Sports News

Entertainment

کراچی میں ٹریفک پولیس نے 12 ربیع الاوّل کے مرکزی جلوس کا ٹریفک پلان جاری کردیا۔تفصیلات کے مطابق ملک بھر میں عید میلادالنبیؐ  کل مذہبی عقیدت و احترام سے منائی جائے گی، اس موقع پر کراچی میں ایم اے جناح روڈ سمیت اہم سڑکیں بند ہوں گی۔عید میلادالنبیؐ کے موقع پر حکومت کی جانب سے ملک بھر میں عام تعطیل کا اعلان کیا گیا ہے ، اس دن کی مناسبت سے سیرت النبی ؐ کے موضوع پر سیمینارز، کانفرنسز اور محافل نعت کا اہتمام کیا جائے گا، ملک بھر میں جلوس نکالے جائیں گے، لنگر تقسیم اور کیک کاٹے جائیں گے، ملک بھر میں گلی محلوں اور بازاروں کو سبز جھنڈیوں اور برقی قمقموں سے سجا دیا گیا جبک سرکاری و نجی عمارتوں پر بھی چراغاں کیا گیا ہے۔کراچی میں 12 ربیع الاول کے جلوسوں کے باعث ایم اے جناح روڈ اور اطراف کی سڑکیں اور گلیاں بند ہوں گی،اس حوالے سے ٹریفک پولیس نے 12 ربیع الاوّل کے مرکزی جلوس کا ٹریفک پلان جاری کردیا۔ترجمان کراچی پولیس کے مطابق مرکزی جلوس کے راستوں اور گزرگاہوں سمیت جلوس کی نگرانی و سیکیورٹی کیلئے پولیس کے 4 ہزار 332 پولیس افسران و اہلکاروں کو تعینات کیا گیا ہے۔جلوس کی سیکیورٹی کے لیے 87 سینئر افسران سمیت 706 اے ایس آئیز و ایس آئیز ، 3 ہزار 374 ہیڈ کانسٹیبلز و کانسٹیبلز کو تعینات کیا گیا ہے۔ سیکیورٹی ڈویژن کے اہلکاروں سمیت اسپیشل سیکیورٹی یونٹ کے کمانڈوز اور ماہر نشانہ باز بھی ڈیوٹی سرانجام دیں گے۔ٹریفک پولیس کا کہنا ہے کہ جلوس کے راستے اور اس سے منسلک گلیاں ٹریفک کیلئے بند رہیں گی، ٹریفک کو ایم اے جناح روڈ کی جانب جانے کی اجازت نہیں ہوگی۔کیماڑی سے جناح برج ٹاور کی جانب ٹریفک کو جانے کی اجازت نہیں ہوگی جبکہ یونیورسٹی روڈ سے نیو ایم اے جناح روڈ آنےکیلئے جیل فلائی اوورکے نیچے سے آگے آنے کی اجازت نہیں ہوگی۔لسبیلہ بزنس ریکارڈر روڈ سے آنے والے ٹریفک کو جہانگیر روڈ، جمشید روڈ، بنوری لائٹ سگنل سے نیو ایم اے جناح یا جیل کی جانب موڑ دیا جائے گا، تمام گلیاں، بہادر یار جنگ، گرو مندر مکمل طور پر تمام ٹریفک کےلئے بند رہیں گی۔شارع قائدین سے آنے والی ٹریفک کوسوسائی سگنل سے آگے آنے کی اجازت نہیں ہوگی، ایم آرکیانی چوک سے ٹریفک کو کورٹ روڈ چورنگی کی جانب جانے کی اجازت نہیں ہوگی، ٹریفک کو پریس کلب سےعبداللہ ہارون روڈ کی جانب بھیجا جائے گا۔نشترروڈ، رنچھوڑ لائن سے کھارادر آنے والی ٹریفک کو لی مارکیٹ سے آگے جانے کی اجازت نہیں ہوگی، ٹریفک کو موسیٰ لین، کھڈہ مارکیٹ کی جانب بھیجا جائے گا۔

کراچی میں 12 ربیع الاول کے مرکزی جلوس کا ٹریفک پلان جاری کردیاگیا

ٹریفک کو ایم اے جناح روڈ کی جانب جانے کی اجازت نہیں ہوگی، سیکیورٹی کیلئے پولیس کے 4 ہزارسے زائد اہلکار تعینات

سونا خریدنا خواب بن گیا،پاکستان میں عالمی مارکیٹ کے زیراثر سونے کی قیمت میں ایک بار پھر بڑا اضافہ دیکھنے میں آرہا ہے۔تفصیلات کے مطابق پاکستان میں سونے کی قیمت تاریخ کی بلند ترین سطح پر پہنچ گئی عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخ تاریخ کی بلند ترین سطح پرپہنچ گئے۔آل پاکستان جیمز اینڈ جیولرز ایسوسی ایشن کے مطابق ملک میں آج ایک تولہ سونا 1700 روپے مہنگا ہوا ہے۔1700 روپے اضافے کے بعد ایک تولہ سونا 2 لاکھ 68  ہزار   روپےکا ہوگیا ہے۔دس گرام سونا 1458 روپے اضافے سے 2 لاکھ 29 ہزار 767 روپےکا ہے۔ایسوسی ایشن کے مطابق عالمی بازار میں سونےکا بھاؤ 10 ڈالر اضافے سے2587 ڈالر فی اونس ہے۔دوسری جانب انٹربینک میں آج روپے کے مقابلے میں امریکی کرنسی کی قیمت میں کمی ریکارڈ کی گئی۔کاروباری ہفتے کے پہلے روز انٹربینک میں امریکی کرنسی کی قیمت میں 3 پیسے کی کمی ریکارڈ کی گئی جس کے باعث انٹربینک میں ڈالر 278 روپے 13 پیسے پر بند ہوا۔

ملک میں سونے کی فی تولہ قیمت تاریخ کی بلند ترین سطح پر پہنچ گئی

فی تولہ سونا 1700 روپے اضافے کے بعد 2 لاکھ 68 ہزار روپے کی بلند ترین سطح پر پہنچ گیا

پاکستان تحریک انصاف (پی ٹی آئی) کے رہنما شاہ محمود قریشی نے کہا ہے کہ مولانا فضل الرحمان کو دباؤ میں نہ آنے پر خراج تحسین پیش کرتا ہوں، بلاول اپنے نانا کے بنائے آئین کو دفن کررہے ہیں۔عدالت پیشی کے موقع پر میڈیا سے غیر رسمی گفتگو کرتے ہوئے شاہ محمود قریشی نے کہا کہ مولانا فضل الرحمن نے بہت سمجھ بوجھ سے کام لیا ہے، وہ جانتے ہیں کہ ترمیم عجلت میں نہیں کی جاتی۔ وہ کسی کے دباؤ میں نہیں آئے، میں انہیں خراج تحسین پیش کرتا ہوں۔شاہ محمود قریشی کا کہنا تھا کہ میں تمام سیاسی جماعتوں کو کہنا چاہتا ہوں کہ یہ مسودہ تسلی سے پڑھیں اور اس پر بحث مباحثہ ہو۔ آئینی ترمیم حساس اور سنجیدہ مسئلہ ہے، عجلت میں ترمیم کرنا نامناسب ہے۔ آئینی مسودہ کو سیاسی جماعتوں سے چھپا کر رکھا گیا ہے، اس نے اسمبلی میں آنا ہے، پتا چل جائے گا۔ بہتر ہے س کو سب کے سامنے پیش کیا جائے اور بحث کروائی جائے۔انہوں نے کہا کہ50 سے زائد ترامیم ہیں، عجلت کیوں دکھا رہے ہیں؟۔ وکلا کمیونٹی نے بھی اس کی محالفت کر دی ہے، یہ ترمیم آئین کا جنازہ نکالنے کا مترداف ہے۔ بلاول کو پیغام دیتا ہوں کہ آپ کے نانانے 1973 کا آئین اتفاق رائے سے بنایا تھا، آپ اپنے نانا کے آئین کو دفن کررہے ہیں۔شاہ محمود قریشی نے کہا کہ یہ ترمیم عدلیہ کی آزادی پر حملہ ہے۔ پاکستان کے وکلا نے آئین کے لیے لمبی تحریک چلائی۔ یہ ایسی ترمیم ہے جو آئین کی ساکھ کو تبدیل کردے گی۔ آئین کی ساکھ کو تبدیل کرنے والی ترمیم غیر آئینی ہے۔انہوں نے کہا کہ فلور کراسنگ کی اجازت دی گئی تو پارلیمنٹ بکرا منڈی بن جائیگی، پارلیمنٹ نامکمل ہے پی ٹی آئی کو ابھی مخصوص نشستیں نہیں ملیں، نامکمل پارلیمنٹ یہ ترمیم نہیں کر سکتی۔انہوں نے مزید کہا کہ آبادی کے اضافے پر اسمبلی کی سیٹیں بڑھی جاتی ہیں، بلوچستان کی سیٹوں پر کیوں اضافہ کر رہے ہیں، اگر ایسا ہوا تو سندھ اور سرائیکی بیلٹ سے بھی سیٹوں میں اضافے کا مطالبہ آئیگا، حکومت کو عدلیہ کی تعیناتی اور تبادلوں کا اختیار نہیں ہونا چاہیے، یہ 73ء کے آئین کی شکل بگاڑ رہے ہیں۔

بلاول بھٹوزرداری اپنے نانا کے بنائے آئین کو دفن کررہے ہیں، شاہ محمود قریشی

مولانا فضل الرحمان کو دباؤ میں نہ آنے پر خراج تحسین پیش کرتا ہوں، میڈیا سے غیر رسمی گفتگو

سابق وزیراعظم اور بانی چیئرمین پاکستان تحریک انصاف عمران خان کا کہنا ہے کہ آئینی ترمیم کا مقصد صرف مجھے جیل میں رکھنا ہے۔ یہ قاضی فائز عیسیٰ کو دوبارہ لا کر عدلیہ کو تباہ کرنا چاہتے ہیں۔انہوں نے کہا کہ رول آف لاء کی دھجیاں اڑائی جا رہی ہیں، اس سے بڑا ظلم ملک پر نہیں ہو سکتا، یہ ملک سے قانون کی حکمرانی ختم اور جمہوریت کا بیڑہ غرق کر رہے ہیں۔ راولپنڈی کی اڈیالہ جیل میں صحافیوں سے غیر رسمی گفتگو کرتے ہوئے انہوں نے کہا کہ آئینی عدالت کا قیام اس لیے عمل میں لایا جا رہا ہے کیوں کہ یہ سپریم کورٹ سے ڈرے ہوئے، نئی ترامیم سے ملک کا مستقبل تباہ ہو جائے گا، آئینی ترمیم کا مقصد صرف مجھے جیل میں رکھنا ہے، ان کو پتا ہے قاضی فائز عیسیٰ گیا تو انسانی حقوق کی پٹیشنز سُنی جائیں گی اسی ڈر سی یہ ملک تباہ کر رہے ہیں، عوام کو اپنے حقوق اور عدلیہ کو بچانے کے لیے کھڑا ہونا پڑے گا، میں ججز اور صحافیوں کے ساتھ کھڑا ہوں، لاہور میں پرامن جلسہ و تاریخی احتجاج کریں گے کیوں کہ یہ ہمارے مُلک کے مستقبل کا مسئلہ ہے۔عمران خان کا صحافیوں سے غیر رسمی گفتگو کرتے ہوئے کہناتھا کہ آئینی عدالت کا قیام اس لیے عمل میں لایا جا رہا ہے کیونکہ یہ سپریم کورٹ سے ڈرے ہوئے ہیں کہ اگر الیکشن کھل گیا تو سب کچھ ریورس ہو جائے گا۔ الیکشن فراڈ چھپانے کے لیے یہ سب کچھ کیا جارہا ہے۔عمران خان نے کہا کہ ججز کو دھمکیاں،لوگوں کو اغوا کرنا، رول آف لاء کی دھجیاں اڑائی جارہی ہیں اس سے بڑا ظلم ملک پر نہیں ہو سکتا، نیب ترامیم میں انہوں نے اپنے اربوں روپے معاف کروا کر اپنی چوری کو تحفظ دیا، یہ سب کچھ ملکی مفاد کے خلاف ہو رہا ہے، ایک سیاسی جماعت کو ختم کرنے سے سیاسی عدم استحکام بڑھے گا۔عمران خان کا کہنا تھا کہ ترمیم لانے والوں کے پیسے باہر پڑے ہوئے ہیں، حکومت میں بیٹھے لوگ عدلیہ کو آزاد نہیں دیکھنا چاہتے، اشرافیہ کا مفاد اور ملکی مفاد آپس میں متضاد ہیں، 6 ماہ میں 4 ہزار پاکستانی کمپنیاں دبئی میں رجسٹرڈ ہوئیں، ان کو تو فرق نہیں پڑنا ان کا پیسہ اور جائیدادیں باہر ہیں، محسن نقوی کی اہلیہ کی 500 ملین ڈالر کی پراپرٹی دبئی لیکس میں سامنے آئی اب ہم قرضے لیکر ملک چلارہے ہیں اسی لئے مہنگائی قابو میں نہیں آرہی۔انہوں نے مزید کہا کہ عوام کو اپنے حقوق اور عدلیہ کو بچانے کے لئے کھڑا ہونا پڑے گا، میں ججز، عدلیہ اور صحافیوں کے ساتھ کھڑا ہوں، یہ قاضی فائز کو دوبارہ لا کر عدلیہ کو تباہ کرنا چاہتے ہیں، یہ سمجھتے ہیں ہم اسکے خلاف خاموش رہیں گے، ہم اسکے خلاف بھرپوراحتجاج کریں گے، لاہور میں 21 تاریخ کو پرامن جلسہ ہوگا۔

یہ ملک تباہ کررہے ہیں،آئینی ترمیم کا مقصد مجھے جیل میں رکھنا ہے، عمران خان

ان کو پتا ہے اگر جسٹس قاضی فائز عیسیٰ گئے تو انسانی حقوق کی پٹیشنز سنی جائیں گی،جیل میں صحافیوں سے گفتگو

سپریم کورٹ میں مجوزہ آئینی ترمیم کو کالعدم قرار دینے کی درخواست دائر کردی گئی۔سپریم کورٹ میں درخواست عابد زبیری، شفقت محمود، شہاب سرکی، اشتیاق احمد خان، منیر کاکڑ و دیگر کی جانب سے دائر کی گئی جس میں وفاق، چاروں صوبوں، قومی اسمبلی، سینیٹ و دیگر کو فریق بنایا گیا ہے۔دائر درخواست میں استدعا کی گئی ہے کہ مجوزہ آئینی ترمیم کو غیر آئینی قرار دیا جائے۔درخواست میں کہا گیا ہے کہ مجوزہ آئینی ترمیم کو اختیارات کی تقسیم اور عدلیہ کی آزادی کے خلاف قرار دیا جائے، وفاقی حکومت کو آئینی ترمیم سے روکا جائے، مجوزہ آئینی ترمیم کو کالعدم قرار دیا جائے، عدلیہ کی آزادی، اختیارات اور عدالتی امور کو مقدس قرار دیا جائے۔درخواست میں مزید استدعا کی گئی کہ پارلیمنٹ اگر آئینی ترمیم کر لے تو صدر مملکت کو دستخط کرنے سے روکا جائے۔

مجوزہ آئینی ترمیم کو کالعدم قرار دینے کیلئے سپریم کورٹ میں درخواست دائر کردی گئی

پارلیمنٹ اگر آئینی ترمیم کرلے تو صدر مملکت کو دستخط کرنے سے روکا جائے، درخواست میں استدعا

حکومتی وفود کی رات گئے ،آنیاں جانیاں، رابطے اور جوڑ توڑ سب ناکام ہوگئے اور آئینی ترامیم غیر معینہ مدت کے لیے مؤخر کردی گئیں۔ تفصیلات کے مطابق سیاسی جوڑ توڑ میں ناکامی ،مجوزہ آئینی ترامیم کیلئے بلایا جانے والا سینیٹ کا اجلاس غیر معینہ مدت کیلئے ملتوی کردیا گیا ،مسلم لیگ ن کے سینیٹر عرفان صدیقی نے تصدیق کردی۔سینیٹ کا اجلاس غیرمعینہ مدت تک ملتوی کردیا گیا،وفاقی کابینہ کا اجلاس بھی پھر ملتوی کر دیا گیا،اس حوالے سے میڈیا سے گفتگو کرتے ہوئے عرفان صدیقی کا کہنا تھا کہ ترمیم آنے میں ہفتہ دس دن بھی لگ سکتے ہیں،اگر ترمیم نہیں بھی آئی تو کوئی قیامت نہیں آجائے گی۔ان کا کہنا تھا کہ آئینی مسودہ کبھی پبلک نہیں ہوتا، پہلے یہ ایوان میں پیش ہوتا ہے، قانون مطلوبہ اکثریت مانگتا ہے، ہمیں نمبر گیم کا مسئلہ نہیں ہے۔انہوں نےمزید کہا کہ آئینی ترمیم ہو جائے گی اس میں کوئی رکاوٹ نظر نہیں آتی، مولانا فضل الرحمان نے وقت مانگا ہے، وہ بہت ساری چیزوں پر مطمئن تھے، مسودے میں کچھ نکات پر اتفاق کا مسئلہ ہے جو ہر فریق کا حق ہے۔سینیٹر عرفان صدیقی کا مزید کہنا تھا کہ قومی اسمبلی کے نئے سیشن میں ترامیم آجائیں گی۔ کمیٹی میں کوئی کسی کا محتاج نہیں تھا۔ پی ٹی آئی ارکان کے پاس ضمانت دینے کے لئے کوئی اتھارٹی نہیں تھی۔ پی ٹی آئی والے یہاں متفق ہوکر اڈیالہ چلے بھی جائیں اور بانی پی ٹی آئی کہے میں نہیں مانتا تو بات ختم ہو جائے گی۔ پی ٹی آئی کی مجبوری ہم سمجھتے ہیں۔واضح رہے کل ہونے والے پارلیمنٹ کے اجلاس میں آئینی ترامیم کا مسودہ پیش کیا جانا تھا مگر رات گئے تک حکومت کو ترامیم کی منظوری کے لیے مطلوبہ اکثریت نہ ملنے پر اسپیکر اور چیئرمین سینیٹ نے پارلیمنٹ کے دونوں ایوانوں کے اجلاس ملتوی کرکے آج پھر اجلاس طلب کیےتھے۔

حکومت دو تہائی اکثریت ثابت کرنے میں ناکام،آئینی ترامیم کابل غیر معینہ مدت تک مؤخر

سیاسی جوڑ توڑ میں ناکامی ،مجوزہ آئینی ترامیم کیلئے بلایا جانے والا سینیٹ کا اجلاس غیر معینہ مدت کیلئے ملتوی کردیا گیا

ایشیئن ہاکی چیمپیئنز ٹرافی کے سیمی فائنل میں چین نے پاکستان کو پنالٹی شوٹ آؤٹ پر شکست دیدی ۔تفصیلات کے مطابق چین نے سنسنی خیز مقابلے کے بعد پاکستان کو شکست دے کر ایشین ہاکی چیمپئنز ٹرافی کے فائنل کے لیے کوالیفائی کر لیا۔چین میں جاری ایشین ہاکی چیمپئنز ٹرافی کا پہلا سیمی فائنل پاکستان اور میزبان چین کے درمیان کھیلا گیا۔جس میں مقررہ وقت یں دونوں ٹیموں نے سخت مقابلہ کیا، میچ ایک ایک گول سے برابر ہونے کے بعد فیصلہ پینلٹی شوٹ پر ہوا۔پنالٹی شوٹس میں پاکستان کوئی بھی گول نہ کر سکا جبکہ چین نے دو گول کیے۔ایونٹ کے دوسرے سیمی فائنل میں بھارت اور جنوبی افریقا کے درمیان میچ ہوگا جس میں فاتح ٹیم منگل 17 ستمبر کو فائنل میں چین سے مدمقابل ہوگی۔واضح رہے کہ پاکستان کو گروپ میچز میں صرف بھارت سے شکست ہوئی تھی جبکہ دو میچز میں فاتح اور دو میچز برابر رہے تھے۔

ایشین ہاکی چیمپنز ٹرافی، چین نے سیمی فائنل میںپاکستان کو شکست دیدی

فیصلہ پنالٹی شوٹ آؤٹ میں ہوا پاکستان کوئی بھی گول نہ کر سکا جبکہ چین دو گول کرکے فائنل میں پہنچ گیا

سلیمہ امتیاز آئی سی سی کے انٹرنیشنل پینل آف ڈیولپمنٹ امپائرز میں شامل ہونے والی پہلی پاکستانی خاتون بن گئیں۔تفصیلات کے مطابق پاکستان سے تعلق رکھنے والی خاتون کرکٹ امپائر سلیمہ امتیاز انٹرنیشنل کرکٹ کونسل (آئی سی سی) کے انٹرنیشنل پینل آف ڈیولپمنٹ امپائرز میں نامزد ہوگئیں۔سلیمہ امتیاز آئی سی سی پینل میں شامل ہونے والی پہلی پاکستانی خاتون بن گئیں۔ اس نامزدگی کے بعد وہ دو طرفہ انٹرنیشنل سیریز اور آئی سی سی ویمنز ایونٹس میں امپائرنگ کرسکیں گی۔ سلیمہ امتیاز جنوبی افریقہ ویمنز کے خلاف ٹی ٹوئنٹی ہوم سیریز میں امپائرنگ کریں گی۔پاکستان کرکٹ بورڈ (پی سی بی) کے مطابق ان کی نامزدگی کے بعد سلیمہ امتیاز خواتین کے دو طرفہ بین الاقوامی میچوں اور آئی سی سی ویمنز ایونٹس میں فرائض انجام دیں گی جو پاکستان کی کرکٹ کی تاریخ میں ایک اہم سنگ میل ہے ۔سلیمہ امتیاز کی عمر 52سال ہے اور وہ پاکستانی ویمن کرکٹر کائنات امتیاز کی والدہ ہیں۔اس حوالے سے اپنے ایک بیان میں سلیمہ امتیاز کا کہنا تھا کہ یہ صرف میرے لیے نہیں بلکہ پوری قوم کے لیے خوشی کا موقع ہے۔ مواقع فراہم کرنے پر میں پاکستان کرکٹ بورڈ (پی سی بی) کی شکرگزار ہوں۔ انہوں نے مزید کہا کہ مجھے امید ہے اس نامزدگی سے دیگر خواتین کی بھی بھرپور حوصلہ افزائی ہوگی۔

سلیمہ امتیاز آئی سی سی امپائرزپینل میں شامل ہونے والی پہلی پاکستانی خاتون بن گئیں

پاکستان کی سلیمہ امتیاز جنوبی افریقہ ویمنز کے خلاف ٹی20 ہوم سیریز میں امپائرنگ کریں گی

چیئرمین پی ٹی آئی بیرسٹر گوہر کا کہنا ہے کہ ابھی جو مسودہ لیک ہوا ہے اس کے مطابق تو کوئی بھی ان سے اتفاق نہیں کر سکتا۔اسلام آباد ہائیکورٹ کے باہر میڈیا سے گفتگو کرتےہوئے پی ٹی آئی چیئرمین بیرسٹر گوہر علی خان کا کہنا تھا کہ ہمیں مسودہ ہی نہیں دیا گیا صرف کچھ معلومات دی گئی ہیں۔ جب مسودہ ہی نہیں ملا تو اتفاق کس چیز پر پیدا کرنا ہے۔ ہمارا پہلا مطالبہ تھا کہ مسودہ ہمیں دیا جائے ہم اسے دیکھیں گےانہوں نے کہا کہ جو مسودہ لیک ہوا ہے اس کے مطابق تو کوئی بھی بندہ ان کے ساتھ اتفاق رائے نہیں کر سکتا، یہ ججز کو ان کی مرضی کے خلاف ٹرانسفر کریں گے، اس کا مطلب ہے ججز کو جب مرضی ٹرانسفر کر دیا جائے گا، اگر کوئی جج نہیں جاتا تو اس سے استعفیٰ لے لیا جائے گا، عدلیہ پر قدغن لگ جائے گی۔بیرسٹر گوہر کا مزید کہنا تھا کہ سپریم کورٹ سے سارے اختیارات لیے جا رہے ہیں، متوازی عدالتیں کیسے چلیں گی، آئینی ترامیم کے معاملے پر سب جماعتوں کو آن بورڈ لیا جانا چاہیے تھا، اگر قانون کا ڈرافٹ نہیں ہے تو اتفاق رائے کس چیز پر پیدا کرنا ہے؟

جو مسودہ لیک ہوا ہے اس کے مطابق تو کوئی بھی ان سے اتفاق نہیں کر سکتا، بیرسٹر گوہر

سپریم کورٹ سے اختیارات لیے جارہے ہیں، متوازی عدالتیں کیسے چلیں گی، یہ ججز کو ان کی مرضی کیخلاف ٹرانسفر کریں گے

مجوزہ آئینی ترمیمی بل کا مسودہ سامنے آگیا جس میں مجموعی طور پر 54 تجاویز شامل ہیں۔تفصیلات کے مطابق پارلیمنٹ سے آئینی ترامیم پاس کروانے کیلئے حکومت سرتوڑ کوشش کررہی ہے جبکہ اپوزیشن ان ترامیم کو پاس ہونے سے رکوانے کیلئے سرگرم ہے۔عدلیہ سے متعلق آئینی ترامیم سے متعلق بل حکمران اتحاد کی بھرپور کوششوں کے باوجود گزشتہ روز بھی پارلیمنٹ میں پیش نہیں کیا جا سکا۔آئینی ترمیم کے معاملے پر گزشتہ روز قومی اسمبلی اور سینیٹ کا اجلاس کئی گھنٹے التوا کا شکار ہونے کے بعد رات گئے شروع ہوا اور مختصر کارروائی کے بعد دوبارہ ملتوی کردیا گیا۔اس کے علاو دوپہر 3 بجے طلب کیے جانے والا وفاقی کابینہ کا اجلاس بھی متعدد بار ملتوی کیے جانے بعد آخر میں موخر کرنا پڑا ۔میڈیارپورٹس کے مطابق مجوزہ آئینی ترمیمی پیکیج کی دستاویز منظر عام پر آگئیں، مجموعی طور پر مسودے میں54 تجاویز شامل کی گئی ہیں۔مسودے کے مطابق آئینی عدالت کو وفاقی آئینی عدالت کا نام دینے کی تجویز دی گئی ہے جبکہ سپریم جوڈیشل کونسل کے ڈھانچے کو بھی تبدیل کرنے کی تجویز مسودے میں شامل ہے تاہم ججز کی ریٹائرمنٹ کی عمر 3 سال بڑھانے کی ترمیم بھی پیکیج کا حصہ ہے۔آرٹیکل 17 میں ترمیم کے ذریعے وفاقی آئینی عدالت کی تجویز اور آرٹیکل 175 اے کے تحت ججز کی تقرری کے طریقہ کار میں بھی ترمیم کی تجویز شامل ہے،مجوزہ آئینی ترمیمی بل کے مسودے کے مطابق وفاقی آئینی عدالت کے چیف جسٹس کیلئے نام قومی اسمبلی کی کمیٹی وزیراعظم کو دے گی۔ دستاویز کے مطابق قومی اسمبلی کی کمیٹی3 سینئر ترین ججز میں سے چیف جسٹس کا انتخاب کرے گی، ججز کی تقرری کیلئے قومی اسمبلی کی کمیٹی 8 ارکان پر مشتمل ہو گی،کمیٹی ارکان کا انتخاب اسپیکر قومی اسمبلی تمام پارلیمانی پارٹی کے تناسب سے کریں گے، کمیٹی چیف جسٹس کی ریٹائرمنٹ سے 7  روز قبل سفارشات وزیراعظم کو دے گی۔مجوزہ آئینی ترمیمی بل کے مسودے کے مطابق وفاقی آئینی عدالت کے جج کی ریٹائرمنٹ کی عمر 68 سال ہو گی، سپریم کورٹ کا جج وفاقی آئینی عدالت میں 3 سال کیلئے جج تعینات ہو گا۔بل میں ہائی کورٹس سے سو موٹو لینے کا اختیار واپس لینے اور ہائی کورٹ ججز کی ایک ہائی کورٹ سے دوسری ہائی کورٹ میں تبادلے کی تجویز بھی شامل ہے۔آئینی ترمیمی بل میں ہائیکورٹس سے سو موٹو لینے کا اختیار واپس لینے کی بھی تجویز ہے۔ اس کے علاوہ ہائیکورٹس کے ججوں کی ایک ہائیکورٹ سے دوسری ہائیکورٹ تبادلے کی تجویز بھی شامل ہے۔مسودے کے مطابق سروسز چیف کی تقرری اور ایکسٹینشن کے حوالے سے آرمی ایکٹ میں کی گئی ترامیم کو آئینی تحفظ حاصل ہوگا اور اس متعلقہ قانون میں ترمیم اس وقت تک ممکن نہیں ہوگی جب تک آئین میں ترمیم نہ کرلی جائے۔آئینی ترمیمی بل میں یہ بھی تجویز شامل ہے کہ کسی بھی جج کا عہدہ خالی ہونے کی صورت میں صدر پاکستان کے پاس یہ اختیار ہوگا کہ وہ کسی ریٹائرڈ جج کو بھی آئینی عدالت کا جج تعینات کرسکتے ہیں۔مجوزہ ترمیم کے مطابق نئے چیف الیکشن کمشنر کے تقرر تک موجودہ چیف الیکشن کمشنر کام کرتے رہیں گے، صدر مملکت وفاقی آئینی عدالت کے چیف جسٹس اور دیگر جسٹسز کا تقرر کریں گے جبکہ ججز کیلئے دہری شہریت رکھنے پر پابندی لگانے کی بھی تجویز آئینی پیکیج میں شامل ہے۔ترمیم میں مزید کہا گیا ہے کہ فلور کراسنگ کرنے والے ارکان کا ووٹ گنا جائے گا، وفاقی آئینی عدالت وفاقی یا صوبائی حکومتوں کے درمیان تنازعات کا فیصلہ کرے گی اور سپریم کورٹ میں زیر سماعت تمام آئینی پٹیشنز آئینی عدالت کو منتقل ہو جائیں گی۔

مجوزہ آئینی ترمیمی پیکیج کی دستاویز منظر عام پر آگئیں، مسودے میں54 تجاویز شامل

ججز کی تقرری کے طریقہ کار میں ترمیم،جبکہ ججز کیلئے دہری شہریت رکھنے پر پابندی لگانے کی بھی تجویز آئینی پیکیج میں شامل ہے

عوامی مسلم لیگ کے سربراہ شیخ رشید نے جمعیت علماء اسلام (جے یو آئی) کے سربراہ مولانا فضل الرحمان کو پہلے مرحلے کا فاتح قرار دے دیا۔ سابق وزیر داخلہ شیخ رشید کا کہناہے کہ مولانا فضل الرحمان نے آئینی ترمیم کے مسودے کا پہلا رائونڈجیت لیا ہے، مولانا فضل الرحمان نے سب کو گھر کا راستہ دکھایا ہے۔شیخ رشید نے کہا کہ مفتی محمود مرحوم نے بھی ذوالفقار علی بھٹو کو شکست دی تھی۔ ووٹ کو عزت دینے والوں نے ووٹ کو ٹکے ٹوکری بنا دیا ہے، ووٹ کا جمعہ بازار بنا ہوا ہے۔ یہ 25 کروڑ عوام کو کیسے اعتماد میں لیں گے۔انہوں نے کہا کہ کسی کے پاس آئینی مسودے کی کاپی نہیں۔ جمہوریت پر جب بھی شب خون مارا گیا رات کے وقت مارا گیا۔سربراہ عوامی مسلم لیگ اور سابق وفاقی وزیر کا مزید کہنا تھا کہ امید ہے 30 ستمبر تک ملکی سیاست کا اتار چڑھاؤ فیصلہ کن ہو جائے گا۔ امید ہے کہ 30 ستمبر تک جمہوریت کی سیاست کا اتار چڑھاؤ فیصلہ کن ہو جائے گا۔

مولانا فضل الرحمان نے آئینی ترمیمی مسودے کا پہلا راؤنڈ جیت لیاہے، شیخ رشید

ووٹ کا جمعہ بازار بنا ہوا ہے،جو کہتے تھے ووٹ کو عزت دو انہوں نے ووٹ کو ٹکے کی ٹوکری بنا دیا،سابق وزیرداخلہ

اسلام آباد کی انسداد دہشت گردی کی عدالت نے تھانہ سنگجانی میں درج مقدمے میں گرفتار پاکستان تحریک انصاف کے اراکین قومی اسمبلی کی ضمانت منظور کرتے ہوئے انہیں رہا کرنے کا حکم دے دیا ہے۔عدالت نے تمام مقدمات میں پی ٹی آئی کے ارکان قومی اسمبلی کی ضمانت 30،30 ہزار روپے مچلکوں کے عوض منظور کرتے ہوئے پی ٹی آئی اراکین اسمبلی کو فوری رہا کرنے کا حکم دیا۔انسداد دِہشت گردی عدالت اسلام آباد کے جج ابو الحسنات محمد ذوالقرنین نے گرفتار پی ٹی آئی ایم این ایز کے خلاف تھانہ سنگجانی میں درج مقدمے میں ضمانت بعد از گرفتاری کی درخواستوں پر سماعت کی پراسیکیوٹر اور پی ٹی آئی ارکان قومی اسمبلی کے وکلا عدالت میں پیش ہوئے۔پراسیکیوٹر نے موقف اختیارکیا کہ ایم این اے احمد چٹھہ مقدمے میں نامزد ہیں۔ مقدمے میں جو دفعات لگائی گئی ہیں ان کی سزا کم سے کم 3 سال ہے ضمانت منظور نہ کی جائے۔ جج ابو الحسنات محمد ذولقرنین نے استفسار کیا کہ شیر افضل مروت ، احمد چٹھہ اور دیگر اراکین قومی اسمبلی  سے کچھ برآمد ہوا ہے جس پر پراسیکیوٹر نے جواب دیا کہ کچھ برآمد نہیں ہوا۔ بعدازاں عدالت نے تمام مقدمات میں پی ٹی آئی کے گرفتار ایم این ایز کی 30، 30 ہزار روپے مچلکوں کے عوض ضمانت بعد از گرفتاری منظور کرتے ہوئے فوری رہا کرنے کا حکم دے دیا۔پی ٹی آئی کے گرفتار ایم این ایز میں شیر افضل مروت، شیخ وقاص، زین قریشی، احمد چٹھہ، عامر ڈوگر، یوسف خان، نعیم علی شاہ اور دیگر شامل ہیں۔یاد رہے کہ 10 ستمبر کو انسداد دہشت گردی کی عدالت نے پاکستان میں نئے قانون پرامن جلسہ، جلوس اور امن عامہ بل 2024 میں وضع کردہ قواعد و ضوابط کی خلاف ورزی کرنے کے الزام میں پاکستان تحریک انصاف (پی ٹی آئی) کے گرفتارقائدین میں سے پارٹی چیئرمین بیرسٹر گوہر علی خان کو رہا جبکہ شعیب شاہین، شیر افضل مروت اور عامر ڈوگر سمیت 7 قائدین کا جسمانی ریمانڈ منظور جب کہ شعیب شاہین کو جوڈیشل ریمانڈ پر جیل بھیج دیا تھا۔انسداد دہشتگردی کی عدالت کے فیصلے کے خلاف گرفتار پی ٹی آئی رہنماؤں نے اسلام آباد ہائیکورٹ سے رجوع کیا تھا۔ اسلام آباد ہائیکورٹ نے گزشتہ روز پی ٹی آئی رہنماؤں کی درخواست پر سماعت کرتے ہوئے انسداد دہشتگردی عدالت کی جانب سے پی ٹی آئی کے گرفتار رہنماؤں کے جسمانی ریمانڈ کا فیصلہ معطل کردیا تھا۔

گرفتار پی ٹی آئی ارکان اسمبلی کی ضمانتیں منظور، عدالت کافوری رہا کرنے کا حکم

انسداد دہشت گردی عدالت نے 30،30 ہزار روپے کے مچلکوں کے عوض ضمانت منظور کی

امریکی ریاست فلوریڈا میں صدارتی الیکشن میں ری پبلیکن پارٹی کے امیدوار اور سابق صدر ڈونلڈ ٹرمپ کے قریب گالف کھیلتے ہوئے فائرنگ ہوئی جس میں وہ محفوظ رہے۔ غیر ملکی میڈیا کے مطابق ڈونلڈ ٹرمپ فائرنگ سے محفوظ رہے ہیں ، ٹرمپ پر فائرنگ فلوریڈا میں ویسٹ پام بیچ میں واقع ٹرمپ گالف کلب کے قریب ہوئی، سابق صدر اس وقت گالف کھیل رہے تھے،امریکی میڈیا کے مطابق ویسٹ پام بیچ کے گالف کلب کے نزدیک دو افراد کے درمیان جھگڑا ہوا تھا اور دونوں ایک دوسرے پر فائرنگ کر رہے تھے، فائرنگ کا نشانہ ٹرمپ نہیں تھے، د وسری جانب سابق صدر کا فائرنگ کے واقعہ پر رد عمل دیتے ہوئے کہنا تھا کہ میں محفوظ اور بالکل ٹھیک ہوں، اس قسم کے واقعات میرے حوصلے پست نہیں کرسکتے، میں کسی صورت ہتھیار نہیں ڈالوں گا۔یاد رہے کہ سابق امریکی صدر ڈونلڈ ٹرمپ پر رواں سال جولائی میں بھی پنسلوینیا میں انتخابی ریلی کے دوران فائرنگ ہوئی تھی جس سے وہ زخمی ہوگئے تھے، فائرنگ کے بعد سکیورٹی اہلکاروں کی کارروائی میں حملہ آور بھی مارا گیا تھا۔

ایسے واقعات میرے حوصلے پست نہیں کرسکتے، فائرنگ کے بعد ٹرمپ کا ردعمل

گالف کلب کے قریب دو افراد میں جھگڑا ہوا، فائرنگ کا نشانہ ٹرمپ نہیں تھے، امریکی میڈیا

وفاقی حکومت نے پٹرولیم مصنوعات کی نئی قیمتوں کا اعلان کردیا۔تفصیلات کے مطابق حکومت نےپٹرولیم مصنوعات کی قیمتوں میں بڑی کمی کا اعلان کردیا۔وفاقی وزارت خزانہ کی جانب سے پیٹرولیم مصنوعات کی قیمتوں میں کمی کا نوٹیفکیشن جاری کردیا گیا ہے۔حکومت کی جانب سے پیٹرول کی قیمتوں میں 10 روپے کی کمی کی گئی جبکہ ڈیزل کی قیمت بھی 13 روپے 6 پیسے کی کمی کی گئی ہے۔مٹی کے تیل کی قیمت میں 11 روپے 15 پیسے فی لٹر کمی کی گئی ہے جبکہ لائٹ ڈیزل آئل کی قیمت میں 12 روپے12 پیسے فی لٹر کمی کی گئی ،پٹرول کی قیمت 10 روپے فی لٹر کمی کے بعد 249.10 روپے فی لٹر ہوگئی ہے، ہائی اسپیڈ ڈیزل کی قیمت 13 روپے 6 پیسے کمی کے بعد 249.69 روپے فی لٹرہوگئی ہے۔نئی قیمتوں کا اطلاق 16 ستمبر سے 30 ستمبر تک ہوگا جس کا نوٹیفکیشن جاری کردیا گیا ہے۔

پیٹرولیم مصنوعات کی قیمتوں میں کمی، پیٹرول 10 اور ڈیزل 13روپے6 پیسے سستا ہوگیا

کمی کے بعدپیٹرول کی قیمت 249 روپے 10 پیسےجبکہ ڈیزل کی نئی قیمت 249 روپے 69پیسے ہوگئی

آئینی ترمیم کے معاملے پر وفاقی کابینہ کے بعد قومی اسمبلی کا اجلاس کئی گھنٹے التوا کا شکار ہونے کے بعد 12 گھنٹے بعد شروع ہوا اور اسپیکر قومی اسمبلی نے اجلاس کل دوپہر ساڑھے 12 بجے تک ملتوی کردیا جبکہ وفاقی کابینہ کا اجلاس بھی کل تک ملتوی کردیا گیا۔تفصیلات کے مطابق قومی اسمبلی کے اجلاس میں آج کا ایجنڈا معطل کرنے کی تحریک منظور کی گئی ہے،تحریک منظور ہوتے ہی اسپیکر ایاز صادق نے اجلاس کل تک ملتوی کردیا ہے۔قومی اسمبلی کا اجلاس آج شام 4 بجے ہونا تھا لیکن بعد ازاں یہ تاخیر کا شکار ہو گیارات 11 بجے کے بعد قومی اسمبلی کا اجلاس شروع ہوا لیکن چند منٹ تک جاری رہنے والے اجلاس کو اسپیکر قومی اسمبلی نے کل دوپہر ساڑھے 12 بجے تک ملتوی کرنے کا اعلان کردیا۔قومی اسمبلی اجلاس کے وقت میں تبدیلی اسپیشل پارلیمانی کمیٹی کی خصوصی سفارش پر کی گئی۔دوسری جانب سینٹ کا اجلاس کل صبح ساڑھے 11 بجے تک ملتوی کردیاگیا ہے۔

آئینی ترمیم کا بل پیش نہ ہوسکا، قومی اسمبلی کا اجلاس کل دوپہر تک ملتوی

قومی اسمبلی اجلاس کے وقت میں تبدیلی اسپیشل پارلیمانی کمیٹی کی خصوصی سفارش پر کی گئی

چیمپئنز ون ڈے کپ کے چوتھے میچ میں مارخورز نے اسٹالینز کو 126 رنز سے شکست دیکرایونٹ میں مسلسل دوسری کامیابی حاصل کرلی۔فیصل آباد کے اقبال کرکٹ اسٹیڈیم میں کھیلے جانےوالے میچ میں مارخورز نے اسٹالینز کیخلاف ٹاس جیت کر پہلے بیٹنگ کا فیصلہ کیا،مارخورز نے پہلے بیٹنگ کرتے ہوئے مقررہ 50 اوورز میں 231 رنز بنائے۔مارخورز کی جانب سے افتخار احمد 60 اور سلمان علی آغا 51رنز بنا کر نمایاں رہے، عبدالصمد نے 37، کپتان محمد رضوان نے 33، فخر زمان نے 20 اور کامران غلام نے 11 رنز بنائے۔اسٹالینز کی جانب سے جہانداد خان نے 4، مہران ممتاز نے 3 جبکہ محمد علی اور ابرار احمد نے ایک ایک وکٹ حاصل کی۔ 232 رنز کے ہدف کے تعاقب میں اسٹالینز کی پوری ٹیم 23.4 اوورز میں 105 رنز پر ڈھیر ہوگئی۔اسٹالینز کی جانب سے  یاسر خان نے 2 رنز بناسکے، شان مسعود اور بابر اعظم نے بالترتیب 19 اور 45 رنز بنائے، ان کے علاوہ اسٹالنز کا کوئی کھلاڈی ڈبل فگر میں داخل نہ ہوسکا۔ مارخورز کی جانب سے زاہد محمود نے  5، سلمان آغا نے 3 جبکہ نسیم شاہ نے 2 وکٹیں حاصل کیں۔

چیمپیئنز ون ڈے کپ، مارخورز نے اسٹالینز کو126رنز سے شکست دیدی

مارخورز کے دیئے گئے  232 رنز کے ہدف کے تعاقب میں اسٹالینز کی ٹیم105رنز پرڈھیرہوگئی

مرکزی رہنما جے یو آئی (ف) مولانا عبدالغفورحیدری نے کہا ہے کہ حکومت کو آئینی ترامیم کے متعلق اجلاس موخر کرنے کا مشورہ دیا ہے۔تفصیلات کے مطابق جمعیت علمائے اسلام (جے یو آئی) کے سینیئر رہنما مولانا عبدالغفور حیدری نے کہا ہے کہ آئینی ترامیم کے حوالے سے حکومت سے مزید سوچ وچار کے لیے وقت مانگا ہے، ہمیں ابھی تک آئینی ترمیم کا مسودہ نہیں ملا، اگر حکومت اجلت سے کام لیتی ہے تو شاہد ہم اسے سپورٹ نہ کریں۔جمعیت علمائے اسلام کے رہنما مولانا عبدالغفور حیدری نے میڈیا سے گفتگو میں کہا کہ حکومتی شخصیات ہمارے پاس آئیں، ان سے ہم نے کھل کر کہا کہ آپ کو جلدی ہے لیکن ہمیں ڈرافٹ یا ترمیمی بل نہیں ملا، جب ہم بل کو دیکھیں گے نہیں اور پڑھیں گے نہیں تو کیسے ووٹ دے سکتےہیں۔ان کا کہنا تھا کہ ہم نے کہا کہ اسی لیے اس بل کو مؤخر کریں تاکہ ہم اس بل کو پڑھیں اور اپوزیشن کی دیگر جماعتیں بھی اس کو پڑھیں۔مولانا عبدالغفور حیدری نے کہا کہ اسی دوران پاکستان تحریک انصاف (پی ٹی آئی) کے دوست تشریف لائے اور ان سے بھی یہی بات کی کہ ہم نے حکومت کو کہا ہے جلدی نہ کریں بلکہ ہمیں پڑھنے سوچنے کا موقع دیں تاکہ ہم شرح صدر کے ساتھ کوئی فیصلہ کرسکیں۔انہوں نے کہا کہ چونکہ اجلاس بلایا گیا تھا اور اجلاس میں سب پہنچ گئے ہیں اور ہمار انتظار ہے تو ہم نے کہا کہ ہم اجلاس میں شریک ہوں گے اور وہاں اپنا مؤقف بالکل کھل کر سامنے رکھیں گے کہ اتنی جلدی کی کیا ضرورت تھی کہ آپ لوگ اس طرح کر رہے ہیں۔رہنما جمعیت علمائے اسلام نے کہا کہ لہٰذا آپ جلدی کر رہے ہوں تو شاید ہم اس پوزیشن میں نہ ہوں۔

جے یو آئی (ف) حکومت کو آئینی ترامیم کے متعلق اجلاس موخر کرنے کا مشورہ دیدیا

حکومت کو کہہ دیا، آپ کو جلدی ہے تو شاہد ہم آئینی ترمیم کے بل کی حمایت نہ کرسکیں، عبدالغفورحیدری

قومی ٹیم کے سابق یونس خان نے بابر اعظم کو کپتانی چھوڑ کر کرکٹ پر فوکس کرنے کا مشورہ دے دیا۔کراچی میں میڈیا سے گفتگو کرتے ہوئے سابق کپتان یونس خان بابر اعظم کو مشورہ دیتے ہوئے کہا کہ کپتانی سے نکلیں اور پاکستان کے لیے کھیلیں، ویرات کوہلی نے کپتانی چھوڑ کر پرفارمنس پر توجہ دی اور عظیم کھلاڑی بن گئے۔یونس خان نے کہا کہ میں نے تو صرف 10 ہزار رنز بنائے ہیں لیکن بابراعظم ایسے کھلاڑی ہیں جو 15 ہزار رنز بھی بناسکتے ہیں مگر کپتانی سے جان چھڑانا ہوگی کیوں کہ بچوں سمیت ہر کوئی یہ چاہتا ہے کہ بابراعظم پرفارم کریں۔انہوں نے سابق بھارتی ٹیم کے کپتان ویرات کوہلی کی مثال دیتے ہوئے کہا کہ وہ کپتانی چھوڑنے کے بعد مزید اچھی کارکردگی دکھا رہے ہیں جب کہ میں بھی 3 سے 4 بار کپتانی چھوڑ چکا ہوں۔ان کا کہنا تھا کہ بابراعظم جب کپتان بنے تو میں بھی اس وقت ٹیم کے ساتھ تھا، یہ فیصلہ ہوا تھا کہ سب سے بہترین کھلاڑی کو کپتان بنایا جائے تو اس وقت بورڈ کے پاس زیادہ آپشن بھی نہیں تھے اور چیئرمین نے یہی سوچ کر بابراعظم کو کپتان بنایا۔یونس خان نے کہا کہ ہمارے کھلاڑی بولتے زیادہ ہیں اور کھیلتے کم ہیں، ٹیم میں موجود کھلاڑیوں کو باتیں کرنے سے زیادہ اپنی کارکردگی دکھانے چاہیے کیوں کہ بولنے کا کام ہم جیسے ریٹائر بندوں کا کام ہے کیوں کہ ہماری کرکٹ ختم ہوچکی ہے۔سابق کپتان کاکہناتھا کہ پی سی بی کو اپنی اہمیت کا اندازہ ہونا چاہئے، مجھے ایسا لگتا ہے پی سی بی میں بیٹھے ہوئے لوگوں کو بورڈ کی اہمیت کا علم ہی نہیں، اچانک فیصلے ہوجاتے ہیں کوچز آجاتے ہیں، اب تو ہم سوچ رہے ہیں کہیں ہماری کرکٹ ختم ہی نہ ہوجائے،سابق کپتان یونس خان نے پی سی بی کو تنقید کا نشانہ بناتے ہوئے کہا کہ سبزی، فروٹ اور گروسری بیچنے والوں کو بھی معلوم ہے ٹیم کا کپتان کون اور کوچ کس کو ہونا چاہیے لیکن نہیں معلوم تو صرف پی سی بی کوان کا کہنا تھا کہ پی سی بی میں بیٹھے ہوئے لوگوں کو خودغرضی ختم کرنی چاہئے، کپتان صرف اس بنیاد پر نہیں بنانا چاہئے کہ وہ ہماری سنتا ہے، کسی کو اس بنیاد پر پر باہر نہیں کرنا چاہیے کہ یہ ہمیں اچھا نہیں لگتا۔یونس خان نے سندھ حکومت پر بھی تنقید کی اور کہا کہ کراچی کو دیکھ کر لگتا ہے کہ موہن جو دڑو میں رہتا ہوں۔شہر قائد کی صورتحال سے متعلق بات کرتے ہوئے یونس خان نے کہا کہ کراچی کے ساتھ زیادتی ہورہی ہے، کراچی ایسا نہیں تھا جیسا آج ہے، کراچی اب موہنجوداڑو لگتا ہے، ارباب اختیار سے کہتا ہوں آپ نے اللہ کو بھی جواب دینا ہے، کراچی روشنیوں کا شہر تھا یہاں کی سڑکیں ماضی میں بہت اچھی تھیں۔ان کا کہنا تھا کہ آج کراچی میں ٹریفک کے نظام کا برا حال ہے، آج سڑک بنتی ہے اور پھر کھود دی جاتی ہے، شہری بھی اپنی ذمہ داری پوری نہیں کرتے، پان گٹکا کھاتے ہوئے سوچیں کہ آپ کے بچے آپ کو دیکھ رہے ہیں، کراچی کی اونر شپ ہم سب نے لینی ہے۔یونس خان کا مزید کہنا تھا کہ میں کراچی میں پیدا نہیں ہوا مگر اس شہر میں بڑا ہوا ہوں، کراچی کے لئے کچھ اچھا ہوگا تو ملک کے لئے بہتر ہوگا۔

کپتانی چھوڑیں ملک کے لیے کھیلیں، یونس خان نے بابر اعظم کو مشورہ دیدیا

کراچی کو دیکھ کر لگتا ہے کہ موہن جو دڑو میں رہتا ہوں،یونس خان کی سندھ حکومت پر بھی تنقید

چئیرمین تحریک انصاف بیرسٹر گوہر نے کہا ہے کہ ہمارے دو اراکین کو غائب کردیا گیا۔پی ٹی آئی چیئرمین بیرسٹر گوہر علی خان نے کہا ہے کہ یہ ایسی حکومت ہے جو ہر کام رات کے اندھیرے میں کرتی ہے، حکومت آئینی نہیں غیر آئینی ترمیم کرنے جارہی ہے۔پارلیمنٹ ہاؤس آمد کے موقع پر صحافیوں سے غیر رسمی گفتگو کرتے ہوئے چیئرمین پی ٹی آئی بیرسٹر گوہر علی خان کا کہنا تھا کہ ایسی کون سی پردہ داری ہے جو یہ ہر کام رات کے اندھیرے میں کرتے ہیں، کس چیز کو چھپارہے ہیں۔ ہمارے سامنے مسودہ نہیں ہے پہلے ہم اسے پڑھیں تو سہی پھر فیصلہ ہو گا،عدلیہ کو کمزور کرنے کی کو شش کی جارہی ہے، حکومت نے یہ نہیں کہا کہ ووٹنگ آج کروانی ہے۔مولانا فضل الرحمان کی کسی تجویز پر عمل نہیں ہوا، ہم نے صرف سنا ہے اور کوئی تجویز نہیں دی ، ابھی اجلاس شروع ہونے والا ہے لیکن بل کسی کے پاس نہیں۔چیئرمین پی ٹی آئی بیرسٹر گوہر نے کہا کہ ووٹ دینے سے متعلق دو ستمبر کو ہم نے اپنے ارکان پارلیمنٹ کو ہدایات جاری کردی تھیں، ہم نے اپنی ہدایات کی کاپی کی مکمل فائل اسپیکر آفس میں بھی جمع کرائی ہے۔انہوں نے مزید کہا کہ ہمارے دو اراکین اسمبلی رابطے میں نہیں، دونوں اراکین اسمبلی کی گمشدگی سے متعلق خصوصی کمیٹی کو آگاہ کر دیا، ان دو کے سوا ہمارے تمام اراکین پارلیمنٹ رابطے میں ہیں، ہمارے دو اراکین غائب کیا گیا ہے ہم نے نشاندہی کردی۔بیرسٹر گوہر نے کہا کہ یہ سب کچھ صرف عدلیہ پر حملہ کرنے کیلئے کیا جارہا ہے، ہمارے سارے بندے ہمارے ساتھ ہوں گے، ہر پارلیمنٹیرین کی ذمہ داری ہے کہ وہ اپنی مرضی کے مطابق ووٹ دے۔ رات کے اندھیرے کی حکومت ہے رات کے اندھیرے میں قانون سازی کررہے ہیں، اگر کسی کو اٹھا کر نمبر گیم پوری کرنی ہے تو الگ بات ہے۔

غیر آئینی ترمیم ہو رہی ہے،حکومت ہر کام رات کے اندھیرے میں کرتی ہے، بیرسٹر گوہر

عدلیہ کو کمزور کرنے کی کو شش کی جارہی ہے، جن اراکین کےساتھ رابطہ نہیں ان کے ووٹ ہم نہیں مانتے،چیئرمین پی ٹی آئی

آئینی ترامیم معاملہ پر سینیٹ میں بی این پی مینگل کے دو ووٹ اہمیت اختیار کر گئےوزیراعظم شہباز شریف نے آئینی ترامیم کیلئے ووٹ سے متعلق اختر مینگل سے ٹیلی فونک رابطہ کیا، مینگل نے لاپتہ افراد کی بازیابی تک ووٹ نہ دینے کا اعلان کردیا۔سابق چیئرمین سینیٹ صادق سنجرانی نے بھی سردار اختر مینگل سے رابطہ کیا ہے۔میڈیارپورٹس کے مطابق حکومت کی جانب سے وزیراعظم شہباز شریف نے بی این پی مینگل کے سربراہ سردار اختر مینگل سے آئینی ترامیم میں ووٹ لینے کیلئے رابطہ کیا تو اختر مینگل نے اپنے دو ہزار لاپتا افراد کو رہا کرنے کی شرط رکھ دی، انہوں نے وزیراعظم کو جواب دیا کہ ہمارے بندوں کو رہا کردیں تو ہم آپ کو سینیٹ میں ووٹ دے دیں گے، دو ہزار لاپتا افراد کو رہا کر دیں تو ہم آپ کو سینیٹ میں اپنے دو ووٹ دیدیں گے۔اس حوالے سے سردار اختر مینگل نے بتایا ہے کہ وزیراعظم نے مجھ سے رابطہ کیا تھا، وزیر اعظم نے کہا کہ آئینی مسودہ پر ہماری حمایت کریں، میں نے ان سے ترامیم کا آئینی مسودہ مانگا، وزیراعظم کے بعد اسحاق ڈار نے بھی رابطہ کیا مگر تاحال آئینی مسودہ نہیں ملا، آئینی مسودے کو دیکھے بغیر کس طرح سپورٹ کرسکتے ہیں۔دوسری جانب سرداراخترمینگل کا نجی ٹی وی دنیا نیوزسے گفتگو کرتے ہوئے کہنا تھا کہ لاپتہ افراد کےلواحقین سالوں سے انتظار کر رہے ہیں، اگرحکومت کوجلدی ہے تولاپتہ افراد کو چھوڑ دیں پھر ووٹ لے لیں۔انہوں نے کہا حکومت کی یقین دہانیوں کا اب یقین نہیں ہے، آئینی ترمیم حکومت کی اپنی ضرورت ہے، ہماری ضرورت لاپتہ افراد ہیں،ریاستی ادارے اگرحکومت کےساتھ ایک پیج پر ہیں تو انہیں ہماری ڈیمانڈ کو ماننا چاہیے۔اختر مینگل کا مزید کہنا تھا مولانا فضل الرحمان سے دو دن پہلے رابطہ ہوا تھا، اپنا استعفیٰ کسی صورت واپس نہیں لوں گا، استعفیٰ بلوچستان کےمجموعی حالات کو دیکھ کردیا تھا۔

سرداراختر مینگل کا آئینی ترمیم کی حمایت پرلاپتہ افراد کی بازیابی کا مطالبہ

آئینی ترامیم معاملہ، سینیٹ میں بی این پی مینگل کے دو ووٹ اہمیت اختیار کر گئے

آج چھٹی کے روز ہونے والے قومی اسمبلی کے اہم جلاس میں پیش کی جانے والی مجوزہ آئینی ترامیم کی اہم تفصیلات سامنے آگئیں۔نجی ٹی وی کے مطابق مجوزہ آئینی ترامیم میں 20 سے زائد شقوں کو شامل کیا گیا ہے جبکہ آئین کی شقیں 51، 63، 175، 187 اور دیگر میں ترامیم کی جائیں گی۔ بلوچستان اسمبلی کی نمائندگی میں اضافے، بلوچستان اسمبلی کی سیٹیں65 سےبڑھا کر81 کرنے اور آئین کے آرٹیکل 63 میں ترامیم شامل ہیں۔ منحرف اراکین کا ووٹ ،آرٹیکل 63 میں ترمیم، آئین کےآرٹیکل 181میں بھی ترمیم کئے جانے کا امکان ہے۔ آئینی عدالت کے فیصلے پر اپیل آئینی عدالت میں سنی جائے گی۔ آئینی عدالت میں آرٹیکل 184، 185، 186 سے متعلق درخواستوں کی سماعت ہوگی۔ہائیکورٹ کے ججزکودوسرے صوبوں کی ہائیکورٹس میں ٹرانسفر کرنے کی تجویز ہے۔ چیف جسٹس آف پاکستان کی تقرری  سپریم کورٹ کے 5 سینئرججزکے پینل سے ہوگی۔حکومت سپریم کورٹ کے 5سینئرججز میں سےچیف جسٹس لگائے گی۔ آئینی عدالت کے باقی 4 ججز بھی حکومت تعینات کریگی۔ سپریم کورٹ اور ہائیکورٹ کے ججز کی تعیناتی کیلئے جوڈیشل کمیشن اور پارلیمانی کمیٹی کواکٹھا کیا جائے گا۔

حکومت کی جانب سے پیش کی جانے والی مجوزہ آئینی ترامیم کی تفصیلات سامنے آگئیں

چیف جسٹس آف پاکستان کا تقرر سپریم کورٹ کے 5 سینئر ججز کے پینل سے ہوگا، آئینی عدالت کے باقی 4 ججز بھی حکومت تعینات کرے گی

Pakistan’s series loss to Bangladesh has pushed them down to the lowest ICC Men’s Test Team Rankings since 1965.

Pakistan Drop To Lowest Test Rankings In 60 Years

The Pakistan test cricket team led by Shan Masood encountered a terrible loss at the hands of Bangladesh for the first time in history.&nbsp;

Pakistan&rsquo;s series loss to Bangladesh has pushed them down to the lowest ICC Men&rsquo;s Test Team Rankings since 1965.

Bangladesh outclassed Pakistan by six wickets in the second Test match to complete the clean sweep and win their first-ever series against the Men in Green. The tourists had won the first Test by a whopping margin of 10 wickets.

The 2-0 series loss resulted in Pakistan team&rsquo;s ranking to drop by 2 places from 6th to 8th with 66 rating points.&nbsp;

&ldquo;This is the lowest rating points Pakistan have had in the Test rankings table since 1965, barring a brief period where they did not have a place in the rankings due to an insufficient number of matches,&rdquo; the ICC press release stated.

On the other hand, Bangladesh gained 13 rating points, but they are still sitting on the 9th spot in ICC Men&rsquo;s Test Team rankings.&nbsp;

Due to Pakistan team&rsquo;s downward movement in the rankings list, both Sri Lanka and West Indies have moved one place up to claim the 6th and 7th position respectively.

&ldquo;Extremely disappointed, we were excited for the home season but the story has been the same as Australia,&rdquo; Pakistan skipper Shan Masood said after the loss in the second Test to Bangladesh.

&ldquo;We have not learnt our lessons. We thought we were playing good cricket in Australia but not doing the job, that&rsquo;s something we need to work on.&rdquo;

Pakistan Drop To Lowest Test Rankings In 60 Years

Related Post

Dolphins vs Markhors Live Streaming Champions Cup 2024

Stallions vs Markhors Champions Cup 2024: Fans Leave Stadium After Babar Azam’s Wicket

Dolphins vs Panthers Champions Cup 2024 3rd Match Streaming & Match Details

PAK vs ENG Series 2024 Fixtures, Squads, & Streaming Details

Dolphins vs Markhors Live Streaming Champions Cup 2024

Stallions vs Markhors Champions Cup 2024: Fans Leave Stadium After Babar Azam’s Wicket

Dolphins vs Panthers Champions Cup 2024 3rd Match Streaming & Match Details

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan