Cricket

Entertainment

Football

پاکستان میں عید کا چاند نظر آگیا ہے، کل ملک بھر میں روایتی جوش و خروش سے عید منائی جائیگی۔تفصیلات کے مطابق اسلام آباد اور لاہور سمیت ملک کے مختلف حصوں میں شوال کا چاند نظر آگیا ہے، مرکزی رویت ہلال کمیٹی کی جانب سے چاند نظر آنے کا اعلان کردیا گیا ہے۔وفاقی دارالحکومت اسلام آباد میں مرکزی رویت ہلال کمیٹی کا اجلاس مولاناعبدالخبیر کی زیر صدارت ہوا جس کے دوران ملک بھر سے شہادتیں موصول ہونے اور پھر تصدیق کا عمل مکمل ہونے پر شوال کا چاند نظر آنے کا باضابطہ اعلان کر دیا گیا ہے ۔رویت ہلال کمیٹی کے چیئرمین نے بتایا کہ اسلام آباد، لاہور، شیخوپور، گوجرانوالہ سمیت مختلف شہروں سے چاند نظر آنے کی شہادتیں موصول ہوئیں۔انہوں نے کہا کہ چاند کی شہادتیں موصول ہونے کے بعد اتفاق رائے سے فیصلہ کیا گیا ہے کہ پاکستان میں عید الفطر 31 مارچ بروز پیر کو ہوگی۔

شوال کا چاند نظر آگیا، ملک بھر میں کل عیدالفطر منائی جائے گی

پاکستان میں عید الفطر 31 مارچ کل بروز پیر کو ہوگی،چیئرمرکزی رویت ہلال کمیٹی مولانا عبدالخبیر آزاد

معروف اداکارہ ماہرہ خان اپنوں کے ساتھ عید منانے کے لیے ریلوے اسٹیشن پہنچ گئیں، وہاں انہوں نے ہوبہو صحافی چاند نواب کی نقل کی۔پاکستان کی معروف اداکارہ ماہرہ خان نے صحافی چاند نواب کی 2008 میں وائرل ہونے والی عید رپورٹنگ کی نقل کرتے ہوئے ایک دلچسپ ویڈیو شیئر کی ہے۔گزشتہ روز ماہرہ نے انسٹاگرام پر ایک ریل پوسٹ کی، جس میں وہ چاند نواب کی مشہور ریلوے اسٹیشن پر عید کے حوالے سے کی گئی رپورٹنگ کو دوبارہ پیش کر رہی ہیں۔اداکارہ نے ریلوے اسٹیشن پہنچ اپنے شہر عید منانے جانے والوں کا حال بتایا جس کی ویڈیو سوشل میڈیا پر وائرل ہوگئی۔ماہرہ خان نے چاند نواب کے مشہور کلپ ’’کراچی سے لوگ اندرون ملک اپنوں میں عید منانے کے لیے جارہے ہیں کیمرہ مین کامی یوسف کے ساتھ چاند نواب‘‘ کی پرمزاح انداز میں پیروڈی کی۔چاند نواب کی اس وائرل کلپ اور ان کے کردار کو بالی ووڈ فلم بجرنگی بھائی جان میں بھی استعمال کیا گیا تھا جبکہ اداکار نوازالدین صدیقی نے پاکستانی صحافی کا کردار بڑی خوبی سے نبھایا تھا۔

اداکارہ ماہرہ خان عیدالفطر کی آمد کے پیش نظر مشہور و معروف رپورٹر چاند نواب بن گئیں

ماہرہ خان نے اپنے انسٹاگرام پر ایک ویڈیو پوسٹ کی جس میں وہ چاند نواز کی آواز پر اداکاری کرتی دکھائی دیں

شہر قائد کے باسی داؤدی بوہرہ جماعت آج عید الفطر مذہبی جوش و جذبے سے منا رہی ہے۔نماز عید کے اجتماعات میں ملک و قوم کی بقا، سالمیت، امن و امان کے لیے خصوصی دعائیں کی گئیں۔عید الفطر کا سب سے بڑا اجتماع کراچی کے صدر کی طاہری مسجد میں منعقد ہوا، جہاں بڑی تعداد میں بوہری جماعت سے تعلق رکھنے والے افراد نے نماز عید ادا کی۔اس کے علاوہ پان منڈی، سولجر بازار، بلوچ کالونی، نارتھ ناظم آباد اور حیدری میں بھی نماز عید کے اجتماعات منعقد ہوئے، جہاں داؤدی بوہرہ جماعت کے افراد نے ایک دوسرے کے ساتھ خوشیاں بانٹیں۔نماز عید کے اجتماعات میں ملک و قوم کی بقا، سالمیت، امن و امان کیلئے خصوصی دعائیں کی گئیں۔کراچی میں مختلف مقامات پر ہونیوالے نماز عید کے اجتماعات میں دہشتگردی کے خاتمے، ملک کی ترقی و خوشحالی کیلئے بھی دعائیں مانگی گئیں۔بوہری برادری کے افراد نے نمازِ عید کی ادائیگی کے بعد ایک دوسرے کو عید کی مبارک باد دی۔بوہری برادری کے نمازِ عید کے اجتماع کے موقع پر سیکیورٹی کے سخت انتظامات کیے گئے تھے۔

کراچی، بوہرہ برادری آج عید الفطر مذہبی جوش و جذبے سے منا رہی ہے

نماز عید کے اجتماعات میں ملک و قوم کی بقا، سالمیت، امن و امان کیلئے خصوصی دعائیں

سعودی عرب اورمتحدہ عرب اماارات سمیت کئی خلیجی ریاستوں میں آج عید الفطر مذہبی جوش و جذبے سے منائی جا رہی ہے،مسجدالحرام، مسجد نبوی ﷺ اور مسجد اقصیٰ میں نماز عید کے بڑے اور روح پرور اجتماعات ہوئے جس میں لاکھوں افراد نے شرکت کی۔مسجد الحرام میں امام کعبہ الشیخ عبدالرحمان السدیس نماز عید کا خطبہ اور امامت کرائی جبکہ مسجد نبویﷺ میں امام شیخ عبداللہ نے عیدالفطر کی نماز پڑھائی۔خادم حرمین شریفین شاہ سلمان نے عیدالفطر کے موقع پر ملت اسلامیہ کو مبارک باد دی اور کہا کہ اللّٰہ کے شکر گزار ہیں کہ رمضان میں لاکھوں عمرہ زائرین کی خدمت کا موقع ملا، زائرین کی خدمت کرنے کیلئے مختلف شعبوں سے وابستہ افراد کی کوششوں کو سراہتے ہیں۔دبئی، قطر، بحرین، کویت، ترکیہ، روس میں بھی آج عید منائی جا رہی ہے، دبئی کے علاقے القصص میں 15 ہزار افراد نے عیدالفطر کی نماز ادا کی جس میں خواتین اور بچوں نے بھی شرکت کی، ابوظہبی، شارجہ اور دیگر ریاستوں میں بھی عید کے اجتماعات ہوئے۔دوسری جانب اسرائیل کے ظلم اور بربریت کے شکار فلسطین میں بھی عیدالفطر آج منائی جارہی ہے، بے گھر فلسطینی مسلمان کھلے آسمان تلے، خوراک کی شدید قلت اور بے پناہ مسائل کے دوران عیدالفطر منا رہے ہیں، مسجد اقصیٰ میں نماز عیدالفطر کا اجتماع ہوا، جس میں ہزاروں مسلمانوں نے شرکت کی، نماز کی ادائیگی کے بعد دعا بھی کروائی گئی۔ادھربرطانیہ میں مسلمان کمونیٹی اس سال بھی منقسم ہوگئی، لندن سمیت برطانیہ کے کچھ شہروں میں بعض مسلم کمیونٹی آج عید منارہی ہے۔برمنگھم ،مانچسٹر اور بریڈفورڈ میں بعض مسلم کمیونٹی کل عید منائے گی، عمان ،بھارت ،بنگلادیش ،انڈونیشیا اور ملائیشیا میں عید کل منائی جائے گی۔

سعودی عرب، یو اے ای سمیت خلیجی ممالک میں عیدالفطر آج منائی جا رہی ہے

مسجد الحرام میں امام کعبہ الشیخ عبدالرحمان السدیس، مسجد نبویﷺ میں امام شیخ عبداللہ نے نماز پڑھائی

پاکستان میں شوال کا چاند دیکھنے کے لیے مرکزی رویت ہلال کمیٹی کا اجلاس آج ہوگا جبکہ محکمہ موسمیات نے عیدالفطر کا چاند آج نظر آنے کی پیشگوئی کردی۔تفصیلات کے مطابق چیئرمین مرکزی رویت ہلال کمیٹی مولاناعبدالخبیرآزاداسلام آباد میں اجلاس کی صدارت کریں گے، کراچی، لاہور، کوئٹہ اور پشاور میں زونل کمیٹیوں کے اجلاس منعقد ہوں گے، چاند کے بارے میں حتمی فیصلہ چیئرمین رویت ہلال کمیٹی کریں گے۔ریسرچ رویت ہلال کونسل کے مطابق شوال کا چاند گزشتہ روز 3 بج کر 58 منٹ پر تشکیل پایا، غروب آفتاب کے وقت چاند کی عمر تقریباً 27 گھنٹے ہوگی، آج پاکستان میں شوال کا چاند نظر آنے کا قویٰ امکان ہے، سپارکو حکام کا کا کہنا ہے کہ 30 مارچ کو شوال کا چاند انسانی آنکھ سے با آسانی نظر آئے گا۔جبکہ محکمہ موسمیات کے مطابق کراچی میں آج شوال کا چاند نظر آنے کا قوی امکان ہے، اتوار کو کراچی کا مطلع صاف ہوگا۔یاد رہے کہ وفاقی حکومت نے پیر 31 مارچ سے بدھ 2 اپریل تک عیدالفطر کی چھٹیوں کا اعلان کررکھا ہے۔

پاکستان میں شوال کا چاند دیکھنے کیلئے مرکزی رویت ہلال کمیٹی کا اجلاس آج ہوگا

آج شوال کا چاند نظر آنے کا قوی امکان ہے، اتوار کو کراچی کا مطلع صاف ہوگا،محکمہ موسمیات

سعودی عرب میں شوال کا چاند نظر آگیا، کل 30 مارچ بروز اتوار عید الفطر ہوگی۔عرب میڈیا کی رپورٹ کے مطابق سدیر میں چاند دیکھنے کے لیے مرکزی رویت ہلال کمیٹی کا اجلاس مکہ، مدینہ، دمام سمیت 10 مقامات پر ہوا۔سعودی سپریم کورٹ نے عوام سے شوال کا چاند دیکھنے کی اپیل کی تھی۔سعودی سپریم کورٹ کا کہنا ہے کہ ملکی و غیرملکی شہری بھی چاند کی گواہی دے سکتے ہیں،ادھر متحدہ عرب امارات اور قطر میں بھی شوال کا چاند نظر آگیا ہے اور حکومت کی جانب سے کل عید کا اعلان کیا گیا ہے۔دوسری جانب ایرانی میڈیا کے مطابق ایران میں شوال کا چاند نظر نہیں آیا ، ایران میں عید الفطر پیر 31 مارچ کو ہوگی۔علاوہ ازیں عمان انڈونیشیا، ملائیشیا، اور آسٹریلیا میں  بھی شوال کا چاند نظر نہیں آیا، ان ممالک نے عید 31 مارچ  پیر کو منانے کا اعلان کیا ہے۔ پاکستان میں عید کا چاند کل دیکھا جائے گا۔

سعودی عرب میں شوال کا چاند نظر آ گیا ، کل عیدالفطر منائی جائے گی

متحدہ عرب امارات اور قطر میں بھی شوال کا چاند نظر آگیا ہے اور حکومت کی جانب سے کل عید کا اعلان کیا گیا ہے

واشنگٹن (این این آئی)امریکا کے صدر ڈونلڈ ٹرمپ نے دھمکی دی ہے کہ ایران نے جوہری معاہدہ نہ کیا تو اس کے ساتھ بہت برا ہوگا۔غیرملکی خبررساں ادارے کے مطابق واشنگٹن میں اوول آفس میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا کہ جوہری معاہدہ نہ کیا تو ایران کو سنگین نتائج بھگتنا ہوں گے۔ ایران کے ساتھ بہت برا ہوگا۔صدر ٹرمپ نے کہا کہ میں ایران کے ساتھ برا کرنا نہیں چاہتا تاہم اگر ایران نے جوہری معاہدہ نہ کیا تو اس کے ساتھ برا ہوگا۔ میں نے ایران کو بھیجے گئے خط میں واضح کیا کہ اسے فیصلہ کرنا ہوگا۔ یا تو بیٹھ کر بات کرنا ہوگی یا پھر بہت برا ہوگا۔ میری ترجیح ہے کہ ایران کے ساتھ معاملہ حل کر لیا جائے۔ ایران نہ مانا تو بہت سے بری چیزیں ہوں گی۔ایران نے صدر ٹرمپ کے خط کا جواب دیتے ہوئے امریکا سے براہ راست مذاکرات کو مسترد کردیا ہے۔ ایران کا کہنا ہے کہ امریکا سے بلواسطہ بات چیت ہوسکتی ہے۔

جوہری معاہدہ نہ کیا تو ایران کے ساتھ بہت برا ہوگا، صدر ٹرمپ کی دھمکی

میری ترجیح ہے کہ ایران کے ساتھ ہر حال میں یہ معاملہ حل کرلیا جائے، امریکی صدر

میانمار اور تھائی لینڈ میں آنے والے زلزلے کے نتیجے میں ہلاک ہونے والوں کی تعداد ایک ہزار سے تجاوز کر گئی، جب امدادی کارکنوں نے ملبے کو کھود کر زندہ بچ جانے والوں کی تلاش شروع کر دی ہے۔دوسری جانب تھائی لینڈ کے دارالحکومت بینکاک میں زیرِ تعمیر عمارت کے گرنے سے وہاں کام کرنے والے 100 مزدور لاپتا ہیں۔میانمار کے فوجی رہنماؤں کا کہنا ہے کہ کل آنے والے طاقتور زلزلے میں ملک بھر میں مجموعی طور پر1002افراد ہلاک ہوئے ہیں۔خبر ایجنسی کا بتانا ہے کہ ریسکیو ٹیمیں ملبے میں دبے افراد کو نکالنے میں مصروف ہیں جبکہ امریکی ایجنسی نے زلزلے میں 10 ہزار سے زائد افراد کی ہلاکتوں کا خدشہ ظاہر کیا ہے۔امریکی ماہرین ارضیات کے مطابق یہ ایک صدی سے زائد عرصے میں میانمار میں آنے والا سب سے بڑا زلزلہ تھا اور زلزلے کے جھٹکے اتنے طاقتور تھے کہ زلزلے کے مرکز سے سیکڑوں کلومیٹر دور بینکاک میں عمارتوں کو شدید نقصان پہنچا۔دو ہزار 376 افراد زخمی جبکہ 30 تاحال لاپتا ہے۔ 694 افراد منڈلے، 94 دارالحکومت نیپیئی داو، 30 کیاک سی اور 18 ساگائنگ میں ہلاک ہوئے ہیں۔منڈلے میانمار کا دوسرا سب سے بڑا شہر ہے اور زلزلے سے خاص طور پر متاثر ہوا ہے، یہاں بجلی اور مواصلاتی لائنیں منقطع ہو چکی ہیں اور زندہ بچ جانے والوں کی تلاش جاری ہے۔امریکی جیولوجیکل سروے کے مطابق زلزلے کا مرکز میانمار کے شہر ساگانگ سے 16 کلومیٹر شمال مغرب میں تھا اور اس کی گہرائی 10 کلومیٹر تھی۔ یہ میانمار کے دوسرے سب سے بڑے شہر منڈلے کے قریب ہے، جس کی آبادی قریباً 15 لاکھ ہے اور دارالحکومت نی پی تو سے قریباً 100 کلومیٹر شمال میں ہے۔خیال رہےکہ گزشتہ روز میانمار اور تھائی لینڈ میں طاقتور شدت کا زلزلہ محسوس کیا گیا تھا، امریکی جیولوجیکل سروے کے مطابق زلزلے کی شدت 7.7 اور اس کی گہرائی 10 کلومیٹر تھی، زلزلے کا مرکز میانمار کے شہر منڈالے سے 17.2 کلومیٹر کے فاصلے پر تھا۔

میانمار اور تھائی لینڈ میں زلزلے سے ہلاکتیں ایک ہزار سے تجاوز، سیکڑوں تاحال لاپتہ

ہلاکتوں میں بڑے پیمانے پر اضافے کا خدشہ، ، سیکڑوں کلومیٹر دور بنکاک کی عمارتیں بھی لرزتی رہیں، امریکی ماہرین ارضیات

بلوچستان کے ضلع مستونگ میں لک پاس کے مقام پر بی این پی مینگل کے سربراہ سردار اختر مینگل کے دھرنے کے قریب خودکش دھماکا ہوا ہے۔پولیس کے مطابق تلاشی لینے کے دوران مشکوک شخص نے خود کو دھماکے سے اڑا دیا۔دھماکے کی زوردار آواز دور دراز کے علاقوں میں بھی سنی گئی۔نجی ٹی وی کے مطابق کوئٹہ کے لک پاس کے مقام پر بلوچستان نیشنل پارٹی (بی این پی مینگل) کے دھرنے کے قریب خود کش حملہ آور نے خود کو دھماکے سے اڑا دیا، اختر مینگل اور دیگر رہنما محفوظ رہے۔ رپورٹ کے مطابق لیویز ذرائع نے دعویٰ کیا کہ دھماکے میں کوئی جانی نقصان نہیں ہوا، دھماکہ بی این پی کے جاری دھرنے کے مقام سے کچھ  فاصلے پر ہوا۔ذرائع کے مطابق دھماکا میں بی این پی قیادت اور کارکنا ن محفوظ رہے۔ترجمان بلوچستان حکومت شاہد رند نے کہا ہے کہ بلوچستان حکومت واقعے کی مکمل چھان بین کر رہی ہے، لک پاس خودکش دھماکے کے مقام سے قریب بلوچستان نیشنل پارٹی کا دھرنا جاری تھا، سردار اختر مینگل اور بی این پی کی تمام سیاسی قیادت اور شرکاء محفوظ ہیں۔ترجمان حکومت بلوچستان کے مطابق مبینہ خودکش حملہ آور نے خود کو دھماکے سے اڑایا، سردار اختر مینگل اور ان کی قیادت حملے میں محفوظ رہی، سردار اختر مینگل اور ان کی جماعت سے اپیل ہے کہ حکومت سے تعاون کریں۔شاہد رند نے کہا ہے کہ صوبائی حکومت ڈائیلاگ کے لیے تیار ہے، لک پاس کے قریب گزشتہ روز دھرنا روکا گیا تھا، لک پاس کے قریب حکومت اور سردار اختر مینگل کی جماعت کا رابطہ ہوا، آج بھی سردار اختر مینگل سے حکومتی کمیٹی رابطے میں ہے۔ترجمان نے کہا کہ بلوچستان حکومت گزشتہ رات سے بی این پی کی قیادت کے ساتھ رابطے میں ہے، بی این پی کے وفد کی گزشتہ رات انتظامیہ سے ملاقات ہوئی، آج حکومتی وفد نے سردار اختر مینگل سے ملاقات پر اتفاق کیا ہے۔یاد رہے کہ بلوچستان نیشنل پارٹی (مینگل) کے سربراہ سردار اختر مینگل نے بلوچ یک جہتی کمیٹی کے کارکنان کی گرفتاری کے خلاف اور درج مقدمات کے خاتمے کے لیے وڈھ سے کوئٹہ تک لانگ مارچ کا اعلان کیا گیا تھا۔ جمعہ کے روز بی این پی مینگل کی جانب سے لانگ مارچ کا آغاز کیا گیا جو خضدار، قلات، منگوچر، کھڈ کوچہ اور مستونگ سے ہوتے ہوئے لکپاس کے مقام تک پہنچ چکا ہے۔

بلوچستان، بی این پی دھرنے کے قریب خودکش دھماکا، اختر مینگل و دیگر رہنما محفوظ

دھماکے میں کوئی جانی نقصان نہیں ہوا، دھماکا بی این پی کے جاری دھرنے کے مقام سے کچھ  فاصلے پر ہوا

عید سے پہلے عوام کے لیے حکومت کی جانب سے پٹرولیم مصنوعات کی قیمتوں میں کمی کر دی گئی۔حکومت نے اگلے 15 روز کیلئے پیٹرولیم مصنوعات کی نئی قیمتوں کا اعلان، نوٹیفکیشن بھی جاری کردیا گیا۔وزارت خزانہ کی جانب سے جاری کردہ نوٹیفکیشن کے مطابق پیٹرول کی قیمت میں ایک روپیہ فی لیٹر کمی کر دی گئی جبکہ ہائی اسپیڈ ڈیزل کی قیمتیں برقرار رکھنے کا فیصلہ کیا گیا ہے۔ وزارت خزانہ نے پیٹرول کی قیمت میں کمی کا نوٹیفکیشن جاری کر دیا، جس کے مطابق ایک روپیہ فی لیٹر کمی کے بعد پیٹرول کی نئی قیمت 254 روپے 63 پیسے فی لیٹر مقرر کی گئی ہے جبکہ ہائی اسپیڈ ڈیزل بدستور 258 روپے 64 پیسے فی لیٹر دستیاب ہوگا۔

پٹرولیم مصنوعات کی قیمتوں کا اعلان، پٹرول ایک روپیہ فی لٹر سستا

پیٹرول کی قیمت میں ایک روپے فی لیٹر کمی کے بعد نئی قیمت 254 روپے 63 پیسے فی لیٹر ہوگئی

رواں سال کا پہلا جزوی سورج گرہن آج ہوگا،پاکستان میں دکھائی نہیں دے گا۔تفصیلات کے مطابق سال 2025 کا پہلا سورج گرہن آج ہو گا جو دنیا کے مختلف ممالک میں دیکھا جا سکے گا۔محکمہ موسمیات کے مطابق پاکستان اور بھارت میں سورج گرہن نہیں دیکھا جا سکے گا، جزوی گرہن یورپ، شمالی امریکا، جنوبی امریکا اور بحر اوقیانوس کے کچھ حصوں میں دیکھا جائے گا۔ سورج گرہن کا آغاز پاکستانی وقت کے مطابق دوپہر ایک بج کر 51 منٹ پر ہو گا، جزوی سورج گرہن 3 بج کر 47 منٹ پر اپنے عروج پر ہو گا اور شام 5 بج کر 44 منٹ پر سورج گرہن ختم ہو جائے گا۔اس سال کا دوسرا سورج گرہن 21 اور 22 ستمبر کی درمیانی شب ہو گا۔

رواں سال کا پہلا سورج گرہن آج ہوگا،پاکستان میں نہیں دیکھاجاسکے گا

جزوی سورج گرہن یورپ، شمالی امریکا، جنوبی امریکا اور بحر اوقیانوس کے کچھ حصوں میں دیکھا جائے گا

قومی کرکٹ ٹیم کاٹی ٹوئنٹی کے بعدون ڈے سیریز میں بھی مایوس کن آغاز،نیوزی لینڈ نے سیریز کے پہلے ون ڈے میچ میں پاکستان کو 73 رنز سے شکست دیکر سیریز میں 0-1 کی برتری حاصل کرلی ،نیوزی لینڈ کے  345 رنز کے ہدف کے تعاقب میں قومی ٹیم271 رنز بناکر آل آؤٹ ہوگئی۔قبل ازیں نیپئر میں کھیلے گئے پہلے ون ڈے میچ میں پاکستان کرکٹ ٹیم کے کپتان محمد رضوان نے ٹاس جیت کر میزبان نیوزی لینڈ کو بیٹنگ کی دعوت دی۔پاکستان کے خلاف پہلے ون ڈے میں میزبان نیوزی لینڈ کی 3 وکٹیں 50 رنز پر گر گئیں۔ول ینگ ایک، نک کیلی 15 اور  ہینری نکلز 11 رنز بناکر آؤٹ ہوئے۔3 وکٹیں گرنے کے بعد ڈیرل مچل اور مارک چیپمین نے ذمہ درانہ بیٹنگ کی اور 199 رنزکی شراکت داری بنائی۔ اس دوران مارک چیپمین نے 132 رنز کی اننگز کھیلی جس میں 13 چوکے اور 6 چھکے شامل تھے۔ جبکہ ڈیرل مچل 76 رنز بناکر آؤٹ ہوئے۔اس کے علاوہ ڈیبیو کرنے والے محمد عباس نے  26 گیندوں پر 52 رنز اسکور کیے، جس میں 3 چھکے اور 3 چوکے شامل تھے۔پاکستان کی جانب سے عرفان خان نے 3 وکٹیں حاصل کیں جبکہ حارث رؤف اور عاکف جاوید نے2،2، نسیم شاہ اور محمد علی نے ایک ایک کھلاڑی کو آؤٹ کیا۔ہدف کے تعاقب میں پاکستانی اوپنرز نے جارحانہ کھیل کا مظاہرہ کیا، اوپنر عثمان خان اور عبداللہ شفیق نے 83 رنز کا آغاز فراہم کیا، تاہم عثمان 39 رنز کے مہمان ثابت ہوئے، بعدازاں عبداللہ شفیق بھی 88 کے مجموعی اسکور پر پویلین لوٹ گئے، انہوں نے 36 رنز بنائے۔کپتان محمد رضوان اور بابراعظم نے تیسری وکٹ کیلئے 76 رنز کی پارٹنرشپ قائم کی تاہم رضوان 30 رنز بناکر وکٹ گنوابیٹھے، دیگر کھلاڑیوں میں طیب طاہر، حارث رؤف اور عاکف جاوید نے ایک ایک رنز بنائے جبکہ عرفان خان نیازی اور نسیم شاہ صفر پر پویلین لوٹے۔بابراعظم نے سب سے زیادہ 78 رنز بنائے جبکہ سلمان آغا 58 رنز کی مزاحمتی اننگز کھیل سکے۔نیوزی لینڈ کی جانب سے نتھین اسمتھ نے 4، جیکب ڈفی نے 2 جبکہ مائیکل بریسویل اور محمد عباس نے ایک ایک وکٹ حاصل کی۔دوسری جانب  نیوزی لینڈ کےہاتھوں پہلے ون ڈے میچ میں شکست پر قومی ٹیم کے کپتان محمد رضوان کا کہناتھا کہ ہمارے مڈل آرڈر میں کچھ نئے کھلاڑی تھے اور یہ مشکل تھا کیونکہ وہ چیلنجنگ کنڈیشنز میں کھیل رہے تھے۔میچ کے بعد گفتگو کرتے ہوئے محمد رضوان نے کہا کہ جس طرح ہم نے دوسری اننگز کا آغاز کیا، ہم نے اچھے ارادے کے ساتھ کھیلا۔ جب آپ ہدف کے قریب پہنچتے ہیں تو دباؤ بڑھ جاتا ہے، تین سے چار اوورز نے مومنٹم تبدیل کر دیا۔وکٹ شروع میں اچھی نہیں تھی، بیٹنگ کرنا مشکل تھا،  چیپمین نے شاندار بیٹنگ کی اور اچھے رنز بنائے۔ ہمیں مزید بہتری لانے اور ٹاس کا فائدہ اٹھانے کی ضرورت ہے۔ ہمارے مڈل آرڈر میں کچھ نئے کھلاڑی تھے اور یہ مشکل تھا کیونکہ وہ چیلنجنگ کنڈیشنز میں کھیل رہے تھے۔

پہلا ون ڈے،نیوزی لینڈ نے پاکستان کو 73 رنز سے شکست دیدی

نیوزی لینڈ کے  345 رنز کے ہدف کے تعاقب میں قومی ٹیم271 رنز بناکر آل آؤٹ ہوگئی

کراچی کے علاقے کورنگی میں آئل ریفائنری کے قریب لگنے والی خوفناک آگ پر کئی گھنٹوں بعد بھی تاحال قابو نہ پایا جا سکا، فائر بریگیڈ کی 10 گاڑیاں آگ بجھانے میں مصروف ہیں۔فائربریگیڈ حکام کا کہنا ہے کہ آگ ممکنہ طور پر گیس لائن میں لگی، آگ تیسرے درجے کی ہے، آگ بجھانے کے لیے شہر بھر سے فائر بریگیڈ طلب کر لی گئی ہے، آگ کی شدت زیادہ ہونے کے باعث فوم کا استعمال کیا جارہا ہے۔ریسکیو ذرائع کے مطابق آگ مبینہ طور پر گیس پائپ لائن میں لگنے کے باعث پھیلی تاہم حتمی وجوہات جاننے کے لیے تحقیقات کی جا رہی ہیں، تاحال کسی جانی نقصان کی اطلاع نہیں ملی تاہم آگ کے باعث قریبی علاقوں میں دھواں پھیل گیا جس سے مقامی رہائشیوں کو مشکلات کا سامنا کرنا پڑا، فائر فائٹنگ آپریشن مکمل ہونے کے بعد ہی نقصان کا درست اندازہ لگایا جا سکے گا۔فائر بریگیڈ حکام نے اسے تیسرے درجے کی آگ قرار دے دیا، پولیس حکام نے تصدیق کی ہے کہ آگ آئل ریفائنری سے دور لگی ہے جبکہ سوئی سدرن کا عملہ بھی موقع پر پہنچ گیا۔فائر بریگیڈ حکام نے اسے تیسرے درجے کی آگ قرار دے دیا، پولیس حکام نے تصدیق کی ہے کہ آگ آئل ریفائنری سے دور لگی ہے جبکہ سوئی سدرن کا عملہ بھی موقع پر پہنچ گیا۔فائر آفیسر محمد ظفر نے میڈیا سے گفتگو کرتے ہوئے کہا ہے کہ آگ بجھانے نے کیلئے شہر بھر سے ٹینڈر طلب کر لئے گئے ہیں، پانی کی پائپ لائن کی بورنگ کے دوران گیس لائن کو نقصان پہنچا، آگ پراسرار ہے یہ سمجھ نہیں آ رہا کہ کونسی لائن متاثر ہوئی۔انہوں نے کہا ہے کہ آگ پر پانی پھینکا جا رہا ہے وہ دوبارہ اڑ کر واپس آ رہا ہے، ایس ایس جی سی کے عملے کو طلب کر لیا گیا ہے ، کسی ڈمپر یا ہیلی کاپٹر کے ذریعے مٹی پھینکنے کی ضرورت ہے۔دوسری جانب سے گورنر سندھ کامران ٹیسوری نے چیف فائر آفیسر سے رابطہ کر کے ہدایت کی ہے کہ آگ پر فوری قابو پایا جانا چاہیے۔ دوسری جانب کمشنر کراچی سید علی حسن کا کہنا ہے کہ اتنی گہری بورنگ کا اجازت نامہ اگر موجود ہے تو اس کی تصدیق کرائیں گے، کس ادارے نے اتنی گہری بورنگ کی اجازت دی اس کی بھی تحقیقات کریں گے؟ ایسا لگتا ہے یہاں پر گیس موجود ہے، رات جس طرز کی آگ تھی تاحال وہی صورتحال ہے، یہاں کس چیز کے لیے بورنگ کی جارہی تھی، معلومات اکٹھا کررہے ہیں۔ترجمان سوئی سدرن کے مطابق کورنگی کراسنگ کےقریب سوئی سدرن کی کوئی تنصیبات نہیں،آگ کی جگہ کے اطراف میں سوئی سدرن کی کوئی پائپ لائن بھی نہیں۔

کورنگی کراسنگ میں لگی آگ تاحال بے قابو، فائر بریگیڈ کی گاڑیاں آگ بجھانے میں مصروف

کئی گھنٹے کی جدوجہد کے بعد بھی آگ پر قابو نہ پایا جاسکا، آگ کاپریشرپانی کوواپس پھینک رہاہے،فائرآفیسر

وزیراعلیٰ خیبرپختونخواعلی امین گنڈاپور نے صدر مملکت آصف علی زرداری سے 10ویں این ایف سی کمیشن کا اجلاس بلانے کا مطالبہ کر دیا اور اس سلسلے میں خط بھی لکھ دیا۔میڈیارپورٹس کے مطابق وزیراعلیٰ کے پی علی امین گنڈاپور نے صدر پاکستان آصف علی زرداری کو خط  میں کمیشن کا اجلاس بلانے کا مطالبہ کرتے ہوئے کہا ہے کہ 25ویں آئینی ترمیم کے نتیجے میں سابقہ فاٹا کی 57لاکھ آبادی اب خیبرپختونخوا کا حصہ بن چکی ہے، مگر بڑی تعداد میں آبادی کے لئے این ایف سی ایوارڈ میں سے کوئی حصہ نہیں مل رہا۔وزیراعلیٰ خیبرپختونخوا نے مزید لکھا ہے کہ تمام سول اداروں کو ضم اضلاع تک توسیع دی گئی ہے، لیکن این ایف سی میں حصہ نہ ملنے سے ان علاقوں میں ترقیاتی عمل اور امن و استحکام متاثر ہو رہا ہے۔خط میں وزیراعلیٰ علی امین گنڈاپور نے این ایف سی ایوارڈ سے متعلق عمل کو فیڈریشن اور آئین کے آرٹیکل 160 کی رح کے منافی قرار دیا ہے۔علی امین گنڈاپور نے خط کے ذریعے صدر مملکت کو آگاہ کیا کہ تاحال اس آبادی کےلیے این ایف سی ایوارڈ میں حصہ نہیں مل رہا۔خط میں مزید کہا گیا کہ این ایف سی میں شیئر نہ ملنے سے ان علاقوں میں ترقیاتی عمل اور امن متاثر ہو رہا ہے، سابق فاٹا کا شیئر وفاقی حکومت کو مل رہا ہے جو غیر آئینی اقدام ہے۔خط میں یہ بھی کہا گیا کہ سال 2010 سے اب تک ساتویں این ایف سی ایوارڈ نافذ العمل ہے، خیبر پختونخوا میں شامل ضم اضلاع کی آبادی کے شیئر کا تعین نہیں۔خط میںمطالبہ کیاگیاہے کہ خیبر پختونخوا کو جائز حصہ دیے بغیر ساتویں این ایف سی ایوارڈ کی غیر آئینی توسیع قبول نہیں، مالی وسائل کی تقسیم کےلیے 10واں این ایف سی اجلاس جلد بلایا جائے۔

وزیراعلیٰ خیبرپختونخوا کا صدر مملکت کو خط، دسواں این ایف سی اجلاس بلانے کامطالبہ

وسائل کی تقسیم میں ضم اضلاع کے عوام کو شامل کرنےکیلئے 10 ویں این ایف سی کا اجلاس جلد بلایا جائے،علی امین گنڈاپور

میانمار میں آنے والے 7.7 شدت کے زلزلے نے بڑے پیمانے پر تباہی مچادی جس کے اثرات بنکاک تک دیکھے گئے۔عرب میڈیا کی رپورٹ کے مطابق میانمار میں زلزلے سے جانی نقصانات کے اعداد و شمار جاری کردیے گئے۔  میانمار میں زلزلے سے 144 افراد ہلاک اور 732 زخمی ہوئے۔میانمار میں 7.7 شدت کے زلزلے کے جھٹکے کے اثرات تھائی لینڈ کے دارالحکومت بنکاک میں بھی محسوس کیے گئے، جس سے فلک بوس عمارت چند لمحوں میں ملبے کا ڈھیر بن گئیں۔میڈیا رپورٹس کے مطابق میانمار میں آج جمعے کے روز 7.7 اور 6.4 کی شدت کے یکے بعد دیگرے 2 زلزلے کے جھٹکے محسوس کیے گئے۔امریکی جیولوجیکل سروے کے مطابق زلزلے کی شدت 7.7 محسوس کی گئی، جس کا مرکز میانمار میں 10 کلومیٹر زیرِ زمین تھا۔میانمار میں آنے والا زلزلہ اتنا شدید تھا کہ اس نے تقریباً 900 کلومیٹر دور بنکاک میں بلند و بالا عمارتوں کو ڈھیر کر دیا۔زلزلے کے جھٹکوں سے متاثرہ عمارتوں کے منہدم ہونے کے مناظر کیمرے کی آنکھ نے محفوظ کر لیے جو سوشل میڈیا پر وائرل پر وائرل ہو رہے ہیں۔زلزلے کے جھٹکے تھائی لینڈ، بنگلا دیش، بھارت، لاؤس اور چین میں بھی محسوس کیے گئے ہیں، شدید زلزلے کے بعد ہنگامی حالت کا اعلان کر دیا گیا ہے۔زلزلے کے جھٹکوں کے سبب بنکاک میں میٹرو اور ریل سروسز معطل کر دی گئیں۔میانمار کی فوجی حکومت نے چھ علاقوں میں ایمرجنسی نافذ کرتے ہوئے عالمی برادری اور تنظیموں سے مدد کی درخواست کی ہے۔زلزلے میں ایک مسجد کا کچھ حصہ بھی منہدم ہوگیا جس کے نتیجے میں 3 نمازی شہید اور متعدد زخمی ہوگئے۔ امدادی کاموں کے دوران لاشیں ملنے کا سلسلہ جاری ہے۔ ہلاکتوں کی تعداد144 ہوگئی لیکن خدشہ ظاہر کیا جا رہا ہے کہ یہ تعداد ایک ہزار سے دس ہزار کے درمیان ہوسکتی ہے۔بنکاک میں بھی فلک بوس عمارتیں لرز اُٹھیں۔ لگژری ہوٹلز کی چھت پر بنے سوئمنگ پول کا پانی آبشار کی طرح زمین پر گرنے لگا۔بنکاک میں زلزلے کے باعث مختلف واقعات میں کم از کم 8 افراد کی ہلاکت کی اطلاع ہے جب کہ درجنوں زخمی ہیں۔

میانمار،میں 7.7 شدت کا زلزلہ، عمارتیں منہدم ،144افراد ہلاک732زخمی

ہلاکتوں میں اضافےکا خدشہ ،زلزلے کے جھٹکے تھائی لینڈ، بنگلا دیش، بھارت، لاؤس اور چین میں بھی محسوس کیے گئے

وفاقی حکومت نے بجلی صارفین کو مزید ریلیف دینے کے لیے ٹیرف ڈیفرینشل سبسڈی بڑھانے کے لیے نیپرا سے رجوع کر لیا۔نیپرا میں سبسڈی سے متعلق سماعت 4 اپریل کو ہوگی، اپریل سے جون تک 3 ماہ کے لیے سبسڈی میں اضافہ کیا جائے گا۔ڈسکوز اور کے الیکٹرک صارفین کو 1 روپے 71 پیسے فی یونٹ ریلیف ملے گا اور لائف لائن صارفین کے علاوہ تمام صارفین کو سبسڈی دی جائے گی۔گزشتہ روز، آئی ایم ایف نے بجلی ٹیرف میں ایک روپے فی یونٹ کمی کی اجازت دی تھی، یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا، کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔حکومت کی جانب سے بجلی صارفین کے لیے ریلیف پیکیج پر کام بھی جاری ہے۔ آئی ایم ایف کی منظوری کے بعد ریلیف پیکیج کا اعلان کیا جائے گا۔پاکستان اور آئی ایم ایف کے درمیان ہونے والے اسٹاف لیول ایگریمنٹ (ایس ایل اے) کے تحت نئی کاربن لیوی متعارف کرانے پر بھی اتفاق ہوا ہے۔بجلی کے نرخوں میں کمی کے ساتھ ساتھ پانی کی قیمتوں میں اضافے اور آٹو موبائل سیکٹر کو عالمی تجارت کے لیے کھولنے پر بھی اتفاق کیا گیا ہے۔

حکومت نے بجلی صارفین کو مزید ریلیف دینے کیلئے نیپرا میں درخواست جمع کرا دی

ڈسکوز اور کے الیکٹرک صارفین کو 1 روپے 71 پیسے فی یونٹ ریلیف ملے گا ،نیپرا میں سبسڈی سے متعلق سماعت 4 اپریل کو ہوگی

امریکا کے ساتھ بالواسطہ مذاکرات ہوسکتے ہیں،ایران نے ٹرمپ کے خط کا جواب دیدیا، ٹرمپ کے خط کا جواب عمان کے توسط سے ارسال کیا گیا ہے۔غیر ملکی میڈیا رپورٹس کے مطابق ایران کی سرکاری خبر رساں ایجنسی آئی آر این اے نےوزیر خارجہ عباس عراقچی کے حوالے سے بتایا کہ ایران نے عمان کے ذریعے امریکی صدر ڈونلڈ ٹرمپ کے اُس خط کا جواب بھیج دیا ہے جس میں ٹرمپ نے تہران سے ایک نیا جوہری معاہدے کرنے کا مطالبہ کیا تھا۔ایرانی وزیر خارجہ نے بتایا ایران کی جانب سے یہ خط عمان کے حوالے کیا گیا ہے، جو اس معاملے میں ثالث کے طور پر کام کر رہا ہے۔ ایرانی وزیر خارجہ نے مزید کہا کہ ماضی کی طرح اب بھی امریکا کے ساتھ بالواسطہ مذاکرات ہو سکتے ہیں۔واضح رہے کہ امریکی صدر ٹرمپ نے 12 مارچ کو ایران کو خط بھیجا تھا، اس خط کے مندرجات کو سرکاری طور پر ظاہر نہیں کیا گیا تھا البتہ ٹرمپ کے مطابق اُنہوں نےایران سے نئے جوہری معاہدے پر مذاکرات کی درخواست کی تھی۔ٹرمپ نے کہا کہ ایران سے دو طرح سے نمٹا جاسکتا ہے، ایک راستہ تو عسکری ہے اور دوسرا یہ کہ معاہدہ کیا جائے، میں معاہدہ کرنا چاہوں گا کیونکہ میں ایران کو نقصان نہیں پہنچانا چاہتا، وہ بہت اچھے لوگ ہیں۔ایران کی جانب سے فوراً اس خط کا جواب نہیں دیا گیا تھا۔ تاہم اب ایران کا کہنا ہے کہ اس نے ٹرمپ کے جوہری مذاکرات کے خط کا جواب دے دیا ہے۔یاد رہے کہ ڈونلڈ ٹرمپ کی جانب سے ایران کے اعلیٰ حکام کو لکھے گئے خط میں ایران کو نئے جوہری معاہدے کے لیے 2 ماہ کی مہلت دی گئی تھی۔

ایران نے امریکی صدر ٹرمپ کے خط کا جواب دیدیا، بالواسطہ مذاکرات کا عندیہ

ماضی کی طرح اب بھی امریکا کے ساتھ بالواسطہ مذاکرات ہو سکتے ہیں،ایرانی وزیرخارجہ عباس عراقچی

پاکستان سمیت دنیا بھر میں مسلمان فلسطینیوں سے اظہار یکجہتی کیلئے آج یوم القدس منائیں گے۔قبلہ اول کی آزادی کے حق میں ریلیاں نکالی جائیں گی، اسرائیلی بربریت کا شکار فلسطینیوں کی حمایت میں تقاریب ہوں گی۔مجلس وحدت المسلمین (ایم ڈبلیو ایم) کے تحت لاہور پریس کلب پر القدس کی یاد میں چراغاں اور تصویری نمائش کی گئی جس میں شہریوں نے بڑی تعداد میں شرکت کی۔علامہ باقر زیدی نے کہا کہ شہدائے راہ بیت المقدس کا خون رائیگاں نہیں جائے گا۔کراچی میں یوم القدس کی ریلی نمائش چورنگی سے تبت سینٹر تک نکالی جائے گی، ٹریفک پولیس نے شہریوں کو ایم اے جناح روڈ کے بجائے متبادل روٹ استعمال کرنے کا مشورہ دیا ہے۔اس حوالے سے کراچی ٹریفک پولیس کا کہنا ہے کہ شہری ریلی کی وجہ سے ایم اے جناح روڈ کے بجائے متبادل روٹ کا انتخاب کریں، تین ہٹی یا لسبیلہ سے آنے والے گرو مندر سے دائیں جانب سولجر بازار جاسکتے ہیں، بائیں بنوری سنگل سے جیل چورنگی اور پی پی چورنگی سے منزل مقصود جا سکیں گے، پریڈی اسٹریٹ ریگل سے تبت سینٹر جانے والے ٹریفک کو پریڈی چوک موڑ اور صدر دواخانہ سے پی پی چورنگی کی جانب موڑ دیا جائے گا۔ٹریفک پولیس کا کہنا ہے کہ فریسکو چوک، عید گاہ چوک سے تبت سینٹر جانے والی ٹریفک کو جوبلی موڑ دیا جائے گا، آغا خان سوئم روڈ سے آنے والے بائیں جانب انکل سیریا کی جانب جا سکیں گے، کوسٹ گارڈ سے سولجر بازار یا نشتر روڈ کی جانب ٹریفک کو موڑ دیا جائے گا، داؤد پوتہ روڈ اور لکی اسٹار سے آنے والی ٹریفک کو پریڈی چوک کی طرف بھیجا جائے گا۔اس کے علاوہ لکی اسٹار سے آنے والی ٹریفک کو دائیں جانب صدر دواخانہ سے پیپلز چورنگی کی طرف موڑا جائے گا، آغا خان سوئم روڈ، گارڈن سے کوسٹ گارڈ آنے والے متبادل راستہ اختیار کریں، بہادر یار جنگ روڈ پر سولجر بازار سے گرومندر کی طرف جانے والی ٹریفک کا متبادل راستہ مقرر کر دیا گیا۔ترجمان ٹریفک پولیس نے شہریوں سے اپیل کی ہے کہ وہ قانون نافذ کرنے والے اداروں اور ٹریفک پولیس سے تعاون کریں تاکہ ٹریفک کی روانی برقرار رکھی جا سکے۔

پاکستان سمیت دنیا بھر میں آج فلسطینیوں سے اظہار یکجہتی کیلئے یوم القدس منایا جائے گا

قبلہ اول کی آزادی کے حق میں ریلیاں نکالی جائیں گی، اسرائیلی بربریت کا شکار فلسطینیوں کی حمایت میں تقاریب ہوں گی

اسلام آباد(این این آئی)آئی ایم ایف نے بجلی ٹیرف میں کمی کی اجازت دے دی۔ذرائع کے مطابق آئی ایم ایف نے بجلی ٹیرف میں ایک روپے فی یونٹ کمی کی اجازت دی ہے، تمام صارفین کو بجلی کی قیمتوں میں ایک روپے فی یونٹ ریلیف ملے گا۔یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا، کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔حکومت کی جانب سے بجلی صارفین کیلئے ریلیف پیکیج پر بھی کام جاری ہے، جس کا اعلان آئی ایم ایف کی منظوری سے کیا جائے گا۔ذرائع کے مطابق بجلی کی قیمت میں ایک روپے فی کلو واٹ کمی سے صارفین پر مجموعی طور پر 100 ارب روپے کا بوجھ کم ہوگا، جو صارف 500 یونٹ بجلی استعمال کرتا ہے اس کے بل میں 500 روپے کمی ہوگی۔

آئی ایم ایف نے بجلی کے ٹیرف میں ایک روپے یونٹ کمی کی اجازت دیدی

یہ ریلیف کیپٹیو پاور پلانٹس پر لیوی سے حاصل ریونیو سے دیا جائے گا،رپورٹ

کوئٹہ میں ڈبل روڈ کے قریب پولیس کی گاڑی کے قریب دھماکے میں 2 افراد جاں بحق جبکہ 21 زخمی ہوگئے۔پولیس کے مطابق صوبہ بلوچستان کے دارالحکومت کوئٹہ میں ڈبل روڈ پر واقع بڑیچ مارکیٹ کے سامنے پولیس گاڑی کے قریب دھماکا ہوا، دھماکا خیز مواد جائے وقوعہ پر کھڑی موٹر سائیکل میں نصب تھا، دھماکا ریموٹ کنٹرول ڈیوائس سے کیا گیا، ڈھائی کلو بارودی مواد استعمال کیا گیا، دھماکے سے پولیس وین کو بھی نقصان پہنچا۔ترجمان محکمہ صحت بلوچستان کے مطابق دھماکے کے نتیجے میں 2 افراد جاں بحق جبکہ 21 زخمی ہوئے ہیں، زخمیوں میں پولیس اہلکار بھی شامل ہیں، زخمیوں کو طبی امداد کیلئے سول ہسپتال منتقل کر دیا گیا ہے، جاں بحق ہونے والوں میں ایک شخص کی شناخت جبار کے نام سے ہوئی۔میڈیارپورٹس کے مطابق قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے کر تحقیقات کا آغاز کر دیا ہے۔ترجمان بلوچستان حکومت شاہد رند نے پولیس گاڑی کے قریب دھماکے کی شدید مذمت کرتے ہوئے کہا ہے کہ دہشت گردوں کے ناپاک عزائم ناکام بنائیں گے، واقعہ میں ملوث عناصر کو کیفر کردار تک پہنچایا جائے گا۔وفاقی وزیر داخلہ محسن نقوی نے کوئٹہ ڈبل روڈ پر پولیس موبائل کے قریب دھماکے کی مذمت کی اور جاں بحق افراد کے لواحقین سے دلی ہمدردی و اظہار تعزیت کرتے ہوئے کہا کہ جاں بحق افراد کے لواحقین کے غم میں برابر کے شریک ہیں۔انہوں نے کہا کہ دھماکے کے زخمیوں کی صحتیابی کیلئے دعاگو ہیں، دشمن قوتیں بلوچستان کو ٹارگٹ کر رہی ہیں، عدم استحکام پیدا کرنے کی گھناؤنی سازش کو ناکام بنائیں گے۔

کوئٹہ میں پولیس وین کے قریب دھماکا، 2 افراد جاں بحق،متعددافراد زخمی

دھماکے سے پولیس موبائل اور ایک گاڑی کو شدید نقصان پہنچا، زخمیوں میں پولیس اہلکار بھی شامل

’’ہزار مہینوں سے بہتر رات‘‘ ملک بھر میں رمضان المبارک کی ستائیسویں شب (شب قدر) آج مذہبی جوش وخروش اور عقیدت و احترام کے ساتھ منائی جائے گی۔ مسجدوں میں ختم قرآن کے بھی بڑے بڑے اجتماعات ہونگے اور فرزندان اسلام نوافل،تلاوت قرآن،ذکر و اذکار اور دعاؤں کے ذریعے رب سے استغفار طلب کریں گے۔لیلۃ القدر رمضان المبارک کی آخری دس طاق راتوں میں سے ایک نہایت ہی بابرکت رات ہے جسے شب قدر اور برکت والی رات کے نام سے بھی یاد کیاجاتا ہے اس رات میں عبادت کرنے کی بہت  زیادہ تاکید کی گئی ہے۔لیلۃ القدر کے حوالے سے قرآن کریم میں آیا ہے کہ یہ رات ہزار مہینوں سے بہتر ہے اس عظیم الشان رات کی عظمت و فضیلت کا ذکر کرتے ہوئے حضرت انس بن مالکؓ بیان کرتے ہیں کہ حضور نبی اکرمؐ نے ارشاد فرمایا “جب شب قدر آتی ہے تو حضرت جبرائیل امین فرشتوں کی جماعت کے ساتھ زمین پر آتے ہیں،  ملائکہ کا یہ گروہ ہر اس بندے کے لیے دعائے مغفرت اور التجائے رحمت کرتا ہے جو ذکر الہیٰ اور عبادات میں مشغول ہوتا ہے۔شب قدر کے موقع پر ملک بھر کی مساجد میں نماز عشاء سے سحری تک ختم قرآن پاک،ذکر الٰہی کی خصوصی محافل ،حسن قراُت ، حمد و نعت ،درود و سلام کی بابرکت تقریبات منعقد ہوں گی، اس رات شب بیداری ہو گی اور اہل اسلام رات بھر عبادت،ذکر اذکار اور نوافل ادا کریں گے۔ آج کی رات مسلمان اللہ تعالی کے حضورمغفرت ، رزق میں کشادگی اور صحت کاملہ کے لئے خصوصی دعائیں بھی مانگیں گے ۔ دعاؤں، عبادات اور مناجات کا سلسلہ طلوع آفتاب تک جاری رہے گا ۔ اس موقع پر علمائے کرام قرآن پاک کے نزول اور اس کی قدر و منزلت پر روشنی ڈالیں گے جبکہ ملکی سلامتی و خوشحالی اور امت مسلمہ کے اتحاد کیلئے خصوصی دعائیں مانگی جائیں گی مساجد کو برقی قمقموں سے خوبصورتی کے ساتھ سجایا جاچکا ہے۔

ملک بھر میں شب قدر آج عقیدت و احترام کے ساتھ منائی جائے گی

مساجد اور گھروں پر نفلی عبادات اور شب بیداری کا خصوصی اہتمام کیا جائے گا،خصوصی دعائیں کی جائیں گی

The IND vs SL T20 and ODI series will take place from 27th July till 7th August. As of 29th July 2024, India is leading the T20 series against Sri Lanka 2-0.

IND vs SL Live Score Update Results Live Cricket Match Today

<p>India sealed the IND vs SL T20I series by 3-0. The Men in Blue lived up to their reputation of being the best T20 team.&nbsp;</p>

<p>Team India won the ICC Men&rsquo;s <a href="https://www.tapmad.com/blog/2024-icc-mens-t20-world-cup-india-wins-another-title/338-2-0">T20 World Cup 2024</a> just a month before the commencement of their Sri Lanka tour.&nbsp;</p>

<p>Although there&rsquo;s not much time difference between the two tournaments, some major changes have taken place in the Indian squad, and the India vs Sri Lanka series could mark the beginning of a new era in India&rsquo;s T20 cricket.&nbsp;</p>

<p>Legendary players Rohit Sharma and Virat Kohli retired from T20 Internationals after winning the coveted title for their country. Rohit, who was also the captain of the T20 squad is now replaced by 33-year-old Suryakumar Yadav.&nbsp;</p>

<h2>IND vs SL live score&nbsp;</h2>

<p>India vs Sri Lanka series is scheduled to take place from 27th July till 7th August. As of 29th July 2024, India is leading the T20 series against Sri Lanka 3-0.&nbsp;</p>

<h3>IND vs SL 1st T20 score &amp; result&nbsp;</h3>

<p>Sri Lanka won the toss and chose to bowl first. Suryakumar Yadav, the captain himself was the highest scoring batsman from the Indian side. He scored a massive 58 off 26 balls.&nbsp;</p>

<p>Apart from him, Rishabh Pant and Yashasvi Jaiswal were the other two high scoring batsmen.&nbsp;</p>

<p>Matheesha Pathirana was the highest wicket taker from the Sri Lankan squad as he took 4 for 40 runs.&nbsp;</p>

<p>India set a target of 214, but Sri Lanka only managed to score 170.&nbsp;</p>

<p>Pathum Nissanka was the most successful batsman from Sri Lanka as he scored 79 off 48 balls. Riyan Parag from India was the most successful bowler as he took 3 wickets for 5 runs.&nbsp;</p>

<h3>IND vs SL 2nd T20 score &amp; result&nbsp;</h3>

<p>India won the toss and decided to bowl first. Kusal Perera&rsquo;s 53 off 34 contributed the most in Sri Lanka&rsquo;s 161-9 score.</p>

<p>It was Ravi Bishnoi&rsquo;s outstanding 3/26 that restricted Sri Lanka to 161 runs. The Indian chase was a combined effort as no single batsman scored that well.&nbsp;</p>

<p>Jaiswal&rsquo;s 30, Yadav&rsquo;s 26, and Pandya&rsquo;s 22* helped the Men in Blue in chasing the target.&nbsp;</p>

<h3>IND vs SL live cricket match today</h3>

<p>The India vs Sri Lanka 3rd T20 <a href="https://www.tapmad.com/watch/ind-vs-sl-live/011521">live cricket match</a> will be played on 30th July, Tuesday, at 6:30 PM (PST).&nbsp;</p>

<p>The IND vs SL three-match ODI series 2024 will commence from 2nd August and continue till 7th August.&nbsp;</p>

IND vs SL Live Score Update, Results, & Live Cricket Match Today

IND vs SL live score

IND vs SL 1st T20 score & result

IND vs SL 2nd T20 score & result

IND vs SL live cricket match today

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan