Cricket

Entertainment

Football

راولپنڈی (این این آئی)سابق وزاعظم و پاکستان تحریک انصاف کے بانی عمران خان سے اڈیالہ جیل میں صوبہ خیبرپختونخوا کے وزیراعلیٰ علی امین گنڈاپور اور ان کے مشیر برائے اطلاعات بیرسٹرسیف نے ملاقات کی۔علی امین گنڈاپور اور بیرسٹرسیف کی بانی پی ٹی آئی سے ملاقات ڈھائی گھنٹے جاری رہی جس میں سیاسی صورتحال اور پارٹی امورپر گفتگو ہوئی۔علی امین گنڈا پور کی ڈیڑھ ماہ سے زائد عرصے کے بعد بانی پی ٹی آئی سے ملاقات ہوئی ہے۔ اڈیالا جیل کے اطراف سکیورٹی سخت اور اضافی نفری بھی تعینات رہی۔میڈیارپورٹس کے مطابق ملاقات میں خیبر پختونخوا کے انتظامی امور، سیاسی معاملات، اور گزشتہ روز اعظم سواتی کے بانی سے ملاقات میں اٹھائے گئے پارٹی عہدوں کی تقرریوں سے متعلق تحفظات، کے پی، بلوچستان میں امن و امان کی صورتحال پر تفصیلی بات چیت کی گئی جبکہ بانی پی ٹی آئی نے وزیر اعلی کو مختلف ہدایات بھی جاری کیں۔خیال رہے کہ گزشتہ روز بھی پی ٹی آئی رہنماؤں نے عمران خان سے جیل میں ملاقات کی تھی۔یاد رہے کہ اسلام آباد ہائیکورٹ نے عمران خان سے منگل اور جمعرات 2 دن کی ملاقات بحال کر دی تھی، عدالت عالیہ نے حکم دیا تھا کہ عمران خان سے ملاقات کے بعد میڈیا سے گفتگو نہیں ہو گی، سلمان اکرم راجا جو نام دیں گے صرف وہی ملاقات کر سکے گا۔

عمران خان سے جیل میں علی امین گنڈاپور اور بیرسٹرسیف کی ملاقات، سیاسی صورتحال پر تبادلہ خیال

ملاقات کانفرنس روم میں تقریبا ڈھائی گھنٹے تک جاری رہی، پی ٹی آئی رہنما ملاقات کے بعد اڈیالہ جیل سے واپس روانہ ہو گئے

صدر مملکت آصف علی زرداری کورونا وائرس کا شکار ہوگئے، ڈاکٹر عاصم حسین نے صدر کے کورونا ٹیسٹ مثبت آنے کی تصدیق کردی۔ اسلام آباد میں ایوان صدر سے جاری اعلامیہ کے مطابق صدر مملکت آصف علی زرداری کے پرسنل فزیشن ڈاکٹر عاصم حسین نے کہا ہے کہ مختلف ٹیسٹوں کے بعد اس بات کی تصدیق ہوئی ہے کہ صدر مملکت کورونا میں مبتلا ہیں اور انہیں اس وقت آئیسولیشن میں رہنے کا مشورہ دیا گیا ہے۔ایوان صدر سے جاری اعلامیہ کے مطابق انہوں نے کہا کہ ماہرین کی ایک ٹیم ان کی دیکھ بھال کر رہی اور صدر مملکت کی حالت بہتر ہے۔ڈاکٹر عاصم حسین نے بتایا کہ صدر مملکت کو آئیسولیشن میں رکھا گیا ہے، آصف علی زرداری انفیکشیئز ڈیزیز کے ماہرین کے زیر علاج ہیں۔انہوں نے بتایا کہ صدر مملکت سے ملاقاتوں پر مکمل پابندی ہے، ان کے ٹیسٹ کیے گئے ہیں اور مکمل مانیٹرنگ کی جا رہی ہے۔خیال رہے کہ گزشتہ روز صدر مملکت آصف علی زرداری کی طبیعت خراب ہونے کے بعد انہیں نواب شاہ سے کراچی منتقل کرکے نجی اسپتال میں داخل کروایا گیا تھا۔ ذرائع کا اس حوالے سے کہنا تھا کہ صدر زرداری کو انفیکشن اور بخار کی وجہ سے اسپتال داخل کیا گیا ہے، ان کے میڈیکل ٹیسٹ بھی کیے گئے۔قبل ازیں شرجیل میمن نے اپنے بیان میں کہا تھاکہ صدر آصف علی زرداری کو دبئی منتقل کرنے کی خبریں درست نہیں ہیں، وہ جلد مکمل صحت یاب ہوں گے۔

صدر مملکت آصف علی زر داری کورونا میں مبتلا ،آئیسولیشن میں رہنے کا مشورہ

ماہرین کی ایک ٹیم صدر آصف علی زرداری کی دیکھ بھال کر رہی ہے اور ان کی حالت بہتر ہے، ڈاکٹر عاصم حسین

امریکا میں تعلیم حاصل کرنے کے خواہشمند غیر ملکی طلبہ کے لیے ویزا لینا مزید مشکل ہونے والا ہے، کیونکہ امریکی حکومت نے اسٹوڈنٹ اور دیگر اقسام کے ویزوں کے لیے سخت اسکریننگ کا حکم دے دیا ہے۔میڈیارپورٹس کے مطابق امریکی وزیر خارجہ مارکو روبیو نے تمام امریکی سفارتخانوں کو ویزہ درخواست گزاروں کے سوشل میڈیا مواد کی جانچ کا حکم دیا ہے۔نیویارک ٹائمز کے مطابق یہ فیصلہ امریکا اور اسرائیل پر تنقید کرنے والوں کو روکنے کے لیے کیا گیا ہے۔امریکی حکام کے مطابق 7 اکتوبر 2023 سے 31 اگست 2024 کے درمیان اسٹوڈنٹ ویزا حاصل کرنے والے تمام افراد کی سوشل میڈیا سرگرمیاں اسکین کی جائیں گی۔ مراسلے میں کہا گیا ہے کہ اگر کسی درخواست گزار نے فلسطین کے حق میں یا اسرائیل کے خلاف سوشل میڈیا پر پوسٹ کی ہوگی، تو اس کی ویزا درخواست مسترد ہو سکتی ہے۔اس سے قبل امریکی صدر ڈونلڈ ٹرمپ نے ایک ایگزیکٹو آرڈر پر دستخط کیے تھے، جس کے تحت امریکی حکومت یا اسرائیل کے خلاف تنقید کرنے والے غیر ملکی شہریوں کو ڈی پورٹ کیا جا سکتا ہے۔امریکی وزیر خارجہ کے مراسلے میں کہا گیا ہے کہ تمام سفارتخانے ویزا درخواست گزاروں کی تفصیلات فراڈ کی روک تھام کرنے والے یونٹ کو فراہم کریں گے، جو ان کے سوشل میڈیا اکاؤنٹس کی اسکروٹنی کرے گا۔امریکا میں اسرائیل کے خلاف بڑھتی ہوئی تنقید کے بعد یہ اقدامات کیے جا رہے ہیں۔ اکتوبر 2023 میں اسرائیل کی جانب سے غزہ پر حملے کے بعد، فلسطین کے حق میں آواز بلند کرنے والے طلبہ کو نشانہ بنایا جا سکتا ہے۔

اب امریکا اوراسرائیل پرتنقید کرنے والوں کوامریکی اسٹوڈنٹ ویزا نہیں ملے گا

امریکی وزیر خارجہ نے اسٹوڈنٹ ویزوں کیلئے درخواستیں دینے والوں کی زیادہ سخت چھان بین کرنے کا حکم

امریکا نے ایرانی ڈرون نیٹ ورک پر پابندیاں عائد کر دیں، متحدہ عرب امارات اور چین کی کمپنیوں پر بھی پابندیاں عائد کر دی گئی ہیں۔تفصیلات کے مطابق امریکی محکمہ خارجہ اور امریکی محکمہ انصاف نے کہا ہے کہ ایران، عرب امارات اور چین کے 6 ادارے اور 2 ایرانیوں پر سنگین الزامات ہیں کہ یہ ادارے اور کمپنیاں ایران کیلئے ڈرون پرزہ جات فراہم کر رہے تھے۔انہوں نے مزید کہا ہے کہ ایران دہشت گردوں اور روس کو ڈرون فراہم کر رہا ہے، ایران کے فوجی نیٹ ورک کو تباہ کریں گے، ایرانی شہریوں کے خلاف مقدمہ درج کر لیا گیا ہے۔

امریکا نے ایران کے ڈرون نیٹ ورک پر سخت پابندیاں عائد کر دیں

امریکا کی جانب سےمتحدہ عرب امارات اور چین کی کمپنیوں پر بھی پابندیاں عائد کی گئی ہیں

نیوزی لینڈ نے پاکستان کو دوسرے ون ڈے میں شکست دیکر ٹی ٹوئنٹی کے بعد ون ڈے سیریز میں بھی کامیابی حاصل کرلی۔تفصیلات کے مطابق نیوزی لینڈ نے پاکستان کو دوسرا ون ڈے میچ بھی84رنز سے ہرا کر 3 میچز کی سیریز میں فیصلہ کُن برتری حاصل کرلی۔ سیریز کا آخری میچ 5 اپریل کو کھیلا جائے گا۔ہیملٹس کے سیڈون پارک میں کھیلے گئے ون ڈے میچ میں نیوزی لینڈ کی ٹیم نے مقررہ 50 اوورز میں 8 وکٹوں کے نقصان پر 292 رنز بنائے اورپاکستا ن کو جیت کیلئے293رنز کا ہدف دیا جواب میں پاکستانی ٹیم 42 ویں اوورز میں 208 رنز پر آؤٹ ہوگئی۔پاکستانی کپتان محمد رضوان نے ٹاس جیت کر پہلے نیوزی لینڈ کو بیٹنگ کی دعوت دی تھی۔پاکستانی بالرز نے اننگ کی شروعات میں اچھی کارکردگی دکھاتے ہوئے کیوی بیٹرز کو جارحانہ کھیل کھیلنے سے روکے رکھا۔نیوزی لینڈ کے اوپنر رائس ماریو 18 رنز کی اننگ کھیل کر آؤٹ ہوئے، انہیں محمد وسیم نے آوٹ کیا، ان کے ساتھ آئے نک کیلی کو حارث رؤف نے پویلین کی راہ دکھائی، نک کیلی نے 31 رنز بنائے۔اسی طرح ہنری نکولس 22، ڈیرل مچل 18، کپتان مائیکل بریسویل نے 17 اور محمد عباس نے 41 رنز کی اننگ کھیلی۔ ناتھن اسمتھ 8 اور بین سیئرز 6 رنز بناکر آؤٹ ہوئے۔ساتویں نمبر پر بیٹنگ کے لیے آئے مچل ہی نے نیوزی لینڈ کی بیٹنگ کو سہارا دیتے ہوئے 78 بالز پر 99 رنز کی عمدہ اننگ کھیلی اور ناٹ آوٹ رہے۔ ان کی اننگ میں 7 چھکے اور 7 چوکے شامل تھے۔پاکستان کی جانب سے محمد وسیم اور سفیان مقیم نے 2، 2 جبکہ فہیم اشرف، عاکف جاوید اور حارث رؤف نے ایک ایک وکٹ حاصل کی۔پاکستان ٹیم نے ہدف کے تعاقب کا آغاز مایوس کن انداز میں کیا، کیوی فاسٹ باؤلرز کے سامنے اوپنرز سمیت مڈل آرڈر بھی ناکام ثابت ہوا، آدھی ٹیم صرف 11.4 اوورز میں ہی واپس پویلین لوٹ گئی، ابتدائی 5 بیٹرز ڈبل فگر میں بھی داخل نہ ہوسکے۔عبداللہ شفیق ایک، امام الحق 3، بابر اعظم ایک، کپتان محمد رضوان 5 اور سلمان آغا 9 رنز بنا کر آؤٹ ہوئے۔پاکستان کی جانب سے فہیم اشرف نے سب سے زیادہ 73رنزاسکور کئے، نسیم شاہ نے41 گیندوں پرنصف سنچری مکمل کی۔ سلمان آغا9، محمد رضوان5، بابراعظم 1رن پر آؤٹ ہوئے، عبداللہ شفیق 1، امام الحق3، طیب طاہر13رنز بناسکے۔محمد وسیم جونیئر اور سفیان مقیم نے 2، 2 وکٹیں لیں جبکہ فہیم اشرف، عاکف جاوید اور حارث رؤف نے ایک، ایک وکٹ لی۔میچ کے لیے پاکستانی ٹیم میں 4 تبدیلیاں کی گئی تھیں۔پاکستانی ٹیم امام الحق ، عبداللہ شفیق ، بابراعظم ، محمد رضوان (کپتان)، سلمان علی آغا، طیب طاہر، فہیم اشرف، محمد وسیم جونیئر، حارث رؤف، سفیان مقیم اور عاکف جاوید پر مشتمل تھی۔سیریز کا پہلا میچ میں کھیلنے والے عثمان خان، محمد علی،  عرفان خان نیازی اور نسیم شاہ پاکستانی پلیئنگ الیون میں شامل نہیں تھے۔ اسی طرح نیوزی لینڈ کے اہم بیٹر مارک چیپمین ہیم اسٹرنگ انجری کے باعث ٹیم کا حصہ نہیں بن سکے۔خیال رہے نیوزی لینڈ کو 3 میچز پر مشتمل ون ڈے سیریز میں دو صفر کی برتری حاصل ہوگئی ہے۔

دوسرا ون ڈے،نیوزی لینڈ نے پاکستان کو 84رنز سے ہرا کرسیریز جیت لی

نیوزی لینڈ کے دیئے گئے 293 رنز کے ہدف کے تعاقب میں قومی ٹیم 208 رنز بناکر آئوٹ ہوگئی

انتظار کی گھڑیاں ختم ہونے کو ہیں، پاکستان کا سب سے بڑا کرکٹ میلا سجنے کو تیار ہے، پاکستان کرکٹ بورڈ نے ایچ بی ایل پی ایس ایل سیزن 10 کے اینتھم کا آفیشل ٹیزر جاری کر دیا۔ آفیشل ترانے میں معروف گلوکار علی ظفر پھر سے اپنی آواز کا جادو جگائیں گے، ان کے ساتھ ابرارالحق سمیت ابھرتی ہوئی گلوکارہ نتاشہ بیگ اور نوجوان ریپر طلحہ انجم بھی فن کا مظاہرہ کریں گے۔پاکستان سپر لیگ کے آفیشل سوشل میڈیا اکاؤنٹز پر جاری کیے گئے مختصر ٹیزر میں علی ظفر مختلف اسٹیپ کرتے ہوئے دکھائی دے رہے ہیں اور ساتھ ہی میوزک بج رہا ہے ،ٹیزر میں علی ظفر کو رقص کے انداز میں پیش کیا گیا ہے جو ایک الیکٹرک بیٹ کے ساتھ ہے، یہ ٹیزر ایک دلچسپ گانے کی توقعات کو بڑھا رہا ہے۔پی سی بی کے مطابق پی ایس ایل 10 کے آفیشل اینتھم کو جلد مکمل ریلیز کیا جائے گا جس کا کرکٹ کے دیوانے بے چینی سے انتظار کر رہے ۔قبل ازیں پی سی بی کی جانب سے پاکستان سپر لیگ سیزن 10 کے آفیشل اینتھم کی تیاری کی ویڈیو سوشل میڈیا پر جاری کی گئی تھی۔یاد رہے کہ پاکستان سپر لیگ کے دسویں ایڈیشن کا آغاز 11 اپریل سے ہوگا اور 18 مئی تک ملک کے 4 بڑے شہروں کراچی، لاہور، ملتان اور راولپنڈی میں میچز کھیلے جائیں گے۔

پاکستان سپرلیگ 10 کے آفیشل اینتھم کا شاندارٹریلر جاری کردیا گیا

گلوکار علی ظفر کو ٹیزر میں دیکھنے کے بعد مداح آفیشل اینتھم کے جلد ریلیز ہونے کا بے صبری سے انتظار کررہے ہیں

پاکستان تحریک انصاف کے بانی عمران خان نے کہا ہے کہ اگر پارٹی رہنماؤں پر کرپشن کے الزمات کی تحقیقات کرنے والی کمیٹی نے فیصلہ کیا ہے تو خیبر پختونخوا اسمبلی کے اسپیکر کو اپنے عہدے سے مستفی ہوجانا چاہیے۔تفصیلات کے مطابق اعظم خان سواتی نے میڈیا سے گفتگو کرتے ہوئے کہا کہ میری بانی پی ٹی آئی عمران خان سے اور دیگر 2لوگوں کے ہمراہ ملاقات ہوئی ہے۔بانی کو بتایا سلمان اکرم راجہ آپ کا سودا نہیں کرے گا۔میں نے بانی کو مانسہرہ کی کرپشن کے معاملات پر بتایا۔میں نے بانی کو بتایا کمیٹی کے معاملات سامنے لائے جائیں۔بانی نے کہا ہے کمیٹی نے فیصلہ کیا ہے تو اسپیکر کے پی اسمبلی کو مستعفی ہوجانا چاہیئے۔اعظم خان سواتی نے کہا کہ جنید اکبر کے بارے بھی بانی پی ٹی آئی کو بتایا۔بانی نے کہا ہے جنید اکبر کی کی گئی تعیناتیوں کو فوری واپس کیا جائے۔پنجاب کے معاملات پر بھی بانی کو بریف کیا۔بانی کو بتایا عالیہ حمزہ کا راستہ روکا جارہا ہے۔جنید اکبر کے بارے بانی کو بتایا کہ وہ اچھا کام کررہے ہیں۔سردار خان اور اکرام اللہ پر کرپشن کے چارجز ہیں۔اعظم خان سواتی نے مزید کہا کہ بانی کو بتایا انکو عہدے دئیے گئے ہیں۔ہم نے بانی کو ہر صورت جیل سے نکالنا ہے۔علی امین گنڈا پور کرپشن کے معاملات پر خاموش نہیں۔میں علی امین گنڈا کی اجازت سے بانی سے ملنے آیا ہوں۔اس موقع پر مبشر مقصود اعوان نے گفتگو کرتے ہوئے کہا کہ بانی نے کہا ہے انہیں کتابیں نہیں دی جارہی، بانی نے کہا  7 ماہ سے بچوں سے فون پر بات نہیں کرائی گئی، بانی نے کہا سیاسی ملاقاتیں بھی نہیں کرنے دی جارہی ہے۔ پی ٹی آئی کے سیکریٹری جنرل سلمان اکرم راجا نے کہا کہ میں اعظم خان سواتی کی بات پر جنید اکبر سے بات کرونگا، پنجاب میں اگر کوئی مسئلہ ہے تو اس پر بھی گفت شنید ہوسکتی ہے، پارٹی میں کوئی لڑائی نہیں چھوٹے موٹے معاملات چلتے رہتے ہیں۔

اسپیکر خیبر پختونخوا اسمبلی کو مستعفی ہوجانا چاہیے،بانی پی ٹی آئی عمران خان

بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی

امریکا کی جانب سے غزہ کی صورتحال کا ذمہ دار حماس کو قرار دے دیا گیا۔امریکی محکمہ خارجہ ٹیمی بروس نے پریس بریفنگ میں صحافیوں کو بتایا کہ غزہ کی موجودہ صورتحال کی ذمہ دار حماس کے اوپر عائد ہوتی ہے۔انہوں نے کہ ٹرمپ انتظامیہ اپنے تمام فیصلے امریکی عوام کی امنگوں کے عین مطابق کر رہی ہے، اسی وجہ سے ہم محفوظ ہیں اور احترام کے ساتھ اپنے اقدار کو نافذ کر رہے ہیں۔صدر ٹرمپ کے دور میں جب امریکا معاشی لحاظ سے مضبوط ہو جائے گا تو دنیا بھی ایک بہتر جگہ ہو گی۔ امریکی وزارت خارجہ کی ترجمان ٹیمی بروس سے سوال کیا گیا کہ ٹرمپ امریکا کو پھر سے عظیم بنانے کی کوشش کر رہے ہیں مگر مقبوضہ کشمیر اور افغانستان میں بھی لوگ ان کی طرف دیکھ رہے ہیں، جس پر ٹیمی بروس نے کہا کہ لوگ ٹرمپ پر اعتبار کرتے ہیں اسی لیے انہیں دوبارہ منتخب کیا گیا ہے۔ ترجمان امریکی محکمہ کارجہ نے مزید کہا کہ ایران کے پاسداران انقلاب گارڈ کو بین الاقوامی دہشت گرد قرار دیا جا چکا ہے،  ایران کو نیوکلیئر اور بیلسٹک میزائل پروگرام کا پھیلاؤ روکنا ہوگا۔اس کے علاوہ ٹیمی بروس کا کہنا تھا کہ  امریکا آنے والے افراد کو امریکی قوانین کی پابندی کرنا ہوگی۔واضح رہے کہ امریکی صدر ڈونلڈ ٹرمپ نے ایران کو دھمکی دیتے ہوئے کہا ہے کہ اگر ایران نے جوہری ہتھیار بنانے کا سلسلہ جاری رکھا تو اس پر بمباری کی جائے گی۔دوسری جانب ایران نے امریکی دھمکی پر ردعمل دیتے ہوئے کہا ہے کہ کوئی غلطی ہمیں انتہائی اقدام پر مجبور کر سکتی ہے۔ایرانی سپریم لیڈر کے مشیر علی لاریجانی نے ایرانی میڈیا سے گفتگو کرتے ہوئے کہا ہے کہ جوہری ہتھیاروں کے حصول کی جانب نہیں بڑھ رہے، حملہ ہوا تو جوہری ہتھیار حاصل کرنا مجبوری ہو گی، کوئی غلطی ہمیں انتہائی اقدام پر مجبور کر سکتی ہے، ایران کو ہر صورت اپنا دفاع یقینی بنانا ہے۔دوسری جانب ایرانی وزارت خارجہ نے کہا ہے کہ ایران پر بمباری کی کھلی دھمکی عالمی امن و سلامتی کی توہین ہے، تشدد تشدد اور امن امن کو جنم دیتا ہے، راستہ اور نتائج امریکا خود منتخب کر سکتا ہے۔علاوہ ازیں ایرانی پاسداران انقلاب گارڈز کے کمانڈر امیر علی حاجی زادہ نے امریکا کو وارننگ دیتے ہوئے کہا ہے کہ امریکا کو شیشے کے گھر میں رہ کر دوسروں پر پتھر نہیں پھینکنے چاہئیں۔

ایران کو نیوکلیئر اور بیلسٹک میزائل پروگرام کا پھیلاؤ روکنا ہوگا،امریکا

امریکا کی کوئی ایک غلطی ہمیں انتہائی اقدام پر مجبور کر سکتی ہے، ایران کا امریکی دھمکی پرردعمل

امریکی صدر ڈونلڈ ٹرمپ اپنے دوسرے دورِ اقتدار میں پہلے ٹیرف پلان کا اعلان 2 اپریل کو کریں گے۔ترجمان وائٹ ہاؤس کیرولین لیوٹ نے کہا ہے کہ امریکی صدر 2 اپریل کو ٹیرف کا اعلان کریں گے، روز گارڈن میں اہم پریس کانفرنس ہو گی جس میں کابینہ کے ارکان بھی شریک ہوں گے۔کیرولین لیوٹ نے کہا ہے کہ بدھ امریکا میں آزادی کا دن ہو گا، ٹیرف پلان ملک کو نقصان پہنچانے والے غیر منصفانہ تجارتی طریقوں کو ختم کر دے گا، امریکی صدر متبادل ٹیرف کا اعلان کر سکتے ہیں۔ترجمان وائٹ ہاؤس نے مزید کہا ہے کہ دوسرے ممالک کے بلند ٹیرف امریکیوں کیلئےغیر منصفانہ ہیں، امریکا کو بھی اسی حساب سے ٹیرف وصول کرنا چاہیے۔

صدر ٹرمپ امریکا کی آزادی کے دن ٹیرف کا اعلان کریں گے، کیرولین لیوٹ

ٹیرف پلان ملک کو نقصان پہنچانے والے غیر منصفانہ تجارتی طریقوں کو ختم کر دے گا، ترجمان وائٹ ہاؤس

نیوزی لینڈ میں موجود پاکستان کرکٹ ٹیم نے قوم کو عیدالفطر کی مبارکباد دیتے ہوئے نیک خواہشات کا اظہار کیا ہے۔پاکستان کرکٹ ٹیم کے کھلاڑی آج نیوزی لینڈ میں عید منا رہے ہیں، کھلاڑیوں نے عید الفطر کی نماز ہملٹن میں ادا کی، اس موقع پر کھلاڑیوں نے ایک دوسرے کو مبارکباد بھی دی۔شائقین کرکٹ نے قومی ٹیم کے کھلاڑیوں کے ساتھ تصاویر بھی بنوائیں۔کرکٹرز نے قوم کو مبارک باد دیتے ہوئے کہا ہے کہ اپنا اور دوسروں کا خیال رکھیں، خود بھی عید منائیں اور دوسروں کو بھی عید کی خوشیوں میں شامل کریں۔واضح رہے کہ قومی ٹیم آج سیڈن پارک میں ٹریننگ کرے گی، پاکستان نیوزی لینڈ کا دوسرا ون ڈے کل کھیلا جائے گا، میزبان نیوزی لینڈ کو 3 ون ڈے میچز کی سیریز میں ایک صفر کی برتری حاصل ہے۔

قومی کرکٹ ٹیم کےکھلاڑی آج نیوزی لینڈ میں عید منا رہے ہیں، عید الفطر کی نماز ہملٹن میں ادا کی

پاکستان کرکٹ ٹیم کی قوم کو عید کی مبارکباد، شائقین کے ساتھ تصاویر بھی بنوائیں

پاکستان اور نیوزی لینڈ کے درمیان دوسرا ون ڈے میچ کل کھیلا جائے گا۔نیوزی لینڈ نے مایہ ناز بلے باز مارک چیپمین پاکستان کے خلاف دوسرے ون ڈے میچ سے باہر ہوگئے۔تفصیلات کے مطابق پاکستان اور نیوزی لینڈ کی کرکٹ ٹیموں کے درمیان دوسرا ون ڈے میچ 2 اپریل (کل )ہیملٹن میں کھیلا جائے گا۔3 میچز پر مشتمل سیریز کے  پہلے ون ڈے میں نیوزی لینڈ نے پاکستان کو 73 رنز سے شکست دی تھی۔ میزبان ٹیم کو تین میچوں کی سیریز میں 0-1 کی برتری حاصل ہے۔ پاکستانی ٹیم محمد رضوان کی زیر قیادت میدان میں اترے گی، دیگر نمایاں کھلاڑیوں میں بابر اعظم، نسیم شاہ، سلمان علی آغا، عبداللہ شفیق اور حارث رؤف شامل ہیں۔دوسری جانب نیوزی لینڈ کرکٹ کے مطابق مارک چیپمین دائیں ہیم اسٹرنگ انجری کا شکار ہوئے جس کہ وجہ سے وہ دوسرے ون ڈے سے باہر ہوگئے۔بائیں ہاتھ کے بیٹر مارک چیپمین نے پہلے ون ڈے میچ میں 132 رنز کی شاندار اننگز کھیلی تھی۔مارک چیپمین پہلے ون ڈے میچ میں فیلڈنگ کے دوران انجری کا شکار ہوئے، ایم آر آئی اسکین میں گریڈ ون ٹئیر کی نشاندہی ہوئی ہے۔ان کو  کو ری ہیب کے لیے مختصر وقت درکار ہے۔نیوزی لینڈ کرکٹ کے مطابق مارک چیپمین کی جگہ ٹم سائفرٹ کو اسکواڈ میں شامل کر لیا گیا ہے۔ دونوں ٹیموں کے درمیان سیریز کا تیسرا اور آخری ون ڈے میچ 5 اپریل کو ماؤنٹ منگنوئی میں کھیلا جائے گا۔ واضح رہے کہ نیوزی لینڈ نے اس قبل ٹی 20 سیریز میں پاکستان کو 1-4 سے شکست دی تھی۔

پاکستان اور نیوزی لینڈ کے درمیان دوسرا ون ڈے کل ہملٹن میں کھیلا جائے گا

پہلے ون ڈے میں پاکستان کو 73 رنز سے شکست ہوئی تھی،نیوزی لینڈ کوسیریز میںایک صفر کی برتری حاصل ہے

چیئرمین پاکستان تحریک انصاف بیرسٹر گوہر نے عمران خان کی رہائی کے بغیر عید کو نامکمل قرار دیدیا۔عید الفطر کے موقع پر اپنے ایک پیغام میں چیئرمین پی ٹی آئی بیرسٹر گوہر علی خان کا کہنا تھا کہ بانی پی ٹی آئی عمران خان کی جیل میں تیسری عید ہے، عمران خان کی رہائی کے بغیر ہماری عید کی خوشیاں نامکمل ہیں، ہم دعا گو ہیں کہ آئندہ عید پر بانی پی ٹی آئی ہمارے درمیان موجود ہوں۔انہوں نے کہا کہ عمران خان پاکستان کے مقبول ترین سیاسی رہنما ہیں، ہمارا مطالبہ ہے کہ بانی کو مزید عوام سے دور نہ رکھا جائے اور انہیں جیل سے رہا کیا جائے، جلد عمران خان کی رہائی کیلئے اپوزیشن اتحاد بنا کر تحریک چلائیں گے۔بیرسٹر گوہر کا کہنا تھا کہ بانی پی ٹی آئی کا وزیراعلیٰ خیبرپختونخوا پر مکمل اعتماد ہے، علی امین گنڈاپور کے حوالےسے پراپیگنڈا میں صداقت نہیں ہے، پارٹی میں اختلاف رائے موجود ہے لیکن اختلافات نہیں ہیں۔پی ٹی آئی چیئرمین نے کہا کہ عید کی خوشیوں میں اسیر کارکنوں اور قائدین کی قربانیوں کو بھی فراموش نہ کیا جائے، ان کی رہائی کیلئے خاص دعا کی جائے، عید کی خوشیوں میں مظلوم اہل غزہ اور کشمیریوں کو بھی یاد رکھیں۔

عمران خان کی رہائی کے بغیر ہماری عید کی خوشیاں ادھوری ہیں، بیرسٹرگوہر

دعا ہے اگلی عید پر بانی پی ٹی آئی بھی رہائی پاکرہمارے درمیان ہوں،چیئرمین پی ٹی آئی

پاکستان تحریک انصاف (پی ٹی آئی) کے بانی عمران خان مسلسل تیسری عید اڈیالہ جیل میں گزار رہے ہیں۔ جیل کی مرکزی جامع مسجد میں قیدیوں، حوالاتیوں اور جیل افسران نے نماز عید ادا کی، تاہم سکیورٹی وجوہات کی بنا پر بانی پی ٹی آئی نماز عید ادا نہیں کر سکے۔ ان کے علاوہ ان کی اہلیہ بشریٰ بی بی بھی اپنے سیل میں ہی رہیں۔میڈیارپورٹس کے مطابق اڈیالہ جیل کی مرکزی جامع مسجد میں عید کی نماز ادا کی گئی جس میں جیل کے قیدیوں، حوالاتیوں اور جیل افسران نے بڑی تعداد میں شرکت کی۔تاہم بانی پی ٹی آئی اور ان کی اہلیہ بشری بی بی اپنے اپنے سیل میں ہی بند رہے اور وہ نماز عید میں شریک نہیں ہو سکے۔جیل ذرائع کے مطابق بانی پی ٹی آئی نے اس عید کے موقع پر تاحال نئے کپڑے نہیں پہنے، اور وہ جیل کی موجودہ حالت میں ہی عید کی عبادات انجام دے رہے ہیں۔اس موقع پر جیل حکام نے کہا کہ عید کے روز بھی تمام سیکیورٹی اور انتظامات معمول کے مطابق کیے گئے ہیں تاکہ کسی بھی قسم کی غیر معمولی صورتحال سے بچا جا سکے۔پولیس کے مطابق راولپنڈی میں سکیورٹی صورت حال  کے پیش نظر اڈیالہ جیل کے اطراف میں 3 دن کے لیے خصوصی سکیورٹی پلان نافذ کردیا گیا۔ اس سلسلے میں جیل جانے والے راستوں پر 8 اضافی پکٹس ناکا بندیاں قائم کردی گئی ہیں۔سکیورٹی پلان میں 200 کے قریب افسران و اہل کاروں کی ڈیوٹیاں لگائی گئی ہیں جب کہ اہل کاروں سے تین شفٹوں میں ڈیوٹی لی جائے گی۔ایس پی صدر نبیل کھوکھر سکیورٹی پلان کے براہ راست نگران مقرر کیے گئے ہیں جب کہ تعینات پولیس کو ریزور فورس کی بھی مدد حاصل ہو گی۔ پولیس کو اینٹی رائیٹ سامان سے لیس بھی کیا گیا ہے۔

بانی پی ٹی آئی عمران خان کی تیسری عید بھی جیل میں، نمازِ عید ادا نہیں کرسکے

سکیورٹی وجوہات کے باعث بانی پی ٹی آئی عمران خان ودیگرقیدی نماز عید ادا نہیں کرسکے

چیف آف آرمی اسٹاف جنرل سید عاصم منیر، نشانِ امتیاز (ملٹری) نے عید الفطر کے موقع پر جنوبی وزیرستان کے علاقے وانا اور ڈیرہ اسماعیل خان کے علاقے چہکان کا دورہ کیا تاکہ وہ مغربی سرحد پر تعینات افسران اور جوانوں کے ساتھ عید منائیں۔ چیف آف آرمی اسٹاف نے فوجی جوانوں کے ہمراہ عید کی نماز ادا کی اور پاکستان کے پائیدار استحکام اور خوشحالی کے لیے دعا کی۔ترجمان پاک فوج کے مطابق آرمی چیف نے جوانوں کو عید کی مبارکباد دی اور ان کی بے لوث خدمات اور غیر متزلزل عزم کو سراہا۔آئی ایس پی آر کے مطابق سپہ سالار نے کہا کہ آپ کی وابستگی اور قربانیاں نہ صرف ہمارے وطن کے تحفظ کی ضمانت ہیں، پاکستان سے آپ کی گہری محبت کی بھی عکاسی کرتی ہیں۔آئی ایس پی آر کے مطابق آرمی چیف نے خیبرپختونخوا کے عوام کے شانہ بشانہ مسلح افواج اور قانون نافذ کرنے والے اداروں کی کارکردگی کو سراہا اور کہا کہ خیبرپختونخوا کے عوام نے دہشت گردی کی لعنت کیخلاف ہمیشہ بہادری کا مظاہرہ کیا۔آئی ایس پی آرکے مطابق آرمی چیف نے شہداء کی قربانیوں کو خراجِ عقیدت پیش کیا اور کہا کہ امن و استحکام کے قیام کے لیے ان کی جدوجہد ہی ہماری کامیابی کی بنیاد ہے۔آرمی چیف کے دورے پر پہنچنے پر کور کمانڈر پشاور نے ان کا پرتپاک استقبال کیا۔

خیبرپختونخوا کے عوام نے دہشت گردی کی لعنت کیخلاف بہادری کا مظاہرہ کیا، آرمی چیف

آرمی چیف کا وانا اور ڈیرہ اسماعیل خان کا دورہ، مغربی سرحد پر تعینات افسران اور جوانوں کے ساتھ نماز عید ادا کی

کراچی کے مختلف علاقوں میں زلزلے کے جھٹکے محسوس کئے گئے۔میڈیارپورٹس کے مطابق  4 اعشاریہ 7 شدت کا زلزلہ کراچی اور بلوچستان کی درمیانی سرحد پر آیا۔شہرقائدکے مختلف علاقوں ضلع جنوبی، ملیر، ضلع وسطی، اسکیم 33، نیو کراچی، سہراب گوٹھ سمیت مختلف علاقوں میں زلزلے کے جھٹکے محسوس کئے گئے۔ زلزلے کے باعث شہری خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے۔ریکٹر اسکیل پر زلزلے کے جھٹکوں کی شدت 4.7 ریکارڈ کی گئی زلزلے کا مرکز کراچی سے شمال کی جانب 75 کلومیٹر تھا۔زلزلہ پیما مرکز کے مطابق زمین میں زلزلے کی گہرائی 19 کلومیٹر ریکارڈ کی گئی۔زلزلے کے جھٹکے شام 4 بجکر 11 منٹ پر محسوس کیے گئے ہیں۔شہریوں کی جانب سے بھی سوشل میڈیا پر زلزلے کے جھٹکوں کے بارے میں بتایا گیا تاہم زلزلے کے باعث فوری طور پر کسی نقصان کی اطلاع نہیں ملی۔

کراچی کے مختلف علاقوں میں زلزلے کے جھٹکے،شدت 4.7    ریکارڈ

زلزلے کی گہرائی 19 کلو میٹر ریکارڈ کی گئی، مرکز کراچی کے شمال میں75کلومیٹردور تھا ،زلزلہ پیمامرکز

ایچ بی ایل پی ایس ایل10 کیلیے ٹکٹوں کی فروخت عیدالفطر کے بعد 3 اپریل سے شروع ہوگی۔ شائقین کرکٹ جمعرات کو سہ پہر 3 بجے سے پی سی بی ڈاٹ ٹی سی ایس ڈاٹ کام ڈاٹ پی کے پرآن لائن ٹکٹ خرید سکیں گے، جبکہ فزیکل ٹکٹ 7 اپریل سے ملک بھر کے ٹی سی ایس ایکسپریس سینٹرز پر دستیاب ہوں گے۔پی ایس ایل کے میچز  چار شہروں کراچی، لاہور، ملتان اور راولپنڈی میں کھیلے جائیں گے،فائنل 18 مئی کو قذافی اسٹیڈیم لاہور میں ہوگا۔چاروں وینیوز کے عام ٹکٹ 650  روپے میں دستیاب ہوں گے، اسلام آباد یونائیٹڈ اور لاہور قلندرز کے درمیان راولپنڈی کرکٹ اسٹیڈیم میں افتتاحی میچ کے ٹکٹ 1000 روپے سے 8500 روپے تک کے ہیں۔ہر میچ کے دوران ایک ٹکٹ ریفل کا انعقادبھی کیا جائے گا جس میں شائقین انعامات حاصل کرسکیں گے۔ایچ بی ایل پی ایس ایل 10 کا آغاز 11 اپریل 2025 کو دفاعی چیمپئن اسلام آباد یونائیٹڈ اور 2 مرتبہ کی چیمپئن لاہور قلندرز کے درمیان میچ سے ہوگا، جو راولپنڈی کرکٹ اسٹیڈیم میں کھیلا جائے گا۔6 ٹیموں پر مشتمل ایونٹ میں مجموعی طور پر 34 میچز کھیلے جائیں گے جو 11 اپریل سے 18 مئی تک جاری رہیں گے۔

پی ایس ایل10 کی ٹکٹوں کی فروخت3اپریل سے شروع ہوگی

ایل پی ایس ایل 10 کا آغاز 11 اپریل کواسلام آباد یونائیٹڈ اورلاہور قلندرز کے درمیان میچ سے ہوگا

چیئرمین جوائنٹ چیفس آف سٹاف کمیٹی اور سروسز چیفس نے قوم کو عیدالفطر کی مبارکباد دی ہے۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ عیدالفطر رمضان کے اختتام پر اتحاد، ہمدردی اور شکر گزاری کی علامت ہے۔آئی ایس پی آر کا کہنا ہے کہ ہمارے جوانوں اور افسروں کی عید کی اصل خوشی قوم کے دفاع کی ذمہ داری نبھانے میں ہے، یہ جوان خاندان سے دور امن، خوشحالی اور ہم آہنگی کو فروٖغ دینے کیلئے کوشاں ہیں۔پاک فوج کے شعبہ تعلقات عامہ کے مطابق یہ مبارک موقع ہمیں قومی ہیروز کی غیر متزلزل بہادری اور عزم کی یاد دلاتا ہے، پاک فوج کے جوان ہماری خودمختاری کی حفاظت کیلئے ہمیشہ مستعد رہتے ہیں۔پاک افواج نے تمام شہریوں سے اپیل کی کہ وہ محبت کے جھنڈے تلے متحد رہیں اور قومی یکجہتی کو فروغ دیں۔

چیئرمین جوائنٹ چیفس اور سروسز چیفس کی قوم کو عید کی مبارکباد،آئی ایس پی آر

عید پر یکجہتی، محبت اور احترام کے جذبے کو فروغ دیں، عسکری قیادت کا خصوصی پیغام

ملک بھر میں عیدالفطر مذہبی عقیدت و احترام کے ساتھ منائی جا رہی ہے۔کراچی ،اسلام آباد،لاہور، کوئٹہ اور پشاور سمیت ملک کے مختلف شہروں اور قصبوں میں نماز عیدالفطر کے ہزاروں بڑے اور چھوٹے اجتماعات منعقد ہوئے جہاں فرزندان اسلام نے نماز عید ادا کی، نماز عید کے روح پرور اجتماعات میںامت مسلمہ، مقبوضہ کشمیر، فلسطین سمیت ملکی سلامتی پاکستانی کی ترقی و خوشحالی کے لئے خصوصی دعائیں کی گئیں۔اسلام آباد کی فیصل مسجد، لاہور کی بادشاہی مسجد، کراچی کے پولو گراؤنڈ میں نماز عید کا مرکزی اجتماع ہوا، جس میں اہم حکومتی اور دیگر سیاسی و سماجی شخصیات نے بھی شرکت کی۔کراچی کے گورنر ہاؤس میں عید کی نماز اد کی گئی جس میں جہاں گورنر سندھ سمیت دیگر اہم شخصیات شریک ہوئی۔پولوگراونڈ میں بھی نماز عید ادا کی گئی، جس میں مئیر کراچی سمیت اہم سیاسی اور سماجی شخصیات نے شرکت کی۔ناظم آباد کے عیدگاہ گراونڈ میں مفتی تقی عثمانی نے عید کی نماز پڑھائی، جبکہ جماعت اسلامی پاکستان کے امیر حافظ نعیم الرحمٰن نے بھی اسی مقام پر نماز عید ادا کی۔کراچی شہر بھر میں مجموعی طور پر 4 ہزار سے زائد چھوٹے اور بڑے نماز عید کے اجتماعات ہوئے، جہاں لاکھوں مسلمانوں نے یکجا ہو کر عید کی نماز ادا کی۔لاہور کے دوسرے علاقوں کی طرح باغ جناح میں بھی عید الفطر کی نماز ادا کی گئی، کراچی کی سبیل والی مسجد گرومندر میں بھی عید الفطر کی نماز ادا کر دی گئی۔چیرمین نظریاتی کونسل مولانا راغب نعیمی نے لاہور میں جامعیہ نعیمہ میں عید الفطر کی نماز کی امامت کی۔ کراچی اور لاہور سمیت دیگر بڑے شہروں میں عید الفطر کی نماز کے بڑے اجتماعات کے پیش نظر پولیس اور رینجرز کی بھاری نفری تعینات کی گئی تھی۔ملک بھر میں عید کی نماز کے اجتماعات کی سیکیورٹی کے لیے سخت انتظامات کیے گئے۔نماز عید کی ادائیگی کے بعد شہریوں نے اپنے مرحومین کی قبروں پر حاضری کے لیے قبرستانوں کو رخ کیا جبکہ قبرستانوں کے باہر پھولوں کے اسٹالز کی ایک بڑی تعداد دیکھنے کو ملی۔

ملک بھر میں آج عید الفطر مذہبی عقیدت واحترام کے ساتھ منائی جا رہی ہے

نماز عید کے روح پرور اجتماعات میں ملکی خوشحالی، ترقی اور امن و امان کیلئے خصوصی دعائیں کی گئیں

بین الاقوامی شہرت یافتہ معروف فٹبالر کرسٹیانو رونالڈو نے عید الفطر کے موقع پر دنیا بھر کے مسلمانوں کو مبارکباد پیش کی ہے۔ سماجی رابطوں کی ویب سائٹ پر اپنے پیغام میں کرسٹیانو رونالڈو نے مسلمانوں کے لیے نیک خواہشات کا اظہار کیا۔اپنے پیغام میں رونالڈو نے لکھا ہے کہ ’عید مبارک! میری خواہش ہے کہ یہ خصوصی وقت آپ سب اور آپ کے پیاروں کے لیے خوشی، امن اور سلامتی لائے۔رونالڈو نے اپنے پیغام میں عید الفطر کو ایک بابرکت موقع قرار دیتے ہوئے خصوصی دعا بھی کی کہ یہ تہوار ہر ایک کے لیے امن اور سلامتی کا پیغام لے کر آئے۔سعودی کلب النصر کے کھلاڑی رونالڈو نے اپنے مداحوں کے ساتھ روایتی سعودی لباس میں ایک تصویر بھی شیئر کی جسے دنیا بھر میں ان کے چاہنے والوں نے بے حد پسند کیا۔ان کے اس پیغام کو لاکھوں افراد نے سراہا اور عید کی خوشیوں میں ان کی شمولیت کو اسلامی ثقافت کے احترام سے تعبیر کیا۔

عالمی شہرت یافتہ فٹبالر کرسٹیانو رونالڈو کی مسلمانوں کو عید الفطر پر مبارکباد

عید مبارک! میری خواہش ہے کہ یہ خصوصی وقت آپ سب اور آپ کے پیاروں کیلئے خوشی، امن اور سلامتی لائے،رونالڈو

پاکستان میں عید کا چاند نظر آگیا ہے، کل ملک بھر میں روایتی جوش و خروش سے عید منائی جائیگی۔تفصیلات کے مطابق اسلام آباد اور لاہور سمیت ملک کے مختلف حصوں میں شوال کا چاند نظر آگیا ہے، مرکزی رویت ہلال کمیٹی کی جانب سے چاند نظر آنے کا اعلان کردیا گیا ہے۔وفاقی دارالحکومت اسلام آباد میں مرکزی رویت ہلال کمیٹی کا اجلاس مولاناعبدالخبیر کی زیر صدارت ہوا جس کے دوران ملک بھر سے شہادتیں موصول ہونے اور پھر تصدیق کا عمل مکمل ہونے پر شوال کا چاند نظر آنے کا باضابطہ اعلان کر دیا گیا ہے ۔رویت ہلال کمیٹی کے چیئرمین نے بتایا کہ اسلام آباد، لاہور، شیخوپور، گوجرانوالہ سمیت مختلف شہروں سے چاند نظر آنے کی شہادتیں موصول ہوئیں۔انہوں نے کہا کہ چاند کی شہادتیں موصول ہونے کے بعد اتفاق رائے سے فیصلہ کیا گیا ہے کہ پاکستان میں عید الفطر 31 مارچ بروز پیر کو ہوگی۔

شوال کا چاند نظر آگیا، ملک بھر میں کل عیدالفطر منائی جائے گی

پاکستان میں عید الفطر 31 مارچ کل بروز پیر کو ہوگی،چیئرمرکزی رویت ہلال کمیٹی مولانا عبدالخبیر آزاد

معروف اداکارہ ماہرہ خان اپنوں کے ساتھ عید منانے کے لیے ریلوے اسٹیشن پہنچ گئیں، وہاں انہوں نے ہوبہو صحافی چاند نواب کی نقل کی۔پاکستان کی معروف اداکارہ ماہرہ خان نے صحافی چاند نواب کی 2008 میں وائرل ہونے والی عید رپورٹنگ کی نقل کرتے ہوئے ایک دلچسپ ویڈیو شیئر کی ہے۔گزشتہ روز ماہرہ نے انسٹاگرام پر ایک ریل پوسٹ کی، جس میں وہ چاند نواب کی مشہور ریلوے اسٹیشن پر عید کے حوالے سے کی گئی رپورٹنگ کو دوبارہ پیش کر رہی ہیں۔اداکارہ نے ریلوے اسٹیشن پہنچ اپنے شہر عید منانے جانے والوں کا حال بتایا جس کی ویڈیو سوشل میڈیا پر وائرل ہوگئی۔ماہرہ خان نے چاند نواب کے مشہور کلپ ’’کراچی سے لوگ اندرون ملک اپنوں میں عید منانے کے لیے جارہے ہیں کیمرہ مین کامی یوسف کے ساتھ چاند نواب‘‘ کی پرمزاح انداز میں پیروڈی کی۔چاند نواب کی اس وائرل کلپ اور ان کے کردار کو بالی ووڈ فلم بجرنگی بھائی جان میں بھی استعمال کیا گیا تھا جبکہ اداکار نوازالدین صدیقی نے پاکستانی صحافی کا کردار بڑی خوبی سے نبھایا تھا۔

اداکارہ ماہرہ خان عیدالفطر کی آمد کے پیش نظر مشہور و معروف رپورٹر چاند نواب بن گئیں

ماہرہ خان نے اپنے انسٹاگرام پر ایک ویڈیو پوسٹ کی جس میں وہ چاند نواز کی آواز پر اداکاری کرتی دکھائی دیں

England need 297 runs to win the PAK vs ENG 2nd test.

PAK vs ENG 2nd Test Day 3 Live Score & Match Updates

The PAK vs ENG 2nd test is a must win match for the Men in Green if they want to win or at least level the series. 
 
The 1st test was easily won by England by an innings and 47 runs and the Pakistan team suffered from another humiliating defeat on their home ground. 
 
Pakistan test team&rsquo;s continuous abysmal performance has raised several questions regarding the players&rsquo; and team management&rsquo;s credibility.&nbsp;

With the World Test Championship 2023-25 underway, it&rsquo;s more important than ever for the Pakistan team to win their test matches if they want to qualify for the finals.&nbsp;

In the ENG vs PAK 2nd test match, Pakistan won the toss and chose to bat first. Only Saim Ayub, Kamran Ghulam, and Mohammad Rizwan were the only three batsmen who managed to score well. After a series of ups and downs, the hosts finally reached a total of 366.&nbsp;

In response, the England team started off quite well, with Ben Duckett scoring 114 runs. However, soon after Duckett&rsquo;s dismissal, Pakistan bowler Sajid Khan wreaked havoc and didn&rsquo;t let a single English batsman settle down.&nbsp;

The Englishmen were all out for 291, leaving Pakistan with a lead of 75 runs.&nbsp;

Pakistan&rsquo;s 2nd innings was the epitome of a horrible batting display. Apart from Salman Ali Agha, no other batsman was able to get past the 35-runs mark.&nbsp;

As expected, the hosts collapsed after putting up a meager score of 221 runs, giving England a target of 297 to win the Pak vs Eng 2nd test. 
 
The tourists kickstarted their 2nd innings in the last session of Pakistan vs England 2nd test day 3.&nbsp;

Sajid Khan removed the centurion Ben Duckett on 0 runs, whereas Noman Ali dismissed Zak Crawley. England suffered 2 early setbacks, but with Joe Root still on the crease, they can easily make a comeback on PAK vs ENG 2nd test day 4.&nbsp;

England 36/2 at the end of day 3.&nbsp;

PAK vs ENG 2nd test: Another Disgraceful Batting Display

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan