کے مطابق  دفعہ 144 کے تحت صبح 6 بجے سے رات 10 بجے تک شہر میں ہیوی گاڑیوں کے داخلے پر پابندی ہوگی اور پابندی کا اطلاق مال بردار گاڑیوں پر بھی ہوگا۔ہیوی ٹریفک کو سپرہاوے سے نیو کراچی انڈسٹریل ایریا براستہ سلپ روڈ چلنے کی اجازت ہوگی، اسی طرح نیشنل ہائی وے سے گودام چورنگی براستہ منظر پیٹرول پمپ، یونس چورنگی، داد چورنگی سے جام صادق چلنے کی اجازت ہوگی جبکہ ناردرن بائی سے پراچہ چوک، اسٹیٹ ایونیو، سیمنز چورنگی سے گلبائی ماڑی پورروڈ پر ہیوی ٹریفک کو آمدورفت کی اجازت ہوگی۔پابندی کی خلاف ورزی کرنے والوں کے خلاف متعلقہ حکام کو شکایت درج کرکے کارروائی کرنے کے اختیارات بھی تفویض کر دیے گئے ہیں۔واضح رہے کہ کراچی میں رواں سال اب تک ہیوی ٹریفک کے مختلف حادثات میں 100 سے زائد معصوم شہری اپنی جان گنوا چکے ہیں جن میں خواتین اور بچے بھی شامل ہیں۔

شہرقائد میں دن کے اوقات میں ہیوی ٹریفک پر پابندی عائد

کمشنر کراچی نے ڈی آئی جی ٹریفک کی سفارش پر ہیوی ٹریفک پرپابندی عائد کردی جس کا نوٹیفکیشن بھی جاری کردیا گیا

لبنان نے ڈزنی کی نئی لائیو ایکشن فلم سنو وائٹ کو سنیماء گھروں میں ریلیز کرنے سے روک دیا ۔بین الاقوامی میڈیا کی رپورٹس کے مطابق اس اقدام کی بنیادی وجہ فلم میں اسرائیلی اداکارہ گال گیڈٹ کی کاسٹنگ ہے، جو کہ فلم میں ایول کوئن کا کردار ادا کر رہی ہیں۔یہ فیصلہ لبنان کے وزیرِ داخلہ احمد الحجار کی جانب سے کیا گیا، جو فلم اور میڈیا مانیٹرنگ بورڈ کی تجاویز کے بعد سامنے آیا۔مقامی رپورٹس کے مطابق پابندی اسرائیلی فوج کی لبنان میں حزب اللہ کے خلاف حالیہ کارروائیوں اور ان حملوں میں عام شہریوں کے متاثر ہونے کے پسِ منظر میں لگائی گئی ہے۔لبنان اور اسرائیل کے درمیان بڑھتی ہوئی کشیدگی کے باعث یہ فیصلہ مزید اہمیت اختیار کر گیا ہے۔یاد رہے کہ لبنان ماضی میں بھی اسرائیلی فنکاروں یا اسرائیلی وابستگی رکھنے والے مواد پر پابندیاں عائد کرتا رہا ہے۔

لبنان نے اسرائیلی اداکارہ کو کاسٹ کرنے پر فلم سنووائٹ پر پابندی عائد کردی

لبنان ماضی میں بھی اسرائیلی فنکاروں یا اسرائیلی وابستگی رکھنے والے مواد پر پابندیاں عائد کرتا رہا ہے

وفاقی دارالحکومت میں شدید ژالہ باری ایک بار پھر ہو سکتی ہے، اس حوالے سے محکمہ موسمیات نے موسم میں اسی طرح کی اچانک تبدیلیوں سے خبردار کردیا۔ نیشنل ایمرجنسی آپریشن سینٹر (این ای او سی) نے اسلام آباد، راولپنڈی سمیت پنجاب کے کئی علاقوں میں شدید بارش، ژالہ باری اور آندھی سے متعلق الرٹ جاری کر دیا۔یاد رہےگزشتہ روز اسلام آباد اور ملحقہ علاقوں میں شدید ژالہ باری ہوئی تھی جس کے سبب سینکڑوں گاڑیوں کے شیشے ٹوٹنے کے علاوہ دیگر کئی نقصانات ہوئے تھے۔ ژالہ باری سے فیصل مسجد کی کھڑکیوں کے شیسے بھی ٹوٹ گئے تھے۔ژالہ باری کے دوران گرنے والے اولے اتنے بڑے تھے کہ اسلام آباد کے مختلف علاقوں میں کھلے آسمان تلے موجود گاڑیوں کے شیشے ٹوٹ گئے تھے اور سڑکوں  و پارکوں نے گویا سفید چادر اوڑھ لی تھی۔نیشنل ایمرجنسی آپریشن سینٹر (این ای او سی)نے جاری الرٹ میں بتایا کہ 18 اور 19 اپریل کو شدید بارش اور بعض مقامات میں ژالہ باری کا امکان ہے۔نیشنل ایمرجنسی آپریشن سینٹر نے اسلام آباد، راولپنڈی سمیت پنجاب کے کئی علاقوں میں شدید موسمی صورت حال کی وارننگ جاری کر دی۔این ای او سی کے مطابق اسلام آباد، راولپنڈی او پنجاب کے علاقے بشمول اٹک، چکوال، گجرات، جہلم میں آندھی طوفان اور ژالہ باری ہو سکتی ہے۔وسطی پنجاب کے علاقے فیصل آباد، حافظ آباد، جھنگ، خوشاب، میانوالی، لاہور، نارووال، ساہیوال، سرگودھا اور شیخوپورہ بھی شدید موسمی زد میں آ سکتے ہیں،تیز ہواؤں اور موسلا دھار بارش کے باعث بجلی کی بندش، درختوں کے گرنے اور دیگر حادثات کا اندیشہ ہے۔محکمہ موسمیات کا کہنا ہے کہ جس طرح گزشتہ روز اسلام آباد میں شدید گرمی کی لہر کے دوران اچانک آسمان نے اولے برسائے اور شدید ژالہ باری سے سیکڑوں گاڑیوں کو نقصان پہنچا اسی طرح کی ژالہ باری دوبارہ بھی ہو سکتی ہے۔ محکمہ موسمیات کا کہنا ہے کہ جب موسم بدل رہا ہوتا ہے تو اس طرح کے ایونٹ ہوتے ہیں۔

اسلام آباد سمیت دیگر علاقوں میں شدید بارش، ژالہ باری اورآندھی کا الرٹ جاری

تیز ہواؤں اورموسلا دھار بارش سے درختوں گرنے اور دیگر حادثات کا اندیشہ ہے، این ای او سی

پاکستان ویمنز کرکٹ ٹیم نے رواں سال بھارت کی میزبانی میں ہونے والے آئی سی سی ورلڈ کپ کےلیے کوالیفائی کرلیا۔تفصیلات کے مطابق آئی سی سی ویمنز ورلڈ کپ کوالیفائر میں پاکستان ویمنز ٹیم نے اپنے چوتھے میچ میں تھائی لینڈ کو 87 رنز سے شکست دیکر آئی سی سی ویمنز ورلڈ کپ 2025 کیلئے کوالیفائی کرلیا۔206 رنز کے ہدف کے تعاقب میں تھائی لینڈ کی ٹیم 35 ویں اوورز میں محض 118 رنز بناکر پویلین لوٹ گئی، نانا پت 19 رنز کیساتھ نمایاں رہیں۔پاکستان کی جانب سے کپتان فاطمہ ثنا، رامین شمیم اور نشرا سندھو نے 3،3 جبکہ سعدیہ اقبال نے ایک وکٹ حاصل کی۔قبل ازیں پاکستان نے ٹاس جیت کر پہلے بیٹنگ کا فیصلہ کرتے ہوئے مقررہ 50 اوورز میں 6 وکٹوں پر 205 رنز بنائے تھے۔سدرا امین نے 9 چوکوں کی مدد سے 80 رنز بنائے۔ کپتان ثنا فاطمہ نے ایک چھکے اور 6 چوکوں کی مدد سے 62 رنز بنائے اور آؤٹ نہیں ہوئیں۔تھائی لینڈ کی تھپاچہ پوٹھاوونگ نے 2 جبکہ کمچومپھو اور مایا نے ایک ایک وکٹ حاصل کی۔ واضح رہے کہ گرین شرٹس نے ایونٹ میں مسلسل چوتھی کامیابی حاصل کی یوں پاکستان ویمنز ٹیم آئی سی سی ویمنز کرکٹ ورلڈ کپ 2025 کے لیے کوالیفائی کرنے والی پہلی ٹیم بن گئی۔

پاکستان ویمنزکرکٹ ٹیم نےتھائی لینڈ کوہراکر آئی سی سی ورلڈکپ 2025 کیلئےکوالیفائی کرلیا

پاکستان ویمنز ٹیم نے ورلڈکپ کوالیفائر میں تھائی لینڈ کی ٹیم کو 87 رنز سے شکست دے کر مسلسل چوتھی فتح حاصل کی

سیکیورٹی فورسز نے خیبرپختونخوا کے علاقے ڈیرہ اسماعیل میں خفیہ اطلاع کی بنیاد پر کارروائی کرتے ہوئے 4 خوارج دہشت گردوں کو ہلاک کر دیا جبکہ فائرنگ کے تبادلے کے دوران پاک فوج کا ایک اہلکار شہید ہوگیا۔پاک فوج کے شعبہ تعلقات عامہ (آئی ایس پی آر)  کے مطابق  16 اپریل کو سکیورٹی فورسز نے ڈیرہ اسماعیل خان کے علاقے مدی میں خوارج کی موجودگی کی خفیہ معلومات کی بنیاد پر کارروائی کی۔ترجمان پاک فوج  کا کہنا  تھا کہ آپریشن کے دوران سکیورٹی فورسز نے خوارج کے ٹھکانے کو مؤثر طریقے سے نشانہ بنایا اور اس کے نتیجے میں 4 خوارج واصل جہنم ہو گئے۔ دوسری جانب خوارج سے شدید فائرنگ کے تبادلے کے دوران پاک دھرتی کے ایک بہادر سپوت سپاہی باسط صدیق نے جواں مردی سے لڑتے ہوئے جام شہادت نوش کیا۔آئی ایس پی آر کے مطابق مارے گئے خوارج سے اسلحہ اور گولہ بارود بھی برآمد کیا گیا،ہلاک دہشت گرد علاقے میں دہشت گردی کی متعدد کارروائیوں میں ملوث تھے جبکہ علاقے میں مزید خوارج کی موجودگی کے پیش نظر کلیئرنس آپریشن جاری ہے۔ترجمان پاک فوج کا مزید کہنا تھا کہ پاکستان کی سکیورٹی فورسز ملک سے دہشت گردی کے ناسور کے مکمل خاتمے کے لیے پرعزم ہیں، ہمارے بہادر سپاہیوں کی قربانیاں ہمارے اس عزم کو مزید مضبوط کرتی ہیں۔

سیکیورٹی فورسز کا ڈی آئی خان میں آپریشن، 4 دہشت گردہلاک، ایک جوان شہید

سیکیورٹی فورسز نے خفیہ اطلاع کی بنیاد پر کارروائی کی اور اسلحہ اور بارود بھی برآمد کرلیا، آئی ایس پی آر

راولپنڈی پولیس نے سابق وزیراعظم اور بانی پی ٹی آئی عمران خان کی تینوں بہنوں علیمہ خانم، نورین خان اور عظمیٰ خانم کو اڈیالہ جیل کے باہر سے گرفتار کرلیا۔تفصیلات کے مطابق عمران خان سے ملاقات کے لیے ان کی تینوں بہنیں، علیمہ خان، عظمی خان، نورین خان اڈیالہ جیل پہنچی تھیں پولیس نے عمران خان کی بہنوں، عمر ایوب، زرتاج گل، حامد رضا، نیاز اللہ نیازی اور دیگر کو ملنے سے روک دیا، علیمہ خان اور بہنیں احتجاج پر بیٹھ گئیں اور جانے سے انکار کردیا بعدازاں سات افراد کو حراست میں لے لیا گیا۔حراست میں لئے جانے والے افراد میں قومی اسمبلی میں اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بچھر ، سنی اتحاد کونسل کے سربراہ صاحبزادہ حامد رضا اور عمران خان کے فوکل پرسن قاسم نیازی بھی شامل ہیں۔پولیس نے گرفتاری سے قبل تمام افراد کو ورانٹ گرفتاری دکھائے، حراست میں لیے جانے سے پہلے پی ٹی آئی رہنماؤں کی پولیس سے بحث اور تکرار ہوئی،گرفتار کیے گئے تمام افراد کو قیدی وین منتقل کردیاگیا۔

پولیس نے عمران خان کی تینوں بہنوں سمیت متعدد رہنماؤں کو حراست میں لے لیا

عمر ایوب، صاحبزادہ حامد رضا، علیمہ خان، عظمی خان، نورین خان اور قاسم نیازی عمران خان سے ملنے اڈیالہ جیل گئے تھے

وزیراعلیٰ خیبرپختونخوا علی امین گنڈاپور کا کہنا ہے کہ عمران خان اپنی ذات کے لیے نہیں پاکستان کے لیے مذاکرات کے لیے تیار ہیں، عمران خان کا مقصد وزیراعظم بننا نہیں ہے بلکہ ایک خوددار، خود مختار اور آزاد قوم بنانا ہے۔لاہور ہائیکورٹ بار میں وکلا سے خطاب کرتے ہوئے وزیراعلیٰ خیبرپختونخوا ہ علی امین گنڈا پورکاکہناتھا کہ ملک کو ڈنڈے کے زور پر نہیں چلایا جاسکتا، فیصلہ سازوں کو لیڈرز نہیں غلام چاہئیں، غلام ہمارے فیصلے کریں گے تو ہم بھی غلام ہی رہیں گے،2024 کے الیکشن میں جس طرح سے بدترین دھاندلی کی گئی ہے وہ اس بات کا ثبوت ہے کہ تمہیں پاکستان میں الیکٹڈ نہیں سلیکٹڈ لوگ چاہئیں، بانی پی ٹی آئی کو اس لیے جیل میں ڈالا گیا ہے کہ ان سے اس نظام کو خطرہ ہے، بانی پی ٹی آئی سے نظام کوکیا خطرہ ہے یہی کہ وہ قانون کی حکمرانی چاہتے ہیں، بانی پی ٹی آئی آئین کی بالادستی، انسانی حقوق، ملکی خود داری کی بات کرتے ہیں، بانی پی ٹی آئی عمران خان اپنی ذات کے لیے نہیں پاکستان کے لیے مذاکرات کے لیے تیار ہیں، عمران خان کا مقصد وزیراعظم بننا نہیں ہے بلکہ ایک خوددار، خود مختار اور آزاد قوم بنانا ہے،عوام پر اپنے لوگوں کو مسلط کرنے کے لیے بار بار تجربے کیے گئے، وہ تجربات پوری قوم کے سامنے ہیں، ان تجربات کے نتیجے میں پاکستان 76 ہزار ارب کے قرضوں میں ڈوب چکا ہے، آج پاکستان کی یہ حالت ہے کہ اسلام کے نام پر بننے والا ملک نہ خوددار رہا نہ خودمختار رہا۔لاہور ہائیکورٹ بار ایسوسی ایشن میں خطاب کرتے ہوئے وزیر اعلیٰ خیبر پختوانخواہ علی امین گنڈا پور نے کہا کہ یہ کہتے ہیں پاکستان کے لیے لگے ہوئے ہیں، اگر تم پاکستان کے لیے لگے ہوئے ہو، تو پاکستان کے آئین کے مطابق پاکستان میں جمہوریت ہے اور جمہوریت میں الیکشن میں تم ہمیشہ دھاندلی کرتے ہو۔2024 کے الیکشن میں جس طرح سے بدترین دھاندلی کی گئی ہے وہ اس بات کا ثبوت ہے کہ تمہیں پاکستان میں الیکٹڈ نہیں سلیکٹڈ لوگ چاہئیں کیونکہ تم ہی نے اصل میں حکومت چلانے ہوتی ہے اور تم نے ہی حکومت گرانی ہوتی ہے تو پھر جب حکومت تم چلا ئواور تم گرا ئوتو پھر یہ اسمبلیاں اور آئین کیوں بنایا گیا ہے،اگر آپ جج بھی وکیل بھی ہو اور مدعی بھی ہو تو پھر ایسے ملک نہیں چل سکتے۔انہوں نے کہا کہ عمران خان صرف اور صرف اس قوم، مسلمانوں، اسلام اور ناموس رسالتﷺ کی بات کرتا ہے، وہ آج جیل میں ہے اس لئے ہے کیونکہ وہ نظام کے لئے خطرہ ہے، خطرہ یہ ہے کہ وہ پاکستان قانون کی حکمرانی چاہتا ہے، پاکستان میں اسلامی حقوق اور پاکستان کی خودمختاری اور خودداری کی بات کرتا ہے۔عمران خان کہتا ہے کہ پاکستان کے لیے مذاکرات کے لیے تیار ہوں، کیونکہ ان کا مقصد کرسی نہیں ہے، ان کا مقصد وزیراعظم بننا نہیں ہے، ان کا مقصد ایک خودار، خودمختار اور آزاد قوم بنانا ہے۔ تم کب تک عمران خان کو قید میں ڈالو گے؟ ،جن کے کانوں میں عوام کی آواز نہیں جارہی وہ عوام کے خیر خواہ نہیں ، آج 24 کروڑ عوام عمران خان کے ساتھ ہیں، لیکن عوام کی آواز اگر فیصلہ سازوں اور اسٹیبلشمنٹ کو نہیں جارہی تو اس کا مطلب ہے کہ یہ عوام کے ساتھ نہیں اپنے ذاتی مفاد کے ساتھ ہیں۔انہوں نے کہا کہ ہم نے بحیثیت سیاسی جماعت تحریک چلائی، جب جلسہ کیا، ہمیں روکا گیا، تشدد کیا گیا، ہماری قیادت ، ہمارے کارکنان جیلوںمیں، ہمارا لیڈر جیل میں، ان کی بیوی جیل میں اور جب عوام نے فیصلہ کیا کہ ہم نکلیں گے اور انقلاب لائیں گے تو تم نے سیدھی گولیاں مارکر ہمارے 14 لوگ شہید کیے، سیدھی گولیاں مار کر ہمارے کارکنوں کو زخمی کیا گیا۔ وزیرا علیٰ خیبر پختواہ علی امین گنڈا پور نے عوام کو مخاطب کرتے ہوئے کہا کہ آپ لوگ خان کا ساتھ دیں، آگے بڑھیں، متحد ہوجائیں، بہت جلد عمران خان ہمارے درمیان ہوں گے، فیصلہ سازوں کو لیڈر نہیں غلام چاہئیں، ملک کو ڈنڈے کے زور پر نہیں چلایا جا سکتا۔انہوںنے کہا کہ میں آپ لوگوں سے نہایت اہم بات کرنے لگا ہوں، مدینہ کی ریاست کیا تھی مدینہ کی ریاست انصاف پر مبنی تھی، آج ہمارے ملک میں ایسا کچھ نہیں نظر آتا، ہمارے بڑوں نے بہت کچھ کیا۔اس ملک میں زبردستی لوگوں کو اٹھا کر حکومتیں بنانی شروع کر دی گئیں، انہوں نے مارشل لا ء لگا دیئے، پاکستان کی تاریخ گواہ ہے پہلے بھٹو کو پھانسی دی، اب بھٹو کو ایوارڈ دیا گیا، اس طرح اپنے لوگوں کو لانے کے لیے بہت کچھ کیا۔آج پاکستان قرض میں ڈوب گیا، اب پاکستان خود محتار نہیں رہا، ہم غلام بن گئے ہیں، کابینہ، ہمارے لیڈر سب غلام بن گئے ہیں، پاکستان میں جموریت ہے لیکن دھاندلی کی گئی، تم لوگوں کو سلیکٹیو لوگ نہیں چاہیے۔انہوںنے کہا کہ آپ لوگ وکیل بھی خود ہو مدعی بھی خود ہو، عمران مسلمان کی بات کرتا ہے وہ ناموس رسالت ؐپر بات کرتا ہے، وہ بے گناہ جیل میں ہے، ان کو عمران خان سے خطرہ یہ ہے وہ قانون کی حکمرانی بات کرتا ہے، وہ پاکستان کی خود محتاری کی بات کرتا ہے۔انہوں نے کہا کہ جوتے پالش کرنے والے لوگ چاہتے ہیں، ایسے چلتا رہا تو ہم غلام ہی رہیں گے لیکن عمران خان کا مسئلہ کرسی نہیں بلکہ وہ پاکستان کو آزاد، خود محتار بنانا چاہتا ہے، وزیر اعلی خیبر پختوانخواہ علی امین گنڈا پور نے لاہور ہائیکورٹ بار کو5 کروڑ روپے دینے کا اعلان بھی کیا ۔انہوںنے کہا کہ صوبے میں کرپشن پر کنٹرول کر لیا ہے، خیبر پختوانخواہ سب سے امیر صوبہ ہے۔

عمران خان پاکستان کیلئے مذاکرات کرنے کو تیار ہیں، وزیراعلیٰ خیبرپختونخوا

فیصلہ سازوں کو غلام چاہئیں، ملک کو ڈنڈے کے زور پر نہیں چلایا جا سکتا، گنڈا پور کا لاہور بار سے خطاب

اسلام آباد(این این آئی)9 مئی سے متعلق مقدمات  کی سماعت کے دوران چیف جسٹس سپریم کورٹ نے ریمارکس دیے ہیں کہ 4 ماہ میں ٹرائل مکمل کرنے کے فیصلے میں ملزمان کے حقوق کا تحفظ کیا جائے گا۔سپریم کورٹ آف پاکستان میں 9 مئی مقدمے کے سلسلے میں ضمانت منسوخی کیس کی سماعت کے دوران وکیل لطیف کھوسہ نے 4 ماہ میں ٹرائل مکمل کرنے کے حکم پر اعتراض کرتے ہوئے مؤقف اختیار کیا کہ کیا کبھی ایسا ہوا کہ 4ماہ میں ٹرائل مکمل ہو۔چیف جسٹس آف پاکستان جسٹس یحییٰ آفریدی نے ریمارکس دیے کہ فاضل کونسل ایسا مت کہیں۔ قانون انسداد دہشتگردی عدالت میں مقدمات کی روزانہ سماعت کا کہتا ہے۔وکیل نے کہا کہ عدالت کے 4 ماہ کے حکم سے ٹرائل اپ سیٹ ہوگا، جس پر چیف جسٹس نے کہا کہ ٹرائل  متعلقہ ہائیکورٹ اور انتظامی جج کا معاملہ ہے۔ سپریم کورٹ ٹرائل کی مانیٹرنگ نہیں کرے گی۔وکیل  لطیف کھوسہ نے بتایا کہ 9 مئی کے 500 مقدمات اور 24 ہزار ملزمان مفرور ہیں، جس پر چیف جسٹس نے کہا کہ 4 ماہ ٹرائل مکمل کرنے کے فیصلے میں ملزمان کے حقوق کا تحفظ کیا جائیگا۔سپریم کورٹ  میں 9مئی مقدمات میں اعجاز چوہدری کی درخواست ضمانت پر سماعت  ہوئی، جسے عدالت نے آئندہ ہفتے تک ملتوی کردیا۔دوران سماعت چیف جسٹس نے استفسار کیا کہ سینیٹر اعجاز چوہدری کے خلاف کیا شواہد ہیں؟اسپیشل پراسیکیوٹر نے بتایا کہ اعجاز چوہدری کی ویڈیو موجود ہے جس میں وہ لوگوں کو اکسا رہے ہیں۔ چیف جسٹس نے پوچھا کہ کیا اعجاز چوہدری کی کوئی ویڈیو ہے؟ جس پر ڈی ایس پی لاہور پولیس ڈاکٹر جاوید نے اعجاز چوہدری کیخلاف پیمرا کا ریکارڈ پیش کر دیا۔اعجاز چوہدری کے وکیل نے عدالت کو بتایا کہ جو شواہد دیے گئے ہیں وہ ٹی وی انٹرویو ہے، جس پر چیف جسٹس نے ریمارکس دیے کہ بے شک انٹرویو ہے، آپ کا موکل نوجوانوں کو اکسا رہا تھا۔جسٹس شفیع صدیقی نے کہا کہ ایک انٹرویو 17 مئی اور ایک آڈیو 10 مئی کی ہے۔ جسٹس شکیل احمد نے کہا کہ اکسانے کا کیس ہے تو 9 مئی کے دن یا اس سے پہلے کا کوئی ثبوت دکھائیں۔بعد ازاں عدالت نے پولیس کو مزید شواہد پیش کرنے کی ہدایت کرتے ہوئے سماعت ملتوی کر دی۔سپریم کورٹ میں  9 مئی  کے سلسلے میں شیخ امتیاز اور حافظ فرحت عباس کی ضمانت کے کیس  میں  عدالت نے شیخ امتیاز کی ضمانت کنفرم کردی جب کہ حافظ فرحت عباس کی ضمانت کی درخواست پر آئندہ ہفتے سماعت ہوگی۔

نومئی کے مقدمات میں ملزمان کے حقوق کا تحفظ کیا جائے گا، چیف جسٹس

قانون انسداد دہشت گردی عدالت میں مقدمات کی روزانہ سماعت کا کہتا ہے، وکیل کے اعتراض پر چیف جسٹس کے ریمارکس

اسلام آباد(این این آئی)سپریم کورٹ میں سویلینز کے فوجی عدالتوں میں ٹرائل کے فیصلے کیخلاف انٹرا کورٹ اپیلوں پر سماعت کے دوران جسٹس جمال مندوخیل  نے وزارت دفاع کے وکیل خواجہ حارث سے استفسار کیا ہے کہ سوال اتنا ہے کہ فوجی عدالتوں کو عدالتیں کہا جاسکتا ہے یا نہیں؟جسٹس امین الدین خان کی سربراہی میں 7 رکنی آئینی بینچ 23 اکتوبر 2023 کے فیصلے کے خلاف وفاقی حکومت، صوبائی حکومتوں اور شہدا فورم بلوچستان سمیت دیگر کی جانب سے دائر 38 انٹرا کورٹ اپیلوں پر سماعت کر رہا ہے۔وزارت دفاع کے وکیل خواجہ حارث نے جواب الجواب دلائل جاری رکھتے ہوئے مؤقف اپنایا کہ مجھ سے جو سوالات ہوئے میں نے تحریری معروضات کی شکل میں عدالت کے سامنے رکھے ہیں،  اس میں کوئی دو رائے نہیں کہ فوجی عدالتوں میں منصفانہ ٹرائل ہوتا ہے، فوجی عدالتیں قانون کے تحت وجود میں آئی ہیں۔انہوں نے استدلال کیا کہ لیاقت حسین کیس میں سپریم کورٹ قرار دے چکی کہ سویلین کا فوجی عدالتوں میں ٹرائل ہوسکتا ہے، فوجی عدالتوں کے ٹرائل میں مروجہ طریقہ کار اور فئیر ٹرائل دونوں میسر ہوتے ہیں، فوجی عدالتوں مکمل انصاف کیلئے آفیسر باقائدہ حلف لیتے ہیں۔جسٹس جمال مندوخیل  نے ریمارکس دیے کہ آپ آرٹیکل 175 پڑھیں، واحد آرٹیکل ہے جو عدالتوں کو جواز فراہم کرتا ہے،خواجہ حارث  نے کہا کہ محرم علی آوے لیاقت حسین کیس میں کہا گیا کہ کورٹ مارشل 175 میں نہیں آتا، یہاں تک کہ جس فیصلے کیخلاف اپیل دائر ہوئی اس میں بھی کہا گیا کہ فوجی عدالتیں آرٹیکل 175 میں نہیں آتیں، آرٹیکل 142 کے تحت وفاقی حکومت کو فیڈرل لیجسلیٹو لسٹ کے تحت قانون بنانے کا اختیار ہے۔انہوں نے مزید استدلال کیا کہ وفاقی حکومت نے فوجی عدالتوں سے متعلق قانون بھی اسی اختیار کے تحت بنایا،یہ اختیار اور قانون تو 1956 اور 1962 کے آئین میں بھی تھا، تب آرٹیکل 175 اور 1973 کا آئین موجود نہیں تھا۔جسٹس جمال مندوخیل  نے استفسار کیا کہ سوال اتنا ہے کہ فوجی عدالتوں کو عدالتیں کہا جاسکتا ہے یا نہیں، اگر عدالت کہا جاسکتا ہے تو دوبارہ آرٹیکل 175 پڑھیں،  خواجہ حارث نے جواب دیا کہ فوجی عدالتیں عدالتیں ہی ہیں جو خصوصی دائرہ اختیار استعمال کرتے ہوئے فوجداری ٹرائل کرتی ہیں۔آئینی بینچ نے وزارت دفاع کے وکیل خواجہ حارث کو کل تک جواب الجواب مکمل کرنے کی ہدایت  کردی، جسٹس امین الدین خان نے کہا کہ کل کے بعد کیس کی سماعت 28 تاریخ تک ملتوی کریں گے، 28 تاریخ تک بینچ دستیاب نہیں ہوگا، 28 تاریخ کو اٹارنی جنرل اپنے دلائل کا آغاز کریں۔جسٹس امین الدین خان نے استفسار کیا کہ خواجہ صاحب آپ کو مزید کتنا وقت درکار ہے؟ خواجہ حارث  نے جواب دیا کہ جسٹس مسرت ہلالی اور جسٹس جمال کے سوالات کے جواب دینا ہیں، مجھے آدھا گھنٹہ یا چالیس منٹ مزید درکار ہونگے۔جسٹس مسرت ہلالی  نے ریمارکس دیے کہ اگر مسئلہ میرے سوالات کا ہے تو میں اپنا سوال واپس لیتی ہوں،جسٹس جمال مندوخیل  پوچھا کہا کہ میں ابھی اپنا سوال واپس لیتا ہوں، اٹارنی جنرل کی کیا پوزیشن ہے وہ کہاں ہیں؟  ایڈیشنل اٹارنی جنرل  نے کہا کہ اٹارنی جنرل کو دو سے تین دن کا وقت درکار ہے۔جسٹس جمال مندوخیل  نے ریمارکس دیے کہ یہ کیا مذاق ہے بلاوجہ کیس کیوں لٹکا رہے ہیں؟ کیا اس کیس کو مکمل کرنے کا ارادہ نہیں؟ جسٹس مسرت ہلالی  نے ریمارکس دیے کہ  اٹارنی جنرل نے خود کہا تھا میں دس منٹ لوں گا، صرف اپیل کا حق دینا ہے یا نہیں اس پر بات کرنی تھی۔عامر رحمان نے کہا کہ اٹارنی جنرل نے عدالتی حکم پر ہی پیش ہونا ہے ورنہ وفاق کی وکالت خواجہ حارث کر رہے ہیں،  جسٹس جمال مندوخیل نے سوال کیا کہ اٹارنی جنرل نے خود اپنا حق خواجہ حارث کو دے دیا تو ہم انہیں کیوں سنیں؟اس کے ساتھ ہی سپریم کورٹ نے کیس کی مزید سماعت کل تک ملتوی کردی۔

سوال اتنا ہے کہ فوجی عدالتوں کو عدالتیں کہا جاسکتا ہے یا نہیں؟ جج آئینی بینچ

یہ کیا مذاق ہے بلاوجہ کیس کیوں لٹکا رہے ہیں؟ کیا اس کیس کو مکمل کرنے کا ارادہ نہیں؟جسٹس جمال مندوخیل کے ریمارکس

اسلام آباد(این این آئی) عالمی بینک نے پاکستان کے ٹیکس نظام کو’’انتہائی غیر منصفانہ اور بے ہودہ‘‘' قرار دیتے ہوئے زور دیا ہے کہ جائیداد کو موثر طریقے سے ٹیکس نیٹ میں لایا جائے اور اس کا درست اندراج و ٹیکس لگایا جائے۔عالمی بینک کے مطابق تنخواہ دار طبقے پر بڑھتا ہوا بوجھ صرف اسی صورت میں کم ہو سکتا ہے جب ٹیکس نیٹ کو وسعت دی جائے اور تمام آمدن کو اس میں شامل کیا جائے۔عالمی بینک نے مزید کہا کہ محصولات کے نظام میں اصلاحات کی ضرورت ہے کیونکہ موجودہ نظام سے قلیل مدتی فائدے تو حاصل ہو رہے ہیں لیکن طویل مدتی آمدنی کے مواقع ضائع ہو رہے ہیں۔پایئڈ کے وائس چانسلر ندیم جاوید نے اس بات پر حیرت کا اظہار کیا کہ 24 کروڑ کی آبادی میں صرف 50 لاکھ لوگ ٹیکس ریٹرن فائل کرتے ہیں اور زیادہ تر ٹیکس جنرل سیلز ٹیکس (جی ایس ٹی) کی شکل میں وصول کیا جاتا ہے۔انہوں نے کہا ہے کہ پاکستان کا ٹیکس نظام انصاف کے اصولوں کے لحاظ سے غیر منصفانہ ہے، اگر ملک صرف 50 لاکھ فائلرز کے ساتھ چلتا رہا تو اس سے کوئی دیرپا حل ممکن نہیں۔پرائم کے ایگزیکٹو ڈائریکٹر ڈاکٹر علی سلمان نے کہا کہ نظام میں وضاحت کی ضرورت ہے اور ودہولڈنگ ٹیکس کی تعداد کم کی جائے، اس وقت 88 ودہولڈنگ ٹیکسز موجود ہیں جن میں سے 45 ٹیکسز کی آمدن ایک ارب روپے سے بھی کم ہے۔ادھر پرائم انسٹی ٹیوٹ کے ایگزیکٹو ڈائریکٹر ڈاکٹر علی سلمان نے کہا کہ موجودہ ودہولڈنگ ٹیکس نظام میں سادگی کی شدید کمی ہے۔ انہوں نے انکشاف کیا کہ اس وقت ملک میں 88 اقسام کے ودہولڈنگ ٹیکسز موجود ہیں جن میں سے 45 کی آمدن ایک ارب روپے سے بھی کم ہے، جو اصلاحات کی اشد ضرورت کی نشاندہی کرتا ہے۔ماہرین کا کہنا ہے کہ ٹیکس اصلاحات کے بغیر نہ صرف معیشت کی بحالی مشکل ہے بلکہ سماجی و معاشی انصاف کا خواب بھی پورا نہیں ہو سکتا۔

ورلڈ بینک نے پاکستان کا ٹیکس نظام غیرمنصفانہ اور بیہودہ قرار دیدیا

تنخواہ دار طبقے پر بڑھتا ہوا بوجھ صرف اسی صورت میں کم ہو سکتا ہے جب ٹیکس نیٹ کو وسعت دی جائے،عالمی بینک

امریکی صدر ڈونلڈ ٹرمپ کی انتظامیہ نے ہارورڈ یونیورسٹی کا ٹیکس استثنیٰ ختم کرنے کا حکم دے دیا ہے۔غیر ملکی میڈیا کے مطابق، ٹرمپ انتظامیہ نے انٹرنل ریونیو سروس (آئی آرایس) کو ہدایت دی ہے کہ ہارورڈ کو حاصل خیراتی تعلیمی ادارے کا درجہ واپس لے لیا جائے۔اس سے قبل صدر ٹرمپ ہارورڈ کی 2 ارب ڈالر سے زائد وفاقی امداد بھی منجمد کر چکے ہیں۔ وائٹ ہاؤس کا مؤقف تھا کہ ہارورڈ یونیورسٹی کو کیمپس میں یہود دشمنی روکنے کے لیے داخلوں، تدریس اور ملازمتوں کے عمل میں تبدیلی لانا ہوگی، مگرہارورڈ یونیورسٹی نے انتظامی امور میں ٹرمپ انتظامیہ کے احکامات ماننے سے انکار کیا ہے، یونیورسٹی نے اس مطالبے کو مسترد کرتے ہوئے الزام لگایا کہ حکومت ادارے پر کنٹرول حاصل کرنا چاہتی ہے۔ٹیکس استثنیٰ کا درجہ امریکا میں عام طور پر خیراتی، مذہبی، تعلیمی اور فلاحی اداروں کو حاصل ہوتا ہے، بشرطیکہ وہ سیاسی سرگرمیوں سے دور رہیں۔ ماہرین کا کہنا ہے کہ ہارورڈ کے خلاف فی الحال کوئی واضح ثبوت موجود نہیں، اورآئی آرایس کو غیر جانبدار رہنا چاہیے۔یاد رہےامریکی صدر ٹرمپ نے ہارورڈ یونیورسٹی کو ’ مذاق ’ قرار دیتے ہوئے کہا ہے کہ امریکا کی اعلیٰ یونیورسٹی کی جانب سے بیرونی سیاسی نگرانی میں آنے کے مطالبات کو مسترد کرنے کے بعد اس کے سرکاری تحقیقی معاہدے منسوخ کر دینے چاہئیں۔ٹرمپ کا ہارورڈ یونیورسٹی پر تنقید کرتے ہوئے کہناتھاکہ یہ ادارہ وفاقی فنڈنگ کا مستحق نہیں رہا ہارورڈ یونیورسٹی ایک مذاق ہت جو نفرت اور حماقت سکھاتی ہے۔جبکہ ترجمان وائٹ ہاؤس نے بھی ہارورڈ کو کالج کیمپس میں یہودی امریکی طلبہ کے خلاف یہود دشمنی پر بھی معافی مانگنے کیلئے کہا تھا، اس کے ساتھ ہی انہوں نے یہ بھی واضح کیا تھا کہ صدر ٹرمپ نے ہارورڈ یونیورسٹی کا ٹیکس استثنیٰ ختم کرنے کا اشارہ دیاہے۔

ٹرمپ انتظامیہ نے ہارورڈ یونیورسٹی کا ٹیکس استثنیٰ ختم کرنے کا حکم دیدیا

ہارورڈ یونیورسٹی کو یہود دشمنی روکنے کے لیے داخلوں، تدریس اور ملازمتوں کے عمل میں تبدیلی لانا ہوگی، وائٹ ہاؤس

امریکی صدر ٹرمپ کی جانب سے چین پر ٹیرف کو مزید بڑھاتے ہوئے 245 فیصد کردیا گیا ہے۔ جس کے بعد دونوں ممالک میں تجارتی جنگ شدت اختیار کرگئی ہے۔ چین نے ردعمل دیتے ہوئے کہا ہے کہ وہ ٹرمپ ٹیرف کی نمبر گیم پر کوئی توجہ نہیں دے گا۔بین الاقوامی خبر رساں ادارے کے مطابق چین نے امریکی صدر ٹرمپ کی جانب سے بڑھائے جانے والے ٹیرف کو غیر ضروری قرار دیتے ہوئے کہا کہ وہ صدر ٹرمپ کی ٹیرف بڑھانے کی نمبر گیم پر کوئی خاص توجہ نہیں دے رہے۔چین کی وزارتِ خارجہ کے ترجمان جیان نےپریس کانفرنس میں امریکہ پر طنز کرتے ہوئے کہا ہے کہ یہ تجارتی جنگ سب سے پہلے امریکہ نے شروع کی، اور چین نے صرف اپنی قانونی خودمختاری اور بین الاقوامی انصاف کے تحفظ کے لیے جوابی اقدامات کیے، جو کہ مکمل طور پر جائز اور قانونی ہیں۔چینی وزارت خارجہ کے ترجمان نے دو توک انداز میں واضح کیا کہ امریکا کی جانب سے چینی مصنوعات پر 245 فیصد تک ٹیرف لگانا اقتصادی اعتبار سے غیر مؤثر ہوچکا ہے۔ چین نے بارہا اس مؤقف کا اظہار کیا ہے کہ واشنگٹن ٹیرف کو محض سیاسی دباؤ ڈالنے اور دوسروں کو جھکانے کا ہتھیار بنا رہا ہے۔انہوں نے مزید کہا کہ چین ایسی کسی تجارتی جنگ میں ملوث ہونے کا خواہشمند نہیں، لیکن اگر امریکا نے چینی حقوق اور مفادات کو نقصان پہنچانے کی کوشش جاری رکھی تو بیجنگ اپنے مفادات کے تحفظ کے لیے مؤثر اور پُرعزم جوابی اقدامات سے پیچھے نہیں ہٹے گا۔ترجمان کا کہنا تھا کہ تجارتی جنگوں میں کوئی فاتح نہیں ہوتا، اور اگر امریکا نے اسی طرح ٹیرف میں اضافہ جاری رکھا تو چین اسے نظر انداز کرے گا، تاہم ضرورت پڑنے پر مناسب جواب دینا جانتا ہے۔ماہرین کےمطابق امریکا کے اس اقدام سے چین اور امریکا کے درمیان تجارتی جنگ میں مزید تیزی آئے گی۔ اقتصادی ماہرین کے مطابق چین پر ٹیرف بڑھانے سے اشیاء کی قیمتوں میں خاطر خواہ اضافہ ہوگا۔ جبکہ دوسری جانب چینی نژاد دو کمپنیوں ٹیمو اور شین نے  خبردار کیا ہے کہ ٹیرف بڑھنے سے وہ امریکا میں اپنی مصنوعات کی قیمتیں زیادہ کر سکتے ہیں۔

چین نے امریکا کے245فیصد ٹیرف عائد کرنے پرنمبرگیم نظرانداز کرنے کااعلان کردیا

تجارتی جنگ امریکانے شروع کی، چین نے اپنی قانونی خودمختاری اور بین الاقوامی انصاف کے تحفظ کیلئے جوابی اقدامات کیے،ترجمان چینی وزارت خارجہ

ایران کے صوبے سیستان میں دہشت گردی کا نشانہ بننے والے آٹھ پاکستانیوں کو آبائی علاقوں میں سپرد خاک کردیا گیا۔تفصیلات کے مطابق ایران میں بے دردی سے قتل ہونے والے 8 پاکستانیوں کی میتیں خصوصی طیارے کے ذریعے بہاولپور ایئرپورٹ پہنچا ئیں گئیں۔ایئرپورٹ پر ضلعی انتظامیہ، ریسکیو ٹیموں اور سیکیورٹی اداروں کی جانب سے سخت ترین حفاظتی انتظامات کیے گئے تھے۔حکام کے مطابق میتوں کو بہاولپور ایئرپورٹ پر لواحقین کے حوالے کیا گیا، جہاں سے ایمبولنسز کے ذریعے آبائی علاقوں میں لائے گئے۔بہاولپور میں مرنے والوں کے پیاروں نے میتیں دیکھ کر علاقے میں کہرام برپا کر دیا، مقتولین کے گھروں پر رقت آمیز مناظر دیکھے گئے، اہلخانہ غم سے نڈھال تھے۔تمام میتوں کو آبائی علاقوں میں نماز جنازہ کے بعد سپرد خاک کردیا گیا، نماز جنازہ میں عوام کی بڑی تعداد نے شرکت کی۔قبل ازی خصوصی طیارے نے میتیوں کو پاکستان واپس بھیجنے سے قبل ایرانی شہر زاہدان میں لینڈ کیا۔ہوائی اڈے پر جاں بحق افراد کے اعزاز میں ایک پروقار تعزیتی تقریب کا انعقاد کیا گیا جس میں سول اور فوجی حکام نے شرکت کی۔ زاہدان کے گورنر اور دیگر سینئر نمائندوں سمیت ایرانی حکام نے بھی تقریب میں شرکت کی اور جاں بحق ہونے والے پاکستانیوں کو خراج عقیدت پیش کیا۔ایرانی وزیرخارجہ نے 8 پاکستانیوں کے قتل پر اظہار تعزیت کیا، عباس عراقچی نے وزیر خارجہ اسحاق ڈار سے ٹیلی فونک رابطہ کیا، پاکستانیوں کے قاتلوں کو انصاف کے کٹہرے میں لانے کی یقین دہانی کرائی۔واضح رہے کہ ایرانی شہر سیستان میں 8 پاکستانی مزدوروں کو فائرنگ کر کے قتل کیا گیا تھا۔

ایران میں قتل کئے جانیوالے8پاکستانیوں کی میتیں وطن واپس پہنچ گئیں

تمام میتوں کو آبائی علاقوں میں نماز جنازہ کے بعد سپرد خاک کردیا گیا، نماز جنازہ میں عوام کی بڑی تعداد نے شرکت کی

On Thursday, December 19th, the International Cricket Council (ICC) finally confirmed the hybrid model for Champions Trophy 2025.

ICC Accepts Hybrid Model For All Tournaments in India & Pakistan

On Thursday, December 19th, the International Cricket Council (ICC) finally confirmed the hybrid model for Champions Trophy 2025.&nbsp;

As per the hybrid model, all of India&rsquo;s matches will be played at a neutral venue which will most likely be Dubai due to its geographical proximity to Pakistan.

&ldquo;ICC Men&rsquo;s Champions Trophy 2025 to be played across Pakistan and a neutral venue,&rdquo; the biggest cricket governing body announced in a press release.

Moreover, the ICC accepted PCB&rsquo;s demand of hosting all tournaments scheduled to take place in India till 2027 in a hybrid model. &ldquo;India and Pakistan matches hosted by either country at ICC Events during the 2024-2027 rights cycle will be played at a neutral venue.&rdquo; The ICC Board confirmed on Thursday, 19 December.

&ldquo;This will apply to the upcoming ICC Men&rsquo;s Champions Trophy 2025 (hosted by Pakistan), set to be played in February and March 2025, as well as the ICC Women&rsquo;s Cricket World Cup 2025 (hosted by India) and the ICC Men&rsquo;s T20 World Cup 2026 (hosted by India and Sri Lanka).&rdquo;

The ICC also confirmed that Pakistan will be the official host of the ICC Women&rsquo;s T20 World Cup 2028, where the same neutral venue rule will apply.&nbsp;

Lastly, the press release stated that the schedule for the ICC Champions Trophy 2025 is set to be confirmed soon, with Pakistan aiming to defend the title they won in 2017.

&ldquo;The eight-team event will feature Afghanistan, Australia, Bangladesh, England, India, New Zealand, and South Africa, alongside hosts Pakistan.

ICC Accepts Hybrid Model For All Tournaments in India & Pakistan

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan