Cricket

Entertainment

Football

عالمی سب میرین کیبل میں خرابی کے باعث  پاکستان میں انٹرنیٹ سروس متاثر ہوگئی۔پی ٹی اے ترجمان نے سب میرین کیبل میں خرابی سے متعلق الرٹ جاری کردیا۔پاکستان ٹیلی کمیونیکشن اتھارٹی ( پی ٹی اے ) کا کہنا ہے کہ عالمی سب میرین کیبل میں خرابی کے باعث پاکستان میں انٹرنیٹ سروس متاثر ہوگئی ہے۔ترجمان پی ٹی اے کے مطابق پی ٹی اے کو سب میرین کیبل ڈبل اے ای ون میں خرابی کی اطلاع موصول ہوئی ہے جس کے بعد سب میرین کیبل میں خرابی سے متعلق الرٹ جاری کردیا گیا ہے۔پی ٹی اے نے کہا ہے کہ قطر کے قریب زیر سمندر کیبل اے اے ای-1 میں خرابی کی اطلاع ملی ہے۔ یہ کیبل پاکستان کی بین الاقوامی انٹرنیٹ ٹریفک کے لیے استعمال ہونے والی سات کیبلز میں سے ایک ہے۔پی ٹی اے کے مطابق زیر سمندر کیبل میں خرابی کے باعث ملک بھر میں انٹرنیٹ اور براڈ بینڈ صارفین کی سروس متاثر ہوسکتی ہے،خرابی کو دور کرنے کے لیےمتعلقہ ٹیمیں کام کرہی ہیں۔پاکستان ٹیلی کمیونی کیشن اتھارٹی کا کہنا ہے کہ پی ٹی اے صورت حال کی نگرانی کر رہی ہے اور صارفین کو اپڈیٹ فراہم کرتی رہے گی۔پی ٹی اے نےصارفین سے تعاون کی درخواست کرتے ہوئے کہا ہے کہ براہ کرم سروس کی بحالی تک تحمل کا مظاہرہ کریں۔

زیرسمندر کیبل میں خرابی کے باعث پاکستان میں انٹرنیٹ سروس متاثر

کیبل پاکستان کوبین الاقوامی انٹرنیٹ ٹریفک سے جوڑنے والی 7 زیر سمندر کیبلز میں سے ایک ہے،پی ٹی اے

پی ٹی آئی اور حکومت کے درمیان مذاکرات میں تحریک انصاف نے عمران خان سمیت تمام قیدیوں کی رہائی، نو مئی اور 26 نومبر پر جوڈیشل کمیشن بنانے کے مطالبات پیش کردیے، پی ٹی آئی نے مزید مشاورت کیلئے وقت بھی مانگا، مزید مذاکرات اگلے ہفتے ہوں گے۔اسلام آباد میں حکومت اوراپوزیشن کی مذاکراتی کمیٹیوں کے دوسرے راؤنڈ کے بعدپاکستان مسلم لیگ(ن)کےمرکزی رہنماء وسینیٹر عرفان صدیقی نے پریس بریفنگ میں مشترکہ اعلامیہ پڑھ کر سنایا پی ٹی آئی نےپہلےاجلاس میں زبانی مطالبات سامنے رکھےتھے،آج بھی بانی پی ٹی آئی،رہنماؤں،کارکنوں کی رہائی کامطالبہ کیا،تحریک انصاف نے کہا حکومت ضمانتوں کےر کاوٹ نہ ڈالے، 9مئی، 26نومبر کی جوڈیشل انکوائری کابھی مطالبات کیاگیا،پی ٹی آئی نے کہا بانی پی ٹی آئی نےمذاکرات کاعمل شروع کیا۔حکومت کے ساتھ پی ٹی آئی کے مذاکرات کا مشترکہ اعلامیہ کے مطابق حکومتی اتحاد اور پی ٹی آئی اتحادی کمیٹی کا آج دوسرا اجلاس ہوا، پی ٹی آئی کمیٹی کے سربراہ عمر ایوب اور دیگر اراکین نے تفصیل سے اپنا نکتہ نظر پیش کیا۔اعلامیہ کے مطابق پی ٹی آئی کمیٹی نے بانی پی ٹی آئی سمیت رہنماؤں اور کارکنوں کی رہائی کا مطالبہ کیا، پی ٹی آئی کمیٹی نے حکومت کو ضمانتوں کے حصول میں حائل نہ ہونے کا مطالبہ کیا۔پی ٹی آئی کمیٹی نے 9 مئی اور 26 نومبر کے واقعات پر جوڈیشل کمیشن بنانے کا مطالبہ کیا، پی ٹی آئی کمیٹی نے آگاہ کیا کہ تحریری طور پر چارٹر آف ڈیمانڈ پیش کرنے کیلئے ہمیں بانی پی ٹی آئی سے ملاقات کا موقع فراہم کیا جائے۔اعلامیہ کے مطابق پی ٹی آئی کمیٹی نے کہا مذاکرات مثبت طریقے سے جاری رکھنے کیلئے بانی پی ٹی آئی سے ہدایات لینا ضروری ہیں، بانی پی ٹی آئی سے مشاورت کے بعد اگلی میٹنگ میں چارٹر آف ڈیمانڈ تحریری شکل میں پیش کیا جائے گا۔سینیٹر عرفان صدیقی کا کہنا تھاکہ پہلےاجلاس میں ہم نےچندچیزیں طےکی تھیں،طےہواتھاعدالتی فیصلے،بیانات،ٹاک شوز کو اہمیت نہیں دیں گے،طےہواتھا جواجلاس میں فیصلہ ہوگااس کی اہمیت ہوگی،مذاکرات ایک ہفتہ آگے لے جانے کا مطالبہ پی ٹی آئی کی طرف سےتھا،ابھی حکومت کی طرف سےمشاورت کیلئےوقت مانگنےکی نوبت نہیں آئی،ابھی بال پی ٹی آئی کی کورٹ میں ہے، مطالبات آنے کے بعد یقیناً دیکھیں گے۔انھوں نے علامیہ کے متعلق مزید کہاکہ دیکھنا ہوگاکیاماضی میں ایگزیکٹوآرڈرسےقیدیوں کی رہائی ہوئی کہ نہیں، قیدیوں کی رہائی کے مطالبے پر قانونی مشاورت کریں گے،پی ٹی آئی نےپونے4سال حکومت کی،وہ بھی معاملات جانتے ہیں، پی ٹی آئی دورمیں راناثنااللہ سمیت لیگی قیادت جیل میں رہی ہے،پی ٹی آئی دورمیں لیگی رہنماؤں میں سے کوئی ایگزیکٹو آرڈر پر رہا نہیں ہوا، پی ٹی آئی نے26ویں آئینی ترمیم پرکوئی بات نہیں کی۔عرفان صدیقی  نے اعلامیہ کی بریفنگ میں بتایا کہ مقدمات توجرائم کی نوعیت پر بنتے ہیں، 26 نومبر کےمقدمات اس لیے بنے کہ 26 نومبر ہوا ہے،کیسے ہوسکتا ہے میں کسی کو چھری مار دوں اور کہوں کہ کیس نہ بنے، بانی کی مذاکرات میں شرکت کی کوئی بات سامنے نہیں آئی، ایسا مطالبہ سامنے نہیں آیا کہ بانی کو مذاکرات کیلئے پے رول پر رہا کریں، ایسا مطالبہ سامنے آیا تو قانونی شعبہ اور وزارت داخلہ ان پُٹ دیں گے۔اس موقع پر اسپیکر قومی اسمبلی سردار ایاز صادق نے گفتگو کرتے ہوئے کہا کہ آج ہماری مذاکراتی کمیٹی کا دوسرا اجلاس ہے، پہلی کمیٹی میں ہمارے کچھ ساتھی موجود نہیں تھے، پہلی مذاکراتی کمیٹی بہت اچھے اورخوشگوار ماحول میں ہوئی تھی، پہلےاجلاس میں زیر بحث آنے والے امور پرعملدرآمد کیا گیا ہے۔  اسپیکر قومی اسمبلی نے گفتگو میں کہا کہ میرا کردار بطور ایک سہولت کار ہے، امید کرتا ہوں کہ فریقین مذاکرات کو مثبت اندازمیں چلائیں گے، کوشش ہےکہ ملک کو درپیش اہم ایشوز کو بھی اسی کمیٹی میں زیرغورلایا جائے، ہم سب پاکستانی ہیں، پاکستان کے مسائل کو حل کرنا ہماری ذمہ داری ہے، ملک کو درپیش مسائل کو حل کرنےکیلئےہم سب کومل کرکردار ادا کرنا ہو گا۔بات چیت کے دوسرے راؤنڈ کے بعد اسپیکر قومی اسمبلی نے بریفنگ میں بتایا کہ آج کی میٹنگ میں دونوں سائیڈ کی کمیٹیاں پوری ہیں، چارٹر آف ڈیمانڈ آپوزیشن کی طرف سے پیش کی جانی تھیں، اپوزیشن کے مطالبات پر حکومت نے اپنا لائحہ عمل دینا تھا، اپوزیشن ارکان نے مشاورت کیلئے مذید وقت مانگا ہے خوشگوار ماحول میں اجلاس ہوا، ایک مشترکہ اعلامیہ آئے گا، وزیراعلیٰ کے پی علی امین گنڈا پور نے تفصیل سے گفتگو کی، اگلے ہفتے دوبارہ میٹنگ ہو گی۔وزیراعلی خیبرپختونخواعلی امین گنڈا پور نےمیڈیا سے گفتگو کرتے ہوئے کہا ہے کہ ہمارے کارکنان نے جمہوریت کیلئے خون بہایا ہےکارکنان حقیقی آزادی کیلئے شہید ہوئے ہیں جب مذاکرات کیلئے کمیٹی بنی ہے تو لگتا ہے وہ مسائل کا حل چاہتے ہیں میں بیک ڈور والا نہیں، کھلی کتاب ہوںکرم کے واقعات آج کے نہیں 50 سال سے چلے آرہے ہیں کرم کے معاملات کو خوش اسلوبی سے حل کیا ہے۔ علی امین گنڈا پور نے اپنی گفتگو میں کہا کہ اچھی بات ہے کہ 9 مئی کے ملزمان کو رہا کیا گیا ہےریاست ماں جیسی ہوتی ہے بیٹھ کر جمہوری طریقے سے معاملات کو حل کرنا چاہئےمذاکرات بانی چیئرمین کے حکم پر شروع ہوئے ہیں مذاکرات کیسے کرنے ہیں بانی چیئرمین ہی فیصلہ کرینگے۔پاکستان تحریک انصاف (پی ٹی آئی) کےسینیئررہنمااسد قیصرنے میڈیاسےگفتگو کرتے ہوئے کہا ہے کہ امید کرتے ہیں جس طرح پی ٹی آئی نےکھلےدل کامظاہرہ کیا ہے، حکومت بھی ایسا ہی کرے گی، کوئی پیشرفت ہوگی، اب بال حکومت کی کورٹ میں ہے،دیکھیں وہ کیا کرتی ہے۔مذاکرات کے دوران پی ٹی آئی کمیٹی کی بانی پی ٹی آئی سے ملاقات پر اتفاق ہو گیا، پی ٹی آئی کمیٹی کی عمران خان سے ملاقات کے بعد اگلے ہفتے تیسری نشست کی تاریخ کا تعین کیا جائے گا، جس کےبعد حکومتی اور اپوزیشن جماعتوں کی مذاکراتی کمیٹی کا دوسرا اجلاس ختم ہو گیا۔

حکومت ، اپوزیشن میں مذاکرات کا دوسرا دور مکمل،پی ٹی آئی نے2 مطالبات پیش کر دیئے

پی ٹی آئی کمیٹی نےعمران خان کی رہائی اور 9 مئی، 26نومبر پرجوڈیشل کمیشن کا مطالبہ کیا ہے،سینیٹر عرفان صدیقی

سڈنی میں آسٹریلیا کے خلاف بارڈر گواسکرٹرافی کے پانچویں اور آخری ٹیسٹ سے بھارتی کپتان روہت شرما کو پلیئنگ الیون سے باہر کیے جانے کا امکان ہے جبکہ ان کی غیر موجودگی میں نائب کپتان جسپریت بمراہ ٹیم کی قیادت کریں گے۔ بھارتی میڈیا نے دعویٰ کیا ہے کہ آسٹریلیا کے خلاف مسلسل ناکامیوں کے بعد بھارتی کپتان کو آخری ٹیسٹ میں آرام دیا جائے گا۔تفصیلات کے مطابق بھارت اور آسٹریلیا کے خلاف سیریز کا آخری اور اہم ٹیسٹ میچ کل سے سڈنی میں شروع ہو رہا ہے ،سیریز کے ساتھ بھارتی کپتان روہت شرما کی خراب بیٹنگ پرفارمنس نے بھی ٹیم کے لیے دہری مشکلات پیدا کر دی ہیں اور آخری ٹیسٹ میچ کے آغاز سے قبل یہ سنسنی پھیل گئی ہے کہ روہت شرما سڈنی ٹیسٹ کھیلیں گے یا نہیں۔بھارتی ویب سائٹ انڈیا ٹوڈے کی رپورٹ کے مطابق بھارتی کرکٹ ٹیم کے کپتان روہت شرما کو آسٹریلیا کے خلاف بارڈر گواسکر ٹرافی کے 5 ویں اور آخری ٹیسٹ میچ کے لیے بھارتی پلیئنگ الیون سے باہر رکھے جانے کا امکان ہے۔روہت شرما کی غیر موجودگی میں نائب کپتان جسپریت بمراہ ٹیم کی قیادت کریں گے۔بھارتی میڈیا رپورٹس کے مطابق بھارت کے لیے 67 ٹیسٹ میچ کھیلنے والے روہت شاید اب دوبارہ قومی وائٹ بال ٹیم میں شامل نہیں ہوں گے۔میڈیا رپورٹس کے مطابق میلبورن میں چوتھا ٹیسٹ روہت شرما کے ٹیسٹ کرکٹ کیرئیر کاآخری ٹیسٹ ہو سکتا ہے۔  غالب امکان ہے کہ اگر بی سی سی آئی مداخلت نہیں کرتا اور انہیں آخری بار کھیلنے کی درخواست نہیں کرتا تو اس فیصلے میں تبدیلی کا کوئی امکان نہیں ہے۔ سڈنی میں ٹیسٹ میچ سے قبل بھارت کے آخری ٹریننگ سیشن میں بھی روہت شرما نے شرکت نہیں کی، انہیں اپنے ساتھی کھلاڑیوں کے پہلے گروپ کے ساتھ نیٹ پر ٹریننگ کرتے ہوئے بھی نہیں دیکھا گیا۔رپورٹس کے مطابق روہت شرما آخری لمحات میں صرف 10 منٹ بیٹنگ نیٹ پر نظر آئے، اس کے بعد انہیں سڈنی کرکٹ گراؤنڈ کے ایک اسٹینڈ پر گمبھیر اور بمراہ کے ساتھ بات چیت کرتے ہوئے دیکھا گیا۔بھارتی کرکٹ ٹیم کے کوچ گوتھم گمبھیر نے ٹیسٹ میچ سے قبل پریس کانفرنس سے خطاب کرتے ہوئے روہت شرما کی پلیئنگ الیون میں جگہ کی تصدیق کرنے سے انکار کردیا تھا۔ اس کے علاوہ جمعرات کو کپتان نے نہیں بلکہ کوچ نے میڈیا سے خطاب کیا۔گوتم گمبھیر نے کہا کہ میں وکٹ پر نظر ڈالوں گا اور پھر ٹیم کو حتمی شکل دوں گا، یہ پوچھے جانے پر کہ کیا روہت شرما انڈیا ٹیم میں شامل ہوں گے تو کوچ گوتھم گمبھیر نے کہا کہ جیسا کہ میں نے کہا ہے ہم وکٹ کا جائزہ لیں گے پھر پلیئنگ الیون کا اعلان کریں گے۔دریں اثنا بھارت پانچواں اور آخری ٹیسٹ فاسٹ بولر آکاش دیپ کے بغیر کھیلے گا۔ بنگال کے تیز گیند باز کمر کی چوٹ کی وجہ سے ٹیم سے باہر ہوگئے تھے۔ آکاش کی جگہ پرسدھ کرشنا یا ہرشیت رانا لیں گے۔واضح رہے کہ بھارت کو آئندہ برس ہونے والے ورلڈ ٹیسٹ چیمپئن شپ کے فائنل کھیلنے کی امیدیں برقرار رکھنے کے لیے سڈنی ٹیسٹ جیتنا لازمی ہے۔ ہار یا ٹیسٹ میچ ڈرا ہونے پر بھارت کو فائنل سے باہر ہونا یقینی ہے تاہم جیت کے باوجود اس کو آسٹریلیا اور سری لنکا کی ٹیسٹ سیریز کے نتائج کا انتظار کرنا ہوگا۔جنوبی افریقہ پہلے ہی پاکستان کو پہلے ٹیسٹ میچ میں شکست دے کر ورلڈ ٹیسٹ چیمپئن شپ کے لیے کوالیفائی کر چکا ہے۔

روہت شرما سڈنی ٹیسٹ سے باہر، جسپریت بمراہ ٹیم کی قیادت کریں گے

روہت شرما کے سڈنی ٹیسٹ کھیلنے یا نہ کھیلنے سے متعلق بھارتی ٹیم کے کوچ گوتم گھمبیر نے چپ سادھ لی

پاکستان تحریک انصاف (پی ٹی آئی) کے چیئرمین بیرسٹر گوہر علی خان نے 19 افراد کے لیے معافی کے اعلان کو معمولی قرار دیتے ہوئے اسے بڑی پیشرفت تسلیم کرنے سے انکار کر دیا۔تفصیلات کے مطابق چیئرمین پی ٹی آئی بیرسٹر گوہر علی خان نے کہا ہے کہ میں 19 لوگوں کے لیے معافی کے اعلان کو کوئی بڑی پیشرفت نہیں سمجھتا۔پارلیمنٹ ہاؤس آمد کے موقع پر میڈیا سے گفتگو کرتے ہوئے چیئرمین پی ٹی آئی بیرسٹر گوہر علی خان کا کہنا تھا کہ بنیادی طور پر 67 لوگ تھے جن میں سے صرف 19 لوگوں کو معافی ملی ہے، 48 نے اپنی اپیلیں فائل کی ہیں، پاکستان تحریک انصاف ملٹری کورٹس میں سویلینز کے ٹرائل کے خلاف ہے۔انہوں نے مزید کہا کہ کسی بھی سویلین کا ٹرائل ملٹری کورٹ میں نہیں ہوسکتا، سپریم کورٹ اس حوالے سے طے کرچکی ہے، ہم آج حکومت کے ساتھ مذاکرات میں اپنے مطالبات پیش کریں گے، سب جماعتیں مل جل کر عوام اور ملک کے وسیع تر مفاد میں بیٹھیں، ملک کی بہتری کے لیے مذاکرات کامیاب ہونے چاہئیں۔

انیس لوگوں کیلئے معافی کا اعلان کوئی بڑی پیشرفت نہیں، بیرسٹرگوہرعلی

بنیادی طور پر 67 لوگ تھے جن میں سے صرف 19 لوگوں کو معافی ملی ہے ، چیئرمین پی ٹی آئی کی میڈیا سے گفتگو

عمران خان نے بنی گالہ منتقل ہونے کی پیشکش ملنے کی تصدیق کردی۔بانی چیئرمین پاکستان تحریک انصاف عمران خان کے وکیل فیصل چوہدری کا کہنا ہے کہ ان کے مؤکل کے مطابق انہیں بنی گالہ منتقل ہونے کی پیش کش ہوئی ہے تاہم انہوں نے کہہ دیا ہے کہ جب تک پارٹی کے تمام لیڈران و کارکنان بغیر ٹرائل رہا نہیں کیے جاتے وہ کہیں منتقل نہیں ہوں گے۔راولپنڈی کی اڈیالہ جیل کے باہر میڈیا سے گفتگو کرتے ہوئے سابق وزیراعظم کے وکیل فیصل چوہدری نے بتایا کہ عمران خان نے کہا ہے کہ انہیں بنی گالہ منتقل ہونے کی پیشکش ہوئی ہے تاہم جب تک بغیر ٹرائل لوگ رہا نہیں کیے جاتے وہ کہیں منتقل نہیں ہوں گے، پارٹی کے بانی چیئرمین نے یہ بھی کہا کہ پی ٹی آئی کا وقت آ چکا ہے اور کوئی طاقت اس کو روک نہیں سکتی، بانی نے خالد خورشید کی سزا کی مذمت کی۔فیصل چوہدری نے کہا کہ عمران خان کے خلاف 190 ملین پاونڈ ریفرنس کا فیصلہ بھی وہی ہوگا جو پہلے 4 مقدمات میں ہوا۔ انہوں نے مزید کہا کہ توشہ خانہ 2 جھوٹے کیسز کی سیریز میں سے ایک کیس ہے۔فیصل چوہدری نے واضح کیا کہ عمران خان واحد شخصیت ہیں جو معاشی عدم استحکام سے نکال سکتے ہیں۔ ملک میں عدلیہ اور جمہوریت کا گلا گھونٹ دیا گیا ہے۔ بانی پی ٹی آئی کا بیان نشر کرنے پر پابندی ہے جس کی مذمت کرتے ہیں۔ چاہتے ہیں میڈیا پر دباؤ ختم ہو۔ مذاکراتی کمیٹی میں جوڈیشل کمیشن کا مطالبہ کررہے ہیں۔ اسیران کی رہائی کا مطالبہ کررہے ہیں۔ ان کا کہنا تھا کہ ملک میں معاشی ترقی کا راستہ سرمایہ کاری ہے جو قانون کی بالادستی کے بغیر نہیں ہو سکتی۔ مہنگائی کم ہونے کا حکومت کا بیان مضحکہ خیز ہے۔ نوجوان ملازمتوں کی تلاش میں دربدر ہیں۔ حکومت نہیں چاہتی کہ معاملات درست ہوں۔ ایک طبقہ مذاکرات کو سبوتاژ کرنا چاہتا ہے۔ مذاکراتی کمیٹی کو آج کے اجلاس کے بعد بانی پی ٹی آئی سے ملاقات کی رسائی دی جائے تاکہ وہ بانی پی ٹی آئی کو بریف کر سکیں۔واضح رہے کہ کچھ دنوں سے یہ اطلاعات عام ہیں کہ اڈیالہ جیل میں قید کی سزا کاٹنے والے سابق وزیراعظم کو حکومت نے جیل کی بجائے ان کی اپنی رہائشگاہ واقع بنی گالہ میں رہنے کی پیشکش کردی ہے۔ تاہم حکومتی حلقوں کی جانب سے اس بات کی تردید کی گئی ہے۔

عمران خان کو جیل سے بنی گالامنتقل ہوجانے کی پیشکش، فیصل چوہدری نے تصدیق کردی

عمران خان نے کہا جب تک بغیر ٹرائل لوگ رہا نہیں کیے جاتے وہ کہیں منتقل نہیں ہوں گے،فیصل چوہدری کی گفتگو

دفتر خارجہ کی سابق ترجمان ممتاز زہرہ بلوچ کو فرانس میں پاکستان کا سفیر مقرر کر دیا گیا۔ ان کی تقرری کا نوٹیفکیشن بھی جاری کر دیا گیا ہے۔نائب وزیراعظم اور وزیر خارجہ اسحاق ڈار نے وفاقی دارالحکومت میں میڈیا بریفنگ کے دوران بتایا کہ ممتاز زہرہ بلوچ کو فرانس میں پاکستان کی سفیر مقرر کردیا گیا ہے،ان کی تقرری کا نوٹی فکیشن بھی جاری کردیا گیا ہے۔ واضح رہے کہ سینئر سفارت کار شفقت علی خان کو دفترخارجہ کا نیا ترجمان مقررکیا گیا ہے، اس حوالے سے گزشتہ روز نوٹی فکیشن جاری کردیا گیا تھا۔ رپورٹس کے مطابق شفقت علی خان ایڈیشنل سیکرٹری خارجہ برائے یورپ تعینات تھے،اس سے قبل روس اور پولینڈ میں بھی پاکستانی سفیر کے طور پر کام کرچکے ہیں۔

ممتاز زہرہ بلوچ کو فرانس میں پاکستان کا سفیر مقرر کردیا گیا،نوٹیفکیشن جاری

ممتاززہرہ بلوچ کی جگہ سینئر سفارتکار شفقت علی خان کو دفترخارجہ کا نیا ترجمان مقرر کیا گیا ہے

آسٹریلوی کرکٹ ٹیم کے سابق آلرؤنڈر شین واٹسن کا کہنا ہے کہ یہ بدقسمتی ہے کہ بھارتی کرکٹ ٹیم آئی سی سی چیمپئنز ٹرافی کھیلنے کیلئے پاکستان نہیں جارہی ہے۔تفصیلات کے مطابق آسٹریلیا کے سابق مایہ ناز آل راؤنڈر بھی چیمپئنز ٹرافی کیلئے بھارت کے پاکستان نہ آنے پر بول پڑے اور اس کو کرکٹ کی بدقسمتی قرار دے دیا۔ شین واٹس نے آئندہ ماہ پاکستان کی میزبانی میں ہونے والی آئی سی سی چیمپئنز ٹرافی کیلئے بھارت کے پاکستان نہ جانے کو بدقسمتی اور شائقین کیلئے یہ فیصلہ افسوسناک قرار دیا ہے۔شین واٹسن نےبھارت اورپاکستان کرکٹ کی اہمیت پرزوردیتے ہوئے کہا یہ افسوسناک ہے کہ معاملات اس طرح ہوئے لیکن اس میں کوئی شک نہیں کہ سب سے زیادہ پسندیدہ چیز بھارت،پاکستان کا میچ دیکھنا ہے۔آئی سی سی چیمپئنز ٹرافی کے آسٹریلیا ٹور کے موقع پر سڈنی میں گفتگو کرتے ہوئے شین واٹسن نے کہا کہ پاک بھارت مقابلوں میں ہمیشہ سنسنی خیزی اور میدان میں جنگ کا ماحول دیکھنے کو ملتا ہے جو عالمی کرکٹ ایونٹ کو نئی توانائی اور مقبولیت عطا کرتا ہے۔شین واٹسن نے کہاپاک بھارت میچ دیکھنا ہر کوئی پسند کرتا ہے، ان دنوں ٹیموں کا جب بھی مقابلہ ہوتا ہے تو یہ ایک خاص ماحول ہوتا ہے، یہ بدقسمتی ہے کہ بھارت چیمپئنز ٹرافی کیلئے پاکستان کا سفر نہیں کر رہا۔انہوں نے کہا کہ بطور آسٹریلوی میں جانتا ہوں انگلینڈ ہمارے لیے کتنا بڑا حریف ہے، اسی طرح پاکستان اور بھارت بھی بڑے حریف ہیں، کوئی بھی کرکٹ فین یہ میچ مس نہیں کرنا چاہتا۔شین واٹسن نے چیمپئنز ٹرافی کے پاکستان میں انعقاد کو پاکستانی قوم کیلئے تاریخی لمحہ قرار دیتے ہوئے کہا کہ چیمپئنز ٹرافی کا پاکستان میں انعقاد ان کی پوری قوم کے لیے ایک خاص لمحہ ہے، کرکٹ فینز کو اپنے ملک میں ورلڈ سٹارز دیکھنے کا موقع ملے گا۔ سابق آسٹریلوی آل راؤنڈر کا پاکستان کے حوالے سے اپنی ماضی کی یادوں کو تازہ کرتے ہوئے کہنا تھا کہ مجھے 2019ء میں پاکستان سپر لیگ کھیلنے کا موقع ملا، پاکستان جانا اور پھر وہاں کھیلنا یہ میرے لیے ایک خاص بات تھی، پاکستان میں لوگوں کی کرکٹ سے محبت اور اس کو انجوئے کرتے دیکھنا میرے لیے اچھی بات تھی۔انہوں نے مزید کہا کہ آئی سی سی ایونٹ کا پاکستان میں انعقاد اس لیے بھی اچھی بات ہے کہ فینز اپنی آنکھوں کے سامنے دنیا کے بڑے سٹارز کو ایکشن میں دیکھیں گے، یقینی طور پر یہ ان کے لیے خاص لمحہ ہو گا۔ خیال رہے آئی سی سی مینزچیمپئنز ٹرافی 2025، جوکہ 19 فروری سے 9 مارچ تک شیڈول ہے،میگا ایونٹ 19 فروری سے کراچی میں شروع ہوگا جس میں 8 ممالک کے درمیان 15 میچز کھیلے جائیں گے، پاکستان اور بھارت کا ہائی وولٹیج ٹاکرا 23 فروری کو دبئی میں ہوگا۔

چیمپئنز ٹرافی کیلئےبھارت کے پاکستان نہ آنے پرشین واٹسن بھی بول پڑے

بدقسمتی ہے کہ بھارتی کرکٹ ٹیم آئی سی سی چیمپئنز ٹرافی کھیلنے کیلئے پاکستان نہیں جارہی ، شین واٹسن

سانحہ 9 مئی 2023 کے 19 مجرمان کی سزاؤں میں معافی کا اعلان کر دیا گیا۔پاک فوج کے شعبہ تعلقات عامہ ( آئی ایس پی آر) کی جانب سے جاری کردہ بیان کے مطابق سانحہ9 مئی کے 19ملزمان کی سزاؤں میں معافی کا اعلان کردیا گیا ہے۔ سانحہ 9 مئی کی سزاؤں پر عمل درآمد کے دوران، مجرمان نے قانونی حق استعمال کرتے ہوئے  رحم اور معافی کی پٹیشنز دائر کیں۔ مجموعی طورپر67 مجرمان نے رحم کی پٹیشنز دائر کیں۔ 48 پٹیشنز کو قانونی کارروائی کیلئے”کورٹس آف اپیل“ میں نظرثانی کیلئے ارسال کیا گیا۔19مجرمان کی پٹیشنز کو خالصتاً انسانی بنیادوں پر قانون کے مطابق منظور کیا گیا۔ دائر کی گئی دیگر رحم کی پٹیشنوں پر عملدرآمد مقررہ مدت میں قانون کے مطابق کیا جائے گا۔  19 مجرمان جن کی سزائیں معاف کی گئی ہیں ان کے نام مندرجہ ذیل ہیں۔ محمد ایاز ولد صاحبزادہ خان۔۔سمیع اللہ ولد میرداد خان۔۔لئیق احمد ولد منظور احمد۔۔امجد علی ولد منظور احمد۔۔یاسر نواز ولد امیر نواز خان۔۔سِیعد عالم ولد معاذاللہ خان۔۔زاہدخان ولد محمد نبی۔۔محمد سلیمان ولد سِیعد غنی جان۔۔ حمزہ شریف ولد محمد اعظم ۔۔ محمد سلمان ولد زاہد نثار۔۔ اشعر بٹ ولد محمد ارشد بٹ۔۔ محمد وقاص ولد ملک محمد خلیل۔ ۔ سفیان ادریس ولد ادریس احمد۔۔منیب احمد ولد نوید احمد بٹ۔۔ محمد احمد ولد محمد نذیر۔۔ محمد نواز ولد عبدالصمد۔۔ محمد علی ولد محمد بوٹا۔۔ محمد بلاول ولد منظور حسین ۔۔ محمد الیاس ولد محمد فضل حلیم ان مجرمان کوضابطے کی کارروائی مکمل ہونے کے بعد رہا کیا جا رہا ہے۔دیگر تمام مجرمان کے پاس بھی اپیل کرنے اور قانون اور آئین کے مطابق دیگر قانونی حقوق برقرار ہیں۔ سزاؤں کی معافی ہمارے منصفافہ قانونی عمل اور انصاف کی مضبوطی کا ثبوت ہے۔یہ نظام ہمدردی اور رحم کے اصولوں کو مدنظر رکھتے ہوئے انصاف کی فراہمی کو یقینی بناتا ہے۔

سانحہ 9 مئی کے 19 مجرمان کی سزاؤں میں معافی کا اعلان کردیا گیا

سزاؤں پر عمل درآمد کے دوران مجرموں نے قانونی حق استعمال کرتے ہوئے رحم اور معافی کی پٹیشنز دائر کیں، آئی ایس پی آر

پاکستان سپر لیگ( پی ایس ایل)  2025کے ڈرافٹ کے لیے غیر ملکی کھلاڑیوں کی رجسٹریشن کا سلسلہ جاری ہے۔افغانستان کے اسپنر مجیب الرحمان اورویسٹ انڈیز کے سابق کپتان جیسن ہولڈر نے بھی پی ایس ایل کیلئے دستیابی کا اعلان کرتے ہوئے پلیئرز ڈرافٹ کیلئے رجسٹریشن کرالی۔جیسن ہولڈر پاکستان سپر لیگ میں پہلی بار ان ایکشن ہوں گے تاہم وہ دیگر لیگز میں اپنا جادو جگا چکے ہیں جن میں انڈین پریمیئر لیگ ( آئی پی ایل ) کیئربین پریمیئر لیگ ( سی پی ایل ) اور دوسری لیگز شامل ہیں۔ ہولڈر 63 ٹی 20 انٹرنیشنل میچز میں ویسٹ انڈیز کی نمائندگی کر چکے ہیں جن میں انہوں نے 491 رنز اور 66 وکٹیں حاصل کر رکھی ہیں۔قبل ازیں نیوزی لینڈ اسپیڈ سٹار ایڈم ملن بھی ڈرافٹ میں شامل ہو گئے ہیں، اس سے قبل نیوزی لینڈ کے فاسٹ باؤلر ٹم ساؤتھی اور آسٹریلیا کے ڈیوڈ وارنر نے بھی ڈرافٹ کے لیے رجسٹریشن کرائی ہے۔واضح رہے کہ پاکستان سپر لیگ کا پلیئرز ڈرافٹ 11 جنوری کو ہو گا، پی ایس ایل کا دسواں ایڈیشن اپریل میں ہوگا، فرنچائزز 4 جنوری کو ری ٹین کھلاڑیوں کے ناموں کا اعلان کریں گی۔

افغان اسپنر مجیب الرحمان اورجیسن ہولڈر بھی پی ایس ایل کھیلنے کیلئے تیار

پی ایس ایل کا پلیئرز ڈرافٹ 11 جنوری کو ہو گا،فرنچائزز 4 جنوری کو ری ٹین کھلاڑیوں کے ناموں کا اعلان کریں گی

حکومت اور تحریک انصاف کے درمیان مذاکرات کا دوسرا دور آج سے شروع ہوگا۔میڈیارپورٹس کے مطابق اسپیکر قومی اسمبلی سردار ایاز صادق کی زیر صدارت بند کمرہ اجلاس پارلیمنٹ ہاؤس میں آج سہ پہرساڑھے 3 بجے ہوگا۔میڈیا رپورٹس کے مطابق پی ٹی آئی کی جانب سے اپنی مذاکراتی کمیٹی کے لیے چارٹرآف ڈیمانڈ مرتب کیا ہے جو حکومتی ٹیم کے سامنے پیش کیا جائے گا، کمیٹی نے بانی چیئرمین عمران خان کی ہدایت کو مد نظر رکھتے ہوئے اپنے مطالبات کی فہرست ترتیب دی ہے۔ذرائع کے مطابق مذاکرات کے دوسرے دور میں پی ٹی آئی کی ٹیم میں وزیراعلیٰ خیبرپختونخوا علی امین گنڈاپور بھی شامل ہوں گے، جو عمران خان سمیت دیگر سیاسی قیدیوں کی رہائی کا معاملہ اٹھائے گی۔میڈیا رپورٹس کے مطابق پی ٹی آئی نے اپنے چارٹر آف ڈیمانڈ میں تمام سیاسی قیدیوں کی رہائی سمیت 9 مئی اور 26 نومبر کے واقعات پر عدالتی کمیشن تشکیل دینے پر زور دے گی۔مذاکراتی اجلاس کے اس دوسرے دور میں پی ٹی آئی کے تمام کمیٹی اراکین شریک ہوں گے، حکومت چارٹر آف ڈیمانڈ کی روشنی میں اپنا لائحہ عمل مرتب دے گی۔واضح رہے کہ حکومت اور پی ٹی آئی کے درمیان مذاکرات کا پہلا دور 23 دسمبر کو قومی اسمبلی کے اسپیکر ایاز صادق کی ثالثی میں منعقد ہوا تھا، جس میں فریقین کی جانب سے مذاکرات جاری رکھنے پر اتفاق کرتے ہوئے مذاکرات کی اگلی بیٹھک 2 جنوری کو طے کی تھی۔

تحریک انصاف اورحکومت کے درمیان مذاکرات کا دوسرا دورآج ہوگا

اسپیکر قومی اسمبلی سردار ایاز صادق کی زیر صدارت بند کمرہ اجلاس پارلیمنٹ ہاؤس میں آج سہ پہر ہوگا

برطانیہ کے بادشاہ چارلس سے ”نائٹ ہُڈ“ کا اعزاز پانے کے بعد لندن کے میئر صادق خان کا کہنا ہے کہ ”سر“ کا خطاب ملنا اعزاز کی بات ہے، یہاں محنت کا صلہ ملتا ہے۔سر کا خطاب ملنے کے بعد صادق خان نے ایک انٹرویومیںکہا کہ یہ خطاب ملنے پر خود کو بہت عاجز محسوس کر رہا ہوں، یہ اعزاز محنت کرنے والی پوری کمیونٹی کا ہے، میرے والد کو بس ڈرائیور کی نوکری ملی تھی، والدہ کپڑے سیتی تھیں، میرے والدین نے پاکستان سے یہاں آ کر محنت کی۔ان کا کہنا تھا کہ ”سر“ کا اعزاز ملنے پر والدہ بہت جذباتی ہوگئی تھیں، ہم سب والد کو یاد کر رہے تھے، بچے مذاق کر رہے ہیں کہ گھر میں آپ سر نہیں صرف ہمارے والد ہیں، میری کامیابی ٹیم ورک کا نتیجہ ہے اور یہ ایوارڈ بھی پوری ٹیم کیلئے ہے۔ صادق خان نے کہا کہ بادشاہ سے خاصے اچھے تعلقات ہیں، وزیراعظم بھی میرے دوست ہیں۔خیال رہے کہ برطانیہ کے بادشاہ چارلس کی جانب سے سالِ نو کے موقع پر جن افراد کو عوامی خدمات کے اعتراف میں اعزاز سے نوازا گیا ان میں میئر لندن صادق خان کا نام بھی شامل ہے، جنہیں نائٹ کے اعزاز پانے والوں کی فہرست میں شامل کیا گیا ہے۔

یہاں محنت کا صلہ ملتا ہے،سر کا خطاب میرے لئے اعزازہے، میئر لندن صادق خان

بچے مذاق کر رہے ہیں کہ گھر میں آپ سر نہیں صرف ہمارے والد ہیں،میری کامیابی ٹیم ورک کا نتیجہ ہے،میئر لندن

کرم کی صورت حال پر معاہدہ طے ہونے کے بعد مجلس وحدت المسلمین (ایم ڈبلیو ایم) کی جانب سے ملک بھر میں جاری دھرنے ختم کرنے کا اعلان ہوگیا ہے، جس کے بعد کراچی کے مختلف مقامات پر جاری دھرنے بھی ختم کردئے گئے ہیں اور سڑکیں ٹریفک کے لیے کھول دی گئی ہیں۔ لیکن کرم کی مین شاہراہ تاحال بند ہے۔تفصیلات کے مطابق کراچی میں مجلس وحدت مسلمین (ایم ڈبلیو ایم) کی جانب سے دیے گئے دھرنے اختتام پذیر ہو گئے ہیں، جس کے بعد شہر میں معمولات بحال ہو گئے ہیں۔  ٹریفک پولیس کے مطابق نمائش چورنگی پردس دن سے بند سڑک ٹریفک کے لیے کھول دی گئی ہے، ابو الحسن اصفہانی روڈ عباس ٹاؤن کے راستے بھی کھول دئے گئے ہیں۔کامران چورنگی سے موسمیات آنے جانے والے روڈ پر ٹریفک رواں دواں ہے، واٹر پمپ سے انچولی جانے والا روڈ بھی ٹریفک کے لیے کھول دیا گیا ہے۔سہراب گوٹھ سے واٹر پمپ جانے والا روڈ ٹریفک کے لیے کھلا ہے۔لیکن بیشتر مقامات پر اہل سنت والجماعت کے دھرنے جاری ہیں۔ٹریفک پولیس کے مطابق، دھرنوں کے خاتمے کے بعد ٹریفک کی روانی مکمل طور پر بحال ہو گئی ہے۔ نمائش چورنگی پر احتجاج ختم ہونے کے بعد سڑک پر ٹریفک کی روانی دوبارہ شروع ہو گئی ہے۔اس کے علاوہ، عباس ٹاون، ملیر، اور دیگر مقامات پر بھی سڑکیں ٹریفک کے لیے کھول دی گئی ہیں۔ٹریفک پولیس نے مزید وضاحت کی کہ سہراب گوٹھ سے واٹر پمپ جانے والا راستہ بھی کھلا ہے، اور شہر کی تمام بڑی اور چھوٹی سڑکوں پر ٹریفک رواں دواں ہے۔شہریوں نے دھرنے کے خاتمے کے بعد اطمینان کا اظہار کیا ہے، جس سے شہر کے معمولات بحال ہو چکے ہیں۔لیکن بیشتر مقامات پر اہل سنت والجماعت کے دھرنے جاری ہیں۔واضح رہے گزشتہ رات ایم ڈبلیو ایم کے سربراہ علامہ راجہ ناصر عباس نے نیوز کانفرنس کرتے ہوئے کہا تھا کہ کرم دھرنے کے شرکا نے کہا ہے کہ تمام دھرنے ختم کیے جائیں، کرم سے متعلق فریقین کے معاہدے پر دستخط ہوگئے ہیں جس کے بعد ملک بھر میں جاری دھرنے ختم کرنے کا اعلان کرتے ہیں۔انہوں نے کہا کہ دھرنوں کو ختم کرنے کا اعلان کرتا ہوں، مجھے امید ہے ایپکس کمیٹی کےفیصلوں پرعمل ہوگا، تمام مظاہرین پرامن طریقے سے گھروں کو چلے جائیں۔راجہ ناصر عباس کا مزید کہنا  تھا کہ بلاول بھٹو کراچی واقعے پر تحقیقات کرائیں، امن معاہدے پر عملدرآمد کے لیے حکومت سستی نہ کرے۔

معاہدہ طے پانے کے بعد ایم ڈبلیو ایم نے کراچی میں دھرنے ختم دیئے،ٹریفک بحال

نمائش چورنگی پردس دن سے بند سڑک ٹریفک کیلئے کھول دی گئی،شہریوں کا دھرنے کے خاتمے کے بعد اطمینان کا اظہار

پاکستان میں رجب المرجب 1446 ہجری کا چاند نظر آگیا۔مرکزی رویت ہلال کمیٹی نے پاکستان میں رجب المرجب کا چاند نظر آنے کا اعلان کردیا۔رجب کا چاند دیکھنے کیلیے اسلام آباد میں چیئرمین مولانا عبدالخبیر کی زیر صدارت رویت ہلال کمیٹی کا مرکزی اجلاس ہوا۔اس کے علاوہ کراچی، کوئٹہ، لاہور، پشاور سمیت دیگر علاقوں میں زونل کمیٹیوں کے اجلاس ہوئے۔ملک بھر سے موصول ہونے والی شہادتوں کو مد نظر رکھتے ہوئے مرکزی رویت ہلال کمیٹی نے اعلان کیا ہےکہ یکم رجب کل جمعرات 2 جنوری کو ہوگی جبکہ 27 رجب یعنی شب معراج 28 جنوری بروز منگل کو منائی جائے گی۔ شب معراج 27 اور 28 جنوری کی درمیانی رات یعنی پیر اور منگل کی درمیانی رات کو ہوگی۔اجلاس کے آخر میں غزہ و فلسطین اور لبنان کے مظلوم مسلمانوں کی آزادی، عالم اسلام کے اتحاد، حرمین شریفین کے تحفظ، ملک پاکستان کی سلامتی و استحکام، ترقی و خوشحالی، اتحاد و وحدت کےلیے خصوصی دعا کی گئی۔

پاکستان میں رجب المرجب کا چاند نظر آگیا،یکم رجب 2 جنوری کو ہوگی

شب معراج 27 اور 28 جنوری کی درمیانی رات یعنی پیر اور منگل کی درمیانی رات کو ہوگی

پاکستان سپر لیگ کے دسویں ایڈیشن کے لیے کرکٹ کے بڑے ناموں کی رجسٹریشن کا سلسلہ جاری ہے۔آسٹریلیا کے ڈیوڈ وارنر نے پہلی بار پاکستان سپر لیگ 2025 کیلئے اپنی دستیابی کا اعلان کرتے ہوئے پلیئرز ڈرافٹ کیلئے رجسٹریشن کرائی ہے۔نیوزی لینڈ کےایڈم ملنے نے بھی اپنی دستیابی ظاہر کر دی ہے،ڈیوڈ وارنر کی پی ایس ایل 10 کے لیے دستیابی کا اعلان پاکستان کرکٹ بورڈ اور لیگ کے آفیشل سوشل میڈیا ہینڈل کی جانب سے کیا گیا ہے۔ پی ایس ایل 10 میں رجسٹریشن کے بعد ڈیوڈ وارنر نے اپنے ہم وطن کھلاڑیوں عثمان خواجہ، میتھیو شارٹ، شان ایبٹ اور ایلکس کیری کے علاوہ مختلف ممالک کے دیگر پلیئرز کو جوائن کرلیا ہے۔اپنے بین الاقوامی کیریئر میں ڈیوڈ وارنر نے 112 ٹیسٹ اور 161 ایک روزہ بین الاقوامی میچوں میں بالترتیب 8786 اور 6932 رنز بنائے ہیں۔ انہوں نے 110 ٹی20 میچز میں ایک سینچری اور 28 نصف سینچریوں کے ساتھ 3277 رنز بنائے۔ڈیوڈ وارنر کے علاوہنیوزی لینڈ کے فاسٹ بالر ایڈم ملنے بھی پہلی بار پی ایس ایل کا حصہ بنیں گے۔ایڈم ملنے نے پاکستان سپر لیگ ایڈیشن 10 کے لئے خود کو رجسٹرڈ کروا دیا ہے، پی ایس ایل کے آفیشل ٹوئٹر اکاؤنٹ کے ذریعے بتایا گیا کہ کیوی فاسٹ بالر ایڈم ملنے نے بھیپی ایس ایل کھیلنے کا فیصلہ کیا ہے اور انہوں نے ڈرافٹنگ کیلئے سائن اپ کرلیا ہے۔اس سے قبل ڈیرل مچل، حال ہی میں ٹیسٹ کرکٹ سے ریٹائر ہونے والے کیوی فاسٹ بولر ٹم ساؤتھی اور جارح مزاج بلے باز مارٹن گپٹل بھی پی ایس ایل 10 کے لیے اپنی رجسٹریشن کرا چکے ہیں اور تینوں نامور کرکٹرز نے ڈرافٹس میں اپنی آمد کی تصدیق کردی ہے۔ علاوہ زیں، انگلینڈ کے جارح مزاج اوپنر جیسن رائے، ڈیوڈ ملان، فاسٹ بولر ڈیوڈ ولی، سیم کرن اور ٹام کوہلر بھی ڈرافٹس میں شامل ہوگئے ہیں۔پاکستان سپر لیگ کا پلیئرز ڈرافٹ 11 جنوری کو ہوگا۔ پی ایس ایل کا دسواں ایڈیشن اپریل میں ہوگا۔

لیجنڈ کرکٹر ڈیوڈ وارنر پہلی بارپی ایس ایل 10 میں طوفان برپا کرنے کیلئے تیار، رجسٹریشن کرا لی

نیوزی لینڈ کے فاسٹ بالر ایڈم ملنے پہلی بار پی ایس ایل کا حصہ بنیں گے،پلیئرز ڈرافٹ 11 جنوری کو ہوگا

انٹرنیٹ کی بندش کا معاملے پر قائمہ کمیٹی کے اجلاس میں اراکین اور چیئرمین پی ٹی اے میں دلچسپ مکالمہ ہوا،پاکستان ٹیلی کمیونیکشن اتھارٹی (پی ٹی اے) کے چیئرمین حفیظ الرحمٰن کا کہنا ہے کہ آج پہلی بار پتہ چلا کہ انٹرنیٹ کی بندش غلط ہوتی ہے۔سینیٹ کی قائمہ کمیٹی برائے انفارمیشن ٹیکنالوجی کے اجلاس میں چیئرمین پی ٹی اے نے کہا کہ جب بھی وزارت داخلہ کا خط آتا ہے تو انٹرنیٹ بند کیا جاتا ہے، میرے آنے سے پہلے یہ پریکٹس چلتی رہی ہے۔  سینیٹ کی قائمہ کمیٹی برائے آئی ٹی کا اجلاس سینیٹرپلوشہ خان کی زیرصدارت ہوا جس میں وزارت آئی ٹی اور پی ٹی اے حکام نے انٹرنیٹ سروس میں خلل پر بریفنگ دی۔ اس موقع پر گفتگو کرتے ہوئے چیئرمین پی ٹی اے نے کہا ہے کہ پی ٹی اے کو روزانہ سوشل میڈیا مواد کی 500 شکایات موصول ہوتی ہیں، پی ٹی اے سوشل میڈیا پلیٹ فارمز کو مواد بلاک کرنے کی درخواست کرتا ہے۔سوشل میڈیا پلیٹ فارمز 80 فیصد مواد بلاک کر دیتے ہیں۔سینیٹر کامران مرتضیٰ نے کہا کہ ایکٹ میں کہاں لکھا ہے کسی خاص علاقے میں انٹرنیٹ بلاک کرنا ہے؟ممبر لیگل وزارت آئی ٹی نے کہا کہ ایکٹ میں واضح کسی خاص علاقے کا نہیں لکھا۔  چیئرمین پی ٹی اے نے کہا ہے کہ رولز میں لکھا ہے کہ وزارت داخلہ پی ٹی اے کو ہدایت دے سکتا ہے۔سینیٹر کامران مرتضی نے کہا کہ قانون میں نہیں لکھا تو آپ انٹرنیٹ کیسے بلاک کر سکتے ہیں؟چیئرمین پی ٹی اے نے کہا کہ اگر یہ غلط ہے تو حکومت 9 سال سے ہم سے انٹرنیٹ کیوں بند کراتی ہے؟ میں تاریخ اور وقت بتا سکتا ہوں کب کب انٹرنیٹ بند ہوا۔سینیٹر کامران مرتضی نے کہا کہ ہم حکومت نہیں ہم پارلیمان ہیں۔چیئرمین پی ٹی اے نے کامران مرتضی سے کہا کہ آپ سب کبھی نہ کبھی حکومت میں رہے ہیں۔سینیٹر ہمایوں مہمند کا کہنا تھا کہ رولز میں بھی صرف مواد کا ذکر موجود ہے۔چیئرمین پی ٹی اے نے کہا کہ اس حوالے سے حتمی قانونی رائے وزارت قانون اور وزارت داخلہ دے سکتی ہے، سپریم کورٹ اور ہائی کورٹ کے حکم پر کئی بار سوشل میڈیا ایپس بند کی گئیں، کیا پھر 8 فروری کو الیکشن کے روز بھی نیٹ کی بندش غلط تھی؟ سپریم کورٹ کے حکم پر انٹرنیٹ اور سوشل میڈیا ایپلی کیشنز بند ہوتی ہیں۔سیکرٹری آئی ٹی اینڈ ٹیلی کام نے کہا کہ رولز بنے ہوئے کئی سال ہو گئے ہیں۔ سینیٹر کامران مرتضی نے کہا کہ کیا رولز ایکٹ سے آگے جا سکتے ہیں؟ اگر سپریم کورٹ کا فیصلہ ہے تو کیا وزارت نے نظرثانی دائر کی؟سینیٹر ہمایوں مہمند نے کہا کیا وزارت کا یہ کام نہیں کہ سپریم کورٹ کو بتائے کہ یہ چیز ایکٹ یا رولز میں نہیں ہے۔سینیٹر ندیم بھٹو نے کہا آپ فائیو جی نہ لائیں ہمیں دو ہزار تیئس والا انٹرنیٹ واپس کر دیں ۔  چیئرمین پی ٹی اے نے کہا جب تک ڈیجیٹل ہائی ویز نہیں بنائیں گے الٹے بھی لٹک جائیں انٹرنیٹ ٹھیک نہیں ہوگا۔سینیٹر ہمایوں مہمند نے کہا کہ کیا وزارت کا یہ کام نہیں کہ سپریم کورٹ کو بتائے کہ یہ چیز ایکٹ یا رولز میں نہیں ہے۔کمیٹی کے رکن نے کہا کہ ڈاؤن لوڈ اسپیڈ ٹھیک ہے مگر ایپلی کیشنز نہیں چل رہیں، وائس نوٹ بھی نہیں جا رہے۔چیئرمین پی ٹی اے نے کہا کہ پاکستان میں سات سب میرین کیبلز ہیں، چار سے پانچ مزید سب میرین کیبلز اور آرہی ہیں، دو افریقہ کیبل بچھانے کا کام اسی سال مکمل ہوجائے گا، اس وقت دنیا میں انٹرنیٹ اسپیڈ کے لحاظ سے 97 ویں نمبر پر ہیں، اس سب میرین کیبل کو شارک نہیں کاٹ سکتی، آپ کسی اور چیز کو شارک کہتے ہیں تو وہ الگ بات ہے۔

شارک سب میرین کیبل کو نہیں کاٹ سکتی، چیئرمین پی ٹی اے حفیظ الرحمان

اگریہ غلط ہے تو حکومت 9سال سے ہم سے انٹرنیٹ کیوں بند کراتی ہے، چیئرمین پی ٹی اے کی سینیٹ قائمہ کمیٹی کو بریفنگ

ضلع کرم میں جاری کشیدگی کے خاتمے کیلئے کوہاٹ میں تین ہفتے سے جاری جرگہ حتمی نتیجے پر پہنچ گیا ہے اورتمام فریقین نے امن  معاہدے پر دستخط کر دیئے ہیں ۔نجی ٹی وی کے مطابق کرم کے معاملے پر کوہاٹ گرینڈ جرگے میں فریقین نے امن معاہدے پر دستخط کر دیئے۔کوہاٹ میں ضلع کرم کی صورتحال پر جاری گرینڈ جرگہ ختم ہوگیا ہے اور فریقین نے امن معاہدے پر دستخط کر دیئے ہیں، فریقین معاہدے کے 14نکات پرمتفق ہوئے۔جرگہ رکن ملک ثواب خان نے تصدیق کی ہےکہ امن معاہدے پر دستخط ہوگئے ہیں، فریقین کی جانب سے45 ،45 افراد نے دستخط کیے ہیں،  معاہدے کے تحت فریقین کےدرمیان سیز فائر کا فیصلہ ہوا ہے، فریقین مورچے ختم اور اسلحہ جمع کرائیں گے۔جرگہ رکن کا مزید کہنا ہےکہ راستے کھولنے اور قیام امن کے لیے منصوبہ بندی کی جا رہی ہے، معاہدے کی خلاف ورزی کرنے والوں کو حکومت کے حوالےکیا جائےگا، امن و امان کو یقینی بنانےکے لیے قانون نافذ کرنے والوں کے ساتھ مل کر کام کیا جائےگا۔نجی ٹی وی نے امن جرگہ کے معاہدے کے حوالے سے بتایا کہ فریقین کرم میں نجی بنکرز ختم اور اسلحہ جمع کرنے کے پابند ہوں گے تاہم قیام امن کے بعد ہی حکومت کرم کو جانے والے راستوں کو کھولے گی۔حکومت 399 ارکان پر مشتمل خصوصی فورس بھی قائم کرے گی جو کرم کے راستوں کی سیکیورٹی کو یقینی بنائے گی، خصوصی سیکیورٹی فورس جو قائم کی جائے گی اس کا فیصلہ اپیکس کمیٹی کے اجلاس میں ہوا تھا۔کرم امن معاہدے کا باقاعدہ اعلان گورنر ہاؤس پشاور میں ہوگا لیکن امن معاہدہ بہرحال ہوچکا ہے، فریقین ایپکس کمیٹی کے اجلاس میں کیے جانے والے فیصلوں کے پابند ہوں گے۔ذرائع کا یہ بھی کہنا ہے کہ امن معاہدے پر ایک فریق پہلے ہی دستخط کر چکا تھا دوسرے فریق نے مشاورت کے لیے وقت مانگا تھا اور آج دستخط کیے ہیں۔آج کے جرگے میں یہ بھی فیصلہ کیا گیا کہ پشاور میں ہوئی اپیکس کمیٹی میں کیے گئے فیصلوں پر عمل درآمد کیا جائے گا، فریقین کو اگر کسی بھی قسم کے تحفظات ہوئے تو وہ کمشنر کوہاٹ یا ڈویژنل کمشنر سے رجوع کریں گے تاکہ حکومت تحفظات کو فوری طور پر دور کرسکے۔معاہدے پر عمل درآمد کے لیے یکم فروری تک کا وقت دیا گیا ہے کہ ایک ماہ کے اندر دونوں فریقین دوسرے فریق پر حملے کے لیے بنائے گئے اپنے اپنے بنکرز ختم کریں گے اور اسلحہ صوبائی حکومت کے حوالے کریں گے۔ذرائع کا کہنا ہے کہ انتظامیہ کی نگرانی میں بنکرز ختم کیے جائیں گے اور انتظامیہ کی نگرانی میں ہی اسلحہ بھی جمع ہوگا، ایک ماہ کا وقت اس لیے دیا گیا ہے کہ کوئی فریق یہ نہ کہے کہ وقت کم تھا۔

کرم امن مذاکرات کامیاب،گرینڈ جرگے میں فریقین نے امن معاہدے پر دستخط کر دیے

دونوں فریقین کی جانب سے 45، 45 افراد نے دستخط کیے، فریقین 14 نکات پر مشتمل معاہدے پر متفق ہوگئے

پاکستان 2 سال کیلئے اقوام متحدہ کی سلامتی کونسل کا غیرمستقل رکن بننے کے بعد آج ذمے داریاں سنبھالے گا۔ تفصیلات کے مطابق پاکستان 15 رکنی سلامتی کونسل کا آٹھویں بار غیر مستقل رکن بنا ہے، گزشتہ برس جون میں پاکستان سلامتی کونسل کے غیر مستقل رکن کے طور پر بھاری اکثریت کے ساتھ منتخب ہوا تھا، جس کے لیے جنرل اسمبلی کے 193 رکن ممالک میں سے 182 نے پاکستان کے حق میں ووٹ دیئے جو دو تہائی اکثریت کے لیے مطلوب 124 ووٹوں سے بھی زیادہ بنتے ہیں۔سلامتی کونسل کی غیر مستقل رکنیت سے پاکستان کو اہم بین الاقوامی امور پر بات چیت کا موقع میسر آئے گا تاہم اسے اہم مشکلات بھی درپیش ہیں۔پاکستان اب اقوام متحدہ کی سلامتی کونسل میں ایشیا بحرالکاہل کی دو نشستوں میں سے ایک پر براجمان ہے، پاکستان جولائی میں سلامتی کونسل کی صدارت کرے گا، جو ایجنڈا سازی اور بات چیت کو فروغ دینے کا ایک اہم موقع ہے۔پاکستان دولت اسلامیہ اور القاعدہ کی پابندیوں کی کمیٹی میں بھی ایک نشست حاصل کرے گا جو ان تنظیموں سے وابستہ افراد اور گروہوں کو دہشت گرد قرار دینے اور پابندیاں عائد کرنے کی ذمہ دار ہے۔یہ پاکستان کے لیے سرحد پار افغانستان سے حملہ آور القاعدہ اور داعش سے طویل عرصے سے منسلک سے گروپوں کو اجاگر کرنے کا بھی نادر موقع ہے۔اگرچہ سلامتی کونسل میں ویٹو کا اختیار صرف مستقل ارکان کے پاس ہے تاہم غیر مستقل ارکان دہشت گردی سے متعلق پابندیوں کی کمیٹیوں میں نمایاں اثر و رسوخ رکھتے ہیں کیونکہ فیصلے طے شدہ اصولوں کے تحت اتفاق رائے سے کیے جاتے ہیں۔تاہم، عالمی سیاست کی ٹوٹی پھوٹی صورتحال اور کونسل کے اندر بڑھتی ہوئی تقسیم سے اسلام آباد کی اپنی سفارتی ترجیحات کو آگے بڑھانے کی صلاحیت کا امتحان ہو سکتا ہے۔

پاکستان 2 سال کیلئے سلامتی کونسل کا غیرمستقل رکن بن گیا

آج آٹھویں مرتبہ پاکستان اقوام متحدہ کی سلامتی کونسل کے غیر مستقل رکن کی حیثیت سے ذمے داریاں سنبھالے گا

جس نے لاہور نہیں دیکھا وہ پیدا ہی نہیں ہوا، شائد یہی سوچ کر مشہور غیرملکی پورن ایکٹریس کائے اساکرا لاہور دیکھنے پاکستان آپہنچیں۔تفصیلات کے مطابق جاپان کی فحش فلموں کی اداکارہ ’ کائے اساکرا‘ نےچپکےسے لاہور دیکھنے آن پہنچیں اور بعدازاں سوشل میڈیا پر تصاویر جاری کرکے صارفین کو حیرت میں مبتلا کر دیا ۔کائے اساکرا نے فوٹو اینڈ ویڈیو شیئرنگ ایپ انسٹاگرام پر لاہور کی سیر کے دوران لی گئی تصاویر شیئر کی ہیں، جس میں انھیں سیاہ برقعے میں ملبوس دیکھا جاسکتا ہے۔ اداکارہ نے لاہور کی اندرونی گلیوں اور تاریخی مقامات کی تصاویر بھی شیئر کی ہیں۔کائے اساکرا کو فحش فلموں کی انڈسٹری میں ’ رائے لِل بلیک‘ کے نام سے جانا جاتاہے ، حال ہی میں انہوں نے اپنی انسٹاگرام سٹوری پر لاہور کے تاریخی مقامات کا دورہ کرنے کی تصاویر اپ لوڈ کیں ، انہوں نے کالے رنگ کا برقعہ پہن رکھاہے اور مکمل حجاب میں دکھائی دیں ۔انہوں نے فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کی جس میں انہیں لاہور کی گلیوں میں دیکھا جاسکتا ہے، اس تصویر کو انہوں نے کیپشن دیا کہ ’صبح کی چہل قدمی دنیا کے ایک مقام پر۔کائے اساکرا لاہور کے تاریخی مقامات کی سیر کرتے بھی دکھائی دیں، انہوں نے تاریخی بادشاہی مسجد، لاہور فورٹ، مسجد وزیر خان بھی دیکھی اور اپنی اس وزٹ کو کیمرے میں بھی عکسبند کیا۔اپنی ایک اور انسٹاگرام اسٹوری میں انہوں نے لوکیشن لاہور کی لکھی اور ایک تصویر شیئر کی جس میں وہ لاہور کی سردی میں چند بکریوں کے بچوں کے ساتھ موجود ہیں اور وہ سردی میں دھوپ سے بھی لطف انداز ہوتی دکھائی دے رہی ہیں۔اگلی تصویر میں انہوں نے ایک دکان کی تصویر شیئر کی جس میں آئینے فروخت ہوتے دکھائی دے رہے ہیں، اس کے کیپشن میں انہوں نے لکھا کہ ’خوبصورت دن خود چل کر آپ کے پاس نہیں آتے، آپ کو خود ان کے پاس جانا پڑتاہے۔کائے اساکرا کی اس لاہور یاترا کا مقصد تو معلوم نہیں ہوسکا لیکن نیٹیزن نے ان کی اس سیر کو دلچسپ قرار دیا اور کہا کہ انہوں نے مشرقی اقدار کا پاس کرتے ہوئے اسی کے مطابق خود کو ڈھالا ہوا ہے۔جاپانی اداکارہ پاکستان پہنچنے سے قبل متحدہ عرب امارات (یو اے ای) پہنچی تھیں اور انہوں نے وہاں بھی مکمل اسلامی لباس پہنا تھا، انہیں دبئی میں بھی حجاب میں دیکھا گیا تھا۔کائے اساکرا نے متعدد ایکشن فلموں اور ویب سیریز میں بھی کام کیا ہے اور ان کی زیادہ تر فلمیں اور ویب سیریز جاپان، کوریا، تھائی لینڈ اور سنگاپور جیسے ممالک میں مقبول ہیں۔کائے اساکرا کی جانب سے تاریخی بادشاہی مسجد کی سیر کرنے اور ان کی جانب سے حجاب کرنے کے بعد پاکستانی سوشل میڈیا پر یہ افواہیں بھی پھیلنے لگیں کہ جاپانی اداکارہ دائرہ اسلام میں داخل ہونے جا رہی ہیں۔کائے اساکرا ایک 28 سالہ جاپانی فحش اداکارہ ہیں، وہ سوشل میڈیا انفلونسر بھی ہیں، ان کے انسٹاگرام پر 2 ملین فالوورز ہیں۔

جاپان کی فحش فلموں کی اداکارہ لاہور پہنچ گئیں، تصاویر نے سوشل میڈیا پر ہنگامہ برپا کر دیا

اداکارہ کائے اساکرا نے لاہور میں سیر کے دوران تاریخی مقامات کی تصاویر انسٹاگرام پر شیئر کی ہیں

بچوں کے ’ب‘ فارم کے حوالے سے والدین کے لئے نئی مشکل کھڑی ہوگئی، اب نئے فیچرز کے ساتھ خصوصی ب فارم بنوانا ہوگا۔تفصیلات کے مطابق نادرا نے پہلی بار 10 سال سے زائد عمر کے بچوں کیلئے خصوصی سیکیورٹی فیچرز کا ب فارم متعارف کرانے کا فیصلہ کرلیاگیاہے۔اس حوالے سے وفاقی وزیر داخلہ نے کہا ہے کہ خصوصی ب فارم رجسٹریشن سرٹیفکیٹ کا اجراء مرحلہ وار 15 جنوری سے ہوگا، نادرا کا محکمہ پاسپورٹ کے اشتراک سے بچوں کی انگلیوں کے نشانات اور تصویر کو ب فارم میں شامل کیا جائے گا۔ان کا کہنا تھا کہ ان اقدامات سے بچوں کی شناختی معلومات کی چوری اورغلط استعمال کو روکنے میں مدد ملے گی۔وزیرداخلہ محسن نقوی کا کہناہے کہ یہ اقدامات بچوں کے جعلی شناختی کارڈز ۔ غیر قانونی پاسپورٹ کے حصول اور انسانی اسمگلنگ جیسے جرائم کی روک تھام میں معاون ثابت ہوں گے۔ چیئرمین نادرا ، ڈی جی پاسپورٹ اور پوری ٹیم کو مختصر مدت میں ب فارم میں اصلاحات متعارف کرانے پر مبارکباد دیتا ہوں۔اس حوالے سے ترجمان وزارت داخلہ کا کہنا ہے کہ خصوصی ’ب‘ فارم (رجسٹریشن سرٹیفکیٹ) کا 15 جنوری سے مرحلہ وار اجرا کیا جائے گا۔ترجمان وزارت داخلہ کے مطابق پہلے مرحلے میں 10 سال سے زائد اور 18 سال سے کم عمر بچوں سے 15 جنوری سے نادرا سینٹر پر انگلیوں کے نشانات اور تصویریں لی جائیں گی۔ ان بچوں کے ساتھ والدین میں سے کسی ایک یا قانونی سرپرست کا آنا لازم ہے۔ انہیں اپنے ہمراہ اپنا کمپیوٹرائزڈ قومی شناختی کارڈ اور بچے کا یونین کونسل یا ٹاؤن کمیٹی سے جاری کردہ کمپیوٹرائزڈ پیدائش سرٹیفکیٹ بھی لانا ہوگا۔ترجمان کے مطابق نادرا میں ضروری کارروائی کے بعد بچے کا تصویر والا ب فارم جاری کیا جائے گا۔ 10 سال سے زائد اور 18 سال سے کم عمر بچوں کو نئے پاسپورٹ کی درخواست کے وقت نادرا سے جاری شدہ انگلیوں کے نشانات اور تصویر والا ب فارم بھی پیش کرنا ہوگا۔ پرانا ب فارم جس میں تصویر اور انگلیوں کے نشانات شامل نہیں مذکورہ بالا عمر کے بچوں کے لیے قابل قبول نہیں ہوگا۔وزارت داخلہ ترجمان نے مزید کہا کہ والدین یا قانونی سرپرست نادرا سے 10 سال سے زائد عمر کے بچے کی تصویر اور انگلیوں کے نشانات والا نیا ب فارم بنوائیں۔ ڈائریکٹوریٹ جنرل آف امیگریشن اینڈ پاسپورٹس پاسپورٹ کی درخواست پر کارروائی کے دوران نادرا کے ڈیٹا بیس سے بچے کی تصویر اور انگلیوں کے نشانات کی تصدیق کرے گا۔ اگلے مراحل میں مزید اصلاحات متعارف کرائی جائیں گی۔

نادرا کاپہلی بار  10 سال سے زائدالعمر بچوں کیلئے خصوصی ”ب فارم“ متعارف کرانے کا فیصلہ

محکمہ پاسپورٹ کے اشتراک سے نادرا 10 سال سے زائد عمر کے بچوں کی انگلیوں کے نشانات اور تصویر کے حامل ب فارم جاری کرے گا

پاکستان میں دہشت گردی اور ٹارگٹ کلنگ  کے واقعات میں بھارت کا گھناؤناکرداربےنقاب ہوگیا۔عالمی جریدے واشنگٹن پوسٹ نے بھارتی حکومت کی سرپرستی میں  ہونے والی دہشت گردی کو عیاں کردیا۔ اخبار کی رپورٹ سے دہشت گردی اور سنگین انسانی جرائم میں ملوث بھارت کا سیاہ چہرہ عالمی سطح پر بےنقاب ہوگیا۔ اخبار کا کہنا ہے کہ ’’را‘‘ نے اجرتی قاتلوں اور افغان ہتھیاروں سے پاکستان میں 6 افراد کی ٹارگٹ کلنگ کی۔واشنگٹن پوسٹ کی رپورٹ کے مطابق بھارت پاکستان میں دہشت گرد کارروائیوں سے ٹارگٹ کلنگ میں ملوث ہے، ’’را‘‘ نے اجرتی قاتلوں، افغان ہتھیاروں سے پاکستان میں 6 افراد کی ٹارگٹ کلنگ کی۔رپورٹ کے مطابق گزشتہ سال اپریل میں 2 نقاب پوشوں نے لاہور میں عامر سرفراز تامبا کو گولیوں کا نشانہ بنایا اور فرار ہوگئے، یہ واقعہ بھی دوسرے ممالک کی طرح بھارتی خفیہ قتل مہم کا تسلسل ہے۔ واشنگٹن پوسٹ کا کہنا ہے کہ بھارتی ایجنسی ”را“ نے پاکستان میں کئی افراد کو نشانہ بنایا، شواہد سے واضح ہے پاکستانیوں کے قتل میں بھارت ملوث ہے، 2021ء میں بھی ”را“ نے پاکستان میں متعدد افراد کو قتل کرنے کیلئے خفیہ مہم چلائی، اس مہم میں کئی پاکستانی شہریوں کو نشانہ بنایا گیا۔واشنگٹن پوسٹ کی رپورٹ میں بتایا گیا ہے کہ پاکستانی وزیر داخلہ بھی ہلاکتوں میں بھارت کے ملوث ہونے کا انکشاف کرچکے ہیں، بھارتی قومی سلامتی کے مشیر نے کہا تھا کہ پاکستان پر حملہ کرنا غیر حقیقی ہے، اجیت ڈوول نے کہا تھا کہ اپنے مقاصد کیلئے خفیہ ذرائع استعمال کرسکتے ہیں۔واشنگٹن پوسٹ کے مطابق امریکا، کینیڈا اور مغربی ممالک میں ”را“ کی قتل مہم سے بھارت شدید تنقید کی زد میں ہے، بھارت نے امریکا ،کینیڈا، مغربی ممالک میں ماروائے عدالت قتل کئے، کینیڈا اور امریکا میں بھارتی خفیہ ایجنسی ”را“ نے سکھ رہنماؤں کو قتل کیا، نئی دہلی سے را افسر وکاش یادیو نے نیویارک میں سکھ رہنمائ پر حملے کی ہدایت جاری کیں، را افسر نے قتل میں اپنے ایجنٹ کو مقامی قاتل کی خدمات لینے کی ہدایت کی، کینیڈین حکام نے بھی بھارتی سفارتکاروں، را کی دہشت گردی کو بے نقاب کیا تھا۔اس حوالے سے سفارتی ماہرین کا کہنا ہے کہ بھارتی جارحیت، دہشت گردی اور بین الاقوامی قوانین کی خلاف ورزی پر اقوام عالم کو سخت نوٹس لینا چاہیے۔ دوسرے ممالک میں بھارتی دہشتگردی، مداخلت اور ٹارگٹ کلنگ عالمی امن کے لیے شدید خطرہ ہے۔

پاکستان میں دہشت گردی اور ٹارگٹ کلنگ میں بھارت ملوث،واشنگٹن پوسٹ نےبھانڈا پھوڑ دیا

بھارتی ایجنسی ’را‘ نے اجرتی قاتلوں کے ذریعے پاکستان میں ٹارگٹ کلنگ کی، عالمی جریدے کی رپورٹ

کراچی کے مختلف علاقوں میں سال نو پر ہوائی فائرنگ میں خواتین اور بچوں سمیت 24 افراد زخمی ہوگئے۔میڈیارپورٹس کے مطابق سال نو کے آغاز پر کراچی میں رات بجتے ہی مختلف علاقوں میں ہوائی فائرنگ کا سلسلہ شروع ہوگیا، حکومت کے منع کرنے اور پولیس کی کڑی نظر کے باوجود شہر کے مختلف علاقوں میں رات کے 12 بجتے ہی شہرقائد کے کئی علاقے گولیوں کی تڑتڑاہٹ سے گونج اٹھے۔ریسکیو حکام کا کہنا ہے کہ کراچی کے علاقے لیاقت آباد میں ہوائی فائرنگ سے3افراد زخمی ہوئے۔ طارق روڈ، شاہ فیصل کالونی میں فائرنگ سے2خواتین اور اورنگی ٹاؤن، گلشن اقبال میں ہوائی فائرنگ سے2افراد زخمی ہوئے۔پیالہ ہوٹل کے قریب ہوائی فائرنگ سے زخمی ہونے والے شخص کو نجی اسپتال منتقل گیا۔اورنگی ٹاؤن سیکٹر 14C چمن عطار مسجد کے قریب فائرنگ سے ایک شخص زخمی ہوا۔ کراچی سیکٹر فائیو کے میں گولی لگنے سے 22 سالہ نوجوان، ملیر ماڈل کالونی میں گولی لگنے سے 17 سالہ نوجوان، گارڈن نشتر روڈ باغ ہالار کے قریب گولی لگنے سے 55 سالہ عمر فاروق، ملیر کالا بورڈ نہال اسپتال کے قریب گھر کے اندر نامعلوم سمت سے آنے والی گولی لگنے سے 10 سالہ لڑکا زخمی ہوا۔جبکہ جوہر آباد کے علاقے فیڈرل بی ایریا بلاک 14 میں گولی لگنے سے 25 سالہ حارث، منگھوپیر صائمہ عربین کے قریب 17 سالہ کامران گولی لگنے سے زخمی ہوگیا اور سچل کے علاقے اسکیم 33 فاریہ چوک کے قریب 35 سالہ عمار زخمی ہوگیا جبکہ لیاری کے علاقے کلاکوٹ میں نامعلوم سمت سے آنے والی گولی لگنے سے 25 سالہ عبدالرشید زخمی ہوگیا۔ریسکیو حکام کے مطابق فائرنگ میں زخمی ہونے والے تمام افراد کو شہر کے مختلف اسپتالوں میں منتقل کردیا گیا ہے۔پولیس کا کہنا ہے کہ فائرنگ میں خواتین اور بچے بھی زخمی ہوئے ہیں، ہوائی فائرنگ کے الزام میں 30افراد کو گرفتار کیا گیا ہے۔

کراچی میں نئے سال کی آمد کا جشن، ہوائی فائرنگ سے 24 افراد زخمی

ہوائی فائرنگ سے خواتین اور بچے بھی زخمی ہوئے،تمام افراد کو شہرکے مختلف اسپتالوں میں منتقل کردیاگیا

Mohsin Naqvi visited Gaddafi Stadium Lahore and expressed his satisfaction with how things were moving forward with regards to Champions Trophy 2025 preparations.

PCB Chairman Satisfied With CT25 Preps Amidst Team's Unsatisfactory Performance

In the midst of another Pakistan team batting collapse, the PCB Chairman Mohsin Naqvi has expressed his satisfaction with the Gaddafi Stadium upgradation for the ICC <a href="https://www.tapmad.com/blog/icc-champions-trophy-2025-national-stadium-karachi-set-to-have-a-massive-makeover/356-2-0">Champions Trophy 2025</a>.&nbsp;

The Gaddafi Stadium upgradation project is approximately 50% complete, with significant progress observed in the construction of enclosures and the main building floors.&nbsp;

The ICC Champions Trophy 2025 is set to take place from February-March, however, Pakistan&rsquo;s arch-rival and neighbor India&rsquo;s participation in the tournament is quite uncertain.&nbsp;

CT25 preps may be going on as per the Chairman&rsquo;s expectations, but if there&rsquo;s one thing that isn&rsquo;t going according to the plan is the Pakistan team&rsquo;s performance.&nbsp;

In the Pakistan vs Australia <a href="https://www.tapmad.com/blog/pak-vs-aus-fixtures-match-dates-times-and-venues/480-2-0">1st ODI</a>, Australia won the toss and chose to bowl first. The entire Pakistan batting lineup collapsed after giving the home team a meager target of 204 runs only.

Newly appointed skipper Mohammad Rizwan was the highest scoring batsman of the day with his 44 runs. Apart from Naseem and Babar, no other player could get past the 30-run mark, leaving the team in turmoil in the very 1st match of the series.&nbsp;

But no matter what happens on the field, at least the Chairman is satisfied with all that&rsquo;s happening off the field.&nbsp;

&ldquo;Our goal is to have Gaddafi Stadium ready ahead of the Champions Trophy, meeting international standards,&rdquo; stated Mohsin Naqvi. &ldquo;We&rsquo;re enhancing facilities for players and cricket fans alike.&rdquo;

Is Mohsin Naqvi willingly not talking about the national team&rsquo;s performance or is it an unintentional oversight?

PCB Chairman Happy With CT25 Preparations; Gives No Remark On Pak vs Aus Series

Related Post

Najmul Hossain Shanto Quits Bangladesh T20I Captaincy

What Does Shane Watson Think About India Not Travelling to Pakistan for Champions Trophy 2025?

Babar & Rizwan Slip, Saud Shakeel Climbs in ICC Test Rankings

2024: A Year of Historic Highs and Lows for Pakistan Cricket

Najmul Hossain Shanto Quits Bangladesh T20I Captaincy

What Does Shane Watson Think About India Not Travelling to Pakistan for Champions Trophy 2025?

Babar & Rizwan Slip, Saud Shakeel Climbs in ICC Test Rankings

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan