Sports News

Entertainment

وزیراعلٰی خیبر پختونخوا علی امین گنڈا پور نے اسلام آباد کے ڈی چوک پر چار اکتوبر کے احتجاج کے حوالے سے بیان جاری کردیا جس میں انہوں نے کہا ہے کہ چاہیے جتنی دیر لگے ہر صورت ہم ڈی چوک پہنچیں گے۔تفصیلات کے مطابق خیبرپختونخوا کے وزیراعلیٰ علی امین گنڈاپور نے وفاقی حکومت اور اتحادیوں کو تنقید کا نشانہ بناتے ہوئے کہا ہے کہ ہم نہ تصادم اور نہ ہی کسی کو نقصان پہنچانا چاہتے ہیں، لیکن حکومت ہمارا راستہ روکنے کے لیے اوچھے ہتھکنڈے استعمال کررہی ہے۔اپنے ویڈیو بیان میں انہوں نے کہا کہ عوام آئین کے تحفظ، قانون کی پاسداری کے لیے خوف کے بت توڑ کر نکلیں گے،حقیقی آزادی کے لیے ہم جنگ لڑ رہے ہیں اور یہ اپنا حق واپس ملنے تک لڑتے رہیں گے۔انہوں نے کہا کہ وفاقی حکومت اور فارم 47 کی پنجاب حکومت جتنا بھی تشدد کرے ہم نے اپنا آئینی حق لینا ہے۔ وزیراعلیٰ نے کہا کہ پرائیویٹ گاڑیوں کی پکڑ دگھڑ غیر قانونی اقدام ہے، پرائیویٹ گاڑی مالکان موٹروے پر اپنی گاڑیاں نہ لائیں نقصان کے ذمہ دار ہم نہیں ہوں گے۔وزیر اعلی علی امین خان گنڈاپور نے کہ ہے ہم کسی سے تصادم نہیں چاہتے، پولیس والے ہمارے بھائی ہیں اور ان کا نقصان ہمارا نقصان ہے، موجودہ وفاقی حکومت ہمارا راستہ روکنے کے لیے اوچھے ہتھکنڈے استعمال کررہی ہے۔ پر امن احتجاج ہمارا آئینی اور جمہوری حق ہے، یہ حق ہم ضرور استعمال کریں گے، عوام ان کے تمام کاموں اور اقدامات کو غلط سمجھ رہی ہے، یہ آئینی ترمیم کے نام پر پی ٹی آئی کو کمزور کرنے کی کوشش کر رہے ہیں۔ان کا مزید کہنا تھا کہ قائدین قافلوں میں نظم و ضبط اور طے شدہ لائحہ عمل پر عمل درآمد یقینی بنائیں، ہم پر امن انداز میں اپنا جمہوری حق استعمال کریں گے، کسی کو نقصان پہنچانا ہمارا مقصد نہیں ہے۔وزیراعلیٰ علی امین گنڈاپور نے کہا کہ پرامن احتجاج میں شرکت کے لیے زیادہ سے زیادہ کارکنان اور عوام کو متحرک کرنا ہے، خیبر پختونخوا کے قافلے ایک منظم انداز میں اسلام آباد پہنچیں گے اور پارٹی قائدین کو قافلوں کی قیادت کرنا ہوگی اور انہیں قیادت کا کردار ادا کرنا ہوگا۔علی امین گنڈا پور نے مزید کہا کہ وفاقی اور پنجاب حکومت مالکان کر زدوکوب کرکے گاڑیاں پکڑ رہی ہے۔ انہوں نے مزید بتایاکہ پشاور سے دس بجے اور صوابی سے 11 بجے تک نکلیں گے۔

چار اکتوبر کو ہر صورت ڈی چوک پہنچیں گے چاہیے جتنا وقت لگے، علی امین گنڈاپور

وفاقی حکومت ہمارا راستہ روکنے کیلئے اوچھے ہتھکنڈے استعمال کر رہی ہے، وزیر اعلیٰ خیبر پختونخوا

چیئرمین پاکستان پیپلز پارٹی بلاول بھٹو زرداری کا کہنا ہے کہ 25 اکتوبر کے بعد آئینی ترامیم میں مشکلات پیدا ہو سکتی ہیںاگر میں ان ترامیم کی قیادت کرتا تو پی ٹی آئی کو بھی ساتھ رکھتا کیونکہ مولانا فضل الرحمان کی بھی یہی خواہش ہے۔تفصیلات کے مطابق بلاول بھٹو زرداری نے کہا ہے کہ 25 اکتوبر کے بعد آئینی ترامیم میں مشکلات ہوں گی البتہ اس سے قبل ترامیم ہوئیں تو 19ویں ترمیم جیسی مشکلات نہیں ہوں گی اور اگر بانی پی ٹی آئی عمران خان کا ملٹری ٹرائل کرنا ہے تو ثبوت لانا ہو گا۔اسلام آباد میں کورٹ رپورٹرز سے گفتگو کرتے ہوئے بلاول بھٹو زرداری کا کہناتھا کہ آئینی ترامیم کو میں لیڈ کرتا تو پی ٹی آئی کو بھی ساتھ رکھتا، حکومت نے ہم سے پہلے ترمیم کا آئیڈیا عدلیہ سے شیئر کر دیا، اس کے بعد مخصوص نشستیں ہی ہم سے چھن گئیں اگر 25 اکتوبر کے بعد آئینی ترامیم میں مشکلات ہوں گی۔ شاید اسی لئے اس بار ترامیم کو خفیہ رکھا گیا ہے۔ صحافی نے سوال کیا کہ کیا بانی پی ٹی آئی کا ملٹری ٹرائل ہونا چاہیے؟ جس ہر بلاول بھٹو نے کہا کہ ملٹری ٹرائل کرنا ہے تو ثبوت لائیں فکر نہ کریں معافی کا اختیار اس وقت ہمارے پاس ہے اور ویسے بھی پیپلز پارٹی سزائے موت کے خلاف ہے، پی ٹی آئی کو عدلیہ میں خامیاں 2022 کے بعد نظر آئیں، 90 کی دہائی میں ہم وکیل کرتے تھے ن لیگ جج کرتی تھی، ایک شخص کیلئے ترمیم ہوتی تو تاحیات تعیناتی لکھ دیتے، آئینی عدالت کا قیام میثاق جمہوریت کا حصہ تھا۔بلاول بھٹو نے کہا کہ آئینی عدالت کا قیام میثاق جمہوریت کا حصہ تھا، ہم صوبائی سطح پر بھی آئینی عدالتیں چاہتے ہیں، کراچی بدامنی کیس کوبرسوں سے زیر التوا رکھاگیا، بدامنی کیس کوبنیادبناکرعدالت نےسندھ کابلدیاتی نظام بدلا، بدامنی کیا صرف کراچی میں ہے؟ کے پی بلوچستان میں نہیں؟سندھ کیلئے اس کیس میں عدالت نے آئین ہی الگ کر دیا کوئی جج آکر کہہ دیتا ہے50 کی دہائی والا کراچی چاہئے، 50 والے کراچی پر جائیں تو نہ بلڈنگ بنیں نہ کچھ ہو۔بلاول کا مزید کہناتھا کہ اسٹیبلشمنٹ اختیارکاغلط استعمال کرے تومیں بول توسکتا ہوں، عدلیہ کے اختیار کے استعمال پر بولنے پر توہین لگ جاتی ہے، آئینی عدالت کےسربراہ فائز عیسی ہوں یاجسٹس منصور3 سال کیلئے ہوں گے، جسٹس منصور علی شاہ پر یقین ہے وہ اختیارات کا غلط استعمال نہیں کرتے، ہم نے صدر سے سارے اختیارات لیکر وزیراعظم کو دیئے تو عدالت کے کیوں نہیں، ہم نے بھی تو قومی اسمبلی کے اوپر سینیٹ کو رکھا ہے۔بلاول بھٹو زرداری سے پوچھا گیا کہ کیا مجوزہ آئینی ترامیم کی ڈیڈ لائن 25 اکتوبر تک ہے تو ان کا کہنا تھا کہ 25 اکتوبر سے پہلے ترامیم ہوجائیں تو معاملہ پر امن طور پر حل ہوجائے گا، بعد میں بھی ہوسکتی ہیں لیکن پھر آمنے سامنے کی صورت حال ہوسکتی ہے۔انہوں نے کہا کہ آئینی عدالت کے معاملے کو ایسے نہیں چھوڑیں گے، اس کو پایہ تکمیل تک پہنچائیں گے، اس وقت آئینی عدالت کے حوالے سے متحرک ہونے سے متعلق ان کا کہنا تھا کہ ہم پہلے ہی بہت تاخیر کا شکار ہوچکے ہیں، ہمارا تو 2006 کا مطالبہ ہے اور یہ ہمارے منشور کا بھی حصہ ہے۔چیئرمین پی پی پی نے کہا کہ عدلیہ نے جو کیا اس کی ٹائمنگ پر کیوں بات نہیں ہو رہی ہے، جس طرح مخصوص نشستوں پر حکم امتناع جاری کیا گیا اس کی ٹائمنگ پر بات کیوں نہیں کی جاتی، جب 14 ستمبر کو پارلیمنٹ کا اجلاس ہونا تھا اس وقت ہفتے والے دن ججوں کی 4 صفحات کی وضاحت کی ٹائمنگ پر سوال کیوں نہیں کیا جاتا ہے۔ان کا کہنا تھا کہ آئینی عدالت کے سربراہ کی مدت تین سال ہوگی جبکہ فوجی عدالتوں کے قیام کے حق میں نہیں ہیں، وفاقی آئینی عدالت کے قیام کا جواز سپریم کورٹ کی اپنی ماضی کی تاریخ ہے۔انہوں نے کہا کہ آئینی ترامیم نہ ہونے کی صورت میں پیدا ہونے والے حالات پھر شاید کسی کے کنٹرول میں نہ رہیں، اٹھارویں ترمیم کے ذریعے مارشل لا کا راستہ روکا گیا۔چئیرمین پی پی بلاول بھٹو نے کہا کہ سیاستدان واپس سیاست کے دائرے میں آئیں، کون بنے گا وزیر اعظم کا کھیل ختم کریں، کون چیف بنے گا کون نہیں یہ کھیل بھی ختم ہونا چاہیئے۔ پولرائزیشن اتنی بڑ چکی کہ کہا جاتا ہے جو خان کے ساتھ ہے بس وہی ٹھیک ہے۔

پچیس اکتوبر کے بعد آئینی ترامیم میں مشکلات پیدا ہوسکتی ہیں،بلاول بھٹو زرداری

آئینی ترامیم نہ ہونے کی صورت میں پیدا ہونے والے حالات پھر شاید کسی کے کنٹرول میں نہ رہیں، چیئرمین پی پی پی

ملائیشیا کے وزیر اعظم داتو سیری انور بن ابراہیم تین روزہ سرکاری دورے پر اسلام آباد پہنچ گئے ہیں۔ملائیشیا کے وزیراعظم داتو سری انور ابراہیم وفد کے ہمراہ نور خان ایئربیس پہنچے جہاں پر وزیراعظم شہباز شریف نے معزز مہمان کا پرتپاک استقبال کیا گیا جبکہ انہیں 21 توپوں کی سلامی بھی پیش کی گئی۔ روایتی لباس میں ملبوس بچوں نے وزیراعظم انور ابراہیم کو پھول پیش کیے۔پاک فوج کے چاق و چوبند دستے نے معزز مہمان کو سلامی دی، اعلیٰ سطح کا وفد بھی ملائیشیا کے وزیراعظم کے ہمراہ ہے۔دورے کے دوران ملائیشین وزیراعظم صدر مملکت آصف علی زرداری اور وزیراعظم شہباز شریف سے ملاقات کریں گے جبکہ آرمی چیف جنرل عاصم منیر سے بھی ملاقات ہوگی۔ملاقاتوں میں مختلف شعبوں میں تعاون اور دو طرفہ تعلقات کے فروغ پر تبادلہ خیال کیا جائے گا جبکہ ملائیشین وزیراعظم کے دورہ کے موقع پر مفاہمت کی یاداشتوں پر دستخط ہوں گے۔ ترجمان دفتر خارجہ کے مطابق ملائیشیا کے وزیراعظم کے سرکاری دورے میں دوطرفہ تعلقات مزید مستحکم کرنے کے ایجنڈے پر تبادلہ خیال کیا جائے گا جبکہ تجارت، توانائی، زراعت، حلال صنعت، سیاحت اور ثقافتی تبادلوں پر گفتگو ہو گی۔

ملائیشیا کے وزیراعظم انور ابراہیم 3 روزہ دورے پر پاکستان پہنچ گئے

پاکستان آمد پر ملائیشیا کے وزیراعظم کو روایتی لباس میں ملبوس بچوں نے پھول پیش کیے

اسرائیل نے سیکرٹری جنرل اقوام متحدہ انتونیو گوتریس کے تل ابیب میں داخل ہونے پر پابندی لگا دی۔اسرائیلی وزیر خارجہ اسرائیل کاٹز نے اپنے بیان میں کہا کہ اقوام متحدہ کے سیکرٹری جنرل گوتیرس کو ایران کی جانب سے اسرائیل پر کیے جانے والے میزائل حملوں کی پرزور مذمت نہ کرنے پر اسرائیل میں داخل ہونے سے روک دیا ہے۔میڈیا رپورٹس کے مطابق اسرائیلی وزیرِ خارجہ نے کہا ہے کہ اقوامِ متحدہ کے سیکریٹری جنرل انتونیو گوتیرس کو اسرائیل پر ایران کے بڑے میزائل حملے کی واضح طور پر مذمت کرنے میں ناکامی پر اسرائیل میں داخل ہونے سے روک رہے ہیں۔ اسرائیل کے وزیر خارجہ کاٹزکاکہناتھاکہ جو کوئی بھی اسرائیل پر ایران کے گھناؤنے حملے کی واضح طور پر مذمت نہیں کر سکتا، وہ اسرائیلی سرزمین پر قدم رکھنے کا مستحق نہیں ہے۔وزیر خارجہ کاٹز نے اقوام متحدہ کے جنرل سیکرٹری کو اسرائیل مخالف قرار دیتے ہوئے الزام عائد کیا کہ انتونیو گوتریس دہشت گردوں، عصمت دری کرنے والوں اور قاتلوں کی حمایت کرتے ہیں۔اسرائیلی وزیر خارجہ کاٹز نے مزید کہا کہ انتونیو گوتریس نے حماس، حزب اللہ، حوثیوں اور اب ایران کے قاتلوں کی حمایت کی جو عالمی دہشت گردی کی ماں ہے۔وزیر خارجہ کاٹز نے کہا کہ آنے والی نسلیں انتونیو گوتریس کے کردار کو اقوام متحدہ کی تاریخ پر ایک داغ کے طور پر یاد رکھے گی۔واضح رہے کہ قوام متحدہ کے سیکریٹری جنرل انتونیو گوتریس نے گزتہ روز  ایران کے حملوں کے بعد مشرق وسطیٰ کے تنازع اور کشیدگی مزید پھیلنے کے امکان کو ظاہر کرتے ہوئے اس کی مذمت کی اور ایک بار پھر فوری جنگ بندی کا مطالبہ کیا تھا۔ایران کی جانب سے اسرائیل پر میزائل حملے کے بعد سماجی رابطے کی ویب سائٹ ایکس پر جاری اپنی ایک پوسٹ میں انتونیو گوتریس نے کہا تھا کہ مشرق وسطیٰ کی جنگ مزید نہیں پھیلنی چاہیے یہ سلسلہ بند ہونا چاہیے۔اسرائیل کے سابق وزیراعظم نفتالی بینیٹ نے بھی ایران کے میزائل حملوں پر اقوام متحدہ سیکریٹری جنرل کے مذمتی بیان پر کڑی تنقید کی ہے اور ان کے استعفیٰ کا مطالبہ کیا ہے۔

اسرائیل نے سیکریٹری جنرل اقوام متحدہ انتونیو گوتریس کے ملک میں داخلے پر پابندی لگادی

انتونیو گوتریس نے عالمی دہشت گردی کی ماں ایران کے حملوں کی مذمت نہیں کی، اسرائیلی وزیر خارجہ

نوبل انعام یافتہ ملالہ یوسفزئی نے فلسطینی بچوں کی بحالی کے لیے 3 لاکھ ڈالر کی ہنگامی امداد کا اعلان کیا ہے، جس سے غزہ کے بچوں کو بنیادی ضروریات فراہم کی جائیں گی اور ساتھ ہی ملالہ نے غزہ میں فوری اور دیرپا جنگ بندی کا مطالبہ بھی کیا ہے۔سوشل میڈیا پر جاری بیان میں ملالہ یوسفزئی نے کہا کہ وہ غزہ متاثرین کے لیے مزید 3 لاکھ ڈالر رقم جاری کررہی ہیں جو فلسطینی بچوں کے بحالی کے لیے کام کرنے والی انسانی حقوق کی تنظیموں کو دی جائے گی۔ملالہ کے مطابق فنڈ سے غزہ کے بچوں کے لیے خوراک، صاف پانی اور طبی امداد سمیت دیگر ضروریات کا انتظام کیا جائے گا۔ملالہ نے اپنے بیان میں غزہ میں فوری جنگ بندی کا بھی مطالبہ کیا۔انہوں نے مزید کہا کہ وہ غزہ کے ان فلطسینی بچوں کے بارے میں روز سوچتی ہیں جن پر اسرائیل بم برسا رہا ہے، ان کے گھر اور اسکول تباہ کردیے گئے اور وہ اپنے پیاروں سے بچھڑ کرتنہا رہ گئے ۔واضح رہے کہ ملالہ فنڈ اکتوبر 2023 میں بھی انسانی حقوق تنظیموں کے لیے 3 لاکھ ڈالر جاری کرچکا ہے۔

ملالہ یوسفزئی کا فلسطینی بچوں کیلئے 3 لاکھ ڈالر ہنگامی امداد کا اعلان

فنڈ سے غزہ کے بچوں کیلئے خوراک، صاف پانی اور طبی امداد سمیت دیگر ضروریات کا انتظام کیا جائے گا

بالی وڈ انڈسٹری کی مقبول اداکارہ و ماڈل اروشی روٹیلا ایک بار نسیم شاہ سے متعلق تبصرے پر خبروں کی زینت بن گئیں۔تفصیلات کے مطابق بالی ووڈ اداکارہ اروشی روٹیلا نے پاکستانی پیسر نسیم شاہ کو پسندیدہ کرکٹر قرار دے دیا۔اروشی روٹیلا حال ہی میں متحدہ عرب امارات میں منعقدہ فلمی ایوارڈ آئیفا کی تقریب میں شریک ہوئیں جہاں انہوں نے میڈیا نمائندوں سے غیر رسمی گفتگو بھی کی۔اس موقع پر صحافی نے اروشی سے سوال کیا کہ پاکستانی ٹیم میں آپ کا پسندیدہ کھلاڑی کون ہے؟ جس پر اروشی نے جواب دیا کہ پاکستان ایک اچھی ٹیم ہے ، نسیم شاہ بہت اچھا کرکٹر ہے۔نسیم شاہ سے متعلق بیان دینے پر صارفین کی جانب سے دلچسپ تبصرے شروع ہو گئے ایک صارف کا کہنا تھا کہ نسیم شاہ کے لیے بہو ہم خود ہی پسند کریں گے۔سوشل میڈیا پرایک اور میم شیئر کی گئی جس میں صارف کا کہنا تھا کہ آپ سے ہاتھ جوڑ کر گزارش ہے کہ ہمارے لڑکے سے دور رہیے۔یاد رہےگزشتہ ایشیا کپ میں بھی پاکستان کرکٹ ٹیم کے فاسٹ بالر نسیم شاہ اور بھارتی اداکارہ اروشی روٹیلا سوشل میڈیا پرخوب توجہ کا مرکز بنے تھے۔ اداکارہ کی جانب سے نسیم شاہ کو سالگرہ کے موقع پر اوراعزازی ڈی ایس پی بننے پر بھی مبارکباد دی گئی تھی جو سوشل میڈیا پر خوب وائرل ہوئی تھی۔واضح رہے کہ اروشی روٹیلا اس سے قبل بھی نسیم شاہ کے حوالے سے خبروں میں رہ چکی ہیں۔ سال 2023 میں ایشیا کپ میں پاکستان اور بھارت کے میچ سے قبل اروشی روٹیلا نے نسیم شاہ کی پاکستانی ٹیم کے ساتھ تصویر شئیر کی تھی۔ پھر آگے اداکارہ کی جانب سے نسیم شاہ کو سالگرہ اوراعزازی ڈی ایس پی بننے پر مبارک باد دی تھی جو سوشل میڈیا پر وائرل ہوئی تھی۔

اروشی روٹیلا نے ایک بار پھر نسیم شاہ کو پسندیدہ قرار دیدیا، نئی ویڈیو وائرل

بالی وڈ اداکارہ اروشی روٹیلا ماضی میں بھی نسیم شاہ کے حوالے سے خبروں میں رہ چکی ہیں

پاکستان تحریک انصاف کے وکلاء کا سپریم کورٹ کے باہر احتجاجی مظاہرہ ،چیف جسٹس قاضی فائزعیسیٰ کیخلاف نعرے بازی،اسلام آباد ہائی کورٹ سے وکلا کی ریلی سپریم کورٹ کے باہر پہنچی جہاں انہوں نے چیف جسٹس آف پاکستان قاضی فائز عیسی کے خلاف شدید نعرے بازی کی، مظاہرین وکلا قاضی فائز عیسی کا پتلا بھی اپنے ساتھ لائے،پاکستان تحریک انصاف کے مظاہرے میں انصاف لائرز فورم کے وکلاءسمیت پی ٹی آئی رہنماؤں نے بھی شرکت کی۔احتجاج کے پیش نظر اسلام آباد میں ریڈ زون کو سیل کردیا گیا اور راستوں پر کنٹینرز رکھ دیے گئے جس کی وجہ سے ایکسپریس ہائی وے پر گاڑیوں کی لمبی قطاریں لگ گئیں اور دفاتر، تعلیمی اداروں کو جانیوالے سڑکوں پر رُل گئے۔پی ٹی آئی کے وکلاء رکاوٹیں عبور کرکے احتجاج کیلئے سپریم کورٹ کے باہر پہنچے تو اس موقع پر پولیس کی بھاری نفری نے پوزیشنیں سنبھال لیں۔اسلام آباد ہائیکورٹ سے وکلا کی ریلی سپریم کورٹ کے باہر پہنچی جہاں انہوں نے چیف جسٹس قاضی فائز عیسی کے خلاف نعرے بازی کی۔ وکلا قاضی فائز عیسی کا پتلا بھی ساتھ لائے تھے۔بیرسٹر گوہر نے سپریم کورٹ کے باہر میڈیا سے گفتگو کرتے ہوئے کہا کہ سپریم کورٹ کی ذمہ داری ہے عوام کے حقوق کا تحفظ کرے، عدلیہ کو جب بھی تقسیم کرنے کی کوشش ہوئی وکلاء باہر آئے ہیں، مجوزہ آئینی ترمیم غیر آئینی ہے، پورے ملک کو کنٹینرستان بنادیا گیا ہے۔صدر آئی ایل ایف پاکستان‪اشتیاق اے خان نے کہا کہ سپریم کورٹ میں آرٹیکل 63اے جو سماعت چل رہی وہ خرید و فروخت کا بازار چلا جارہا ہیں۔قاضی کے غیر قانونی آئینی ترامیم آرڈنینس کو ختم کریں۔

سپریم کورٹ کے باہر پی ٹی آئی وکلا ءکا احتجاج، چیف جسٹس کیخلاف شدید نعرے بازی

مظاہرین وکلا قاضی فائز عیسی کا پتلا بھی اپنے ساتھ لائے جہاں انہوں نے چیف جسٹس کیخلاف نعرے بازی کی

سپریم کورٹ نے آرٹیکل 63 اے نظرثانی کیس میں بینچ کی تشکیل کے حوالے سے پاکستان تحریک انصاف (پی ٹی آئی) کے بانی چیئرمین عمران خان کے وکیل علی ظفر کا اعتراض مسترد کرتے ہوئے ریمارکس دیے ہم سب کا مشترکہ فیصلہ ہے بینچ کے اعتراض کو مسترد کرتے ہیں جبکہ عدالت نے علی ظفر کی استدعا منظور کرتے ہوئے عمران خان سے فوری ملاقات کرانے کے احکامات جاری کردیے گئے۔چیف جسٹس قاضی فائزعیسیٰ کی سربراہی میں سپریم کورٹ کے 5 رکنی لارجر بینچ نے آرٹیکل 63 اے کی تشریح کے فیصلے کے خلاف نظرثانی اپیلوں پر سماعت کی ۔ بینچ میں جسٹس امین الدین، جسٹس جمال خان مندوخیل، جسٹس نعیم اختر افغان اور جسٹس مظہر عالم شامل تھے۔عدالت میں پی ٹی آئی کے وکیل بیرسٹر گوہر سمیت دیگر، پیپلز پارٹی کے وکیل فاروق ایچ نائیک، ایڈیشنل اٹارنی جنرل اور دیگر موجود تھے۔صدر سپریم کورٹ بار شہزاد شوکت روسٹرم آئے اور گزشتہ روز کی طرح دلائل کو جاری رکھا۔ سماعت میں 63 اے کے تفصیلی فیصلے سے متعلق رجسٹرار کی رپورٹ پیش کی گئی جس میں بتایا گیا کہ تفصیلی فیصلہ 14 اکتوبر 2022ء کو جاری ہوا۔شہزاد شوکت نے کہا کہ تفصیلی فیصلے کے انتظار میں نظرثانی دائر کرنے میں تاخیر ہوئی۔جسٹس جمال نے کہا کہ عام بندے کا کیس ہوتا تو بات اور تھی کیا سپریم کورٹ بار کو بھی پتا نہیں تھا نظرثانی کتنی مدت میں دائر ہوتی ہے؟شہزاد شوکت نے کہا کہ مفادِعامہ کے مقدمات میں نظرثانی کی تاخیر کو نظر انداز کیا جاسکتا ہے، مفادِعامہ کے مقدمات کو جلد مقرر بھی کیا جاسکتا ہے، نظرثانی دو سال سے سماعت کے لیے مقرر نہیں ہوئی تھی۔بانی پی ٹی آئی عمران خان کے وکیل علی ظفر نے کہا کہ نظرثانی درخواست تاخیر سے دائر ہوئی جس کے باعث مقرر نہیں ہوئی، میں پہلے ایک بیان دے دوں۔چیف جسٹس قاضی فائز عیسیٰ نے کہا کہ عدالت میں بیان نہیں گزارشات سنتے ہیں، بیان ساتھ والی عمارت پارلیمنٹ میں جا کر دیں، آپ بتائیں نظرثانی فیصلے کے خلاف ہوتی ہے یا اس کی وجوہات کے خلاف ہوتی ہے؟بیرسٹر علی ظفر نے کہا کہ کل کے دلائل بہت میٹھے تھے، چیف جسٹس نے مسکراہٹ کے ساتھ جواب دیا کہ آج کے دلائل کل سے بھی زیادہ میٹھے ہوں گے۔جسٹس جمال مندوخیل نے کہا کہ یعنی آپ کو کل کے دلائل پسند آئے تھے؟ جسٹس نعیم افغان نے لقمہ دیا کہ شیریں اور تلخ کی ملاوٹ سے ہی ذائقہ بنتاہے۔وکیل علی ظفر نے اپنی بات کو آگے بڑھایا اور کہا کہ میں بتانا چاہتاہوں کہ آج میں تلخ دلائل دوں گا، میں نے درخواست دائر کی لیکن سپریم کورٹ کے آفس نے منظور نہیں کی۔چیف جسٹس نے کہا کہ آپ ہمیں درخواست کا بتا دیں، آپ نے صبح دائر کی ہوگی۔بیرسٹر علی ظفر نے کہا کہ مجھے دلائل دینے کے لیے وقت درکار ہے، مجھے بانی پی ٹی آئی سے کیس پر مشاورت کرنی ہے، وہ سابق وزیراعظم ہیں اور درخواست گزار بھی ہیں اور انہیں آئین کی سمجھ بوجھ ہے انہیں معلوم ہے کہا کہنا یے کیا نہیں اس لیے مجھے اجازت دیں کہ عمران خان سے اس معاملے پر مشاورت کرلوں۔اس پر قاضی فائز عیسیٰ نے کہا کہ آپ دلائل اپنے شروع کریں۔ بیرسٹرعلی ظفر نے کہا کہ یعنی آپ میری بانی پی ٹی آئی سے ملاقات کی درخواست کو مسترد کر رہے ہیں؟جسٹس نعیم افغان نے کہا کہ آپ کل بھی ملاقات کرسکتےتھے، علی ظفر نے کہا کہ وہ جیل میں ہیں۔چیف جسٹس نے کہا کہ آپ کو مشاورت کرنی تھی تو کل بتاتے عدالت کوئی حکم جاری کردیتی، ماضی میں ویڈیو لنک پر بانی پی ٹی آئی کو بلایاتھا، وکلاء کی ملاقات بھی کروائی تھی۔دوران سماعت پی ٹی آئی وکیل طیب مصطفٰین کاظمی نے پانچ رکنی لارجر بنچ کو دھمکی دے دی۔ طیب مصطفین کاظمی نے کہا کہ  باہر پانچ سو وکیل کھڑے ہیں میں دیکھتا ہوں پی ٹی آئی کے خلاف یہ بنچ کیسے فیصلہ دیتا ہے؟چیف جسٹس نے کہا کہ کیا ملکی اداروں کو اس طرح دھمکا کر چلانا چاہتے ہیں؟ میرا قصور صرف یہ ہے کہ میں نے ہمیشہ برداشت کا مظاہرہ کیا، میری عدم برداشت کی ایسی تربیت ہی نہیں ہے، سابق چیف جسٹس ثاقب نثار نے کتنے اراکین پارلیمنٹ کو جیل بھیجا ذرا بتائیں، کوئی جتنا مرضی برا بھلا کہتا رہے ہم کیس چلائیں گے۔طیب مصطفین کاظمی نے کہا کہ پی ٹی آئی اس کیس کی متاثرہ ہے، یہ عدالتی بنچ درست نہیں ہے۔چیف جسٹس نے اظہار برہمی کرتے ہوئے حکم دیا کہ پولیس والوں کو بلایا جائے اس پر وکیل نے کہا کہ بلائیں پولیس کو آپ کا کام ہی یہی ہے۔ چیف جسٹس بولے کہ ہم اپنی توہین برداشت نہیں کریں گے۔ جسٹس مظہر عالم میاں نے کہا کہ عدالت میں کھڑے ہو کر سیاسی باتیں نہ کریں، جب کہ وکیل طیب مصطفین کاظمی کمرہ عدالت سے باہر چلے گئے۔چیف جسٹس نے کہا کہ اب دیکھیے گا کچھ یوٹیوبرز بھی ساتھ باہر جائیں گے اور پھر تبصرے ہوں گے لگتا ہے عدالت میں جو ہوا مقصد پورا ہوگیا۔جسٹس جمال نے کہا کہ یہ ٹرینڈ بن چکا ہے فیصلہ پسند نہ ہو تو عدالتی بنچ پر ہی انگلیاں اٹھانا شروع کر دو، ہم یہاں عزت کیلئے بیٹھے ہیں یہ کوئی طریقہ نہیں ہے جس کے دل میں جو آتا ہے کہتا چلا جاتا ہے ہم پیسوں کے لیے جج نہیں بنے، آپ کو پتا ہے جتنی جج کی تنخواہ بنتی ہے اتنا تو وکیل ٹیکس دے دیتا ہے آئینی اداروں کو دھمکیاں لگانے کا سلسلہ بند کریں۔چیف جسٹس نے بیرسٹر علی ظفر کو دلائل جاری رکھنے کی ہدایت کی۔ علی ظفر نے کہا کہ اس کیس میں ہمیں کوئی نوٹس تک نہیں دیا گیا، کل عدالت نے جو طریقہ اپنایا وہ غیر قانونی ہے، ایک ہی دن سب کو اکٹھا کر کے کہہ دیا کہ کون کون نظر ثانی کی حمایت کرتا ہے؟ اس کیس میں فریقین کو نوٹس جاری کرنا ضروری تھا۔ بیرسٹر علی ظفر نے بینچ پر اعتراض کیا کہ یہ بینچ قانونی نہیں ہے یہ بینچ ترمیمی آرڈیننس کے مطابق بھی درست نہیں اب میرے دلائل سخت ہوں گے۔چیف جسٹس نے کہا کہ آپ کے لہجے میں آج تک تلخی نہیں دیکھی۔ وکیل علی ظفر نے مزید کہا کہ پریکٹس اینڈ پروسیجر کیس میں یہ عدالت فیصلہ دے چکی، چیف جسٹس نے کہا کہ آپ کی جماعت نے اس ایکٹ کی مخالفت کی تھی جس پر علی ظفر نے کہا کہ دلائل میں کسی نے کیا کہا وہ اہم نہیں، آپ کا فیصلہ اہم ہے۔چیف جسٹس نے ریمارکس دیئے کہ کل آپ کی جماعت ایسا قانون بنا دے تو کیا میں کہہ سکتا ہوں مجھے پسند نہیں، یہ ججز کی پسند یا ناپسند کی بات نہیں، قانون معطل تھا، اس کے باوجود میں نے چیف جسٹس بن کر دو سینئر ججز سے مشاورت کی، ہمارے پاس ترمیمی آرڈیننس چیلنج نہیں کیا گیا، ہم اس وقت نظر ثانی کی درخواست سن رہے ہیں۔چیف جسٹس نے کہا آپ دلائل نہیں دے رہے، میرٹ پر دلائل دیں جس پر علی ظفر نے کہا کہ اگر آپ نے فیصلہ کر لیا کہ فیصلہ لکھنے والے جج کو نہیں بٹھانا تو مجھے اپنے موکل سے ملنے دیں۔سپریم کورٹ نے علی ظفر کی استدعا منظور کر لی، عدالت نے ایڈیشنل اٹارنی جنرل عامر رحمان کو علی ظفر کی بانی پی ٹی آئی عمران خان سے فوری ملاقات کرانے کے احکامات جاری کر دیئے۔چیف جسٹس قاضی فائز عیسیٰ نے ایڈیشنل اٹارنی جنرل کو علی ظفر کی بانی پی ٹی آئی عمران خان سے ملاقات کرانے کے انتظامات کرنے کی ہدایت کرتے ہوئے کہا کہ کوشش کریں آج رات تک ملاقات ہو جائے۔بعد ازاں آرٹیکل 63 اے نظر ثانی اپیلوں پر سماعت کل ساڑھے گیارہ بجے تک ملتوی کر دی گئی۔

آرٹیکل63 اے نظرثانی کیس، چیف جسٹس نے بنچ کی تشکیل پر اعتراض مسترد کر دیا

سپریم کورٹ نے علی ظفر کی استدعا منظور کرتے ہوئے عمران خان سے فوری ملاقات کرانے کے احکامات جاری کردیئے

پاکستان کرکٹ بورڈ (پی سی بی) نے بابر اعظم کی جانب سے ون ڈے اور ٹی20 فارمیٹ کی کپتانی سے استعفیٰ منظور کرلیا ہے اور اس کی تصدیق کردی ہے۔پی سی بی کی جانب سے اس حوالے سے جاری بیان میں کہا گیا ہے کہ کرکٹ بورڈ بابر اعظم کی بطور وائٹ بال کپتان خدمات، ٹیم کا مطلوبہ معیار پورا کرنے کے لیے ان کی صلاحیتوں اور پاکستان کرکٹ کے لیے ان کے غیرمتزلزل عزم کا اعتراف کرتا ہے۔پی سی بی نے کہا کہ کرکٹ بورڈ سمجھتا ہے کہ بابر اعظم ایک عالمی معیار کے بلے باز اور ایک سینیئر ٹیم ممبر کی حیثیت سے اب بھی ایک اہم کردار ادا کرسکتے ہیں اور پی سی بی ان کی حمایت جاری رکھے گا۔خیال رہے کہ بابر اعظم نے ون ڈے اور ٹی20 اسکواڈ کی کپتانی سے استعفیٰ دے دیا تھا۔ ان کا کہنا تھا،قومی ٹیم کی قیادت میرے لیے ایک اعزاز رہا ہے تاہم اب تمام تر توجہ اپنی کارکردگی پر دینا چاہتا ہوں۔دوسری جانب پاکستان کرکٹ ٹیم کے کپتان بابراعظم کی ایک بار پھر کپتانی چھوڑنے کی اندرونی کہانی سامنے آگئی، بابر اعظم نے صرف ون ڈے کی قیادت تک محدود رکھنے پر استعفی دیا جبکہ پاکستان کرکٹ بورڈ نے بابراعظم کا استعفی منظور کرلیا۔میڈیارپورٹس کے مطابق بابراعظم کو صرف ون ڈے ٹیم کی کپتانی جاری رکھنے کا کہا گیا،وائٹ بال ٹیم کے ہیڈکوچ گیری کرسٹن کی خواہش تھی کہ بابراعظم صرف ون ڈے فارمیٹ کیلئے کپتانی کرتے رہیں اور اس مقصد کیلئے انہوں نے ٹی20 ورلڈکپ کے بعد اپنی رپورٹ میں اسٹار کرکٹر کو مختصر فارمیٹ کی کپتانی سے ہٹانے کا ذکر کیا تھا۔کنکشن کیمپ کے دوران کوچ گیری کرسٹن انہیں قائل کرتے رہے لیکن بابر اعظم نے پیشکش قبول نہیں کی اور انہوں نے پاکستان ٹیم کی کپتانی سے استعفیٰ دے دیا۔ذرائع کا کہنا ہے کہ وائٹ بال ٹیم کی قیادت کےلیے محمد رضوان مضبوط امیدوار ہیں۔

پاکستان کرکٹ بورڈ نے بابراعظم کا کپتانی سے استعفیٰ منظور کرلیا

ہیڈکوچ گیری کرسٹن بابراعظم کی ٹی20 فارمیٹ میں کپتانی کے حق میں نہیں تھے،رپورٹ

بلوچستان لبریشن آرمی (بی ایل اے) کو بڑا دھچکا ، بلوچستان کے علاقے ہرنائی میں دہشت گردوں کے خلاف سکیورٹی فورسز نے کامیاب آپریشن کیا، خفیہ اطلاعات کی بنیاد پر کیے گئے آپریشن میں بی ایل اے کے 6 دہشت گردوں کو جہنم واصل کردیا گیا۔نجی ٹی وی نے سیکورٹی ذرائع کےحوالے سے بتایا کہ بلوچستان کے علاقے ہرنائی میں 12 ستمبر 2024 کو سکیورٹی فورسز نے بی ایل اے کے ٹھکانوں پر انٹیلی جینس بنیادوں پر کامیابی سے جوائنٹ آپریشن کیا ، آپریشن کے نتیجے میں بی ایل اے کے 6 اہم دہشت گرد مارے گئے۔ ہلاک دہشت گردوں میں شافو سمالانی عرف تادین، سرمد خان عرف دستین، محمد گل مری عرف واحد بلوچ، غلام قادرمری عرف انجیر بلوچ، عبید بلوچ عرف فدا اور تاج محمد عرف بابل شامل ہیں۔ تمام ہلاک دہشت گرد سیکورٹی فورسز اور معصوم لوگوں پر براہ راست حملوں میں ملوث تھے۔دفاعی ماہرین کا کہنا ہے کہ بی ایل اے کے 6 دہشت گردوں کی ہلاکت سکیورٹی فورسز کی بڑی کامیابی ہے، ان دہشت گردوں کی ہلاکت بی ایل اے کے لیے بڑا دھچکا ہے۔دفاعی ماہرین کے مطابق دہشت گردوں کے خلاف سکیورٹی فورسز کی کامیابی واضح کرتی ہے کہ دہشت گردوں کی کمر ٹوٹ چکی ہے، بلوچستان کی غیور عوام نے نام نہاد آزادی کا لبادہ اوڑھے دہشت گردوں کو مسترد کر دیا ہے۔

بی ایل اے کو بڑا دھچکا، سکیورٹی فورسز کی کامیاب کارروائی ، 6 دہشت گرد ہلاک

ہلاک دہشت گرد سیکورٹی فورسز اور معصوم لوگوں پر براہ راست حملوں میں ملوث تھے

ڈونلڈ ٹرمپ نے بائیڈن انتظامیہ کو مشرق وسطیٰ میں بڑھتی ہوئی کشیدگی کا ذمہ دار قرار دے دیا۔اپنے ایک بیان میں ڈونلڈ ٹرمپ نے بائیڈن انتظامیہ کو مشرق وسطیٰ میں بڑھتی ہوئی کشیدگی کا ذمہ دار قرار دیتے ہوئے کہا کہ صدر بائیڈن نے دنیا کو آگ میں دھکیل دیا ہے، دنیا آگ کی لپیٹ میں ہے اور یہ قابو سے باہر ہو رہی ہے۔ٹرمپ نے تنقید کرتے ہوئے کہا کہ ہمارے پاس جوبائیڈن کی صورت میں ایک غیر ذمہ دار صدر ہے، اس وقت امریکا کے پاس کوئی قیادت نہیں، ملک بغیر قیادت کے چل رہا ہے۔ سابق امریکی صدر نے مزید کہا کہ مشرق وسطیٰ کی جنگ پوری دنیا میں پھیل سکتی ہے، صدر منتخب ہوا تو خطے سے جنگ کا خاتمہ اور مشرق وسطیٰ میں امن بحال کراؤں گا۔

جوبائیڈن نے دنیا کو آگ میں دھکیل دیا اور یہ قابو سے باہر ہو رہی ہے، ڈونلڈ ٹرمپ

صدر منتخب ہوا تو خطے سے جنگ کا خاتمہ اور مشرق وسطیٰ میں امن بحال کراؤں گا،سابق امریکی صدر

اسرائیل پر ایران کے کامیاب حملے کے بعد ایرانی سپریم لیڈر کا سوشل میڈیا پر پیغام وائرل ہوگیا۔تفصیلات کے مطابق ایران کے سپریم لیڈر آیت اللّٰہ خامنہ ای نے اسرائیل کو خبردار کیا ہے کہ ایران کی جانب سے اگلا حملہ اس سے کہیں زیادہ تکلیف دہ ثابت ہوگا۔اسرائیل پر حملے کے بعد آیت اللّٰہ خامنہ ای نے سماجی رابطے کی ویب سائٹ ایکس پر اپنے بیان میں اسرائیل کو وارننگ دی۔ آیت اللہ خامنہ ای نے کہا کہ ایران طاقت کا دوسرا نام ہے، اسرائیل ایران کے ساتھ تصادم سے گریز کرے، اگلا حملہ اس سے کہیں زیادہ تکلیف دہ ہوگا۔ایرانی سپریم لیڈر آیت اللہ خامنہ ای نے نیتن یاہو کو عبرانی زبان میں سخت پیغام دینے ہوئے کہا کہ ایرانی حملہ اسرائیلی جارحیت کا فیصلہ کن جواب ہے، حملہ ایران کے مفاد میں کیا، نیتن یاہو کو سمجھ جانا چاہئے کہ کسی بھی جارحیت کا منہ توڑ جواب آئے گا۔ان کا کہنا تھا کہ اسرائیل نے ہوش کے ناخن نہ لئے تو اگلا حملہ اس سے کہیں زیادہ تکلیف دہ ہوگا۔اس سے قبل سپریم لیڈر کے ایکس کے آفیشل اکاؤنٹ سے آرٹیفیشل انٹیلی جنس کی مدد سے بنی میزائلوں کی تصویر پوسٹ کی گئی اور اس پر ’نصر من اللہ و فتح قريب‘ درج ہے،اس ٹوئٹ کو چند منٹ میں سیکڑوں بار ری ٹوئٹ کیا گیا ہے۔آیت اللہ خامنہ ای نے سوشل میڈیا پیغام میں کہا کہ صیہونی حکومت کے کمزور اور خستہ حال ڈھانچے پر مزاحمتی محاذ کے حملے شدید تر ہوں گے۔علاوہ ازیں ایرانی صدر مسعود پزشکیان نے ’ایکس‘ پر پیغام میں کہا کہ ایران جنگ نہیں چاہتا لیکن کسی بھی خطرے سے نمٹنے کے لئے ہمہ وقت تیار ہے۔واضح رہے کہ ایران نے اسرائیل پر 400 سے زائد بیلسٹک میزائل داغے جو اصفہان، تبریز، خرم آباد، کرج اور اراک سے فائر کیے گئے جس کے بعد مقبوضہ بیت المقدس سمیت اسرائیل بھر میں سائرن بجنے لگے، میزائل حملوں کے بعد اسرائیلیوں نے بنکرز میں پناہ لی۔

’’نصر من اللہ وفتح قريب‘‘ ایرانی حملے کے بعد خامنہ ای کی ایکس پر پوسٹ وائرل ہوگئی

صیہونی حکومت کے کمزور اور خستہ حال ڈھانچے پر مزاحمتی محاذ کی حملے شدید تر ہوں گے، ایرانی سپریم لیڈر

ترک صدر رجب طیب اردوان نے اعلان کیا ہے کہ ترکیہ اپنے تمام وسائل سے لبنان کی مکمل حمایت اور مدد کریگا۔ رجب طیب اردوان نے گزشتہ روز لبنان میں اسرائیل کی زمینی کارروائی کی مذمت کرتے ہوئے اقوام متحدہ اور دیگر بین الاقوامی اداروں پر زور دیا ہے کہ وہ’’مزید وقت ضائع کیے بغیر‘‘ اسرائیل کو روکیں۔ ان کا کہنا تھا کہ فلسطین اور لبنان کے بعد اسرائیل کا نگاہیں ترکیہ پر ہوں گی۔ترک پارلیمنٹ سے خطاب کرتے ہوئے اردوان نےکہا کہ تمام ریاستی اور بین الاقوامی تنظیموں، خاص طور پر اقوام متحدہ کو مزید وقت ضائع کیے بغیر اسرائیل کو روکنا چاہیے۔ترک صدر کا کہنا تھا کہ اسرائیل نے غزہ میں جو دہشت گردی اور نسل کشی کی تھی وہ لبنان تک پہنچ چکی ہے۔ انہوں نے خبردار کیا ہے کہ اگر اسے نہ روکا گیا تو اسرائیلی قیادت اپنی نظریں ترکیہ پر ڈال دے گی، گریٹر اسرائیل کا یہ ہی منصوبہ ہے، اسرائیل کو اگر ابھی نہ روکا گیا تو پورا خطہ جنگ کی لپیٹ میں آسکتا ہے،عالمی طاقتیں مشرق وسطیٰ میں ہونے والے قتل عام کو روکنے میں کردار ادا کریں۔انھوں نے کہا کہ قابض صیہونی فوج ایک طرف فلسطینیوں کی نسل کشی کررہی ہے، قابض صیہونی فوج دوسری طرف لبنان پر دہشت گردانہ حملے کررہی ہے۔رجب طیب اردگان نے خبردار کیا کہ لبنان پر حملوں کے نتائج اسرائیل کے لئے خطرناک ہوں گے،اردوان نے اسرائیلی وزیر اعظم بنجمن نیتن یاہو کا نازی جرمنی کے ایڈولف سے موازنہ کرتے ہوئے کہا کہ میں کھلے دل سے کہتا ہوں کہ اسرائیلی قیادت جو وعدہ شدہ سرزمین کے فریب اور ہٹلر کی طرح خالص مذہبی جنون کے ساتھ کام کرتی ہے، فلسطین اور لبنان کے بعد ہماری سرزمین پر اپنی نگاہیں جمائے گی۔ انہوں نے کہا کہ جس طرح ہٹلر کو روکا گیا تھا نیتن یاہو کو بھی اسی طرح روکا جائے گا۔

فلسطین اور لبنان کے بعد اسرائیل کی نگاہیں ترکیہ پر ہوں گی،ترک صدر

جس طرح ہٹلر کو روکا گیا تھا نیتن یاہو کو بھی اسی طرح روکا جائے گا، رجب طیب اردوان

انگلینڈ کرکٹ ٹیم پاکستان سے ٹیسٹ سیریز کھیلنے کیلئے لندن سے ملتان پہنچ گئی۔انگلش آل راؤنڈر اور کپتان بین اسٹوکس کی قیادت میں انگلینڈ ٹیم ملتان ائیرپورٹ پہنچی، جہاں دو روز آرام کے بعد 4 اکتوبر سے اپنی پریکٹس شروع کرے گی۔ملتان کرکٹ اسٹیڈیم میں پاکستان اور انگلینڈ کے درمیان پہلا ٹیسٹ میچ 7 اکتوبر سے کھیلا جائے گا۔ملتان میں ہی دوسرا ٹیسٹ میچ کھیلا جائے گا جس کا آغاز 15 اکتوبر سے ہو گا، آخری ٹیسٹ میچ راولپنڈی میں 24 اکتوبر سے کھیلا جائے گا۔

انگلینڈ کرکٹ ٹیم پاکستان سے ٹیسٹ سیریز کھیلنے کیلئے ملتان پہنچ گئی

پاکستان اور انگلینڈ کے درمیان سیریز کا پہلا ٹیسٹ میچ 7 اکتوبر سے ملتان میں شروع ہو گا

پاکستان کی وائٹ بال کرکٹ ٹیم کے کپتان بابراعظم نے کپتانی سے استعفیٰ دے دیا۔تفصیلات کے مطابق پاکستان کی ون ڈے اور ٹی ٹوئنٹی ٹیم کے کپتان بابر اعظم نے قومی ٹیم کی کپتانی سے مستعفی ہونے کا فیصلہ کیا ہے انہوں نے سماجی رابطے کے پلیٹ فارم ایکس پر جاری خصوصی بیان میں اپنے فیصلے کا اعلان کیا ہے۔بابر اعظم نے سماجی رابطے کی ویب سائٹ ایکس پر جاری اپنے بیان میں کہا کہ پاکستان کرکٹ ٹیم کی کپتانی سے استعفیٰ دے دیا ہے۔انہوں نے کہا کہ بطور کھلاڑی کردار ادا کرنے پر توجہ دینا چاہتا ہوں۔بابر اعظم کا کہنا تھا کہ کپتانی اچھا تجربہ تھا لیکن ورک لوڈ میں اضافہ ہوگیا تھا، میں اپنی پرفارمنس پر توجہ دینا چاہتا ہوں۔انہوں نے مزید کہا کہ فیملی کے ساتھ وقت گزارنا چاہتا ہوں، اب تک جو حاصل کیا اس پر فخر محسوس کرتا ہوں، بطور کھلاڑی اپنی ذمہ داری پوری کرنے کے لیے تیار ہوں۔واضح رہے کہ بابر اعظم ون ڈے اور ٹی 20 ٹیم کے کپتان تھے جبکہ شان مسعود ٹیسٹ ٹیم کی قیادت کررہے ہیں۔یاد رہے کہ قومی ٹیم کے سابق لیجنڈری بیٹر ظہیر عباس نے بابر اعظم کو خراب فارم کی وجہ سے ٹیم سے ڈراپ کرنے کا مطالبہ کیا تھا۔خیال رہے کہ بابر اعظم گزشتہ سال ورلڈکپ میں شکست کے بعد نومبر میں تینوں فارمیٹس کی کپتانی سے دستبر دار ہو گئے تھے۔جس کے بعد پی سی بی نے شاہین آفریدی کو ٹی ٹوئنٹی اور شان مسعود کو ٹیسٹ کا کپتان مقرر کر دیا تھا تاہم ون ڈے کے کپتان کے حوالے سے کوئی فیصلہ نہیں کیا گیا تھا۔لیکن پھر رواں سال مارچ میں بابر اعظم کو ایک بار پھر پاکستان کی وائٹ بال کرکٹ کا کپتان بنایا گیا تھا۔

بابر اعظم نے ون ڈے اور ٹی20 اسکواڈ کی کپتانی سے استعفیٰ دیدیا

بطور کھلاڑی کردار ادا کرنے پر توجہ دینا اور فیملی کے ساتھ وقت گزارنا چاہتا ہوں، بابر اعظم

ایران کے اسرائیل پر میزائل حملوں کے بعد غزہ  اور لبنان میں شہری جشن منا رہے ہیں، غزہ میں بھی شہری سڑکوں پر نکل آئے اور جشن منایا، دوسری جانب پاکستان نے قومی ایئر لائن(پی آئی اے) کی تمام پروازوں کوایرانی فضائی حدودکو استعمال کرنےسے روک دیا۔ترجمان پی آئی اے کے مطابق ایئرلائن کےتمام کپتانوں اورفلائٹ آپریشن کو احکامات جاری کر دیئے گئے ہیں، ایران کی فضائی حدود استعمال نہ کرنے سے متعلق تمام پروازوں کے فلائٹ پلانز ازسرنو ترتیب دیئے جا رہے ہیں۔پی آئی اے ترجمان نے کہا کہ جب تک صورتحال واضح نہیں ہو جاتی ایران کی فضائی حدود استعمال نہیں کی جائے گی، پی آئی اے ایران کی فضائی حدود کے 2 کوریڈور استعمال کرتا ہے۔ترجمان پی آئی اے نے مزید کہا کہ ناردرن کوریڈور کو کینیڈا اور ترکی جانے والی پروازیں استعمال کرتی ہیں جبکہ سدرن کوریڈور کو یو اے ای، بحرین، دوحہ اور سعودی عرب کے لیے استعمال کیا جاتا ہے۔

پی آئی اے نے اپنی تمام پروازوں کو ایرانی فضائی حدود استعمال کرنےسے روک دیا

جب تک صورتحال واضح نہیں ہو جاتی ،ایرانی فضائی حدوداستعمال نہیں کی جائیں گی،ترجمان پی آئی اے

اسرائیل پر میزائل حملے کے بعد ایرانی پاسداران انقلاب کا ردعمل آگیا ہے۔غیرملکی خبررساں ادارے کی رپورٹ کے مطابق ترجمان ایرانی پاسداران انقلاب کا کہنا ہے کہ اسرائیل پر حملہ اسماعیل ہنیہ، حسن نصر اللہ کی شہادت کا ردعمل ہے۔ترجمان پاسداران انقلاب کا کہنا ہے کہ اسرائیل میں اہم عسکری تنصیبات کو نشانہ بنایا گیا ہے۔ایران کی پاسداران انقلاب نے کہا ہے کہ ایران نے اسرائیل پر درجنوں میزائل داغے ہیں،بیان میں کہا گیا کہ یہ آپریشن اعلیٰ قومی سلامتی کی منظوری، چیف آف آرمی اسٹاف کی اطلاع اور اسلامی جمہوریہ ایران کی مسلح افواج اور وزارت دفاع کی حمایت سے کیا گيا ہے۔ایرانی پاسدارن انقلاب نےخبردار کیا کہ اگر اسرائیل نے جوابی کارروائی کی تو تہران کا ردعمل مزید شدید اور تباہ کن ہو گا۔واضح رہے کہ ایران کی جانب سے اسرائیل پر 400 سے زیادہ میزائل داغے گئے ہیں، جس کے بعد مقبوضہ بیت المقدس میں سائرن بج اٹھے۔

اسرائیل پر حملہ اسمٰعیل ہنیہ اورحسن نصر اللہ کی شہادت کا بدلہ ہے، پاسداران انقلاب

پاسداران انقلاب نے اسرائیل کو جوابی حملے کی صورت میں سنگین نتائج سے خبردار کردیا

ایران نے اسرائیل پر حملہ کردیا اورسینکڑوں بیلسٹک میزائل داغے ہیں۔اسرائیلی فوج نے دعویٰ کیا ہے کہ ایران سے اسرائیل کی جانب کم از کم 102 میزائل فائر کئے گئے ہیں جس کے بعد مقبوضہ بیت المقدس میں سائرن بجنے لگے۔اسرائیلی فوج نے بتایاکہ ایران نے بیلسٹک میزائل داغے ہیں۔جس کے بعد اسرائیلیوں پر جنگ کا خوف طاری ہوگیا ہے اور یہودی اشیاء خوردونوش جمع کرنے میں لگ گئے ہیں۔ جس کے بعد نیتن یاہو اپنے گھبرائے ہوئے عوام کو آسرے دینے کی کوشش میں لگ گئے ہیں۔اسرائیلی میڈیا نے دعویٰ کیا ہے کہ ایران نے اسرائیل کی جانب 102 میزائل داغے ہیں، تاہم اس حوالے سے متضاد اطلاعات آ رہی ہیں ، بعض اسرائیلی میڈیا کی جانب سے دعویٰ کیا جا رہا ہے کہ ایران کی جانب سے 400 میزائل داغے گئے ہیں، جس کے بعد اسرائیل نے اپنے تمام شہریوں کو محفوظ مقامات پر منتقل ہونے کی ہدایت کر دی ہے۔ایران کی طرف سے داغے جانے والے اردن کی فضا سے گزر کر اسرائیل کی طرف جا رہے ہیں جب دوسری جانب لبنان سے حزب اللہ نے بھی اسرائیل پرراکٹ حملے شروع کر دیے ہیں۔ادھر اسرائیلی فوج کا کہنا ہے کہ ایران کے حملے کے فوری بعد اسرائیلی شہر تل ابیب اور حیفا میں مسلح افراد نے گھس کر 10 اسرائیلیوں کو ہلاک کر دیا ہے۔عرب خبر رساں ادارے ”الجزیرہ“ کے مطابق اس وقت تل ابیب کے آسمان پر شعلے اور میزائل دیکھے جا رہے ہیں۔الجزیرہ کا کہنا ہے کہ ابھی تک اس بات کی تصدیق نہیں ہوسکی ہے کہ یہ میزائل کہاں سے آرہے ہیں۔مقبوضہ مغربی کنارے کے شہر رام اللہ سے رپورٹ کرتے ہوئے فلسطینی صحافی محمد خیری نے کہا کہ آسمان میں درجنوں پروجیکٹائل مغرب کی طرف یروشلم اور اسرائیل کی طرف جاتے دیکھے جا سکتے ہیں۔محمد خیری نے الجزیرہ عربی کو بتایا ’میزائل تقریباً بغیر رکے جا رہے ہیں۔ سائرن ابھی بھی بج رہے ہیں۔ اس لمحے تک اسرائیل کے بڑے علاقوں میں سائرن کو سنا جا سکتا ہےحملے کے بعد اسرائیلی نے جنگی کابینہ کا اجلاس طلب کرلیا جبکہ امریکی صدر نے بھی قومی سلامتی ٹیم کی میٹنگ بلالی ہے۔قبل ازیں امریکی اخبار نیویارک ٹائمز نے اسرائیلی حکومت اور امریکی حکام کا حوالہ دیتے ہوئے بتایا تھا کہ ایران آئندہ چند گھنٹوں میں اسرائیل پر حملہ کرنے کے لیے تیار ہے۔ خیال رہے کہ اسرائیل کی جانب سے لبنان میں حملے میں حزب اللہ کے سیکریٹری جنرل حسن نصراللہ کی شہادت کے بعد ایران کے حوالے سے سخت ردعمل کا خدشہ ظاہر کیا گیا تھا۔

ایران نے اسرائیل پر حملہ کردیا،100 سے زائد بیلسٹک میزائل فائر کردیے

اسرائیل میں خوف کی فضا، لوگوں کو محفوظ مقام پر منتقل ہونے کی ہدایات،اسرائیلی نے جنگی کابینہ کا اجلاس طلب کرلیا

بھارت نے بنگلہ دیش کے خلاف دوسرے ٹیسٹ میچ کمال کارکردگی کا مظاہرہ کرتے ہوئے مہمان ٹیم کو وائٹ واش کر دیا۔تفصیلا ت کے مطابق  بھارت نے بنگلہ دیش کو دوسرے ٹیسٹ میچ میں بھی شکست دیکر سیریز دو صفر سے جیت لی، کانپور میں کھیلے میچ کے آخری روز بنگلہ دیش کی پوری ٹیم 146 رن پر ڈھیر ہو گئی ، بھارت نے 95 رنز کا ہدف 3 وکٹوں کے نقصان پر پورا کر لیا۔بھارت اور بنگلہ دیش کے درمیان دو ٹیسٹ میچوں کی سیریز کا دوسرا اور آخری میچ کانپور میں کھیلا گیا بارش کے باعث دو دن تک کھیل نہیں ہوسکا لیکن میزبان ٹیم نے کمال کارکردگی کا مظاہرہ کرتے ہوئے ڈرا کی جانب گامزن میچ کو جیت کر مہمان ٹیم کو سیریز میں وائٹ واش کر دیا۔میچ کے پہلے دن بنگلہ دیش کی بیٹنگ کے دوران بارش نے ایسی انٹری دی کہ دوسرے اور تیسرے دن ایک گیند بھی نہ پھینکی جا سکی۔چوتھے دن ریکارڈ 18 وکٹیں گریں۔ بھارت نے پہلے بنگلہ دیش کو پہلی اننگ میں 233 رنز پر محدود کیا۔ پھر 35 اوورز میں دھواں دھار بیٹنگ کا مظاہرہ کرتے ہوئے 285 رنز بنائے اور 9 وکٹوں پر اننگ ڈیکلیئر کرنے کا دلیرانہ فیصلہ کیا۔ اس دوران بھارتی بلے بازوں نے ٹیسٹ کرکٹ کے کئی ریکارڈ تہس نہس کر دیے۔پانچویں روز بنگلہ دیش کی پوری ٹیم دوسری اننگ میں صرف 146 رنز پر ہی ڈھیر ہوگئی اور بھارت کو جیتنے کے لیے 95 رنز کا آسان ہدف ملا جو اس نے تین وکٹوں کے نقصان پر حاصل کر لیا۔بھارت کے نوجوان بیٹر یشوی جیسوال میچ کے بہترین کھلاڑی قرار پائے جب کہ سینئر اسپنر روی چندرن ایشون شاندار سنچری اور 11 وکٹوں کی آل راؤنڈ کارکردگی کی بدولت سیریز کے بہترین کھلاڑی کا اعزاز لے اڑے۔بھارت نے بنگلہ دیش کے خلاف دونوں اننگز میں مجموعی طور پر 312 گیندیں کھیل کر 383 رنز بنائے، بھارتی ٹیم کی کانپور ٹیسٹ میں رنز بنانے کی اوسط 7.36 فی اوور رہی۔ ٹیسٹ کرکٹ کی تاریخ میں پہلی بار کسی ٹیم نے 7 رنز سے زائد کی اوسط سے رنز بنائے۔ اس سے قبل جنوبی افریقہ نے 2005ء میں زمبابوے کے خلاف 6.80 کی اوسط سے رنز بنائے تھے۔واضح رہے کہ بھارت نے پہلا ٹیسٹ میچ بھی 280 رنز کے واضح مارجن سے جیتا تھا۔یہ سیریز آئی سی سی ورلڈ ٹیسٹ چیمپئن شپ کا حصہ ہے جس کی دو ٹاپ ٹیمیں آئندہ سال جون میں انگلینڈ میں فائنل میں ٹکرائیں گی۔ اس وقت بھارت پہلی اور آسٹریلیا ٹیم دوسری پوزیشن پر موجود ہے۔

بھارت کا تیز ترین بیٹنگ ریکارڈ ، بنگلا دیش کو وائٹ واش کر دیا

بھارت نے بنگلا دیش کو7وکٹوں سے ہرا کرسیریزدو صفر سے جیت لی

وفاقی حکومت اور پیپلز پارٹی نے 63 اے نظرثانی اپیل کی حمایت کردی، دوران سماعت وفاقی حکومت اور پیپلز پارٹی نے نظرثانی اپیل کی حمایت کردی۔ چیف جسٹس قاضی فائز عیسیٰ نے استفسار کیا کہ نظرثانی کی مخالفت کون کر رہا ہے؟  علی ظفر روسٹرم پر آئے اور کہا کہ میں بانی پی ٹی آئی کا وکیل ہوں میں نظر ثانی کی مخالفت کروں گا۔ سماعت کل تک ملتوی کردی گئی۔سپریم کورٹ میں چیف جسٹس قاضی فائزعیسٰی کی سربراہی میں سپریم کورٹ کا 5 رکنی لارجر بینچ نے آرٹیکل 63 اے کی تشریح کیس کی نظرثانی اپیلوں پر سماعت سماعت کی۔جسٹس امین الدین خان، جسٹس جمال مندوخیل، جسٹس نعیم اختر افغان اور جسٹس مظہر عالم میاں خیل لارجر بینچ میں شامل ہیں۔گزشتہ روز سماعت پر جسٹس منیب اختر نے لارجر بینچ میں بیٹھنے سے انکار کیا تھا، جسٹس منیب اختر کے انکار کے بعد ججز کمیٹی نے منگل کو نیا بینچ تشکیل دیا جبکہ جسٹس منیب اختر کی جگہ جسٹس نعیم اختر افغان کو شامل کیا گیا۔آج کی سماعت سے متعلق چیف جسٹس کے تحریر کردہ حکمنامے میں کہا گیا کہ نظر ثانی درخواست 3 دن کی تاخیر سے دائر ہوئی جس پر علی ظفر نے اعتراض اٹھایا، درخواست گزار کے مطابق تفصیلی فیصلہ موجود نہ ہونے پر نظر ثانی تاخیر سے دائر ہوئی۔حکمنامے میں کہا گیا کہ رجسٹرار آفس معلوم کرے تفصیلی فیصلہ کب جاری ہوا، جسٹس منیب اختر نے بینچ کا حصہ بننے سے معذرت کی، دوبارہ درخواست پر جسٹس منیب نے دوسرا خط لکھا، رجسٹرار معاملہ چیف جسٹس کے نوٹس میں لایا، ججز کمیٹی کی دوبارہ میٹنگ بلا کر جسٹس نعیم اختر افغان کو بینچ کا حصہ بنایاگیا۔حکم نامے میں کہا گیا کہ دوران سماعت کچھ سوالات سامنے ائے، سوالات پر فریقین کو معاونت کی ہدایت کی جاتی ہے، فریقین برطانیہ، امریکا سمیت دیگر ممالک میں انحراف کی حیثیت سے آگاہ کریں۔حکمنامے کے مطابق وکیل علی ظفر نے کہا کہ میرا موکل جیل میں ہے نوٹس ملے گا تو جا کر ہدایات لوں گا، چیف جسٹس نے کہا کہ یہ آئینی معاملہ ہے، ہدایات کیا لیں گے، کیا وہ آپ سے کہیں گے آئین کو نہ مانو، کیا ہر کسی کا دروازہ کھٹکھٹا کر نوٹس دیں۔علی ظفر نے کہا کہ موجودہ صدر نے نظر ثانی دائر نہیں کر رکھی ہے، چیف جسٹس نے کہا کہ سابق صدر مملکت اگر معاونت کرنا چاہیں تو ویلکم کیا جائے گا، علی ظفر نے کہا کہ میں تحریک انصاف نہیں بلکہ بانی پی ٹی آئی کی طرف سے پیش ہو رہا ہوں جس پر چیف جسٹس نے کہا کہ آپ ہمارے لیے سب کچھ ہیں۔سماعت شروع ہوئی تو صدر سپریم کورٹ بار شہزاد شوکت اور پی ٹی آئی کے وکیل علی ظفر روسٹرم پر آگئے۔ چیف جسٹس نے بتایا کہ ہم نے جسٹس منیب اختر کو بینچ میں شمولیت کی درخواست کی تھی، لیکن وہ اپنے پہلے والے مؤقف پہ قائم ہیں، اس کے بعد صبح پریکٹس اینڈ پروسیجر کمیٹی کا اجلاس ہوا جس میں جسٹس منصور علی شاہ کو شرکت کے لیے کہا گیا لیکن وہ نہیں آئے تو اس کے بعد ہم نے بینچ میں جسٹس نعیم اختر افغان کو شامل کیا ہے۔ فاروق ایچ نائیک نے کہا کہ ہم رضاکارانہ طور پر پیش ہوئے ہیں ہماری حاضری لگالیں، کل کوئی یہ نا کہے کہ ہمیں نوٹس جاری نہیں ہوا۔ بیرسٹر علی ظفر نے کہا کہ میرا مؤکل جیل میں ہے نوٹس ملے گا تو جا کر ہدایات لوں گا۔ چیف جسٹس نے کہا کہ یہ آئینی معاملہ ہے، ہدایات کیا لیں گے؟ کیا وہ آپ سے کہیں گے کہ آئین کو نا مانو؟ کیا ہر کسی کا دروازہ کھٹکھٹا کر نوٹس دیں؟بیرسٹر علی ظفر نے کہا کہ موجودہ صدر پاکستان نے نظر ثانی دائر نہیں کر رکھی۔ چیف جسٹس نے کہا کہ سابق صدر پاکستان آکر معاونت کرنا چاہیں تو ویلکم۔شہزاد شوکت نے کہا کہ منحرف اراکین کی تاحیات نااہلی کی درخواست آئی تھی، اس وقت کے وزیراعظم نے احتجاجی ریلی کی کال دے رکھی تھی۔ اٹارنی جنرل نے عدالت کو یقین دلایا تھا کہ رکن کو سیشن میں شرکت سے نہیں روکا جائےگا۔ شہزاد شوکت نے کہا کہ سندھ ہاؤس پر حملہ کر دیا گیا تھا، تاثر دیا گیا کہ منحرف اراکین سندھ ہاؤس میں موجود ہیں۔ چیف جسٹس نے پوچھا کہ کیا سندھ ہاؤس پر حملے سے متعلق درخواست سپریم کورٹ آئی تھی؟وفاقی حکومت اور پیپلز پارٹی نے نظرثانی اپیل کی حمایت کردی۔ چیف جسٹس قاضی فائز عیسیٰ نے استفسار کیا کہ نظرثانی کی مخالفت کون کر رہا ہے؟  علی ظفر روسٹرم پر آئے اور کہا کہ میں بانی پی ٹی آئی کا وکیل ہوں لیکن نوٹس تاحال موصول نہیں ہوا۔ چیف جسٹس نے کہا کہ آپ ویسے بتادیں آپ نظر ثانی کے حامی ہیں یامخالف ہیں؟ بیرسٹر علی ظفر نے کہا کہ میں نظر ثانی کی مخالفت کروں گا۔دوران سماعت چیف جسٹس نے کہا کہ عدم اعتماد میں اگر ووٹ گنا ہی نہ جائے تو وزیراعظم ہٹایا ہی نہیں جاسکتا، اس کا مطلب ہے آرٹیکل 95 تو غیر فعال ہوگیا، شہزاد شوکت نے کہا کہ اگر ووٹ گنا نہ جائے تو پھر بجٹ پارلیمنٹ سے منظور ہونے کی شرط کیوں ہے؟چیف جسٹس نے کہا کہ ووٹنگ کی مشق ہوتی ہی اس لیے ہے کہ اسے گنا بھی جائے۔جسٹس جمال خان مندوخیل نے کہا کہ کیا آپ اقلیتی فیصلے کو بھی چیلنج کرنا چاہیں گے؟  پارلیمانی پارٹی کوئی اور فیصلہ کرے، پارٹی سربراہ کوئی اور فیصلہ کرے تو کیا ہوگا؟چیف جسٹس نے کہا کہ اراکین اسمبلی اگر پارٹی سربراہ یا وزیراعظم یا وزیراعلی کو پسند نہیں کرتے تو کیا ہوگا؟جسٹس جمال خان مندوخیل نے کہا کہ اس کا ایک حوالہ اقلیتی فیصلے میں موجود ہے، بلوچستان میں ایک مرتبہ اپنے ہی وزیراعلی کے خلاف اس کے اراکین تحریک عدم اعتماد لائے تھے۔چیف جسٹس نے ریمارکس دیئے کہ فیصلے میں جن ملکوں کے فیصلوں کا حوالہ ہے ان ممالک میں انحراف کی سزا کا بھی بتائیں، فریقین یہ بھی بتائیں کیا صدارتی ریفرنس اور 184/3 کی درخواستوں کو یکجا کیا جاسکتا ہے، پارلیمانی جمہوریت کی ماں برطانیہ ہے وہاں کی صورتحال بتائیں، نظر ثانی منظور ہونا یہ نہیں ہوتا کہ فیصلہ غلط ہے، وجوہات غلط ہوتی ہیں، نظرثانی کا دائرہ بہت محدود ہوتا ہے، آپ فیصلے کا نتیجہ نہیں صرف وجوہات دیکھ سکتے ہیں۔چیف جسٹس نے کہا کہ کیس کی سماعت ملتوی کردیتے ہیں، جو وکلا رہ گئے ہیں، ان کے دلائل کل سنیں گے۔بعد ازاں، سپریم کورٹ نے آرٹیکل 63 اے نظرثانی کیس کی سماعت کل ساڑھے 11 بجے تک ملتوی کردی۔

وفاقی حکومت اور پیپلز پارٹی نے 63 اے نظرثانی اپیل کی حمایت کردی،سماعت کل تک ملتوی

دوران سماعت علی ظفر روسٹرم پر آئے اور کہا کہ میں بانی پی ٹی آئی کا وکیل ہوں میں نظر ثانی کی مخالفت کروں گا

سابق وفاقی وزیر اطلاعات فواد چوہدری نے کہا ہے کہ سپریم کورٹ میں بہت زیادہ تقسیم ہے، ایسا لگتا ہے چیف جسٹس ہر صورت میں توسیع چاہتے ہیں، اب وقت ہے کہ ہم گرینڈ پولیٹیکل ڈائیلاگ کا آغاز کریں، بانی پی ٹی آئی کے بغیر نظام نہیں چل سکتا،عمران خان کی سیاسی حیثیت کوتسلیم کئے بغیر پاکستان میں استحکام نہیں آسکتا ایک دوسرے کو روند کر آگے جانے سے سیاسی عدم استحکام مزید بڑھے گا۔احتساب عدالت کے باہر میڈیا سے گفتگو کرتے ہوئے انہوں نے کہا کہ یہ کیس 8 مہینوں سے انکوائری میں چل رہا ہے، لوگوں کو خراب کرنے کے لیے جعلی کیس بناتے ہیں ، پاکستان میں جو ٹینشن کا ماحول ہے اس سے فاصلے بڑھ رہے ہیں ، بانی پی ٹی آئی نے جو کال دی ہے اس سے سیاسی ٹمپریچر مزید بڑھے گا۔ فواد چوہدری نے کہا کہ چیف جسٹس جس طرح سے سپریم کورٹ چلا رہے ہیں اس پر بھی بہت اعتراضات ہیں، یہ کسی قسم پر مستحکم پاکستان کے لیے اچھی بات نہیں ہے ، ایک دوسرے کو روند کر آگے جانے سے سیاسی عدم استحکام مزید بڑھے گا ، بانی پی ٹی آئی کی جمعے کی کال اہمیت کی حامل ہے ، اس پر بہت سی چیزیں طے ہونی ہیں ۔انہوں نے کہا کہ اب وقت ہے کہ ہم گرینڈ پولیٹیکل ڈائیلاگ کا آغاز کریں ، اسٹیبلشمنٹ اور تمام سیاسی جماعتوں کو اس میں شامل کیا جائے ، سب مل کر ایک راستہ نکال سکیں، بانی پی ٹی آئی کے خلاف نظام نہیں چل سکتا ، فواد چوہدری بانی پی ٹی آئی کی سیاسی حیثیت تسلیم کیے بغیر پاکستان میں استحکام نہیں آ سکتا۔فواد چوہدری کاکہنا تھا کہ پاکستان کی دو تہائی اکثریت بانی پی ٹی آئی کے ساتھ کھڑی ہے ، سپریم کورٹ میں بہت زیادہ تقسیم ہے ، لگ یہ رہا ہے چیف جسٹس ہر صورت میں توسیع  چاہتے ہیں، اس سے سپریم کورٹ کا ٹمپریچر بھی بڑھ رہا ہے ۔صحافی کے سوال پر کہ آپ پی ٹی آئی کے کسی بھی سیاسی جلسے جلوسوں میں نظر نہیں آتے، جس پر فوادچودھری نے کہا کہ ہم ہر جگہ موجود ہوتے ہیں ۔قبل ازیں احتساب عدالت اسلام آباد میں پنڈ دادن خان روڈ کرپشن اسکینڈل ریفرنس میں فواد چوہدری اپنے وکلا کے ساتھ پیش ہوئے، جہاں احتساب عدالت کے جج ناصر جاوید رانا نے نیب کیس کے تفتیشی افسر کو نئے قانون کے تحت آئندہ سماعت تک مکمل رپورٹ پیش کرنے کا حکم دیا اورمزید سماعت 17 اکتوبر تک ملتوی کر دی۔

ایسا لگتا ہے چیف جسٹس ہر صورت میں توسیع چاہتے ہیں، فواد چوہدری

عمران خان کی سیاسی حیثیت تسلیم کیے بغیرملک میں استحکام نہیں آ سکتا، سابق وزیر اطلاعات

Mohammad Rizwan will most likely be the Pakistan team's new white-ball captain after Babar Azam's resignation.

Mohammad Rizwan Will Be Babar Azam's Most Likely Replacement

Late last night, Pakistan&rsquo;s star player and former white-ball captain Babar Azam announced his decision to step down as the captain of Pakistan T20I and ODI squad.&nbsp;

This decision must&rsquo;ve broken many hearts as Babar Azam is one of the most highly followed and loved cricketers.&nbsp;

His resignation comes at a crucial time for the Pakistani team and the PCB would have to come up with someone who can pick up the team and take it forward.&nbsp;

Wicket-keeper batsman Mohammad Rizwan appears to have the highest chances of becoming the Pakistan team&rsquo;s white-ball captain.

According to the sources, relevant PCB officials have been asked to hold consultations with Mohammad Rizwan for team selection.

Babar Azam cited heavy workload and the need to focus on his individual performance as the reasons behind his decision to quit captaincy.&nbsp;

&ldquo;Dear Fans, I&rsquo;m sharing some news with you today. I have decided to resign as captain of the Pakistan men&rsquo;s cricket team, effective as of my notification to the PCB and Team Management last month,&rdquo; stated Babar Azam in a statement on his social media platforms.

&ldquo;It&rsquo;s been an honor to lead this team, but it&rsquo;s time for me to step down and focus on my playing role,&rdquo; he added.

It&rsquo;s worth noting that Mohammad Rizwan is one of the senior most players in the team. His consistently good performances have made him an indispensable asset of the team.&nbsp;

It&rsquo;ll be interesting to see how he fits in Babar Azam&rsquo;s shoes.

Who Will Replace Babar Azam? Mohammad Rizwan Appears To Have The Highest Chances

Related Post

Who Will Replace Babar Azam? Mohammad Rizwan Appears To Have The Highest Chances

The Reason Behind Babar Azam’s Decision To Resign Revealed

Babar Azam Steps Down As PCT White-Ball Captain

Iftikhar Ahmed Bashes Media After His Team Loses The Champions Cup Final

Who Will Replace Babar Azam? Mohammad Rizwan Appears To Have The Highest Chances

The Reason Behind Babar Azam’s Decision To Resign Revealed

Babar Azam Steps Down As PCT White-Ball Captain

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan