Sports News

Entertainment

سابق وزیراعظم اور پاکستان تحریک انصاف (پی ٹی آئی) کے بانی عمران خان نے قومی احتساب بیورو (نیب) کے قوانین میں حالیہ ترامیم کی مذمت کرتے ہوئے انہیں غیر آئینی اور تباہی کا راستہ قرار دیا ہے۔اڈیالہ جیل میں میڈیا سے بات چیت کرتے ہوئے انہوں ںے کہا کہ نیب ترامیم تباہی کا راستہ ہے، ملک اشرافیہ کے قبضے میں ہے، چھوٹی سی اشرافیہ نے اربوں کے کیس معاف کروا لیے ہیں نیب ترامیم آئین کے بھی خلاف ہیں، دنیا کی کسی پارلیمنٹ میں ایسا نہیں ہوا کہ قانون پاس کروا کر چوری معاف کروائی گئی ہو۔عمران خان نے کہا کہ نیب نے 1999ء سے 2017ء  تک صرف 290 ارب روپے اکٹھے کیے اور ہمارے ساڑھے 3 سال میں نیب نے 480 ارب روپے اکٹھے کیے، ہمارے دور حکومت میں نیب نے ابھی مزید 1100 ارب روپے اکٹھے کرنے تھے گزشتہ ایک سال میں نیب نے صرف ڈیڑھ کروڑ روپے اکٹھے کیے اپنی چوریاں معاف کروا کر قوم کو کہا جاتا ہے کہ قربانیاں دو، یہاں اڈیالہ جیل میں سیکڑوں قیدی 50 ہزار روپے سے ایک لاکھ روپے تک کے مچلکے اور جرمانے جمع نہ کروائے جانے کے باعث قید ہیں۔عمران خان نے کہا کہ نیب ترامیم کے ذریعے انھوں نے خود کو بڑی چھوٹ دے دی ہے، قانون سے بالاتر لوگ ہمیشہ بچ جاتے ہیں، یہ ملک انقلاب کی جانب بڑھ رہا ہے پہلے مشرف اور اس کے بعد جنرل (ر) باجوہ نے ان کو این ار او دیا، میرے دور میں نیب جنرل باجوہ کے ماتحت تھا، جسٹس (ر) جاوید اقبال نے بتایا تھا کہ زرداری اور شریف فیملی کے اربوں کے ریفرنسز ہیں مگر جنرل باجوہ کاروائی نہیں کرنے دے رہے۔بانی پی ٹی آئی نے کہا کہ سپریم جوڈیشل کونسل کے ماتحت کرکے نیب کو خود مختار، آزاد ادارہ بنایا جائے، میں نے نیب کے کسی تفتیشی آفیسر کو دھمکی نہیں دی میں نے کہا تھا کہ چیئرمین نیب، تفتیشی افیسر، وعدہ معاف گواہوں پر کیس کروں گا تاکہ یہ آئندہ لوگوں کو انتقام کا نشانہ نہ بناسکیں، میں نیب کے خلاف عدالت جانا چاہتا ہوں تاکہ نیب کے لوگوں کو بھی خوف ہو۔عمران خان کا کہنا تھا کہ آرمی چیف نے نفرتیں کم کرنے کا بیان دیا، مودبانہ بات کرتا ہوں کہ نفرتیں آپ کی وجہ سے ہیں،  نفرت تو آپ کی طرف سے کم ہونی چاہیے۔سابق وزیر اعظم کا مزید کہنا تھا کہ وائٹ کالر کرائم کے دفاع کے لیے این آر او ٹو ہوچکا ہے۔ یہاں جس نے چوری کرنی ہو وہ اسٹیبلشمنٹ یا آرمی چیف عاصم منیر کے ساتھ مل جائے سارے کیسز معاف ہوجائیں گے۔انہوں نے کہا کہ منی لانڈرنگ کو کھلی چھوٹ دے دی گئی اب اسے کوئی نہیں روک سکتا، محسن نقوی کے پانچ ملین ڈالر بیرون ملک پڑے ہیں، مریم نواز چار مےفیئر فلیٹس کی مالکن ہے، حسن نواز نے ٹی وی پر بھی تسلیم کیا، شہباز شریف کے 5 اور آصف علی زرداری کے 8 ریفرنس ختم ہوئے، فریال تالپور کی دبئی لیکس میں 5 جائیدادیں سامنے آئیں، نیب ترامیم کے ذریعے وائٹ کالر کرائم کو این آر او دے دیا گیا ہے۔انہوں نے کہا کہ ن لیگ کے ساتھ نہیں بیٹھتے، کیسے بیٹھیں، انہوں نے الیکشن میں ڈاکا مارا ہے، ان کے ساتھ کیسے بات کریں گے؟، اس ملک کو انصاف کی ضرورت ہے ڈنڈے کی نہیں، ہم بھیڑ بکریاں نہیں انسان ہیں انصاف ہوتا ہے تو امن آتا ہے۔عمران خان نےمزید کہا کہ انہوں نے 22اگست کا جلسہ منسوخ کرنے کے لیے منتیں کیں، پھر 8ستمبر کے جلسے کے لیےیقین دلایا، اور اب یہی راستے بند کررہے ہیں۔ پارٹی کو واضح ہدایات جاری کردی ہیں کہ جو مرضی کرلیں جلسہ ضرور ہوگا، پوری قوم سے اپیل کرتا ہوں حقیقی آزادی کے لیے کل نکلیں۔

نیب ترامیم غیرآئینی ہیں، اپنی چوریاں معاف کروا کر قوم سے کہتے ہیں قربانیاں دو، عمران خان

آرمی چیف نے نفرتیں کم کرنے کا بیان دیا ان سے کہتا ہوں نفرتیں آپ کی طرف سے کم ہونی چاہئیں

عالمی شہرت یافتہ فٹبالر کرسٹیانو رونالڈ ریکارڈ پر ریکارڈ بنائے جا رہے ہیں اب وہ دنیا میں 900 گول کرنے والے پہلے فٹبالر بھی بن گئے ہیں۔غیر ملکی میڈیا کے مطابق پرتگالی فٹبالر کرسٹیانو رونالڈو نے ایک اور اہم سنگ میل عبور کرلیا، نیشنز لیگ میں کروشیا کے خلاف کھیلتے ہوئے اپنے کیریئر کا 900 واں گول کر لیا،کرسٹیانو رونالڈو نے اسٹاڈیو ڈا لوز میں میچ کے دوران اپنی ٹیم پرتگال کو کروشیا کے خلاف 34 ویں منٹ میں اپنے کیریئر کا 900واں گول کر کے 0-2سے کامیابی دلوائی،39سالہ کھلاڑی اس موقع پر خاصے جذباتی نظر آئے ، کرسٹیانو رونالڈو نے اب تک اپنے کیریئر میں قومی ٹیم پرتگال کے لیے131، ریال میڈرڈ کے لیے 450، مانچسٹر یونائیٹڈ کے لیے 145، جووینٹس کے لیے 101، اپنے موجودہ کلب النصر کے لیے 68اور ساتھ ہی اپنے پہلے کلب اسپورٹنگ لزبن کے لیے 5گول کیے ہیں،ارجنٹینا کے لیونل میسی اپنے کیریئر میں 859گولز کے ساتھ دوسرے نمبر پر ہیں۔

کرسٹیانو رونالڈو 900گول کرنیوالے دنیا کے پہلے فٹبالر بن گئے

ارجنٹینا کے لیونل میسی اپنے کیریئر میں 859گولز کے ساتھ دوسرے نمبر پر ہیں

چیئرمین پاکستان کرکٹ بورڈ (پی سی بی) محسن نقوی نے کہا ہے کہ چیمپئن ٹرافی پاکستان میں ہی ہوگی اوربھارت سمیت سب ٹیمیں اس ایونٹ میں شرکت کریں گی۔قذافی اسٹیڈیم لاہور میں جاری تعمیراتی کاموں کا جائزہ لینے کے لیے دورے کے موقع پر میڈیا سے غیر رسمی گفتگو کرتے ہوئے چیئرمین پی سی بی محسن نقوی کا کہنا تھا کہ بھارتی کرکٹ بورڈ (بی سی سی آئی) کےسیکرٹری جے شاہ کے آئی سی سی چیئرمین بننے سے کوئی پریشانی نہیں، ان کے ساتھ رابطہ رہتا ہے، اے سی سی میٹنگز میں بھی ان سے ملاقات رہتی ہے اور آئی سی سی سمیت ہر ممبر ملک کے ساتھ بات چیت ہوتی رہتی ہے۔انہوں نے کہا کہ بھارت سمیت تمام ٹیمیں چیمپئنز ٹرافی کھیلنے پاکستان آئیں گی، جس میں ہم تمام مہمان ٹیموں کی شان دار میزبانی کریں گے۔محسن نقوی نےمزیدکہا انگلینڈ سے سیریز پاکستان میں ہی ہوگی،انگلینڈ سے میچز ملتان،راولپنڈی ہی میں کھیلے جائیں گےجبکہ قومی ٹیم کے کپتان کا فیصلہ ہیڈ کوچز کریں گے۔محسن نقوی کا کہنا تھا کہ ایشین کرکٹ کونسل (اے سی سی) کا اجلاس کل سے کوالالمپور میں ہورہاہے ، میں مصروفیات کی وجہ سے میں اس اجلاس میں شرکت کرنے نہیں جارہا، تاہم اس اہم اجلاس میں ورچوئل شرکت ضرور کروں گا جب کہ پاکستان کی نمائندگی سلمان نصیر کریں گے۔انہوں نے کہا کہ 30 ستمبر تک قذافی اسٹیڈیم کی بیسمنٹ مکمل ہوجائے گی، تین تین ہفتے میں ایک ایک فلور بن جائے گا،فرنٹ بلڈنگ اسٹیل اسٹرکچر پر مشتمل ہے، 31 دسمبر تک قذافی اسٹیڈیم کی مین بلڈنگ مکمل کرلیں گے۔انہوں نے کہا کہ 2007-2006 میں بننے والے راولپنڈی اسٹیڈیم کی حالت بہت خراب ہے، راولپنڈی اسٹیڈیم سارا گرا کر بنانا پڑے گا، چیمپئنز ٹرافی میںا سٹیڈیم میں سیٹیں لگا دی جائیں گی، کراچی سٹیڈیم بھی چیمپئنز ٹرافی سے پہلے مکمل کرلیں گے۔انہوں نے کہا ’کراچی اسٹیڈیم میں تعمیراتی کام جاری ہے، اسلام آباد میں دبئی اسٹیڈیم کی طرز پر نیا اسٹیڈیم بنایا جائے گا جبکہ قذافی اسٹیڈیم کے قریب ہوٹل کا کام چیمپیئنز ٹرافی کے بعد شروع ہوگا، انٹرنیشنل ہوٹل سے بورڈ کو ریونیو ملے گا۔

چیمپئنز ٹرافی پاکستان میں ہی ہوگی، بھارت سمیت تمام ٹیمیں شرکت کریں گی،محسن نقوی

راولپنڈی اسٹیڈیم سارا گرا کر بنانا پڑے گا،اسلام آباد میں دبئی اسٹیڈیم کی طرز پر نیا اسٹیڈیم بنایا جائے گا

سابق وزیر خارجہ شاہ محمود قریشی نے 8 فروری کو پی ٹی آئی کے کارکنوں کو جلسہ گاہ پہنچنے کی خصوصی ہدایت دیتے ہوئے کہا ہے کہ جوڈیشل پیکیج اور ججز کی تعداد بڑھانے سے متعلق بل پارلیمنٹ کو بل ڈوز کرنے کی کوشش ہے، کم از کم عوام کے سامنے بل کے دونوں پہلوؤں تو سامنے آتے۔لاہور کی انسداد دہشت گردی عدالت میں سانحہ 9 مئی کے مقدمات کی سماعت ہوئی جس سلسلے میں پی ٹی آئی کے وائس چیئرمین شاہ محمود قریشی کو عدالت میں پیش کیا گیا۔دوران سماعت شاہ محمود قریشی روسٹرم پر آئے اور کہا کہ جب مقدمات درج ہوئے تب میں پنجاب میں نہیں تھا، مجھے ایک سال دو ماہ بعد گرفتار کیا گیا، جب میں رہا ہوا تو 9 مئی مقدمات میں گرفتار کر لیا گیا۔انہوں نے کہا کہ بانی پی ٹی آئی کا میں نائب کپتان ہوں، میں بھاگنے کا سوچ بھی نہیں سکتا، یہ لوگ ڈرتے ہیں اگر میں باہر آ گیا تو لوگ اکٹھےہوں گے، 40 سال سے سیاست میں ہوں کبھی کوئی مقدمہ نہ ہوا، اب اچانک 55 مقدمات درج ہوگئے۔شاہ محمود کا کہنا تھا کہ یہ لوگ دلائل کیوں نہیں دے رہے، یہ جان بوجھ کر التوا چاہتے ہیں، اگر ہم گناہ گار ہیں تو ہمیں سزا دیں، یہ قوم کا وقت ضائع کر رہے ہیں، ہمیں عدالتوں پر بڑا اعتماد ہے۔بعدازاں کمرہ عدالت میں صحافیوں سے غیر رسمی گفتگو کرتے ہوئے شاہ محمود قریشی نے کہا کہ پی ٹی آئی کے نظریاتی کارکنان کل جلسہ گاہ میں پہنچیں، 8 فروری کو قوم نے تمام مشکلات کے باوجود صحیح فیصلے لیے تھے۔اس موقع پر صحافی نے سوال کیا کہ جوڈیشل پیکیج اور ججز کی تعداد بڑھانے سے متعلق بل آرہا ہے اس بارے کیا کہیں گے؟ سابق وزیر خارجہ نے جواب دیا کہ ان بلوں کے ذریعے پارلیمنٹ کو بلڈوز کرنے کی کوشش کی گئی، کم از کم بل کے پہلوؤں کو تو عوام کے سامنے لایا جاتا، ہماری درخواست ہے عدلیہ کو کمزور نہ کریں۔پرویز الہی کو پی ٹی آئی کا صدر بنایا گیا مگر وہ خاموش ہیں؟ سے متعلق سوال کے جواب میں انہوں نے کہا کہ اڈیالہ میں اور وہ اکٹھے تھے، ان کی طبیعت واقعی خراب تھی۔بانی پی ٹی آئی نے گرفتاری کے وقت کہا کہ آپ اسٹیبلشمنٹ کے آدمی ہیں؟ کے سوال پر شاہ محمود قریشی نے کہا کہ اگر میں اسٹیبلشمنٹ کا بندہ ہوتا تو کیا آج جیل میں ہوتا؟ میرے خلاف پارٹی میں ایک بڑی کمپین چلائی گئی، میرا موٹا سا سوال ہے کہ میں بانی پی ٹی آئی کی کور کابینہ میں تھا۔

نائب کپتان ہوں عمران خان کوچھوڑ کر جانے کا سوچ بھی نہیں سکتا،شاہ محمود قریشی

جوڈیشل پیکیج اور ججز کی تعداد بڑھانے کے بلز پارلیمنٹ کو بل ڈوز کرنے کی کوشش ہے، سابق وزیرخارجہ

سپریم کورٹ کے فیصلے کے بعد پاکستان تحریک انصاف (پی ٹی آئی) کے بانی عمران خان نے نیب مقدمات میں بریت مانگ لی ہے۔تفصیلات کے مطابق اڈیالہ جیل میں 190 ملین پاؤنڈز ریفرنس کی سماعت ہوئی، احتساب عدالت کے جج ناصر جاوید رانا نے کیس کی سماعت کی،دوران سماعت بانی پی ٹی آئی عمران خان نے 190ملین پاونڈریفرنس میں بریت کی درخواست دائر کردی۔عمران خان کے وکیل نے مؤقف اپنایا کہ نیب ترامیم سے متعلق سپریم کورٹ کے فیصلے کے بعد 190ملین پاونڈز کا کیس بنتا ہی نہیں، نیب ترامیم میں کابینہ کے تمام فیصلوں کو تحفظ حاصل ہے، سوال یہ ہے کہ نیب ترامیم کے بعد احتساب عدالت کا اس کیس میں دائرہ اختیار بنتا ہے یا نہیں۔اس پر نیب پراسیکیوٹر نے کہا کہ اگر احتساب عدالت کا اس کیس میں دائرہ اختیار ہے تو پھر بریت کی درخواست سنی جاسکتی ہے۔بانی پی ٹی آئی کے وکیل نے کہا کہ ہم نے عدالت کے دائرہ اختیار کو چیلنج ہی نہیں کیا، عدالت کے دائرہ اختیار کا فیصلہ کرنا عدالت کی صوابدید ہے۔بعدازاں احتساب عدالت نے 190ملین پاونڈز ریفرنس کی سماعت میں ڈیڑھ گھنٹے کا وقفہ کیا جس کے بعدعدالت نے فریقین کو نوٹس جاری کرتے ہوئے عمران خان کی درخواست بریت پر سماعت 10ستمبر تک ملتوی کردی۔ واضح رہے گزشتہ روز سپریم کورٹ نے نیب ترامیم کالعدم قرار دینے سے متعلق عمران خان کی درخواست مسترد کرنے کے ساتھ وفاقی اور صوبائی حکومتوں کی انٹرا کورٹ اپیلیں منظور کرتے ہوئے نیب ترامیم کو بحال کر دیا تھا۔سپریم کورٹ کے تفصیلی فیصلے میں کہا گیا تھا کہ بانی پی ٹی آئی نیب ترامیم کالعدم قرار دینے سے متعلق عدالت کو مطمئن نہ کر سکے۔

عمران خان نے نیب کورٹ میں بریت کی درخواست دائر کر دی

سپریم کورٹ کے نیب ترامیم فیصلے کے بعد 190 ملین پائونڈ کا کیس ہی بنتا،وکیل بانی پی ٹی آئی

نیشنل الیکٹرک پاور ریگولیٹری اتھارٹی (نیپرا) نے سہ ماہی اور فیول پرائس ایڈجسٹمنٹ کی مد میں بجلی مہنگی کر دی ہے جبکہ جولائی کے ماہانہ فیول چارجز ایڈجسٹمنٹ کی مد میں 37 پیسے فی یونٹ کمی کی منظوری بھی دے دی ہے۔نیپرا سے جاری اعلامیے میں کہا گیا کہ سہ ماہی ایڈجسٹمنٹ کی مد میں ایک  روپے 75 پیسے فی یونٹ اضافے کی منظوری دے دی گئی ہے اور یہ فیصلہ وفاقی حکومت کو بھیجوا دیا گیا۔نیپرا سے جاری اعلامیے میں کہا گیا کہ یہ سہ ماہی ایڈجسٹمنٹ ستمبر، اکتوبر اور نومبر کے بلوں میں وصول کی جائے گی اور 24-2023 کی تیسری سہ ماہی ایڈجسٹمنٹ 0.93 روپے فی یونٹ اگست میں ختم ہو جائے گی اور نیپرا نے کہا کہ ستمبر کے بلوں میں سہ ماہی ایڈجسٹمنٹ کی مد میں 0.82 روپے کا اضافہ ہو گا۔دوسری جانب نیپرا نے ماہانہ فیول پرائس ایڈجسٹمنٹ کی مد میں بجلی کی قیمت میں 37 پیسے فی یونٹ کمی کی منظوری دے دی ہے۔نیپرا کا کہنا ہے کہ بجلی صارفین کو 37 پیسے فی یونٹ کمی کا ریلیف ستمبر کے بلوں میں دیا جائے گا۔ جبکہ جون کی فیول چارجز ایڈجسٹمنٹ 2 روپے 56 پیسے اضافے کے ساتھ اگست کے بلوں میں وصول کی گئی۔نیپرا کے مطابق ستمبر کے بلوں میں فیول پرائس ایڈجسٹمنٹ کی مد میں 2 روپے 93 پیسے کی کمی ہوگی، اور دونوں ایڈجسٹمنٹ ملا کر صارفین کو ستمبر کے بلوں میں 2 روپے 11 پیسے فی یونٹ ریلیف دیا جائے گا۔

نیپر نے بجلی کی قیمت میں ایک روپے 75 پیسے فی یونٹ اضافے کی منظوری دیدی

جولائی کے ماہانہ فیول چارجز ایڈجسٹمنٹ کی مد میں 37 پیسے فی یونٹ کمی کی بھی منظوری دی گئی ہے

ملک بھر میں آج یوم فضائیہ جوش و جذبے سے منایا جا رہا ہے۔ 1965 کی پاک بھارت جنگ میں پاکستان ایئر فورس کا اہم کردار رہا۔اس دن کو منانے کا مقصد ستمبر 1965 کی پاک بھارت جنگ میں پاک فضائیہ کے کارناموں کو خراج تحسین پیش کرنا ہے۔ ستمبر 1965 کی جنگ میں پاک فضائیہ کے شاہینوں نے دشمن کے غرور کو خاک میں ملا دیا تھا۔پاک فضائیہ کے شاہینوں نے پاک بھارت جنگ میں 6 اور 7 ستمبر کو بھارتی فضائیہ کے 50 سے زائد طیارے گرا کر جنگ کا پانسہ پلٹ دیا تھا، پاک فضائیہ کے پائلٹوں نے اپنی حربی مہارت سے دنیا کو حیران کر دیا تھا۔پاک فضائیہ کا شمار دنیا کی دس بہترین فضائی افواج میں ہوتا ہے۔اسی فورس نے 1965 کی جنگ میں پاک فضائیہ کے سابق فوجیوں کی جرات اور بہادری کی لازوال داستانیں رقم کیں۔ پاک فضائیہ کے شاہینوں نے 6 اور 7 ستمبر کو پاک بھارت جنگ میں بھارتی فضائیہ کے 50 سے زائد طیارے مار گرائے تھے۔ لڑائی کا رخ موڑ چکا تھا۔ پاک فضائیہ کے پائلٹس نے اپنی جنگی مہارت سے دنیا کو حیران کر دیا۔ آج ملک کے تمام چھوٹے بڑے فضائی اڈوں پر 1965 کی جنگ کی یادگاریں آویزاں کی جائیں گی۔ یومِ فضائیہ کے موقع پر وطن پر اپنی جان قربان کر کے مثال قائم کرنے والے پائلٹ نشان حیدر شہید راشد منہاس کو خراج عقیدت پیش کرنے کی تقریب کا انعقاد کیا گیا۔تقریب کے مہمان خصوصی ایئر وائس مارشل عامر شہزاد تھے۔تقریب میں شہید راشد منہاس کے بھائی انجم منہاس نے بھی شرکت کی۔شہید پائلٹ راشد منہاس کی قبر پر پھول رکھے گئے اور پی اے ایف کے چاق و چوبند دستے نے سلامی دی۔کم عمر شہید پائلٹ آفیسر راشد منہاس 17 فروری 1951 کو کراچی میں پیدا ہوئے، 20 اگست 1971 کو شہید راشد منہاس وطن پر قربان ہوئے۔ہر سال 7 ستمبر کو یومِ فضائیہ منانا 1965ء کی جنگ میں پاک فضائیہ کے ناقابل فراموش کردار کی یاد دلاتا ہے۔وہ تاریخی دن جب پاک فضائیہ کے شاہینوں نے جرات اور بہادری کی لازوال مثالیں قائم کرتے ہوئے پاک سرزمین کی حفاظت کی تھی۔

ملک بھر میں آج یوم پاک فضائیہ جوش و جذبے سے منایا جارہا ہے

ہر سال 7 ستمبر کو یومِ فضائیہ منانا 1965ء کی جنگ میں پاک فضائیہ کے ناقابل فراموش کردار کی یاد دلاتا ہے

اسٹیٹ بینک آف پاکستان نے نئے کرنسی نوٹوں کے ڈیزائن کے لیے کروائے گئے مقابلے کے نتائج جاری کردیے۔اسٹیٹ بینک کے مطابق کل 9 ڈیزائنرز کے جانب سے بھیجے گئے 10 ڈیزائنز کو شارٹ لسٹ کیا گیا ہے اور جن افراد کے ڈیزائن شارٹ لسٹ ہوئے ہیں انہیں انعامات دیے جائیں گے۔ا سٹیٹ بینک کے مطابق ابتدائی مرحلے میں 10 روپے ، 500 روپے ، 5 ہزار روپے کے کرنسی نوٹ کے 2 ڈیزائن شارٹ لسٹ کیے گئے ہیں ،جن میں سے ایک کی منظوری بعد میں دی جائے گی ، نئے نوٹوں پر قائداعظم محمد علی جناح اور محترمہ فاطمہ جناح کی تصاویر نمایاں ہیں۔500 روپے کے دو نوٹوں میں محترمہ فاطمہ جناح کا نوٹ شارٹ لسٹ کیا گیا ہے، ایک ہزار کے نوٹ پر لیاقت علی اور ان کے مکے کا نشان ہے اور پچھلی طرف ہاتھوں کی زنجیر موجود ہے۔شارٹ لسٹ کیے گئے کرنسی نوٹوں کے ڈیزائنز میں 10، 20، 100، 500 اور 5 ہزار کے نوٹوں پر قائد اعظمؒ کی تصویر آویزاں ہے۔بین الاقوامی ڈیزائنر اگرچہ ملکی آرٹسٹوں کے دیے ہوئے مذکورہ ڈیزائنوں سے رہنمائی لیں گے تاہم وہ حتمی ڈیزائن بنانے کے لیے خود اپنی مہارت  اور تخیّل کو استعمال کرنے میں آزاد ہوں گے۔اسٹیٹ بینک یہ یقینی بنائے گا کہ نئے بینک نوٹوں کی سیریز قوم کے بھرپور ثقافتی ورثے اور ترقی پسندانہ نقطہ نظر کی عکاس ہو۔ امید ہے کہ حتمی ڈیزائن اس اشتراک کی مکمل عکاسی کرے گا۔اس اہم قومی منصوبے میں شرکت کرکے جیتنے والوں کو اعلان کے مطابق انعامی رقم دی جائے گی۔ انعامات کی تقسیم کی تقریب کی تفصیلات جلد بتا دی جائیں گی۔شارٹ لسٹ کیے گئے ڈیزائنز کو بین الاقوامی ڈیزائنروں کے پاس بھیجا جارہا ہے جو ڈیزائنوں کو دیکھ کر فائنل کریں گے۔نئے کرنسی نوٹوں کو انٹرنیشنل معیار کے مطابق تیار کرکے دسمبر تک جاری کیا جائے گا۔

اسٹیٹ بینک نے نئے کرنسی نوٹوں کے ڈیزائنوں کو شارٹ لسٹ کرلیا

نئے کرنسی نوٹوں کو انٹرنیشنل معیار کے مطابق تیار کرکے دسمبر تک جاری کیا جائے گا

بھارتی کرکٹرز کی ٹیکس ادائیگی کی رپورٹ سامنے آگئی، ویرات کوہلی نے ٹیکس ادائیگی میں تمام کھلاڑیوں کو پیچھے چھوڑ دیا۔فارچیون انڈیا کی رپورٹ کے مطابق ویرات کوہلی نے سال 24-2023 میں 66 کروڑ بھارتی روپے (پاکستانی 2 ارب 18 کروڑسے زائد) ٹیکس ادا کیاجبکہ سابق کپتان ایم ایس دھونی نے 38 کروڑ روپے بھارتی ٹیکس ادا کیا۔اس کے علاوہ سابق بھارتی کپتان سچن ٹنڈولکر نے 28 کروڑ روپے بھارتی ٹیکس کی مد میں دیئے اور سارو گنگولی نے 23 جبکہ ہاردیک پانڈیا نے 13 کروڑ روپے بھارتی ٹیکس ادا کیا۔ فہرست میں صرف مشہور ٹیکس دہندگان کو دکھایا گیا ہے۔رپورٹ میں بتایا گیا ہے کہ کوہلی کی جانب سے جمع کرائی گئی رقم آئی پی ایل کے سب سے مہنگے کھلاڑی مچل اسٹارک (24.75 کروڑ روپے) کی قیمت فروخت سے تقریباً تین گنا زیادہ ہے۔

بھارتی بیٹرویرات کوہلی نے ٹیکس ادائیگی میں تمام کھلاڑیوں کو پیچھے چھوڑ دیا

کوہلی نے 66 کروڑ بھارتی روپے (پاکستانی 2 ارب 18 کروڑ سے زائد) ٹیکس ادا کیا

آرمی چیف جنرل سید عاصم منیر نے یوم دفاع اور شہداء کے حوالے سے خصوصی تقریب سے خطاب کرتے ہوئے کہا کہ عزم استحکام کسی نئے آپریشن کا نام نہیں، عزم استحکام کے دوران کوئی بے گھر نہیں ہوگا۔جی ایچ کیومیں یوم دفاع و شہدا کی پُروقار تقریب میں وزیراعظم شہباز شریف نے بطور مہمان خصوصی شرکت کی، آرمی چیف نے تقریب سے خطاب کرتے ہوئے کہا کہ قوم اور بالخصوص نوجوان ہمارا قیمتی اثاثہ ہیں، دہشت گردی کے خاتمے تک قربانیوں کا سلسلہ جاری رہے گا، عزم استحکام کوئی نیا آپریشن نہیں اور نہ ہی آبادی کی نقل مکانی ہوگی۔جی ایچ کیو میں وزیراعظم کو آمد پر سلامی پیش کی گئی جبکہ آرمی چیف نے اُن کا استقبال کیا، پھر شہباز شریف نے یادگار شہدا پر حاضری دی اور پھرلوں کی چادر چڑھا کر دعا کی۔تقریب میں وفاقی کابینہ کے اراکین، اعلیٰ سول و عسکری قیادت، شہدا کے اہل خانہ بھی شریک ہوئے۔ تقریب کے آغاز پر قومی ترانہ چلایا گیا ۔تقریب میں شہدا کے آخری خطوط اور لمحات کے حوالے سے ’شہید کی ڈائری‘ کے نام سے ویڈیو چلائی گئی جس میں شہدا کو شاندار خراج تحسین پیش کیا گیا۔آرمی چیف جنرل سید عاصم منیرنے یومِ دفاع و شہداء پاکستان کی تقریب سے خطاب کرتے ہوئے یومِ دفاع وشہداء پاکستان کے موقع پر وطنِ عظیم کے تمام بہادر شہد ا اور غازیوں کو خراجِ تحسین شہداء کے درجات کی بُلندی کے لئے دعا گو ہوں جن کے مقدس خون نے پاک سر زمین کی مٹی کی آبیاری کی۔یوم دفاع اور شہدا کی تقریب سے خطاب کرتے ہوئے آرمی چیف نے کہاکہ دہشت گردی کے خلاف طویل جنگ میں قربانیوں کا سلسلہ آج بھی جاری ہے جو دہشت گردوں کے خاتمے تک جاری رہے گا۔آرمی چیف نے شہدا کو خراجِ تحسین پیش کرتے ہوئے سورۃ آلِ عمران کی آیت 169 کا حوالہ دیتے ہوئے کہاکہ ’اور جو لوگ اللہ کی راہ میں شہید کیے گئے، ہر گز انہیں مردہ نہ سمجھو، وہ زندہ ہیں، اپنے رب کے پاس رزق پاتے ہیں۔جنرل عاصم منیر نے کہاکہ فتنہ الخوارج کے خلاف متحد آواز، پیغامِ پاکستان، مغربی سرحدوں کا باضابطہ انتظام، قبائلی علاقہ جات کی صوبہ میں شمولیت، خیبر پختونخوا اور بلوچستان میں معاشی و سماجی ترقی کے اقدامات اہم کامیابیاں ہیں۔انہوں نے کہاکہ یہ کامیابیاں ریاستِ پاکستان کے عزم اور شہدا اور غازیوں کی قربانی کا ثمر ہیں، افواجِ پاکستان اور عوام کا رشتہ، دل کا رشتہ ہے جو پاکستان کے دشمنوں کی شکست کا ضامن ہے۔آرمی چیف نے کہاکہ عزمِ استحکام نیشنل ایکشن پلان کی کڑی ہے، یہ کوئی ایسا آپریشن نہیں ہے جس میں کسی علاقے کے عوام کو بے دخل کیا جائے۔جنرل عاصم منیر نے کہاکہ قوم میں انتشار، بے یقینی  اور مایوسی پھیلانے والے تمام عوامل کو ہم اپنی ذہنی ہم آہنگی کے ساتھ متحد ہو کر شکست دیں گے۔نے کہاکہ قومی یکجہتی کو کمزور کرنے کے مذموم مقاصد کبھی کامیاب نہیں ہوں گے۔ فتنہ برپا کرنے والوں کے متعلق خدائے لم یزل کا ارشاد یاد رکھیں کہ ’الفتنہ اکبر من القتل‘۔انہوں نے کہاکہ میں شہدا کے درجات کی بُلندی کے لیے دعا گو ہوں جن کے مقدس خون نے پاک سر زمین کی مٹی کی آبیاری کی۔جنرل عاصم منیر نے کہاکہ پاکستان کی عظیم قوم کے جذبوں کو سلام جنہوں نے افواج ِ پاکستان اور قانون نافذ کرنے والے اِداروں کے شانہ بشانہ طاغوتی قوتوں اور دشمنوں کا ڈٹ کر مقابلہ کیا۔ پاکستانی قوم ایک جری اور بہادر قوم ہے۔آرمی چیف نے کہاکہ افواجِ پاکستان اور پاکستانی عوام اپنی سالمیت کا دفاع جانتے ہیں اور کبھی مذموم ارادوں کو کامیاب نہیں ہونے دیں گے، پاکستان کے رُوشن مستقبل پر کامل یقین پاکستانیت کا ناگزیر حصہ ہے۔آرمی چیف نے اتحاد اور یگانگت کی صفات اپنانے پر زور دیتے ہوئے کہا کہ معاشرتی و سماجی معاملات میں اخوت، ہم آہنگی، برداشت اور بُردباری کا مظاہرہ کریں،مذہبی عدم برداشت سے بالا تر رہ کر آئینِ پاکستان کے مطابق اقلیتوں کے حقو ق کا مکمل تحفظ کریں، سیاسی نقطہ نظر میں اختلاف کو نفرتوں میں نہ ڈھلنے دیں، قائد کے رہنما اُصول، ایمان، اتحا د اور تنظیم ہمارے لیے مشعل راہ ہیں۔

کوئی بے گھر نہیں ہوگا، عزم استحکام کسی نئے آپریشن کا نام نہیں،آرمی چیف

سیاسی نقطہ نظر میں اختلاف کو نفرتوں میں نہ ڈھلنے دیں، آرمی چیف کا یوم دفاع و شہدا کی تقریب سے خطاب

وفاقی حکومت پاکستان نے نبی آخر الزمان حضرت محمد مصطفیٰﷺ کے یوم ولادت 12 ربیع الاول کے موقع پر 17 ستمبر 2024 بروز منگل کو ملک بھر میں عام تعطیل کا اعلان کر دیا۔وزیر اعظم کی منظوری سے بارہ ربیع الاول کے سلسلہ میں عام تعطیل کا نوٹیفکیشن کابینہ ڈویژن کی جانب سے جاری کیا گیا ہے۔کابینہ ڈویژن سے جاری نوٹیفکیشن میں کہا گیا ہے کہ 17 ستمبر 2024 کو عید میلاد النبیﷺ کے موقع پر ملک بھر میں عام تعطیل ہو گی۔نوٹیفکیشن کے مطابق 17 ستمبر منگل کے روز ملک بھر میں نجی و سرکاری تعلیمی ادارے اور دفاتر بند رہیں گے۔بارہ ربیع الاول کو ملک بھر میں عقیدت و احترام سے منایا جاتا ہے، ملک بھر میں نعت کی محفلیں سجائی جاتی ہیں۔

وفاقی حکومت نے 12 ربیع الاول کے موقع پر عام تعطیل کا اعلان کر دیا

سترہ ستمبربروزمنگل کے روز ملک بھر میں نجی و سرکاری تعلیمی ادارے اور دفاتر بند رہیں گے،نوٹیفکیشن جاری

پاکستان نے ایک اور میڈل جیت لیا ۔تفصیلات کے مطابق پاکستانی ایتھلیٹ حیدر علی نے پیرالمپکس کے ڈسکس تھرو فائنل میں برانز میڈل جیت لیا۔پیرالمپک گیمز میں پاکستان کے حیدر علی ڈسکس تھرو میں برانز میڈل جیتنے میں کامیاب رہے ، اُنہو ں نے 52.54 کی تھرو کے ساتھ تمغہ اپنے نام کیا۔پیرس میں جاری پیرالمپک گیمز میں ڈسکس تھرو کے ایف 37 کیٹیگری کا فائنل کھیلا گیا ، پاکستان کے حیدر علی نے شاندار آغاز کرتے ہوئے 52.28 میٹر کی تھرو کی، اُن کی دوسری تھرو فاؤل قرار دی گئی، تاہم وہ ابتدائی 2 راؤنڈ تک پہلی پوزیشن پر رہے ، اُس کے بعد اُن کی مسلسل 3 تھرو فاؤل قرار دی گئیں، اس دوران اُزبکستان اور کینیڈا کے ایتھلیٹ اُن سے بہتر تھرو کرنے کی وجہ سے پہلی اور دوسری پوزیشن پر آگئے۔پاکستانی اتھلیٹ نے اپنی آخری تھرو میں کچھ بہتر کارکردگی دکھاتے ہوئے 52.54 کی تھرو کی لیکن وہ اُزبک اور کینیڈین ایتھلیٹس سے بہتر تھرو نہ کرسکے اور تیسرے نمبر پر رہے۔ازبکستان کے اتھلیٹ نے گولڈ اور کینیڈا کے اتھلیٹ نے سلور میڈل جیتا جبکہ پاکستانی اتھلیٹ حیدر علی برانز میڈل جیتنے میں کامیاب ہوئے۔واضح رہے کہ یہ حیدر علی کا پیرالمپکس میں چوتھا میڈل ہے۔انہوں نے اس سے قبل ٹوکیو پیرالمپکس میں گولڈ میڈل حاصل کیا تھا۔

پیرس پیرالمپکس،پاکستانی ایتھلیٹ حیدر علی نے پیرا لمپکس میں برانز میڈل جیت لیا

حیدر علی ابتدائی 2 راؤنڈ تک پہلی پوزیشن پر رہے بعد میں تھرو فاؤل قرار دینے پر تیسرے نمبر پر آئے

پاکستان کرکٹ بورڈ نے چیمپئنز کپ کے فائنل اسکواڈ کا اعلان کر دیا بابر اعظم کو کسی بھی ٹیم کی قیادت نہیں دی گئی ہے۔ اس کے علاوہ ہرٹیم کے 20 رکنی اسکواڈ کا بھی اعلان کردیاگیا اور بابراعظم اسٹالینزکی ٹیم میں شامل ہیں۔پی سی بی کے مطابق سعود شکیل کو ڈولفنز، شاہین آفریدی کو لائنز اور شاداب خان پینتھرز کا کپتان مقرر کیا گیا ہے جب کہ محمد حارث اسٹالینز اور محمد رضوان وولوز کےکپتان  ہوں گے۔کپتانوں کا تقرر 5 ٹیموں کے مینٹورز کی جانب سے کیا گیا ہے، مصباح الحق (وولوز)، ثقلین مشتاق (پینتھرز)، سرفراز احمد (ڈولفنز)، شعیب ملک (سٹالینز) اور وقار یونس (لائنز) کے مینٹور ہوں گے۔ٹیسٹ نائب کپتان سعود شکیل ڈولفنز، شاہین شاہ آفریدی لائنز، شاداب خان پینتھرز کی قیادت کریں گے، اسٹالینز کی کمان محمد حارث کے ہاتھوں میں ہوگی جبکہ وولوز کی قیادت کے فرائض محمد رضوان نبھائیں گے۔چیمپئنز ون ڈے کپ 12 سے 29 ستمبر تک فیصل آباد میں کھیلا جائے گا جس میں ملک کے بہترین کرکٹرز شرکت کریں گے، 50 اوورز کا یہ ٹورنامنٹ سنگل لیگ فارمیٹ میں کھیلا جائے گا، تمام میچز دوپہر 3 بجے شروع ہوں گے، صرف 16 ستمبر کو لائنز اور پینتھرز کا میچ صبح ساڑھے نو بجے شروع ہوگا۔ایونٹ کا افتتاحی میچ مصباح الحق کی وولوز اور ثقلین مشتاق کی پینتھرز کے درمیان کھیلا جائے گا، ٹورنامنٹ کا اختتام 4 دنوں میں تین پلے آف میچوں کے ساتھ ہوگا، ایونٹ کا فائنل میچ 29 ستمبر بروز اتوار کھیلا جائے گا۔بورڈ نے پانچوں ٹیموں کے عارضی اسکواڈز کا بھی اعلان کردیا ہے، ان کھلاڑیوں کا انتخاب ٹیم کے مینٹورز نے 150 کھلاڑیوں کے ایک پول سے ڈرافٹ کے عمل کے ذریعے کیا تھا  جو پی سی بی نے فٹنس ٹیسٹ کے بعد فراہم کیا تھا۔ ڈولفنز۔۔سعود شکیل (کپتان، کراچی)، آفتاب ابراہیم (کراچی)، آصف علی (فیصل آباد)، اویس علی (گوجرانوالہ)، فہیم اشرف (قصور)، کاشف علی (راولپنڈی)، میر حمزہ (کراچی)، محمد ہریرہ (سیالکوٹ)، محمد عباس آفریدی (پشاور)، محمد اخلاق (کاموکی)، محمد غازی غوری (کراچی)، محمد ریاض اللہ (پشاور)، نعمان علی (حیدرآباد)، قاسم اکرم (لاہور)، ثمین گل (جمرود)، سرفراز احمد (کراچی) )، صاحبزادہ فرحان (پشاور)، سفیان مقیم (کوٹلی)، عمر امین (راولپنڈی) اور عثمان قادر (لاہور)۔۔مینٹور سرفراز احمد۔لائنز۔۔شاہین شاہ آفریدی (کپتان، پشاور)، عبداللہ شفیق (سیالکوٹ)، عامر جمال (اسلام آباد)، عامر یامین (ملتان)، فیصل اکرم (ملتان)، حسن نواز (اسلام آباد)، حنین شاہ (لاہور)، امام الحق (لاہور)، عمران بٹ (لاہور)، خوشدل شاہ (بنوں)، محمد اصغر (کراچی)، محمد عرفان خان (میانوالی)، محمد طحہٰ (کراچی)، عمیر بن یوسف (کراچی)، روحیل نذیر (اسلام آباد)، شہاب خان (مردان)، شرون سراج (ساہیوال)، سراج الدین (باجوڑ) اور وقار حسین (اوکاڑہ)۔مینٹور وقار یونس۔۔پینتھرز۔۔ شاداب خان (کپتان، اسلام آباد)، عبدالواحد بنگلزئی (کوئٹہ)، احمد بشیر (لاہور)، علی اسفند (فیصل آباد)، علی رضا (شیخوپورہ)، عماد بٹ (سیالکوٹ)، عرفات منہاس (ملتان)، اذان اویس (سیالکوٹ ) حیدر علی (اٹک)، محمد حسنین (حیدرآباد)، محمد عمر (کراچی)، محمد ذیشان (فیصل آباد)، مبصرخان (راولپنڈی)، ریحان آفریدی (خیبر)، رضوان محمود (حیدرآباد)، صائم ایوب (کراچی)۔ عمر صدیق (لاہور)، اسامہ میر (سیالکوٹ)، عثمان خان (کراچی) اور عثمان صلاح الدین (لاہور)۔مینٹور ثقلین مشتاق۔۔اسٹالینز۔۔ محمد حارث (کپتان، پشاور)، ابرار احمد (کراچی)، عادل امین (پشاور)، اعظم خان (پشاور)، بابر اعظم (لاہور)، حارث رؤف (اسلام آباد)، حسین طلعت (لاہور)، جہانداد خان (راولپنڈی) )، جنید علی (لاہور)، معاذ احمد صداقت (پشاور)، مہران ممتاز (راولپنڈی)، محمد علی (سیالکوٹ)، محمد عامر خان (سوات)، سعد خان (حیدرآباد)، شامل حسین (اسلام آباد)، شان مسعود (کراچی) )، طیب طاہر (سرائے عالمگیر)، عبید شاہ (لاہور)، یاسر خان (راولپنڈی) اور زمان خان (میرپور)مینٹور۔ شعیب ملک۔۔وولوز۔۔ محمد رضوان (کپتان، پشاور)، فخر زمان (ایبٹ آباد)، عبدالصمد (فیصل آباد)، عاکف جاوید (فاٹا)، علی عثمان (ملتان)، بلاول بھٹی (مریدکے)، حسیب اللہ (پشین)، افتخار احمد (پشاور) کامران غلام (پشاور)، محمد فیضان (فیصل آباد)، محمد عمران جونیئر (پشاور)، محمد سرور آفریدی (فاٹا)، محمد عمران (خانیوال)، نسیم شاہ (لاہور)، نثار احمد (لاہور)، سلمان علی آغا (لاہور)، شاہنواز دھانی (لاڑکانہ)، زاہد محمود (دادو) اور زین عباس (ملتان) ۔۔مینٹور۔ مصباح الحق

پی سی بی نےچیمپیئنز ون ڈے کپ کی 5 ٹیموں کے کپتانوں کا اعلان کردیا

ہرٹیم کے 20 رکنی اسکواڈ کا بھی اعلان کردیاگیا اور بابراعظم اسٹالینزکی ٹیم میں شامل ہیں

پاکستان تحریک انصاف (پی ٹی آئی) کے بانی چیئرمین عمران خان نے کہا ہے کہ مجھے جنرل فیض حمید کے ٹرائل سے ڈرایا جا رہا ہے، جنرل (ر) باجوہ کے بغیرجنرل فیض حمید کا ٹرائل بڑی بدنیتی ہے، سپریم کورٹ نے نیب ترامیم کو فیصلہ سنایا ہے، اس فیصلے سے ہمارا توشہ خانہ کا نیا کیس تو فارغ ہوگیا مجھے تو خوشی منانی چاہیئے،القادر ٹرسٹ کیس بھی تقریباً ختم ہونے والا ہے۔عمران خان کا کہناتھاکہ عاصم منیر نے نواز شریف کے ساتھ مل کر لندن معاہدہ کیا تھا، ان سے کہتا ہوں غیر سیاسی ہوجاؤ۔اڈیالہ جیل میں صحافیوں سے غیر رسمی گفتگوکرتے ہوئے سابق وزیراعظم عمران خان کہا کہ حکومت کو این آر او ٹو مبارک ہو، 190 ملین پاؤنڈ ریفرنس بھی تقریبا ختم ہونے والا ہے، سپریم کورٹ نے نیب ترامیم کا فیصلہ سنایا ہے، اس فیصلے سے ہمارا توشہ خانہ کا نیا کیس تو فارغ ہوگیا مجھے تو خوشی منانی چاہیئے یہ جو اوپر بیٹھے ہیں ان سب کے پیسے باہر پڑے ہیں،میں نے ملک سے بھاگنا نہیں ساری زندگی جیل میں رہنے کو تیار ہوں، شہباز شریف کے خلاف مقصود چپڑاسی کا 24 ارب کرپشن کا کیس ہم نے بنایا تھا، ان کے خلاف کرپشن کے باقی سارے کیسز پرانے ہیں جو انہی کے دور حکومت میں بنے ہیں۔انہوں نے کہاکہ کرپشن کا پیسہ عوام کا پیسہ ہے عوامی نمائندے کرپشن کرتے ہیں پھر اپنے کیسز ختم کرنے کیلئے قانون پاس کرواتے ہیں، اب وائٹ کالر کرائم پکڑنا ناممکن ہوگیا انہوں نے کرپشن کے راستے کھول دیئے ہیں۔ جیسے میں رہا ہوا چیئرمین نیب کو پکڑوں گا۔ نیب کے تفتیشی افسر اور وعدہ معاف گواہ انعام شاہ کے اوپر کیسز کروں گا۔ نیب نے ایک کروڑ 80 لاکھ مالیت کے ہار کی قیمت 3 ارب 18 کروڑ لگائی۔عمران خان کا کہنا تھا کہ ڈی جی آئی ایس پی آر نے کہا ہے وہ غیر جانبدار اور غیر سیاسی ہیں، فوج اگر اب غیر سیاسی ہوگئی ہے تو یہ ملک کے لیے اچھی بات ہے۔ اگر یہ کہہ رہے ہیں ہم ہمیشہ غیر سیاسی تھے تو اسے بڑی غلط بیانی کوئی نہیں ہوسکتی۔بانی پی ٹی آئی کامزید کہنا تھا کہ اگر یہ غیر سیاسی ہیں تو میجر اور کرنل کا جیل میں کیا کام ہے، میری بیوی عاصم منیر کی وجہ سے جیل میں ہے۔ 8 فروری کو کس نے دھاندلی کروائی ہے۔ عاصم منیر نے نواز شریف کے ساتھ مل کر لندن معاہدہ کیا تھا۔ میں ان سے اپیل کرتا ہوں خدا کے لیے غیر سیاسی ہوجاؤ ملک تباہی کے دہانے پر ہے۔انہوں نے کہا کہ 9مئی ہماری پارٹی ختم کرنے کے لیے کروایا گیا تھا، میری گرفتاری کا آرڈر کس نے دیا اس کی انکوائری کرائیں، یہ مجھے جنرل فیض سے ڈرا رہے ہیں۔ جنرل فیض جب بھی ملنے آتا تھا وہ جنرل باجوہ کی اجازت سے آتا تھا۔سابق وزیر اعظم کا مزید کہنا تھا کہ جنرل باجوہ کو ٹرائل سے باہر رکھا ہوا ہے کیونکہ رجیم چینج اس نے کیا تھا، جنرل باجوہ کو انکوائری سے کیوں باہر رکھا گیا ہے۔ جنرل باجوہ کے بغیر جنرل فیض کا ٹرائل بدنیتی پر مبنی ہے۔ باجوہ کو ٹرائل میں شامل کیا گیا تو سارے بھید کھل جائیں گے۔سانحہ نو مئی پر انہوں نے کہا کہ نو مئی کی سی سی ٹی وی فوٹیجز ان کے پاس ہیں یہ سامنے لائیں نو مئی ہماری پارٹی ختم کرنے کیلئے کروایا گیا تھا، میری گرفتاری کا آرڈر کس نے دیا اس کی انکوائری کرائیں، یہ مجھے جنرل (ر) فیض کے ٹرائل سے ڈرا رہے ہیں حالاں کہ جنرل فیض جب بھی ملنے آتا تھا تو وہ جنرل (ر) باجوہ کی اجازت سے آتا تھا کیوں کہ آئی ایس آئی چیف آرمی چیف کے ماتحت ہوتا ہے۔ان کا کہنا تھا کہ جنرل فیض جب مجھ سے ملتا تھا تو ہر چیز باجوہ کو رپورٹ کرتا تھا اس کے باوجود جنرل باجوہ کو ٹرائل سے باہر رکھا ہوا ہے کیونکہ رجیم چینج اس نے کیا تھا جنرل باجوہ کو انکوائری سے باہر رکھنا بھی بدنیتی ہے اور جنرل باجوہ کے بغیر جنرل فیض کا ٹرائل بھی بدنیتی پر مبنی ہے باجوہ کو ٹرائل میں شامل کیا جائے تو سارے بھید کھل جائیں گے۔انہوں نے کہا کہ ملک تباہی کی طرف جارہا ہے، قرضے بڑھتے جارہے ہیں، علی امین گنڈا پور کے خلاف کچھ لوگ پارٹی کے اندر سازشیں کررہے ہیں، پارٹی کو کہتا ہوں کہ علی امین گنڈاپور کو انڈر مائن نہ کریں میں علی امین گنڈاپور کے ساتھ کھڑا ہوں اور پوری پارٹی کو کہتا ہوں یہ وقت اختلافات کا نہیں ہے۔عمران خان کا مزید کہنا تھا کہ جو لوگ علی امین کے خلاف سازشیں کر رہے ہیں وہ بعد میں نہ کہیں کہ ٹکٹ نہیں ملا، ہمارے جو لوگ منتخب ہوئے وہ پی ٹی آئی کے نام پر جیتے تھے انھوں نے پیسے نہیں لگائے، سن لیں ایسے لوگوں کو آئندہ ٹکٹ نہیں ملے گا۔

جنرل(ر) باجوہ کے بغیر جنرل فیض کا ٹرائل بڑی بدنیتی پر مبنی ہے، عمران خان

یہ غیر سیاسی ہیں تو میجر، کرنل اور آئی ایس آئی کا جیل میں کیا کام؟ ، عمران خان کی اڈیالہ جیل میں صحافیوں سے گفتگو

لاہور ہائیکورٹ نے چیئرمین نادرا کو ہٹانے کا حکم دیتے ہوئے، لیفٹیننٹ جنرل منیر افسر کی تعیناتی کالعدم قرار دے دی۔تفصیلات کے مطابق تفصیلات کے مطابق لاہور ہائیکورٹ نے چیئرمین نادرا لیفٹیننٹ جنرل محمد منیر افسر کو عہدے سے ہٹانے کا حکم دے دیا ۔لاہور ہائیکورٹ نے چیئرمین نادرا کی تقرری کے خلاف درخواست کو منظور کرلیا، لاہور ہائیکورٹ میں شہری اشبا کامران نے چیئرمین نادرا کی تقرری کو چیلنج کررکھا تھا۔جسٹس عاصم حفیظ نے چیئرمین نادرا کی تقرری کے خلاف درخواست پر فیصلہ سنایا۔درخواست گزار کی جانب سے مؤقف اختیار کیا گیا تھا کہ نگراں حکومت نے نادرا قانون میں ترامیم کرکے حاضر سروس آرمی افسر کو تقرر کرنے کی منظوری دی، نگران حکومت مستقل پالیسی معاملات میں مداخلت نہیں کر سکتی۔درخواست گزار نے عدالت سے استدعا کی کہ عدالت نادرا ترمیمی رولز کو کالعدم قرار دے،  اور حاضر سروس فوجی افسر کی بطور چیئرمین نادرا تقرری کالعدم قرار دے۔واضح رہے کہ نگران وفاقی حکومت نے اکتوبر 2023 میں اس وقت جنرل ہیڈکوارٹز (جی ایچ کیو) میں تعینات آئی جی کمیونیکیشن اینڈ آئی ٹی لیفٹیننٹ جنرل محمد منیر افسر کو نیشنل ڈیٹا بیس اینڈ رجسٹریشن اتھارٹی (نادرا) کا چیئرمین مقرر کیا تھا۔

تعیناتی کالعدم،لاہور ہائیکورٹ نے چیئرمین نادرا کو عہدے سے ہٹانے کا حکم دیدیا

لاہور ہائی کورٹ کے جسٹس عاصم حفیظ نے چیئرمین نادرا کی تقرری کے خلاف درخواست پر فیصلہ سنادیا

کارساز حادثہ کیس،ملزمہ نتاشا کو معافی مل گئی،فریقین میں معاملات طے پاگئے۔تفصیلات کے مطابق کراچی میں ہونے والے کار ساز کیس میں متوفیان کے اہل خانہ نے عدالت میں معاہدے کی تصدیق کردی۔ جاں بحق عمران عارف اور آمنہ عارف کے ورثا کی جانب سے حلف نامہ عدالت میں پیش کردیا گیا۔ اہل خانہ نے کہا کہ معاہدہ کسی دباؤ کے بغیر اللہ کی رضا کیلئے کیا ہے۔ عدالت نے ایک، ایک لاکھ مچلکے کےاعوض ملزمہ نتاشا اور خاوند کی درخواست ضمانت منظور کرلی۔تفصیلات کےمطابق کراچی میں کارساز حادثہ کیس کی مرکزی ملزمہ نتاشہ دانش اور جاں بحق ہونے والے دو افراد کے لواحقین درمیان معاملات طے پا گئے۔نتاشہ کے اہل خانہ نے آمنہ کے اہل خانہ کو ساڑھے 5 کروڑ روپے سے زائد دیت کے طور پر رقم ادا کر دی، رقم کی ادائیگی پے آرڈر کے ذریعے کی گئی جبکہ آمنہ کے کسی رشتے دار کو کمپنی میں ملازمت بھی دی جائے گی۔واقعہ میں زخمی ہونے والے افراد کے ساتھ بھی ملزمہ کی صلح ہو گئی ہے اور زخمیوں کو الگ سے رقم ادا کر دی گئی۔میڈیارپورٹس کے مطابق فریقین کے درمیان دیت کا معاہدہ شرعی قوانین کو مدنظر رکھتے ہوئے کیا گیا ہے۔جاں بحق افراد عمران عارف اور آمنہ عارف کے ورثا کی جانب سے حلف نامہ بھی تیار کروایاگیا۔حلف نامے آج ملزمہ کی درخواست ضمانت کی سماعت میں پیش کیاگیا، ورثا کی جانب سے ملزمہ کی درخواست ضمانت پر نو اوبجیکشن سرٹیفکیٹ جمع کروایا گیا۔حلف نامے کی کاپی کے مطابق جاں بحق افراد کے لواحقین نے کہا ہے کہ ہمارے درمیان معاملات طے پا گئے ہیں، ہم نے ملزمہ کو معاف کر دیا ہے، ہم نے اللہ کے نام پر معاف کیا ہے جو بڑا مہربان اور نہایت رحم والا ہے۔انہوں نے مزید کہا ہے کہ ملزمہ کو ضمانت دینے پر ہمیں کوئی اعتراض نہیں، جو حادثہ ہوا تھا وہ جان بوجھ کر نہیں کیا گیا اور ہم نے بغیر کسی دباؤ کہ یہ نو اوبجیکشن سرٹیفکیٹ دیا ہے، ہم نے حلف نامے میں جو کچھ کہا بالکل درست کہا ہے۔دوسری جانب ایڈیشنل ڈسٹرکٹ اینڈ سیشن کراچی شرقی کی عدالت نے کارساز حادثے کی ملزمہ نتاشا کی درخواست ضمانت منظور کر لی۔عدالت نے ملزمہ کی 1 لاکھ روپے کے مچلکوں کے عوض ضمانت منظور کی، عدالت نے ملزمہ کی درخواستِ ضمانت پر آج ہی فیصلہ محفوظ کیا تھا۔سماعت کے دوران ملزمہ کے وکیل نے عدالت میں مؤقف اختیار کیا کہ ملزمہ ذہنی مریضہ ہے، اگست 2005ء سے اس کا علاج چل رہا ہے، ملزمہ کے پاس یو کے کا ڈرائیونگ لائسنس ہے جو پاکستان میں 6 ماہ تک کارآمد ہے، ہلاک ہونے والوں کے ورثاء نے اللّٰہ کے نام پر معاف کر دیا ہے۔مدعیٔ مقدمہ کے وکیل نے سماعت کے دوران نو آبجیکشن سرٹیفکیٹ عدالت میں جمع کروا دیے۔عدالت نے فیصلہ محفوظ کر لیا تھا اور بعد میں فیصلہ سناتے ہوئے ملزمہ کی ضمانت منظور کر لی۔

کارساز حادثہ کیس،ملزمہ نتاشا کوضمانت مل گئی،فریقین میں معاملات طے پاگئے

ہم نے اللہ کے نام پر معاف کیا جو بڑا مہربان اور نہایت رحم والا ہے، متاثرہ خاندان

سپریم کورٹ آف پاکستان نے قومی احتساب بیورو (نیب) ترامیم کالعدم قرار دینے کے خلاف وفاقی حکومت سمیت دیگر متاثرین کی انٹرا کورٹ اپیلیں منظور کرتے ہوئے نیب ترامیم کالعدم قرار دینے کا فیصلہ کالعدم قرار دے دیا اور نیب ترامیم بحال کردیں۔چیف جسٹس پاکستان قاضی فائز عیسیٰ کی سربراہی میں 5 رکنی بنچ نے فیصلہ سنایا سپریم کورٹ نے فیصلہ 0-5 سے سنایا ہے۔جسٹس امین الدین خان، جسٹس جمال خان مندوخیل، جسٹس اطہر من اللّٰہ اور جسٹس حسن اظہر رضوی بینچ میں شامل ہیں۔عدالت عظمیٰ نے اپنے فیصلے میں کہا ہے کہ بانی پی ٹی آئی عمران خان ثابت نہیں کر سکے کہ نیب ترامیم غیر آئینی ہیں۔عدالتِ عظمیٰ نے نیب ترامیم کالعدم قرار دینے کے خلاف اپیلوں پر 3 ماہ بعد محفوظ فیصلہ سناتے ہوئے نیب ترامیم بحال کر دیں۔سپریم کورٹ نے فیصلے میں کہا ہے کہ 3 رکنی بنچ کا فیصلہ ثابت نہیں کر سکا کہ نیب ترامیم آئین سے متصادم تھیں۔5 رکنی لارجر بنچ نے 3 رکنی بنچ کے فیصلے کے خلاف دائر وفاقی حکومت کی انٹرا کورٹ اپیل کی سماعت مکمل ہونے کے بعد 6 جون 2024ء کو فیصلہ محفوظ کر لیا تھا۔عدالت عظمیٰ کے فیصلے میں جسٹس اطہر من اللہ کے اضافی نوٹ کو بھی حصہ بنایا گیا ہے، جس میں انہوں نے کہا کہ وفاقی حکومت کی اپیل قابل سماعت نہیں ہے۔ جسٹس اطہر من اللہ کے ایڈیشنل نوٹ میں مزید کہا گیا ہے کہ پرائیویٹ فریقین کی انٹرا کورٹ اپیلیں سماعت کے لیے منظور کی جاتی ہیں۔ وفاقی حکومت کا استحقاق نہیں تھا کہ انٹرا کورٹ اپیل دائر کرے۔ اپیل صرف متاثرہ فریق ہی دائر کر سکتا ہے۔سپریم کورٹ نے متفقہ فیصلہ جاری کرتے ہوئے نیب ترامیم کیس میں حکومت کی اپیلیں منظور کرلیں اور نیب ترامیم درست قرار دے دیں۔ عدالت نے سابقہ پی ڈی ایم حکومت میں کی گئی نیب ترامیم کو بحال کردیا۔عدالتی فیصلے میں سابق چیف جسٹس عمر عطا بندیال اور مستعفی جج اعجاز احسن کا اکثریتی فیصلہ کالعدم قرار دیدیا گیا۔ عدالت عظمیٰ نے قرار دیا کہ ترامیم بحال کرنے کا فیصلہ متفقہ ہے۔ چیف جسٹس آف پاکستان نے فیصلے میں کہا کہ جسٹس اطہر من اللہ اور جسٹس حسن اظہر رضوی نے اضافی نوٹس تحریر کیے ہیں۔سپریم کورٹ کے متفقہ فیصلے میں کہا گیا ہے کہ چیف جسٹس پاکستان اور سپریم کورٹ کے ججز کا کام پارلیمنٹ کے گیٹ کیپر کا نہیں۔آئینی اداروں کو ایک دوسرے کا احترام کرنا چاہیے۔ پارلیمنٹ کی قانون سازی کو کالعدم قرار نہیں دیا جانا چاہیے۔ اس کا یہ مطلب ہرگز نہیں کہ خلافِ آئین قانون سازی کو بھی کالعدم قرار نہیں دیا جائے گا۔ بانی پی ٹی آئی ثابت کرنے میں ناکام رہے کہ نیب ترامیم خلافِ آئین تھیں۔جسٹس حسن اظہر رضوی نے فیصلے میں کہا کہ ترامیم بحال کرنے سے متعلق اپنی وجوہات الگ تحریر کروں گا۔

سپریم کورٹ نے وفاقی حکومت کی اپیل منظورکرتے ہوئے نیب ترامیم بحال کردیں

عدالت نے فیصلہ 0-5 سے سنایا ، عمران خان ثابت نہیں کرسکے کہ نیب ترامیم غیر آئینی ہیں،سپریم کورٹ

چیف آف آرمی اسٹاف جنرل سید عاصم منیر نے یوم دفاع پاکستان کے موقع پر اپنے خصوصی پیغام میں کہا ہے کہ 6ستمبر کا دن ہماری قومی و عسکری تاریخ میں یوم دفاع وطن کے نام سے ایک نمایاں حیثیت رکھتا ہے۔آرمی چیف جنرل سید عاصم منیر کاکہناتھا کہ جب تک ہم متحد رہیں گے دنیا کی کوئی طاقت پاکستان کو نقصان نہیں پہنچا سکتی۔ دنیا جانتی ہے پاکستانی قوم اور مسلح افواج کا عزم ناقابل تسخیر ہے۔ وطن عزیز کی حرمت اور دفاع ہمارے لیے مقدم ہے۔آرمی چیف جنرل سید عاصم منیر نے یوم دفاع پر اپنے پیغام میں کہا ہے کہ ارض پاک کے خلاف کسی بھی جارحیت کا منہ توڑ جواب دینے کے لیے مسلح افواج پرُ عزم اور مستعد ہیں۔اپنے پیغام میں چیف آف آرمی اسٹاف آج کے دن ہماری بری، بحر ی اور فضائی افواج نے قوم کے شانہ بشانہ لڑتے ہوئے اپنے سے کئی گنا بڑے دشمن کے ناپاک عزائم خاک میں ملادیے تھے۔جنگ ستمبر کے موقع پر قومی اتحاد و یک جہتی کا جو عظیم جذبہ دیکھنے میں آیا وہ ہماری مسلح افواج اور قوم کے لئے سرمایہ افتخار ہے۔قومی اتحاد و یکجہتی کے اسی جذبے سے سرشار ہو کر پاک افواج ارضِ ِپاک کی سرحدوں کی نگہبانی کا فریضہ انجام دے رہی ہیں۔آرمی چیف ہماری مسلح افواج نے معرکہ ستمبر میں جس بے مثال جرأت و بہادری اور پیشہ ورانہ صلاحیتوں کا مظاہر ہ کیا، وہ نہ صرف تاریخ کے ابواب میں سنہری حروف سے رقم ہیں بلکہ آنے والی نسلوں کے لئے مشعل راہ ہیں۔آرمی چیف نے اپنے پیغام میں شہداء کی قربانیوں کو خراج تحسین پیش کرتے ہوئے قران مجید میں سورۃ البقرہ آیت154 کا حوالہ دیتے ہوئے کہا کہ؛ ارشاد باری تعالیٰ ہے (وَلاَ تَقُو لُوا لِمَن یُقتَلُ فِی سبیل اللہ اٗموات بل اٗحیاء ولکن لا تشعرون) ترجمہ (اورجو اللہ کی راہ میں مارے جائیں انہیں مردہ نہ کہو بلکہ وہ زندہ ہیں لیکن تم اس کا شعور نہیں رکھتے۔) یہ آیت شہداءکے بلند درجات اور ان پر اللہ کے فضل کی عکاسی کرتی ہے۔آج کے دن ہم پاک فوج کے بہادر افسروں اور جوانوں کو سلام پیش کرتے ہیں جنہوں نے مادرِ وطن کے دفاع کے لئے اپنی جانوں کا نذرانہ دیا۔ہمارے شہداء ہمارے لئے مقدم ہیں اور ہم اپنے شہداء اور انکے اہل خانہ کی حرمت و حفاظت کی ذمہ داری بطریق احسن انجام دینا جانتے ہیں اور دیتے رہیں گے۔پاک فوج کا نصب العین ایمان ،تقویٰ اورجہاد فی سبیل اللہ نہ صرف ہمارا طرۂ امتیاز ہے بلکہ دشمنوں کے عزائم سے نمٹنے کے لئے ہمارا سب سے بڑا ہتھیا ر بھی ہے۔پاک فوج دفاع وطن کے لئے پرعزم اور پیشہ وارانہ صلاحیتوں سے لیس ہے، ہما را ہر افسر اور سپاہی جذبہ ٔ ستمبر کو دل میں بسائے ہوئے پاکستان کی سلامتی اور تحفظ کا فرض نبھا رہا ہے۔جس جرأت اور جوانمردی کے ساتھ پاک افواج اورعوام نے دہشت گردی کے ناسور کا مقابلہ کیا ہے اور اب بھی کر رہے ہیں دنیا بھر میں اس کی مثال نہیں ملتی۔جنرل سید عاصم منیر نے کہا کہ دہشت گردی کے عفریت کو جس بہادری اور جوانمردی سے ہماری افواج نے قابو کیا ہے وہ کامیابی کسی اور ملک کی فوج کو نہیں مل سکی، آرمی چیف آج اس سکیورٹی فورسز اور قانون نافذ کرنے والے اداروں کی کاوشوں کی بدولت پاکستان عدم استحکام کا شکار ہونے سے محفوظ ہے۔آرمی چیف نے اپنے پیغام میں مزید کہا کہ ڈیجیٹل دہشت گردی اور 5thجنریشن جنگ نئے چیلنجز کے طور پر سامنے آرہے ہیں روایتی دہشت گردی کے برعکس ڈیجیٹل دہشت گردی زیادہ خطرناک اور پیچیدہ ہے۔ملک دشمن عناصر اور غیر ملکی اداروں کے اشتراک نے ڈیجیٹل دہشت گردی کو مزید پیچیدہ اور خطرناک بنا دیا ہے۔آرمی چیف نے واضح کیا کہ ملی یک جہتی کے ساتھ پرعزم رہتے ہوئے ہم ڈیجیٹل دہشت گردی کے خطرے کا بھی بخوبی مقابلہ کر رہے ہیں۔ دنیا جانتی ہے کہ پاکستانی قوم اور مسلح افواج کا عزم نا قابلِ تسخیر ہے۔آرمی چیف نے اپنے پیغام میں مسئلہ کشمیر کے پرامن حل پر زور دیتے ہوئے کہا کہ اقوام عالم کو یہ سمجھ لینا چاہیے کہ خطے کا امن مسئلہ کشمیر کے پرامن حل سے مشروط ہے، کشمیری عوام کی امنگوں اور اقوام متحدہ کی قراردادوں پر عمل پیرا ہونا لازم وملزوم ہے، بھارتی جارحیت اور انسانی حقوق کی پامالی کے باوجود کشمیری بھائیوں کا عزم و حوصلہ قابل تحسین ہے۔جنرل سید عاصم منیر نے اپنے پیغام میں واضح کیا کہ پاکستان فلسطینیوں کے حق میں اپنی آواز بلند کرتا رہے گا، غزہ میں اسرائیلی جارحیت عالمی ضمیر پر ایک سیاہ دھبہ ہے۔آرمی چیف نے اپنے پیغام میں اتحاد کی اہمیت پر زور دیتے ہوئے کہا کہ وطن عزیز کی سلامتی و ترقی اور خوشحالی کے عزم کے ساتھ اس عہد کی تجدید کریں کہ ہم متحد رہیں گے، اختلافات کو بھلاکر مثالی یک جہتی اور ہم آہنگی کا مظاہرہ کریں گے، جب تک ہم متحد رہیں گے دنیا کی کوئی طاقت پاکستان کو نقصان نہیں پہنچا سکتی۔

روایتی دہشت گردی کے برعکس ڈیجیٹل دہشت گردی زیادہ خطرناک اور پیچیدہ ہے، آرمی چیف

جب تک ہم متحد رہیں گے دنیا کی کوئی طاقت پاکستان کو نقصان نہیں پہنچا سکتی، آرمی چیف کا یوم دفاع پر خصوصی پیغام

وطن عزیز کے دفاع کیلئے اپنی جانوں کا نذرانہ پیش کرنے والے شہدا اور غازیوں کو سلام پیش کرنے کیلئے ملک بھر میں آج یوم دفاع و شہدا ملی جوش و جذبے کے ساتھ منایا جا رہا ہے۔ آج کا دن ہمیں 6 ستمبر 1965 کی اس جنگ کی یاد دلاتا ہے جب بزدل دشمن نے رات کے اندھیرے میں بین الاقوامی سرحد عبور کر کے پاکستان پر حملہ کیا لیکن پاک فوج نے دشمن کے مذموم عزائم کو ناکام بنا دیا۔ملک بھر میں یوم دفاع کے موقع پر دن کا آغاز توپوں کی سلامی اور مساجد میں دعاؤں کے ساتھ ہوا۔مزار قائد پر گارڈز کی تبدیلی کی پروقار تقریب منعقد ہوئی جس میں پاکستان ایئرفورس کے دستے نے گارڈز کے فرائض سنبھال لیے۔تقریب میں ایئروائس مارشل شہریار خان نے بطور مہمان خصوصی شرکت کی اور پریڈ کا معائنہ کیا، اس موقع پر پاکستان ایئرفورس کے چاق و چوبند دستے نے سلامی دی۔پاکستان ایئرفورس اکیڈمی اصغر خان کے74 رکنی چاق چوبند دستے نے مزارقائد پر گارڈز کے فرائض سنبھالے، کیڈٹس میں61 مرداور13خواتین شامل ہیں۔ایئروائس مارشل شہریار خان نے تقریب کے بعد بابائے قوم کے مزار پر پھول رکھے،دعا کی اور مہمانوں کی کتاب میں اپنے تاثرات بھی قلمبند کیے۔صبح سویرے نیول ہیڈ کوارٹر اسلام آباد میں یادگار شہدا پر خصوصی تقریب منعقد ہوئی، وائس ایڈمرل اویس احمدبلگرامی نے یادگارشہدا پر پھول رکھے اور فاتحہ خوانی کی۔اس کے علاوہ یوم دفاع و شہدا کی مرکزی تقریب آج رات 8 بجے جی ایچ کیو میں ہوگی، وزیراعظم شہباز شریف تقریب کے مہمان خصوصی ہوں گے جبکہ آرمی چیف جنرل عاصم منیر،اعلیٰ سول و عسکری قیادت بھی شریک ہوگی۔مرکزی تقریب کے دوران وزیراعظم اور آرمی چیف یادگار شہدا پر پھول رکھیں گے،تقریب سے وزیراعظم اور آرمی چیف جنرل عاصم منیر خطاب بھی کریں گے۔یوم دفاع وطن پر صدر پاکستان اور وزیراعظم شہباز شریف کا غازیوں اور شہیدوں کو سلام پیش کیا۔یومِ دفاع و شہدا کے موقع پر چیئرمین جوائنٹ چیفس آف اسٹاف کمیٹی، سروسز چیفس اور پاکستان کی مسلح افواج نے 6 ستمبر 1965 کے شہدا کو خراج عقیدت پیش کیا۔پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے میں بتایا گیا ہے کہ مسلح افواج نے کہا ہے کہ یہ دن (یوم دفاع) قوم کی ناقابل تسخیر عزم اور ہمارے بہادر سپاہیوں کی قربانیوں کو خراجِ تحسین پیش کرنے کا دن ہے، جنہوں نے دشمن کی سازشوں کا ڈٹ کر مقابلہ کیا اور مادر وطن کا کامیابی سے دفاع کیا۔آئی ایس پی آر کے مطابق مسلح افواج نے دشمن کی عزائم ناکام بناتے ہوئے ایک تاریخی فتح حاصل کی جو تاریخ میں ہمیشہ یاد رکھی جائے گی، 1965ء کی جنگ امید کی کرن تھی، جس نے مصیبت کے وقت قوم کیلئے عزم کی مثال قائم کی، آج ان شہداء کو دل کی گہرائیوں سے خراج عقیدت پیش کرتے ہیں جنہوں نے 1947 سے پاکستان کے دفاع میں اپنی جانوں کا نذرانہ پیش کیا۔آئی ایس پی آر کے مطابق ان کو بھی خراج تحسین جنہوں نے دہشت گردی کے خلاف لڑائی اور جنگ میں لازوال قربانیاں دیں، شہداء کی قربانیوں کو کبھی فراموش نہیں کیا جائے گا، ہم ان سابق فوجیوں کو بھی سلام پیش کرتے ہیں جو بہادری سے لڑے، ان سابق فوجیوں کی بہادری اور بے لوثی کو ہمیشہ یاد رکھا جائے گا۔

ملک بھر میں آج یوم دفاع و شہدا ملی جوش و جذبے کے ساتھ منایا جا رہا ہے

چھ ستمبر 1965 کی مناسبت سے وزیراعظم ، صدر اور پاک فوج کی جانب سے اہم پیغام جاری

پاک انگلینڈ سیریز کا ایک ٹیسٹ یوے ای منتقل کرنے پر غور کیا جا رہا ہے۔نجی ٹی وی چینل کاذرائع کے حوالے سے بتایا ہے کہ کراچی کا اسٹیڈیم تعمیراتی کام کی وجہ سے میزبانی نہیں کر سکتا صرف ملتان اور راولپنڈی کے اسٹیڈیم سیریز کیلئے دستیاب ہیں۔اسلام آباد میں شنگھائی رابطہ کانفرنس کی وجہ سے پنڈی میں 2 ٹیسٹ کا انعقاد مشکل ہے۔ انگلینڈکی ٹیم کو آئندہ ماہ 3ٹیسٹ سیریزکیلئے پاکستان آنا ہے۔رپورٹس کے مطابق  ملکی میدان مکمل تیار نہ ہونے کی وجہ سے پاک انگلینڈ کرکٹ سیریز کے یو اے ای یا سری لنکا منتقلی کا امکان بڑھ گیا۔پاکستان اور انگلینڈ کے درمیان پہلا ٹیسٹ 7 سے 11 اکتوبر تک ملتان، دوسرا 15 سے 19 تاریخ تک کراچی جبکہ تیسرا 24 سے 28 اکتوبر تک راولپنڈی میں شیڈول ہے، لاہور اور کراچی کی طرح راولپنڈی اسٹیڈیم میں بھی تعمیراتی کام ہو گا۔سیریز کے لیے اگر کام روکا گیا تو چیمپئنز ٹرافی سے قبل اسٹیڈیمز کی تیاری مزید چیلنجنگ بن جائے گی، انگلینڈ سے شائقین کے گروپ بارمی آرمی کے بھی پاکستان آنے کی توقع ہے، کراؤڈ کے بغیر میچز کرانا بھی ممکن نہ ہو گا۔ان چیلنجز کو دیکھتے ہوئے پی سی بی متبادل آپشنز پر غور کرنے پر مجبور ہو گیا ہے، یو اے ای پہلا انتخاب ہوگا مگر دبئی اور شارجہ میں 3 سے 20 اکتوبر تک آئی سی سی ویمنز کرکٹ ورلڈکپ کے میچز ہونا ہیں، پاک انگلینڈ سیریز تقریباً انہی تاریخوں میں شیڈول ہے۔ایسے میں یو اے ای کا صرف ایک وینیو ابوظہبی ہی دستیاب ہوگا، پی سی بی حکام سری لنکا میں بھی میچز کرانے پر غور کر رہا ہے، اس حوالے سے انگلش کرکٹ بورڈ کی مشاورت سے آئندہ چند روز میں کوئی فیصلہ ہوگا۔ ابتدائی شیڈول کے مطابق کراچی ، راولپنڈی اور ملتان میں ٹیسٹ ہونا ہے تاہم سیریز کے وینیو کے حوالے سے غیریقینی کی صورتحال ہے۔سیریز آئی سی سی ورلڈ ٹیسٹ چیمپئن شپ (ڈبلیو ٹی سی) 2023-25 کا حصہ ہے۔ پہلا ٹیسٹ 7 سے 11 اکتوبر تک ملتان میں شروع ہونا ہے، اس کے بعد دوسرا ٹیسٹ 15 سے 19 اکتوبر تک کراچی میں کھیلا جائے گا۔ تیسرا 24 سے 28 اکتوبر تک راولپنڈی میں شیڈول ہے۔ پاکستان کرکٹ بورڈ (پی سی بی) کے لیے اہم چیلنجز کا سامنا ہے کیونکہ وہ 2025 کی چیمپیئنز ٹرافی کی انتہائی متوقع تیاری کر رہا ہے۔دوسری جانب انگلینڈ نے پاکستان کیخلاف سیریز کے شیڈول میں کسی باضابطہ تبدیلی کے حوالے سے وضاحت طلب کرلی ہے۔ٹیسٹ سیریز کے شیڈول میں تبدیلی کی خبروں کے بعد انگلینڈ کے ہیڈ کوچ برینڈن میکلم نے موجودہ صورتحال پر وضاحت طلب کر لی ہے۔برینڈن میکلم نے سری لنکا کے خلاف تیسرے ٹیسٹ سے قبل میڈیا ٹاک پر پاک انگلینڈ سیریز پر تبصرہ کرتے ہوئے کہا کہ پاکستان میں کیا ہو رہا ہے ہم واقعی کچھ نہیں جانتے۔انہوں نے کہا کہ ہم تب تک ٹیم کا انتخاب نہیں کر سکتے جب تک ہمیں علم نہ ہو کہ ہم کہاں کھیل رہے ہیں۔انگلینڈ کے ہیڈ کوچ برینڈن میکلم کا کہنا تھا کہ یہ بہت اچھا ہو گا کہ اگلے کچھ روز میں اس حوالے سے پتہ چل جائے، جب ہمیں معلوم ہو جائے گا تب ہم مل بیٹھیں گے، ہم کنڈیشنز کے مطابق حریف ٹیم کے خلاف اچھی ٹیم بنا سکیں۔

کراچی اسٹیڈیم میں تعمیراتی کام ،پاک انگلینڈ سیریز کا ایک ٹیسٹ یوے ای منتقل ہونے کاامکان

ہم تب تک ٹیم کا انتخاب نہیں کر سکتے جب تک ہمیں علم نہ ہو کہ ہم کہاں کھیل رہے ہیں،ہیڈ کوچ انگلینڈ

بلوچستان نیشنل پارٹی کے سربراہ سردار اختر خان مینگل کے قومی اسمبلی کی نشست چھوڑنے کے اعلان کے بعد حکومتی اتحاد سمیت ملک کی تمام سیاسی پارٹیوں نے ان سے اپنی محبت کا اظہار کرتے ہوئے استعفیٰ واپس لینے کی درخواست کی تاہم پارٹیوں کی اس فرمائش کو ’ستم ظریفی‘ قرار دیتے ہوئے سینیئر سیاستدان نے ایک بار پھر کہہ دیا ہے کہ وہ اپنا فیصلہ واپس نہیں لینا چاہتے۔تفصیلات کے مطابق سردار اختر مینگل نے دبئی روانگی سے قبل پارلیمنٹ کو الوداع کہہ دیا۔سردار اختر مینگل نے سماجی رابطوں کی ویب سائٹ ایکس پراپنے پیغام میں پارلیمنٹ کو الوداع کہتے ہوئے لکھا کہ تمام سیاسی جماعتوں نے میرا استعفیٰ قبول کرنے سے انکار کر دیا ہے، میں اس پارلیمنٹ میں رہنے کا خواہشمند نہیں، سیاسی جماعتیں سمجھتی ہیں کہ وہ مجھ سے معافی مانگ کر راضی کر سکتی ہیں۔ان کا کہنا تھا کہ سیاسی جماعتیں اور حکومت مجھ سے معافی مانگنے کے بجائے بلوچ عوام سے معافی مانگے، میں صرف اختر مینگل نہیں بلکہ عوام کا حصہ ہوں، بلوچ عوام سے صلح کرنے والے مجھ سے صلح کریں گے، میری کسی سے کوئی ذاتی دشمنی نہیں۔اختر مینگل نے کہا کہ میں نے اپنے ضمیر کی آواز پر پارلیمنٹ چھوڑنے کا فیصلہ کیا ہے، بلوچستان کے مسئلے پر سیاسی جماعتوں اور حکومتوں کو سمجھانے کی بہت کوشش کی، میں بلوچ عوام کے ساتھ ہونے والی ناانصافیوں کا بوجھ ختم کرنے کیلئے پاکستان آیا، اب میں آزاد ہوں۔ان کا کہنا تھا کہ میں اب پرواز میں ہوں۔ الوداع۔بی این پی سربراہ نے مزید کہا کہ امید ہے بہت دیر ہونے سے پہلے دوسروں کو اس کا احساس ہو جائے گا، پاکستان میں قانون کی حکمرانی ہوئی تو دوبارہ ملیں گے، الوداع، پارلیمنٹ۔

الوداع پارلیمنٹ ،شاید ہم اس وقت ملیں جب ملک میں قانون کی حکمرانی قائم ہو،اخترمینگل

سیاسی رہنما مجھ سے معافی مانگنے کے بجائے بلوچستان کے عوام سے معافی مانگیں ،سربراہ بلوچستان نیشنل پارٹی

Former Pakistan captain and star player Shahid Afridi has blamed Pakistan Cricket Board for the team�s recent bad performance.

Shahid Afridi Blames PCB For Pakistan Cricket Teams Bad Performance

Former Pakistan captain and star player Shahid Afridi has blamed Pakistan Cricket Board for the team&rsquo;s recent bad performance.&nbsp;

In an interview with a local news channel, all-rounder Shahid Afridi said that continuous changes in the Pakistan Cricket Board (PCB) are impacting the team negatively.&nbsp;

Boom Boom Afridi added that every system should at least be given a three year long tenure to adjust, but in the case of PCB, every year there&rsquo;s a new chairman elected that makes changes as per his own liking. According to him, no cricket board in the entire world works like this.&nbsp;

Former captain added that all the senior members of the PCB and senior players of the team should sit together to make a proper strategy.&nbsp;

He added that how can the PCB or anyone expect the team to perform when there are so many changes taking place at the management level.&nbsp;

The Pakistan Cricket Team exited the ICC Men&rsquo;s T20 World Cup after losing two out of their four group stage matches.&nbsp;

Debutant team USA beat Pakistan in the Super Over which came as a shock to the entire country.&nbsp;

Shahid Afridi left no stone unturned in criticizing the team as well as the PCB.&nbsp;

Hopefully, the criticism will be taken positively and the team will perform better in the upcoming Bangladesh tour of Pakistan.&nbsp;

The <a href="https://www.tapmad.com/blog/pak-vs-ban-bangladesh-tour-of-pakistan-2024-schedule-squads/362-2-0">PAK vs BAN 2024</a> series will feature two test matches. The Men in Green will be led by Shan Masood, whereas Babar Azam continues to lead the team in white-ball format.&nbsp;

Shahid Afridi Blames PCB For Pakistan Cricket Team’s Bad Performance

Related Post

PAK VS ENG 2024 Series Could Be Moved To Another Venue

AFC World Cup 2026 Qualifiers Teams, Format, & Schedule

Kamran Akmal Doesn't Want This Player In The Pakistan Team

Pakistan Drop To Lowest Test Rankings In 60 Years

PAK VS ENG 2024 Series Could Be Moved To Another Venue

AFC World Cup 2026 Qualifiers Teams, Format, & Schedule

Kamran Akmal Doesn't Want This Player In The Pakistan Team

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan