Sports News

Entertainment

آئی سی سی ویمنز ٹی20 ورلڈکپ کی ٹرافی 4 روزہ دورے پر پاکستان پہنچ گئی۔تفصیلات کے مطابق ملتان کرکٹ اسٹیڈیم میں آئی سی سی ویمنز ٹی 20 ورلڈ کپ 2024 کی ٹرافی کی نقاب کشائی کردی گئی۔ آئی سی سی ویمنز ٹی ٹوئنٹی ورلڈ کپ ٹرافی پاکستان اور جنوبی افریقا کے درمیان کھیلے جانے والے دوسرے ٹی ٹوئنٹی میچ کے دوران اسٹیڈیم میں رونمائی کے لیے رکھی گئی تاکہ شائقین دیدار کرسکیں۔ورلڈکپ ٹرافی کے ہمراہ دونوں ٹیموں کی کپتانوں نے ٹاس کے وقت ٹرافی کیساتھ پوز بھی دیا۔ٹرافی آج فیصل آبادا سٹیڈیم میں ڈولفنز اورا سٹالینز کے درمیان چیمپئنز ون ڈے کپ کے میچ میں بھی ٹرافی کی رونمائی کی جائے گی، اگلے روز ٹرافی کو فیصل آباد کے مختلف تاریخی مقامات پر لے جایا جائے گا۔ویمنز ٹی 20 ورلڈ کپ ٹرافی 21 ستمبر کو دبئی واپس چلی جائے گی۔واضح رہے آئی سی سی ویمنز ٹی ٹوئنٹی ورلڈ کپ کا آغاز 3 اکتوبر سے متحدہ عرب امارات میں ہوگا۔ایونٹ کی میزبانی بنگلادیش کے سپرد ہے تاہم سابق وزیراعظم شیخ حسینہ واجد کا تختہ الٹائے جانے کے بعد حالات کشیدہ ہونے کی وجہ سے ٹورنامنٹ متحدہ عرب امارات منتقل کردیا گیا ہے۔

آئی سی سی ویمنز ٹی20 ورلڈکپ کی ٹرافی پاکستان کے دورے پر

آئی سی سی ویمنز ٹی ٹوئنٹی ورلڈ کپ ٹرافی کی ملتان کرکٹ اسٹیڈیم میں نقاب کشائی

اقوام متحدہ میں پاکستان کے مستقل مندوب منیر اکرم نے کہا ہے کہ افغانستان میں فتنہ الخوارج کو افغان عبوری حکومت کی سرپرستی حاصل ہے، افغانستان میں خواتین کی آواز دبانے اور انسانی بحران پر پاکستان کو تشویش ہے، پاکستان فتنہ الخوارج کے خلاف قومی سطح پر کارروائیاں کرتا رہے گا۔افغانستان کی صورتحال پر سلامتی کونسل کے اجلاس سے خطاب میں منیر اکرم نے فتنہ الخوارج کو افغانستان کی سب سے بڑی دہشت گرد تنظیم قرار دیتے ہوئے کہا کہ فتنہ الخوارج افغان عبوری حکومت کی حمایت سے دہشت گرد حملے کر رہا ہے۔انہوں نے کہا کہ پاکستان قومی سطح پر فتنہ الخوارج کے خلاف کارروائیاں کرتا رہے گا، پاکستان علاقائی اور بین الاقوامی تنظیموں کے ساتھ تعاون کرنے کیلئے تیار ہے تاکہ ٹی ٹی پی کے خطرے کو ختم کیا جا سکے۔ان کا کہنا تھا کہ افغان حکومت اپنی بین الاقوامی ذمہ داریوں پرعمل کرے، بین الاقوامی برادری افغانستان میں اپنے مقاصد کو نظر انداز نہ کرے۔منیر اکرم نے افغانستان کی معاشی بحالی کیلئے پاکستان کی حمایت کا اعادہ کرتے ہوئے کہا کہ پاکستان افغانستان کے ساتھ تجارتی اور اقتصادی تعلقات بڑھانے کیلئے پر عزم ہے، عالمی برادری افغانستان سے متعلق اپنے مقاصد کو نظر انداز نہ کرے۔منیر اکرم نے مزید کہنا کہ افغانستان میں انسانی بحران اور خواتین کی آواز دبانے پر گہری تشویش ہے۔

فتنہ الخوارج کو افغان عبوری حکومت کی سرپرستی حاصل ہے، منیر اکرم

افغانستان میں خواتین کی آواز دبانے اور انسانی بحران پر پاکستان کو تشویش ہے، پاکستانی مندوب

قومی ٹیم کے سابق کپتان راشد لطیف نے کہا ہے کہ پاکستان کرکٹ اس وقت آئی سی یو میں ہے اور اسے ڈاکٹر کی ضرورت ہے۔سابق قومی کپتان کی ایک ویڈیو سوشل میڈیا پر وائرل ہوئی ہے جس میں انہوں نے پاکستان کرکٹ ٹیم کی موجودہ صورتحال، کھلاڑیوں کی بدترین کارکردگی پر تبصرہ کیا ہے اور وہ کہتے ہیں کہ پاکستان کرکٹ اس وقت آئی سی یو میں ہے اور اس کو علاج کے لیے ایک پیشہ ور ڈاکٹر کی ضرورت ہے۔راشد لطیف جو پی سی بی کی پالیسیوں پر تنقید کرتے ہوئے دکھائی دیتے ہیں۔ ان کا کہنا ہے کہ بورڈ کے اندر مسلسل تبدیلیوں اور ٹیم کی خراب کارکردگی نے سابق کرکٹرز اور شائقین کو مایوس کیا اور کھلاڑیوں پر تنقید کرنے کے لیے اکسایا۔ان کا کہنا تھا کہ کسی بھی چیز کو درست طریقے سے چلانے کے لیے تیکنیکی طور پر مضبوط حکمت عملی کی ضرورت ہے۔ آپ دیکھ سکتے ہیں کہ اس وقت پاکستان کرکٹ کے بہت سے مسائل ہیں چاہے وہ میدان میں ہوں یا میدان سے باہر۔سابق ٹیسٹ کپتان نے کہا کہ قومی ٹیم کو ٹیسٹ فارمیٹ میں بڑا چیلنج درپیش ہے کیونکہ انہیں اگلے ماہ انگلینڈ جیسی مضبوط ٹیم کا سامنا کرنا ہے،اس سے قبل 2022میں اپنے آخری دورے کے دوران پاکستان کو ٹیسٹ سیریز میں 3-0سے شکست دی تھی۔خیال رہے حال ہی میں پاکستان کو بنگلا دیش نے اسی کی سر زمین پر دو ٹیسٹ میچوں کی سیریز میں وائٹ واش شکست سے دوچار کیا تھا۔

پاکستان کرکٹ اس وقت آئی سی یو میں ہے، اسے ڈاکٹر کی ضرورت ہے، راشد لطیف

مسلسل خراب کارکردگی نے سابق کرکٹرز اور شائقین کو پلیئرز پر تنقید کرنے کیلئے اکسایا،سابق کپتان

نئی تاریخ رقم، افغانستان نے پہلی بار جنوبی افریقا کو شکست دیدی۔تفصیلات کے مطابق افغانستان نےجنوبی افریقا کو 6 وکٹوں سے شکست دے کرون ڈے کرکٹ میں ایک اور تاریخی فتح اپنے نام کر لی۔جنوبی افریقا نے شارجہ میں کھیلے گئے میچ میں افغانستان کے خلاف ٹاس جیت کر پہلے بیٹنگ کا فیصلہ کیا،جنوبی افریقا کی پوری ٹیم34ویںاوورز میں 106 رنز بناکر پویلین لوٹ گئی، ویان ملڈر 52 رنز کے ساتھ نمایاں رہے۔افغانستان کی طرف سے فضل الحق فاروقی نے 4، اے ایم غضنفر نے 3 اور راشد خان نے 2 وکٹیں حاصل کیں۔107رنز کے ہدف کے جواب میں افغانستان کا آغاز بھی اچھا نہ تھا۔ اوپنر رحمان اللہ گرباز بغیر کوئی رن بنائے آؤٹ ہوئے جبکہ رحمت شاہ 8 رنز بناسکے۔اس کے علاوہ ریاض حسن اور رحمت اللہ شاہدی بھی 16،16 رنز بناکر آؤٹ ہوئے۔4 وکٹیں گرنے کے بعد گلبدین نائب 34 اور عظمت اللہ عمر زئی نے 25 رنز کی اننگز کھیلی اور افغانستان نے ہدف 26 اوورز میں حاصل کرکے تین میچوں کی سیریز میں ایک صفر کی برتری حاصل کرلی۔خیال رہے کہ یہ افغانستان نے جنوبی افریقا کے خلاف کسی بھی فارمیٹ میں پہلی کامیابی حاصل کی ہے۔ دونوں ٹیموں کے درمیان دوسرا ایک روزہ میچ شارجہ میں ہی 20 ستمبرکو کھیلا جائیگا۔

پہلا ون ڈے،افغانستان نے پہلی بار جنوبی افریقا کو 6 وکٹوں سے شکست دیدی

دوسرا ون ڈے20ستمبر کوکھیلاجائیگا، افغانستان نے جنوبی افریقا کیخلاف کسی بھی فارمیٹ میں یہ پہلی کامیابی ہے

اقوام متحدہ کی جنرل اسمبلی میں فلسطین پر اسرائیلی قبضے کے خلاف قرارداد منظور کر لی گئی قرارداد میں اسرائیل کو ایک سال کے اندر فلسطینی علاقوں سے قبضہ ختم کرنے کا حکم دیا گیا ہے۔فلسطین اتھارٹی کی قرارداد کے حق میں124 اور مخالفت میں صرف 14ووٹ آئے، جبکہ 43 ممالک نے ووٹنگ میں حصہ نہیں لیا، قرارداد کی مخالفین میں امریکا اوراسرائیل بھی شامل تھے۔قرارداد میں اسرائیل کو مقبوضہ علاقوں سے واپسی کیلئے ایک سال کی ڈیڈلائن دی گئی ہے،قرارداد میں کہا گیا ہے کہ اسرائیل کو ایک سال کے اندر غزہ اور مقبوضہ مغربی کنارے کے علاقوں سے اپنی موجودگی ختم کرے۔ قرارداد میں یہ بھی کہا گیا ہے کہ ممالک اسرائیل کی غیر قانونی بستیوں میں تیار کی جانے اشیا کی درآمدات کو روکیں اور ساتھ ہی اسرائیل کو اسلحے کی فراہمی بھی روکی جائے کیونکہ اس بات کا امکان موجود ہے کہ وہ اسلحہ مقبوضہ فلسطینی علاقوں میں استعمال ہوسکتا ہے۔جنرل اسمبلی نے یہ قرار داد ایک ایسے وقت میں منظور کی ہے جب آئندہ ہفتے 26 ستمبر کو اسرائیلی وزیر اعظم بنیامین نیتن یاہو نے جنرل اسمبلی کے سالانہ اجلاس سے خطاب کرنا ہے، اسی روز فلسطینی صدر محمود عباس بھی جنرل اسمبلی سے خطاب کریں گے۔واضح رہے کہ جنرل اسمبلی میں یہ قرارداد عالمی عدالت انصاف کی جانب سے فلسطینی علاقوں پر اسرائیلی قبضے اور اسرائیلی بستیوں کو غیر قانونی قرار دینے کے فیصلے کے بعد پیش کی گئی۔

اقوام متحدہ کی جنرل اسمبلی کے اجلاس میں فلسطین پر اسرائیلی قبضے کیخلاف قرارداد منظور کرلی گئی

قرارداد کے حق میں 124، مخالفت میں 14 ووٹ آئے، امریکا نے قرارداد کی مخالفت میں ووٹ دیا

انٹرنیشنل کرکٹ کونسل (آئی سی سی) نے پلیئرز کی ٹی ٹوئنٹی رینکنگ جاری کردی۔ٹی ٹوئنٹی بیٹرز کی رینکنگ میں آسٹریلیا کے ٹریوس ہیڈ کا پہلا نمبر برقرار ہے، دوسرے نمبر پر بھارت کے سوریاکمار یادیو ہیں، تیسری پوزیشن پر انگلینڈ کے فل سالٹ براجمان ہیں۔پاکستان کے بابراعظم پانچویں اور محمد رضوان چھٹے نمبر پر موجود ہیں، آسٹریلیا کے جوش انگلس 13 درجے ترقی کے بعد دسویں نمبر پر آگئے ہیں۔ٹی ٹوئنٹی بولرزکی رینکنگ میں انگلینڈ کے عادل رشید کا پہلا نمبر برقرار ہے، دوسرے نمبر پر عقیل جیروم حسین ہیں، تیسرا نمبر افغانستان کے راشد خان کے پاس ہے، پاکستان کا کوئی باؤلر ٹاپ ٹین میں جگہ نہیں بنا سکا ہے، شاہین آفریدی رینکنگ میں 13 ویں نمبر پر موجود ہیں۔آل راؤنڈرز میںانگلینڈ کے آل راؤنڈر لیام لیونگسٹون آسٹریلیا کے خلاف زبردست کارکردگی کے بعد سات درجے چھلانگ لگاکر آل راؤنڈرز کی رینکنگ میں پہلے نمبر پر آگئے جبکہ بیٹنگ رینکنگ میں بھی وہ 17 درجے چھلانگ لگا کر 33 ویں نمبر پر پہنچ گئے۔آل راؤنڈرز میں آسٹریلیا کے مارکس اسٹوئنس نمبر ون سے دوسری پوزیشن پر چلے گئے۔ زمبابوے کے سکندر رضا اور بنگلا دیش کے شکیب الحسن ایک ایک درجہ تنزلی کے بعد بالترتیب تیسرے اور چوتھے نمبر پر چلے گئے، ٹاپ ٹین آل راونڈرز میں پاکستان عماد وسیم بھی شامل ہیں۔

ٹی 20 رینکنگ، ٹریوس ہیڈ کا پہلا نمبر ، انگلینڈ کے لیام لیونگسٹون نمبر ون آل راؤنڈر بن گئے

کوئی پاکستانی باؤلر ٹاپ ٹین میں جگہ نہ بنا سکا،بیٹنگ میں پاکستان کے بابراعظم پانچویں اور محمد رضوان چھٹے نمبر پر موجود ہیں

لبنان میں ایک مرتبہ پھر حزب اللہ کے زیر استعمال کمیونی کیشن ڈیوائسز واکی ٹاکیز پھٹنے سے دھماکے ہوگئے۔عرب میڈیا کے مطابق لبنان کا دارالحکومت بیروت ایک بار پھر متعدد دھماکوں سے گونج اُٹھا۔ یہ دھماکے گھروں، کاروں اور نماز جنازہ کے مقام پر پہ در پہ ہوئے۔دھماکے اپنے ساتھیوں کی نماز جنازہ میں شریک حزب اللہ کے کارکنان کے زیر استعمال واکی ٹاکیز میں ہوئے۔ علاوہ ازیں کئی گھروں میں بھی دھماکے ہوئے۔ان دھماکوں کے نتیجے میں متعدد گھروں اور گاڑیوں میں آگ لگ گئی اور 100 سے زائد افراد زخمی ہوگئے جب کہ کم از کم 3 افراد کے شہید ہونے کی اطلاع ہے۔اس حولے سےلبنانی میڈیا کا کہنا ہے کہ واکی ٹاکیز میں دھماکے لبنان کے مشرقی اور جنوبی علاقوں میں بھی ہوئے ہیں۔ واکی ٹاکیز دھماکوں میں3 افراد جاں بحق اور 100 سے زائد زخمی ہوگئے۔ دوسری جانب حزب اللّٰہ ذرائع نے عرب میڈیا کو بتایا کہ بیروت میں حزب اللّٰہ ارکان کے زیر استعمال واکی ٹاکیز میں دھماکے ہوئے، بیروت میں دو گاڑیوں میں رکھی واکی ٹاکی ڈیوائسز میں بھی دھماکے ہوئے ہیں۔عرب میڈیا رپورٹ کے مطابق عینی شاہدین کا کہنا ہے کہ دھماکے جنازوں میں شریک افراد کے ساتھ فون میں ہوئے، دھماکوں سے گھروں اور گاڑیوں میں آگ لگ گئی۔لبنان کی حکومت اور حزب اللہ نے واکی ٹاکیز دھماکوں کی ذمہ داری بھی اسرائیل پر عائد کی ہے تاہم اسرائیل کی جانب سے اس کی تردید یا تصدیق نہیں کی گئی۔واضح رہے کہ گزشتہ روز اسرائیل نے ایرانی حمایت یافتہ لبنانی عسکری تنظیم حزب اللہ کے ارکان کے زیر استعمال پیجرز کو ہیک کرکے انہیں چھوٹے بموں میں تبدیل کردیا تھا، جس کے نتیجے میں 11 افراد جاں بحق اور تین ہزار سے زائد زخمی ہوئے تھے۔

لبنان میںپیجرز کے بعد واکی ٹاکیز میں بھی دھماکے، 3 افراد ہلاک، 100 زخمی

نماز جنازہ میں شریک حزب اللہ کے کارکنان کے زیر استعمال واکی ٹاکی دھماکے سے پھٹ گئے

جمعیت علما اسلام (جے یو آئی) کے سربراہ مولانا فضل الرحمان نے کہا ہے کہ ہم نے آئینی ترامیم کے لیے حکومت کا مسودہ مکمل مسترد کردیا ہے، یہ کسی صورت قابل عمل ہی نہیں۔رہنما پی ٹی آئی اسد قیصر کی رہائشگاہ پر ظہرانے کے بعد گفتگو کرتے ہوئے انہوں نے کہاکہ حکومت کی طرف سے جو مسودہ ہمارے حوالے کیا گیا تھا ہم نے اس کا بغور مطالعہ کیا، یہ مسودہ کسی صورت قابل قبول اور قابل عمل نہیں۔اسد قیصر کی رہائش گاہ پر ظہرانے کے بعد میڈیا سے غیر رسمی گفتگو کرتے ہوئے فضل الرحمان کا کہنا تھا کہ اب تو یہ بھی کہہ رہے ہیں یہ ہمارا مسودہ نہیں تھا، جو مسودہ پہلے فراہم کیا گیا تھا وہ کیا کھیل تھا؟ مطالعہ کرنے کے بعد وہ مسودہ کسی لحاظ سے قابل قبول نہیں تھا یہ قوم سے بڑی خیانت ہوتی اگر اس کا ساتھ دیتے۔سربراہ جے یو آئی مولانا فضل الرحمان کا کہناتھا کہ اسد قیصر کے پاس اس لیے آیا ہوں کہ انہوں نے میرے بہت کھانے کھائے ہیں کھانا کھانے آئے تھے کھا کر جارہے ہیں۔مولانا فضل الرحمان نے کہا کہ ہم اس مسودے کا ساتھ دیتے تو یہ ملک، قوم کی امانت میں خیانت ہوتی۔جب ان سے سوال کیا گیا کہ آج بانی پی ٹی آئی نے آپ سے متعلق کسی سوال کا جواب نہیں دیا تو مولانا فضل الرحمان مسکراتے ہوئے کہنے لگے کہ ’میں بھی جواب نہیں دے رہا۔جے یو آئی سربراہ کا کہنا تھا کہ میں اس معاملے پر مزید کوئی بات نہیں کرنا چاہتا۔اس موقع پرمیڈیا سے گفتگو کرتے ہوئے پی ٹی آئی کے رہنما اسد قیصر نے کہاکہ پاکستان تحریک انصاف اور جمعیت علما اسلام پارلیمنٹ میں مل کر چلیں گے، اور مولانا سے اس بات پر اتفاق ہوگیا ہے۔انہوں نے کہاکہ مولانا فضل الرحمان نے کہاکہ انہوں نے آئینی ترامیم کے مسودے کو مکمل مسترد کردیا ہے۔ پی ٹی آئی اور جے یو آئی پارلیمان میں مل کر چلیں گی، اس وقت اپوزیشن جماعتوں کا موقف ایک ہے۔ سابق اسپیکر نے کہاکہ کبھی ایسا نہیں ہوا کہ اتنا بڑا آئینی پیکیج لایا جارہا ہو، اور اسے سب سے چھپایا جائے، اپوزیشن کو تو چھوڑیں انہوں نے اپنے اراکین سے بھی ڈرافٹ کو چھپایا۔

آئینی ترامیم پرحکومتی تجاویزقابل قبول نہیں، حکومت کا مسودہ مکمل طور پر مسترد کردیا، فضل الرحمان

مسودہ کسی لحاظ سے قابل قبول نہیں تھا منظور کراتے تو یہ قوم سے بڑی خیانت ہوتی، اسد قیصر کی رہائش گاہ پر گفتگو

بانی پی ٹی آئی عمران خان نے کہا ہے کہ آئینی ترمیم تین امپائرز کو توسیع دینے کے لیے ہورہی ہے، قاضی فائز عیسیٰ راستے سے ہٹ گیا تو نو مئی اور فراڈ الیکشن کی تحقیقات کھل جائیں گی۔اڈیالہ جیل میں میڈیا سے بات چیت میں انہوں نے کہا کہ آئینی ترمیم اس لئے ہورہی ہے کیونکہ انھوں نے چار امپائرز کو ساتھ ملاکر کھیلا اور پھر بھی ہار گئے، آئینی ترمیم تین امپائروں کو توسیع دینے کے لیے کرنی پڑ رہی ہے، ان امپائرز میں چیف جسٹس قاضی فائز عیسیٰ، چیف جسٹس اسلام آباد ہائیکورٹ اور چیف الیکشن کمشنر شامل ہیں اور توسیع اس لیے دی جارہی ہے تاکہ فراڈ الیکشن کو تحفظ دے سکیں۔انہوں نے کہا کہ مجھ پر 140 کیس نو مئی سے پہلے ہو چکے تھے، مجھ پر دو قاتلانہ حملے بھی ہو چکے تھے پارٹی ختم نہیں ہو رہی تھی اسی لیے نو مئی کیا گیا، قاضی فائز عیسیٰ ایک سال سے نومئی کی جوڈیشل انکوائری نہیں ہونے دے رہا، انہیں ڈر ہے کہ نیا چیف جسٹس آیا تو نو مئی کی تحقیقات کرائے گا، نو مئی جس نے کروایا وہی اس کا اصل ذمہ دار ہے۔عمران خان کا کہناتھا کہ پارٹی کو کرش کرنے کے بعد آٹھ فروری کا الیکشن کروایا گیا، 8 فروری کو جو انقلاب آیا وہ ان کے وہم و گمان میں بھی نہیں تھا، آٹھ فروری کو پی ٹی آئی بغیر لڑے جیت گئی، نواز شریف نے تو فتح کی تقریر تیار کر رکھی تھی، یاسمین راشد جیل میں ہوتے ہوئے بھی جیت چکی تھی، نواز شریف کو 74 ہزار ووٹ ڈلوائے گئے، آٹھ ماہ گزر چکے ہیں الیکشن ٹریبیونل کیوں کام نہیں کر رہے۔بانی پی آئی آئی نے مزید کہا کہ تین چیف جسٹس نے حمود الرحمن کمیشن رپورٹ بنائی تھی، حمود الرحمن کمیشن رپورٹ کہتی ہے کہ یحییٰ خان نے اپنی طاقت کو بچانے کے لیے جمہوریت کا جنازہ نکالا، اپنی طاقت بچانے کے لیے ملک کو آج دوبارہ اس نہج پر لایا جا رہا ہے۔عمران خان نےکہا کہ قانون کی بالادستی کو ختم کیا جا رہا ہے، قانون کی بالادستی کے بغیر سرمایہ کاری نہیں آسکتی کیوں کہ آپس میں جڑے ہوئے ہیں، اسی طرح سیاسی استحکام کے بغیر معیشت مستحکم نہیں ہو سکتی لیکن آج صورتحال یہ ہے کہ پاکستان کا موازنہ میانمار سے ہو رہا ہے۔ان کا کہنا تھا کہ 4 ہزار پاکستانی کمپنیوں نے دبئی چیمبر میں رجسٹریشن کروائی ہے، پیسہ ملک سے باہر جا رہا ہے، چین کی ترقی میں بیرون ملک مقیم چینی شہریوں نے سرمایہ کاری کی تھی۔عمران خان نے کہا کہ بیرون ملک مقیم پاکستانی اثاثہ ہیں، قرضوں کی دلدل سے نکالنے کے لیے ان کی سرمایہ کاری اہم ہے مگر بیرون ملک مقیم پاکستانی قانون کی بالادستی نہ ہونے کی وجہ سے سرمایہ کاری نہیں کر رہے۔انہوں نے کہا کہ نواز شریف، آصف زرداری اور محسن نقوی سمیت تمام بڑے لوگوں کے پیسے بیرون ملک پڑے ہیں، فراڈ حکومت کی وجہ سے بھی بیرون ملک مقیم پاکستانی سرمایہ کاری نہیں کر رہے۔ان کا کہنا تھا کہ ملک کو اصلاحات کی ضرورت ہے پاکستان اس کے بغیر دلدل سے نہیں نکل سکتا، اصلاحات کے ذریعے خرچ کو کم اور آمدنی کو بڑھانا ہوتا ہے، 8 ماہ ہونے کو ہیں حکومت نے کتنی ریفارمز کی اور کتنے اخراجات کم کیے۔عمران خان نے مزید کہا کہ یہ حکومت این ار او کی پیداوار ہے، حکومت سے نہ خرچ کم ہونے ہیں اور نہ سرمایہ کاری بڑھنی ہے، بڑے لوگوں پر بوجھ ڈال نہیں سکتے کیونکہ وہاں مافیا بیٹھے ہیں۔انہوں نے مزید کہا کہ صرف سپریم کورٹ سے لوگوں کو امیدیں ہیں اس کو بھی تباہ کیا جارہا ہے، ماتحت عدلیہ اور پولیس پر کسی کو اعتماد نہیں رہا، لاہور میں پی ٹی آئی کا جلسہ روکنے کے لیے پکڑ دھکڑ شروع کر دی گئی ہے، جو بھی ہو جائے لاہور کا جلسہ کریں گے، قوم کو پیغام دیتا ہوں کہ لاہور کے جلسے میں کشتیاں جلا کر نکلیں۔

آئینی ترمیم 3امپائروں کو توسیع دینے کے لیےہورہی ہے، عمران خان

انہیں ڈر ہے اگر قاضی فائر عیسیٰ ہٹ گئے تو 9 مئی اور فراڈ الیکشن کی تحقیقات ہوں گی، اڈیالہ جیل میں گفتگو

آئی سی سی کے وفد نے چیمپئنز ٹرافی کے انتظامات کا جائزہ لینے کیلئے نیشنل اسٹیڈیم کا دورہ کیا۔آئی سی سی کا 5 رکنی وفد 4 روزہ دورہ پاکستان پر آیا ہوا ہے جس نے نیشنل اسٹیڈیم سے اپنے دورے کا آغاز کیا۔وفد میں سینئر منیجر ایونٹس سارہ ایڈگر، سکیورٹی منیجر مسکر شامل ہیں، جی ایم کرکٹ وسیم خان، آئی سی سی براڈ کاسٹ کنسلٹنٹ منصور منج اور ایونٹ منیجر عون زیدی بھی وفد کا حصہ ہیں۔حکام کی جانب سے وفد کو نیشنل اسٹیڈیم اور ہوٹل میں فراہم کردہ سکیورٹی پر بریفنگ دی گئی، آئی سی سی وفد کراچی کے بعد اسلام آباد اور لاہور کا دورہ بھی کرے گا۔آئی سی سی وفد پاکستان میں4 روز قیام کے بعد21 ستمبر کو واپس چلا جائے گا، وفد دورہ پاکستان کی مکمل رپورٹ آئی سی سی کو جمع کرائے گا۔ خیال رہے کہ چیمپئنز ٹرافی آئندہ سال فروری میں پاکستان میں شیڈول ہے۔

آئی سی سی وفد کا نیشنل اسٹیڈیم کراچی کا دورہ، تعمیراتی کام کا جائزہ لیا

پی سی بی حکام کی وفد کوبریفنگ،وفد نے اسٹیڈیم کی تزئین وآرائش کے کام کاجائزہ لیا

اسلام آباد ہائیکورٹ نے ٹرائل کورٹ کو پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کے خلاف 190 ملین پاؤنڈ کیس کا حتمی فیصلہ سنانے سے روک دیا ہے۔ہائیکورٹ میں 190 ملین پاؤنڈ کیس میں بانی پی ٹی آئی اور بشری بی بی کی بریت کی درخواستوں کی سماعت ہوئی۔ چیف جسٹس عامر فاروق اور جسٹس میاں گل حسن اورنگزیب نے رجسٹرار آفس کے اعتراضات کے ساتھ درخواستوں پر سماعت کی۔عمران خان اور بشریٰ بی بی نے اسلام آباد ہائیکورٹ سے استدعا کی کہ عدالت عالیہ میں کیس زیرالتوا ہے، اس لیے احتساب عدالت کو حکم دیا جائے وہ ٹرائل آگے نہ بڑھائے، عمران خان اور بشریٰ بی بی کی استدعا پر اسلام آباد ہائیکورٹ نے ٹرائل کورٹ کو 190 ملین پاؤنڈ کیس کا حتمی فیصلے سے سنانے سے روکتے ہوئے کہاکہ ٹرائل کورٹ حتمی فیصلہ نہ سنائے۔بعد ازاں اسلام آباد ہائیکورٹ نے عمران خان اور بشریٰ بی بی کی بریت کی درخواست پر نیب کو نوٹس جاری کرتے ہوئے مزید سماعت 26 ستمبر تک ملتوی کردی۔

اسلام آباد ہائیکورٹ نے ٹرائل کورٹ کو 190 ملین پاؤنڈ کیس کا حتمی فیصلہ سنانے سے روک دیا

عدالت نےعمران خان اور بشریٰ بی بی کی درخواست پر نیب کو نوٹس جاری کرتے ہوئے سماعت 26 ستمبر تک ملتوی کردی

ہندو انتہا پسندوں کی جانب سے بنگلا دیشی ٹیم کے بائیکاٹ کیلئے بھارتی بورڈ (بی سی سی آئی) پر پریشر بڑھنے لگا۔ میڈیا رپورٹس کے مطابق سابق وزیراعظم شیخ حسینہ واجد کی حکومت کے خاتمے کے بعد رواں ماہ شیڈول بھارت بنگلا دیش کرکٹ میچز منسوخ کرنے کا مطالبہ زور پکڑرہا ہے۔ ہندو انتہا پسند تنظیم جاناجگروتی سمیتھی نامی رائٹ ونگ گروپ نے میچز کی منسوخی کا مطالبہ کرتے ہوئے بھارتی بورڈ کو خط لکھ کر مطلع کردیا ہے۔تنظیم کا موقف ہے کہ بنگلا دیش میں ہندوؤں پر جاری مظالم کی وجہ سے میچز نہیں ہونے چاہئیں، جب تک مظالم نہیں رکتے کوئی میچ نہ ہونے دیں گے۔واضح رہے بھارت اور بنگلا دیش کی ٹیموں کے درمیان پہلا ٹیسٹ کل سے چنئی میں کھیلا جائے گا اور 12 اکتوبر تک جاری رہنے والے دورے میں دو ٹیسٹ اور تین ٹی ٹونٹی میچز شامل ہیں۔ بھارت اور بنگلادیش کے درمیان میچز چنئی، کانپور، گوالیار، دہلی اور حیدر آباد میں شیڈولڈ ہیں جب کہ میچز کے دوران کئی مقامات پر مظاہروں کا خدشہ بھی ظاہر کیا گیا ہے۔ خیال رہے بھارت اوربنگلادیش کے درمیان سیریز کے تمام میچز اشتہارات کے بغیرایچ ڈی کوالٹی میںبراہ راست ٹیپمیڈ پردکھائے جائینگے۔

ہندو انتہا پسند جماعت بھارت اور بنگلا دیش کرکٹ میچز منسوخ کرنے کیلئے سرگرم ہوگئی

بنگلہ دیش میں ہندوؤں پر مظالم بند ہونے تک میچز نہیں ہونے چاہئیں ، بھارتی کرکٹ بورڈ کو خط

غزہ میں حماس کے بچھائے ایک جال میں پھنس کر اسرائیلی فوج کے 4 اہلکار ہلاک اور متعدد زخمی ہوگئے۔عالمی خبر رساں ادارے کے مطابق اسرائیلی فوجی کے ترجمان نے ہلاکت کی تصدیق کرتے ہوئے بتایا کہ 23 سالہ ڈپٹی کمانڈر ڈینیئل میمون ٹواف، 20 سالہ اسٹاف سارجنٹ اگم نعیم، 21 سالہ امیت بکری اور 21 سالہ دوتن شمعون ہلاک ہونے والوں میں شامل ہیں۔بیان میں کہا گیا ہے کہ اس واقعے میں ایک افسر اور 4 سپاہی شدید زخمی ہوگئے جن میں سے افسر اور دو سپاہیوں کی حالت نازک ہے۔ ہلاکتوں میں اضافے کا خدشہ ہے۔بیان کے مطابق حماس نے ایسا ظاہر کیا کہ وہ بھاری اسلحے کے ساتھ ایک عمارت میں چھپے ہوئے ہیں۔ جن کی گرفتاری کے لیے جانے والی ٹیم جیسے ہی عمارت میں داخل ہوئی، حماس نے عمارت کو دھماکے سے اُڑا دیا۔ممکنہ طور پر اسرائیل نے اس عمارت میں بارودی مواد چھپایا ہوا تھا اور جیسے ہی اسرائیلی فوجی اندر داخل ہوئے۔ حماس نے دھماکا کردیا۔ ہلاک ہونے والوں میں ایک خاتون فوجی بھی شامل ہیں۔یاد رہے کہ 7 اکتوبر سے اسرائیل نے غزہ میں وحشیانہ بمباری کا سلسلہ جاری رکھا ہوا ہے جس میں 41 ہزار سے زائد فلسطینی شہید اور 92 ہزار کے قریب زخمی ہوچکے ہیں، غزہ کا انفرا اسٹرکچر مکمل طور پر تباہ ہو چکا ہے جس کے باعث غزہ کے شہری مغربی کنارے میں قائم پناہ گزین کیمپوں میں رہنے پر مجبور ہیں۔

غزہ میں حماس کا اسرائیلی فوج پر حملہ، 4 اسرائیلی فوجی ہلاک اور متعدد زخمی

ہلاک ہونے والوں میں ایک خاتون فوجی بھی شامل ہیں، ترجمان اسرائیلی فوج

آج سے ہیلمٹ کے بغیر موٹر سائیکل سواروں کے لاہور شہر میں داخلے پر پابندی عائد کر دی گئی ہے۔سٹی ٹریفک پو لیس کے مطابق  شہر کی متعدد شاہراہوں پر بھی بغیر ہیلمٹ موٹرسائیکل سواروں کا داخلہ بند کرنے کا فیصلہ کیا گیا ہے اس حوالے سے  مال روڈ، جیل روڈ، فیروزپور روڈ، کینال روڈ، مین بولیوارڈ پر خصوصی چیک پوائنٹس قائم کئے گئے ہیں۔قانون پر عملدرآمد کے لئے شوق چوک، شوکت خانم، لیک سٹی، اڈا پلاٹ سمیت داخلی و خارجی راستوں پر وارڈنز تعینات کر د یے گئے ہیں۔سٹی ٹریفک پولیس کا کہنا ہے کہ ہیلمٹ بازو میں لٹکانے، ٹینکی پر رکھنے پر بھی چالان کیا جائے گا دوسری جانب سی ٹی او لاہور نے کہا ہے کہ بغیر ہیلمٹ موٹر سائیکل سواروں کو 2000 روپے جرمانیہ کیا جائے گا۔

موٹر سائیکل سواروں کا ہیلمٹ کے بغیرآج سے لاہور شہر میں داخلہ بند

خلاف ورزی پر2ہزار روپے جرمانہ،ہیلمٹ بازو میں لٹکانے، ٹینکی پر رکھنے پر بھی چالان ہوگا، سٹی ٹریفک پولیس

الیکشن کمیشن نے پاکستان تحریک انصاف انٹراپارٹی الیکشن کیس میں پی ٹی آئی کی ریکارڈ جمع کرانے کے لیے 10 روز کی مہلت کی استدعا منظور کرلی جبکہ دوران سماعت ممبر خیبرپختونخوا اکرام اللہ نے ریمارکس دیے کہ 5 سال بعد انٹرا پارٹی انتخاب کروائے، اس کے نتائج بھگتنا ہوں گے۔تفصیلات کے مطابق  الیکشن کمیشن آف پاکستان نے انٹرا پارٹی انتخابات کیس میں پی ٹی آئی کو دستاویزات جمع کرانے کیلئے مہلت دیدی۔ممبر سندھ نثار درانی کی سربراہی میں 3 رکنی بنچ نے الیکشن کمیشن آف پاکستان میں پی ٹی آئی انٹرا پارٹی انتخابات کیس کی سماعت کی۔دوران سماعت چیئرمین پی ٹی آئی بیرسٹر گوہر الیکشن کمیشن میں پیش ہوئے۔اس موقع پر ممبر خیبرپختونخوا اکرام اللہ کا کہنا تھا کہ ویسے آپ نے الیکشن کہاں کرائے تھے؟ 5 سال کے اندر آپ نے انتخاب نہیں کروائے، 5 سال کے بعد انٹرا پارٹی انتخاب کروائے، اس کے نتائج بھگتنا ہوں گے۔ممبر بلوچستان نے استفسار کیا کہ کیا پی ٹی آئی کے الیکشن کیا چمکنی میں ہوئے تھے؟ جس پر بیرسٹر گوہر نے جواب دیا کہ نہیں جناب! انتخابات اسلام آباد میں بھی ہوئے تھے، ہم نے دستاویزات جمع کرانی ہیں، ہفتہ،10 دن تک کا وقت دے دیں۔بنچ نے الیکشن کمیشن حکام سے سوال کیا کہ اگر پی ٹی آئی کے انٹرا پارٹی الیکشن کو ہم اب بھی تسلیم نہیں کرتے تو کیا مستقبل ہو گا؟ جس پر ڈی جی پولیٹیکل فنانس نے جواب دیا کہ پارٹی کا کوئی تنظیمی ڈھانچہ نہیں رہے گا۔دوران سماعت بنچ نے ڈی جی پولیٹیکل فنانس کو ہدایت کی کہ آپ ہمیں اس نکتے پر معاونت فراہم کریں۔اس موقع پر بیرسٹر گوہر نے کہا کہ ہم بھی اس معاملے پر آپ کو معاونت دیں گے، انٹرا پارٹی الیکشن نہ کروانے پر الیکشن کمیشن جو کر سکتا تھا اس نے کر لیا۔بعدازاں الیکشن کمیشن نے پی ٹی آئی کو دستاویزات جمع کرانے کیلئے مہلت دیتے ہوئے کیس کی سماعت 2 اکتوبر تک ملتوی کر دی۔

پی ٹی آئی نے 5 سال بعد انٹرا پارٹی انتخاب کروائے اسکے نتائج بھگتنا ہوں گے،الیکشن کمیشن

الیکشن کمیشن نے پی ٹی آئی کی دستاویزات جمع کرنے کیلئے مہلت کی استدعا منظور کرتے ہوئے سماعت ملتوی کر دی

امریکا نے پاکستان کے میزائل پروگرام پر ایک بار پھر خدشات کا اظہار کردیا۔تفصیلات کے مطابق امریکا نے ایک بار پھر واضح کرتے ہوئے کہا ہے کہ پاکستان ہمارا طویل مدتی شراکت دار رہا ہے لیکن پاکستان کے بیلسٹک میزائل پروگرام کی حمایت نہیں کریں گے۔امریکی محکمہ خارجہ کے ترجمان میتھیو ملر نے پریس بریفنگ میں کہا کہ ہم نے ہمیشہ پاکستان کے بیلسٹک میزائل پروگرام کی مخالفت کی ہے اور ہم اسی پالیسی پر قائم ہیں۔میتھیو ملر نے کہا کہ امریکا مہلک ہتھیاروں کی حمایت کرنے والے گروہ کے خلاف کارروائی جاری رکھے گا تاکہ دنیا اور ہم ان مہلک ہتھیاروں سے محفوظ رہ سکے۔ان کا کہنا تھا کہ مہلک ہتھیاروں پر پابندی دراصل ہماری قومی سلامتی کی ضمانت ہے اسی لیے پابندیوں اور دیگر اقدامات کا سلسلہ جاری رہے گا۔ترجمان امریکی محکمہ خارجہ کا کہنا تھا کہ پاکستان کے بیلسٹک پروگرام پر ہماری کڑی نظر ہے، تاہم وہ ہمارا قریبی دوست ملک بھی رہا ہے۔امریکی محکمہ خارجہ نے حال ہی میں ایک چینی ریسرچ انسٹیٹیوٹ، ایک چینی شہری اور 3 چینی کمنیوں پر مہلک ہتھیاروں کے پھیلاؤ کے الزام میں پابندی عائد کی تھیں۔ترجمان امریکی محکمہ خارجہ میتھیو ملر نے کہا کہ چین کے ریسرچ انسٹیٹیوٹ نے مبینہ طور پر پاکستان کے شاہین 3 اور ابابیل سسٹم کے لیے آلات کی خریداری پاکستان کے ساتھ تعاون کیا ہے۔امریکی محکمہ خارجہ کے ترجمان میتھیو ملر نے واشنگٹن میں پریس بریفنگ کے دوران کہا کہ امریکا پیجر دھماکوں میں ملوث ہے نہ جانتا ہے کہ اس کے پیچھے کون ہے؟ان کا کہنا تھا کہ امریکا بھی پیجر ڈیوائسز میں دھماکوں کی تحقیقات چاہتا ہے، اسرائیل اور حزب اللہ کے درمیان سفارتی سطح پر مسائل کا حل ہونا چاہیے۔

امریکا نے پاکستان کے بیلسٹک میزائل پروگرام کی حمایت سے انکار کردیا

ہم نے ہمیشہ پاکستان کے بیلسٹک میزائل پروگرام کی مخالفت کی ہے اور ہم اسی پالیسی پر قائم ہیں، ترجمان امریکی محکمہ خارجہ

پاکستان شوبز انڈسٹری کی معروف اداکارہ جویریہ عباسی نے دوسری شادی کی خوبصورت و دلکش تصاویر شیئر کر دیں۔جویریہ عباسی نے اپنے آفیشل انسٹاگرام ہینڈل پر اپنے نکاح کی چند تصاویر اور ویڈیوز پوسٹ کیں جن میں دیکھا جاسکتا ہے کہ اداکارہ نے اس خاص موقع پر گلابی اور گولڈن رنگ کا خوبصورت لباس زیب تن کیا۔اداکارہ کی جانب سے شیئر کی گئی ایک ویڈیو میں اُنہیں ہاتھ میں چمیلی اور گلاب کے پھولوں والے گجرے پہنائے جارہے ہیں جبکہ ایک ویڈیو میں جویریہ عباسی کا نکاح پڑھایا جارہا ہے۔ان تصاویر میں جویریہ عباسی بےحد خوش اور حسین نظر آئیں جبکہ اداکارہ نے اپنے شوہر کی تصاویر انسٹاگرام پر پوسٹ نہیں کیں۔جویریہ عباسی نے اپنی پوسٹ کے کیپشن میں کہا کہ ہم خوشی سے محبت کرتے ہیں۔شوبز شخصیات اور مداحوں کی جانب سے ایک بار پھر جویریہ عباسی کو دوسری شادی کی مبارکباد دی جارہی ہیں۔واضح رہے کہ جویریہ عباسی نے رواں سال مئی میں سوشل میڈیا پر اپنی منگنی کا اعلان کیا تھا، اس اعلان کے بعد کچھ دن بعد ہی اداکارہ نے ایک ٹی وی شو کے دوران اپنی دوسری شادی کی تصدیق بھی کردی تھی۔ اداکارہ نے عدیل حیدر نامی کاروباری شخص سے شادی کی ہے جو فوٹوگرافر بھی ہیں۔یاد رہے کہ جویریہ عباسی کی پہلی شادی سال 1997 میں اداکار شمعون عباسی سے ہوئی تھی، شادی کے ایک سال بعد اُن کے ہاں بیٹی عنزیلہ عباسی کی پیدائش ہوئی تھی۔جویریہ عباسی اور شمعون عباسی کے درمیان سال 2009 میں طلاق ہوگئی تھی، والدین کی طلاق کے بعد سے عنزیلہ عباسی اپنی والدہ کے پاس ہی رہیں اور سال 2023 میں جویریہ عباسی نے اپنی بیٹی کی شادی کردی تھی۔

معروف اداکارہ جویریہ عباسی کے دوسرے نکاح کی تصاویر اور ویڈیوز وائرل

جویریہ عباسی نے اپنےدوسرے نکاح کی تقریب کی خوبصورت تصاویرانسٹاگرام ہینڈل پرشیئر کیں

افغان قونصلیٹ جنرل نے پاکستانی ترانے کی بے حرمتی اور بے توقیری کی خبروں کو رد کردیا ہے۔ترجمان ترجمان افغان قونصلیٹ پشاور نے اپنے وضاحتی بیان میں کہا ہے کہ ہمارا ہرگز مقصد پاکستانی ترانے کی بے حرمتی اور بے توقیری نہیں تھا۔انہوں نے کہاکہ چونکہ ترانے میں میوزک تھا، اس لیے قونصل جنرل کھڑے نہیں ہوئے، ہم نے اپنے قومی ترانے پر بھی میوزک کی وجہ سے پابندی لگائی ہوئی ہے۔ترجمان نے بتایا کہ اگر یہ ترانہ بغیر میوزک کے چلتا، یا بچے پیش کرتے، تو لازمی قونصل جنرل کھڑے ہوتے اور سینے پر ہاتھ بھی رکھتے۔انہوں نے کہاکہ پاکستان یا قومی ترانے کی توہین کا سوال ہی پیدا نہیں ہوتا۔واضح رہے کہ پشاور میں تعینات افغان قونصلیٹ نے رحمت اللعالمین کانفرنس میں شرکت کے دوران سفارتی اصولوں کی خلاف ورزی کی ہے۔قومی ترانے کے دوران کھڑے نہ ہونے پر اعلیٰ سرکاری حکام نے غم و غصے کا اظہار کیا، اور سفارتی ماہرین کی جانب سے مطالبہ کیا جارہا ہے کہ ایسے شخص کو ناپسندیدہ قرار دے کر پاکستان سے بھیجا جائے۔

پاکستانی ترانے میں میوزک کی وجہ سے کھڑے نہیں ہوئے، افغان قونصلیٹ کی وضاحت

اگر ترانا بغیر میوزک کے چلتا یا بچے پیش کرتے تو قونصل جنرل لازمی کھڑے ہوتے اور سینے پر ہاتھ بھی رکھتے، ترجمان افغان قونصلیٹ

اسرائیل کی جانب سے لبنان میں حزب اللہ کے خلاف حملوں میں جدید ٹیکنالوجی کا استعمال کیا گیا ہے، اور وائرلیس سسٹم پر سائبر حملے کے نتیجے میں 8 افراد شہید اور اڑھائی ہزار سے زیادہ زخمی ہوگئے ہیں۔عرب میڈیا کے مطابق لبنان کے مختلف علاقوں میں حزب اللہ ارکان کے پیجرز میں ایک ساتھ دھماکے ہوئے، رابطوں کے لیےاستعمال ہونے والی پیجر ڈیوائسز میں دھماکوں سےحزب اللہ کے تقریبا اڑھائی ہزار اہلکار زخمی ہوئے۔غیرملکی میڈیا رپورٹس کے مطابق حزب اللہ کے اہلکاروں کے ہاتھ میں پکڑے ہوئے وائرلیس سیٹ اچانک دھماکے سے پھٹ گئے،میڈیا رپورٹس میں کہا گیا ہے کہ لبنان میں ایران کے سفیر مجتبیٰ امانی بھی زخمی ہونے والوں میں شامل ہیں۔اس حوالے سے لبنان کے وزیر صحت فراس ابیاد نے ہنگامی نیوز کانفرنس میں بتایا کہ پورے ملک میں پیجرز پھٹنے سے آٹھ افراد جاں بحق اور2ہزارسات سوپچاس زخمی ہوئے ہیں، حکومت نے اسپتالوں میں ایمرجنسی نافذ کرکے شہریوں سے خون کے عطیات دینے کی اپیل کی ہے۔غیرملکی میڈیا کے مطابق لبنان بھر میں سکیورٹی اہلکاروں کی بات چیت کے لیے استعمال ہونے والے پیجرز میں سہ پہر 3بج کر45منٹ پرشروع ہونے والی دھماکوں کی لہرتقریباً ایک گھنٹہ تک جاری رہی۔فوری طور پر یہ واضح نہیں ہوسکا کہ آلات کو کس طرح سے دھماکا کیا گیا تاہم کہا جارہا ہے کہ اسرائیل نے مبینہ طور پر حزب اللہ کے زیر استعمال مواصلاتی آلات کو ہیک کیا۔پیجرز پھٹنے سے حزب اللہ کے جنگجوؤں اور طبی عملے سمیت سیکڑوں افراد زخمی ہوئے،  دھماکوں کے بعد ملک بھر کے اسپتالوں میں ہائی الرٹ کردیا گیا، اسپتال زخمیوں سے بھر گئے۔زخمیوں میں ایرانی سفیر مجتبیٰ امانی بھی شامل ہیں تاہم ایرانی میڈیا کے مطابق مجتبیٰ امانی کی حالت خطرے سے باہر ہے۔عرب میڈیا کی جانب سے چلائی جانے والی ویڈیوز میں دیکھا جاسکتا ہے پیچرز میں دھماکوں کے بعد اسپتال زخمیوں سے بھر گئے ہیں۔غیرملکی خبررساں ایجنسی کے مطابق زخمیوں میں سے اکثر کو ہاتھوں، پیروں، چہروں اور آنکھوں پر زخم آئے ہیں۔حزب اللہ کے ایک عہدے دار نے نام ظاہر نہ کرنے کی شرط پر غیر ملکی خبررساں ادارے سے بات کرتے ہوئے کہا کہ پیجرز میں دھماکا ہونا موجودہ جنگ کے دوران سکیورٹی کی سب سے بڑی ناکامی ہے۔

اسرائیل کا حزب اللہ کے وائر لیس سسٹم پر سائبر حملہ، 8 افراد شہید، 2ہزارسات سوسے زائد زخمی

حزب اللہ اراکین پیجرز کو بات چیت کیلئے استعمال کرتے تھے، ایرانی سفیر بھی زخمیوں میں شامل ہیں

سابق صدر مملکت ڈاکٹر عارف علوی نے جمیعت علماء اسلام (ف) کے سربراہ مولانا فضل الرحمان سے ملاقات کی ہے، جس میں مجوزہ آئینی ترامیم پر گفتگو کی گئی دونوں رہنماؤں کی جانب سے آئینی ترامیم کے حوالے سے مجوزہ تجاویز کا جائزہ لیا اور سیاسی امور پر تبادلہ خیال کیا گیا۔تفصیلات کے مطابق مولانا فضل الرحمان کی رہائش گاہ سیاسی سرگرمیوں کا مرکز بنی ہوئی ہے،سابق صدرعارف علوی کی مولانا فضل الرحمان سے ملاقات کے دوران  سیکرٹری جنرل پاکستان تحریک انصاف سلمان اکرم راجہ بھی عارف علوی کے ساتھ موجود تھے۔دوران گفتگوسابق صدر مملکت عارف علوی نے مجوزہ آئینی ترامیم کے حوالے سے بہترین موقف پیش کرنے پر سربراہ جے یو آئی (ف) مولانا فضل الرحمان کومبارکباددی۔عارف علوی کا کہنا تھا کہ کہ آئین میں قومی اسمبلی میں بحث کیے بغیر ترامیم ممکن نہیں ہے، حکومت کی طرف سے آئینی ترامیم خاموشی سے اور رات کے اندھیرے میں کرانے کی کوشش کی گئی، جس پر دونوں رہنماؤں نے کسی بھی غیرآئینی اقدامات کی بھرپور مخالفت پر اتفاق رائے کیا۔میڈیارپورٹس کے مطابق بانی پی ٹی آئی عمران خان نے عارف علوی کے ذریعے مولانا فضل الرحمان کو پیغام پہنچایا کہ حکومت عدلیہ پر شب خون مارنا چاہتی تھی جسے اپوزیشن نے مل کر ناکام بنایا، ہم آپ کے کردار کو سراہتے ہیں۔ عمران خان نے مولانا فضل الرحمان کو عوامی جمہوری معاملات پر ایک ساتھ کھڑے ہونے کا پیغام دیا، ملاقات میں ڈاکٹر عارف علوی نے مولانا فضل الرحمان اور ان کی پارٹی کا شکریہ ادا کیا۔ خیال رہے عدالتی اصلاحات سے متعلق آئینی ترامیم کے لیے حکومت جہاں سرتوڑ کوشش کررہی ہے تو وہیں پاکستان تحریک انصاف نے حکمران اتحاد کو ناکام بنانے کے لیے کمر کس لی ہے، اور اس ساری صورتحال میں مولانا فضل الرحمان اہمیت اختیار کرگئے ہیں۔یاد رہے کہ حکومت نے اتوار کی رات نمبر پورے نہ ہونے پر آئینی ترامیم کا مسودہ مئوخر کرتے ہوئے قومی اسمبلی اور سینیٹ کے اجلاس ملتوی کردیے تھے، جس کے بعد مولانا فضل الرحمان سے حکمران اتحاد کے رہنماؤں کی ملاقاتیں بھی ہوئیں۔

سابق صدرعارف علوی کی مولانا فضل الرحمان سے اہم ملاقات،سیاسی امور پر تبادلہ خیال

عارف علوی نے آئینی ترامیم سے متعلق مؤقف پیش کرنے پر مولانا فضل الرحمان کو مبارک باد بھی دی

پاکستان میں افغان قونصلیٹ کے عہدیداروں کی جانب سے بد تہذیبی اور سفارتی اصولوں کی سنگین خلاف ورزی سامنے آئی ہے، جس پر دفتر خارجہ نے احتجاج کا فیصلہ کیا ہے۔تفصیلات کے مطابق افغان قونصلیٹ کے عہدیداروں کی بدتہذیبی انتہا کو پہنچ گئی، سفارتی اصولوں کی سنگین خلاف ورزی کرتے ہوئے پاکستانی قومی ترانے کے دوران بیٹھے رہے۔وزیراعلیٰ خیبرپختونخواہ علی امین گنڈاپور نے افغان قونصلیٹ کے عہدیداروں کو آج رحمت العالمین کانفرنس پر پشاور میں مدعو کیا۔افغان کونسل جنرل محب اللہ شاکر پاکستان کے قومی ترانے کے دوران سفارتی پروٹوکول کی دھجیاں اڑاتےہوئےبے شرمی کے ساتھ اپنی سیٹ پر بیٹھے رہے۔قومی ترانے کا احترام نہ کر کے افغان قونصل جنرل محب اللہ شاکر نے اعلان کیا ہے کہ اسکو پاکستان اور پاکستانی قوم کا کوئی احترام نہیں یہ غیر معمولی واقع ہے اور سفارتی آداب کے بالکل برخلاف ہے کسی مہذب معاشرے میں ایسی حرکت خلاف تہذیب ہوتی ہے۔ماہرین کا کہنا ہے کہ اس شخص کو ناپسندیدہ شخص قرار دے کر پاکستان سے بھیجا جائے اس کے علاوہ دعوت دینے والی خیبرپختونخوا حکومت پر بھی سوال اٹھتا ہے کہ کیا انہیں پاکستان کی عزت اور سفارتی آداب  کا کوئی خیال نہیں ہے۔ماہرین کا کہنا ہے کہ محکمہ خارجہ کو اس واقع کا نوٹس لینا چاہیے اور سفارت کاری اصولوں کی خلاف ورزی پر ڈیمارش دینا چاہیے۔دوسری جانب نجی ٹی وی کے مطابق دفتر خارجہ نے پشاور میں ایک تقریب کے دوران افغانستان کے قائم مقام قونصل جنرل کی جانب سے قومی ترانے کی بے حرمتی پر شدید ردعمل جاری کردیا۔دفتر خارجہ کی ترجمان ممتاز زہرہ بلوچ نے پشاور میں ایک تقریب کے دوران افغانستان کے قائم مقام قونصل جنرل کی جانب سے پاکستانی قومی ترانے کی بے حرمتی کے حوالے سے میڈیا کے سوالات کے جواب میں کہا کہ میزبان ملک کے قومی ترانے کی بے حرمتی سفارتی آداب کے خلاف ہے۔انہوں نے کہا کہ افغانستان کے قائم مقام قونصل جنرل کا یہ اقدام قابل مذمت ہے، ہم اس معاملے پر اپنا شدید احتجاج اسلام آباد اور کابل میں افغان حکام تک پہنچا رہے ہیں۔

سفارتی آداب کی خلاف ورزی، افغان قونصل جنرل پاکستانی قومی ترانے کے دوران بیٹھے رہے

افغان قونصل جنرل کی قومی ترانے کی بے حرمتی پر پاکستان کی شدید مذمت

Former Pakistan test captain, Babar Azam has fallen for his 8th duck in test cricket during the Pakistan vs Bangladesh 1st test match.

Babar Azam Humiliating Performance in Pak vs Ban 1st Test

Former Pakistan test captain, Babar Azam has fallen for his 8th duck in test cricket during the Pakistan vs Bangladesh <a href="https://www.tapmad.com/watch/pakistan-vs-bangladesh-live-test/011611">1st test match</a>.&nbsp;

Moreover, this is Azam&#39;s first duck in 24 Test innings at home

Despite leaving test captaincy, Babar Azam is still a key player in the Pakistan team and him not performing well could cause a huge crisis for the Men in Green.&nbsp;

Azam has represented Pakistan in 53 test matches and he got out on a duck in 8 out of those 53 matches.&nbsp;

His most recent performance in the PAK vs BAN 1st test was nothing short of embarrassing. Azam had to return to the pavilion after facing just 2 balls and with a score of 0.&nbsp;

Babar was caught behind the wicket by Liton Das on Shoriful Islam&rsquo;s delivery.&nbsp;

After Babar, Abdullah, and Shan&rsquo;s dismissal, Pakistan were 16/3, a figure they would be dreading to look at.&nbsp;

The Pakistan vs Bangladesh test series is part of the ICC World Test Championship and will take place from 21st August till 3rd September.&nbsp;

Pakistan are currently ranked sixth in the ICC World Test Championship 2023-25. They have played two away series in the championship, winning 2-0 against Sri Lanka and losing 3-0 to Australia.

Pakistan playing XI: Abdullah Shafique, Saim Ayub, Shan Masood (c), Babar Azam, Saud Shakeel, Mohammad Rizwan (wk), Salman Ali Agha, Shaheen Shah Afridi, Naseem Shah, Khurram Shehzad, Mohammad Ali.

Bangladesh playing XI: Najmul Hossain Shanto (c), Shadman Islam, Zakir Hasan, Mominul Haque, Mushfiqur Rahim, Shakib Al Hasan, Litton Kumer Das (wk), Mehidy Hassan Miraz, Shoriful Islam, Hasan Mahmud, Nahid Rana.

Shocking Collapse Babar Azam Unbelievable 8th Duck Stuns Fans in Test Cricket

Related Post

Afghanistan Crushes South Africa In AFG vs SA 1st ODI

Gary Kirsten Highlights The Importance Of ‘fine-tuning’ Among Pakistan Players

IND vs BAN Schedule, Squads, Live Score, & Live Streaming

Dolphins vs Markhors Live Streaming Champions Cup 2024

Afghanistan Crushes South Africa In AFG vs SA 1st ODI

Gary Kirsten Highlights The Importance Of ‘fine-tuning’ Among Pakistan Players

IND vs BAN Schedule, Squads, Live Score, & Live Streaming

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan