Cricket

Entertainment

Football

یمن میں امریکا نے بڑا فضائی حملہ کیا ہے جس میں 38 افراد جاں بحق اور 102 زخمی ہوگئے۔بین الاقوامی خبر رساں ایجنسیوں کے مطابق فضائی حملہ تیل بردار بندرگاہ پر کیا گیا، جہاں کارکن تیل کی ترسیل کے امور میں مصروف تھے۔رواں برس مارچ سے شروع ہونے والے یمن پر امریکی حملوں میں یہ سب سے بڑا جانی نقصان ہے۔امریکی سینٹرل کمانڈ (سینٹ کام) کی جانب سے جاری کردہ بیان میں کہا گیا کہ آج امریکی افواج نے ایران کے حمایت یافتہ حوثی دہشت گردوں کے ایندھن کے اس اہم ذریعہ کو ختم کرنے کے لیے کارروائی کی تاکہ انہیں غیر قانونی آمدنی سے محروم کیا جا سکے۔بیان میں کہا گیا کہ یہ کارروائی یمن کے عوام کو نشانہ بنانے کے بجائے صرف حوثیوں کی فوجی و اقتصادی صلاحیتوں کو کمزور کرنے کے لیے کی گئی ہے۔یہ حملہ راس عیسیٰ آئل پورٹ پر کیا گیا، جو یمن کے مغربی ساحل پر واقع تین اہم بندرگاہوں میں سے ایک ہے، جہاں سے ملک کی زیادہ تر درآمدات اور انسانی امداد پہنچتی ہے۔دوسری جانب حوثی وزارت صحت کے ترجمان نے سوشل میڈیا پر جاری بیان میں کہا کہ امریکی جارحیت میں راس عیسیٰ بندرگاہ پر کام کرنے والے درجنوں ملازمین نشانہ بنے۔ ان کے مطابق، حملے میں 38 افراد موقع پر جاں بحق جبکہ 102 شدید زخمی ہوئے۔یاد رہے کہ یمن کے حوثیوں کے زیر قبضہ علاقوں پر روزانہ کی بنیاد پر فضائی حملے جاری ہیں جن کا الزام امریکا پر عائد کیا جا رہا ہے کیوںکہ امریکا نے 15 مارچ سے حوثیوں کے خلاف فضائی کارروائیوں کا آغاز کیا تاکہ انہیں اہم انٹرنیشنل بحری راستوں میں جہازوں کو نشانہ بنانے سے روکا جا سکے۔حوثی باغی بھی نہ صرف امریکی فوجی جہازوں کو نشانہ بنا چکے ہیں بلکہ اسرائیل پر بھی حملے کر چکے ہیں، وہ ان کارروائیوں کو غزہ کے فلسطینی عوام کے ساتھ اظہار یکجہتی قرار دیتے ہیں۔

امریکا کا یمنی بندرگاہ پرفضائی حملہ، 38 افراد جاں بحق، 102 زخمی ہوگئے

حملہ راس عیسیٰ آئل پورٹ پر کیا گیا، جو یمن کے مغربی ساحل پر واقع تین اہم بندرگاہوں میں سے ایک ہے

کمشنر کراچی سید حسن نقوی  نے شہر میں ٹریفک حادثات پر قابو پانے کے لیے دفعہ 144 کے تحت صبح 6 بجے سے رات 10 بجے تک ہیوی ٹریفک کے داخلے پر پابندی عائد کر دی اور اس حوالے سے نوٹیفکیشن بھی جاری کردیا گیا۔کمشنر کراچی سید حسن نقوی نے ڈی جی آئی جی ٹریفک کی سفارش پر شہر میں دفعہ 144 کے تحت شہر میں ہیوی ٹریفک کے داخلے پر دو ماہ کے لیے پابندی عائد کی ہے۔کراچی میں ٹریفک حادثات میں مسلسل اضافہ ہو رہا ہے اور ہیوی گاڑیوں کی زد میں آکر موٹرسائیکل سوار جاں بحق ہور ہے ہیں، جس پر ڈی آئی جی ٹریفک کی سفارش پر کمشنر کراچی حسن نقوی نے ایک نوٹیفکیشن جا ری کیا۔نوٹیفکیشن کے مطابق  دفعہ 144 کے تحت صبح 6 بجے سے رات 10 بجے تک شہر میں ہیوی گاڑیوں کے داخلے پر پابندی ہوگی اور پابندی کا اطلاق مال بردار گاڑیوں پر بھی ہوگا۔ہیوی ٹریفک کو سپرہاوے سے نیو کراچی انڈسٹریل ایریا براستہ سلپ روڈ چلنے کی اجازت ہوگی، اسی طرح نیشنل ہائی وے سے گودام چورنگی براستہ منظر پیٹرول پمپ، یونس چورنگی، داد چورنگی سے جام صادق چلنے کی اجازت ہوگی جبکہ ناردرن بائی سے پراچہ چوک، اسٹیٹ ایونیو، سیمنز چورنگی سے گلبائی ماڑی پورروڈ پر ہیوی ٹریفک کو آمدورفت کی اجازت ہوگی۔پابندی کی خلاف ورزی کرنے والوں کے خلاف متعلقہ حکام کو شکایت درج کرکے کارروائی کرنے کے اختیارات بھی تفویض کر دیے گئے ہیں۔واضح رہے کہ کراچی میں رواں سال اب تک ہیوی ٹریفک کے مختلف حادثات میں 100 سے زائد معصوم شہری اپنی جان گنوا چکے ہیں جن میں خواتین اور بچے بھی شامل ہیں۔

شہرقائد میں دن کے اوقات میں ہیوی ٹریفک پر پابندی عائد

کمشنر کراچی نے ڈی آئی جی ٹریفک کی سفارش پر ہیوی ٹریفک پرپابندی عائد کردی جس کا نوٹیفکیشن بھی جاری کردیا گیا

لبنان نے ڈزنی کی نئی لائیو ایکشن فلم سنو وائٹ کو سنیماء گھروں میں ریلیز کرنے سے روک دیا ۔بین الاقوامی میڈیا کی رپورٹس کے مطابق اس اقدام کی بنیادی وجہ فلم میں اسرائیلی اداکارہ گال گیڈٹ کی کاسٹنگ ہے، جو کہ فلم میں ایول کوئن کا کردار ادا کر رہی ہیں۔یہ فیصلہ لبنان کے وزیرِ داخلہ احمد الحجار کی جانب سے کیا گیا، جو فلم اور میڈیا مانیٹرنگ بورڈ کی تجاویز کے بعد سامنے آیا۔مقامی رپورٹس کے مطابق پابندی اسرائیلی فوج کی لبنان میں حزب اللہ کے خلاف حالیہ کارروائیوں اور ان حملوں میں عام شہریوں کے متاثر ہونے کے پسِ منظر میں لگائی گئی ہے۔لبنان اور اسرائیل کے درمیان بڑھتی ہوئی کشیدگی کے باعث یہ فیصلہ مزید اہمیت اختیار کر گیا ہے۔یاد رہے کہ لبنان ماضی میں بھی اسرائیلی فنکاروں یا اسرائیلی وابستگی رکھنے والے مواد پر پابندیاں عائد کرتا رہا ہے۔

لبنان نے اسرائیلی اداکارہ کو کاسٹ کرنے پر فلم سنووائٹ پر پابندی عائد کردی

لبنان ماضی میں بھی اسرائیلی فنکاروں یا اسرائیلی وابستگی رکھنے والے مواد پر پابندیاں عائد کرتا رہا ہے

وفاقی دارالحکومت میں شدید ژالہ باری ایک بار پھر ہو سکتی ہے، اس حوالے سے محکمہ موسمیات نے موسم میں اسی طرح کی اچانک تبدیلیوں سے خبردار کردیا۔ نیشنل ایمرجنسی آپریشن سینٹر (این ای او سی) نے اسلام آباد، راولپنڈی سمیت پنجاب کے کئی علاقوں میں شدید بارش، ژالہ باری اور آندھی سے متعلق الرٹ جاری کر دیا۔یاد رہےگزشتہ روز اسلام آباد اور ملحقہ علاقوں میں شدید ژالہ باری ہوئی تھی جس کے سبب سینکڑوں گاڑیوں کے شیشے ٹوٹنے کے علاوہ دیگر کئی نقصانات ہوئے تھے۔ ژالہ باری سے فیصل مسجد کی کھڑکیوں کے شیسے بھی ٹوٹ گئے تھے۔ژالہ باری کے دوران گرنے والے اولے اتنے بڑے تھے کہ اسلام آباد کے مختلف علاقوں میں کھلے آسمان تلے موجود گاڑیوں کے شیشے ٹوٹ گئے تھے اور سڑکوں  و پارکوں نے گویا سفید چادر اوڑھ لی تھی۔نیشنل ایمرجنسی آپریشن سینٹر (این ای او سی)نے جاری الرٹ میں بتایا کہ 18 اور 19 اپریل کو شدید بارش اور بعض مقامات میں ژالہ باری کا امکان ہے۔نیشنل ایمرجنسی آپریشن سینٹر نے اسلام آباد، راولپنڈی سمیت پنجاب کے کئی علاقوں میں شدید موسمی صورت حال کی وارننگ جاری کر دی۔این ای او سی کے مطابق اسلام آباد، راولپنڈی او پنجاب کے علاقے بشمول اٹک، چکوال، گجرات، جہلم میں آندھی طوفان اور ژالہ باری ہو سکتی ہے۔وسطی پنجاب کے علاقے فیصل آباد، حافظ آباد، جھنگ، خوشاب، میانوالی، لاہور، نارووال، ساہیوال، سرگودھا اور شیخوپورہ بھی شدید موسمی زد میں آ سکتے ہیں،تیز ہواؤں اور موسلا دھار بارش کے باعث بجلی کی بندش، درختوں کے گرنے اور دیگر حادثات کا اندیشہ ہے۔محکمہ موسمیات کا کہنا ہے کہ جس طرح گزشتہ روز اسلام آباد میں شدید گرمی کی لہر کے دوران اچانک آسمان نے اولے برسائے اور شدید ژالہ باری سے سیکڑوں گاڑیوں کو نقصان پہنچا اسی طرح کی ژالہ باری دوبارہ بھی ہو سکتی ہے۔ محکمہ موسمیات کا کہنا ہے کہ جب موسم بدل رہا ہوتا ہے تو اس طرح کے ایونٹ ہوتے ہیں۔

اسلام آباد سمیت دیگر علاقوں میں شدید بارش، ژالہ باری اورآندھی کا الرٹ جاری

تیز ہواؤں اورموسلا دھار بارش سے درختوں گرنے اور دیگر حادثات کا اندیشہ ہے، این ای او سی

پاکستان ویمنز کرکٹ ٹیم نے رواں سال بھارت کی میزبانی میں ہونے والے آئی سی سی ورلڈ کپ کےلیے کوالیفائی کرلیا۔تفصیلات کے مطابق آئی سی سی ویمنز ورلڈ کپ کوالیفائر میں پاکستان ویمنز ٹیم نے اپنے چوتھے میچ میں تھائی لینڈ کو 87 رنز سے شکست دیکر آئی سی سی ویمنز ورلڈ کپ 2025 کیلئے کوالیفائی کرلیا۔206 رنز کے ہدف کے تعاقب میں تھائی لینڈ کی ٹیم 35 ویں اوورز میں محض 118 رنز بناکر پویلین لوٹ گئی، نانا پت 19 رنز کیساتھ نمایاں رہیں۔پاکستان کی جانب سے کپتان فاطمہ ثنا، رامین شمیم اور نشرا سندھو نے 3،3 جبکہ سعدیہ اقبال نے ایک وکٹ حاصل کی۔قبل ازیں پاکستان نے ٹاس جیت کر پہلے بیٹنگ کا فیصلہ کرتے ہوئے مقررہ 50 اوورز میں 6 وکٹوں پر 205 رنز بنائے تھے۔سدرا امین نے 9 چوکوں کی مدد سے 80 رنز بنائے۔ کپتان ثنا فاطمہ نے ایک چھکے اور 6 چوکوں کی مدد سے 62 رنز بنائے اور آؤٹ نہیں ہوئیں۔تھائی لینڈ کی تھپاچہ پوٹھاوونگ نے 2 جبکہ کمچومپھو اور مایا نے ایک ایک وکٹ حاصل کی۔ واضح رہے کہ گرین شرٹس نے ایونٹ میں مسلسل چوتھی کامیابی حاصل کی یوں پاکستان ویمنز ٹیم آئی سی سی ویمنز کرکٹ ورلڈ کپ 2025 کے لیے کوالیفائی کرنے والی پہلی ٹیم بن گئی۔

پاکستان ویمنزکرکٹ ٹیم نےتھائی لینڈ کوہراکر آئی سی سی ورلڈکپ 2025 کیلئےکوالیفائی کرلیا

پاکستان ویمنز ٹیم نے ورلڈکپ کوالیفائر میں تھائی لینڈ کی ٹیم کو 87 رنز سے شکست دے کر مسلسل چوتھی فتح حاصل کی

سیکیورٹی فورسز نے خیبرپختونخوا کے علاقے ڈیرہ اسماعیل میں خفیہ اطلاع کی بنیاد پر کارروائی کرتے ہوئے 4 خوارج دہشت گردوں کو ہلاک کر دیا جبکہ فائرنگ کے تبادلے کے دوران پاک فوج کا ایک اہلکار شہید ہوگیا۔پاک فوج کے شعبہ تعلقات عامہ (آئی ایس پی آر)  کے مطابق  16 اپریل کو سکیورٹی فورسز نے ڈیرہ اسماعیل خان کے علاقے مدی میں خوارج کی موجودگی کی خفیہ معلومات کی بنیاد پر کارروائی کی۔ترجمان پاک فوج  کا کہنا  تھا کہ آپریشن کے دوران سکیورٹی فورسز نے خوارج کے ٹھکانے کو مؤثر طریقے سے نشانہ بنایا اور اس کے نتیجے میں 4 خوارج واصل جہنم ہو گئے۔ دوسری جانب خوارج سے شدید فائرنگ کے تبادلے کے دوران پاک دھرتی کے ایک بہادر سپوت سپاہی باسط صدیق نے جواں مردی سے لڑتے ہوئے جام شہادت نوش کیا۔آئی ایس پی آر کے مطابق مارے گئے خوارج سے اسلحہ اور گولہ بارود بھی برآمد کیا گیا،ہلاک دہشت گرد علاقے میں دہشت گردی کی متعدد کارروائیوں میں ملوث تھے جبکہ علاقے میں مزید خوارج کی موجودگی کے پیش نظر کلیئرنس آپریشن جاری ہے۔ترجمان پاک فوج کا مزید کہنا تھا کہ پاکستان کی سکیورٹی فورسز ملک سے دہشت گردی کے ناسور کے مکمل خاتمے کے لیے پرعزم ہیں، ہمارے بہادر سپاہیوں کی قربانیاں ہمارے اس عزم کو مزید مضبوط کرتی ہیں۔

سیکیورٹی فورسز کا ڈی آئی خان میں آپریشن، 4 دہشت گردہلاک، ایک جوان شہید

سیکیورٹی فورسز نے خفیہ اطلاع کی بنیاد پر کارروائی کی اور اسلحہ اور بارود بھی برآمد کرلیا، آئی ایس پی آر

راولپنڈی پولیس نے سابق وزیراعظم اور بانی پی ٹی آئی عمران خان کی تینوں بہنوں علیمہ خانم، نورین خان اور عظمیٰ خانم کو اڈیالہ جیل کے باہر سے گرفتار کرلیا۔تفصیلات کے مطابق عمران خان سے ملاقات کے لیے ان کی تینوں بہنیں، علیمہ خان، عظمی خان، نورین خان اڈیالہ جیل پہنچی تھیں پولیس نے عمران خان کی بہنوں، عمر ایوب، زرتاج گل، حامد رضا، نیاز اللہ نیازی اور دیگر کو ملنے سے روک دیا، علیمہ خان اور بہنیں احتجاج پر بیٹھ گئیں اور جانے سے انکار کردیا بعدازاں سات افراد کو حراست میں لے لیا گیا۔حراست میں لئے جانے والے افراد میں قومی اسمبلی میں اپوزیشن لیڈر عمر ایوب، پنجاب اسمبلی کے اپوزیشن لیڈر ملک احمد خان بچھر ، سنی اتحاد کونسل کے سربراہ صاحبزادہ حامد رضا اور عمران خان کے فوکل پرسن قاسم نیازی بھی شامل ہیں۔پولیس نے گرفتاری سے قبل تمام افراد کو ورانٹ گرفتاری دکھائے، حراست میں لیے جانے سے پہلے پی ٹی آئی رہنماؤں کی پولیس سے بحث اور تکرار ہوئی،گرفتار کیے گئے تمام افراد کو قیدی وین منتقل کردیاگیا۔

پولیس نے عمران خان کی تینوں بہنوں سمیت متعدد رہنماؤں کو حراست میں لے لیا

عمر ایوب، صاحبزادہ حامد رضا، علیمہ خان، عظمی خان، نورین خان اور قاسم نیازی عمران خان سے ملنے اڈیالہ جیل گئے تھے

وزیراعلیٰ خیبرپختونخوا علی امین گنڈاپور کا کہنا ہے کہ عمران خان اپنی ذات کے لیے نہیں پاکستان کے لیے مذاکرات کے لیے تیار ہیں، عمران خان کا مقصد وزیراعظم بننا نہیں ہے بلکہ ایک خوددار، خود مختار اور آزاد قوم بنانا ہے۔لاہور ہائیکورٹ بار میں وکلا سے خطاب کرتے ہوئے وزیراعلیٰ خیبرپختونخوا ہ علی امین گنڈا پورکاکہناتھا کہ ملک کو ڈنڈے کے زور پر نہیں چلایا جاسکتا، فیصلہ سازوں کو لیڈرز نہیں غلام چاہئیں، غلام ہمارے فیصلے کریں گے تو ہم بھی غلام ہی رہیں گے،2024 کے الیکشن میں جس طرح سے بدترین دھاندلی کی گئی ہے وہ اس بات کا ثبوت ہے کہ تمہیں پاکستان میں الیکٹڈ نہیں سلیکٹڈ لوگ چاہئیں، بانی پی ٹی آئی کو اس لیے جیل میں ڈالا گیا ہے کہ ان سے اس نظام کو خطرہ ہے، بانی پی ٹی آئی سے نظام کوکیا خطرہ ہے یہی کہ وہ قانون کی حکمرانی چاہتے ہیں، بانی پی ٹی آئی آئین کی بالادستی، انسانی حقوق، ملکی خود داری کی بات کرتے ہیں، بانی پی ٹی آئی عمران خان اپنی ذات کے لیے نہیں پاکستان کے لیے مذاکرات کے لیے تیار ہیں، عمران خان کا مقصد وزیراعظم بننا نہیں ہے بلکہ ایک خوددار، خود مختار اور آزاد قوم بنانا ہے،عوام پر اپنے لوگوں کو مسلط کرنے کے لیے بار بار تجربے کیے گئے، وہ تجربات پوری قوم کے سامنے ہیں، ان تجربات کے نتیجے میں پاکستان 76 ہزار ارب کے قرضوں میں ڈوب چکا ہے، آج پاکستان کی یہ حالت ہے کہ اسلام کے نام پر بننے والا ملک نہ خوددار رہا نہ خودمختار رہا۔لاہور ہائیکورٹ بار ایسوسی ایشن میں خطاب کرتے ہوئے وزیر اعلیٰ خیبر پختوانخواہ علی امین گنڈا پور نے کہا کہ یہ کہتے ہیں پاکستان کے لیے لگے ہوئے ہیں، اگر تم پاکستان کے لیے لگے ہوئے ہو، تو پاکستان کے آئین کے مطابق پاکستان میں جمہوریت ہے اور جمہوریت میں الیکشن میں تم ہمیشہ دھاندلی کرتے ہو۔2024 کے الیکشن میں جس طرح سے بدترین دھاندلی کی گئی ہے وہ اس بات کا ثبوت ہے کہ تمہیں پاکستان میں الیکٹڈ نہیں سلیکٹڈ لوگ چاہئیں کیونکہ تم ہی نے اصل میں حکومت چلانے ہوتی ہے اور تم نے ہی حکومت گرانی ہوتی ہے تو پھر جب حکومت تم چلا ئواور تم گرا ئوتو پھر یہ اسمبلیاں اور آئین کیوں بنایا گیا ہے،اگر آپ جج بھی وکیل بھی ہو اور مدعی بھی ہو تو پھر ایسے ملک نہیں چل سکتے۔انہوں نے کہا کہ عمران خان صرف اور صرف اس قوم، مسلمانوں، اسلام اور ناموس رسالتﷺ کی بات کرتا ہے، وہ آج جیل میں ہے اس لئے ہے کیونکہ وہ نظام کے لئے خطرہ ہے، خطرہ یہ ہے کہ وہ پاکستان قانون کی حکمرانی چاہتا ہے، پاکستان میں اسلامی حقوق اور پاکستان کی خودمختاری اور خودداری کی بات کرتا ہے۔عمران خان کہتا ہے کہ پاکستان کے لیے مذاکرات کے لیے تیار ہوں، کیونکہ ان کا مقصد کرسی نہیں ہے، ان کا مقصد وزیراعظم بننا نہیں ہے، ان کا مقصد ایک خودار، خودمختار اور آزاد قوم بنانا ہے۔ تم کب تک عمران خان کو قید میں ڈالو گے؟ ،جن کے کانوں میں عوام کی آواز نہیں جارہی وہ عوام کے خیر خواہ نہیں ، آج 24 کروڑ عوام عمران خان کے ساتھ ہیں، لیکن عوام کی آواز اگر فیصلہ سازوں اور اسٹیبلشمنٹ کو نہیں جارہی تو اس کا مطلب ہے کہ یہ عوام کے ساتھ نہیں اپنے ذاتی مفاد کے ساتھ ہیں۔انہوں نے کہا کہ ہم نے بحیثیت سیاسی جماعت تحریک چلائی، جب جلسہ کیا، ہمیں روکا گیا، تشدد کیا گیا، ہماری قیادت ، ہمارے کارکنان جیلوںمیں، ہمارا لیڈر جیل میں، ان کی بیوی جیل میں اور جب عوام نے فیصلہ کیا کہ ہم نکلیں گے اور انقلاب لائیں گے تو تم نے سیدھی گولیاں مارکر ہمارے 14 لوگ شہید کیے، سیدھی گولیاں مار کر ہمارے کارکنوں کو زخمی کیا گیا۔ وزیرا علیٰ خیبر پختواہ علی امین گنڈا پور نے عوام کو مخاطب کرتے ہوئے کہا کہ آپ لوگ خان کا ساتھ دیں، آگے بڑھیں، متحد ہوجائیں، بہت جلد عمران خان ہمارے درمیان ہوں گے، فیصلہ سازوں کو لیڈر نہیں غلام چاہئیں، ملک کو ڈنڈے کے زور پر نہیں چلایا جا سکتا۔انہوںنے کہا کہ میں آپ لوگوں سے نہایت اہم بات کرنے لگا ہوں، مدینہ کی ریاست کیا تھی مدینہ کی ریاست انصاف پر مبنی تھی، آج ہمارے ملک میں ایسا کچھ نہیں نظر آتا، ہمارے بڑوں نے بہت کچھ کیا۔اس ملک میں زبردستی لوگوں کو اٹھا کر حکومتیں بنانی شروع کر دی گئیں، انہوں نے مارشل لا ء لگا دیئے، پاکستان کی تاریخ گواہ ہے پہلے بھٹو کو پھانسی دی، اب بھٹو کو ایوارڈ دیا گیا، اس طرح اپنے لوگوں کو لانے کے لیے بہت کچھ کیا۔آج پاکستان قرض میں ڈوب گیا، اب پاکستان خود محتار نہیں رہا، ہم غلام بن گئے ہیں، کابینہ، ہمارے لیڈر سب غلام بن گئے ہیں، پاکستان میں جموریت ہے لیکن دھاندلی کی گئی، تم لوگوں کو سلیکٹیو لوگ نہیں چاہیے۔انہوںنے کہا کہ آپ لوگ وکیل بھی خود ہو مدعی بھی خود ہو، عمران مسلمان کی بات کرتا ہے وہ ناموس رسالت ؐپر بات کرتا ہے، وہ بے گناہ جیل میں ہے، ان کو عمران خان سے خطرہ یہ ہے وہ قانون کی حکمرانی بات کرتا ہے، وہ پاکستان کی خود محتاری کی بات کرتا ہے۔انہوں نے کہا کہ جوتے پالش کرنے والے لوگ چاہتے ہیں، ایسے چلتا رہا تو ہم غلام ہی رہیں گے لیکن عمران خان کا مسئلہ کرسی نہیں بلکہ وہ پاکستان کو آزاد، خود محتار بنانا چاہتا ہے، وزیر اعلی خیبر پختوانخواہ علی امین گنڈا پور نے لاہور ہائیکورٹ بار کو5 کروڑ روپے دینے کا اعلان بھی کیا ۔انہوںنے کہا کہ صوبے میں کرپشن پر کنٹرول کر لیا ہے، خیبر پختوانخواہ سب سے امیر صوبہ ہے۔

عمران خان پاکستان کیلئے مذاکرات کرنے کو تیار ہیں، وزیراعلیٰ خیبرپختونخوا

فیصلہ سازوں کو غلام چاہئیں، ملک کو ڈنڈے کے زور پر نہیں چلایا جا سکتا، گنڈا پور کا لاہور بار سے خطاب

اسلام آباد(این این آئی)9 مئی سے متعلق مقدمات  کی سماعت کے دوران چیف جسٹس سپریم کورٹ نے ریمارکس دیے ہیں کہ 4 ماہ میں ٹرائل مکمل کرنے کے فیصلے میں ملزمان کے حقوق کا تحفظ کیا جائے گا۔سپریم کورٹ آف پاکستان میں 9 مئی مقدمے کے سلسلے میں ضمانت منسوخی کیس کی سماعت کے دوران وکیل لطیف کھوسہ نے 4 ماہ میں ٹرائل مکمل کرنے کے حکم پر اعتراض کرتے ہوئے مؤقف اختیار کیا کہ کیا کبھی ایسا ہوا کہ 4ماہ میں ٹرائل مکمل ہو۔چیف جسٹس آف پاکستان جسٹس یحییٰ آفریدی نے ریمارکس دیے کہ فاضل کونسل ایسا مت کہیں۔ قانون انسداد دہشتگردی عدالت میں مقدمات کی روزانہ سماعت کا کہتا ہے۔وکیل نے کہا کہ عدالت کے 4 ماہ کے حکم سے ٹرائل اپ سیٹ ہوگا، جس پر چیف جسٹس نے کہا کہ ٹرائل  متعلقہ ہائیکورٹ اور انتظامی جج کا معاملہ ہے۔ سپریم کورٹ ٹرائل کی مانیٹرنگ نہیں کرے گی۔وکیل  لطیف کھوسہ نے بتایا کہ 9 مئی کے 500 مقدمات اور 24 ہزار ملزمان مفرور ہیں، جس پر چیف جسٹس نے کہا کہ 4 ماہ ٹرائل مکمل کرنے کے فیصلے میں ملزمان کے حقوق کا تحفظ کیا جائیگا۔سپریم کورٹ  میں 9مئی مقدمات میں اعجاز چوہدری کی درخواست ضمانت پر سماعت  ہوئی، جسے عدالت نے آئندہ ہفتے تک ملتوی کردیا۔دوران سماعت چیف جسٹس نے استفسار کیا کہ سینیٹر اعجاز چوہدری کے خلاف کیا شواہد ہیں؟اسپیشل پراسیکیوٹر نے بتایا کہ اعجاز چوہدری کی ویڈیو موجود ہے جس میں وہ لوگوں کو اکسا رہے ہیں۔ چیف جسٹس نے پوچھا کہ کیا اعجاز چوہدری کی کوئی ویڈیو ہے؟ جس پر ڈی ایس پی لاہور پولیس ڈاکٹر جاوید نے اعجاز چوہدری کیخلاف پیمرا کا ریکارڈ پیش کر دیا۔اعجاز چوہدری کے وکیل نے عدالت کو بتایا کہ جو شواہد دیے گئے ہیں وہ ٹی وی انٹرویو ہے، جس پر چیف جسٹس نے ریمارکس دیے کہ بے شک انٹرویو ہے، آپ کا موکل نوجوانوں کو اکسا رہا تھا۔جسٹس شفیع صدیقی نے کہا کہ ایک انٹرویو 17 مئی اور ایک آڈیو 10 مئی کی ہے۔ جسٹس شکیل احمد نے کہا کہ اکسانے کا کیس ہے تو 9 مئی کے دن یا اس سے پہلے کا کوئی ثبوت دکھائیں۔بعد ازاں عدالت نے پولیس کو مزید شواہد پیش کرنے کی ہدایت کرتے ہوئے سماعت ملتوی کر دی۔سپریم کورٹ میں  9 مئی  کے سلسلے میں شیخ امتیاز اور حافظ فرحت عباس کی ضمانت کے کیس  میں  عدالت نے شیخ امتیاز کی ضمانت کنفرم کردی جب کہ حافظ فرحت عباس کی ضمانت کی درخواست پر آئندہ ہفتے سماعت ہوگی۔

نومئی کے مقدمات میں ملزمان کے حقوق کا تحفظ کیا جائے گا، چیف جسٹس

قانون انسداد دہشت گردی عدالت میں مقدمات کی روزانہ سماعت کا کہتا ہے، وکیل کے اعتراض پر چیف جسٹس کے ریمارکس

اسلام آباد(این این آئی)سپریم کورٹ میں سویلینز کے فوجی عدالتوں میں ٹرائل کے فیصلے کیخلاف انٹرا کورٹ اپیلوں پر سماعت کے دوران جسٹس جمال مندوخیل  نے وزارت دفاع کے وکیل خواجہ حارث سے استفسار کیا ہے کہ سوال اتنا ہے کہ فوجی عدالتوں کو عدالتیں کہا جاسکتا ہے یا نہیں؟جسٹس امین الدین خان کی سربراہی میں 7 رکنی آئینی بینچ 23 اکتوبر 2023 کے فیصلے کے خلاف وفاقی حکومت، صوبائی حکومتوں اور شہدا فورم بلوچستان سمیت دیگر کی جانب سے دائر 38 انٹرا کورٹ اپیلوں پر سماعت کر رہا ہے۔وزارت دفاع کے وکیل خواجہ حارث نے جواب الجواب دلائل جاری رکھتے ہوئے مؤقف اپنایا کہ مجھ سے جو سوالات ہوئے میں نے تحریری معروضات کی شکل میں عدالت کے سامنے رکھے ہیں،  اس میں کوئی دو رائے نہیں کہ فوجی عدالتوں میں منصفانہ ٹرائل ہوتا ہے، فوجی عدالتیں قانون کے تحت وجود میں آئی ہیں۔انہوں نے استدلال کیا کہ لیاقت حسین کیس میں سپریم کورٹ قرار دے چکی کہ سویلین کا فوجی عدالتوں میں ٹرائل ہوسکتا ہے، فوجی عدالتوں کے ٹرائل میں مروجہ طریقہ کار اور فئیر ٹرائل دونوں میسر ہوتے ہیں، فوجی عدالتوں مکمل انصاف کیلئے آفیسر باقائدہ حلف لیتے ہیں۔جسٹس جمال مندوخیل  نے ریمارکس دیے کہ آپ آرٹیکل 175 پڑھیں، واحد آرٹیکل ہے جو عدالتوں کو جواز فراہم کرتا ہے،خواجہ حارث  نے کہا کہ محرم علی آوے لیاقت حسین کیس میں کہا گیا کہ کورٹ مارشل 175 میں نہیں آتا، یہاں تک کہ جس فیصلے کیخلاف اپیل دائر ہوئی اس میں بھی کہا گیا کہ فوجی عدالتیں آرٹیکل 175 میں نہیں آتیں، آرٹیکل 142 کے تحت وفاقی حکومت کو فیڈرل لیجسلیٹو لسٹ کے تحت قانون بنانے کا اختیار ہے۔انہوں نے مزید استدلال کیا کہ وفاقی حکومت نے فوجی عدالتوں سے متعلق قانون بھی اسی اختیار کے تحت بنایا،یہ اختیار اور قانون تو 1956 اور 1962 کے آئین میں بھی تھا، تب آرٹیکل 175 اور 1973 کا آئین موجود نہیں تھا۔جسٹس جمال مندوخیل  نے استفسار کیا کہ سوال اتنا ہے کہ فوجی عدالتوں کو عدالتیں کہا جاسکتا ہے یا نہیں، اگر عدالت کہا جاسکتا ہے تو دوبارہ آرٹیکل 175 پڑھیں،  خواجہ حارث نے جواب دیا کہ فوجی عدالتیں عدالتیں ہی ہیں جو خصوصی دائرہ اختیار استعمال کرتے ہوئے فوجداری ٹرائل کرتی ہیں۔آئینی بینچ نے وزارت دفاع کے وکیل خواجہ حارث کو کل تک جواب الجواب مکمل کرنے کی ہدایت  کردی، جسٹس امین الدین خان نے کہا کہ کل کے بعد کیس کی سماعت 28 تاریخ تک ملتوی کریں گے، 28 تاریخ تک بینچ دستیاب نہیں ہوگا، 28 تاریخ کو اٹارنی جنرل اپنے دلائل کا آغاز کریں۔جسٹس امین الدین خان نے استفسار کیا کہ خواجہ صاحب آپ کو مزید کتنا وقت درکار ہے؟ خواجہ حارث  نے جواب دیا کہ جسٹس مسرت ہلالی اور جسٹس جمال کے سوالات کے جواب دینا ہیں، مجھے آدھا گھنٹہ یا چالیس منٹ مزید درکار ہونگے۔جسٹس مسرت ہلالی  نے ریمارکس دیے کہ اگر مسئلہ میرے سوالات کا ہے تو میں اپنا سوال واپس لیتی ہوں،جسٹس جمال مندوخیل  پوچھا کہا کہ میں ابھی اپنا سوال واپس لیتا ہوں، اٹارنی جنرل کی کیا پوزیشن ہے وہ کہاں ہیں؟  ایڈیشنل اٹارنی جنرل  نے کہا کہ اٹارنی جنرل کو دو سے تین دن کا وقت درکار ہے۔جسٹس جمال مندوخیل  نے ریمارکس دیے کہ یہ کیا مذاق ہے بلاوجہ کیس کیوں لٹکا رہے ہیں؟ کیا اس کیس کو مکمل کرنے کا ارادہ نہیں؟ جسٹس مسرت ہلالی  نے ریمارکس دیے کہ  اٹارنی جنرل نے خود کہا تھا میں دس منٹ لوں گا، صرف اپیل کا حق دینا ہے یا نہیں اس پر بات کرنی تھی۔عامر رحمان نے کہا کہ اٹارنی جنرل نے عدالتی حکم پر ہی پیش ہونا ہے ورنہ وفاق کی وکالت خواجہ حارث کر رہے ہیں،  جسٹس جمال مندوخیل نے سوال کیا کہ اٹارنی جنرل نے خود اپنا حق خواجہ حارث کو دے دیا تو ہم انہیں کیوں سنیں؟اس کے ساتھ ہی سپریم کورٹ نے کیس کی مزید سماعت کل تک ملتوی کردی۔

سوال اتنا ہے کہ فوجی عدالتوں کو عدالتیں کہا جاسکتا ہے یا نہیں؟ جج آئینی بینچ

یہ کیا مذاق ہے بلاوجہ کیس کیوں لٹکا رہے ہیں؟ کیا اس کیس کو مکمل کرنے کا ارادہ نہیں؟جسٹس جمال مندوخیل کے ریمارکس

اسلام آباد(این این آئی) عالمی بینک نے پاکستان کے ٹیکس نظام کو’’انتہائی غیر منصفانہ اور بے ہودہ‘‘' قرار دیتے ہوئے زور دیا ہے کہ جائیداد کو موثر طریقے سے ٹیکس نیٹ میں لایا جائے اور اس کا درست اندراج و ٹیکس لگایا جائے۔عالمی بینک کے مطابق تنخواہ دار طبقے پر بڑھتا ہوا بوجھ صرف اسی صورت میں کم ہو سکتا ہے جب ٹیکس نیٹ کو وسعت دی جائے اور تمام آمدن کو اس میں شامل کیا جائے۔عالمی بینک نے مزید کہا کہ محصولات کے نظام میں اصلاحات کی ضرورت ہے کیونکہ موجودہ نظام سے قلیل مدتی فائدے تو حاصل ہو رہے ہیں لیکن طویل مدتی آمدنی کے مواقع ضائع ہو رہے ہیں۔پایئڈ کے وائس چانسلر ندیم جاوید نے اس بات پر حیرت کا اظہار کیا کہ 24 کروڑ کی آبادی میں صرف 50 لاکھ لوگ ٹیکس ریٹرن فائل کرتے ہیں اور زیادہ تر ٹیکس جنرل سیلز ٹیکس (جی ایس ٹی) کی شکل میں وصول کیا جاتا ہے۔انہوں نے کہا ہے کہ پاکستان کا ٹیکس نظام انصاف کے اصولوں کے لحاظ سے غیر منصفانہ ہے، اگر ملک صرف 50 لاکھ فائلرز کے ساتھ چلتا رہا تو اس سے کوئی دیرپا حل ممکن نہیں۔پرائم کے ایگزیکٹو ڈائریکٹر ڈاکٹر علی سلمان نے کہا کہ نظام میں وضاحت کی ضرورت ہے اور ودہولڈنگ ٹیکس کی تعداد کم کی جائے، اس وقت 88 ودہولڈنگ ٹیکسز موجود ہیں جن میں سے 45 ٹیکسز کی آمدن ایک ارب روپے سے بھی کم ہے۔ادھر پرائم انسٹی ٹیوٹ کے ایگزیکٹو ڈائریکٹر ڈاکٹر علی سلمان نے کہا کہ موجودہ ودہولڈنگ ٹیکس نظام میں سادگی کی شدید کمی ہے۔ انہوں نے انکشاف کیا کہ اس وقت ملک میں 88 اقسام کے ودہولڈنگ ٹیکسز موجود ہیں جن میں سے 45 کی آمدن ایک ارب روپے سے بھی کم ہے، جو اصلاحات کی اشد ضرورت کی نشاندہی کرتا ہے۔ماہرین کا کہنا ہے کہ ٹیکس اصلاحات کے بغیر نہ صرف معیشت کی بحالی مشکل ہے بلکہ سماجی و معاشی انصاف کا خواب بھی پورا نہیں ہو سکتا۔

ورلڈ بینک نے پاکستان کا ٹیکس نظام غیرمنصفانہ اور بیہودہ قرار دیدیا

تنخواہ دار طبقے پر بڑھتا ہوا بوجھ صرف اسی صورت میں کم ہو سکتا ہے جب ٹیکس نیٹ کو وسعت دی جائے،عالمی بینک

امریکی صدر ڈونلڈ ٹرمپ کی انتظامیہ نے ہارورڈ یونیورسٹی کا ٹیکس استثنیٰ ختم کرنے کا حکم دے دیا ہے۔غیر ملکی میڈیا کے مطابق، ٹرمپ انتظامیہ نے انٹرنل ریونیو سروس (آئی آرایس) کو ہدایت دی ہے کہ ہارورڈ کو حاصل خیراتی تعلیمی ادارے کا درجہ واپس لے لیا جائے۔اس سے قبل صدر ٹرمپ ہارورڈ کی 2 ارب ڈالر سے زائد وفاقی امداد بھی منجمد کر چکے ہیں۔ وائٹ ہاؤس کا مؤقف تھا کہ ہارورڈ یونیورسٹی کو کیمپس میں یہود دشمنی روکنے کے لیے داخلوں، تدریس اور ملازمتوں کے عمل میں تبدیلی لانا ہوگی، مگرہارورڈ یونیورسٹی نے انتظامی امور میں ٹرمپ انتظامیہ کے احکامات ماننے سے انکار کیا ہے، یونیورسٹی نے اس مطالبے کو مسترد کرتے ہوئے الزام لگایا کہ حکومت ادارے پر کنٹرول حاصل کرنا چاہتی ہے۔ٹیکس استثنیٰ کا درجہ امریکا میں عام طور پر خیراتی، مذہبی، تعلیمی اور فلاحی اداروں کو حاصل ہوتا ہے، بشرطیکہ وہ سیاسی سرگرمیوں سے دور رہیں۔ ماہرین کا کہنا ہے کہ ہارورڈ کے خلاف فی الحال کوئی واضح ثبوت موجود نہیں، اورآئی آرایس کو غیر جانبدار رہنا چاہیے۔یاد رہےامریکی صدر ٹرمپ نے ہارورڈ یونیورسٹی کو ’ مذاق ’ قرار دیتے ہوئے کہا ہے کہ امریکا کی اعلیٰ یونیورسٹی کی جانب سے بیرونی سیاسی نگرانی میں آنے کے مطالبات کو مسترد کرنے کے بعد اس کے سرکاری تحقیقی معاہدے منسوخ کر دینے چاہئیں۔ٹرمپ کا ہارورڈ یونیورسٹی پر تنقید کرتے ہوئے کہناتھاکہ یہ ادارہ وفاقی فنڈنگ کا مستحق نہیں رہا ہارورڈ یونیورسٹی ایک مذاق ہت جو نفرت اور حماقت سکھاتی ہے۔جبکہ ترجمان وائٹ ہاؤس نے بھی ہارورڈ کو کالج کیمپس میں یہودی امریکی طلبہ کے خلاف یہود دشمنی پر بھی معافی مانگنے کیلئے کہا تھا، اس کے ساتھ ہی انہوں نے یہ بھی واضح کیا تھا کہ صدر ٹرمپ نے ہارورڈ یونیورسٹی کا ٹیکس استثنیٰ ختم کرنے کا اشارہ دیاہے۔

ٹرمپ انتظامیہ نے ہارورڈ یونیورسٹی کا ٹیکس استثنیٰ ختم کرنے کا حکم دیدیا

ہارورڈ یونیورسٹی کو یہود دشمنی روکنے کے لیے داخلوں، تدریس اور ملازمتوں کے عمل میں تبدیلی لانا ہوگی، وائٹ ہاؤس

امریکی صدر ٹرمپ کی جانب سے چین پر ٹیرف کو مزید بڑھاتے ہوئے 245 فیصد کردیا گیا ہے۔ جس کے بعد دونوں ممالک میں تجارتی جنگ شدت اختیار کرگئی ہے۔ چین نے ردعمل دیتے ہوئے کہا ہے کہ وہ ٹرمپ ٹیرف کی نمبر گیم پر کوئی توجہ نہیں دے گا۔بین الاقوامی خبر رساں ادارے کے مطابق چین نے امریکی صدر ٹرمپ کی جانب سے بڑھائے جانے والے ٹیرف کو غیر ضروری قرار دیتے ہوئے کہا کہ وہ صدر ٹرمپ کی ٹیرف بڑھانے کی نمبر گیم پر کوئی خاص توجہ نہیں دے رہے۔چین کی وزارتِ خارجہ کے ترجمان جیان نےپریس کانفرنس میں امریکہ پر طنز کرتے ہوئے کہا ہے کہ یہ تجارتی جنگ سب سے پہلے امریکہ نے شروع کی، اور چین نے صرف اپنی قانونی خودمختاری اور بین الاقوامی انصاف کے تحفظ کے لیے جوابی اقدامات کیے، جو کہ مکمل طور پر جائز اور قانونی ہیں۔چینی وزارت خارجہ کے ترجمان نے دو توک انداز میں واضح کیا کہ امریکا کی جانب سے چینی مصنوعات پر 245 فیصد تک ٹیرف لگانا اقتصادی اعتبار سے غیر مؤثر ہوچکا ہے۔ چین نے بارہا اس مؤقف کا اظہار کیا ہے کہ واشنگٹن ٹیرف کو محض سیاسی دباؤ ڈالنے اور دوسروں کو جھکانے کا ہتھیار بنا رہا ہے۔انہوں نے مزید کہا کہ چین ایسی کسی تجارتی جنگ میں ملوث ہونے کا خواہشمند نہیں، لیکن اگر امریکا نے چینی حقوق اور مفادات کو نقصان پہنچانے کی کوشش جاری رکھی تو بیجنگ اپنے مفادات کے تحفظ کے لیے مؤثر اور پُرعزم جوابی اقدامات سے پیچھے نہیں ہٹے گا۔ترجمان کا کہنا تھا کہ تجارتی جنگوں میں کوئی فاتح نہیں ہوتا، اور اگر امریکا نے اسی طرح ٹیرف میں اضافہ جاری رکھا تو چین اسے نظر انداز کرے گا، تاہم ضرورت پڑنے پر مناسب جواب دینا جانتا ہے۔ماہرین کےمطابق امریکا کے اس اقدام سے چین اور امریکا کے درمیان تجارتی جنگ میں مزید تیزی آئے گی۔ اقتصادی ماہرین کے مطابق چین پر ٹیرف بڑھانے سے اشیاء کی قیمتوں میں خاطر خواہ اضافہ ہوگا۔ جبکہ دوسری جانب چینی نژاد دو کمپنیوں ٹیمو اور شین نے  خبردار کیا ہے کہ ٹیرف بڑھنے سے وہ امریکا میں اپنی مصنوعات کی قیمتیں زیادہ کر سکتے ہیں۔

چین نے امریکا کے245فیصد ٹیرف عائد کرنے پرنمبرگیم نظرانداز کرنے کااعلان کردیا

تجارتی جنگ امریکانے شروع کی، چین نے اپنی قانونی خودمختاری اور بین الاقوامی انصاف کے تحفظ کیلئے جوابی اقدامات کیے،ترجمان چینی وزارت خارجہ

ایران کے صوبے سیستان میں دہشت گردی کا نشانہ بننے والے آٹھ پاکستانیوں کو آبائی علاقوں میں سپرد خاک کردیا گیا۔تفصیلات کے مطابق ایران میں بے دردی سے قتل ہونے والے 8 پاکستانیوں کی میتیں خصوصی طیارے کے ذریعے بہاولپور ایئرپورٹ پہنچا ئیں گئیں۔ایئرپورٹ پر ضلعی انتظامیہ، ریسکیو ٹیموں اور سیکیورٹی اداروں کی جانب سے سخت ترین حفاظتی انتظامات کیے گئے تھے۔حکام کے مطابق میتوں کو بہاولپور ایئرپورٹ پر لواحقین کے حوالے کیا گیا، جہاں سے ایمبولنسز کے ذریعے آبائی علاقوں میں لائے گئے۔بہاولپور میں مرنے والوں کے پیاروں نے میتیں دیکھ کر علاقے میں کہرام برپا کر دیا، مقتولین کے گھروں پر رقت آمیز مناظر دیکھے گئے، اہلخانہ غم سے نڈھال تھے۔تمام میتوں کو آبائی علاقوں میں نماز جنازہ کے بعد سپرد خاک کردیا گیا، نماز جنازہ میں عوام کی بڑی تعداد نے شرکت کی۔قبل ازی خصوصی طیارے نے میتیوں کو پاکستان واپس بھیجنے سے قبل ایرانی شہر زاہدان میں لینڈ کیا۔ہوائی اڈے پر جاں بحق افراد کے اعزاز میں ایک پروقار تعزیتی تقریب کا انعقاد کیا گیا جس میں سول اور فوجی حکام نے شرکت کی۔ زاہدان کے گورنر اور دیگر سینئر نمائندوں سمیت ایرانی حکام نے بھی تقریب میں شرکت کی اور جاں بحق ہونے والے پاکستانیوں کو خراج عقیدت پیش کیا۔ایرانی وزیرخارجہ نے 8 پاکستانیوں کے قتل پر اظہار تعزیت کیا، عباس عراقچی نے وزیر خارجہ اسحاق ڈار سے ٹیلی فونک رابطہ کیا، پاکستانیوں کے قاتلوں کو انصاف کے کٹہرے میں لانے کی یقین دہانی کرائی۔واضح رہے کہ ایرانی شہر سیستان میں 8 پاکستانی مزدوروں کو فائرنگ کر کے قتل کیا گیا تھا۔

ایران میں قتل کئے جانیوالے8پاکستانیوں کی میتیں وطن واپس پہنچ گئیں

تمام میتوں کو آبائی علاقوں میں نماز جنازہ کے بعد سپرد خاک کردیا گیا، نماز جنازہ میں عوام کی بڑی تعداد نے شرکت کی

آرمی چیف جنرل سید عاصم منیر نے کہا ہے کہ شہداء اور غازی ہمارا فخر ہیں، شہداء کا احترام ہر پاکستانی کیلئے مقدس ہے۔جنرل ہیڈ کوارٹر (جی ایچ کیو) راولپنڈی میں ایک پروقار اعزازی تقریب منعقد ہوئی، جس میں چیف آف آرمی اسٹاف جنرل سید عاصم منیر نے پاک فوج کے افسران اور جوانوں کو جرأت، شجاعت اور قوم کی بے مثال خدمت پر عسکری اعزازات سے نوازا۔پاک فوج کے شعبہ تعلقات عامہ (آئی ایس پی آر) کے مطابق جی ایچ کیو راولپنڈی میں فوجی اعزازات دینے کی تقریب منعقد ہوئی، آرمی چیف جنرل سید عاصم منیر نے پاک فوج کے افسران اور جوانوں کو اعزازات سے نوازا۔آئی ایس پی آر کے مطابق اعزازات آپریشنز میں غیر معمولی بہادری اور قوم کیلئے خدمات کے اعتراف میں دیئے گئے ہیں، تقریب میں اعلیٰ فوجی حکام اور ایوارڈ حاصل کرنے والوں کے اہلخانہ کی بڑی تعداد نے شرکت کی۔ترجمان پاک فوج نے بتایا ہے کہ تقریب میں ستارہ امتیاز (ملٹری) اور تمغہ بسالت کے اعزازات دیئے گئے، شہدا کے اہلخانہ نے بعد از مرگ دیئے جانے والے اعزازات وصول کیے۔اس موقع پر آرمی چیف نے پاک فوج اور دہشت گردی کیخلاف جنگ میں قانون نافذ کرنے والے اداروں کی خدمات کو سراہتے ہوئے کہا ہے کہ شہداء اور غازی ہمارا فخر ہیں، شہداء کا احترام ہر پاکستانی کیلئے مقدم ہے۔آرمی چیف جنرل سید عاصم منیر نے مزید کہا ہے کہ آج کا امن اور آزادی شہداء کی لازوال قربانیوں کا نتیجہ ہے، پاک فوج اور قانون نافذ کرنے والے اداروں کا بے لوث عزم قابل تعریف ہے۔

شہدا ءاور غازی قوم کا فخر ہیں، جن کا احترام ہر پاکستانی کیلئے مقدس ہے، آرمی چیف

جی ایچ کیو راولپنڈی میں اعزازات کی تقسیم کی تقریب کا انعقاد، جنرل سید عاصم منیر کا تقریب سے خطاب

پی ایس ایل10 میں اسلام آباد یونائیٹڈکی مسلسل تیسری فتح،پاکستان سپرلیگ 10 کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دیدی۔اسلام آبادیونائیٹڈکے  203 رنز کے تعاقب میں ملتان سلطانز کی پوری ٹیم 155رنز بنا کر آؤٹ ہو گئی۔قبل ازیںراولپنڈی کرکٹ سٹیڈیم میں کھیلے جانیوالے پی ایس ایل10 کے ساتویں میچ میں ملتان سلطانز کے کپتان محمد رضوان نے ٹاس جیت کر اسلام آباد یونائیٹڈ کے کپتان شاداب خان کو بیٹنگ کی دعوت دی تھی۔پہلے بیٹنگ کرتے ہوئے اسلام آباد یونائیٹڈ نے مقررہ 20 اوورز میں 6 وکٹوں کے نقصان پر 202 رنز بنائے۔صاحبزادہ فرحان نے ایک بار پھر عمدہ بیٹنگ کا مظاہرہ کرتے ہوئے 53 رنز بنائے، کولن منرو 48 رنز بناکر نمایاں رہے۔حیدرعلی نے 33 رنز بنائے، جیسن ہولڈر نے 32 رنز کی جارحانہ اننگز کھیل کر اپنی ٹیم کا ٹوٹل 202 تک پہنچانے میں اہم کردار ادا کیا۔ملتان سلطانز کی جانب سے کرس جورڈن نے 2 جبکہ ڈیوڈ ولی، اسامہ میر ، محمد حسنین اور عبید شاہ نے ایک ایک وکٹ حاصل کی۔اسلام آباد یونائیٹڈکے دیئے گئے 203 رنز کے تعاقب میں ملتان سلطانز کی پوری ٹیم 19ویں اوور میں 155رنز بنا کر آؤٹ ہو گئی۔ملتان کی جانب سے محمد رضوان 38 ، عثمان خان 31 اور افتخار احمد 32رنز بنا سکے۔اسلام آبادکی جانب سے جیسن ہولڈر نے 4 وکٹیں حاصل کیں جبکہ عماد وسیم نے 2 شکار کیے۔

پی ایس ایل 10،اسلام آباد یونائیٹڈ نے ملتان سلطانز کو 47 رنز سے ہرادیا

اسلام آبادیونائیٹڈکے 203 رنز کے تعاقب میں ملتان سلطانز کی پوری ٹیم 155رنزپر آؤٹ ہو گئی

ہالی ووڈ کی معروف اداکارہ کیٹ بلانچیٹ نے کہا ہے کہ انہوں نے زندگی میں دیگر چیزوں کے لیے اداکاری کو خیرباد کہنے کا فیصلہ کیا ہے۔ آسکر ایوارڈ یافتہ اداکارہ کیٹ بلانچیٹ نے حالیہ انٹرویو میں انکشاف کیا ہے کہ وہ اداکاری کو خیرباد کہنے پر سنجیدگی سے غور کر رہی ہیں۔ان کا کہنا ہے کہ وہ اب اپنی زندگی میں کچھ نیا کرنا چاہتی ہیں اور فلم، ٹی وی اور تھیٹر سے کنارہ کشی اختیار کرنے کا سوچ رہی ہیں۔ کیٹ نے برطانوی اخبار  دی اسٹینڈرڈ  سے بات کرتے ہوئے کہا کہ میرا خاندان میری اس بات پر آنکھیں گھما لیتا ہے، لیکن میں سنجیدہ ہوں۔ میں واقعی اداکاری چھوڑنے کا سوچ رہی ہوں۔ میری زندگی میں کرنے کو بہت کچھ ہے۔کیٹ بلانچیٹ نے 30 سال سے زائد عرصے پر محیط اپنے کیریئر میںالزبتھ،دی ایوی ایٹر اوربلو جیسمین جیسی فلموں میں شاندار اداکاری کی ہے۔ لیکن وہ کہتی ہیں کہ شہرت کی چمک دمک سے وہ کبھی مکمل طور پر مانوس نہیں ہو سکیں۔کیٹ نے شہرت سے اپنے پیچیدہ تعلق کے بارے میں بھی بات کی اور کہا کہ وہ اکثر خود کو اس دنیا میں اجنبی محسوس کرتی ہیں۔  اگرچہ وہ اداکاری چھوڑنے کا سوچ رہی ہیں، لیکن وہ اب بھی کام کر رہی ہیں۔ اس ہفتے کے آخر میں وہ  بی بی سی ریڈیو 4کے ریڈیو ڈرامےدی فیور میں پہلی بار سنائی دیں گی۔ یہ 90 منٹ کا ڈرامہ ایک ایسی مسافر خاتون کے گرد گھومتا ہے جو جنگ سے متاثرہ ملک میں بیمار ہو جاتی ہے۔اس پروجیکٹ کے بارے میں بات کرتے ہوئے کیٹ نے کہا کہ میں گاڑی کے اندر کے نفسیاتی ماحول سے بہت متاثر ہوں۔ میری اپنے بچوں سے سب سے گہری باتیں اکثر گاڑی میں ہی ہوتی ہیں۔کیٹ بلانچیٹ اپنے شاندار کام کے باعث دو آسکر ایوارڈز اور کئی بافٹا ایوارڈز جیت چکی ہیں۔ مگر اب وہ کہتی ہیں کہ وہ زندگی کا ایک نیا باب شروع کرنے کے لیے تیار ہیں۔

ہالی ووڈ کی معروف اداکارہ کیٹ بلانچیٹ نے اداکاری کو خیرباد کہنے کا فیصلہ کرلیا

کیٹ بلانچیٹ نے اپنے کیریئر میںالزبتھ،دی ایوی ایٹر اوربلو جیسمین جیسی فلموں میں شاندار اداکاری کی ہے

سونا مزید مہنگا ہونے سے ایک بار پھر تاریخ کی بلند ترین سطح پر پہنچ گیا۔آل پاکستان صرافہ جیمز اینڈ جیولرز ایسوسی ایشن کے مطابق ملک میں آج سونے کی فی تولہ قیمت میں 8600 روپے اضافہ دیکھنے میں آیا ہے جس کے بعد ایک تولہ سونا  3 لاکھ 48 ہزار روپے کا ہوگیا ہے۔ایسوسی ایشن کے مطابق 10 گرام سونے کی قیمت 7373 روپے اضافے کے بعد 2  لاکھ 98 ہزار 353 روپے ہوگئی ہے۔ عالمی مارکیٹ میں بھی سونے کی قیمت 46 ڈالر اضافے کے ساتھ3310  ڈالر فی اونس ہے۔دوسری جانب پاکستان اسٹاک ایکسچینج میں آج معمولی تیزی کے بعد مندی چھاگئی کاروباری ہفتے کے تیسرے روزا سٹاک مارکیٹ میں کاروبار کا آغاز مثبت زون میں ہوا، 500 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 17 ہزار 368 پوائنٹس کی سطح پر پہنچ گیا۔تاہم کاروباری روز کے اختتام پر اچانک مندی چھاگئی اور ہنڈرڈ انڈیکس 755 پوائنٹس کی کمی کیساتھ ایک لاکھ 16 ہزار 20 پوائنٹس کی سطح پر بند ہوا۔ادھر امریکی کرنسی کی قیمت میں 11 پیسے کی کمی ریکارڈ کی گئی جس کے باعث انٹربینک میں ڈالر 280 روپے 46 پیسے پر بند ہوا۔

سونا خریدنا خواب بن گیا،اسٹاک مارکیٹ میں بھی مندی

ملک سونے کی فی تولہ قیمت میں8ہزار600روپے کا بڑا اضافہ

امریکہ کے صدر ڈونلڈ ٹرمپ نے چین کی امپورٹس پر ٹیرف میں مزید ایک سو فیصد اضافہ کر کے یہ ٹیرف  245 فیصد کر دیاتفصیلات کے مطابق امریکی صدر ڈونلڈ ٹرمپ کے اقدامات کی وجہ سے تجارتی جنگ نے شدت اختیار کرلی ہے، اور اب ٹرمپ نے چینی مصنوعات پر ٹیرف بڑھا کر 245 فیصد کرنے کا حکم نامہ جاری کردیا۔وائٹ ہاؤس کے مطابق یہ فیصلہ چین کی جانب سے جوابی معاشی اقدامات کے ردعمل میں کیا گیا ہے۔ 15 اپریل کو جاری کردہ اس ایگزیکٹو آرڈر میں ٹرمپ نے کہا کہ چین کی غیر منصفانہ تجارتی پالیسیوں کا جواب دینا ضروری تھا۔وائٹ ہاؤس کے مطابق اس عرصے میں 75 سے زائد ممالک نے امریکا سے نئے تجارتی معاہدوں کے لیے رابطہ کیا، لیکن چین نے اس کے برعکس امریکا پر جوابی ٹیرف لگائے۔ اس پر صدر ٹرمپ کی حکومت نےفیصلہ کن اقتصادی کارروائی کرنے کا فیصلہ کیا۔بیان میں کہا گیا ہے کہ چین کی جانب سے ردعمل نے ہمیں یہ قدم اٹھانے پر مجبور کیا۔ ٹرمپ انتظامیہ کا دعویٰ ہے کہ یہ اقدام معاشی و قومی سلامتی دونوں حوالوں سے ضروری ہے۔معاشی ماہرین نے خبردار کیا ہے کہ اس طرح کے سخت اقدامات سے صارفین پر مہنگائی کا بوجھ بڑھے گا، عالمی تجارتی تعلقات مزید کشیدہ ہوں گے اور سپلائی چین میں رکاوٹیں پیدا ہوں گی۔یاد رہے کہ امریکا اور چین تجارتی جنگ میں آمنے سامنے آگئے، اس سے قبل امریکا کی جانب سے چین پر عائد کیا گیا ٹیرف 145 فیصد تھا، جبکہ جواب میں چین نے بھی امریکا پر 125 فیصد ٹیرف عائد کر رکھا ہے۔چین نے امریکی ٹیرف کے نفاذ کے بعد متبادل منڈیوں کی تلاش بھی شروع کردی ہے، اور امریکا کے سامنے گھٹنے نہ ٹیکنے کا فیصلہ کیا ہے۔

تجارتی جنگ میں شدت، ٹرمپ نے چینی درآمدات پر ٹیرف مزید بڑھا دیا

جوابی اقدامات کے باعث اب چین کو 245 فیصد ٹیرف کا سامنا کرنا ہوگا، وائٹ ہاؤس

اسلام آباد(این این آئی) سربراہ عوامی مسلم لیگ اور سابق وفاقی وزیر شیخ رشید احمد نے کہا ہے کہ میں نے سیاسی روزہ رکھا ہوا ہے، وقت آنے پر کھولوں گا۔سپریم کورٹ کے باہر میڈیا سے گفتگو کرتے ہوئے سابق وفاقی وزیر شیخ رشید احمد نے کہا کہ سیاست میں وقت کا انتخاب بہت ضروری ہوتا ہے، سیاسی روزہ رکھا ہوا ہے وقت آنے پر کھولوں گا۔عوامی مسلم لیگ کے سربراہ نے کہاکہ یہ روزہ طویل نہیں ہوسکتا، میں17 بار وزیر رہا ہوں ،معلوم ہےروزہ کب کھولنا ہے، پاکستان میں حالات بہتری کی جانب گامزن ہوں گے۔ انہوں نے ملک میں عدالتی نظام پر بھی تبصرہ کرتے ہوئے کہا کہ چار ماہ کے اندر 36 ہزار ملزمان کے ٹرائل کا حکم دیا گیا ہے، جو زمینی حقائق سے مطابقت نہیں رکھتا۔ ان کے مطابق، ان مقدمات میں سے 25 ہزار ملزمان مفرور ہیں، جبکہ انہوں نے طنزیہ انداز میں کہا، ’میری زندگی میں تو 36 ہزار ملزمان کا فیصلہ ہونا ممکن نہیں لگتا۔قبل ازیں سپریم کورٹ میں شیخ رشید کی بریت درخواست مسترد کرنے کیخلاف اپیل پر سماعت ہوئی، وکیل ذوالفقار نقوی نے کہا کہ شیخ رشید نے بریت درخواست مسترد کرنے کیخلاف اپیل کی ہے، شیخ رشید کی اپیل پر دلائل کی تاریخ رکھ لیں۔شیخ رشید کے وکیل سردار رازق نے کہا کہ میرے موکل کیخلاف کوئی ریفرنس نہیں۔چیف جسٹس یحییٰ آفریدی نے ریمارکس دیئے کہ ٹرائل کورٹ کا چار ماہ میں ٹرائل مکمل کرنے کا کہہ دیتے ہیں ، جسٹس شکیل احمد نے کہا کہ ٹرائل میں عدم شواہد پر بریت کی دلیل لے سکتے ہیں۔چیف جسٹس یحییٰ آفریدی نے ریمارکس دیئے کہ سپریم کورٹ نے ہائیکورٹ کا فیصلہ درست قرار دیا تو آپکے موکل کا حق متاثر ہو سکتا ہے، آپ اپنے موکل کو بتادیں کہ وہ سوچ لیں۔بعد ازاں عدالت نے کیس کی سماعت 22 اپریل تک ملتوی کردی۔علاوہ ازیں شیخ رشید سپریم کورٹ پیشی سے قبل جی ایچ کیو حملہ کیس میں راولپنڈی کی انسداد دہشتگردی کی خصوصی عدالت میں پیش ہوئے، عدالت میں حاضری لگوانے کے بعد روانہ ہوگئے، انہوں نے سپریم کورٹ میں کیس کے باعث عدالت سے جانے کی اجازت لی۔

سیاسی روزہ رکھا ہوا ہے، وقت آنے پر کھولوں گا، شیخ رشید احمد

سیاست میں وقت کا انتخاب بہت ضروری ہوتا ہے، میں 17 بار وزیر رہا ہوں معلوم ہے روزہ کب کھولناہے، سربراہ عوامی مسلم لیگ

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کے ساتویں میچ میں آج دفاعی چمپئن اسلام آباد یونائیٹڈ اورملتان سلطانز کی ٹیمیں آمنے سامنے ہوں گی ۔ راولپنڈی کرکٹ اسٹیڈیم میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔اسلام آباد یونائیٹڈ پہلے دونوں میچ جیت کر پوائنٹس ٹیبل پر سر فہرست ہے۔ پہلے میچ میں اس نے لاہور قلندرز کے خلاف 8 وکٹوں جبکہ دوسرے میچ میں پشاور زلمی کے خلاف 102 رنز سے کامیابی حاصل کی تھی۔اسلام آباد کو آل راؤنڈر شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، صاحبزادہ فرحان، عماد وسیم اور سلمان آغا شامل ہیں۔ ملتان سلطانز کو پہلے میچ میں کراچی کنگز کے ہاتھوں 4 وکٹوں سے شکست کا سامنا کرنا پڑا تھا۔ سلطانز کی ٹیم وکٹ کیپر بیٹر محمد رضوان کی زیر قیادت میدان میں اترے گی۔ اس ٹیم میں مائیکل بریسویل، شائی ہوپ، کرس جورڈن، افتخار احمد، ڈیوڈ ولی جیسے تجربہ کار کھلاڑی شامل ہیں۔پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔ شائقین کرکٹ راولپنڈی کے تاریخی اسٹیڈیم میں ایک دلچسپ اور سنسنی خیز مقابلے کی توقع کر رہے ہیں۔ میچ کی تمام تیاریاں مکمل کر لی گئی ہیں اور راولپنڈی پولیس کی جانب سے سیکیورٹی کے سخت انتظامات کیے گئے ہیں۔

پی ایس ایل 10، ساتواں میچ آج اسلام آباد یونائیٹڈ اور ملتان سلطانز کے درمیان ہوگا

میچ رات 8 بجے شروع ہو گا ،پوائنٹس ٹیبل پراسلام آبادیونائیٹڈ کے4 جبکہ ملتان سلطانز کا صفر پوائنٹ ہے

The PCB has officially announced the Pakistan ODI tri-series schedule featuring Pakistan, New Zealand, and South Africa.

Pakistan Tri-Nation ODI Series Schedule

The Pakistan Cricket Board has officially announced the Pakistan&nbsp;tri-nation ODI series schedule 2025 featuring Pakistan, New Zealand, and South Africa.&nbsp;

This 4-match ODI tri-series is scheduled to take place from February 8th-14th and will serve as a mock-trial for ICC Champions Trophy 2025. Moreover, the series will be played on a single league basis.&nbsp;

Pakistan and New Zealand are scheduled to begin their preparations ahead of the series in Lahore at the Gaddafi Stadium on February 6th while South Africa&rsquo;s first encounter at the historic venue will be on February 9th.&nbsp;

Pakistan and South Africa recently faced off against each other in a <a href="https://www.tapmad.com/blog/pak-whitewash-south-africa-in-odi-series/539-2-0">three-match ODI series</a> in which the Men in Green emerged victorious in all 3 matches.&nbsp;

On the other hand, the Kiwis secured a 2-1 series win over Sri Lanka at home earlier this month.

This ODI tri-series will give all three teams a great chance to fine-tune their preparations for the ICC Champions Trophy 2025.&nbsp;

The four matches at Gaddafi Stadium in Lahore and National Bank Stadium in Karachi will provide the PCB with an opportunity to display its redesigned and redeveloped venues to a global audience ahead of the upcoming mega ICC event.

<h2>Tri-nation ODI series schedule</h2>

<table cellspacing="0" style="border-collapse:collapse; width:624px">
	<tbody>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:113px">
			DATE
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:199px">
			MATCH
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			LOCATION
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			TIME (PST)
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:113px">
			8th Feb
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:199px">
			Pakistan vs New Zealand&nbsp;
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			Gaddafi Stadium, Lahore
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			2 PM
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:113px">
			10th Feb
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:199px">
			New Zealand vs South Africa&nbsp;
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			Gaddafi Stadium, Lahore
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			9:30 AM&nbsp;
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:113px">
			12th Feb
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:199px">
			Pakistan vs South Africa&nbsp;
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			National Bank Stadium, Karachi
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			2 PM
			</td>
		</tr>
		<tr>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:113px">
			14th Feb
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:199px">
			TBA vs TBA
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			National Bank Stadium, Karachi
			</td>
			<td style="border-bottom:1px solid #000000; border-left:1px solid #000000; border-right:1px solid #000000; border-top:1px solid #000000; vertical-align:top; width:156px">
			2 PM
			</td>
		</tr>
	</tbody>
</table>

Pakistan Tri-Nation ODI Series Schedule 2025

Tri-nation ODI series schedule

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan

DATE	MATCH	LOCATION	TIME (PST)
8th Feb	Pakistan vs New Zealand	Gaddafi Stadium, Lahore	2 PM
10th Feb	New Zealand vs South Africa	Gaddafi Stadium, Lahore	9:30 AM
12th Feb	Pakistan vs South Africa	National Bank Stadium, Karachi	2 PM
14th Feb	TBA vs TBA	National Bank Stadium, Karachi	2 PM