Cricket

Entertainment

Football

کراچی میں پاراچنار واقعے کے خلاف مذہبی جماعت کی جانب سے شہر کے مختلف مقامات پر گزشتہ رات سے احتجاجی دھرنے جاری ہیں، جس کے باعث شہریوں کو شدید مشکلات کا سامنا کرنا پڑ رہا ہے۔ضلع کرم میں پاراچنار مرکزی شاہراہ کو بند ہوئے 79 دن گزر گئے جس کے باعث ادویات اور خوراک کا ذخیرہ ختم ہو چکا ہے۔ گرینڈ امن جرگہ فریقین سے مذاکرات مکمل کرنے کے باوجود اب تک کسی حتمی فیصلے تک نہ پہنچ سکا، راستوں کی بندش سے علاقے میں ادویات نہ پہنچنے کے باعث پاراچنار کے اسپتالوں سے مسلسل اموات کی خبریں آرہی ہیں جبکہ لوگ فاقہ کشی پر مجبور ہیں۔ کرم ایجنسی میں بگڑتی صورتحال کے باعث گزشتہ رات کراچی میں مذہبی جماعتوں نے شہر کے 6 مختلف مقامات پراحتجاج کیا۔مذہبی جماعتوں کی طرف سے یونیورسٹی روڈ، نمائش چورنگی،ملیر کالا بورڈ، نارتھ ناظم آباد، فائیو سٹار چورنگی پردھرنا دیا گیا، قائد آباد پل اورابوالحسن اصفہانی روڈ پر بھی دھرنا دیا گیا، شہر کے مختلف مقامات پر دھرنوں کے باعث ٹریفک کا نظام درہم برہم ہوگیا۔ٹریفک پولیس کے مطابق صرف مین شاہراہ فیصل کو کالا چھپرا کی طرف ٹریفک کے لیے کھول دیا گیا ہے۔ابوالحسن اصفہانی روڈ عباسی ٹاؤن، یونیورسٹی روڈ سماما شاپنگ سینٹر، اور نارتھ ناظم آباد فائیو اسٹار چورنگی پر دھرنے جاری ہیں۔نیشنل ہائی وے ملیر 15 برج، نمائش چورنگی، اور شارع فیصل چھوٹا گیٹ سے قائدآباد جانے والے راستوں پر بھی مظاہرے جاری ہیں۔رات بھر ان دھرنوں کے باعث شہریوں کو آمدورفت میں شدید مشکلات کا سامنا کرنا پڑا۔ ٹریفک پولیس کا کہنا ہے کہ متاثرہ مقامات پر متبادل راستوں کا انتظام کیا جا رہا ہے، اور شہریوں سے درخواست ہے کہ سروس روڈ اور دیگر متبادل راستے اختیار کریں تاکہ کسی بھی پریشانی سے بچ سکیں۔کراچی میں بند سڑکیں اور متبادل راستے کے حوالے سے ٹریفک پولیس کی جانب سے شہریوں کو آگاہی دی جارہی ہے۔ٹریفک پولیس کے مطابق مین ایم اے جنا ح روڈ نمائش چورنگی ٹریفک کے لیے بند ہے، متبادل راستہ کے لیے ٹریفک کو 45 کانگرس سے پی پی چورنگی اور گرو مندر سے سولجر بازار بھیجاجارہا ہے، سوسائٹی سگنل سے کوریڈور تھری، بریٹو روڈ سے سولجر بازار اور گرومندر کی طرف ٹریفک کو موڑ دیا گیا ہے۔اس کے علاوہ ابو الحسن اصفہانی روڈ سے سپر ہائی وے، عباس ٹاؤن کی سڑکیں بند ہیں، ٹریفک کو پیراڈائز بیکری سے فاریہ چوک کی طرف متبادل راستہ دیا گیا ہے، فائیو اسٹار چورنگی بند، سروس روڈ سے ٹریفک کی روانی جاری ہے۔ دھرنے کی صورتحال کے پیش نظر پولیس اور دیگر ادارے ٹریفک کی روانی کو بحال رکھنے کے لیے سرگرم ہیں۔میڈیارپورٹس کے مطابق شہریوں سے اپیل کی گئی ہے کہ وہ سفر سے پہلے صورتحال کا جائزہ لیں اور ٹریفک پولیس کی ہدایات پر عمل کریں۔

پارا چنار کی صورتحال،کراچی کے مختلف علاقوں میں مذہبی جماعتوں کے احتجاجی مظاہرے

شہرقائد کے مختلف مقامات پر دھرنوں کے باعث نظام درہم برہم ہوگیا،ٹریفک کی روانی شدید متاثر

عالم اسلام کی پہلی خاتون وزیراعظم ، دختر مشرق ، بے نظیربھٹو شہید کی 17 ویں برسی آج منائی جارہی ہے ۔2 بارپاکستان کی وزیراعظم بننےوالی بے نظیر بھٹو نے اپنی زندگی میں سیاسی مخالفین کے ساتھ جنرل ضیا اورجنرل مشرف کی آمریتوں کا مقابلہ کیا۔پاکستان پیپلز پارٹی کی چیئرپرسن اور 2 مرتبہ منتخب ہونے والی اسلامی دنیا کی پہلی خاتون وزیرِاعظم بے نظیر بھٹو 21 جون 1953ء کو کراچی میں پیدا ہوئیں۔بینظیربھٹو کو 35 سال کی عمر میں وزارتِ عظمیٰ حاصل ہوئی اور 2 مرتبہ اس عہدے پر فائز رہیں تاہم دونوں مرتبہ ان کی حکومت بدعنوانی کے الزامات پر برطرف کردی گئیں۔جون 1972 میں بے نظیر کی سیاسی تربیت کا آغاز ہوا،وہ اپنے والد کے ساتھ شملہ گئیں۔والد کی موت کےبعد 1986 میں فاتحانہ طور پر پاکستان میں داخل ہوئیں۔سیاسی آزمائشوں کا اپنے تدبر اوربہادری سے ڈٹ کر مقابلہ کیا،1988 میں بے نظیر وزیراعظم بنیں،اسی نشست پر جس پر ان کے والد تھے۔حکومت سے برطرف ہونے کے بعد، وہ 1993 میں دوسری بار وزیر اعظم بنیں،اور 1996 تک اس عہدے پر رہیں،پرویز مشرف دور میں پاکستان چھوڑنے کے بعد انہوں نے اپنا وقت لندن اور دبئی میں گزارا،لیکن جیالوں کے دل میں اُن کی محبت کم نہ ہوئی۔17 اکتوبر 2007 کو بے نظیر دوسری جلاوطنی ختم کرکے وطن واپس آئیں۔18اکتوبر دو ہزار سات کو سانحہ کارساز کے بعد بھی بے نظیر بھٹو خطرات کو خاطر میں نہ لائیں،اور سیاسی سرگرمیوں کا آغاز کیا۔دوماہ قبل دہشت گرد حملے کے باوجود بےنظیر بھٹو 27 دسمبر 2007 کو لیاقت باغ راولپنڈی جلسہ گاہ پہنچی،جلسہ کے اختتام پر خودکش حملےمیں انھیں شہید کردیا گیا۔محترمہ فاطمہ جناح کے بعد بےنظیر بھٹو وہ واحد رہنما تھیں،جنہوں نے خواتین کو عملی سیاست میں آنے کا حوصلہ دیا،اور اسمبلی کے ایوانوں تک پہنچایا۔محترمہ بے نظیر بھٹو کی شخصیت و کردار آج بھی لاکھوں لوگوں کے دلوں میں زندہ ہے۔بے نظیر بھٹو  نے اپنے دورِ اقتدار میں عورتوں کے حقوق کے لیے مثالی اقدامات کیے جن میں فرسٹ وومن بنک، وومن پولیس اسٹیشن اور یونیورسٹیز میں وومن اسٹڈی سینٹرز کا قیام، سرکاری ملازمتوں میں خواتین کے لیے 5 فیصد کوٹے کا اجرا، لیڈی ہیلتھ ورکرز پروگرام، خواتین کی ترقی کے لیے وفاقی وزارت کے قیام جیسے اقدامات شامل ہیں۔شہید بے نظیر بھٹو کو خراج عقیدت پیش کرنے کیلئے پیپلزپارٹی آج ملک بھر میں تقریبات منعقد کرے گی، مرکزی تقریب گڑھی خدابخش میں ہوگی، چیئرمین پیپلزپارٹی بلاول بھٹو زرداری شرکت کریں گے۔صدر مملکت آصف علی زرداری نے شہید بی بی کو خراج عقیدت پیش کرتے ہوئے اپنے پیغام میں کہا شہید بے نظیر بھٹو امید، استقامت ، جمہوریت اور انصاف کے اصولوں سے غیر متزلزل وابستگی کا پیکر تھی، شہید بی بی ہم سب کیلئے مشعل راہ تھیں۔آصف علی زرداری کا مزید کہنا تھاکہ انہوں نے ایسے پاکستان کا خواب دیکھا جہاں عوام کی طاقت راج کرے گی، شہید بے نظیر بھٹو کا نظریہ آج بھی زندہ ہے۔

عالم اسلام کی پہلی خاتون وزیراعظم بے نظیر بھٹو شہید کی 17 ویں برسی آج منائی جارہی ہے

بینظیربھٹو کو 35 سال کی عمر میں وزارتِ عظمیٰ حاصل ہوئی اور 2 مرتبہ اس عہدے پر فائز رہیں

بھارت کے سابق وزیراعظم منموہن سنگھ 92 برس کی عمر میں چل بسے۔منموہن سنگھ کی اچانک طبیعت خراب ہونے کے بعد انہیں دہلی میں آل انڈیا انسٹیٹیوٹ آف میڈیکل سائنسز (ایمس) ہسپتال لے جایا گیا، جہاں ڈاکٹرز نے فوری طور پر انکا طبی معائنہ شروع کردیا مگر سانس کی شدید دشواری کے باعث انتقال کرگئے۔بھارتی میڈیا کے مطابق ماہرمعاشیات من موہن سنگھ نے 2 مرتبہ بھارت کی حکمرانی کی اور وہ 2004 سے 2014 تک بھارت کے وزیراعظم رہے۔من موہن سنگھ نے وزیر خزانہ کی حیثیت سے معیشت کو لبرلائز کیا، وہ ایک معیشت دان سے سیاست دان بنے اور مرکزی بینک کے گورنر بھی رہے۔آل انڈیا انسٹیٹیوٹ آف میڈیکل سائنسز (ایمس) اسپتال نے منموہن کے انتقال کی تصدیق کرتے ہوئے کہا کہ “ہم گہرے رنج و غم کے ساتھ یہ اطلاع دیتے ہیں کہ ہندوستان کے سابق وزیر اعظم، ڈاکٹر منموہن سنگھ، 92 برس کی عمر میں چل بسے۔آنجہانی منموہن جنوبی ایشیائی ملک کے نہ صرف دو بار پرائم منسٹر رہے بلکہ وزیر خزانہ کے طور پر بھی انھوں نے بھارتی معیشت کی ترقی میں اہم کردار ادا کیا۔خیال رہے کہ بھارت کے پہلے سکھ وزیراعظم من موہن سنگھ 1932 میں پاکستان کے ضلع چکوال کے ایک گاؤں گاہ میں پیدا ہوئے تھے جہاں انہوں نے چوتھی جماعت تک تعلیم حاصل کی۔ پاکستان بننے کے بعد ان کا خاندان بھارت منقتل ہوگیا جہاں انہوں نے اعلیٰ تعلیم حاصل کی۔ انہوں نے برطانیہ کی آکسفورڈ اور کیمبرج یونیورسٹی سے معاشیات میں ڈگری حاصل کی، معاشیات میں ایم اے کرنے کے بعد ڈی لٹ بھی کیا، اس کے علاوہ کئی یونیورسٹیوں نے انہیں اعزازی طور پر ڈاکٹریٹ کی ڈگری سے نوازا۔

سابق بھارتی وزیراعظم منموہن سنگھ 92 برس کی عمر میں چل بسے

ڈاکٹرمنموہن سنگھ 2004 سے 2014 تک مسلسل دو بار بھارت کے وزیراعظم رہے

سابق وزیراعظم اور بانی چیئرمین پاکستان تحریک انصاف عمران خان نے کہا ہے کہ انہیں ڈیل کرنے کا پیغام ملا ہے لیکن وہ جیل میں رہ لیں گے لیکن کوئی ڈیل قبول نہیں کریں گے۔سماجی رابطے کی ویب سائٹ ’ایکس‘ پر جاری بیان میں سابق وزیراعظم عمران خان کا کہنا تھا کہ 2025 حقیقی آزادی کا سال ہے، انشااللہ 2024 پاکستان کے لیے ایک مشکل سال تھا، ظاہر ہے آزادی مشکل سے ہی ملتی ہے۔انہوں نے کہا ’مجھے پیغام ملا ہے کہ ہم سے ڈیل کریں، ہم آپ کی پارٹی کو ’سیاسی سپیس دیں گے لیکن آپ کو ہاؤس اریسٹ کر کے بنی گالہ میں منتقل کر دیں گے۔ میں نے جواب دیا ہے کہ پہلے باقی تمام سیاسی قیدیوں کو رہا کرو۔ میں جیل میں رہ لوں گا لیکن کوئی ڈیل قبول نہیں کروں گا۔ ہاؤس اریسٹ یا خیبرپختونخوا کی کسی جیل میں نہیں جاؤں گا۔عمران خان نے کہا’ اپنی قوم سے کہتا ہوں کہ آپ نے گھبرانا نہیں ہے، آپ کا کپتان ڈٹا ہوا ہے۔ میں اپنے سمندر پار پاکستانیوں سے کہوں گا کہ ترسیلاتِ زر کے بائیکاٹ کی مہم میں شامل ہوں۔ ابھی ہمارے مطالبات کے حوالے سے کمیٹی کمیٹی ہی کھیلا جا رہا ہے۔ تاہم اگر مذاکرات سے مثبت نتائج آئے تو ترسیلات زر کے بائیکاٹ کی مہم روک دی جائے گی۔ یہ حقیقی آزادی اور جمہوریت کی بحالی کے لئے ایک احتجاج ہے۔عمران خان نے کہا کہ اگر قانون کی حکمرانی ہوتی تو ملک میں سرمایہ کاری آتی اور معیشت سنبھل جاتی مگر اس پر کوئی توجہ نہیں دی گئی۔ سرمایہ دار اپنا سرمایہ نکال رہے ہیں اور کارخانے بند ہو رہے ہیں۔بانی چیئرمین پی ٹی آئی نے کہا کہ ملٹری کورٹ میں نو مئی سے متعلق اپنی مرضی کے ٹرائل کئے گئے ۔ اوپن کورٹ میں  ٹرائل چلائے جاتے تو نو مئی کی ویڈیو فوٹیج دینا پڑتی۔ اٹھارہ مارچ 2023 کو میرے اوپر جوڈیشل کمپلیکس اسلام آباد میں حملے کی ویڈیو کا ریکارڈ دانستہ طور پہ غائب کیا گیا۔انہوں نے کہا کہ شفاف ٹرائل شہریوں کا بنیادی آئینی حق ہے۔ فوجی عدالتوں میں مقدمات چلانے سے شہریوں کے بنیادی حقوق صلب ہوئے اور بین الاقوامی سطح پہ پاکستان کی شدید سُبکی ہوئی ہے۔ آئینی عدالت اس لیے بنائی گئی ہے تاکہ قاضی فائز عیسٰی کی طرح ہی ان سے کام لیا جا سکے۔انہوں نے کہا کہ خفیہ اداروں کا اصل کام سرحدوں کا تحفظ اور دہشت گردی سے بچاؤ ہے، اگر وہ پولیٹیکل انجنئیرنگ اور تحریک انصاف کو توڑنے میں ہی لگے رہیں گے تو سرحدوں کا تحفظ کون کرے گا؟ اپنی پالیسی کا دوبارہ جائزہ لیں۔سابق وزیراعظم نے کہا کہ افغانستان پر 2 دفعہ بمباری کی گئی ہے۔ پہلے دعوٰی کیا گیا تھا کہ مہاجرین کو زبردستی واپس بھیجنے سے دہشتگردی کم ہوگی مگر اس طریقہ کار سے نفرت مزید بڑھی جو علاقائی امن و امان کے لیے ٹھیک نہیں ہے۔’بلاول جب وزیر خارجہ بنا تو ایک بار بھی افغانستان نہیں گیا جو کہ ایک ترجیح ہونا چاہیے تھا۔ میں نے جنرل باجوہ سے بھی کہا تھا کہ افغانستان سے امریکی انخلا کے بعد حالات ایسے نہیں کہ ISI چیف جنرل فیض کو فوری تبدیل کیا جائے لیکن وہ سارے فیصلے پاکستان کی بجائے اپنی توسیع کے منصوبے کے لیے کر رہا تھا جس کا پاکستان کو نقصان ہوا اور دہشتگردی میں اضافہ ہوا۔

ڈیل کا پیغام ملا لیکن کوئی ڈیل قبول نہیں کروں گا، عمران خان

اپنی قوم سے کہتا ہوں کہ آپ نے گھبرانا نہیں ہے، آپ کا کپتان ڈٹا ہوا ہے، سابق وزیراعظم

سیکیورٹی فورسز کی خیبرپختونخوا کے 3 مختلف اضلاع میں انٹیلی جنس کی بنیاد پر کارروائیوں میں 13 دہشت گرد ہلاک اور 8 زخمی ہوگئے، جبکہ فائرنگ کے شدید تبادلے میں میجر محمد اویس شہید ہو گئے۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے ضلع بنوں کے علاقے جانی خیل، ضلع شمالی وزیرستان اور جنوبی وزیرستان میں 25 اور 26 دسمبر کو دہشت گردوں کی موجودگی کی اطلاعات پر آپریشن کیا۔ترجمان پاک فوج نے بتایا کہ سکیورٹی فورسز کی جانب سے آپریشنز کے دوران دہشت گردوں کے ساتھ فائرنگ کا شدید تبادلہ ہوا، ضلع بنوں کے علاقے جانی خیل میں 2 دہشت گردوں کو ہلاک کیا گیا۔دوسرا آپریشن شمالی وزیرستان میں کیا گیا، جس کے دوران  فائرنگ کے تبادلے میں پانچ دہشت گردمارے گئے اور آٹھ زخمی حالت میں گرفتار ہوئے۔اس آپریشن میں بہادری سے قیادت کرنے والے 31 سالہ میجر محمد اویس (ضلع نارووال کے رہائشی) نے جام شہادت نوش کیا۔آئی ایس پی آر کے مطابق تیسرا آپریشن جنوبی وزیرستان میں کیا گیا، جس میں سیکیورٹی فورسز نے چھ خوارج کو ہلاک اور آٹھ کو زخمی کر دیا۔آئی ایس پی آر کا مزید کہنا تھا کہ علاقے میں کسی بھی دہشت گرد کے خاتمے کے لیے کلیئرنس آپریشن کیا جارہا ہے، پاکستان کی سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں، ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

سیکیورٹی فورسز کی خیبرپختونخوا کے 3 اضلاع میں کارروائیاں، 13 دہشت گرد ہلاک، میجر شہید

کارروائیاں بنوں کے علاقے جانی خیل، شمالی اور جنوبی وزیرستان میں کی گئیں، آئی ایس پی آر

پاکستان اسٹاک ایکسچینج تاریخی بلندیوں کو چھونے کے بعد منفی زون میں جانے لگی۔پاکستان اسٹاک ایکسچینج میں کاروباری ہفتے کے چوتھے دن 100 انڈیکس میں 1991 پوائنٹس کی کمی ہوئی، کاروبار کے اختتام پر ہنڈریڈ انڈیکس 1 لاکھ 10 ہزار 423 پوائنٹس پر بند ہوا۔ مارکیٹ 1 لاکھ 12 ہزار اور 1 لاکھ 11 ہزار کی 2 نفسیاتی حد سے نیچے آگئی، مندی کے باعث آج مارکیٹ میں 1 اعشاریہ 77 فیصد کی کمی واقع ہوئی۔ مارکیٹ میں آج بلند ترین سطح 1 لاکھ 12 ہزار 480 جبکہ کم ترین سطح 1 لاکھ 9 ہزار 858 رہی، دن بھر مجموعی طور پر 450 کمپنیوں کے شیئرز میں کاروبار ہوا، 113 کمپنیوں کے شیئرز میں اضافہ جبکہ 284 کے شیئرز میں کمی ہوئی۔ یاد رہے کہ گزشتہ روز انڈیکس 1 لاکھ 12 ہزار 414 پوائنٹس پر بند ہوا تھا۔دوسری جانب ملک میں سونے کی فی تولہ قیمت میں آج 1400 روپے اضافہ ہوا ہے۔آل پاکستان جیمز اینڈ جیولرز  ایسوسی ایشن کے مطابق آج ملک میں سونے کی فی تولہ قیمت1400 روپے بڑھ کر 2 لاکھ 74 ہزار  روپے ہے۔10گرام سونےکا بھاؤ 1200 روپے اضافے سے 2لاکھ34 ہزار 911 روپے ہے۔

پاکستان اسٹاک ایکسچینج میں مندی،100انڈیکس میں1991پوائنٹس کی کمی

ملک میں سونے کی فی تولہ قیمت1400 روپےاضافے کے بعد 2 لاکھ 74 ہزار روپے ہوگئی

جنوبی افریقا نے پہلے ٹیسٹ کی پہلی اننگ میں پاکستان کے 211 رنز کے جواب میں پہلے روز کھیل کے اختتام پر 3 وکٹ پر 82 رنز بنالیے ہیں۔پاکستان اور جنوبی افریقا کےدرمیان دو ٹیسٹ میچوں کی سیریز کا پہلا میچ سنچورین کے سپر اسپورٹس پارک میں کھیلا جارہا ہے۔ جنوبی افریقا نے ٹاس جیت کر فیلڈنگ کا فیصلہ کیا ۔جنوبی افریقا کے خلاف پاکستان کی بیٹنگ لائن فیل ہوگئی اور  پوری ٹیم 211 رنز بنا کرآؤٹ ہوگئی۔قومی ٹیم کے اوپنر کپتان شان مسعود 17، صائم ایوب 14، بابر اعظم 4 اور سعود شکیل 14 رنز بناکر آؤٹ ہوئے۔ ان کے علاوہ کامران غلام  54 اورمحمد رضوان 27 رنز بناکر آؤٹ ہوگئے۔سلمان آغا 18 رنز بناسکے، عامر جمال نے 28 رنز کی اننگز کھیلی، خرم شہزاد 11 رنز بنا کر آؤٹ ہوئے۔جنوبی افریقا کی جانب سے ڈین پیٹرسن نے 5، کوربن بوش نے 4 اور مارکو جینسن نے 1 کھلاڑی کو آؤٹ کیا۔پاکستان کی پہلی اننگز کے جواب میں دن کے اختتام تک جنوبی افریقا نے 3 وکٹوں کے نقصان پر 82 رنز بنا لیے، ٹرسٹن اسٹبز 9، رائن رکلٹن 8 اور ٹونی ڈی زورزی 2 رنز بنا کر آؤٹ ہوئے۔جنوبی افریقا کو ابھی 129 رنز کا خسارہ پورا کرنا باقی ہے اور اس وقت کریز پر ایڈن مارکرم 47 اور کپتان ٹیمبا بووما 4 رنز کے ساتھ موجود ہیں، پاکستان کی جانب سے خرم شہزاد نے 2 جبکہ محمد عباس نے 1 کھلاڑی کو آؤٹ کیا۔

پہلا ٹیسٹ، پاکستان کی پہلی اننگز کے جواب میں جنوبی افریقا نے 3 وکٹوں پر 82 رنز بنالیے

جنوبی افریقا کی دعوت پر پہلے بیٹنگ کرتے ہوئے پہلی اننگز میں پاکستان کی ٹیم 211 رنز بنا کر آؤٹ ہوگئی

پی ٹی آئی نے 9 مئی واقعات کی شفاف تحقیقات کا مطالبہ کردیا، سنی اتحاد کونسل کے سربراہ صاحبزادہ حامد رضا نے کہا کہ تمام فوٹیجز کی جانچ پڑتال کی جائے، عمران خان ملک کی خاطر سب کو معاف کرنے کو تیار ہیں، ان کی رہائی ہمارا سب سے بڑا مطالبہ ہے، تمام بے گناہوں کو بھی رہا کیا جائے، مذاکرات کا ٹائم فریم جنوری 2025 تک ہے۔ راولپنڈی کی اڈیالہ جیل میں سابق وزیراعظم عمران خان سے ملاقات کے بعد پی ٹی آئی رہنماؤں کے ہمراہ پریس کانفرنس کرتے ہوئے سنی اتحاد کونسل کے سربراہ حامد رضا نے کہا کہ 26نومبر کو پاکستان کے عوام پر حملہ ہوا، 9مئی اور26 نومبر پر جوڈیشل کمیشن بنایا جائے۔میڈیا سے گفتگو کرتے ہوئے انہوں نے کہا کہ 31 جنوری 2025 تک مذاکرات کو منطقی انجام تک پہنچانا چاہتے ہیں، ہمارے کارکنان کو تشدد کا نشانہ بنایا گیا۔صاحبزادہ حامد رضا کا کہنا تھا کہ عمران خان نے کہا ہے کہ وہ اپنے اوپر ہونے والے قاتلانہ حملے، اپنے ساتھ کیے جانے والے نارواسلوک کو پاکستان کی خاطر معاف کرنے کو تیار ہیں۔ان کا کہنا تھا کہ عمران خان نے وزیراعلیٰ علی امین گنڈاپور پر بھرپور اعتماد کا اظہار کیا ہے اور تمام کارکنان کو فسطائیت کا سامنا کرنے پر خراج تحسین پیش کیا ہے۔حامد رضا نے کہا کہ ہمارے مطالبات دو ہیں، اول یہ کہ نو مئی اور 26 نومبر کی تحقیقات کے لیے جوڈیشل کمیشن بنائے جائیں، 9 مئی میں دوسری سائیڈ ذمہ دار ہے ایک کمیشن بنے جو سینئر موسٹ ججز پر بنے، سی سی ٹی وی فوٹیجز سامنے لائی جائیں جو لوگوں کو اُکسا رہے تھے ان کا تعین ہوسکے، 26 نومبر پر ہمارا موقف ہے کہ گولی چلی، 13 شہید ہیں، 64 زخمی ہیں یہ پاکستان کی جمہوریت پر حملہ ہے ہم 26 نومبر پر بھی جوڈیشل کمیشن کا مطالبہ کررہے ہیں۔انہوں نے دوسرا مطالبہ پیش کیا کہ مختلف جیلوں میں ہمارے لوگ قید ہیں انہیں رہا کیا جائے ان کی رہائی ہمارا ایجنڈا ہے اور آخر میں بانی پی ٹی آئی کی رہائی عمل میں لائی جائے ان کی رہائی کسی ڈیل پر نہیں عدالتوں سے ہوگی، ہم نے پیغام دیا ہے بانی پی ٹی آئی کی رہائی ہمارے ایجنڈے کا حصہ ہے وہ آئینی قانونی اور عدالتی طریقے سے رہا ہوں، پہلے بھی بانی پی ٹی آئی کی رہائی ہونی تھی لیکن ایک اور مقدمے میں انہیں گرفتار کرلیا گیا۔حامد رضا کا کہنا تھا کہ افغانستان پر حملے پر بانی پی ٹی آئی نے کہا کہ ہم کسی پرائی جنگ کا حصہ نہیں بن سکتے، انہوں ںے بانی افغانستان پر فضائی حملے کی مذمت کی ہے اور افغانستان سے تمام تنازعات بات چیت کے تحت حل کرنے پر زور دیا ہے۔حامد رضا نے مزید کہا کہ اب دو تاریخ کو حکومت سے مذاکرات ہوں گے اور تمام مطالبات حکومت کے سامنے رکھیں گے۔

پی ٹی آئی نے 9 مئی اور 26 نومبر کے واقعات کی شفاف تحقیقات کا مطالبہ کردیا

عمران خان ملک کی خاطر سب کو معاف کرنے کو تیار ہیں، ان کی رہائی ہمارا سب سے بڑا مطالبہ ہے، حامد رضا

پاکستان سپر لیگ سیزن 10 کے لئے انگلینڈ کے کھلاڑی ڈیوڈ ملان نے اپنی دستیابی ظاہر کر دی۔میڈیارپورٹس کے مطابق پاکستان سپر لیگ (پی ایس ایل) 10 کے لیے انگلینڈ کے ڈیوڈ میلان نے بھی ڈرافٹ کیلئے خود کو رجسٹر کرالیا ہے پی ایس ایل 10 کے لیے کھلاڑیوں کی رجسٹریشن کا عمل جاری ہے جس میں کئی غیر ملکی کھلاڑیوں نے اپنی دلچسپی ظاہر کی ہے۔پی ایس ایل 10 کے لیے آسٹریلیا کے عثمان خواجہ سمیت انگلینڈ کے جیسن روئے اور ڈیوڈ ویلی نے بھی اپنی اپنی دستیابی ظاہر کی ہے۔جبکہ ان کے علاوہ بنگلا دیش کے فاسٹ بولر مستفیض الرحمٰن، زمبابوے کے سکندر رضا اور انگلینڈ کے ٹام کرن نے بھی خود کو رجسٹر کرالیا ہے، پی ایس ایل کی ڈرافٹنگ 11 جنوری کو گوادر میں ہو گی۔خیال رہے کہ پاکستان سپر لیگ ( پی ایس ایل) کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے راؤنڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔

پی ایس ایل 10 کے لیے کھلاڑیوں کی رجسٹریشن کا عمل جاری

ڈیوڈ ویلی کے بعدڈیوڈ ملان نے بھی پی ایس ایل کیلئے اپنی دستیابی ظاہر کر دی

ملٹری کورٹ نے بانی پی ٹی آئی عمران خان کے بھانجے حسان خان نیازی سمیت سانحہ 9 مئی میں ملوث مزید 60 مجرمان کو سزائیں سنا دی ہیں۔پاک فوج کے شعبہ تعلقات عامہ (آئی ایس پی آر) کے مطابق سپریم کورٹ کے فیصلے کی روشنی میں سانحہ 9 مئی میں ملوث مزید 60 مجرمان کو فیلڈ جنرل کورٹ مارشل نے سزائیں سنائیں۔بیان کے مطابق فیلڈ جنرل کورٹ مارشل نے تمام شواہد کی جانچ پڑتال، مجرموں کو قانونی حق کی یقینی فراہمی اور قانونی تقاضوں کے مطابق کارروائی کرتے ہوئے سزائیں سنائیں۔آئی ایس پی آر کے مطابق سزا پانے والے 60 مجرموں میں جناح ہاؤس حملے میں ملوث حسان خان نیازی ولد حفیظ اللہ نیازی بھی شامل ہیں جنہیں 10 سال قید بامشقت سنائی گئی۔جناح ہاؤس حملے میں ملوث حسان خان نیازی ولد حفیظ اللہ نیازی کو 10 سال قید بامشقت۔۔جناح ہاؤس حملے میں ملوث میاں عباد فاروق ولد امانت علی کو 2 سال قید بامشقت۔۔جناح ہاؤس حملے میں ملوث رئیس احمد ولد شفیع اللہ کو 6 سال قید بامشقت۔۔جناح ہاؤس حملے میں ملوث ارزم جنید ولد جنید رزاق کو 6 سال قید بامشقت۔۔جناح ہاؤس حملے میں ملوث علی رضا ولد غلام مصطفی کو 6 سال قید بامشقت۔۔جی ایچ کیو حملے میں ملوث راجہ دانش ولد راجہ عبدالوحید کو 4 سال قید بامشقت۔۔جی ایچ کیو حملے میں ملوث سید حسن شاہ ولد آصف حسین شاہ کو 9 سال قید بامشقت۔۔اے آئی ایم ایچ راولپنڈی پر حملے میں ملوث علی حسین ولد خلیل الرحمان کو 7 سال قید بامشقت۔۔پنجاب رجمنٹ سنٹر مردان حملے میں ملوث زاہد خان ولد محمد نبی کو 2 سال قید بامشقت۔۔ہیڈکوارٹر دیر سکاؤنٹس تیمرگرہ حملے میں ملوث سہراب خان ولد ریاض خان کو4 سال قید مشقت۔۔جناح ہاؤس حملے میں ملوث بریگیڈیئر (ر) جاوید اکرم ولد چودھری محمد اکرم کو 6 سال قید بامشقت۔۔ملتان کینٹ چیک پوسٹ حملے میں ملوث خرم لیاقت ولد لیاقت علی شاہد کو 4 سال قید بامشقت۔۔قلعہ چکدرہ حملے میں ملوث ذاکر حسین ولد شاہ فیصل کو 7 سال قید بامشقت۔۔بنوں کینٹ حملے میں ملوث امین شاہ ولد مشتر خان کو 9 سال قید بامشقت۔۔آئی ایف بیس میانوالی حملے میں ملوث فہیم ساجد ولد محمد خان کو 8 سال قید بامشقت۔۔فیصل آباد آئی ایس آئی آفس حملے میں ملوث حمزہ شریف ولد محمد اعظم کو 2 سال قید بامشقت۔۔جناح ہاؤس حملے میں ملوث محمد ارسلان ولد محمد سراج کو 7 سال قید بامشقت۔۔جناح ہاؤس حملے میں ملوث محمد عمیر ولد عبدالستار کو 6 سال قید بامشقت۔۔جناح ہاؤس حملے میں ملوث نعمان شاہ ولد محمود احمد شاہ کو 4 سال قید بامشقت۔۔بنوں کینٹ حملے میں ملوث اکرام اللہ ولد خانزادہ خان کو 9 سال قید بامشقت۔۔راہوالی گیٹ گوجرانوالہ حملے میں ملوث محمد احمد ولد محمد نذیر کو 2 سال قید بامشقت۔۔ملتان کینٹ چیک پوسٹ حملے میں ملوث پیرزادہ میاں محمد اسحق بھٹہ ولد پیرزادہ میاں قمرالدین بھٹہ کو 3 سال قید بامشقت۔۔جی ایچ کیو حملے میں ملوث محمد عبداللہ ولد کنور اشرف خان کو 4 سال قید بامشقت۔۔فیصل آباد آئی ایس آئی آفس حملے میں ملوث امجد علی ولد منظور احمد کو 2 سال قید بامشقت۔۔جناح ہاؤس حملے میں ملوث محمد رحیم ولد نعیم خان کو 6 سال قید بامشقت۔۔پی اے ایف بیس میانوالی حملے میں ملوث احسان اللہ خان ولد نجیب اللہ خان کو 10 سال قید بامشقت۔۔راہوالی گیٹ گوجرانوالہ حملے میں ملوث منیب احمد ولد نوید احمد بٹ کو 2 سال قید بامشقت۔۔فیصل آباد آئی ایس آئی آفس حملے میں ملوث محمد علی ولد محمد بوٹا کو 2 سال قید بامشقت۔۔بنوں کینٹ حملے میں ملوث سمیع اللہ ولد میر داد خان کو 2 سال قید بامشقت۔۔جناح ہاؤس حملے میں ملوث میاں محمد اکرم عثمان ولد میاں محمد عثمان کو 2 سال قید بامشقت۔۔جناح ہاؤس حملے میں ملوث مدثر حفیظ ولد حفیظ اللہ کو 6 سال قید بامشقت۔۔جناح ہاؤس حملے میں ملوث سجاد احمد ولد محمد اقبال کو 4 سال قید بامشقت۔۔بنوں کینٹ حملے میں ملوث خضر حیات ولد عمر قیاض خان کو 9 سال قید بامشقت۔۔راہوالی گیٹ گوجرانوالہ کینٹ حملے میں ملوث محمد نواز ولد عبدالصمد کو 2 سال قید بامشقت۔۔پی اے ایف بیس میانوالی حملے میں ملوث محمد بلال ولد محمد افضل کو 4 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث محمد سلیمان ولد سِیعد غنی جان کو 2 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث اسد اللہ درانی ولد بادشاہ زادہ کو 4 سال قید بامشقت۔۔چکدرہ قلعے پر حملے میں ملوث اکرام اللہ ولد شاہ زمان کو 4 سال قید بامشقت۔۔فیصل آباد آئی ایس آئی آفس حملے میں ملوث محمد فرخ ولد شمس تبریز کو 5 سال قید بامشقت۔۔جناح ہاؤس حملے میں ملوث وقاص علی ولد محمد اشرف کو 6 سال قید بامشقت۔۔جناح ہاؤس حملے میں ملوث امیر ذوہیب ولد نذیر احمد شیخ کو 4 سال قید بامشقت۔۔اے آئی ایم ایچ راولپنڈی حملے میں ملوث فرہاد خان ولد شاہد حسین کو 7 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث عزت خان ولد اول خان کو 2 سال قید بامشقت۔۔راہوالی گیٹ گوجرانوالہ کینٹ حملے میں ملوث اشعر بٹ ولد محمد ارشد بٹ کو 2 سال قید بامشقت۔۔بنوں کینٹ حملے میں ملوث ثقلین حیدر ولد رفیع اللہ خان کو 9 سال قید بامشقت۔۔فیصل آباد آئی ایس آئی آفس حملے میں ملوث محمد سلمان ولد زاہد نثار کو 2 سال قید بامشقت۔۔ملتان کینٹ چیک پوسٹ حملے میں ملوث حامد علی ولد سید ہادی شاہ کو 3 سال قید بامشقت۔۔راہولی گیٹ گوجرانوالہ کینٹ حملے میں ملوث محمد وقاص ولد ملک محمد کلیم کو 2 سال قید بامشقت۔۔بنوں کینٹ حملے میں ملوث عزت گل ولد میردادخان کو 9 سال قید بامشقت۔۔جناح ہاؤس حملے میں ملوث حیدر مجید ولد محمد مجید کو 2 سال قید بامشقت۔۔جناح ہاؤس حملے میں ملوث گروپ کیپٹن وقاص احمد محسن(ریٹائرڈ) ولد بشیر احمد محسن کو 2 سال قید بامشقت۔۔ہیڈکوارٹر دیر سکاؤٹس تیمر گرہ حملے میں ملوث محمد الیاس ولد محمد فضل حلیم کو 2 سال قید بامشقت۔۔گیٹ ایف سی کینٹ پشاور حملے میں ملوث محمد ایاز ولدصاحبزادہ خان کو 2 سال قید بامشقت۔۔چکدرہ قلعے حملے میں ملوث رئیس احمد ولد خستہ رحمان کو 4 سال قید بامشقت۔۔چکدرہ قلعے حملے میں ملوث گوہر رحمان ولد گل رحمان کو 7 سال قید بامشقت۔۔بنوں کینٹ حملے میں ملوث نیک محمد ولد نصر اللہ جان کو 9 سال قید بامشقت۔۔فیصل آباد آئی ایس آئی آفس حملے میں ملوث فہد عمران ولد محمد عمران شاہد کو 9 سال قید بامشقت۔۔راہوالی گیٹ گوجرانوالہ کینٹ حملے میں ملوث سفیان ادریس ولد ادریس احمد کو 2 سال قید بامشقت۔۔بنوں کینٹ حملے میں ملوث رحیم اللہ ولد بیعت اللہ کو 9 سال قید بامشقت۔۔بنوں کینٹ حملے میں ملوث خالد نوازولد حامد خان کو 9 سال قید بامشقت۔۔ترجمان پاک فوج نے کہا کہ اِس کے ساتھ ہی فوجی حراست میں لئے جانے والے 9 مئی کے ملزمان پر چلنے والے مقدمات کی سماعت متعلقہ قوانین کے تحت مکمل کر لی گئی ہے۔آئی ایس پی آر کا کہنا تھا کہ تمام مجرموں کے پاس اپیل کا حق اور دیگر قانونی حقوق برقرار ہیں، جیسا کہ آئین اور قانون میں ضمانت دی گئی ہے، قوم، حکومت اور مسلح افواج انصاف اور ریاست کی ناقابل تسخیر رٹ کو برقرار رکھنے کے اپنے عزم میں ثابت قدم ہیں۔یاد رہے کہ اس سے قبل 21 دسمبر کو  فیلڈ جنرل کورٹ مارشل نے 9 مئی 2023 سانحے میں ملوث 25 مجرمان کو 2 سال قید بامشقت سے لے کر 10 سال قید بامشقت کی سزائیں سنائی تھی۔

ملٹری کورٹس نےعمران خان کے بھانجے سمیت مزید 60 مجرموں کو سزائیں سنا دیں

مجرموں کو قانونی حق کی یقینی فراہمی اور قانونی تقاضوں کے مطابق کارروائی کرتے ہوئے سزائیں سنائیں،آئی ایس پی آر

وفاقی وزیر خزانہ محمد اورنگزیب نے کہا کہ ٹیکسز کی وصولی بہتر بنانے کیلئے ڈھانچہ جاتی اصلاحات کا آغاز کر دیا ہے، ریونیو اہداف کے حصول کیلئے کوشاں ہیں، افراط زر کو کنٹرول کرنے کے لئے اقدامات کئے جا رہے ہیں۔وزیر مملکت علی پرویز ملک، وزیر اطلاعات عطا تارڑ اور چیئرمین ایف بی آر راشد محمود لنگڑیال کے ہمراہ پریس کانفرنس کرتے ہوئے وزیر خزانہ محمد اورنگزیب کا کہنا تھا کہ اصلاحاتی ایجنڈے میں ٹیکسیشن کا اہم کردار ہے، ٹیکس ٹو جی ڈی پی کی موجودہ شرح 9 سے 10 فیصد کے درمیان ہے، حکومت ٹیکس اور جی ڈی پی کے ہدف کو 13 فیصد سے زائد لے جانے کی خواہاں ہے۔انہوں نے کہا کہ ٹیکس کے نظام میں اصلاحات لا رہے ہیں، معاشی استحام کیلئے ٹیکس اہداف حاصل کرنا ناگزیر ہے، ریونیو اہداف کے حصول کیلئے کوشاں ہیں، ٹیکسوں کی وصولی کیلئے ڈھانچہ جاتی اصلاحات کا آغاز کر چکے ہیں، جو بھی اقدامات کر رہے ہیں قوم کو آگاہ کیا جا رہا ہے۔ان کا کہنا تھا کہ افراط زر کو کنٹرول کرنے کے لئے اقدامات کر رہے ہیں، شفافیت کے لئے ڈیجیٹائزیشن کی جانب جا رہے ہیں، ڈیجیٹائزیشن کے عمل کو تیزی سے آگے بڑھایا جا رہا ہے، دیانتداری سے ٹیکس دینے والوں کو مزید بوجھ سے بچانے پر توجہ دی جا رہی ہے، ٹیکس گیپ اور لیکیجز کو روکنے پر کام کیا جا رہا ہے تاکہ عام آدمی پر مزید بوجھ نہ پڑے۔محمد اورنگزیب نے کہا کہ ٹیکس ترمیمی بل کا مقصد ٹیکسوں کو ساڑھے 13 فیصد تک لانا ہے، ٹیکسوں سے متعلق یہ ہدف ہم نے تین سال میں حاصل کرنا ہے، ملک سے بدعنوانی اور ہراسیت کا خاتمہ بھی ضروری ہے۔اس موقع پرچیئرمین ایف بی آر راشد محمود لنگڑیال نے دو ٹوک اعلان کیا ہے کہ ٹیکس ریٹرن جمع نہ کرانے والوں کے خلاف کارروائی ہو گی۔ چیئرمین ایف بی آر راشد لنگڑیال نے پریس کانفرنس میں کہا کہ فیڈرل بورڈ آف ریونیو کا فوکس ٹاپ 5 فیصد لوگ ہیں۔ ایک لاکھ 69 ہزار مالدار افراد کو نوٹسز جاری کیے گئے ہیں۔ ان میں سے 38 ہزار افراد نے اپنے انکم ٹیکس گوشوارے جمع کرا دیے ہیں۔ ان افراد کا ڈیٹا مانیٹر کیا جا رہا ہے۔ ان افراد نے 37 کروڑ 76 روپے کا ٹیکس ادا کر دیا ہے۔انہوں نے کہا کہ شوگر انڈسٹری کی ڈیجیٹل مانیٹرنگ کی جا رہی ہے۔ اس شعبے کی پیداوار کو بھی مانیٹر کیا جا رہا ہے۔ پنجاب میں شوگر ملز کے خلاف کارروائی بھی کی گئی ہے۔چیئرمین ایف بی آر راشد لنگڑیال نے بتایا کہ ملک میں 49 لاکھ نان فائلرز کا ڈیٹا لیا گیا ہے، جنہیں مختلف زاویوں سے دیکھا گیا اور نوٹس جاری کیے گئے۔ اس میں ایک لاکھ 90 ہزار وہ شہری تھے جن سے ٹیکس لیا جانا چاہیے تھا جب کہ 38 ہزار لوگوں نے انکم ٹیکس متعلق فائلنگ کردی ہے۔انہوں نے کہا کہ فروری کے آخر تک شوکاز بھجوانے کے نمبرز میں اضافہ ہوجائے گا، جس کے بعد تقریباً 377 ملین ٹیکس مزید اکٹھا ہوا۔ کچھ سیکٹرز ایسے ہیں جن پر مزید مانیٹرنگ کی جاسکتی ہے۔ شوگر انڈسٹری میں وڈیو کیمرا کے ذریعے مانیٹر کیا جارہا ہے۔ شوگر ملز پر سختی بڑھا دی گئی ہے، آئی بی اور دیگر آزاد ذرائع سے بھی معلومات لی جاتی ہیں۔چیئرمین ایف بی آر نے کہا کہ جی ایس ٹی مستقبل میں کم کریں گے لیکن فی الحال حل یہی ہے کہ دیگر جو براہ راست ٹیکس ہیں وہ وقت کے مطابق تبدیل ہوں گے۔چیئرمین ایف بی آر نے کہا کہ شوگر میں سیلز ٹیکس پر عمل درآمد ہورہا ہے، پروڈکشن مانیٹرنگ پر تین چائنیز ہمارے ساتھ کام کررہے ہیں۔چیئرمین ایف بی آر نے کہا کہ پی او ایس میں دو ایشوز آرہے ہیں، 23ہزار آوٹ لیٹس پی او ایس میں رجسٹرڈ ہیں مگر بہت سے پی او ایس میں نہیں ہیں، ہمارے پاس فیلڈ فورس کی کمی ہے توقع ہے فروری میں یہ کمی دور ہو جائے گی، مزید آڈیٹرز بھی آجائیں گے، ریٹیلرز پر فوکس کیا جارہا ہے۔اس موقع پر وزیر مملکت برائے خزانہ علی پرویز ملک کا کہنا تھا کہ شہباز شریف کی قیادت میں معیشت بہتری کی جانب گامزن ہے، حکومت کا ہدف ٹیکس کے وسائل اور آمدن کے ذرائع کو بڑھانا ہے۔علی پرویز ملک کے مطابق عام آدمی کے لیے سب سے بڑا ٹیکس مہنگائی کی صورت میں لاگو ہوتا ہے، وزیر اعظم کی قیادت میں گورنس کے زریعے بہتری لائی گئی، ملک میں مہنگائی 40 فیصد سے کم ہو کر 4 فیصد پر آگئی ہے۔علی پرویز ملک کا کہنا تھا کہ ڈیٹا کے ذریعے ڈیش بورڈ پر موازنہ کیا گیا تو شہریوں کے معیار میں واضح فرق آیا، کیا ایک کروڑ کی گاڑی والے کو ٹیکس نیٹ میں نہیں آنا چاہیے۔انہوں نے کہا کہ ایف بی آر کی کیپسٹی بلڈنگ پاکستان کی بہتری کے لیے کی جارہی ہے، سپلائی اور ریٹیل چین سے بھی ڈیٹا اکھٹا کیا جائے گا، تاکہ متوازن ٹیکسیشن ممکن بنائی جاسکے۔ان کا کہنا تھا کہ ٹیکس نظام کے معیار میں بہتری کے ذریعے غریب آدمی پر بوجھ کم کرنا ہے، ایف بی آر ڈیجٹائزیشن کیلئے کمیٹی نے ملکر کام کیا اور محنت کی، صاحب استطاعت لوگوں سے استدعا ہے وہ اپنا ٹیکسیشن میں حصہ ڈالیں۔علی پرویز ملک نے بتایا کہ ایف بی آر ٹاسک فورس نے متعدد اقدامات کیےہیں، جن کے بعد نتائج کے حصول کے لیے ڈیش بورڈ بن گئے ہیں، اکتوبر کے آخر تک ٹیکس ریٹرنز کی تعداد 30 لاکھ سے بڑھ کر 50 لاکھ ہوگئی ہیں۔

ٹیکسز کی وصولی کو بہتر بنانے کیلئے ڈھانچہ جاتی اصلاحات کا آغاز کر چکے ، وزیر خزانہ محمد اورنگزیب

ایک لاکھ 69 ہزار مالدار افراد کو نوٹسز جاری کردیے، چیئرمین ایف بی آر کا وزیر خزانہ کیساتھ پریس کانفرنس سے خطاب

ڈسٹرکٹ اینڈ سیشن کورٹ اسلام آباد نے 4 مقدمات میں بانی پی ٹی آئی کی اہلیہ بشریٰ بی بی کی عبوری ضمانت 13 جنوری تک منظور کر لی۔ڈسٹرکٹ اینڈ سیشن کورٹس اسلام آباد میں ڈیوٹی جج شبیر بھٹی نے پی ٹی آئی کے 26 نومبر کے احتجاج پر بشریٰ بی بی کیخلاف درج مقدمات میں عبوری ضمانت کی درخواستوں پر سماعت کی، سابق خاتون اول اپنے وکلاء کے ہمراہ کمرہ عدالت میں پیش ہوئیں۔عدالت نے بشریٰ بی بی کی عبوری ضمانت 13 جنوری تک منظور کرلی، عدالت نے 50، 50 ہزار روپے کے مچلکوں کی عوض ضمانت منظور کی۔یاد رہے کہ بشریٰ بی بی کیخلاف تھانہ ترنول میں ایک اور 3 مقدمات تھانہ رمنا میں درج ہیں۔

چھبیس نومبر احتجاج کیسز ،بشریٰ بی بی کی 4 مقدمات میں عبوری ضمانت منظور

عدالت نے 50، 50 ہزار روپے کے مچلکوں کے عوض 13 جنوری تک ضمانت منظور کرلی

نو منتخب امریکی صدر ڈونلڈ ٹرمپ کی جانب سے تعینات نمائندہ برائے خصوصی مشن رچرڈ گرینل نے انکشاف کیا ہے کہ ٹرمپ کے نامزد وزیر خارجہ مارکو روبیو نے پاکستان کے میزائل پروگرام پر بات کرنے کی تیاری کی ہوئی ہے، ہم چاہتے ہیں عمران خان کو جیل سے رہا کیا جائے، بانی پی ٹی آئی عمران خان پر بھی ٹرمپ کی طرح کرپشن کے جھوٹے الزامات ہیں۔ایک امریکی ٹی وی انٹرویو دیتے ہوئے نومنتخب امریکی صدر کے نامزد کردہ خصوِصی ایلچی رچرڈ گرینل نے کہا انہیں یقین ہے کہ سیاست میں باہر سے آنے والے لوگ، غیر سیاسی، عام فہم لوگ، کاروباری لوگ وہ لوگ ہیں ’جو میرے ساتھ بہترین کام کرتے ہیں۔ لہٰذا میں چاہتا ہوں کہ عمران خان جیل سے رہا ہوں۔ وہ اس وقت جیل میں ہیں۔پاکستان کی سابق حکومت کے حوالے سے پوچھے گئے سوال کے جواب میں رچرڈ گرینل نے کہا کہ ڈونلڈ ٹرمپ کے پہلے دورِ اقتدار میں اُس وقت کی پاکستانی حکومت سے بہترین تعلقات تھے۔عمران خان کے حوالے سے رچرڈ گرینل نے کہا کہ پاکستان کے اسیر سابق وزیراعظم بھی ڈونلڈ ٹرمپ کی طرح سیاست میں مورثی طور پر نہیں آئے تھے، رچرڈ گرینل نے ایک بار پھر عمران خان کو رہا کرنے کا مطالبہ کرتے ہوئے کہا کہ سابق وزیراعظم پر بھی ویسے ہی الزامات ہیں جیسے ٹرمپ پر تھے۔ رچرڈ گرینل کامزیدکہناتھا کہ ڈونلڈ ٹرمپ کے نامزد وزیرخارجہ مارکو روبیو نے پاکستان کے میزائل پروگرام پر بات کرنے کی تیاری کی ہوئی ہے۔انہوں نے کہا کہ ایٹمی صلاحیت کے حامل ملکوں سے مختلف انداز میں ڈیل کیا جاتا ہے۔انہوں نے بائیڈن انتظامیہ پر پاکستان کے حوالے سے معاملات کو آگے بڑھانے پر زور دیتے ہوئے کہا کہ ’جوبائیڈن انتظامیہ جوکام 4 سال میں کرنے میں ناکام رہی وہ آخری 45 دن میں کرنے کی کوشش کر رہی ہے۔ رچرڈ گرینل نے موجودہ ترجمان امریکی وزارت خارجہ میتھیو ملر کی میڈیا سے گفتگو کو پیچیدہ قرار دیتے ہوئے کہا کہ اصل بات یہی ہے کہ پاکستان کے سابق وزیراعظم کو رہا کیا جائے۔

عمران خان کورہاکیاجائے ، ان پر بھی صدر ٹرمپ کی طرح جھوٹے الزامات ہیں ، رچرڈ گرینیل

نامزد وزیر خارجہ نے پاکستان کے میزائل پروگرام پر بات کرنے کی تیاری کی ہوئی ہے، امریکی ایلچی

سنچورین میں پہلے ٹیسٹ میچ (باکسنگ ڈے ٹیسٹ) کا آغاز ہو گیا ہے پاکستان کی جنوبی افریقہ کے خلاف پہلی اننگز جاری ہے۔باکسنگ ڈے ٹیسٹ کے پہلے روز پاکستان کی جنوبی افریقا کے خلاف56رنز پر چاروکٹیں گر گئیں۔اوپنرز شان مسعود 17 اور صائم ایوب 14 رنز بنا کر پویلین لوٹ گئے۔جبکہ بابراعظم4رنز بنا کرآئوٹ ہوئے جبکہ سعودشکیل نے14رنز بنائے۔قبل ازیںباکسنگ ڈے ٹیسٹ میں میزبان جنوبی افریقا نے پاکستان کیخلاف ٹاس جیت کر پہلے باؤلنگ کرنے کا فیصلہ کیا تھا۔پاکستان اور جنوبی افریقا کے درمیان 2 ٹیسٹ میچز کی سیریز کا پہلا میچ سنچورین کے سپر اسپورٹس پارک میں کھیلا جارہا ہے جو باکسنگ ڈے ٹیسٹ میچ ہے۔جنوبی افریقی کپتان ٹمبا باوما نے ٹاس کے موقع پر گفتگو کرتے ہوئے کہا ہے کہ ہم اس سیریز کو جیتنے پر فوکس کررہے ہیں۔قومی کپتان شان مسعود نے کہا ہے کہ کنڈیشنز سیمرز کے لیے فائدہ مند ہوں گی، ہم اس چیلنج سے نمٹنے کے لیے پرجوش ہیں۔جنوبی افریقا کے خلاف پہلے ٹیسٹ میچ میں پاکستان 4 فاسٹ باؤلرز کے ساتھ میدان میں اترا ہے جبکہ ٹیم میں 7 بیٹرز شامل کیے گئے ہیں، قومی فاسٹ باؤلر محمد عباس کو اگست 2021 کے بعد پہلی مرتبہ ٹیم میں شامل کیا گیا ہے۔

باکسنگ ڈے ٹیسٹ، پاکستان کی جنوبی افریقا کے خلاف56رنز پر چاروکٹیں گر گئیں

باکسنگ ڈے ٹیسٹ، جنوبی افریقا کا پاکستان کیخلاف ٹاس جیت کر پہلےفیلڈنگ کا فیصلہ

انٹرنیشنل کرکٹ کونسل (آئی سی سی )نے نئی ون ڈے رینکنگ جاری کر دی۔آئی سی سی کی جانب سے جاری کردہ نئی رینکنگ کے مطابق سابق کپتان بابراعظم کی ون ڈے فارمیٹ میں بادشاہی تاحال برقرار ہے جبکہ فاسٹ بولر شاہین شاہ آفریدی کی تنزلی ہوئی ہے۔صائم ایوب نے ون ڈے رینکنگ میں لمبی چھلانگ لگائی اور وہ  57 درجے ترقی سے بیٹنگ رینکنگ میں 24ویں پوزیشن پر پہنچ گئے۔آئی سی سی کی ون ڈے پلیئرز رینکنگ میں بلے بازوں کی فہرست میں پاکستان کے بابراعظم کی ون ڈے رینکنگ میں 795 پوائنٹس کے ساتھ پہلی پوزیشن برقرار ہے۔روہت شرما، شبمن گل اور ویرات کوہلی کی بدستور دوسری، تیسری اور چوتھی پوزیشن ہے۔جنوبی افریقا کےکلاسن 8 درجہ بہتری کے بعد پانچویں نمبر پر آگئے ہیں، محمد رضوان تین درجہ بہتری کے بعد 21 ویں نمبر پر پہنچ گئے ہیں۔جنوبی افریقا کے خلاف ون ڈے سیریز میں 2 سنچریاں بنانے والے صائم ایوب کی57  درجہ بہتری ہوئی ہے اور وہ  رینکنگ میں 24 ویں نمبر پر آگئےہیں۔ون ڈے میں بالرز کی رینکنگ میں  افغانستان کے راشد خان کا پہلا نمبر برقرار ہے۔بھارت کے کلدیپ یادیو 2 درجہ بہتری کے بعد دوسرے نمبر پر پہنچ گئے ہیں،بولرز کی رینکنگ میں شاہین آفریدی کی ایک درجہ تنزلی ہوئی ہے اور وہ تیسرے نمبر پر آگئے ہیں جبکہ ون ڈے آل راونڈرز کی فہرست میں کوئی پاکستانی ٹاپ 10 میں شامل نہیں ہے۔

آئی سی سی نئی رینکنگ جاری،بابراعظم کی بادشاہت برقرار ،شاہین آفریدی کی تنزلی

صائم ایوب شاندار کارکردگی کے بعد 57 درجے کی بڑی جھلانگ لگاتے ہوئے 24ویں نمبر پر آگئے

پی ایچ ڈی کی تعلیم چھوڑ کر فحش اداکارہ بننے کا اعلان کرنے والی یوٹیوبر زارا ڈار نے انٹرنیٹ پر بہت تیزی سے شہرت حاصل کر لی ہے۔زارا ڈار کے وائرل ہونے کے بعد ان سے متعلق سوشل میڈیا پر یہ مشہور ہو گیا تھا کہ ان کا تعلق پاکستان سے ہے تاہم اب زارا ڈار نے خود اس معاملے پر وضاحت جاری کر دی ہے۔زارا ڈار نے سماجی رابطوں کی ویب سائٹ ایکس پر لکھا کہ ’جب سے میں نے یہ ویڈیو بنائی کہ میں نے ’اونلی فینز‘ کے لیے کام کرنے کے لیے پی ایچ ڈی چھوڑ ڈی ہے، تو اس کے بعد سے میری نظر سے کئی ایسی پوسٹیں گزری ہیں جن میں میرے متعلق غلط معلومات پھیلائی جا رہی ہے۔انہوں نے مزید لکھا کہ میں نے اس معاملے پر تاحال کوئی ایکسکلوسیو انٹرویو تو نہیں دیا ہے البتہ میں کچھ حقائق آپ کے سامنے رکھنا چاہتی ہوں۔زارا ڈار نے لکھا کہ میرا نام ڈارسی ہے اور میں نے اسے مختصر کر کے ڈارز؍ڈار کر رکھا ہے۔انہوں نے اپنے پاکستانی ہونے کی تردید کرتے ہوئے لکھا کہ میں احترام کے ساتھ عرض کرنا چاہتی ہوں کہ میں پاکستانی نہیں ہوں، میں امریکی ہوں اور یہیں پلی بڑھی ہوں اور میرے خاندانی پس منظر میں امریکی، ایرانی، یورپی، مشرق وسطیٰ اور انڈین نسلیں شامل ہیں۔زارا ڈار نے خود سے منسوب تمام مصنوعات، جعلی اکاؤنٹس اور ڈیپ فیک ویڈیوز سے لاتعلقی کا بھی اظہار کیا اور اپنا واحد آفیشل ’’ایکس‘‘ اکاؤنٹ بھی شیئر کیا۔واضح رہے کہ سائنس اور ٹیکنالوجی کے میدان میں خواتین کی شمولیت کیلئے آواز اٹھانے والی یوٹیوبر زارا ڈار نے حال ہی میں اپنی پی ایچ ڈی کی تعلیم چھوڑ کر ’’اونلی فینز ماڈل‘‘ بننے کا اعلان کیا تھا۔خیال رہےزارا ڈار نامی یوٹیوبر و ماڈل کی تصاویر اور ویڈیوز گزشتہ چند روز سے پاکستانی اور بھارتی میڈیا و سوشل میڈیا پر وائرل ہو رہی تھیں۔ان کے نام کی وجہ سے سوشل میڈیا پر افواہیں تھیں کہ وہ پاکستانی انفلوئنسر و ماڈل ہیں۔امریکی ماڈل زارا ڈار نے کچھ عرصہ قبل بتایا تھا کہ انہوں نے پی ایچ ڈی کی تعلیم ادھوری چھوڑ کر فحش ویب سائٹ ’اونلی فینز‘ پر ماڈلنگ کرنا شروع کی ہے، جہاں انہوں نے تھوڑے ہی عرصے میں 10 لاکھ امریکی ڈالرز کمالیے، جس کے بعد اب وہ سرمایہ کاری کرنے کا ارادہ بھی رکھتی ہیں۔ اونلی فینز نامی یہ پلیٹ فارم فحش مواد شائع کرنے کے حوالے سے مشہور ہے جہاں نوجوان لڑکے لڑکیاں اپنی عریاں تصاویر اور ویڈیوز اپ لوڈ کر کے پیسہ کماتے ہیں، جس کی مقبولیت میں تیزی سے اضافہ ہوا ہے۔اسی پلیٹ فارم پر زارا ڈار نے بھی انٹری دی ہے جس کے بعد وہ سوشل میڈیا پر بھرپور وائرل ہوئیں۔

میں پاکستانی نہیں ہوں، امریکی ہوں اور یہیں پلی بڑھی ہوں، زارا ڈارکی وضاحت

زارا ڈار نامی یوٹیوبر و ماڈل کی تصاویر اور ویڈیوز گزشتہ چند روز سے پاکستانی اور بھارتی میڈیا و سوشل میڈیا پر وائرل ہو رہی تھیں

آذربائیجان کا مسافر طیارہ قازقستان ایئرپورٹ کے قریب گر کر تباہ ہو گیا۔میڈیارپورٹس کے مطابق باکو سے گروزنی جانے والا طیارہ اکٹو ہوائی اڈے کے قریب گر کر تباہ ہوا۔حادثے کا شکار ہونے والے مسافر طیارے میں 62 مسافر اور 5 عملے کے افراد سوار تھے جس میں سے 25 افراد بچ نکلنے میں کامیاب رہے۔حادثے کا شکار طیارہ آذربائیجان کے دارالحکومت باکو سے روس کے زیر تسلط ریاست جمہوریہ چیچن کے دارالحکومت گروزنی جا رہا تھا۔الجزیرہ کے مطابق گروزنی میں شدید دھند کے باعث حادثے کا شکار ہونے سے قبل طیارے کو رخ تبدیل کرنے کی ہدایت کی گئی تھی۔روسی ہوا بازی کے نگران ادارے کے مطابق اطلاعات ہیں کہ طیارے سے پرندہ ٹکرانے کے بعد پائلٹ نے ہنگامی لینڈنگ کا فیصلہ کیا تھا۔میڈیا رپورٹس کے مطابق طیارے نے حادثے سے قبل ہنگامی لینڈنگ کی درخواست کی تھی۔حادثے سے قبل طیارے نے مبینہ طور پر کئی بار ہوائی اڈے کا چکر لگایا تھا۔ طیارے حادثے میں 27 مسافر اسپتال منتقل کیے گئے ہیں۔جہاز کی تباہی کی ایک  ویڈیو وائرل ہو رہی ہے جس میں دیکھا جاسکتا ہے کہ طیارہ  تیزی سے نیچے اتر رہا تھا، پھر سمندر کے کنارے سے ٹکرایا، جس کے بعد آگ اور دھویں کے بڑے مرغولے میں تبدیل ہوگیا۔

قازقستان میں آذربائیجان کا مسافر طیارہ گر کر تباہ ہوگیا، درجنوں ہلاک

حادثے کا شکار ہونیوالا طیارہ باکو سےگروزنی جارہا تھا، طیارے میں 62 مسافر اور 5 عملے کے افراد سوار تھے

آرمی چیف جنرل عاصم منیر نے کہا ہے کہ مسیحی برادری قوم کیلئے فخر اور طاقت کا باعث ہے۔پاک فوج کے شعبہ تعلقات عامہ( آئی ایس پی آر) کے مطابق آرمی چیف جنرل عاصم منیر نے سینٹ جوزف کیتھولک کیتھیڈرل چرچ میں کرسمس تقریب میں شرکت کی اور مسیحی برادری سے یکجہتی کا اظہار کرتے ہوئے ملک بھرمیں مسیحی برادری کو کرسمس کی دلی مبارکباد دی جبکہ مسیحی برادری نے چرچ آمد پر آرمی چیف کا پرتپاک خیرمقدم کیا۔ آئی ایس پی آرکے مطابق آرمی چیف جنرل سید عاصم منیر نے ملکی، ثقافتی، سماجی، اقتصادی، قومی ترقی میں اقلیتوں اور مسیحی برادری کی شراکت کا اعتراف کیا۔ تقریب سے خطاب میں آرمی چیف جنرل سید عاصم منیر نے کہا ہے کہ مسیحی برادری قوم کے لیے فخر اور طاقت کا باعث ہیں۔آرمی چیف جنرل عاصم منیر نے کہا ہے کہ پاکستان کو قائد کے تصور کردہ پرامن اور خوشحال ملک میں تبدیل کرنے کے لیے اپنے اجتماعی عزم کا اعادہ کریں، ان کے آزادی، مساوات، مذہبی رواداری کے نظریات چیلنجز سے نمٹنے کے لیے قوم کی رہنمائی کرتے ہیں، تمام شہری اس کے لیے انتھک محنت کریں۔انہوں نے مزید کہا ہے کہ قائد اعظم کے نظریات علاقائی سالمیت کے تحفظ سے لے کر اندرونی استحکام کو فروغ دینے کے لیے حوصلہ افزائی کرتے ہیں، قائد کی دور اندیش قیادت اور غیر متزلزل عزم نے پاکستان کی تعمیر کی راہ ہموار کی۔

مسیحی برادری قوم کیلئے فخر اور طاقت کا باعث ہے،آرمی چیف کا کرسمس تقریب سےخطاب

آرمی چیف جنرل عاصم منیرکی کرسمس تقریبات میں شرکت، مسیحی برادری کو تہوار کی مبارکباد دی،آئی ایس پی آر

یوں دی ہمیں آزادی کہ دنیا ہوئی حیران ۔۔ بابائے قوم محمد علی جناح کا 148 واں یوم پیدائش آج ملک بھر میںملی جوش وجذبےسے منایا جارہا ہے،آج وفاقی دارالحکومت اسلام آباد اور چاروں صوبائی دارالحکومتوں میں دن کا آغاز توپوں کی سلامی سے ہوا۔محمد علی جناحؒ 25 دسمبر 1876ء کو کراچی میں پیدا ہوئے، ابتدائی تعلیم سندھ مدرستہ الاسلام سے حاصل کی، پھر لندن سے قانون کی ڈگری لی، قائداعظمؒ نے سیاست کا آغاز انڈین نیشنل کانگریس میں شمولیت سے کیا۔1913ء میں محمد علی جناحؒ نے آل انڈیا مسلم لیگ میں شمولیت اختیار کی، الگ مسلم ریاست کیلئے برصغیر کے مسلمانوں کی رہنمائی کی۔یوم قائد کی مناسبت سے شہر شہر تقریبات کا انعقاد کر کے بانی پاکستان کی انتھک جدوجہد، دانشمندی اور قیادت کو خراج تحسین پیش کیا جائے گا، جس کے نتیجے میں برصغیر کے مسلمانوں کے لئے ایک علیحدہ وطن کا قیام عمل میں آیا۔بانی پاکستان کے یوم پیدائش پر گارڈز کی تبدیلی کی پُروقار تقریب مزار قائد اعظم پر منعقد ہوئی۔ پاکستان ملٹری اکیڈمی کاکول کے چاق وچوبند دستے نے مزار قائد پر گارڈز کے فرائض سنبھالے۔اس موقع پر کمانڈنٹ ملٹری اکیڈمی کاکول میجر جنرل افتخار حسن چودھری (ہلال امتیار ملٹری) نے مزار قائد پر سلامی دی، پھولوں کی چادر چڑھائی اور فاتحہ خوانی کے بعد مہمانوں کی کتاب میں تاثرات درج کئے۔اس سے قبل، پاک فضائیہ کے جوان مزار قائد پر گارڈز کے فرائض انجام دے رہے تھے۔بابائے قوم کے یوم پیدائش کے موقع پر گورنر سندھ کامران ٹیسوری، وزیراعلیٰ سندھ سید مراد علی شاہ، سینئیر وزیر شرجیل میمن، صوبائی کابینہ کے ارکان، عسکری و سول حکام سمیت اہم شخصیات نے مزار قائد پر حاضری دی اور پھولوں کی چادر چڑھا کر فاتحہ خوانی کی۔مزار قائد پر حاضری کے موقع پر گورنر سندھ اور وزیراعلیٰ سندھ نے مہمانوں کی کتاب میں تاثرات درج کیے۔دوسری جانب صدرمملکت آصف علی زرداری اور وزیراعظم محمد شہبازشریف نے قائداعظم کے یوم پیدائش پر خراج عقیدت پیش کیا۔

بابائے قوم محمد علی جناح کا 148 واں یوم پیدائش آج ملی جوش وجذبے سےمنایا جارہا ہے

محمد علی جناح کے یوم پیدائش پر گارڈز کی تبدیلی کی پُروقار تقریب کراچی میںمزار قائد پر منعقد ہوئی

دنیا بھر کی طرح پاکستان میں بھی مسیحی برادری آج کرسمس کا تہوار جوش و جذبے کے ساتھ منا رہی ہے۔ملک کے مختلف شہروں میں مسیحی برادری نے اپنا تہوار بھرپور عقیدت و احترام سے منانے کیلئے کرسمس ٹری سجا لئے، گرجا گھروں میں خصوصی عبادات اور دعائیہ تقریبات کا انعقاد کیا جارہاہے، جہاں مسیحی برادری کے افراد اپنی مذہبی تقریبات کی ادائیگی اور عبادات کررہے ہیں۔کراچی کے سینٹ پیٹرک چرچ میں کرسمس کی دعائیہ تقریب کا اہتمام کیا گیا جس میں مسیحی برادری نے  بڑی تعدادمیں شرکت کی۔حیدرآباد میں رات گئے سینٹ فرانس چرچ میں کرسمس کے حوالے سے دعائیہ تقریب ہوئی اور مٹھائیاں تقسیم کی گئیں۔اس موقع پر ملکی ترقی، قیام امن اور سلامتی و خوشحالی کی خصوصی دعائیں مانگی جارہی ہیں۔اسلام آباد میں مسیحی برادری نے گلی کوچوں کی سجاوٹ کے ساتھ گھروں میں کرسمس ٹری بھی سجا لیے،کرسمس کے موقع پر ملک بھر کی طرح پشاور میں بھی چرچز اور گھروں کو خوبصورتی سے سجایا گیا ہے، مسیحی برادری نے گھروں کو کرسمس ٹریز سے مزین کرلیا۔دوسری جانب سانتا کلاز خوشیاں بکھیرنے کیلئے سفر پر نکل پڑے، اسپتال میں بچوں کو تحائف دینے کے انوکھے انداز کے باعث ٹیکساس میں ڈرون سے بنے سانتا کلاز توجہ کا مرکز بن گئے، روم میں بازاروں اور شاہراہوں کو روشنیوں سے سجا دیا گیا۔نیویارک، لندن، پیرس، ٹورنٹو اور میکسیکو سمیت دنیا کے کئی بڑے شہروں میں تقریبات ہوئیں، مسیحی برادری مذہبی تہوار کو بھرپور انداز سے منانے میں مصروف ہے۔مصر کے دارالحکومت قاہرہ کی گلیوں، بازاروں میں کرسمس کی روایتی سجاوٹ،دبئی کے ونٹر فیسٹیول میں بھی کرسمس کا جشن منایا گیا۔ دمشق کے گرجا گھر میں بھی دعائیہ تقریب،لندن میں کرسمس کی روایتی گوشت نیلامی میں بڑی تعداد میں لوگوں نے شرکت کی۔غزہ میں جاری اسرائیلی مظالم پرعیسائیوں کے مقدس شہر بیت لحم میں مسلسل دوسرے سال کرسمس کا تہوار سادگی سے منانے کا اعلان کیا گیا۔صدر مملکت آصف علی زرداری، وزیراعظم شہباز شریف اور مسلح افواج کی جانب سے مسیحی برادری کو کرسمس کی مبارکباد دی گئی۔

پاکستان سمیت دنیا بھر میں مسیحی برادری آج کرسمس کا تہوارجوش و خروش سے منا رہی ہے

کرسمس کی مناسبت سے گرجا گھروں میں خصوصی عبادات اورعائیہ تقریبات کاانعقاد کیاجارہاہے

پاکستان نے فوجی عدالتوں سے متعلق بیرون ممالک کے تبصروں پر ردعمل دیتے ہوئے کہا ہے کہ پاکستان انسانی حقوق کے بین الاقوامی معیارات کو مکمل طور پر تسلیم کرتا ہے۔تفصیلات کے مطابق 9 مئی کے مجرموں کی فوجی عدالتوں سے سزاؤں بارے امریکا، برطانیہ اور یورپی یونین کے بیانات پر ترجمان دفتر خارجہ نے واضح کیا ہے کہ پاکستان کا قانونی نظام عالمی معاہدوں کے مطابق ہے۔فوجی عدالتوں کے حالیہ فیصلوں پر امریکی، برطانوی اور یورپی یونین بیانات کے حوالے سے پوچھے گئے ایک سوال کے جواب میں دفتر خارجہ کی ترجمان نے ردعمل دیتے ہوئے کہا ہے کہ پاکستان انسانی حقوق کی اپنی تمام بین الاقوامی ذمہ داریوں کو پورا کرنے کے لیے پوری طرح پرعزم ہے۔ترجمان دفتر خارجہ نے کہا کہ پاکستان کا قانونی نظام بین الاقوامی انسانی حقوق کے قانون سے مطابقت رکھتا ہے، ہمارے قانون نظام میں شہری اور سیاسی حقوق کے بین الاقوامی معاہدے کی دفعات بھی شامل ہیں، قانون نظام میں اعلیٰ عدالتوں کے ذریعے عدالتی نظرثانی کے نظام موجود ہے، ہمارے نظام میں انسانی حقوق اور بنیادی آزادیوں کے فروغ اور تحفظ کی ضمانت دی گئی ہے۔ترجمان کا مزید کہنا تھا کہ یہ فیصلے پارلیمنٹ کے ذریعے منظور شدہ قانون اور سپریم کورٹ آف پاکستان کے فیصلوں کے تحت کیے گئے ہیں، پاکستان جمہوریت کے اصولوں، انسانی حقوق اور قانون کی حکمرانی کے فروغ کے لیے تعمیری اور نتیجہ خیز مذاکرات پر یقین رکھتا ہے۔دفتر خارجہ نے کہا کہ ہم جی ایس پی پلس اسکیم اور بنیادی بین الاقوامی انسانی حقوق کنونشنز کے تحت اپنے وعدوں پر عمل درآمد کے لیے پوری طرح پرعزم ہیں اور بغیر کسی امتیاز اور دوہرے معیار کے بین الاقوامی انسانی حقوق کے قانون کو برقرار رکھنے کے لیے یورپی یونین سمیت اپنے بین الاقوامی شراکت داروں کے ساتھ بات چیت جاری رکھیں گے۔واضح رہے کہ 9 مئی کے واقعات میں ملوث مجرموں کو فوجی عدالتوں سے سزائیں سنائے جانے پر امریکا نے شدید تشویش کا اظہار کیا ہے۔اس سے قبل یورپی یونین پر ان فیصلوں پر تشویش کا اظہار کرچکا ہے، جس میں کہا گیا تھا کہ پاکستان میں عام شہریوں کو فوجی عدالتوں سے سزائیں بین الاقوامی معاہدوں کی خلاف ورزی ہے۔اس کے علاقہ برطانیہ نے اپنے ردعمل میں کہاکہ اس طرح کی کارروائیاں انصاف کے بنیادی اصولوں کی خلاف ورزی ہیں اور عوامی حقوق کی پامالی کرتی ہیں۔

فوجی عدالتوں سے سزاؤں پر امریکا، برطانیہ اور یورپی یونین کے بیانات پر پاکستان کا دوٹوک جواب

پاکستان کا عدالتی نظام عالمی معاہدوں کے تحت ہے، پارلیمنٹ اور سپریم کورٹ کی ججمنٹ پر فیصلے کیے گئے ہیں، دفتر خارجہ

The  National Bank Stadium is undergoing major construction in order to host the ICC Champions Trophy 2025.

National Stadium Karachi Revamped For Champions Trophy 2025

Karachi&rsquo;s National Bank Stadium is undergoing major construction in order to <a href="https://www.tapmad.com/blog/icc-champions-trophy-2025-schedule-fixtures-venues/356-2-0">host</a> the ICC Champions Trophy 2025.&nbsp;

A new design for the stadium has been unveiled. The National Stadium construction process will take place in two phases. Phase 1 will be completed before the ICC event and phase 2 will finish after the conclusion of the mega event.&nbsp;

The new design consists of a new building to be constructed directly in front of the main stadium. This new structure will house VIP boxes, a gallery, media boxes, and family boxes for players. Additionally, the two dressing rooms may be relocated to this new building.

The International Cricket Council (ICC) has given USD 70 million to Pakistan in order to prepare for the Champions Trophy 2025.&nbsp;

PCB Chairman Mohsin Naqvi has approved the renovation of stadiums in Lahore, Karachi, and Rawalpindi. The Pakistan Cricket Board has allocated Rs12.80 billion for these infrastructure improvements.

The CT25 matches will be played at the Gaddafi Stadium in Lahore, Rawalpindi Cricket Stadium, and National Stadium in Karachi from 19 February to 9 March 2025.&nbsp;

Later this month, the National Stadium in Karachi is set to host the PAK vs BAN 2nd test match. However, <a href="https://www.tapmad.com/blog/pak-vs-ban-karachi-test-shocking-decision-leaves-fans-locked-out/407-2-0">no spectators will be allowed</a> inside the stadium due to ongoing construction work.&nbsp;

ICC Champions Trophy 2025: National Stadium Karachi Set To Have A Massive Makeover

Related Post

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Virat Kohli & Sam Konstas Shoulder Barge: Kohli Showcasing Dominance On Teen Debutant

PAK vs SA 1st Test: Pakistan Announces Playing XI For First Test

Ben Stokes Performance: A Combination of Blood, Sweat, & “Tears”

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Virat Kohli & Sam Konstas Shoulder Barge: Kohli Showcasing Dominance On Teen Debutant

PAK vs SA 1st Test: Pakistan Announces Playing XI For First Test

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan