Cricket

Entertainment

Football

پاکستان تحریک انصاف ( پی ٹی آئی) کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈ ریفرنس پر فیصلہ ایک مرتبہ پھر موخر ہوگیا، عدالتی عملے نے عمران خان کے وکیل خالد یوسف چوہدری کو آگاہ کر دیا ۔میڈیا رپورٹس کے مطابق، اسلام آباد کی احتساب عدالت نے 190 ملین پاؤنڈ ریفرنس کا فیصلہ 13 جنوری تک مؤخر کردیا ہے۔ عدالتی عملے کا کہنا ہے کہ احتساب عدالت کے جج ناصر جاوید رانا آج رخصت پر ہیں، جس کی وجہ سے 190 ملین پاؤنڈ ریفرنس کا فیصلہ 13 جنوری کو سنایا جائے گا۔عدالتی عملے نے نیب پراسیکیوٹر اور پاکستان تحریک انصاف (پی ٹی آئی) وکلا کو بھی فیصلے کی نئی تاریخ سے آگاہ کردیا ہے۔ خیال رہے کہ احتساب عدالت کے جج ناصر جاوید رانا نے 190 ملین پاؤنڈ کا فیصلہ 18 دسمبر کو محفوظ کیا تھا اور فیصلہ سنانے کے لیے 23 دسمبر کی تاریخ مقرر کی گئی تھی۔تاہم عدالت نے 23 دسمبر کو کیس کا فیصلہ سنائے جانے کی تاریخ ملتوی کرکے نئی تاریخ  6 جنوری مقرر کی تھی۔ آج ایک بار پھر محفوظ فیصلہ نہیں سنایا گیا اور فیصلہ سنانے کی تاریخ 13 جنوری مقرر کردی گئی ہے۔واضح رہے کہ 190 ملین پاؤنڈ ریفرنس میں گزشتہ سال 27 فروری کو عمران خان اور بشریٰ بی بی پر فرد جرم عائد کی گئی تھی، 190 ملین پاؤنڈ ریفرنس میں اہم گواہان سابق پرنسپل سیکریٹری اعظم خان، سابق وزیراعلیٰ پرویزخٹک، سابق وفاقی وزیر زبیدہ جلال نے بیان ریکارڈ کروائے۔

عمران اور بشریٰ بی بی کیخلاف فیصلہ سنانے کی ایک اور نئی تاریخ دیدی گئی

عمران خان، بشریٰ بی بی کیخلاف 190 ملین پاؤنڈز ریفرنس کا فیصلہ 13 جنوری تک مؤخر کردیاگیا

کوئٹہ میں امن و امان کے پیش نظر دو روز کے لئے موبائل فون اور انٹرنیٹ سروس بند کردی گئی۔میڈیارپورٹس کے مطابق موبائل اور انٹر نیٹ سروس گزشتہ رات کو ہی بند کر دی گئی تھی، نجی ٹی وی نے بلوچستان کے محکمہ داخلہ کے حوالے سے بتایا کہ سروس سات جنوری منگل کو رات 12 بجے بحال کردی جائے گی۔ یاد رہے کہ بلوچستان بھر میں جے یو آئی نے آج شٹر ڈاؤن ہڑتال کا اعلان کر رکھا ہے، بلوچستان کے جے یو آئی کے امیر مولانا عبدالواسع کا کہنا تھا کہ احتجاج حق نہ ملنے تک جاری رہے گا۔

کوئٹہ میں دو روز کیلئے موبائل فون اور انٹرنیٹ سروس بند کردی گئی

جے یوآئی نے آج بلوچستان بھر میں شٹرڈاؤن ہڑتال کا اعلان کیا ہے

کراچی میں درجۂ حرارت سنگل ڈیجٹ میں آ گیا۔شہر قائد میں بلوچستان کی یخ بستہ ہواؤں سے سردی کی شدت میں اضافہ ہوگیا اور آج کم سے کم درجہ حرارت 9 ڈگری سینٹی گریڈ ریکارڈ کیا گیا۔محکمہ موسمیات کے مطابق یخ بستہ ہواؤں کے باعث سردی کی شدت اصل درجہ حرارت سے 2 تا 4 درجے زیادہ محسوس ہو رہی ہے۔محکمہ موسمیات کے مطابق شہر میں آئندہ 24 گھنٹوں کے دوران موسم سرد اور خشک رہے گا، زیادہ سے زیادہ درجہ حرارت 26 جبکہ کم سے کم 8 ڈگری سینٹی گریڈ متوقع ہے۔ شہر میں ہلکی دھند حد نگاہ ڈھائی کلو میٹر محدود ہے،محکمہ موسمیات نے آئندہ آنے والے دنوں میں موسم مزید سرد ہونے کا امکان ظاہر کیا ہے۔کراچی میں دن بھر 5 سے 15 کلو میٹر فی گھنٹہ کی رفتار سے شمال مشرقی سمت سے ہوائیں متوقع ہیں۔محکمہ موسمیات کے مطابق سردی کی حالیہ لہر آئندہ ہفتے تک جاری رہے گی اور پارہ7 سے 8 ڈگری سینٹی گریڈ تک ریکارڈ کیا جائے گا۔محکمہ موسمیات کا کہنا ہے کہ شہر میں اس وقت موسم سرد اور خشک ہے، موجودہ درجہ حرارت 15 ڈگری سینٹی گریڈ ہے، جبکہ ہوا میں نمی کا تناسب 37 فیصد ہے۔دنیا کے آلودہ ترین شہروں میں کراچی گیارہ نمبر پر ہے، ہوا میں آلودہ ذرات کی مقدار 170پرٹیکیولیٹ میٹرز ریکارڈ کیا گیا ہے۔

کراچی میں سردی کی شدت میں اضافہ ،درجہ حرارت سنگل ڈیجٹ تک گرگیا

سردی کی حالیہ لہر آئندہ ہفتے تک جاری رہے گی اور پارہ 7 سے 8 ڈگری سینٹی گریڈ تک ریکارڈ کیا جائے گا

کیپ ٹاؤن ٹیسٹ میں پاکستان ٹیم فالو آن کا شکار ہو گئی۔ قومی ٹیم پہلی اننگز میں میزبان ٹیم جنوبی افریقاکے 615 رنز کے جواب میں 194 رنز پر ڈھیر ہوگئی، مہمان ٹیم کو اننگز کی شکست سے بچنے کے لیے مزید 421 رنز درکار ہیں، فالو آن کے بعد پاکستان کی دوسری اننگز میں بیٹنگ جاری ہے۔کیپ ٹاؤن میں کھیلے جارہے سیریز کے دوسرے ٹیسٹ میچ کے تیسرے روز پاکستان نے 3 وکٹوں کے نقصان پر 64 رنز سے اننگز کا آغاز کیا۔ کپتان محمد رضوان اور بابراعظم نے ذمہ دارانہ بیٹنگ کا مظاہرہ کرتے ہوئے 98 رنز کی پارٹنرشپ قائم کی تاہم بابر 58 اور رضوان 46 رنز کے انفرادی اسکور پر پویلین لوٹ گئے۔سلمان آغا 19 ، عامر جمال 15، خرم شہزاد 14 اور میر حمزہ 13 رنز بناکر آؤٹ ہوئے، صائم ایوب زخمی ہونے کی وجہ سے بیٹنگ کیلئے نہ آسکے جبکہ محمد عباس صفر کے ساتھ ناٹ آؤٹ رہے۔پاکستانی ٹیم جنوبی افریقہ کے خلاف پہلی اننگز میں 9 وکٹوں پر 194 رنز بنا کر آؤٹ  ہوگئی۔ صائم ایوب انجری کے باعث بیٹنگ پر نہیں آ سکے، جنوبی افریقہ کو پہلی اننگز میں 421 رنز کی برتری حاصل رہی۔ جنوبی افریقا کی جانب سے کیگیسو رباڈا نے 3، مپاکھا اور کیشو مہاراج نے 2، 2، ویان مولڈر، مارکو جینسن نے ایک ایک وکٹ حاصل کی۔پاکستان نے دوسری اننگز میں اپنی بیٹنگ کا آغاز کردیا ہے اور قومی ٹیم کو دوسرے ٹیسٹ میں اننگز کی شکست سے بچنے کے لیے 421 رنز بنانا ہوں گے۔ دوسرے روز کے اختتام پر پاکستان نے دوسری اننگز میں ایک وکٹ کے نقصان پر 213 رنز بنالیے۔پاکستان کی جانب سے اننگر کا آغاز شان مسعود اور بابر اعظم نے کیا، اوپنرز نے شاندار بلے بازی کا مظاہرہ کرتے ہوئے 205 رنز کی اننگز کھیلی، تاہم بابر اعظم 81 رنز بنا کر آؤٹ ہوگئے جبکہ شان مسعود 102 اور خرم شہزاد 8 رنز کیساتھ کیریز پر موجود ہیں۔

دوسراٹیسٹ، پاکستان ٹیم جنوبی افریقا کیخلاف فالو آن کا شکار، پہلی اننگز میں 194 پر آؤٹ

جنوبی افریقا کو 421 رنز کی برتری حاصل ہوگئی، میزبان ٹیم نے پہلی اننگز میں 615 رنز بنائے تھے

پاکستان سپر لیگ کی چھ فرنچائزر نے پی ایس ایل 10 میں برقرار رکھے جانے والے کھلاڑیوں کے ناموں کا اعلان کردیا۔کوئٹہ گلیڈی ایٹرز کو پاکستان سپر لیگ (پی ایس ایل) کا چوتھا ایونٹ جتوانے والے سابق کپتان سرفراز احمد کو اُن کی ٹیم نے ریلیز کردیا ہے۔تفصیلات کے مطابق ‎پاکستان سپر لیگ ( پی ایس ایل ) 10 کے لیے تمام فرنچائزز کی جانب سے ری ٹین  کیئے گئے کھلاڑیوں کے نام جاری کر دیئے گئے ہیں ۔پی ایس ایل کے قواعد کے مطابق ہر فرنچائز کو اپنے سابقہ اسکواڈ میں سے 8 کھلاڑیوں کو برقرار رکھنے کی اجازت ہوتی ہے۔تین فرنچائزز نے مکمل طور پر ریٹینشن کا استعمال کیا ہے جبکہ کراچی کنگز ،ملتان سلطانز اور پشاور زلمی نے سات سات کھلاڑی برقرار رکھے ہیں۔ایچ بی ایل پی ایس ایل تین بار جیتنے والی دفاعی چیمپئن اسلام آباد یونائیٹڈ نے آٹھ کھلاڑی برقرار رکھے ہیں۔ان میں کپتان اور گزشتہ ایونٹ کے پلیئر آف دی ٹورنامنٹ شاداب خان،نسیم شاہ ( پلاٹینم )، عماد وسیم ( مینٹور) اور اعظم خان ( ڈائمنڈ )، سلمان علی آغا ( برانڈ ایمبسیڈر ) اور حیدر علی ( دونوں گولڈ ) کالن منرو اور رومان رئیس ( دونوں سلور) شامل ہیں۔لاہور قلندرز نے پلاٹینم کیٹیگری میں شاہین شاہ آفریدی، فخر زمان، ڈائمنڈ کیٹیگری میں حارث روف ، سکندر رضا، گولڈ کیٹیگری میں عبداللہ شفیق ، زمان خان ، جہانداد خان  اور سلور کیٹیگری میں ڈیوڈ ویزے کو ری ٹین کیاہے ۔کراچی کنگز نے ڈائمنڈ کیٹیگری میں جیمز ونس اور حسن علی، گولڈ میں کپتان شان مسعود اور عرفان نیازی جبکہ سلور کیٹیگری میں عرفات منہاس، ٹم سائفرٹ اور زاہد محمود کو ری ٹین کیا ہے۔پشاور زلمی نے سات کھلاڑی برقرار رکھے ہیں ان میں پی ایس ایل کی تاریخ میں سب سے زیادہ 3504 رنز بنانے والے بابراعظم اور صائم ایوب ( پلاٹینم ) محمد حارث ( ڈائمنڈ )، عارف یعقوب،مہران ممتاز اور سفیان مقیم ( برانڈ ایمبیسڈر) (تینوں سلور ) اور علی رضا ( ایمرجنگ ) شامل ہیں۔ملتان سلطانز نے پاکستان سپر لیگ سیزن 10 کیلئےپلاٹینم کیٹیگری سے محمد رضوان ، اسامہ میر، ڈائمنڈ کیٹیگری میں ڈیوڈ ویلی، افتخار احمد، عثمان خان ، گولڈ کیٹیگری میں کرس جورڈن اور سلورکیٹیگری میں فیصل اکرم کو ری ٹین کیاہے ۔کوئٹہ گلیڈی ایٹرز کو پاکستان سپر لیگ (پی ایس ایل) کا چوتھا ایونٹ جتوانے والے سابق کپتان سرفراز احمد کو اُن کی ٹیم نے ریلیز کردیا ہے۔ گلیڈی ایٹرز کی جانب سے برقرار رکھے گئے کھلاڑیوں میں ابرار احمد، محمد عامر( مینٹور)، رائلے روسو ( تینوں ڈائمنڈ ) اکیل حسین، سعود شکیل ( برانڈ ایمبیسڈر ) محمد وسیم جونیئر ( تینوں گولڈ ) خواجہ محمد نافع اور عثمان طارق (دونوں سلور ) شامل ہیں۔پی ایس ایل 9 میں سرفراز احمد کی جگہ جنوبی افریقا کے رائلی روسو کپتان تھے۔کوئٹہ گلیڈی ایٹرز نے سرفراز احمد کو 9 برس بعد ریلیز کیا ہے اور اب وہ پہلی مرتبہ پی ایس ایل ڈرافٹ کا حصہ بنیں گے۔پاکستان سپر لیگ 10 کا ڈرافٹ گیارہ جنوری کو ہوگا جبکہ یہ ایونٹ 8 اپریل سے 19 مئی تک کھیلا جائے گا۔اس مرتبہ 19 ممالک کے 510 کھلاڑیوں نے پی ایس ایل کے ڈرافٹ کیلئے سائن کیا ہے۔

پی ایس ایل 10 میں فرنچائززنے ریٹین کھلاڑیوں کے ناموں کا اعلان کردیا

کوئٹہ گلیڈی ایٹرز نے سرفراز احمد کو 9 برس بعد ریلیز کیا اور اب وہ پہلی مرتبہ ڈرافٹ کا حصہ بنیں گے

آسٹریلیا نے سڈنی ٹیسٹ میں بھارت کو 6 وکٹوں سے شکست دے کر 5 میچوں پر مشتمل ٹیسٹ سیریز (بارڈر گواسکر ٹرافی) 1-3 سے اپنے نام کرلی ہے۔ اس جیت کے ساتھ ہی آسٹریلیا نے ورلڈ ٹیسٹ چیمپئن شپ کے فائنل کے لیے بھی کوالیفائی کر لیا ہے۔سڈنی میں کھیلے گئے پانچویں اور آخری ٹیسٹ میچ کا فیصلہ تیسرے روز ہی ہوگیا۔ بھارتی ٹیم دوسری اننگ میں بڑا اسکور کرنے میں ناکام رہی اور 157 رنز بنا کر آؤٹ ہوگئی۔ آسٹریلیا جیت کے لیے 162 رنز کا آسان ہدف ملا جو اس نے چار وکٹوں کے نقصان پر حاصل کر لیا۔ آسٹریلیا کی جانب سے عثمان خواجہ 41 رنز بنا کر نمایاں رہے جبکہ بیو ویبسٹر 39 اور ٹریوس ہیڈ 34 رنز بنا کر ناٹ آؤٹ رہے۔بھارت کی جانب سے پراسدھ کرشنا نے 3 اور محمد سراج نے ایک حاصل کی۔واضح رہے کہ بھارتی ٹیم پہلی اننگز میں 185 اور دوسری اننگز میں 157 رنز بنا کر آؤٹ ہو گئی تھی۔آسٹریلوی ٹیم پہلی اننگز میں 181 رنز بنا کر آؤٹ ہو گئی تھی۔یاد رہے کہ 5 میچز کی سیریز آسٹریلیا نے 1-3 سے اپنے نام کی جبکہ سیریز کا ایک میچ ڈرا ہوا تھا۔ٹیسٹ سیریز میں شکست کے بعد بھارت ورلڈ ٹیسٹ چیمپئن شپ سے باہر ہوگیا ہے جبکہ جنوبی افریقہ نے ورلڈ ٹیسٹ چیمپئن شپ کے لیے کوالیفائی کر لیا ہے، اس بار ورلڈ ٹیسٹ چیمپئن شپ کا فائنل لارڈز میں 11 جون سے آسٹریلیا اور جنوبی افریقہ کے مابین ہوگا۔

آسٹریلیا نے بھارت کو6وکٹوں سےہرا کر بارڈر گواسکر ٹرافی جیت لی

ٹیسٹ سیریز میں بدترین شکست کے بعد بھارت ورلڈ ٹیسٹ چیمپئن شپ سے باہر ہوگیا

لائن آف کنٹرول کے دونوں اطراف اور پاکستان سمیت دنیا بھر میں بسنے والے کشمیری آج یوم حق خودارادیت منا رہے ہیں۔یہ دن 5 جنوری 1949 کو اقوام متحدہ کے کمیشن برائے پاکستان اور بھارت کی جانب سے کشمیریوں کو حق خودارادیت دینے کی قرارداد منظور ہونے کی یاد دلاتا ہے۔ تاہم، بھارت نے مقبوضہ کشمیر میں کشمیری عوام پر سخت جبر کرتے ہوئے انہیں اپنے بنیادی حقوق سے محروم کر رکھا ہے۔کشمیری ہر سال 5 جنوری کو اس دن کو تجدید عہد کے طور پر مناتے ہیں۔ بھارت کی جانب سے مقبوضہ کشمیر میں انسانی حقوق کی پامالی اور اقوام متحدہ کی قراردادوں کی مسلسل خلاف ورزی پوری دنیا کے امن کے لیے خطرہ بن چکی ہے۔ کشمیری عوام کو یہ حق حاصل ہے کہ وہ اپنی مرضی سے اپنے مستقبل کا فیصلہ کریں، لیکن بھارت نے اس حق کو چھین لیا ہے۔یوم حق خودارادیت کے موقع پر آزاد جموں و کشمیر بھر میں بھارت کے خلاف احتجاجی مظاہرے کیے جاتے ہیں اور اقوام متحدہ کے فوجی مبصر مشن کے دفتر میں یادداشت بھی پیش کی جاتی ہے۔ اس موقع پر دنیا سے مطالبہ کیا جاتا ہے کہ وہ کشمیریوں سے کیے گئے اپنے وعدے پورے کریں۔صدر مملکت آصف علی زرداری کا یوم حق خود ارادیت کےموقع پر کہنا ہے بھارت نے مقبوضہ کشمیر کے عوام کو حق خود ارادیت سےمحروم رکھاہواہے۔انہوں نے کہ کہ پاکستان کشمیری عوام کی حق خود ارادیت کی جدوجہد میں سیاسی، سفارتی اور  اخلاقی حمایت جاری رکھےگا۔

پاکستان سمیت دنیا بھرمقیم کشمیری آج یوم حق خودارادیت منا رہے ہیں

کشمیری ہر سال 5 جنوری کو اس دن کو تجدید عہد کے طور پر مناتے ہیں

پاکستان اور جنوبی افریقا کے درمیان 2 ٹیسٹ میچوں کی سیریز کے دوسرے میچ میں جنوبی افریقا کی پہلی اننگز کے 615 رنز کے جواب میں دوسرے روز کے کھیل کے اختتام تک پاکستان  نے 3 وکٹوں کے نقصان پر 64 رنز بنا لیے ہیں، بابراعظم اور محمد رضوان کریز پر موجود ہیں۔تفصیلات کے مطابق پاکستان اور جنوبی افریقا کے درمیان جاری کیپ ٹاؤن ٹیسٹ کے دوسرے روز کا کھیل ختم ہوگیا، پاکستان نے پہلی اننگز میں 3 وکٹیں گنوا کر 64 رنز بنالیے اور جنوبی افریقا کی برتری ختم کرنے کے لیے مزید 551 رنز درکار ہیں۔بابر اعظم 31 اور محمد رضوان 9 رنز بنا کر ناٹ آؤٹ ہیں، کامران غلام 12، شان مسعود 2، سعود شکیل بغیر کوئی رن بنائے پویلین لوٹ گئے۔جنوبی افریقا کی جانب سے کاگیسو ربادا نے دو اور مارکو ینسن نے ایک کھلاڑی کو آؤٹ کیا ہے۔ قبل ازیں جنوبی افریقا کی ٹیم پہلی اننگز میں 615 رنز بنا کر آؤٹ ہوئی تھی ،جنوبی افریقا نے کھیل کے دوسرے دن کا آغاز 4 وکٹوں کے نقصان پر 316 رنز سے کیا۔ گزشتہ روز کے سنچری میکرریان ریکلٹن نے شاندار بلے بازی کا سلسلہ جاری رکھا اور ٹیسٹ کی پہلی ڈبل سنچری 24 چوکوں اور ایک چھکے کے ساتھ مکمل کی۔ریان ریکلٹن 259 رنز کی شاندار اننگ کھیل کر میر حمزہ کی گیند پر آؤٹ ہوئے۔ دیگر بلے بازوں میں کائل ویرین 100، مارکو جینس 62، کیشو مہاراج 40، ڈیوڈ بیڈنگھم 5 اور کیوینا مفاکاصفرکے اسکور پر پویلین لوٹے۔ کیگیسو رباڈا 6 رنز بنا کر ناٹ آؤٹ رہے۔پاکستان کی جانب سے محمد عباس اور سلمان آغا نے 3، 3 جبکہ میر حمزہ اور خرم شہزاد نے 2، 2 کھلاڑیوں کو آؤٹ کیا۔واضح رہے کہ 2 ٹیسٹ میچز کی سیریز کا پہلا میچ جنوبی افریقہ نے جیتا تھا۔

دوسراٹیسٹ، جنوبی افریقا 615 پر آؤٹ، پاکستان نے 3 وکٹوں پر 64 رنزبنالئے

بابر اعظم 31 جبکہ محمد رضوان 9 رنز پر ناٹ آؤٹ ہیں،جنوبی افریقا کی برتری ختم کرنے کیلئے مزید 551 رنز درکار

کراچی سے تربت جانے والی بس کے قریب ریموٹ کنٹرول دھماکا ہوا ہے جس کے نتیجے میں 4 افراد جاں بحق اور 35 زخمی ہوگئے۔نجی ٹی وی کے مطابق دھماکا تربت کے نواحی علاقے نیو بہمن میں شاہ زئی ہوٹل قریب پیش آیا جس کے نتیجے میں 35 افراد زخمی ہوئے، جنہیں فوری طور پر اسپتال منتقل کردیا گیا ہے۔پولیس کے مطابق دھماکا ایک بس میں ہوا ہے جو کراچی سے تربت جارہی تھی، جب کہ 8 زخمیوں کی حالت انتہائی تشویشناک ہے۔میڈیارپورٹس کےمطابق آئی ای ڈی دھماکے کے بعد بس پر راکٹ بھی فائر کیے گئے ہیں، جب کہ بس میں سیکیورٹی اہلکار بھی سوار تھے۔پولیس کا کہنا ہے کہ دھماکے میں ہونے والے زخمیوں میں سے 5 کی حالت انتہائی تشویشناک ہے جبکہ دھماکےکے حوالے سے تحقیقات کی جارہی ہیں،اطلاعات ہیں کہ آئی ای ڈی دھماکے کے بعد بس پر راکٹ بھی فائر کیے گئے ہیں جب کہ بس میں سکیورٹی اہلکار بھی سوار تھے۔دھماکے کے بعد پولیس اور سکیورٹی فورسز کی بڑی تعداد جائے وقوعہ پہنچ گئی اور علاقے کو گھیرے میں لے لیا۔پولیس کا کہنا ہےکہ تربت دھماکے میں ایس ایس پی سیریس کرائم ونگ ذوہیب محسن زخمی ہوئے ہیں۔ دھماکے میں ذوہیب محسن کے خاندان کے6 افراد بھی زخمی ہوئے ہیں۔پولیس کے مطابق ذوہیب محسن فیملی کے ہمراہ دھماکے کے وقت وہاں سے گزر رہے تھے۔پولیس کا کہنا ہےکہ دھماکےکے حوالے سے مزید تحقیقات کی جارہی ہیں۔دوسری جانب میڈیارپورٹس کے مطابق کالعدم بلوچ لبریشن آرمی (بی ایل اے) کی فدائی یونٹ مجید بریگیڈ نے حملے کی ذمہ داری قبول کرلی۔

کراچی سے تربت جانے والی بس کے قریب دھماکا، 4 افراد جاں بحق، 35 زخمی

دھماکے میں زخمی اور جاں بحق افراد کو اسپتال منتقل کردیاگیا،8 افراد کی حالت تشویشناک ہے

پاکستان شوبز انڈسٹری کی معروف اداکارہ نیلم منیر پیا گھر سدھار گئیں، جیون ساتھی کے ساتھ شادی کی تصاویروائرل ہوگئیں ہیں۔تفصیلات کے مطابق اداکارہ نیلم منیر کی مایوں مہندی اور نکاح کی تصاویر کا ہر جانب بول بولا ہے اداکارہ نیلم منیر پیا دیس سدھار گئی ہیں اور انہوں نے نئے سال کے ساتھ نئی زندگی کا آغاز بھی کردیا ہے۔نیلم منیر نے شادی کی تصاویر اور ویڈیو شیئر کرکے اپنے مداحوں کو سرپرائز دیا، دبئی میں شادی کی تقریبات ہوئیں اور نکاح بھی وہیں ہوا، سوشل میڈیا صارفین قیاس آرائیاں کررہے ہیں کہ دولہا کون ہے؟ کیا کاروبار ہے؟ کتنی دولت کا مالک ہے؟ گزشتہ روز اداکارہ نیلم منیر کی دبئی میں شادی کی تصاویر وائرل ہوئیں، لیکن نیلم منیرنے صرف شادی کی تصاویر شیئر کی تھیں، جن میں ان کے دلہے کے چہرے کو بھی واضح طور پر دیکھا گیا، تاہم انہوں نے دلہے سے متعلق کوئی معلومات فراہم نہیں کی تھی۔ شادی کی تصاویر میں نیلم منیر کے دلہے کو عربی لباس میں متحدہ عرب امارات (یو اے ای) کی ریاست دبئی کے معروف مقام برج خلیفہ سمیت دیگر مقامات پر دلہن کے ہمراہ دیکھا گیا۔دلہے کو عربی لباس میں دیکھ کر زیادہ تر سوشل میڈیا صارفین نے اندازہ لگایا گیا کہ اداکارہ نے کسی عرب شخص سے شادی کی ہے اور ان کے شوہر ممکنہ طور بڑے کاروباری شخص ہیں۔تاہم اب ان کے شوہر سے متعلق تمام معلومات بھی سامنے آچکی ہیں ۔ معروف یوٹیوبر یاسر شامی نے سوشل میڈیا پر ایک ویڈیو کے ذریعے نیلم منیر کے شوہر کے بارے میں کچھ معلومات فراہم کی ہیں۔ ان کے مطابق، نیلم منیر کے شوہر کا نام محمد راشد ہے، جو دبئی پولیس کے سی آئی ڈی ڈپارٹمنٹ میں کام کرتے ہیں۔ یہ شادی پسند کی ہے اور تقریب پچھلے ماہ ہوئی، جس کی تصاویر اب جاری کی گئی ہیں۔یوٹیوبر نے مزید بتایا کہ نیلم منیر کے شوہر کی ملازمت کے حوالے سے اگر دبئی پولیس کے اہلکاروں کا تجربہ 2 سے 3 سال کا ہو تو ان کی تنخواہ 13 ہزار درہم (تقریباً 10 لاکھ پاکستانی روپے) ہوتی ہے۔ اگر تجربہ 5 سے 8 سال ہو تو یہ تنخواہ 13 سے 18 ہزار درہم (تقریباً 13 سے 14 لاکھ روپے) تک بڑھ جاتی ہے، اور 8 سے 10 سال کے تجربے والے اہلکاروں کی تنخواہ 22 ہزار درہم یعنی 16 سے 17 لاکھ پاکستانی روپے تک پہنچ سکتی ہے۔یوٹیوبر کا یہ بھی کہنا ہے کہ دبئی پولیس کے اہلکار سے شادی کرنے پر نیلم منیر کو دبئی کے شاپنگ مالز میں خاص ڈسکاؤنٹ ملے گا۔عموماً دبئی میں مقامی شادی کرنے والی لڑکیوں کو شہریت نہیں دی جاتی، بلکہ انہیں گولڈن ویزہ دیا جاتا ہے، جو مستقبل میں شہریت میں تبدیل ہو سکتا ہے۔ اگر ان دونوں کے بچے ہوئے تو انہیں دبئی کی شہریت مل جائے گی۔

معروف اداکارہ نیلم منیر کے شوہر کا نام، پیشہ اور تنخواہ کیا ہے؟ حقیقت سامنے آگئیں

نیلم منیر نےاپنےشوہر کے ساتھ تصاویر شیئر کرتے ہوئے اپنی نئی زندگی شروع کرنے کی تصدیق کی تھی

پاکستانی اوپنر صائم ایوب دائیں ٹخنے کی انجری کے باعث 6 ہفتے کے لیے کرکٹ کے میدان سے باہر ہوگئے ہیں۔گزشتہ روز کیپ ٹاؤن میں کھیلے جارہے میچ میں شارٹ تھرڈ مین باؤنڈری پر گیند کا پیچھا کرنے کی کوشش کی، اس دوران باؤنڈری لائن کے قریب قومی ٹیم کے اوپنر صائم کا دائیں ٹخنہ مڑ جانے سبب انجری کا شکار ہوئے تھے۔ٹیم مینجمنٹ کا کہنا تھا کہ ٹیسٹ کے پہلے روز فیلڈنگ کے دوران صائم ایوب کا ٹخنہ مڑ گیا تھا، ایم آر آئی نے صائم ایوب کے فریکچر کی تصدیق کر دی ہے۔پاکستان کرکٹ بورڈ (پی سی بی) کی جانب سے جاری کردہ اعلامیے میں کہا گیا ہے کہ اوپنر کی ایم آر آئی رپورٹس میں فریکچر کی تصدیق ہوئی ہے جس کے باعث وہ 6 ہفتوں تک انٹرنیشنل کرکٹ سے دور ہوگئے ہیں۔پی سی بی کے مطابق  صائم ایوب ٹیم کے ساتھ ہی رہیں گے اور ٹیسٹ ختم ہونے کے بعد ٹیم کے ساتھ وطن واپس آئیں گے۔

پاکستان کو بڑا دھچکا،اوپنرصائم ایوب 6 ہفتوں کیلئے انٹرنیشنل کرکٹ سے باہر

صائم ایوب ٹیم کے ساتھ ہی رہیں گے اور ٹیسٹ ختم ہونے کے بعد ٹیم کے ساتھ وطن واپس آئیں گے

امن کوششوں کو دھچکا، لوئر کرم میں سرکاری گاڑیوں پر فائرنگ کے نتیجے میں ڈپٹی کمشنر جاوید اللہ محسود سمیت سات افراد زخمی ہوگئے ہیں۔ واقعہ کے بعد بیرسٹر سیف نے کہا ہے کہ ضلع کُرم کے لیے امدادی سامان پر مشتمل قافلے کی روانگی روک دی گئی ہے جبکہ وفاقی وزیر داخلہ محسن نقوی کا کہنا ہے کہ لوئر کرم میں سرکاری گاڑیوں پر فائرنگ کا واقعہ امن معاہدہ سبوتاژ کرنے کی سازش ہے۔نجی ٹی وی چینل کے مطابق ڈپٹی کمشنر اور دیگر زخمی حالت میں علیزئی اسپتال منتقل کردیا گیا،پولیس کا کہنا ہے کہ لوئر کرم کے علاقہ بگن میں وقفے وقفے سے فائرنگ کا سلسلہ جاری ہے۔فائرنگ کے واقعے کے بعد کرم جانے والا قافلہ ٹل کے مقام پر روک دیا گیا ہے،سامان سےبھرے ٹرک بھی ٹل واپس پہنچ گئے ہیں۔اس حوالے سے مشیرِ اطلاعات خیبر پختونخوا بیرسٹر سیف کا کہنا ہے کہ کرم بگن میں فائرنگ سے زخمی ڈپٹی کمشنر کرم کی حالت خطرے سے باہر ہے، جاوید اللہ محسود کو ہیلی کاپٹر کے ذریعے پشاور منتقل کرنے کا بندوبست کیا جا رہا ہے۔وفاقی وزیرداخلہ محسن نقوی نے لوئرکرم میں سرکاری گاڑیوں پر فائرنگ کی مذمت کرتے ہوئے کہا زخمی ڈپٹی کمشنر جاوید اللہ محسود کی صحتیابی کیلئے دعا گو ہیں،سرکاری گاڑیوں پر فائرنگ امن معاہدہ سبوتاژ کرنے کی سازش ہے،شرپسندوں نے امن معاہدے کو نقصان پہنچانے کی گھناؤنی حرکت کی۔ وزیراعلی خیبرپختونخوا علی امین گنڈاپو نےکرم میں سرکاری گاڑیوں کےقافلےپرفائرنگ کی مذمت کرتے ہوئے،اعلی حکام سےواقعےکی رپورٹ طلب کرلی ہے،امن معاہدےکےبعدایساواقعہ انتہائی افسوسناک اورقابل مذمت ہے،واقعہ کرم میں امن کی حکومتی کوششوں کوسبوتاژکرنےکی سازش ہے،فائرنگ میں ملوث عناصرکیخلاف قانون کےمطابق کارروائی کی جائےگی۔خیال رہے کہ کرم میں فریقین کے درمیان امن معاہدے کے بعد آج پچھترٹرکوں پر مشتمل بڑا قافلہ ٹل سے روانہ ہوا تھا،جس میں دوائیں ،گھی،گیس سلنڈر،آٹا اور دیگراشیا شامل تھیں۔ بڑی گاڑیوں پرمشتمل قافلہ سیکورٹی حصارمیں کرم روانہ ہوا،جس میں بائیس ویلر،دس وئیلر اور چھ وئیلر ٹرک شامل تھے،ٹرکوں میں  خوراک کی اشیاء ،دوائیں ،گیس سلنڈر  اور دیگر سامان شامل ہیں، جس میں پانچ ٹرک دوائیں ،دس ٹرک سبزیاں،نو ٹرک گھی اور آئل،پانچ ٹرک آٹا،سات ٹرک چینی،دو ٹرگ گیس سلنڈر اور چھبیس ٹرک کریانہ کے سامان کی سپلائی کی جارہی ہے۔واضح رہے کہ 2024 کے آخری مہینوں میں کرم ایجنسی کے علاقے پارا چنار میں مسافر بس پر فائرنگ سے 44 افراد جاں بحق ہوگئے تھے، جس کے بعد کرم ایجنسی کے مختلف علاقوں میں مسلح قبائلی تصادم اور فائرنگ کے نتیجے میں مزید درجنوں افراد اپنی جانوں سے ہاتھ دھو بیٹھے۔متحارب فریقین کی جانب سے راستوں کی بندش اور احتجاج کی وجہ سے کرم ایجنسی میں کھانے پینے کی اشیا اور دوائوں کی قلت پیدا ہوگئی تھی، جس کے بعد وفاقی کابینہ کے ہیلی کاپٹر کے ذریعے ہنگامی طور پر امدادی سامان پارا چنار بھیجا گیا تھا۔

لوئرکرم میں سرکاری گاڑیوں پر فائرنگ،ڈپٹی کمشنر سمیت 5 افراد زخمی، امدادی قافلے کی روانگی مؤخر

زخمی ڈپٹی کمشنر جاوید اللہ محسود کو اسپتال منتقل کر دیا گیا ، علاقے میں وقفے وقفے سے فائرنگ کا سلسلہ جاری

ورلڈ بینک نے کہا ہے کہ ایک سال کے دوران مزید ایک کروڑ تیس لاکھ پاکستانی غربت کا شکار ہو گئے۔تفصیلات کے مطابق حکومت کی جانب سے معیشت کی بہتری، مہنگائی اور غربت میں کمی کے دعوے کیے جا رہے ہیں لیکن عالمی بینک کی رپورٹ نے ان دعووں کی نفی کر دی ہے۔ حکومت کی جانب سے گزرے سال 2024 میں تسلسل کے ساتھ یہ دعوے کیے جاتے رہے کہ ملکی معیشت ترقی کے ٹریک پر آ گئی ہے۔ ملک میں مہنگائی اور غربت کم ہو رہی ہے، لیکن اس حوالے سے ورلڈ بینک نے جو رپورٹ جاری کی ہے، وہ حکومت کے ان تمام دعووں کی نفی کرتی ہے۔ورلڈ بینک کی رپورٹ کے مطابق 2024 میں پاکستان میں غربت کی شرح 25.3 فیصد رہی، جو 2023 کے مقابلے میں 7 فیصد زیادہ ہے، ایک سال کے دوران ایک کروڑ 30 لاکھ مزید پاکستانی غربت کا شکار ہوگئے۔عالمی بینک کی جانب سے جاری کی گئی رپورٹ کے مطابق 2023 کے دوران بد ترین سیلاب نے انفرا اسٹرکچر کو تباہ کر دیا جس سے زرعی پیداوار میں کمی، ریکارڈ مہنگائی اور معاشی بحران کیساتھ غربت میں ایک بار پھر بڑھ گئی۔رپورٹ میں یہ بھی بتایاگیا ہے کہ 2019 میں کورونا ختم ہونے کے بعد جس طرح شرح غربت میں بتدریج کمی آئی۔ اسی طرح 2023 کی بدترین مہنگائی کے بعد 2024 میں معیشت کی بحالی کا عمل شروع ہوا جس کے باعث امکان ہے کہ 2025 میں شرح غربت کم ہو کر18.7 فیصد رہ جائے گی۔ورلڈ بینک کی رپورٹ میں یہ بھی کہاگیا ہے کہ 2024 کے دوران پاکستان میں غربت کی شرح25.3 فیصد رہی جوکہ 2023 کے مقابلے میں7 فیصد زائد اور ایک سال کے دوران مزید 1.3کروڑ پاکستانی غربت کا شکار ہوئے۔عالمی بینک کی جاری رپورٹ میں نشاندہی کی گئی ہے کہ شرح غربت وبائی امراض، سیلاب اور میکرو اکنامک بحرانوں سے پیدا معاشی ہلچل کی عکاس ہے۔

پاکستان میں ایک سال کے دوران مزید1کروڑ30لاکھ لوگ غربت کا شکار ہو گئے، ورلڈبینک

سال 2024 کے دوران پاکستان میں غربت کی شرح25.3فیصد رہی جو گزشتہ سال کی نسبت 7 فیصد زائد ہے،عالمی بینک

کراچی کے مختلف علاقوں میں موسم سرما کی پہلی بارش کے بعد سردی کی شدت میں اضافہ ہوگیا ہے۔ گلشن معمارگلشن معمار، بلدیہ ٹاؤن، اورنگی ٹاؤن، نارتھ ناظم آباد سمیت دیگر علاقوں میں رات گئے کہیں ہلکی بارش اور کہیں بوندا باندی ہوئی۔گرو مندر، نمائش چورنگی، ایم اے جناح روڈ، گلشن اقبال، شارع فیصل، کارساز روڈ، ڈالیما، شانتی نگر، گلستان جوہر اور اسکیم 33 یونیورسٹی روڈ پر بوندا باندی ہوئی۔محکمہ موسمیات کے مطابق کراچی کے مضافاتی علاقے حب چوکی اور سرجانی میں بھی ہلکی بارش ہوئی جس سے ویک اینڈ کا مزہ دوبالا ہو گیا، سردی میں اضافے کی وجہ سے شہریوں نے لیدر جیکٹس نکال لیں۔محکمہ موسمیات کے مطابق کراچی میں آج سے شروع ہونے والی سردی کی نئی لہر ایک ہفتے تک جاری رہنے کا امکان ہے۔محکمہ موسمیات کے مطابق شہر میں آج رات میں سائبیرین ہوائیں چلیں گی۔محکمہ موسمیات کا کہنا ہے کہ اگلے 4 سے 5 روز کے دوران درجہ حرارت سنگل ڈیجیٹ میں جانے کا امکان ہے،محکمہ موسمیات کے مطابق شمالی سمت سے ہلکی رفتار سے ہوا چل رہی ہے، کراچی کے مختلف علاقوں میں رات گئے بوندا باندی ہوئی، جس سے خنکی میں اضافہ ہوگیا۔دوسری جانب وادی کوئٹہ اور گردونواح میں موسم سرما کی پہلی برفباری ہوئی، خانوزئی، کان مہترزئی، زیارت سمیت متعدد اضلاع پر برف کی چادر پھیل گئی جبکہ بلوچستان کے شمالی علاقوں میں وقفے وقفے سے بارش بھی جاری ہے۔

کراچی کےمختلف علاقوں میں موسم سرما کی پہلی بارش، سردی میں اضافہ

شہر میں آج رات سے سائبیرین ہوائیں چلیں گی، درجہ حرارت سنگل ڈیجیٹ میں جانے کا امکان

کرم میں امن قائم کرنے کی جانب اہم قدم، مقامی افراد ، قبائلی و سیاسی قیادت پر مشتمل امن کمیٹیاں قائم کر دی گئیں،کرم امن معاہدے پر بقیہ 6 ارکان نے بھی دستخط کردیے،امن معاہدے کے تحت مال بردار گاڑیوں کا پہلا قافلہ کل ٹل سے پاراچنار جائے گا۔ روانہ ہونے والے قافلے کی حفاظت پولیس کرے گی،ہنگامی صورتحال میں معاونت کیلئے دیگر ادارے موجود رہیں گے۔میڈیارپورٹس کے مطابق کُرم ایجنسی میں قبائل کے درمیان امن معاہدے پر باقی 6 ارکان کے دستخطوں کے بعد اشیائے خورونوش لے کر پہلا قافلہ ہفتہ کے روز پارا چنار کے لیے روانہ ہو گا، انتظامیہ تمام تر تیاریاں مکمل کر لی ہیں۔امن کمیٹیوں میں تمام مسالک اور فقہ کے افراد شامل ہیں، امن کمیٹیوں کی گارنٹی کے بعد اشیائے خور و نوش اور سامان کا پہلا قافلہ کل ٹل سے پارا چنار کے لئے نکلے گا، قافلے کی حفاظت کیلئے پولیس اہلکار بھی ساتھ ہوں گے۔پارا چنار جانے والے قافلے کی حفاظت پولیس کرے گی، ہنگامی صورت حال میں معاونت کےلیے دیگر قانون نافذ کرنے والے ادارے ہمہ وقت موجود ہوں گے۔امن کمیٹیوں کا قیام یکم جنوری کو ہونے والے امن معاہدے کے جرگے میں ہوا، مقامی رہنماؤں نے ذاتی اور قبائلی تنازعات کو بالائے طاق رکھ کرحفاظت کی گارنٹی دی۔دوسری جانب اس حوالے سے چیف سیکرٹری خیبر پختونخواہ ندیم اسلم چوہدری کا کہنا ہے کہ  پاکستانی عوام اور خاص طور پر کرم کے عوام کو مبارکباد پیش کرتا ہوں، اہل سنت اور اہل تشیع کمیونیٹیز کے درمیان امن معاہدہ طے پا گیا ہے۔دونوں کمیونٹیز کے علماء اور لیڈرشپ کا شکریہ ادا کرتا ہوں جنہوں نے اس امن معاہدے کے اوپر دستخط کروانے میں کردار ادا کیا۔ندیم اسلم چوہدری نے کہا کہ کل کُرم کے لئے گاڑیوں کا پہلا قافلہ سامان رسد لے کے پارا چنار کے لئے روانہ  ہوگا، پولیس قافلوں کی حفاظت کرے گی، دیگر قانون نافذ کرنے والے ادارے بھی معاون ہونگے۔ان کا کہنا تھا کہ مقامی قیادت اور قانون نافذ کرنے والے اداروں کا تعاون قابل ستائش ہے ، مشران نے تنازعات کو پس پشت ڈال کر امن کے قیام کی راہ ہموار کی،صوبائی اور وفاقی حکومت امن معاہدے کی کامیابی کے لیے مکمل تعاون فراہم کرے گی ،امن کمیٹیاں کسی بھی شرپسند کو قافلے یا معاہدے کو نقصان پہنچانے کی اجازت نہیں دیں گی۔چیف سیکرٹری خیبرپختونخوا نے کہا کہ  امن کمیٹیوں سے درخواست ہے کہ وہ حکومت اور قانون نافذ کرنے والے اداروں سے مکمل تعاون کریں ، ہم کرم کے مسائل سے مکمل آگاہ ہیں اور عوامی مشکلات کے خاتمے کے لیے امن معاہدے پر عمل درآمد اولین ترجیح ہے۔

کرم میں امن کمیٹیاں قائم، پولیس کی نگرانی میں گاڑیوں کا قافلہ کل روانہ ہوگا

قافلے کی حفاظت پولیس کریگی، ہنگامی صورتحال میں معاونت کیلئے دیگر ادارے بھی موجود رہیں گے

کیپ ٹاون ٹیسٹ کے پہلے روز پاکستانی باولر کی خوب دھلائی، جنوبی افریقی بلے بازوں نے رنز کا پہاڑ کھڑا کر دیا،پاکستان اور جنوبی افریقا کے درمیان 2 ٹیسٹ میچوں کی سیریز کے دوسرے میچ کے پہلے روز کھیل کے اختتام پر پاکستان کے خلاف ریان رکلٹن اور ٹیمبا باووما کی شاندارسنچریوں کی بدولت 4 وکٹوں پر 316 رنز بنالیے۔تفصیلات کے مطابق کیپ ٹاؤن میں کھیلے جارہے دوسرے ٹیسٹ میچ میں جنوبی افریقا نے ٹاس جیت کر پہلے بلےبیٹنگ کا فیصلہ کیا، میزبان ٹیم کی پہلی وکٹ 61 رنز پر گر گئی، جنوبی افریقا کے اوپنر ایڈن مرکرم 17 رنز بنانے کے بعد خرم شہزاد کی گیند پر وکٹ کیپر رضوان کے ہاتھوں کیچ آؤٹ ہوگئے۔پہلی وکٹ گرنے کے بعد پاکستانی بولرز نے جنوبی افریقی بیٹرز کے گرد جیسے گھیرا تنگ کرنا شروع کردیا اور صرف مزید 11 رنز کے اضافے کے دوران 2 وکٹیں حاصل کرلیں۔جنوبی افریقا کی دوسری وکٹ 70 اور تیسری وکٹ 72 رنز پر گرگئی اس کے بعد پروٹیرز کے کپتان ٹیمبا باووما اور ریان رکلٹن نے چوتھی وکٹ پر 235 رنز کی شراکت داری قائم کی اور ٹیم کو مستحکم پوزیشن میں لے آئے، ٹیمبا باووما 106 رنز بنا کر آؤٹ ہوئے جبکہ ریان رکلٹن 176 رنز بنا کر ناقابل شکست ہیں اور ان کے ساتھ ڈیوڈ بیڈنگھم 4 رنز کے ساتھ ہیں۔پاکستان کی جانب سے پاکستان کی جانب سے سلمان آغا نے دو جبکہ خرم شہزاد اور محمد عباس نے ایک ایک وکٹ حاصل کی۔

کیپ ٹاؤن ٹیسٹ، جنوبی افریقانے پہلے روز کھیل کے اختتام پر 4 وکٹوں پر 316 رنز بنا لیے

پاکستان کی جانب سے سلمان آغا نے دو جبکہ خرم شہزاد اور محمد عباس نے ایک ایک وکٹ حاصل کی

عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ بڑھ گئے۔تفصیلات کے مطابق سونے کی فی تولہ قیمت میں آج 2 ہزار 200 روپے اضافہ ہوگیا۔آل پاکستان جیمز ایند جیولرز ایسوسی ایشن کے مطابق ملک میں سونے کی فی تولہ قیمت 2200 روپے کے بعد 2 لاکھ 76 ہزار 900 روپے ہوگئی ہے۔ایسوسی ایشن کے مطابق 10 گرام سونے کا بھاؤ میں 1 ہزار886 روپے کا اضافہ ہوا ہے، جس کے بعد نئی قیمت 2 لاکھ 37 ہزار 397 روپے ہوگئی ہے۔دوسری جانب پاکستان اسٹاک مارکیٹ میں آج کاروبار کا ملا جلا رجحان رہا۔کاروباری ہفتے کے آخری روز کاروبار کا آغاز مثبت زون میں ہوا تاہم کچھ دیر بعد مندی چھا گئی جس کے باعث ہنڈرڈ انڈیکس میں 1400 پوائنٹس تک کمی ریکارڈ کی گئی۔تاہم کاروباری روز کے اختتام پر کاروبار کا مثبت رجحان دیکھا گیا جس کے باعث ہنڈرڈ انڈیکس 467 پوائنٹس اضافے کیساتھ 1 لاکھ 17 ہزار 5 سو 86 پوائنٹس کی حد پر بند ہوا۔

پاکستان میں سونا مزید مہنگا ہوگیا،فی تولہ قیمت میں 2ہزار200 روپے کا اضافہ

ملک میں سونے کی فی تولہ قیمت 2200 روپے کے بعد 2 لاکھ 76 ہزار 900 روپے ہوگئی

سابق کپتان شعیب ملک نے پاکستان سپر لیگ (پی ایس ایل) کی فرنچائز کراچی کنگز سے راہیں جدا کرلیں۔تفصیلات کے مطابق پاکستان سپر لیگ کی تیاریاں عروج پر ہیں اور غیر ملکی کھلاڑیوں کی جانب سے رجسٹریشن کا عمل بھی جاری ہے تاہم ا س دوران شعیب ملک نے پی ایس ایل میں اپنے کیریئر سے متعلق بڑا اعلان کر دیاہے ۔سماجی رابطے کے پلیٹ فارم ایکس پرپر جاری بیان میں شعیب ملک کا کہناتھا کہ میرا کراچی کنگز کے ساتھ سفر اختتام پذیر ہو گیاہے ، اب پہلی مرتبہ پی ایس ایل ڈرافٹ کا حصہ بننے کا منتظر ہوں ۔ شعیب ملک نےاپنے پیغام میں کہا کہ فرنچائز اور ساتھیوں کے ساتھ کھیلنے کا تجربہ بڑا شاندار رہا ، دو سیزنز میں مینجمنٹ نے مجھے بہت اسپورٹ کیا، تمام کھلاڑیوں کے لئے نیک خواہشات ہیں۔ اب میں پہلی مرتبہ پی ایس ایل ڈرافٹ کا حصہ بننے کا منتظر ہوں۔

شعیب ملک نے کراچی کنگز سے راہیں جدا کرلیں

میرا کراچی کنگز کے ساتھ سفر اختتام پذیر ہو گیاہے ، اب پی ایس ایل ڈرافٹ کا حصہ بننے کا منتظر ہوں،شعیب ملک

وزیراعلیٰ خیبرپختونخواہ علی امین گنڈا پورکا کہنا ہے کہ ایک سیاسی جماعت پر گولیاں برسائی گئیں ملک کا وزیراعظم کہہ رہا ہے کچھ نہیں ہوا،وزیراعظم کی جانب سے اس طرح کی بات چیت کرنا نامناسب ہے،اپنے لوگوں کے ساتھ بات چیت کریں تو ہم بھی کردار ادا کرنے کو تیار ہیں،اسلام آباد میں ایپکس کمیٹی اجلاس کے بعد میڈیا سے گفتگو کرتے ہوئےعلی امین گنڈاپور کا کہنا تھا کہ ایک سیاسی جماعت پر گولیاں برسائی گئیں ملک کا وزیراعظم کہہ رہا ہے کچھ نہیں ہوا، افغانستان سے جرگہ کے ذریعے مثبت مذاکرات کا اختیار دیا جائے تو مثبت کردار ادا کریں گے۔ انہوں نے کہا کہ  26 نومبر کی بات وزیراعظم نے خود کی، میں نےکہا تھا کہ 58 زخمی اور 13 شہید ہیں، 45 تاحال لاپتہ ہیں لیکن  وزیراعظم کی اس طرح کی بات چیت کرنا نامناسب ہے کہ اسلام آباد میں احتجاج کے دوران گولی نہیں چلی۔انھوں نے کہا کہ وزیراعظم کو  اس طرح کی باتوں سے اجتناب کرنا چاہیے، اگر کوئی تحفظات ہیں تو بات کرنی چاہیے۔نہوں نے کہا کہ ہم نے اپنے لاپتا افراد کی لسٹ حکومت کو دی ہے تاکہ انہیں بازیاب کرایا جاسکے۔ حکومت کے پے درپے بیانات ہیں کہ ہم بغیر اجازت ریڈ زون میں گئے۔ ہم سیاسی جماعت ہیں ہمارے کارکنان سیاسی ہیں مگر ان کے ساتھ جو رویہ اختیار کیا گیا وہ قابل مذمت ہے۔ ہم محب وطن ہیں ہمیں انصاف چاہیے۔ اگر کوئی تحفظات ہیں تو بات کرنا چاہیے۔ اسحاق ڈار نے کہا کہ ان معاملات پر مذاکراتی کمیٹی میں بات کریں گے۔ علی امین گنڈاپور نے کہا کہ ہماری ترجیح مذاکرات ہیں اور ہم ملک میں امن قائم کرنے کے لیے مذاکرات کررہے ہیں۔ ہم سب مل کر دہشت گردی کا مقابلہ کررہے ہیں ۔ہم دہشت گردوں کے خلاف آخری حد تک جائیں گے اور امن قائم کریں گے۔وزیراعلی خیبرپختونخوا نے کہا کہ افغانستان سے اب تک حکومتی سطح پر بات ہوئی ہے بحیثیت جرگہ بات نہیں ہوئی۔ مذاکرات تو حکومت ہی کرتی ہے مگر ہمیں جرگہ کی حیثیت سے مذاکرات کا اختیار دیا جائے تو ہم اپنے قبائل کے ساتھ ملک کر مذاکرات میں مثبت کردار ادا کرنے کے لیے تیار ہیں۔ بتایا گیا ہے کہ افغانستان سے بات چیت کے دوران بھی وہاں سے سرحد پار کارروائیاں جاری ہیں۔علی امین گنڈا پور کا مزید کہنا تھا کہ پاکستان ترجیح ہے اس کے لئے مل کر بات کریں گے۔کرم کے حوالے سے بات کرتے ہوئے علی امین گنڈا پور نے کہا کہ اجلاس میں کرم اور افغانستان کی صورتحال پر بڑی تفصیلی بات ہوئی ہے، مذاکرات گورنمنٹ ہی کرتی ہے، اگر ہمیں موقع دیا جائے تو قبائل کو ساتھ ملا کر جرگے میں بات چیت کرسکتے ہیں، کرم میں دہشت گردی کا مسئلہ نہیں دوگروپوں کی لڑائی کا مسئلہ ہے، کرم کا مسئلہ آج سے نہیں ایک صدی سے چل رہا ہے۔ان کا کہنا تھا کہ گرینڈ جرگہ کے تمام ممبرا ن کا شکرگزار ہوں جنہوں نے وہاں معاملات کو سلجھایا، ہمارے وہاں کے لوکل مشیران نے بھی اہم کردار ادا کیا، کرم مسئلے پرجرگے میں 99 فیصد دستخط ہوچکے ہیں، جو دستخط رہ گئے ہیں وہ آج ہوجائیں گے، کرم کا پور ا مسئلہ حل ہوچکا ہے، کرم کے راستے جلد کھول کر لوگوں کو سہولیات دینا شروع ہوجائیں گے۔علی امین گنڈا پور نے کہا کہ جب سے بانی پی ٹی آئی کی حکومت گئی دہشت گردی پھیلی، یہ پالیسی میٹر ہوتا ہے، غلط پالیسی ہی دہشت گردی جیسی چیزوں کو جنم دیتی ہے، ان کی پالیسی پہلے بھی غلط تھی پھر غلط ہوئی، پی ڈی ایم ون اور پی ڈی ایم ٹو کی پالیسی غلط ہے، بارڈر پر تمام ذمہ داری ا فوج اور وفاقی حکومت کی ہے، نیچے سیٹل ایریا آتا ہے اس کی ذمہ داری بالکل میری ہے قبول کرتا ہوں۔وزیراعلیٰ خیبرپختونخوا کا مزید کہنا تھا کہ جب بارڈر سے لوگ آئیں گے تو پھر ظاہری سی بات ہے شہروں میں آکر کارروائیاں کریں گے، یہ لوگ آکہاں سے رہے ہیں، داخل کیسے ہوجاتے ہیں؟  غلط پالیسیاں ایسی چیزوں کو جنم دیتی ہیں۔ سرحدی علاقے کی ذمہ داری فوج اور وفاقی حکومت کی ہے۔ ضم اضلاع میں آپریشن کیے گئے تاہم کوئی فائدہ نہیں ہوا۔ 9 مئی پر کمیشن بنانا ہمارا مطالبہ ہے۔

جب سے عمران خان کی حکومت گئی دہشت گردی پھیلی ہے،علی امین گنڈاپور

ایک سیاسی جماعت پر گولیاں برسائی گئیں ملک کا وزیراعظم کہہ رہا ہے کچھ نہیں ہوا، وزیراعلیٰ خیبرپختونخواہ کی میڈیا سے گفتگو

پاکستان تحریک انصاف (پی ٹی آئی) کے رہنما اور سابق وزیر خارجہ شاہ محمود قریشی نے کہا ہے کہ مذاکرات کی ضرورت پاکستان کو ہے، نہ کہ پی ٹی آئی کو۔ انہوں نے دعا کی کہ یہ مذاکرات کسی منطقی نتیجے تک پہنچیں۔ انہوں نے مزید کہا کہ مذاکرات کا مثبت نتیجہ نہ آنے کی صورت میں حکومت کی استحکام خطرے میں پڑ سکتا ہے۔انسداد دہشت گردی عدالت لاہور میںپیشی کے موقع پر میڈیا سے غیر رسمی گفتگو کرتے ہوئےشاہ محمود قریشی کا کہنا تھا پاکستان نازک موڑ پر کھڑا ہے، میری دعا ہے کہ مذاکرات کسی منطقی نتیجے تک پہنچیں کیونکہ مذاکرات کی ضرورت پاکستان کو ہے تحریک انصاف کو نہیں۔انہوں نے مزیدکہا کہ بانی پی ٹی آئی لوگوں کے دلوں میں ہیں، بانی پی ٹی آئی کی سوچ اور فیصلہ ملک کے مفاد کے لیے ہے اور تحریک انصاف نے ہمیشہ نیک نیتی سے مذاکرات کا عمل شروع کیا ہے۔شاہ محمودقریشی کا کہناتھا کہ پاکستان کو اندرونی اور بیرونی چیلنجز کا سامنا ہے، جمہوریت کے دعوے دار سنجیدگی سے مذاکرات آگے بڑھائیں، ہمارا کوئی ناجائز مطالبہ نہیں ہے۔شاہ محمود قریشی نے کہا کہ جو سیاسی قیدی ہیں ان کو رہا کیا جائے، ضمانت تو قتل کے ملزم کو بھی مل جاتی ہے، ہم ڈیڑھ سال سے جیل میں ہیں، ضمانت ملی نہ کیس شروع ہوا۔شاہ محمودکا کہناتھاکہ حکومت کا وقت پورا ہوگایا نہیں ،پہلے مذاکرات ہونے دیں،مثبت نتیجے پر جانا چاہیے ورنہ یہ حکومت ڈگمگا جائے گی۔انہوں نے بلاول بھٹو زرداری کو مخاطب کرتے ہوئے کہا کہ انہیں ملک کی ضرورت کا علم ہونا چاہیے۔ شاہ محمودقریشی نے حال ہی میں رہا ہونے والے سیاسی قیدیوں کے اقدام کو سراہا اور کہا کہ یہ جمہوریت کے مفاد میں ایک اچھا قدم ہے۔انہوں نے حکومت سے مطالبہ کیا کہ 9 مئی اور 26 نومبر کے واقعات کے حوالے سے جوڈیشل کمیشن بنایا جائے اور سیاسی قیدیوں کی رہائی کو یقینی بنایا جائے۔

مذاکرات کی ضرورت پاکستان کو ہے، تحریک انصاف کو نہیں، شاہ محمود قریشی

مذاکرات کا مثبت نتیجہ نہ آنے کی صورت میں حکومت کی استحکام خطرے میں پڑ سکتا ،عدالت میں پیشی کے موقع پر میڈیاسے گفتگو

سپریم کورٹ میں فوجی عدالتوں میں سویلین کے ٹرائل سے متعلق کیس کی سماعت7 جنوری کو ہوگی ، عدالت عظمیٰ کے آئینی بینچ کی 6 سے10 جنوری کی کاز لسٹ جاری کر دی گئی ہے۔ فوجی عدالتوں میں شہریوں کے ٹرائل کا کیس سماعت کے لیے مقرر کردیا گیا ہے۔ جسٹس امین الدین کی سربراہی میں7 رکنی آئینی بینچ 7 جنوری کو کیس کی سماعت کرےگا۔طلبا تنظیموں پر پابندی کےخلاف درخواست بھی سماعت کے لیے مقرر کی گئی ہے۔سپریم کورٹ کا آئینی بینچ 10 جنوری کو کیس کی سماعت کرےگا۔ عام انتخابات میں دھاندلی سے متعلق بانی پی ٹی آئی کو آئینی درخواست شیر افضل مروت کی استدعا پر بھی آئینی بنچ جسٹس امین الدین خان کی سربراہی میں سات جنوری کو سماعت کرے گا۔

فوجی عدالتوں میں سویلین کے ٹرائل سے متعلق کیس سماعت کیلئے مقرر

جسٹس امین الدین کی سربراہی میںسات رکنی آئینی بینچ 7 جنوری کو کیس کی سماعت کرےگا

Mohammad Amir became the third bowler from the country to take 350 wickets in the T20 format.

Mohammad Amir Unlocks A New Milestone In T20 Cricket

The previously infamous Pakistan pacer Mohammad Amir achieved a new milestone in the shortest format of the game. He became the third bowler from the country to take 350 wickets in the T20 format.

The left-arm pacer, representing Antigua and Barbuda Falcons in the ongoing Caribbean Premier League (CPL) 2024, achieved this remarkable feat in his team&rsquo;s match against Guyana Amazon Warriors.

Amir took the wickets of Raymon Reifer and Romario Shepherd to join Wahab Riaz and Sohail Tanvir in the elite list of Pakistani bowlers to take 350 wickets in T20 cricket.

Moreover, Mohammad Amir also surpassed the record of India&rsquo;s Bhuvneshwar Kumar of bowling the most maidens by a pacer in T20s.

During the Carribean Premier League Antigua and Barbuda Falcons vs Barbados Royals match, Mohammad Amir bowled a maiden first over while defending 177 runs.

Amir outclassed hard-hitting batsman Rakheem Cornwall with his exceptional skills and did not allow the batter to score a single run from his over.

The recent maiden over pushed Mohammad Amir&rsquo;s total in the twenty20 format to 25, leaving behind all top fast-bowlers in the world, including India&rsquo;s Bhuvneshwar Kumar (24) and Jasprit Bumrah (22), countrymen Wahab Riaz (21) and Mohammad Irfan (20) and New Zealand&rsquo;s Trent Boult (17).

In the overall list, Amir is ranked third, only behind Bangladesh&rsquo;s Shakib Al Hasan (26) and West Indies&rsquo; Sunil Narine (30).

<h2>Most wickets by Pakistan bowlers in T20 cricket</h2>

<ul>
	<li>Wahab Riaz: 413 wickets in 348 matches</li>
	<li>Sohail Tanvir: 389 wickets in 388 matches</li>
	<li>Mohammad Amir: 350 wickets in 305 matches</li>
	<li>Shahid Afridi: 347 wickets in 329 matches</li>
	<li>Imad Wasim: 346 wickets in 379 matches</li>
	<li>Shadab Khan: 326 wickets in 298 matches</li>
</ul>

Mohammad Amir Surpasses Shahid Afridi In the List Of Most Wickets In T20 Cricket

Most wickets by Pakistan bowlers in T20 cricket

Related Post

Will Champions Trophy 2025 Hybrid Model Give India An Unfair Advantage?

Najmul Hossain Shanto Quits Bangladesh T20I Captaincy

What Does Shane Watson Think About India Not Travelling to Pakistan for Champions Trophy 2025?

Babar & Rizwan Slip, Saud Shakeel Climbs in ICC Test Rankings

Will Champions Trophy 2025 Hybrid Model Give India An Unfair Advantage?

Najmul Hossain Shanto Quits Bangladesh T20I Captaincy

What Does Shane Watson Think About India Not Travelling to Pakistan for Champions Trophy 2025?

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan