Cricket

Entertainment

Football

ڈی چوک احتجاج کے لیے قافلے کے ہمراہ کے پی ہاؤس پہنچنے والے وزیراعلی کے پی علی امین گنڈاپور کو گرفتار کرنے کی اطلاعات سامنے آئیں تاہم سرکاری ذرائع نے گرفتاری کی تردید کی ہے۔علی امین گنڈاپور کے بھائی فیصل امین نے وزیراعلیٰ کی گرفتاری کی تصدیق کردی ہے، جبکہ اپوزیشن لیڈر قومی اسمبلی عمر ایوب نے بھی وزیراعلیٰ کی گرفتاری کا دعویٰ کیا ہے۔میڈیارپورٹس کے مطابق وزیراعلیٰ خیبرپختونخوا کی قیادت میں پی ٹی آئی کارکنوں کا قافلہ رکاوٹیں عبور کرتا ہوا کچھ دیر قبل اسلام آباد پہنچا تھا۔ اسلام آباد پہنچنے کے بعد وزیراعلیٰ علی امین گنڈا پور کے پی ہاؤس چلے گئے،علی امین گنڈا پور کی جانب سے ریاست کے خلاف حملہ آور ہونے پر قانونی کارروائی کی گئی ہے، تاہم ابھی تک ان کو گرفتار نہیں کیا گیا۔ذرائع نے بتایا کہ علی امین گنڈا پور پر سرکاری املاک کو نقصان پہنچانے اور سرکاری وسائل کا غلط استعمال کرنے کے الزامات ہیں۔دوسری جانب سرکاری ذرائع کا کہنا ہے کہ علی امین گنڈا پور کو باضابطہ طور پر گرفتار نہیں کیا گیا، علی امین گنڈا پور کی گرفتاری کے حوالے سے خبر غلط ہے۔ قبل ازیں عدالت کی جانب سے شراب برآمدگی کیس میں وزیراعلیٰ خیبرپختونخوا کے وارنٹ گرفتاری جاری ہونے کے بعد پولیس کی بھاری نفری کے پی ہاؤس پہنچی۔یاد رہے ڈسٹرکٹ اینڈ سیشن کورٹس اسلام آباد نے غیرقانونی اسلحہ و شراب برآمدگی کیس میں عدم پیشی پر وزیراعلیٰ خیبرپختونخوا کے ناقابل ضمانت وارنٹ گرفتاری جاری کئے تھے۔عدالت نے کہا تھا کہ متعدد مرتبہ عدالت طلبی کے باوجود وزیراعلیٰ کے پی پیش نہ ہوئے، ان کو گرفتار کر کے آئندہ سماعت پر عدالت پیش کیا جائے۔

وزیراعلیٰ  خیبرپختونخوا علی امین گنڈاپور کی گرفتاری کی متضاد اطلاعات

سرکاری ذرائع نے علی امین گنڈاپور کی گرفتاری کی خبروں کی تردید کردی

سیکیورٹی فورسز نے شمالی وزیرستان میں آپریشن کرتے ہوئے 6 خوارجی ہلاک کردیا جبکہ لیفٹیننٹ کرنل 5جوانوںسمیت شہید ہوئے۔پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے سپن وام میں سکیورٹی فورسز اور خوارج کے درمیان فائرنگ کا تبادلہ ہوا جس کے نتیجے میں 6 خوارج مارے گئے۔آئی ایس پی آر کا بتانا ہےکہ خوارج سے شدید فائرنگ کے تبادلے میں لیفٹیننٹ کرنل محمد علی شوکت سمیت 6 جوان بھی شہید ہوگئے۔آئی ایس پی آر کے مطابق خوارج کے خلاف 4 اور 5 اکتوبر کی درمیانی شب کارروائی کی گئی اور لیفٹیننٹ کرنل محمد علی شوکت خوارج کے خلاف آپریشن کی قیادت کر رہے تھے۔شہید ہونے والے جوانو ں میں لانس نائیک محمد اللہ، لانس نائیک اختر زمان، لانس نائیک شاہد اللہ، لانس نائیک یوسف علی، سپاہی جمیل احمد جام شامل ہیں۔آئی ایس پی آر کے مطابق 43 سالہ لیفٹیننٹ کرنل محمد علی شوکت شہیدکا تعلق فیصل آباد سے ہے، جنہوں نے سوگواران میں اہلیہ اور تین بیٹے چھوڑے۔30 سالہ لانس نائیک محمد اللہ شہید کا تعلق ضلع خیبر، 30 سالہ لانس نائیک اختر زمان شہید کا تعلق لکی مروت، 29 سالہ لانس نائیک شاہد اللہ کا تعلق ضلع ٹانک، 31 سالہ لانس نائیک یوسف علی شہید کا تعلق لوئر اورکزئی، 26 سالہ سپاہی جمیل احمد شہید کا تعلق ضلع سوات سے ہے۔آئی ایس پی آر کے مطابق ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں ، پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں، علاقے میں پائے جانے والے دیگر خارجیوں کو ختم کرنے کے لیے سینی ٹائزیشن آپریشن کیا جا رہا ہے۔

شمالی وزیرستان میں خوارج سےفائرنگ کا تبادلہ، لیفٹیننٹ کرنل اور5 جوان شہید

شمالی وزیرستان کے علاقے اسپن وام میں سیکیورٹی فورسز کی کارروائی میں 6 خوارجی بھی ہلاک ہوگئے، آئی ایس پی آر

وزیراعلیٰ خیبرپختونخوا کی قیادت میں پی ٹی آئی کارکنوں کا قافلہ رکاوٹیں عبور کرتا ہوا اسلام آباد پہنچ گیا ہے جبکہ پی ٹی آئی کارکنان ڈی چوک جانے والی شاہراہ کے قریب جمع ہوگئے۔تفصیلات کے مطابق تحریک انصاف کے احتجاج کے باعث راولپنڈی اسلام آباد دوسرے روز بھی سیل رہے ، اسکول ، عدالتیں اور میٹرو بس اور موبائل فون سروس بند ہے۔پی ٹی آئی کے احتجاج کے پیش نظر اسلام آباد ، راولپنڈی میں آج بھی وہی صورتحال برقرار ہے اور دوسرے روز بھی عدالتیں، اسکول اور میٹر بس بند ہے ۔ انتظامیہ کی جانب سے مری روڈ سے آنے والے لنک روڈز اور گلیوں کو بھی سیل کیا گیا ہے۔جبکہ دارالحکومت میں پاک فوج کے مزید جوان تعینات کردیے گئے ہیں۔ انتظامیہ کی جانب سے مری روڈ سے آنے والے لنک روڈز اور گلیوں کو بھی سیل کیا گیا ہے۔شہر کے چوراہوں سمیت دیگر اہم مقامات پر پولیس کی بھاری نفری تعینات ہے۔اڈیالہ جیل سے ملزمان کو آج بھی عدالتوں میں پیش نہیں کیا گیا جس کی وجہ سے کچہری کا علاقہ سنسان ہے۔ راستوں کی بندش کے باعث محکمہ تعلیم نے سلام ٹیچرز ڈے سے متعلق تمام تقریبات منسوخ کر دی ہیں۔

اسلام آ با د دوسرے روز بھی سیل، عدالتیں، اسکول، میٹرو بس بند، معمولات زندگی متاثر

پی ٹی آئی احتجاج، علی امین گنڈاپور قافلے کے ہمراہ اسلام آباد میں داخل، کارکنان ڈی چوک پر جمع ہوگئے

معروف اسلامک اسکالر ڈاکٹر ذاکر نائیک آج کراچی کے باغ جناح پولو گراؤنڈ میں خطاب کریں گے۔باغ جناح پولو گراؤنڈ میں ممتاز اسلامک اسکالر ڈاکٹر ذاکر نائیک کے عوامی اجتماع کے پیشِ نظر ٹریفک پولیس نے خصوصی پلان جاری کردیا۔ڈاکٹر ذاکر نائیک کے عوامی اجتماع کے شرکا کیلئے 2 مقامات پر پارکنگ کا انتظام کیا ہے۔ تقریب کا انعقاد شام 7 بجے بارہ دری نذد باغ جناح المعروف پولو گراؤنڈ میں ہوگا۔ٹریفک پولیس کے ترجمان نے بتایا کہ وائی ایم سی اے گراؤنڈ اور ڈی جے کالج کے گراؤنڈ میں پارکنگ کا انتظام کیا گیا ہے، شرکا پارکنگ گراؤنڈ میں گاڑی کھڑی کر کے پیدل پولو گراؤنڈ پہنچیں گے۔تقریب کے دوران ایوان صدر روڈ اور فوارہ چوک سے کھجور چوک تک بند رہے گی لہٰذا عوام متبادل راستے کا انتخاب کریں تاکہ اپنی منزل پر باآسانی پہنچ سکیں۔علاوہ ازیں شاہین کمپلیکس سے آنیوالے ایم آر کیانی چوک سے زینب مارکیٹ جاسکیں گے،راستوں کا تبادلہ شہریوں کی آسانی کے لئے کیاگیا ہے تاکہ اس معاملے میں شہریوں کو مشکلات کا سامنا نہ ہو اسی طرح زینب مارکیٹ سے آنے والی ٹریفک فوارہ چوک سے شاہراہ فیصل جا سکے گی اور سندھ کلب چوک میٹروپول سے فوارہ چوک تک دونوں اطراف نو پارکنگ زون ہو گا۔واضح رہے کہ ڈاکٹر ذاکر نائیک 10 دن کے دورے پر کراچی میں موجود ہیں۔شہر قائد میں ان کی 7 سے 10 اکتوبر تک نجی ملاقاتیں طے ہیں جس کے بعد وہ 11 اکتوبر کی صبح کراچی سے لاہور روانہ ہو جائیں گے۔

ڈاکٹر ذاکر نائیک آج پولو گرائونڈ میں خطاب کرینگے، ٹریفک پلان بھی جاری

تقریب کے شرکا وائے ایم سی اے گراؤنڈ اور ڈی جے کالج گراؤنڈ میں پارکنگ کر سکیں گے،ترجمان ٹریفک پولیس

پاکستان تحریک انصاف (پی ٹی آئی) کے رہنما شیخ وقاص اکرم نے کارکنان کو احتجاج کے لیے اسلام آباد اور لاہور پہنچنے کی ہدایت کردی۔ انہوں نے کہا کہ جو کارکن اسلام آباد پہنچ سکتا ہے اسلام آباد پہنچے اور جو لاہور کے قریب ہیں وہ مینار پاکستان پر احتجاج کے لیے پہنچیں۔ انہوں نے پنجاب کے تمام اضلاع میں احتجاج شروع کرنے کا اعلان کیا۔تفصیلات کے مطابق پی ٹی آئی کی جانب سے اسلام آباد کے ڈی چوک کے بعد آج لاہور کے مینار پاکستان پر احتجاجی مظاہرہ ہے۔ صوبائی حکومت نے احتجاج ناکام بنانے کے لیے اپنی تمام تیاریاں کرلی ہیں۔ ان تیاریوں میں پی ٹی آئی کارکنوں کی گرفتاریاں، شہر کے داخلی اور خارجہ راستوں کی بندش، دفعہ 144 کا نفاذ اور بھاری نفری کی تعیناتی شامل ہے۔پاکستان تحریک انصاف کی آج مینار پاکستان گراؤنڈ میں احتجاج کی کال پر لاہور کے مختلف مقامات پر کنٹینرز پہنچا دیئے گئے ہیں، پولیس نے شہر کے خارجی راستے کنٹینر لگا کر بند کر دیئے مینار پاکستان جانے والے بھی تمام راستے سیل کر دیئے گئے ہیں۔لاہور میں ریلوے اسٹیشن، مینار پاکستان گراؤنڈ اور لاری اڈے کو جانے والی سڑکوں اور دیگر مقامات پر بھی کنٹینر پہنچا دیے گئے،مینار پاکستان گراؤنڈ میں پانی چھوڑ دیا گیا اور انٹرنیٹ سروس بھی معطل کردی گئی ہے۔ ناکوں پر موجود اہلکار محدود تعداد میں گاڑیوں کو شہر میں داخلے اور باہر نکلنے کی اجازت دے رہے ہیں،موٹروے کو کنٹینرز لگا کر آنے اور جانے کے لئے بند کیا گیا ، ٹھوکر نیاز بیگ، بابوصابو، محمود بوٹی انٹرچینج پر داخلہ بند کر دیا گیا،پولیس نے کنٹینرز لگا کر راستوں کو بند کیا ہے،پولیس نے کنٹینرز کی دو سطحی رکاوٹیں بنائی ہیں۔ لاہور میں دفعہ 144نافذ کردی گئی جبکہ رینجرز کی خدمات بھی حاصل کرلی گئی ہیں۔

پی ٹی آئی کا احتجاج، مینار پاکستان جانے والے تمام راستے سیل،انٹرنیٹ سروس معطل

مینارپاکستان گراؤنڈ میں پانی چھوڑدیا گیا،بابو صابو موٹر وے انٹرچینج پر بھی کنٹینرز لگا کر راستہ بند کر دیا گیا

ہنزہ سے تعلق رکھنے والے پاکستانی کوہ پیما سرباز خان نے ایک منفرد کارنامہ انجام دے کر ملک و قوم کا نام روشن کردیا ہے۔سرباز خان نے پاکستان کی کوہ پیمائی کی تاریخ میں ایک نیا باب رقم کردیا ہے اور وہ تبت میں واقع 8 ہزار 27 میٹر بلند چوٹی ششاپنگما سر کرکے دنیا کی 8 ہزار میٹر سے بلند تمام 14 چوٹیاں سرکرنے والے پہلے پاکستانی کوہ پیما بن گئے ہیں۔دنیا کی 14 ویں بلند ترین چوٹی سرکرنے کے بعد وہ ان کوہ پیماؤں کی فہرست میں شامل ہوگئے ہیں جنہوں نے تمام بلند ترین چوٹیاں سر کرنے کا اعزاز حاصل کرلیا ہے۔سرباز خان نے دنیا کی بلند ترین 14 چوٹیاں سر کرنے کا سفر 2017 میں شروع کیا تھا اور سب سے پہلے 8 ہزار 126 میٹر بلند نانگا پربت سرکیا تھا اور یہ ان کی کامیاب کوہ پیمائی کا نکتہ آغاز تھا، بعد ازاں انہوں نے جولائی 2018 میں کے ٹو، مئی 2019 میں لہوٹسے سرکیا جہاں وہ 8 ہزار 516 میٹر بلند چوٹی سرکرنے والے پہلے پاکستانی کوہ پیما بن گئے تھے۔یاد رہے کہ ہنزہ کے خطے ہی سے تعلق رکھنے والے کوہ پیما مراد سدپارہ نے چند روز کے وقفے سے دو مرتبہ نانگا پربت سر کرکے ریکارڈ قائم کیا تھا۔واضح رہے مراد سدپارہ نے بغیر مصنوعی آکسیجن کے 8126 میٹر بلند چوٹی سر کی اور اس پر سبز ہلالی پرچم بھی لہرایا، مراد سدپارہ کا تعلق سکردو کے گاؤں سدپارہ سے تھا، مراد سدپارہ کی کامیابی قوم کے لیے ایک بڑا اعزاز تھی، ایک حادثے میں ان کی موت نے قوم کو سوگوار کردیا تھا۔

سرباز خان دنیا کی 14 بلند ترین چوٹیاں سر کرنے والے پہلے پاکستانی بن گئے

پاکستانی کوہ پیماسرباز خان نے یہ سنگ میل 8 ہزار 27 میٹر بلند ششا پنگما عبور کرکے حاصل کیا

پاکستان اسٹاک ایکسچینج میں مثبت رجحان رہا جس کے باعث ہنڈرڈ انڈیکس بلند ترین سطح پرپہنچ گیا۔کاروباری ہفتے کے پانچویں اور آخری روز ٹریڈنگ کا اختتام مثبت زون میں ہوا جس کے باعث اسٹاک مارکیٹ میں ہنڈرڈ انڈیکس 810 پوائنٹس اضافے کیساتھ 83 ہزار 531 پوائنٹس کی سطح پر بند ہوا ہے۔ آج دن بھر مجموعی طور پر 444 کمپنیوں کے شیئرز میں کاروبار ہوا ،201 کمپنیوں کے شیئرز کی قیمتوں میں اضافہ جبکہ 167 کے شیئرز میں کمی ہوئی ۔ادھر آئی ایم ایف کی جانب سے قرض منظوری اور پاکستان کو پہلی قسط موصول ہونے کے بعد روپے کی قدر میں اضافہ دیکھنے میں آ رہا ہے ا سٹیٹ بینک کے مطابق آج کاروباری روز کے اختتام پر انٹربینک میں امریکی ڈالر 22 پیسے سستا ہونے کے بعد 277.74 روپے سے کم ہوکر 277.52 روپے پر بند ہوا۔دوسری جانب آج ملک بھر میں سونے کی فی تولہ قیمت میں سیکڑوں روپے کا اضافہ ہوا ہے۔ آل پاکستان جیمز اینڈ جیولرز ایسوسی ایشن کے مطابق  فی تولہ سونا 1800 روپے مہنگا ہوا ہے جس کے بعد سونے کی فی تولہ قیمت 2 لاکھ 76 ہزار 200 روپے ہوگئی ہے۔ ایسوسی ایشن کے مطابق 10 گرام سونے کی قیمت 1543 روپے اضافے کے بعد 2 لاکھ 36 ہزار797 روپے ہو گئی ہے۔

ملک میںسونے کی فی تولہ قیمت 2 لاکھ 76 ہزار 200 روپے ہوگئی

انٹر بینک میں روپے کے مقابلے میں امریکی ڈالر کی قیمت 277روپے52پیسےہو گئی

مرکزی رویت ہلال کمیٹی نے ملک بھر میں ربیع الثانی 1446 ہجری کا چاند نظر آنے کا اعلان کردیا۔تفصیلات کے مطابق ربیع الثانی کا چاند نظر آ گیا، یکم ربیع الثانی 1446 ہجری کل 5 اکتوبر بروز ہفتہ کو ہو گی ۔ربیع الثانی کا چاند دیکھنے کے لیے مرکزی رویت ہلال کمیٹی کا اجلاس چیئرمین مولانا عبدالخبیر آزاد کی زیر صدارت ہوا جس میں رویت ہلال کے حوالے سے شہادتوں کا جائزہ لینے کے بعد چاند نظر آنے کا اعلان کیا گیا۔دوسری جانب چیئرمین مرکزی رویت ہلال کمیٹی مولانا سید محمد عبدالخبیر آزاد کے اعلان کے بعد وزارت مذہبی امور نے نوٹیفکیشن جاری کر دیا۔

ملک بھرمیں ربیع الثانی 1446ہجری کاچاند نظر آگیا

پاکستان میں یکم ربیع الثانی 5 اکتوبر بروز ہفتہ کو ہو گی، مرکزی رویت ہلال کمیٹی کا اعلان

افغان کرکٹ ٹیم کے لیگ اسپنر راشد خان شادی کے بندھن میں بندھ گئے ہیں۔ ان کی شادی کی تقریب کی تصاویر اور ویڈیوز سوشل میڈیا پر وائرل ہوگئی۔ تفصیلات کے مطابق افغانستان کی کرکٹ ٹیم کے عالمی شہرت یافتہ مشہور اسپِن بولر راشد خان شادی کے بندھن میں بندھ گئے۔ میڈیا رپورٹس کے مطابق راشد خان کی شادی کی تقریب 3 اکتوبر کو افغانستان کے دارالحکومت کابل میں پشتون روایات کے مطابق ہوئی۔ راشد خان کی شادی کی تقریب میں افغان کرکٹر محمد نبی سمیت افغان ٹیم کے دیگر کھلاڑیوں نے بھی شرکت کی۔ سوشل میڈیا پر راشد خان کی شادی کے وینیو (ویڈنگ ہال) کی ویڈیوز اور تصاویر بھی شیئر کی گئی ہیں جس میں شادی ہال کے باہر اور اندر کے خوبصورت وینیو کو دیکھا جاسکتا ہے۔افغان کرکٹر کی شادی کی تصاویر اور ویڈیوز سوشل میڈیا پر بھی وائرل ہو گئی ہیں اور انہیں زندگی کا نیا سفر شروع کرنے پر دنیا بھر سے مبارک باد کے پیغامات موصول ہو رہے ہیں۔افغان کرکٹ ٹیم کے کھلاڑیوں نے دولہا کے ساتھ تصاویر بھی بنوائیں اور ان کے لیے نیک خواہشات کا اظہار بھی کیا ہے۔واضح رہے کہ راشد خان ٹی20 فارمیٹ میں تیز ترین 50 اور 100 وکٹیں لینے والر بالر ہیں جبکہ آئی سی سی رینکنگ مین نمبر ایک بالر بھی رہ چکے ہیں۔

افغان کرکٹرراشد خان بھی شادی کے بندھن میں بندھ گئے، ویڈیو اورتصاویر وائرل

راشدخان کو زندگی کا نیاسفرشروع کرنے پردنیا بھر سے مبارکباد کے پیغامات موصول ہورہے ہیں

اسلام آباد میںشنگھائی تعاون تنظیم(ایس سی او) اجلاس کیلئے فوج تعیناتی کی منظوری دیدی گئی اس حوالے سے نوٹیفکیشن جاری کردیا گیا ہے۔تفصیلات کے مطابق ایس سی او سمٹ کے لیے فوج کی تعیناتی آرٹیکل 245 کے تحت کی گئی ہے، فوج ایس سی او سمٹ کے دوران 17 اکتوبر تک تعینات رہے گی۔وزارت داخلہ کی جانب سے جاری نوٹیفکیشن میں مزید کہا گیا ہے کہ اسلام آباد میں 5 سے 17 اکتوبر تک فوج تعینات رہے گی، اسلام آباد کی سکیورٹی کی ذمہ داری فوج کے حوالے ہوگی اور پولیس سمیت دیگر ادارے فوج کی معاونت کریں گے۔یاد رہے کہ شنگھائی تعاون تنظیم کا اجلاس 15 اور 16 اکتوبر کو اسلام آباد میں ہوگا۔

شنگھائی تعاون تنظیم اجلاس کیلئے اسلام آباد میں فوج تعینات کرنے کا نوٹیفکیشن جاری

فوج ایس سی او سمٹ کےدوران اسلام آباد میں 17 اکتوبر تک تعینات رہے گی، نوٹیفکیشن

پاکستان تحریک انصاف (پی ٹی آئی) کے بانی عمران خان کی دونوں بہنوں علیمہ خان اور عظمیٰ خان کو ڈی چوک سے گرفتار کرلیا گیا۔ڈی چوک میں اس وقت پولیس اور پی ٹی آئی کے کارکنان آمنے سامنے ہیں، اور پولیس کی جانب سے آنسو گیس کی شیلنگ کی جارہی ہے، جبکہ علیمہ خان اور عظمیٰ خان کو تھانہ سیکریٹریٹ منتقل کردیا گیا ہے۔خیال رہے پاکستان تحریک انصاف کی جانب سے ڈی چوک میں احتجاج کا اعلان کیا گیا ہے اور مختلف مقامات پر پولیس اور پی ٹی آئی کارکنوں میں آنکھ مچولی کا سلسلہ جاری ہے۔ایسے میں جب عمران خان کی ہمشیرہ علیمہ خان اور عظمی خان ڈی چوک پہنچی تو پولیس نے دونوں بہنوں کو گرفتار کر لیا۔ پولیس علیمہ خان کو وین میں بٹھا کر لے گئی۔دوسری جانب ملک کے مختلف علاقوں سے قافلے ڈی چوک کی جانب رواں دواں ہیں، جن میں سب سے بڑا قافلہ وزیراعلیٰ خیبرپختونخوا علی امین گنڈاپور کی قیادت میں اسلام آباد کی طرف گامزن ہے۔

عمران خان کی بہنوں علیمہ خان، عظمیٰ خان کو ڈی چوک سے گرفتار کر لیا گیا

ڈی چوک میں پی ٹی آئی کارکنان اورپولیس آمنے سامنے،پولیس کی جانب سے شیلنگ جاری

بھارت نے اسلام آباد میں ایس سی او اجلاس میں شرکت کی تصدیق کردی۔تفصیلات کے مطابق بھارتی وفد وزیرخارجہ جے شنکر کی سربراہی میں شنگھائی تعاون تنظیم کے اجلاس میں شرکت کرے گا، جے شنکر 15-16 اکتوبر کو ایس سی او سربراہی اجلاس کے لیے پاکستان کا دورہ کریں گے۔بھارتی وزارت خارجہ کے ترجمان کی جانب سے کہا گیا کہ بھارت پاکستان میں ہونیوالے شنگھائی تعاون تنظیم ( ایس سی او ) کے اجلاس میں شرکت کرے گا۔ترجمان کا کہنا تھا کہ بھارتی وزیرخارجہ جے شنکر ایس سی اوسمٹ میں شرکت کیلئے پاکستان جائیں گے اور 15 ،16 اکتوبر کو سمٹ میں شرکت کریں گے، جے شنکر کا پاکستان کا یہ پہلا دورہ ہوگا۔بھارتی وزارت خارجہ نے مزید کہا کہ پاکستان میں دو طرفہ ملاقاتوں سے متعلق تفصیلات کچھ دنوں میں بتائی جائیں گی۔واضح رہے پاکستان نے بھارتی وزیر اعظم نریندر مودی کو  شنگھائی تعاون تنظیم کے سربراہان کے اجلاس میں مدعو کیا تھا۔شنگھائی تعاون تنظیم( ایس سی او) میں بھارت، چین، روس، پاکستان، قازقستان، کرغزستان، تاجکستان، اور ازبکستان شامل ہیں، ایک اہم اقتصادی اور سیکورٹی بلاک ہے جو علاقائی بین الاقوامی تنظیموں میں سے ایک بن گیا ہےاس اہم علاقائی فریم ورک کے اندر پاکستان اور بھارت دونوں کو سربراہی اجلاسوں میں شرکت کا موقع ملتا ہے۔

بھارتی وزیر خارجہ شنگھائی تعاون تنظیم کانفرنس میں شرکت کیلئے پاکستان آئیں گے

شنگھائی تعاون تنظیم کا سربراہی اجلاسی 15 اور 16 اکتوبر کو اسلام آباد میں منعقد ہو گا

پاکستان کرکٹ ٹیم کے سابق کپتان یونس خان نے بابر اعظم کے مستعفی ہونے کے بعد قومی وائٹ بال ٹیم کے کپتان کے لیے محمد رضوان کے ساتھ فخر زمان کو مضبوط امیدوار قرار دے دیا۔تفصیلات کےمطابق پاکستان کرکٹ ٹیم کے سابق کپتان یونس خان نے کہا ہے کہ ہمارے کلچر میں بڑے کھلاڑی کو کپتان بنا دیا جاتا ہے جو غلط ہے۔ قومی کرکٹ ٹیم کو ٹی ٹونٹی ورلڈکپ 2009ء جتوانے والےلیجنڈری بیٹر اور سابق قومی کپتان یونس خان نےآسٹریلیامیں میڈیا سے گفتگو کرتے ہوئے کہا ہے کہ پاکستان میں بڑے کھلاڑی کو کپتان بنانے کا رواج ہے جو غلط ہے۔ بابر اعظم کا قیادت سے الگ ہونا خود ان کے لیے بہتر ثابت ہوگا۔سابق کپتان یونس خان نے پی سی بی کو مشورہ دیا کہ بابر اعظم کے کپتانی سے مستعفی ہونے کے بعد محمد رضوان یا فخر زمان میں سے کسی ایک کو کپتان بنانا چاہیے۔یونس خان کاکہناتھا کہ ہمارے ہاں یہ سمجھا جاتا ہے کہ بڑے پلیئر ہی کو کپتان ہونا چاہیئے لیکن یہ درست نہیں ہمارے پاس کچھ تجربے کار کھلاڑی ہیں جیسے محمد رضوان اور جن کا کوئی تذکرہ نہیں کرتا وہ ہیں فخر زمان وہ زبردست پلیئر ہیں اور ہمیشہ اہم مواقع پر اچھا پرفارم کرتے رہے ہیں۔لیجنڈری کرکٹر کا کہنا تھا کہ پاکستان ٹیم میں نوجوان کھلاڑی شامل ہیں جبکہ سلیکشن کے مسائل ہیں، ریڈ بال ہیڈ کوچ جیسن گلیسپی کیساتھ کھیل چکا ہوں وہ پاکستان ٹیم کو بہتر بنانے کی کوشش کررہے ہیں۔یونس خان نے کہا کہ مجھے اُمید ہے کہ اگلے ماہ آسٹریلیا میں ہونے والی ون ڈے سیریز میں پاکستان کرکٹ ٹیم اچھا پرفارم کرے گی۔

محمدرضوان یا فخر میں سے کسی کو وائٹ بال کا کپتان ہونا چاہیے، یونس خان کی تجویز

ہمارے کلچر میں بڑے کھلاڑی کو کپتان بنا دیا جاتا ہے جو غلط ہے،آسٹریلیا میں میڈیا سے گفتگو

ایرانی سپریم لیڈر آیت اللہ علی خامنہ ای نے نماز جمعہ کا خطبہ دیتے ہوئے زور دیا کہ ہر ملک کو جارحیت کے خلاف دفاع کا حق حاصل ہے، فلسطینی حق پر ہیں اور ہم ان کے ساتھ ہیں، مسلمان ممالک کو متحد ہونا ہوگا۔تفصیلات کے مطابق ایران کے سپریم لیڈر آیت اللّٰہ علی خامنہ ای نے آج 5 سال بعد تہران کی مرکزی امام خمینی مسجد میں نمازِ جمعہ کا خطبہ دیا ہے اور نماز کی امامت کرائی ہے۔امام خمینی مسجد میں نماز ِجمعہ سے کئی گھنٹے پہلے ہی عوام کا رش لگ گیا، ایرانی عوام اپنے سپریم لیڈر آیت اللّٰہ خامنہ کا خطبہ سننے اور ان کی اقتداء میں نمازِ جمعہ ادا کرنے بڑی تعداد میں پہنچ گئے۔آیت اللّٰہ خامنہ ای نے نمازِ جمعہ کے خطبے میں مسلم اتحاد پر زور دیتے ہوئے کہا کہ مسلمان مظلوم لوگوں کے ساتھ یک جہتی کا اظہار کریں، مسلمان قوموں کو افغانستان سے یمن، ایران سے غزہ اور لبنان تک دفاعی لائن بنانا ہو گی۔آیت اللہ خامنہ ای نے سورہ العصر تلاوت کی اور حق پر صبر اور استقامت کے ساتھ ڈٹے رہنے کی اہمیت پر زور دیا۔ جہاد کی اہمیت بیان کی اور کرہ ارض پر اسلامی نظام کو عافیت کا واحد راستہ قرار دیا۔ایران کے سپریم لیڈر نے امریکا اور اسرائیل کو امت مسلمہ کا مشترکہ دشمن قرار دیا اور مسلم اتحاد پر زور دیتے ہوئے کہا کہ مسلمان اتحاد اور اتفاق کے ساتھ طاغوتی قوتوں کا مقابلہ کریں اور مظلوموں کے ساتھ یکجہتی کا اظہار کریں۔آیت اللہ خامنہ ای نے کہا کہ قرآن کا درس ہے کہ مسلم اقوام متحد رہیں، اسرائیل تمام مسلمانوں کا مشترکہ دشمن ہے، فلسطینی حق پر ہیں اور ہم فلسطینیوں کے ساتھ ہیں۔ آیت اللہ خامنہ ای نے کہا کہ اگر مسلمان ایک دوسرے کا خیال رکھيں تو اللہ ان پر رحمت نازل کرے گا۔ دشمن کی پالیسی اس کے بر خلاف ہے اور انہوں نے ہمیشہ مسلمانوں میں اختلافات پیدا کیا ہے اور آج بھی کر رہے ہیںانہوں نے مزید کہا کہ ایرانی قوم کے دشمن وہی ہیں جو فلسطین کے دشمن ہیں، لبنان کے دشمن ہیں، عراق کے دشمن ہیں، شام و مصر کے دشمن ہيں۔ ہمارے دشمن الگ الگ حملے کرتے ہيں لیکن حکم سب کو ایک ہی جگہ سے ملتا ہے۔انہوں نے کہا کہ اسرئیل نے کوئی پیش قدمی کی تو ہم اسرائیل کو جواب دینے میں تاخیر نہیں کرینگے اور نہ ہی جلدی کریں گے، جس طرٖح 7اکتوبر کا حملہ جائز تھا اسی طرح ایران کا اسرائیل پر حملہ جائز ہے۔ایرانی سپریم لیڈر کا کہنا تھا کہ اس خطبے کی مخاطب پوری دنیائے اسلام ہے، ملت عزیز لبنان اور فلسطین سے خاص خطاب ہے، سید حسن نصر اللہ کی شہادت عظیم فقدان ہے، سید حسن نصر اللہ کا جسم ہمارے درمیان سے جاچکا، ان کی روح اور انکا نظریہ آج بھی ہمارے درمیان موجود ہے۔ان کا کہنا تھا کہ اسرائیل فلسطینیوں کے حقوق سلب کررہا ہے، بے گناہ شہریوں کو شہید کررہا ہے۔ اسرائیل قتل و غارت اور عام شہریوں کے قتل کے ذریعے جیتنے کا ڈرامہ کر رہا ہے۔ اسرائیل کبھی یہ جنگ نہیں جیت سکے گا، اسرائیلی جرائم اسے صفحہ ہستی سے مٹا دیں گے۔

مشترکہ دشمن اسرائیل کیخلاف امت مسلمہ کومتحد ہونا ہوگا، آیت اللہ خامنہ ای

ہر ملک کو جارحیت کے خلاف دفاع کا حق حاصل ہے،آیت اللّٰہ خامنہ ای کا 5 سال بعد نمازِ جمعہ کا خطبہ

پشاور ہائی کورٹ نے وزیراعلیٰ خیبرپختونخوا علی امین گنڈاپور کی 2 مقدمات میں 25 اکتوبر تک راہداری ضمانت منظور کر لی،علی امین گنڈاپور نے گرفتاری کے خدشے کے پیش نظر راہداری ضمانت کے لیے درخواست دائر کی تھی۔پشاور ہائیکورٹ کے چیف جسٹس اشتیاق ابراہیم نے لاہور جلسے اور راولپنڈی احتجاج کے بعد درج 2 مقدمات میں وزیراعلیٰ خیبرپختونخوا علی امین گنڈاپور کی راہداری ضمانت کی درخواست پر سماعت کی۔وکیل درخواست گزار عالم خان ایڈووکیٹ نے عدالت کو بتایا کہ وزیراعلیٰ خیبرپختونخوا علی امین گنڈاپور نے راہداری ضمانت کیلئے ہائی کورٹ میں درخواست دائر کی ہے، درخواست گزار کے خلاف اسلام آباد میں مقدمات درج کئے گئے ہیں۔وکیل نے مؤقف اپنایا کہ درخواست گزار متعلقہ عدالتوں میں پیش ہونا چاہتا ہے لیکن گرفتاری کا خدشہ ہے۔عدالت نے علی امین گنڈاپور کو 25 اکتوبر تک راہداری ضمانت دے دی اور درخواست گزار کو متعلقہ عدالتوں میں پیش ہونے کی ہدایت کر دی۔خیال رہے قبل ازیں وزیراعلیٰ خیبرپختونخوا علی امین گنڈاپور نے گرفتاری کے خدشے پر راہداری ضمانت کیلئے عدالت میں درخواست دائر کی تھی۔پشاور ہائیکورٹ میں دائر درخواست میں مؤقف اپنایا گیا ہے کہ درخواست گزار کے خلاف اسلام آباد میں مقدمات درج کئے گئے ہیں، درخواست گزار خیبرپختونخوا کا وزیر اعلیٰ ہے۔دائر درخواست میں مزید کہا گیاتھا کہ درخواست گزار متعلقہ عدالتوں میں پیش ہونا چاہتا ہے لیکن گرفتاری کا خدشہ ہے، درخواست گزار کو راہداری ضمانت دی جائے تاکہ وہ متعلقہ عدالتوں میں پیش ہو سکے۔

گرفتاری کا خدشہ،پشاور ہائیکورٹ نے علی امین گنڈا پور کی راہداری ضمانت منظور کرلی

عدالت نے درخواست گزار کو 25 اکتوبر تک متعلقہ عدالتوں میں پیش ہونے کی ہدایت کردی

پاکستان تحریک انصاف نے آج ہر صورت ڈی چوک اسلام آباد پر احتجاج کا اعلان کر رکھا ہے ، جس سے نمٹنے کے لیے وفاقی حکومت نے بھی سیکیورٹی کو ہائی الرٹ کردیا ہے، راولپنڈی اسلام آباد کے مختلف مقامات کو کنٹینرز لگا کر بند کردیا گیا ہے، اس کے علاوہ موٹروے پر اسلام آباد آنے والے تمام راستے بھی بند کردیے گئے ہیں۔حکومت نے جڑواں شہر راولپنڈی اور اسلام آباد جانے والے تمام راستے کنٹینرز لگا کر سیل کردیے جبکہ فیض آباد کے دونوں اطراف کنٹینرز لگا کر بند کردیا۔ راستے بند ہونے سے شہریوں کو شدید مشکلات کا سامنا ہے۔ اسلام آباد اور راولپنڈی میں موبائل سروس معطل ہے، ڈبل سواری پر پابندی اورمیٹرو بس سروس اور تعلیمی ادارے بند کردیے گئے ہیں۔وفاقی دارالحکومت میں سیکیورٹی انتہائی سخت انتظامات کیے گئے ہیں، وفاقی کابینہ کی جانب سے فوج تعینات کی منظوری کے ساتھ ہی فوج طلب کرلی گئی ہے جبکہ شہر سے 412 افراد کو گرفتار کرلیا گیا۔راولپنڈی اور اسلام آباد کی تمام اہم شاہراہیں کنٹینرز لگا کر سیل کردی گئیں، جڑواں شہروں میں زمینی رابطہ بھی ختم ہو گیا، فیض آباد پر کنٹینرز کی ڈبل لیئر جبکہ زیرو پوائنٹ پر 20 فٹ اونچی کنٹینرز وال کھڑی کر دی گئی ہے،سرینگر ہائی وے کو کئی مقامات سے سیل کر دیا گیا ہے جبکہ سرینگر ہائی وے پر زیرو پوائنٹ سے ریڈ زون میں داخلہ ناممکن بنا دیا گیا، اسلام آباد ایکسپریس وے کھنہ پل سے فیصل مسجد تک مختلف مقامات پر سیل کر دی گئی۔سرینگر ہائی وے کو کئی مقامات سے سیل کر دیا گیا ہے جبکہ سرینگر ہائی وے پر زیرو پوائنٹ سے ریڈ زون میں داخلہ ناممکن بنا دیا گیا، اسلام آباد ایکسپریس وے کھنہ پل سے فیصل مسجد تک مختلف مقامات پر سیل کر دی گئی، ڈی چوک ،سرینا چوک، نادرا چوک پر بھی کنٹینرز کھڑے کر دیئے گئے ہیں۔شہر اقتدار میں ہو کا عالم ہے، موٹرسائیکل سوار کچے راستوں سے داخل ہونے کے لیے کوششیں کر رہے ہیں جبکہ سرینگر ہائی وے پر آئی ایٹ کے قریب 50 کے قریب موٹرسائیکل سواروں نے کنٹینرز دھکیل کر راستہ بنا لیا۔اسلام آباد کے ڈی چوک پر پی ٹی آئی کے احتجاج کے پیش نظر جڑواں شہروں میں آج نجی اسکول بند رکھنے کا اعلان کیا گیا ہے۔اسلام آباد پرائیویٹ اسکول ایسوسی ایشن نے راستوں کی بندش کے پیش نظر آج سکول بند رکھنے کا اعلان کیا ہے۔جنرل سیکرٹری پرائیویٹ اسکول ایسوسی ایشن وحید خان کا کہنا ہے کہ بچوں کی حفاظت ہماری اولین ترجیح ہے، کل بھی طلباء و طالبات کنٹینرز کے باعث مشکلات کا شکار رہے۔خیال رہے کی بانی پی ٹی آئی عمران خان کی ہدایت پی ٹی آئی نے بھی ڈی چوک میں احتجاج کی حکمت عملی طے کر رکھی ہے اور کہا گیا ہے کہ کارکن ہر صورت ڈی چوک پہنچیں گے، اور قائد کی ہدایات کے مطابق احتجاج کو کامیاب بنایا جائے گا۔گزشتہ روز وفاقی وزیر داخلہ محسن نقوی نے اسلام آباد میں پریس کانفرنس کرتے ہوئے پی ٹی آئی سے احتجاج ملتوی کرنے کی اپیل کرتے ہوئے کہا تھا کہ اگر کسی نے اسلام آباد پر دھاوا بولنے کی کوشش کی تو سختی سے نمٹا جائے گا، پھر بعد میں کوئی شکوہ نہ کرے۔ادھرتازہ ترین اطلاعات کے مطابق، وزیراعلیٰ خیبرپختونخوا علی امین گنڈاپور کا کنٹینرپشاور موٹروے ٹول پلازہ پہنچا دیا گیا ہے۔ پی ٹی آئی کی جانب سے اعلان کیا گیا تھا کہ خیبرپختونخوا سے پارٹی کارکنوں کا قافلہ دن 11 بجے اسلام آباد کے لیے روانہ ہوگا۔ خیبرپختونخوا کے مختلف علاقوں سے پی ٹی آئی کے قافلے اسلام آباد کی جانب رواں دواں ہیں اور پی ٹی آئی کارکنان عمران خان کے حق میں نعرے لگارہے۔

پی ٹی آئی کااحتجاج، ملک بھر سے اسلام آباد جانیوالے راستے بند، ڈبل سواری پرپابندی

اسلام آباد اور راولپنڈی میں موبائل سروس معطل ، ڈبل سواری پر پابندی اورمیٹرو بس سروس اور تعلیمی ادارے بند کردیے گئے

ملائیشین وزیر اعظم داتو سری انور ابراہیم نے آرمی چیف جنرل سید عاصم منیر سے ملاقات کی ہے، جس میں دو طرفہ اسٹریٹجک مفادات، علاقائی سلامتی اور دفاعی تعاون پر تبادلہ خیال کیا گیا۔پاک فوج کے شعبہ تعلقات عامہ (آئی ایس پی آر) کے مطابق ملائیشین وزیراعظم نے دہشتگردی کیخلاف جنگ میں پاکستانی فوج کی قربانیوں کا اعتراف کیا اور دہشتگردی کیخلاف جنگ میں پاکستانی فوج کی پیشہ ورانہ مہارت کو سراہا۔آئی ایس پی آر کے مطابق ملائیشیا کے وزیراعظم نے علاقائی امن و استحکام میں افواج پاکستان کے کردار کو سراہا جبکہ ملاقات میں دوطرفہ اسٹریٹجک انٹرسٹ، علاقائی سلامتی اور دفاعی تعاون پر بھی تبادلہ خیال کیا گیا۔اس موقع پر ملائیشین وزیراعظم انور ابراہیم نے آرمی چیف جنرل سید عاصم منیر کو ملائیشیا کے دورے کی دعوت دی، آرمی چیف جنرل عاصم منیر نے دعوت پر ملائیشین وزیراعظم کا شکریہ ادا کیا۔آئی ایس پی آر کے مطابق دونوں رہنماؤں کے درمیان ملاقات کے دوران پاکستان اور ملائیشیا دوطرفہ تعلقات بالخصوص فوجی تعلقات بڑھانے کی ضرورت پر زور دیا گیا۔

آرمی چیف سے ملائیشین وزیراعظم کی ملاقات، باہمی دلچسپی کے امور پر تبادلہ خیال

ملائیشین وزیر اعظم نے علاقائی امن و استحکام میں پاکستان کی مسلح افواج کے کردار کو سراہا

سندھ بلڈنگ کنٹرول اتھارٹی نے سابق صدر عارف علوی کا ڈینٹل کلینک سیل کر دیا۔تفصیلات کے مطابق کلینک کو سندھ بلڈنگ کنٹرول اتھارٹی نے سیل کیا گیا ہے،ڈینٹل کلینک کراچی کے علاقے سندھی مسلم سوسائٹی میں واقع ہے،ایس بی سی اے حکام کاکہنا ہے کہ ڈینٹل کلینک رہائشی بنگلے  میں قائم تھا،رہائشی پلاٹ پر کمرشل کلینک نہیں چلایا جاسکتا۔ایس بی سی اےاورپولیس کی نفری نےکارروائی میں حصہ لیا، کارروائی اسسٹنٹ ڈائریکٹرشکیل جمالی کی سربراہی میں کی گئی ۔دوسری جانب نجی ٹی وی کے مطابق علوی ڈینٹل کلینک کو سیل کرنے کے خلاف سابق صدر عارف علوی کی اہلیہ ثمینہ علوی اور بیٹے اواب علوی نے سندھ ہائیکورٹ میں درخواست دائر کر دی۔عدالت عالیہ میں سابق صدر عارف علوی کی اہلیہ ثمینہ علوی اور بیٹے اواب علوی نے فوری سماعت کی استدعا دائر کی ہے جو سندھ ہائی کورٹ نے منظور کر لی ہے۔ڈینٹل کلینک سیل کرنے کے خلاف درخواست کی سماعت کچھ دیر بعد عدالت کا 2 رکنی بینچ کرے گا۔درخواست میں مؤقف اختیار کیا گیا ہے کہ ایس بی سی اے نے سندھی مسلم سوسائٹی میں واقع ڈینٹل کلینک سیل کر دیا ہے۔درخواست گزاران ثمینہ علوی اور اواب علوی کے وکیل بیرسٹر علی طاہر نے مؤقف اپنایا ہے کہ کلینک سیل کرنے کی وجہ محض سیاسی انتقام ہے، ڈاکٹر عارف علوی کو صرف سیاسی بنیادوں پر ہراساں کیا جا رہا ہے۔وکیل کا درخواست میں کہنا ہے کہ ڈینٹل کلینک طویل عرصے سے ہے، سیل کرنے سے پہلے کوئی نوٹس نہیں دیا گیا۔

سابق صدر پاکستان عارف علوی کا کراچی میں قائم ڈینٹل کلینک سیل کردیاگیا

کلینک سیل کرنے کی وجہ محض سیاسی انتقام ہے،کلینک کو سیل کرنے کیخلاف سندھ ہائی کورٹ میں درخواست دائر کر دی گئی

اسرائیل نے رات گئے بیروت ایئرپورٹ اور اس کے گردونواح میں بمباری کی، حملے میں حزب اللہ کے ممکنہ سربراہ کو نشانہ بنانے کا دعویٰ کیا۔تفصیلات کے مطابق بیروت پر اسرائیلی فوج کے بمباری کے دوران حزب اللہ کے متوقع سربراہ ہاشم صفی الدین کو نشانہ بنائے جانے کی اطلاعات ملی ہیں۔ ہاشم صفی الدین حزب اللہ کے سیاسی امور میں کلیدی حیثیت کے حامل ہیں۔ وہ حزب اللہ کے شہید سربراہ حسن نصراللہ کے رشتہ دار بتائے جاتے ہیں۔میڈیارپورٹس کے مطابق ایسی اطلاعات تھیں کہ حزب اللہ کے شہید سیکرٹری جنرل سید حسن نصراللہ کی جگہ ان کے قریبی عزیز ہاشم صفی الدین کویہ منصب دیا جائے گا۔حزب اللہ نے تاحال اسرائیلی دعویٰ کی تصدیق یا تردید نہیں کی تاہم ائیرپورٹ کے قریب دھماکے سنے گئے اور دھوئیں کے بادل میلوں دور تک دکھائی دیے۔اسرائیلی میڈیا کے مطابق رات گئے ہونے والے یہ حملے حسن نصراللہ پر کئے گئے حملے سے زیادہ بڑے تھے، جس کا ہدف ممکنہ طور پر حزب اللہ کے سربراہ ہاشم صفی الدین تھے۔بیروت کے متعدد علاقوں پر اسرائیلی فوج نے گزشتہ شب بھی بمباری کی جس میں متعدد ہلاکتوں کا خدشہ ظاہر کیا جارہا ہے۔ اسرائیلی فوج نے سوشل میڈیا پلیٹ فارم ایکس پر ایک پوسٹ میں حزب اللہ کے میزائل مینوفیکچرنگ یونٹ کے کلیدی ماہر محمود یوسف انیسی کو شہید کرنے کا بھی دعویٰ کیا ہے۔واضح رہےاسرائیل کی لبنان کے مختلف علاقوں پر بمباری جاری ہے، گزشتہ 24 گھنٹوں کے دوران اسرائیلی حملوں میں 37 لبنانی شہری جاں بحق اور 151زخمی ہوئے ہیں۔مغربی کنارے پر اسرائیل نے پناہ گزیں کیمپ پر حملہ کیا ہے جس میں 16 فلسطینی شہید اور درجنوں زخمی کردیے ہیں۔ اسرائیلی فوج نے دعویٰ کیا ہے کہ تلکرم پر حملے میں حماس رہنما یاسر عبدالراق مارے گئے ہیں۔

اسرائیل کی بیروت میں بمباری، حزب اللہ کے متوقع سربراہ کو نشانہ بنانے کا دعویٰ

اسرائیل کی بیروت پر بمباری، نشانہ ہاشم صفی الدین تھے

آئی سی سی ویمنز ٹی ٹوئنٹی ورلڈ کپ میں پاکستان ٹیم نے سری لنکن ویمنز ٹیم کو 31 رنز سے شکست دے کر ایونٹ میں فاتحانہ آغاز کر دیا۔ شارجہ کرکٹ اسٹیڈیم میں ہونیوالے میگا ایونٹ کے دوسرے میچ میں پاکستان ویمنز ٹیم نے سری لنکا کیخلاف ٹاس جیت کر پہلے بیٹنگ کا فیصلہ کیا،پہلے بیٹنگ کرتے ہوئے پاکستان کی پوری ٹیم مقررہ 20 اوورز میں 116 رنز بنا کر آؤٹ ہوگئی۔پاکستان ویمنز کی جانب سے کپتان فاطمہ ثناء 30 رنز کے ساتھ ٹاپ اسکورر ہیں جبکہ ندا ڈار نے 23رنز اسکور کیے۔ عمائمہ سہیل نے 18 اور سدرہ امین نے 12 رنز بنائے، سری لنکا کی جانب سے چماری اتھاپتھو، اودیشیکا اور سوگنڈیکا نے 3،3 وکٹیں حاصل کیں۔117 رنز کے تعاقب میں سری لنکا کی ٹیم مقررہ اوورز میں 9 وکٹوں کے نقصان پر 85 رنز ہی بنا سکی۔نیلکشیکا سلوا22اور وشمی گونارتنے20رنز بنا کر نمایاں رہیں جبکہ دیگر کوئی کھلاڑی ڈبل فگر میں داخل نہ ہوسکی۔پاکستان کی جانب سے سعدیہ اقبال نے 3 جبکہ فاطمہ ثناء، عمائمہ سہیل اور نشرہ سندھو نے دو،دو وکٹیں حاصل کیں۔واضح رہے کہ اس قبل ویمنز ٹی 20 ورلڈ کپ کا افتتاحی میچ بنگلادیش اور سکاٹ لینڈ کی ٹیموں کے درمیان کھیلا گیا جس میں بنگلادیش نے سکاٹ لینڈ کو 16 رنز سے شکست دی۔خیال رہے ویمنزٹی20ورلڈکپ کے تمام میچز اشتہارات کے بغیر ایچ ڈی کوالٹی میں براہ راست ٹیپمیڈپردکھائے جارہے ہیں۔

ویمنز ٹی20 ورلڈ کپ، پاکستان نے سری لنکا کو31رنز سے ہرادیا

پاکستان کے دیئے گئے117 رنز کے ہدف کے تعاقب میں سری لنکا کی ٹیم85 رنز بناسکی

اسلام آباد میں ہونے والی ایک تقریب میں معروف مذہبی اسکالر ڈاکٹر ذاکر نائیک اسٹیج چھوڑ کر چلے گئے جس کی ویڈیو سوشل میڈیا پر وائرل ہوگئی۔نجی ٹی وی کے مطابق واقعہ گزشتہ روز پیش آیا جب اسلام آباد میں یتیم بچوں کی ایک غیر سرکاری تنظیم کی جانب سےپاکستان سویٹ ہوم میں بچوں کیلئے ایوارڈ کی تقریب کا اہتمام کیا گیا جہاں معروف اسکالر کو بطور مہمان خصوصی دعوت دی گئی۔پروگرام کے اختتام پر سویٹ ہوم کے چیئرمین زمرد خان نے ڈاکٹر ذاکر نائیک کے ہاتھوں شیلڈ دلوانے کےلیے لڑکیوں کو اسٹیج پر بلایا تو ڈاکٹر ذاکر نائیک اسٹیج سے اتر گئے۔انہوں نے کہا کہ یہ لڑکیاں میرے لیے نامحرم ہیں جنہیں میں شیلڈ نہیں دے سکتا۔ اس کی ویڈیو سوشل میڈیا پر وائرل ہوگئی۔ ڈاکٹر ذاکر نائیک نے اسٹیج سے نیچے اتر کر لڑکوں کو شیلڈ دی۔بعد میں زمرد خان سے گفتگو کرتے ہوئے ڈاکٹر ذاکر نائیک نے انہیں کہا کہ آپ ان بچیوں کو چھو نہیں سکتے، کیونکہ یہ نامحرم ہیں۔واضح رہے کہ ڈاکٹر ذاکر نائیک 30 ستمبر کو ایک ماہ کے دورے کیلئے پاکستان آئے ہیں۔

ذاکرنائیک کی اسلام آباد میں تقریب دوران اچانک اسٹیج چھوڑکرجانے کی وجہ سامنے آگئی

اسلام آباد میں یتیم بچوں کی ایک غیر سرکاری تنظیم کی جانب سےبچوں کیلئے ایوارڈ کی تقریب کا اہتمام کیا گیاتھا

Pakistan registered their second win of the ongoing World Championship of Legends as they beat West Indies by 29 runs at Edgbaston Cricket Ground in Birmingham.

World Championship of Legends 2024 Live Score Pakistan Is Leading The Points Table

Pakistan registered their second win of the ongoing World Championship of Legends as they beat West Indies by 29 runs at Edgbaston Cricket Ground in Birmingham.

The men in green led by Younis Khan batted first and posted a total of 194/8. On the other hand, Chris Gayle and co. could only manage to make 165 runs for the loss of 9 wickets in their 20 overs.&nbsp;

Sohail Tanvir outshined Pakistan&rsquo;s bowling department as he took 4 wickets for 14 runs. The next best bowling figures were achieved by Shahid Afridi who took 3 wickets for 41 runs.&nbsp;

From the Caribbean side, Ashley Nurse was the pick of the bowlers, taking 3/20 while Fidel Edwards claimed 2/46.

Shoaib Malik scored the most runs amongst the men in green, whereas Dwayne Smith was the leading run-scorer in the West Indian batting lineup.&nbsp;

Malik&rsquo;s inning was complemented by Sharjeel Khan, Aamir Yamin, and Sohaib Maqsood, all of whom played a cameo and provided stability to the Pakistan Champions innings at different stages of the game.&nbsp;

The World Championship of Legends 2024 has turned out to be a breath of fresh air for Pakistani cricket fans as they finally get to see their team win matches.&nbsp;

Moreover, the WCL 2024 is like a cricket spectacle where legends from all around the world are competing against each other on a stage that is free from the pressure of qualification.&nbsp;

World Championship of Legends 2024 Live Score | Pakistan Is Leading The Points Table

Related Post

England Tour Of Pakistan Schedule, Match Times, & Venues

Who Will Replace Babar Azam? Mohammad Rizwan Appears To Have The Highest Chances

The Reason Behind Babar Azam’s Decision To Resign Revealed

Babar Azam Steps Down As PCT White-Ball Captain

England Tour Of Pakistan Schedule, Match Times, & Venues

Who Will Replace Babar Azam? Mohammad Rizwan Appears To Have The Highest Chances

The Reason Behind Babar Azam’s Decision To Resign Revealed

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan