Cricket

Entertainment

Football

پی ایس ایل10 میں اسلام آباد یونائیٹڈکی مسلسل تیسری فتح،پاکستان سپرلیگ 10 کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دیدی۔اسلام آبادیونائیٹڈکے  203 رنز کے تعاقب میں ملتان سلطانز کی پوری ٹیم 155رنز بنا کر آؤٹ ہو گئی۔قبل ازیںراولپنڈی کرکٹ سٹیڈیم میں کھیلے جانیوالے پی ایس ایل10 کے ساتویں میچ میں ملتان سلطانز کے کپتان محمد رضوان نے ٹاس جیت کر اسلام آباد یونائیٹڈ کے کپتان شاداب خان کو بیٹنگ کی دعوت دی تھی۔پہلے بیٹنگ کرتے ہوئے اسلام آباد یونائیٹڈ نے مقررہ 20 اوورز میں 6 وکٹوں کے نقصان پر 202 رنز بنائے۔صاحبزادہ فرحان نے ایک بار پھر عمدہ بیٹنگ کا مظاہرہ کرتے ہوئے 53 رنز بنائے، کولن منرو 48 رنز بناکر نمایاں رہے۔حیدرعلی نے 33 رنز بنائے، جیسن ہولڈر نے 32 رنز کی جارحانہ اننگز کھیل کر اپنی ٹیم کا ٹوٹل 202 تک پہنچانے میں اہم کردار ادا کیا۔ملتان سلطانز کی جانب سے کرس جورڈن نے 2 جبکہ ڈیوڈ ولی، اسامہ میر ، محمد حسنین اور عبید شاہ نے ایک ایک وکٹ حاصل کی۔اسلام آباد یونائیٹڈکے دیئے گئے 203 رنز کے تعاقب میں ملتان سلطانز کی پوری ٹیم 19ویں اوور میں 155رنز بنا کر آؤٹ ہو گئی۔ملتان کی جانب سے محمد رضوان 38 ، عثمان خان 31 اور افتخار احمد 32رنز بنا سکے۔اسلام آبادکی جانب سے جیسن ہولڈر نے 4 وکٹیں حاصل کیں جبکہ عماد وسیم نے 2 شکار کیے۔

پی ایس ایل 10،اسلام آباد یونائیٹڈ نے ملتان سلطانز کو 47 رنز سے ہرادیا

اسلام آبادیونائیٹڈکے 203 رنز کے تعاقب میں ملتان سلطانز کی پوری ٹیم 155رنزپر آؤٹ ہو گئی

ہالی ووڈ کی معروف اداکارہ کیٹ بلانچیٹ نے کہا ہے کہ انہوں نے زندگی میں دیگر چیزوں کے لیے اداکاری کو خیرباد کہنے کا فیصلہ کیا ہے۔ آسکر ایوارڈ یافتہ اداکارہ کیٹ بلانچیٹ نے حالیہ انٹرویو میں انکشاف کیا ہے کہ وہ اداکاری کو خیرباد کہنے پر سنجیدگی سے غور کر رہی ہیں۔ان کا کہنا ہے کہ وہ اب اپنی زندگی میں کچھ نیا کرنا چاہتی ہیں اور فلم، ٹی وی اور تھیٹر سے کنارہ کشی اختیار کرنے کا سوچ رہی ہیں۔ کیٹ نے برطانوی اخبار  دی اسٹینڈرڈ  سے بات کرتے ہوئے کہا کہ میرا خاندان میری اس بات پر آنکھیں گھما لیتا ہے، لیکن میں سنجیدہ ہوں۔ میں واقعی اداکاری چھوڑنے کا سوچ رہی ہوں۔ میری زندگی میں کرنے کو بہت کچھ ہے۔کیٹ بلانچیٹ نے 30 سال سے زائد عرصے پر محیط اپنے کیریئر میںالزبتھ،دی ایوی ایٹر اوربلو جیسمین جیسی فلموں میں شاندار اداکاری کی ہے۔ لیکن وہ کہتی ہیں کہ شہرت کی چمک دمک سے وہ کبھی مکمل طور پر مانوس نہیں ہو سکیں۔کیٹ نے شہرت سے اپنے پیچیدہ تعلق کے بارے میں بھی بات کی اور کہا کہ وہ اکثر خود کو اس دنیا میں اجنبی محسوس کرتی ہیں۔  اگرچہ وہ اداکاری چھوڑنے کا سوچ رہی ہیں، لیکن وہ اب بھی کام کر رہی ہیں۔ اس ہفتے کے آخر میں وہ  بی بی سی ریڈیو 4کے ریڈیو ڈرامےدی فیور میں پہلی بار سنائی دیں گی۔ یہ 90 منٹ کا ڈرامہ ایک ایسی مسافر خاتون کے گرد گھومتا ہے جو جنگ سے متاثرہ ملک میں بیمار ہو جاتی ہے۔اس پروجیکٹ کے بارے میں بات کرتے ہوئے کیٹ نے کہا کہ میں گاڑی کے اندر کے نفسیاتی ماحول سے بہت متاثر ہوں۔ میری اپنے بچوں سے سب سے گہری باتیں اکثر گاڑی میں ہی ہوتی ہیں۔کیٹ بلانچیٹ اپنے شاندار کام کے باعث دو آسکر ایوارڈز اور کئی بافٹا ایوارڈز جیت چکی ہیں۔ مگر اب وہ کہتی ہیں کہ وہ زندگی کا ایک نیا باب شروع کرنے کے لیے تیار ہیں۔

ہالی ووڈ کی معروف اداکارہ کیٹ بلانچیٹ نے اداکاری کو خیرباد کہنے کا فیصلہ کرلیا

کیٹ بلانچیٹ نے اپنے کیریئر میںالزبتھ،دی ایوی ایٹر اوربلو جیسمین جیسی فلموں میں شاندار اداکاری کی ہے

سونا مزید مہنگا ہونے سے ایک بار پھر تاریخ کی بلند ترین سطح پر پہنچ گیا۔آل پاکستان صرافہ جیمز اینڈ جیولرز ایسوسی ایشن کے مطابق ملک میں آج سونے کی فی تولہ قیمت میں 8600 روپے اضافہ دیکھنے میں آیا ہے جس کے بعد ایک تولہ سونا  3 لاکھ 48 ہزار روپے کا ہوگیا ہے۔ایسوسی ایشن کے مطابق 10 گرام سونے کی قیمت 7373 روپے اضافے کے بعد 2  لاکھ 98 ہزار 353 روپے ہوگئی ہے۔ عالمی مارکیٹ میں بھی سونے کی قیمت 46 ڈالر اضافے کے ساتھ3310  ڈالر فی اونس ہے۔دوسری جانب پاکستان اسٹاک ایکسچینج میں آج معمولی تیزی کے بعد مندی چھاگئی کاروباری ہفتے کے تیسرے روزا سٹاک مارکیٹ میں کاروبار کا آغاز مثبت زون میں ہوا، 500 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 17 ہزار 368 پوائنٹس کی سطح پر پہنچ گیا۔تاہم کاروباری روز کے اختتام پر اچانک مندی چھاگئی اور ہنڈرڈ انڈیکس 755 پوائنٹس کی کمی کیساتھ ایک لاکھ 16 ہزار 20 پوائنٹس کی سطح پر بند ہوا۔ادھر امریکی کرنسی کی قیمت میں 11 پیسے کی کمی ریکارڈ کی گئی جس کے باعث انٹربینک میں ڈالر 280 روپے 46 پیسے پر بند ہوا۔

سونا خریدنا خواب بن گیا،اسٹاک مارکیٹ میں بھی مندی

ملک سونے کی فی تولہ قیمت میں8ہزار600روپے کا بڑا اضافہ

امریکہ کے صدر ڈونلڈ ٹرمپ نے چین کی امپورٹس پر ٹیرف میں مزید ایک سو فیصد اضافہ کر کے یہ ٹیرف  245 فیصد کر دیاتفصیلات کے مطابق امریکی صدر ڈونلڈ ٹرمپ کے اقدامات کی وجہ سے تجارتی جنگ نے شدت اختیار کرلی ہے، اور اب ٹرمپ نے چینی مصنوعات پر ٹیرف بڑھا کر 245 فیصد کرنے کا حکم نامہ جاری کردیا۔وائٹ ہاؤس کے مطابق یہ فیصلہ چین کی جانب سے جوابی معاشی اقدامات کے ردعمل میں کیا گیا ہے۔ 15 اپریل کو جاری کردہ اس ایگزیکٹو آرڈر میں ٹرمپ نے کہا کہ چین کی غیر منصفانہ تجارتی پالیسیوں کا جواب دینا ضروری تھا۔وائٹ ہاؤس کے مطابق اس عرصے میں 75 سے زائد ممالک نے امریکا سے نئے تجارتی معاہدوں کے لیے رابطہ کیا، لیکن چین نے اس کے برعکس امریکا پر جوابی ٹیرف لگائے۔ اس پر صدر ٹرمپ کی حکومت نےفیصلہ کن اقتصادی کارروائی کرنے کا فیصلہ کیا۔بیان میں کہا گیا ہے کہ چین کی جانب سے ردعمل نے ہمیں یہ قدم اٹھانے پر مجبور کیا۔ ٹرمپ انتظامیہ کا دعویٰ ہے کہ یہ اقدام معاشی و قومی سلامتی دونوں حوالوں سے ضروری ہے۔معاشی ماہرین نے خبردار کیا ہے کہ اس طرح کے سخت اقدامات سے صارفین پر مہنگائی کا بوجھ بڑھے گا، عالمی تجارتی تعلقات مزید کشیدہ ہوں گے اور سپلائی چین میں رکاوٹیں پیدا ہوں گی۔یاد رہے کہ امریکا اور چین تجارتی جنگ میں آمنے سامنے آگئے، اس سے قبل امریکا کی جانب سے چین پر عائد کیا گیا ٹیرف 145 فیصد تھا، جبکہ جواب میں چین نے بھی امریکا پر 125 فیصد ٹیرف عائد کر رکھا ہے۔چین نے امریکی ٹیرف کے نفاذ کے بعد متبادل منڈیوں کی تلاش بھی شروع کردی ہے، اور امریکا کے سامنے گھٹنے نہ ٹیکنے کا فیصلہ کیا ہے۔

تجارتی جنگ میں شدت، ٹرمپ نے چینی درآمدات پر ٹیرف مزید بڑھا دیا

جوابی اقدامات کے باعث اب چین کو 245 فیصد ٹیرف کا سامنا کرنا ہوگا، وائٹ ہاؤس

اسلام آباد(این این آئی) سربراہ عوامی مسلم لیگ اور سابق وفاقی وزیر شیخ رشید احمد نے کہا ہے کہ میں نے سیاسی روزہ رکھا ہوا ہے، وقت آنے پر کھولوں گا۔سپریم کورٹ کے باہر میڈیا سے گفتگو کرتے ہوئے سابق وفاقی وزیر شیخ رشید احمد نے کہا کہ سیاست میں وقت کا انتخاب بہت ضروری ہوتا ہے، سیاسی روزہ رکھا ہوا ہے وقت آنے پر کھولوں گا۔عوامی مسلم لیگ کے سربراہ نے کہاکہ یہ روزہ طویل نہیں ہوسکتا، میں17 بار وزیر رہا ہوں ،معلوم ہےروزہ کب کھولنا ہے، پاکستان میں حالات بہتری کی جانب گامزن ہوں گے۔ انہوں نے ملک میں عدالتی نظام پر بھی تبصرہ کرتے ہوئے کہا کہ چار ماہ کے اندر 36 ہزار ملزمان کے ٹرائل کا حکم دیا گیا ہے، جو زمینی حقائق سے مطابقت نہیں رکھتا۔ ان کے مطابق، ان مقدمات میں سے 25 ہزار ملزمان مفرور ہیں، جبکہ انہوں نے طنزیہ انداز میں کہا، ’میری زندگی میں تو 36 ہزار ملزمان کا فیصلہ ہونا ممکن نہیں لگتا۔قبل ازیں سپریم کورٹ میں شیخ رشید کی بریت درخواست مسترد کرنے کیخلاف اپیل پر سماعت ہوئی، وکیل ذوالفقار نقوی نے کہا کہ شیخ رشید نے بریت درخواست مسترد کرنے کیخلاف اپیل کی ہے، شیخ رشید کی اپیل پر دلائل کی تاریخ رکھ لیں۔شیخ رشید کے وکیل سردار رازق نے کہا کہ میرے موکل کیخلاف کوئی ریفرنس نہیں۔چیف جسٹس یحییٰ آفریدی نے ریمارکس دیئے کہ ٹرائل کورٹ کا چار ماہ میں ٹرائل مکمل کرنے کا کہہ دیتے ہیں ، جسٹس شکیل احمد نے کہا کہ ٹرائل میں عدم شواہد پر بریت کی دلیل لے سکتے ہیں۔چیف جسٹس یحییٰ آفریدی نے ریمارکس دیئے کہ سپریم کورٹ نے ہائیکورٹ کا فیصلہ درست قرار دیا تو آپکے موکل کا حق متاثر ہو سکتا ہے، آپ اپنے موکل کو بتادیں کہ وہ سوچ لیں۔بعد ازاں عدالت نے کیس کی سماعت 22 اپریل تک ملتوی کردی۔علاوہ ازیں شیخ رشید سپریم کورٹ پیشی سے قبل جی ایچ کیو حملہ کیس میں راولپنڈی کی انسداد دہشتگردی کی خصوصی عدالت میں پیش ہوئے، عدالت میں حاضری لگوانے کے بعد روانہ ہوگئے، انہوں نے سپریم کورٹ میں کیس کے باعث عدالت سے جانے کی اجازت لی۔

سیاسی روزہ رکھا ہوا ہے، وقت آنے پر کھولوں گا، شیخ رشید احمد

سیاست میں وقت کا انتخاب بہت ضروری ہوتا ہے، میں 17 بار وزیر رہا ہوں معلوم ہے روزہ کب کھولناہے، سربراہ عوامی مسلم لیگ

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کے ساتویں میچ میں آج دفاعی چمپئن اسلام آباد یونائیٹڈ اورملتان سلطانز کی ٹیمیں آمنے سامنے ہوں گی ۔ راولپنڈی کرکٹ اسٹیڈیم میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔اسلام آباد یونائیٹڈ پہلے دونوں میچ جیت کر پوائنٹس ٹیبل پر سر فہرست ہے۔ پہلے میچ میں اس نے لاہور قلندرز کے خلاف 8 وکٹوں جبکہ دوسرے میچ میں پشاور زلمی کے خلاف 102 رنز سے کامیابی حاصل کی تھی۔اسلام آباد کو آل راؤنڈر شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، صاحبزادہ فرحان، عماد وسیم اور سلمان آغا شامل ہیں۔ ملتان سلطانز کو پہلے میچ میں کراچی کنگز کے ہاتھوں 4 وکٹوں سے شکست کا سامنا کرنا پڑا تھا۔ سلطانز کی ٹیم وکٹ کیپر بیٹر محمد رضوان کی زیر قیادت میدان میں اترے گی۔ اس ٹیم میں مائیکل بریسویل، شائی ہوپ، کرس جورڈن، افتخار احمد، ڈیوڈ ولی جیسے تجربہ کار کھلاڑی شامل ہیں۔پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔ شائقین کرکٹ راولپنڈی کے تاریخی اسٹیڈیم میں ایک دلچسپ اور سنسنی خیز مقابلے کی توقع کر رہے ہیں۔ میچ کی تمام تیاریاں مکمل کر لی گئی ہیں اور راولپنڈی پولیس کی جانب سے سیکیورٹی کے سخت انتظامات کیے گئے ہیں۔

پی ایس ایل 10، ساتواں میچ آج اسلام آباد یونائیٹڈ اور ملتان سلطانز کے درمیان ہوگا

میچ رات 8 بجے شروع ہو گا ،پوائنٹس ٹیبل پراسلام آبادیونائیٹڈ کے4 جبکہ ملتان سلطانز کا صفر پوائنٹ ہے

کراچی کی 11 مرکزی سڑکوں پرغیرقانونی رکشوں کی آمدورفت پر پابندی عائد کردی گئی ہے جس کا اطلاق بھی ہوگیا۔تفصیلات کے مطابق شہر قائد میں ون پلس ٹو اور ون پلس فور موٹر کیب ایم سی آر رکشاؤں پر 2 ماہ کی پابندی عائد کر دی ہے، جو کہ ڈی آئی جی ٹریفک کی سفارش پر 144 سی آر پی سی کے تحت لگائی گئی ہے۔کمشنر کراچی حسن نقوی نے شہر کی 11 مرکزی شاہراہوں پر غیر قانونی رکشوں کی آمد و رفت پر پابندی عائد کرنے کا حکم جاری کر دیا ہے۔ ٹریفک پولیس کی سفارش پر لگائی گئی یہ پابندی 15 اپریل سے نافذ ہو کر 14 جون 2025 تک مؤثر رہے گی۔جبکہ خلاف ورزی پر دفعہ 188 پی پی سی کے تحت کارروائی عمل میں لائی جائیگی۔ میڈیارپورٹس کے مطابق شارع فیصل، آئی آئی چندریگر روڈ، شہید ملت روڈ سمیت اہم شاہراہوں پر رکشے چلانے پر پابندی ہوگی،اہم سڑکوں میں شارع فیصل، آواری لائٹ سگنل سے مادام اپارٹمنٹ، آئی آئی چند ریگر روڈ، ٹاور سے شاہین کمپلیکس تک دونوں طرح کے موٹر کیب رکشاؤں ون پلس ٹو اور ون پلس فور ایم سی آر پر پابندی عائد ہوگی ۔جبکہ ون پلس فور ایم سی آر شہر کی دیگر شاہراہوں جس میں شارع قائدین نمائش سے شارع فیصل نرسری ، شیر شاہ سوری روڈ میٹرک بورڈ آفس سے ناگن چورنگی ، شہید ملت روڈ جیل چورنگی سے شہید ملت ایکسپریس وے ، عبداللہ ہارون روڈ 2 تلوار سے ہاشو سینٹر موبائل مارکیٹ براستہ ہوشنگ خیابان اقبال ، 2 تلوار سے شارع فردوس عبداللہ شاہ غازی مزار ، اسٹیڈیم روڈ میلینئم مال سے تھانہ نیو ٹاؤن ، سر شاہ سلیمان روڈ سر حبیب ابراہیم رحمت اللہ روڈ سے حسن اسکوائر کار ساز تک ، راشد منہاس روڈ پر ڈرگ روڈ سے سہراب گوٹھ تک جبکہ ماڑی پور روڈ پر گلبائی سے آئی سی آئی پل تک پابندی عائد ہوگی۔ نوٹیفکیشن کے مطابق ون پلس ٹو اور ون پلس فور ایم سی آر رکشاؤں کے مختلف غیر مجاز اور خود ساختہ غیر قانونی روٹس اور غیر قانونی اسٹینڈز قائم ہیں جو کہ ٹریفک کی روانی میں رکاوٹ کا باعث بنتے ہیں جبکہ کمشنر کراچی کی جانب سے تمام ایس ایچ اوز کو ہدایت جاری کی گئی ہے کہ پابندی کی خلاف ورزی پر دفعہ 188 کے تحت قانونی کارروائی عمل میں لائی جائے۔کمشنر کراچی حسن نقوی کے مطابق ٹریفک پولیس کو شکایات درج کرانے اور کارروائی کا اختیار دے دیا گیا ہے، تمام اسٹین ہاؤس آفیسرز (ایس ایچ اوز) ٹریفک پولیس کے سیکشن آفیسرز (ایس اوز) کو بھی ہدایت جاری کردی گئی ہے، پابندی کی خلاف ورزی پر سخت ایکشن لیا جائے۔

کراچی کی 11 مرکزی سڑکوں پر غیر قانونی رکشوں کی آمدورفت پر 2 ماہ کیلئے پابندی عائد

یہ پابندی 15 اپریل سے 14 جون 2025 تک نافذ العمل ہوگی، پابندی پر عمل نہ کرنے والوں کے خلاف ایکشن لیا جائے گا

کراچی (این این آئی)سندھ کابینہ نے تمام پلاسٹک بیگز پر پابندی عائد کردی۔ اب پلاسٹک بیگ کے کاروبار اور خریداری پر پابندی ہوگی۔کراچی میں وزیراعلی سندھ سید مراد علی شاہ کی زیر صدارت صوبائی کابینہ کا اجلاس ہوا جس میں اہم فیصلے لیے گئے۔ اجلاس کے دوران سندھ کابینہ نے تمام پلاسٹک بیگ پر پابندی عائد کرنے کا فیصلہ لیا۔ ان پلاسٹک بیگز  میں شاپنگ بیگ، پلاسٹک کیریئر بیگ بھی شامل ہیں۔سندھ حکومت نے پابندی لگانے کیلئے سندھ پروہیبیشن آف نان ڈی گریڈ ایبل پلاسٹک پروڈکٹس رولز 2024 میں ترمیم کی منظوری دی جس کے تحت صوبے بھر میں تمام اقسام کی پلاسٹک شاپنگ بیگز، بشمول نان ڈیگریڈیبل اور اوکسوڈیگریڈیبل بیگز کی تیاری، فروخت اور استعمال پر پابندی عائد کی جائے گی۔ یہ پابندی کابینہ کی منظوری کے ساٹھ روز بعد نافذ العمل ہو گی۔ کابینہ کے فیصلے کے بعد اب پلاسٹک بیگ کے کاروبار اور خریداری پر پابندی عائد ہوگی۔ اسی طرح سندھ کابینہ نے اسمبلی کی سب کمیٹی کی سفارش پر فرسٹ ایئر کراچی بورڈ کے طلبہ کو گریس مارک دینے کی منظوری بھی دے دی۔اعلامیے کے مطابق گریس مارک تمام طلبہ و طالبات کو 20 فیصد کیمسٹری، فزکس اور ریاضی کے مضامین میں دیئے جائیں گے، وزیراعلیٰ سندھ نے یواینڈ بی کو بورڈز میں اصلاحات لانے کی ہدایت دے دی۔وزیراعلیٰ سندھ نے چیف سیکریٹری کو ہدایت دی کہ وہ ایک ہائی لیول کمیٹی بنائیں، جو تمام تعلیمی بورڈز میں بے ضابطگیوں کی تحقیقات کر کے رپورٹ دے گی۔

حکومت سندھ نے تمام قسم کے پلاسٹک بیگز پر پابندی عائد کردی

سندھ کابینہ نےانٹر کےطلبہ کو گریس مارک دینے کی منظوری بھی دیدی

پنجاب، خیبرپختونخوا اور آزاد کشمیر میں زمین زلزلے سے لرز اٹھی۔اسلام آباد، خیبرپختونخوا اور پنجاب میں زلزلے کے جھٹکے محسوس کیے گئے۔صبح سویرے آنے والے زلزلے کے جھٹکے اسلام آباد اور راولپنڈی جبکہ لاہورسمیت پنجاب کے دیگرشہروں میں محسوس کیے گئے۔تفصیلات کے مطابق اسلام آباد، لاہور، پشاور، راولپنڈی، گجرات، ظفروال، اور سرائے عالمگیر میں زمین لرز اٹھی۔ اس کے علاوہ مالاکنڈ، نوشہرہ، شانگلہ، چترال، لنڈی کوتل، مانسہرہ، سوات، ایبٹ آباد، مردان، اور ہری پور میں بھی زلزلے کے اثرات دیکھنے میں آئے۔آزاد کشمیر کے علاقوں، خاص طور پر بھمبر اور سماہنی میں بھی جھٹکے محسوس کیے گئے، جس سے مقامی آبادی میں خوف کی لہر دوڑ گئی۔ شہری گھبرا کر گھروں سے باہر نکل آئے۔زلزلہ پیما مرکز کے مطابق، ریکٹر اسکیل پر زلزلے کی شدت 5.3 ریکارڈ کی گئی، جبکہ اس کی گہرائی 121 کلومیٹر تھی۔ زلزلے کا مرکز ہندوکش، افغانستان کا علاقہ تھا۔ عالمی زلزلہ پیما ادارے نے اس کی شدت 5.6 بتائی ہے۔ جھٹکے افغانستان کے ساتھ ساتھ ازبکستان اور تاجکستان میں بھی محسوس کیے گئے۔تاحال کسی جانی یا مالی نقصان کی اطلاع موصول نہیں ہوئی، تاہم متعلقہ ادارے صورتحال پر نظر رکھے ہوئے ہیں۔ ماہرین نے عوام سے اپیل کی ہے کہ وہ زلزلوں کے دوران احتیاطی تدابیر اختیار کریں اور افواہوں سے گریز کریں۔

ملک کے مختلف شہروں میں زلزلے کے شدید جھٹکے، شہریوں میں خوف و ہراس

زلزلے کا مرکز ہندوکش، افغانستان کا علاقہ تھا،تاحال کسی جانی یا مالی نقصان کی اطلاع موصول نہیں ہوئی

حکومت نے پیٹرول اور ڈیزل کی قیمتیں برقرار رکھنے کا فیصلہ کیا ہے، اس حوالے سےوزارت خزانہ نے قیمتیں مستحکم رکھنے کا نوٹیفکیشن جاری کر دیا۔تفصیلات کے مطابق وفاقی حکومت نے پاکستان میں پیٹرولیم مصنوعات کی قیمتیں اگلے 15 دن تک برقرار رکھنے کا اعلان کیا ہے، جاری نوٹیفکیشن کے مطابق پیٹرول کی قیمت 254 روپے 63 پیسے فی لیٹر پر برقرار رکھی گئی ہے،جبکہ ہائی اسپیڈ ڈیزل کی قیمت بھی 258 روپے 64 پیسے فی لیٹر پر برقرار ہے، پیٹرول اور ڈیزل کی قیمتیں 30 اپریل تک برقرار رہیں گی۔اس سے قبل وزیراعظم کی زیر صدارت وفاقی کابینہ کے اجلاس میں پیٹرولیم ڈویژن کی سفارش پر پیٹرولیم مصنوعات (پیٹرولیم لیوی) آرڈیننس 1961 میں ترمیم کی منظوری دے دی گئی تھی۔وزیر اعظم شہباز شریف نے کہا تھا کہ عالمی منڈی میں تیل کی قیمت کم ہوئی ہے، اس کا فائدہ عوام کو منتقل کرنے کے بجائے بلوچستان پرلگائیں گے۔اجلاس میں وزیراعظم نے اعلان کیا تھا کہ بلوچستان کی سب سے اہم قومی شاہراہ کو موٹروے کے معیار پر دو رویہ کیا جائے گا۔دوسری طرف حکومت کی جانب سے پیٹرولیم لیوی ایک بار پھر بڑھا دی گئی ہے، پیٹرول پر لیوی 8 روپے 2 پیسے فی لیٹر بڑھائی گئی ہے، پیٹرول پر لیوی 70 روپے تھی، جو اب 78 روپے 72 پیسے ہو گئی ہے۔ڈیزل پر لیوی 7 روپے ایک پیسے فی لیٹر بڑھا دی گئی، ڈیزل پر لیوی 70 روپے سے بڑھا کر 77 روپے ایک پیسے فی لیٹر کر دی گئی ہے، پیٹرولیم لیوی میں اضافہ صدارتی آرڈیننس کے ذریعے کیا گیا ہے۔

حکومت کا پٹرولیم مصنوعات کی قیمتیں برقرار رکھنے کا فیصلہ، نوٹیفکیشن جاری

پٹرول کی قیمت 254 روپے 63 پیسے فی لیٹر جبکہ ڈیزل کی قیمت 258روپے 64 پیسے فی لیٹر برقرار رہے گی

عالمی کریڈٹ ریٹنگ کمپنی فچ نے پاکستان کا معاشی منظر نامہ بڑھا کر مستحکم قرار دیتے ہوئے اس کی کریڈٹ ریٹنگ بہتر کر دی ہے۔ تفصیلات کے مطابق عالمی ریٹنگ ایجنسی فچ ریٹنگز نے پاکستان کی مالی کارکردگی میں بہتری، افراط زر میں کمی اور معاشی استحکام کا اعتراف کرتے ہوئے پاکستان کی غیرملکی کرنسی کی طویل مدتی کریڈٹ ریٹنگ ٹرپل سی پلس سے بہتر کرکے بی مائنس کردی ہے اور آؤٹ لک کو مستحکم قرار دیا ہے۔فچ اعلامیے  میں کہا گیا ہے کہ کم تیل کی قیمتیں پاکستان کے لیے ریلیف کا ذریعہ ہیں ، پاکستان مالی خسارے کو کم کرنے اور ساختی اصلاحات پر عمل درآمد میں پیش رفت کر رہا ہے،اصلاحات آئی ایم ایف پروگرام کی کارکردگی اور مالی وسائل کی دستیابی کو سہارا دیں گی، توقع ہے کہ سخت معاشی پالیسیاں جاری رہیں گی ۔فچ اعلامیے کے مطابق  پالیسی کا تسلسل زرمبادلہ کی بحالی اور فنانسنگ کی طلب کو کنٹرول کرنے میں معاون ہوگا، پاکستان کے لیے پالیسی عمل درآمد کے خطرات موجود ہیں اور مالی ضروریات اب بھی زائد ہیں،عالمی تجارتی کشیدگی اور مارکیٹ میں اتار چڑھاؤ بیرونی دباؤ پیدا کر سکتے ہیں ، کم تیل کی قیمتوں، برآمدات اور مارکیٹ سے مالی وسائل پر کم انحصار سے خطرات میں کمی ہوگی۔ریٹنگ کی بہتری کے ساتھ جاری اپنے جائزے میں فچ نے کہا ہے کہ پاکستان کی معاشی ترقی کی شرح نمو تین فیصد تک رہنے کا امکان ہے بجٹ خسارہ مالی سال کے اختتام پر جی ڈی پی کے چھ فیصد تک رہنے کا امکان ہے رواں مالی سال افراط زر کی شرح 5فیصد تک رہنے کا بھی امکان ہے۔دوسری جانب وزیر خزانہ محمد اورنگزیب کا کہنا ہے کہ فچ ریٹنگز کی جانب سے پاکستان کی ریٹنگ کو ٹرپل سی پلس سے بی مائنس کرنا ہماری معاشی اصلاحات اور پالیسیوں پر اعتماد کا بھرپور اظہار ہے، فچ ریٹنگز نے تین سال کے طویل عرصہ کے بعد پاکستان کی ریٹنگ کو اپ گریڈ کیا ہے اور ہمارے معاشی آؤٹ لک کو مستحکم قرار دیا ہے ۔انہوں نے کہا کہ فچ ریٹنگز کے اقدامات سے حکومت کے معاشی ایجنڈے کو مزید تقویت ملے گی، اس پیش رفت کے بعد ملک میں مزید سرمایہ کاری، تجارت، روزگار کے مواقع میں اضافے، صنعتی ترقی اور اضافی مالی وسائل  دستیاب ہوں گے، حکومت معاشی اصلاحات اور معاشی استحکام کا سفر جاری رکھے گی۔ وزیر خزانہ محمد اورنگزیب نے کہا کہ آنے والے وقتوں میں ملکی معیشت میں مزید بہتری اور استحکام آئے گا، آگے چل کر عالمی ریٹنگ ایجنسیوں، سرمایہ کاروں اور مالیاتی اداروں کا پاکستان پر اعتماد اور بھروسہ مزید بڑھے گا۔

بین الاقوامی ریٹنگ ایجنسی فچ نے پاکستان کی کریڈٹ ریٹنگ بہتر کردی

پاکستان کی غیرملکی ڈیفالٹ ریٹنگ ٹرپل سے بڑھا کر بی مائنس کردی گئی ہے

ایچ بی ایل پی ایس ایل 10 کے چھٹے میچ میں لاہور قلندرز نے کراچی کنگز کو65رنز سے شکست دے دی، کراچی کنگز 202 رنز کے تعاقب میں 136 رنز پر آئوٹ ہوگئی۔خوشدل شاہ 39 رنز بنا کر نمایاں رہے، حسن علی 27 رنز بناسکے، کپتان ڈیوڈ وارنر اور جیمز ونس بغیر کوئی رن بنائے آؤٹ ہوئے۔ قبل ازیں کراچی میں کھیلے گئے میچ میں لاہور قلندرز کےکپتان شاہین شاہ آفریدی نےکراچی کنگز کے خلاف ٹاس جیت کر بیٹنگ کا فیصلہ کیا۔لاہور قلندرز  نے پہلےکھیلتے ہوئے مقررہ 20 اوورز میں 6 کھلاڑیوں کے نقصان پر 201 رنز بنائے۔لاہور قلندرز کی جانب سے اوپنر بلے باز فخر زمان 76 اور ڈیرل مچل 75 رنز کیساتھ نمایاں رہے، محمد نعیم 7، عبداللہ شفیق 6، سیم بلنگز 19 اور رشاد حسین 2 رنز بناکر پویلین لوٹ گئے جبکہ سکندر رضا 10 رنز کیساتھ ناٹ آؤٹ رہے۔کراچی کنگز کی جانب سے حسن علی نے 4 جبکہ عباس آفریدی نے ایک وکٹ حاصل کی۔202رنز کے ہدف کے تعاقب میں کراچی کنگز کی بیٹنگ کو ابتدا میں ہی لاہورقلندرز کے کپتان شاہین آفریدی نے دبوچ لیا، پہلے ہی اوور میں کراچی کنگز کے کپتان ڈیوڈ وارنر اور گزشتہ میچ کے ہیرو جیمز ونس کو صفر پر پویلین لوٹا دیا۔ کراچی کنگز کی جانب سے ٹم سیفرٹ اور شان مسعود 18، 18، عرفان خان 6، حسن علی 27، عباس آفریدی ایک رن بناکر آؤٹ ہوگئے جبکہ عرفان منہاس بغیر کوئی رن بنائے چلتے بنے۔لاہور قلندرز کی جانب سے شاہین شاہ آفریدی اور رشاد حسین نے 3، 3 ، سکندر رضا نے 2 جبکہ آصف آفریدی اور حارث رؤف نے ایک ایک وکٹ حاصل کی۔

پی ایس ایل 10،لاہور قلندرز نے کراچی کنگز کو 65 رنز سے ہرادیا

لاہورقلندرز کے دیئے گئے202رنز کے تعاقب میں کراچی کنگز کی ٹیم136رنز بنا کرآئوٹ ہوگئی

وزیراعظم پاکستان شہباز شریف نے کہا ہے کہ عالمی مارکیٹ میں پیٹرولیم مصنوعات کی قیمتوں میں کمی ہوئی ہے لیکن ہم یہ فائدہ عوام کو منتقل نہیں کررہے، اس رقم سے بلوچستان میں موٹروے طرز کی نیشنل ہائی وے بنانے جارہے ہیں۔وفاقی کابینہ اجلاس کے شرکاء سے خطاب کرتے ہوئے وزیر اعظم شہباز شریف  نے اعلان کیا کہ  بین الاقوامی مارکیٹ میں پیٹرولیم مصنوعات کی قیمتوں میں ہونے والی کمی کو صارفین تک منتقل کرنے کی بجائے اس رقم کو بلوچستان کی سب اہم شاہراہ N- 25 (چمن،کوئٹہ،قلاتـ،خضدار، کراچی شاہراہ) کو دو رویہ کرنے میں استعمال کیا جائے گا تاکہ بلوچستان کے عوام کو سفر کی بہترین سہولیات میسر آسکیں۔ شہباز شریف نے کہا کہ اب ایک موقع پھر آیا ہے کہ عالمی منڈیوں میں تیل کی قیمتیں پھر نیچے آئی ہیں، حالیہ جو قیمتیں گری ہیں، یوکرین کی جنگ بند ہونے سے متعلق خبروں یا ابھی ٹیرف لگنے کی وجہ سے بھی قیمتوں کا اتار چڑھاؤ جاری ہے۔وزیراعظم نے کہا کہ آج 15 اپریل ہے تو آج تیل اور پٹرول کی قیمت کم ہونے جا رہی ہیں اور ابھی اس کا اعلان ہوجائے گا۔انہوں نے کہا کہ جو کمی آرہی ہے اس کو ہم نے روکنے کا سوچا ہے تاکہ قوم کے زخموں کی مرہم پٹی کی جائے اور ان کو شفایاب کرسکیں، اس سلسلے میں ہم نے بڑی سوچ و بچار کے بعد طے کیا ہے کہ کراچی، قلات، خضدار، کوئٹہ اور چمن کے سنگل روڈ کو خونی روڈ کہا جاتا ہے لیکن فنڈز کے بغیر یہ مکمل نہیں ہوگا۔ان کا کہنا تھا کہ کے پی سے لے کر سکھر تک بہترین موٹروے بن چکی ہے، اب آگے سکھر-حیدرآباد-کراچی بننے والا ہے، امید ہے ایم 6 اور ایم 9 وفاق شفاف طریقے سے خود بنائے گا، جس طرح نواز شریف نے دیگر موٹرویز بنائی ہیں اسی طرح یہ موٹروے بھی وفاق خود بنائے گا اور اعلیٰ معیار کی موٹر وے ہوگی جو سکھر سے حیدرآباد اور حیدرآباد سے کراچی ہوگی۔ان کا کہنا تھا کہ اس خونی سڑک نے دو ہزار لوگوں کو نگل لیا ہے، سیاسی اور سماجی طور پر بھی بلوچستان دیکھ رہا ہے کہ مردان سے سکھر تک موٹر وے بن گئی ہے، جس پر کئی 100 ارب لگے ہیں تو ہم نے کیا بگاڑا ہے کہ ہمارے ہاں ایسی کوئی سڑک نہیں ہے، 2022 میں دو رویہ ہائی وے بنانے کا سنگ بنیاد رکھا تھا جس پر خاطر خوا کام نہیں ہوا۔شہباز شریف نے کہا کہ ہم نے بہت سوچ و بچار کے بعد طے کیا ہے، میرا ایمان ہے کہ چاروں صوبے چار بھائیوں کی طرح ہیں، اگر ایک روٹی ہے تو چاروں بھائی اس کے چار حصے کرکے کھائیں گے اور اللہ کا شکر ادا کریں گے اور اسی طرح جب 4 روٹیاں ہوں گی تو چاروں بھائی ایک ایک روٹی کھائیں گے، اسی طرح جتنی رقم بڑھے گی اسی طرح صوبوں کا حصہ بھی بڑے گا۔انہوں نے کہا کہ بلوچستان کا پاکستان کا سب سے بڑا صوبہ ہے اور اس فاصلے اتنے زیادہ ہیں اور ان کو پر کرنے کے لیے سرمایہ کاری بھی اتنی زیادہ درکا ہے، حکومت جو ہزاروں ٹیوب ویل لگا رہی ہے، سرفراز بگٹی کی حکومت بھی اس میں حصہ ڈال رہی ہے، 70 فیصد وفاقی حکومت حصہ ڈال رہی ہے اور باقی صوبائی حکومت کا حصہ ہے۔ وزیراعظم نے کہا کہ اس خونی سڑک کو ہم نے خوش حالی، خوشیوں اور ترقی کی سڑک میں بدل دیں گے اور اس کا معیار موٹر وے جیسا ہوگا، تھرڈ پارٹی ویلیڈیشن ہوگی۔انہوں نے کہا کہ اس سڑک کا 22-2023 میں پہلا تخمینہ 250 ارب روپے تھا اب یہ تخمینہ تقریباً 300 ارب روپے ہیں۔شہباز شریف نے کہا کہ تیل کی جو قیمتیں آج کم ہو رہی ہیں وہ فائدہ پاکستان کے عوام کو نہیں دے رہے ہیں اور دو سال میں ان شااللہ یہ ہائی وے مکمل ہوجائے گی اور ہم اس بچت کو بلوچستان کے عوام کے نذر کر رہے ہیں اور یہ موقع ہے کہ بلوچستان کے عوام کو احساس ہو کہ واقعی ہمارے لیے بھی کوئی سوچتا ہے، وفاق ہمارے لیے سوچ رہا ہے۔انہوں نے کہا کہ یہ رقم خالصتاً این 25 پر خرچ ہوگی، یہ ہائی وے موٹر وے معیار کی سڑک ہوگی، بلوچستان خوش حال ہوگا تو پاکستان خوش حال ہو، ترقی تب ہے جب چاروں صوبے ترقی کی دوڑ میں سب سے آگے ہوں گے۔وزیراعظم شہبازشریف نے وفاقی کابینہ کے اجلاس میںں کہا کہ سیستان میں 8 پاکستانیوں کو شہید کیا گیا، سیستان واقعہ کی جتنی مذمت کریں کم ہے، ایرانی وزیرخارجہ سے معاملے پر بات ہوئی ہے۔ امید ہے ایرانی حکومت ذمہ داروں کو فی الفور گرفتار کرے گی۔

پٹرول کی قیمتوں میں کمی کا فائدہ عوام کو منتقل کرنے کے بجائے بلوچستان پر لگائیں گے،وزیراعظم

اس رقم کو چمن ،کوئٹہ،قلات،خضدار، کراچی شاہراہ دو رویہ کرنے میں استعمال کیا جائے گا، شہباز شریف

چیف آف آرمی اسٹاف جنرل سید عاصم منیر نے کہا ہے کہ ہم پاکستان کو اس مقام پر لے جانا چاہتے ہیں جس کا خواب قائدِ اعظم نے دیکھا تھا۔ جو پاکستان کی ترقی کے راستے میں حائل ہو گا ہم مل کر اُس رکاوٹ کو ہٹا دیں گے۔آرمی چیف جنرل سید عاصم منیر نے ایک بار پھر واضح کیا ہے کہ دہشت گردوں کی دس نسلیں بھی بلوچستان اور پاکستان کا کچھ نہیں بگاڑ سکتیں،بلوچستان پاکستان کی تقدیر اور ہمارے ماتھے کا جھومر ہے، جب تک اس ملک کے غیور عوام افوج پاکستان کے ساتھ کھڑے ہیں، آپ کی فوج ہر مشکل سے با آسانی نبرد آزما ہو سکتی ہے،نامساعد حالات کے آگے بطور مسلمان اور پاکستانی نہیں گھبراتے، ہم کبھی بھی مشکلات اور دشواریوں کے سامنے نہ جھکے ہیں، نہ جھکیں گے، کشمیر پاکستان کی شہ رگ تھا، ہے اور ہمیشہ رہے گا، پاکستانیوں کا دل ہمیشہ غزہ کے مسلمانوں کے ساتھ دھڑکتا ہے ۔ پہلے اوورسیز پاکستانیز کنونشن سے خطاب کرتے ہوئے آرمی چیف نے کہاکہ میں آج بیرون ملک مقیم پاکستانیوں کے جذبات دیکھ کر بہت متاثر ہوا ہوں اور میں آپ کو یقین دلاتا ہوں کہ آپ کے لیے ہمارے جذبات اس سے بھی زیادہ مضبوط ہیں۔ آرمی چیف نے کہاکہ آپ صرف پاکستان کے سفیر ہی نہیں بلکہ پاکستان کی وہ روشنی ہیں جو پورے اقوام عالم پر پڑتی ہے۔ سربراہ پاک فوج نے کہاکہ جو لوگ برین ڈرین کا بیانیہ بناتے ہیں، وہ جان لیں کہ یہ  برین ڈرین نہیں بلکہ برین گین ہے اور  بیرون ملک پاکستانی اسکی عمدہ ترین مثال ہیں۔ آرمی چیف انہوںنے کہاکہ آپ سب نے پاکستان کی کہانی اپنی اگلی نسل کو سنانی ہے، وہ کہانی جس کی بنیاد پر ہمارے آباؤ اجداد نے پاکستان حاصل کیا۔ سربراہ پاک فوج نے کہاکہ کیا پاکستان کے دشمنوں کا یہ خیال ہے کہ مٹھی بھر دہشتگرد پاکستان کی تقدیر کا فیصلہ کر سکتے ہیں؟، دہشتگردوں کی دس نسلیں بھی بلوچستان اور پاکستان کا کچھ  نہیں بگاڑ سکتیں۔ انہوںنے کہاکہ بلوچستان پاکستان کی تقدیر اور ہمارے ماتھے کا جھومر ہے۔آرمی چیف نے کہاکہ جب تک اس ملک کے غیور عوام افوج پاکستان کے ساتھ کھڑے ہیں، آپ کی فوج ہر مشکل سے با آسانی نبرد آزما ہو سکتی ہے۔انہوںنے کہاکہ اللہ تعالیٰ نے پاکستان کو بے بہا وسائل سے نوازا ہے جس پر ہمیں ہر وقت شکر ادا کرنا چاہیے۔آرمی چیف نے کہاکہ ہم آج مل کر یہ واضح پیغام دے رہے ہیں ’’جو پاکستان کی ترقی کے راستے میں حائل ہو گا ہم مل کر اْس رکاوٹ کو ہٹا دیں گے‘‘۔آرمی چیف نے اوور سیز پاکستانیوں سے مخاطب ہو کر کہا کہ آپ جس ملک میں بھی ہوں، یاد رکھیں کہ آپکی میراث ایک اعلیٰ معاشرے ، نظریئے اور تہذیب سے ہے۔ سربراہ پاک فوج نے کہاکہ نامساعد حالات کے آگے بطور مسلمان اور پاکستانی نہیں گھبراتے، ہم کبھی بھی مشکلات اور دشواریوں کے سامنے نہ جھکے ہیں، نہ جھکیں گے۔آرمی چیف نے کہاکہ جب تک اس ملک کے غیور عوام افوج پاکستان کے ساتھ کھڑے ہیں پاکستان کو کوئی نقصان نہیں پہنچا سکتا۔ انہوںنے کہاکہ قوم اپنے شہداء کو نہایت عزت اور وقار کی نظر سے دیکھتی ہے۔ ان کی قربانی لازوال ہے جس پر کبھی ملال نہ آنے دیں گے۔ انہوںنے کہاکہ ہم پاکستان کو اس مقام پر لے جانا چاہتے ہیں جس کا خواب قائدِ اعظم نے دیکھا تھا، آپ ہمیشہ اپنا سر فخر سے بلند رکھیں، کیونکہ آپ کا تعلق کسی عام ملک سے نہیں، بلکہ آپ ایک عظیم اور طاقتور  ملک کے نمائندے ہیں۔ آرمی چیف نے کہاکہ کشمیر پاکستان کی شہ رگ تھا، ہے اور ہمیشہ رہے گا، پاکستانیوں کا دل ہمیشہ غزہ کے مسلمانوں کے ساتھ دھڑکتا ہے ۔انہوںنے کہاکہ پاکستان کی ترقی کا سفر جاری ہے،سوال یہ نہیں کہ پاکستان نے کب ترقی کرنی ہے، بلکہ اصل سوال یہ ہے کہ پاکستان نے کتنی تیزی سے ترقی کرنی ہے۔اپنے خطاب کے اختتام پر آرمی چیف اور شرکاء نے ’’پاکستان ہمیشہ زندہ باد‘‘کا نعرہ لگایا۔

دہشت گردوں کی دس نسلیں بھی بلوچستان اور پاکستان کا کچھ نہیں بگاڑ سکتیں، آرمی چیف

بلوچستان پاکستان کی تقدیر اور ہمارے ماتھے کا جھومر ہے،شہدا کی قربانیاں لازوال ہیں، آرمی چیف کا اوورسیز کانفرنس سے خطاب

پاکستان تحریک انصاف (پی ٹی آئی) کے بانی عمران خان نے اسٹیبلشمنٹ سے کسی بھی مبینہ ڈیل کا تاثر مسترد کردیا۔پی ٹی آئی کے چیئرمین بیرسٹر گوہر نے اڈیالہ جیل میں عمران خان سے ملاقات کے بعد میڈیا سے گفتگو کرتے ہوئے کہاکہ بانی پی ٹی آئی نے آج واضح کردیا ہے کہ انہوں نے کسی کو اپنی طرف سے مذاکرات کا اختیار نہیں دیا، نہ ہی کوئی ڈیل ہورہی ہے۔چیئرمین پی ٹی آئی بیرسٹر گوہر نے میڈیاسے گفتگو کرتے ہوئےکہا کہ عمران خان نے کہا ہے کہ ان کی رہائی قانون اور آئین کے مطابق ہوگی،عمران خان نے کسی کو مذاکرات کا اختیار نہیں دیا، یہ تاثر دیا جارہا ہے کہ مذاکرات ہورہے ہیں۔مائنز اینڈ منرلز ایکٹ کے حوالے سے سوال کا جواب دیتے ہوئے بیرسٹر گوہر نے کہا کہ وزیراعلیٰ خیبرپختونخوا علی امین کی عمران خان سے ملاقات تک مائنز اینڈ منرلز ایکٹ پر کوئی بات نہیں ہوگی۔انہوں نے مزید کہا کہ آج عمران خان نے پارٹی کے لیے سخت ہدایات دی ہیں کہ پارٹی لیڈران، ورکر یا عہدیدار ایک دوسرے کے خلاف میڈیا میں یا عوامی سطح پر کوئی بیان نہیں دیں گے۔افغانوں کی جبری بے دخلی کے حوالے سے انہوں نےکہا کہ صوبائی اسمبلی ایک قرارداد منظور کرکے وفاقی حکومت سے درخواست کرے کہ افغانوں کی واپسی کی مدت میں توسیع کی جائےاور صوبائی حکومت کو بھی ٹائم فریم دیا جائے کہ اگر وہ اس مسئلے پر افغانستان کی حکومت سے بات کرنا چاہے تو کرسکے۔بیرسٹر گوہر نے مزید کہا کہ اسی طرح عمران خان نے کہا ہے کہ ہم صوبائی اسمبلی سے ایک قرارداد منظور کرائیں گے اور اس کی بنیاد پر پشاور ہائی کورٹ سے درخواست کریں گے کہ ہماری دائرکردہ پٹیشنوں کا جلد سے جلد فیصلہ ہونا چاہیے۔بیرسٹرگوہر نے کہا کہ عمران خان نے اتحاد کے حوالے سے کہا ہے کہ اس سلسلے میں کوششیں تیز کی جائیں اور ممکنہ اتحادیوں سے بات چیت کو تیز کیا جائے، اس کے علاوہ احتجاج سمیت تمام آپشن ہمارے سامنے کھلے ہیں۔انہوں نے کہا کہ ہم چاہتے ہیں کہ ایک مختصر ایجنڈے پر سب اکٹھے ہوں کہ قانون کی بالادستی ہو، الیکشن چوری نہ ہو، عدلیہ آزاد ہو، اس پر ہم حزب اختلاف کی تمام سیاسی جماعتوں سے درخواست کرتے ہیں کہ وہ ہمارا ساتھ دیں اور ہم اس کے لیے تحریک چلائیں تاکہ پاکستان میں حقیقی جمہوریت آئے۔بیرسٹر گوہر نے مزید کہا کہ عمران خان کی بہنوں اور ان کی فیملی کو آج ان سے نہیں ملنے دیا گی .جس کی ہم مذمت کرتے ہیں.یہ عدالتی احکامات کی خلاف ورزی ہے، پچھلی بار بھی فیملی کی ان سے ملاقات نہیں کرائی گئی تھی، اس کے لیے ہم پٹیشن اور توہین عدالت کی درخواست بھی دائر کریں گے۔ انہوں نے کہا کہ البتہ بشری بی بی کی فیملی کو ملاقات کی اجازت دی گئی ہے، اس طرح فیملی میں دراڑ ڈالنے کی کوشش کی جارہی ہے۔

بانی پی ٹی آئی عمران خان نے کسی کو مذاکرات کااختیارنہیں دیا، بیرسٹر گوہر

پارٹی عہدیدار کی دوسرےعہدیدار کے خلاف بیان پر پابندی ہوگی، چیئرمین پی ٹی آئی کی میڈیا سے گفتگو

بانی پی ٹی آئی عمران خان کو بڑا ریلیف مل گیا اسلام آباد کی عدالت نے بانی پی ٹی آئی عمران خان کی 2 درخواستیں منظور کرتے ہوئے ان کی اپنے بچوں سے بات کرانے اور ان کا میڈیکل چیک اپ کروانے کا حکم دے دیا۔تفصیلات کے مطابق اسلام آباد کی مقامی عدالت نے بانی پاکستان تحریک انصاف کو اپنے بیٹوں سے بات کرنے اور ذاتی معالج سے طبی معائنہ کروانے کی درخواستیں منظور کر لیں۔ عدالت نے سپریٹنڈنٹ اڈیالہ جیل کو ہدایت کی ہے کہ ان احکامات پر عمل درآمد کی رپورٹ 28 اپریل تک جمع کروائی جائے۔اسپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، عدالت نے بانی پی ٹی آئی عمران خان کی دونوں درخواستیں منظور کر لی۔عدالت نے بانی پی ٹی آئی عمران خان کی بچوں سے بات اور میڈیکل چیک اپ کروانے کا حکم دے دیا، اس کے علاوہ عدالت نے حکم پر عملدرآمد کی رپورٹ 28 اپریل کو جمع کروانے کی ہدایت بھی کر دی۔

بانی پی ٹی آئی عمران خان کو بڑا ریلیف مل گیا

عدالت نے عمران خان کی بچوں سے بات اور میڈیکل چیک اپ کروانے کا حکم دیدیا

واشنگٹن(این این آئی)امریکی صدر ڈونلڈ ٹرمپ نے ایران کو ایک بار پھر کھلے الفاظ میں دھمکی دے دی ہے کہ اگر ایران نے جوہری ہتھیاروں کی دوڑ میں شامل ہونے کی کوشش کی تو اسے سنگین ردعمل کا سامنا کرنا پڑے گا۔میڈیارپورٹس کے مطابق اوول آفس میں میڈیا سے گفتگو کرتے ہوئے صدر ٹرمپ نے کہا کہ ایران جوہری ہتھیاروں کا خواب دیکھنا چھوڑ دے، ورنہ اسے اس کے نتائج بھگتنا ہوں گے۔ٹرمپ کا کہنا تھا کہ ایران ہم سے معاہدہ چاہتا ہے مگر یہ نہیں جانتا کہ اس تک پہنچنا کیسے ہے۔ انہوں نے دعوی کیا کہ وہ ایرانی مسئلے کو "حل کر دیں گے۔صدر ٹرمپ نے واضح کیا کہ ان کے دورِ صدارت میں ایران کو جوہری ہتھیار حاصل کرنے کی اجازت نہیں دی جائے گی، اگر ایران جوہری عزائم ترک کر دے تو وہ ایک عظیم قوم بن سکتا ہے۔ٹرمپ کے ان سخت بیانات کے پس منظر میں عمان میں ایران اور امریکا کے درمیان جوہری معاہدے پر بالواسطہ مذاکرات کا پہلا دور 12 اپریل کو منعقد ہوا، مذاکرات کی میزبانی سلطنت عمان نے کی۔ذرائع کے مطابق، مذاکرات میں امریکی وفد کی قیادت مشرقِ وسطی کے لیے خصوصی ایلچی اسٹیو وٹکوف نے کی، جبکہ ایرانی وفد کی نمائندگی وزیر خارجہ عباس عراقچی کر رہے تھے۔ ایرانی میڈیا کے مطابق بات چیت کا پہلا دور مثبت اور تعمیری رہا۔ترجمان ایرانی وزارت خارجہ نے تصدیق کی ہے کہ مذاکرات کا دوسرا دور بھی عمان میں ہی متوقع ہے۔

جوہری خواب دیکھنا ترک کرو، ورنہ سنگین نتائج کیلئے تیار رہو،ٹرمپ کی ایران کو دھمکی

ایران ہم سے معاہدہ چاہتا ہے مگر یہ نہیں جانتا کہ اس تک پہنچنا کیسے ہے، امریکی صدر ٹرمپ

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کےچھٹے میچ میں آج کراچی کنگز اورلاہورقلندرز کی ٹیمیں آمنے سامنے ہوں گی ۔نیشنل اسٹیڈیم کراچی میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔لاہور قلندرز کی ٹیم شاہین شاہ آفریدی کی زیر قیادت میدان میں اترے گی، دیگر نمایاں کھلاڑیوں میں فخر زمان، عبداللہ شفیق، ڈیرل مچل، سیم بلنگز، سکندر رضا، حارث رؤف اور ڈیوڈ ویزا شامل ہیں۔ کراچی کنگز کو مایہ ناز آسٹریلوی بلے باز ڈیو ڈ وارنر لیڈ کریں گے۔ اس ٹیم میں جیمز وینس،ٹم سیفرٹ ،بین میک ڈرموٹ ،حسن علی،ایڈم ملن اورزہد محمود جیسے بہترین کھلاڑی شامل ہیں۔ پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔پوائنٹس ٹیبل پرلاہورقلندرز کے2جبکہ کراچی کنگز کے بھی2پوائنٹس ہیں۔ خیال رہے لاہور قلندرز نے اب تک 2 میچ کھیلے ہیں، پہلے میچ میں انہیں اسلام آباد یونائیٹڈ کے ہاتھوں 8 وکٹوں سے شکست کا سامنا کرنا پڑا، دوسرے میچ میں قلندرز نے شاندار کھیل کا مظاہرہ کرتے ہوئے کوئٹہ گلیڈی ایٹرز کیخلاف 79 رنز سے کامیابی حاصل کی تھی۔ جبکہ کراچی کنگز نے اپنے پہلے میچ ملتان سلطانز کو شکست دی تھی۔

پی ایس ایل10،کراچی کنگز اورلاہور قلندرز آج  آمنے سامنے ہونگے

میچ رات 8 بجے شروع ہو گا ،پوائنٹس ٹیبل پرلاہورقلندرز کے دو جبکہ کراچی کنگز کے بھی2 پوائنٹس ہیں

شہر قائد کے علاقے کورنگی کریک میں لگنے والی پراسرار آگ 18 دن بعد اچانک بجھ گئی۔آگ بجھنے کے بعد گیس کا اخراج جاری ہے۔ پورے علاقے میں گیس کے اخراج کے باعث بو پھیل گئی۔ گیس کے اخراج کے باعث انتظامیہ نے علاقے کو سیل کر دیا ہے اور غیر متعلقہ افراد کوقریب جانے سے روکاجارہاہے۔یاد رہے کہ 29 مارچ کو نجی تعمیراتی کمپنی کے منصوبے کیلئے خالی پلاٹ میں پانی کیلئے بورنگ کئے جانے کے دوران 1200 فٹ گہرا گڑھا کھودا گیا تھا، اس دوران کھدائی کے مقام پر گیس کے اخراج کے بعد اچانک آگ لگ گئی تھی۔کورنگی میں لگنے والی آگ کا پاکستان اٹامک انرجی کمیشن نے سروے کیا تھا۔ پاکستان پیٹرولیم لمیٹڈ اور آئل کمپنی کے حکام نے آگ کی وجوہات جانے کے لیے سروے کیا تھا جبکہ منرل ٹیسٹ بھی کروایا گیا تھا۔بعدازاں کورنگی کریک میں 18 روز بعد بجھنے والی آگ کو دوبارہ بھڑکادیا گیا، ماہرین کا کہنا ہے کہ گیس کو فضا میں پھیلنے سے روکنے کے لیے دوبارہ آگ لگائی گئی ہے۔

کورنگی کریک میں لگنے والی آگ 18 روز بعد بجھ گئی، گیس کا اخراج بدستورجاری

گیس کے اخراج کے باعث انتظامیہ نے علاقے کو سیل کرکے غیر متعلقہ افراد کوقریب جانے سے روک دیا

بلوچستان کے ضلع مستونگ میں دشت روڈ پر بلوچستان کانسٹیبلری کی گاڑی کے قریب دھماکا ہوا جس کے نتیجے میں 3 پولیس اہلکار شہید اور متعدد زخمی ہوگئے۔پولیس حکام نے کہا ہے کہ دھماکا دشت روڈ پر کھنڈ مہسوری کے قریب ہوا، دھماکا موٹرسائیکل میں نصب ریموٹ کنٹرول بارودی مواد سے کیا گیا۔پولیس حکام کے مطابق بلوچستان کانسٹیبلری کے اہلکار ڈیوٹی سے واپس جارہے تھے، واقعے کے بعد فورسز کے اہلکار جائے وقوعہ پر پہنچ گئے جبکہ جاں بحق اور زخمی اہلکاروں کو ہسپتال منتقل کر دیا گیا ہے۔ترجمان بلوچستان حکومت شاہد رند نے کہا کہ دھماکے میں بلوچستان کانسٹیبلری کے 3 جوان شہید جبکہ 19 اہلکار زخمی ہوئے ہیں، زخمیوں میں دو اہلکاروں کی حالت تشویشناک ہے، شدید زخمیوں کو کوئٹہ منتقل کیا جا رہا ہے، واقعے کی ابتدائی رپورٹ طلب کر لی گئی ہے۔دوسری جانب وزیراعلیٰ بلوچستان سرفراز بگٹی نے دھماکے کی مذمت کرتے ہوئے زخمیوں کو بہتر طبی امداد کی فراہمی کی ہدایت کی ہے۔انہوں نے کہا ہے کہ زخمیوں کے علاج معالجے میں کوئی غفلت برداشت نہیں کی جائے گی، حکومتِ بلوچستان شہداء کے شانہ بشانہ کھڑی ہو گی۔وزیراعظم شہباز شریف نے بلوچستان کے ضلع مستونگ کے علاقے شمس آباد میں بلوچستان کانسٹبلری کی گاڑی پر دہشتگرد حملے کی شدید مذمت کی اور  3 اہلکاروں کی شہادت پر اظہار افسوس کیا۔ وزیر اعظم آفس کی جانب سے جاری بیان کے مطابق وزیراعظم نے شہداء کے لیے دعائے مغفرت اور لواحقین کے لیے صبر و استقامت کی دعا کی اورزخمیوں کو فوری طبی امداد فراہم کرنے کی ہدایت کی۔

مستونگ میں دھماکا، بلوچستان کانسٹیبلری کے 3 اہلکار شہید،19 زخمی

اہلکار ڈیوٹی سے واپس جارہے تھے، دھماکہ موٹرسائیکل میں نصب ریموٹ کنٹرول بارودی مواد سے کیا گیا

کرک میں انڈس ہائی وئے پر پیش آنے والے ٹریفک حادثے میں 10 افراد جاں بحق ہوگئے۔میڈیارپورٹس کے مطابق حادثہ کرک انڈس ہائی وے پر لکی غنڈکی کے قریب پیش آیا جہاں ٹریلر اور وین میں ٹکر سے 10 افراد جاں بحق اور 8 زخمی ہوگئے۔حادثے کے بعد مقامی افراد اور ریسکیو ٹیموں نے لاشوں اور زخمیوں کو ڈسٹرکٹ ہیڈکوارٹرز اسپتال منتقل کردیا ہے جبکہ قریبی اسپتالوں میں بھی ایمرجنسی نافذ کردی گئی ہے۔وزیر اعلیٰ خیبر پختونخوا علی امین گنڈاپور نے کرک میں پیش آنے والے حادثے پر گہرے رنج و غم کا اظہار کیا ہے۔ انہوں نے جاں بحق افراد کے لواحقین سے دلی ہمدردی اور تعزیت کرتے ہوئے مرحومین کی مغفرت اور پسماندگان کے لیے صبر جمیل کی دعا کی ہے۔وزیر اعلی نے زخمیوں کی جلد صحتیابی کے لیے نیک خواہشات کا اظہار کرتے ہوئے متعلقہ ضلعی انتظامیہ کو ہدایت دی ہے کہ زخمیوں کو بہترین طبی امداد فراہم کی جائے۔ انہوں نے کہا کہ سوگوار خاندانوں کے غم میں ہم برابر کے شریک ہیں۔

کرک انڈس ہائی وے پر خوفناک ٹریفک حادثہ ، 10 افراد جاں بحق

حادثے میں زخمی ہونے والے 8 افراد زیرعلاج ہے تاہم زخمیوں میں بعض کی حالت تشویشناک ہے

Pakistan won the 2nd ODI against Australia with 9 wickets.

Pakistan vs Australia 2nd ODI: Unpredictability At Its Peak

Pakistan won the 2nd ODI against Australia with 9 wickets.&nbsp;

The Pak vs Aus 2nd ODI was surely a sight for sore eyes of Pakistani cricket fans. The Men in Green shook the world with their brilliant performance with both, bat and ball.&nbsp;

Australia, one of the world&rsquo;s strongest teams, crumbled right in front of the Pakistan pace attack led by Haris Rauf and Shaheen Afridi.&nbsp;

Rauf and Afridi&rsquo;s pace bowling sent the entire Australian team back to the pavilion after just scoring 163 runs.&nbsp;

This is the Kangaroos one of the lowest scores in ODI in recent times.&nbsp;

Kudos to Mohammad Rizwan, Pakistan&rsquo;s newest white-ball captain for stepping into the match with 4 fast bowlers. He followed the same strategy in the 1st ODI and took his team too close to winning.

Shaheen Afridi opened the Australian account and was brilliantly supported by Haris Rauf who took a five-wicket haul.

A continuous fall of wickets didn&rsquo;t allow any new batsman to settle in and take the game forward.&nbsp;

While bowling has always been Pakistan&rsquo;s specialty, it was actually their batting that proved to be a sigh of relief for Pakistani cricket fans.&nbsp;

The Men in Green have a reputation of self sabotaging even when the target is low, but openers Saim Ayub and Abdullah Shafique handled the game so well.

They kept the scoreboard moving at the required pace and didn&rsquo;t throw their wickets in the air.&nbsp;

Adam Zampa dismissed Saim Ayub after he played a brilliant innings of 82 runs and when the team score was 137. 
 
Babar Azam came in next and helped Abdullah Shafique in reaching the finish line. The winning runs were hit by Babar and Pakistan won the game with a massive margin of 9 wickets.&nbsp;

This is surely a win to remember!

PAK vs AUS 2nd ODI: Pakistan Team At Its Best

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan