Cricket

Entertainment

Football

پاکستان سپر لیگ سیزن 10 کے 15 ویں میچ میں کوئٹہ گلیڈی ایٹرز نے کراچی کنگز کو 5 رنز سے شکست دیدی۔143 رنز کے ہدف کے تعاقب میں کراچی کنگز کی ٹیم مقررہ 20 اوورز میں 8 وکٹوں کے نقصان پر 137رنز بناسکی، ٹِم سائفرٹ 47 رنز کیساتھ نمایاں رہے۔قبل ازیں قذافی اسٹیڈیم لاہور میں کھیلے جارہے میچ میں کراچی کنگز نے کوئٹہ گلیڈی ایٹرز کو ٹاس جیت کر پہلے بیٹنگ کرنے کی دعوت دی۔کوئٹہ گلیڈی ایٹرز کی جانب سے اننگز کا آغاز کپتان سعود شکیل اور فن ایلن نے کیا ، سعود شکیل صرف 6 رنز بناسکے جبکہ فن ایلن بغیر کوئی رن بنائے چلتے بنے۔کوئٹہ گلیڈی ایٹرز کی طرف سے فہیم اشرف 43، کوشل مینڈس 36، حسن نواز 35 رنز کے ساتھ نمایاں بیٹر رہے جبکہ رائلی روسو 10، مارک چیمپین 4، خرم شہزاد 1، محمد وسیم 1 اور محمد عامر بغیر کوئی رنز بنائے ہی پویلین لوٹ گئے جبکہ ابرار احمد 2 رنز بنا کر ناٹ آؤٹ رہے۔کراچی کنگز کی جانب سے حسن علی نے 3، میر حمزہ اور عباس آفریدی نے 2، 2 اور محمد نبی اور فواد علی نے 1، 1 وکٹ حاصل کی۔کوئٹہ گلیڈی ایٹرز کی جانب سے دیئے گئے 143 رنز کے ہدف کے تعاقب میں کراچی کنگز کی ٹیم مقررہ 20 اوورز میں 8 وکٹوں کے نقصان پر 137رنز بناسکی، ٹِم سائفرٹ 47 رنز کیساتھ نمایاں رہے۔کراچی کنگز کی جانب سے کپتان ڈیوڈ وارنر 4 رنز، جیمز ونس 30، شان مسعود 9 ، عمیر بن یوسف11 رنز بناکر آؤٹ ہوگئے، محمد نبی 4 رنز، خوشدل شاہ اور عباس آفریدی بغیر کوئی رن بنائے چلتے بنے جبکہ حسن علی 24 اور میر حمزہ 3 رنز کیساتھ ناٹ آؤٹ رہے۔کوئٹہ گلیڈی ایٹرز کی جانب سے محمد عامر، خرم شہزاد اور محمد وسیم نے 2، 2 جبکہ ابرار احمد اور سعود شکیل نے ایک ایک وکٹ حاصل کی۔

پی ایس ایل 10، کوئٹہ گلیڈی ایٹرز نے کراچی کنگز کو 5 رنز سےشکست دیدی

کوئٹہ گلیڈی ایٹرز کے 143 رنز کے ہدف کے تعاقب میں کراچی کنگز کی ٹیم 137رنز بناسکی

پہلگام فالس فلیگ آپریشن کی ناکامی سے بھارتی فضائیہ بھی بوکھلاہٹ کا شکار ہوگئی، بھارتی فضائیہ اپنے ہی عوام کی دشمن بن گئی اس کے لڑاکا طیارے نے اپنی ہی آبادی پر بم گرا دیا۔غیر ملکی میڈیا کے مطابق واقعہ بھارتی ریاست مدھیہ پردیش کے علاقے شیوپوری میں پیش آیا، بم گرنے سے آبادی اور املاک کو شدید نقصان پہنچا، بم گرنے سے متعدد مکانات تباہ ہوگئے جبکہ ہلاکتوں کی بھی اطلاعات ہیں۔دفاعی ماہرین کے مطابق واقعہ بھارتی فضائیہ کی غیر ذمہ داری اور بوکھلاہٹ کو ظاہر کرتا ہے، اس سے قبل بھی بھارتی فضائیہ لڑاکا طیاروں کے حادثے معمول کا حصہ ہیں، اکثر حادثات میں بھارتی فضائیہ کے لڑاکا طیارے آبادی پر گرچکے ہیں۔دفاعی ماہرین کے مطابق پے در پے جدید طیاروں، پے لوڈ اور بموں کا گرنا بھارتی فضائیہ کی دفاعی صلاحیت پر گہرا سوالیہ نشان ہے، بھارتی فضائیہ جدید ٹیکنالوجی میں ناکامی کے ساتھ ساتھ پائلٹوں کی تربیت میں بھی ناکام  ہے۔

بھارتی فضائیہ بوکھلاہٹ کا شکار، اپنی ہی آبادی پر بم گرا دیا

واقعہ ریاست مدھیہ پردیش میں پیش آیا،بم گرنے سے آبادی اور املاک کو شدید نقصان، متعدد مکانات تباہ

نئی دہلی (این این آئی)سابق بھارتی جنرل نے حال ہی میں بیان جاری کرتے ہوئے خبردار کیا کہ پاکستان اب بھی ایک ایٹمی قوت ہے اور جنگ کو برداشت کرنے کی کافی صلاحیت رکھتا ہے۔میڈیا رپورٹس کے مطابق ریٹائرڈ بھارتی فوج کے افسر لیفٹیننٹ جنرل ایچ ایس پناگ نے پہلگام واقعے کو افسوسناک قرار دیتے ہوئے اسے سیاحوں پر ہونے والا سب سے مہلک حملہ قرار دیا۔رپورٹ کے مطابق جنرل ایچ ایس پناگ نے بھارتی حکام کو جذبات میں آ کر جوابی کارروائی کرنے کے بجائے سوچ سمجھ کر حکمت عملی اپنانے کی ضرورت پر زور دیا ہے۔ریٹائرڈ جنرل کا کہنا تھا کہ بھارتی حکومت کو عوامی جذبات کی بنا پر جلد بازی میں فیصلہ نہیں کرنا چاہیے۔انہوں نے خبردار کیا کہ پاکستان اب بھی ایک ایٹمی طاقت ہے اور محدود جنگ کو برداشت کرنے کی کافی صلاحیت رکھتا ہے۔ بھارت کے پاس کسی بھی میدان میں میزائل، ڈرون یا فضائی،سمندری طاقت کوئی بڑا تکنیکی فائدہ نہیں ہے جو وہ بغیر کسی خطرے کے جوابی حملے کر سکے۔سابق بھارتی لیفٹیننٹ جنرل ایچ ایس پناگ نے اعتراف کیا کہ پاکستان کے پاس جوابی کارروائی کرنے کی صلاحیت موجود ہے، لہذا ہمیں اس کے لیے تیار رہنا چاہیے۔یاد رہے کہ مقبوضہ کشمیر کے سیاحتی مقام میں مسلح افراد کی فائرنگ سے 26 سیاح ہلاک 12 زخمی ہوگئے تھے۔

جنگ ہوئی تو پاکستان سے بہت مار پٹے گی، بھارتی سابق جنرل کا اعتراف

پاکستان اب بھی ایک ایٹمی قوت ہے اور جنگ کو برداشت کرنے کی کافی صلاحیت رکھتا ہے، لیفٹیننٹ جنرل ایچ ایس پناگ

نیویارک (این این آئی )مقبوضہ کشمیر میں پیش آنے والے پہلگام واقعے کے بعد پاک بھارت کشیدگی بڑھ گئی، جس پر اقوام متحدہ نے فریقین کو تحمل سے کام لینے کی تلقین کی ہے۔میڈیارپورٹس کے مطابق نیویارک میں ایک بریفنگ کے دوران اقوام متحدہ کے ترجمان اسٹیفن دوجارک نے بتایا کہ سیکرٹری جنرل انتونیو گوتیریس صورتحال پر مسلسل نظر رکھے ہوئے ہیں، تاہم تاحال ان کا اسلام آباد یا نئی دہلی سے براہِ راست کوئی رابطہ نہیں ہوا۔انہوں نے دونوں ملکوں کو متنبہ کیا کہ موجودہ کشیدہ فضا میں کسی بھی قسم کی غیر ذمے دارانہ کارروائی خطے کے امن کو مزید نقصان پہنچا سکتی ہے۔ترجمان کا کہنا تھا کہ اقوام متحدہ کا موقف واضح ہے کہ پاکستان اور بھارت کو تمام مسائل پرامن بات چیت سے حل کرنے چاہئیں اور کسی بھی یکطرفہ قدم سے گریز کیا جانا چاہیے۔یاد رہے کہ اقوام متحدہ کی اپیل ایسے وقت پر سامنے آئی ہے جب بھارت نے پہلگام فالس فلیگ کے بعد سخت اور یکطرفہ اقدامات اٹھاتے ہوئے سندھ طاس معاہدے کی معطلی سمیت دیگر اقدامات کا اعلان کیا۔بھارت نے پاکستانی شہریوں کو 48 گھنٹوں کے اندر ملک چھوڑنے کا حکم بھی جاری کیا ہے۔ اس کے علاوہ واہگہ بارڈر کی عارضی بندش، اسلام آباد میں موجود سفارتی عملے میں کمی سمیت دیگر اقدامات کیے۔

پہلگام واقعہ، اقوام متحدہ کی پاکستان اور بھارت کو تحمل کا مظاہرہ کرنے کی تلقین

پاکستان اور بھارت کو تمام مسائل پرامن بات چیت سے حل کرنے چاہئیں اور کسی بھی یکطرفہ قدم سے گریز کیا جانا چاہیے

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کےپندرھویںمیچ میں آج کراچی کنگز اورکوئٹہ کلیڈی ایٹرز کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔کراچی کنگز کو مایہ ناز آسٹریلوی بلے باز ڈیوڈ وارنر لیڈ کر رہے ہیں اور دیگر نمایاں کھلاڑیوں میں شان مسعود،جیمز وینس،خوشدل شاہ،عرفان خان،ٹم سیفرٹ،محمد نبی،حسن علی،فواد علی،ایڈم ملن اور زہد محمود شامل ہیں۔کوئٹہ گلیڈی ایٹرز کی ٹیم مایہ ناز آل رائونڈر سعود شکیل کی زیر قیادت میدان میں اترے گی، دیگر نمایاں کھلاڑیوں میں مارک، چیپمین ،ریلی روسو،فن ایلن، حسن نواز،فہیم اشرف،شعیب ملک،حسیب اللہ خان،کوسل مینڈس،ابراراحمد،محمد عامر،سین ایبٹ اور کائل جیمیسن شامل ہیں۔ کراچی کنگز کی ٹیم لیگ میں 5 میچز کھیل چکی ہے جن میں اس کو تین میں فتح اور دو میں شکست کا سامنا کرنا پڑا ہےاور وہ 6 پوائنٹس کے ساتھ پوائنٹس ٹیبل پر دوسری پوزیشن پر ہے۔جبکہ کوئٹہ گلیڈی ایٹرز کی ٹیم تین میچز کھیل چکی ہے جن میں اس کو ایک میچ میں فتح نصیب ہوئی جبکہ دو میں شکست ہوئی ہے۔کوئٹہ گلیڈی ایٹرز کی ٹیم ٹیبل پر دو پوائنٹس کے ساتھ پانچویں نمبر پر ہے۔

پی ایس ایل 10  میں کراچی کنگز اورکوئٹہ گلیڈی ایٹرز کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرکراچی کنگز کے6جبکہ کوئٹہ کلیڈی ایٹرز کے2پوائنٹس ہیں

بھارتی جارحیت اور اقدامات کے خلاف سینیٹ سے مذمتی قرارداد منظور کر لی گئی، اپوزیشن سمیت سینیٹ میں موجود تمام سیاسی جماعتوں نے قرارداد کی حمایت کی۔سینیٹ کا اجلاس چیئرمین سینیٹ یوسف رضا گیلانی کی زیر صدارت شروع ہوا۔ نائب وزیر اعظم اسحاق ڈار نے قراردار ایوان میں پیش کی جسے متفقہ طور پر سینیٹ سے منظور کر لیا گیا۔سینیٹر اسحاق ڈار نے سینیٹ اجلاس میں وقفہ سوالات جوابات معطل کرنے کی تحریک پیش کی۔وزیر خارجہ اسحاق ڈار کی جانب سے پیش کردہ قرارداد میں کہا گیا ہے کہ پاکستان پہلگام واقعے سمیت دہشتگردی کی ہر شکل کی مذمت کرتا ہے، پاکستان کو پہلگام واقعے سے جوڑنے کی مذمت کرتے ہیں، پاکستان پر کسی حملے کی صورت میں منہ توڑ جواب دیا جائے گا، بھارت کو پاکستان سمیت دیگر ممالک میں دہشت گردی پر قابل احتساب بنایا جائے۔سینیٹ اجلاس میں اظہار خیال کرتے ہوئے نائب وزیراعظم اسحاق ڈار نے کہا کہ اگر کسی نے میلی آنکھ سے دیکھا تو ویسا ہی جواب ملے گا جیسا ماضی میں ملا، پہلے بھی جواب دیا تھا اور اب بھی بتا دیا ہے پہلے سے تگڑا جواب ملے گا۔انہوں نے کہا کہ مقبوضہ کشمیر کے علاقے پہلگام میں سیاحوں کی ہلاکتوں پر مذمت کرتے ہیں لیکن بھارت نے معمول کے مطابق پاکستان پر الزام لگایا۔وزیر خارجہ اسحاق ڈار کاکہناتھا کہ پہلگام واقعے کے بعد ہم انتظار کر رہے تھے کہ آگے کیا بات چلے گی، انہوں نے پاکستان کا براہ راست نام نہیں لیا، کوئی شواہد نہیں کہ پاکستان کو اس واقعے سے لنک کیا جاتا۔اسحاق ڈار کا کہنا تھا کہ سندھ طاس معاہدہ یکطرفہ معطل نہیں کیا جاسکتا، معاہدے میں لکھا ہے کہ اسے ختم کرنا ہے تو اتفاق رائے سے ہو گا، پانی 24 کروڑ پاکستانیوں کی لائف لائن ہے، قومی سلامتی کمیٹی کہہ چکی پانی بند کرنا جنگ کے مترادف ہو گا، اس خطے میں امن، ترقی نہیں ہو رہی، اس کی ایک بڑی وجہ بھارت ہے، سارک چاہتا ہے ترقی ہو لیکن ایک ملک کی ہٹ دھڑمی اس کو آگے نہیں جانے دیتی۔وزیر خارجہ نے کہا ہے کہ سارک ویزا پر موجود بھارتی 48 گھنٹے میں پاکستان سے نکل جائیں، ہم نے سیاسی فیصلے کر لیے ہیں، ہم سیاسی طور پر سب ایک پیج پر ہیں، اپوزیشن لیڈر کا شکر گزار ہوں۔ان کا کہنا تھا کہ سفارتی سطح پر بھی کوششیں جاری ہیں، 26 ممالک کو کل بریفنگ دی اور حالات سے آگاہ کیا، دیگر کو آج بریفنگ دی جائے گی، آج سعودی وزیر خارجہ مجھ سے بات کرنا چاہتے ہیں، آج شام 7 بجے بات ہو گی۔وزیر خارجہ اسحاق ڈار نے مزید کہا ہے کہ پاکستان کی مسلح افواج مکمل طور پر تیار ہیں، کسی نے میلی آنکھ سے دیکھا تو جواب ماضی جیسا دیا جائے گا۔سینیٹ اجلاس میں سینیٹر فوزیہ ارشد کے بھائی کی وفات پر دعائے مغفرت بھی کی گئی جبکہ وزیر قانون اعظم نذیر تارڑ نے مخبر کے تحفظ اور نگرانی کمیشن کے قیام کا بل پیش کیا، بل متعلقہ کمیٹی کے سپرد کر دیا گیا۔

اپوزیشن سمیت تمام جماعتوں نے بھارتی اقدامات کیخلاف سینیٹ سے مذمتی قرارداد منظور کرلی

پہلگام واقعے سمیت دہشت گردی کی ہر شکل کی مذمت کرتے ہیں، پاکستان پر کسی بھی حملے کی صورت میں منہ توڑ جواب دیا جائے گا، قرار داد کا متن

امریکا کا مقبوضہ کشمیر میں پہلگام واقعہ کے بعد بھارت اور پاکستان کے درمیان کشیدگی پر ردعمل سامنے آگیا۔ امریکی محکمہ خارجہ نے اس واقعے کی شدید مذمت کرتے ہوئے متاثرہ خاندانوں سے ہمدردی کا اظہار کیا ہے۔امریکی محکمہ خارجہ کی ترجمان ٹیمی بروس نے پریس بریفنگ میں کہا کہ ہم ان لوگوں کے لیے دعاگو ہیں جن کے عزیز اس واقعہ میں مارے گئے اور دعاگو ہیں کہ زخمی جلد صحت یاب ہوں۔ امریکا نے مقبوضہ کشمیر میں دہشتگردی کے واقعہ کی ایک بار پھر مذمت کی ہے اور زور دیا ہے کہ اس واقعہ میں ملوث عناصر کو انصاف کے کٹہرے میں لایا جائے۔امریکی محکمہ خارجہ کی ترجمان ٹیمی بروس نے پریس بریفنگ میں کہا کہ پاک بھارت معاملات کو بہت قریب سے دیکھ رہے ہیں، جموں و کشمیر کے معاملے پر فوری طور پر کوئی پوزیشن نہیں لے رہے، دونوں ممالک کے درمیان صورتحال تیزی سے تبدیل ہو رہی ہے۔دوران میڈیا بریفنگ ترجمان سے صحافی نے سوال کیا کہ صدر ٹرمپ نے اپنے پہلے دور میں کشمیر پر ثالثی کی پیشکش کی تھی، کیا امریکا پاکستان بھارت کشیدگی ختم کرانےمیں کردار ادا کرے گا؟ترجمان امریکی محکمہ خارجہ کا کہنا تھا کہ اس معاملے پر صدرٹرمپ ،وزیر خارجہ بات کر چکے ہیں، پاک بھارت معاملات کو بہت قریب سے دیکھ رہے، دونوں ممالک کے درمیان صورت حال تیزی سے تبدیل ہو رہی ہے۔انہوںنے مزید کہا کہ ہم مقبوضہ جموں و کشمیر کے مسئلے پر کوئی پوزیشن نہیں رکھتے، تاہم مقبوضہ کشمیر کی صورتحال کو مسلسل مانیٹر کر رہے ہیں۔

بھارت اورپاکستان کے درمیان حالیہ کشیدگی پرامریکا کاردعمل سامنے آگیا

پہلگام حملہ قابل مذمت ہے ، ملوث عناصر کو کٹہرے میں لایا جائے ، ترجمان محکمہ خارجہ ٹیمی بروس

ہالی وڈ کی مشہور اداکارہ ڈیمی مور ایک بار پھر خبروں کی زینت بن گئی ہیں۔ہالی ووڈ کی 62 سالہ اداکارہ ڈییمی مور کو 2025 کی دنیا کی خوبصورت ترین شخصیت قرار دے دیا گیا۔ میڈیا رپورٹس کے مطابق ہالی ووڈ کی مشہور اداکارہ ڈییمی مور کو پیپل میگزین کی جانب سے 2025 کی ’’دنیا کی خوبصورت ترین شخصیت‘‘ کا اعزاز دیا گیا ہے۔ڈیمی مور نےپیپل میگزین کو دیئے گئے انٹرویو میں عمر رسیدگی، خوبصورتی اور خود کو قبول کرنے کے بارے میں کھل کر بات کی اور کہا کہ وہ اپنی عمر کے مطابق اپنے خدوخال کی زیادہ قدر کرتی ہیں اور اگرچہ کبھی کبھار آئینے میں وہ خود کو دیکھ کر عمر رسیدہ محسوس کرتی ہیں،تاہم اپنی صحت اور فٹنس پر توجہ مرکوز رکھتی ہیں۔انہوں نے بتایا کہ ایک وقت تھا جب وہ اپنی جسمانی خوبصورتی کو برقرار رکھنے کے لیے خود پر بہت سختی کرتی تھیں، لیکن اب وہ اپنی ذہنی اور جسمانی صحت پر توجہ دیتی ہیں۔ وہ پلانٹ بیسڈ (نباتاتی) غذا کھاتی ہیں، مراقبہ کرتی ہیں، نیند کا خیال رکھتی ہیں اور آج بھی روزانہ ایک ریڈ بُل پیتی ہیں۔ہالی ووڈ اداکارہ نے اپنی جوانی کے دور کو یاد کرتے ہوئے کہا کہ اُس وقت صرف جسمانی خوبصورتی کو اہمیت دی جاتی تھی، لیکن اب وہ صحت، ذہنی سکون اور زندگی کے معیار کو زیادہ اہم سمجھتی ہیں۔ڈیمی مور نے مزید بتایا کہ وہ اپنی بیٹیوں سے بہت قریب ہیں اور اب نانی بننے کے تجربے سے بھی لطف اندوز ہو رہی ہیں۔ وہ اپنے سابق شوہر بروس وِلس سے بھی رابطے میں ہیں اور ان کے 70ویں سالگرہ پر خاص پیغام بھی دیا تھا۔واضح رہے کہ ڈیمی مور کو 2025 میں ان کی فلم دی سبسٹینس میں بہترین اداکاری پر خوب سَراہا گیا تھا، وہ AG ایوارڈ، گولڈن گلوبز اور کریٹکس چوائس سمیت کئی اعزازات اپنے نام کرچکی ہیں جبکہ آسکر کے لیے بھی انہیں ایک بار نامزد کیا جاچکاہے۔

ہالی وڈ کی62سالہ اداکارہ ڈیمی مور دنیا کی خوبصورت ترین خاتون قرار

ڈیمی مور کو 2025 میں ان کی فلم  دی سبسٹینس میں بہترین اداکاری پر خوب سَراہا گیا تھا

بھارت نے پہلگام حملے میں سکیورٹی ناکامی کا اعتراف کر لیا۔ پہلگام حملے کے حوالےسے ، دلی میں ہونیوالی آل پارٹیز کانفرنس کی اندرونی کہانی سامنے آ گئی بھارتی اپوزیشن نے مودی سرکار پرسوالات کی بوچھاڑ کر دی ۔ تفصیلات کے مطابق  بھارت کی جانب سے تمام تر شکوک و شبہات کے بعد پہلگام حملے میں سکیورٹی ناکامی کا اعتراف کر لیا گیا۔ اس سلسلے میں بھارتی وزیر دفاع راج ناتھ سنگھ کی زیرصدارت آل پارٹیز کانفرنس منعقد ہوئی، اپوزیشن لیڈر راہول گاندھی سمیت دیگر پارٹی رہنماؤں نے بھی اس میں شرکت کی۔انڈیا ٹوڈے کی رپورٹ کے مطابق حکمراں جماعت کے ایک رہنما نے مبینہ طور پر اجلاس کے دوران حزب اختلاف کے رہنماؤں سے کہا کہ اگر کچھ غلط نہیں ہوا ہوتا، تو ہم یہاں کیوں بیٹھے ہوتے؟ کہیں نہ کہیں کوتاہیاں ہوئی ہیں جن کا ہمیں پتہ لگانا ہے۔میڈیارپورٹس کے مطابق اپوزیشن جماعتوں نے پہلگام حملے میں انٹیلی جنس ناکامی پر سوال اٹھاتے ہوئے کہا کہ حملے کے وقت سکیورٹی فورسز کہاں تھیں؟اپوزیشن جماعتوں نے کہا کہ سینٹرل ریزرو پولیس فورس کے اہلکار کہاں تھے؟ کانگریس پارٹی نے بھی پہلگام حملے کو انٹیلی جنس کی ناکامی اور سکیورٹی خامی قرار دیا، انہوں نے بھارتی فوج کی ناکامی اور خراب سکیورٹی کی تحقیقات کا مطالبہ کردیا۔انہوں نے کہا کہ انٹیلی جنس اور سکیورٹی خامی کا جامع تجزیہ ضروری ہے، عوامی مفاد میں سکیورٹی خامیوں پر سوالات اٹھانے چاہئیں، آل انڈیا اتحاد المسلمین کے رہنما اسدالدین اویسی نے سندھ طاس معاہدے کے حوالے سے سوال اٹھایا کہ اگر بھارت دریاؤں کا رخ موڑتا ہے تو وہ اس پانی کو ذخیرہ کہاں کرے گا؟ جواب میں حکومتی نمائندے نے کہا کہ اس کے لیے منصوبہ بندی کی جا رہی ہے۔کانگریس پارٹی نے پہلگام حملے کو سکیورٹی اور انٹیلی جنس کی مکمل ناکامی قرار دیا ہے۔ پارٹی رہنما راہول گاندھی نے سوال اٹھایا کہ اتنے حساس علاقے میں سکیورٹی کیوں غیر مؤثر تھی؟ ان کا کہنا تھا کہ عوامی سلامتی کے معاملات پر سیاست سے بالاتر ہو کر اقدامات کی ضرورت ہے۔

بھارت نے پہلگام حملے میں سیکیورٹی کی ناکامی کا اعتراف کرلیا

اگر کچھ غلط نہیں ہوا ہوتا، تو ہم یہاں کیوں بیٹھے ہوتے؟،آل پارٹیز کانفرنس میں حکومتی رہنماکی گفتگو

پاکستان رینجرز نے سرحد عبور کرنے والے بھارتی سیکیورٹی فورس (بی ایس ایف) کے اہلکار کو گرفتار کرلیا ہے۔تفصیلات کے مطابق پاکستان رینجرز نے بین الاقوامی سرحد کی خلاف ورزی پر ایک بی ایس ایف اہلکار کو حراست میں لے لیا۔ بھارتی میڈیا نے بھی اس واقعے کی تصدیق کرتے ہوئے بتایا ہے کہ مذکورہ اہلکار نے غلطی سے پاکستانی حدود میں داخل ہو کر سرحد پار کی۔میڈیا رپورٹس کے مطابق بھارتی بارڈر سیکورٹی فورس کے اہلکار کانسٹیبل پی کے سنگھ کو زیرو لائن عبور کر کے پاکستانی حدود میں ہونے پر پاکستان رینجرز نے گرفتار کیا۔ یہ واقعہ جلو کے دونا کے قریبی علاقے میں پیش آیا جہاں بھارتی سپاہی سرحد کی دوسری طرف پا یا گیا۔ابتدائی اطلاعات کے مطابق مذکورہ سپاہی سے تحقیقات جاری ہیں ۔دوسری جانب بھارتی میڈیا نے بھی بی ایس ایف اہلکار کی گرفتاری کی خبر پردعو یٰ کیا ہے کہ بی ایس ایف اہلکار شدید گرمی میں سائے کی تلاش میں سرحد عبور کر گیا۔بھارتی میڈیا کا کہنا تھا کہ واقعہ گزشتہ روز فیروز پور سرحد کے قریب پیش آیا،اس حوالے سے پاکستان رینجرز اور بی ایس ایف کی فلیگ میٹنگ جاری ہے، پاکستان رینجرز کی جانب سے تاحال اس واقعے پر کوئی باضابطہ بیان سامنے نہیں آیا۔

پاکستان رینجرز نے سرحد پار کرنے والے بھارتی فوجی کوگرفتارکر لیا

بھارتی بارڈر سیکورٹی فورس کے اہلکارکو زیرو لائن عبور کر کے پاکستانی حدود میں ہونے پر گرفتار کیا گیا

پاکستان سپر لیگ (پی ایس ایل) 10 کے 14ویں میچ میں پشاور زلمی نے لاہور قلندرز کو باآسانی 7 وکٹوں سے ہرادیا۔ زلمی کے کپتان بابر اعظم نے رواں سیزن میں اپنی پہلی نصف سنچری بنا کر ٹیم کی جیت میں مرکزی کردار ادا کیا، حسین طلعت بھی ففٹی بنا کر ناقابلِ شکست رہے۔لاہور قلندرز کی جانب سے دیا گیا 130 رنز کا ہدف پشاور زلمی نے 17ویں اوور میں 3 وکٹوں کے نقصان پرحاصل کرلیا، پشاور زلمی کی ایونٹ میں یہ دوسری کامیابی ہے۔ کپتان بابر اعظم نے 56 اور حسین طلعت نے 51 رنز بنائے اور آؤٹ نہیں ہوئے۔ لاہور کے قذافی اسٹیڈیم میں ہونیوالے میچ میں پشاور زلمی نے ٹاس جیت کر لاہور قلندرز کو بیٹنگ کی دعوت دی، پہلے بیٹنگ کرتے ہوئے لاہور قلندرز کی پوری ٹیم آخری اوور میں 129 رنز بناکر پویلین لوٹ گئی۔لاہور قلندرز کی جانب سے سکندر رضا نے 52 رنز کی اننگ کھیلی۔ان کے علاوہ شاہین آفریدی نے 16، رشاد حسین نے13، فخر زمان اور حارث روف 10،10 رنز بناسکے۔پشاور زلمی کی جانب سے الزاری جوزف نے تین، حسین طلعت اور لیوک ووڈ نے  دو دو وکٹیں حاصل کیں۔پشاور زلمی نے لاہور قلندرز کی جانب سے ملنے والا 130 رنز کا ہدف 17 ویں اوور میں 3 وکٹوں کے نقصان پر حاصل کرلیا،زلمی کے کپتان بابر اعظم نے 56 رنز کی ناقابلِ شکست اننگز کھیلی جبکہ حسین طلعت 51 رنز بنا کر ناٹ آؤٹ رہے۔ محمد حارث 20، صائم ایوب 2 اور ٹام کوہلر کیڈمور بغیر کوئی رن بنائے پویلین لوٹے۔ لاہور قلندرز کی جانب سے شاہین آفریدی نے 2 اور حارث رؤف نے ایک وکٹ حاصل کی۔

پی ایس ایل 10، پشاور زلمی نے لاہور قلندرز کو 7 وکٹوں سے شکست دیدی

لاہور قلندرزکادیا گیا 130 رنز کا ہدف پشاور زلمی نے 3 وکٹوں کے نقصان پر حاصل کرلیا

بھارتی میڈیا کے جھوٹے دعوے بے نقاب ہوگئے۔ پہلگام حملے کے متاثرین زندہ و سلامت نکلے۔تفصیلات کے مطابق پہلگام حملے کے حوالے سے بھارتی میڈیا کا جھوٹ  ایک بار پھر بے نقاب ہوگیا۔  پہلگام حملے میں مبینہ طور پر ہلاک بھارتی نیول آفیسر سے منسوب تصاویر اور ویڈیوز جعلی نکلیں۔سوشل میڈیا پر وائرل  بھارتی جوڑے کی ویڈیو میں زندہ ہونے کا انکشاف سامنے آگیا۔زندہ بھارتی جوڑے کی پرانی تصاویر مبینہ طور پر ہلاک افراد کے ساتھ منسوب کی گئیں۔ویڈیو میں لڑکی کو سنا جا سکتا ہے کہ’’ہم زندہ ہیں، معلوم نہیں کہ ہماری تصاویر کو بھارتی میڈیا پر کیوں چلایا جا رہا ہے‘‘۔ہماری تصاویر کو نیول آفیسر اور اس کی اہلیہ کے طور پر دکھایا جا رہا ہے جو سمجھ سے بالاتر ہے۔ بھارتی جوڑے کا مزید کہنا تھا کہ ان تصاویر کے میڈیا پر چلنے سے ہم اور ہمارے اہلخانہ بہت پریشان ہیں۔بھارتی عوام تمام بھارتی نیوز چینلز اور اخبارات کو رپورٹ کریں کہ ہماری جعلی تصاویر نہ چلائیں۔سیکیورٹی ماہرین کا کہنا ہے کہ جس طرح یہ جوڑا زندہ نکلا ہے، اسی طرح بہت سے دوسرے لوگ بھی بعد میں زندہ ہو سکتے ہیں۔یہ سب بھارتی ایجنسی را کا ڈرامہ تھا جو آہستہ آہستہ بے نقاب ہو رہا ہے۔

بھارتی میڈیا کا ایک اور جھوٹ بے نقاب، مردہ قرار دیئے جانیوالے میاں بیوی زندہ نکلے

ہم زندہ ہیں ، پتہ نہیں ہماری تصاویر کو بھارتی میڈیا پر کیوں چلایا جا رہا ہے ، بھارتی جوڑے کی گفتگو

پاکستان نے بھارتی پروازوں کیلئے فضائی حدود بند کرنے کا نوٹم جاری کردیا۔سول ایوی ایشن اتھارٹی کی جانب سے نوٹم جاری کر دیا گیا ، میڈیارپورٹس کے مطابق پاکستان نے بھارتی پروازوں کے لیے فضائی حدود ایک ماہ کے لیے بندکی ہیں۔ پاکستانی فضائی حدودکی بندش کا نوٹم 23 مئی کی رات 12 بجے تک مؤثر ہوگا۔نوٹم کے مطابق بھارت کی ملکیتی ائیر لائینز، بھارت سے آپریٹ ہونے والی تمام ائیر لائینز کے لئے پاکستانی فضائی حدود بند، بھارت سے کسی بھی قسم کی ایئر ٹریفک کیلئے پاکستانی فضائی حدود استعمال نہیں کی جاسکتی، پاکستانی حدود بھارتی سول اور ملٹری طیاروں کو ایک ماہ کے لیے دستیاب نہیں ہو گی۔رپورٹ کے مطابق بھارتی ائر لائنز کو دیگر ائیر اسپیس استعمال کرنے پر اضافی کروڑوں روپے خرچ کرنا ہوں گے، بھارت سے پاکستانی فضائی حدود استعمال کرنے والی دو طرفہ پروازوں کی یومیہ تعداد 70 سے 80  ہے، بھارتی ایئر لائن کی تعداد بعض اوقات 100 سے تجاوز کرتی ہے۔پاکستانی فضائی حدود کو استعمال کرنیوالی بھارتی ائرلائنز میں ائیر انڈیا، ائیر انڈیا ایکسپریس، ادپائس جیٹ، انڈیگو ائیر اور آکاسا ائیر شامل ہیں ۔ایوی ایشن ذرائع کا کہنا ہے کہ بھارتی ایئر لائنز کیلئے پاکستانی فضائی حدود کی بندش سے پروازوں کو 2 گھنٹوں کا اضافی وقت درکار ہو گا۔

پاکستان نے بھارتی پروازوں کے لیے فضائی حدود بند کردی، نوٹم جاری

فیصلے کا اطلاق بھارتی ایئرلائنز اور بھارتی آپریٹرز کے لیز پر لیے گئے طیاروں پر بھی ہو گا

وزیراعظم شہباز شریف اور بلاول بھٹو زرداری کے مابین  ملاقات میں دریائے سندھ پر مجوزہ نہری منصوبہ کو موخر کردیا گیا ہے۔ جبکہ 2مئی کو مشترکہ مفادات کونسل کا اجلاس طلب  کرلیا گیا ہے۔وفاقی دارالحکومت میں بلاول بھٹو زرداری کے ساتھ مشترکہ پریس کانفرنس کرتے ہوئے شہباز شریف کا کہنا تھا کہ مشترکہ مفادات کونسل میں جب تک رضا مندی سے کوئی فیصلہ نہیں ہو جاتا تب تک کوئی نہر نہیں بنے گی۔انہوں نے کہا کہ نہروں کے معاملے پر آج پیپلزپارٹی وفد کے ساتھ بات چیت ہوئی، فیڈریشن اور صوبوں کے درمیان معاملات بات چیت کے ذریعے حل کریں گے۔انہوں نے کہا کہ ہم نے نہروں کے معاملے پر سنجیدگی کے ساتھ بات چیت کی ہے، میں نے اپنی ابتدائی اور معروضات کے ساتھ بتایا کہ پاکستان فیڈریشن ہے اور اس کے تقاضے ہیں۔ صوبوں کے معاملات باہمی مشاورت اور نیک نیتی کے ساتھ طے کریں۔وزیراعظم نے کہا کہ کالا باغ ڈیم معاشی طور پر پاکستان کے بہترین مفاد میں ہے مگر سندھ کے اعتراضات وفاق کیلیے زیادہ اہم ہیں اور یہی پاکستان کا بہترین مفاد ہے۔انہوں نے مزید کہا کہ مشترکہ مفادات کونسل کا اجلاس 2مئی ہو گا، میں بلاول بھٹو زرداری کا بھی شکر گزار ہوں، ہم نے بھارت کے معاملات پر بھی گفتگو کی ۔شہباز شریف کا مزید کہنا تھا کہ پاکستان ایک فیڈریشن ہے اور اس کے کچھ تقاضے ہیں، کینالز منصوبے اور ملکی صورتحال پر بڑی سنجیدگی سے بات کی، صوبوں کے درمیان معاملات بات چیت سے طے کیے جاتے ہیں۔دوسری جانب چیئرمین پاکستان پیپلزپارٹی بلاول بھٹو کا کہنا تھا کہ وزیر اعظم نے ہماری شکایات کو سنا اور پیپلزپارٹی کے اصولی موقف اور مطالبات کو تسلیم کیا، ہمارا اس بات پر اتفاق ہوا ہے کہ باہمی رضا مندی کے بغیر کوئی نہر نہیں بنے گی۔انہوں نے کہا کہ بھارت کی جانب سے سندھ طاس معاہدے کی معطلی سمیت دیگراقدامات پر حکومت کے شانہ بشانہ کھڑے ہیں اوراس معاملے پر منہ توڑ جواب دیا جائے گا۔علاوہ ازیں وزیراعظم شہباز شریف سے بلاول بھٹو کی ملاقات کا اعلامیہ بھی جاری کردیا گیا ہے جس میں کہا گیا کہ مشترکہ مفادات کونسل میں اتفاق رائے کے بغیر کوئی نئی نہر نہیں نکالی جائے گی اور وفاقی حکومت تمام صوبوں میں اتفاق رائے کے بغیر منصوبے پر پیشرفت نہیں کرے گی۔اعلامیہ کے مطابق زرعی پالیسی کی تشکیل اور واٹر منیجمنٹ انفراسٹر کچر کے حوالے سے طویل مدتی اتفاق رائ ےقائم کیا جائے گا، واٹر کارڈ 1991 اور واٹر پالیسی 2018 میں صوبوں کے پانی کے حقوق درج ہیں۔اعلامیہ میں بتایا گیا کہ صوبوں کے تحفظات دور کرنے اور غذائی تحفظ یقینی بنانے کیلئے کمیٹی تشکیل دینے کا بھی فیصلہ کیا گیا جس میں وفاقی حکومت اور تمام صوبوں کی نمائندگی ہوگی جبکہ کمیٹی پاکستان کی طویل مدتی زرعی ضروریات اور پانی کے استعمال سے متعلق حل تجویز کرے گی۔اعلامیہ میں بتایا گیا کہ وفاقی حکومت نے مشترکہ مفادات کونسل کا اجلاس 2 مئی کو بلانے کا فیصلہ کیا ہے اور اجلاس میں پیپلز پارٹی اور مسلم لیگ ( ن ) کے نمائندے آج ہونے والے فیصلوں کی توثیق کریں گے۔

مشترکہ مفادات کونسل اجلاس میں فیصلہ ہونے تک نئی نہر نہیں بنےگی، وزیراعظم

مشترکہ مفادات کونسل کا اجلاس 2 مئی کو ہوگا، پی پی اور ن لیگ فیصلوں کی توثیق کرے گی، مشترکہ پریس کانفرنس

باکسنگ رنگ میں پاکستان نے بھارت کو دھول چٹا دی،تھائی لینڈ کے باکسنگ ایرینا میں پاکستانی پروفیشنل باکسر عثمان وزیر نے ایک بار پھر پاکستان کا پرچم بلند کرتے ہوئے بھارتی باکسر ایسوارن ساہیتا دورتھی کو پہلے ہی راؤنڈ میں ناک آؤٹ کر دیا۔میڈیارپورٹس کے مطابق بینکاک میں ہونے والی ویلٹر ویٹ فائٹ میں مقابلے کا آغاز عثمان وزیر نے جارحانہ انداز سے کیا اور اپنے جارحانہ حملوں سے کسی بھی موقع پر حریف کو سنبھلنے کا موقع نہیں دیا۔عثمان وزیر کے پے در پے مکوں کی تاب نہ لاکر بھارتی باکسر پہلے راؤنڈ میں صرف ایک منٹ اور 41 سیکنڈز ہی رنگ میں ٹک سکا اور ناک آؤٹ ہوگیا۔ عثمان وزیر اب تک اپنے تمام 16 پروفیشنل مقابلے جیت کر ناقابل شکست ہیں، 11 فائٹس میں عثمان وزیر نے ناک آوٹ کی بنیاد پر کامیابیاں حاصل کیں۔عثمان وزیر کا پاکستان واپسی پر شاندار استقبال کیا جائے گا۔واضح رہے کہ گزشتہ برس ستمبر میں بنکاک ہی میں عثمان وزیر نے بھارتی باکسر کو پہلے ہی راونڈ میں 65 ویں سیکنڈ میں ناک آوٹ کر کے عالمی اعزاز اپنے نام کیا تھا۔

باکسنگ رنگ میں پاکستان نے بھارت کو دھول چٹادی

پاکستانی باکسر عثمان وزیر نے بھارتی باکسرکوپہلے ہی راونڈ میں ناک آؤٹ کردیا

پہلگام واقعہ، بھارتی چینل نے پی ایس ایل کی لائیو اسٹریمنگ معطل کردی۔بھارتی کرکٹ بورڈ اپنی انتہا پسند مودی حکومتی ایما پر ایک مرتبہ پھر کھیل میں سیاست لے آیا۔مقبوضہ کشمیر کے سیاحتی مقام پہلگام میں ہونے والے افسوسناک واقعے کے بعد بھارت کے لائیو اسٹریمنگ چینل فینکوڈ نے پاکستان سپر لیگ کی براہ راست نشریات معطل کرتے ہوئے ٹورنامنٹ سی متعلق ویڈیوز اور میچز کی جھلکیاں بھی ہٹا دیں۔فینکوڈ نامی اسپورٹس اسٹریمنگ چینل پی ایس ایل میں ڈیجیٹل اسٹریمنگ پارٹنر تھاجس نے پی ایس ایل 10 کے اب تک ہونے والے 13 میچز بھارت میں براہ راست اپنے پلیٹ فارم پر دکھائے تھے۔ تاہم اب اس واقعہ کے بعد انہوں نے اب پی ایس ایل کے 10ویں ایڈیشن کی فوری طور پر نشریات بند کرنے کا فیصلہ کیا ہے۔ فینکوڈ کے علاوہ بھارتی اسپورٹس پارٹنرز میں سونی نیٹ ورک بھی سیٹلائٹ ٹی وی کا براڈکاسٹنگ پارٹنر ہے، جس کی جانب سے بھی یہ اقدام اٹھائے جانے کا امکان ہے۔دوسری جانب انتہا پسند ہندوؤں کی جانب سے پہلگام واقعہ کے بعد انڈین پریمئیر لیگ (آئی پی ایل) کے بائیکاٹ کی مہم چلائی جارہی ہے۔ دوسری جانب بھارتی میڈیا کی رپورٹ کے مطابق پہلگام میں حملے کے بعد بی سی سی آئی کے نائب صدر راجیو شکلا نے دو طرفہ کرکٹ میں ہندوستان کے ساتھ پاکستان کا سامنا کرنے پر اپنا فیصلہ سنایا۔راجیو شکلا نے کہا ہم آئندہ مستقبل میں ہونے والی کسی دو طرفہ سیریز میں پاکستان کے ساتھ نہیں کھیلیں گے۔بی سی سی آئی کے نائب صدر نے مزید کہا کہ ہم متاثرین کے ساتھ ہیں اور اس واقعےکی مذمت کرتے ہیں، ہماری حکومت جو کہے گی ہم کریں گے، حکومتی مؤقف کی وجہ سے ہم پاکستان کے ساتھ دو طرفہ سیریز نہیں کھیلتے اور ہم پاکستان کے ساتھ دو طرفہ معاملات میں آگے بھی نہیں کھیلیں گے۔راجیو شکلا کا کہنا تھا کہ جب آئی سی سی ایونٹ کی بات آتی ہے تو ہم آئی سی سی کی وجہ سے کھیلتے ہیں، آئی سی سی کو بھی معلوم ہے جو کچھ ہو رہا ہے وہ اس پر ردعمل دے گا۔

پہلگام واقعہ،بھارتی چینل نے پی ایس ایل کی نشریات معطل کردیں

فینکوڈ نامی اسپورٹس چینل بھارت میں پاکستان سپر لیگ کا ڈیجیٹل اسٹریمنگ پارٹنر تھا

پہلگام واقعے کے بعد بھارت کی آبی جارحیت اور دیگر اقدامات کا بھرپور جواب دیتے ہوئے پاکستان نے بھی بھارت سے زمینی راستے کے ذریعے تجارت فوری طور پر بند کرتے ہوئے کہا کہ اگر پاکستانی ملکیت کے پانی کا بہاؤ روکا گیا تو اسے جنگی اقدام سمجھا جائے گا۔قومی سلامتی کمیٹی کے اجلاس کا اعلامیہ جاری کردیا گیا ہے۔ اسلام آباد میں وزیرِ اعظم شہباز شریف کی زیرِ صدارت قومی سلامتی کمیٹی کا اجلاس ہوا جس میں اعلیٰ سول و عسکری قیادت شریک ہوئی۔اجلاس میں پہلگام حملے پر بھارتی الزامات مسترد کردیے گئے۔ اجلاس میں پہلگام فالس فلیگ آپریشن کے بعد کی ملکی داخلی و خارجی صورتِ حال پر غور کیا گیا، بھارتی غیر ذمے دارانہ اقدامات کا تفصیلی جائزہ بھی لیا گیا۔کمیٹی نے عجلت میں کیے گئے بھارتی ناقابلِ عمل آبی اقدامات کا جواب دینے کا بھی جائزہ لیا۔اس اجلاس کے جاری ہونے والے اعلامیے کے مطابق پانی پاکستان کا اہم قومی مفاد ہے اور 24 کروڑ پاکستانیوں کی لائف لائن ہے۔ اعلامیے میں کہا گیا ہے کہ  بھارت کی کسی بھی آبی یا سرحدی مہم جوئی کا منہ توڑ جواب دیا جائے گا،پاکستان نے بھارت کے ساتھ شملہ معاہدے سمیت تمام دوطرفہ معاہدے معطل کرنے کا فیصلہ کیا ہے۔واہگہ بارڈر فوری طور پر بند، تمام بھارتی ٹرانزٹ معطل کر دیے گئے۔اعلامیے کے مطابق سارک ویزہ اسکیم کے تحت جاری بھارتی ویزے منسوخ، سوائے سکھ یاتریوں کے. بھارتی دفاعی، فضائی اور بحری مشیروں کو ناپسندیدہ شخصیت قرار دے کر پاکستان چھوڑنے کا حکم دے دیا گیا۔ اعلامیے کے مطابق  بھارتی ہائی کمیشن کا عملہ  30 افراد تک محدود کرنے کا فیصلہ کیا گیا ہے۔پاکستانی فضائی حدود بھارتی ایئرلائنز کے لیے فوری بند، بھارت کے ساتھ تمام تجارتی روابط معطل کردیے گئے۔ اعلامیے میں کہا گیا ہے کہ  بھارت کی اشتعال انگیزیاں دو قومی نظریے کی سچائی کی دلیل ہیں، پاکستان کسی کو اپنی خودمختاری، سلامتی اور وقار پر سمجھوتہ کرنے نہیں دے گا،  بھارت کا کشمیر پر قبضہ، اقوام متحدہ کی قراردادوں کی مسلسل خلاف ورزی ہے۔اعلامیے کے مطابق  پہلگام واقعے کو سیاسی مقاصد کے لیے استعمال کرنا بھارت کی گھٹیا سوچ ہے،کلبھوشن یادیو بھارت کی ریاستی دہشتگردی کا زندہ ثبوت ہے، پاکستان دہشتگردی کے خلاف عالمی جنگ میں صف اول کا ملک ہے۔

سندھ طاس معاہدے کو معطل کرنا جنگی اقدام تصور کیا جائیگا، قومی سلامتی کمیٹی کا اعلامیہ جاری

فضائی حدود اور واہگہ بارڈر بند، بھارت سے ہر قسم کی تجارت فوری بند، بھارتی جارحیت پر قومی سلامتی کمیٹی اجلاس میں بڑے فیصلے

لاہور (این این آئی) پاکستان سپر لیگ (پی ایس ایل) فرنچائز کوئٹہ گلیڈی ایٹرز کے مینٹور ویوین رچرڈز نے کہا ہے کہ ہمیں امید ہے کہ لاہور کا وینیو کوئٹہ گلیڈی ایٹرز کیلئے خوش قسمت ثابت ہوگا۔لاہور میں میڈیا سے گفتگو میں ویوین رچرڈز نے کہا کہ آپ جتنی مرضی اچھی ٹیم ہوں بعض اوقات ہارتے بھی ہیں، ہم آخری دو میچز ہارے، کوئٹہ گلیڈی ایٹرز اس طرح نہیں کھیلی جیسی کہ وہ کھیل سکتی ہے، نیا وینیو ہے، نئی کنڈیشنز ہیں، ہم جانتے ہیں کہ ہم بہتر کر سکتے ہیں۔ کوئٹہ گلیڈی ایٹرز کے مینٹور نے مزید کہا کہ مارک چیپ مین جیسا پلیئر ہمارے اسکواڈ میں آیا، جس نے نیوزی لینڈ کیلئے بہت اچھا کر رکھا ہے، وہ اچھا کھیلنے کی صلاحیت رکھتا ہے، ابھی گرے ہیں لیکن آئوٹ نہیں ہیں، مجھے یقین ہے کہ اہم آگے بہتر کر سکتے ہیں۔ویوین رچرڈز نے یہ بھی کہا کہ پاکستان میرا دوسرا گھر ہے، میں کئی برسوں سے یہاں آ رہا ہوں، میں ویسٹ انڈیز ٹیم کے ساتھ آ چکا ہوں، مجھے یہاں آنا اچھا لگتا ہے، کرکٹ جہاں مجھے لے کر جائے گی میں وہاں خوش ہوں گا۔کوئٹہ گلیڈی ایٹرز کے مینٹور نے کہا کہ دو میچز ہارنے کے بعد ہمیں حوصلہ شکنی نہیں کرنی چاہیے، ٹیم کا مورال بہت اچھا ہے میں اتنا کہہ سکتا ہوں میں ٹاپ آرڈر پر بات نہیں کر سکتا۔

امید کرتے ہیں لاہور کا وینیو ہمارے لیے خوش قسمت ثابت ہوگا، ویوین رچرڈز

ہم نےآخری دو میچز ہارے ہیں، کوئٹہ گلیڈی ایٹرز اس طرح نہیں کھیلی جیسی کہ وہ کھیل سکتی ہے، گفتگو

سابق وزیرِ داخلہ شیخ رشید کا کہنا ہے کہ سندھ طاس معاہدے کو معطل کرنا بھارت کی آبی دہشت گردی ہے۔سماجی رابطے کی ویب سائٹ پر اپنے پیغام میں شیخ رشید کا کہنا تھا کہ پہلگام واقعہ کا پاکستان پر بے بنیاد الزام ہے، پانی روکنا جنگ کے مترادف ہے بھارت یکطرفہ معاہدہ معطل نہیں کر سکتا۔انہوں نے کہا ہے کہ بھارت میں کشمیریوں کے ساتھ ہونے والے ظلم و ستم کو نظر انداز نہیں کیا جا سکتا۔سابق وفاقی وزیر کا مزید کہنا ہے کہ پاکستان زمین کے چپے چپے کی حفاظت کرنا پاکستانی قوم خوب جانتی ہے، وقت آنے پر بھارت کو ترکی بہ ترکی جواب دیں گے۔واضح رہے کہ بھارت نے پاکستان کے خلاف آبی جارحیت کرتے ہوئے سندھ طاس معاہدہ فوری معطل کرنے کا اعلان کر دیا ہے۔

سندھ طاس معاہدہ معطل کرنا بھارتی آبی دہشت گردی ہے، شیخ رشید

پاکستان کے چپے چپے کی حفاظت کرنا پاکستانی قوم خوب جانتی ہے، وقت آنے پر بھارت کو ترکی بہ ترکی جواب دیں گے

پہلگام میں رو نما ہونے والی صورتحال کے بعد بھارت تیزی سے پاکستان مخالف اقدام اٹھا رہا ہے۔ سندھ طاس معاہدہ معطل کرنے کے بعد اب انڈیا میں پاکستان کا آفیشل ’ایکس اکاؤنٹ‘ بھی بلاک کر دیا گیا ہے۔تفصیلات کے مطابق پہلگام واقعے کے بعد بھارت بوکھلاہٹ کا شکار ہے اور مودی سرکار ناکامیاں چھپانے کیلئے اوچھے ہتھکنڈوں پر اتر آئی۔ بھارتی میڈیا کے مطابق پہلگام واقعے کو جواز بناتے ہوئے گورنمنٹ آف پاکستان کے ایکس (سابقہ ٹوئٹر) ہینڈل کو بند کیا گیا ہے۔خبر ایجنسی کا کہنا ہے کہ بھارتی وزارت انفارمیشن ٹیکنالوجی کی درخواست پر ’ایکس‘ نے بھارت میں اکاؤنٹ معطل کیا۔یاد رہے بھارت نے مقبوضہ کشمیر کے علاقے پہلگام میں 28 سیاحوں کی ہلاکت کے بعد پاکستان کے خلاف سخت اقدامات کا اعلان کرتے ہوئے واہگہ اٹاری سرحد بند کر دی تھی، بھارت نے سندھ طاس معاہدہ یک طرفہ طور پر معطل کر دیا جبکہ پاکستانیوں کے بھارتی ویزے منسوخ اور ہندوستان میں موجود پاکستانی شہریوں کو 48 گھنٹوں میں ملک چھوڑنے کا حکم بھی دیا ہے۔پاکستان کی جانب سے بھی بھارتی اقدامات کا بھرپور جواب دینے کیلئے قومی سلامتی کمیٹی کا اجلاس طلب کیا گیا ہے جس میں سیاسی و عسکری قیادت کی جانب سے اہم فیصلے متوقع ہیں۔خیال رہے کہ 2 روز قبل مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 27 افراد ہلاک ہوئے تھے۔

پہلگام واقعہ، بھارت نے حکومت پاکستان کا سوشل میڈیا اکاؤنٹ بلاک کر دیا

پہلگام میں رو نما ہونے والی صورتحال کے بعد بھارت تیزی سے پاکستان مخالف اقدام اٹھا رہا ہے

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کے14ویںمیچ میں آج لاہورقلندرز اورپشاورزلمی کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔لاہور قلندرز کو مایہ ناز آل رائونڈر شاہین شاہ آفریدی لیڈ کر رہے ہیں اور دیگر نمایاں کھلاڑیوں میں حارث رئوف ، فخر زمان،عبد اللہ شفیق ،محمد نعیم،آصف علی،ڈیرل مچل،ڈیوڈ ویس، کوسل پریرا،ٹم کیورن اور ثام بلنگز شامل ہیں۔پشاور زلمی کی ٹیم مایہ ناز بلے باز بابر اعظم کی زیر قیادت میدان میں اترے گی، دیگر نمایاں کھلاڑیوں میں صائم ایوب،عبدالصمد،مچل اون ،محمد حارث،محمد علی،ناہید رانا،الزاری جوزف،عارف یعقوب،لیوک ووڈ اور علی رضا شامل ہیں۔لاہور قلندرز کی ٹیم ایونٹ میں 4 میچز کھیل چکی ہے جن میں اس کو دو میں فتح اور دو میں شکست کا سامنا کرنا پڑا ہےاور وہ 4 پوائنٹس کے ساتھ پوائنٹس ٹیبل پر تیسری پوزیشن پر ہے۔دوسری جانب پشاور زلمی کی ٹیم بھی اب تک اپنے چار میچز کھیل چکی ہے جس میں سے اس کو صرف ایک میچ میں فتح حاصل ہوئی ہے اور3میچز میں شکست کا سامنا کرنا پڑاہے،پشاورزلمی کی ٹیم پوائنٹس ٹیبل پر2پوائنٹس کے ساتھ چوتھے نمبرپر براجمان ہے۔

پی ایس ایل 10  میں لاہورقلندرز اور پشاورزلمی کے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرلاہورقلندرز کے4جبکہ پشاورزلمی کے2پوائنٹس ہیں

Here's all you need to know about the Markhors vs Panthers 1st match of the Pakistan Champions Cup 2024.

Markhors vs Panthers 1st Match Live Streaming Champions Cup 2024

<p>The field is set and the players are ready as it&rsquo;s time for the Pakistan Champions Cup 2024 to begin.&nbsp;</p>

<p>The Markhors vs Panthers 1st match will be played at the Iqbal Stadium in Faisalabad at 3 PM.</p>

<p>It&rsquo;s surely going to be an exciting clash as both teams are packed with highly skilled players and promising talents.&nbsp;</p>

<h2>Markhors vs Panthers&nbsp;live streaming Pakistan Champions Cup</h2>

<p>The 1st match of the Pakistan Champions Cup 2024 Markhors vs Panthers live streaming in HD and ad-free will be available on tapmad.&nbsp;</p>

<h2>Pakistan Champions Cup 2024 Markhors squad&nbsp;</h2>

<p>Mohammad Rizwan (captain), Fakhar Zaman, Abdul Samad, Akif Javed, Ali Usman, Bilawal Bhatti, Haseebullah, Iftikhar Ahmed, Kamran Ghulam, Mohammad Faizan, Mohammad Imran Jnr, Mohammad Sarwar Afridi, Muhammad Imran, Naseem Shah, Nisar Ahmed, Salman Ali Agha, Shahnawaz Dahani, Zahid Mehmood, Zain Abbas.</p>

<p>The Markhors, under the steady leadership of Mohammad Rizwan, are a team renowned for thriving in high-pressure situations.&nbsp;</p>

<p>Rizwan&rsquo;s composed captaincy has made him a key figure in Pakistan&#39;s cricket, especially in the T20 format. His wealth of experience and knack for anchoring innings make him indispensable to the Markhors&#39; success.&nbsp;</p>

<p>With Misbah-ul-Haq as their mentor, the team strikes a perfect balance between emerging young talents and seasoned veterans, ensuring they are always well-prepared for any challenge.</p>

<h2>Pakistan Champions Cup 2024 Panthers&nbsp;squad&nbsp;</h2>

<p>Shadab Khan (captain), Abdul Wahid Bangalzai, Ahmed Bashir, Ali Asfand, Ali Raza, Amad Butt, Arafat Minhas, Azan Awais, Haider Ali, Mohammad Hasnain, Mohammad Umar, Mohammad Zeeshan, Mubasir Khan, Rehan Afridi,, Rizwan Mehmood, Saim Ayub, Umar Siddiq, Usama Mir, Usman Khan, Usman Salahuddin.&nbsp;</p>

<p>The Panthers, driven by the dynamic leadership of Shadab Khan, are a team celebrated for their aggressive and fearless style of play.&nbsp;</p>

<p>As Pakistan&rsquo;s white-ball vice-captain, Shadab has demonstrated sharp leadership skills and excels as a versatile all-rounder, making valuable contributions with both bat and ball.&nbsp;</p>

<p>His ability to shift the momentum with timely wickets or explosive batting cameos makes him a crucial asset in this tournament.</p>

<p>Under the mentorship of veteran spinner Saqlain Mushtaq, the Panthers are well set in terms of strategy and execution.&nbsp;</p>

<h2>Markhors vs Panthers live score update</h2>

<p>We will provide ball-by-ball updates of Markhors vs Panthers 1st match of the Champions Cup 2024 as soon as it begins. Every ball, every wicket, and every boundary will be covered and delivered to your phone screens.</p>

<h2>Champions Cup 2024 match time and venue</h2>

<p>The Markhors vs Panthers clash will commence on 12th September at 3 PM. This highly anticipated clash will take place at the Iqbal Stadium in Faisalabad.&nbsp;</p>

Champions Cup Markhors vs Panthers Live Streaming, Live Score, Match Venue, & Time

Markhors vs Panthers live streaming Pakistan Champions Cup

Pakistan Champions Cup 2024 Markhors squad

Pakistan Champions Cup 2024 Panthers squad

Markhors vs Panthers live score update

Champions Cup 2024 match time and venue

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan