Cricket

Entertainment

Football

اسلام آباد(این این آئی)آئی ایم ایف نے بجلی ٹیرف میں کمی کی اجازت دے دی۔ذرائع کے مطابق آئی ایم ایف نے بجلی ٹیرف میں ایک روپے فی یونٹ کمی کی اجازت دی ہے، تمام صارفین کو بجلی کی قیمتوں میں ایک روپے فی یونٹ ریلیف ملے گا۔یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا، کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔حکومت کی جانب سے بجلی صارفین کیلئے ریلیف پیکیج پر بھی کام جاری ہے، جس کا اعلان آئی ایم ایف کی منظوری سے کیا جائے گا۔ذرائع کے مطابق بجلی کی قیمت میں ایک روپے فی کلو واٹ کمی سے صارفین پر مجموعی طور پر 100 ارب روپے کا بوجھ کم ہوگا، جو صارف 500 یونٹ بجلی استعمال کرتا ہے اس کے بل میں 500 روپے کمی ہوگی۔

آئی ایم ایف نے بجلی کے ٹیرف میں ایک روپے یونٹ کمی کی اجازت دیدی

یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا،رپورٹ

کوئٹہ میں ڈبل روڈ کے قریب پولیس کی گاڑی کے قریب دھماکے میں 2 افراد جاں بحق جبکہ 21 زخمی ہوگئے۔پولیس کے مطابق صوبہ بلوچستان کے دارالحکومت کوئٹہ میں ڈبل روڈ پر واقع بڑیچ مارکیٹ کے سامنے پولیس گاڑی کے قریب دھماکا ہوا، دھماکا خیز مواد جائے وقوعہ پر کھڑی موٹر سائیکل میں نصب تھا، دھماکا ریموٹ کنٹرول ڈیوائس سے کیا گیا، ڈھائی کلو بارودی مواد استعمال کیا گیا، دھماکے سے پولیس وین کو بھی نقصان پہنچا۔ترجمان محکمہ صحت بلوچستان کے مطابق دھماکے کے نتیجے میں 2 افراد جاں بحق جبکہ 21 زخمی ہوئے ہیں، زخمیوں میں پولیس اہلکار بھی شامل ہیں، زخمیوں کو طبی امداد کیلئے سول ہسپتال منتقل کر دیا گیا ہے، جاں بحق ہونے والوں میں ایک شخص کی شناخت جبار کے نام سے ہوئی۔میڈیارپورٹس کے مطابق قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے کر تحقیقات کا آغاز کر دیا ہے۔ترجمان بلوچستان حکومت شاہد رند نے پولیس گاڑی کے قریب دھماکے کی شدید مذمت کرتے ہوئے کہا ہے کہ دہشت گردوں کے ناپاک عزائم ناکام بنائیں گے، واقعہ میں ملوث عناصر کو کیفر کردار تک پہنچایا جائے گا۔وفاقی وزیر داخلہ محسن نقوی نے کوئٹہ ڈبل روڈ پر پولیس موبائل کے قریب دھماکے کی مذمت کی اور جاں بحق افراد کے لواحقین سے دلی ہمدردی و اظہار تعزیت کرتے ہوئے کہا کہ جاں بحق افراد کے لواحقین کے غم میں برابر کے شریک ہیں۔انہوں نے کہا کہ دھماکے کے زخمیوں کی صحتیابی کیلئے دعاگو ہیں، دشمن قوتیں بلوچستان کو ٹارگٹ کر رہی ہیں، عدم استحکام پیدا کرنے کی گھناؤنی سازش کو ناکام بنائیں گے۔

کوئٹہ میں پولیس وین کے قریب دھماکا، 2 افراد جاں بحق،متعددافراد زخمی

دھماکے سے پولیس موبائل اور ایک گاڑی کو شدید نقصان پہنچا، زخمیوں میں پولیس اہلکار بھی شامل

’’ہزار مہینوں سے بہتر رات‘‘ ملک بھر میں رمضان المبارک کی ستائیسویں شب (شب قدر) آج مذہبی جوش وخروش اور عقیدت و احترام کے ساتھ منائی جائے گی۔ مسجدوں میں ختم قرآن کے بھی بڑے بڑے اجتماعات ہونگے اور فرزندان اسلام نوافل،تلاوت قرآن،ذکر و اذکار اور دعاؤں کے ذریعے رب سے استغفار طلب کریں گے۔لیلۃ القدر رمضان المبارک کی آخری دس طاق راتوں میں سے ایک نہایت ہی بابرکت رات ہے جسے شب قدر اور برکت والی رات کے نام سے بھی یاد کیاجاتا ہے اس رات میں عبادت کرنے کی بہت  زیادہ تاکید کی گئی ہے۔لیلۃ القدر کے حوالے سے قرآن کریم میں آیا ہے کہ یہ رات ہزار مہینوں سے بہتر ہے اس عظیم الشان رات کی عظمت و فضیلت کا ذکر کرتے ہوئے حضرت انس بن مالکؓ بیان کرتے ہیں کہ حضور نبی اکرمؐ نے ارشاد فرمایا “جب شب قدر آتی ہے تو حضرت جبرائیل امین فرشتوں کی جماعت کے ساتھ زمین پر آتے ہیں،  ملائکہ کا یہ گروہ ہر اس بندے کے لیے دعائے مغفرت اور التجائے رحمت کرتا ہے جو ذکر الہیٰ اور عبادات میں مشغول ہوتا ہے۔شب قدر کے موقع پر ملک بھر کی مساجد میں نماز عشاء سے سحری تک ختم قرآن پاک،ذکر الٰہی کی خصوصی محافل ،حسن قراُت ، حمد و نعت ،درود و سلام کی بابرکت تقریبات منعقد ہوں گی، اس رات شب بیداری ہو گی اور اہل اسلام رات بھر عبادت،ذکر اذکار اور نوافل ادا کریں گے۔ آج کی رات مسلمان اللہ تعالی کے حضورمغفرت ، رزق میں کشادگی اور صحت کاملہ کے لئے خصوصی دعائیں بھی مانگیں گے ۔ دعاؤں، عبادات اور مناجات کا سلسلہ طلوع آفتاب تک جاری رہے گا ۔ اس موقع پر علمائے کرام قرآن پاک کے نزول اور اس کی قدر و منزلت پر روشنی ڈالیں گے جبکہ ملکی سلامتی و خوشحالی اور امت مسلمہ کے اتحاد کیلئے خصوصی دعائیں مانگی جائیں گی مساجد کو برقی قمقموں سے خوبصورتی کے ساتھ سجایا جاچکا ہے۔

ملک بھر میں شب قدر آج عقیدت و احترام کے ساتھ منائی جائے گی

مساجد اور گھروں پر نفلی عبادات اور شب بیداری کا خصوصی اہتمام کیا جائے گا،خصوصی دعائیں کی جائیں گی

بانی پی ٹی آئی عمران خان نے 190 ملین پاؤنڈ کیس میں سزا معطلی کی درخواست جلد مقرر کرنے کی متفرق درخواست دائر کر دی۔عمران خان نے بیرسٹر سلمان صفدر کے ذریعے اسلام آباد ہائیکورٹ سے رجوع کیا۔ درخواست میں وفاق اور چیئرمین نیب کو فریق بنایا گیا ہے۔درخواست میں موقف اپنایا کہ 24 مارچ کو سزا معطلی کا کیس سماعت کے لیے مقرر تھا، مرکزی وکیل قتل کے مقدمے میں سپریم کورٹ میں مصروف تھے، عدالت نے مختصر کاز لسٹ کی وجہ سزا معطلی درخواست بھی عید کے بعد تک ملتوی کر دی۔استدعا کی گئی کہ بانی پی ٹی آئی کی سزا معطلی درخواست مرکزی اپیل کے ساتھ عید سے قبل مقرر کی جائے۔واضح رہے کہ گزشتہ روز عمران خان کی اہلیہ بشریٰ بی بی نے بھی سزا معطلی کی درخواست پر جلد سماعت کی استدعا کی تھی۔

عمران خان کی 190 ملین پاؤنڈ کیس میں سزا معطلی کی درخواست جلد مقرر کرنے اپیل

سزا معطلی درخواست مرکزی اپیل کے ساتھ عید سے قبل مقرر کی جائے، درخواست میں مؤقف

اسلام آباد اور خیبرپختونخوا کے مختلف علاقوں میں زلزلے کے جھٹکے محسوس کیے گئے ہیں۔تفصیلات کے مطابق زلزلے کے جھٹکوں سے شہریوں میں خوف وہراس پھیل گیا اور کلمہ طیبہ کا ورد کرتے ہوئے گھروں سے نکل آئے۔اسلام آباد، پشاور، سوات، نوشہرہ، لوئر دیر ،مالاکنڈ، خیبر، دیر اپر، چترال، شانگلہ، بونیر، صوابی اور گرد و نواح میں زلزلے کے جھٹکے محسوس کیے گئے۔ زلزلہ پیما مرکز کے مطابق زلزلے کی شدت پانچ اعشاریہ دو ریکارڈ کی گئی۔زلزلے کا مرکز سطح زمین سے 198کلومیٹر تھی۔زلزلے کا مرکز افغانستان اور تاجکستان کا سرحدی علا قہ ہے۔ زلزلے کا مرکز افغانستان ریجن میں کوہ ہندوکش تھا۔چارسدہ،مردان،سوات،چترال،شانگلہ میں بھی زلزلے کے جھٹکے محسوس کیے گئے ہیں۔ ایبٹ آبادڈویژن اور مالاکنڈ ڈویثرن میں بھی زلزلے کے جھٹکے محسوس کیے گئے ہیں۔ابتدائی طور پر کسی جانی یا بڑے نقصان کی اطلاع نہیں ملی ہے۔

اسلام آباد، پشاور سمیت خیبرپختونخوا کے مختلف اضلاع میں زلزلے کے جھٹکے

زلزلے کی شدت  5.2،مرکز ہندوکش ریجن افغانستان جبکہ اس کی گہرائی198کلومیٹرزیرزمین تھی

امریکی صدر ڈونلڈ ٹرمپ نے امپورٹڈ گاڑیوں پر 25 فیصد ٹیکس لگانے کا اعلان کر دیا۔غیر ملکی خبر رساں ایجنسی کے مطابق صدر ڈونلڈ ٹرمپ نے وائٹ ہاؤس میں اعلان کیا کہ امریکا سے باہر تیار کی جانے والی تمام گاڑیوں پر 25 فیصد ٹیرف عائد کیا جائے گا۔ٹرمپ نے کہا کہ امریکا میں بننے والی گاڑیوں پر کوئی ٹیکس نہیں ہوگا۔امریکی صدرڈونلڈٹرمپ کی وائٹ ہاؤس میں میڈیا سے گفتگو کرتے ہوئے کہا کہ ہم ان تمام گاڑیوں پر 25 فیصد ٹیرف عائد کرنے جا رہے ہیں جو امریکہ میں نہیں بنتیں۔امریکی صدر کا کہنا تھا کہ ایلون مسک نے آٹو ٹیرف کے بارے میں مشورہ نہیں دیا، ہو سکتا ہے کہ میں چین پر ٹیکس میں تھوڑی کمی کر دوں۔اس کے علاوہ صحافی کو یمن حملے کی تفصیلات غلطی سے بھیجے جانے کے سوال پر ٹرمپ نے کہا کہ مشیر قومی سلامتی نے اس کی ذمہ داری قبول کی ہے، مگر ہو سکتا ہے کہ سگنل ایپ میں ہی خرابی ہو ، سگنل رابطے کا مؤثر ذریعہ نہیں۔صدر ٹرمپ نے اعلان کیا کہ حوثیوں پر حملے جاری رکھیں گے۔صدر ٹرمپ نے مزید بتایا کہ یہ ٹیرف 3 اپریل سے نافذ العمل ہوں گے اس کے اگلے روز وہ امریکی تجارتی خسارے کے ذمہ دار ممالک کے خلاف جوابی ٹیرف عائد کرنے کا ارادہ رکھتے ہیں۔یورپی کمیشن کی صدر ارسلا وان ڈیر لیئن نے اس اقدام کو کاروباری اداروں کے لیے نقصان دہ اور صارفین کے لیے بدتر قرار دیا ہے۔اس کے علاوہ، کینیڈا کے وزیر اعظم مارک کارنی نے اس فیصلے کو کینیڈیائی کارکنوں کے لیے براہ راست حملہ قرار دیا ہے۔

امریکی صدر ٹرمپ کا امپورٹڈ کی گئی گاڑیوں پر 25 فیصد ٹیرف لگانے کا اعلان

ان تمام گاڑیوں پر 25 فیصد ٹیرف عائد کرنے جا رہے ہیں جو امریکا میں نہیں بنتیں، امریکی صدر

دہشت گردی کا نشانہ بننے والی جعفر ایکسپریس 16 روز بعد بحال ہوگئی۔جعفر ایکسپریس ٹرین کو وفاقی وزیر امیر مقام کی موجودگی میں پشاور کینٹ ریلوے اسٹیشن سے روانہ کیا گیا۔اس ٹرین کو 11 مارچ کو دہشت گردوں کے حملے کا سامنا کرنا پڑا تھا، جس کے بعد ٹرین سروس معطل کر دی گئی تھی لیکن اب 16 دن بعد یہ دوبارہ کینٹ ریلوے اسٹیشن پشاور سے اپنے سفر پر روانہ ہو چکی ہے۔جعفر ایکسپریس پشاور سے روانہ ہو کر پنجاب، سندھ اور پھر بلوچستان سے ہوتی ہوئی 34 گھنٹے کے سفر کے بعد کل شام کوئٹہ پہنچے گی، جعفر ایکسپریس میں سفر کیلئے 280 مسافروں نے ریزرویشن حاصل کی ہے، پشاور سے 28 مسافر روانہ ہوئے۔ٹرین پشاور سے پنجاب اور پھر سندھ کے بعد بلوچستان میں داخل ہوگی، جعفر ایکسپریس واحد ریل گاڑی ہے جو چاروں صوبوں سے گزرتی ہے۔ٹرین کی روانگی کے موقع پر وفاقی وزیر امیر مقام نے میڈیا سے بات کرتے ہوئے کہا کہ وزیراعظم شہباز شریف کی خواہش تھی کہ جعفر ایکسپریس کی سروس کوئٹہ کیلئے بحال کی جائے اور اب یہ ٹرین پشاور سے روانہ ہو چکی ہے۔انہوں نے کہا کہ وزیراعظم شہباز شریف اور آرمی چیف ملکی سلامتی کیلئے پرعزم ہیں، دہشت گردوں کے عزائم کامیاب نہیں ہوں گے، پاکستان اور بلوچستان کی ترقی کا عمل جاری رہے گا، جعفر ایکسپریس کا دوبارہ چلنا ملک کی ترقی کا نشان ہے۔امیر مقام نے دہشت گردی کے خلاف خیبر پختونخوا کے عوام کے عزم کا ذکر کرتے ہوئے کہا کہ دہشت گردی کے ناسور کا مقابلہ جاری رکھا جائے گا، دہشت گردی کا مسئلہ پورے ملک کا ہے اور ہم سب نے اس کا مقابلہ کرنا ہے، تمام ریل گاڑیوں کی سکیورٹی کو بہتر بنایا گیا ہے۔

دہشت گردی کا نشانہ بننے والی جعفر ایکسپریس 16 روز بعد بحال ہوگئی

جعفر ایکسپریس ٹرین کو وفاقی وزیر اور ریلوے حکام کی موجودگی میں پشاور کینٹ ریلوے اسٹیشن سے روانہ کیا گیا

بلوچستان میں ایک مرتبہ پھر خونریزی کا واقعہ پیش آیا ہے، گوادر میں دہشت گردوں کی فائرنگ سے 6 افراد جاں بحق ہوگئے۔نجی ٹی وی کے مطابق بلوچستان کے ضلع گوادر میں رات گئے مسلح افراد نے مرکزی شاہراہ بند کرکے کم از کم 6 افراد کو قتل کردیا اور بندرگاہ سے سامان لے کر جانے والی متعدد بھاری گاڑیوں کو نذر آتش کر دیا۔پولیس کے مطابق فائرنگ کا واقعہ کلمت کے علاقے میں پیش آیا، جہاں دہشت گردوں نے گوادر سے کراچی جانے والوں پر فائرنگ کی۔پولیس نے بتایا کہ فائرنگ میں 5 افراد جاں بحق اور ایک شخص زخمی ہوا جسے اسپتال منتقل کیا گیا جہاں وہ دورانِ علاج دم توڑ گیا۔جاں بحق ہونے والے بدقسمت افراد میں سے ایک شخص کا تعلق ملتان سے بتایا جا رہا ہے، پولیس کا کہنا ہے کہ یہ افراد کراچی جا رہے تھے۔واضح رہے کہ چند روز قبل بلوچستان کے علاقے منگچر میں بھی نامعلوم مسلح افراد کی فائرنگ سے پنجاب سے تعلق رکھنے والے 4 مزدور جاں بحق ہو گئے تھے۔اسسٹنٹ کمشنر منگچر علی گل کا کہنا تھا کہ لنگ زئی میں مسلح افراد نے ٹیوب ویل کی تنصیب پر کام کرنے والے مزدوروں پر فائرنگ کی تھی، جاں بحق ہونے والوں کا تعلق پنجاب کے علاقے صادق آباد سے تھا۔

بلوچستان،گوادر میں نامعلوم مسلح افراد کی فائرنگ سے 6 افراد جاں بحق

گوادر کے علاقے کلمت میں نامعلوم مسلح افراد نے بس میں سوار مسافروں کا اتار کر ان پر فائرنگ کی، پولیس

پاکستان نے اقوام متحدہ کے انسانی حقوق کے ماہرین کا بیان مسترد کرتے ہوئے اسے یک طرفہ قرار دیتے ہوئے اعلامیے کا نوٹس لے لیا۔ترجمان دفتر خارجہ نے کہا ہے کہ ایسے عوامی بیانات کو غیر جانبداری کے اصولوں پر قائم رہنا چاہیے،تنقید سے گریز کرنا چاہیے اور بیانات حقائق پر مبنی ہونے چاہئیں جس میں مکمل سیاق و سباق کو مدنظر رکھنا چاہیے۔ترجمان دفتر خارجہ نے کہا کہ بدقسمتی سے، ان تبصروں میں توازن اور تناسب کی کمی ہے،یہ دہشت گرد حملوں کے نتیجے میں ہونے والے عام شہریوں کے جانی نقصان کو نظر انداز کرتے ہیں،جبکہ ان عناصر کے جرائم کو نظرانداز کرتے ہیں اور، آزادانہ نقل و حرکت میں رکاوٹ ڈالتے ہیں کسی بھی معتبر تجزیے میں تسلیم کیا جانا چاہیے کہ یہ عناصر محض مظاہرین نہیں بلکہ لاقانونیت اور تشدد کی ایک وسیع مہم میں سرگرم شریک ہیں۔ترجمان نے کہا کہ ان کے انسانی حقوق کی خلاف ورزیوں اور قانون کی خلاف ورزیوں کو نظر انداز نہیں کیا جا سکتا۔یہ عناصر نام نہاد شکایات کی آڑ میں دہشت گردوں کے ساتھ گٹھ جوڑ کر رہے ہیں، جس کا ثبوت ریاستی ردعمل میں رکاوٹ ڈالنے کی ان کی مربوط کوششوں سے ملتا ہے، جن میں سڑکوں کی بندش شامل ہے جو دہشت گرد حملوں میں معاون ثابت ہو رہی ہیں۔اس گٹھ جوڑ کی تازہ ترین مثال کوئٹہ کے ڈسٹرکٹ اسپتال پر ان کا غیر قانونی دھاوا ہے۔ترجمان دفترخارجہ کا کہنا ہے کہ مکمل سیاق وسباق کومدنظررکھتے ہوئے حقائق پر مبنی بیانات دیئے جانے چاہئیں۔ حکومت پر لازم ہے کہ وہ اپنے عوام کی جان و مال کی حفاظت کرے۔ترجمان دفترخارجہ شفقت علی خان نے اپنے بیان میں کہا ہے بدقسمتی سے ان تبصروں میں توازن اور تناسب کی کمی ہے،جن میں دہشتگرد حملوں کے نتیجے میں عام شہریوں کے جانی نقصان، قانون شکن عناصر اور دہشتگردوں کے ساتھ ان کے گٹھ جوڑ کو نظر انداز کیا گیا۔ بین الاقوامی انسانی حقوق قانون ایسے اقدامات کی ممانعت کرتا ہے۔بیان میں مزید کہا گیا ہے کہ حکومت پر لازم ہے کہ وہ اپنے عوام کی جان و مال کی حفاظت کرے۔ دہشتگردوں کے سہولت کاروں یا مددگاروں کیلئے کسی قسم کی رعایت یااستثنیٰ نہیں ہو سکتا، ترجمان دفتر کارجہ نے یہ بھی واضح کیا ہے تمام شہریوں کیلئے انصاف کےحصول کیلئے قانونی طریقہ کارمکمل طورپردستیاب ہیں۔ترجمان دفتر خارجہ کے بیان کے مطابق ہم اقوام متحدہ کے خصوصی طریقہ کار کے مینڈیٹ ہولڈرز کے ساتھ کھلے اور تعمیری مکالمے کو برقرار رکھتے ہیں اور باہمی احترام، معروضیت اور حقائق کی پاسداری کے اصولوں پر مبنی اپنا رابطہ کار جاری رکھیں گے۔خیال رہے اقوامِ متحدہ کے آزاد انسانی حقوق ماہرین نے پاکستانی حکومت سے مطالبہ کیا تھا کہ وہ فوری طور پر گرفتار شدہ بلوچ انسانی حقوق کے کارکنوں کو رہا کرے اور پرامن احتجاج پر کریک ڈاؤن کو بند کرے۔ماہرین نے کہا ہے کہ وہ گزشتہ مہینوں سے بلوچ کارکنوں کی گرفتاریوں اور جبری گمشدگیوں کی اطلاعات پر تشویش کے ساتھ نظر رکھے ہوئے ہیں، اور حالیہ پرتشدد واقعات نے ان کی تشویش میں اضافہ کیا ہے۔

پاکستان نے اقوام متحدہ کے انسانی حقوق ماہرین کا بیان یکطرفہ قرار دیتے ہوئے مسترد کردیا

ایسے عوامی بیانات حقائق پر مبنی، غیر جانبداری کے اصولوں اور بنا تنقید ہونے چاہئیں، ترجمان دفترخارجہ

واشنگٹن (این این آئی)امریکہ نے پاکستان، چین اور8دیگر ممالک کی مجموعی طور پر ستر کمپنیوں پر برآمدی پابندیاں عائد کر دی ہیں۔برطانوی نشریاتی ادارے کے مطابق امریکا کا دعویٰ ہے کہ ان کمپنیوں کی سرگرمیاں اس کی قومی سلامتی اور خارجہ پالیسی کے مفادات کے منافی ہیں۔ یہ پابندیاں ایسے وقت میں لگائی گئی ہیں جب عالمی سطح پر تجارتی جنگ اور اسٹریٹیجک مقابلے میں اضافہ ہو رہا ہے۔میڈیارپورٹس کے مطابق یہ پابندیاں ان کمپنیوں کے خلاف تجارتی تعلقات کو محدود کرنے کیلئے عائد کی گئی ہیں جن پر امریکی حکام کے مطابق قومی سلامتی کے خطرات کے خدشات ہیں۔اس اقدام کا مقصد غیر قانونی یا حساس ٹیکنالوجیز کی منتقلی کو روکنا ہے جو ممکنہ طور پر امریکہ کی سلامتی کے لیے خطرہ بن سکتی ہیں۔یہ پابندیاں امریکی کمپنیوں کو ان کمپنیوں کے ساتھ کاروبار کرنے سے روکتی ہیں اور اس کے نتیجے میں ان کمپنیوں کو امریکی ٹیکنالوجیز کی فراہمی مشکل ہو جائے گی۔امریکی پابندی کی ذد میں آنے والی ان کمپنیوں میں پاکستان کی 19،چین کی 42 متحدہ عرب امارات کی 4 کمپنیاں شامل ہیں، ایران فرانس، برطانیہ افریقا اور سینیگال کی کمپنیاں بھی پابندی کا شکار ہوئی ہیں۔امریکی حکومت کا دعوی ہے کہ جن اداروں پر پابندیاں لگائی گئی ہیں وہ امریکہ کی قومی سلامتی اور خارجہ پالیسی کے مفادات کے منافی کام کر رہے ہیں۔امریکا کی طرف سے عائد کی جانے والی یہ پابندیاں چین اور پاکستان سمیت متعدد ممالک کی کمپنیوں کے لیے اقتصادی چیلنجز کا سبب بن سکتی ہیں۔

امریکانےپاکستان سمیت 8 ممالک کی 70 کمپنیوں پر برآمدی پابندیاں لگادیں

پاکستان کی 19 ،چین کی 42 متحدہ عرب امارات کی 4 کمپنیاں شامل ہیں،رپورٹ

کراچی(این این آئی)کراچی میں سڑکوں پر موت کا رقص جاری ہے، روزے کے وقت ایک اور حادثے میں موٹرسائیکل پر سوار میاں بیوی جاں بحق ہوگئے۔تفصیلات کے مطابق شاہراہ فیصل پر واقع فیصل بیس کے قریب تیز رفتار گاڑی کے ڈرائیور نے موٹرسائیکل پر سوار میاں بیوی کو روند دیا۔حادثہ کے نتیجے میں موٹر سائیکل مکمل تباہ جبکہ اس پر سوار میاں بیوی موقع پر جاں بحق ہوگئے۔ ڈرائیور موقع پر گاڑی چھوڑ کر فرار ہورہا تھا کہ عوام نے اسے پکڑ کر تشدد کا نشانہ بنایا اور پھر پولیس کے حوالے کردیا۔ریسکیو حکام کا کہنا ہے کہ جاں بحق میاں بیوی کی شناخت آیاز اور اقصیٰ کے نام سے ہوئی ہے، میاں بیوی اللہ والا ٹاؤن کے رہائشی تھے جو ملازمت سے واپس آرہے تھے، حادثے میں ملوث گاڑی امامہ اسد کے نام پر رجسٹر ہے۔پولیس کا کہنا ہے کہ کار ساز حادثے کے ذمہ دار ڈرائیور علیق کو گرفتار کرلیا گیا، حادثہ کار سوار کی تیز رفتاری کے باعث پیش آیا ، ملزم ڈیفنس کی جانب جارہا تھا، مشتعل شہریوں سے بچا کر ملزم ڈرائیور کو تھانے منتقل کردیا گیا،مشتعل عوام نے گاڑی کو نقصان پہنچانے اور نذر آتش کرنے کی کوشش کی تاہم پولیس کی نفری نے موقع پر پہنچ کر مشتعل افراد کو منتشر کردیا۔واقعے میں جاں بحق ہونے والوں کی لاشیں ضابطے کی کارروائی کیلیے جناح اسپتال منتقل کردی گئیں ہیں۔دوسری جانب وزیر داخلہ سندھ ضیاءالحسن نے شارع فیصل پر ٹریفک حادثے کا نوٹس لے لیا۔ وزیر داخلہ ضیاءالحسن لنجار نے پولیس حکام کو ٹریفک حادثات پر قابو پانے کی ہدایت کی اور کہا کہ  ٹریفک حادثات پر قابو پانے کے لئے ہر ممکن اقدامات اٹھانے جائیں۔وزیر داخلہ سندھ نے کہا کہ  شہری ٹریفک قوانین کی پاسداری کریں۔ ٹریفک حادثات پر کنٹرول کے لئے شہریوں کا تعاون ناگزیر ہے۔ شہری رفتاری سے گریز کریں۔

کراچی کی سڑکوں پر موت کا رقص، ایک اور ٹریفک حادثے میں میاں بیوی جاں بحق

حادثے کے ذمہ دار ڈرائیور کوگرفتار کرلیا، حادثہ کار سوار کی تیز رفتاری کے باعث پیش آیا، پولیس

حکومت سولر صارفین سے بجلی خریدنے کی قیمتوں کو کم کرنے سے پیچھے ہٹ گئی۔وفاقی کابینہ نے نیٹ میٹرنگ کی نئی پالیسی کی منظوری مؤخر کرتے ہوئے صارفین پر اضافی ٹیکس کی وصولی روک دی۔ اس سے متعلق مشاورت کے دائرہ کار کو وسیع کرنے اور تمام اسٹیک ہولڈرز سے مزید رائے لینے کے بعد سفارشات کو کابینہ کو دوبارہ پیش کرنے کا فیصلہ کرلیا گیا۔وزیراعظم شہباز شریف کی زیر صدارت وفاقی کابینہ کا اجلاس آج وزیراعظم ہاؤس اسلام آباد میں منعقد ہوا، جس میں کابینہ اراکین سمیت دیگر اعلیٰ حکام نے شرکت کی۔نجی ٹی وی نے ذرائع کےحوالے سے بتایا ہے کہ وفاقی کابینہ اجلاس میں وزیر اعظم شہباز شریف اور وفاقی وزرا سولر صارفین پر نیٹ میٹرنگ پالیسی کی منظوری کی مخالفت کر دی۔وزیر اعظم شہباز شریف نے وزیر توانائی اویس لغاری کو نیٹ میٹرنگ پالیسی پر نظر ثانی کی ہدایت کر دی۔اس حوالے سےوزیر توانائی اویس لغاری نے کہا کہ کابینہ نے سولر نیٹ میٹرنگ صارفین سے متعلق نئی پالیسی منظور نہیں کی، کابینہ نے ہدایت جاری کی ہے کہ اس پالیسی پر دوبارہ غور کیا جائے۔اویس لغاری نے کہا کہ سولر نیٹ میٹرنگ سے متعلق پالیسی پر دوبارہ غور کیا جائے گا، ای سی سی نے سولر نیٹ میٹرنگ سے متعلق نئی پالیسی کی منظوری دی تھی۔نئی پالیسی کے تحت سولر نیٹ میٹرنگ صارفین سے حکومت نے 10 روپے فی یونٹ بجلی خریدنی تھی، پالیسی پر غور و فکر کے بعد اس کو دوبارہ بنایا جائے گا۔

وفاقی کابینہ نے نیٹ میٹرنگ کی نئی پالیسی کی منظوری مؤخر کردی،نظرثانی کی ہدایت

وزیراعظم اور وفاقی وزراء نے سولر استعمال کرنے والے صارفین پر اضافی ٹیکس عائد کرنے کی مخالفت کی

پاکستان کرکٹ بورڈ نے پی ایس ایل سیزن 10 کے اینتھم کا ٹیزر جاری کردیا۔پی ایس ایل 10 کے آفیشل اینتھم میںایک بار پھر علی ظفر آواز کا جادو جگائیں گے جبکہ مکمل ترانہ جلد ریلیز کیا جائے گا۔ٹیزر میں علی ظفر کو ایکشن والے انداز میں دکھایا گیا ہے۔علی ظفر نے پاکستان سپر لیگ سیزن 10 کا آفیشل ترانہ ریکارڈ کرایا ہے۔علی ظفر کی آواز میں ٹیزر دیکھنے کے بعد مداح آفیشل اینتھم کے جلد ریلیز ہونے کے لیے پرجوش ہیں۔خیال رہے کہ علی ظفر اس سے قبل پی ایس ایل کے پہلے تین سیزن سمیت سیزن 9 کا اینتھم بھی گا چکے ہیں۔پاکستان سپر لیگ سیزن 10 کا آفیشل ترانہ آئندہ چند روز میں ریلیز کیا جائے گا۔

پی ایس ایل 10کے آفیشل ترانہ میں علی ظفر ایک بارپھرآواز کا جادو جگائیں گے

ٹیزر میں علی ظفر کو ایکشن والے انداز میں دکھایا گیا ہے، مکمل ترانہ جلد ریلیز کیا جائے گا

قومی ٹیم کے نوجوان اوپنر حسن نواز نے نیوزی لینڈ کیخلاف سیریز کے پانچویں ٹی20 میچ میں صفر پر آؤٹ ہوکر ناپسندیدہ ریکارڈ اپنے نام کرلیا۔ حسن نواز نیوزی لینڈ کے خلاف پہلے ٹی ٹوئنٹی میچ میں صفر پر آؤٹ ہوئے جبکہ دوسرے ٹی ٹوئنٹی میں بھی کوئی رنز نہ بنا سکے،تیسرے میچ میں تیز ترین سنچری بنا ڈالی۔نوجوان اوپنر چوتھےٹی ٹوئنٹی میچ میں ایک رنز بنا کر پویلین لوٹے جبکہ آخری میچ میں صفر پر آؤٹ ہوئے۔ اس طرح وہ ایک سیریز میں بطور اوپنر تین بار صفر پر آؤٹ ہونے والے کھلاڑی بنے۔ٹی ٹوئنٹی سیریز میں پاکستانی اوپنرز کی جانب سےسب زیادہ صفر پرآؤٹ ہونےوالوں میں حسن نواز پہلےنمبر پر آگئے ہیں وہ پانچ بارصفر پر آؤٹ ہوئے، محمد رضوان چار بار، محمد حفیظ تین بار جبکہ شاہ زیب حسن دو بار صفر پر آؤٹ ہوئے۔

حسن نواز نے صفر پر آؤٹ ہونے کا نا پسندیدہ ریکارڈ اپنے نام کر لیا

ٹی ٹوئنٹی سیریز میں پاکستانی اوپنرز کی جانب سےسب زیادہ صفر پرآؤٹ ہونےوالوں میں حسن نواز پہلےنمبر پر آگئے ہیں

ٹی ٹوئنٹی سیریز کےپانچویں اور آخری میچ میں نیوزی لینڈ نے پاکستان کو 8 وکٹوں سے شکست دے دی۔تفصیلات کے مطابق پاکستان اور نیوزی لینڈ کےدرمیان 5 میچوں پر مشتمل ٹی20 سیریز کا آخری میچ ویلنگٹن میں کھیلا گیا جہاں نیوزی لینڈ نے یکطرفہ مقابلے میں پاکستان کو 8 وکٹوں سے شکست دے کر کامیابی حاصل کرلی اور یوں میزبان ٹیم نے سیریز بھی 1-4 سے اپنے نام کرلی۔قبل ازیں نیوزی لینڈ نے پاکستان کے خلاف ٹاس جیت کر فیلڈنگ کا فیصلہ کیا اورپاکستان کوپہلے بیٹنگ کی دعوت دی قومی ٹیم کی جانب سے اننگز کا آغاز محمد حارث اور حسن نواز نے کیا ہےاوپنرز پاکستان کو جارحانہ آغاز دینے میں ناکام رہے، حسن نواز ایک مرتبہ پھر صفر جبکہ محمد حارث 11 رنز کے مہمان ثابت ہوئے۔دیگر کھلاڑیوں میں عمیر بن یوسف اور عثمان خان 7، 7، عبدالصمد 4، جہانداد خان ایک، سفیان مقیم صفر پر پویلین روانہ ہوئے جبکہ شاداب خان نے 28 اور کپتان سلمان آغا نے 51 رنز کی اننگز کھیلی، ان کے علاوہ کوئی بلے باز خاطر خواہ کارکردگی دکھانے میں کامیاب نہ ہو سکا،قومی ٹیم مقررہ 20 اوورز میں 9 وکٹوں کے نقصان پر 128 رنز بناسکی۔نیوزی لینڈ کی جانب سے جمی نیشم نے 5، جیکب ڈفی نے 2 جبکہ بین سیئرز اور ایش سودھی نے ایک ایک وکٹ حاصل کی۔نیوزی لینڈ نے آسان ہدف کا تعاقب بھی جارحانہ انداز میں کیا اور دونوں کیوی اوپنرز نے پاکستان کے خلاف شاندار اور تیز بیٹنگ کی۔ نیوزی لینڈ نے ہدف محض 2 وکٹوں کے نقصان پر 10ویں اوور میں حاصل کرلیا، اوپنرز نے پہلی وکٹ کی شراکت میں 93 رنز کی پارٹنرشپ قائم کی تاہم فن ایلن 27 رنز بناکر وکٹ گنوابیٹھے، بعدازاں مارک چیمپمین بھی 3 رنز کے مہمان ثابت ہوئے۔میچ کے ہیرو ٹم سیفرٹ 93 رنز کی اننگز کھیلی جس میں 10 چھکے اور 4 چوکے شامل تھے۔ پاکستان کی جانب سے سفیان مقیم نے 2 وکٹیں حاصل کیں۔

پانچواں ٹی 20، نیوزی لینڈ نےباآسانی پاکستان کو 8 وکٹوں سے ہرا کرسیریز جیت لی

نیوزی لینڈ نے 129رنزکاہدف 10ویں اوور میں حاصل کرکے سیریز 1-4 سے اپنےنام کرلی

پاکستان کے سپیس اینڈ اپر ایٹموسفیئر ریسرچ کمیشن (سپارکو) نے بھی شوال کے چاند کی رویت سے متعلق پیش گوئی کردی۔سپارکو کی جانب سے جاری اعلامیے کے مطابق رمضان کا مہینہ 29 دن کا ہونے کی توقع ہے جبکہ عید الفطر 31 مارچ کو ہو گی۔سپارکو کے اعلامیے میں بتایا گیا ہے کہ شوال کا نیا چاند 29 مارچ کو دوپہر 3 بج کر 58 منٹ پر تشکیل پائے گا اور 30 مارچ کو غروب آفتاب کے وقت چاند کی عمر تقریباً 27 گھنٹے ہو گی۔اعلامیے کے مطابق 30 مارچ کو چاند اور سورج کا زاویائی فاصلہ تقریباً 16 ڈگری اور غروب آفتاب کے وقت چاند کی بلندی تقریباً 14 ڈگری ہو گی لہٰذا 30 مارچ کو چاند انسانی آنکھ سے آسانی سے نظر آئے گا تاہم عیدالفطر کی حتمی رویت کا فیصلہ رویت ہلال کمیٹی کی ذمہ داری ہے۔ دوسری جانب سپارکو  کے اعلامیے میں یہ بھی بتایاگیا ہے کہ سعودی عرب میں 29 مارچ کو چاند نظر آنے کے امکانات نہ ہونے کے برابر ہیں، مکہ میں غروبِ آفتاب کے وقت چاند کی عمر تقریباً 5 گھنٹے ہوگی۔اعلامیے میں مزید بتایا گیا ہے کہ سعودی عرب اور مشرقِ وسطیٰ میں ہلال 30 مارچ کو نظر آئے گا اسی طرح سعودی عرب میں بھی عید الفطر 31 مارچ 2025 کو منائی جائے گی۔

پاکستان عید الفطر کس دن ہوگی؟ سپارکو نے بھی شوال کے چاند کی پیشگوئی کردی

ملک میں شوال کے چاند کی رویت کے حوالے سے حتمی اعلان رویت ہلال کمیٹی کرے گی

مشہور یوٹیوبر رجب بٹ کے خلاف پیکا ایکٹ اور توہین مذہب کے قانون کے تحت مقدمہ درج کر لیا گیا ہے۔ تاہم انہوں نے کہا ہے کہ اگر کسی کے مذہبی جذبات مجروح ہوئے ہیں، تو وہ معذرت خواہ ہیں اور ان کا مقصد کسی کی دل آزاری ہر گز نہیں تھا۔ تفصیلات کے مطابق یوٹیوبر رجب بٹ پہلے بھی کئی بار مختلف تنازعات کا شکار رہے ہیں، اس سے قبل شیر کا بچہ رکھنے کے جرم میں ان کے خلاف مقدمہ درج کیا گیا تھا اور انہیں گرفتار بھی کیا گیا تھا۔رجٹ بٹ کی ایک حالیہ ویڈیو میں انہوں نے اپنے خلاف پچھلی دفعات کے نام پر نیا پرفیوم ’295‘ لانچ کرنے کا اعلان کیا تھا، تاہم بعدازاں اس ویڈیو کو سوشل میڈیا اکاؤنٹس سے ڈیلیٹ کردیا گیا تھا۔پرفیوم کے نام پر سوشل میڈیا پر تنقید کی گئی کیوں کہ اس میں پاکستان پینل کوڈ (پی پی سی) میں توہین مذہب کے قانون کا حوالہ دیا گیا ہے۔اس معاملے پر رجب بٹ کے خلاف ایک شہری کی درخواست پر لاہور کے تھانہ نشتر ٹاؤن میں مقدمہ درج کیا گیا تھا، جس میں پیکا ایکٹ اور توہین مذہب کی دفعات شامل کی گئی تھیں۔تاہم پولیس کے مطابق رجب بٹ ان دنوں عمرے کی ادائیگی کے لیے سعودی عرب میں ہیں اس لیے انہیں ابھی تک گرفتار نہیں کیا جا سکا ہے۔شدید ردعمل، فتوے اور ایف آئی آر درج ہونے کے بعد رجب بٹ نے ایک ویڈیو پیغام میں قرآن پر ہاتھ رکھ کر معافی مانگتے ہوئے اپنے نئے پرفیوم کے نام پر معافی مانگی تھی اور اس کی فروخت بند کرنے کا اعلان کیا تھا۔اب رجب بٹ نے خانہ کعبہ کے صحن میں اللہ کو گواہ بنا کر اپنے بیان کی وضاحت دیتے ہوئے معافی مانگ لی۔رجب بٹ نے مسجد الحرام کے مطاف میں حالت احرام میں کھڑے ہوکر اپنی ایک ویڈیو ریکارڈ کروائی اور پھر اُسے سوشل میڈیا پر شیئر کردیا۔انہوں نے اپنی بات کے آغاز پر درود پاک اور پھر کلمہ پڑھا، اس کے بعد کہا کہ میرا مال، جان، والدین، اولاد اور خون کا ایک ایک قطرہ نبی پاک ﷺ پر قربان ہے۔رجب بٹ نے کہا کہ ’سوشل میڈیا پر میرے حوالے سے جو مسئلے مسائل چل رہے ہیں میں اس پاک جگہ پر حلف لے کر کہتا ہوں کہ میں نے کچھ بھی جان بوجھ کر نہیں کیا۔انہوں نے کہا کہ مجھ سے جو کچھ بھی لاعلمی میں ہوا اس کے لیے پہلے بھی معذرت کی اور ایک بار پھر ہاتھ جوڑ کر معذرت کرتا ہوں اور اپیل ہے کہ اپنے دلوں کو میرے لیے صاف کرلیں۔رجب بٹ نے علما کرام، پنجاب حکومت اور پاک فوج سے اپیل کی کہ اُن کے خلاف درج پیکا ایکٹ کے مقدمے پر نذر ثانی کر کے انصاف دلوایا جائے۔یوٹیوبر نے مزید کہا کہ ’جو دفعہ 295 مجھ پر لگائی جارہی ہے اُس کے بارے میں اپنے وی لاگ میں بتایا تھا کہ وہ جھوٹی ہے لیکن جھوٹا لفظ کاٹ کر 295 دفعہ کے حوالے سے فتویٰ دے دیا گیا۔رجب بٹ نے ویڈیو کے آخر میں کہا کہ میں ایک بار پھر اللہ، اس کے رسول اور تمام مسلمانوں سے معذرت کرتا ہوں۔

معروف یو ٹیوبررجب بٹ نےخانہ کعبہ کے سامنے کھڑے ہوکر معافی مانگ لی

علمائے کرام، حکومت پنجابِ اور پاک فوج سے اپیل ہے کہ مجھے انصاف دلوائیں، یوٹیوبر رجب بٹ

نیوزی لینڈ کے خلاف پاکستان کی بیٹنگ جاری ،قومی ٹیم ایک بار پھر مشکلات کا شکارہے،نیوزی لینڈ کیخلاف سیریز کے پانچویں اور آخری ٹی20 میچ میں پاکستان کی 5 وکٹیں محض 54 رنز پر گرگئیں۔تفصیلات کے مطابق پاکستان اورنیوزی لینڈکے درمیان ٹی ٹوئنٹی سیریز کےپانچویں اور آخری میچ میں نیوزی لینڈ نے پاکستان کے خلاف ٹاس جیت کر فیلڈنگ کا فیصلہ کیا ہے۔ دونوں ٹیموں کے درمیان آخری ٹی 20 میچ ویلنگٹن ریجنل اسٹیڈیم میں کھیلا جا رہا ہے، میزبان نیوزی لینڈ کو سیریز میں تین ایک کی فیصلہ کن برتری حاصل ہے۔نیوزی لینڈ کے کپتان مائیکل بریسویل نے ٹاس کے موقع پر گفتگو کرتے ہوئے کہا ہے کہ میچ میں فتح کیساتھ سیریز کا اختتام کرنا چاہتے ہیں۔اس موقع پر قومی ٹیم کے کپتان سلمان آغا نے کہا کہ ٹیم میں 5 تبدیلیاں کی گئی ہیں، نئے لڑکوں کو موقع دینے کی کوشش کر رہے ہیں، کوشش ہو گی میچ میں فتح حاصل کریں اور پھر ون ڈے سیریز جیتیں۔ٹیم سے فاسٹ باؤلر شاہین شاہ آفریدی، ابرار احمد، عرفان خان نیازی، خوشدل شاہ اور عباس آفریدی کو ڈراپ کیا گیا ہے جبکہ قومی ٹیم میں عمیر بن یوسف، عثمان خان، جہانداد خان، سفیان مقیم اور محمد علی کو شامل کیا گیا ہے۔

پانچواں ٹی 20، نیوزی لینڈ کا پاکستان کیخلاف ٹاس جیت کر پہلے فیلڈنگ کرنے کا فیصلہ

قومی ٹیم میں شاہین آفریدی، خوشدل شاہ اور ابرار احمد کی جگہ، عمیر بن یوسف، سفیان مقیم اور عثمان خان کوکھیلایا گیا ہے

پاکستان اور آئی ایم ایف کے درمیان مذاکرات کامیاب ہو گئے جس کے بعد پاکستان اور آئی ایم ایف کے درمیان پہلے جائزے کیلئے اسٹاف لیول معاہدہ طے پا گیا ہے،اقتصادی جائزے کے تحت پاکستان کو بورڈ کی منظوری سے1 ارب ڈالر کی اگلی قسط ملے گی۔آئی ایم ایف کےمطابق کلائمیٹ فنانسنگ کا بھی 1.3  ارب ڈالر کا معائدہ ہوگیا،کلائمیٹ فنانسنگ کا نیا معاہدہ 28 ماہ پرمحیط ہے، پاکستان کو مجوعی طور پر 2.3 ارب ڈالر ملیں گے،آئی ایم ایف نے باقاعدہ اعلامیہ جاری کر دیا۔آئی ایم کے مطابق آئی ایم ایف کی ٹیم کی قیادت نیتھن پورٹر نے کی، معاہدے کی حتمی منظوری آئی ایم ایف کا بورڈ دے گا۔اعلامیہ کے مطابق منظوری کی صورت میں پاکستان کو توسیعی فنڈ فیسیلیٹی کے تحت ایک ارب ڈالر فراہم کیے جائیں گے۔پاکستان کو موسمیاتی تبدیلی اور آفات سے نمٹنے کے لیے 28 ماہ کی ارینجمنٹ کے تحت 1.3 ارب ڈالر ملیں گے، پرو گرام کے تحت مجموعی قرض کی رقم 2 ارب ڈالر ہوجائے گی، یہ توسیعی فنڈ فیسیلیٹی ارینجمنٹ 37 ماہ کے لیے ہو گا۔آئی ایم ایف اعلامیہ میں کہا گیا کہ پاکستانی معیشت نے عالمی اعتماد بحال کیا، پاکستان کی معیشت مستحکم ہوئی، گزشتہ 18 ماہ میں معاشی نظم و ضبط نظر آیا۔ پاکستان اور انٹرنیشنل مانیٹری فنڈ کے درمیان موسمیاتی تبدیلیوں سے نمٹنے کیلئے بھی قرض معاہدہ طے ہوا ہے۔آئی ایم ایف ایگزیکٹیو بورڈ سے منظوری کے بعد موسمیاتی تبدیلی کے لیے پاکستان کو 1.3 ارب ڈالرز ملیں گے۔ ایکسٹنڈڈ فنڈ فیسلیٹی قرض پروگرام کے تحت پاکستان کو 1 ارب ڈالرملیں گے، موسمیاتی تبدیلی اور ای ایف ایف کی قسط ملا کر پاکستان کو 2 ارب ڈالر ملیں گے۔آئی ایم ایف کی جانب سے کہا گیا ہے کہ پاکستان میں افراط زر 2015 کے بعد سے کم ترین سطح پر ہے، 18 ماہ کے دوران پاکستان نے چیلنجز کے باوجود میکرو اکنامک استحکام کی بحالی میں پیش رفت کی۔آئی ایم ایف نے کہا ہے کہ پاکستان میں اقتصادی صورتحال بہتر ہوئی ہے، اقتصادی سرگرمیاں بتدریج بڑھنے کاامکان ہے البتہ پاکستان کو ماحولیات سے متعلق خطرات کا تاحال سامنا ہے۔آئی ایم ایف کی جانب سے یہ بھی کہا گیا ہے کہ سخت مانیٹری پالیسی کے باعث مہنگائی کی شرح کو کنٹرول کیا جا سکے گا، پاکستان کو سماجی تحفظ، تعلیم اور صحت کے شعبے کا بجٹ بڑھانا ہو گا، پاکستان کو پانی کے استعمال کو مؤثر اور بہتر بنانے کی ضرورت ہے۔عالمی مالیاتی فنڈ کے اعلامیہ میں مزید کہا گیا ہے کہ بینظیرانکم سپورٹ پروگرام کے اہداف حاصل کئے گئے، یکم جولائی 2025 سے زرعی آمدن پر انکم ٹیکس کی وصولی یقینی بنانا ہو گی۔عالمی مالیاتی فنڈ نے اعلامیہ میں مزید کہا ہے کہ اصلاحات پر عمل درآمد اور پاکستان کے سماجی تحفظ کو فروغ دینے کیلئے پر عزم ہیں، قدرتی آفات کے خلاف پاکستان کی مدد کریں گے، موسمیاتی تبدیلی سے نمٹنے کیلئے بجٹ اور سرمایہ کاری بڑھانے کیلئے حمایت جاری رکھیں گے۔آئی ایم ایف کی جانب سے جاری کیے گئے اعلامیہ میں یہ بھی کہا گیا ہے کہ توانائی کے شعبے کی اصلاحات کیلئے بھی پاکستان کی کوششوں کی حمایت کریں گے۔ اعلامیہ کے مطابق یہ معاہدہ پاکستان کے لیے ایک اہم پیش رفت ہے جس کے تحت نہ صرف معیشت کی بحالی کو ممکن بنایا جا سکتا ہے بلکہ مستقبل میں مالیاتی خودمختاری کے اہداف بھی حاصل کیے جا سکیں گے۔عالمی مالیاتی فنڈ کی جانب سے اعلامیہ میں کہا گیا ہے کہ قرض پروگرام پر عملدرآمد سے توانائی کے نرخوں میں کمی آ سکے گی، موسمیاتی تبدیلیوں کے اثرات سے بچنے کیلئے نیا قرض پروگرام معاون ثابت ہو گا۔

مذاکرات کامیاب، پاکستان اور آئی ایم ایف کے درمیان اسٹاف لیول معاہدہ طے پاگیا

پاکستان کو مجوعی طور پر 2.3ارب ڈالر ملیں گے،آئی ایم ایف نے باقاعدہ اعلامیہ جاری کر دیا

اسلام آباد(این این آئی)حکومت نے پاکستانی صحافیوں کے اسرائیل جانے سے متعلق رپورٹس کا نوٹس لے لیا۔دفتر خارجہ کے ترجمان نے میڈیا بریفنگ کے دوران پاکستانی صحافیوں کے دورہ اسرائیل سے متعلق سوالات پر جواب دیتے ہوئے کہا کہ حکومت پاکستان نے پاکستانی صحافیوں کے اسرائیل جانے سے متعلق رپورٹس کا نوٹس لیا ہے۔ترجمان نے کہا کہ پاکستانی پاسپورٹ پر واضح طور پر درج ہے کہ یہ اسرائیل کے سفر کیلئے کارآمد نہیں، لہٰذا، موجودہ قوانین کے تحت ایسا کوئی دورہ ممکن نہیں اور نہ ہی پاکستان کا اسرائیل کے حوالے سے کوئی موقف تبدیل ہوا ہے۔انہوں نے کہاکہ پاکستان اسرائیل کو تسلیم نہیں کرتا اور فلسطینی عوام کے جائز حقوق، بشمول 1967سے پہلے کی سرحدوں پر مشتمل ایک آزاد اور خودمختار فلسطینی ریاست کے قیام، جس کا دارالحکومت القدس الشریف ہو، کی مکمل حمایت کرتا ہے۔دفتر خارجہ کے ترجمان نے کہا کہ پاکستان فلسطینی عوام کی امنگوں اور اقوامِ متحدہ کی متعلقہ قراردادوں کے مطابق فلسطین کے مسئلے کے منصفانہ اور پرامن حل کیلئے اپنے غیر متزلزل عزم کا اعادہ کرتا ہے۔

حکومت نے پاکستانی صحافیوں کے دورہ اسرائیل سے متعلق نوٹس لے لیا

قوانین کے تحت ایسا کوئی دورہ ممکن ہے نہ ہی پاکستان کا اسرائیل کے حوالے سے کوئی موقف تبدیل ہوا ہے،ترجمان دفتر خارجہ

ایشیا میں ایک ارب سے زائد افراد بینکنگ سہولت سے محروم ہیں، پاکستان میں بھی ایک بڑی تعداد بینکنگ سہولت سے محروم ہے پاکستان میں 21 فیصد افراد کے پاس بینک اکاؤنٹ یا موبائل منی تک رسائی ہے لیکن بہت سے لوگ مالی لین دین کے لیے غیر رسمی نیٹ ورکس پر انحصار کرتے ہیں۔ ایشیائی ترقیاتی بینک نے کہا ہے کہ پاکستان میں ایک بڑی تعداد بینکنگ کی سہولیات سے محروم ہے۔ایشیائی ترقیاتی بینک نے پاکستان میں فنانشل سروسز سے متعلق رپورٹ جاری کر دی۔ جس میں دعویٰ کیا گیا ہے کہ پاکستان میں ایک بڑی تعداد بینکنگ سہولت سے محروم ہے۔رپورٹ کے مطابق ترقی پذیر ایشیا میں ایک ارب سے زائد افراد بینکنگ سہولیات سے محروم ہیں۔ پاکستان کی 24 کروڑ 10 لاکھ کی آبادی 60 فیصد بالغ افراد پر مشتمل ہے۔ لیکن ملک میں 9 کروڑ 10 لاکھ انفرادی مالیاتی اداروں کے اکاؤنٹس موجود ہیں۔رپورٹ میںکہا گیا کہ بالغ آبادی کی بڑی تعداد کو رسمی مالیاتی خدمات تک رسائی حاصل نہیں۔ تاہم 15 سال میں پاکستان میں مالیاتی خدمات تیزی سے ترقی کر رہی ہیں۔ مالیاتی اداروں میں اکاؤنٹس کی تعداد 2019 سے 2024 تک 127 فیصد بڑھ چکی ہے۔رپورٹ میں بتایا گیا کہ مالیاتی اخراج خواتین پر مردوں کے مقابلے میں زیادہ اثرانداز ہوتا ہے۔ لیکن خواتین کے لیے بینکنگ سہولتوں تک رسائی مردوں کے مقابلے میں نصف ہے۔رپورٹ کے مطابق پاکستان میں صرف اکیس فیصد بالغ افراد کے پاس بینک اکاؤنٹ یا موبائل منی اکاؤنٹ موجود ہے جبکہ بہت سے لوگ مالی لین دین کے لیے غیر رسمی نیٹ ورکس پر انحصار کرتے ہیں۔ایشیائی ترقیاتی بینک کی رپورٹ کے مطابق ڈیجیٹل فنانس اس خلا کو پُر کرنے کا ایک بڑا موقع فراہم کرتا ہے۔ ڈیجیٹل فنانس تیز، محفوظ اور زیادہ قابل رسائی لین دین ممکن بناتا ہے۔

پاکستان میں ایک بڑی تعداد بینکنگ سہولت سے محروم ہے،اے ڈی بی کی رپورٹ

صرف 21 فیصد افراد کے پاس بینک اکاؤنٹ یا موبائل منی اکاؤنٹ موجود ہے، ایشیائی ترقیاتی بینک

The IND vs SL 2nd ODI ended up with Sri Lanka scoring a much needed victory for their side.

IND vs SL   Sri Lankas Victory Drought Against India Ends

On 4th August, Sunday, Sri Lanka scored their 1st ODI victory against India in three years.&nbsp;

The ongoing <a href="https://www.tapmad.com/blog/ind-vs-sl-odi-where-to-watch-live-streaming-live-telecast-full-schedule/385-2-0">IND vs SL</a> series was set to have three T20I and three ODI matches between the two Asian sides.&nbsp;

India did a clean sweep of the <a href="https://www.tapmad.com/blog/ind-vs-sl-3rd-t20-live-streaming-match-timing-match-venue/380-2-0">India vs Sri Lanka T20I</a> series. As far as the ODIs are concerned, the Men in Blue led by Rohit Sharma were sure of winning them as well, but what ensued was a big surprise for all.&nbsp;

The 1st ODI between India and Sri Lanka was played on 2nd August, Friday, and ended in a tie. The hosts won the toss, decided to bat first, and posted a total of 230 for the loss of 8 wickets.&nbsp;

Dunith Wellalage and Pathum Nissanka were the highest scoring batsmen from the Lankan batting lineup.&nbsp;

Surprisingly, India&rsquo;s mighty and experienced batting lineup collapsed in front of a relatively young Sri Lankan team.&nbsp;

Only the captain Rohit Sharma managed to score a half century, all other batsmen including Kohli, Gill, and Rahul, could only make 24, 16, and 31.&nbsp;

Hasaranga and Asalanka took 3 wickets each and the end result was Indian getting all out for 230 in 47.5 overs.

In the second <a href="https://www.tapmad.com/blog/ind-vs-sl-live-score-update-results-live-cricket-match-today/381-2-0">IND vs SL</a> ODI, the host won the toss once again and chose to bat first. Because the pitch was more in favor of the spinners, SL scored a total of 240 for the loss of 9 wickets.&nbsp;

When it was India&rsquo;s turn to chase, Rohit Sharma got off to a great start with a blazing half century.&nbsp;

India looked way ahead of Sri Lanka in the beginning as they were 97-0, but Jeffrey Vandersay&rsquo;s six-for sent half of the Indian squad back to the dugout before they even reached 140.&nbsp;

The Men in Blue slipped from 97 for 0 to 147 for 6 with Vandersay ripping through the top half. Sri Lanka chased their first win of this white-ball tour by India.&nbsp;

A remarkable bowling spell by Jeffrey Vandersay helped Sri Lanka beat India by 32 runs on their home ground.&nbsp;

Beating a team that is as experienced as India would surely mean a lot to the Lankan Tigers.&nbsp;

Whoever wins the 3rd and final ODI will be called the winner of the series.&nbsp;

Watch IND vs SL <a href="https://www.tapmad.com/watch/ind-vs-sl-live/011521">3rd ODI live</a> streaming in HD and ad-free on tapmad.&nbsp;

IND vs SL - Sri Lanka’s Victory Drought Against India Ends

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan