Cricket

Entertainment

Football

ایچ بی ایل پی ایس ایل 10 کے چھٹے میچ میں لاہور قلندرز نے کراچی کنگز کو65رنز سے شکست دے دی، کراچی کنگز 202 رنز کے تعاقب میں 136 رنز پر آئوٹ ہوگئی۔خوشدل شاہ 39 رنز بنا کر نمایاں رہے، حسن علی 27 رنز بناسکے، کپتان ڈیوڈ وارنر اور جیمز ونس بغیر کوئی رن بنائے آؤٹ ہوئے۔ قبل ازیں کراچی میں کھیلے گئے میچ میں لاہور قلندرز کےکپتان شاہین شاہ آفریدی نےکراچی کنگز کے خلاف ٹاس جیت کر بیٹنگ کا فیصلہ کیا۔لاہور قلندرز  نے پہلےکھیلتے ہوئے مقررہ 20 اوورز میں 6 کھلاڑیوں کے نقصان پر 201 رنز بنائے۔لاہور قلندرز کی جانب سے اوپنر بلے باز فخر زمان 76 اور ڈیرل مچل 75 رنز کیساتھ نمایاں رہے، محمد نعیم 7، عبداللہ شفیق 6، سیم بلنگز 19 اور رشاد حسین 2 رنز بناکر پویلین لوٹ گئے جبکہ سکندر رضا 10 رنز کیساتھ ناٹ آؤٹ رہے۔کراچی کنگز کی جانب سے حسن علی نے 4 جبکہ عباس آفریدی نے ایک وکٹ حاصل کی۔202رنز کے ہدف کے تعاقب میں کراچی کنگز کی بیٹنگ کو ابتدا میں ہی لاہورقلندرز کے کپتان شاہین آفریدی نے دبوچ لیا، پہلے ہی اوور میں کراچی کنگز کے کپتان ڈیوڈ وارنر اور گزشتہ میچ کے ہیرو جیمز ونس کو صفر پر پویلین لوٹا دیا۔ کراچی کنگز کی جانب سے ٹم سیفرٹ اور شان مسعود 18، 18، عرفان خان 6، حسن علی 27، عباس آفریدی ایک رن بناکر آؤٹ ہوگئے جبکہ عرفان منہاس بغیر کوئی رن بنائے چلتے بنے۔لاہور قلندرز کی جانب سے شاہین شاہ آفریدی اور رشاد حسین نے 3، 3 ، سکندر رضا نے 2 جبکہ آصف آفریدی اور حارث رؤف نے ایک ایک وکٹ حاصل کی۔

پی ایس ایل 10،لاہور قلندرز نے کراچی کنگز کو 65 رنز سے ہرادیا

لاہورقلندرز کے دیئے گئے202رنز کے تعاقب میں کراچی کنگز کی ٹیم136رنز بنا کرآئوٹ ہوگئی

وزیراعظم پاکستان شہباز شریف نے کہا ہے کہ عالمی مارکیٹ میں پیٹرولیم مصنوعات کی قیمتوں میں کمی ہوئی ہے لیکن ہم یہ فائدہ عوام کو منتقل نہیں کررہے، اس رقم سے بلوچستان میں موٹروے طرز کی نیشنل ہائی وے بنانے جارہے ہیں۔وفاقی کابینہ اجلاس کے شرکاء سے خطاب کرتے ہوئے وزیر اعظم شہباز شریف  نے اعلان کیا کہ  بین الاقوامی مارکیٹ میں پیٹرولیم مصنوعات کی قیمتوں میں ہونے والی کمی کو صارفین تک منتقل کرنے کی بجائے اس رقم کو بلوچستان کی سب اہم شاہراہ N- 25 (چمن،کوئٹہ،قلاتـ،خضدار، کراچی شاہراہ) کو دو رویہ کرنے میں استعمال کیا جائے گا تاکہ بلوچستان کے عوام کو سفر کی بہترین سہولیات میسر آسکیں۔ شہباز شریف نے کہا کہ اب ایک موقع پھر آیا ہے کہ عالمی منڈیوں میں تیل کی قیمتیں پھر نیچے آئی ہیں، حالیہ جو قیمتیں گری ہیں، یوکرین کی جنگ بند ہونے سے متعلق خبروں یا ابھی ٹیرف لگنے کی وجہ سے بھی قیمتوں کا اتار چڑھاؤ جاری ہے۔وزیراعظم نے کہا کہ آج 15 اپریل ہے تو آج تیل اور پٹرول کی قیمت کم ہونے جا رہی ہیں اور ابھی اس کا اعلان ہوجائے گا۔انہوں نے کہا کہ جو کمی آرہی ہے اس کو ہم نے روکنے کا سوچا ہے تاکہ قوم کے زخموں کی مرہم پٹی کی جائے اور ان کو شفایاب کرسکیں، اس سلسلے میں ہم نے بڑی سوچ و بچار کے بعد طے کیا ہے کہ کراچی، قلات، خضدار، کوئٹہ اور چمن کے سنگل روڈ کو خونی روڈ کہا جاتا ہے لیکن فنڈز کے بغیر یہ مکمل نہیں ہوگا۔ان کا کہنا تھا کہ کے پی سے لے کر سکھر تک بہترین موٹروے بن چکی ہے، اب آگے سکھر-حیدرآباد-کراچی بننے والا ہے، امید ہے ایم 6 اور ایم 9 وفاق شفاف طریقے سے خود بنائے گا، جس طرح نواز شریف نے دیگر موٹرویز بنائی ہیں اسی طرح یہ موٹروے بھی وفاق خود بنائے گا اور اعلیٰ معیار کی موٹر وے ہوگی جو سکھر سے حیدرآباد اور حیدرآباد سے کراچی ہوگی۔ان کا کہنا تھا کہ اس خونی سڑک نے دو ہزار لوگوں کو نگل لیا ہے، سیاسی اور سماجی طور پر بھی بلوچستان دیکھ رہا ہے کہ مردان سے سکھر تک موٹر وے بن گئی ہے، جس پر کئی 100 ارب لگے ہیں تو ہم نے کیا بگاڑا ہے کہ ہمارے ہاں ایسی کوئی سڑک نہیں ہے، 2022 میں دو رویہ ہائی وے بنانے کا سنگ بنیاد رکھا تھا جس پر خاطر خوا کام نہیں ہوا۔شہباز شریف نے کہا کہ ہم نے بہت سوچ و بچار کے بعد طے کیا ہے، میرا ایمان ہے کہ چاروں صوبے چار بھائیوں کی طرح ہیں، اگر ایک روٹی ہے تو چاروں بھائی اس کے چار حصے کرکے کھائیں گے اور اللہ کا شکر ادا کریں گے اور اسی طرح جب 4 روٹیاں ہوں گی تو چاروں بھائی ایک ایک روٹی کھائیں گے، اسی طرح جتنی رقم بڑھے گی اسی طرح صوبوں کا حصہ بھی بڑے گا۔انہوں نے کہا کہ بلوچستان کا پاکستان کا سب سے بڑا صوبہ ہے اور اس فاصلے اتنے زیادہ ہیں اور ان کو پر کرنے کے لیے سرمایہ کاری بھی اتنی زیادہ درکا ہے، حکومت جو ہزاروں ٹیوب ویل لگا رہی ہے، سرفراز بگٹی کی حکومت بھی اس میں حصہ ڈال رہی ہے، 70 فیصد وفاقی حکومت حصہ ڈال رہی ہے اور باقی صوبائی حکومت کا حصہ ہے۔ وزیراعظم نے کہا کہ اس خونی سڑک کو ہم نے خوش حالی، خوشیوں اور ترقی کی سڑک میں بدل دیں گے اور اس کا معیار موٹر وے جیسا ہوگا، تھرڈ پارٹی ویلیڈیشن ہوگی۔انہوں نے کہا کہ اس سڑک کا 22-2023 میں پہلا تخمینہ 250 ارب روپے تھا اب یہ تخمینہ تقریباً 300 ارب روپے ہیں۔شہباز شریف نے کہا کہ تیل کی جو قیمتیں آج کم ہو رہی ہیں وہ فائدہ پاکستان کے عوام کو نہیں دے رہے ہیں اور دو سال میں ان شااللہ یہ ہائی وے مکمل ہوجائے گی اور ہم اس بچت کو بلوچستان کے عوام کے نذر کر رہے ہیں اور یہ موقع ہے کہ بلوچستان کے عوام کو احساس ہو کہ واقعی ہمارے لیے بھی کوئی سوچتا ہے، وفاق ہمارے لیے سوچ رہا ہے۔انہوں نے کہا کہ یہ رقم خالصتاً این 25 پر خرچ ہوگی، یہ ہائی وے موٹر وے معیار کی سڑک ہوگی، بلوچستان خوش حال ہوگا تو پاکستان خوش حال ہو، ترقی تب ہے جب چاروں صوبے ترقی کی دوڑ میں سب سے آگے ہوں گے۔وزیراعظم شہبازشریف نے وفاقی کابینہ کے اجلاس میںں کہا کہ سیستان میں 8 پاکستانیوں کو شہید کیا گیا، سیستان واقعہ کی جتنی مذمت کریں کم ہے، ایرانی وزیرخارجہ سے معاملے پر بات ہوئی ہے۔ امید ہے ایرانی حکومت ذمہ داروں کو فی الفور گرفتار کرے گی۔

پٹرول کی قیمتوں میں کمی کا فائدہ عوام کو منتقل کرنے کے بجائے بلوچستان پر لگائیں گے،وزیراعظم

اس رقم کو چمن ،کوئٹہ،قلات،خضدار، کراچی شاہراہ دو رویہ کرنے میں استعمال کیا جائے گا، شہباز شریف

چیف آف آرمی اسٹاف جنرل سید عاصم منیر نے کہا ہے کہ ہم پاکستان کو اس مقام پر لے جانا چاہتے ہیں جس کا خواب قائدِ اعظم نے دیکھا تھا۔ جو پاکستان کی ترقی کے راستے میں حائل ہو گا ہم مل کر اُس رکاوٹ کو ہٹا دیں گے۔آرمی چیف جنرل سید عاصم منیر نے ایک بار پھر واضح کیا ہے کہ دہشت گردوں کی دس نسلیں بھی بلوچستان اور پاکستان کا کچھ نہیں بگاڑ سکتیں،بلوچستان پاکستان کی تقدیر اور ہمارے ماتھے کا جھومر ہے، جب تک اس ملک کے غیور عوام افوج پاکستان کے ساتھ کھڑے ہیں، آپ کی فوج ہر مشکل سے با آسانی نبرد آزما ہو سکتی ہے،نامساعد حالات کے آگے بطور مسلمان اور پاکستانی نہیں گھبراتے، ہم کبھی بھی مشکلات اور دشواریوں کے سامنے نہ جھکے ہیں، نہ جھکیں گے، کشمیر پاکستان کی شہ رگ تھا، ہے اور ہمیشہ رہے گا، پاکستانیوں کا دل ہمیشہ غزہ کے مسلمانوں کے ساتھ دھڑکتا ہے ۔ پہلے اوورسیز پاکستانیز کنونشن سے خطاب کرتے ہوئے آرمی چیف نے کہاکہ میں آج بیرون ملک مقیم پاکستانیوں کے جذبات دیکھ کر بہت متاثر ہوا ہوں اور میں آپ کو یقین دلاتا ہوں کہ آپ کے لیے ہمارے جذبات اس سے بھی زیادہ مضبوط ہیں۔ آرمی چیف نے کہاکہ آپ صرف پاکستان کے سفیر ہی نہیں بلکہ پاکستان کی وہ روشنی ہیں جو پورے اقوام عالم پر پڑتی ہے۔ سربراہ پاک فوج نے کہاکہ جو لوگ برین ڈرین کا بیانیہ بناتے ہیں، وہ جان لیں کہ یہ  برین ڈرین نہیں بلکہ برین گین ہے اور  بیرون ملک پاکستانی اسکی عمدہ ترین مثال ہیں۔ آرمی چیف انہوںنے کہاکہ آپ سب نے پاکستان کی کہانی اپنی اگلی نسل کو سنانی ہے، وہ کہانی جس کی بنیاد پر ہمارے آباؤ اجداد نے پاکستان حاصل کیا۔ سربراہ پاک فوج نے کہاکہ کیا پاکستان کے دشمنوں کا یہ خیال ہے کہ مٹھی بھر دہشتگرد پاکستان کی تقدیر کا فیصلہ کر سکتے ہیں؟، دہشتگردوں کی دس نسلیں بھی بلوچستان اور پاکستان کا کچھ  نہیں بگاڑ سکتیں۔ انہوںنے کہاکہ بلوچستان پاکستان کی تقدیر اور ہمارے ماتھے کا جھومر ہے۔آرمی چیف نے کہاکہ جب تک اس ملک کے غیور عوام افوج پاکستان کے ساتھ کھڑے ہیں، آپ کی فوج ہر مشکل سے با آسانی نبرد آزما ہو سکتی ہے۔انہوںنے کہاکہ اللہ تعالیٰ نے پاکستان کو بے بہا وسائل سے نوازا ہے جس پر ہمیں ہر وقت شکر ادا کرنا چاہیے۔آرمی چیف نے کہاکہ ہم آج مل کر یہ واضح پیغام دے رہے ہیں ’’جو پاکستان کی ترقی کے راستے میں حائل ہو گا ہم مل کر اْس رکاوٹ کو ہٹا دیں گے‘‘۔آرمی چیف نے اوور سیز پاکستانیوں سے مخاطب ہو کر کہا کہ آپ جس ملک میں بھی ہوں، یاد رکھیں کہ آپکی میراث ایک اعلیٰ معاشرے ، نظریئے اور تہذیب سے ہے۔ سربراہ پاک فوج نے کہاکہ نامساعد حالات کے آگے بطور مسلمان اور پاکستانی نہیں گھبراتے، ہم کبھی بھی مشکلات اور دشواریوں کے سامنے نہ جھکے ہیں، نہ جھکیں گے۔آرمی چیف نے کہاکہ جب تک اس ملک کے غیور عوام افوج پاکستان کے ساتھ کھڑے ہیں پاکستان کو کوئی نقصان نہیں پہنچا سکتا۔ انہوںنے کہاکہ قوم اپنے شہداء کو نہایت عزت اور وقار کی نظر سے دیکھتی ہے۔ ان کی قربانی لازوال ہے جس پر کبھی ملال نہ آنے دیں گے۔ انہوںنے کہاکہ ہم پاکستان کو اس مقام پر لے جانا چاہتے ہیں جس کا خواب قائدِ اعظم نے دیکھا تھا، آپ ہمیشہ اپنا سر فخر سے بلند رکھیں، کیونکہ آپ کا تعلق کسی عام ملک سے نہیں، بلکہ آپ ایک عظیم اور طاقتور  ملک کے نمائندے ہیں۔ آرمی چیف نے کہاکہ کشمیر پاکستان کی شہ رگ تھا، ہے اور ہمیشہ رہے گا، پاکستانیوں کا دل ہمیشہ غزہ کے مسلمانوں کے ساتھ دھڑکتا ہے ۔انہوںنے کہاکہ پاکستان کی ترقی کا سفر جاری ہے،سوال یہ نہیں کہ پاکستان نے کب ترقی کرنی ہے، بلکہ اصل سوال یہ ہے کہ پاکستان نے کتنی تیزی سے ترقی کرنی ہے۔اپنے خطاب کے اختتام پر آرمی چیف اور شرکاء نے ’’پاکستان ہمیشہ زندہ باد‘‘کا نعرہ لگایا۔

دہشت گردوں کی دس نسلیں بھی بلوچستان اور پاکستان کا کچھ نہیں بگاڑ سکتیں، آرمی چیف

بلوچستان پاکستان کی تقدیر اور ہمارے ماتھے کا جھومر ہے،شہدا کی قربانیاں لازوال ہیں، آرمی چیف کا اوورسیز کانفرنس سے خطاب

پاکستان تحریک انصاف (پی ٹی آئی) کے بانی عمران خان نے اسٹیبلشمنٹ سے کسی بھی مبینہ ڈیل کا تاثر مسترد کردیا۔پی ٹی آئی کے چیئرمین بیرسٹر گوہر نے اڈیالہ جیل میں عمران خان سے ملاقات کے بعد میڈیا سے گفتگو کرتے ہوئے کہاکہ بانی پی ٹی آئی نے آج واضح کردیا ہے کہ انہوں نے کسی کو اپنی طرف سے مذاکرات کا اختیار نہیں دیا، نہ ہی کوئی ڈیل ہورہی ہے۔چیئرمین پی ٹی آئی بیرسٹر گوہر نے میڈیاسے گفتگو کرتے ہوئےکہا کہ عمران خان نے کہا ہے کہ ان کی رہائی قانون اور آئین کے مطابق ہوگی،عمران خان نے کسی کو مذاکرات کا اختیار نہیں دیا، یہ تاثر دیا جارہا ہے کہ مذاکرات ہورہے ہیں۔مائنز اینڈ منرلز ایکٹ کے حوالے سے سوال کا جواب دیتے ہوئے بیرسٹر گوہر نے کہا کہ وزیراعلیٰ خیبرپختونخوا علی امین کی عمران خان سے ملاقات تک مائنز اینڈ منرلز ایکٹ پر کوئی بات نہیں ہوگی۔انہوں نے مزید کہا کہ آج عمران خان نے پارٹی کے لیے سخت ہدایات دی ہیں کہ پارٹی لیڈران، ورکر یا عہدیدار ایک دوسرے کے خلاف میڈیا میں یا عوامی سطح پر کوئی بیان نہیں دیں گے۔افغانوں کی جبری بے دخلی کے حوالے سے انہوں نےکہا کہ صوبائی اسمبلی ایک قرارداد منظور کرکے وفاقی حکومت سے درخواست کرے کہ افغانوں کی واپسی کی مدت میں توسیع کی جائےاور صوبائی حکومت کو بھی ٹائم فریم دیا جائے کہ اگر وہ اس مسئلے پر افغانستان کی حکومت سے بات کرنا چاہے تو کرسکے۔بیرسٹر گوہر نے مزید کہا کہ اسی طرح عمران خان نے کہا ہے کہ ہم صوبائی اسمبلی سے ایک قرارداد منظور کرائیں گے اور اس کی بنیاد پر پشاور ہائی کورٹ سے درخواست کریں گے کہ ہماری دائرکردہ پٹیشنوں کا جلد سے جلد فیصلہ ہونا چاہیے۔بیرسٹرگوہر نے کہا کہ عمران خان نے اتحاد کے حوالے سے کہا ہے کہ اس سلسلے میں کوششیں تیز کی جائیں اور ممکنہ اتحادیوں سے بات چیت کو تیز کیا جائے، اس کے علاوہ احتجاج سمیت تمام آپشن ہمارے سامنے کھلے ہیں۔انہوں نے کہا کہ ہم چاہتے ہیں کہ ایک مختصر ایجنڈے پر سب اکٹھے ہوں کہ قانون کی بالادستی ہو، الیکشن چوری نہ ہو، عدلیہ آزاد ہو، اس پر ہم حزب اختلاف کی تمام سیاسی جماعتوں سے درخواست کرتے ہیں کہ وہ ہمارا ساتھ دیں اور ہم اس کے لیے تحریک چلائیں تاکہ پاکستان میں حقیقی جمہوریت آئے۔بیرسٹر گوہر نے مزید کہا کہ عمران خان کی بہنوں اور ان کی فیملی کو آج ان سے نہیں ملنے دیا گی .جس کی ہم مذمت کرتے ہیں.یہ عدالتی احکامات کی خلاف ورزی ہے، پچھلی بار بھی فیملی کی ان سے ملاقات نہیں کرائی گئی تھی، اس کے لیے ہم پٹیشن اور توہین عدالت کی درخواست بھی دائر کریں گے۔ انہوں نے کہا کہ البتہ بشری بی بی کی فیملی کو ملاقات کی اجازت دی گئی ہے، اس طرح فیملی میں دراڑ ڈالنے کی کوشش کی جارہی ہے۔

بانی پی ٹی آئی عمران خان نے کسی کو مذاکرات کااختیارنہیں دیا، بیرسٹر گوہر

پارٹی عہدیدار کی دوسرےعہدیدار کے خلاف بیان پر پابندی ہوگی، چیئرمین پی ٹی آئی کی میڈیا سے گفتگو

بانی پی ٹی آئی عمران خان کو بڑا ریلیف مل گیا اسلام آباد کی عدالت نے بانی پی ٹی آئی عمران خان کی 2 درخواستیں منظور کرتے ہوئے ان کی اپنے بچوں سے بات کرانے اور ان کا میڈیکل چیک اپ کروانے کا حکم دے دیا۔تفصیلات کے مطابق اسلام آباد کی مقامی عدالت نے بانی پاکستان تحریک انصاف کو اپنے بیٹوں سے بات کرنے اور ذاتی معالج سے طبی معائنہ کروانے کی درخواستیں منظور کر لیں۔ عدالت نے سپریٹنڈنٹ اڈیالہ جیل کو ہدایت کی ہے کہ ان احکامات پر عمل درآمد کی رپورٹ 28 اپریل تک جمع کروائی جائے۔اسپیشل جج سینٹرل ایف آئی اے شاہ رخ ارجمند نے محفوظ فیصلہ سنایا، عدالت نے بانی پی ٹی آئی عمران خان کی دونوں درخواستیں منظور کر لی۔عدالت نے بانی پی ٹی آئی عمران خان کی بچوں سے بات اور میڈیکل چیک اپ کروانے کا حکم دے دیا، اس کے علاوہ عدالت نے حکم پر عملدرآمد کی رپورٹ 28 اپریل کو جمع کروانے کی ہدایت بھی کر دی۔

بانی پی ٹی آئی عمران خان کو بڑا ریلیف مل گیا

عدالت نے عمران خان کی بچوں سے بات اور میڈیکل چیک اپ کروانے کا حکم دیدیا

واشنگٹن(این این آئی)امریکی صدر ڈونلڈ ٹرمپ نے ایران کو ایک بار پھر کھلے الفاظ میں دھمکی دے دی ہے کہ اگر ایران نے جوہری ہتھیاروں کی دوڑ میں شامل ہونے کی کوشش کی تو اسے سنگین ردعمل کا سامنا کرنا پڑے گا۔میڈیارپورٹس کے مطابق اوول آفس میں میڈیا سے گفتگو کرتے ہوئے صدر ٹرمپ نے کہا کہ ایران جوہری ہتھیاروں کا خواب دیکھنا چھوڑ دے، ورنہ اسے اس کے نتائج بھگتنا ہوں گے۔ٹرمپ کا کہنا تھا کہ ایران ہم سے معاہدہ چاہتا ہے مگر یہ نہیں جانتا کہ اس تک پہنچنا کیسے ہے۔ انہوں نے دعوی کیا کہ وہ ایرانی مسئلے کو "حل کر دیں گے۔صدر ٹرمپ نے واضح کیا کہ ان کے دورِ صدارت میں ایران کو جوہری ہتھیار حاصل کرنے کی اجازت نہیں دی جائے گی، اگر ایران جوہری عزائم ترک کر دے تو وہ ایک عظیم قوم بن سکتا ہے۔ٹرمپ کے ان سخت بیانات کے پس منظر میں عمان میں ایران اور امریکا کے درمیان جوہری معاہدے پر بالواسطہ مذاکرات کا پہلا دور 12 اپریل کو منعقد ہوا، مذاکرات کی میزبانی سلطنت عمان نے کی۔ذرائع کے مطابق، مذاکرات میں امریکی وفد کی قیادت مشرقِ وسطی کے لیے خصوصی ایلچی اسٹیو وٹکوف نے کی، جبکہ ایرانی وفد کی نمائندگی وزیر خارجہ عباس عراقچی کر رہے تھے۔ ایرانی میڈیا کے مطابق بات چیت کا پہلا دور مثبت اور تعمیری رہا۔ترجمان ایرانی وزارت خارجہ نے تصدیق کی ہے کہ مذاکرات کا دوسرا دور بھی عمان میں ہی متوقع ہے۔

جوہری خواب دیکھنا ترک کرو، ورنہ سنگین نتائج کیلئے تیار رہو،ٹرمپ کی ایران کو دھمکی

ایران ہم سے معاہدہ چاہتا ہے مگر یہ نہیں جانتا کہ اس تک پہنچنا کیسے ہے، امریکی صدر ٹرمپ

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کےچھٹے میچ میں آج کراچی کنگز اورلاہورقلندرز کی ٹیمیں آمنے سامنے ہوں گی ۔نیشنل اسٹیڈیم کراچی میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔لاہور قلندرز کی ٹیم شاہین شاہ آفریدی کی زیر قیادت میدان میں اترے گی، دیگر نمایاں کھلاڑیوں میں فخر زمان، عبداللہ شفیق، ڈیرل مچل، سیم بلنگز، سکندر رضا، حارث رؤف اور ڈیوڈ ویزا شامل ہیں۔ کراچی کنگز کو مایہ ناز آسٹریلوی بلے باز ڈیو ڈ وارنر لیڈ کریں گے۔ اس ٹیم میں جیمز وینس،ٹم سیفرٹ ،بین میک ڈرموٹ ،حسن علی،ایڈم ملن اورزہد محمود جیسے بہترین کھلاڑی شامل ہیں۔ پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔پوائنٹس ٹیبل پرلاہورقلندرز کے2جبکہ کراچی کنگز کے بھی2پوائنٹس ہیں۔ خیال رہے لاہور قلندرز نے اب تک 2 میچ کھیلے ہیں، پہلے میچ میں انہیں اسلام آباد یونائیٹڈ کے ہاتھوں 8 وکٹوں سے شکست کا سامنا کرنا پڑا، دوسرے میچ میں قلندرز نے شاندار کھیل کا مظاہرہ کرتے ہوئے کوئٹہ گلیڈی ایٹرز کیخلاف 79 رنز سے کامیابی حاصل کی تھی۔ جبکہ کراچی کنگز نے اپنے پہلے میچ ملتان سلطانز کو شکست دی تھی۔

پی ایس ایل10،کراچی کنگز اورلاہور قلندرز آج  آمنے سامنے ہونگے

میچ رات 8 بجے شروع ہو گا ،پوائنٹس ٹیبل پرلاہورقلندرز کے دو جبکہ کراچی کنگز کے بھی2 پوائنٹس ہیں

شہر قائد کے علاقے کورنگی کریک میں لگنے والی پراسرار آگ 18 دن بعد اچانک بجھ گئی۔آگ بجھنے کے بعد گیس کا اخراج جاری ہے۔ پورے علاقے میں گیس کے اخراج کے باعث بو پھیل گئی۔ گیس کے اخراج کے باعث انتظامیہ نے علاقے کو سیل کر دیا ہے اور غیر متعلقہ افراد کوقریب جانے سے روکاجارہاہے۔یاد رہے کہ 29 مارچ کو نجی تعمیراتی کمپنی کے منصوبے کیلئے خالی پلاٹ میں پانی کیلئے بورنگ کئے جانے کے دوران 1200 فٹ گہرا گڑھا کھودا گیا تھا، اس دوران کھدائی کے مقام پر گیس کے اخراج کے بعد اچانک آگ لگ گئی تھی۔کورنگی میں لگنے والی آگ کا پاکستان اٹامک انرجی کمیشن نے سروے کیا تھا۔ پاکستان پیٹرولیم لمیٹڈ اور آئل کمپنی کے حکام نے آگ کی وجوہات جانے کے لیے سروے کیا تھا جبکہ منرل ٹیسٹ بھی کروایا گیا تھا۔بعدازاں کورنگی کریک میں 18 روز بعد بجھنے والی آگ کو دوبارہ بھڑکادیا گیا، ماہرین کا کہنا ہے کہ گیس کو فضا میں پھیلنے سے روکنے کے لیے دوبارہ آگ لگائی گئی ہے۔

کورنگی کریک میں لگنے والی آگ 18 روز بعد بجھ گئی، گیس کا اخراج بدستورجاری

گیس کے اخراج کے باعث انتظامیہ نے علاقے کو سیل کرکے غیر متعلقہ افراد کوقریب جانے سے روک دیا

بلوچستان کے ضلع مستونگ میں دشت روڈ پر بلوچستان کانسٹیبلری کی گاڑی کے قریب دھماکا ہوا جس کے نتیجے میں 3 پولیس اہلکار شہید اور متعدد زخمی ہوگئے۔پولیس حکام نے کہا ہے کہ دھماکا دشت روڈ پر کھنڈ مہسوری کے قریب ہوا، دھماکا موٹرسائیکل میں نصب ریموٹ کنٹرول بارودی مواد سے کیا گیا۔پولیس حکام کے مطابق بلوچستان کانسٹیبلری کے اہلکار ڈیوٹی سے واپس جارہے تھے، واقعے کے بعد فورسز کے اہلکار جائے وقوعہ پر پہنچ گئے جبکہ جاں بحق اور زخمی اہلکاروں کو ہسپتال منتقل کر دیا گیا ہے۔ترجمان بلوچستان حکومت شاہد رند نے کہا کہ دھماکے میں بلوچستان کانسٹیبلری کے 3 جوان شہید جبکہ 19 اہلکار زخمی ہوئے ہیں، زخمیوں میں دو اہلکاروں کی حالت تشویشناک ہے، شدید زخمیوں کو کوئٹہ منتقل کیا جا رہا ہے، واقعے کی ابتدائی رپورٹ طلب کر لی گئی ہے۔دوسری جانب وزیراعلیٰ بلوچستان سرفراز بگٹی نے دھماکے کی مذمت کرتے ہوئے زخمیوں کو بہتر طبی امداد کی فراہمی کی ہدایت کی ہے۔انہوں نے کہا ہے کہ زخمیوں کے علاج معالجے میں کوئی غفلت برداشت نہیں کی جائے گی، حکومتِ بلوچستان شہداء کے شانہ بشانہ کھڑی ہو گی۔وزیراعظم شہباز شریف نے بلوچستان کے ضلع مستونگ کے علاقے شمس آباد میں بلوچستان کانسٹبلری کی گاڑی پر دہشتگرد حملے کی شدید مذمت کی اور  3 اہلکاروں کی شہادت پر اظہار افسوس کیا۔ وزیر اعظم آفس کی جانب سے جاری بیان کے مطابق وزیراعظم نے شہداء کے لیے دعائے مغفرت اور لواحقین کے لیے صبر و استقامت کی دعا کی اورزخمیوں کو فوری طبی امداد فراہم کرنے کی ہدایت کی۔

مستونگ میں دھماکا، بلوچستان کانسٹیبلری کے 3 اہلکار شہید،19 زخمی

اہلکار ڈیوٹی سے واپس جارہے تھے، دھماکہ موٹرسائیکل میں نصب ریموٹ کنٹرول بارودی مواد سے کیا گیا

کرک میں انڈس ہائی وئے پر پیش آنے والے ٹریفک حادثے میں 10 افراد جاں بحق ہوگئے۔میڈیارپورٹس کے مطابق حادثہ کرک انڈس ہائی وے پر لکی غنڈکی کے قریب پیش آیا جہاں ٹریلر اور وین میں ٹکر سے 10 افراد جاں بحق اور 8 زخمی ہوگئے۔حادثے کے بعد مقامی افراد اور ریسکیو ٹیموں نے لاشوں اور زخمیوں کو ڈسٹرکٹ ہیڈکوارٹرز اسپتال منتقل کردیا ہے جبکہ قریبی اسپتالوں میں بھی ایمرجنسی نافذ کردی گئی ہے۔وزیر اعلیٰ خیبر پختونخوا علی امین گنڈاپور نے کرک میں پیش آنے والے حادثے پر گہرے رنج و غم کا اظہار کیا ہے۔ انہوں نے جاں بحق افراد کے لواحقین سے دلی ہمدردی اور تعزیت کرتے ہوئے مرحومین کی مغفرت اور پسماندگان کے لیے صبر جمیل کی دعا کی ہے۔وزیر اعلی نے زخمیوں کی جلد صحتیابی کے لیے نیک خواہشات کا اظہار کرتے ہوئے متعلقہ ضلعی انتظامیہ کو ہدایت دی ہے کہ زخمیوں کو بہترین طبی امداد فراہم کی جائے۔ انہوں نے کہا کہ سوگوار خاندانوں کے غم میں ہم برابر کے شریک ہیں۔

کرک انڈس ہائی وے پر خوفناک ٹریفک حادثہ ، 10 افراد جاں بحق

حادثے میں زخمی ہونے والے 8 افراد زیرعلاج ہے تاہم زخمیوں میں بعض کی حالت تشویشناک ہے

لیبیا کے ساحلی علاقے میں ایک اور افسوسناک واقعہ پیش آیا جہاں یورپ جانے کی کوشش میں تارکین وطن کی کشتی سمندر میں ڈوب گئی۔ مقامی حکام اور ریسکیو اداروں کے مطابق حادثے میں 11 افراد جاں بحق ہوئے، جن میں 4 پاکستانی شہری بھی شامل ہیں۔میڈیارپورٹس کے مطابق لیبیا میں پاکستانی سفارتخانے کی جانب سے وزارت خارجہ کو بھیجی گئی ایک رپورٹ میں بتایا گیا ہے کہ لیبیا کے مشرقی علاقے میں سیریت شہر کے قریب ہراوا کوسٹ میں کشتی کو حادثہ12اپریل کو پیش آیا۔پاکستانی سفارتخانے کی ایک ٹیم نے سیریت شہر کا دورہ کرکے واقعہ کی معلومات حاصل کیں اور قومی دستاویزات سے چار نعشوں کی پاکستانیوں کے طور پر شناخت کر لی ہے، ان میں سے تین کا تعلق منڈی بہاؤالدین اور ایک کا گوجرانوالہ سے ہے۔رپورٹ کے مطابق زاہد محمود ولد لیاقت علی کا تعلق گوجرانوالہ جبکہ سمیر علی ولد راجہ عبدالقدیر،سید علی حسین ولد شفقت الحسنین اورآصف علی ولد نذرمحمد کا تعلق منڈی بہاؤالدین سے ہے۔ اس کے علاوہ دو نعشوں کی تاحال شناخت نہیں ہو سکی، پانچ نعشیں مصری شہریوں کی ہیں۔پاکستانی سفارتخانہ حادثے کے متعلق مزید معلومات کیلئے مقامی حکام سے رابطے میں ہے۔یہ واقعہ ایک بار پھر اس المیے کو اجاگر کرتا ہے جس کا سامنا ہزاروں تارکین وطن کو بہتر مستقبل کی تلاش میں جان کا خطرہ مول لیتے ہوئے کرنا پڑتا ہے۔

لیبیا میں تارکین وطن کی کشتی ڈوبنے سے 4 پاکستانیوں سمیت 11 افراد جاں بحق

چار پاکستانیوں کی موت کی تصدیق سفارتخانے نے کردی جن میں تین کا تعلق منڈی بہاوالدین اور ایک کا گوجرانوالہ سے ہے

واشنگٹن / اسلام آباد (این این آئی)امریکی اخبار واشنگٹن پوسٹ نے پاکستان میں ہونیوالے دہشت گرد حملوں میں افغانستان کو دیا گیا امریکی اسلحہ استعمال ہونے کی تصدیق کردی ۔تفصیلات کے مطابق امریکی اخبار واشنگٹن پوسٹ نے پاکستان کے موقف کی تائید کردی ہے، اخبار کا کہنا ہے کہ کابل کی ناکام جنگ کے اثرات اب تک سامنے آرہے ہیں۔ اربوں ڈالرز کا افغانستان میں چھوڑا جنگی ساز و سامان اب دہشت گرد پاکستان کے خلاف استعمال کر رہے ہیں۔امریکی اخبار واشنگٹن پوسٹ کی رپورٹ کے مطابق امریکی فوج اور پینٹاگون نے تصدیق کی ہے کہ پاکستانی حکام کی جانب سے صحافیوں کو دکھائے گی ایم 16رائفلز، دیگر جدید ہتھیار اور نائٹ وژن ڈیوائسز سمیت دیگر اسلحے میں سے 63ہتھیار امریکی حکومت نے افغان فورسز کو دیے تھے۔ واشنگٹن پوسٹ کے مطابق سال 2018ء میں امریکہ میں بننے والی M4A1رائفل گزشتہ ماہ بلوچستان ٹرین حملے کے بعد حملہ آوروں کے پاس سے برآمد ہوئی۔امریکی رائفل اربوں ڈالر کے اس امریکی فوجی ساز و سامان میں شامل تھی جو 2021ء میں امریکی انخلا کے وقت افغان فورسز کو دیا گیا تھا، بعد میں یہ اسلحہ سرحد پار پاکستان کے اسلحہ بازاروں اور عسکریت پسندوں کے ہاتھوں تک پہنچا۔امریکی اخبار نے بتایا کہ پاکستانی حکام، اسلحہ تاجروں اور عسکریت پسندوں کے مطابق امریکی رائفلز، مشین گنز اور نائٹ وژن گلاسز کالعدم تحریک طالبان پاکستان اور دیگر گروپوں کے حملوں میں استعمال ہو رہے ہیں۔واضح رہے کہ گزشتہ برس پاکستانی حکام نے امریکی اخبار کو دہشت گردوں سے برآمد کئے گئے امریکی اسلحہ تک رسائی دی تھی۔

جعفر ایکسپریس حملہ، افغانستان میں چھوڑا گیا امریکی اسلحہ استعمال ہوا، امریکی اخبار کی تصدیق

پاکستان میں دہشت گردی کرنے والے امریکی ہتھیاروں سے فائدہ اٹھارہے ہیں،واشنگٹن پوسٹ کی رپورٹ

پاکستان سپر لیگ (پی ایس ایل) 10 کے پانچویں میچ میں اسلام آباد یونائیٹڈ نے پشاور زلمی کو 102رنز سے ہرا دیا۔ پشاور زلمی کی ٹیم اسلام آبادیونائیٹڈ کے دیئے گئے244رنز کے ہدف کے تعاقب میں141رنز بنا کرآئوٹ ہوگئی۔قبل ازیں راولپنڈی میں کھیلے جانے والے میچ میں اسلام آباد کے کپتان شاداب خان نے ٹاس جیت کر پہلے بیٹنگ کا فیصلہ کیا ہے، پہلے بیٹنگ کرتے ہوئے اسلام آباد یونائیٹڈ نے مقررہ 20 اوورز میں 5 وکٹوں کے نقصان پر 243 رنز بنائے۔اسلام آباد یونائیٹڈ کی جانب سے اوپنر بلے باز صاحبزادہ فرحان نے 106 رنز کی شاندار اننگز کھیلی جبکہ آندرے گوس بغیر کوئی رن بنائے رن آؤٹ ہوگئے، کولن منرو 40 ، اعظم خان 16 اور سلمان آغا 30 رنز بناکر پویلین لوٹ گئے، جیسن ہولڈر 20 رنز اور بین ڈوارسہوئس 18 رنز کیساتھ ناٹ آؤٹ رہے۔پشاور زلمی کی جانب سے الزاری جوزف اور حسین طلعت نے 2، 2 وکٹیں حاصل کیں۔ 244 رنز کے ہدف کے تعاقب میں پشاور زلمی 141 رنز پر آؤٹ ہوگئی۔پشاور زلمی کی جانب سے  محمد حارث 87 رنز کے ساتھ نمایاں رہے۔ ان کے علاوہ کوئی بیٹر وکٹ پر نہ ٹھہر سکا۔پشاور زلمی کے بیٹر حسین طلعت نے 13، مچل اوون 10، ٹام کوہلر 8 اور صائم ایوب نے 6 رنز اسکور کیے۔اسلام آباد یونائیٹڈ کی جانب سے صائم ایوب نے 3 کھلاڑیوں کو آؤٹ کیا، جبکہ نسیم شاہ، جیسن ہولڈر اور سعد مسعود ایک ایک وکٹ لینے میں کامیاب رہے۔

پی ایس ایل10،اسلام آباد یونائیٹڈ نے پشاورزلمی کو102رنز سے ہرادیا

پشاور زلمی کی ٹیم اسلام آبادیونائیٹڈ کے دیئے گئے244رنز کے ہدف کے تعاقب میں141رنز بنا کرآئوٹ ہوگئی

گورنر اسٹیٹ بینک کا گزشتہ ماہ سے مہنگائی بڑھنے کا انکشاف، آئندہ ماہ سے مہنگائی مزید بڑھنے کا عندیہ دے دیا۔ تفصیلات کے مطابق گورنر اسٹیٹ بینک نے اعتراف کیا کہ گزشتہ ماہ سے مہنگائی بڑھ رہی ہے۔کراچی میں میڈیا سے گفتگو کرتے ہوئےگورنر اسٹیٹ بینک جمیل احمد نے بتایا ہے کہ آئندہ ماہ سے افراط زر میں اضافہ ہو گا۔گورنراسٹیٹ بینک کاکہناتھاکہ بیرونی ادائیگیاں 26 ارب ڈالرز ہیں، بیرونی ادائیگیوں میں 16 ارب رول اوور یا ری فنانس ہوں گی۔جمیل احمد نے کہاکہ بقایا 10 ارب ڈالرز میں سے 8 ارب ڈالرز کی ادائیگی کر چکے ہیں۔گورنراسٹیٹ بینک نے کہا کہ مالی سال 25 کے اختتام تک جی ڈی پی کی نمو 2.5 سے 3.5 فیصد رہے گی۔انہوںنے کہاکہ زرعی ترقی بہتر رہی تو معاشی نمو 4.2 فیصد تک ہو سکتی ہے۔گورنراسٹیٹ بینک کاکہنا تھا کہ پاکستان نے بھی اس ضمن میں ٹھوس اقدامات اٹھائے ہیں ، ہم نے اس بارے میں مالیاتی آگہی کو پورے معاشرے میں فروغ دیا ہے، 2015 سے بالغ بینک اکاؤنٹس ہولڈرز کی تعداد 16 فیصد سے بڑھ کر 64 فیصد پر اگئی، نیشنل فنانشل لٹریسی پروگرام کے تحت 3.2 ملین افراد کو تربیت دی گئی، بلوچستان میں اساتذہ کو خصوصی تربیت دی گئی۔جمیل احمد نے کہا کہ بینکنگ پالیسی میں صنفی توازن کو بہتر بنایا گیا ہے، اکاؤنٹس کو آسان طریقے سے کھولنے کے ڈیجیٹل طریقے متعارف کروائے گئے، مالیاتی خدمات کو بڑھانے میں راست کی سہولت نے بھی اہم کردار ادا کیا، مالیاتی خدمات سے دور ابادی بالخصوص خواتین کی بڑی تعداد اب بھی ایک چیلنج ہے۔گورنر اسٹیٹ بینک نے کہا کہ آج ایک اور ایک تاریخی موقع ہے، آج مالیاتی لٹریسی کا قومی روڈ میپ جاری کیا جارہا ہے، پانچ سالہ قومی پلان مالیاتی لٹریسی کے فروغ میں کلیدی کردار ادا کرے گا، وزارت تعلیم کے ساتھ مل کر قومی نصاب میں بھی مالیاتی آگہی کو شامل کریں گے، اسٹیٹ بینک مالیاتی آگہی کوفروغ دینے کے ساتھ مالیاتی طور پر مضبوط اور مستحکم پاکستان کی بنیاد رکھ رہا ہے۔گورنر اسٹیٹ بینک کا کہنا تھا کہ ہمارا کرنٹ اکاؤنٹ گزشتہ سال خسارے میں تھا تاہم اس سال سرپلس میں ہے، تمام تر صورتحال کے باوجود ہم کرنٹ اکاؤنٹ کو سرپلس رکھنے میں کامیاب ہیں، ایکسچینج ریٹ بھی انہی پالیسی اقدامات کے باعث مستحکم ہے، انٹربینک اور اوپن مارکیٹ کا فرق بھی کم ہوچکا ہے۔گورنر اسٹیٹ بینک نے ملک کی سرمایہ مارکیٹ کے لیے ایک اہم پلیٹ فارم فراہم کرنے کے حوالے سے پاکستان اسٹاک ایکسچینج کی کاوشوں کوسراہا۔ انہوں نے کارپوریشنوں کو سرمایہ اکٹھا کرنے اور سرمایہ کاروں کو ان کی بچتوں پر خاطرخواہ منافع حاصل کرنے کا موقع فراہم کرنے میں پاکستان اسٹاک ایکسچینج کی اہمیت کو اجاگر کیا۔

آئندہ ماہ سے افراط زر میں اضافہ ہو گا،گورنر اسٹیٹ بینک جمیل احمد

مالی سال 25 کے اختتام تک جی ڈی پی کی نمو 2.5 سے 3.5 فیصد رہے گی،جمیل احمدکی میڈیاسے گفتگو

لاہور( این این آئی)آئی سی سی ویمنز کرکٹ ورلڈ کپ کوالیفائر میں پاکستان ویمنز کرکٹ ٹیم نے مسلسل تیسری فتح حاصل کر لی، گرین شرٹس نے ویسٹ انڈیز کو 65 رنز سے شکست دے دی،191رنز کے تعاقب میں ویسٹ انڈیز کی پوری ٹیم 40ویں اوورز میں126رنزپر آل آئوٹ ہو گئی ۔،فاطمہ ثنا نے3کھلاڑیوں ، نشرہ سندھو اور رامین شمیم نے2،2،سعدیہ اقبال نے ایک کھلاڑی کو پویلین کی راہ دکھائی جبکہ2کھلاڑی رن آئوٹ ہوئیں۔ پہلے بیٹنگ کرتے ہوئے پاکستان ویمنز ٹیم 50 ویں اوور میں 191رنز بنا کر آل آئوٹ ہوئی۔ سدرہ امین 94 بالز پر 54 رنز بنا کر ٹاپ اسکورر رہیں جبکہ اوپننگ بیٹر منیبہ علی نے 60 بالز پر 33 رنز اسکور کیے۔عالیہ ریاض نے35گیندوں پر20رنز اور سدرہ نواز نے 28 گیندوں 23 رنز بنائے۔ ویسٹ انڈیز کی بالر ایفی فلیچر نے39رنز دے کر 2 اورہیلی میتھیوز نے 30 رنز پر 2 کھلاڑیوں کو آئوٹ کیا۔

آئی سی سی ویمنز کرکٹ ورلڈ کپ کوالیفائر ، پاکستان ویمنز کرکٹ ٹیم کی مسلسل تیسری فتح

پاکستان ویمنز کے 191رنز کے تعاقب میں ویسٹ انڈیز کی پوری ٹیم 40ویں اوورز میں126رنزپر آل آئوٹ ہو گئی

بیجنگ(این این آئی)امریکی صدر ڈونلڈ ٹرمپ کی چینی درآمدات پر عائد کردہ بھاری ٹیرف کا مذاق اڑانے کے لیے سوشل میڈیا پر اے آئی سے بنی ویڈیوز اور میمز وائرل ہوگئیں۔میڈیارپورٹس کے مطابق ان ویڈیوز میں امریکیوں کو مختلف فیکٹریوں میں کام کرتے دکھایا گیا ہے جو ٹرمپ کی ری انڈسٹریلائزیشن پالیسی کا مذاق اڑاتی ہیں۔ایک ویڈیو میں ڈونلڈ ٹرمپ، نائب صدر جی ڈی وینس اور ایلون مسک نائیکی جوتے بنانے والی پروڈکشن لائن پر کام کرتے نظر آرہے ہیں۔جبکہ ایک اور ویڈیو میں فاسٹ فوڈ کے دلدادہ فربہ جسامت والے امریکیوں کو مختلف فیکٹریوں میں کام کرتے ہوئے دکھایا گیا ہے جہاں بننے والی مصنوعات پر میڈ ان امریکا تحریر ہے جو ایک طنز کا مظہر تھا۔یہ ویڈیوز چینی سوشل میڈیا پر تیزی سے وائرل ہوئی ہیں اور چینی حکومتی ذرائع نے انہیں دوبارہ شیئر کیا ہے۔

سب کچھ خود بنائیں گے،چین کا ٹرمپ کی ٹیرف پالیسی پر طنز، سوشل میڈیا پر میمز وائرل

اے آئی سے بنی ویڈیوز میں ٹرمپ، جی ڈی وینس اور ایلون مسک جوتے بنانے والی پروڈکشن لائن پر کام کرتے نظر آرہے ہیں

راولپنڈی (این این آئی) پی ایس ایل سیزن 10 کے دوران  اسپن باؤلر عثمان طارق کا باؤلنگ ایکشن مشکوک قرار دے دیا گیا۔کوئٹہ گلیڈی ایٹرز کے اسپنر عثمان طارق کا بولنگ ایکشن رپورٹ ہو گیا،عثمان طارق کا بولنگ ایکشن گزشتہ روز لاہور قلندرز کے خلاف میچ میں رپورٹ ہوا۔آن فیلڈ امپائر احسن رضا اور کرس براؤن نے عثمان طارق کا ایکشن رپورٹ کیا۔رولز کے تحت عثمان طارق پی ایس ایل میں تاحال بولنگ جاری رکھ سکتے ہیں وہ اگر دوبارہ رپورٹ ہوئے تو ان کو بولنگ سے روک دیا جائے گا۔معطلی کے بعد عثمان طارق کو آئی سی سی کی منظور شدہ لیب سے کلیئرنس درکار ہو گی۔

کوئٹہ گلیڈی ایٹرز کے اسپنر عثمان طارق کا بولنگ ایکشن رپورٹ ہو گیا

عثمان طارق فی الحال بولنگ جاری رکھ سکتے ہیں، تاہم اگر ان کا ایکشن دوبارہ رپورٹ ہوا تو انہیں بولنگ سے روک دیا جائیگا

بیرون ملک مقیم پاکستانیوں نے رواں سال مارچ کے مہینے میں تاریخی مالیت کی ترسیلات وطن بھیج کر ریکارڈ قائم کر دیا۔پاکستان کی ترسیلات زر نے سابق تمام ریکارڈ توڑ ڈالے، ملکی تاریخ میں پہلی بار رواں مالی سال کے 9 ماہ میں ترسیلات زر 28 ارب ڈالر کی سطح عبورکرگئی۔اسٹیٹ بینک کے مطابق کسی ایک ماہ میں 4 ارب ڈالر سے زائد مالیت کی ترسیلات کا ریکارڈ قائم کیا گیا۔ مارچ میں بیرون ملک مقیم پاکستانیوں سے 4.1 ارب ڈالر کی ترسیلات موصول ہوئیں جو ایک ریکارڈ ہے۔مارچ 2024 کے مقابلے میں ترسیلات 37.3 فیصد جبکہ فروری 2025 سے 29.8 فیصد زائد ہیں۔رواں مالی سال جولائی تا مارچ مجموعی طور پر 28 ارب ڈالر کی ترسیلات موصول ہوئیں جبکہ گزشتہ مالی سال کے اسی عرصے میں 21 ارب ڈالر کی ترسیلات موصول ہوئی تھیں۔اسٹیٹ بینک نے مزید بتایا کہ پاکستان کو سب سے زیادہ ترسیلات سعودی عرب سے 98 کروڑ 73 لاکھ امریکی ڈالر موصول ہوئے، یو اے ای سے ترسیلات زر 84 کروڑ 21 لاکھ ڈالر موصول ہوئے، برطانیہ سے 68 کروڑ 39 لاکھ ڈالر اور امریکا سے 41 کروڑ 95 لاکھ ڈالر موصول ہوئے۔

اوورسیز پاکستانیوں نےمارچ میں تاریخی مالیت کی ترسیلات بھیج کر ریکارڈ قائم کر دیا

رواں مالی سال جولائی تا مارچ مجموعی طور پر 28 ارب ڈالر کی ترسیلات موصول ہوئیں، اسٹیٹ بینک

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں۔پاکستان سپر لیگ میں آج ایک میچ کھیلا جائے گا،پی ایس ایل 10 کے پانچویں میچ میں آج دفاعی چمپئن اسلام آباد یونائیٹڈ اور پشاور زلمی کی ٹیمیں آمنے سامنے ہوں گی ۔ راولپنڈی کرکٹ اسٹیڈیم میں کھیلا جانے والا میچ رات 8 بجے شروع ہو گا اورٹیپمیڈ پربراہ راست دکھایاجائے گا۔اسلام آباد یونائیٹڈ کو شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، عماد وسیم، سلمان آغا شامل ہیں۔پشاور زلمی مایہ ناز بیٹر بابر اعظم کی زیر قیادت میدان میں اترے گی اور انہیں ٹام کوہلر کیڈمور، صائم ایوب، محمد حارث، الزاری جوزف، حسین طلعت، سفیان مقیم جیسے باصلاحیت کھلاڑیوں کی خدمات حاصل ہیں۔ پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔خیال رہے اسلام آباد یونائیٹڈکی ٹیم نے پہلے میچ میں کامیابی حاصل کی تھی جبکہ پشاور زلمی کی ٹیم کو ناکامی کا سامنا کرنا پڑا تھا ۔

پی ایس ایل10میں آج اسلام آبادیونائیٹڈ اورپشاورزلمی کی ٹیمیں مد مقابل ہوں گی

میچ رات 8 بجے شروع ہو گا ،پوائنٹس ٹیبل پراسلام آبادیونائیٹڈ کے دو جبکہ پشاورزلمی کا صفر پوائنٹ ہے

پاکستان سولر پینلز درآمد کرنیوالا دنیا کا سب سے بڑا ملک بن گیا، برطانوی توانائی تھنک ٹینک ’ایمبر‘ کی رپورٹ کے مطابق 2024 میں پاکستان نے دنیا کے دیگر ممالک کی نسبت سب سے زیادہ 70 گیگا واٹ سولر پینلز درآمد کیے۔رپورٹ میں یہ بھی انکشاف ہوا ہے کہ گزشتہ سال درآمد کردہ سولر پینلز سے مجموعی پیداوار 17 گیگا واٹ حاصل کی جاسکتی ہے۔ رپورٹ میں کہا گیا ہے کہ نہ کوئی بڑی قانون سازی ہوئی، نہ عالمی سرمایہ کاری کی یلغار اور نہ ہی وزیراعظم نے سبز انقلاب کا اعلان کیا، اس کے باوجود 2024 کے آخر تک پاکستان نے دنیا کے تقریباً تمام ممالک سے زیادہ سولر پینلز درآمد کیے۔ پاکستان نے صرف 2024 میں ہی 17 گیگا واٹ کے سولر پینلز درآمد کیے، جس سے وہ دنیا کی صفِ اول کی سولر مارکیٹس میں شامل ہو گیا ہے، یہ اضافہ 2023 کی نسبت دوگنا ہے۔ پاکستان کی سولر درآمدات کی یہ وسعت خاص طور پر اِس لیے حیران کن ہے کیونکہ یہ کسی قومی پروگرام یا بڑے پیمانے پر منظم منصوبے کے تحت نہیں ہوا بلکہ صارفین کی ذاتی کوششوں سے ہوا ہے۔رپورٹ میں یہ بھی بتایا گیا ہے کہ زیادہ تر سولر پینلز گھریلو صارفین،چھوٹے کاروبار اور تجارتی اداروں کیجانب سے خریدے گئے ہیں۔ جس کی وجہ حکومت کی جانب سے فراہم کردہ غیریقینی اور مہنگی سرکاری بجلی کے مقابلے میں سستی بجلی کا حصول ہے۔ ماہرین کے مطابق سولر پر منتقلی اُن لوگوں اور کاروباروں کی بقاء کی کوشش ہے جو غیر مؤثر منصوبہ بندی اور غیر یقینی فراہمی کے باعث قومی گرڈ سے باہر ہوتے جا رہے ہیں، یہ پاکستان میں توانائی کی سوچ میں ایک بنیادی تبدیلی کی علامت ہے۔ صرف مالی سال 2024 میں ہی پاکستان کی سولر پینلز کی درآمدات ملک بھر میں بجلی کی کُل طلب کا تقریباً نصف بنتی ہیں۔صنعتی ماہرین کا کہنا ہے کہ اگرچہ ریگولیٹرز نے نیٹ میٹرنگ کی اجازت دی ہے اور درآمدات پر کچھ نرمی بھی کی گئی ہے، لیکن پاکستان کی سرکاری گرڈ سے منسلک سولر پیداوار اب بھی بہت کم ہے، جو ظاہر کرتی ہے کہ زیادہ تر نئی تنصیبات گرڈ سے باہر کام کر رہی ہیں اور قومی بجلی کے اعدادوشمار میں شامل نہیں ہو رہیں۔

پاکستان سولر پینلز درآمد کرنیوالا دنیا کاسب سے بڑا ملک بن گیا

زیادہ تر سولر پینلز گھریلو صارفین،چھوٹے کاروبار اور تجارتی اداروں کی جانب سے خریدے گئے ہیں

امریکا کے صدر ڈونلڈ ٹرمپ نے کہا ہے کہ ایران سے متعلق فیصلہ جلد کرلیں گے۔ ٹرمپ کاکہناتھا کہ چین جیسے تجارتی ممالک کے ہاتھوں یرغمال نہیں بنیں گے۔واشنگٹن میں میڈیا سے گفتگو کرتے ہوئے انہوں نے کہا کہ غیر منصفانہ تجارتی توازن پر کوئی ملک ٹیرف سے نہیں بچے گا۔ڈونلڈ ٹرمپ کا کہنا تھا کہ ٹیرف سے خاص طور پر چین نہیں بچے گا جو ہم سے بدترین سلوک کرتا ہے، تمام مصنوعات خود تیار کریں گےانہوں نے کہا کہ کسی ملک کو امریکا کیساتھ تجارتی بدسلوکی کی اجازت نہیں دیں گے، کئی دہائیوں سے جاری بدسلوکی کے دن ختم ہوگئے۔انہوں نے کہا کہ تحقیقات میں سیمی کنڈکٹرز اور الیکٹرانکس سپلائی سے متعلق چین پر نظرڈال رہے ہیں، نیشنل سکیورٹی کی ٹیرف تحقیقات میں احکامات کا صحیح جائزہ ہو جائے گا۔انہوں نے کہا کہ موبائل فونز پر ٹیرف کا اعلان جلد کریں گے لیکن اس میں تھوڑی لچک ہو گی۔امریکی صدر کا مزید کہنا ہے کہ سیمی کنڈکٹر ٹیرف پر کچھ کمپنیوں کے لیے لچک ہو گی لیکن ابھی یہ واضح نہیں ہے۔ان کا یہ بھی کہنا ہے کہ سیمی کنڈکٹرز پر ٹیرف کی شرح کا اعلان اگلے ہفتے کریں گے۔

چین جیسے تجارتی ممالک کے ہاتھوں یرغمال نہیں بنیں گے، ڈونلڈ ٹرمپ

چین ہم سے بدترین سلوک کرتا ہے ، غیرمنصفانہ تجارتی توازن پرکوئی ملک ٹیرف سےنہیں بچےگا،امریکی صدر

Sam Konstas hit 2 massive sixes against ICC top ranked bowler Jasprit Bumrah on the day of his debut.

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Jasprit Bumrah, who is currently the no.1 ICC test bowler, has been nothing but brilliant, awe-inspiring, and mind-blowing. His skills have made him an irreplaceable and inescapable part of India&rsquo;s bowling lineup.&nbsp;

It&rsquo;s highly likely that Jasprit Bumrah is the only bowler in the entire world who hadn&rsquo;t conceded a six in the test format for the last three years.&nbsp;

But, on December 26th, things changed when Australian teen debutant Sam Konstas not only played a 60-run fiery knock on his maiden call, but he also hit Bumrah for two sixes, the only batsman to do so in the last three years.&nbsp;

During the 7th over of the AUS vs IND 4th Test, Sam Konstas reverse scooped Bumrah over deep third for a six, startling all those watching. Before this, the last time Bumrah conceded a six was on January 7, 2021.&nbsp;

The 19-year-old hit two sixes in his 60 off 65 balls, both of which were against Bumrah. He became the second youngest Australian to score a fifty after Ian Craig, who scored a half-century at the age of 17 years against South Africa in 1953.

Overall, Sam Konstas 34 runs on the 33 balls bowled by Jasprit Bumrah, hitting the current top ranked ICC test bowler for 4 fours and 2 maximums.&nbsp;

The youngster looked like the epitome of confidence when he said, &ldquo;I&rsquo;ll look to keep targeting him. Hopefully he might come back on,&rdquo; during a mid-innings interview.&nbsp;

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan