Cricket

Entertainment

Football

پاسپورٹ کی درجہ بندی کے حوالے سے نئی فہرست جاری کر دی گئی ہے جس میں پاکستانی پاسپورٹ ایک بار پھر دنیا کے کمزور ترین ممالک میں شامل رہا ہے۔دنیا کا طاقتور ترین پاسپورٹ رکھنے والے ممالک میں آئرلینڈ، سوئٹزر لینڈ، یونان، پرتگال اور مالٹا بالترتیب پہلے سے پانچویں نمبر پر ہیں، پاکستانی پاسپورٹ 32 پوائنٹس کے ساتھ 195ویں نمبر پر ہے۔ میڈیارپورٹس کے مطابق نوماڈ کیپیٹلسٹ نے 2025 کی نئی درجہ بندی جاری کی ہے جس میں آئرلینڈ کو دنیا کے سب سے طاقتور پاسپورٹ کا اعزاز حاصل ہوا ہے اس درجہ بندی میں مختلف عوامل کو مدنظر رکھا گیا جن میں ویزا فری سفر کی سہولت شہریوں پر ٹیکس کی شرح دوہری شہریت کی اجازت ذاتی آزادی اور عالمی ساکھ شامل ہیں ان تمام پہلوؤں کی بنیاد پر آئرلینڈ نے 109 پوائنٹس حاصل کیے اور پہلی پوزیشن حاصل کر لی اس کے شہریوں کو 176 ممالک میں بغیر ویزا سفر کرنے کی سہولت حاصل ہے جو اسے دنیا کے بہترین پاسپورٹس میں سرفہرست رکھتا ہے یونان اور سوئٹزرلینڈ 108 پوائنٹس کے ساتھ دوسرے نمبر پر رہے جبکہ پرتگال کو چوتھی پوزیشن حاصل ہوئی اس فہرست میں دیگر مضبوط پاسپورٹس رکھنے والے ممالک میں مالٹا فن لینڈ ناروے نیوزی لینڈ متحدہ عرب امارات اور آئس لینڈ شامل ہیں ان ممالک کے پاسپورٹس کو بھی عالمی سطح پر سفر کی سہولت اور شہریوں کے لیے بہتر مواقع کی بنیاد پر اعلیٰ درجہ دیا گیا ہے اس فہرست میں پاکستان کا درجہ کافی کمزور رہا اور اسے 195 ویں نمبر پر رکھا گیا جس کا شمار دنیا کے سب سے کمزور پاسپورٹس میں ہوتا ہے رپورٹ کے مطابق پاکستان کا پاسپورٹ اریٹیریا کے ساتھ 195 ویں نمبر پر ہے جبکہ عراق 196 ویں یمن 198 ویں اور افغانستان 199 ویں نمبر پر موجود ہے اس سے ظاہر ہوتا ہے کہ پاکستانی شہریوں کو بین الاقوامی سفر میں کافی مشکلات کا سامنا کرنا پڑتا ہے اور ویزا فری رسائی محدود ترین ہے دلچسپ بات یہ ہے کہ گزشتہ درجہ بندیوں میں سرفہرست رہنے والے جاپان اور سنگاپور اس سال نمایاں طور پر نیچے آ گئے ہیں ان ممالک کی دوہری شہریت سے متعلق سخت پالیسیوں اور ٹیکس قوانین میں سختی کے باعث ان کے پاسپورٹس کی درجہ بندی میں کمی ہوئی ہے حالانکہ ماضی میں یہ دونوں ممالک دنیا کے مضبوط ترین پاسپورٹس کی فہرست میں سرفہرست رہے ہیں تاہم اس نئی درجہ بندی میں شہریوں کی مالی اور قانونی آزادی کو بھی اہمیت دی گئی ہے جس کے باعث ان کا سکور کم ہوا ہے نوماڈ کیپیٹلسٹ کی اس فہرست کو دنیا بھر میں اہمیت دی جاتی ہے کیونکہ یہ روایتی پاسپورٹ رینکنگ سے ہٹ کر زیادہ وسیع عوامل کا احاطہ کرتی ہے عام طور پر پاسپورٹ کی طاقت کا اندازہ صرف ویزا فری سفر سے لگایا جاتا ہے لیکن اس درجہ بندی میں دیگر عناصر جیسے کہ ٹیکس کی سہولت اور عالمی ساکھ بھی اہمیت رکھتے ہیں یہی وجہ ہے کہ اس سال کئی ممالک کی درجہ بندی میں اتار چڑھاؤ دیکھنے کو ملا ہے

پاسپورٹ کی نئی درجہ بندی میں پاکستان کمزور ترین ممالک میں شامل

مضبوط پاسپورٹس میں مالٹا، فن لینڈ، ناروے، متحدہ عرب امارات،پاکستانی پاسپورٹ 32 پوائنٹس کیساتھ 195ویں نمبر پر

کراچی (این این آئی)مشہور پاکستانی اداکارہ اور ٹیلی ویژن ہوسٹ حرا مانی نے حالیہ دنوں میں اپنے عید کے بولڈ لباس کی وجہ سے سوشل میڈیا پر خاصی تنقید کا سامنا کیا ہے۔حرا مانی مقبول ڈراموں دو بول، کشف، سن یارا اور میرے پاس تم ہو میں اپنی جاندار اداکاری کے باعث شہرت حاصل کر چکی ہیں۔انہوں نے عید کے موقع پر کچھ ایسی ساڑھیاں زیب تن کیں جن میں ان کا جسم نمایاں طور پر ظاہر ہو رہا تھا، جیسے ہی ان کی تصاویر سوشل میڈیا پر پوسٹ ہوئیں، مداحوں نے ان پر سخت تنقید کرنا شروع کر دی۔ناقدین کا کہنا ہے کہ حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ہے۔ایک صارف نے تبصرہ کیا ہے کہ حرا مانی دن بدن بولڈ ہوتی جا رہی ہیں، ایک اور صارف نے کہا ہے کہ یہ اداکارائیں پیسہ اور کام حاصل کرنے کے لیے ایسے لباس پہنتی ہیں۔کچھ لوگوں نے ان کے شوہر اور بچوں کو بھی تنقید کا نشانہ بنایا اور کہا کہ وہ کس طرح اپنی والدہ کو ایسے لباس پہننے کی اجازت دے سکتے ہیں۔ایک صارف نے تو یہاں تک کہا کہ نہ چہرے میں کوئی کشش ہے اور نہ ہی کپڑوں میں، جدید اور بولڈ لباس پہن کر بھی خوبصورتی نظر نہیں آتی۔ایک اور صارف نے رمضان کے دوران ان کے آنسوں کو یاد کرتے ہوئے طنز کیا کہ یہ وہی ہیں جو رمضان میں روتی نظر آتی تھیں۔

مشہور پاکستانی اداکارہ حرا مانی کو عید کے بولڈ لباس پر شدید تنقید کا سامنا

حرا مانی نے ایک بار پھر بولڈ لباس کا انتخاب کر کے اسلامی معاشرتی اقدار کو مجروح کیا ،ناقدین

پاکستان اسٹاک ایکس چینج میں کاروباری ہفتے کے آخری روز ایک اور نئی تاریخ رقم ہو گئی۔ پہلی بار مارکیٹ ایک لاکھ 20 ہزار پوائنٹس کی بلند ترین سطح عبور کرگئی۔تفصیلات کے مطابق پاکستان اسٹاک ایکسچینج میں آج ریکارڈ ساز تیزی دیکھی گئی، اس دوران انڈیکس نئی بلند ترین سطح کو چھو گیا۔ کاروباری ہفتے کے آخری دن بازارِ حصص میں کاروبار میں زبردست تیزی کا رجحان دیکھا جا رہا ہے۔کاروبار کے دوران صبح 10 بجے بینچ مارک ’کے ایس ای 100‘ انڈیکس ایک ہزار 855 پوائنٹس یا 1.56 فیصد اضافے کے ساتھ ایک لاکھ 20 ہزار 793 کی سطح پر پہنچ گیا جو گزشتہ روز ایک لاکھ 18 ہزار 938 کی سطح پر بند ہوا تھا۔واضح رہے کہ ملک میں عیدالفطر کی تعطیلات کے بعد امریکی صدر کی جانب سے 180 ممالک پر جوابی ٹیرف عائد کرنے کے باوجود جمعرات کے روز پی ایس ایکس میں 100 انڈیکس نئی بلند ترین سطح کو چھو گیا تھا۔گزشتہ روز وزیر اعظم شہباز شریف نے ملک بھر میں بجلی کے نرخوں میں 7 روپے 41 پیسے فی یونٹ کمی کا اعلان کرتے ہوئے ’بڑے‘ ریلیف پیکج میں شہریوں کو بجلی کے بے تحاشا بلوں کا سامنا کرنے والے بوجھ کو کم کرنے کا اعلان کیا تھا۔تجزیہ کاروں کا کہنا ہے کہ وزیراعظم کی جانب سے بجلی کے نرخوں میں کمی مارکیٹ کی کارکردگی کی ایک بڑی وجہ ہے۔دوسری جانب انٹر بینک میں کاروبار کے دوران ڈالر 20 پیسے سستا ہو گیا ہے، انٹربینک میں ڈالر 280 روپے 36 پیسے کی سطح پرٹریڈ ہورہا ہے۔گزشتہ روز کاروبار کے اختتام پر ڈالر چالیس پیسے مہنگا ہو کر 280 روپے 56 پیسے پر بند ہو ا تھا۔

اسٹاک مارکیٹ میں زبردست تیزی، 100 انڈیکس نئی بلند ترین سطح پر پہنچ گیا

ایک اور نئی تاریخ رقم ہو گئی، پہلی بار مارکیٹ ایک لاکھ 20 ہزار پوائنٹس کی بلند ترین سطح عبور کرگئی

پیپلز پارٹی کے بانی اور سابق وزیراعظم شہید ذوالفقار علی بھٹو کی 46 ویں برسی آج احترام کے ساتھ منائی جا رہی ہے۔پاکستان پیپلز پارٹی کے بانی چیئرمین کو 1979 میں آج ہی کے دن راولپنڈی میں پھانسی دی گئی تھی۔شہید ذوالفقار علی بھٹو کی برسی کے موقع پر پاکستان پیپلز پارٹی گڑھی خدا بخش میں جلسہ کرے گی،برسی میں شرکت کیلئے ملک بھر سے جیالے گڑھی خدا بخش میں جمع ہوں گے،پیپلز پارٹی کے چیئرمین بلاول بھٹو زرداری سمیت پیپلز پارٹی کے مرکزی وصوبائی قائدین خطاب کریں گے، گورنر خیبرپختونخوا فیصل کریم کنڈی، وزیراعلی سندھ مراد علی شاہ سمیت کئی رہنما گڑھی خدا بخش پہنچ گئے۔شہید ذوالفقار علی بھٹو کی برسی کے موقع پر گڑھی خدا بخش بھٹو میں جلسے کے لیے بڑا اسٹیج بنایا گیا ہے، اسٹیج پر پارٹی پرچموں، رہنماؤں کی تصاویراور بینرز آویزاں کر دیے گئے۔سابق وزیراعظم ذوالفقار علی بھٹو کو 1979 میں آج ہی کے دن راولپنڈی میں پھانسی دی گئی تھی، ذوالفقار علی بھٹو کے دور میں اسٹیل ملز اور قومی پیداواری ادارے بنے۔خیال رہے کہ پچھلے سال سپریم کورٹ نے اپنے فیصلہ میں کہا تھا کہ ذوالفقار علی بھٹو کے مقدمے میں ٹرائل منصفانہ نہیں تھا ۔صدارتی ریفرنس پر ذوالفقار علی بھٹو کو سپریم کورٹ نے بے گناہ قرار دے دیا اور رواں سال 23 مارچ کو انہیں نشان پاکستان عطا کیا گیا جو ان کی بیٹی صنم بھٹو نے وصول کیا تھا۔ذوالفقار علی بھٹو کی برسی کے سلسلے میں آج صوبہ سندھ میں عام تعطیل ہے۔دوسری جانب سابق وزیراعظم اور پاکستان پیپلز پارٹی کے بانی ذوالفقار علی بھٹو کی برسی کے موقع پر اپنے پیغام میں صدر مملکت آصف علی زرداری نے کہا کہ پاکستان کے عظیم رہنما شہید ذوالفقار علی بھٹو کی برسی کے موقع پر ان کی خدمات، جدوجہد اور قربانیوں کو خراجِ عقیدت پیش کرتے ہیں۔انہوں نے کہا کہ شہید بھٹو ایک عظیم مدبر، جرات مند رہنما اور عوام کے حقیقی نمائندہ تھے، شہید ذوالفقار علی بھٹو نے پاکستان کو ترقی، خودمختاری اور عوامی فلاح کے راستے پر گامزن کیا، ذوالفقار بھٹو کے مشن کو جاری رکھیں گے۔

پیپلزپارٹی کے بانی شہید ذوالفقار علی بھٹو کی 46 ویں برسی آج منائی جا رہی ہے

پیپلز پارٹی کے بانی چیئرمین کو 1979 میں آج ہی کے دن راولپنڈی میں پھانسی دی گئی تھی

پاکستان کو ایشین کرکٹ کونسل کی صدارت مل گئی، چیئرمین پی سی بی محسن نقوی کو اگلے دو سال کیلئے اے سی سی کا چیئرمین منتخب کردیا گیا۔میڈیارپورٹس کے مطابق ایشین کرکٹ کونسل کی ایگزیکٹو کمیٹی کا ورچوئل اجلاس ہوا جس میں چیئرمین پی سی بی محسن نقوی نے شرکت کی۔ذرائع کے مطابق پاکستان کو صدارت ملنے کا فیصلہ اے سی سی ایگزیکٹو کمیٹی کے اجلاس میں کیا گیا جس کے بعد اگلی مدت کے لیے اے سی سی کی صدارت پاکستان کے پاس رہے گی۔ اے سی سی محسن نقوی کی صدارت کے حوالے سے جلد باضابطہ اعلان کرے گی۔اس سے قبل ایشین کرکٹ کونسل (اے سی سی) کی سربراہی عبوری طور پر سری لنکا کرکٹ بورڈ کے صدر شمی سلوا کے پاس تھی تاہم جنرل کونسل اجلاس کے بعد صدارت محسن نقوی کے سپرد کی گئی۔

پاکستان کو ایشین کرکٹ کونسل کی صدارت مل گئی، محسن نقوی نئے صدر ہونگے

اس سے قبل ایشین کرکٹ کونسل کی سربراہی عبوری طور پر سری لنکا کرکٹ بورڈ کے صدر شمی سلوا کے پاس تھی

پاکستانی ٹیلی ویژن کی معروف اداکارہ مدیحہ امام نے انکشاف کرتے ہوئے بتایا کہ ڈرامے کی شوٹنگ کے دوران لگے ایک تھپڑ نے ان کی سماعت کو مستقل طور پر متاثر کردیا ہے۔عید کے موقع پر نجی ٹی وی شو میں اداکارہ مدیحہ امام نے یہ انکشاف کیا جس کی تصدیق ساتھی اداکار فیصل قریشی نے بھی کی۔مدیحہ امام نے بتایا میں اپنے ایک کان سے کم سنتی ہوں جس پر فیصل قریشی نے کہا یہ میں جانتا ہوں اور یہ سچ ہے، مدیحہ کے ساتھ یہ ایک سیٹ پر ہوا تھا۔مدیحہ امام نے وضاحت کی کہ وہ مکمل طور پر بہری نہیں ہوئی ہیں، لیکن اب ان سے بات کرتے وقت دوسرے شخص کو تھوڑا اونچا بولنا پڑتا ہے۔اداکارہ کا مزید کہنا تھا کہ ’’جن لوگوں کو لگتا ہے کہ اداکار بہت آرام سے کام کرلیتے ہیں، وہ یہ سمجھ لیں کہ یہ بالکل آسان نہیں ہے۔ انہوں نے بتایا کہ ساتھی اداکار کی جانب سے لگا تھپڑ ان کے کان پر ایسا اثرانداز ہوا کہ اب تک اس کا نقصان برداشت کر رہی ہیں۔جب پروگرام کی میزبان نے پوچھا کہ کیا انہوں نے اس شخص کو معاف کردیا جس نے یہ تھپڑ مارا تھا، تو مدیحہ نے جواب دیا، ’’ظاہر ہے یہ جان بوجھ کر کون کرے گا، غلطی سے ان سے لگ گیا تھا۔فیصل قریشی نے اس موقع پر اپنا ایک تجربہ بھی شیئر کیا۔ انہوں نے بتایا کہ کچھ عرصہ قبل انہوں نے اداکارہ صبا قمر سے زوردار تھپڑ کھایا تھا۔ فیصل نے کہا، ’’ہوتا یہ ہے کہ آپ لڑکی سے کھا سکتے ہیں، لیکن مردوں کا ہاتھ بھاری ہوتا ہے۔ اس لیے خواتین اداکاراؤں کو نہیں مار سکتے، لہٰذا وہ دکھایا ایسے جاتا ہے کہ تھپڑ مارا گیا ہے۔

ایک کان سے کم سنتی ہوں، اداکارہ مدیحہ امام کا انکشاف

شوٹنگ کے دوران تھپڑ لگنے سے اب ٹھیک سنائی نہیں دیتا،معروف اداکارہ

وزیراعظم شہباز شریف گھریلو اور صنعتی صارفین کے لیے بجلی کی قیمتوں میں بڑی کمی کا اعلان کر دیا۔ وزیر اعظم نے گھریلو صارفین کیلئے 7 روپے 41 پیسے اور صنعتی صارفین کیلئے بجلی 7 روپے 59 پیسے سستی کردی کرنے کا اعلان کیا۔ وزیراعظم نے کہا کہ عوام کو ریلیف حکومت کی اولین ترجیح ہے۔ پاکستان کی معاشی ترقی کے حوالے سے آپ کو خوشخبری سنانے آیا ہوں اور الحمدللہ وہ وعدہ پورا ہوا جو مسلم لیگ ن کے قائد میاں محمد نواز شریف نے اپنے منشور میں وعدہ کیا تھا۔ یہ بھی اعتراف کرنا چاہوں گا کہ اس سارے عمل میں آرمی چیف جنرل سید عاصم منیر کا کلیدی کردار رہا ہے۔وزیراعظم محمد شہباز شریف نے اسلام آباد میں بجلی کے نرخوں میں کمی کے حکومتی پیکج کے حوالے سے منعقدہ تقریب سے خطاب کرتے ہوئے کہا کہ عوام کو ریلیف حکومت کی اولین ترجیح ہے۔ پاکستان کی معاشی ترقی کے حوالے سے آپ کو خوشخبری سنانے آیا ہوں اور الحمدللہ وہ وعدہ پورا ہوا جو مسلم لیگ ن کے قائد میاں محمد نواز شریف نے اپنے منشور میں وعدہ کیا تھا۔ یہ بھی اعتراف کرنا چاہوں گا کہ اس سارے عمل میں آرمی چیف جنرل سید عاصم منیر کا کلیدی کردار رہا ہے۔ان کا کہنا تھا کہ ہم نے ایسے پر خطر اور دشوار گزار چیلنجز کا سامنا کرنا پڑا، جب ہم نے اقتدار سنبھالا تو ملک پر دیوالیہ ہونے کی تلوار لٹک رہی تھی۔ عوام پریشان تھے، عدم استحکام عروج پر تھا جبکہ آئی ایم ایف بات سننے کو تیار نہیں تھا۔ ڈسکوز کی نجکاری کرنا ہوگی، ہم کچھ عرصہ مزید محنت کرکے پھر حاضر ہوں گے اور بجلی مزید سستی کریں گے۔ ہمارے صنعتکار دن رات کام کریں، حکومت آپ کی خدمت کرے گی۔ میں آپہ سب کا چیف ایگزیکٹو آفیسر ہوں، وزیراعظم نہیں۔ ہم مسلسل محنت کے ذریعے پاکستان کو خودانحصاری پر لے جائیں گے۔شہباز شریف نے کہا کہ گزشتہ دور میں بجلی کے زائد نرخ نے لوگوں کو بے روزگار کیا، بجلی کا بل بھرنے والا سوچتا تھا کہ بچے کی دوائی کیسے خریدوں؟ یہ عوام کا قربانی بھرا دور ہے، آج میں ایک ادنی سا تحفہ قوم کو دینا چاہتا ہوں، قوم کا شکریہ ادا کرنا چاہوں گا، ہمارے قائد نواز شریف مشنور میں کہا تھا کہ مہنگائی 2026ء میں سنگل ڈیجٹ میں لے آئیں گے مگر یہ وعدہ 2025ء میں ہی پورا ہوگیا، ایک سال میں پیٹرول کی قیمت میں 38 فیصد کمی آئی، اس پورے خطے میں پیٹرول کی قیمت سب سے کم ہے۔انہوں نے کہا کہ اس سال محصولات کی وصولی میں 35 فیصد اضافہ کرنے جارہے ہیں، گزشتہ سال یہ شرح 30 فیصد تھی، اس سے قرض لینے میں کمی آجائے گی یہی بہتر ہے کہ ہم اپنی آمدنی خود پیدا کریں۔انہوں نے کہا کہ بجلی کی زائد قیمت ترقی کی راہ میں ہمالیہ کی مانند رکاوٹ ہے، ہماری زراعت، ایکسپورٹ اور صنعت کچھ بھی ترقی نہیں کرسکتی، جو ہوگیا سو ہوگیا، ہم ایک مشکل سفر طے کرکے آئے ہیں، بجلی سے متعلق بنائی گئی ٹاسک فورس یہاں موجود ہے جس نے دن رات کوششیں کیں جس نے بڑی مشکل سے آئی ایم ایف کو منایا، انہوں نے اچھے اچھے آپشن پیش کیے مگر آئی ایم ایف نے ہم نے انکار کیا، ہم نے پھر کوششیں کیں خدا خدا کرکے کفر ٹوٹا اور آئی ایم ایف راضی ہوا یوں سمجھیں کہ آئی ایم ایف نے ہم پر احسان کیا اور بجلی کی قیمت میں کمی کی اجازت دی۔آئی پی پیز کے معاملے پر انہوںنے کہا کہ میں تفصیل میں نہیں جانا چاہتا، آئی ایم ایف سے کہا کہ آپ نے بہت کمالیا اب قوم کو کچھ دیں اور بات کریں، اس ٹاسک فورس نے جس طرح آئی پی پیز سے بات کی اسے سراہا جائے، ٹیم کو سردار اویس لغاری نے لیڈ کیا، جنرل ظفر، محمد علی، سیکریٹری پاور و دیگر مبارک باد کے مستحق ہیں، اس ٹیم نے قوم کے تین ہزار 696 ارب روپے بچائے ہیں یہ وہ رقم ہے جو اگلے برسوں میں ادا ہونے جارہی تھی۔ان کا کہنا تھا کہ بجلی کا سرکلر ڈیٹ یعنی گردشی قرضہ دو ہزار 393 ارب روپ کا ہے اس کا بھی بندوبست کرلیا گیا ہے اگلے پانچ برس میں یہ قرضہ ہمیشہ کے لیے ختم ہوجائے گا اور گردش نہیں کرے بشرط یہ کہ ہم اپنا چال چلن تبدیل کریں۔وزیراعظم نے کہا کہ جنکو پاور پلانٹس سالہا سال سے بند پڑے ہیں ایک یونٹ پیدا نہیں ہورہا مگر سالانہ اربوں روپے دیے جارہے ہیں اس سے بڑا ظلم قوم پر کیا ہوگا؟ نقصان قوم کے بلوں میں جارہا ہے، یہ کینسر ہے جسے جڑ سے کاٹنا ہوگا، ہدایت دی کہ اس جنکو پلانٹ کو شفاف طریقے سے بیچ جائے، قبل ازیں ایک پاور پلانٹ بیچا ہے بند شدہ جو 9 ارب روپے میں بیچا ہے اس کا سالانہ سات ارب روپے خرچہ تھا، یہ کسی ایک حکومت کا پیدا کردہ نہیں 77 سالہ بوجھ ہے۔شہباز شریف نے کہا کہ ٹیکس کے مقدمات میں تیزی لانے پر چیف جسٹس کا شکر گزار ہوں کہ انہوں نے ایک ملاقات میں میری گزارشات سنیں، سندھ ہائی کورٹ نے صبح اسٹے آرڈر ختم کیا اور شام کو 23 ارب روپے قومی خزانے میں آگئے۔انہوں نے کہا کہ جون 2024ء میں گھریلو صارفین کے لیے بجلی کی قیمت 48 روپے 70پیسے تھی یہ قیمت کم ہوکر اس سال 45 پیسے 05 پیسے فی یونٹ ہوچکی ہے یعنی اس میں ساڑھے تین روپے کی کمی ہوئی اور میں آج اس میں مزید سات روپے 41 پیسے فی یونٹ کمی کا اعلان کرتا ہوں، گھریلو صارفین کو اب بجلی اوسطً 34 روپے 37 پیسے فی یونٹ میں فراہم کی جائے گی۔وزیراعظم نے کہا کہ جون 2024ء میں صنعتوں کے لیے بجلی کی قیمت 58 روپے 50پیسے تھی، بعد کے مہینوں میں یہ قیمت 48 روپے 19 پیسے ہوچکی ہے یعنی اس میں 10 روپے 30 پیسے کی کمی لائی گئی، آج میں اس میں مزید 7 روپے 59 پیسے کمی کا اعلان کرتا ہوں۔انہوں نے کہا کہ سالانہ 600 ارب روپے کی بجلی چوری ہوتی ہے ہمیں اس چوری کا خاتمہ کرنا ہے، اوپن مارکیٹ قائم کرکے بجلی سستی کرنی ہے، ڈسکوز کو فوری طور پر پرائیوٹ کرنا ہوگا، یہ اگلے اہداف ہیں، زندگی رہی تو بجلی کی قیمت مزید کریں گے۔

وزیراعظم نے بجلی کی قیمتوں میں 7 روپے 41 پیسے فی یونٹ کمی کا اعلان کردیا

گھریلو صارفین کو اب بجلی اوسطً 34 روپے 37 پیسے فی یونٹ فراہم کی جائے گی، شہباز شریف کا تقریب سے خطاب

بانی پاکستان تحریک انصاف (پی ٹی آئی) عمران خان سے ملاقاتوں کے لارجر بنچ کے فیصلے پر عملدرآمد نہ کرنے پر اسلام آباد ہائیکورٹ میں توہین عدالت کی درخواست دائر کر دی گئی۔ سینیٹ میں اپوزیشن لیڈر اور پی ٹی آئی رہنما شبلی فراز، سلمان اکرم راجا، شعیب شاہین و دیگر کی جانب سے درخواست دائر کی گئی۔سلمان اکرم راجا، شعیب شاہین و دیگر نے سینیٹ میں اپوزیشن لیڈر اور پی ٹی آئی رہنما شبلی فراز کی جانب سے درخواست دائر کی۔سیکریٹری داخلہ، سیکریٹری محکمہ داخلہ پنجاب اور سپرنٹنڈنٹ اڈیالہ جیل کو درخواست میں فریق بنایا گیا ہے۔ درخواست گزار کا موقف ہے کہ 24 مارچ کو کو لارجر بینچ نے بانی پی ٹی آئی سے ملاقاتوں کا فیصلہ دیا جس کے مطابق منگل اور جمعرات ملاقات کرانا ضروری ہے لیکن جیل حکام کی جانب سے فیصلے پر عمل درآمد نہیں کیا جا رہا۔استدعا کی گئی کہ عدالت جیل حکام و دیگر کے خلاف توہین عدالت کی کاروائی شروع کرے۔

عمران خان سےملاقات نہ کرانے پر اسلام آباد ہائیکورٹ میں توہین عدالت کی درخواست دائر

عدالت جیل حکام و دیگر کے خلاف توہین عدالت کی کاروائی شروع کرے، درخواست میں استدعا

حکومت سندھ نے پاکستان پیپلزپارٹی کے بانی اور سابق وزیراعظم ذوالفقار علی بھٹو کی 46 ویں برسی کے موقع پر 4 اپریل (بروز جمعہ) عام تعطیل کا اعلان کیا ہے۔تفصیلات کے مطابق چیف سیکرٹری سندھ کی جانب سے جاری کردہ نوٹیفکیشن کے مطابق صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں بند رہیں گی۔سابق وزیراعظم ذوالفقار علی بھٹو کی برسی کے موقع پر پیپلزپارٹی گڑھی خدا بخش میں تعزیتی اجتماع منعقد کرے گی، جس میں ملک بھر سے کارکنوں اور حامیوں کی بڑی تعداد کی شرکت متوقع ہے۔

سندھ حکومت نے کل 4 اپریل کو عام تعطیل کا اعلان کردیا،نوٹیفکیشن جاری

صوبے کے تمام سرکاری دفاتر، خودمختار ادارے، کارپوریشنز اور مقامی کونسلیں بند رہیں گی،نوٹیفکیشن جاری

امریکا نے ٹیرف جنگ کو دنیا بھر میں پھیلا دیا، امریکی صدر ڈونلڈ ٹرمپ نے امریکا میں داخل ہونے والی تمام غیر ملکی مصنوعات پر کم از کم 10 فیصد ٹیکس عائد کرنے کا اعلان کردیا۔ جبکہ پاکستان پر29 فیصد عائد کیا گیا ہے اور بھارت پر 26 فیصد ٹیکس عائد کردیا۔امریکی صدر ٹرمپ نے وائٹ ہاؤس میں جوابی ٹیرف کے ایگزیکٹو آرڈر پر دستخط کیے اور خطاب میں کہا کہ جوابی ٹیرف کا نفاذ امریکا کیلئے اچھا ہوگا، آج کا دن امریکی تاریخ کے اہم دنوں میں سے ایک ہے۔ امریکی صدر ٹرمپ نے وائٹ ہاؤس میں خطاب میں خطاب کرتے ہوئے کہا کہ ہمارے اتحادی 30 سال سے مراعات لے رہے ہیں۔امریکی مصنوعات پر  ڈیوٹیز لگانے والوں کو اب جواب ملے گا۔ اب میں آپ کو بتادوں کہ وہ دن گنے جاچکے ہیں، درآمدات پرٹیرف لگے گا۔ جوابی ٹیرف کا نفاذ امریکا کے لیے اچھا ہوگا۔ امریکا تمام درآمدات پر 10 فیصد ٹیکس عائد کرے گا۔صدر ٹرمپ نے  اپنے خطاب میں بیرون ملک گاڑیوں کی درآمد 25 فیصد ڈیوٹی عائد کرنے کا اعلان کیا۔ انہوں نے کہا کہ امریکا چین پر 34 فیصد اور یورپی یونین پر 20 فیصد اضافی ٹیرف عائد کرے گا۔امریکی صدر نے پاکستان پر 29 فیصد جوابی ٹیرف لگانے کا اعلان کیا اور کہا کہ پاکستان ہم سے 58 فیصد ٹیرف چارج کرتا ہے، امریکا بھارت پر 26، چین پر 34، یورپی یونین پر 20 فیصد ٹیرف عائد کرے گا، سعودی عرب، قطر اور افغانستان پر دس، دس فیصد ٹیرف عائد ہو گا۔امریکی صدر ڈونلڈ ٹرمپ نے کہا کہ بنگلا دیش پر37، جاپان پر 24، اسرائیل پر 17 اور برطانیہ پر 10 فیصد ٹیرف عائد کریں گے، گاڑیوں کی درآمد پر 25 فیصد اضافی ٹیکس عائد کریں گے، جوابی ٹیرف کا نفاذ امریکا کیلئے اچھا ہو گا، دوسرے ممالک کے ٹیرف سے امریکا کو نقصان پہنچا۔ڈونلڈ ٹرمپ کا کہنا تھا کہ آج ہماری اقتصادی آزادی کا دن ہے، محصولات سے حاصل رقم کو اپنے ٹیکسوں کو کم کرنے کیلئے استعمال کریں گے، برسوں امریکی شہریوں کو سائیڈ لائن رکھا گیا، دوسری قومیں طاقتور بن گئیں۔امریکی صدر کا مزید کہنا تھا کہ اب امریکا کی خوشحالی کی باری ہے،امریکی کی جانب سے عائد نئے ٹیرف کا نفاذ 9 اپریل سے ہوگا، امریکی صدر ڈونلڈ ٹرمپ نے جوابی ٹیرف کے ایگزیکٹو آرڈر پر دستخط بھی کر دیئے۔

ٹرمپ نے دنیا میں ٹیرف جنگ پھیلا دی، پاکستان پر بھارت سے زیادہ ٹیرف عائد

نئے ٹیرف 9 اپریل سے نافذالعمل ہوگا،امریکی صدر ٹرمپ نے ایگزیکٹو آرڈر پر دستخط کردیے

پاکستان سپر لیگ (پی ایس ایل) 10 کا آفیشل ترانہ جاری کردیا گیا ہے۔ پی ایس ایل کے دسویں سیزن کے ترانے میں معروف گلوکاروں نے آواز کا جادو جگایا ہے جن میں ابرارالحق، علی ظفر، نتاشا بیگ اور طلحہ انجم شامل ہیں۔چیف ایگزیکٹیو آفیسر ایچ بی ایل پی ایس ایل سلمان نصیر نے کہا کہ اس سال کے ترانے کا وژن پی ایس ایل کے دس سال مکمل ہونے کے سنگ میل کا جشن منانا ہے، اس ترانے کا نام’’ ایکس دیکھو‘‘رکھا گیا ہے جو گزشتہ دہائی میں پی ایس ایل کی کامیابیوں پر فخر کی نمائندگی کرتا ہے۔انہوں نے کہا کہ ابرار الحق بھی ترانے کے فنکاروں میں شامل، جو پہلی بار ایچ بی ایل پی ایس ایل میں شریک ہوئے، ترانے میں نامور گلوکار اور نغمہ نگار علی ظفر، نتاشا بیگ کی طاقتور آواز اور طلحہ انجم کا متحرک ریپ اسٹائل بھی شامل ہے۔سلمان نصیر نے کہا کہ مختلف پس منظر، انواع اور صوتی رینج سے تعلق رکھنے والے چاروں فنکار پاکستان کی صلاحیتوں کے رنگ کی عکاسی کرتے ہیں۔واضح رہے کہ پاکستان سپر لیگ کے دسویں ایڈیشن کا آغاز 11 اپریل سے ہورہا ہے۔پی ایس ایل 10 چار شہروں کراچی، لاہور، ملتان اور راولپنڈی میں کھیلی جائے گی،ملک کا سب سے بڑا کرکٹ میلہ آئندہ ماہ 18مئی تک جاری رہے گا۔

علی ظفرکی آواز میں پی ایس ایل 10کا آفیشل ترانہ جاری کردیا گیا

ترانے میں معروف گلوکاروں نے آواز کا جادو جگایا ہے جن میں ابرارالحق، علی ظفر، نتاشا بیگ اور طلحہ انجم شامل ہیں

عاصم افتخار احمد نے اقوام متحدہ میں پاکستان کے مستقل مندوب کا منصب سنبھال لیا۔ عاصم افتخار احمد نے 31 مارچ 2025 کو اپنی مدت مکمل کرنے کے بعد اس منصب سے سبکدوش ہونے والے سفیر منیر اکرم کی جگہ لی ہے۔سفیر عاصم افتخار احمد نے یو این سیکرٹری جنرل انتونیو گوتریس سے ملاقات کے دوران  اپنی سفارتی اسناد  انہیں پیش کر دیں اور اپنے پہلے خطاب میں کہا کہ عالمی برادری دوسروں کی خدمت کیلئے جانیں خطرے میں ڈالنے والوں کا تحفظ کرے، تنازعات والے علاقوں میں امدادی کارکنوں کو دھمکیوں اور گولیوں کا سامنا ہے۔انہوں نے کہا کہ غزہ سنگین بحران سےدوچار ہے ، فریقین کو لازمی طور پر انسانی قوانین پر عمل درآمد کرنا ہوگا۔ پاکستانی مندوب عاصم افتخار نے مطالبہ کیا کہ تحقیقات کے ذریعے خلاف ورزی کرنے والوں کو جوابدہ بنایا جائے  اور سلامتی کونسل کے ذریعے پابندیاں عائد کی جائیں اور قانونی کارروائی کی جائے۔ دوسری طرف پاکستان کے اقوام متحدہ میں سبکدوش ہونے والے مستقل مندوب منیر اکرم کے اعزاز میں پروقار الوداعی استقبالیہ کا انعقاد کیا گیا۔ استقبالیہ میں مستقل مندوب منیر اکرم کو ان کی شاندار خدمات پر خراج تحسین پیش کیا گیا، جنہوں نے عالمی سطح پر پاکستان کی نمائندگی اور سفارتی تعلقات کو مستحکم کرنے میں اہم کردار ادا کیا۔

عاصم افتخار نے اقوام متحدہ میں پاکستان کے مستقل مندوب کا منصب سنبھال لیا

عاصم افتخار احمد نےاپنی مدت مکمل کرنے کے بعد اس منصب سے سبکدوش ہونے والے سفیر منیر اکرم کی جگہ لی ہے

ترجمان وائٹ ہاؤس کیرولائن لیوٹ نے بھارت  کا امریکی زرعی مصنوعات پر 100 فیصد ٹیرف غیر منصفانہ قرار دے دیا۔ترجمان وائٹ ہاؤس کا کہنا ہے کہ بھارت کی جانب سے امریکی زرعی مصنوعات پر 100 فیصد ٹیرف غیرمنصفانہ ہے اور بھارت نے 100 فیصد ٹیرف عائد کرکے امریکا کو دھوکا دیا۔ترجمان نے کہا کہ امریکی مصنوعات پربھاری ٹیرف امریکی برآمدات کوعملاً ناممکن بنا دیتے ہیں۔کیرولائن لیوٹ نے بتایا کہ یورپی یونین نے امریکی دودھ کی مصنوعات پر 50 فیصد ٹیرف عائد کر رکھا ہے، جاپان نے امریکی چاول پر 700 اور کینیڈا نے امریکی مکھن اور پنیر پر 300 فیصد ٹیرف عائدکر رکھا ہے۔خیال رہے کہ امریکی صدر ٹرمپ نے اعلان کررکھا ہے کہ دو اپریل سے نافذ ہونے والے ٹیرف بڑے پیمانے پرہوں گے جبکہ امریکی صدر متعدد بار کہہ چکے دو اپریل سے نافذ ٹیرف امریکی معیشت کیلئے اہم موڑ ثابت ہوں گے۔

بھارت نے 100 فیصد ٹیرف عائد کرکے ہمیں دھوکا دیا، امریکا

امریکی مصنوعات پربھاری ٹیرف امریکی برآمدات کوعملاً ناممکن بنا دیتے ہیں، ترجمان وائٹ ہاؤس

راولپنڈی (این این آئی)سابق وزاعظم و پاکستان تحریک انصاف کے بانی عمران خان سے اڈیالہ جیل میں صوبہ خیبرپختونخوا کے وزیراعلیٰ علی امین گنڈاپور اور ان کے مشیر برائے اطلاعات بیرسٹرسیف نے ملاقات کی۔علی امین گنڈاپور اور بیرسٹرسیف کی بانی پی ٹی آئی سے ملاقات ڈھائی گھنٹے جاری رہی جس میں سیاسی صورتحال اور پارٹی امورپر گفتگو ہوئی۔علی امین گنڈا پور کی ڈیڑھ ماہ سے زائد عرصے کے بعد بانی پی ٹی آئی سے ملاقات ہوئی ہے۔ اڈیالا جیل کے اطراف سکیورٹی سخت اور اضافی نفری بھی تعینات رہی۔میڈیارپورٹس کے مطابق ملاقات میں خیبر پختونخوا کے انتظامی امور، سیاسی معاملات، اور گزشتہ روز اعظم سواتی کے بانی سے ملاقات میں اٹھائے گئے پارٹی عہدوں کی تقرریوں سے متعلق تحفظات، کے پی، بلوچستان میں امن و امان کی صورتحال پر تفصیلی بات چیت کی گئی جبکہ بانی پی ٹی آئی نے وزیر اعلی کو مختلف ہدایات بھی جاری کیں۔خیال رہے کہ گزشتہ روز بھی پی ٹی آئی رہنماؤں نے عمران خان سے جیل میں ملاقات کی تھی۔یاد رہے کہ اسلام آباد ہائیکورٹ نے عمران خان سے منگل اور جمعرات 2 دن کی ملاقات بحال کر دی تھی، عدالت عالیہ نے حکم دیا تھا کہ عمران خان سے ملاقات کے بعد میڈیا سے گفتگو نہیں ہو گی، سلمان اکرم راجا جو نام دیں گے صرف وہی ملاقات کر سکے گا۔

عمران خان سے جیل میں علی امین گنڈاپور اور بیرسٹرسیف کی ملاقات، سیاسی صورتحال پر تبادلہ خیال

ملاقات کانفرنس روم میں تقریبا ڈھائی گھنٹے تک جاری رہی، پی ٹی آئی رہنما ملاقات کے بعد اڈیالہ جیل سے واپس روانہ ہو گئے

صدر مملکت آصف علی زرداری کورونا وائرس کا شکار ہوگئے، ڈاکٹر عاصم حسین نے صدر کے کورونا ٹیسٹ مثبت آنے کی تصدیق کردی۔ اسلام آباد میں ایوان صدر سے جاری اعلامیہ کے مطابق صدر مملکت آصف علی زرداری کے پرسنل فزیشن ڈاکٹر عاصم حسین نے کہا ہے کہ مختلف ٹیسٹوں کے بعد اس بات کی تصدیق ہوئی ہے کہ صدر مملکت کورونا میں مبتلا ہیں اور انہیں اس وقت آئیسولیشن میں رہنے کا مشورہ دیا گیا ہے۔ایوان صدر سے جاری اعلامیہ کے مطابق انہوں نے کہا کہ ماہرین کی ایک ٹیم ان کی دیکھ بھال کر رہی اور صدر مملکت کی حالت بہتر ہے۔ڈاکٹر عاصم حسین نے بتایا کہ صدر مملکت کو آئیسولیشن میں رکھا گیا ہے، آصف علی زرداری انفیکشیئز ڈیزیز کے ماہرین کے زیر علاج ہیں۔انہوں نے بتایا کہ صدر مملکت سے ملاقاتوں پر مکمل پابندی ہے، ان کے ٹیسٹ کیے گئے ہیں اور مکمل مانیٹرنگ کی جا رہی ہے۔خیال رہے کہ گزشتہ روز صدر مملکت آصف علی زرداری کی طبیعت خراب ہونے کے بعد انہیں نواب شاہ سے کراچی منتقل کرکے نجی اسپتال میں داخل کروایا گیا تھا۔ ذرائع کا اس حوالے سے کہنا تھا کہ صدر زرداری کو انفیکشن اور بخار کی وجہ سے اسپتال داخل کیا گیا ہے، ان کے میڈیکل ٹیسٹ بھی کیے گئے۔قبل ازیں شرجیل میمن نے اپنے بیان میں کہا تھاکہ صدر آصف علی زرداری کو دبئی منتقل کرنے کی خبریں درست نہیں ہیں، وہ جلد مکمل صحت یاب ہوں گے۔

صدر مملکت آصف علی زر داری کورونا میں مبتلا ،آئیسولیشن میں رہنے کا مشورہ

ماہرین کی ایک ٹیم صدر آصف علی زرداری کی دیکھ بھال کر رہی ہے اور ان کی حالت بہتر ہے، ڈاکٹر عاصم حسین

امریکا میں تعلیم حاصل کرنے کے خواہشمند غیر ملکی طلبہ کے لیے ویزا لینا مزید مشکل ہونے والا ہے، کیونکہ امریکی حکومت نے اسٹوڈنٹ اور دیگر اقسام کے ویزوں کے لیے سخت اسکریننگ کا حکم دے دیا ہے۔میڈیارپورٹس کے مطابق امریکی وزیر خارجہ مارکو روبیو نے تمام امریکی سفارتخانوں کو ویزہ درخواست گزاروں کے سوشل میڈیا مواد کی جانچ کا حکم دیا ہے۔نیویارک ٹائمز کے مطابق یہ فیصلہ امریکا اور اسرائیل پر تنقید کرنے والوں کو روکنے کے لیے کیا گیا ہے۔امریکی حکام کے مطابق 7 اکتوبر 2023 سے 31 اگست 2024 کے درمیان اسٹوڈنٹ ویزا حاصل کرنے والے تمام افراد کی سوشل میڈیا سرگرمیاں اسکین کی جائیں گی۔ مراسلے میں کہا گیا ہے کہ اگر کسی درخواست گزار نے فلسطین کے حق میں یا اسرائیل کے خلاف سوشل میڈیا پر پوسٹ کی ہوگی، تو اس کی ویزا درخواست مسترد ہو سکتی ہے۔اس سے قبل امریکی صدر ڈونلڈ ٹرمپ نے ایک ایگزیکٹو آرڈر پر دستخط کیے تھے، جس کے تحت امریکی حکومت یا اسرائیل کے خلاف تنقید کرنے والے غیر ملکی شہریوں کو ڈی پورٹ کیا جا سکتا ہے۔امریکی وزیر خارجہ کے مراسلے میں کہا گیا ہے کہ تمام سفارتخانے ویزا درخواست گزاروں کی تفصیلات فراڈ کی روک تھام کرنے والے یونٹ کو فراہم کریں گے، جو ان کے سوشل میڈیا اکاؤنٹس کی اسکروٹنی کرے گا۔امریکا میں اسرائیل کے خلاف بڑھتی ہوئی تنقید کے بعد یہ اقدامات کیے جا رہے ہیں۔ اکتوبر 2023 میں اسرائیل کی جانب سے غزہ پر حملے کے بعد، فلسطین کے حق میں آواز بلند کرنے والے طلبہ کو نشانہ بنایا جا سکتا ہے۔

اب امریکا اوراسرائیل پرتنقید کرنے والوں کوامریکی اسٹوڈنٹ ویزا نہیں ملے گا

امریکی وزیر خارجہ نے اسٹوڈنٹ ویزوں کیلئے درخواستیں دینے والوں کی زیادہ سخت چھان بین کرنے کا حکم

امریکا نے ایرانی ڈرون نیٹ ورک پر پابندیاں عائد کر دیں، متحدہ عرب امارات اور چین کی کمپنیوں پر بھی پابندیاں عائد کر دی گئی ہیں۔تفصیلات کے مطابق امریکی محکمہ خارجہ اور امریکی محکمہ انصاف نے کہا ہے کہ ایران، عرب امارات اور چین کے 6 ادارے اور 2 ایرانیوں پر سنگین الزامات ہیں کہ یہ ادارے اور کمپنیاں ایران کیلئے ڈرون پرزہ جات فراہم کر رہے تھے۔انہوں نے مزید کہا ہے کہ ایران دہشت گردوں اور روس کو ڈرون فراہم کر رہا ہے، ایران کے فوجی نیٹ ورک کو تباہ کریں گے، ایرانی شہریوں کے خلاف مقدمہ درج کر لیا گیا ہے۔

امریکا نے ایران کے ڈرون نیٹ ورک پر سخت پابندیاں عائد کر دیں

امریکا کی جانب سےمتحدہ عرب امارات اور چین کی کمپنیوں پر بھی پابندیاں عائد کی گئی ہیں

نیوزی لینڈ نے پاکستان کو دوسرے ون ڈے میں شکست دیکر ٹی ٹوئنٹی کے بعد ون ڈے سیریز میں بھی کامیابی حاصل کرلی۔تفصیلات کے مطابق نیوزی لینڈ نے پاکستان کو دوسرا ون ڈے میچ بھی84رنز سے ہرا کر 3 میچز کی سیریز میں فیصلہ کُن برتری حاصل کرلی۔ سیریز کا آخری میچ 5 اپریل کو کھیلا جائے گا۔ہیملٹس کے سیڈون پارک میں کھیلے گئے ون ڈے میچ میں نیوزی لینڈ کی ٹیم نے مقررہ 50 اوورز میں 8 وکٹوں کے نقصان پر 292 رنز بنائے اورپاکستا ن کو جیت کیلئے293رنز کا ہدف دیا جواب میں پاکستانی ٹیم 42 ویں اوورز میں 208 رنز پر آؤٹ ہوگئی۔پاکستانی کپتان محمد رضوان نے ٹاس جیت کر پہلے نیوزی لینڈ کو بیٹنگ کی دعوت دی تھی۔پاکستانی بالرز نے اننگ کی شروعات میں اچھی کارکردگی دکھاتے ہوئے کیوی بیٹرز کو جارحانہ کھیل کھیلنے سے روکے رکھا۔نیوزی لینڈ کے اوپنر رائس ماریو 18 رنز کی اننگ کھیل کر آؤٹ ہوئے، انہیں محمد وسیم نے آوٹ کیا، ان کے ساتھ آئے نک کیلی کو حارث رؤف نے پویلین کی راہ دکھائی، نک کیلی نے 31 رنز بنائے۔اسی طرح ہنری نکولس 22، ڈیرل مچل 18، کپتان مائیکل بریسویل نے 17 اور محمد عباس نے 41 رنز کی اننگ کھیلی۔ ناتھن اسمتھ 8 اور بین سیئرز 6 رنز بناکر آؤٹ ہوئے۔ساتویں نمبر پر بیٹنگ کے لیے آئے مچل ہی نے نیوزی لینڈ کی بیٹنگ کو سہارا دیتے ہوئے 78 بالز پر 99 رنز کی عمدہ اننگ کھیلی اور ناٹ آوٹ رہے۔ ان کی اننگ میں 7 چھکے اور 7 چوکے شامل تھے۔پاکستان کی جانب سے محمد وسیم اور سفیان مقیم نے 2، 2 جبکہ فہیم اشرف، عاکف جاوید اور حارث رؤف نے ایک ایک وکٹ حاصل کی۔پاکستان ٹیم نے ہدف کے تعاقب کا آغاز مایوس کن انداز میں کیا، کیوی فاسٹ باؤلرز کے سامنے اوپنرز سمیت مڈل آرڈر بھی ناکام ثابت ہوا، آدھی ٹیم صرف 11.4 اوورز میں ہی واپس پویلین لوٹ گئی، ابتدائی 5 بیٹرز ڈبل فگر میں بھی داخل نہ ہوسکے۔عبداللہ شفیق ایک، امام الحق 3، بابر اعظم ایک، کپتان محمد رضوان 5 اور سلمان آغا 9 رنز بنا کر آؤٹ ہوئے۔پاکستان کی جانب سے فہیم اشرف نے سب سے زیادہ 73رنزاسکور کئے، نسیم شاہ نے41 گیندوں پرنصف سنچری مکمل کی۔ سلمان آغا9، محمد رضوان5، بابراعظم 1رن پر آؤٹ ہوئے، عبداللہ شفیق 1، امام الحق3، طیب طاہر13رنز بناسکے۔محمد وسیم جونیئر اور سفیان مقیم نے 2، 2 وکٹیں لیں جبکہ فہیم اشرف، عاکف جاوید اور حارث رؤف نے ایک، ایک وکٹ لی۔میچ کے لیے پاکستانی ٹیم میں 4 تبدیلیاں کی گئی تھیں۔پاکستانی ٹیم امام الحق ، عبداللہ شفیق ، بابراعظم ، محمد رضوان (کپتان)، سلمان علی آغا، طیب طاہر، فہیم اشرف، محمد وسیم جونیئر، حارث رؤف، سفیان مقیم اور عاکف جاوید پر مشتمل تھی۔سیریز کا پہلا میچ میں کھیلنے والے عثمان خان، محمد علی،  عرفان خان نیازی اور نسیم شاہ پاکستانی پلیئنگ الیون میں شامل نہیں تھے۔ اسی طرح نیوزی لینڈ کے اہم بیٹر مارک چیپمین ہیم اسٹرنگ انجری کے باعث ٹیم کا حصہ نہیں بن سکے۔خیال رہے نیوزی لینڈ کو 3 میچز پر مشتمل ون ڈے سیریز میں دو صفر کی برتری حاصل ہوگئی ہے۔

دوسرا ون ڈے،نیوزی لینڈ نے پاکستان کو 84رنز سے ہرا کرسیریز جیت لی

نیوزی لینڈ کے دیئے گئے 293 رنز کے ہدف کے تعاقب میں قومی ٹیم 208 رنز بناکر آئوٹ ہوگئی

انتظار کی گھڑیاں ختم ہونے کو ہیں، پاکستان کا سب سے بڑا کرکٹ میلا سجنے کو تیار ہے، پاکستان کرکٹ بورڈ نے ایچ بی ایل پی ایس ایل سیزن 10 کے اینتھم کا آفیشل ٹیزر جاری کر دیا۔ آفیشل ترانے میں معروف گلوکار علی ظفر پھر سے اپنی آواز کا جادو جگائیں گے، ان کے ساتھ ابرارالحق سمیت ابھرتی ہوئی گلوکارہ نتاشہ بیگ اور نوجوان ریپر طلحہ انجم بھی فن کا مظاہرہ کریں گے۔پاکستان سپر لیگ کے آفیشل سوشل میڈیا اکاؤنٹز پر جاری کیے گئے مختصر ٹیزر میں علی ظفر مختلف اسٹیپ کرتے ہوئے دکھائی دے رہے ہیں اور ساتھ ہی میوزک بج رہا ہے ،ٹیزر میں علی ظفر کو رقص کے انداز میں پیش کیا گیا ہے جو ایک الیکٹرک بیٹ کے ساتھ ہے، یہ ٹیزر ایک دلچسپ گانے کی توقعات کو بڑھا رہا ہے۔پی سی بی کے مطابق پی ایس ایل 10 کے آفیشل اینتھم کو جلد مکمل ریلیز کیا جائے گا جس کا کرکٹ کے دیوانے بے چینی سے انتظار کر رہے ۔قبل ازیں پی سی بی کی جانب سے پاکستان سپر لیگ سیزن 10 کے آفیشل اینتھم کی تیاری کی ویڈیو سوشل میڈیا پر جاری کی گئی تھی۔یاد رہے کہ پاکستان سپر لیگ کے دسویں ایڈیشن کا آغاز 11 اپریل سے ہوگا اور 18 مئی تک ملک کے 4 بڑے شہروں کراچی، لاہور، ملتان اور راولپنڈی میں میچز کھیلے جائیں گے۔

پاکستان سپرلیگ 10 کے آفیشل اینتھم کا شاندارٹریلر جاری کردیا گیا

گلوکار علی ظفر کو ٹیزر میں دیکھنے کے بعد مداح آفیشل اینتھم کے جلد ریلیز ہونے کا بے صبری سے انتظار کررہے ہیں

پاکستان تحریک انصاف کے بانی عمران خان نے کہا ہے کہ اگر پارٹی رہنماؤں پر کرپشن کے الزمات کی تحقیقات کرنے والی کمیٹی نے فیصلہ کیا ہے تو خیبر پختونخوا اسمبلی کے اسپیکر کو اپنے عہدے سے مستفی ہوجانا چاہیے۔تفصیلات کے مطابق اعظم خان سواتی نے میڈیا سے گفتگو کرتے ہوئے کہا کہ میری بانی پی ٹی آئی عمران خان سے اور دیگر 2لوگوں کے ہمراہ ملاقات ہوئی ہے۔بانی کو بتایا سلمان اکرم راجہ آپ کا سودا نہیں کرے گا۔میں نے بانی کو مانسہرہ کی کرپشن کے معاملات پر بتایا۔میں نے بانی کو بتایا کمیٹی کے معاملات سامنے لائے جائیں۔بانی نے کہا ہے کمیٹی نے فیصلہ کیا ہے تو اسپیکر کے پی اسمبلی کو مستعفی ہوجانا چاہیئے۔اعظم خان سواتی نے کہا کہ جنید اکبر کے بارے بھی بانی پی ٹی آئی کو بتایا۔بانی نے کہا ہے جنید اکبر کی کی گئی تعیناتیوں کو فوری واپس کیا جائے۔پنجاب کے معاملات پر بھی بانی کو بریف کیا۔بانی کو بتایا عالیہ حمزہ کا راستہ روکا جارہا ہے۔جنید اکبر کے بارے بانی کو بتایا کہ وہ اچھا کام کررہے ہیں۔سردار خان اور اکرام اللہ پر کرپشن کے چارجز ہیں۔اعظم خان سواتی نے مزید کہا کہ بانی کو بتایا انکو عہدے دئیے گئے ہیں۔ہم نے بانی کو ہر صورت جیل سے نکالنا ہے۔علی امین گنڈا پور کرپشن کے معاملات پر خاموش نہیں۔میں علی امین گنڈا کی اجازت سے بانی سے ملنے آیا ہوں۔اس موقع پر مبشر مقصود اعوان نے گفتگو کرتے ہوئے کہا کہ بانی نے کہا ہے انہیں کتابیں نہیں دی جارہی، بانی نے کہا  7 ماہ سے بچوں سے فون پر بات نہیں کرائی گئی، بانی نے کہا سیاسی ملاقاتیں بھی نہیں کرنے دی جارہی ہے۔ پی ٹی آئی کے سیکریٹری جنرل سلمان اکرم راجا نے کہا کہ میں اعظم خان سواتی کی بات پر جنید اکبر سے بات کرونگا، پنجاب میں اگر کوئی مسئلہ ہے تو اس پر بھی گفت شنید ہوسکتی ہے، پارٹی میں کوئی لڑائی نہیں چھوٹے موٹے معاملات چلتے رہتے ہیں۔

اسپیکر خیبر پختونخوا اسمبلی کو مستعفی ہوجانا چاہیے،بانی پی ٹی آئی عمران خان

بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی

امریکا کی جانب سے غزہ کی صورتحال کا ذمہ دار حماس کو قرار دے دیا گیا۔امریکی محکمہ خارجہ ٹیمی بروس نے پریس بریفنگ میں صحافیوں کو بتایا کہ غزہ کی موجودہ صورتحال کی ذمہ دار حماس کے اوپر عائد ہوتی ہے۔انہوں نے کہ ٹرمپ انتظامیہ اپنے تمام فیصلے امریکی عوام کی امنگوں کے عین مطابق کر رہی ہے، اسی وجہ سے ہم محفوظ ہیں اور احترام کے ساتھ اپنے اقدار کو نافذ کر رہے ہیں۔صدر ٹرمپ کے دور میں جب امریکا معاشی لحاظ سے مضبوط ہو جائے گا تو دنیا بھی ایک بہتر جگہ ہو گی۔ امریکی وزارت خارجہ کی ترجمان ٹیمی بروس سے سوال کیا گیا کہ ٹرمپ امریکا کو پھر سے عظیم بنانے کی کوشش کر رہے ہیں مگر مقبوضہ کشمیر اور افغانستان میں بھی لوگ ان کی طرف دیکھ رہے ہیں، جس پر ٹیمی بروس نے کہا کہ لوگ ٹرمپ پر اعتبار کرتے ہیں اسی لیے انہیں دوبارہ منتخب کیا گیا ہے۔ ترجمان امریکی محکمہ کارجہ نے مزید کہا کہ ایران کے پاسداران انقلاب گارڈ کو بین الاقوامی دہشت گرد قرار دیا جا چکا ہے،  ایران کو نیوکلیئر اور بیلسٹک میزائل پروگرام کا پھیلاؤ روکنا ہوگا۔اس کے علاوہ ٹیمی بروس کا کہنا تھا کہ  امریکا آنے والے افراد کو امریکی قوانین کی پابندی کرنا ہوگی۔واضح رہے کہ امریکی صدر ڈونلڈ ٹرمپ نے ایران کو دھمکی دیتے ہوئے کہا ہے کہ اگر ایران نے جوہری ہتھیار بنانے کا سلسلہ جاری رکھا تو اس پر بمباری کی جائے گی۔دوسری جانب ایران نے امریکی دھمکی پر ردعمل دیتے ہوئے کہا ہے کہ کوئی غلطی ہمیں انتہائی اقدام پر مجبور کر سکتی ہے۔ایرانی سپریم لیڈر کے مشیر علی لاریجانی نے ایرانی میڈیا سے گفتگو کرتے ہوئے کہا ہے کہ جوہری ہتھیاروں کے حصول کی جانب نہیں بڑھ رہے، حملہ ہوا تو جوہری ہتھیار حاصل کرنا مجبوری ہو گی، کوئی غلطی ہمیں انتہائی اقدام پر مجبور کر سکتی ہے، ایران کو ہر صورت اپنا دفاع یقینی بنانا ہے۔دوسری جانب ایرانی وزارت خارجہ نے کہا ہے کہ ایران پر بمباری کی کھلی دھمکی عالمی امن و سلامتی کی توہین ہے، تشدد تشدد اور امن امن کو جنم دیتا ہے، راستہ اور نتائج امریکا خود منتخب کر سکتا ہے۔علاوہ ازیں ایرانی پاسداران انقلاب گارڈز کے کمانڈر امیر علی حاجی زادہ نے امریکا کو وارننگ دیتے ہوئے کہا ہے کہ امریکا کو شیشے کے گھر میں رہ کر دوسروں پر پتھر نہیں پھینکنے چاہئیں۔

ایران کو نیوکلیئر اور بیلسٹک میزائل پروگرام کا پھیلاؤ روکنا ہوگا،امریکا

امریکا کی کوئی ایک غلطی ہمیں انتہائی اقدام پر مجبور کر سکتی ہے، ایران کا امریکی دھمکی پرردعمل

24-time Grand Slam winner Novak Djokovic has bagged his 90th US Open victory.

Novak Djokovic Claims 90th US Open Victory

24-time Grand Slam winner Novak Djokovic has bagged his 90th US Open victory. Djokovic, who is also the defending champion of the Men&rsquo;s Singles in the US Open won the 2024 title by defeating Serb compatriot Laslo Djere who retired in the third set of their second-round clash.

One of the tennis&rsquo; big four players, Djokovic, a four-time champion at the tournament and seeking a record 25th Grand Slam title, was leading 6-4, 6-4, 2-0 when Djere called it quits.

World number two Djokovic is now the only man to have won 90 matches at all four Grand Slams. He&rsquo;s only trailing behind Jannik Sinner who is the men&rsquo;s singles no.1.&nbsp;

Laslo Djere required a medical time-out to treat an injury just before dropping the second set.&nbsp;

&ldquo;It&rsquo;s not what we want to see when there&rsquo;s a retirement. Laslo had an injury which took him off the tour for some time and he&rsquo;s been struggling to come back,&rdquo; said Djokovic.

&ldquo;He&rsquo;s such a good player in these conditions and the second set should have been his, he was 4-2 up. I don&rsquo;t know if (my) winning the second set probably put more burden on him.&rdquo;

Novak Djokovic&rsquo;s next opponent will be Australia&rsquo;s Alexei Popyrin who he defeated at the Australian Open and Wimbledon this year with both matches going to four sets.

Popyrin is in great form having won the prestigious Montreal Masters on the eve of the US Open.

&ldquo;He&rsquo;s getting closer and closer and knocking on the door,&rdquo; said Djokovic of the world number 28 who has made the last 32 in New York for a third time.

The 37-year-old Novak Djokovic is the only fit one amongst tennis&rsquo; greatest 4 players. Roger Federer and Andy Murray have already officially retired from tennis, whereas Rafael Nadal&rsquo;s future is plagued with speculations and injuries.

Novak Djokovic Claims 90th US Open Victory

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan