Sports News

Entertainment

حزب اللہ کے سربراہ اسرائیلی حملے میں شہید ہوگئے، حزب اللہ نے حسن نصراللہ کی شہادت کی تصدیق کردی۔ اسرائیلی فوج کے حملے کے بعد حزب اللہ نے سربراہ حسن نصر اللہ کو شہید کرنے کی تصدیق کردی ہے ۔غیر ملکی میڈیا کے مطابق اسرائیلی فوج نے گزشتہ روز بیروت میں حزب اللہ کے مرکزی ہیڈکوارٹر پر حملہ کیا جس کا بنیادی مقصد سید حسن نصر اللہ کو نشانہ بنانا تھا۔اسرائیلی فوج کی جانب سے دعویٰ کیا گیا تھا کہ حزب اللہ کے سربراہ حسن نصر اللہ حملے میں شہید ہوگئے ہیں۔حزب اللہ نے ان کی شہادت کی تصدیق نہیں کی تھی اور کہا تھا کہ ان سے رابطہ ممکن نہیں ہورہا تاہم اب حزب اللہ نے اپنے لیڈر کی شہادت کی تصدیق کردی ہے۔ایرانی سپریم  لیڈر آیت اللہ خامنہ بھی نامعلوم محفوظ مقام پر منتقل ہوگئے۔

حسن نصراللہ اسرائیلی حملے میں شہید ہوگئے،حزب اللہ نے تصدیق کردی

مخدوش حالات کے پیش نظر ایرانی سپریم لیڈر آیت اللہ خامنہ بھی نامعلوم محفوظ مقام پر منتقل ہوگئے

وزیراعلیٰ خیبرپختونخوا علی امین گنڈاپور نے کہا ہے کہ ہر رکاوٹ عبور کرکے پنڈی جائیں گے ہر چیز کا سامنے کرنے کے لیے تیار ہیں، پنجاب حکومت جو کرسکتی ہے کرلے ہم ڈرنے والے نہیں۔میڈیارپورٹس کے مطابق وزیراعلیٰ کا قافلہ مردان پہنچ چکا جہاں میڈیا سے بات چیت کرتے ہوئے انہوں ںے کہا کہ آگے دما دم مست قلندر ہونے والا ہے، پاکستان میں دفعہ 804 لگ چکی ہے، ہر رکاوٹ عبور کرکے پنڈی جائیں گے، آگے آگے تماشا دیکھیں ہوتا کیا ہے۔انہوں نے کہا کہ پنجاب حکومت اپنا کام کرے ہر چیز کا سامنے کرنے کے لیے تیار ہیں، پنجاب حکومت جو کرسکتی ہے کرلے ہم ڈرنے والے نہیں۔

ہر رکاوٹ عبور کرکے پنڈی جائیں گے پنجاب حکومت جو کرسکتی ہے کرلے،علی امین گنڈاپور

دما دم مست قلندر ہونے والا ہے، پاکستان میں دفعہ 804 لگ چکی ہے، آگے آگے تماشا دیکھیں ہوتا کیا ہے

ادارہ شماریات کی رپورٹ کے مطابق رواں ہفتے مہنگائی کی شرح میں مزید اضافہ ریکارڈ کیا گیا۔تفصیلات کے مطابق  ملک میں ہفتہ وار مہنگائی کی شرح پھر بڑھ گئی۔ 0.05 فیصد اضافے سے مجموعی شرح 12.80 فیصد کی تک جا پہنچی جس سے 22 ہزار تا 29 ہزار ماہانہ آمدن رکھنے والا طبقہ سب سے زیادہ متاثر ہوا۔ادارہ شماریات کی رپورٹ کے مطابق حالیہ ہفتے کے دوران مہنگائی کی شرح میں صفر اعشاریہ 05 فیصد کا اضافہ ریکارڈ کیا گیا ہے جس کے بعد سالانہ بنیادوں پر مہنگائی کی مجموعی شرح 12 اعشاریہ 08 فیصد پر آگئی، ایک ہفتے کے دوران 16 اشیاء مہنگی جبکہ 9 اشیاء کی قیمتوں میں کمی ریکارڈ کی گئی۔حالیہ ہفتے کے دوران ٹماٹر کی فی کلو قیمت میں اوسطاً 7 روپے کا اضافہ، پیاز کی فی کلو قیمت اوسطاً 8 روپے، دال چنا فی کلو 4 روپے تک مہنگی ہوئی، آلو، گڑ، جلانے کی لکڑی، تازہ دودھ ، چکن، چاول، گوشت، گھی، لہسن بھی مہنگی ہونے والی اشیاء میں شامل ہے۔رپورٹ کے مطابق ایک ہفتے کے دوران دال ماش فی کلو 10 روپے، دال مونگ کی فی کلو قیمت میں 5 روپے،چینی کی فی کلو قیمت میں 2 روپے کمی ہوئی جبکہ بریڈ، چائے پتی سمیت 26 اشیاء کے دام مستحکم رہے۔

ہفتہ وار مہنگائی کی شرح میں اضافہ ریکارڈ،مہنگائی بڑھ کر12اعشاریہ08فیصدپرآگئی

حالیہ ہفتہ میں روزمرہ استعمال کی 16 اشیائے ضروریہ کی قیمتوں میں اضافہ جبکہ 9  اشیاء کی قیمتوں میں کمی ہوئی

پی ٹی آئی کے احتجاج کے پیش نظر راولپنڈی میں دفعہ 144 نافذ کردی گئی پاکستان تحریک انصاف کے بانی چیئرمین عمران خان نے آج راولپنڈی میں لیاقت باغ کے باہر احتجاج کرنے کی کال دے رکھی ہے۔ اس سلسلے میں پی ٹی آئی نے اپنے کارکنان کو دوپہر 2 بجے لیاقت باغ کے باہر پہنچنے کی ہدایات کی ہیں تاہم راولپنڈی کو جانے والے راستوں کو کنٹینر لگا کر بند کردیا گیا ہے۔۔تفصیلات کے مطابق پاکستان تحریک انصاف کے احتجاج کے پیش نظر انتظامیہ نے راولپنڈی کے اہم مقامات سیل کرتے ہوئے داخلی راستے بند اور بھاری نفری تعینات کردی ہے۔لیاقت باغ میں پی ٹی آئی کی جانب سے احتجاج کو روکنے کے لیے راولپنڈی انتظامیہ نے کنٹینرز لگا کر شہر کو مکمل طور پر سیل کر دیا ۔ کسی قسم کی ٹریفک شہر میں داخل نہیں ہو سکتی جب کہ راستے بند ہونے سے شہریوں کو مشکلات کا سامنا ہے۔ پولیس کے ہزاروں اہل کار مختلف مقامات پر تعینات کردیے گئے ہیں۔شہر میں قانون نافذ کرنے والے اداروں کی بھاری نفری تعینات ہے۔ لیاقت باغ مکمل طور پر سیل کر دیا گیا ہے اسی طرح مری روڈ کے اطراف گلیوں کو بھی رکاوٹیں لگا کر بند کردیا گیا اور شہر بھر میں دفعہ 144 نافذ نافذ کردی گئی ہے، جس کے تحت کسی بھی قسم کے جلسے ، اجتماع یا دھرنے کے علاوہ اسلحہ کی نمائش پر بھی پابندی ہوگی۔د ریں اثنا میٹرو بس سروس بھی جزوی طور پر معطل کر دی گئی ہے۔دوسری جانب احتجاج کے پیش نظر اٹک سے خیبرپختونخو اور پنجاب کو ملانے والے تمام راستے بھی بند کردیئے گئے ہیں جبکہ موٹر وے ایم ون اور جی ٹی روڈ پر مختلف مقامات پر رکاوٹیں کھڑی کردی گئی ہیں۔جی ٹی روڈاٹک پل،فقیرآباد،لارنس پوراور واہ گارڈن کے مقامات ، موٹر وے ایم ون چھچھ انٹرچینج، ہروپل اور کٹی پہاڑی کے مقامات سے بند ہے اور پولیس کی بھاری نفری تعینات ہے،اٹک خورد کے مقام سے جی ٹی روڈ جزوی طورپربند ہے ، کے پی سے پنجاب داخلے کے لئے سڑک ایک طرف سےکھلی ہے، سڑک کے اطرف کنٹینرز موجود ہے ، جس سے ادویات و دیگر سامان خراب ہونے کا خدشہ ہے۔

پی ٹی آئی کا احتجاج،راولپنڈی کے داخلی و خارجی راستے کنٹینرز بند، لیاقت باغ سیل

فیض آباد سمیت شہر کی اہم سڑکوں اور چوراہوں پر کنٹینرز کھڑے کردیے گئے، دکانیں اور میٹرو سروس بھی بند، دفعہ 144 نافذ

اسرائیل کے لبنان پر حملوں میں تیزی آ گئی ہے اور دارالحکومت بیروت میں رہائشی عمارتوں پر میزائل حملوں میں خواتین اور بچوں سمیت متعدد افراد شہید ہو گئے ہیں۔ اسرائیل نے لبنان کے دارالحکومت بیروت میں قائم حزب اللہ کے ہیڈ آفس سمیت مختلف مقامات پر بدترین بمباری کی جبکہ حسن نصر اللہ کو نشانہ بنانے کا دعویٰ کیا ہے۔ میڈیا رپورٹس کے مطابق اسرائیل نے بیروت کے جنوبی مضافات میں حزب اللہ کے مرکزی فوجی ہیڈکوارٹر پر متعدد فضائی حملے کیے ہیں۔ اسرائیلی میڈیا نے دعویٰ کیا کہ اس حملے میں حزب اللہ کے رہنما حسن نصر اللہ کو نشانہ بنایا گیا اور یہ حملے اُس وقت کیے گئے جب حزب اللہ کے کمانڈر مرکزی دفتر میں موجود تھے۔میڈیا کے مطابق حزب اللہ ہیڈکوارٹرزپر حملے میں شہادتوں کی تعداد 6 ہو گئی جبکہ91 زخمی ہوگئے جبکہ مزید جانی نقصان کا خدشہ ہے۔الجزیرہ کی رپورٹ کے مطابق اسرائیلی فوج نے دعویٰ کیا ہے کہ حزب اللہ ہیڈ کوارٹر کو نشانہ بنایا گیا ہے جبکہ ان کا ٹارگٹ حسن نصر اللہ تھے۔گزشتہ 5 روز میں یہ اسرائیلی فوج کی بیروت پر سب سے طاقتور بمباری ہے جس کے نتیجے میں چار عمارتیں ملبے کا ڈھیر بن گئیں ہیں۔غیر ملکی میڈیا کے مطابق حملے میں حزب اللہ کے سربراہ حسن نصراللہ کی بیٹی زینب نصراللہ کی شہادت کی اطلاعات بھی ہیں۔دوسری جانب ایرانی میڈیا نےدعویٰ کیا ہے کہ حزب اللہ کے سیکرٹری جنرل سید حسن نصراللہ اور تحریک کی ایگزیکٹو کونسل کے سربراہ سید ہاشم صفی الدین بالکل صحت مند ہیں،اسرائیلی حملے سے انہیں کوئی نقصان نہیں ہوا۔ایرانی میڈیا نے لبنان میں اپنے نمائندے کے ذرائع کی بنیاد پر دعویٰ کیا کہ جمعے کی شام کیے گئے اسرائیلی حملے میں حزب اللہ کی قیادت کا کوئی بھی شخص شہید نہیں ہوا، اسرائیل اپنے مزموم مقاصد میں ناکام رہا۔

اسرائیل کی بیروت پر بمباری، حزب اللہ ہیڈ کوارٹر اور حسن نصر اللہ کو نشانہ بنانے کا دعویٰ

اسرائیلی حملے میں 6 افراد جاں بحق، 91 زخمی ہوئے، حزب اللہ کے سربراہ محفوظ رہے، ایرانی میڈیا کادعویٰ

لاہور کی سیشن عدالت نے نامور اداکارہ نازش جہانگیر کی مبینہ فراڈ کے کیس میں درخواست ضمانت مسترد کردی ہے۔ جس کے بعد پولیس اداکارہ کی گرفتاری کیلئے چھاپے ماررہی ہے۔  میڈیارپورٹس کے مطابق سیشن کورٹ لاہور میں اداکارہ نارش جہانگیر کی درخواست ضمانت پر سماعت ہوئی۔ عدالت نے اداکارہ نازش جہانگیر کی درخواست ضمانت مسترد کر دی۔ اداکارہ نارش جہانگیر کیخلاف پیسوں کے معاملے پر فراڈ کے الزام میں مقدمہ درج ہے۔لاہور کی سیشن عدالت نے اداکارہ نازش جہانگیر کی عبوری ضمانت خارج کردی۔ عدالت نے اداکارہ نازش جہانگیر کی عدم پیروی کی بنیاد پر ضمانت خارج کی۔ اداکارہ نازش جہانگیر کے خلاف تھانہ ڈیفنس سی پولیس نے مقدمہ درج کررکھا ہے۔ نازش جہانگیر کے خلاف ادکارہ اذان اسود ہارون نے درج کروایا۔ پولیس نے اداکارہ نازش جہانگیر پر مبینہ فراڈ کا مقدمہ درج کررکھا ہے۔ ایف آئی آر کے متن میں کہا گیا ہے کہ اداکارہ نازش جہانگیر نے 25 لاکھ روپے اور گاڑی دو ماہ کے لیے لی۔ ادکارہ نے 25لاکھ روپے بھی واپس نہیں کیے اور نہ گاڑی واپس کی۔ عدالت نے شریک ملزم سکندر کی عبوری ضمانت میں اکتوبر کے پہلے ہفتے تک توسیع کردی۔

فراڈ کا مقدمہ،خوبرواداکارہ نازش جہانگیرکی عبوری ضمانت خارج

اداکارہ نارش جہانگیر کیخلاف پیسوں کے معاملے پر فراڈ کے الزام میں مقدمہ درج ہے

وزیراعظم شہباز شریف نے اقوام متحدہ کی جنرل اسمبلی میں فلسطینیوں کے حق میں آواز اٹھا دی۔تفصیلات کے مطابق کے مطابق وزیراعظم شہباز شریف نے اقوام متحدہ کی جنرل اسمبلی سے خطاب کرتے ہوئے کہا کہ فلسطینیوں کے گھر ملبے کے ڈھیر بن گئے، دنیا آنکھیں کیسے بند رکھ سکتی ہے۔انہوں نے کہا کہ اسرائیل فلسطینیوں کی نسل کشی اور بربریت کا مظاہرہ کررہا ہے، پاکستانی عوام کے دل فلسطینی بھائیوں کے ساتھ دھڑکتے ہیں، فلسطینیوں پر مظالم اور بربریت کی بھرپور مذمت کرتے ہیں۔اجلاس سے خطاب کرتے ہوئے وزیراعظم شہباز شریف کا کہنا تھا کہ جنرل اسمبلی سے بطور وزیراعظم دوسری بار خطاب باعث اعزاز ہے، موجودہ حالات میں دنیا کو بےشمار چیلنجز کا سامنا ہے، غزہ پراسرائیل کی جارحیت جاری ہے، غزہ پراسرائیل کی جارحیت کی شدید مذمت کرتے ہیں۔انہوں نے کہا کہ غزہ کےالمناک سانحہ نے انسانیت کو ہلا کر رکھ دیا ہے، معصوم بچوں، عورتوں اور نہتے شہریوں کے قتل پرخاموش نہیں رہا جاسکتا، نہتے فلسطینیوں کا خون رائیگاں نہیں جائےگا، عالمی برادری کو پائیدارامن اور دوریاستی حل کے لیے کردار ادا کرنا ہوگا۔شہباز شریف نے کہا کہ یواین قراردادوں پرعملدرآمد میں ناکامی نےمشرق وسطیٰ کو مزید خطرات سے دوچار کر دیا ہے، اسرائیل کو اپنی جارحیت بڑھانے کی کھلی چھٹی ملی ہوئی ہے، مسئلہ کشمیر بھی سلامتی کونسل کے ایجنڈے پر موجود ہے۔انہوں نے کہا کہ مسئلہ کشمیر بھی سلامتی کونسل کے ایجنڈے پر موجود ہے، یہ طے ہوا تھا کشمیریوں کو حق خودارادیت دیا جائے گا، ہمارا مطالبہ ہے کشمیریوں کو حق خود ارادیت دیا جائے ، مقبوضہ کشمیر میں بھارت کے ہاتھوں انسانی حقوق کی خلاف ورزیاں جاری ہیں، بھارتی جبر کے باوجود کشمیری برہان وانی کے نظریئے کو آگے بڑھا رہے ہیں۔وزیراعظم کا کہنا تھا کہ بھارت کشمیر میں غیرمقامی لوگوں کو آباد کر رہا ہے، بھارت کے جارحانہ عزائم سے خطے کے امن کو خطرات ہیں، پاکستان کسی بھی بھارتی جارحیت کا منہ توڑ جواب دے گا۔وزیراعظم نے کہا کہ 100 سے زیادہ ترقی پذیر ملک قرضوں کے چنگل میں ہیں، عالمی مالیاتی نظام میں اصلاحات ناگزیر ہیں، موثر پالیسیوں کی بدولت پاکستانی معیشت بہتری کی جانب گامزن ہے، معاشی اعشاریے بہتر اور مہنگائی میں کمی ہوئی ہے، بحرانی صورتحال میں معیشت سنبھالی، آج ترقی کی راہ پر گامزن ہیں۔انہوں نے کہا کہ پاکستان کو بیرونی امداد سے ہونے والی دہشت گردی کا سامنا ہے، دہشت گردی کے خلاف جنگ میں پاکستان نے بہت قربانیاں دی ہیں، پاکستان دہشت گردی کے خلاف جنگ کے لیے پُرعزم ہے، پاکستان کسی بھی بھارتی جارحیت کا فیصلہ کن جواب دے گا، دہشت گردی اس دنیا کے لیے بڑا مسئلہ بنی ہوئی ہے۔وزیراعظم نے موسمیاتی تبدیلیوں کے حوالے سے بات کرتے ہوئے کہا کہ دو سال قبل پاکستان میں تباہ کن سیلاب آیا جس سے جانی اور 30 ارب ڈالر کے مالی نقصانات کا سامنا کرنا پڑا جبکہ موسمیاتی تبدیلیوں میں پاکستان کا کوئی کردار نہیں ہے، ہم عالمی شراکت داروں کے ساتھ ملکر پائیدار ترقی کے اہداف کو حاصل کرنے کیلئے پُرعزم ہیں۔

اسرائیلی مظالم روکنا ہوں گے،غزہ میں خونریزی پر خاموش نہیں رہا جا سکتا، شہباز شریف

غزہ کے بچوں کے خون سے ظالم کیساتھ اُن کے ہاتھ بھی رنگے ہوئے ہیں جو خاموش ہیں، اقوام متحدہ کی جنرل اسمبلی سے خطاب

آرمی چیف جنرل سید عاصم منیر نے کراچی کور کا دورہ کیا، آرمی چیف نے بزنس کمیونٹی سے ملاقات میں کہا ہے کہ پاکستان کے پاس مختلف شعبوں میں ترقی کے لیے نمایاں صلاحیت موجود ہے، پاکستان کے پاس دستیاب بے پناہ وسائل اور صلاحیتیں ہیں، پاکستان اقوام عالم کی صف میں اپنا جائز مقام ضرورحاصل کرے گا۔ جنرل سیّد عاصم منیر کاکہناتھا کہ معاشرے میں مایوسی پیدا کرنے کی ناکام کوششیں کرنے والوں کو تمام اسٹیک ہولڈرز کی اجتماعی کوششوں سے شکست ہوئی۔پاک فوج کے شعبہ تعلقات عامہ (آئی ایس پی آر) کے مطابق آرمی چیف نے کراچی کور کا دورہ کیا ہے، جہاں انہیں آپریشنل تیاریوں اور فوج کی جانب سے کیے گئے اہم تربیتی اقدامات پر بریفنگ دی گئی۔ اس موقع پر جنرل عاصم منیرنے کراچی میں انووسٹا انڈس آئی ٹی پارک کا افتتاح کیا ، تقریب میں وزیراعلیٰ سندھ مرادعلی شاہ سمیت سول سوسائٹی کےارکان  نے شرکت کی۔اس موقع پر وزیراعلیٰ سندھ مرادعلی شاہ نے آئی ٹی کی اہمیت اورنوجوانوں کی صلاحیتوں سےفائدہ اٹھانےپرزور دیا جبکہ آرمی چیف نے کہا کہ ایسے منصوبوں کا مقصد آئی ٹی انڈسٹری کی ترقی کیلئے انتہائی سازگار ماحول فراہم کرناہے۔دورہ کراچی کے دوران جنرل عاصم منیر سے کراچی کی تاجر برادری نے بھی ملاقات کی ، آرمی چیف نےملکی اقتصادی ترقی میں کاروباری برادری اورتاجروں کےتعاون کو سراہا، شرکاءنے  مثبت اقتصادی اشاریوں کےحصول کیلئےایس آئی ایف سی کےکردارکی تعریف کی ۔آرمی چیف نے تمام اقدامات میں تعاون کیلئے وفاقی اور صوبائی حکومتوں کی کوشش کو سراہتے ہوئے کہا کہ مایوسی پھیلانے کی ناکام کوششیں کرنے والوں کو اجتماعی کوششوں سے شکست ہوئی۔جنرل عاصم منیر نے چین،سعودی عرب اور یواےای کی ملک کی معاشی بحالی میں مدد کے اقدامات کو سراہتے ہوئے کہا کہ پاکستان مختلف شعبوں میں قابل ذکر صلاحیت رکھتا ہے،سب کو پاکستان کے روشن مستقبل پر غیرمتزلزل اعتمادہونا چاہیے،پاکستان اقوام عالم میں اپناصحیح مقام حاصل کرے،ان شاء اللہ۔

معاشرے میں مایوسی پھیلانے والے عناصر شکست کھا چکے ہیں، آرمی چیف

آرمی چیف جنرل عاصم منیر نے دورہ کراچی کے دوران انووسٹا انڈس آئی ٹی پارک کا افتتاح کر دیا

وزیراعظم شہبازشریف نےحاضر سروس لیفٹیننٹ جنرل محمد علی کو سیکریٹری دفاع تعینات کر دیا۔اسٹیبلشمنٹ ڈویژن نے لیفٹیننٹ جنرل محمد علی کی بطور سیکریٹری دفاع تعیناتی کا نوٹیفکیشن جاری کردیا۔نوٹی فکیشن میں کہا گیا ہے کہ نئے سیکریٹری دفاع کی تعیناتی 2 سال اور 3 ماہ کے لیے کی گئی ہے، ان کی تقرری کا اطلاق یکم اکتوبر 2024 سے ہوگا۔نوٹی فکیشن میں بتایا گیا ہے کہ لیفٹیننٹ جنرل محمد علی 31 دسمبر 2026 تک بطور سیکریٹری دفاع تعینات ہوں گے۔

وفاقی حکومت نے لیفٹیننٹ جنرل محمد علی کو سیکریٹری دفاع تعینات کر دیا

نئے سیکریٹری دفاع کی تعیناتی 2 سال اور 3 ماہ کیلئے اپنی ریٹائرمنٹ تک سیکرٹری دفاع رہیں گے

پاکستان تحریک انصاف (پی ٹی آئی) کے بانی عمران خان نے کہا ہے کہ قوم کو اب پاکستان کی خاطر باہر نکلنا پڑے گا کیونکہ چیف جسٹس اور چیف الیکشن کمشنر کے ساتھ ساتھ تھرڈ امپائر بھی مدت ملازمت میں توسیع چاہتا ہے۔اڈیالہ جیل میں میڈیا سے بات چیت میں انہوں نے کہا ہے کہ دنیا کے کسی چیف جسٹس نے ایسا نہیں کیا جو پاکستان کا چیف جسٹس کررہا ہے قاضی فائز عیسیٰ جیسی حرکتیں کررہا ہے مجھے وہ ذہنی طور پر تندرست نہیں لگتا۔عمران خان نے کہا کہ یہ تین ایمپائرز اور تین کھلاڑی ہیں چوتھا ان کے ساتھ پی ڈی ایم ملی ہوئی ہے ان سب کو ایک دوسرے کی ضرورت ہے، قاضی فائز عیسیٰ نے پہلے سے ہی توسیع کا منصوبہ بنا رکھا تھا ہمارا انتخابی نشان لینے کا چیف جسٹس کا فیصلہ جانب دارانہ تھا۔انہوں نے کہا کہ سپریم کورٹ کے ججز نے مخصوص نشستوں کے کیس کے فیصلے میں یہ واضح کر دیا ہے چیف جسٹس نے پہلے فراڈ الیکشن کو تحفظ دیا اب یہ پی ٹی آئی کی نشستیں چھیننا شروع ہوگیا ہے، قاضی فائز عیسیٰ توسیع کے مفاد میں پی ٹی آئی کو کرش کر رہا ہے، ن لیگ اور پیپلز پارٹی فیملی جماعتیں ہیں ان کے پارٹی الیکشن کو کوئی نہیں پوچھتا ہمارے تین پارٹی انتخابات کالعدم کر دیئے گئے۔سابق وزیراعظم نے کہا کہ چیف الیکشن کمشنر کو پتا ہے کہ جس دن الیکشن فراڈ کھلا اس پر آرٹیکل چھ لگے گا چیف الیکشن کمشنر اور چیف جسٹس ایک دوسرے کے ساتھ جڑے ہوئے ہیں دونوں کا مفاد توسیع میں ہے، اگر چیف جسٹس بے قصور تھا تو پنڈی کے کمشنر کے بیان کے بعد اسے کیوں نہیں بلایا؟ چیف جسٹس راولپنڈی کے کمشنر کے اغوا پر بات نہیں کرتا کیونکہ اس کا نام بھی بیچ میں ہے بتایا جائے کس ملک میں کمشنر کو اغوا کیا جاتا ہے؟چیف جسٹس نے ٹریبونلز کی بجائے الیکشن کمیشن کے امپائرز کا فیصلہ کروا دیا تاکہ دو تہائی اکثریت حکومت کو دی جا سکے، چیف جسٹس اب 63 اے کے پیچھے پڑ گیا ہے تاکہ فلور کراسنگ کو جائز قرار دیا جاسکے اور انہیں توسیع مل سکے، دنیا کے کسی چیف جسٹس نے ایسا نہیں کیا جو پاکستان کا چیف جسٹس کررہا ہے چیف جسٹس جیسی حرکتیں کررہا ہے مجھے وہ ذہنی طور پر تندرست نہیں لگتا۔عمران خان کا کہنا تھا کہ تھرڈ امپائر بھی توسیع چاہتا ہے اس کے لیے اسے پی ڈی ایم کی ضرورت ہے، ان لوگوں کو پاور میں رہنے کیلئے ایک دوسرے کی ضرورت ہے، اپنے اقتدار کے لیے یہ سپریم کورٹ قانون کی بالادستی اور جمہوریت ملک کے نظام کو تباہ کر رہے ہیں، ملک تباہ ہوتا ہے تو انہیں کوئی فرق نہیں پڑتا ان سب کی جائیدادیں اور پیسہ باہر ہے قوم ایک ایک ڈالر کی بھیک مانگ رہی ہے۔بانی پی ٹی آئی نے کہا کہ ملک میں اخلاقیات کا قتل ہو رہا ہے ادارے تباہ ہو چکے ہیں، انہوں نے ہمیں این او سی نہیں دینا مگر ہم احتجاج کریں گے اوراگر این او سی دیا بھی تو انہوں نے ہمیں شہر سے باہر بھیج دینا ہے اور 6 بجے کا وقت دے کر سڑکیں بلاک کر دینی ہیں، ہم اسلام آباد اور مینار پاکستان پر بھی احتجاج کریں گے، عمران خان نے مزید کہا کہ 10 لاکھ لوگ ملک چھوڑ کر جا چکے ہیں، ایس آئی ایف سی کو سرمایہ کاری کے لیے بنایا گیا تھا مگر پیسہ ملک سے باہر جا رہا ہے، یہ اپنی ذات کے لیے ملک کو تباہ کر رہے ہیں انہیں کوئی فرق نہیں پڑتا، کل ہم لیاقت باغ میں بھرپور احتجاج کریں گے۔قوم کو اب پاکستان کے لیے باہر نکلنا پڑے گا، قوم اور نوجوانوں کو کہتا ہوں کہ اپنے ملک اور مستقبل کے لیے نکلیں۔

چیف الیکشن کمشنر اورچیف جسٹس کیساتھ ساتھ تھرڈ امپائر بھی توسیع چاہتا ہے، قوم باہر نکلے، عمران خان

دنیا کے کسی چیف جسٹس نے ایسا نہیں کیا جو پاکستان کا چیف جسٹس کررہا ہے، سابق وزیراعظم کی جیل میں گفتگو

مخصوص نشستوں پر آئینی بحران میں ایک اور طوفان آگیا، الیکشن کمیشن نے سپریم کورٹ کی مخصوص نشستوں پر اکثریتی ججز کی 14 ستمبر کی وضاحت کو بھی چیلنج کردیا۔الیکشن کمیشن نے سپریم کورٹ کے اکثریتی ججز کی 14 ستمبر کی وضاحت پر نظر ثانی درخواست دائر کردی۔نظر ثانی درخواست میں مؤقف اپنایا گیا ہے کہ عدالتی فیصلے پر تاخیر کا ذمہ دار الیکشن کمیشن نہیں، 12 جولائی کے فیصلے کی وضاحت کے لیے 25 جولائی کو درخواست دائر کی، نظر ثانی درخواست پر سپریم کورٹ نے 14 ستمبر کو وضاحت کا آرڈر جاری کیا۔درخواست میں کہا گیا ہے کہ تحریک انصاف کی دستاویز پر عدالت نے الیکشن کمیشن کو نوٹس جاری نہیں کیا، عدالت نے تحریک انصاف کی دستاویزات پر الیکشن کمیشن سے جواب طلب نہیں کیا، وضاحت کی درخواست پر بعد میں پارلیمنٹ نے قانون سازی کردی ہے۔الیکشن کمیشن نے عدالت عظمیٰ سے استدعا کی کہ سپریم کورٹ 14 ستمبر کی وضاحت پر نظر ثانی کرے۔ واضح رہے کہ گزشتہ روز الیکشن کمیشن نے جاری اعلامیے میں کہا تھا کہ مخصوص نشستوں کے کیس کے حوالے سے الیکشن کمیشن نے وضاحت کے لیے سپریم کورٹ میں متفرق درخواست دائر کر دی ہے۔یاد رہے کہ 14 ستمبر کو مخصوص نشستوں کے کیس میں سپریم کورٹ کے اکثریتی بنچ نے وضاحتی حکم میں کہا تھا کہ فیصلے کی روشنی میں پارٹی سرٹیفکیٹ جمع کرانے والے پی ٹی آئی کے کامیاب امیدوار ہیں جبکہ الیکشن کمیشن فیصلے پر فوری عملدرآمد کرے۔

الیکشن کمیشن نے مخصوص نشستوں پر سپریم کورٹ کی وضاحت کو بھی چیلنج کردیا

عدالتی فیصلے پر تاخیر کی ذمہ دار الیکشن کمیشن نہیں، نظرثانی درخواست میں مؤقف

پاکستان کے خلاف سیریز سے قبل انگلش ٹیم کو دھچکا، انگلینڈ کے اہم فاسٹ باؤلر جوش ہل انجری کا شکار ہو گئے۔تفصیلات کے مطابق پاکستان کے خلاف ٹیسٹ سیریز شروع ہونے سے قبل انگلینڈ کے لیے بری خبر آگئی، انگلش کرکٹ ٹیم کے نوجوان فاسٹ بولر جوش ہل انجری کے باعث دورہ پاکستان سے باہر ہوگئے۔اکتوبر کے آغاز میں انگلینڈ کی کرکٹ ٹیم تین ٹیسٹ میچ کی سیریز کھیلنے کے لئے پاکستان پہنچے گی،دونوں ٹیمیں 7 اکتوبر کو ملتان کرکٹ اسٹیڈیم میں پہلے ٹیسٹ میں آمنے سامنے ہوں گی۔ انگلش کرکٹ بورڈ (ای سی بی) نے پاکستان کیخلاف 17 رکنی اسکواڈ کا اعلان کیا تھا جس میں فاسٹ بولر جوش ہل بھی شامل تھے تاہم وہ انجری کے باعث دورہ پاکستان سے باہر ہوگئے ہیں۔سیریز سے باہر ہونے والے بیس سالہ جوش ہل نے رواں ماہ ہی سری لنکا کے خلاف ٹیسٹ ڈیبیو کیا تھا، انہوں نے صرف 10 فرسٹ کلاس میچز کھیلے ہیں، ان کے متبادل کے طور پر کسی دوسرے کھلاڑی کو شامل نہ کرنے کا بھی فیصلہ کیا گیا ہے۔

پاک انگلینڈ سیریز، انگلش فاسٹ بائولرانجری کے باعث دورہ پاکستان سے باہر

پاکستان اورانگلینڈ کی ٹیمیں 7 اکتوبر کو ملتان کرکٹ اسٹیڈیم میں پہلے ٹیسٹ میں آمنے سامنے ہوں گی

آرٹیکل 63 اے نظرثانی کیس سپریم کورٹ میں سماعت کیلئے مقرر کردیا گیا۔سپریم کورٹ 63 اے نظر ثانی کیس کی سماعت پیر کو کرے گی، چیف جسٹس قاضی فائز عیسیٰ کی سربراہی میں 5 رکنی بنچ کیس کی سماعت کرے گا۔بینچ میں جسٹس منیب اختر اور جسٹس امین الدین خان شامل ہیں۔ جسٹس جمال خان مندوخیل اور جسٹس مظہر عالم میاں خیل بھی لارجر بینچ کا حصہ ہوں گے۔ سپریم کورٹ نے آئین کے آرٹیکل 63 اے کی تشریح کے فیصلے پر نظرثانی اپیلوں کو 23 ستمبر کو سماعت کے لیے مقرر کیا تھا۔خیال رہے کہ سابق چیف جسٹس عمر عطا بندیال کی سربراہی میں 5 رکنی لارجر بینچ نے 17 مئی 2022 کو 2کے مقابلے میں3کی اکثریت سے آرٹیکل 63 اے کی تشریح کے صدارتی ریفرنس کا فیصلہ سنایا تھا جس کے مطابق پارٹی پالیسی کے خلاف رکن اسمبلی کا ووٹ شمار نہیں ہوگا، وہ نااہل بھی ہوجائے گا۔بینچ میں شامل جسٹس مظہر عالم میاں خیل اور جسٹس جمال خان مندوخیل نے اکثریتی فیصلے  سے اختلاف کیا تھا، جبکہ سابق چیف جسٹس عمر عطا بندیال، جسٹس اعجاز الاحسن اور جسٹس منیب اختر  نے منحرف رکن کا ووٹ شمار نہ کرنے اور اس کی نااہلی کا فیصلہ دیا تھا۔ آرٹیکل 63 اے کی تشریح کا اکثریتی فیصلہ جسٹس منیب اختر نے تحریر کیا تھا۔اس معاملے پر مختلف نظرثانی کی درخواستیں دائر کی گئی تھیں لیکن ان درخواستوں پر سماعت نہیں ہوئی تھی۔

آرٹیکل 63 اے نظرثانی اپیل، چیف جسٹس کی سربراہی میں 5 رکنی بینچ پیر کو سماعت کرے گا

سابق چیف جسٹس ، جسٹس اعجاز الاحسن اور جسٹس منیب اختر  نے منحرف رکن کا ووٹ شمار نہ کرنے فیصلہ دیاتھا

سکیورٹی فورسز کی کارروائی میں ہلاک ہونیوالے ایک اور افغان دہشت گرد کی شناخت ہوگئی۔پاک فوج نے فتنہ الخوراج کیخلاف کئی چھوٹے بڑے کامیاب آپریشنز کر کے ان دہشتگردوں کی کمر توڑ دی، زندہ بچ جانے والے خارجی افغانستان بھاگ گئے جہاں انھیں محفوظ پناہ گاہیں میسر ہیں، ذرائع کے مطابق 2021 میں افغانستان پر قبضے کے بعد سےافغان طالبان پاکستان میں دہشتگردی کیلئے مکمل طور پر فتنہ الخوراج کو سہولت کاری، فنڈنگ اور حمایت فراہم کرتے ہیں ۔ذرائع کے مطابق افغان طالبان کے پاکستان میں دہشتگردانہ کارروائیوں میں ملوث ہونے کا ثبوت پاکستانی فورسز کے ہاتھوں گرفتار اور ہلاک ہونے والے افغان دہشتگرد ہیں ۔26 ستمبر2024ء کو شمالی وزیرستان کے علاقے رزمک میں سکیورٹی فورسز نے کامیاب آپریشن کر کے 8 دہشتگردوں کو جہنم واصل کیا ، ہلاک دہشتگردوں میں سے ایک کا تعلق افغانستان کے صوبے پکتیکا کے علاقے برمل سے ہے۔ذرائع کا بتانا ہے کہ ہلاک افغان خارجی دہشتگرد کی شناخت جلال ولد نعمت اللہ کے نام سے ہوئی ، ہلاک دہشتگرد جلال سے برآمد افغان شناختی کارڈ اس کے افغان شہری ہونے کا واضح ثبوت ہے ۔ذرائع کے مطابق دوسرے ہلاک خارجی سیف اللہ ولد دین فراز کا تعلق فتنہ الخوراج کے خارجی گل بہادر گروپ سے ہے ، خارجی سیف اللہ سے برآمد ہونے والا افغان عبوری حکومت کاجاری کردہ اسلحہ رکھنے کااجازت نامہ واضح ثبوت ہے کہ شفیق اللہ ولد دین فراز کو افغانستان میں ہتھیار سمیت مکمل آزادی حاصل تھی۔اس حوالے سے دفاعی تجزیہ کار کاکہنا ہے کہ ہلاک خارجیوں سے ملنے والے ناقابل تردید شواہد واضح کرتے ہیں کہ افغان طالبان اور فتنتہ الخوارج ایک ہی سکے کے دو ُرخ ہیں ، یہ پہلا موقع نہیں ہے کہ اس طرح کے ناقابل تردید شواہد سامنے آئے ہیں ۔دفاعی تجزیہ کار نے کہا کہ اس سے قبل فتنہ الخوراج کے سرغنہ نور ولی اور مزاحم محسود کی افغانستان میں موجودگی کے نا قابل تردید ثبوت سامنے آچکے ہیں ، آئے روز افغان دہشتگردوں کی پاکستان سرزمین پر ہلاکت افغان طالبان اور فتنتہ الخوراج کے مضبوط گٹھ جوڑ کو عیاں کرتی ہے۔دفاعی تجزیہ کار کاکہنا ہے کہ پاکستان نے افغان عبوری حکومت کو کئی بار مستند شواہد پیش کئے مگر افغان طالبان کے کان پر جوں تک نہ رینگی، افغان طالبان دنیا کی آنکھوں میں دھول جھونک کر فتنہ الخوارج کا مکمل ساتھ دے رہے ہیں ، افغان طالبان اورفتنہ الخوارج کے گٹھ جوڑ سےخطے کے امن کوشدید خطرات لاحق ہیں۔

سیکیورٹی فورسز کی کارروائی میں ہلاک ایک اور افغان دہشت گرد کی شناخت ہوگئی

پاک فوج نے فتنتہ الخوراج کیخلاف کامیاب آپریشنز کرکے دہشت گردوں کی کمر توڑ دی

اسلام آباد ہائیکورٹ نے وزارت داخلہ اور دیگر کو ایک ہفتے میں پاکستان تحریک انصاف کے رہنما سینیٹر شبلی فراز کا نام ایگزٹ کنٹرول لسٹ (ای سی ایل) سے نکالنے کا حکم دے دیا، جسٹس طارق محمود جہانگیری نے کہا کہ ایک ہفتے میں عملدرآمد نہیں ہوتا تو سیکرٹری داخلہ ذاتی حیثیت میں عدالت پیش ہوں۔اسلام آباد ہائی کورٹ میں سینیٹر شبلی فراز کا نام عدالتی حکم کے باوجود ای سی ایل سے نہ نکالنے پر توہین عدالت درخواست پر سماعت ہوئی ، جسٹس طارق محمود جہانگیری نے شبلی فراز کی درخواست پر سماعت کی۔شبلی فراز اپنے وکیل کے ہمراہ عدالت پیش ہوئے ، عدالت نے استفسار کیا کہ ابھی تک نام نہیں نکالاگیاکیا؟ جس پر وکیل نے جواب دیا کہ نہ بتا رہے ہیں نہ رپورٹ دے رہے ہیں۔جسٹس طارق محمود جہانگیری نے کہا کہ یہ معاملات وہاں اسمبلی میں کیوں نہیں بتاتے پارلیمنٹیرین ہیں، جس پر وکیل نے بتایا کہ وہاں تو اس سے الٹا ہی کام کیا جارہاہے،اسپیکر صاحب بھی کہتے ہیں۔عدالت نے حکم دیا کہ ایک ہفتہ میں نام ای سی ایل سے نکال کر عدالت کو آگاہ کیاجائے اور ایک ہفتہ میں عملدرآمد نہیں ہوتا تو سیکرٹری داخلہ ذاتی حیثیت میں عدالت پیش ہوں۔عدالت نے سماعت ایک ہفتے کیلئے ملتوی کردی۔واضح رہے کہ اسلام آباد ہائیکورٹ نے 2 اگست کو پاکستان تحریک انصاف کے رہنما سینیٹر شبلی فراز کا نام ای سی ایل سے نکالنے کا حکم دیا تھا۔

اسلام آباد ہائیکورٹ کا شبلی فراز کا نام ای سی ایل سے نکالنے کا حکم

عدالتی حکم پرایک ہفتے میں عملدرآمد نہیں ہوتا تو سیکرٹری داخلہ ذاتی حیثیت میں عدالت پیش ہوں، اسلام آباد ہائیکورٹ

ویسٹ انڈیز کے سابق آل راؤنڈر ڈوین براوو نے تمام فارمیٹ کی کرکٹ سے ریٹائرمنٹ کے بعد آئی پی ایل کی معروف فرنچائز کولکتہ نائٹ رائیڈرز کو بطور مینٹور جوائن کرلیا۔براوو کا ٹی20 کیرئیر 582 میچز پر مشتمل ہے جس میں انہوں نے 631 وکٹیں حاصل کیں اور 7 ہزار رنز بنائے۔میڈیارپورٹس کے مطابق سابق آل راؤنڈر گوتم گمبھیر کی جگہ کولکتہ نائٹ رائیڈرز کے مینٹور ہوں گے، جو بھارتی ٹیم کیساتھ بطور ہیڈکوچ ذمہ داریاں نبھارہے ہیں۔اس موقع پر براوو کا کہنا ہے کہ بطور مینٹور ٹیم کیساتھ کام کرنے کیلئے تیار ہوں، گزشتہ 10 برسوں میں ٹرنباگو نائٹ رائیڈرز کا حصہ رہا اور آئی پی ایل میں کولکتہ نائٹ رائیڈرز کی نمائندگی کی، فرنچائز مالکان کا شکریہ ادا کرنا چاہتا ہوں جنہوں نے عزت دی۔ خیال رہے گزشتہ رات ڈیوین براوو نے تینوں فارمیٹس کی بین الاقوامی کرکٹ کو خیر باد کہہ دیاتھا انہوں نے انسٹاگرام پر ایک پوسٹ میں کہا کہ میرا جسم مزید درد، ٹوٹ پھوٹ اور تناؤ برداشت نہیں کر سکتا اس لئے بھاری دل کے ساتھ باضابطہ طور پر ہر طرح کی کرکٹ سے ریٹائرمنٹ کا اعلان کررہا ہوں۔ براوو نے ویسٹ انڈیز میں جاری کیریبین پریمیئر لیگ (سی پی ایل)کے ایڈیشن سے قبل اعلان کیا تھا کہ یہ ان کا آخری ٹورنامنٹ ہوگا، وہ منگل کو سی پی ایل میچ کے دوران کمر کی انجری میں مبتلا ہوگئے تھے۔ براووآئندہ ماہ میں 41 سال کے ہو جائیں گے، وہ سی پی ایل 2024 کے سیزن میں ٹرنباگو نائٹ رائیڈرز کی نمائندگی کر رہے ہیں ۔واضح رہے کہ ڈیوائن براوو نے 2023 میں انڈین پریمیئر لیگ جبکہ 2021 میں انٹرنیشنل کرکٹ سے ریٹائرمنٹ لی تھی۔انہوں نے اپنے ایک روزہ بین الاقوامی کیریئر میں 164 میچز کھیل کر 2968 رنز بنانے کے ساتھ ساتھ 199 وکٹ بھی حاصل کر رکھی ہیں، اس کے علاوہ ٹی ٹونٹی میچز میں بھی براوو نے 91 میچز کھیل کر 1255 رنز بنائے اور 78 وکٹیں حاصل کیں۔

ویسٹ انڈیز کے سابق آل راؤنڈر ڈوین براوو آئی پی ایل فرنچائز کے مینٹور بن گئے

سابق آل راؤنڈر گوتم گمبھیر کی جگہ کولکتہ نائٹ رائیڈرز کی جگہ ذمہ داریاں نبھائیں گے

ویسٹ انڈیز کے جارح مزاج بیٹر نکولس پوران نے ہم وطن کرس گیل کا ٹی 20 میں چھکوں کا ریکارڈ توڑ دیا۔تفصیلات کے مطابق ویسٹ انڈیز کے جارح مزاج بلے باز نکولس پوران نے ٹی ٹونٹی کرکٹ میں بڑا عالمی ریکارڈ بنا ڈالا۔نکولس پوران ایک کلینڈر ایئر میں ٹی 20 فارمیٹ میں سب سے زیادہ چھکے مارنے والے دنیا کے پہلے کرکٹر بن گئے ہیں۔ انہوں نے یہ کارنامہ کیریبیئن پریمیئر لیگ کے میچ میں سر انجام دیا۔نکولسن پوراان نے 2024 میں اب تک 63 ٹی 20 میچز میں 151 چھکے لگائے ہیں جو دنیا کے کسی بھی بیٹر کے ایک سال میں اس فارمیٹ میں سب سے زیادہ چھکے ہیں۔اس سے قبل ویسٹ انڈیز کے سابق کرکٹر کرس گیل نے 2015 میں 36 ٹی ٹوئنٹی اننگز میں 135 چھکے مارے تھے۔واضح رہے کہ 2015 میں نکولس پورن ٹریننگ سے واپسی پر کار حادثے میں زخمی ہوئے تھے جس کی وجہ سے ان کی ٹانگوں پر چوٹ آئی تھی اور وہ کئی ماہ تک کرکٹ سے دور رہے تھے اور اس وقت ان کی عمر صرف 19 سال تھی۔یاد رہے کہ نکولسن پوران نے 98 ٹی 20 انٹرنیشنل کی 90 اننگز میں 2195 رنز بنارکھے ہیں جبکہ ان کے چھکوں کی تعداد 144 ہے اور وہ دس بار ناٹ آؤٹ بھی رہے ہیں۔

ویسٹ انڈیز کےنکولس پوران نے ٹی 20 کرکٹ میں چھکوں کاعالمی ریکارڈ بنادیا

نکولس پوران ایک کلینڈر ایئر میں ٹی 20 فارمیٹ میں سب سے زیادہ چھکے مارنے والے دنیا کے پہلے کرکٹر بن گئے

فلسطین کے صدر محمود عباس کا کہنا ہے کہ فلسطین ہمارا رہے گا اور اگر کسی کو فلسطین چھوڑنا ہے تو وہ قابض غاصب کو ہی چھوڑنا ہے۔اقوام متحدہ کی جنرل اسمبلی سے خطاب کرتے ہوئے فلسطینی صدر محمود عباس نے کہا کہ اسرائیل کو غزہ کا ایک سینٹی میٹر علاقہ بھی لینے نہیں دیں گے فلسطین ہمارا وطن ہے ہم چھوڑ کر نہیں جائیں گے۔انہوں نے کہا کہ فلسطینی عوام غزہ سے نہیں نکلیں گے فلسطین ہمارا وطن ہے ہمارے باپ دادا کی زمین ہے فلسطین ہمارا ہے اور ہمارا ہی رہے گا لیکن غاصب اسرائیل غزہ سےایک دن ضرور نکلے گا۔  محمود عباس کاکہناتھا کہ امریکا کی دی ہوئی جرأت سے ہی اسرائیل نے غزہ جنگ جاری رکھی ہوئی ہے۔انہوں نے کہا کہ امریکی حمایت جاری رہے گی تو اسرائیلی حملے بھی جاری رہیں گے۔انہوں نے کہا کہ دنیا کے سب سے بڑے جمہوری ملک امریکا کا سلامتی کونسل میں تین بار غزہ میں جنگ بندی کیلئے لائی گئی قرارداد کو روکنا بے حد افسوسناک ہے۔محمود عباس کا کہنا تھا کہ غزہ اور مغربی کنارے میں فلسطینیوں پر مظالم کی دنیا ذمہ دار ہے نیتن یاہو نے امریکی کانگریس کو گمراہ کیا نیتن یاہو نے جھوٹ بولا کہ غزہ میں کوئی بچہ نہیں مرا، 15ہزار سے زائد بچوں کو اسرائیل نے نہیں تو کس نے مارا؟محمود عباس نے اس بات پر بھی زور دیا کہ حملے کے دوران بیماریاں پھیل رہی ہیں، صاف پانی اور اہم ادویات کی قلت ہے اور 20 لاکھ سے زیادہ فلسطینی بے گھر ہو چکے ہیں، بہت سے لوگ حفاظت کی تلاش میں متعدد بار نقل مکانی پر مجبور ہیں۔ ہلاکتوں اور زخمیوں کا سلسلہ نہ صرف غزہ بلکہ مغربی کنارے اور یروشلم میں بھی جاری ہے۔انہوں نے عالمی برادری سے مطالبہ کیا کہ اسرائیل کو ہتھیار بھیجنا بند کریں بچوں اور خواتین کا قتل عام بند کرو فلسطینیوں کی نسل کشی بندکرو۔

فلسطین ہمارا رہے گا، فلسطین چھوڑنا ہوگا تو وہ قابض غاصب ہی چھوڑے گا، فلسطینی صدر

امریکا کا سلامتی کونسل میں تین بار غزہ میں جنگ بندی کیلئے لائی گئی قرارداد کو روکنا بے حد افسوسناک ہے،محمود عباس

پاکستان تحریک انصاف اور جمعیت علما اسلام (ف) نے مشترکہ طور پر آئینی ترمیم کا مسودہ تیار کرنے کا فیصلہ کرلیا۔ اور مولانا فضل الرحمان نے پی ٹی آئی کو یقین دہانی کرائی ہے کہ جے یو آئی سیاسی مقاصد کے لیے حکومت کو اپنا کندھا استعمال نہیں کرنے دے گی۔تفصیلات کے مطابق پی ٹی آئی اور جے یو آئی ف کے درمیان ملاقات میں اہم پیش رفت سامنے آگئی، دونوں جماعتوں نے مشترکہ طور پر آئینی ترمیم کا مسودہ تیار کرنے کا فیصلہ کر لیا۔ تحریک انصاف کے وفد کی مولانا فضل الرحمان سے ہونے والی ملاقات کی اندرونی کہانی سامنے آ گئی۔ میڈیا رپورٹس کے مطابق پاکستان تحریک انصاف کے وفد نے سربراہ جے یو آئی مولانا فضل الرحمان سے ان کی رہائشگاہ پر ملاقات کی جبکہ وفد میں سلمان اکرم راجہ سمیت پی ٹی آئی کی لیگل ٹیم شامل تھی۔ملاقات کے دوران آئینی ترمیم پر پی ٹی آئی اور جے یو آئی نے مشترکہ لائحہ عمل اپنانے پر اتفاق کیا اور سینیٹر کامران مرتضیٰ اور سلمان اکرم راجہ پر مشتمل 2 رکنی کمیٹی قائم کردی گئی ہے۔ذرائع نے بتایا کہ آئینی ترمیم کا الگ الگ یا مشترکہ مسودہ باہمی مشاورت سے تیارکرنے پر بھی اتفاق ہوا۔ملاقات کے دوران مولانا فضل الرحمان نے کہا کہ میری شوریٰ نے کہا حکومت کے ساتھ نہیں جانا، آئینی ترمیم مسترد کرو، مجھے معلوم ہے اس میں بہت ساری چیزیں غلط ہورہی ہیں، پارلیمان کے اندر ووٹ سے کسی بھی غیر آئینی اقدام کو روکیں گے۔مسودہ اور تجاویز ہمارے ہاتھ آجائیں پھر آگے بڑھا جائے گا، جب ہمارےپاس مسودہ ہوا تو پھر ہی کسی سے بات کی جاسکتی ہے۔انہوں نے کہا کہ کسی ایکسٹینشن کو نہیں مانتا نہ کسی ادارے کے سربراہ کو ایکسٹینشن دینے دیں گے، میری شوریٰ نے کہا کہ حکومت کے ساتھ نہیں جانا اور آئینی ترامیم کو مسترد کرو، مجھے معلوم ہے اس میں بہت ساری چیزیں غلط ہو رہی ہیں۔مولانا فضل الرحمان نے کہا کہ پارلیمان کے اندر ووٹ اور باہر عوامی طاقت سے کسی بھی غیر آئینی اقدام کو روکیں گے۔سلمان اکرم راجا نے کہا کہ یہ بانی پی ٹی آئی کو ملٹری کورٹ میں لے جانا چاہتے ہیں۔جمعیت علمائے اسلام اور پی ٹی آئی کے اجلاس میں آئینی ترامیم پر مشترکہ مسودہ لانے کا فیصلہ ہوا اوراپوزیشن کی جانب سے حکومتی آئینی ترامیم کا مسودہ سامنے آنے کے بعد اپنی تجاویز بھی سامنے رکھی جائیں گی۔ملاقات کے بعد میڈیا سے گفتگو کرتے ہوئے پی ٹی آئی رہنما سلمان اکرم راجہ کا کہنا تھا کہ آئینی معاملات کو دیکھنے کیلئے مشترکہ کمیٹی تشکیل دیدی ہے ۔انہوں نے مولانا فضل الرحمان کے آئینی ترمیم پر حکومت کا ساتھ دینے کی دو ٹوک تردید کرتے ہوئے کہا انہوں نے ایک تاریک لمحے میں روشنی ہونے کا ثبوت دیا اور آئین پر شب خون کو جس طرح روکا اسے ملکی تاریخ میں ہمیشہ یاد رکھا جائے گا جبکہ اس روز آئین کو پامال ہونے سے بچایا ۔

پی ٹی آئی اور جے یو آئی کا مشترکہ طور پر آئینی ترمیم کا مسودہ تیار کرنیکا فیصلہ

سیاسی مقاصد کے لیے حکومت کو اپنا کندھا استعمال نہیں کرنے دیں گے، فضل الرحمان کی پی ٹی آئی کو یقین دہانی

پاکستان میں گذشتہ شب سے سپریم کورٹ کے چیف جسٹس قاضی فائز عیسیٰ سوشل میڈیا پر ٹرینڈ کر رہے ہیں اور اس کی وجہ وائرل ہونے والی ایک ویڈیو ہے جس میں اسلام آباد کی ایک بیکری کرسٹیز ڈونٹس سے دوران خریداری وہاں کے ملازم نے ان سے بدکلامی کی۔چیف جسٹس قاضی فائز عیسیٰ کے ساتھ بدتمیزی کے واقعے کی اسلام آباد کی بیکری نے بلواسطہ طور پر تصدیق کردی ہے اور یہ بھی بتا دیا ہے کہ بدکلامی کرنے والے ملازم کا کیا بنا؟ بیکری کیوں سیل کی گئی تھی اور اب صورت حال کیا ہے۔تفصیلات کے مطابق چیف جسٹس آف پاکستان قاضی فائز عیسیٰ کے ساتھ اسلام آباد میںکرسٹیز ڈونٹس نامی بیکری میں مبینہ طور پر بدتمیزی کا واقعہ پیش آیا ہے۔واقعے کی ویڈیو سوشل میڈیا پر وائرل ہوگئی جسے مبینہ طور پر بیکری کے ملازم نے اپنے موبائل فون سے ریکارڈ کیا۔ویڈیو میں چیف جسٹس فائز عیسیٰ کو اپنی اہلیہ سرینا عیسیٰ اور بیٹی سحر عیسیٰ کے ساتھ وفاقی دارالحکومت میں ڈونٹس کی دکان سے خریداری کیلئے آرڈر کرتے سُنا جا سکتا ہے۔اس دوران بیکری ملازم اُن سے سوال کرتا ہے کہ کہ کیا آپ فائز عیسیٰ ہیں؟ جواب میں چیف جسٹس فائز عیسیٰ اور انکی بیٹی نے تصدیق کرتے ہوئے کہا کہ جی، کیا اس سے کوئی فرق پڑتا ہے؟ آرڈر نہیں کر سکتے؟اس پر بیکری ملازم نے چیف جسٹس قاضی فائز عیسیٰ کے ساتھ انکی فیملی کی موجودگی میں بدتمیزی کرتے ہوئے کہا کہ لعنت ہو آپ پر۔واقعے کی ویڈیو سوشل میڈیا پر تیزی سے وائرل ہوگئی جس کے بعد سوشل میڈیا صارفین نے کمنٹس کی بھرمار کردی اور ساتھ ہی میمز کا طوفان بھی امڈ آیا۔ویڈیو وائرل ہونے کے بعد اب متعلقہ بیکری کرسٹیز ڈونٹ نے سوشل میڈیا پر ایک وضاحت جاری کی ہے اور کہا ہے کہ وہ سوشل میڈیا پر گردش کرنے والی ویڈیو سے آگاہ ہیں۔بیکری نے اپنے سیلز مین کے رویے کی مذمت کرتے ہوئے کہا ہے کہ ’ہم سوشل میڈیا پر گردش کرنے والی ویڈیو کے بارے میں جانتے ہیں، ہمارے کسٹمر ہماری اولین ترجیح ہیں اور ہم ہر کسٹمر کے ساتھ عزت کے ساتھ پیش آنے کا عزم رکھتے ہیں۔سوشل میڈیا پر جاری بیان میں مزید کہا گیا کہ ’کمپنی ملازم کی جانب سے کی گئی بدتمیزی ایک ذاتی فعل تھا اور یہ کمپنی پالیسی نہیں۔ اس معاملے کی تحقیقات کی جا رہی ہیں۔کمپنی نے اپنے بیان میں مزید کہا کہ کمپنی کسی بھی گاہک کے عقیدے، رنگ و نسل، سیاسی و مذہبی وابستگی کی بنیاد پر اپنی خدمات فراہم کرنے میں تفریق نہیں کرتی اور اس واقعے کے بعد کمپنی کے ملازمین کی تربیت سازی کا عمل شروع کر دیا گیا ہے۔بی بی سی اردو کے مطابق سوشل میڈیا پر بیکری کی شاخ کو سیل کیے جانے کی خبروں پر تبصرہ کرتے ہوئے کمپنی ذرائع نے بتایا کہ اس وقت کمپنی کی کوئی برانچ سیل نہیں اور سوشل میڈیا پر چلنے والی خبروں میں کوئی صداقت نہیں۔ جبکہ اطلاعات ہیں کہ یہ واقعہ حالیہ دنوں کا نہیں بلکہ اگست کے اوائل کا ہے۔بی بی سی کے مطابق کمپنی ذرائع نے بتایا ہے کہ کمپنی نے ملازم کو نوکری سے فارغ نہیں کیا تاہم ملازم خود ہی اس واقعے کے بعد سے کام پر نہیں آیا۔کمپنی ذرائع نے مزید بتایا کہ اور ان کی معلومات کے مطابق بیکری ملازم کو پولیس کی جانب سے حراست میں نہیں رکھا گیا۔بی بی سی اردو کےمطابق کمپنی ذرائع نے مزید بتایا کہ اسلام آباد کے سیکٹر ایف سکس میں کمپنی کی برانچ کو رواں برس جولائی میں سی ڈی اے نے انتظامی معاملے پر چند گھنٹوں کے لیے سیل کیا تھا، جو اس واقعے سے پہلے کا واقعہ ہے اور اس کا اس ویڈیو والے معاملے سے کچھ لینا دینا نہیں۔

بیکری ملازم کی چیف جسٹس سے بدتمیزی، وائرل ویڈیو کی حقیقت کیا؟

کمپنی ملازم کی جانب سے کی گئی بدتمیزی ایک ذاتی فعل تھا، کرسٹیز ڈونٹس انتظامیہ

بنگلا دیش کے سابق کپتان اور مایہ ناز آل راؤنڈر شکیب الحسن نے اپنے کرکٹ کیریئر سے متعلق بڑا فیصلہ کر لیا ہے۔غیر ملکی میڈیا کے مطابق بنگلا دیش کرکٹ ٹیم کے سابق کپتان اور ممتاز آل راؤنڈر شکیب الحسن نے انٹرنیشنل کرکٹ سے ریٹائرمنٹ کا اعلان کر دیا ہے۔بھارت کے خلاف کل کانپور میں شروع ہونے والے دوسرے ٹیسٹ میچ میں وہ طویل فارمیٹ میں آخری بار اپنے وطن کی نمائندگی کریں گے۔بھارت اور بنگلا دیش کے درمیان ٹیسٹ سیریز جاری ہے۔کان پور میں میڈیا سے گفتگو کرتے ہوئے شکیب الحسن نے بتایا کہ رواں سال جون میں ہونے والے ٹی ٹوئنٹی ورلڈکپ میں وہ اس فارمیٹ میں بنگلادیش کے لیے اپنا آخری میچ کھیل چکے ہیں۔ انہوں نے کہا کہ اکتوبر میں ڈھاکا میں جنوبی افریقا کے خلاف شیڈول ٹیسٹ ان کے کیریئر کا آخری ٹیسٹ میچ ہوگا، ٹی ٹوئنٹی کے بعد وہ اس فارمیٹ سے بھی ریٹائر ہوجائیں گے۔انہوں نے کہا کہ اگر کرکٹ بورڈ بنگلا دیش میں الوداعی ٹیسٹ میچ کھیلنے کی اجازت نہیں دیتا تو بھارت کیخلاف ٹیسٹ میرے کیریئر کا آخری ٹیسٹ میچ ہو گا۔انہوں نے کہا کہ میں نے میرپور میں اپنا آخری ٹیسٹ میچ کھیلنے کی خواہش کا اظہار بنگلہ دیش کرکٹ بورڈ سے کیا ہے، اس حوالے سے بورڈ نے مجھ سے اتفاق کیا۔شکیب الحسن کا کہناتھا کہاگلے سال پاکستان میں ہونے والی چیمپئنز ٹرافی ان کا آخری ون ڈے ٹورنامنٹ ہوگا جس کے بعد وہ مارچ 2025 تک بین الاقوامی کرکٹ سے ریٹائر ہو جائیں گے۔شکیب الحسن 70 ٹیسٹ میچز میں بنگلادیش کی نمائندگی کرچکے ہیں، جس میں انہوں نے 4600 رنز اور 242 وکٹیں لیں۔ٹی ٹوئنٹی میں انہوں نے  129 میچز کھیلے جس میں 2551 رنز اور  149 وکٹیں شامل ہیں۔  اس کے علاوہ شکیب الحسن 247 ون ڈے میچز میں بھی بنگلادیش کی نمائندگی کرچکے ہیں۔یاد رہے کہ سابق وزیرِاعظم حسینہ واجد کے خلاف ہونے والے مظاہروں کے دوران شکیب الحسن کو قتل کے ایک مقدمے میں نامزد کیا گیا ہے۔واضح رہےبھارت اور بنگلا دیش کے درمیان دوسرا ٹیسٹ کل سے کانپور میں شروع ہو رہا ہے جبکہ چنئی میں کھیلے گئے پہلے ٹیسٹ میچ میں بھارت نے 280 رنز سے کامیابی حاصل کی تھی۔

بنگلا دیشی آل رائونڈرشکیب الحسن کاانٹرنیشنل کرکٹ سے ریٹائرمنٹ کا اعلان

اگلے سال پاکستان میں ہونے والی چیمپئنز ٹرافی شکیب الحسن کا آخری ون ڈے ٹورنامنٹ ہوگا

Here's why Shaheen, Babar, Rizwan, & Shan will not participate in the remaining matches of Champions One Day Cup.

Shaheen, Babar, Rizwan, & Shan Will No Longer Play Champions Cup 2024

Pakistan&rsquo;s red-ball head coach Jason Gillespie has asked the Pakistan Cricket Board to give rest to the players that are a part of the PAK vs ENG <a href="https://www.tapmad.com/blog/pakistan-squad-for-pak-vs-eng-1st-test/464-2-0">1st test squad</a>.&nbsp;

&quot;With a busy domestic and international cricket schedule, it makes sense to give our players some much-needed rest ahead of the Test series against England,&quot; head coach Jason Gillespie said as quoted by ICC.

The Champions Cup 2024 has finally entered its last stage with only three matches left to be played.&nbsp;

10 of the 15 players selected for the Pakistan vs England 1st test are key members of their Champions Cup teams.

With the official announcement of the Pakistan squad for PAK vs ENG 1st test coming on the day of the 1st knockout match, the selected players will have to sit out the remaining matches.&nbsp;

The players expected to be rested for each team are:

Lions: Shaheen Afridi, Abdullah Shafique, and Aamer Jamal

Stallions: Shan Masood, Babar Azam, and Abrar Ahmed

Panthers: Saim Ayub

Markhors: Mohammad Rizwan, Naseem Shah, Salman Ali Agha

Pakistan squad for the 1st test against England will be led by Shan Masood, while Saud Shakeel will take on the role of vice captain.&nbsp;

Saud Shakeel didn&rsquo;t have a good time during the Champions Cup as his own team failed to qualify for the knockout stage.&nbsp;

Let&rsquo;s see if he can create some magic in the upcoming Pakistan vs England test series.&nbsp;

Fans Will Not See Shaheen, Babar, Rizwan, & Shan In Remaining Matches Of Champions Cup

Related Post

Ahmad Shahzad Shares His Disapproval of The PAK vs ENG 1st Test Squad