Cricket

Entertainment

Football

نیوزی لینڈ نے پاکستان کو سیریز کے تیسرے اور آخری ون ڈے میچ میں شکست دیکر کلین سوئپ کردیا۔ ون ڈے سیریز میں نیوزی لینڈ نے قومی ٹیم کو وائٹ واش کردیا اور ون ڈے سیریز 0-3 سے جیت لی، پاکستانی ٹیم نے نیوزی لینڈ کی جانب سے دیے گئے 265 رنز کے ہدف تعاقب میں 221 رنز ہی بنا سکی۔ماونٹ مانگا نوئی میں گزشتہ روز ہوئی بارش کے بعد ٹاس میں تاخیر گیلی آؤٹ فیلڈ کی وجہ سے ہوئی جس کے بعد میچ کی اننگز 42، 42 اوورز تک محدود کردی گئی تھی۔پاکستان نے نیوزی لینڈ کے خلاف ٹاس جیت کر پہلے فیلڈنگ کا فیصلہ کیا جس کے بعد میزبان ٹیم نے مقررہ 42 اوورز میں 8 وکٹ کے نقصان پر 264 رنز اسکور کیے، کپتان بریسویل نے 40 بالز پر 58 رنز کی برق رفتار اننگز کھیلی۔نیوزی لینڈ کی ٹیم کی پہلی وکٹ 13 رنز پر گر گئی، نائیک کیلے 3 رنز بنا کر آؤٹ ہوگئے، رائس ماریو نے 58 رنز کی اننگز کھیلی، ڈیرل مچل 43 اور ہنری نکولس 31 رنز بنا کر پویلین لوٹ گئے، ٹم سائفرٹ نے 26 رنز بنائے، محمد عباس 11 اور مچل ہے 8 رنز بنا کر پویلین لوٹے۔میزبان ٹیم نے پہلے کھیلتے ہوئے مقررہ 42 اوورز میں 8 وکٹ کے نقصان پر 264 رنز بنائے،پاکستان کی جانب سے عاکف جاوید نے 4 وکٹیں حاصل کیں، نسیم شاہ 2، فہیم اشرف اور سفیان مقیم نے 1،1 کھلاڑی کو آؤٹ کیا۔ہدف کے تعاقب میں پاکستان ٹیم 40 اوورز میں 221 رنز بنا کر آؤٹ ہوگئی۔ اوپنر امام الحق اور عبداللہ شفیق نے اننگز کا آغاز کیا تو امام گیند لگنے کے باعث ریٹائر ہرڈ ہوگئے، اوپنر عبداللہ شفیق 33 رنز بناکر آؤٹ ہوئے۔ بابر اعظم نے 50 رنز کی اننگز کھیلی۔دیگر کھلاڑیوں میں سلمان آغا 11، عثمان خان 12، کپتان محمد رضوان 37، طبیب طاہر 33، نسیم شاہ 17، فہیم اشرف 3، محمد وسیم جونئیر صفر پر پویلین لوٹے۔ نیوزی لینڈ کی جانب سے بین سیئرز نے 5، جیکب ڈفی 2 جبکہ محمد عباس اور ڈیرل مچل نے ایک ایک وکٹ حاصل کی۔

نیوزی لینڈ نےپاکستان کو 43 رنز سے ہرا کر تین میچوں کی سیریز میں وائٹ واش کر دیا

نیوزی لینڈ کی جانب سے دیے گئے 265 رنز کے ہدف تعاقب میں پاکستانی ٹیم 221 رنز ہی بنا سکی

پاکستان 4 سال کی مدت کیلئے اقوام متحدہ کے کمیشن برائے منشیات کا رکن منتخب بن گیا۔پاکستان کے اقوام متحدہ مشن کی جانب سے جاری بیان کے مطابق پاکستان کو2026 سے 2029 تک کے لیے اقوام متحدہ کے کمیشن برائے منشیات کا رکن منتخب کیا گیا ہے۔ پاکستان کو نیویارک میں اقوام متحدہ اقتصادی و سماجی کونسل کے انتخابات میں رکن منتخب کیا گیا۔پاکستان یواین مشن کے اعلامیے کے مطابق پاکستان یو این اقتصادی و سماجی کونسل کی حمایت پر مشکور ہے، کمیشن برائے منشیات کا رکن منتخب ہونا پاکستان پر اعتماد کو ظاہر کرتا ہے۔اعلامیے میں کہا گیا کہ کمیشن برائے منشیات کا رکن منتخب ہونا پاکستان پر اعتماد اور بھروسے کو ظاہر کرتا ہے، پاکستان عالمی انسداد منشیات کی کوششوں میں اپنا مؤثر کردارادا کرنے کے لئے تیار ہے۔اعلامیے میں مزید کہا کہ گیا کہ پاکستان عالمی سطح پر انسداد منشیات کی کوششوں میں پیش پیش رہا ہے، پاکستان منشیات کی سمگلنگ، پیداوار اور استعمال کے خلاف نمایاں کردار ادا کر رہا ہے۔پاکستان نے اقوام متحدہ میں عالمی منشیات پالیسی سے متعلق مباحثوں میں ہمیشہ فعال اور تعمیری کردار ادا کیا۔

پاکستان 4 سال کیلئے اقوام متحدہ کے کمیشن برائے منشیات کا رکن بن گیا

پاکستان کو2026 سے 2029 تک کیلئے اقوام متحدہ کے کمیشن برائے منشیات کا رکن منتخب کیا گیا ہے

گجرات(این این آئی)جنوبی افریقا کے مایہ ناز فاسٹ بولر کاگیسو ربادا اچانک انڈین پریمیئر لیگ( آئی پی ایل) چھوڑ کر گھر روانہ ہوگئے۔کاگیسو ربادا آئی پی ایل میں گجرات ٹائٹنز کی نمائندگی کررہے ہیں وہ دو میچز کھیلنے کے بعد اچانک جنوبی افریقا روانہ ہوگئے، رباڈا کو گجرات ٹائٹنز نے آئی پی ایل 2025 کی میگا نیلامی میں 10 کروڑ 75 لاکھ بھارتی روپے میں خریدا تھا۔فرنچائز گجرات ٹائٹنز نے رباڈا کے آئی پی ایل چھوڑ کر وطن واپسی کے حوالے سے باضابطہ اعلان کیا۔بھارتی میڈیا کے مطابق گجرات ٹائٹنز نے ایک بیان میں کہا کہ رباڈا آئی پی ایل کے جاری سیزن سے ذاتی وجوہات کی بنا پر واپس جنوبی افریقا چلے گئے ہیں، وہ گجرات ٹائٹنز کے پہلے 2 میچز میں شامل تھے لیکن اب وہ ایک اہم ذاتی معاملے کو حل کرنے کے لیے وطن واپس لوٹ گئے ہیں۔فرنچائز نے رباڈا کی اچانک روانگی کی مزید تفصیلات فراہم نہیں کیں اور نہ ہی ان کی ممکنہ واپسی کے بارے میں کوئی اطلاع دی۔واضح رہے کہ آئی پی ایل کے پوائنٹس ٹیبل پر دو میچ جیت کر گجرات ٹائٹنز کی ٹیم چوتھی پوزیشن پر موجود ہے۔

جنوبی افریقی فاسٹ باؤلر رباڈا اچانک آئی پی ایل چھوڑ کر وطن واپس چلے گئے

رباڈا کو گجرات ٹائٹنز نے آئی پی ایل 2025 کی میگا نیلامی میں 10 کروڑ 75 لاکھ بھارتی روپے میں خریدا تھا

وزیراعلی خیبرپختونخوا علی امین گنڈا پور نے صوبے سے افغان مہاجرین کو زبردستی نہ نکالنے کا اعلان کرتے ہوئے کہا ہے کہ ملک میں جاری دہشت گردی کا واحد حل مذاکرات ہیں،این ایف سی اجلاس نہ بلایا گیا تو صوبے کے عوام، پولیس اور سرکاری ملازمین کو لے کر نکلوں گا۔وزیر اعلی خیبر پختونخوا علی امین گنڈا پور کا کہنا تھا کہ سابق فاٹا کے لوگوں کے ساتھ وعدہ خلافی کی گئی ہے۔ وفاقی حکومت نے این ایف سی پر نظر ثانی کی یقین دہانی کرائی تھی اپریل میں این ایف سی ایوارڈ کے حوالے سے حتمی فیصلہ ہونا ہے۔ اگر حق نہ ملا تو دکھاؤں گا کہ ہمارے صوبے کی عوام اتنی لاچار نہیں ہے۔علی امین گنڈاپور کی خیبرپختونخوا ہاؤس اسلام آبادمیں پریس کانفرنس کرتے ہوئے کہا کہ دہشت گردی پر بانی پی ٹی آئی کی پالیسی ہے کہ مذاکرات واحد حل ہیں۔ پی ٹی آئی دور حکومت میں ملک سے دہشت گردی ختم ہو چکی تھی۔ تحریک انصاف کو ختم کرنے کیلئے ریاست پورا زور لگا رہی ہے۔ نتیجہ یہ نکلا کہ دہشت گردی نے دوبارہ جنم لے لیا۔ انہوں نے کہا کہ عوام اور اداروں کے درمیان ایک خلا آ گیا ہے ایسے حالات میں دہشت گردی کے خلاف جنگ نہیں ہو سکتی۔ امریکہ کی حمایت کی وجہ سے افغانستان کے ساتھ ہمارے تعلقات خراب ہوئے۔وفاقی حکومت اور اداروں نے افغانستان حکومت کے ساتھ مذاکرات کی حامی بھری تھی۔ ابھی تک مذاکرات کیلئےٹی او آر نہیں بنائے جا سکے۔ مذاکرات کیلئے وفاقی حکومت ہمارا ساتھ نہیں دے رہی۔ علی امین گنڈاپور نے کہا کہ وفاقی حکومت کے پاس دہشت گردی کے خلاف جنگ کیلئے استطاعت نہیں ہے۔ ہماری زمہ داری ہے کہ ہم نے شہریوں کو تحفظ دینا ہے۔ وزیراعظم ، وزراء اور وفاقی حکومت شہیدوں کی شہادت کو غلط رنگ دے رہی ہے۔ وزیر اعلی خیبرپختونخوا نے کہا کہ کبوتر کی طرح آنکھیں بند کرنے سے مسئلے حل نہیں ہوں گے۔صوبائی ایکشن پلان پرکام شروع ہو چکا ہے۔  صوبائی ایکشن پلان ماضی کے تجربات کو مدنظر رکھ کر بنایا گیا ہے۔ دہشت گردی کے خلاف جنگ کے لئے عوام کی حمایت بہت ضروری ہے۔ان کا کہنا تھا کہ وفاقی حکومت کی پالیسیوں سے تباہ کن نتائج آ رہے ہیں۔ حکومت افغانستان کے ساتھ مذاکرات کیلئے ہمارا ساتھ دے۔ افغانستان کے ساتھ مذاکرات کے بغیر مثبت نتائج نہیں ملیں گے۔علی امین گنڈا پو ر نے کہا کہ اپنے لوگوں کے دل جیتیں، جنگ کو جیتنے کیلئے اعتماد کا رشتہ بحال کرنا ہو گا۔ سابق فاٹا کے لوگوں کے ساتھ وعدہ خلافی کی گئی ہے۔  وفاقی حکومت نے این ایف سی پر نظر ثانی کی یقین دہانی کرائی تھی۔دعا ہے کہ صدر مملکت جلد صحتیاب ہوں۔ اپریل میں این ایف سی ایوارڈ کے حوالے سے حتمی فیصلہ ہونا ہے۔ اگر حق نہ ملا تو دکھاؤں گا کہ ہمارے صوبے کی عوام اتنی لاچار نہیں ہے۔وزیر اعلی خیبرپختونخوا نے کہا کہ کرم میں مسلئے کے حل کیلئے  پیسے صوبائی حکومت کر رہی ہے۔ پارا چنار کا مسئلہ بہت پرانا اور دیرینہ ہے۔ پاراچنار میں ہمارے لوگوں نے شہادتیں دی ہیں، مسئلے کا مکمل حل نکال لیا ہے۔ پاراچنار کے مسئلے کو ہمیشہ کے لئے حل کریں گے۔ بانی پی ٹی آئی کے ساتھ ملاقات کے حوالے سے علی امین گنڈاپور سے سوال انہوں نے کہا کہ سوال یہ ہونا چا ہیئے کہ بطور وزیر اعلیٰ مجھے دو ماہ کے بعد ملاقات کی اجازت کیوں دی گئی۔ انہوں نے کہا کہ بانی پی ٹی آئی مذاکرات کے لئے تیار ہیں، ڈیل کسی صورت نہیں کی جائے گی۔ مسلم لیگ ن نے ہمیشہ ڈیل کی ہے۔ وزیر اعلی خیبرپختونخوا نے بتایا کہ بانی پی ٹی آئی کے ساتھ اسٹیبلشمنٹ کے ساتھ مذاکرات کے حوالے سے کوئی بات نہیں ہوئی۔ ملاقات میں حکومتی معاملات اور دہشت گردی کے خلاف جنگ پر بات ہوئی۔ وزیر اعلیٰ خیبرپختونخوا علی امین گنڈا پور نے  تمباکو کے حوالے سے وفاق کے ساتھ اختلاف پر سپریم کورٹ جانے کا اعلان کردیا۔انہوں نے کہا کہ بجلی چوری ہم سب کا مسئلہ ہے۔ بجلی چوری روکنے کے لئے وفاقی حکومت کے ساتھ بھرپور تعاون کیاہے۔ خیبرپختونخوا کا خسارہ 128 ارب ہے، پورے ملک کی چوری ہمارے صوبے کے پلے نہ ڈالی جائے۔

علی امین گنڈاپور نے این ایف سی ایوارڈ کے لئے سڑکوں پر نکلنے کی دھمکی دے دی

صوبے کے عوام، پولیس اور سرکاری ملازمین کو لے کر نکلوں گا، وزیراعلیٰ خیبرپختونخوا کی پریس کانفرنس

راولپنڈی (این این آئی)آرمی چیف جنرل سید عاصم منیر کی زیر صدارت کور کمانڈرز کانفرنس نے ہر قیمت پر بلا تفریق دہشت گردی کے خاتمے کے عزم کا اعادہ کرتے ہوئے کہا ہے کہ پاکستان کو غیر مستحکم کرنے کی کوشش کرنیوالے عناصر اور ان کے سہولت کاروں سے ریاست پوری طاقت سے نمٹے گی، کسی کو بلوچستان میں امن میں خلل ڈالنے کی اجازت نہیں دی جائیگی، ملکی وغیر ملکی عناصر کا گٹھ جوڑبے نقاب ہوچکاہے، ان عناصر کو کوئی معافی نہیں دی جائیگی جبکہ آرمی چیف نے کہاہے کہ پاکستان میں دہشت گردوں اور ان کے سہولت کاروں کیلئے کوئی جگہ نہیں ، پاک فوج دہشت گردوں کی مالی اعانت کیخلاف سخت قانونی اقدامات میں مکمل تعاون کرے گی۔آئی ایس پی آر کی جانب سے جاری بیان کے مطابق آرمی چیف جنرل سید عاصم منیر، نشانِ امتیاز(ملٹری) کی زیر صدارت 268ویں کور کمانڈر کانفرنس کا انعقاد ہوا جس میں شہداء کے ایصال و ثواب کے لئے فاتحہ خوانی کی گئی۔ شرکاء نے مادرِ وطن کے امن و استحکام کے لئے شہدائے افواج ِ پاکستان ، قانون نافذ کرنے والے اداروں اور شہریوں کی لازوال قربانیوں کو خراجِ عقیدت پیش کیا۔ فورم کو خطے کی موجودہ صورتحال، قومی سلامتی کو درپیش چیلنجز اور بڑھتے ہوئے خطرات کے جواب میں پاکستان کی حکمتِ عملی کے بارے میں جامع بریفنگ دی گئی۔کانفرنس میں علاقائی اور داخلی سلامتی  کی صورتحال کا تفصیلی جائزہ بھی لیا گیا،فورم نے ہرقیمت پر بلاتفریق دہشت گردی کو ختم کرنے کے عزم کا اعادہ کیا۔آئی ایس پی آر کے مطابق فور م نے اس عزم کا اعادہ کیا کہ پاکستان کو غیر مستحکم کرنے کی کوشش کرنے والے ملک دشمن عناصر  ، سہولت کاروں  اور ان کی حوصلہ افزائی کرنے والوں کے خلاف ریاست پوری طاقت سے نمٹے گی،کسی کو بھی بلوچستان میں امن میں خلل ڈالنے کی اجازت نہیں دی جائے گی۔ شرکاء نے کہاکہ بلوچستان کے استحکام اور خوشحالی میں  خلل ڈالنے والے مذموم سیاسی مفادات اور سماجی عناصر  کو بلوچستان کے عوام کی غیر متزلزل حمایت سے  فیصلہ کن طور پر ناکام بنایا جائے گا۔شرکاء نے کہا کہ بلوچستان میں  تمام ملکی اور غیر ملکی عناصر کا اصل چہرہ، گٹھ جوڑ اور انتشار پھیلانے اور پروان چڑھانے کی کوششیں پوری طرح سے بے نقاب ہو چکی  ہیں۔ فورم نے ایسے عناصر اور ایسی کوششیں کرنے والوں کوکسی بھی قسم کی معافی نہ دینے کا اعادہ کیا، فورم نے نیشنل ایکشن پلان کے دائرہ کار کے تحت عزمِ استحکام کی حکمت عملی کے  تیز اور موثر نفاذ  کی ضرورت پر زور دیتے ہوئے دہشت گردی کے خلاف پوری قوم کے تعاون سے مشترکہ نقطہ  نظر کی اہمیت کو اْجاگر کیا۔شرکاء کانفرنس نے اعادہ کیا کہ ریاستی ادارے آئین کے دائرے میں رہتے ہوئے قانون پر پوری استقامت سے عمل درآمد کریں گے جبکہ قانون کی عملداری میں کسی قسم کی نرمی اور کوتاہی نہیں برتی جائے گی۔فورم نے  بھارت کی غیر قانونی طور پر مقبوضہ جموں و کشمیر میں انسانی حقوق کی  جاری سنگین خلاف ورزیوں  پر گہری تشویش کا اظہار کیااور لائن آف کنٹرول  پر بھارتی فوج کی بلا اشتعال جنگ بندی کی خلاف ورزیوں پر بھی خدشات ظاہر کئے۔فورم نے بھارت کے غیر قانونی طور پر مقبوضہ جموں و کشمیر کے عوام کے منصفانہ حقوق  کیلئے پاکستان کی پْر زور اور غیر متزلزل حمایت پر زور دیا۔فورم نے عالمی سطح  پر مقبوضہ جموں و کشمیر میں جاری  انسانی حقوق کی خلاف ورزیوں کو اجاگر کرنے کیلئے مستقل سفارتی کوششوں کی ضرورت پر بھی زور دیا۔فورم نے فلسطین کے عوام کے ساتھ مکمل یکجہتی کا اظہار کرتے ہوئے غزہ میں ہونے والی سنگین انسانی حقوق کی خلاف ورزیوں اور جنگی جرائم کی شدید مذمت کی۔ فورم نے فلسطین کے عوام کی غیر متزلزل سفارتی، سیاسی اور اخلاقی حمایت فراہم کرنے کا اعادہ بھی کیا۔آئی ایس پی آر کے مطابق آرمی چیف نے پاکستان بھر میں نیشنل ایکشن پلان کے تحت قائم شدہ ضلعی رابطہ کمیٹیوں کے آغاز کو سراہا اور بغیر کسی رکاوٹ کے نیشنل ایکشن پلان کے تیز نفاذ کی ضرورت پر زور دیا۔ آرمی چیف نے کہا کہ نیشنل ایکشن پلان کے نفاذ میں حکومتی ہدایات کے مطابق  تمام ادارے پائیدار ہم آہنگی ، مربوط کوششوں اور تعاون کو یقینی بنائیں، پاک فوج حکومت اور قانون نافذ کرنے والے اداروں کو دہشت گردوں  کی مالی اعانت کیخلاف سخت قانونی اقدامات میں مکمل تعاون فراہم کرے گی۔ انہوں نے کہاکہ غیر قانونی سر گرمیاں  دہشت گردی کی مالی معاونت سے اندرونی طور پر جڑی ہوئی ہیں،پاکستان میں دہشت گردوں اور ان کے سہولت کاروں کے لیے کوئی جگہ نہیں ہے۔ کانفرنس کے اختتام پر آرمی چیف نے فیلڈ کمانڈرز کو آپریشنل تیاری اور پیشہ ورانہ مہارت کے اعلیٰ ترین معیارات کو برقرار رکھنے کی ہدایت کی اور بہترین جنگی تیاریوں کو برقرار رکھنے کیلئے سخت تربیت کو یقینی  بنانے پر زور دیا۔

کسی کو بلوچستان کے امن میں خلل ڈالنے کی اجازت نہیں دی جائیگی، کورکمانڈرز کانفرنس

دہشت گردوں کی مالی اعانت کیخلاف سخت قانونی اقدامات میں مکمل تعاون کیا جائیگا، آرمی چیف جنرل سید عاصم منیر

پاکستان پیپلز پارٹی کے چیئرمین بلال بھٹو نے کہا ہے کہ ہم نے دریائے سندھو کو بحال کرنا اور اسے صحت بند کرنا ہے۔ پانی کی منصفانہ تقسیم کی جنگ میں عالمی سطح پر لڑ کر آیا ہوں۔بلاول بھٹو کا کہناتھا کہ  وفاقی حکومت پسماندہ علاقوں پرترجیح دے، پی ایس ڈی پی میں مشاورت نہ ہوئی توبجٹ میں ووٹ نہیں دیں گے۔ذوالفقار علی بھٹو کی 46ویں برسی پر گڑھی خدا بخش میں جلسے سے خطاب کرتے ہوئے بلاول بھٹو کا کہنا تھا کہ میں آپ کا شکر گزار ہوں کہ ہر سال کی طرح ہم گڑھی خدا بخش میں جمع ہو کر قائد عوام شہید ذوالفقار علی بھٹو کو خراج عقیدت پیش کررہے ہیں۔انہوں نے کہا کہ پاکستان پیپلزپارٹی اور کارکنان نے یہ علم بلند رکھا ہے، ہم شہید ذوالفقار علی بھٹو کے علم بردار ہیں اور میں پاکستان پیپلزپارٹی کے کارکنوں کو سلام پیش کرتا ہوں، جنہوں نے 46 سال کے لیے یہ جدوجہد جاری رکھی ہے۔ان کا کہنا تھا کہ صدرآصف زرداری نے ایک اور وعدہ گڑھی خدابخش کے ساتھ نبھایا ہے،صدر زرداری نے اس سے پہلے صدارتی ریفرنس کے ذریعے شہید ذوالفقار علی بھٹو کو انصاف دلوایا۔چیئرمین پیپلزپارٹی نے کہا کہ صدر زرداری نے اپنی کامیابیوں سے شہید محترمہ بے نظیر بھٹو کا وہ فیصلہ کہ پیپلزپارٹی کی قیادت صدر زرداری کو دی، اور وہ انہوں نے وہ ذمہ داری ادا کی۔بلاول بھٹو نے مزیدکہا کہ ہماری اپنی غلطیوں کی وجہ سے دہشتگردی کی لہر جاری ہے،اپنی اندرونی غلطیوں کو درست کرنا پیپلزپارٹی کے ایجنڈے میں رہا ہے،جس کیلئے کام کرتے رہیں گے، ہم نے احساس محرومی دور کرنی ہے،صوبائی خودمختاری پر عمل کرنا ہے۔بلاول بھٹو زرداری کا کہناتھا کہ ہم نے ان درندوں کامقابلہ کرنا ہے جو عوام کے ساتھ خون کی ہولی کھیل رہے ہیں، عالمی سازش کامیاب کرنے کیلئے پاکستان کے عوام کو شہید کیا جا رہا ہے، کے پی میں رمضان میں مسجد میں خودکش دھماکوں سے لوگ شہید کئے جاتے ہیں، بلوچستان میں غریب مزدوروں کو فائرنگ کر کے شہید کیا جاتا ہے، ہمارے قائدین کو لیاقت باغ کی سڑکوں پر خودکش حملوں میں شہید کیا جاتا ہے۔ان کا کہناتھا کہ کراچی میں بلوچستان کی بہنوں کو خودکش بنا کر استعمال کرنے کی کوشش کرتے ہیں، دہشتگرد کبھی مذہب اور کبھی قوم پرستی کے پیچھے چھپتے ہیں، دہشتگرد کا کوئی مذہب اور قوم نہیں ہوتی،یہ کھلونے اور پیشہ ورقاتل ہوتے ہیں، ہم نے پہلے بھی دہشتگردوں کو شکست دی،اب بھی شکست دیں گے، دہشتگردوں کا  سیاسی اور عالمی سطح پر مقابلہ کریں گے، دہشتگرد پاکستان سے جنگ چھیڑ چکے ہیں،پاکستانی عوام کو شہید کر رہے ہیں، ہم نے قتل کا جواب دینا ہے،ہم نے آپس کے اختلافات بھولنے ہیں۔انہوں نے کہا کہ دہشتگردوں کا مقابلہ کرنے کیلئے پیپلزپارٹی کا ہر کارکن پاکستان کے ساتھ کھڑا ہے، شکایت اپنی جگہ لیکن پیپلزپارٹی کا ہر کارکن پاکستان کے ساتھ کھڑا ہے، اپوزیشن سے اپیل ہے وہ بھی اپنا کردار ادا کرے، سیاست کرنا اپوزیشن کا حق ہے کرتے رہیں، کوئی ایک صوبہ دہشتگردوں ، ان کے پیچھے قوتوں کا مقابلہ نہیں کر سکتا، ہم متحد ہوں گےتو دہشتگردوں کو عبرتناک شکست دلوائیں گے۔بلاول بھٹو کا کہناتھا کہ حکومت سے طے کیا تھا پی ایس ڈی پی پیپلزپارٹی سے ملکر بنائی جائے گی، پی ایس ڈی پی پر مشاورت کے بغیر بجٹ کیلئے ووٹ نہیں دیں گے، حکومت کے ساتھ بیٹھ کر پی ایس ڈی پی اوربجٹ بنائیں گے، بینظیر بھٹو کا بیٹا ہوں ہمیشہ وفاق کے ساتھ کھڑا ہوں گا اور ہرسازش کو ناکام کراؤں گا ہم پاکستان کھپےکہنے والے ہیں،نہ کھپے کہنے والے نہیں۔ ان کا کہنا تھا کہ میں نے اقوام متحدہ میں اسلاموفوبیا کے خلاف آواز اٹھانے کے لیے بحث کرائی، ہم نے پاکستان کو فیٹف کے شکنجے سے نکلوایا، ہم نے جی ایس پی پلس کے سٹیٹس کو بچایا۔چیئرمین پی پی نے کہا کہ سیلاب کے دوران میں آپ کا وزیر خارجہ تھا، میں نے دنیا کو قائل کیا کہ موسمیاتی تبدیلی کی وجہ سے ہمارا نقصان ہو رہا ہے، میں نے دنیا کو بتایا کہ آپ کی وجہ سے میرے لوگ ڈوب رہے ہیں،چین سے امریکا، یورپ سے عرب ممالک تک کوئی ایسا ملک نہیں جو سندھ اور بلوچستان کے ساتھ کھڑے نہیں ہوئے، ہم نے وفاق کو منایا کہ کوئی ایک صوبہ اس قدرتی آفت کا مقابلہ نہیں کر سکے گا،موسمیاتی تبدیلیوں کے خلاف جنگ عالمی سطح پر لڑ کر آیا ہوں، وزیر خارجہ کی حیثیت سے دنیا کو منوایا کہ ہمارے سندھو کو بچانا ہے، باقی سب سو رہے تھے۔ان کا کہنا تھا کہ پانی کی منصفانہ تقسیم ، موسمیاتی تبدیلیوں کے خلاف جنگ عالمی سطح پر لڑ کر آیا ہوں،  پانی پر بھارت کے ڈاکے اور یکطرفہ فیصلوں کا مقابلہ کرکے آیا ہوں اور کرتا رہوں گا۔انہوں نے مزید کہا کہ سندھ اور پنجاب کے عوام کی آواز سنو،پانی کی منصفانہ تقسیم ہمارا حق ہے، شہبازشریف صاحب یہ عوام کا مطالبہ ہے نئی نہریں نامنظور ہیں، پیپلزپارٹی عوام کے ساتھ کھڑی ہو گی آپ کے ساتھ نہیں، ہم چاہتے ہیں کہ وفاق کو نقصان پہنچانے والی ہر پالیسی واپس لی جائے، یہ منصوبہ متنازعہ بن چکا ، پیپلزپارٹی وفاق کو نقصان پہنچنے والا کوئی غیرذمہ دارانہ فیصلہ نہیں لینے دے گی،  وفاق کو صوبوں سے لڑانے والوں کو آپ نے اور میں نے جواب دینا ہے۔

پانی کی منصفانہ تقسیم کی جنگ پاکستان تو کیا عالمی سطح پر لڑ کر آیا ہوں، بلاول بھٹوزرداری

پیپلز پارٹی کوئی ایسا فیصلہ نہیں کرنے دی گی جس سے وفاق کو نقصان ہو، گڑھی خدا بخش میں خطاب

برطانوی شاہی خاندان کی بڑی بہو، پرنسس آف ویلز کیٹ مڈلٹن نے عید الفطر کے موقع پر مسلم کمیونٹی کا دورہ کیا، اس موقع پر وہ پاکستانی ڈیزائنر کی جانب سے تیار کردہ لباس میں نظر آئیں۔پاکستان فیشن انڈسٹری کی نامور ڈیزائنر ایلان کلوتھنگ برانڈ کی کری ایٹیو ڈائریکٹر خدیجہ شاہ نے اپنے سوشل میڈیا اکاؤنٹ انسٹاگرم پر پرنسس آف ویلز کی نئی ویڈیو شیئر کی ہے ویڈیو میں کیٹ مڈلٹن کو ایلان برانڈ کے جوڑے کا دوپٹہ اوڑھے دیکھا جا سکتا ہے۔ میڈیا رپورٹس کے مطابق پرنسس آف ویلز کیٹ مڈلٹن نے کمیونٹی سینٹر میں مسلم برادری کے ساتھ عیدالفطر منائی۔کیٹ مڈلٹن نے کمیونٹی سینٹر میں موجود افراد کے ساتھ وقت گزارا۔ بالخصوص بچیوں کے ساتھ کچھ گیمز بھی کھیلے۔برطانوی شہزادی کی جانب سے بچوں میں تحائف بھی تقسیم کیے گئے جب کہ شہزادی کو مٹھائی پیش کی گئی۔شہزادی کیٹ مڈلٹن نے اس موقع پر خوبصورت قیمص شلوار زیب تن کیا ہوا تھا جو انھوں نے 2019 میں دورۂ پاکستان کے دوران بھی پہنا تھا۔یہ سُوٹ ڈیزائنر خدیجہ شاہ نے تیار کیا تھا جو فیشن انڈسٹری کی نامور ڈیزائنر ایلان کلوتھنگ برانڈ کی کری ایٹیو ڈائریکٹر ہیں۔کلوتھنگ برانڈ نے انسٹاگرام پوسٹ پر اس لباس کی قیمت 29 ہزار 500 روپے بتائی تھی۔یادرہے کہ 2006 میں اُس وقت کے شہزادہ اور موجودہ کنگ شاہ چارلس اپنی اہلیہ شہزادی کمیلا کے ہمراہ پاکستان آئے تھے۔اس دورے کے 13 سال بعد کسی برطانوی شاہی خاندان کے رکن 2019 میں پاکستان کا دورہ کیا تھا۔

برطانوی شہزادی کیٹ مڈلٹن نے پاکستانی ڈیزائنر کا جوڑا ایک بار پھر پہن لیا

یہ لباس برطانوی شہزادی نے 2019 میں پاکستان کے سرکاری دورے کے دوران خریدا تھا

ٹک ٹاکر مناہل ملک نے عمرے کی ادائیگی کے بعد عید الفطر کے موقع پر ایک بار پھر اپنی نازیبا ویڈیوز لیک ہونے پر ردِ عمل کا اظہار کیا ہے۔میڈیارپورٹس کے مطابق لاکھوں فالوورز والی ٹک ٹاک سینسیشن مناہل ملک ایک بار پھر متنازعہ ویڈیو لیک کے طوفان میں گھر گئی ہیں۔رمضان المبارک میں عمرہ ادا کرنے اور عید منانے کے بعد اب ان کی ایک اور نجی ویڈیو سوشل میڈیا پر وائرل ہوگئی ہے جس نے صارفین میں اشتعال کو جنم دیا ہے۔ حال ہی میں متعدد میڈیا پلیٹ فامرز کی جانب سے عید کے موقع پر ٹک ٹاکر مناہل ملک کی نازیبا ویڈیوز لیک ہونے سے متعلق رپورٹس شائع کی گئی تھیں۔مناہل ملک کی نامناسب ویڈیوز سامنے آنے کے نتیجے میں ٹک ٹاکر مناہل کا نام ایکس سمیت دیگر سوشل میڈیا پلیٹ فارمز پر ٹرینڈ پر بھی رہا تھا۔ جس کے بعد ٹک ٹاکر مناہل نے ایک بار پھر اپنی نازیبا ویڈیوز لیک ہونے پر وضاحت کرتے ہوئے کہا ہے کہ اب انہیں کوئی فرق نہیں پڑتا، انہوں نے اپنا معاملہ خدا پر چھوڑ دیا ہے۔مناہل ملک نے ٹک ٹاک پر تین منٹ سے زائد دورانیے کی ویڈیو جاری کرتے ہوئے کہا ہے کہ جن لوگوں کو اپنے گھر کا کچھ پتا نہیں ہوتا، وہ دوسروں کے گھروں پر نظر رکھے ہوئے ہیں اور آج کل انہیں ایسے لوگ بہت زیادہ دکھائی دیتے ہیں۔انہوں نے اپنی مبینہ فحش ویڈیوز لیک ہونے کا ذکر کیے بغیر کہا کہ جو لوگ انہیں گھٹیا اور گندا کہتے رہتے ہیں، ان کے لیے پیغام ہے کہ اب انہیں کوئی فرق نہیں پڑتا، وہ مضبوط بن چکی ہے، کیوں کہ چند ہفتے قبل ہی وہ مقدس مقامات سے ہوکر آئی ہیں۔ٹک ٹاکر نے طنزیہ انداز میں کہا ’’اگر میں دو نمبر ہوتی تو اللہ مجھے اپنے گھر کیوں بلاتا؟ میرا معاملہ اب اللہ کے حوالے ہے، تو براہ کرم میرا باپ بننے کی کوشش نہ کریں۔‘‘ انہوں نے یہ بھی واضح کیا کہ مشکل وقت میں صرف ان کا خاندان ہی ان کے ساتھ کھڑا رہا۔مناہل کے مداحوں اور ناقدین کے درمیان اس معاملے پر شدید ردعمل سامنے آیا ہے۔ جہاں کچھ لوگ ان کے موقف کی حمایت کر رہے ہیں، وہیں دوسرے اسے شہرت حاصل کرنے کی کوشش قرار دے رہے ہیں۔ٹک ٹاکر نے اپنی ویڈیو میں مداحوں کو عید کی مبارک باد پیش کرتے ہوئے کہا ہے کہ جو لوگ اب بھی میرے خلاف بول رہے ہیں، ان کے تھک جانے پر میں ان سے پوچھوں گی، ابھی انہیں بولنے دیں۔واضح رہے کہ اس سے قبل 2024ء کے اختتام پر بھی مناہل ملک کی فحش ویڈیوز وائرل ہوئی تھیں۔

عمرے سے واپسی کے بعد مناہل کی لیک ویڈیو نے طوفان برپا کردیا

مناہل ملک کا عید پر نئی نازیبا ویڈیو وائرل ہونے پر ردِ عمل کا اظہار

پاسپورٹ کی درجہ بندی کے حوالے سے نئی فہرست جاری کر دی گئی ہے جس میں پاکستانی پاسپورٹ ایک بار پھر دنیا کے کمزور ترین ممالک میں شامل رہا ہے۔دنیا کا طاقتور ترین پاسپورٹ رکھنے والے ممالک میں آئرلینڈ، سوئٹزر لینڈ، یونان، پرتگال اور مالٹا بالترتیب پہلے سے پانچویں نمبر پر ہیں، پاکستانی پاسپورٹ 32 پوائنٹس کے ساتھ 195ویں نمبر پر ہے۔ میڈیارپورٹس کے مطابق نوماڈ کیپیٹلسٹ نے 2025 کی نئی درجہ بندی جاری کی ہے جس میں آئرلینڈ کو دنیا کے سب سے طاقتور پاسپورٹ کا اعزاز حاصل ہوا ہے اس درجہ بندی میں مختلف عوامل کو مدنظر رکھا گیا جن میں ویزا فری سفر کی سہولت شہریوں پر ٹیکس کی شرح دوہری شہریت کی اجازت ذاتی آزادی اور عالمی ساکھ شامل ہیں ان تمام پہلوؤں کی بنیاد پر آئرلینڈ نے 109 پوائنٹس حاصل کیے اور پہلی پوزیشن حاصل کر لی اس کے شہریوں کو 176 ممالک میں بغیر ویزا سفر کرنے کی سہولت حاصل ہے جو اسے دنیا کے بہترین پاسپورٹس میں سرفہرست رکھتا ہے یونان اور سوئٹزرلینڈ 108 پوائنٹس کے ساتھ دوسرے نمبر پر رہے جبکہ پرتگال کو چوتھی پوزیشن حاصل ہوئی اس فہرست میں دیگر مضبوط پاسپورٹس رکھنے والے ممالک میں مالٹا فن لینڈ ناروے نیوزی لینڈ متحدہ عرب امارات اور آئس لینڈ شامل ہیں ان ممالک کے پاسپورٹس کو بھی عالمی سطح پر سفر کی سہولت اور شہریوں کے لیے بہتر مواقع کی بنیاد پر اعلیٰ درجہ دیا گیا ہے اس فہرست میں پاکستان کا درجہ کافی کمزور رہا اور اسے 195 ویں نمبر پر رکھا گیا جس کا شمار دنیا کے سب سے کمزور پاسپورٹس میں ہوتا ہے رپورٹ کے مطابق پاکستان کا پاسپورٹ اریٹیریا کے ساتھ 195 ویں نمبر پر ہے جبکہ عراق 196 ویں یمن 198 ویں اور افغانستان 199 ویں نمبر پر موجود ہے اس سے ظاہر ہوتا ہے کہ پاکستانی شہریوں کو بین الاقوامی سفر میں کافی مشکلات کا سامنا کرنا پڑتا ہے اور ویزا فری رسائی محدود ترین ہے دلچسپ بات یہ ہے کہ گزشتہ درجہ بندیوں میں سرفہرست رہنے والے جاپان اور سنگاپور اس سال نمایاں طور پر نیچے آ گئے ہیں ان ممالک کی دوہری شہریت سے متعلق سخت پالیسیوں اور ٹیکس قوانین میں سختی کے باعث ان کے پاسپورٹس کی درجہ بندی میں کمی ہوئی ہے حالانکہ ماضی میں یہ دونوں ممالک دنیا کے مضبوط ترین پاسپورٹس کی فہرست میں سرفہرست رہے ہیں تاہم اس نئی درجہ بندی میں شہریوں کی مالی اور قانونی آزادی کو بھی اہمیت دی گئی ہے جس کے باعث ان کا سکور کم ہوا ہے نوماڈ کیپیٹلسٹ کی اس فہرست کو دنیا بھر میں اہمیت دی جاتی ہے کیونکہ یہ روایتی پاسپورٹ رینکنگ سے ہٹ کر زیادہ وسیع عوامل کا احاطہ کرتی ہے عام طور پر پاسپورٹ کی طاقت کا اندازہ صرف ویزا فری سفر سے لگایا جاتا ہے لیکن اس درجہ بندی میں دیگر عناصر جیسے کہ ٹیکس کی سہولت اور عالمی ساکھ بھی اہمیت رکھتے ہیں یہی وجہ ہے کہ اس سال کئی ممالک کی درجہ بندی میں اتار چڑھاؤ دیکھنے کو ملا ہے

پاسپورٹ کی نئی درجہ بندی میں پاکستان کمزور ترین ممالک میں شامل

مضبوط پاسپورٹس میں مالٹا، فن لینڈ، ناروے، متحدہ عرب امارات،پاکستانی پاسپورٹ 32 پوائنٹس کیساتھ 195ویں نمبر پر

کراچی (این این آئی)مشہور پاکستانی اداکارہ اور ٹیلی ویژن ہوسٹ حرا مانی نے حالیہ دنوں میں اپنے عید کے بولڈ لباس کی وجہ سے سوشل میڈیا پر خاصی تنقید کا سامنا کیا ہے۔حرا مانی مقبول ڈراموں دو بول، کشف، سن یارا اور میرے پاس تم ہو میں اپنی جاندار اداکاری کے باعث شہرت حاصل کر چکی ہیں۔انہوں نے عید کے موقع پر کچھ ایسی ساڑھیاں زیب تن کیں جن میں ان کا جسم نمایاں طور پر ظاہر ہو رہا تھا، جیسے ہی ان کی تصاویر سوشل میڈیا پر پوسٹ ہوئیں، مداحوں نے ان پر سخت تنقید کرنا شروع کر دی۔ناقدین کا کہنا ہے کہ حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ہے۔ایک صارف نے تبصرہ کیا ہے کہ حرا مانی دن بدن بولڈ ہوتی جا رہی ہیں، ایک اور صارف نے کہا ہے کہ یہ اداکارائیں پیسہ اور کام حاصل کرنے کے لیے ایسے لباس پہنتی ہیں۔کچھ لوگوں نے ان کے شوہر اور بچوں کو بھی تنقید کا نشانہ بنایا اور کہا کہ وہ کس طرح اپنی والدہ کو ایسے لباس پہننے کی اجازت دے سکتے ہیں۔ایک صارف نے تو یہاں تک کہا کہ نہ چہرے میں کوئی کشش ہے اور نہ ہی کپڑوں میں، جدید اور بولڈ لباس پہن کر بھی خوبصورتی نظر نہیں آتی۔ایک اور صارف نے رمضان کے دوران ان کے آنسوں کو یاد کرتے ہوئے طنز کیا کہ یہ وہی ہیں جو رمضان میں روتی نظر آتی تھیں۔

مشہور پاکستانی اداکارہ حرا مانی کو عید کے بولڈ لباس پر شدید تنقید کا سامنا

حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ،ناقدین

پاکستان اسٹاک ایکس چینج میں کاروباری ہفتے کے آخری روز ایک اور نئی تاریخ رقم ہو گئی۔ پہلی بار مارکیٹ ایک لاکھ 20 ہزار پوائنٹس کی بلند ترین سطح عبور کرگئی۔تفصیلات کے مطابق پاکستان اسٹاک ایکسچینج میں آج ریکارڈ ساز تیزی دیکھی گئی، اس دوران انڈیکس نئی بلند ترین سطح کو چھو گیا۔ کاروباری ہفتے کے آخری دن بازارِ حصص میں کاروبار میں زبردست تیزی کا رجحان دیکھا جا رہا ہے۔کاروبار کے دوران صبح 10 بجے بینچ مارک ’کے ایس ای 100‘ انڈیکس ایک ہزار 855 پوائنٹس یا 1.56 فیصد اضافے کے ساتھ ایک لاکھ 20 ہزار 793 کی سطح پر پہنچ گیا جو گزشتہ روز ایک لاکھ 18 ہزار 938 کی سطح پر بند ہوا تھا۔واضح رہے کہ ملک میں عیدالفطر کی تعطیلات کے بعد امریکی صدر کی جانب سے 180 ممالک پر جوابی ٹیرف عائد کرنے کے باوجود جمعرات کے روز پی ایس ایکس میں 100 انڈیکس نئی بلند ترین سطح کو چھو گیا تھا۔گزشتہ روز وزیر اعظم شہباز شریف نے ملک بھر میں بجلی کے نرخوں میں 7 روپے 41 پیسے فی یونٹ کمی کا اعلان کرتے ہوئے ’بڑے‘ ریلیف پیکج میں شہریوں کو بجلی کے بے تحاشا بلوں کا سامنا کرنے والے بوجھ کو کم کرنے کا اعلان کیا تھا۔تجزیہ کاروں کا کہنا ہے کہ وزیراعظم کی جانب سے بجلی کے نرخوں میں کمی مارکیٹ کی کارکردگی کی ایک بڑی وجہ ہے۔دوسری جانب انٹر بینک میں کاروبار کے دوران ڈالر 20 پیسے سستا ہو گیا ہے، انٹربینک میں ڈالر 280 روپے 36 پیسے کی سطح پرٹریڈ ہورہا ہے۔گزشتہ روز کاروبار کے اختتام پر ڈالر چالیس پیسے مہنگا ہو کر 280 روپے 56 پیسے پر بند ہو ا تھا۔

اسٹاک مارکیٹ میں زبردست تیزی، 100 انڈیکس نئی بلند ترین سطح پر پہنچ گیا

ایک اور نئی تاریخ رقم ہو گئی، پہلی بار مارکیٹ ایک لاکھ 20 ہزار پوائنٹس کی بلند ترین سطح عبور کرگئی

پیپلز پارٹی کے بانی اور سابق وزیراعظم شہید ذوالفقار علی بھٹو کی 46 ویں برسی آج احترام کے ساتھ منائی جا رہی ہے۔پاکستان پیپلز پارٹی کے بانی چیئرمین کو 1979 میں آج ہی کے دن راولپنڈی میں پھانسی دی گئی تھی۔شہید ذوالفقار علی بھٹو کی برسی کے موقع پر پاکستان پیپلز پارٹی گڑھی خدا بخش میں جلسہ کرے گی،برسی میں شرکت کیلئے ملک بھر سے جیالے گڑھی خدا بخش میں جمع ہوں گے،پیپلز پارٹی کے چیئرمین بلاول بھٹو زرداری سمیت پیپلز پارٹی کے مرکزی وصوبائی قائدین خطاب کریں گے، گورنر خیبرپختونخوا فیصل کریم کنڈی، وزیراعلی سندھ مراد علی شاہ سمیت کئی رہنما گڑھی خدا بخش پہنچ گئے۔شہید ذوالفقار علی بھٹو کی برسی کے موقع پر گڑھی خدا بخش بھٹو میں جلسے کے لیے بڑا اسٹیج بنایا گیا ہے، اسٹیج پر پارٹی پرچموں، رہنماؤں کی تصاویراور بینرز آویزاں کر دیے گئے۔سابق وزیراعظم ذوالفقار علی بھٹو کو 1979 میں آج ہی کے دن راولپنڈی میں پھانسی دی گئی تھی، ذوالفقار علی بھٹو کے دور میں اسٹیل ملز اور قومی پیداواری ادارے بنے۔خیال رہے کہ پچھلے سال سپریم کورٹ نے اپنے فیصلہ میں کہا تھا کہ ذوالفقار علی بھٹو کے مقدمے میں ٹرائل منصفانہ نہیں تھا ۔صدارتی ریفرنس پر ذوالفقار علی بھٹو کو سپریم کورٹ نے بے گناہ قرار دے دیا اور رواں سال 23 مارچ کو انہیں نشان پاکستان عطا کیا گیا جو ان کی بیٹی صنم بھٹو نے وصول کیا تھا۔ذوالفقار علی بھٹو کی برسی کے سلسلے میں آج صوبہ سندھ میں عام تعطیل ہے۔دوسری جانب سابق وزیراعظم اور پاکستان پیپلز پارٹی کے بانی ذوالفقار علی بھٹو کی برسی کے موقع پر اپنے پیغام میں صدر مملکت آصف علی زرداری نے کہا کہ پاکستان کے عظیم رہنما شہید ذوالفقار علی بھٹو کی برسی کے موقع پر ان کی خدمات، جدوجہد اور قربانیوں کو خراجِ عقیدت پیش کرتے ہیں۔انہوں نے کہا کہ شہید بھٹو ایک عظیم مدبر، جرات مند رہنما اور عوام کے حقیقی نمائندہ تھے، شہید ذوالفقار علی بھٹو نے پاکستان کو ترقی، خودمختاری اور عوامی فلاح کے راستے پر گامزن کیا، ذوالفقار بھٹو کے مشن کو جاری رکھیں گے۔

پیپلزپارٹی کے بانی شہید ذوالفقار علی بھٹو کی 46 ویں برسی آج منائی جا رہی ہے

پیپلز پارٹی کے بانی چیئرمین کو 1979 میں آج ہی کے دن راولپنڈی میں پھانسی دی گئی تھی

پاکستان کو ایشین کرکٹ کونسل کی صدارت مل گئی، چیئرمین پی سی بی محسن نقوی کو اگلے دو سال کیلئے اے سی سی کا چیئرمین منتخب کردیا گیا۔میڈیارپورٹس کے مطابق ایشین کرکٹ کونسل کی ایگزیکٹو کمیٹی کا ورچوئل اجلاس ہوا جس میں چیئرمین پی سی بی محسن نقوی نے شرکت کی۔ذرائع کے مطابق پاکستان کو صدارت ملنے کا فیصلہ اے سی سی ایگزیکٹو کمیٹی کے اجلاس میں کیا گیا جس کے بعد اگلی مدت کے لیے اے سی سی کی صدارت پاکستان کے پاس رہے گی۔ اے سی سی محسن نقوی کی صدارت کے حوالے سے جلد باضابطہ اعلان کرے گی۔اس سے قبل ایشین کرکٹ کونسل (اے سی سی) کی سربراہی عبوری طور پر سری لنکا کرکٹ بورڈ کے صدر شمی سلوا کے پاس تھی تاہم جنرل کونسل اجلاس کے بعد صدارت محسن نقوی کے سپرد کی گئی۔

پاکستان کو ایشین کرکٹ کونسل کی صدارت مل گئی، محسن نقوی نئے صدر ہونگے

اس سے قبل ایشین کرکٹ کونسل کی سربراہی عبوری طور پر سری لنکا کرکٹ بورڈ کے صدر شمی سلوا کے پاس تھی

پاکستانی ٹیلی ویژن کی معروف اداکارہ مدیحہ امام نے انکشاف کرتے ہوئے بتایا کہ ڈرامے کی شوٹنگ کے دوران لگے ایک تھپڑ نے ان کی سماعت کو مستقل طور پر متاثر کردیا ہے۔عید کے موقع پر نجی ٹی وی شو میں اداکارہ مدیحہ امام نے یہ انکشاف کیا جس کی تصدیق ساتھی اداکار فیصل قریشی نے بھی کی۔مدیحہ امام نے بتایا میں اپنے ایک کان سے کم سنتی ہوں جس پر فیصل قریشی نے کہا یہ میں جانتا ہوں اور یہ سچ ہے، مدیحہ کے ساتھ یہ ایک سیٹ پر ہوا تھا۔مدیحہ امام نے وضاحت کی کہ وہ مکمل طور پر بہری نہیں ہوئی ہیں، لیکن اب ان سے بات کرتے وقت دوسرے شخص کو تھوڑا اونچا بولنا پڑتا ہے۔اداکارہ کا مزید کہنا تھا کہ ’’جن لوگوں کو لگتا ہے کہ اداکار بہت آرام سے کام کرلیتے ہیں، وہ یہ سمجھ لیں کہ یہ بالکل آسان نہیں ہے۔ انہوں نے بتایا کہ ساتھی اداکار کی جانب سے لگا تھپڑ ان کے کان پر ایسا اثرانداز ہوا کہ اب تک اس کا نقصان برداشت کر رہی ہیں۔جب پروگرام کی میزبان نے پوچھا کہ کیا انہوں نے اس شخص کو معاف کردیا جس نے یہ تھپڑ مارا تھا، تو مدیحہ نے جواب دیا، ’’ظاہر ہے یہ جان بوجھ کر کون کرے گا، غلطی سے ان سے لگ گیا تھا۔فیصل قریشی نے اس موقع پر اپنا ایک تجربہ بھی شیئر کیا۔ انہوں نے بتایا کہ کچھ عرصہ قبل انہوں نے اداکارہ صبا قمر سے زوردار تھپڑ کھایا تھا۔ فیصل نے کہا، ’’ہوتا یہ ہے کہ آپ لڑکی سے کھا سکتے ہیں، لیکن مردوں کا ہاتھ بھاری ہوتا ہے۔ اس لیے خواتین اداکاراؤں کو نہیں مار سکتے، لہٰذا وہ دکھایا ایسے جاتا ہے کہ تھپڑ مارا گیا ہے۔

ایک کان سے کم سنتی ہوں، اداکارہ مدیحہ امام کا انکشاف

شوٹنگ کے دوران تھپڑ لگنے سے اب ٹھیک سنائی نہیں دیتا،معروف اداکارہ

وزیراعظم شہباز شریف گھریلو اور صنعتی صارفین کے لیے بجلی کی قیمتوں میں بڑی کمی کا اعلان کر دیا۔ وزیر اعظم نے گھریلو صارفین کیلئے 7 روپے 41 پیسے اور صنعتی صارفین کیلئے بجلی 7 روپے 59 پیسے سستی کردی کرنے کا اعلان کیا۔ وزیراعظم نے کہا کہ عوام کو ریلیف حکومت کی اولین ترجیح ہے۔ پاکستان کی معاشی ترقی کے حوالے سے آپ کو خوشخبری سنانے آیا ہوں اور الحمدللہ وہ وعدہ پورا ہوا جو مسلم لیگ ن کے قائد میاں محمد نواز شریف نے اپنے منشور میں وعدہ کیا تھا۔ یہ بھی اعتراف کرنا چاہوں گا کہ اس سارے عمل میں آرمی چیف جنرل سید عاصم منیر کا کلیدی کردار رہا ہے۔وزیراعظم محمد شہباز شریف نے اسلام آباد میں بجلی کے نرخوں میں کمی کے حکومتی پیکج کے حوالے سے منعقدہ تقریب سے خطاب کرتے ہوئے کہا کہ عوام کو ریلیف حکومت کی اولین ترجیح ہے۔ پاکستان کی معاشی ترقی کے حوالے سے آپ کو خوشخبری سنانے آیا ہوں اور الحمدللہ وہ وعدہ پورا ہوا جو مسلم لیگ ن کے قائد میاں محمد نواز شریف نے اپنے منشور میں وعدہ کیا تھا۔ یہ بھی اعتراف کرنا چاہوں گا کہ اس سارے عمل میں آرمی چیف جنرل سید عاصم منیر کا کلیدی کردار رہا ہے۔ان کا کہنا تھا کہ ہم نے ایسے پر خطر اور دشوار گزار چیلنجز کا سامنا کرنا پڑا، جب ہم نے اقتدار سنبھالا تو ملک پر دیوالیہ ہونے کی تلوار لٹک رہی تھی۔ عوام پریشان تھے، عدم استحکام عروج پر تھا جبکہ آئی ایم ایف بات سننے کو تیار نہیں تھا۔ ڈسکوز کی نجکاری کرنا ہوگی، ہم کچھ عرصہ مزید محنت کرکے پھر حاضر ہوں گے اور بجلی مزید سستی کریں گے۔ ہمارے صنعتکار دن رات کام کریں، حکومت آپ کی خدمت کرے گی۔ میں آپہ سب کا چیف ایگزیکٹو آفیسر ہوں، وزیراعظم نہیں۔ ہم مسلسل محنت کے ذریعے پاکستان کو خودانحصاری پر لے جائیں گے۔شہباز شریف نے کہا کہ گزشتہ دور میں بجلی کے زائد نرخ نے لوگوں کو بے روزگار کیا، بجلی کا بل بھرنے والا سوچتا تھا کہ بچے کی دوائی کیسے خریدوں؟ یہ عوام کا قربانی بھرا دور ہے، آج میں ایک ادنی سا تحفہ قوم کو دینا چاہتا ہوں، قوم کا شکریہ ادا کرنا چاہوں گا، ہمارے قائد نواز شریف مشنور میں کہا تھا کہ مہنگائی 2026ء میں سنگل ڈیجٹ میں لے آئیں گے مگر یہ وعدہ 2025ء میں ہی پورا ہوگیا، ایک سال میں پیٹرول کی قیمت میں 38 فیصد کمی آئی، اس پورے خطے میں پیٹرول کی قیمت سب سے کم ہے۔انہوں نے کہا کہ اس سال محصولات کی وصولی میں 35 فیصد اضافہ کرنے جارہے ہیں، گزشتہ سال یہ شرح 30 فیصد تھی، اس سے قرض لینے میں کمی آجائے گی یہی بہتر ہے کہ ہم اپنی آمدنی خود پیدا کریں۔انہوں نے کہا کہ بجلی کی زائد قیمت ترقی کی راہ میں ہمالیہ کی مانند رکاوٹ ہے، ہماری زراعت، ایکسپورٹ اور صنعت کچھ بھی ترقی نہیں کرسکتی، جو ہوگیا سو ہوگیا، ہم ایک مشکل سفر طے کرکے آئے ہیں، بجلی سے متعلق بنائی گئی ٹاسک فورس یہاں موجود ہے جس نے دن رات کوششیں کیں جس نے بڑی مشکل سے آئی ایم ایف کو منایا، انہوں نے اچھے اچھے آپشن پیش کیے مگر آئی ایم ایف نے ہم نے انکار کیا، ہم نے پھر کوششیں کیں خدا خدا کرکے کفر ٹوٹا اور آئی ایم ایف راضی ہوا یوں سمجھیں کہ آئی ایم ایف نے ہم پر احسان کیا اور بجلی کی قیمت میں کمی کی اجازت دی۔آئی پی پیز کے معاملے پر انہوںنے کہا کہ میں تفصیل میں نہیں جانا چاہتا، آئی ایم ایف سے کہا کہ آپ نے بہت کمالیا اب قوم کو کچھ دیں اور بات کریں، اس ٹاسک فورس نے جس طرح آئی پی پیز سے بات کی اسے سراہا جائے، ٹیم کو سردار اویس لغاری نے لیڈ کیا، جنرل ظفر، محمد علی، سیکریٹری پاور و دیگر مبارک باد کے مستحق ہیں، اس ٹیم نے قوم کے تین ہزار 696 ارب روپے بچائے ہیں یہ وہ رقم ہے جو اگلے برسوں میں ادا ہونے جارہی تھی۔ان کا کہنا تھا کہ بجلی کا سرکلر ڈیٹ یعنی گردشی قرضہ دو ہزار 393 ارب روپ کا ہے اس کا بھی بندوبست کرلیا گیا ہے اگلے پانچ برس میں یہ قرضہ ہمیشہ کے لیے ختم ہوجائے گا اور گردش نہیں کرے بشرط یہ کہ ہم اپنا چال چلن تبدیل کریں۔وزیراعظم نے کہا کہ جنکو پاور پلانٹس سالہا سال سے بند پڑے ہیں ایک یونٹ پیدا نہیں ہورہا مگر سالانہ اربوں روپے دیے جارہے ہیں اس سے بڑا ظلم قوم پر کیا ہوگا؟ نقصان قوم کے بلوں میں جارہا ہے، یہ کینسر ہے جسے جڑ سے کاٹنا ہوگا، ہدایت دی کہ اس جنکو پلانٹ کو شفاف طریقے سے بیچ جائے، قبل ازیں ایک پاور پلانٹ بیچا ہے بند شدہ جو 9 ارب روپے میں بیچا ہے اس کا سالانہ سات ارب روپے خرچہ تھا، یہ کسی ایک حکومت کا پیدا کردہ نہیں 77 سالہ بوجھ ہے۔شہباز شریف نے کہا کہ ٹیکس کے مقدمات میں تیزی لانے پر چیف جسٹس کا شکر گزار ہوں کہ انہوں نے ایک ملاقات میں میری گزارشات سنیں، سندھ ہائی کورٹ نے صبح اسٹے آرڈر ختم کیا اور شام کو 23 ارب روپے قومی خزانے میں آگئے۔انہوں نے کہا کہ جون 2024ء میں گھریلو صارفین کے لیے بجلی کی قیمت 48 روپے 70پیسے تھی یہ قیمت کم ہوکر اس سال 45 پیسے 05 پیسے فی یونٹ ہوچکی ہے یعنی اس میں ساڑھے تین روپے کی کمی ہوئی اور میں آج اس میں مزید سات روپے 41 پیسے فی یونٹ کمی کا اعلان کرتا ہوں، گھریلو صارفین کو اب بجلی اوسطً 34 روپے 37 پیسے فی یونٹ میں فراہم کی جائے گی۔وزیراعظم نے کہا کہ جون 2024ء میں صنعتوں کے لیے بجلی کی قیمت 58 روپے 50پیسے تھی، بعد کے مہینوں میں یہ قیمت 48 روپے 19 پیسے ہوچکی ہے یعنی اس میں 10 روپے 30 پیسے کی کمی لائی گئی، آج میں اس میں مزید 7 روپے 59 پیسے کمی کا اعلان کرتا ہوں۔انہوں نے کہا کہ سالانہ 600 ارب روپے کی بجلی چوری ہوتی ہے ہمیں اس چوری کا خاتمہ کرنا ہے، اوپن مارکیٹ قائم کرکے بجلی سستی کرنی ہے، ڈسکوز کو فوری طور پر پرائیوٹ کرنا ہوگا، یہ اگلے اہداف ہیں، زندگی رہی تو بجلی کی قیمت مزید کریں گے۔

وزیراعظم نے بجلی کی قیمتوں میں 7 روپے 41 پیسے فی یونٹ کمی کا اعلان کردیا

گھریلو صارفین کو اب بجلی اوسطً 34 روپے 37 پیسے فی یونٹ فراہم کی جائے گی، شہباز شریف کا تقریب سے خطاب

بانی پاکستان تحریک انصاف (پی ٹی آئی) عمران خان سے ملاقاتوں کے لارجر بنچ کے فیصلے پر عملدرآمد نہ کرنے پر اسلام آباد ہائیکورٹ میں توہین عدالت کی درخواست دائر کر دی گئی۔ سینیٹ میں اپوزیشن لیڈر اور پی ٹی آئی رہنما شبلی فراز، سلمان اکرم راجا، شعیب شاہین و دیگر کی جانب سے درخواست دائر کی گئی۔سلمان اکرم راجا، شعیب شاہین و دیگر نے سینیٹ میں اپوزیشن لیڈر اور پی ٹی آئی رہنما شبلی فراز کی جانب سے درخواست دائر کی۔سیکریٹری داخلہ، سیکریٹری محکمہ داخلہ پنجاب اور سپرنٹنڈنٹ اڈیالہ جیل کو درخواست میں فریق بنایا گیا ہے۔ درخواست گزار کا موقف ہے کہ 24 مارچ کو کو لارجر بینچ نے بانی پی ٹی آئی سے ملاقاتوں کا فیصلہ دیا جس کے مطابق منگل اور جمعرات ملاقات کرانا ضروری ہے لیکن جیل حکام کی جانب سے فیصلے پر عمل درآمد نہیں کیا جا رہا۔استدعا کی گئی کہ عدالت جیل حکام و دیگر کے خلاف توہین عدالت کی کاروائی شروع کرے۔

عمران خان سےملاقات نہ کرانے پر اسلام آباد ہائیکورٹ میں توہین عدالت کی درخواست دائر

عدالت جیل حکام و دیگر کے خلاف توہین عدالت کی کاروائی شروع کرے، درخواست میں استدعا

حکومت سندھ نے پاکستان پیپلزپارٹی کے بانی اور سابق وزیراعظم ذوالفقار علی بھٹو کی 46 ویں برسی کے موقع پر 4 اپریل (بروز جمعہ) عام تعطیل کا اعلان کیا ہے۔تفصیلات کے مطابق چیف سیکرٹری سندھ کی جانب سے جاری کردہ نوٹیفکیشن کے مطابق صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں بند رہیں گی۔سابق وزیراعظم ذوالفقار علی بھٹو کی برسی کے موقع پر پیپلزپارٹی گڑھی خدا بخش میں تعزیتی اجتماع منعقد کرے گی، جس میں ملک بھر سے کارکنوں اور حامیوں کی بڑی تعداد کی شرکت متوقع ہے۔

سندھ حکومت نے کل 4 اپریل کو عام تعطیل کا اعلان کردیا،نوٹیفکیشن جاری

صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں بند رہیں گی،نوٹیفکیشن جاری

امریکا نے ٹیرف جنگ کو دنیا بھر میں پھیلا دیا، امریکی صدر ڈونلڈ ٹرمپ نے امریکا میں داخل ہونے والی تمام غیر ملکی مصنوعات پر کم از کم 10 فیصد ٹیکس عائد کرنے کا اعلان کردیا۔ جبکہ پاکستان پر29 فیصد عائد کیا گیا ہے اور بھارت پر 26 فیصد ٹیکس عائد کردیا۔امریکی صدر ٹرمپ نے وائٹ ہاؤس میں جوابی ٹیرف کے ایگزیکٹو آرڈر پر دستخط کیے اور خطاب میں کہا کہ جوابی ٹیرف کا نفاذ امریکا کیلئے اچھا ہوگا، آج کا دن امریکی تاریخ کے اہم دنوں میں سے ایک ہے۔ امریکی صدر ٹرمپ نے وائٹ ہاؤس میں خطاب میں خطاب کرتے ہوئے کہا کہ ہمارے اتحادی 30 سال سے مراعات لے رہے ہیں۔امریکی مصنوعات پر  ڈیوٹیز لگانے والوں کو اب جواب ملے گا۔ اب میں آپ کو بتادوں کہ وہ دن گنے جاچکے ہیں، درآمدات پرٹیرف لگے گا۔ جوابی ٹیرف کا نفاذ امریکا کے لیے اچھا ہوگا۔ امریکا تمام درآمدات پر 10 فیصد ٹیکس عائد کرے گا۔صدر ٹرمپ نے  اپنے خطاب میں بیرون ملک گاڑیوں کی درآمد 25 فیصد ڈیوٹی عائد کرنے کا اعلان کیا۔ انہوں نے کہا کہ امریکا چین پر 34 فیصد اور یورپی یونین پر 20 فیصد اضافی ٹیرف عائد کرے گا۔امریکی صدر نے پاکستان پر 29 فیصد جوابی ٹیرف لگانے کا اعلان کیا اور کہا کہ پاکستان ہم سے 58 فیصد ٹیرف چارج کرتا ہے، امریکا بھارت پر 26، چین پر 34، یورپی یونین پر 20 فیصد ٹیرف عائد کرے گا، سعودی عرب، قطر اور افغانستان پر دس، دس فیصد ٹیرف عائد ہو گا۔امریکی صدر ڈونلڈ ٹرمپ نے کہا کہ بنگلا دیش پر37، جاپان پر 24، اسرائیل پر 17 اور برطانیہ پر 10 فیصد ٹیرف عائد کریں گے، گاڑیوں کی درآمد پر 25 فیصد اضافی ٹیکس عائد کریں گے، جوابی ٹیرف کا نفاذ امریکا کیلئے اچھا ہو گا، دوسرے ممالک کے ٹیرف سے امریکا کو نقصان پہنچا۔ڈونلڈ ٹرمپ کا کہنا تھا کہ آج ہماری اقتصادی آزادی کا دن ہے، محصولات سے حاصل رقم کو اپنے ٹیکسوں کو کم کرنے کیلئے استعمال کریں گے، برسوں امریکی شہریوں کو سائیڈ لائن رکھا گیا، دوسری قومیں طاقتور بن گئیں۔امریکی صدر کا مزید کہنا تھا کہ اب امریکا کی خوشحالی کی باری ہے،امریکی کی جانب سے عائد نئے ٹیرف کا نفاذ 9 اپریل سے ہوگا، امریکی صدر ڈونلڈ ٹرمپ نے جوابی ٹیرف کے ایگزیکٹو آرڈر پر دستخط بھی کر دیئے۔

ٹرمپ نے دنیا میں ٹیرف جنگ پھیلا دی، پاکستان پر بھارت سے زیادہ ٹیرف عائد

نئے ٹیرف 9 اپریل سے نافذالعمل ہوگا،امریکی صدر ٹرمپ نے ایگزیکٹو آرڈر پر دستخط کردیے

پاکستان سپر لیگ (پی ایس ایل) 10 کا آفیشل ترانہ جاری کردیا گیا ہے۔ پی ایس ایل کے دسویں سیزن کے ترانے میں معروف گلوکاروں نے آواز کا جادو جگایا ہے جن میں ابرارالحق، علی ظفر، نتاشا بیگ اور طلحہ انجم شامل ہیں۔چیف ایگزیکٹیو آفیسر ایچ بی ایل پی ایس ایل سلمان نصیر نے کہا کہ اس سال کے ترانے کا وژن پی ایس ایل کے دس سال مکمل ہونے کے سنگ میل کا جشن منانا ہے، اس ترانے کا نام’’ ایکس دیکھو‘‘رکھا گیا ہے جو گزشتہ دہائی میں پی ایس ایل کی کامیابیوں پر فخر کی نمائندگی کرتا ہے۔انہوں نے کہا کہ ابرار الحق بھی ترانے کے فنکاروں میں شامل، جو پہلی بار ایچ بی ایل پی ایس ایل میں شریک ہوئے، ترانے میں نامور گلوکار اور نغمہ نگار علی ظفر، نتاشا بیگ کی طاقتور آواز اور طلحہ انجم کا متحرک ریپ اسٹائل بھی شامل ہے۔سلمان نصیر نے کہا کہ مختلف پس منظر، انواع اور صوتی رینج سے تعلق رکھنے والے چاروں فنکار پاکستان کی صلاحیتوں کے رنگ کی عکاسی کرتے ہیں۔واضح رہے کہ پاکستان سپر لیگ کے دسویں ایڈیشن کا آغاز 11 اپریل سے ہورہا ہے۔پی ایس ایل 10 چار شہروں کراچی، لاہور، ملتان اور راولپنڈی میں کھیلی جائے گی،ملک کا سب سے بڑا کرکٹ میلہ آئندہ ماہ 18مئی تک جاری رہے گا۔

علی ظفرکی آواز میں پی ایس ایل 10کا آفیشل ترانہ جاری کردیا گیا

ترانے میں معروف گلوکاروں نے آواز کا جادو جگایا ہے جن میں ابرارالحق، علی ظفر، نتاشا بیگ اور طلحہ انجم شامل ہیں

عاصم افتخار احمد نے اقوام متحدہ میں پاکستان کے مستقل مندوب کا منصب سنبھال لیا۔ عاصم افتخار احمد نے 31 مارچ 2025 کو اپنی مدت مکمل کرنے کے بعد اس منصب سے سبکدوش ہونے والے سفیر منیر اکرم کی جگہ لی ہے۔سفیر عاصم افتخار احمد نے یو این سیکرٹری جنرل انتونیو گوتریس سے ملاقات کے دوران  اپنی سفارتی اسناد  انہیں پیش کر دیں اور اپنے پہلے خطاب میں کہا کہ عالمی برادری دوسروں کی خدمت کیلئے جانیں خطرے میں ڈالنے والوں کا تحفظ کرے، تنازعات والے علاقوں میں امدادی کارکنوں کو دھمکیوں اور گولیوں کا سامنا ہے۔انہوں نے کہا کہ غزہ سنگین بحران سےدوچار ہے ، فریقین کو لازمی طور پر انسانی قوانین پر عمل درآمد کرنا ہوگا۔ پاکستانی مندوب عاصم افتخار نے مطالبہ کیا کہ تحقیقات کے ذریعے خلاف ورزی کرنے والوں کو جوابدہ بنایا جائے  اور سلامتی کونسل کے ذریعے پابندیاں عائد کی جائیں اور قانونی کارروائی کی جائے۔ دوسری طرف پاکستان کے اقوام متحدہ میں سبکدوش ہونے والے مستقل مندوب منیر اکرم کے اعزاز میں پروقار الوداعی استقبالیہ کا انعقاد کیا گیا۔ استقبالیہ میں مستقل مندوب منیر اکرم کو ان کی شاندار خدمات پر خراج تحسین پیش کیا گیا، جنہوں نے عالمی سطح پر پاکستان کی نمائندگی اور سفارتی تعلقات کو مستحکم کرنے میں اہم کردار ادا کیا۔

عاصم افتخار نے اقوام متحدہ میں پاکستان کے مستقل مندوب کا منصب سنبھال لیا

عاصم افتخار احمد نےاپنی مدت مکمل کرنے کے بعد اس منصب سے سبکدوش ہونے والے سفیر منیر اکرم کی جگہ لی ہے

ترجمان وائٹ ہاؤس کیرولائن لیوٹ نے بھارت  کا امریکی زرعی مصنوعات پر 100 فیصد ٹیرف غیر منصفانہ قرار دے دیا۔ترجمان وائٹ ہاؤس کا کہنا ہے کہ بھارت کی جانب سے امریکی زرعی مصنوعات پر 100 فیصد ٹیرف غیرمنصفانہ ہے اور بھارت نے 100 فیصد ٹیرف عائد کرکے امریکا کو دھوکا دیا۔ترجمان نے کہا کہ امریکی مصنوعات پربھاری ٹیرف امریکی برآمدات کوعملاً ناممکن بنا دیتے ہیں۔کیرولائن لیوٹ نے بتایا کہ یورپی یونین نے امریکی دودھ کی مصنوعات پر 50 فیصد ٹیرف عائد کر رکھا ہے، جاپان نے امریکی چاول پر 700 اور کینیڈا نے امریکی مکھن اور پنیر پر 300 فیصد ٹیرف عائدکر رکھا ہے۔خیال رہے کہ امریکی صدر ٹرمپ نے اعلان کررکھا ہے کہ دو اپریل سے نافذ ہونے والے ٹیرف بڑے پیمانے پرہوں گے جبکہ امریکی صدر متعدد بار کہہ چکے دو اپریل سے نافذ ٹیرف امریکی معیشت کیلئے اہم موڑ ثابت ہوں گے۔

بھارت نے 100 فیصد ٹیرف عائد کرکے ہمیں دھوکا دیا، امریکا

امریکی مصنوعات پربھاری ٹیرف امریکی برآمدات کوعملاً ناممکن بنا دیتے ہیں، ترجمان وائٹ ہاؤس

The IND vs ENG semi-final T20 World Cup 2024 took place on 27th June 2024 at the Providence Stadium in Guyana.

India Thumps England Qualifies For The T20 World Cup Final

The IND vs ENG semi-final T20 World Cup 2024 took place on 27th June 2024 at the Providence Stadium in Guyana.&nbsp;

It was a highly anticipated clash as both teams looked too good on paper. Although the IND vs ENG <a href="https://www.tapmad.com/play/watch-live-ind-vs-eng-t20-world-cup/11131">live stream</a> attracted a lot of traffic, the match wasn&rsquo;t as exciting as the fans were hoping it to be because India swept away England in what could be rightly called a one-sided match.&nbsp;

Luck was initially on England&rsquo;s side as Jos Buttler&rsquo;s team won the toss and chose to bowl first. Like every time, the Indian skipper Rohit Sharma didn&rsquo;t disappoint and scored 57 runs off 39 balls.&nbsp;

He kickstarted the Indian batting innings and was supported by Suryakumar Yadav (47 off 36 balls) and Hardik Pandya (23 off 13 balls).&nbsp;

India managed to set a target of 172 in their 20-overs. England&rsquo;s Chris Jordan took 3-37 but no other English bowler was as economical.&nbsp;

The target although was a bit high as compared to the normal targets set throughout the T20 World Cup 2024, it was still not impossible to chase.&nbsp;

England batters stepped onto the pitch with an intention to smash the ball out of the stadium and the Indian side out of the World Cup, but could manage to do neither.&nbsp;

Cameos from Buttler, Brook, and Archer helped England cross the 100-run mark, but that was all that they could manage. The two-time T20 World Cup winning side were all out for 103 runs.&nbsp;

The IND vs ENG semi-final ended with India achieving a well-deserved victory and a place in the CWC 2024 final.&nbsp;

India vs South Africa final T20 World Cup 2024 will be played at the Kensington Oval in Barbados on 29th June at 7:30 PM (PST).&nbsp;

Both sides will step into the stadium unbeaten and with a morale as high as the sky.&nbsp;

South Africa has qualified for the ICC Men&rsquo;s T20 World Cup final for the first time in history,&nbsp; whereas India qualified for the final after almost a decade.&nbsp;

India will be looking to bag their second T20 World Cup title and South Africa will be looking to grab their first ever Twenty20 World Cup trophy.&nbsp;

India Thumps England & Qualifies For The T20 World Cup Final

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan