Cricket

Entertainment

Football

پاکستان سپر لیگ (پی ایس ایل) سیزن 10 کے دلچسپ مقابلے جاری ہیں،ایک روزہ بریک کے بعد آج سے پھر چوکوں چھکوں کی برسات ہوگی۔پاکستان سپر لیگ میں آج ایک میچ کھیلا جائے گا،پی ایس ایل 10 کےاٹھارہویںمیچ میں آج ملتان سلطانز اورکوئٹہ گلیڈی ایٹرز کی ٹیمیں آمنے سامنے ہوں گی ۔قذافی اسٹیڈیم لاہور میں کھیلا جانے والایہ میچ رات 8 بجے شروع ہو گا اورٹیپمیڈ پربراہ راست دکھایا جائے گا۔ کوئٹہ گلیڈی ایٹرز کی ٹیم مایہ ناز آل رائونڈر سعود شکیل کی زیر قیادت میدان میں اترے گی، دیگر نمایاں کھلاڑیوں میں مارک، چیپمین ،ریلی روسو،فن ایلن، حسن نواز،فہیم اشرف،شعیب ملک،حسیب اللہ خان،کوسل مینڈس،ابراراحمد،محمد عامر،سین ایبٹ اور کائل جیمیسن شامل ہیں۔ ملتان سلطانز کی ٹیم مایہ ناز وکٹ کیپر بلے باز محمد رضوان کی زیر قیادت میدان میں اترے گی، دیگر نمایاں کھلاڑیوں میں مائیکل بریسویل،ڈیوڈ ویلے،شائی ہوپ،کرس جارڈن،محمد حسنین،اوسامہ میر،عثمان خان،افتخار احمد اور کامران غلام شامل ہیں۔کوئٹہ گلیڈی ایٹرز کی ٹیم 5 میچز کھیل چکی ہے جن میں اس کو 3 میچز میں فتح نصیب ہوئی جبکہ دو میں شکست کاسامنا کرناپڑا۔کوئٹہ گلیڈی ایٹرز کی ٹیم ٹیبل پر 6 پوائنٹس کے ساتھ تیسرے نمبر پر ہےجبکہ ملتان سلطانز کی ٹیم 6میچز کھیل چکی ہے لیکن تاحال وہ ایک میچ جیت سکی ہے اور وہ پوائنٹس ٹیبل پر سب سے نیچے چھٹے نمبر پر ہے۔ آج کے میچ میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔

پی ایس ایل 10  میں ملتان سلطانز اورکوئٹہ گلیڈی ایٹرزکے درمیان مقابلہ آج ہوگا

میچ رات 8 بجے شروع ہو گا ،پوائنٹس ٹیبل پرکوئٹہ گلیڈی ایٹرز کے6جبکہ ملتان سلطانزکے 2پوائنٹس ہیں

انقرہ (این این آئی )پاکستان اور بھارت کے درمیان پہلگام واقعے کے بعد بڑھتی ہوئی کشیدگی پر ترک صدر رجب طیب اردوان کا ردعمل سامنے آ گیا، ترک صدر نے  پاکستان اور بھارت کے درمیان بڑھتی کشیدگی میں کمی لانے کی اپیل کی ہے۔ترک صدر طیب اردون نے کہا ہے کہ وزیر اعظم شہباز شریف کا دورہ ترکیہ خطے کی تازہ ترین پیشرفت کے فریم ورک میں ایک انتہائی حساس وقت میں ہوا۔ پاک بھارت کشیدگی میں کمی چاہتے ہیں۔میڈیارپورٹس کے مطابق انقرہ میں پریس کانفرنس سے خطاب کرتے ہوئے انھوں نے کہا کہ ہم نے خصوصی طور پر تجارت اور دفاعی صنعت میں کثیر جہتی تعاون پر بات کی۔ صدر اردوان نے کہا کہ ہم نے پاکستانی عوام کے لیے اپنی بھرپور حمایت کا اعادہ کیا، ہم اپنے خطے یا خطے سے باہر کسی بھی قسم کا تنازع نہیں چاہتے۔انھوں نے کہا کہ ہم پاکستان اور بھارت میں کشیدگی بدترین ہونے سے پہلے اس میں فوری کمی چاہتے ہیں۔ ہماری وزارت خارجہ اور دیگر ادارے صورتحال پر نظر رکھے ہوئے ہیں۔صدر اردوان نے مزید کہا کہ ترکیہ چاہتا ہے کہ پاکستان اور بھارت کے درمیان بڑھتی ہوئی کشیدگی میں جلد از جلد کمی آئے، اس سے پہلے کہ صورتحال مزید سنگین ہو۔ انہوں نے واضح کیا کہ ترکیہ کا ہمیشہ سے اصولی مؤقف رہا ہے کہ وہ اپنے خطے اور دنیا بھر میں نئے تنازعات سے گریز کا حامی ہے۔

ترک صدر نے پاکستان اور بھارت سے کشیدگی کم کرنے کی اپیل کردی

ہم اپنے خطے یا خطے سے باہر کسی بھی قسم کا تنازع نہیں چاہتے،ترک صدر کا پاکستانی عوام کیلئے اپنی بھرپورحمایت کااعادہ

پاک فوج نے لائن آف کنٹرول (ایل او سی) پر بھارتی کواڈ کاپٹر کی فضائی حدود کی خلاف ورزی کو ناکام بناتے ہوئے اسے مار گرایا ہے۔میڈیارپورٹس کے مطابق بھارتی جارحیت کا ایک اور منصوبہ پاک فوج کی مستعدی اور شجاعت کے سامنے ناکام ہو گیا۔ سیکیورٹی ذرائع کے مطابق، لائن آف کنٹرول (ایل او سی) کے بھمبر سیکٹر کے مناور علاقے میں بھارتی فوج نے کواڈ کاپٹر کے ذریعے پاکستانی فضائی حدود کی خلاف ورزی کرتے ہوئے جاسوسی کرنے کی کوشش کی، تاہم پاک فوج نے بروقت کارروائی کرتے ہوئے دشمن کا کواڈ کاپٹر مار گرایا۔سکیورٹی ذرائع کے مطابق بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کرنے کی کوشش کی، پاک فوج نے بروقت کارروائی کر کے دشمن کی اس مذموم کوشش کو ناکام بنا دیا۔ذرائع کا کہنا ہے کہ یہ واقعہ پاک فوج کی مستعدی، پیشہ ورانہ مہارت اور دفاعی تیاری کا منہ بولتا ثبوت ہے۔سکیورٹی ذرائع کے مطابق پاک فوج دشمن کی کسی بھی جارحیت کا فوری اور مؤثر جواب دینے کیلئے ہر دم تیار ہے، پوری قوم افواجِ پاکستان کے ساتھ مل کر دشمن کو ہر محاذ پر منہ توڑ جواب دیں گی۔یاد رہے کہ پہلگام واقعے کے بعد بھارت کی جانب سے اشتعال انگیزی اور دھمکیوں کا سلسلہ جاری تھا، اب بھارت فضائی حدود کی خلاف ورزی پر بھی اتر آیا ہے۔

ایل اوسی پربھارتی جاسوسی کی کوشش ناکام، پاک فوج نے بھارتی کواڈ کاپٹر مار گرایا

بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کرنے کی کوشش کی، سیکیورٹی ذرائع

امریکی صدر ڈونلڈ ٹرمپ نے دعویٰ کیا ہے کہ اب میں ملک ہی نہیں دنیا بھی چلا رہا ہوں۔امریکی صدر ٹرمپ نے ”دی اٹلانٹک“ کو دیے گئے ایک انٹرویو میں کہا ہے کہ ان کی دوسری مدت صدارت پہلی کے مقابلے میں بہت مختلف ہے، اور اب وہ نہ صرف امریکہ بلکہ پوری دنیا چلا رہے ہیں۔ انہوں نے کہا، ’پہلی بار مجھے دو کام کرنے تھے ملک چلانا اور اپنی بقا کی جنگ لڑنا کیونکہ میرے اردگرد کرپٹ لوگ موجود تھے۔ اب دوسری بار میں ملک اور دنیا دونوں چلا رہا ہوں،جو کام میں کر رہا ہوں وہ نہایت سنجیدہ ہے، اس کے باوجود میں اسے کرتے ہوئے لطف اندوز ہو رہا ہوں۔انٹرویو سے قبل ٹرمپ نے سوشل میڈیا پلیٹ فارم ”ٹروتھ سوشل“ پر ایک پوسٹ میں طنزیہ انداز میں کہا تھا کہ وہ محض یہ جاننے کے لیے اٹلانٹک کو انٹرویو دے رہے ہیں کہ آیا یہ میگزین سچ بولنے کی صلاحیت رکھتا بھی ہے یا نہیں۔صدر ٹرمپ نے کہا کہ وہ دوسری مدت میں خود کو زیادہ طاقتور محسوس کر رہے ہیں، ان کی انتظامیہ اب وفادار افراد پر مشتمل ہے اور عدالتی نظام کے ساتھ ان کا رویہ بھی پہلے سے زیادہ جارحانہ ہو گیا ہے جو بعض اوقات ان کے ایجنڈے کے راستے میں رکاوٹ بنتا ہے۔

اب میں صرف ملک ہی نہیں دنیا بھی چلا رہاہوں، ٹرمپ نے نیا دعویٰ کردیا

میرا کام انتہائی سنجیدہ ہونے کے باوجود اسے کرتے ہوئے لطف اندوز ہو رہا ہوں،امریکی صدر

سب سے زیادہ خوش قوموں میں پاکستانیوں نے بھارتیوں کو پیچھے چھوڑ دیا۔سروے اور اعداد و شمار جمع کرنے کے معتبر ترین ادارے گیلپ نے دنیا کی خوش باش قوموں کی فہرست برائے سال 2025 جاری کردی۔گیلپ نے خوشی (ہیپی نیس) انڈیکس جاری کردیا جس میں 44 خوش باش قوموں میں سے پاکستانیوں کا نمبر 8 واں ہے۔ سروے کے مطابق   72 فیصد پاکستانیوں نے اپنی زندگی سے مطمئن ہونے کا اظہار کیا، چاہے ان کی زندگی میں کتنے ہی چیلنجز کیوں نہ ہوں۔اس کے برعکس، بھارت کااس فہرست میں سب سے آخری نمبر ہے۔صرف 31 فیصد بھارتی شہریوں نے خود کو خوش قرار دیا، جبکہ 34 فیصد نے زندگی سے مایوس ہونے کی بات کی۔اس  سروے میں چین سب سے خوش قوم کے طور پر سامنے آیا، جہاں 86 فیصد عوام نے اپنی زندگی سے اطمینان کا اظہار کیا، یوں چینی عوام نے یورپی ممالک کو بھی پیچھے چھوڑ دیا۔

سب سے زیادہ خوش قوموں میں پاکستانیوں نے بھارتیوں کو بھی پیچھے چھوڑ دیا

خوشی (ہیپی نیس)کے انڈیکس میں پاکستان کا 44 ممالک میں 8 واں نمبر ہے، گیلپ سروے

پاکستان سے حج آپریشن کا باقاعدہ آغاز ہوگیا، اسلام آباد ایئرپورٹ سے پہلی حج پرواز عازمین حج کو لیکر مدینہ منورہ روانہ ہوگئی، وفاقی وزیرمذہبی امورسردار محمد یوسف اور سعودی سفیر نے عازمین حج کو رخصت کیا۔ اس موقع پر وفاقی وزیر کو روڈ ٹو مکہ امیگریشن منصوبے پر بریفنگ دی گئی۔تفصیلات کے مطابق پاکستان سے حج آپریشن 2025 کا باضابطہ آغاز ہو گیا۔ اس سلسلے کی پہلی حج پرواز پی کے 713 آج صبح 4 بج کر 45 منٹ پر 442 عازمین حج کو لے کر اسلام آباد سے مدینہ منورہ روانہ ہوئی۔عازمین کو الوداع کہنے کے لیے وفاقی وزیر مذہبی امور سردار محمد یوسف، پاکستان میں سعودی سفیر نواف بن سعید المالکی اور پی آئی اے کے چیف ایگزیکٹو آفیسر ائیر وائس مارشل عامر حیات اسلام آباد ایئرپورٹ پر موجود تھے۔ اس موقع پر عازمین حج کو خصوصی تحائف بھی دیے گئے۔ترجمان قومی ایئرلائن کے مطابق کوئٹہ سے پہلی حج پرواز صبح 10 بجے 170 حجاج کو لے کر روانہ ہوگی۔ترجمان کے مطابق لاہور سے پہلی حج پرواز رات 10 بجے 323 مسافروں کو لے کر مدینہ روانہ ہوگی۔پہلے مرحلے میں عازمین حج کی خصوصی پروازیں مدینہ کے لیے روانہ ہوں گی، دوسرے مرحلے میں عازمین حج کی پروازیں جدہ جائیں گی۔اسلام آباد اور کراچی ایئرپورٹ پر سعودی حکومت کے اشتراک سے روڈ ٹو مکہ کی سہولیات دستیاب ہوں گی۔روڈ ٹو مکہ سے عازمین حج سعودی امیگریشن پاکستان سے کرواکے جائیں گے۔ قومی ایئرلائن کا قبل از حج آپریشن 31 مئی تک جاری رہے گا، بعد از حج آپریشن کا آغاز 10 جون سے 10 جولائی تک رہے گا۔

پاکستان سے حج آپریشن کا باقاعدہ آغاز، پروازوں کی روانگی شروع ہوگئی

اسلام آباد اور کراچی ایئرپورٹس پر سعودی حکومت کے تعاون سےروڈ ٹو مکہ سہولت بھی فراہم کی گئی ہے

وزیراعظم شہباز شریف کی زیر صدارت مشترکہ مفادات کونسل (سی سی آئی) نے دریائے سندھ سے نئی نہریں نکالنے کا منصوبہ ختم کرنے کی منظوری دے دی، جس کے بعد وفاقی حکومت نے نہریں نکالنے کا منصوبہ واپس لے لیا، اجلاس میں فیصلہ کیا گیا کہ سی سی آئی سے باہمی اتفاق کے بغیر کوئی نئی نہریں نہیں بنائی جائیں گی، وفاق اور تمام صوبوں کی نمائندگی کے ساتھ ایک کمیٹی تشکیل دی جا رہی ہے جو تمام صوبوں کے پانی کے استعمال کے لیے حل تجویز کرے گی۔ مشترکہ مفادات کونسل اجلاس کا اعلامیہ بھی جاری کردیاگیا اعلامیے کے مطابق وزیراعظم شہباز شریف کی زیر صدارت مشترکہ مفادات کونسل (سی سی آئی) کا 52 واں اجلاس وزیراعظم ہاؤس اسلام آباد میں منعقد ہوا جس میں بھارت کے غیر قانونی اقدامات کی شدید مذمت اور نئی نہروں کی تعمیر پر اہم فیصلہ کیا گیا۔اعلامیے کے مطابق سی سی آئی نے فیصلہ کیا کہ باہمی افہام و تفہیم کے بغیر کوئی نئی نہریں نہیں بنائی جائیں گی۔اعلامیے میں کہا گیا کہ جب تک صوبوں کے درمیان مکمل اتفاق رائے نہیں ہوتا وفاقی حکومت نئی نہروں کی تعمیر آگے نہیں بڑھائے گی۔اجلاس میں تمام صوبوں کو شامل کرتے ہوئے زرعی پالیسی اور پانی کے انتظام کے بنیادی ڈھانچے کے لیے طویل المدتی متفقہ روڈ میپ تیار کرنے پر زور دیا گیا اور واضح کیا گیا کہ تمام صوبوں کے پانی کے حقوق 1991 کے پانی کی تقسیم کے معاہدے اور واٹر پالیسی 2018 کے تحت محفوظ ہیں۔اجلاس میں پہلگام حملے کے بعد بھارت کے یکطرفہ، غیر قانونی اور غیر ذمہ دارانہ اقدامات کی بھرپور مذمت کی گئی۔سی سی آئی نے قومی امنگوں کی ترجمانی کرتے ہوئے ممکنہ بھارتی جارحیت اور مس ایڈونچر کے تناظر میں پوری قوم کے لیے اتحاد اور یکجہتی کا پیغام دیا۔اعلامیے میں کہا گیا کہ پاکستان ایک پرامن اور ذمہ دار ملک ہے، لیکن اپنے دفاع کی مکمل صلاحیت رکھتا ہے۔تمام صوبائی وزرائے اعلیٰ نے بھارت کے غیر قانونی اقدامات کے خلاف وفاقی حکومت کے شانہ بہ شانہ کھڑے ہونے کا عزم ظاہر کیا۔سی سی آئی نے سینیٹ میں بھارتی غیر قانونی اور غیر ذمہ دارانہ اقدامات کے خلاف پیش کی گئی قرارداد کی بھی بھرپور حمایت کا اعلان کیا۔اجلاس کے بعد میڈیا سے گفتگو کرتے ہوئے وزیر اعلیٰ خیبر پختونخوا ( کے پی کے ) علی امین گنڈا پور کا کہنا تھا کہ معاہدے کے مطابق صوبوں کو پانی کا حصہ دیا گیا ہے اور ہر صوبے کو ان کے حصے کا پانی دیا جائے گا، ہم کسی کا حق کسی کو کھانے نہیں دیں گے۔علی امین گنڈاپور کا کہنا تھا کہ کسی صوبے کے مسائل ہیں تو بیٹھ کر حل کرنے کا فیصلہ کیا گیا ہے۔ان کا کہنا تھا کہ این ایف سی ایوارڈ کا مسئلہ حل ہوگیا، 10 ویں اور11 ویں این ایف سی کا مسئلہ ہے، ہمیں ضم اضلاع کا حق دیا جائے گا۔انہوں نے مزید کہا کہ جون میں مشترکہ مفادات کونسل کا اجلاس دوبارہ ہوگا اور ہمارا آئینی حق ہمیں مل جائے گا۔

مشترکہ مفادات کونسل نے دریائے سندھ سے نئی نہریں نکالنے کا منصوبہ ختم کردیا

جب تک صوبوں کے درمیان مکمل اتفاق رائے نہیں ہوتا وفاقی حکومت نئی نہروں کی تعمیر آگے نہیں بڑھائیگی، اجلاس کا اعلامیہ

پاکستان میں ذی القعد 1446 ہجری کا چاند نظر آگیا، یکم ذی القعد 1446 ہجری کل بروز منگل 29 اپریل 2025 کو ہوگی۔مرکزی رویت ہلال کمیٹی کے مطابق ملک کے مختلف علاقوں سے چاند نظر آنے کی شہادتیں موصول ہوئیں،چیئرمین مولانا عبدالخبیر آزاد نے ٹیلی فون کے ذریعے مرکزی رویت ہلال کمیٹی میں چاند نظر آنے کا اعلان کیا۔قبل ازیں اسپیس اینڈ اپر ایٹماسفیئر ریسرچ کمیشن (سپارکو) نے بھی پاکستان میں آج ذی القعدہ کا چاند نظر آنے کی پیشگوئی کی تھی۔سپارکو نے اعلان کیا تھا کہ ذوالقعدہ 1446 ہجری کے نئے چاند کی پیدائش 28 اپریل 2025 کی رات 12بج کر31منٹ پر متوقع ہے، 28 اپریل کو غروب آفتاب کے وقت نئے چاند کی عمر تقریباً 18 گھنٹے اور 51 منٹ ہوگی۔ملک کے ساحلی علاقوں میں غروب آفتاب اور چاند کے نکلنے کا دورانیہ 53 منٹ ہونے کی توقع ہے، یہ صورتحال نئے چاند کی رویت کیلئے سازگار ہیں۔فلکیاتی پیرا میٹرز کی بنیاد پر ذوالقعدہ کا نیا چاند 28 اپریل 2025 کی شام کو صاف موسمی حالات میں ممکن ہے نتیجتاً یکم ذوالقعدہ 29 اپریل 2025 کو ہونے کا امکان ہے۔

پاکستان میں ذیقعد 1446 ہجری کا چاند نظر آگیا،یکم ذی القعد کل ہوگی

ملک کے مختلف حصوں سے چاند نظر آنے کی متعدد شہادتیں موصول ہوئیں، مرکزی رویت ہلال کمیٹی

اسلام آباد ہائیکورٹ کے جج جسٹس بابر ستار کا عبوری آرڈر قائم مقام چیف جسٹس کے ڈویژن بنچ سے معطل ہونے پر نیا تنازع کھڑا ہوگیا۔جسٹس بابر ستار کی ہدایت کے باوجود کیس اُن کے بنچ میں مقرر نہ ہو سکا، تاہم آرڈر معطل ہونے کے باوجود جسٹس بابر ستار نے کیس سماعت کی اور 8 صفحات پر مشتمل تحریری حکم نامہ بھی جاری کردیاجبکہ ڈی جی امیگریشن اینڈ پاسپورٹ اور ڈائریکٹر نیب کو عدالتی احکامات کی خلاف ورزی پر توہینِ عدالت کا شوکاز نوٹس جاری کرنے کے معاملے پر جسٹس بابر ستار کے آرڈر معطل ہونے کے باوجود ان کی جانب سے ایک اور آرڈر جاری کرنے پر قائم مقام چیف جسٹس اسلام آبد ہائیکورٹ سرفراز ڈوگر نے برہمی کا اظہار کیا ہے۔تفصیلات کے مطابق قائم مقام چیف جسٹس اسلام آباد ہائیکورٹ کی سربراہی میں ڈویژن بینچ نے توہین عدالت شوکاز نوٹس کیس میں جسٹس بابر ستار کا جاری حکمنامہ بھی معطل کردیا۔ڈی جی امیگریشن اینڈ پاسپورٹ نے جسٹس بابر ستار کے آرڈر کے خلاف انٹراکورٹ اپیل دائر کر رکھی ہے، قائم مقام چیف جسٹس سرفراز ڈوگر، جسٹس محمد آصف پر مشتمل ڈویڑن بینچ نے انٹراکورٹ اپیل پر سماعت کی۔قائم مقام چیف جسٹس کی سربراہی میں ڈویژن بینچ نے توہین عدالت شوکاز نوٹس کیس میں حکمنامہ معطل کیا، قائم مقام چیف سرفراز ڈوگر جسٹس بابر ستار کا آرڈر معطل ہونے کے باوجود حکم نامہ جاری ہونے پر برہم ہوئے۔وکیل ڈائریکٹوریٹ امیگریشن کے مطابق جسٹس بابر ستار نے بھی پیر کو سماعت کی اور 8 صفحات کا آرڈر بھی جاری کر دیا ہے، جس پر قائم مقام چیف جسٹس اسلام آباد ہائیکورٹ نے کہا کہ وہ آرڈر کیسے پاس کر سکتے ہیں؟ ان کے پاس تو کیس ہی نہیں؟ پٹیشن میرے پاس ڈویژن بینچ میں کلب ہے، توہین عدالت نوٹس معطل کیا ہوا ہے، جسٹس بابر ستار کا آج کا 8 صفحوں کا آرڈر بھی معطل کر رہے ہیں۔قائم مقام چیف جسٹس نے ریمارکس دیے کہ میں اس معاملے کو انتظامی جانب بھی دیکھوں گا، ایسا نہیں ہونا چاہیے، پہلے مجھے یہ دیکھنے دیں کہ اس جج نے آرڈر کیسے کر دیا۔عدالت نے انٹراکورٹ اپیل پر سماعت ملتوی کر دی۔قبل ازیںاسلام آباد ہائیکورٹ کے جج جسٹس بابر ستار کا عبوری آرڈر قائم مقام چیف جسٹس کے ڈویژن بنچ سے معطل ہونے پر نیا تنازع کھڑا ہوگیا۔جسٹس بابر ستار کی ہدایت کے باوجود کیس اُن کے بنچ میں مقرر نہ ہو سکا، تاہم آرڈر معطل ہونے کے باوجود جسٹس بابر ستار نے کیس سماعت کی اور 8 صفحات پر مشتمل تحریری حکم نامہ بھی جاری کردیا جسٹس بابر ستار کے جاری حکم نامے میں کہا گیا ہے کہ 26 مارچ کا کیس مقرر کرنے کا آرڈر ڈویژن بینچ میں چیلنج ہی نہیں ہوا تو معطل کیسے ہو سکتا ہے؟ 12 اور 26 مارچ کے آرڈرز عبوری تھے اور کیس کا حتمی فیصلہ ابھی آنا باقی ہے۔حکم نامے میں کہا گیا ہے کہ چیف جسٹس کے پاس زیرسماعت کیس میں انتظامی سائیڈ پر مداخلت کا کوئی اختیار نہیں، ڈپٹی رجسٹرار آئی ٹی بتائیں کس کے کہنے پرجوڈیشل آرڈرز ویب سائٹ سے ہٹائے؟ عدالتی ہدایت کے باوجود کیس مقرر نہ کرنےپر ڈپٹی رجسٹرار کے خلاف کیوں نہ کارروائی کی جائے؟ڈپٹی رجسٹرار جوڈیشل کو طلب کرنے پر انہوں نے نوٹ پیش کیا کہ آرڈر ڈویژن بینچ نے معطل کر دیا، ڈپٹی رجسٹرار جوڈیشل نے کیس کاز لسٹ میں شامل نہ کر کے بادی النظر میں عدالتی حکم کی خلاف ورزی کی۔حکم نامے کے مطابق ڈپٹی رجسٹرار جوڈیشل نے ہدایات کے باوجود بھی کیس سپلیمنٹری کازلسٹ میں بھی شامل نہیں کیا، ڈپٹی رجسٹرار جوڈیشل نے جواز دیا کہ ڈویژن بینچ کی ہدایت کے مطابق کیس مقرر نہیں کیا جا سکتا، بظاہر ڈویژن بینچ کی درست طور پر معاونت نہیں کی گئی کہ یہ عبوری آرڈر ہے،لا ریفارمز آرڈیننس کے تحت سنگل بینچ کے حتمی فیصلے کے خلاف ہی انٹراکورٹ اپیل دائر کی جا سکتی ہے، ریکارڈ طلب کر کے یا کسی ڈائریکشن کے ذریعے آئینی عدالت کی کارروائی میں رکاوٹ ڈالنا ناقابلِ تصور ہے۔حکمنامے میں کہا گیا ہے کہ کیس 7 مئی کو آئندہ سماعت کے لیے مقرر کیا جاتا ہے، رجسٹرار آفس کیس کازلسٹ میں شامل کرے، کیس کازلسٹ میں شامل نہیں بھی کیا جاتا تو بھی 7 مئی کو سماعت کی جائے گی، آرڈر کی کاپی تمام فریقین کو بھیجی جائے تاکہ وہ آئندہ سماعت پر اپنی حاضری یقینی بنائیں۔بعد ازاں عدالت نے ڈپٹی رجسٹرار جوڈیشل اور ڈپٹی رجسٹرار آئی ٹی کو آئندہ سماعت پر ذاتی حیثیت میں طلب کر لیا۔واضح رہے کہ جسٹس بابر ستار نے ڈی جی امیگریشن اینڈ پاسپورٹ اور ڈائریکٹر نیب کو توہینِ عدالت کا شوکاز نوٹس جاری کیا تھا، قائم مقام چیف جسٹس سرفراز ڈوگر کی سربراہی میں ڈویژن بینچ نے جسٹس بابر ستار کا آرڈر معطل کر دیا تھا۔

قائم مقام چیف سرفراز ڈوگر جسٹس بابر ستار کا آرڈر معطل ہونے کے باوجود حکم نامہ جاری ہونے پر برہم

بابر ستار آرڈر کیسے پاس کر سکتے ہیں؟ ان کے پاس تو کیس ہی نہیں؟ پٹیشن میرے پاس ڈویژن بینچ میں کلب ہے،قائمقام چیف جسٹس

بھارت نے آزادی اظہار کا گلا گھونٹنے کی اپنی روایت برقرار رکھتے ہوئے سابق پاکستانی اسپیڈ اسٹار شعیب اختر کا یوٹیوب چینل ملک بھر میں بلاک کر دیا۔تفصیلات کے مطابق پہلگام حملے کا الزام پاکستان پر دھرنے کے بعد بھارت اوچھے ہتھکنڈوں پر اُتر آیا، پاکستانی فنکاروں کے پراجیکٹس پر پابندی کے بعد بھارت میں پاکستانی کرکٹ ٹیم کے عظیم سابق فاسٹ باؤلر شعیب اختر کا یوٹیوب چینل بھی بلاک کردیا گیا۔بھارتی میڈیا کے مطابق سرکاری ذرائع کا کہنا ہے کہ وزارت داخلہ کی سفارش پر مجموعی طور پر 16 پاکستانی یوٹیوب چینلز پر پابندی عائد کی گئی ہے۔ بھارتی حکام نے الزام عائد کیا کہ یہ چینل پہلگام واقعے کے بعد غلط معلومات اور جھوٹے بیانیے کو فروغ دے رہے تھے۔ ان چینلز کے مجموعی سبسکرائبرز کی تعداد تقریباً 6 کروڑ 30 لاکھ ہے۔شعیب اختر کے چینل کو دنیا بھر میں 35 لاکھ سے زائد صارفین فالو کرتے ہیں جہاں وہ کرکٹ اور معاشرتی موضوعات پر اپنی دوٹوک اور بے لاگ رائے پیش کرتے ہیں۔اپنی بات حق اور سچائی کے ساتھ بیان کرنے والے شعیب اختر کی آواز کو دبانا اس بات کا ثبوت ہے کہ بھارت میں اختلافِ رائے کی کوئی گنجائش باقی نہیں رہی۔دنیا بھر میں جمہوریت اور آزادی رائے کے دعویدار بھارت نے ایک بار پھر اپنی حقیقت دنیا کے سامنے آشکار کر دی ہے۔ جہاں ایک طرف بھارت اقلیتوں کے حقوق سلب کر رہا ہے، وہیں اب وہ بین الاقوامی شخصیات کی آوازوں کو بھی برداشت کرنے سے قاصر دکھائی دے رہا ہے۔بھارت میں شائقین کرکٹ بالخصوص شعیب اختر کے مداح اس صورتحال پر افسوس کا اظہار کر رہے ہیں اور اس بارے میں مزید وضاحت کے منتظر ہیں۔

پہلگام واقعے پر مودی سرکار کی بوکھلاہٹ، شعیب اختر کا یوٹیوب چینل بھی بلاک

پاکستانی اسپیڈ اسٹارشعیب اختر کے چینل کو دنیا بھر میں 35 لاکھ سے زائد صارفین فالو کرتے ہیں،رپورٹ

اٹارنی جنرل آف پاکستان منصور عثمان اعوان نے کہا ہے کہ پہلے سندھ کنال کا معاملہ زیر بحث رہا، بھارت نے جو کچھ کیا سب کی توجہ اس پر ہے اور آج عالمی عدالت انصاف روانگی تھی لیکن منسوخ کردی۔سپریم کورٹ میں فوجی عدالتوں میں سویلینز کے ٹرائل کے فیصلے کے خلاف انٹرا کورٹ اپیل پر سماعت ہوئی، جسٹس امین الدین خان کی سربراہی میں 7 رکنی بینچ نے کیس کی سماعت کی۔فوجی عدالتوں میں سویلینز کے ٹرائل سے متعلق کیس میں اٹارنی جنرل نے بیان دیا کہ ملٹری ٹرائل کا سامنا کرنے والوں کو اپیل کا حق دینے کا معاملہ پالیسی میٹر ہے اور اس پر ہدایات لے کر ہی گزارشات عدالت کے سامنے رکھ سکتا ہوں ۔انہوں نے کہا کہ میں نے تو صرف گذارشات رکھی ہیں آگے وقت دینا یا نا دینا عدالت نے طے کرنا ہے، ملٹری ایکٹ میں شقیں 1967 سے موجود ہیں۔اس پر آئینی بینچ کے رکن جسٹس جمال خان مندوخیل نے کہا پارلیمنٹ نے جو کرنا ہے کرے وہ ان کا پالیسی معاملہ ہے، ہم نے صرف اس کیس کی حد تک معاملہ دیکھنا ہے۔جسٹس جمال خان مندوخیل  نے ریمارکس دیے کہ یہ پالیسی فیصلہ بھی کر لیں سول نظام ناکام ہو چکا سب کیسز فوجی عدالت بھیج دیں۔جسٹس محمد علی مظہر نے پوچھا دلائل میں کتنا وقت درکار ہوگا؟ اٹارنی جنرل نے کہا وہ 45 منٹ میں دلائل مکمل کر لیں گے۔بعد ازاں عدالت نے کیس کی مزید سماعت 5 مئی تک ملتوی کردی گئی۔

بھارتی اقدام پر آج عالمی عدالت انصاف روانگی تھی جو منسوخ کردی، اٹارنی جنرل پاکستان

پہلے سندھ کنال کا معاملہ زیر بحث رہا، اب بھارت نے جو کچھ کیا اس پر سب کی توجہ ہے، منصور عثمان اعوان

پاکستان تحریک انصاف کی سر گرم کارکن صنم جاوید اور ان کے شوہر عتیق احمد کو گرفتار کرلیا گیا،میڈیارپورٹس کے مطابق صنم جاوید اور ان کے شوہر کو گرین ٹاؤن کے علاقے سے حراست میں لیا گیا ہے۔پولیس کے مطابق صنم جاوید اور ان کے شوہر کو 9 مئی کے جلاؤ گھیرائو کے مقدمات میں گرفتار کیا گیا ہے۔رپورٹ کے مطابق پولیس کی نفری نے دونوں میاں بیوی کو حراست میں لیا اور اپنے ہمراہ لے کر روانہ ہوگئی۔اہلخانہ نے تصدیق کی کہ صنم جاوید کے ساتھ ان کے شوہر عتیق ریاض کو بھی حراست میں لیا گیا۔صنم جاوید 9 مئی کیسز کی جیل میں جاری عدالتی سماعت کے بعد کوٹ لکھپت جیل سے باہر نکلی تھیں۔رپورٹ کےپولیس اور ایف آئی اے کے مشترکہ آپریشن کے دوران پی ٹی آئی کی کارکن صنم جاوید اور ان کے شوہر عتیق احمد کو لاہور کے علاقے ٹاؤن شپ سے گرفتار کیا گیا، صنم جاوید کے خلاف 7 اے ٹی اے کی دفعات پر کیس درج ہے۔پولیس ذرائع کے مطابق صنم جاوید پر سنگین الزامات کے تحت تحقیقات جاری ہیں اور انہیں مزید تفتیش کے لیے متعلقہ تھانے منتقل کر دیا گیا ہے۔دوسری جانب صنم جاوید کے شوہر عتیق احمد کو وزیر اطلاعات پنجاب کی اے آئی ویڈیو بنا کر وائرل کرنے کے الزام میں گرفتار کیا گیا۔ ابتدائی تفتیش کے مطابق عتیق پر الزام ہے کہ وہ سوشل میڈیا پر جعلی مواد پھیلانے میں ملوث رہا ہے۔ حکام کے مطابق گرفتار شدگان سے مزید تفتیش جاری ہے اور کیسز میں ممکنہ دیگر ملزمان کی گرفتاریوں کا بھی امکان ہے۔

پی ٹی آئی کی سر گرم کارکن صنم جاوید اور ان کے شوہر عتیق احمد کو گرفتار کرلیا گیا

صنم جاوید کے شوہر کو وزیر اطلاعات پنجاب کی اے آئی ویڈیو بنا کر وائرل کرنے کے الزام میں گرفتار کیا گیا

جنوبی وزیرستان کے علاقے وانا میں واقع ایک مقامی امن کمیٹی کے دفتر میں زور دار بم دھماکہ ہوا جس کے نتیجے میں سات افراد جاں بحق اور نو زخمی ہو گئے۔ ہسپتال انتظامیہ کے مطابق دھماکے کے بعد مجموعی طور پر سولہ افراد کو زخمی حالت میں ہسپتال منتقل کیا گیا تھا، جن میں سے سات جانبر نہ ہو سکے۔میڈیارپورٹس کے مطابق اس حوالے سے ڈپٹی کمشنر کا کہناہے کہ دھماکے میں 15 افراد زخمی ہوئے ہیں، دھماکے میں امن کمیٹی کے رہنما کو نشانہ بنایا گیا۔ڈپٹی کمشنر کا بتانا ہے کہ جنوبی وزیرستان دھماکے کے زخمیوں کو ہیڈکوارٹر اسپتال وانا منتقل کیا جا رہا ہے جبکہ دھماکے میں کئی افراد ملبے تلے دب گئے ہیں۔اس حوالے سے پولیس نے بتانا کہ دھماکے سے امن کمیٹی کا دفتر مکمل طور پر تباہ ہو گیا ہے، جائے وقوعہ پر پولیس کی بھاری نفری موجود ہے، ملزمان کی تلاش کے لیے علاقے میں سرچ آپریشن جاری ہے۔پولیس کے مطابق اطلاع ملتے ہی ریسکیو ٹیمیں اور مقامی افراد فوراً جائے وقوعہ پر پہنچے اور زخمیوں کو نکالنے کے لیے امدادی کارروائیاں شروع کر دیں۔دوسری جانب وفاقی وزیرداخلہ محسن نقوی نے جنوبی وزیرستان کے وانا بازار میں امن کمیٹی کے دفتر کے قریب دھماکے کی شدید الفاظ میں مذمت کی ہے۔وفاقی وزیرداخلہ محسن نقوی نے کہا ہے کہ معصوم لوگوں کی جانوں سے کھیلنے والے عناصر کسی رعایت کے مستحق نہیں۔

جنوبی وزیرستان، وانا بازار میں بم دھماکا،7 افراد جاں بحق، متعددزخمی

دھماکے سے دفتر مکمل تباہ ، سکیورٹی فورسز نے علاقے کو گھیرے میں لیکر تحقیقات شروع کر دیں

لندن (این این آئی)لیورپول نے انگلش پریمیئر لیگ چیمپئن شپ جیت کر مانچسٹر یونائیٹڈ کا 20 ٹاپ فلائٹ ٹائٹلز کا ریکارڈ برابر کردیا۔لیورپول نے ٹوٹنہم ہوٹسپر کو ایک کے مقابلے میں پانچ گول سے ہرا کر انگلش پریمیئر لیگ ٹائٹل جیت لیا۔لیور پول نے اپنے 34 ویں میچ میں ٹوٹنہم ہوٹسپر کو آؤٹ کلاس کیا، پہلے ہی ہاف میں تین گول کردیئے، یہ گول ڈیاز، میک الیسٹر اور گیکپو نے اسکور کیے جبکہ ٹوٹنہم ہوٹسپر کا واحد گول اسی ہاف میں بنا جو ڈی سولنکی نے اسکور کیا۔دوسرے ہاف میں لیور پول کا چوتھا گول محمد صلاح نے بنایا جبکہ لیورپول کا پانچواں گول اون گول تھا، ٹوٹنہم ہوٹسپر کے کھلاڑی یوگی نے گیند اپنے ہی جال میں پہنچائی۔یوں لیورپول نے پانچ ایک سے کامیابی حاصل کر کے پوائنٹس کی تعداد 82 کر لی، جبکہ دوسرے نمبر پر موجود آرسنل کے 67 پوائنٹس ہیں۔دونوں ٹیموں کے ابھی چار چار میچز باقی ہیں، لیکن ٹائٹل لیورپول کے نام ہو گیا ہے۔لیور پول پریمیئر لیگ پانچ سال بعد جیتا ہے اور مجموعی طور پر یہ اس کا 20 واں ٹائٹل ہے.دوسری جانب مانچسٹر سٹی نے ناٹنگھم فاریسٹ کو دو صفر سے شکست دے کر مسلسل تیسری مرتبہ ایف اے کپ کے فائنل میں پہنچنے کا اعزاز حاصل کرلیا۔اس ایونٹ کا فائنل 17 مئی کو مانچسٹر سٹی اور کرسٹل پیلس کے درمیان کھیلا جائے گا۔واضح رہے کہ انگلش پریمیئر لیگ میں لیورپول کی ٹیم پوائنٹس ٹیبل پر 82 پوائنٹس کے ساتھ ٹاپ پوزیشن پر براجمان ہے۔آرسنل کی ٹیم 67 پوائنٹس کے ساتھ دوسرے جبکہ نیوکیسل یونائیٹڈ کی ٹیم 62 پوائنٹس کے ساتھ تیسرے نمبرپر ہے ۔

ٹوٹنہم ہوٹسپر کو شکست،لیورپول نے انگلش پریمیئر لیگ ٹائٹل جیت لیا

انگلش پریمیئر لیگ میں لیورپول کی ٹیم پوائنٹس ٹیبل پر 82 پوائنٹس کے ساتھ ٹاپ پوزیشن پر براجمان ہے

جمہوریت اور آزادی اظہار کی دعویدار مودی حکومت سچ سے خوفزدہ ہو گئی۔ پہلگام فالس فلیگ آپریشن کے حقائق سے خوفزدہ بھارت بوکھلاہٹ کا شکار ہو گیا۔نئی دہلی میں مودی سرکار کی گھبراہٹ ایک بار پھر دنیا کے سامنے آگئی ہے، بھارتی وزارت داخلہ کی سفارش پر 16 پاکستانی یوٹیوب چینلز پر پابندی عائد کر دی گئی ہے۔بھارتی میڈیا نے حکومتی ذرائع کے حوالے سے بتایا کہ پابندی کی زد میں آنے والے اداروں میں پاکستان کے معتبر نیوز چینلز ڈان نیوز، سما ٹی وی، اے آر وائی نیوز اور جیو نیوز ، جی این این اور دیگر شامل ہیں، پابندی سے بھارت بھر میں تقریباً 63 ملین صارفین متاثر ہوئے ہیں۔نشانہ بننے والوں میں معروف سابق کرکٹر شعیب اختر بھی شامل ہیں، جن کے ذاتی چینل کے 3.5 ملین سبسکرائبرز ہیں۔مودی سرکار کا ایجنڈا بھارتی عوام کو سچ سے دور رکھ کر ہندوتوا کو فروغ دینا ہے، بھارتی حکومت نے ان چینلز پر اشتعال انگیز مواد اور جھوٹا بیانیہ پھیلانے کا الزام عائد کیا ہے۔بھارت نے الزام عائد کیا کہ پابندی لگائے گئے پاکستانی یوٹیوب چینلز جموں کشمیر کے پہلگام میں ہوئے المناک واقعہ کے پس منظر میں اشتعال انگیز اور فرقہ وارانہ طور پر حساس مواد، جھوٹے اور گمراہ کن بیانیے اور بھارت، اس کی فوج اور سیکورٹی ایجنسیوں کے خلاف غلط معلومات پھیلا رہے ہیں۔مبصرین کے مطابق بھارتی حکومت کی طرف سے پاکستانی میڈیا پر پابندی عائد کرنا دراصل اپنی ناکامیوں اور اندرونی تضادات کو چھپانے کی ایک کوشش ہے۔ بھارت نہ تو عالمی برادری کو پہلگام واقعے کے بارے میں شفاف شواہد فراہم کر سکا، اور نہ ہی اپنی سیکیورٹی اداروں کی ناکامیوں کا جواب دے سکا۔ اس کے بجائے، اس نے آزاد صحافت کا گلا گھونٹ کر سچائی کو دبانے کی کوشش کی ہے۔پاکستانی میڈیا ادارے بین الاقوامی اصولوں کے تحت خبروں کی ترسیل کر رہے تھے اور بھارتی ریاستی پروپیگنڈے کو بے نقاب کر رہے تھے، جس سے مودی حکومت کی بوکھلاہٹ میں اضافہ ہوا۔یہ امر بھی قابل ذکر ہے کہ بھارت کی جانب سے یکطرفہ طور پر پاکستانی میڈیا کے خلاف کارروائی ایسے وقت میں کی گئی ہے جب خود بھارت میں فسطائیت اور میڈیا سنسرشپ عروج پر ہے۔ مودی سرکار کا یہ تازہ اقدام دنیا کو یہ پیغام دیتا ہے کہ جب سچائی بھارت کے جھوٹے بیانیے کو للکارتی ہے تو بھارت اسے دبانے کے لیے اوچھے ہتھکنڈوں پر اتر آتا ہے۔بین الاقوامی تجزیہ کاروں نے خبردار کیا ہے کہ بھارتی اقدامات نہ صرف خطے میں کشیدگی کو بڑھا سکتے ہیں بلکہ بھارت کی جمہوری ساکھ کو بھی شدید نقصان پہنچا سکتے ہیں۔

مودی سرکار سچ سے ڈر گئی ، 16 پاکستانی یوٹیوب چینلز پر پابندی عائد

پہلگام فالس فلیگ آپریشن کے حقائق سے خوفزدہ بھارت بوکھلاہٹ کا شکار ہو گیا

امریکی اخبار نیو یارک ٹائمز نے پہلگام فالس فلیگ آپریشن کو بے نقاب کر دیا، بھارت کے جنگی جنون پر نیو یارک ٹائمز کی اہم رپورٹ سامنے آئی ہے۔امریکی جریدے نیویارک ٹائمز نے اپنی رپورٹ میں انکشاف کیا ہے کہ بھارت پاکستان پر حملے کے لیے بنیاد تیار کر رہا ہے، تاہم پہلگام واقعے سے متعلق بھارتی حکام تاحال کوئی ٹھوس شواہد فراہم نہیں کر سکے۔ نیویارک ٹائمز کی رپورٹ کے مطابق  بھارتی وزیراعظم نریندر مودی نے درجنوں عالمی رہنماؤں سے رابطہ کر کے پاکستان کے خلاف اقدامات میں مدد اور تعاون طلب کیا۔ رپورٹ میں کہا گیا ہے کہ نئی دہلی میں وزارت خارجہ نے 100 سے زائد غیر ملکی سفارتکاروں کو بریفنگ دی، تاہم بھارتی حکام کوئی ٹھوس ثبوت فراہم کرنے میں ناکام رہے۔نیویارک ٹائمز کی رپورٹ کے مطابق بھارت عالمی برادری میں کشیدگی کم کرنے کے بجائے پاکستان کے خلاف فوجی کارروائی کا جواز تیار کر رہا ہے۔ مودی حکومت نے پاکستان پر دہشت گردوں کی مبینہ حمایت کا الزام عائد کرتے ہوئے شدید ردعمل کی دھمکی بھی دی ہے۔رپورٹ کے مطابق بھارتی تجزیہ کار اور سفارتکار تسلیم کرتے ہیں کہ بھارت کو پاکستان پر حملے سے قبل دہشت گردانہ حملے سے متعلق مزید معلومات اکٹھی کرنے کی ضرورت ہے۔نیویارک ٹائمز کا مزید کہنا ہے کہ بھارت نے 1960 کے تاریخی انڈس واٹر ٹریٹی کو بھی معطل کر دیا ہے جبکہ اب تک پاکستان کے خلاف کوئی عوامی ثبوت پیش نہیں کیا گیا۔ دوسری طرف کئی عالمی ریاستوں نے بھارت سے ٹھوس شواہد فراہم کرنے کا مطالبہ کیا ہے۔رپورٹ میں مزید انکشاف کیا گیا ہے کہ بھارت نے سفارتی تعلقات محدود کرتے ہوئے کئی پاکستانی سفارتکاروں کو ملک بدر کر دیا اور ویزے بھی منسوخ کر دیے۔انسانی حقوق کی صورتحال پر نیویارک ٹائمز نے تشویش کا اظہار کرتے ہوئے لکھا کہ بھارت میں کشمیریوں کے خلاف کریک ڈاؤن تیز کر دیا گیا ہے جس کے باعث انسانی حقوق کی سنگین خلاف ورزیاں سامنے آ رہی ہیں۔نیویارک ٹائمز کی رپورٹ کے مطابق   بھارت میں مسلم مخالف جذبات میں خطرناک حد تک اضافہ ہو چکا ہے اور کشمیری طلباء کو ہراساں کرنے کے ساتھ ساتھ تعلیمی اداروں سے بے دخل کیا جا رہا ہے۔

پہلگام واقعہ، بھارت پاکستان پر حملے کیلئےماحول بنا رہا ہے، نیویارک ٹائمز کا انکشاف

بھارت 100 غیر ملکی سفارتکاروں کو بریفنگ کے دوران ثبوت پیش نہیں کر سکا ، نیویارک ٹائمز

چین نے پہلگام واقعے کے معاملے پر پاکستان کی حمایت کا اعلان کردیا۔چین کے وزیر خارجہ کی جانب سے جاری بیان میں کہا گیا ہے کہ ’ہم پاکستان کے جائز سیکیورٹی خدشات کو مکمل طور پر سمجھتے ہیں اور پاکستان کی خودمختاری و سلامتی کے مفادات کے تحفظ کی کوششوں کی بھرپور حمایت کرتے ہیں۔انہوں نے پہلگام میں پیش آنے والے حالیہ واقعے کی منصفانہ اور بروقت تحقیقات کی حمایت کا بھی اعادہ کیا۔چینی وزیرخارجہ وانگ یی نے کہا کہ دہشت گردی کا مقابلہ کرنا اقوام کی مشترکہ ذمہ داری ہے، وانگ یی نے پاکستان کےمعقول سیکورٹی خدشات پرچین کی حمایت کا بھی اظہار کیا۔ چینی وزیر خارجہ پاکستان اور بھارت دونوں پر زور دیا کہ وہ صبر و تحمل کا مظاہرہ کریں اور مسائل کے حل کے لیے بات چیت کے راستے کو اپنائیں۔واضح رہے کہ چار روز قبل مقبوضہ کشمیر کے علاقے پہلگام میں ایک واقعہ پیش آیا جس میں مسلح افراد کی فائرنگ سے 27 سیاح ہلاک ہوگئے تھے۔ بھارت نے اس واقعے کا بے بنیاد الزام پاکستان پر عائد کرتے ہوئے سندھ طاس معاہدے کو معطل اور مختلف اقدامات اٹھائے تھے۔جواب میں پاکستان نے بھی بھرپور حکمت عملی اپناتے ہوئے بھارت سے ہر قسم کی تجارت، پاکستانی فضائی حدود کو بھارتی ایئرلائنز کے لیے مکمل بند جبکہ بھارتی سفارت کاروں کو ناپسندیدہ قرار دیتے ہوئے ملک چھوڑنے کا حکم دیا تھا۔ پہلگام میں پیش آئے حملے کے بعد پاکستان نے عالمی سطح پر غیر جانبدارانہ تحقیقات کی پیش کش کی اور اس حوالے سے مؤثر سفارت کاری کرتے ہوئے دنیا بھر کے وزرائے خارجہ سے نائب وزیر اعظم نے رابطہ کر کے صورت حال سے آگاہ کیا۔

پہلگام واقعہ پرچین نے پاکستان کی بھرپور حمایت کا اعلان کردیا

پاکستان کے سیکیورٹی خدشات کو سمجھتے اور خودمختاری و سلامتی کے تحفظ کی کوششوں کی بھرپور حمایت کرتے ہیں،چینی وزیر خارجہ

پاکستان سپر لیگ (پی ایس ایل )  سیزن 10 کے 2 میچز کا شیڈول تبدیل کردیا گیا ہے، دونوں میچز کی نئی تاریخ بھی سامنے آگئی۔پاکستان کرکٹ بورڈ کے مطابق یکم مئی کو ملتان میں شیڈول کراچی کنگز اور ملتان سلطانز کا مقابلہ اب لاہور میں ہو گا۔یکم مئی کو ملتان کا میچ لاہور منتقل کر دیا گیا ہے، یکم مئی کو ملتان سلطانز اور کراچی کنگز لاہور میں مد مقابل ہوں گی، میچ ری شیڈول ہونے سے قذافی اسٹیڈیم یکم مئی کو ڈبل ہیڈر کی میزبانی کرے گا۔کراچی کنگز اور ملتان سلطانز کا مقابلہ سہ پہر 3 بجے ہو گا جب کہ لاہور قلندرز اور کوئٹہ گلیڈی ایٹرز کا مقابلہ رات 8 بجے ہو گاجبکہ 10مئی کو کوئٹہ اور ملتان کا مقابلہ بھی ایک دن آگے بڑھا دیا گیا ہے 11 مئی کو ملتان کرکٹ اسٹیڈیم میں میچ شام 8 بجے شروع ہوگا۔حکام کا کہنا ہے کہ میچز کا شیڈول موسم کی شدت اور آپریشنل آسانی کو مدنظر رکھتے ہوئے بدلا گیا۔

پی سی بی نے پاکستان سپر لیگ سیزن 10 کے 2 میچ ری شیڈول کر دیے

یکم مئی کو ملتان میں شیڈول کراچی کنگز اور ملتان سلطانز کا مقابلہ اب لاہور کے قذافی اسٹیڈیم میں ہو گا

ممبئی (این این آئی)بالی ووڈ اور کرکٹ کی سب سے مشہور جوڑی انوشکا شرما اور ویرات کوہلی کے لندن منتقل ہونے کی اصل وجہ آخرکار سامنے آگئی ہے۔ اداکارہ مادھوری ڈکشٹ کے شوہر ڈاکٹر سری رام نینے نے کہاکہ انوشکا اور ویرات نے بھارت میں اپنی شہرت اور مسلسل عوامی توجہ سے تنگ آ کر یہ قدم اٹھایا،وہ چاہتے تھے کہ ان کے بچے ایک عام ماحول میں پرورش پائیں، جہاں ہر چھوٹی حرکت پر کیمروں کا فلش نہ چمکے۔انہوں نے بتایا کہ بھارت میں رہتے ہوئے یہ جوڑا اپنی نجی زندگی کے معمول ترین لمحات سے بھی لطف اندوز نہیں ہو پاتا تھا۔انہوںنے کہاکہ باہر کھانے جانا ہو، پارک میں سیر کرنا ہو یا بچوں کے ساتھ وقت گزارنا، ہر جگہ انہیں مداحوں اور میڈیا کا ایک ہجوم گھیر لیتا تھا، یہی وجہ ہے کہ انوشکا اور ویرات نے لندن کو اپنا مستقل گھر بنانے کا فیصلہ کیا، جہاں وہ زیادہ پرائیویسی کے ساتھ رہ سکیں،یہ جوڑا 2013 میں ایک کمرشل شوٹ کے دوران ملا تھا اور 2017 میں انہوں نے ایک پرائیویٹ تقریب میں شادی کی۔ ان کی بیٹی وامیکا 2021 میں پیدا ہوئی، جبکہ فروری 2024 میں ان کے بیٹے اکائے کی پیدائش ہوئی۔ ڈاکٹر نینے کے مطابق یہ فیصلہ جذباتی ضرور تھا، لیکن اس کے پیچھے ایک واضح سوچ تھی، اپنے بچوں کو ایک متوازن اور خوشگوار زندگی دینا۔پیشہ ورانہ طور پر ویرات کوہلی اب بھی فعال ہیں اور آئی پی ایل 2024 میں رائل چیلنجرز بینگلور کی نمائندگی کر رہے ہیں۔ انہوں نے اب تک 9 میچز میں 392 رنز بنائے ہیں، جس میں 5 نصف سنچریاں شامل ہیں۔ تاہم، کھیل کے میدان سے باہر وہ اپنی فیملی کے ساتھ ایک پر سکون زندگی گزارنا چاہتے ہیں، شاید یہی وجہ ہے کہ لندن ان کا نیا گھر بن گیا ہے۔

ویرات کوہلی اور انوشکا نے بھارت چھوڑ کرلندن منتقل ہونےکافیصلہ کرلیا

انوشکا اور ویرات نے بھارت میں اپنی شہرت اور مسلسل عوامی توجہ سے تنگ آ کر یہ قدم اٹھایا، رام نینے

پی ایس ایل سیزن 10 کے 17 ویں میچ میں کوئٹہ گلیڈی ایٹرز نے پشاور زلمی کو 64 رنز سے شکست دیدی۔کوئٹہ گلیڈی ایٹرز کے 179 رنز کے ہدف کے تعاقب میں پشاور زلمی کی پوری ٹیم 15.2 اوورز میں 114 رنز پر ڈھیر ہوگئی۔قبل ازیں قذافی اسٹیڈیم لاہور میں ہونیوالے میچ میں پشاور زلمی نے ٹاس جیت کر کوئٹہ گلیڈی ایٹرز کو بیٹنگ کی دعوت دی، پہلے بیٹنگ کرتے ہوئے کوئٹہ گلیڈی ایٹرز نے مقررہ 20 اوورز میں 7 وکٹوں کے نقصان پر 178 رنز بنائے۔کوئٹہ گلیڈی ایٹرز کی جانب سے اننگز کا آغاز کپتان سعود شکیل اور فن ایلن نے کیا تاہم 46 کے مجموعی اسکور پر فن ایلن 31 رنز بناکر آؤٹ ہوگئے ، ریلی روسو 27 ، سعود شکیل اور کوشال مینڈاس 32، 32 ، مارک چیمین 33 رنز ، فہیم اشرف ایک اور حسن نواز 8 رنز بناکر آؤٹ ہوگئےپشاور زلمی کی جانب سے الرازی جوزف نے 3 ، صائم ایوب نے 2 جبکہ لک وڈ نے ایک وکٹ حاصل کی۔ 179رنز کے جواب میں پشاور زلمی کوئٹہ گلیڈی ایٹرز کے سامنے بالکل بے بس نظر آئی اور پوری ٹیم 16 ویں اوورز کی دوسری گیند پر 114 رنز بنا کر آؤٹ ہوگئی۔ پشاور زلمی نے بیٹنگ کا آغاز کیا تو صائم ایوب 17 کے مجموعی اسکور پر صرف 7 رنز بناکر فہیم اشرف کا شکار بنے، اس کے بعد محمد عامر نے بابر اعظم کو 12 رنز اپنا شکار بنا کر پویلین بھیجا، یوں زلمی کو 21 پر دوسرے نقصان کا سامنا کرنا پڑا۔زلمی کے حسین طلعت کے علاوہ کوئی بھی کھلاڑی گلیڈی ایٹرز کے بولرز کے آگے زیادہ دیر تک وکٹ پر نہ ٹک سکا اور وہ 39 رنز بناکر نمایاں بلے باز رہے۔گلیڈی ایٹرز کے فہیم اشرف نے شاندار بولنگ کرتے ہوئے 3.2 اوورز میں 33 رنز دے کر 5 کھلاڑیوں کو پویلین کی راہ دکھائی۔ جبکہ خرم شہزاد 2، محمد عامر، ابرار اور محمد وسیم نے ایک ایک وکٹ حاصل کی۔

پی ایس ایل10،کوئٹہ گلیڈی ایٹرز نے پشاورزلمی کو64رنز سے ہرا دیا

کوئٹہ گلیڈی ایٹرز کے 179 رنز کے ہدف کے تعاقب میں پشاور زلمی کی پوری ٹیم114 رنز پر ڈھیر ہوگئی

عالمی تنظیم سکھ فار جسٹس کے سربراہ اور خالصتان تحریک کے سینئر رہنما گرپتونت سنگھ پنوں نے پاکستان سے یکجہتی کا اظہار کرتے ہوئے کہا ہے کہ بھارت کی ریاستی دہشت گردی قابل مذمت ہے، ہم پاکستانی عوام کے ساتھ اینٹ کی طرح کھڑے ہیں۔گرپتونت سنگھ پنوں نے ایک بیان میں کہا کہ یہ 1965 ہے نہ ہی 1971، بلکہ یہ 2025 ہے، انڈین آرمی کوپنجاب سے گزر کر پاکستان پر حملہ نہیں کرنے دیں گے،پاکستان کا نام ہی پاک ہے ، ہم 2 کروڑ سکھ پاکستان کے ساتھ کھڑے ہیں۔سکھ فار جسٹس کے سربراہ نے کہا کہ بھارت کی اتنی ہمت نہیں کہ وہ پاکستان پر حملہ کرے، ہماری روایت ہے کہ ہم نے کبھی پہلے حملہ کیا ہے نہ اب حملے میں پہل کریں گے۔انہوں نے کہا کہ جس نے بھی حملہ کیا، پھر وہ بچا نہیں، پھر چاہے وہ اندرا گاندھی ہو نریندر مودی ہو یا امیت شاہ، ہم مودی ، اجیت دودل، امیت شاہ اور جے شنکر کو عالمی قوانین کے تحت کٹہرے میں کھڑا کریں گے۔گرپتونت سنگھ پنوں نے کہا کہ پہلگام میں جو کچھ ہوا، انہوں نے اپنے ہی ہندوؤں کو خود مار دیا، اس حملے کا مقصد راج نیتی اور ووٹ کا حصول ہے۔

انڈین آرمی کو پنجاب سے گزر کر حملہ نہیں کرنے دینگے، گرپتونت سنگھ پنوں کا اعلان

ہم پاکستانی عوام کے ساتھ اینٹ کی طرح کھڑے ہیں، سربراہ سکھ فار جسٹس کا پاکستانیوں کیساتھ یکجہتی کا اظہار

The South Africa vs West Indies Super-8 fixture was one of the most thrilling contests of the ICC Men�s T20 World Cup 2024.

South Africa vs West Indies The Proteas Knock The Co hosts Out Of CWC 2024

The South Africa vs West Indies Super-8 fixture was one of the most thrilling contests of the ICC Men&rsquo;s T20 World Cup 2024.

A win against the mighty West Indies helped South Africa become the second team to qualify for the semi-finals after England. This is the first time that they have qualified for a T20 World Cup knockout stage in a decade.&nbsp;

South Africa vs West Indies clash took place at the Sir Vivian Richards Stadium in North Sound, Antigua on 24th June.&nbsp;

The Proteas had restricted the co-hosts to 135-8 in 20 overs after winning the toss and choosing to bowl first.

Chasing a revised target of 123 runs in 17 overs, since the match was affected by rain, the Proteas reached home in 16.1 overs for the loss of seven wickets.

With this crucial victory South Africa created an important record in their name. They have now won seven matches in a row during the ongoing event, the most by a team in a single T20 World Cup.&nbsp;

This record was previously held by Sri Lanka, who scored six wins in a row in the 2009 T20 World Cup.&nbsp;

The Lankans are tied with Australia who also won six matches in a row in the 2010 and 2021 editions of the T20 World Cup.&nbsp;

Marco Jansen played a critical unbeaten innings, scoring 21 runs off 14 balls to secure victory for his team. He hit a six on the first ball of the final over when they needed just five runs to win.

Although co-hosts West Indies were one of the favorites to qualify for the semi-finals, South Africa knocked them out of the tournament with their nail-biting victory.&nbsp;

Moreover, the Proteas have also topped their Super-8 group which means they are also likely to avoid India in the final four.&nbsp;

South Africa&rsquo;s spinners got the best of the West Indian batting lineup as they were unable to even rotate the strike and that is what led to their eventual downfall.&nbsp;

Is luck siding with South Africa or is it their years long hard work that has landed them in a comfortable spot in the CWC 2024?&nbsp;

South Africa vs West Indies: The Proteas Knock The Co-hosts Out Of CWC 2024

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan