Cricket

Entertainment

Football

قومی ٹیم کے اسپنرز نے انگلینڈ کیخلاف دوسرے ٹیسٹ میچ میں 20 وکٹیں لیکر نئی تاریخ رقم کردی۔پاکستان کے اسپن بولرز نعمان علی اور ساجد خان نے 52 سال بعد ٹیسٹ کرکٹ کا ریکارڈ برابر کردیا۔ملتان میں دوسرے ٹیسٹ میچ میں انگلینڈ کی تمام 20 وکٹیں پاکستان کے 2 اسپن بولرز نے حاصل کیں۔ملتان میں کھیلے گئے سیریز کے دوسرے ٹیسٹ میچ میں مہمان ٹیم انگلینڈ کو 152 رنز سے شکست دیکر سیریز 1-1 سے برابر کی، یہ ہوم گراؤنڈ پر پاکستان کی 3 سال بعد پہلی فتح تھی۔ملتان ٹیسٹ میچ میں نعمان علی نے 11 اور ساجد خان نے 9 وکٹیں حاصل کیں۔اس میچ میں پاکستان کی جانب سے نعمان علی اور ساجد خان 1972 کے بعد ٹیسٹ میچ میں 20 وکٹیں لینے والی پہلی جوڑی بننے کا اعزاز حاصل کیا۔انگلینڈ کی تمام 20 وکٹیں پاکستان کے ان ہی 2 اسپنرز نے حاصل کیں اور یہ ٹیسٹ کرکٹ کی تاریخ میں چھٹا موقع ہے جب 20 کھلاڑیوں کو 2 بولرز نے آؤٹ کیا۔پاکستان نے 1956ء کے کراچی ٹیسٹ میں آسٹریلیا کو 9 وکٹ سے ہرایا تھا اور اس میچ میں فضل محمود اور خان محمد نے مشترکہ طور پر 20 آؤٹ کیے تھے۔فضل محمود نے اس میچ میں 13 اور خان محمد نے 7 وکٹیں حاصل کی تھیں۔

پاکستانی اسپنرساجدخان اورنعمان علی نے 52 سال بعد ٹیسٹ کرکٹ کا ریکارڈ برابر کردیا

نعمان علی اور ساجد خان 1972 کے بعد ٹیسٹ میچ میں 20 وکٹیں لینے والی پہلی جوڑی بننے کا اعزاز حاصل کیا

پاکستان نے اسپنرز نعمان علی اور ساجد خان کی تباہ کن باؤلنگ کی بدولت انگلینڈ کو دوسرے ٹیسٹ میچ میں 152 رنز سے شکست دے کر تین میچوں کی سیریز 1-1 سے برابر کرنے کے ساتھ ساتھ تین سال بعد ہوم گراؤنڈ پر پہلا ٹیسٹ میچ جیت لیا۔ملتان کرکٹ اسٹیڈیم میں کھیلے جارہے میچ کے چوتھے روز انگلینڈ نے 2 وکٹوں کے نقصان پر 36 رنز سے اننگز کا آغاز کیا تو محض ایک رنز کے اضافے کے بعد اولی پوپ 22 کے انفراد اسکور پر آؤٹ ہوئے، بعدازاں جو روٹ 18 اور ہیری بروک 16، جیمی اسمتھ 6، بریڈن کارس 27، جیک لیچ ایک اور شعیب بشیر صفر رن پر پویلین لوٹے۔ کپتان بین اسٹوکس کی مزاحمتی اننگز 37 رنز تک محدود رہی۔انگلینڈ کی ٹیم دوسری اننگز میں پاکستان کیخلاف 144 رنز بناکر آل آؤٹ ہوئی، دونوں اننگز میں انگلش بیٹرز کی تمام وکٹیں اسپنرز نے حاصل کیں۔پاکستان کی جانب سے نعمان علی نے 8 اور ساجد خان نے 2 وکٹیں حاصل کیں۔یہ پاکستان ٹیم کی مسلسل 6ناکامیوں کےبعدپہلی کامیابی ہے،نعمان علی نے میچ میں مجموعی طور پر 11وکٹیں حاصل کیں،نعمان علی کی دوسری اننگزمیں8،پہلی اننگزمیں 3وکٹیں لیں۔

ملتان ٹیسٹ، پاکستان نے دوسرے ٹیسٹ میں انگلینڈ کو 152 رنز سے ہرا کرسیریز برابرکردی

دوسری اننگز میں نعمان علی نے 8 اور ساجد خان نے دو کھلاڑیوں کو آؤٹ کیا،سیریز ایک، ایک سے برابر

امریکی محکمہ انصاف نے سکھ فار جسٹس کے رہنما گرپتونت سنگھ پنوں کو قتل کرنے کی ناکام سازش کے الزام میں بھارت کی خفیہ ایجنسی را کے اہلکار وکاش یادیو پر فرد جرم عائد کردی۔بھارتی میڈیا کے مطابق امریکی محکمہ انصاف نے سکھ فار جسٹس  کونسل کے رہنما اور سکھوں کی الگ ریاست خالصتان کے حامی گرپتونت سنگھ پنوں کو قتل کرنے کی سازش کے الزام میں بھارت کی خفیہ ایجنسی ‘را ‘ کے اہلکار وکاس یادو پر فرد جرم عائد کردی۔ وکاس یادیو را کے لیے ‘سی سی ون’ کا کوڈ استعمال کیا جا رہا تھا۔ وکاس یادیو پر منی لانڈرنگ کی فرد جرم بھی عائد کی گئی ہے۔ وکاش یادیو پر گزشتہ سال گرپتونت سنگھ کو نیویارک میں قتل کرنے کی سازش کا الزام ہے۔اس سے قبل امریکا میں ‘را’ کے ایک اور ایجنٹ نکھل گپتا پر گزشتہ سال فرد جرم عائد کی گئی تھی اور وہ اس وقت بروکلین کی جیل میں قید ہے۔ دوسری جانب سکھ فار جسٹس کے رہنما گرپتونت سنگھ پنوں نے بیان کہا کہ ‘را ‘ کے افسروکاس یادو پر فرد جرم عائد کیا جانا اس بات کا ثبوت ہے کہ مودی سرکار امریکا کی خودمختاری کو چیلنج کرنے اور خالصتان نواز شخص کی زندگی اور آزادی کو خطرات سے دوچار کرنے کے نتائج بھگتے گی۔پنوں نے کہا کہ اگرچہ مودی حکومت انہیں امریکا اور کینیڈا میں اپنی پراکیسز کے ذریعے قتل کرنے کی سازش جاری رکھے ہوئے ہے مگر وہ اس کی پرواہ نہ کرتے ہوئے خالصتان کیلئے ریفرنڈم کا انعقاد جاری رکھیں گے۔

امریکا میں سکھ رہنما کو قتل کرنے کی سازش، بھارتی خفیہ ایجنسی’’را‘‘ کے اہلکار پر فرد جرم عائد

را کے اہلکار وکاش یادیو پر گزشتہ سال گرپتونت سنگھ کو نیویارک میں قتل کرنے کی سازش کا الزام ہے

مجوزہ آئینی ترامیم کے معاملہ پر اسلام آباد میں سربراہ جمعیت علماء اسلام مولانا فضل الرحمان کی رہائش گاہ سیاسی سرگرمیوں کا مرکز بن گئی۔پی ٹی آئی وفد کے بعد وزیراعظم شہبازشریف رات گئے بغیر کسی پروٹوکول کے مولانا فضل الرحمان کے گھر پہنچے، نائب وزیراعظم اسحاق ڈار، وزیر قانون اعظم نذیر تارڑ بھی ان کے ہمراہ تھے۔چیئرمین پیپلزپارٹی بلاول بھٹو زرداری پہلے سے ہی مولانا کی رہائشگاہ پر موجود تھے، ملاقات میں آئینی ترامیم پر تبادلہ خیال کیا گیا لیکن وزیراعظم اور بلاول بھٹو مولانا فضل الرحمان کو قائل نہ کر سکے، ملاقات میں آئینی ترمیم پر کوئی پیشرفت نہ ہوسکی۔نجی ٹی وی کے مطابق مولانا فضل الرحمان نے جے یو آئی اراکین اسمبلی کو ہراساں کرنے پر برہمی کا اظہار کیا، مولانافضل الرحمان نے وزیراعظم اور بلاول بھٹو سے شکوہ کیا کہ ایک جانب آئینی ترمیم پر انہیں راضی کرنے کی کوشش جاری ہے، دوسری جانب انہی کے ارکان پارلیمنٹ کو غائب کیا جا رہا ہے۔مولانا فضل الرحمان نے کہا کہ اپوزیشن جماعتیں آئینی ترامیم کے معاملے پر متفقہ لائحہ عمل اپنانے پر غور کر رہی ہیں، حکومت اپوزیشن ارکان کو آفرز دینے اور دباؤ میں لانے کا عمل ترک کرے، بات چیت کی فضا برقرار رکھنے کیلئے اعتماد کی فضا پیدا کرنا ہوگی، حکومت جے یو آئی کی جانب سے دیئے گئے مسودے کو ترجیح دے۔ملاقات کے بعد وزیراعظم شہباز شریف اور بلاول بھٹو میڈیا سے بات چیت کئے بغیر مولانا فضل الرحمان کے گھر سے روانہ ہوئے، بلاول بھٹو نے جاتے ہوئے گاڑی سے وکٹری کا نشان بنایا۔اس سے قبل پی ٹی آئی رہنماوں سے ملاقات کے بعد میڈیا سے گفتگو کرتے ہوئے مولانا فضل الرحمان نے کہا تھا کہ پاکستان بار کونسل اور سپریم کورٹ بار کے نمائندوں کو کمیٹی میں شامل کرنا چاہیے۔ مولانا کا کہنا تھا کہ ہم پوری فراخدلی سے حکومت کے ساتھ بیٹھے ہیں، کچھ چیزیں ابھی بھی مشاورت کے قابل ہیں، ترمیم متفقہ ہونی چاہیے، تمام اپوزیشن جماعتوں کو آن بورڈ لیا جائے۔دوسری جانب جے یو آئی کے اندر فارورڈ بلاک بننے کی بھی اطلاعات ہیں جس کی ترجمان جے یو آئی نے تردید کردی ہے۔

آئینی ترمیم،شہباز شریف رات گئے بغیر پروٹوکول کے مولانا کے گھر پہنچ گئے، ساری کوششیں رائیگاں

وزیراعظم اور بلاول مولاناکو کو قائل نہ کرسکے، فضل الرحمان نے جے یوآئی اراکین اسمبلی کو ہراساں کرنے پر برہمی کا اظہار کیا

مولانا فضل الرحمان نے کہا ہے کہ حکومت کی بدمعاشی کو کسی صورت قبول نہیں کریں گے، شاہ محمود کی بہو کو اغوا کیا گیا، ہمارے اراکین کو ہراساں اور اغوا کیا جارہا ہے ، صبح تک اراکین کو اغوا، ہراساں اور خریدنے کا سلسلہ ترک نہ کیا گیا تو پھر حکومت یاد رکھے کہ ہم بہت سخت رویہ اختیار کریں گے۔ تفصیلات کے مطابق پاکستان تحریک انصاف کی قیادت کے ہمراہ رات گئےمشترکہ پریس کانفرنس میں مولانا فضل الرحمان نے کہا کہ مجوزہ آئینی ترمیم کے معاملے پر تین ہفتوں سے بحث اور مشاورت کا عمل جاری ہے، اس معاملے پر ہم حکومت کے ساتھ مذاکرات کیے اور نمائندوں کے ساتھ بیٹھے ہیں۔انہوں نے کہا کہ ہم نے حکومت کا پہلا ڈرافٹ مسترد کیا اور آج بھی اسے مسترد کرتے ہیں، افہام و تفہیم کیساتھ آگے بڑھنا ہے تو ہم نے خوش آمدید کہا ہے ، دو دن قبل بلاول بھٹوکیساتھ بیٹھ کر اس پر طویل بحث کی، پھر گزشتہ روز چار گھنٹوں تک نواز شریف سے بھی اس پر طویل بات ہوئی، جن چیزوں پر اتفاق ہوا اس کا اعلان کرچکے ہیں جبکہ باقی متنازع چیزوں پر بات چیت جاری ہے۔ مولانا فضل الرحمان نے کہا ہے کہ مجوزہ آئینی ترمیم کے حوالے سے حکومت کا پہلا مسودہ مسترد کیا اور آج بھی کرتے ہیں، اس معاملے پر تین ہفتوں سے بحث اور مشاورت کا عمل جاری ہے، ہمارے اراکین پر دباؤ ڈالا جارہا ہے اور انہیں خریدنے کی بھی کوشش کی جارہی ہے۔مولانا فضل الرحمان نے کہا کہ تحریک انصاف اپوزیشن کی ایک بڑی جماعت ہے جس کو نظر انداز نہیں کیا جاسکتا، آئینی ترمیم کے معاملے پر پی ٹی آئی کا رویہ مثبت ہے اور وہ ہر مثبت چیز کو خوش آمدید کہہ رہی ہے اور اس معاملے پر مشاورت کا سلسلہ جاری رہے گا۔ انہوں نے کہا کہ آئینی ترمیم کے معاملے پر سیاسی جماعتوں کے ساتھ بار کونسلز اور پاکستان بار کونسل کی نمائندگی بھی ہونی چاہیے۔انہوں نے کہا کہ ہمیں کچھ ایسی اطلاعات ملیں کہ حکومت ہمارے مفاہمت کے رویے کو سنجیدہ نہیں لے رہی، ہمارے اراکین کو ہراساں اور اغوا کیا جارہا ہے، جے یو آئی کے ایک رکن کو اغوا کیا گیا جو ابھی میرے گھر میں موجود ہے جبکہ دوسرے کو دھمکی دی گئی اور تیسرے کو بھاری معاوضے کی پیش کش کی گئی۔مولانا فضل الرحمان نے کہا کہ اختر مینگل کی جماعت کی رکن کے ساتھ بھی واقعہ پیش آیا، اگر حکومت نے اوچھے ہتھکنڈے استعمال کرنے کا سلسلہ ترک نہ کیا تو پھر ہم مذاکرات سے پیچھے ہٹ جائیں گے، اگر حکومت دلیل سے بات کرے گی تو ہم دلیل سے جواب دیں گے، حکومت کی بدمعاشی کو کسی صورت قبول نہیں کریں گے اور جو رویہ اختیار کیا جائے گا اُسی طرح جواب دیں گے۔انہوں نے کہا کہ اگر صبح تک اراکین کو اغوا، ہراساں اور خریدنے کا سلسلہ ترک نہ کیا گیا تو پھر حکومت یاد رکھے کہ ہم بہت سخت رویہ اختیار کریں گے، ہمارے خلوص، سنجیدگی اور نیک نیتی کا مذاق بنایا جارہا ہے۔ مولانا فضل الرحمان نے کہا کہ ہم نے آرٹیکل 63 اے کے تحت اپنے اراکین کو نوٹس جاری کردیے جس میں انہیں پابند کیا گیا ہے کہ وہ پارٹی پالیسی پر عمل کریں۔مولانا فضل الرحمان نے کہا کہ حکومت جو حرکتیں کررہی ہے اُس پر ہم اپنا ردعمل دیں گے، اگر متنازع ترمیم کو گردنیں توڑ یا ہاتھ موڑ کر منظور کروایا گیا تو پھر ہم کہیں گے کہ اس نامزد پارلیمنٹ کو اتنی بڑی آئین و قانون سازی کی ضرورت نہیں اور پھر ہم کسی قسم کی پارلیمانی کارروائی کا حصہ نہیں بنیں گے۔اس موقع پر چیئرمین پی ٹی آئی بیرسٹر گوہر نے کہا کہ ہم بڑے دل کے ساتھ مولانا صاحب کے ساتھ گفتگو میں شریک ہوئے اور پہلے ہی دن طے کیا تھا کہ آپ کے ساتھ ملکر آگے بڑھیں، خصوصی کمیٹی میں پہلے دن سے ہم نوٹس میں لے کر آئے کہ ہمارے اراکین اسمبلی کو اغوا اور فیملی کو ہراساں کیا جارہا ہے، اس کے باوجود بھی ہم نے ہر اجلاس میں شرکت کی تاکہ ڈرافٹ ہمارے سامنے پیش کیا جائے۔ان کا کہنا تھا کہ حکومتی رویے پر ہمیں شدید تحفظات ہیں، ہمارے اور مولانا کے درمیان کئی چیزوں پر اتفاق ہوگیا ہے، اگر حکومتی رویہ یہی رہا تو پھر ہم آگے نہیں بڑھ سکیں گے۔اس سے قبل 26 ویں آئینی ترمیم پر پیشرفت کا جائزہ لینے کیلئے سربراہ جے یو آئی (ف) مولانا فضل الرحمان کی زیرصدارت جے یو آئی کی پارلیمانی پارٹی کا اجلاس بھی ہوا۔

حکومت مذاکرات کے ساتھ بدمعاشی کررہی ہے، مولانا کی مذاکرات کا عمل روکنے کی دھمکی

ہمارے ایک رکن کو اغوا کرلیا گیا دیگر کو کو خریدنے کی کوشش ہورہی ہے، سلسلہ جاری رہا تو مذاکرات ختم کردیں گے

آئی سی سی ویمنز ٹی 20 ورلڈ کپ کے پہلے سیمی فائنل میں جنوبی افریقا ویمنز نے آسٹریلیا کو 8 وکٹوں سے ہرا کر فائنل کیلئے کوالیفائی کرلیا۔دبئی میں کھیلے جانے والے پہلے سیمی فائنل کا ٹاس جنوبی افریقا نے جیتا اور پہلے فیلڈنگ کرنے کا فیصلہ کیا،آسٹریلیا کی ٹیم مقررہ اوورز میں 5 وکٹوں کے نقصان پر 134 رنز بناسکی۔ جواب میں جنوبی افریقا نے مطلوبہ ہدف 2 وکٹوں کے نقصان پر 14 گیندوں قبل حاصل کرلیا،اینیک بوش نے 74 رنز کی ناقابل شکست اننگز کھیلی جبکہ کپتان لورا وولوارڈٹ 42 رنز کیساتھ نمایاں رہیں۔آئی سی سی ویمنز ٹی ٹونٹی ورلڈ کپ کا دوسرا سیمی فائنل (کل) جمعہ کو نیوزی لینڈ اور ویسٹ انڈیز کے درمیان کھیلا جائے گا۔جبکہ فائنل 20اکتوبر کو دبئی میں شیڈول ہے۔

ویمنز ٹی ٹوئنٹی ورلڈ کپ،پہلے سیمی فائنل میں جنوبی افریقا نے آسٹریلیا کو ہرا دیا

آسٹریلیا نے 134 رنز بنائے ، جنوبی افریقا نے مطلوبہ ہدف 14 گیندوں قبل 2 وکٹوں کے نقصان پر حاصل کرلیا

اسرائیل نے حماس کے سربراہ اسماعیل ہنیہ کی شہادت کے بعد ان کے جانشین یحییٰ سنوار کو بھی ایک حملے میں شہید کردیا۔اسرائیلی حکام کی جانب سے دعویٰ کیا گیا ہے کہ غزہ میں کیے گئے اسرائیلی حملے میں حماس کے سربراہ یحییٰ سنوار ماردیے گئے ہیں۔بین الاقوامی میڈیارپورٹس کے مطابق اسرائیلی میڈیا پر اسرائیلی حکام سے متعلق یحییٰ سنوار کی شہادت کی خبریں نشر کی جارہی ہیں، اسرائیل کے سرکاری ریڈیو سے بھی دعویٰ کیا جارہا ہے کہ حماس کے سربراہ یحییٰ سنوار اسرائیلی کارروائی میں شہید ہوچکے ہیں۔غیر ملکی خبررساں ایجنسی کے مطابق اسرائیلی فوج کے بیان میں کہا گیا کہ وہ اس امکان کی جانچ کر رہی ہے کہ اس نے غزہ کی پٹی میں ایک کارروائی کے بعد حماس کے رہنما یحییٰ سنوار کو ہلاک کر دیا ہے۔ اسرائیل کے سینیئر فوجی حکام نے بتایا کہ اس بات کی جانچ کر رہے ہیں کہ آیا حال ہی میں غزہ کے علاقے جبالیہ میں ایک عمارت پر بمباری میں ہلاک ہونے والے 3 کمانڈرز میں سے ایک یحییٰ السنوار ہوسکتے ہیں، اس مرحلے پر تینوں افراد کی شناخت کی تصدیق نہیں کی جاسکتی۔اسرائیلی فوج کے بیان میں یہ بھی کہا گیا کہ جس عمارت میں تین افراد کو نشانہ بنایا گیا اس میں یرغمالیوں کے موجود ہونے کے کوئی آثار نہیں ملے ہیں۔خبررساں ایجنسی کے مطابق حماس کی جانب سے اس حوالے سے فوری طور پر کوئی بیان نہیں دیا گیا، یحییٰ سنوار کو ایرانی دارالحکومت تہران میں حماس کے سربراہ اسماعیل ہنیہ کی شہادت کے بعد حماس کا سربراہ بنایا گیا تھا۔ یاد رہے کہ حماس کے سربراہ اسماعیل ہنیہ اسرائیل کی جانب سے کیے گئے ایک حملے میں 31 جولائی کو تہران میں شہید ہوگئے تھے۔ یحییٰ سنوار کو ایرانی دارالحکومت تہران میں حماس کے سربراہ اسماعیل ہنیہ کی شہادت کے بعد حماس کا سربراہ بنایا گیا تھا۔

اسرائیلی فوج کا حماس کےنئے سربراہ یحییٰ سنوار کوبھی شہید کرنے کا دعویٰ

ایک عمارت پر بمباری میں 3 کمانڈرز ہلاک ہوئے جن میں سے ایک یحییٰ سنوار ہوسکتے ہیں، اسرائیلی فوج

حکومت پنجاب نے صوبہ بھر میں دفعہ 144 نافذ کر دی۔محکمہ داخلہ پنجاب نے صوبہ بھر میں دفعہ 144 کے نفاذ کا نوٹیفکیشن جاری کردیا۔نوٹیفکیشن کے مطابق دفعہ 144 کا اطلاق جمعہ 18 اکتوبر سے ہفتہ 19 اکتوبر تک ہو گا، اس دوران پنجاب بھر میں ہر قسم کے احتجاج، جلوس اور ایسی تمام سرگرمیوں پر پابندی ہوگی۔ترجمان محکمہ داخلہ پنجاب نے کہا ہے کہ دفعہ 144 کے نفاذ کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا ہے، سکیورٹی خطرات کے پیش نظر کوئی بھی عوامی جلوس دہشت گردوں کیلئے سافٹ ٹارگٹ ہو سکتا ہے۔دوسری جانب پنجاب حکومت نے کل صوبے کے تمام تعلیمی ادارے بند رکھنے کا اعلان کر دیا۔تعلیمی اداروں میں چھٹی کا فیصلہ قانون نافذ کرنے والے اداروں کی سفارش پر کیا گیا، چھٹی کا فیصلہ امن و امان کی صورتحال کے پیش نظر کیا گیا۔پنجاب بھر کے تعلیمی اداروں میں طلباء و طالبات کی حفاظت حکومت کی اولین ترجیح ہے، دفعہ 144 کے تناظر میں احتجاج اور ہنگامے سے طلبہ کا مستقبل داؤ پر لگنے کا اندیشہ ہے،محکمہ داخلہ کی سفارش پر محکمہ سکول ایجوکیشن اور محکمہ ہائر ایجوکیشن نے نوٹیفیکیشن جاری کر دیے۔چھٹی کا اطلاق تمام سرکاری اور نجی اسکولز اور کالجز پر ہو گا، صوبہ بھر کی یونیورسٹیز بھی کل بند رہیں گی۔علاوہ ازیں لاہور بورڈ کے تحت انٹرمیڈیٹ پارٹ ٹو کے دوسرے سالانہ امتحان کے جمعہ کو ہونے والے تمام پیپرز بھی ملتوی کردیئے گئے ہیں۔کنٹرولر امتحانات کے مطابق جمعہ کے روز فزکس، ہوم اکنامکس، جغرافیہ، ایگریکلچر اور نرسنگ کا پیپر لیا جانا تھا، مذکورہ پیپروں کی نئی تاریخ کا اعلان بعد میں کیا جائے گا۔

پنجاب حکومت کا کل صوبے بھر کے سرکاری اور نجی تعلیمی ادارے بند رکھنے کا اعلان

پنجاب حکومت نے سیکورٹی خدشات کے پیشِ نظر صوبے بھر میں 2 دن کیلئے دفعہ 144 نافذ کر دی

وزیراعلیٰ خیبر پختونخوا نے کہا ہے کہ کل بانی پی ٹی آئی عمران خان اور گرفتار کارکنان کی رہائی کیلئے بھرپور احتجاج کریں گے۔پی ٹی آئی کارکنان کے نام اپنے ایک ویڈیو پیغام میں وزیراعلیٰ خیبرپختونخوا علی امین گنڈاپور کا کہنا تھا کہ کل نماز جمعہ کے بعد ہر شہر میں بھرپور طریقے سے نکلنا ہے، ملک بھر میں پر امن احتجاج کرنا ہے، بانی پی ٹی آئی، ورکروں اور لیڈروں کی رہائی کےلیے احتجاج کرناہے۔انہوں نے کہا کہ بانی پی ٹی آئی عمران خان سے ملاقات نہیں کرائی جارہی، عمران خان سے ملاقات نہ کرانے کے خلاف بھی احتجاج کریں، آپ لوگوں نے نکل کر پر امن احتجاج کرنا ہے، ایک غیر آئینی ترامیم کی جارہی ہے اس کے خلاف بھی آواز اٹھانی ہے، آج آواز نہ اٹھائی تو ہماری نسلیں اس بھی ان حالات سے گزریں گی۔علی امین گنڈا پور کا کہنا تھا کہ جو اس وقت فیصلے کررہے ہیں ان کو پیغام دیتا ہوں ایسے فصیلے نہ کریں جو اس ملک و قوم کے مفاد میں نہیں، آپ ان فیصلوں کے جوابدہ ہیں، آپ کو جواب دینا پڑےگا، ان فیصلوں سے ملک و قوم کے جو نقصانات ہو رہے ہیں اس کی ذمہ آپ پر عائد ہوگی۔وزیراعلیٰ خیبرپختونخوا نے مزید کہا کہ حق اور سچ، حقیقی آزادی کیساتھ آئین کےتحفظ کےلیےکھڑے تھے کھڑے ہیں اور رہیں گے، بھرپور طریقے سے ملک کے ہر شہر میں پر امن احتجاج کی اپیل کررہا ہوں، دنیا کو پیغام دینا ہے کہ زندہ اور آزاد قوم ہیں اپنے حق کےلیے کھڑے ہیں۔

عمران خان اور گرفتار کارکنان کی رہائی کیلئے کل بھرپور احتجاج کرینگے، وزیراعلیٰ خیبر پختونخوا

آج آواز نہ اٹھائی تو ہماری نسلیں اس بھی ان حالات سے گزریں گی،علی امین گنڈاپورکاویڈیوپیغام

قومی کرکٹ ٹیم کی سلیکشن میں کپتان اور ہیڈ کوچ کے اختیار کو ختم کردیا گیا، پی سی بی نے سلیکشن کمیٹی سے کپتان، کوچ اور نان ووٹنگ ممبرز کو نکال دیا۔میڈیارپورٹس کے مطابق پاکستان کرکٹ بورڈ (پی سی بی)نے سلیکشن کمیٹی ایک بار پھر تبدیل کردی، سلیکشن کمیٹی کی تعداد 7 سے کم کرکے صرف 5 ارکان تک محدود کردی گئی۔بورڈ نے گزشتہ ہفتے 7 سلیکٹرز کے ساتھ کمیٹی میں 4 نان ووٹنگ اراکین کو بھی شامل کیا تھا تاہم اب پی سی بی نے ویب سائٹ پر سلیکشن کمیٹی کے اراکین کی تعداد کو اپ ڈیٹ کردیا ہے۔پاکستان کرکٹ بورڈ کے مطابق سلیکشن کمیٹی میں صرف 5 اراکین شامل ہیں جس میں کپتان اور ہیڈ کوچ شامل نہیں۔بورڈ کا بتانا ہے کہ سلیکشن کمیٹی کے 5 اراکین میں عاقب جاوید، علیم ڈار، اسد شفیق، اظہر علی اور حسن چیمہ شامل ہیں جب کہ پی سی بی نے نان ووٹنگ اراکین بھی ختم کردیئے ہیں۔میڈیارپورٹس کے مطابق پلیئنگ الیون میں بھی سلیکٹرز کا کردار بڑھا دیا گیا ہےکپتان اور کوچ سے صرف مشاورت کی جائے گی لیکن حتمی فیصلہ سلیکٹرز کا ہی ہوگا، سلیکٹرز ہی پلیئنگ الیون کو کوچ اور کپتان کی مشاورت سے حتمی شکل دیں گے۔

قومی کرکٹ ٹیم کی سلیکشن میں ہیڈکوچ اور کپتان کا اختیار ختم کر دیا گیا

پندرہ رکنی اسکواڈ اور پلیئنگ الیون کے فیصلے صرف پانچ رکنی سلیکشن کمیٹی کرے گی

دوسرے ٹیسٹ کے تیسرے روز کے اختتام پر انگلینڈ نے 297 رنز کے ہدف کے تعاقب میں 2 وکٹوں کے نقصان پر 36 رنز بنا لیےاور اسے ٹیسٹ جیتنے کے لیے 261 جب کہ پاکستان کو 8 وکٹیں درکار ہیں۔تفصیلات کے مطابق پاکستان اور انگلینڈ کے درمیان ٹیسٹ سیریز کے دوسرے میچ کے تیسرے دن کا کھیل ختم ہوگیا جس میں پاکستان کے دوسری اننگز کے اختتام پر 297 رنز کے ہدف کے جواب میں مہمان ٹیم کا آغاز کچھ اچھا نہیں رہا۔ دن کے اختتام پر انگلینڈ کا مجموعی اسکور 36 رنز ہے جبکہ اس کے 2 بیٹسمین پویلین لوٹ چکے ہیں۔قبل ازیں پاکستان کی پوری ٹیم 221 رنز پر آؤٹ ہوگئی، انگلینڈ کو ٹیسٹ میچ جیتنے کے لیے 297 رنز درکار ہیں۔ٹیسٹ میچ کے تیسرے روز انگلینڈ نے 297 رنز کے ہدف کے تعاقب میں اپنی دوسری اننگز کا آغاز کیا تو اس کی پہلی وکٹ ایک رنز پر گرگئی، بین ڈکٹ صفر پر ساجد علی کی گیند پر کیچ آؤٹ ہوئے۔پاکستان کے خلاف انگلینڈ کی دوسری وکٹ 11 رنز پر گری جب زک کراولی 3 رنز بناکر آوٹ ہوئے۔تیسرے روز کے کھیل کے اختتام تک انگلینڈ نے 2 وکٹ کے نقصان پر 36 رنز بنالیے ہیں اور اسے ٹیسٹ جیتنے کے لیے 261 جب کہ پاکستان کو 8 وکٹیں درکار ہیں۔انگلینڈ کے اولی پاپ 21 اور جو روٹ 12 رنز کے ساتھ  وکٹ پر موجود ہیں۔واضح رہے کہ تین میچز کی سیریز میں انگلینڈ کو 1-0 کی برتری حاصل ہے دونوں ٹیموں کے درمیان تیسرا ون ڈے راولپنڈی میں کھیلا جائے گا۔

دوسرےٹیسٹ کاتیسراروز،انگلینڈ کوجیت کیلئے261رنز جبکہ پاکستان کو8وکٹیں درکار

تیسرے روز کےکھیل کے اختتام پر انگلینڈ نے دوسری اننگز میں 2 وکٹ پر 36 رنز بنالیے ہیں

حسینہ واجد کی مشکلات میں اضافہ، بنگلہ دیش میں پرتشدد مظاہروں کے دوران ہلاکتوں کے معاملے پر سابق وزیرِاعظم شیخ حسینہ واجد کے وارنٹ گرفتاری جاری کر دیے گئے۔میڈیا رپورٹس کے مطابق بنگلہ دیش کے انٹرنیشنل کرائمز ٹربیونل نے سابق وزیراعظم حسینہ واجد سمیت عوامی لیگ کے 45 رہنماوٗں کے وارنٹ گرفتاری جاری کر دیے، حسینہ واجد پر الزام عائد کیا گیا ہے کہ انہوں نے اگست میں عوامی مظاہرین پر تشدد اور غیر انسانی سلوک کرنے کے احکامات جاری کیے تھے۔ بنگلہ دیش کےمقامی اخبار کے مطابق بنگلہ دیش کے انٹرنیشنل کرائمز ٹریبونل کے چیف پراسیکیوٹر محمد تاج الاسلام نےصحافیوں کو بتایا ہے کہ عدالت نے سابق وزیر اعظم شیخ حسینہ کو گرفتار کر کے انہیں 18 نومبر کو عدالت میں پیش کرنے کا حکم دیا ہے۔واضح رہے کہ بنگلہ دیش کی سابق وزیر اعظم حالیہ اگست میں طلباء تحریک کے نتیجے میں ہونے والے پر تشدد عوامی مظاہروں کے بعد اقتدار سے الگ ہو کر بھارت فرار ہو گئی تھیں، جس کے بعد بنگلہ دیش میں ڈٓاکٹر محمد یونس کی قیادت میں عبوری حکومت کا قیام عمل میں لایا گیا تھا۔عبوری کی حکومت کی جانب سے بھارت سے بار بار مانگ کی جا رہی تھی کہ وہ حسینہ واجد کو واپس بنگلہ دیش کے حوالے کرے، تاہم آج بنگلہ دیش کے ایک ٹربیونل نے ان کی گرفتاری کے احکامات جاری کیے ہیں۔

سابق بنگلا دیشی وزیراعظم شیخ حسینہ واجد کے وارنٹ جاری گرفتار کرنے کا حکم

حسینہ واجدطلبہ کے پر تشدد عوامی مظاہروں کے بعد اقتدار سے الگ ہو کر بھارت فرار ہو گئی تھیں

چیئرمین تحریک انصاف (پی ٹی آئی) بیرسٹر گوہر علی خان نے دعویٰ کیا کہ حکومتی بینچز سے کم از کم 7ممبران ترمیم کے حق میں ووٹ نہیں دیں گے، فی الحال تو 7 لوگ ہیں جن کا علم ہوا ہے لیکن زیادہ بھی ہوسکتے ہیں۔پارلیمانی کمیٹی کے اجلاس میں شرکت کے بعد میڈیا سے گفتگو کرتے ہوئے بیرسٹر گوہر نے کہا کہ حکومت کے ووٹ صرف ان کی کتابوں میں پورے ہیں۔ ہم سے تو انہوں نے اپنا مسودہ شیئر بھی نہیں کیا۔انہوں نے کہاآج آئینی عدالت کے بجائے آئینی بینچ کی بات کی گئی، فضل الرحمان سے ملاقات کے بعد صورتحال سامنے آئے گی۔چیئرمین پی ٹی آئی نے دعویٰ کرتے ہوئے کہا کہ حکومت کے 7 ایم این ایز آئینی ترمیم پر ووٹ نہیں دیں گے تاہم ہم آئینی بینچ کے قیام کی حمایت اور آئینی عدالت کی مخالفت کریں گے۔ان کا کہنا تھا کہ زندگی میں ایسی جمہوریت نہیں دیکھی جس میں اس قسم کی قانون سازی کریں، سی قسم کی قانون سازی کرنی ہے تو کل کوکوئی بھی اقلیت حکومت بنا سکتی ہے، یہی طریقہ کار رکھنا ہے تو یہ ان کو مبارک ہو۔چیئرمین پی ٹی آئی نے بتایا کہ مولانا فضل الرحمان سے آج ہماری ملاقات ہوگی، امید ہے مولانا فضل الرحمان عدلیہ پر کوئی سمجھوتہ نہیں کریں گے۔انھوں نے مزید کہا کہ عدلیہ میں کوئی ریفارمز کرنی ہیں تو ہم ساتھ ہیں لیکن محکوم نہ کریں، عدلیہ کو ماتحت نہ کرو عدلیہ کے ججز کو ان کی مرضی کے بغیر ٹرانسفر نہ کرو۔ڈرافٹ کے حوالے سے تحریک انصاف کے چیئرمین کا کہنا تھا کہ ہمارے پاس ڈرافٹ موجود ہے، ڈرافٹ اس وقت دیں گے جب ہماری بانی پی ٹی آئی سے ملاقات ہوگی۔انھوں نے بتایا کہ احتجاج مؤخر کرنے کیلئےانکی آفر تھی چاہتے تھے اس پرخان صاحب سےملاقات کرلیں، ہم چاہتے ہیں شوکت خانم کے ڈاکٹرز ہی بانی پی ٹی آئی کا طبی معائنہ کریں،انشااللہ کل پی ٹی آئی کا احتجاج ہوگا۔

حکومت کے کم از کم 7 ارکان آئینی ترمیم پر حکومت کو ووٹ نہیں دیں گے، بیرسٹر گوہر

حکومت کے ووٹ صرف ان کی کتابوں میں پورے ہیں، ہم سے تو انہوں نے اپنا مسودہ شیئر بھی نہیں کیا

آئینی ترامیم کے حوالے سے اہم پیش رفت ہوگئی ۔تفصیلات کے مطابق  26 ویں آئینی ترمیم پر بڑا بریک تھرو ہوگیا، مسلم لیگ ن اور پیپلز پارٹی آئینی عدالتوں کے قیام سے پیچھے ہٹ گئیں۔چیئرمین کمیٹی خورشید شاہ کی زیر صدارت خصوصی پارلیمانی کمیٹی کا اجلاس ہوا جس میں 26 ویں آئینی ترمیم کے مسودے پر بات چیت کی گئی۔میڈیارپورٹس کے مطابق حکومتی اتحادی جماعتوں اور جے یو آئی میں آئینی عدالت کے قیام کی 26ویں آئینی ترمیم ڈراپ کرنے اور آئینی بینچ کی تشکیل پر اتفاق ہوگیا۔حکومت اور جے یو آئی نے مشترکہ مسودے پر پی ٹی آئی سے مشاورت کا فیصلہ کرلیا۔ مولانا فضل الرحمان حتمی مسودہ پی ٹی آئی قیادت کیساتھ شیئر کریں گے اور مسودے کی تیاری حتمی مرحلے میں داخل ہوگئی ہے۔پارلیمنٹ کی خصوصی کمیٹی کا اجلاس ختم ہوگیا جو کل نماز جمعہ کے بعد دوبارہ ہوگا۔رہنما ایم کیو ایم ڈاکٹر فاروق ستار نے پارلیمنٹ ہاؤس میں میڈیا سے گفتگو میں کہا کہ آئینی ترمیم سے متعلق اتفاق رائے کے قریب پہنچ گئے ہیں۔شیری رحمان نے کہا کہ پیپلز پارٹی اور جمعیت علمائے اسلام کا مسودے پر اتفاق ہوگیا ہے، آج پی ٹی آئی نے مسودہ نہیں لیا، وہ آج شام جمیعت علمائے اسلام کے ساتھ بیٹھے گی۔ وزیر قانون اعظم نذیر تارڑ نے کہا کہ آج بہت اچھی خبریں ملیں گی انتظار کریں۔عرفان صدیقی نے کہا کہ اتفاق رائے کے بہت قریب پہنچ گئے ہیں، بس اب ایک پھونک کی دیر ہے، جو کمیٹی مارے گی، آج کمیٹی میں بہت اچھی گفتگو ہوئی، اس مسودے پر مسلم لیگ ن سمیت تقریباً سب کا اتفاق ہوگیا ہے۔

اہم پیش رفت ،مسلم لیگ ن اور پیپلز پارٹی آئینی عدالتوں کے قیام سے پیچھے ہٹ گئیں

حکومت و جے یو آئی کا آئینی عدالت کے بجائے آئینی بینچ کی تشکیل پر اتفاق، فضل الرحمان مسودہ پی ٹی آئی سے شیئر کرینگے

بھارتی شیر اپنے ہی گھر میں ڈھیر ہو گئے اور بنگلورو میں نیوزی لینڈ کے خلاف ٹیسٹ میچ کی پہلی اننگ میں پوری ٹیم 46 رنز پر ہی آؤٹ ہو گئی۔تفصیلات کے مطابق نیوزی لینڈ اور بھارت کے درمیان تین ٹیسٹ میچز کی سیریز کا پہلا میچ بنگلورو میں کھیلا جارہا ہے جس کے دوسرے دن پوری بھارتی ٹیم صرف 46 رنز بناکر آؤٹ ہوگئی۔یہ ٹیسٹ کرکٹ میں بھارت کا تیسرا کم ترین اسکور ہے، اس کے علاوہ بھارتی کرکٹ ٹیم  کا یہ ہوم گراؤنڈ پر کم ترین اسکور ہے۔بنگلورو میں بھارت اور نیوزی لینڈ کے درمیان پہلا دن مکمل طور پر بارش کی نظر ہونے کے بعد آج دوسرے دن میزبان ٹیم نے ٹاس کر پہلے بیٹنگ کا فیصلہ کیا جو ٹیم انڈیا کے لیے بھیانک خواب ثابت ہوا۔بھارت کو اننگز کی ابتدا میں ہی نقصان اٹھانا پڑا اور کپتان روہت شرما صرف دو رنز بنا کر پویلین لوٹ گئے۔ابھی بھارتی ٹیم اس نقصان سے سنبھلی بھی نہ تھی کہ تربہ کار ویرات کوہلی بغیر کوئی رن بنائے پویلین لوٹ گئے جبکہ اگلے اوور میں میٹ ہنری نے سرفراز خان کو بھی کھاتا کھولنے سے قبل ہی چلتا کردیا۔اس مرحلے پر یشسوی جیسوال کا ساتھ دینے ریشابھ پنٹ آئے اور دونوں نے وکٹیں گرنے کے سلسلے کو تھوڑی دیر کے لیے روک دیا۔دونوں نے 10 اوورز سے زائد ساتھ وکٹ پر گزارے لیکن اس دوران دونوں اپنے جارحانہ مزاج کے برعکس اسکور میں صرف 21 رنز کا اضافہ ہی کر سکے۔31 کے مجموعی اسکور پر یشسوی جیسوال 13 رنز بنا کر او روک کو وکٹ دے بیٹھے جس کے ساتھ ہی وکٹیں گرنے کا ایسا سلسلہ شروع ہوا جو پھر تھم نہ سکا۔بھارت کی مشکلات میں اس وقت مزید اضافہ ہو گیا جب لوکیش راہل اور رویندرا جدیجا کے ساتھ ساتھ روی چندرن ایشون بھی بغیر کوئی رن بنائے چلتے بنے۔اس موقع پر میزبان ٹیم کی توقعات کا محور اننگز میں سب سے زیادہ 20 رنز بنانے والے ریشابھ پنٹ تھے لیکن انہوں نے بھی میٹ ہنری کی شاندار باؤلنگ کے سامنے ہتھیار ڈال دیے۔نیوزی لینڈ کو جسپریت بمراہ کے بعد کلدیپ یادو کو بھی آؤٹ کرنے میں زیادہ دیر نہ لگی اور پوری ٹیم 31.2 اوورز میں 46 رنز بنا کر آؤٹ ہو گئی۔ویرات کوہلی سمیت پانچ بلے باز صفر پر آؤٹ ہوئے جبکہ صرف دو بلے باز ڈبل فیگر میں داخل ہو سکے۔نیوزی لینڈ کی جانب سے میٹ ہنری اور او روک نے تباہ کن باؤلنگ کرتے ہوئے بالترتیب 5 اور 4 وکٹیں حاصل کیں جبکہ ایک وکٹ ٹم سادھی کے نام رہی۔ بھارت اور نیوزی لینڈ کے درمیان تین ٹیسٹ میچوں کی سیریز آئی سی سی ورلڈ ٹیسٹ چیمپئن شپ کا حصہ ہے۔خیال رہے بھارت اورنیوزی لینڈکے درمیان ہونے والی سیریز کے میچزاشتہارات کے بغیرایچ ڈی کوالٹی میں براہ راست ٹیپمیڈپردکھائے جارہے ہیں۔

بھارتی شیر گھر میں ہی ڈھیر، نیوزی لینڈ کیخلاف بھارت کی ٹیم 46 رنز پر آؤٹ

ویرات کوہلی سمیت 5 کھلاڑی صفر پر آؤٹ ہوئے، رشبھ پنت نے سب سے زیادہ 20 رنز اسکور کیے

کینیڈا کے وزیراعظم جسٹن ٹروڈو نے کہا ہے کہ بھارت نے کینیڈا کی خودمختاری میں جارحانہ انداز سے مداخلت کرنے کی کوشش کرکے ایک انتہائی خوفناک غلطی کی ہے۔الجزیزہ کی رپورٹ کے مطابق سکھ علیحدگی پسند رہنما کے قتل کی سازش میں مبینہ طور پر ملوث ہونے کے الزام میں 6 بھارتی سفارتکاروں کو ملک سے نکالنے کے بعد، ٹروڈو نے اپنے بیان میں کہا کہ بھارت کینیڈا میں بھارتی مخالفین کو نشانہ بنانے کی کوششیں کر رہا تھا۔ٹروڈو نے مزید کہا کہ ہم اپنے شہریوں کی حفاظت کے لیے اضافی اقدامات اٹھا سکتے ہیں، تاہم انہوں نے ان اقدامات کی تفصیلات فراہم کرنے سے گریز کیا۔واضح رہے کہ کینیڈا نے بھارتی ہائی کمشنر سنجے کمار ورما اور 5 سفارتی اہلکاروں کو ملک بدرکردیا تھا، غیر ملکی خبررساں ایجنسی کے مطابق بھارتی سفارت کاروں کو کینیڈا سے ملک بدر سکھ لیڈر ہردیپ سنگھ نجر کے قتل کیس کے سبب کیا گیا،اس سے قبل بھارت کی جانب سے سفارتی تنازع بڑھنے کے بعد کینیڈا سے اپنے ہائی کمشنر اور سفارتکاروں کو واپس بلانے کا فیصلہ سامنے آیا تھا،ان سفارتکاروں کو کینیڈا نے ہردیپ سنگھ نجر کے قتل کی تحقیقات میں شامل کیا تھا۔ واضح رہے کہ دونوں ملکوں کے درمیان کشیدگی کا آغاز گزشتہ برس کینیڈا میں سکھ رہنما ہردیپ سنگھ نجر کے قتل کے بعد ہوا تھا، کینیڈین وزیراعظم نے ہردیپ سنگھ نجر کے قتل کا الزام بھارتی حکومت پر عائد کیا تھا جس کے بعد بھارت نے 41 کینیڈین سفارتی حکام کو ملک چھوڑنے کا حکم دے دیا تھا۔

کینیڈین خودمختاری میں مداخلت کی کوشش بھارت کی خوفناک غلطی ہے،جسٹن ٹروڈو

ہماری سرزمین پر بہت سے معاملات کے پیچھے بھارتی حکومت ملوث ہے، کینیڈین وزیراعظم

پاکستان شوبز انڈسٹری کی خوبرو اداکارہ طوبیٰ انوار کی سیاہ ساڑھی میں دلکش ادائیں مرکز نگاہ بن گئیں۔تفصیلات کے مطابق پاکستان ڈرامہ انڈسٹری کی معروف اداکارہ اور سابق رکن قومی اسمبلی مرحوم عامر لیاقت کی سابقہ اہلیہ طوبیٰ انور کی نئی پوسٹ دیکھ کر ان کے مداحوں سمیت سوشل میڈیا صارفین تعریف کئے بنا نہ رہ سکے۔ڈراموں میں اپنی منفرد اداکاری کے ذریعے مقبولیت حاصل کرنے والی معروف اداکارہ طوبیٰ انور نےفوٹو اینڈ ویڈیو شیئرنگ ایپ انسٹا گرام پر بلیک ساڑھی میں بنایا فوٹو شوٹ سامنے آیا ہےجس میں وہ اور بھی دلکش نظر آرہی ہیں۔طوبیٰ انوار کا یہ شوٹ فوٹوگرافر رضوان حق نے کیا جبکہ دیدہ زیب ساڑھی امشا بائے عظمیٰ بابر کا شاہکار ہے، اداکارہ کی لُک کو بہتر بنانے میں میک اپ آرٹسٹ استیل بھٹی نے اپنی صلاحیتوں کا استعمال کیا اور اسٹائلنگ سے اداکارہ کو مزید دلکش دکھانے کا خاص اہتمام کیا۔کیپشن میں اداکارہ نے بلیک ہارٹ ایموجی کے ساتھ اسپارکل ایموجی کا اضافہ کیا اور لُک کی تفصیل کیساتھ کیپشن کے اختتام میں ہیش ٹیگ ’طوبیٰ انوار‘ شامل کیا۔طوبیٰ انوار کے مداح بھی ان کی یہ ادائیں دیکھ کر تعریف کیے بنا نہیں رہ پا رہے۔انسٹاگرام میں مداحوں نے ان پر تعریفوں کے پل باندھ دیئے، ایک صارف نے ان کا یہ فوٹو شوٹ دیکھ کر کہا کہ آج سے ان کا کرش اپڈیٹ ہو گیا ہے جبکہ ایک صارف نے کہا کہ طوبیٰ بے بی باجی کی تمام بہوؤں میں سب سے پیاری ہے۔

معروف اداکارہ طوبیٰ انور کی نئی پوسٹ نے سوشل میڈیا پر دھوم مچا دی

طوبیٰ انور کی بلیک ساڑھی میں نئی تصاویر سوشل میڈیا پر وائرل، مداحوں کی تعریفیں

پاکستان کے خلاف دوسرے ٹیسٹ میچ میں ساجد خان کی تباہ کن باؤلنگ کے سبب انگلینڈ کی ٹیم اپنی پہلی اننگز میں 291 رنز بنا کر آؤٹ ہو گئی اور پاکستان نے پہلی اننگز میں 75 رنز کی بڑی برتری حاصل کر لی ہے۔تفصیلات کے مطابق پاکستان اور انگلینڈ کے درمیان ملتان میں جاری دوسرے ٹیسٹ میچ میں پاکستانی اسپنرز انگلینڈ پر قہر بن کر ایسا ٹوٹے کہ پوری انگلش ٹیم 291 رنز پر ڈھیر ہوگئی اور پاکستان کو 75 رنز کی قیمتی برتری حاصل ہوگئی ۔ تیسرے دن پہلے سیشن میں انگلینڈ نے اپنی پہلی نامکمل اننگز کا آغاز 239 رنز 6 کھلاڑی آؤٹ سے کیا لیکن 248 رنز پر ساجد خان نے برینڈن کیرس کو 4 رنز پر پویلین لوٹا دیا اور اننگز میں اپنا پانچواں شکار کیا جبکہ اگلے آنے والے کھلاڑی میتھیو پوٹس کو بھی ساجد خان نے بولڈ کیا، انہوں نے 6 رنز اسکور کیے۔جیمی اسمتھ 21 رنز  بنا کر آؤٹ ہوئے جبکہ جیک لیچ 25 رنز بنا کر ناٹ آؤٹ رہے۔ پاکستان کی جانب سے ساجد خان نے 7 کھلاڑیوں کو آؤٹ کیا جبکہ 3 وکٹیں نعمان علی کے حصے میں آئیں۔دوسری جانب انگلینڈ خلاف پاکستان نے دوسری اننگز کھانے کے وقفےکے بعد تک 4 وکٹوں کے نقصان پر90 رنز بنالیے، میزبان ٹیم کو 165 رنز کی برتری حاصل ہے۔

ملتان ٹیسٹ،انگلینڈ پہلی اننگز میں 291 رنز پرڈھیر، پاکستان کو 75 رنز کی برتری

پاکستان کی جانب سے اسپنر ساجد خان نے 7 اور نعمان علی نے 3 وکٹیں حاصل کیں

پاکستان تحریک انصاف کے رہنما زین قریشی کی اہلیہ گھر پہنچ گئیں۔نجی ٹی وی کےمطابق پی ٹی آئی رہنما زین قریشی کی اہلیہ ماہنم کبیر نے کہا ہے کہ وہ الحمدللّٰہ بحفاظت گھر پہنچ گئی ہیںاپنے بیان میں ماہنم کبیر نے دعاؤں کیلئے شکریہ بھی ادا کیا۔ پی ٹی آئی کی رہنما مہربانو قریشی نے بھی بھابھی کی بحفاظت واپسی کی تصدیق کرتے ہوئے ان کی ایک تصویر شیئر کی۔ انہوں نے ساتھ میں یہ بھی کہا کہ ’دعاؤں اور تعاون‘ کا بہت شکریہ۔واضح رہے اس سے قبل رہنما تحریک انصاف مہربانو قریشی نے کہا تھا کہ ان کی بھابھی کو نقاب پوش افراد نے اغوا کرلیا ہے۔مہربانو قریشی نے کہا تھا کہ ان کی بھابھی کو نقاب پوش افراد نے اغوا کر لیا تھا۔ انہوں نے وضاحت کی کہ زین قریشی کی اہلیہ کو گھر کے قریب سے اٹھایا گیا، جہاں دو کاروں نے بھابھی کی گاڑی کو روکا اور زبردستی انہیں باہر نکالا۔ سادہ کپڑوں میں ملبوس نقاب پوش افراد نے انہیں اغوا کر لیا۔مہربانو قریشی نے سوشل میڈیا پر اپنے بیان میں یہ بھی لکھا کہ انہیں ڈیڑھ سال سے جاری ہر طرح کی دھمکیوں کے باوجود توڑا نہیں جا سکا، جس کے بعد اب اوچھے ہتھکنڈوں کا سہارا لیا جا رہا ہے۔

پاکستان تحریک انصاف کے رہنما زین قریشی کی لاپتا اہلیہ بحفاظت گھر پہنچ گئیں

مہربانو قریشی نے بھی بھابھی کی بحفاظت واپسی کی تصدیق کرتے ہوئے ان کی ایک تصویر شیئر کی

پیپلزپارٹی، جے یوآئی اور مسلم لیگ (ن) کے درمیان عدالتی اصلاحات کی حد تک اتفاق ہوگیا۔ مولانا فضل الرحمان نے کہا کہ ابتدائی مسودے کوکل بھی مسترد کیا، آئندہ بھی کریں گے۔میڈیارپورٹس کے مطابق  26ویں آئینی ترمیم کے حوالے سے مسلم لیگ ن، پیپلزپارٹی اور جے یو آئی کے درمیان عدالتی اصلاحات کے معاملے پر اتفاق رائے ہوگیا ہے جبکہ باقی معاملات پر سیاسی جماعتوں نے بات جاری رکھنے کا فیصلہ کیا ہے۔ 26 ویں آئینی ترامیم پر سیاسی جماعتوں کے درمیان مشاورت کا عمل رات گئے تک جاری رہا، آئینی ترمیم پر اتفاق رائے کے حوالے سے جاتی امرا میں مسلم لیگ ن کے صدر نواز شریف کی میزبانی میں سیاسی جماعتوں کے قائدین کی اہم بیٹھک ہوئی، جس میں مولانا فضل الرحمان، وزیراعظم شہباز شریف اور صدر زرداری شریک ہوئے۔مولانا فضل الرحمان جے یو آئی، صدر آصف علی زرداری اور بلاول بھٹو زرداری پیپلزپارٹی کے وفد کے ہمراہ جاتی امرا پہنچے۔لاہور میں آئینی ترمیم پر ملک کی سینئر ترین قیادت کی مشاورت کے بعد مولانا فضل الرحمان، بلاول بھٹو زرداری اور نائب وزیراعظم اسحاق ڈار نے مشترکہ پریس کانفرنس کی۔جاتی امرا میں عشائیے کے بعد جمعیت علما اسلام کے سربراہ، پی پی چیئرمین اور نائب وزیر اعظم نے مشترکہ پریس کانفرنس کی۔ مولانا فضل الرحمان نے کہا کہ آج ہم نے آئینی ترمیم کے حوالے سے تبادلہ خیال کیا جس میں ہم تین جماعتوں کے درمیان عدالتی اصلاحات کے معاملے پر اتفاق رائے ہوگیا ہے۔انہوں نے بتایا کہ باقی معاملات میں ابھی اتفاق نہیں ہوا جس پر بات جاری ہے جبکہ مولانا فضل الرحمان نے اعلان کیا کہ وہ اسلام آباد جاکر تحریک انصاف کی قیادت سے ملاقات کریں گے اور انہیں قائل کرنے کی بھی کوشش کریں گے۔مولانا فضل الرحمان نے کہا کہ دیگر نکات پر اتفاق رائے کی کوشش کررہے ہیں جس پر بات چیت جاری ہے۔ پی ٹی آئی سے بھی عدالتی اصلاحات کے معاملے پر اتفاق رائے کی کوشش کروں گا۔سربراہ جے یو آئی کا کہنا تھا کہ آئین کی بالادستی اور مضبوطی کیلئے ابتدائی مسودہ مسترد کیا تھا، آئینی ترامیم پر پہلا مسودہ نہ کل قابل قبول تھا نہ آج قابل قبول ہے۔انہوں نے کہا کہ حکومت نے اگر ہمارے مسودے سے اتفاق کیا تو بسم اللہ ورنہ ہم اُن کے مجوزہ مسودے کو پہلے بھی مسترد کرتے ہیں اور اب بھی مسترد کریں گے۔ فضل الرحمان کا کہنا تھا کہ آئینی مسودے پر مشاورت جاری ہے جس پر گفتگو سے اتفاق رائے کی طرف بڑھ رہے ہیں اور اس سفر کو اتفاق رائے تک پہنچائیں گے۔فضل الرحمان نے کہا کہ فیصلہ کیا گیا ہے کہ آئینی ترمیم میں پارلیمنٹ کو بالا تر رکھا جائے، ہم نے ملکی صورتحال کو سنجیدگی سے لیا تو آئین بھی بچے گا۔مولانا فضل الرحمان کا کہنا تھا کہ آج اسلام آباد پہنچ کر پی ٹی آئی قیادت سے ملاقات کروں گا اور پی ٹی آئی قیادت کی رائے آئینی ترمیم میں شامل کریں گے۔پیپلزپارٹی کے چیئرمین بلاول بھٹو زرداری نے کہا کہ مولانا فضل الرحمان کے شکرگزارہیں، پی پی اور جے یو آئی کے درمیان اتفاق ہوا تھا، آج تین جماعتوں پر اتفاق ہوا، آئینی عدالتوں کے ذریعے آئین کی بالادستی، فوری انصاف چاہتے ہیں۔بلاول بھٹو نے کہا کہ اصلاحات کے بعدعوام کو نظر آئے گا کہ آئین کے دفاع کے لیے کیا کرتے ہیں، مناسب وقت پر مجوزہ ترمیم کو دونوں ایوانوں سے پاس کرائیں گے۔نائب وزیراعظم اسحاق ڈار نے کہا کہ عدلیہ سے متعلق آئینی ترمیم پر تین پارٹیوں کا اتفاق رائے ہوچکا ہے، دیگر مجوزہ ترامیم سے متعلق آئندہ دنوں میں اتفاق ہوجائے گا۔

جاتی امرا میں بیٹھک،عدالتی اصلاحات کی حدتک اتفاق رائےحاصل کرلیا ہے، فضل الرحمان

پی ٹی آئی قیادت سے ملاقات کروں گا اور پی ٹی آئی قیادت کی رائے آئینی ترمیم میں شامل کریں گے، سربراہ جے یوآئی

چیمپئنز ٹرافی میں بھارت کی شمولیت پر ای سی بی چیف رچرڈ تھومسن کا موقف سامنے آگیا۔انگلینڈ کرکٹ بورڈ کے سربراہ رچرڈ تھومسن کا کہنا ہے کہ بھارت کے بغیر چیمپئنز ٹرافی ممکن نہیں، بھارت کے پاکستان نہ آنے پر متبادل وینیو موجود ہیں مگر بھارت کے بغیر ایونٹ ممکن نہیں۔رچرڈ تھومسن نے کہا کہ براڈکاسٹ حقوق کو محفوظ رکھنا ضروری ہے، تاحال ایونٹ میں چند ماہ باقی ہیں، امید ہے پاکستان اور بھارت اس کا کوئی حل نکال لیں گے۔رچرڈ تھامپسن کاکہناتھا کہ بھارت کے پاکستان نہ آنے کی صورت میں متبادل آپشن پر غور ہو رہا ہے، ہائبرڈ ماڈل کے امکانات زیادہ ہیں۔سی ای او رچرڈ گولڈ کے ہمراہ ملتان میں برطانیوی صحافیوں سے گفتگو کرتے ہوئے انہوں نے کہا کہ بھارت کے بغیر آئی سی سی چیمپئنز ٹرافی آپشن نہیں ہے۔اس موقع پر رچرڈ گولڈ کا کہنا تھا کہ پاکستان اور بھارت کے نہ کھیلنے سے براڈ کاسٹنگ رائٹس پر بہت منفی اثر پڑے گا اور ہمیں اس کا تحفظ کرنا ہے۔سی ای او انگلش کرکٹ بورڈ نے کہا کہ ابھی چیمپئنز ٹرافی میں وقت ہے، فیصلے کرنے میں وقت لگتا ہے۔رچرڈ تھامپسن نے کہا کہ اگر ایسے حالات آتے ہیں تو بہت سے آپشن دستیاب ہیں۔انکا یہ بھی کہنا تھا کہ یہ معاملہ بھارت اور پاکستان کے درمیان ہے اور مجھے امید ہے کہ وہ کوئی راستہ نکال لیں گے۔ یہ پاکستان کے لیے بہت بڑا لمحہ ہے اور امید ہے پاکستان میں پورا ایونٹ دیکھ سکیں گے۔قبل ازیں انٹرنیشنل کرکٹ کونسل (آئی سی سی) کے چیف ایگزیکٹیو جیوف ایلارڈائس نے کہا ہے کہ چیمپئنز ٹرافی 2025 پاکستان میں ہی ہوگی اور آئی سی سی کا اس ٹورنامنٹ کو کسی اور جگہ منتقل کرنے کا کوئی ارادہ نہیں ہے۔ آئی سی سی کے چیف ایگزیکٹو جیوف ایلارڈائس نے کہا کہ ابھی تک تو چیمپئنز ٹرافی پاکستان میں ہی ہورہی ہے۔انہوں نے کہا کہ آئی سی سی کا اگلے سال پاکستان میں شیڈول چیمپئنز ٹرافی کو وہاں سے منتقل کرنے کا کوئی منصوبہ نہیں ہے کیوں کہ اب تک کسی بھی ٹیم کی جانب سے یہ ٹورنامنٹ پاکستان میں کھیلنے سے متعلق کوئی اعتراض سامنے نہیں آیا۔

بھارت کے بغیر چیمپئنز ٹرافی ممکن نہیں،متبادل وینیو موجود ہیں، انگلینڈ کرکٹ بورڈ

چیمپئنر ٹرافی میں بھارت کے پاکستان نہ جانے پر متبادل آپشن زیر غور ہے، چیئرمین ای سی بی

The hosts won the Pak vs Eng 2nd test with 152 runs.

Noman Ali & Sajid Khan Steer Pakistan Towards Victory In PAK vs ENG 2nd Test

Noman Ali, the 38-year-old spinner has done what many renowned players couldn&rsquo;t do for the Men in Green.&nbsp;

What felt like a never ending losing phase for Pakistan has finally come to an end, thanks to Noman Ali&rsquo;s exceptional bowling.&nbsp;

The 38-year-old left arm orthodox bowler claimed 8 wickets in the PAK vs ENG 2nd test (2nd innings), crumbling the English batting line up with his maiden 10-wicket haul.&nbsp;

The hosts gave the tourists a target of 297 in response to which the whole English team collapsed after scoring just 144 runs.&nbsp;

Pakistan won the Pakistan vs England 2nd test by 152 runs.&nbsp;

Sajid Khan, another right-arm off break bowler also assisted Noman Ali in claiming this much-needed victory.&nbsp;

Sajid was included in the squad after the selection committee chose to drop Babar, Shaheen, &amp; Naseem from the PAK vs ENG <a href="https://www.tapmad.com/blog/pakistan-squad-for-pak-vs-eng-1st-test/464-2-0">2nd test squad</a>.&nbsp;

The hosts got a brilliant start as Sajid Khan dismissed Ben Duckett, who scored a century in the first innings, on the third ball of the innings. Meanwhile, Zak Crawley (3) fell prey to Noman Ali with 11 runs on the board.

Despite winning the contest, the Pakistan team really needs to take a deep look at their batting situation.&nbsp;

Apart from Salman Ali Agha, there was no single Pakistani batsman who scored well in both innings of the game.&nbsp;

The hosts managed to score 366 in the first innings, thanks to Kamran Ghulam&rsquo;s 118 runs knock and Saim Ayub&rsquo;s 77 runs innings.&nbsp;

In the second innings, the entire team collapsed after just scoring 221 runs.&nbsp;

Although Noman Ali and Sajid Khan turned the match in Pakistan&rsquo;s favor, a lot of improvement is still needed in the batting department.

Noman Ali Shines Bright As Pakistan Claims A Much Needed Victory

Related Post

Noman Ali Shines Bright As Pakistan Claims A Much Needed Victory

PAK vs ENG 2nd test: Another Disgraceful Batting Display

PAK-W vs NZ-W Squad, Time, Venue, & Live Streaming Details

PAK vs ENG 2nd Test Squad: Babar, Shaheen, & Naseem's Position Takes A Hit

Noman Ali Shines Bright As Pakistan Claims A Much Needed Victory

PAK vs ENG 2nd test: Another Disgraceful Batting Display

PAK-W vs NZ-W Squad, Time, Venue, & Live Streaming Details

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan