Cricket

Entertainment

Football

پاکستان سپر لیگ (پی ایس ایل) کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے راؤنڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔ڈائمنڈ کے پہلے راؤنڈ میں کراچی کنگز، دوسرے میں ملتان سلطانز اور تیسرے راؤنڈ میں اسلام آباد یونائیٹڈ کی پہلی پک ہوگی، گولڈ کیٹیگری کے پہلے راؤنڈ میں پشاور زلمی، دوسرے راؤنڈ میں کوئٹہ گلیڈیٹرز اور تیسرے میں ملتان سلطانز کی پہلی پک ہوگی۔سلور کیٹیگری میں مجموعی طور پر پانچ پکس رکھی گئی ہیں۔ پہلے راؤنڈ میں ملتان سلطانز، دوسرے میں پشاور زلمی اور تیسرے میں لاہور قلندرز کی پہلی پک ہوگی۔اسی طرح سلور کیٹیگری کے چوتھے راؤنڈ میں ملتان سلطانز جبکہ پانچویں میں اسلام آباد یونائیٹڈ کی پہلی پک ہو گی، ایمرجنگ کیٹیگری میں دو جبکہ سپلیمنٹری میں چار پک ہوں گی۔  ایچ بی ایل پی ایل ڈرافٹ 2025 گوادر 11 جنوری کو منعقد ہوگا۔

پی ایس ایل سیزن 10،کھلاڑیوں کے انتخاب کیلئے ڈرافٹ کا پک آرڈرجاری

پلاٹینم کیٹیگری کیلئے لاہور قلندرز سب سے پہلے اور دفاعی چیمپئن اسلام آباد یونائیٹڈ آخری نمبر پر کھلاڑی کا انتخاب کریگی

کرکٹ ویسٹ انڈیز نے دورہ پاکستان کےلیے اسکواڈ کا اعلان کردیا، ٹیم کی قیادت کریگ بریتھویٹ کریں گے۔کرکٹ ویسٹ انڈیز کے مطابق پاکستان کے خلاف 2 ٹیسٹ میچز کی سیریز کےلیے ٹیم کا اعلان کیا ہے، کریگ بریتھویٹ کپتان اور جوشوا ڈاسلوا نائب کپتان ہوں گے۔ویسٹ انڈیز اسکواڈ 6 جنوری کو اسلام آباد پہنچے گا، جو 10 اور 11 جنوری کو 2 روزہ وارم اپ میچ کھیلے گا۔کرکٹ ویسٹ اندیز نے ٹیسٹ سیریز کے نئے شیڈول کو بھی اعلامیے کا حصہ بنادیا ہے، پاکستان اور ویسٹ انڈیز کے درمیان ٹیسٹ میچز کی سیریز ملتان میں کھیلی جائے گی۔پہلا ٹیسٹ میچ 17 تا 21 جنوری اور دوسرا ٹیسٹ 25 تا 29 جنوری کو ملتان میں شیڈول ہے۔ اس سے قبل پاکستان کرکٹ بورڈ (پی سی بی ) نے پہلا ٹیسٹ کراچی اور دوسرا میچ ملتان کرانے کا اعلان کیا تھا۔پی سی بی ذرائع کے مطابق نیشنل اسٹیڈیم کراچی کی اپ گریڈیشن کی وجہ سے پی سی بی اور ویسٹ انڈیز بورڈ نے مشاورت سے نئے شیڈول پر اتفاق کرلیا، جس کے تحت ویسٹ انڈیز کے خلاف دونوں ٹیسٹ میچز ملتان میں ہوں گے۔

ویسٹ انڈیز نے دورہ پاکستان کے لئے اسکواڈ کا اعلان کردیا

پاکستان اور ویسٹ انڈیز کے درمیان ٹیسٹ میچز کی سیریز ملتان میں کھیلی جائے گی

حکومت نے سال 2025 میں عام تعطیلات اور اختیاری چھٹیوں کے حوالے سے نوٹیفکیشن جاری کر دیا ہے، جس کے مطابق آئندہ سال میں 40 چھٹیاں ہوں گی۔تفصیلات کے مطابق آئندہ سال 2025 کے لیے حکومت نے عام تعطیلات کے ایام کا اعلان کردیا ۔ اس سلسلے میں قومی و  اسلامی تہواروں اور اقلیتوں کے تہواروں سمیت مختلف مواقع پر چھٹیوں کا کابینہ ڈویژن نے باضابطہ نوٹی فکیشن بھی جاری کردیا ہے۔حکومت کی جانب سےجاری نوٹیفکیشن کے مطابق 17 عام تعطیلات جبکہ 23 اختیاری چھٹیاں ہوں گی۔ملک بھر میں پہلی چھٹی 5 فروری کو یوم کشمیر کی   ہوگی اور دوسری چھٹی 23 مارچ کو یوم پاکستان کے موقع پر ہوگی۔حکومت نے 30، 31 مارچ اور یکم اپریل کو عیدالفطر کے لیے تین تعطیلات رکھی ہیں، جبکہ یکم مئی کو یوم مزدور کی تعطیل ہوگی، 28 مئی کو یوم تکبیر کی تعطیل ہوگی۔اس کے بعد 7، 8 اور 9 جون کو عید الاضحی کی تعطیلات ہوں گی جبکہ عاشورہ کی تعطیلات 9 اور 10 محرم ( 5 اور 6 جولائی) کو ہوں گی۔ 14 اگست کو یوم آزادی کی تعطیل ہوگی۔حکومت نے ماہ ربیع الاوّل میں عید میلاد النبی ﷺ کے موقع پر تعطیل کا اعلان بھی کیا ہے جو کہ 6 ستمبر کو متوقع ہے، جبکہ 9 نومبر کو یوم اقبال کی تعطیل ہو گی۔تاہم 2025 کی آخری عام تعطیل 25 دسمبر کو ہوگی اور ممکنہ طور پر 26 دسمبر کو ”ڈے آفٹر کرسمس“ کی چھٹی ہوگی۔یاد رہے کہ پاکستان میں ہونے والی سالانہ تعطیلات میں 5 فروری یوم کشمیر، 23 مارچ یوم پاکستان، عید الفطر، اقلیتوں کے لیے ایسٹر، یکم مئی یوم مزدور، عیدالاضحی، عاشورہ محرم الحرام، یوم آزادی، عید میلاد النبیؐ، یوم قائد اعظم اور کرسمس ڈے شامل ہیں۔سالانہ تعطیلات میں عیدالفطر، عیدالاضحیٰ اور عاشورہ محرم الحرام وغیرہ  کی چھٹیاں اسلامی مہینے کی تاریخوں سے تعلق رکھتی ہیں۔ اس کے علاوہ کچھ تعطیلات بینکوں کی ہوتی ہیں، تاہم وہ عوام کے بجائے صرف مالیاتی اداروں کے لیے مختص ہوتی ہیں۔

حکومت نے سال 2025  کیلئے عام تعطیلات کا اعلان کردیا

کابینہ ڈویژن نے قومی و اسلامی تہواروں سمیت مختلف مواقع کی چھٹیوں کا نوٹیفکیشن جاری کردیا

سابق صدر اور پی ٹی آئی رہنما عارف علوی نے کہا ہے کہ سیاست ہی ملک کو بچائے گی۔ ہمیشہ کہتا ہوں جو حکومت کر رہے ہیں مذاکرات ان سے ہوں۔ ملٹری کورٹس میں دہشتگردوں کو سزائیں ہونی چاہئیں، سیاستدان کب سے دہشت گرد بن گئے ہیں؟سابق صدر نے اپوزیشن لیڈر عمر ایوب کے ہمراہ پشاور ہائیکورٹ میں میڈیا سے گفتگو میں کہا کہ ہم ملٹری کورٹس کی سزاؤں کے خلاف ہیں۔ ہمارا مینڈیٹ واپس کیا جائے۔ یہ راگ الاپ رہے تھے کہ کسی نے گولی نہیں چلائی۔ جن کو قتل کیا، جن کو شہید کیا ان کی فیملیز پر پریشر ڈالا جارہا ہے۔سابق صدر مملکت نے مزید کہا کہ سابق وزیر اعظم بے نظیر بھٹو کی شہادت کے بعد تمام ثبوت مٹادیے گئے، ملک میں جو اصل حکمرانی کر رہے ہیں ، ان سے مذاکرات ہونے چاہیں۔عارف علوی کا کہنا تھا کہ صحافت کے اوپر بڑا پریشر ہے۔ آپ سچ بول نہیں سکتے، سچ پہنچا نہیں سکتے۔ صحافی اور مبصرین عوام تک حقیقت نہیں پہنچا رہے۔ سوشل میڈیا پر معلومات پہنچائی جا رہی ہیں۔ سارا میڈیا بند تھا لیکن عوام نے بانی پی ٹی آئی کو ووٹ دیا۔عارف علوی نےمزید کہا کہ بانی پی ٹی آئی اورکارکنوں کورہا کیا جائے۔اس موقع پرگفتگو کرتے ہوئے قومی اسمبلی میں اپوزیشن لیڈر اور پی ٹی آئی رہنما عمر ایوب نے فوجی عدالت کے فیصلے کی مذمت کرتے ہوئے فیصلے کے خلاف عدالت جانے کا اعلان کیا۔عمرایوب کا کہناتھا کہ پی ٹی آئی کے رہنما عمر چیمہ ، یاسمین راشد و دیگر جو ملٹری کورٹ کے اندر ہیں ، ان کی آزادی ہماری اولین ترجیح ہے۔پی ٹی آئی رہنما نے کہا کہ سابق صدر عارف علوی کا پشاور ہائی کورٹ میں ضمانت لینے کے لئے آنا شرم کی بات ہے، مجھ پر بھی موٹر سائیکل چوری اور فارن ایکٹ جیسے مقدمات بنائے گئے ہیں۔انہوں نے کہا کہ ملک میں الیکشن پراسس شفاف الیکشن ہونا چاہیے، پاکستان میں تب تک استحکام نہیں آئے گا جب تک آئین و قانون کی بالادستی نہیں ہوگی، عدم استحکام کے باعث دوسرے ممالک پاکستان میں سرمایہ کاری نہیں کر رہے۔

ملک میں جو اصل حکمرانی کر رہے ہیں ، ان سے مذاکرات ہونے چاہیں،عارف علوی

فوجی عدالت کے فیصلے کی مذمت کرتا ہوں، اسکے خلاف عدالت جائیں گے،اپوزیشن لیڈر عمر ایوب

حکومت اور اپوزیشن کے درمیان مذاکرات کا پہلا دور ختم ہوگیا، دونوں مذاکراتی کمیٹیوں نے بات چیت جاری رکھنے پر اتفاق کیا ہے، مذاکراتی کمیٹی کا آئندہ اجلاس 2 جنوری کو ہوگاجبکہ پی ٹی آ ئی نے حکومت سے مذاکرات میں بانی پی ٹی آئی عمران خان سمیت تمام قیدیوں کی رہائی سمیت 9 مئی اور 26 نومبر ڈی چوک فائرنگ پر جوڈیشل کمیشن کی تشکیل کے ابتدائی مطالبات پیش کردئیے۔تفصیلات کے مطابق حکومت اور پاکستان تحریک انصاف (پی ٹی آئی) کے درمیان مذاکرات کی پہلی بیٹھک میں بات چیت جاری رکھنے پر اتفاق ہوا ہے، اجلاس میں پی ٹی آئی نے حکومت سے سابق وزیرعظم عمران خان سمیت تمام قیدیوں کی رہائی، 9 مئی اور 26 نومبر ڈی چوک فائرنگ پر جوڈیشل کمیشن کے قیام کا مطالبہ کیا ہے۔پارلیمنٹ میں ہونے والے حکومتی اور اپوزیشن مذاکراتی کمیٹی اجلاس میں شکوے شکایتوں کے ساتھ ساتھ آئندہ حکمت عملی پر بھی غور ہوا۔ مذاکرات میں فیک نیوز کے تذکرے پر پی ٹی آئی نے بیرون ملک موجود کمیٹی اراکین کو فوری طلب کرنے کی یقین دہانی کرائی۔حکومت سے مذاکرات کے بعد میڈیا سےبات کرتے ہوئے اسد قیصر نے کہا کہ میٹنگ میں ہم نے اپنا موقف بھرپور طریقے سے سامنے رکھا، ہم نے تمام قیدیوں کے بشمول عمران خان کی رہائی کا مطالبہ کیا، ہم نے جوڈیشل کمیشن کی تشکیل کے حوالے سے بھی مطالبہ سامنے رکھا، ہم ایک چارٹر آف ڈیمانڈ دو جنوری کو پیش کریں گے۔انہوں نے کہا کہ ہم نے عمران خان سے رابطہ استوار کروانے کا بھی مطالبہ کیا، حکومت نے عمران خان سے ملاقات کا مطالبہ تسلیم کیا، جیلوں میں قید ورکرز کے حوالے سے بھی ہم نے بات کی آج ابتدائی بات چیت ہوئی باقاعدہ مذاکرات کا آغاز 2 جنوری کو ہوگا۔صاحبزادہ حامد رضا نے کہا کہ ہم کوئی ایسا مطالبہ نہیں کر رہے جو ماورائے آئین ہو، ہم کوئی ریلیف نہیں مانگ رہے بلکہ فیکٹ اینڈ فائنڈنگ چاہتے ہیں، ہم نو مئی اور چھبیس نومبر کی فیکٹ فائنڈنگ چاہتے ہیں،ہم سیاسی قیدیوں کی رہائی کی بات کرتے ہیں۔انہوں نے کہا کہ حکومت کے پاس تمام اختیارات ہیں وہ ہمارے مطالبات پورے کرے، ہم نے جوڈیشل کمیشن بنانے کا مطالبہ بھی کمیٹی کے سامنے رکھا ہے، سیاسی قیدیوں کی رہائی بانی پی ٹی آئی کے بغیر نا قابل قبول ہے۔صحافی نے سوال کیا کہ کیا آپ کے تمام مطالبات مان لیے جائیں گے؟؟ اس پر انہوں نے کہا کہ ابھی تو آغاز ہوا ہے اختتام کا کیسے بتادوں؟دوسری جانب حکومتی اتحاد کی کمیٹی اور اپوزیشن اتحادکی کمیٹی کے درمیان پہلی باضابطہ نشست کا اعلامیہ سامنے آگیا۔حکومتی کمیٹی کے رکن عرفان صدیقی نے اجلاس کا اعلامیہ پڑھ کر سنایا، سینیٹر عرفان صدیقی کا کہنا تھا کہ اسد قیصر نے بتایا کہ اپوزیشن کے کچھ ارکان عدالتی مقدمات اور ملک سے باہر ہونے کے باعث ہنگامی اجلاس میں شریک نہیں ہو سکے۔اعلامیہ کے مطابق اجلاس کے دوران حکومت اور اپوزیشن کی مذاکراتی کمیٹیوں نے مذاکرات جاری رکھنے پر اتفاق کیا ہے جبکہ مذاکراتی کمیٹی کا آئندہ اجلاس 2 جنوری کو ہوگا، آئندہ اجلاس میں اپوزیشن ارکان مطالبات کی فہرست پیش کریں گے۔اعلامیہ میں کہا گیا کہ حکومت اور پی ٹی آئی نے مذاکرات کو مثبت عمل قرار دیا، دونوں طرف سے کہا گیا کہ مذاکرات کو جاری رہنا چاہیے۔سینیٹر عرفان صدیقی نے اجلاس کا اعلامیہ پڑھتے ہوئے کہا کہ اجلاس میں دہشت گردی کے خلاف جنگ میں جانیں نچھاور کرنے والے شہداء کیلئے فاتحہ خوانی کی گئی اور اس پختہ عزم کا اظہار کیا گیا کہ دہشت گردی کے خاتمے کی جنگ میں ہم سب قوم کے شانہ بشانہ کھڑے ہیں۔

حکومت سے مذاکرات، پی ٹی آئی کا عمران خان کی رہائی، ڈی چوک فائرنگ کی تحقیقات کا مطالبہ

ابتدائی مطالبات قیدیوں کی رہائی اور ڈی چوک فائرنگ پر جوڈیشل کمیشن کے ہیں،مکمل مطالبات دو جنوری کو پیش کرینگے، اسد قیصر

پاکستانی اداکارعمر عالم نے فلائٹ کے دوران اپنی ساتھی کو پروپوز کیا اور منگنی کی انگوٹھی پہنادی۔ابھرتے ہوئے اداکار و ماڈل عمر عالم کی جانب سے دوران پرواز خاتون کو شادی کی پیش کش کرنے کی ویڈیو وائرل ہوگئی۔عمر عالم نے فضائی سفر کے دوران خاتون سے اظہار محبت اور انہیں شادی کی پیش کش کرنے کی ویڈیو انسٹاگرام پر شیئر کی، جسے دوسرے شوبز سوشل میڈیا پیجز کی جانب سے بھی شیئر کیا گیا۔تفصیلات کے مطابق رئیلیٹی شو تماشہ کے پہلے سیزن کے فاتح عمر عالم نے پرواز کے دوران ہی اپنی محبوبہ کو پروپوز کیا جس کی ویڈیو سوشل میڈیا کی زینت بنی ہوئی ہے۔اداکار نے فوٹو اینڈ ویڈیو شیئرنگ پلیٹ فارم انسٹاگرام پر ویڈیو شیئر کی ہے۔مذکورہ ویڈیو میں دیکھا جا سکتا ہے کہ انہوں نے دورانِ پرواز بھرے ہوئے جہاز میں اپنی محبوبہ سے اظہارِ محبت کرتے ہوئے خوبصورت و رومانوی انداز میں انگوٹھی پیش کرتے ہوئے شادی کے لیے انہیں پروپوز کیا اور منگنی کی انگوٹھی پہنادی۔ویڈیو میں انہیں جہاز میں دیکھا جا سکتا ہے۔ اداکار نے مسافروں کے سامنے ہاتھ میں مائک تھاما اورکہا کہ اس فلائٹ میں آنے کا خاص مقصد ہے جس کے لئے وہ فلائے جناح ائیر لائن کے بھی شکر گزار ہیں جنہوں نے اداکار کا ساتھ دیا ہے۔ ان کا کہنا تھا کہ وہ محبت کا اظہار کرنے میں شرمیلے ہیں مگر اس لمحے کو خاص بنانا چاہتے ہیں۔عمر عالم نے کہا کہ انہوں نے سنا ہے کہ محبت کسی ایسے شخص کا نام نہیں ہے کہ جس کے ساتھ زندگی گزاری جا سکے بلکہ محبت ایسے شخص کی تلاش کا نام ہے جس کے بغیر زندگی نہ گزاری جا سکے اور انہیں وہ شخص مل گیا ہے۔ اس اعلان کے ساتھ ہی اداکار نے جہاز میں بیٹھی خاتون کو گھٹنے کے بل بیٹھ کر منگنی کی انگوٹھی پہنائی جبکہ فلائٹ کے دیگر عملے نے انہیں پھولوں کا گلدستہ پیش کیا۔ویڈیو سوشل میڈیا پر پوسٹ کرتے ہوئے عمر عالم نے کہا کہ ’اس نے ہاں کہہ دی، اب یہ آفیشل ہو گیا ہے‘۔ویڈیو سوشل میڈیا پر وائرل ہوتے ہی صارفین اور دیگر فنکاروں کی جانب سے مبارکباد کا سلسلہ شروع ہو گیا جہاں کئی صارفین نے ان کے اس اقدام کی تعریف کی وہیں چند صارفین ایسے بھی تھے جنہوں نے عمر عالم کو تنقید کا نشانہ بناتے ہوئے کہا کہ یہ صرف پبلسٹی اسٹنٹ تھا۔یاد رہے کہ عمر عالم نے اپنے کیریئر کا آغاز تھیٹر سے کیا تھا۔ انہیں ابتدائی شہرت ڈرامہ سیریل ”شہنائی“ سے ملی ان کے دیگر قابل ذکرڈراموں میں پہلی سی محبت، ٹیکسالی گیٹ، رقص بسمل، گرو اور دیگر شامل ہیں۔

اداکار عمرعالم نےدوران پرواز لڑکی کو شادی کی پیشکش کر دی، ویڈیو وائرل

ویڈیو سوشل میڈیا پر وائرل ہوتے ہی صارفین اور دیگر فنکاروں کی جانب سے مبارکباد کا سلسلہ شروع ہو گیا

اسلام آباد الیکشن ٹریبیونل سے متعلق اسلام آباد ہائی کورٹ نے اسلام آباد سے پی ٹی آئی کے امیدوار عامر مغل کی درخواست پر حکم امتناع جاری کردیا اور ان کی الیکشن پٹیشن کی حد تک ٹریبیونل کو کاروائی سے روک دیا۔ اسلام آباد الیکشن ٹریبیونل سے متعلق پی ٹی آئی کے امیدوار شعیب شاہین کی درخواست پر چیف جسٹس اسلام آباد ہائی کورٹ عامر فاروق نے سماعت کی۔عامرمغل کے وکیل فیصل فرید چوہدری عدالت میں پیش ہوئے، عدالت نے الیکشن ٹربیونل کو حلقہ این اے46 سے متعلق بھی کاروائی سے روک دیا اور فریقین کو نوٹس جاری کرکے جواب طلب کرلیا، کیس کی آئندہ سماعت رجسٹرار آفس مقرر کرے گا۔این اے 46 سے انجم عقیل خان ایم این اے بنے، عامر مغل نے ان کی کامیابی کو چیلنج کر رکھا ہے، الیکشن ٹریبیونل اب تینوں حلقوں سے متعلق کارروائی آگے نہیں بڑھا سکے گا۔عامرمغل نے نئے الیکشن ٹربیونل کی تعیناتی کو چیلنج کررکھا ہے۔عامرمغل نے الیکشن کمیشن کے فیصلے کے خلاف اسلام آباد ہائی کورٹ سے رجوع کیا تھا، جسٹس(ر)عبدالشکور پراچہ اسلام آباد کے تینوں حلقوں میں مبینہ دھاندلی کے خلاف اپیل سن رہے ہیں۔الیکشن ٹربیونل نے اسلام آباد کے تینوں حلقوں سے متعلق کیس 24 دسمبر کے لئے مقرر کر رکھا ہے۔گزشتہ ہفتے اسلام آباد ہائی کورٹ نے پی ٹی آئی کے امیدوار شعیب شاہین کی درخواست پر حکم امتناع جاری کیا تھا اور ان کی الیکشن پٹیشن کی حد تک ٹربیونل کو کاروائی سے روک دیا تھا۔

اسلام آباد ہائیکوٹ نے الیکشن ٹریبونل کو این 46 اے سے متعلق کارروائی سے روکدیا

عدالت نےالیکشن ٹربیونل کیخلاف پی ٹی آئی امیدوار عامر مغل کی درخواست پر حکم امتناع جاری کردیا

پاکستان تحریک انصاف (پی ٹی آئی) کے بانی چیئرمین عمران خان اور ان کی اہلیہ بشریٰ بی بی کے خلاف 190 ملین پاؤنڈز ریفرنس کا فیصلہ احتساب عدالت اسلام آباد میں مؤخر کر دیا گیا  اسلام آباد کی احتساب عدالت نے 190 ملین پاؤنڈز ریفرنس کے فیصلے کیلئے نئی تاریخ مقررکر دی۔احتساب عدالت اسلام آباد کے جج ناصر جاوید رانا نے عمران خان اور بشریٰ بی بی کیخلاف 190 ملین پاؤنڈز ریفرنس کی سماعت کی، پی ٹی آئی کے وکیل ایڈووکیٹ خالد چودھری عدالت پیش ہوئے۔دوران سماعت احتساب عدالت کے جج ناصر جاوید رانا نے فیصلہ مؤخر کرتے ہوئے ریمارکس میں کہا کہ فیصلہ تو آج نہیں آئیگا،چھٹیاں آرہی ہیں اور ہائیکورٹ کا کورس بھی ہے۔ایڈووکیٹ خالد چودھری نے کہا کہ ہم توقع کررہے تھے آج فیصلہ آجائیگا جس پر عدالت نے ریمارکس میں کہا کہ کچھ دیر میں آئندہ سماعت کی تاریخ دے دیں گے۔بعدازاں عدالتی عملے نے بتایا کہ عمران خان اور بشریٰ بی بی کیخلاف 190 ملین پاؤنڈز ریفرنس کا محفوظ شدہ فیصلہ 6 جنوری کو سنایا جائے گا۔واضح رہے کہ اسلام آباد کی احتساب عدالت نے 4 روز قبل پاکستان تحریک انصاف کے بانی و سابق وزیر اعظم عمران خان اور ان کی اہلیہ بشریٰ بی بی کے خلاف 190 ملین پاؤنڈز ریفرنس کا فیصلہ محفوظ کیا جو پیر کو سنایا جانا تھا۔خیال رہے کہ 190 ملین پاؤنڈ ریفرنس کا ٹرائل ایک سال میں مکمل ہوا اور نیب نے ٹرائل کے دوران 35 گواہان کے بیانات ریکارڈ کرائے۔ بانی پی ٹی آئی کے وکلا نے گواہان پر جرح کی۔ عدالت نے دلائل مکمل ہونےپر18دسمبر کو اڈیالہ جیل میں فیصلہ محفوظ کیا تھا۔

عمران خان اور بشری بی بی کیخلاف 190 ملین پاؤنڈ ریفرنس کا فیصلہ مؤخر کردیا گیا

عمران خان اور بشریٰ بی بی کیخلاف 190 ملین پاؤنڈز ریفرنس کا محفوظ شدہ فیصلہ 6اب جنوری کو سنایا جائے گا

یورپی یونین نے پاکستان میں 21 دسمبر کو فوجی عدالت کی طرف سے 25 شہریوں کو سنائی گئی سزا پر تشویش کا اظہار کیا ہے۔ڈپلومیٹک سروس آف یورپی یونین نے کہا کہ ’فوجی عدالت کے فیصلے شہری اور سیاسی حقوق کے بین الاقوامی معاہدے (آئی سی پی آر) سے متصادم ہیں۔میڈیارپورٹس کے مطابق21 دسمبر کو یورپی ایکسٹرنل ایکشن سروس کی جانب سے جاری کردہ ایک اعلامیے میں کہا گیا ہے کہ شہریوں کی سزاؤں کے یہ فیصلے پاکستان کی شہری اور سیاسی حقوق کے بین الاقوامی معاہدے(آئی سی سی پی آر) سے متصادم ہیں، جسے پاکستان نے اپنی بین الاقوامی ذمہ داریوں کے تحت تسلیم کیا ہے۔یورپی یونین کا کہنا ہے کہ آئی سی سی پی آر کے آرٹیکل 14 کے تحت ہر فرد کو منصفانہ اور عوامی مقدمے کی سماعت کا حق حاصل ہے، جس میں آزاد، غیر جانبدار اور اہل شامل ہیں۔مزید برآں، آرٹیکل 14 میں یہ بھی وضاحت کی گئی ہے کہ فوجداری مقدمات کے فیصلے عوامی سطح پر دیے جائیں گے۔اعلامیے میں یہ بھی کہا گیا ہے کہ پاکستان نے یورپی یونین کی جنرلائزڈ اسکیم آف پریفرنسز(جی ایس پی پلس) کے تحت 27 بین الاقوامی کنونشنز کی پاسداری کی ہے، جن میں (آئی سی سی پی آر) بھی شامل ہے۔ اس اسکیم کے تحت پاکستان کو تجارتی مراعات حاصل ہیں۔واضح رہے کہ دو روز قبل پاکستانی فوج کے شعبہ تعلقات عامہ (آئی ایس پی آر) کا کہنا تھا کہ فوجی عدالتوں نے پہلے مرحلے میں نو مئی کے پُرتشدد مظاہروں میں ملوث 25 ملزمان کا کورٹ مارشل مکمل کر کے انھیں دو سے 10 سال تک قید با مشقت کی سزائیں سنائی ہیں۔آئی ایس پی آر کے مطابق جن 25 ملزمان کو سزائیں دی گئی ہیں، ان میں سے 11 پر لاہور کے کور کمانڈر ہاؤس، دو پر جی ایچ کیو، دو پر میانوالی ایئر بیس اور ایک پر فیصل آباد میں آئی ایس آئی کے دفتر میں توڑ پھوڑ کا الزام تھا۔ جبکہ دو پر ملتان کینٹ چیک پوسٹ اور پانچ پر پنجاب رجمنٹل سنٹر مردان پر حملے کا الزام تھا۔

یورپی یونین نےپاکستان میں فوجی عدالت سے 25 شہریوں کو سنائی گئی سزا پرتشویش کا اظہار کردیا

فوجی عدالت کے فیصلے شہری اور سیاسی حقوق کے بین الاقوامی معاہدے (آئی سی سی پی آر) سے متصادم ہیں، ڈپلومیٹک سروس آف یورپی یونین

شام کے معزول صدر بشار الاسد کی مشکلات میں اضافہ ہوگیا، اہلیہ کی جانب سے روسی عدالت میں شوہر سے علیحدگی کی درخواست دائر کردی گئی۔عرب میڈیا کی رپورٹ کے مطابق باغیوں کے اقتدار پر قبضے کے بعد شام سے فرار ہوکر روس پہنچنے والے معزول صدر بشار الاسد کی اہلیہ اسما اسد نے شوہر سے علیحدگی کیلئے ماسکو کی عدالت میں درخواست دائر کردی ہے۔رپورٹس کے مطابق اسما الاسد طلاق لے کر برطانیہ منتقل ہونا چاہتی ہیں اور علیحدگی کے بعد یہ ممکن بھی ہوسکے گا۔رپورٹس میں کہا گیا ہے کہ اسماء الاسد نے روس کے دارالحکومت ماسکو میں رہائش پر اعتراض عائد کرتے ہوئے طرز زندگی پر عدم اطمینان کا اظہار کیا ہے۔ رپورٹ میں بتایا گیا ہے کہ اسماء الاسد اپنی والدہ سحر العطر کے تعاون سے برطانیہ منتقل ہونا چاہتی ہیں، کیونکہ وہ برطانوی شہریت رکھتی ہیں۔انہوں نے انگلینڈ کی ایک باوقار قانونی فرم کے ساتھ بات چیت شروع کر دی ہے، حقیقت یہ ہے کہ اسماء کو لیوکیمیا ہے اور ماسکو میں اس کی صحت کی مناسب نگرانی نہیں کی جا سکتی ہے، اسماء الاسد نے روس کی فیملی عدالت میں خلع کی درخواست دائر کی جس کے ساتھ ماسکو چھوڑنے کی خصوصی اجازت کی درخواست بھی کی گئی ہے۔رپورٹس میں مزید کہا گیا ہے کہ اسماء الاسد جو کبھی شام کی ’’خاتون اول‘‘ تھیں ماسکو میں اپنی نئی زندگی میں تنہائی اور غیر یقینی محسوس کرنے کے بعد ایک نئی سمت کی تلاش میں ہیں۔خیال رہےکہ دو ہفتے قبل شام پر اپوزیشن فورسز کے قبضے کے بعد بشار الاسد فیملی کے ساتھ روس فرار ہوگئے تھے ۔

بشار الاسد کی مشکلات میں اضافہ ، اہلیہ طلاق کے لئے عدالت پہنچ گئیں

اسماء الاسد طلاق لے کر برطانیہ منتقل ہونا چاہتی ہیں اور علیحدگی کے بعد یہ ممکن بھی ہوسکے گا

پاکستانی کرکٹ ٹیم کے اوپنر بلے بازعبداللہ شفیق نے جنوبی افریقا کے خلاف حالیہ ون ڈے سیریز میں ایسا ناپسندیدہ ریکارڈ اپنے نام کیا جسے شاید کوئی بھی کھلاڑی اپنے کریئر کا حصہ بنانا پسند نہ کرے۔ پاکستانی اوپنربلے باز عبداللہ شفیق ایک ون ڈے سیریز کے تمام میچوں میں صفر پر آؤٹ ہونے والے پہلے اوپنر بن گئے۔جنوبی افریقا کے خلاف ون ڈے سیریز کے تینوں میچز میں عبداللہ شفیق بغیر کوئی رن بنائے آؤٹ ہوئے۔اس کے علاوہ عبد اللہ شفیق نے ایک اور ناپسندیدہ ریکارڈ اپنے نام کیا ہے ، وہ 1 سال میں سب سے زیادہ انٹرنیشنل ڈکس حاصل کرنے والے پاکستانی اوپنر بھی بن گئے ہیں ۔ عبد اللہ شفیق  سال 2024 میں  21 اننگز میں 7 مرتبہ صفر پر آؤٹ ہوئے۔قبل ازیں  عمران نذیر سال 2000 میں 6 مرتبہ اور محمد حفیظ 2012 میں 6 مرتبہ صفر پر آؤٹ  ہوچکے ہیں۔تاہم اس سال  میں  سب سے زیادہ انٹرنیشنل ڈکس کا ریکارڈ جنوبی افریقا کے ہرشل گبز اور سری لنکا کے تلکارتنے دلشان کے پاس ہے جو 1 سال میں 8 مرتبہ صفر پر آؤٹ ہوئے تھے۔جنوبی افریقا کے ہرشل گبز اور سری لنکا کے تلکارتنے دلشان کے پاس ایک سال میں 8 مرتبہ صفر پر آؤٹ ہونے کو بدترین ریکارڈ موجود ہے۔

عبداللہ شفیق ون ڈے سیریز کے تمام میچوں میں صفر پر آؤٹ ہونے والے پہلے اوپنر

جنوبی افریقا کے خلاف ون ڈے سیریز کے تینوں میچز میں عبداللہ شفیق بغیر کوئی رن بنائے آؤٹ ہوئے

پاکستان کرکٹ ٹیم نے جنوبی افریقا کی سرزمین پر نئی تاریخ رقم کرتے ہوئے میزبان ملک کو ون ڈے سیریز میں وائٹ واش کر دیا۔تفصیلات کے مطابق پاکستان نے جنوبی افریقا کو 3 ایک روزہ میچوں کی سیریز کے آخری میچ میں 36 رنز سے شکست دے کر کلین سویپ کر دیا، جنوبی افریقہ کی پوری ٹیم پاکستان کے 308 رنز کے تعاقب میں 42 اوورز میں ہی 271 رنز بنا کر پویلین لوٹ گئی۔ سفیان مقیم نے 4 وکٹیں حاصل کیں۔قبل ازیں جوہانسبرگ میں ہونیوالے تیسرے اور آخری ون ڈے میچ میں میزبان ٹیم کے کپتان ٹیمبا بووما نے ٹاس جیت کر پاکستان کرکٹ ٹیم کے کپتان محمد رضوان کو بیٹنگ کی دعوت دی، بارش کے باعث ہر اننگز کو 47 اوور تک محدود کیا گیا۔ پہلے بیٹنگ کرتے ہوئے صائم ایوب کی شاندار سنچری کی بدولت مقررہ 47 اوورز میں 9 وکٹ پر 308 رنز بنائے۔اوپنر صائم ایوب نے 101 رنز کی اننگز کھیلی، صائم ایوب نے سنچری 91 گیندوں پر بنائی، ان کی اننگ میں 13 چوکے اور 2 چھکے شامل تھے۔ ان کے علاوہ کپتان محمد رضوان نے 53 اور بابر اعظم نے 52 رنز بنائے، نائب کپتان سلمان آغا 48 اور طیب طاہر 28 رنز بنا کر نمایاں رہے۔میزبان ٹیم کی جانب سے رابادا نے تین، مارکو ینسین اور فوٹیون نے دو، دو وکٹیں حاصل کیں۔ 308 رنز کے ہدف کے تعاقب میں جنوبی افریقا کے ہینرک کلاسن نے 81 رنز اسکور کیے، ریسی وینڈرڈیسن 35، ٹونی ڈی زورزی اور مارکو جینسن 26-26 رنز جبکہ کوبن بوش 40 رنز بنا کر ناٹ آؤٹ رہے۔پاکستان کی جانب سے صفیان مقیم نے 4 پروٹیز کھلاڑیوں کو پویلین واپس بھیجا، ان کے علاوہ شاہین شاہ آفریدی اور نسیم شاہ نے 2،2 کھلاڑیوں کو آؤٹ کیا، جبکہ محمد حسنین اور صائم ایوب نے ایک ایک وکٹ لی۔

پاکستان نے جنوبی افریقا کوآخری ون ڈے میں  36رنز سےہراکر سیریز میں کلین سویپ کر دیا

جنوبی افریقا کی پوری ٹیم 308 رنز کے ہدف کے تعاقب میں 42 اوورز میں 271 رنز پر ڈھیر ہوگئی

آرمی چیف جنرل سید عاصم منیر نے کہا ہے کہ قوم کی حمایت سے ملک میں امن و استحکام کا قیام یقینی بنایا جائے گا۔پاک فوج کے شعبہ تعلقات عامہ ( آئی ایس پی آر) کی جانب سے جاری بیان کے مطابق آرمی چیف جنرل سید عاصم منیر نے جنوبی وزیرستان کے علاقے وانا کا دورہ کیا، آرمی چیف کو سیکیورٹی صورتحال اور انسدادِ دہشت گردی آپریشنز پر بریفنگ دی گئی۔آئی ایس پی آر کے مطابق دہشت گردی کے خلاف پاک فوج کے عزم کو آرمی چیف نے خراجِ تحسین پیش کیا۔آرمی چیف نے افسران اور جوانوں کے ساتھ بات چیت کی اور دہشت گردی کے مقابلے میں ان کی غیر متزلزل لچک و ثابت قدمی کو سراہتے ہوئے سیکیورٹی فورسز کے جوانوں کو قوم کا حقیقی ہیرو قرار دیا۔پاک فوج کے افسران اور جوانوں سے خطاب کرتے ہوئے آرمی چیف نے دہشتگردی کے خلاف جنگ میں پاک فوج کے جوانوں کی ثابت قدمی کو سراہا اور قربانیوں کی تعریف کی۔ آرمی چیف جنرل سید عاصم منیر نے کہا کہ شہداء پاکستان کا فخر ہیں، ان کی قربانیاں کبھی فراموش نہیں ہوں گی، قوم کی حمایت سے ملک میں امن و استحکام کا قیام یقینی بنایا جائے گا۔آرمی چیف جنرل عاصم منیر کامزید کہناتھا کہ انشا اللہ! دہشت گردی اور انتہا پسندی اور اس کی تمام شکلوں کو ختم کیا جائے گا جس کے لیے ہم پُرعزم ہیں۔ پاکستان کی مسلح افواج کی جرات، لچک اور غیرمتزلزل عزم ملک کی خودمختاری کا سنگ بنیاد ہے۔ آرمی چیف نے مسلح افواج اور قانون نافذ کرنے والے اداروں کے جوانوں کو قوم کا حقیقی ہیرو قرار دیا اور کہا کہ ان کی بہادری اور بے لوث لگن پورے ملک کے لیے قابل فخر ہے۔آرمی چیف  نے فتنہ الخوارج کے تعاقب کے لیے پاک فوج کے عزم کا اعادہ کیا اور کہا کہ  ریاست کے خلاف ان کی مذموم سرگرمیوں، سہولت کار کے ساتھ ساتھ ان کی مالی معاونت کرنے والوں کا بھی خاتمہ کیا جائے گا۔قبل ازیں وانا پہنچنے پر کور کمانڈر پشاور نے آرمی چیف کا استقبال کیا۔

قوم کی حمایت سے ملک میں امن و استحکام کا قیام یقینی بنایا جائے گا، آرمی چیف

ریاست مخالف سرگرمیوں میں ملوث افراد اور اُن کے سہولت کاروں کا خاتمہ کیا جائے گا،جنرل سید عاصم منیر

پاکستان تحریک انصاف (پی ٹی آئی) کےچیئرمین بیرسٹر گوہر نے حکومتی مذاکراتی کمیٹی کی تشکیل کا خیر مقدم کرتے ہوئے حکومت کی جانب سے کمیٹی کی تشکیل کو خوش آئند قرار دے دیا۔تفصیلات کے مطابق پی ٹی آئی کے چیئرمین بیرسٹر گوہر نے ایک بیان میں کہا کہ ہم حکومت کی جانب سے کمیٹی کے اعلان کا خیر مقدم کرتے ہیں، کمیٹی کی تشکیل خوش آئندبات ہے، حکومت اور پی ٹی آئی کے مزاکرات جامع اور نتیجہ خیز ہونے چاہیں۔انہوں نے کہا کہ امید ہے کم سےکم وقت میں تمام مسائل کا نتیجہ خیز حل نکل آئے گا، پُر امید ہیں کہ اب مذاکراتی عمل شروع ہونے جارہا ہے، دونوں کمیٹیوں میں سنجیدہ لوگ ہیں، مذاکرات آگے ضرور بڑھیں گے۔یاد رہے کہ وزیراعظم شہباز شریف نے اسپیکر قومی اسمبلی کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دی ہے۔کمیٹی میں نائب وزیراعظم اسحاق ڈار، رانا ثنا اللہ خان، سینیٹر عرفان صدیقی، راجہ پرویز اشرف، نوید قمر، ڈاکٹر خالد مقبول صدیقی، علیم خان اور چوہدری سالک حسین شامل ہیں۔واضح رہے کہ گزشتہ رات چیئرمین تحریک انصاف بیرسٹر گوہر نے اسپیکر قومی اسمبلی سے مذاکرات کے لیے اپنا کردار ادا کرنے کی استدعا کی تھی۔ تحریک انصاف کی جانب سے عمر ایوب، اسد قیصر، سلمان اکرم راجہ، علی امین خان گنڈا پور اور صاحبزادہ حامد رضا کمیٹی میں شامل ہیں۔

چیئرمین پی ٹی آئی کا حکومت کی جانب سے مذاکراتی کمیٹی کی تشکیل کا خیر مقدم

امید ہے کم سے کم وقت میں تمام مسائل کا نتیجہ خیز حل نکل آئے گا،چیئرمین پی ٹی آئی بیرسٹرگوہر

نازیبا ویڈیوز وائرل ہونے کے بعد سوشل میڈیا کو الوداع کہنے والی ٹک ٹاکر مناہل ملک نے محض 2 ماہ بعد ہی ایک بار پھر سوشل میڈیا پر واپسی کا اعلان کردیا ہے۔تفصیلات کے مطابق معروف ٹک ٹاک اسٹارمناہل ملک نا مناسب ویڈیوزکے وائرل ہونے پرشوبزچھوڑنے کےاعلان کے بعد ایک بارپھرمنظرعام پر آئی ہیں اور کہا ہے کہ اب وہ مناہل ملک نہیں رہیں، میں بہت مضبوط ہو چکی ہوں اور کسی کی باتوں کی کوئی پروا نہیں ہے۔سماجی رابطے کی ویب کی ایپ ’انسٹاگرام‘ پر اپنی ایک پوسٹ میں مناہل ملک نے اپنے مداحوں کو مخاطب کرتے ہوئے لکھا کہ’ مجھے امید ہے کہ آپ اچھے ہوں گے، بہت لوگوں سے غلطیاں ہوتی ہیں لیکن سب نے بس میری غلطیوں کو دیکھا، یہ نہیں دیکھا کہ میں کیسی انسان ہوں۔ مناہل ملک نے لکھا کہ خیرمیری وجہ سے میرے مداح بہت ڈسٹرب تھے کہ مناہل تم کوواپس آنا ہوگا اور میری فیملی بھی چاہتی تھی کہ مجھے واپس آنا چاہیے، یہ دُنیا کسی کو جینے نہیں دے گی۔مناہل ملک نے مزید لکھا کہ ’بس شریف وہ ہیں جن کے گناہ چھپے ہوئے ہیں، مجھے اس کی کوئی پروا نہیں کہ کوئی میرے بارے میں کیا سوچ رہا ہے، مجھے بہت لوگ باتیں کریں گے لیکن اب میں وہ مناہل ہوں جو بہت مضبوط ہے، اس کو کسی کی بکواس باتوں سے اب فرق نہیں پڑتا۔اس سے قبل مبینہ طور پر نازیبا ویڈیوز وائرل ہونے کے بعد ٹک ٹاکر مناہل ملک نے اپنے ایک جذباتی پیغام میں کہا تھا کہ اپنے مداحوں سے معافی مانگتی ہوں، میں لوگوں کے رویوں سے تنگ آچکی ہوں اور اندر سے مر چکی ہوں۔دلچسپ بات یہ ہے کہ مناہل ملک نے سوشل میڈیا پر واپسی کرتے ہوئے اپنی پہلی سوشل میڈیا کو خیرباد کہنے کی پوسٹ بھی ڈیلیٹ کردی۔سوشل میڈیا سے دوری کے اعلان کے باوجود مناہل ملک انسٹاگرام پر فعال تھیں تاہم ان کے ٹک ٹاک اکاؤنٹ پر کوئی نئی ویڈیو پوسٹ نہیں کی گئی تھی۔ لیکن واپسی کے اعلان کے بعد مناہل نے ٹک ٹاک پر دوبارہ ویڈیوز پوسٹ کرنا شروع کردی ہیں۔

ویڈیوز اسکینڈل کے بعدٹک ٹاکر مناہل ملک کا سوشل میڈیا پر واپسی کا اعلان

نازیبا ویڈیوز وائرل ہونے کے بعد ٹک ٹاکر نے سوشل میڈیا پلیٹ فارمز کو ہمیشہ کیلئےخیرباد کہنے کا اعلان کیا تھا

پاکستان اور جنوبی افریقا کے درمیان تیسرا اور آخری ون ڈے میچ بارش کے باعث روک دیا گیا۔پاکستان نے 3.1 اوورز میں ایک وکٹ کے نقصان پر 10 رنزبنائے ہیں، صائم ایوب 6 اور بابراعظم 4 رنز کیساتھ کریز پر موجود ہیں۔قبل ازیںجنوبی افریقا نے پاکستان کے خلاف تیسرے اور آخری ایک روزہ میچ میں ٹاس جیت کر پہلے بولنگ کرنے کا فیصلہ کیاہے۔پاکستان اور جنوبی افریقا کی ٹیمیں تیسرے اور آخری ون ڈے میں جوہانسبرگ میں مدمقابل ہیں جہاں میزبان ٹیم نے ٹاس جیت کر پہلے باؤلنگ کا فیصلہ کیا اور مہمان ٹیم کو بیٹنگ کی دعوت دی ہے۔جنوبی افریقا کے درمیان تیسرے اور آخری ون ڈے میچ کے لیے قومی ٹیم میں 3 تبدیلیاں کی گئی ہیں۔طیب طاہر، محمد حسنین اور سفیان مقیم پلیئنگ الیون میں شامل کیےگئے ہیں اور عرفان نیازی، حارث رؤف اور ابرار احمد ڈراپ کیےگئے ہیں۔قومی ٹیم میں کپتان محمد رضوان ، صائم ایوب، عبداللہ شفیق، بابراعظم،کامران غلام، سلمان آغا، طیب طاہر، شاہین آفریدی، نسیم شاہ، محمد حسنین اور سفیان مقیم شامل ہیں۔واضح رہے پاکستان کو تین میچز کی سیریز میں دو صفر کی فیصلہ کن برتری حاصل ہے۔

تیسرا ون ڈے،جنوبی افریقا کا پاکستان کیخلاف ٹاس جیت کرپہلے بولنگ کا فیصلہ

آخری ون ڈے میچ کیلئے قومی ٹیم میں 3 تبدیلیاں،طیب طاہر، محمد حسنین اور سفیان مقیم پلیئنگ الیون میں شامل

وزیراعظم شہباز شریف نے اسپیکر قومی اسمبلی سردار ایاز صادق کی تجویز پر حکومتی اتحاد کے ممبران پر مشتمل مذاکراتی کمیٹی تشکیل دے دی ہے۔ کمیٹی میں نائب وزیراعظم اسحاق ڈار، رانا ثنا اللہ خان، سینیٹر عرفان صدیقی، راجا پرویز اشرف، نوید قمر، ڈاکٹر خالد مقبول صدیقی، علیم خان اور چوہدری سالک حسین شامل ہیں۔میڈیارپورٹس کے مطابق گزشتہ رات چیئرمین تحریک انصاف بیرسٹر گوہر نے اسپیکر قومی اسمبلی سے مذاکرات کے لیے اپنا کردار ادا کرنے کی استدعا کی تھی۔ بیرسٹر گوہر نے تحریک انصاف کے ساتھ مذاکرات کی پیشکش پر زور دیا تھا۔ وزیراعظم شہباز شریف نے اسپیکر قومی اسمبلی کی تجویز مانتے ہوئے حکومتی اتحاد کی مذاکراتی کمیٹی تشکیل دے دی ہے اور اس امید کا اظہار کیا ہے کہ ملکی سلامتی اور قومی مفاد کو مقدم رکھا جائے گا۔شہباز شریف نے کہا ہے کہ پاکستان ہے تو ہم سب ہیں، اسپیکر قومی اسمبلی کی کاوش کو سراہتا ہوں۔حکومت اور پی ٹی آئی کے درمیان مذاکرات آئندہ 12 گھنٹوں کے دوران متوقع ہیں، مذاکرات کہاں ہوں گے حکومتی کمیٹی اس کا اعلان کرے گی۔

وزیراعظم نےپی ٹی آئی سے مذکرات کیلئے حکومتی اتحاد کی کمیٹی تشکیل دے دی

اسحاق ڈار، رانا ثنا اللہ ،عرفان صدیقی، راجا پرویز اشرف، نوید قمر، خالد مقبول صدیقی، علیم خان اور چوہدری سالک کمیٹی میں شامل ہیں

پاکستان اور جنوبی افریقا کے درمیان آخری ون ڈے میچ آج کھیلا جائے گا۔میچ پاکستانی وقت کے مطابق شام 5 بجے شروع ہوگاتین ون ڈے میچز کی سیریز کے ابتدائی 2 میچز جیت کر قومی ٹیم پہلے ہی سیریز میں فیصلہ کُن برتری حاصل کر چکی ہے۔پاکستانی ٹیم کی جنوبی افریقہ کو کلین سویپ کرنے کی پوری تیاری ہے جبکہ پروٹیز بھی آخری میچ جیتنے کے لئے بھرپور کوشش کریں گے۔گزشتہ روز میچ کیلئے قومی اسکواڈ نے بارش کے سبب ان ڈور پریکٹس سیشن کیا تھا جس میں کھلاڑیوں نے بیٹنگ اور بولنگ کی پریکٹس کی جبکہ اسپنرز نے بھی نیٹ سیشن کیا۔خیال رہے پاکستان نے پہلا ون ڈے دلچسپ مقابلے کے بعد 3 وکٹوں سے جیتا تھاجبکہ دوسرا میچ یکطرفہ رہا جس میں قومی ٹیم نے 81 رنز سے کامیابی حاصل کی۔آج سیریز کا تیسرا اورآخری ون ڈےمیچ پاکستانی وقت کے مطابق شام 5 بجے جوہانسبرگ میں شروع ہوگا۔پاکستان اورجنوبی افریقا کے درمیان سیریز کے تمام میچز اشتہارات کے بغیرایچ ڈی کوالٹی میں اشتہارات کے بغیر براہ راست ٹیپمیڈ پردکھائے جارہے ہیں۔

پاکستان اور جنوبی افریقا کے درمیان تیسرا ون ڈے میچ آج کھیلا جائے گا

میچ پاکستانی وقت کے مطابق شام 5 بجے شروع ہوگا،قومی ٹیم کوسیریزمیںدو صفر کی فیصلہ کن برتری حاصل ہے

ریسلنگ کی دنیا کا اہم ستارہ بجھ گیا، ڈبلیو ڈبلیو ای کے لیجنڈ اسٹار ’رے مسٹیریو‘ انتقال کر گئے۔تفصیلات کے مطابق میکسیکو کے معروف اور ہر دلعزیز ریسلر ری مسٹیریو سینیئر جو ڈبلیو ڈبلیو ای ہال آف فیم رے مسٹیریو جونیئر کے چچا اور ڈبلیو ڈبلیو ای اسٹار ڈومینک مسٹیریو کے بڑے چچا تھے 66 سال کی عمر میں انتقال کر گئے ہیں۔غیرملکی میڈیا کےمطابق میکسیکن ریسلنگ پروموٹر اور خاندانی ذرائع کی جانب سے رے مسٹیریو سینئر کے انتقال کی تصدیق کر دی گئی۔ریسلر ری میسٹیریو سینیئر میکسیکو میں میگوئل اینجل لوپیز ڈیاس میں پیدا ہوئے، مسٹیریو سینیئر نے پیشہ ورانہ ریسلنگ کی دنیا میں ایک اہم نام کمایا انہوں نے جنوری 1976 میں اپنے کیریئر کا آغاز کیا اور مختلف پروموشنز کے عالمی مقابلوں میں حصہ لیا، ان میں پرو ریسلنگ ریویلیوشن، تیجوانا ریسلنگ اور ورلڈ ریسلنگ ایسوسی ایشن (ڈبلیو ڈبلیو اے) شامل ہیں۔لُوچا لیبر AAA کو میکسیکو میں ڈبلیو ڈبلیو ای کے برابر سمجھا جاتا ہے۔رے میسٹیریو سینیئر نے بین الاقوامی سطح پر بھی اپنی صلاحیتوں کا مظاہرہ کیا، جن میں 1990 میں ورلڈ چیمپئن شپ ریسلنگ کے ایونٹ اسٹارکیڈ شامل ہے۔ انہوں نے اپنے منفرد ماسک اور رنگ میں اونچی چھلانگ کی وجہ سے دنیا بھر میں شائقین کو متاثر کیا۔وہ 2009 میں ریٹائر ہوگئے تھے البتہ گزشتہ سال وہ دوبارہ رنگ میں اترے تھے۔ رپورٹس کے مطابق رے مسٹیریو سینیئر کی موت کی وجہ سامنے نہیں آئی۔

ڈبلیو ڈبلیو ای کے لیجنڈری ریسلر ’رے مسٹیریو سینیئر 66برس کی عمر میں چل بسے

میکسیکن ریسلنگ پروموٹر کی جانب سے رے مسٹیریو سینئر کے انتقال کی تصدیق کردی گئی

جنوبی وزیرستان میں خوارج کے چیک پوسٹ حملے میں سیکیورٹی فورسز کے 16 جوان شہید جبکہ 8 دہشت گرد ہلاک ہوگئے۔پاک فوج کے شعبہ تعلقات عامہ (آئی ایس پی آر) کے مطابق  20-21 دسمبر  کی درمیانی رات، خوارج کے ایک گروپ نے جنوبی وزیرستان کے ضلع مکین کے علاقے میں سیکیورٹی فورسز کی چیک پوسٹ پر حملہ کرنے کی کوشش کی۔ اعلامیے کے مطابق دہشت گردوںکی اس کوشش کو سیکیورٹی فورسزنے مؤثر طریقے سے ناکام بنا دیا،  فائرنگ کے تبادلے کے نتیجے میں آٹھ دہشت گردوں کوہلاک کردیاگیا۔آئی ایس پی آر کے مطابق خوارج سے شدید فائرنگ کے تبادلے کے دوران مٹی کے سولہ بہادر بیٹوں نے بہادری سے لڑتے ہوئے شہادت کو گلے لگا لیا۔آئی ایس پی آر کے مطابق علاقے میں سینی ٹائزیشن آپریشن جاری ہے، اس گھناؤنے فعل کے مرتکب افراد کو انصاف کے کٹہرے میں لایا جائے گا جبکہ پاکستان کی سیکیورٹی فورسز دہشت گردی کی لعنت کو ختم کرنے کے لیے پرعزم ہیں اوربہادر جوانوں کی ایسی قربانیاں ہمارے عزم کو مزید مضبوط کرتی ہیں۔

جنوبی وزیرستان چیک پوسٹ پر حملہ کی کوشش،16جوان شہید،8دہشت گردہلاک

دہشت گردی کی مذموم کارروائی میں ملوث دہشت گردوں کو قانون کے کٹہرے میں لایا جائے گا، آئی ایس پی آر

پاکستان میں اگلے برس ہونے والی آئی سی سی چیمپئنز ٹرافی کا ممکنہ شیڈول سامنے آگیا۔میڈیارپورٹس کے مطابق ایونٹ کا پہلا میچ 19 فروری کو پاکستان اور نیوزی لینڈ کے درمیان کراچی میں ہو گا جبکہ پاکستان اور بھارت کے درمیان مقابلہ 23 فروری کو نیوٹرل وینیو پر ہو گا۔فائنل 9 مارچ کو لاہور میں ہوگا جبکہ بھارت کے فائنل میں پہنچنے کی صورت میں فائنل نیوٹرل وینیو پر کھیلا جائے گا ۔مجوزہ شیڈول کے مطابق ایک سیمی فائنل لاہور اور دوسرا سیمی فائنل نیوٹرل وینیو پر ہوگا، لاہور اور نیوٹرل وینیو پر چار میچ کھیلے جائیں گے، کراچی کا نیشنل اسٹیڈیم اور پنڈی کرکٹ اسٹیڈیم تین تین میچوں کی میزبانی کریں گے۔ممکنہ شیڈول کے مطابق ایونٹ کا افتتاحی میچ 19 فروری کا میزبان پاکستان اور نیوزی لینڈ کے درمیان کراچی میں کھیلا جائے گا۔ ایونٹ کا سب سے بڑا مقابلہ پاک بھارت ٹاکرا 23 فروری کو نیوٹرل وینیو پر کھیلا جائے گا۔پاکستان ایونٹ میں اپنا تیسرا میچ 27 فروری کو بنگلہ دیش کے خلاف راولپنڈی میں کھیلے گا۔ بھارت اپنا پہلا میچ 20 فروری کو بنگلہ دیش جبکہ تیسرا میچ 2 مارچ کو نیوزی لینڈ کے خلاف نیوٹرل وینیو پر ہوگا۔لاہور کے قذافی اسٹیڈیم میں پہلا میچ 22 فروری کو آسٹریلیا اور انگلینڈ کے درمیان ہوگا۔ افغانستان اور انگلینڈ کی ٹیمیں 26 فروری کو قذافی اسٹیڈیم میں مدِمقابل ہوں گی۔افغانستان اور آسڑیلیا کے درمیان میچ 28 فروری کو قذافی اسٹیڈیم میں ہوگا۔ آسٹریلیا اور جنوبی آفریقہ کی ٹیمیں 25 فروری کو راولپنڈی میں ان ایکشن ہوں گی۔بنگلہ دیش اور نیوزی لینڈ کی ٹیمیں 24 فروری کو راولپنڈی میں کھیلیں گی۔ ایونٹ میں یکم مارچ کو جنوبی آفریقہ اور انگلینڈ کے درمیان میچ کراچی میں کھیلا جائے گا۔چیمپئنز ٹرافی کا پہلا سیمی فائنل 4 مارچ اور دوسرا سیمی فائنل 5 مارچ کو ہوگا جبکہ فائنل میچ 9 مارچ کو شیڈول ہے۔ ایونٹ کے سیمی فائنلز اور فائنل کیلئے ریزرو ڈے بھی رکھا گیا ہے۔واضح رہے کہ آئی سی سی چیمپیئنز ٹرافی میں پاکستان اور بھارت کے میچوں کے لیے نیوٹرل وینیو دبئی ہوسکتا ہے، ایونٹ کے باضابطہ شیڈول کا اعلان چند روز میں متوقع ہے۔

آئی سی سی چیمپئنز ٹرافی کا ممکنہ شیڈول سامنے آگیا، پاک بھارت ٹاکرا23فروری کوہوگا

ایونٹ کاآغاز 19 فروری سے ہوگا، پہلا میچ پاکستان اور نیوزی لینڈ کے درمیان 19 فروری کو کراچی میں کھیلا جائے گا

Joe Root returns to England's ODI squad for Champions Trophy 2025.

Joe Root Returns: England's ODI Squad Gets a Boost for the Champions Trophy

On Sunday, the English and Wales Cricket Board officially announced the return of test star player Joe Root to England&#39;s ODI squad for the <a href="https://www.tapmad.com/blog/icc-champions-trophy-2025-pcb-accepts-hybrid-model/509-2-0">ICC Champions Trophy 2025</a>.&nbsp;

Root has been the most important member of England&rsquo;s test squad and has been the no.1 test player according to <a href="https://www.tapmad.com/blog/latest-icc-player-rankings-2024/518-2-0">ICC test batting rankings</a>.&nbsp;

It&rsquo;s worth noting that Joe Root has not played an ODI match since the ICC ODI World Cup 2023.&nbsp;

Alongside Root, Jos Buttler has also returned to the team and will be leading them during the tour of ODI as well as the eight-team mega-event.

On the other hand, England&rsquo;s all rounder test captain Ben Stokes was not included in the squad owing to a left hamstring injury that he acquired during the England vs New Zealand 3rd test earlier this month.

The England Men&rsquo;s selection committee named 15-member ODI and T20I squads that will tour India for the white-ball series in January, followed by the Champions Trophy 2025 in February and March.

England squad for T20I series against India

Jos Buttler (c), Rehan Ahmed, Jofra Archer, Gus Atkinson, Jacob Bethell, Harry Brook, Brydon Carse, Ben Duckett, Jamie Overton, Jamie Smith, Liam Livingstone, Adil Rashid, Saqib Mahmood, Phil Salt, Mark Wood.

England squad for India ODIs and Champions Trophy

Jos Buttler (c), Jofra Archer, Gus Atkinson, Jacob Bethell, Harry Brook, Brydon Carse, Ben Duckett, Jamie Overton, Jamie Smith, Liam Livingstone, Adil Rashid, Joe Root, Saqib Mahmood, Phil Salt, Mark Wood.

Joe Root Returns: England's ODI Squad Gets a Boost for the Champions Trophy

Related Post

Saim Ayub Joins Virat Kohli, David Warner, & Joe Root In An Exclusive Club

Joe Root Returns: England's ODI Squad Gets a Boost for the Champions Trophy

Pakistan Dominates South Africa with a Stunning ODI Series Whitewash on Their Home Soil

Babar Azam’s Journey From Breaking Hearts to Breaking Records

Saim Ayub Joins Virat Kohli, David Warner, & Joe Root In An Exclusive Club

Joe Root Returns: England's ODI Squad Gets a Boost for the Champions Trophy

Pakistan Dominates South Africa with a Stunning ODI Series Whitewash on Their Home Soil

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan