Cricket

Entertainment

Football

بھارت کے انکار کی وجہ سے آئی سی سی چیمپئنز ٹرافی کے شیڈول کا اعلان تو نہ کیا جا سکا لیکن انٹرنیشنل کرکٹ کونسل نے چیمپئنز ٹرافی دبئی سے اسلام اباد پہنچادی۔تفصیلات کے مطابق تاریخ میں پہلی مرتبہ چیمپینز ٹرافی کے شیڈول کے اعلان کے بغیر ہی ٹرافی ٹور کا آغاز ہو گیا، 2025 کی چیمپئن ٹرافی دبئی سے اسلام آباد پہنچ گئی ہے۔میڈیارپورٹس کے مطابق آئی سی سی چیمپئنز ٹرافی کے شیڈول کا اعلان تو نہیں کیا جا سکا لیکن انٹرنیشنل کرکٹ کونسل نے ایونٹ کی ٹرافی دبئی سے اسلام آباد پہنچا دی، اب  اس ٹرافی ٹور کا آغاز ہفتے کو ہوگا۔آئی سی سی کے شیڈول کے مطابق 16 نومبر سے چیمپئنز ٹرافی ٹور کا آغاز ہوگا اور ٹور 24 نومبر تک جاری رہے گا، ٹرافی ٹور کا آغاز اسکردو سے ہوگا، اسکردو کے بعد چیمپئنز ٹرافی کو کے ٹو بیس کیمپ لے جایا جائے گا، ٹرافی ٹور میں وہ شہر بھی کور ہوں گے جہاں چیمپئنز ٹرافی کے میچز ہونا ہیں۔خیال رہے کہ یہ پہلا موقع ہے کہ چیمپئنز ٹرافی کے شیڈول کے اعلان کے بغیر ہی ٹرافی ٹور شروع ہو گا، آئی سی سی ٹورنامنٹ کے آغاز سے 4 ماہ پہلے شیڈول کا اعلان کرتا ہے۔مینز ٹی20 ورلڈ کپ 2024 کے شیڈول کا اعلان 4 ماہ پہلے جنوری میں کیا گیا تھا، مینز ون ڈے ورلڈ کپ 2023 کے شیڈول کا اعلان 3 ماہ پہلے جون میں ہوا تھا۔واضح رہے کہ چیمپئنز ٹرافی 19 فروری سے 9 مارچ تک پاکستان میں شیڈول ہے، جس کے مکمل شیڈول کا اعلان 11 نومبر کو لاہور میں کرنے کا فیصلہ کیا گیا تھا اوربھارت کے تمام میچز لاہور میں شیڈول تھے۔بھارتی بورڈ کی جانب سے انکار کے باعث آئی سی سی ٹرافی کے شیڈول کا اعلان نہیں کر پا رہا ہے جبکہ پاکستان کرکٹ بورڈ (پی سی بی) نے بھارتی کرکٹ بورڈ (بی سی سی آئی) کی ہٹ دھرمی پر اپنا واضح اور دو ٹوک مؤقف دیا ہے۔

شیڈول کے اعلان کے بغیر ہی آئی سی سی چیمپئنز ٹرافی پاکستان پہنچ گئی

چمپیئنز ٹرافی 16 نومبر سے پاکستان کے دورے پر جائے گی اور اہم مقامات کا سفر کرے گی

وزیراعلیٰ پنجاب مریم نواز کے اسموگ سے متعلق خط لکھنے پر ان کے بھارتی ہم منصب نے طنز کردیا۔تفصیلات کے مطابق پاکستان کی وزیر اعلیٰ پنجاب مریم نواز کی جانب سے اسموگ کے مسئلے پر بھارتی پنجاب کے وزیر اعلیٰ کو خط لکھنے کے عندیے پر بھارتی پنجاب کے وزیر اعلیٰ بھگونت مان نے طنزیہ ردعمل دیا ہے۔سوشل میڈیا پر وائرل ہونے والی ویڈیو میں بھارتی پنجاب کے وزیر اعلیٰ بھگونت مان کہہ رہے ہیں کہ پاکستان میں پنجاب کی وزیر اعلیٰ کہتی ہیں کہ میں خط لکھوں گی کہ آپ کا دھواں لاہور آتا ہے۔بھگونت مان نے کہا کہ دوسری جانب دہلی والے کہتے ہیں کہ تمہارا دھواں دہلی آتا ہے، تو کیا ہمارا دھواں چکر لگاتا رہتا ہے؟انہوں نے کہا میں مریم نواز کو کہتا ہوں کہ بی بی تم بھی چھٹی لکھ لو۔بھارتی پنجاب کے وزیراعلیٰ کا مزید کہنا تھا کہ ریاستوں کو الزام تراشی کے بجائے فضائی آلودگی کے مسئلے سے نمٹنے کیلئے باہمی تعاون پر بات کرنا چاہیے۔خیال رہے کہ بھارتی پنجاب اور ہریانہ میں چاول کی فصل کی کٹائی کے بعد کسانوں کی جانب سے فصلوں کی باقیات کو آگ لگا دی جاتی ہے جس سے اٹھنے والا دھواں اطراف کے علاقوں میں آلودگی کا سبب بنتا ہے۔گزشتہ دنوں وزیر اعلیٰ پنجاب مریم نواز نے اسموگ کے معاملے پر بھارتی پنجاب کے وزیراعلیٰ کو خط لکھنے کا عندیہ دیا تھا۔لاہور میں تقریب سے خطاب میں مریم نواز نے کہا تھا کہ اسموگ کا مسئلہ سیاسی نہیں بلکہ انسانی ہے اور اسموگ کے معاملے پر پاک بھارت ڈپلومیسی کی ضرورت ہے۔انہوں نے کہا تھا کہ سوچ رہی ہوں اسموگ کے معاملے پر بھارتی پنجاب کے وزیراعلیٰ کو خط لکھوںگی۔

کیا ہمارا دھواں چکر لگاتا رہتا ہے ؟ مریم کے خط لکھنے کے بیان پر بھارتی پنجاب کے وزیراعلیٰ کا ردعمل

ریاستوں کو الزام تراشی کے بجائے فضائی آلودگی کے مسئلے سے نمٹنے کیلئے باہمی تعاون پر بات کرنا چاہیے،بھگونت مان

بلوچستان کے ضلع ہرنائی میں شہریوں کا نشانہ بنانے کی منصوبہ بندی کرنے والے شر پسند عناصر کے خلاف کارروائی کے دوران پاک فوج کے ایک میجر اور حوالدار شہید ہوگئے جبکہ 3 دہشت گرد مارے گئے۔پاک فوج کے شعبہ تعلقات عامہ (آئی ایس پی آر) سے جاری بیان کے مطابق 14 نومبر کو ضلع ہرنائی میں معصوم شہریوں کو نشانہ بنانے کی منصوبہ بندی کی اطلاع ملنے پر سیکیورٹی فورسز نے کارروائی کی۔بیان میں کہا گیا کہ اطلاع پرفوری طور پر میجر محمد حسیب کی قیادت میں علاقے کو کلئیر کرنے کے لیے سیکیورٹی اہلکاروں کو روانہ کردیا گیا۔آئی ایس پی آر کے مطابق سیکیورٹی فورسزنے مؤثر طریقے سے دہشت گردوں کے ٹھکانے کو نشانہ بنایا، جس کے نتیجے میں تین دہشت گرد ہلاک ہوگئے۔دوران آپریشن سیکیورٹی فورسز کی گاڑی بارودی سرنگ سے ٹکرا گئی، دھماکا خیز مواد پھٹنے کے نتیجے میں فرنٹ لائن پر اپنی ٹیم کی قیادت کرنے والے میجر محمد حسیب اور حوالدار نور احمد  نے بہادری سے لڑتے ہوئے وطن پر اپنی جان قربان کر دی اور شہادت کا رتبہ پایا۔پاک فوج کے شعبہ تعلقات عامہ کے مطابق میجر محمد حسیب شہید کا تعلق ضلع راولپنڈی سے اور عمر 28 سال ہے، میجر محمد حسیب شہیدنے 8سال6 ماہ تک دفاعِ وطن کا مقدس فریضہ سر انجام دیا، شہید کے سوگواران میں والدین اور بہن بھائی شامل ہیں۔آئی ایس پی آر کی جانب سے بتایا گیا کہ 38سالہ حوالدار نور احمد شہید کا تعلق ضلع بارکھان سے ہے، حوالدارنور احمد شہید نے 14 سال تک وطنِ عزیز کا دفاع کیا، کے سوگوران میں اہلیہ ، 3بیٹے اور بیٹی شامل ہیں۔آئی ایس پی آر کی جانب سے مزید کہا گیا ہے کہ سکیورٹی فورسز بلوچستان کے امن و استحکام کو سبوتاژ کرنے کی کوششیں ناکام بنانے کیلئے پرعزم ہیں،بہادر جوانوں کی ایسی قربانیاں ہمارے عزم کو مزید تقویت دیتی ہیں۔

بلوچستان،ہرنائی میں سیکیورٹی فورسز کی کارروائی،3 دہشت گرد ہلاک،میجر اور حوالدار شہید

ہرنائی میں معصوم شہریوں کو نشانہ بنانے کی منصوبہ بندی کی اطلاع پر سیکیورٹی فورسز نے کارروائی کی، آئی ایس پی آر

چیئرمین پی ٹی آئی بیرسٹر گوہر نے کہا ہے کہ بانی پی ٹی آئی عمران خان کی کال پر پوری دنیا میں احتجاج نظر آئے گا، احتجاج میں سب لوگ شریک ہوں گے یہ بانی پی ٹی آئی کا حکم ہے۔ چیئرمین پی ٹی آئی بیرسٹر گوہر نےالیکشن کمیشن کے باہر میڈیا سے گفتگو کرتے ہوئے کہا کہ عمران خان باس ہیں وہ سفارش نہیں حکم دیتے ہیں ، انہوں نے  24 نومبرکو فائنل احتجاج کی کال دیدی ہے ، آج ان سے ملاقات کروں گا۔ بیرسٹر گوہر نے مزید کہا کہ اڈیالہ جیل کے باہر رہنماؤں کی گرفتاری کا واقعہ پہلا نہیں ، ایسے واقعات ہوتے رہے ہیں، عدالت کا حکم ہے اس لیے ایسے واقعات نہیں ہونے چاہیے، اگر عدالت سے بھی ریلیف نہ ملے تو پھر کیا کرنا ہے۔واضح رہے کہ گزشتہ روز بانی تحریکِ انصاف کی بہن علیمہ خان نے کہا تھا کہ بانئ پی ٹی آئی نے کہا ہے کہ پورے پاکستان میں نکلنا ہے۔اڈیالہ جیل کے باہر میڈیا سے گفتگو کرتے ہوئے علیمہ خان نے کہا تھا کہ آپ نے اپنے چوری کیے گئے مینڈیٹ کے لیے نکلنا ہے، بانئ پی ٹی آئی نے فائنل کال دے دی ہے، انہوں نے ایک ایک کارکن کو مخاطب ہو کر یہ کال دی ہے۔علیمہ خان کا کہنا تھا کہ بانئ پی ٹی آئی نے 24 نومبر کو اسلام آباد میں احتجاج کا کہا ہے، انہوں نے کہا ہے کہ 8 فروری کوعوام جمہوریت کے لیے نکلے تھے، اس روز عوام نے ظلم کے نظام کے خلاف ووٹ دیا تھا۔

احتجاج میں سب شریک ہوگے ، بانی پی ٹی آئی باس ، وہ سفارش نہیں حکم دیتے ہیں ، بیرسٹر گوہر

بانی پی ٹی آئی عمران خان کی کال پر پوری دنیا میں احتجاج نظر آئے گا،چیئرمین پی ٹی آئی

چیئرمین پیپلزپارٹی بلاول بھٹو زرداری کا کہنا ہے کہ وفاق میں نہ عزت دی جاتی ہے نہ سیاست کی جاتی ہے۔میڈیا سے گفتگو کرتے ہوئے بلاول بھٹو نے کہا کہ مسلم لیگ ن پیپلز پارٹی کے ساتھ معاہدے کی خلاف ورزی کررہی ہے، وفاق سے نہ عزت مل رہی ہے نہ سیاست مل رہی ہے۔ حکومت اپنی باتوں سے پیچھے ہٹ رہی ہے، قانون سازی میں پوری طرح مشاورت ہونی چاہیے۔بلاول بھٹو زرداری کا کہنا تھا کہ اس وقت امریکہ کے ساتھ بدتر تعلقات ہیں، حکومت فور جی انٹرنیٹ کے حوالے سے جھوٹ بول رہی ہے، تھری جی انٹرنیٹ سروس دی جارہی ہے، آئین سازی کے وقت حکومت پیپلز پارٹی سے کی گئی اپنی باتوں سے پیچھے ہٹ گئی۔چیئرمین پیپلزپارٹی بلاول بھٹو نے وفاقی حکومت پر تنقید کے نشتر چلاتے ہوئے کہا کہ 26ویں ترمیم میں مصروف تھا پیٹھ پیچھے حکومت نے کنالز کی منظوری دے دی۔ یہ عجیب ہے کہ پہلے فلور پر بل، اور پھر بعد میں مجھے کاپی دی جائے۔بلاول بھٹو نے کہا کہ حکومت کے ساتھ ناراضی کا سوال ہی نہیں ہے، سمجھتا ہوں اتفاق رائے کے مختلف طریقے ہوسکتے ہیں، طے ہوا تھا کہ پی ایس ڈی پی مشاورت سے بنائی جائے گی، حکومت کنالز پر جو طریقہ اپنا رہی ہے وہ ٹھیک نہیں ہے۔دنیا بھر میں حکومت پارٹنرز کے ساتھ معاہدوں پر عمل کرتی ہے، دیکھیں گے کہ معاہدے پر عملدرآمد کیا ہوا؟چیئرمین پیپلز پارٹی نے کہا کہ بطور پارٹی چیئرمین ذمہ داری ہے سی ای سی کو زمینی حقائق سے آگاہ کروں۔ وفاقی حکومت نے آئین سازی کے وقت برابری کی باتیں کیں، اب پیچھے ہٹ گئی ہے۔ جوڈیشل کمیشن سے بھی احتجاجاً الگ ہوا۔انہوں نے کہا کہ جوڈیشل کمیشن میں ہوتا تو آئینی بینچ میں فرق پر بات کرتا۔ میں نے اپنا نام جوڈیشل کمیشن سے احتجاجاً واپس لیا۔ دیہی سندھ سے سپریم کورٹ میں ججز ہوتے تو برابری کی بات کرتا۔ چیف جسٹس، آئینی سربراہ کو غیر متنازعہ ہونا چاہیے۔ان کا کہنا تھا کہ انصاف کے سب سے بڑے ادارے میں برابری کی نمائندگی چاہیے۔ ایک ملک میں 2 نظام نہیں چل سکتے۔ وفاق آئینی بینچ کے لیے الگ اور سندھ کے لیے الگ طریقہ اختیار کیا گیا۔ سندھ کے ساتھ بار بار تفریق اور الگ سلوک نظر آتا ہے۔انہوں نے کہا کہ کچھ ججز کا طریقہ ہے کہ بینچ سے سیاست کریں، عوام کا سب سے زیادہ واسطہ لوئر کورٹ سے پڑتا ہے۔ وزیر اعلیٰ سندھ کو کہا ہے چیف جسٹس سے رجوع کریں۔ لوئر کورٹس میں اصلاحات کے لیے بات کریں گے۔ان کا کہنا تھا کہ صدر زرداری صاحب کی طبیعت بہتر ہے، ان کے پاؤں میں چار فریکچر ہوئے، مکمل بہتر طبیعت میں کچھ وقت لگےگا۔چینی شہریوں کی ہلاکت پر چینی سفیر کے بیان پر بلاول بھٹو سے سوال کیا گیا تو ان کا کہنا تھا کہ چین کے شہری ہمارے نہ صرف مہمان بلکہ دوست بھی ہیں، سندھ بلوچستان میں مہمان نوازی ثقافت کا حصہ ہے، ہم دہشتگردی کی سختی سے مذمت کرتےہیں، چین ہماری معیشت اور عوام کو فائدہ پہنچانا چاہتا ہے، عوام کا مطالبہ ہے کہ دہشتگردی کے واقعات کا سدباب ہو، بلوچستان سے لے کر قبائلی علاقوں تک دہشتگردی کی آگ پھیلی ہے، حکومت کی ذمہ داری ہےکہ وہ صورتحال پر ایکشن لے۔انہوں نے کہا کہ عادت بن چکی ہے کہ دہشتگردی کے واقعے پر بیانات اور تعزیتی دورے ہوجاتے ہیں، عوام کا مطالبہ ہے کہ حکومت باتیں نہیں عمل کرکے دکھائے، حکومت دہشتگردی کے مقابلے کے لیے کیا کررہی ہے۔ایک سوال کے جواب میں ان کا کہنا تھا کہ ہم پاکستان کے مفاد کو مدنظر رکھتے ہیں، امریکہ کی اپنی سیاست ہے، ہم امریکی سیاست میں ری پبلیکن یا ڈیموکریٹس کی طرفداری نہیں کرتے۔بلاول بھٹو نے کہا کہ ذاتی تعلقات سیاست میں ہوتے ہیں، ٹرمپ کے داماد اور بیٹی کو میں جانتا ہوں، بی بی شہید کو بھی ٹرمپ نے کھانے پر مدعو کیا تھا، آصف علی زرداری ٹرمپ کو صدر بننے سے پہلے جانتے ہیں۔انہوں نے کہا کہ ذاتی تعلقات کی ڈپلومیسی میں اہمیت محدود ہوتی ہے، جیو پالیٹیکس کا اثر زیادہ ہوتا ہے، پاکستان امریکہ کے تعلقات بلکل اچھے نہیں ہیں، جب وزیر خارجہ تھا اس وقت بھی امریکہ سے تعلقات زیادہ بہتر نہیں تھے، اس وقت امریکہ کے ساتھ بدتر تعلقات ہیں۔وی پی این کی بندش اورانٹرنیٹ اسپیڈ پر بلاول بھٹو نے شدید ردعمل دیتے ہوئے کہا کہ انٹرنیٹ اور وی پی این بندش سے متعلق ہم سے مشاورت نہیں کی گئی، فیصلے کرنے والوں کو وی پی این کا پتہ ہی نہیں، انٹرنیٹ وی پی این معاملے پر حکومت مشاورت کرتی تو سمجھاتے۔ان کا کہنا تھا کہ زراعت اور ٹیکنالوجی ہی ایسے شعبے ہیں جو معیشت کو سہارا دے سکتےہیں، بدقسمتی سے حکومت زراعت اور ٹیکنالوجی کےشعبےکو نقصان دے رہی ہے۔بلاول بھٹو نے کہا کہ اب زمانہ انٹرنیٹ، وی پی این اور انٹرنیٹ اسپیڈ کا ہے، ایک وقت تھا کہ سڑک پل اور عمارتیں بنائی جاتی تھیں، اب زمانہ انٹرنیٹ اسپیڈ کا ہے، یہ کہتے ہیں کہ حکومت فور جی سروس دے رہی ہے، فور جی انٹرنیٹ کے حوالے سےجھوٹ بولا جاتا ہے، تھری جی انٹرنیٹ سروس دی جارہی ہے، اب انٹرنیٹ اسپیڈ مزید سست کردی گئی ہے۔

وفاق میں نہ عزت دی جاتی ہے نہ سیاست کی جاتی ہے، بلاول بھٹوزرداری کاشکوہ

حکومت آئین سازی کے وقت اپنی باتوں سے پیچھے ہٹ گئی،وی پی این کی بندش اورانٹرنیٹ اسپیڈ پر بلاول کا شدید ردعمل

پہلے ٹی 20 میں آسٹریلیا نے پاکستان کو 29 رنز سے شکست دے دی۔تفصیلات کے مطابق پاکستان اور آسٹریلیا کے درمیان تین ٹی 20 میچوں کی سیریز کا پہلا میچ برسبین میں کھیلا گیا۔ بارش سے متاثرہ میچ میں کینگروز نے گرین شرٹس کو 29 رنز سے شکست دے کر سیریز میں ایک صفر کی برتری حاصل کر لی۔ تفصیلات کے مطابق بارش کے باعث میچ تاخیر کا شکار ہوا اور ڈک ورتھ لوئس میتھڈ کا استعمال کرتے ہوئے میچ کو 7 اوورز تک محدود کر دیا گیا جس میں پاکستان نے ٹاس جیت کر فیلڈنگ کا فیصلہ کیا جو کہ غلط ثابت ہوا۔آسٹریلیا کی جانب سے گلین میکسویل 19 گیندوں پر 43 رنز کی شاندار اننگز کھیل کے آؤٹ ہوئے، ان کی اننگز میں 5 چوکے اور 3 چھکے شامل ہیں۔اس کے علاوہ میتھیو شارٹ 7 ، جیک فریسر اور ٹم ڈیوڈ 9،9 رنز بناکر پویلین لوٹے۔آسٹریلیا نے مقررہ سات اوورز میں 4 وکٹوں کے نقصان پر 93 رنز بنائے۔پاکستان کی جانب سے عباس آفریدی نے 2 جبکہ نسیم شاہ اور حارث رؤف نے ایک ایک وکٹ حاصل کی۔ہدف کے تعاقب میں پاکستان کا آغاز اچھا نہ رہا، اوپنر صاحبزادہ فرحان 8، عثمان خان 4، بابراعظم 3، آغا سلمان 4 جبکہ کپتان محمد رضوان اور عرفان خان نیاری صفر پر پویلین لوٹ گئے۔پاکستان کی جانب سے حسیب اللہ خان 12، شاہین آفریدی 11 جبکہ عباس آفریدی نے 20 رنز کی مزاحمتی اننگز کھیلی۔آسٹریلیا کی جانب سے زیویئر بارٹلیٹ اور نتھین ایلس نے 3، 3 جبکہ اسپینسر جانسن اور ایڈم زمپا نے ایک ایک وکٹ حاصل کی۔

پہلا ٹی20،آسٹریلیا نے پاکستان کو 29 رنز سے شکست دیدی

بارش سے متاثرہ میچ کو 7 اوورز فی اننگز تک محدود کردیا گیا،آسٹریلیا کو سیریز میں ایک صفرکی برتری حاصل ہوگئی

پاکستانی اداکارہ، ماڈل اور میزبان وینا ملک ایک بار پھر شادی کے بندھن میں بندھ گئی ہیں۔ویناملک نے شہریار چوہدری نامی اسلام آباد کے ایک بزنس مین سے شادی کی ہے۔انسٹاگرام پر ایک اسٹوری میں وینا ملک نے خود اپنی شادی کی تصدیق کی ہے۔ اسٹوری میں دلہن کے کپڑے زیب تن کیے ہوئے اپنی ایک تصویر شیئر کی ہے جس میں انہوں نے اپنے چہرے کو چھپایا ہوا ہے، تصویر کے ساتھ انہوں نے لکھا ہے،”ہاں ، آخر کار“۔ ویناملک نے اس کے ساتھ شہریار نامی شخص کو بھی ٹیگ کیا ہے۔دوسری جانب شہریار نے بھی انسٹاگرام پر سفید شرٹ اور سیاہ پینٹ میں اپنے چہرے کو چھپائے ہوئے ایک تصویر شیئر کی ہے اور اس پوسٹ میں وینا ملک کو ٹیگ کیا ہے۔انسٹاگرام پر شیئر کردہ ایک اسٹوری سے بظاہر لگتا ہے کہ اداکارہ اور ڈرامہ کوئن وینا ملک دوسری مرتبہ رشتہ ازدواج میں منسلک ہوگئی ہیں۔تاہم اداکارہ نے اسٹوری میں مزید کچھ بھی ایسا شیئر نہیں کیا جس سے اس بات کی تصدیق ہوسکے کہ وہ دوبارہ شادی کے بندھن میں بندھ چکی ہے یا یہ کسی فوٹو شوٹ کا حصہ ہے۔خیال رہے وینا ملک نے 25 دسمبر 2013 کو دبئی کے بزنس مین اسد بشیر خان خٹک سے شادی کی تھی جن سے انکے دو بچے پیدا ہوئے۔شادی کے چار سال بعد وینا ملک نے 2017 میں اسد بشیر خٹک سے خلع لے لی تھی جس کے بعد دونوں میں ایک دوسرے پر الزامات لگانے کا سلسلہ جاری ہوا اور بچوں کی حوالگی کے تنازع سے قبل بھی وہ ایک دوسرے پر مختلف نوعیت کے الزامات لگاتے رہے۔اب اسد بشیر سے خلع لینے کے 7 سال بعد وینا ملک نے زندگی میں کوئی نیا شخص آیا ہے جس کا نام شہریار چوہدری ہے۔

ماڈل واداکارہ وینا ملک ایک بارپھر ازدواجی بندھن میں بندھ گئیں، تصاویر وائرل

وینا ملک نے سال 2013 میں بزنس مین اسد بشیر خٹک سے دبئی میں شادی کی تھی جن سے ان کے دو بچے بھی ہیں

سربراہ عوامی مسلم لیگ و سابق وفاقی وزیرشیخ رشید احمدکاکہنا ہے کہ یہ حکومت دھکے سے چلائی جا رہی ہے کسی جگہ یہ دھکا ناکام ہوگا اور وہ دن زیادہ دور نہیں ہے حکومت ناکام جائے ہوگی۔سابق وفاقی وزیرشیخ رشید احمد نے اسلام آباد کچہری میں میڈیا سے گفتگو میں کہا کہ آئی ایم ایف آئی ہوئی ہے اور اس  سے مذاکرات خفیہ رکھے جا رہے ہیں ، یہاں ہر چیز خفیہ ہوتی ہے، یہ خفیہ خفیہ کھیلتے ہیں ۔انہوں نے کہا کہ خزانے کی حالت نہایت مخدوش ہے، ایک جملہ جو نواز شریف عموما بولا کرتے تھے کہ پلے نہیں دھیلا تے کردی میلا میلا تو اب یہ ان پر خود لاگو ہوتی ہے ، جہاں جاتے ہیں ان کو گالیاں پڑ رہی ہیں، ان کو لوگ نازیبا الفاظ سے یاد کرتے ہیں ، اب جو سابقہ چیف جسٹس قاضی صاحب کے ساتھ ہوا ، جو ان کے وزیروں اور نواز شریف صاحب کے ساتھ ہو رہا ہے،  یہ بغیر سکیورٹی کے پھر کے دکھائیں، پاکستان کی زمین ان کے لیے تنگ ہو گئی ہے۔شیخ رشید نے کہا کہ پاکستان میں جو اس وقت ایک بدامنی، ایک مہنگائی، ایک بےروزگاری اور جو بے روزگاری کی سیٹوں کی گنجائش ہے، اس کو بھی ختم کر دیا گیا ہے ۔قبل ازیں اینڈ سیشن کورٹ اسلام آباد نے صدر مملکت آصف علی زرداری کو قتل کرنے کی سازش سے متعلق کیس میں شیخ رشید احمد کی بریت کی درخواست پر فیصلہ محفوظ کر لیا۔

موجودہ حکومت دھکے سے چل رہی ہے، دھکا ناکام ہوا تو حکومت بھی گئی، شیخ رشید

آئی ایم ایف سے مذاکرات خفیہ رکھے جا رہے ہیں، یہاں ہر چیز خفیہ ہوتی ہے،سربراہ عوامی مسلم لیگ

سپریم کورٹ کے نوتشکیل کردہ آئینی بینچ نے ابتدائی کیسوں کی سماعت کرتے ہوئے ماحولیاتی آلودگی سے متعلق اٹھائے گئے اقدامات پر تمام صوبوں سے رپورٹ طلب کرلی اور جسٹس ریٹائرڈ قاضی فائز عیسیٰ کی بطور چیف جسٹس بلوچستان ہائیکورٹ تعیناتی کیخلاف درخواست خارج کردی ہے۔جسٹس امین الدین خان کی سربراہی میں سپریم کورٹ کی 6 رکنی آئینی بینچ نے قاضی فائز عیسیٰ کی بطور چیف جسٹس بلوچستان ہائیکورٹ کیس کی سماعت کی، جسٹس جمال مندوخیل، جسٹس محمد علی مظہر، جسٹس حسن اظہر رضوی، جسٹس نعیم اختر افغان اور جسٹس مسرت ہلالی بھی بینچ کا حصہ تھے۔دوران سماعت جسٹس جمال مندوخیل نے کہا کہ یہ نظرثانی درخواست ہے، کیس کو دوبارہ نہ کھول سکتے، درخواست گزار کے وکیل ریاض حنیف نے مؤقف اپنایا کہ سپریم کورٹ نے بھٹو کیس بھی 40 سال بعد سنا۔جسٹس مسرت ہلالی نے کہا کہ یہ فورم سیاسی تقاریر اور نہ بیک بائٹنگ کا ہے، قانون سے نہیں ہٹ سکتے، جسٹس مسرت ہلالی نےریمارکس دئیے مقدمات میں ذاتیات پرنہیں آتے۔ قاضی فائز عیسٰی کی جان اب چھوڑ دیں۔ یہ مقدمہ قانونی کم اور سیاسی زیادہ لگ رہا ہے۔جسٹس محمد علی مظہر نے کہا کہ آپ غصے میں کیوں آ رہے؟ عدالت کی بات سنیں۔جسٹس امین الدین نے استفسار کیا کہ عدالت آپ سے سوالات پوچھ رہی لیکن آپ جواب کیوں نہیں دے رہے؟جسٹس جمال مندوخیل نے استفسار کیا کہ آپ کیس دوبارہ کھولنا چاہتے ہیں؟ جس پر درخواست گزار وکیل ریاض حنیف نے جواب دیا کہ میں عدالت کو حقائق بیان کر رہا ہوں، میرے پاس ریکارڈ نہیں لیکن بلوچستان سے ریکارڈ منگوایا جا سکتا ہے۔جسٹس امین الدین نے کہا کہ قانون بتائیں کہ وزیراعلیٰ کے ساتھ مشاورت کیسے ضروری ہے؟ جسٹس مسرت ہلالی نے کہا کہ کیسز میں پرسنل نہ ہوا کریں، چھوڑ دیں قاضی صاحب کی جان۔جسٹس جمال مندوخیل نے کہا کہ ایسی درخواست پر بنچ کے سربراہ سے درخواست کروں گا کہ معاملہ پاکستان بار کونسل کو بھیجیں۔جسٹس مسرت ہلالی نے کہا کہ مقدمات میں ذاتیات پر نہیں آتے، یہ مقدمہ قانونی کم اور سیاسی زیادہ لگ رہا ہے، پیٹھ پیچھے کسی کی برائی کرنے کا کوئی فائدہ نہیں۔بعدازاں عدالت عظمیٰ کے آئینی بنچ نے قاضی فائز عیسیٰ کے خلاف دائر نظرثانی درخواست خارج کر دی۔ اس کے علاوہ سپریم کورٹ نے پاکستان ڈیموکریٹک موومنٹ (پی ڈی ایم) حکومت میں قانون سازی کو غیر آئینی قرار دینے سے متعلق درخواست جرمانے کے ساتھ خارج کر دی۔جسٹس امین الدین خان کی سربراہی میں 6 رکنی آئینی بنچ نے سماعت کی، درخواست محمود اختر نقوی ویڈیو لنک کے ذریعے پیش ہوئے۔عدالت نے پی ڈی ایم حکومت میں قانون سازی کو غیر آئینی قرار دینے سے متعلق درخواستیں 20، 20 ہزار جرمانے کے ساتھ خارج کر دیں۔سپریم کورٹ نے غیر ملکی اثاثوں و بینک اکاؤنٹس کیخلاف درخواست 20 ہزار جرمانے کیساتھ خارج کردی۔آئینی بنچ کے رکن جسٹس جمال مندوخیل نے ریمارکس میں کہا کہ قانون سازی کرنا پارلیمنٹ کا کام ہے، الیکشن کمیشن غیر ملکی اکاؤنٹس و اثاثوں پر قانون سازی کیسے کر سکتا ہے۔جسٹس محمد علی مظہر نے کہا کہ درخواست گزار مشتاق اعوان نے درخواست میں کوئی قانونی بات نہیں کی، جس پر درخواست گزار نے کہا کہ میرا مؤقف ہے غیر ملکی اثاثوں یا بینک اکاؤنٹس پر الیکشن لڑنے کی اجازت نہیں ہونی چاہیے۔اس پر جسٹس محمد علی مظہر نے ریمارکس میں کہا کہ اس معاملے پر قانون سازی کرنا پارلیمنٹ کا کام ہے، کن لوگوں کے غیر ملکی اثاثے یا بینک اکاؤنٹس ہیں کسی کا نام نہیں لکھا۔عدالت نے مزید کہا کہ پارلیمنٹ کو قانون سازی کرنے کا نہیں کہہ سکتے، اس معاملے پر قانون سازی کیلئے درخواست گزار اپنے حلقہ کے منتخب نمائندے سے رجوع کرے۔قبل ازیں آئینی بینچ نے ماحولیاتی آلودگی سے متعلق آج کے پہلے کیس کی سماعت کرتے ہوئے ماحولیاتی آلودگی سے متعلق اٹھائے گئے اقدامات پر تمام صوبوں سے رپورٹ طلب کرلی ہے۔جسٹس مسرت ہلالی نے کہا کہ ملک میں ہر جگہ ہاؤسنگ سوسائٹیز بنائی جارہی ہیں، جسٹس محمد علی مظہر کا کہنا تھا کہ ماحولیات سے متعلق تمام معاملات  کو دیکھیں گے۔جسٹس جمال مندوخیل کا کہنا تھا کہ جسٹس نسیم حسن شاہ کو خط میں لکھا گیا تھا کہ اسلام آباد کو صنعتی زون بنایا جا رہا ہے، ماحولیاتی آلودگی صرف اسلام آباد نہیں پورے ملک کا مسئلہ ہے۔جسٹس جمال مندوخیل کے مطابق گاڑیوں کا دھواں ماحولیاتی آلودگی کی بڑی وجہ ہے، لیکن سوال یہ ہے کہ کیا دھوئیں کو روکنے کی کوشش کی جارہی ہے، عدالت نے ایڈیشنل اٹارنی جنرل کی استدعا پر سماعت 3 ہفتوں کے لیے ملتوی کردی ہے۔

آئینی بینچ نے قاضی فائز عیسیٰ کے خلاف دائر نظرثانی درخواست خارج کردی

قاضی صاحب کی جان چھوڑ دیں،پیٹھ پیچھے کسی کی برائی کرنے کا کوئی فائدہ نہیں ، جسٹس مسرت ہلالی

پاکستان اور آسٹریلیا کے درمیان ٹی ٹوئنٹی سیریز کے پہلے میچ کا ٹاس بارش کے باعث تاخیر کا شکار ہوگیا ہے۔تفصیلات کے مطابق پاکستان اور آسٹریلیا کے درمیان پہلا ٹی ٹوئنٹی میچ آج برسبین میں کھیلا جائے گا لیکن بارش کے سبب ٹاس تاخیر کا شکار ہوگیا۔پاکستانی وقت کے مطابق میچ دوپہر ایک بجے شروع ہونا تھا لیکن تاحال ٹاس نہ ہوسکا جب کہ ہلکی بارش کے باعث پچ کو کور سے ڈھانپ دیا گیاہےاور بارش کے رکنے کا انتظار کیا جارہا ہے، بارش زیادہ دیر تک جاری رہنے کی صورت میں کچھ اوور کم کیے جاسکتے ہیں۔واضح رہے کہ  پاکستان کی کرکٹ ٹیم ان دنوں دورہ آسٹریلیا پر ہے جہاں وہ میزبان ٹیم کے خلاف 3 ون ڈے میچوں کی سیریز کھیل چکی ہے جس میںپاکستان نےآسٹریلیا کو 1-2 سے شکست دی تھی۔پاکستان اور آسٹریلیا کے مابین ٹی20 سیریز کا پہلا میچ آج کھیلا جائے گا۔ دوسرا ٹی20 میچ 16 نومبر کو سڈنی کرکٹ گراؤنڈ جبکہ تیسرا اور آخری ٹی20 میچ 18 نومبر کو بیلریو اوول ہوبارٹ میں کھیلا جائے گا۔ ٹی20 سیریز کے تینوں میچز نائٹ ہوں گے اور فلڈ لائٹس کی روشنی میں کھیلے جائیں گے۔

پاکستان اور آسٹریلیا کے درمیان پہلا ٹی ٹوئنٹی میچ بارش کے باعث تاخیر کا شکار

میچ پاکستانی وقت کے مطابق دوپہر ایک بجے شروع ہونا تھا لیکن اب تک ٹاس نہیں ہوسکا

توشہ خانہ ٹو کیس میں بانی پی ٹی آئی عمران خان اور بشریٰ بی بی کی بریت کی درخواستیں مسترد کر دی گئیں۔تفصیلات کے مطابق اسلام آباد کی خصوصی عدالت نے توشہ خانہ ٹو کیس میں سابق وزیراعظم اورپی ٹی آئی کے بانی عمران خان اور ان کی اہلیہ بشریٰ بی بی کی بریت کی درخواستوں خارج کردیں اور پیر ملزمان پر فرد جرم عائد کیے جانے کا امکان ہے۔اڈیالہ جیل میں توشہ خانہ ٹو ریفرنس میں بانی پی ٹی آئی عمران خان اور بشریٰ بی بی کی بریت کی درخواستوں پر سماعت ہوئی،ا سپیشل جج سینٹرل اسلام آباد شاہ رخ ارجمند نے پہلے سے محفوظ فیصلہ سنایا۔عدالت نے فیصلہ سناتے ہوئے عمران خان اور بشریٰ بی بی کی بریت کی درخواستیں مسترد کر دیں، سماعت کے دوران بشریٰ بی بی عدالت میں موجود نہیں تھیں۔بانی پی ٹی آئی اور ان کی اہلیہ پر پیر (18 نومبر) کو فرد جرم عائد کی جائے گی۔یاد رہے کہ عدالت نے توشہ خانہ ٹو کیس میں بانی پی ٹی آئی اور بشریٰ بی بی کی بریت کی درخواست پر فیصلہ 8 نومبر کو محفوظ کیا تھا۔واضح رہے کہ رواں برس 23 اکتوبر کو اسلام آباد ہائیکورٹ نے توشہ خانہ 2 کیس میں بشریٰ بی بی کی درخواست ضمانت منظور کرتے ہوئے انہیں رہا کرنے کا حکم دیا تھا، جسٹس میاں گل حسن اورنگزیب نے 10، 10 لاکھ روپے کے 2 ضمانتی مچلکوں کے عوض ان کی رہائی کے احکامات جاری کیے تھے۔

توشہ خانہ ٹوکیس، عمران خان اور بشریٰ بی بی کی بریت کی درخواستیں مسترد

عدالت نے توشہ خانہ ٹو کیس کی سماعت پیر 18 نومبر تک ملتوی کردی، فرد جرم عائد کیے جانے کا امکان

خیبرپختونخوا کے شہر چارسدہ میں پولیس موبائل کے قریب خودکش دھماکا ہوا، جس میں پولیس اہلکار محفوظ رہے اور پولیس موبائل کو نقصان پہنچا۔میڈیارپورٹس کے مطابق چارسدہ کے تھانہ عمرزئی کی حدود ہری چند روڈ پر اخون ڈھیری کے قریب موٹرسائیکل سوار خودکش حملہ آور نے پولیس موبائل کو اس وقت ٹارگٹ کیا جب وہ معمول کے گشت پر تھی تاہم دھماکے سے پولیس اہلکاروں محفوظ رہے۔دھماکے کے نتیجے میں پولیس وین کو جزوی نقصان پہنچا جبکہ روڈ پر ٹریفک نہ ہونے کے باعث دھماکے سے کوئی جانی نقصان نہ ہوا۔خودکش بمبار نے پولیس وین گزرنے کے فورا بعد خود کو دھماکے سے اڑا دیا، دھماکے کی آواز علاقہ میں دور دور تک سنی گئی۔دھماکہ کے فورا بعد پولیس کی بھاری نفری موقع پر پہنچ گئی اور علاقہ کو گھیرے میں لے لیا جبکہ پولیس نے خودکش حملہ آور کے اعضا اور موٹرسائیکل قبضے میں لے کر تفتیش شروع کردی۔

خیبرپختونخوا ،چارسدہ میں پولیس موبائل وین کے قریب خودکش دھماکا، اہلکار محفوظ رہے

موٹرسائیکل سوار حملہ آور نے پولیس موبائل کو اس وقت ٹارگٹ کیا جب وہ معمول کے گشت پر تھی، کوئی جانی نقصان نہیں ہوا

کراچی سمیت سندھ کے 18 اضلاع میں ضمنی بلدیاتی انتخاب کا میدان سج گیا، جہاں پولنگ کا عمل جاری ہے، کراچی کے 6 اضلاع اور ایک کنٹونمنٹ بورڈ میں معرکہ جاری ہے، 10 بلدیاتی نشستوں پر امیدوار میدان میں ہیں، جن میں ضلع جنوبی، غربی، وسطی، کیماڑی، ملیر اورکنٹونمنٹ بورڈ کورنگی شامل ہیں۔سندھ کے 18 اضلاع میں بلدیاتی نشستوں پر ضمنی انتخابات کے لیے پولنگ جاری ہے، کراچی کے 6 اضلاع کےعلاوہ سندھ کے دیگر 12 اضلاع میں 22 کٹیگریز کے لیے پولنگ کا عمل صبح 8 بجے شروع ہوا، جو بغیر کسی وقفے کے شام 5 بجے تک جاری رہے گا۔ضمنی بلدیاتی انتخابات کے لیے سیکیورٹی کے سخت انتظامات کیے گئے ہیں۔کراچی کی 10، حیدرآباد کی 5، نواب شاہ اور اسکرنڈ کی 4، سکھر اور ٹنڈو محمد خان کی 2،2، ٹندوآلہ یار اور گھوٹکی کی 1،1 نشست پر الیکشن ہورہے ہیں، اس کے علاوہ لاڑکانہ، قمبر شہداد کوٹ، شکارپور، جیکب آباد، نوشہرو فیروز، میرپور خاص، مٹیاری اور ٹھٹھہ کی بھی ایک ایک بلدیاتی نشست پر الیکشن ہے۔انتخابات کے لیے کُل 77 میں سے 42 بلدیاتی نشستوں پر 388 امیدوار مدمقابل ہیں، 32 نشستوں پر پہلے ہی امیدوار بلامقابلہ منتخب ہو چکے ہیں۔کراچی کے 6 اضلاع سے 85 جبکہ دیگر 14اضلاع سے 303 امیدوار میدان میں ہیں تاہم 4 نشستیں درست کاغذات جمع نہ کرانے پر اب بھی خالی ہیں۔الیکشن کمیشن کے مطابق، صوبے میں 274 پولنگ اسٹیشنز میں سے 213 کو انتہائی حساس اور 50 کو حساس قرار دیا گیا ہے۔10 بلدیاتی نشستوں کے لیے 167 پولنگ اسٹیشنز بنائے گئے ہیں۔ ایک سو 57 پولنگ اسٹیشنز کو انتہائی حساس اور 10 کو حساس قرار دیا گیا ہے۔ پولنگ بوتھس کی مجموعی تعداد 618 ہے۔ دس بلدیاتی حلقوں میں ووٹرز کی کل تعداد 2 لاکھ 95 ہزار 491 ہے ، ایک لاکھ 57 ہزار 617 مرد اور ایک لاکھ 37 ہزار 874 خواتین ووٹرز ہیں۔ کراچی میں 10 بلدیاتی اور ایک کنٹونمنٹ بورڈ کی نشست پر انتخابات ہورہے ہیں۔ کراچی میں 4 چیئرمیں ،2 وائس چیئرمین اور 4 وارڈ ممبر کی نشستوں کے لیے پولنگ ہورہی ہے۔ 10 بلدیاتی نشستوں کے لیے مجموعی طور پر 68 امیدوار بیلٹ پیپر پر موجود ہیں۔ ملیر ٹائون یو سی 9 کے چیئرمین کے لیے 5 امیدوار میدان میں ہیں۔ابراہیم حیدری ٹائون یو سی 7 وارڈ 4 کے لیے 5 امیدواروں کے درمیان مقابلہ ہوگا جبکہ لانڈھی ٹاؤن کی یو سی 6 کے وائس چیئرمین کے لیے 8 امیدوار مدمقابل ہیں۔

کراچی سمیت سندھ کے 18 اضلاع میں ضمنی بلدیاتی انتخابات کیلئے پولنگ جاری

کراچی میں چیئرمین، وائس چیئرمین اور جنرل ممبر وارڈ کی 10 نشستوں پر 68 امیدوار مدِمقابل ہیں

پاکستان اور آسٹریلیا کے درمیان ٹی ٹوئنٹی سیریز کا پہلا میچ آج کھیلا جائے گا۔ میچ پاکستانی وقت کے مطابق دوپہر ایک بجے شروع ہوگا۔پہلے ٹی ٹوئنٹی انٹرنیشنل کیلئے دونوں ٹیموں کی تیاریاں مکمل ہیں،کپتان محمد رضوان آسٹریلیا کے خلاف ٹی ٹوئنٹی سیریز میں بھی جیت کے لیے پرعزم دکھائی دے رہے ہیں۔ ان کی قیادت میں پاکستان ٹیم آج برسبین میں تین میچوں کی سیریز کا پہلا ٹی ٹوئنٹی انٹرنیشنل کھیلے گی۔ بقیہ دو میچز سولہ اور اٹھارہ نومبر کو سڈنی اور ہوبارٹ میں کھیلے جائیں گے ۔ محمد رضوان ٹی ٹوئنٹی انٹرنیشنل میں پاکستان ٹیم کی قیادت کرنے والے 12 ویں کپتان ہونگے ۔دوسری جانب میچ سے قبل شائقین کے لیے بری خبر یہ ہے کہ برسبین میں بارش سے میچ متاثر ہونے کا خدشہ ہے۔آسٹریلوی محکمہ موسمیات کے مطابق دوپہر ایک بجے بارش کا امکان ہے، جس کے باعث برسبین میں پاکستان اور آسٹریلیا کا ٹی ٹوئنٹی میچ متاثر ہونے کا خدشہ ہے۔پاکستان اور آسٹریلیا کے ٹی 20 ریکارڈ پر نظر ڈالی جائے تو قومی ٹیم کا پلڑا بھاری دکھائی دیتا ہے، دونوں ٹیموں کے درمیان اب تک 25 میچز کھیلے جا چکے ہیں جس میں گرین شرٹس نے 13 اور کینگروز نے 11 میں کامیابی اپنے نام کی جبکہ ایک میچ بغیر نتیجہ رہا تھا۔یاد رہے کہ قومی ٹیم ون ڈے سیریز میں میزبان آسٹریلیا کو دو ایک سے شکست دے کر سیریز اپنے نام کر چکا ہے۔خیال رہے پاکستان اورآسٹریلیا کے درمیان سیریز کے تمام میچز اشتہارات کے بغیرایچ ڈی کوالٹی میں براہ راست ٹیپمیڈ پردکھائے جارہے ہیں۔

پاکستان اور آسٹریلیا کے درمیان ٹی ٹوئنٹی سیریز کا پہلا میچ آج کھیلا جائے گا

پہلا ٹی ٹوئنٹی میچ آج برسبین میں کھیلا جائے گا، میچ پاکستانی وقت کے مطابق دوپہر ایک بجے شروع ہوگا

لندن میں سابق چیف جسٹس قاضی فائز عیسیٰ پر حملے کے بعد ایک اور ناخوشگوار واقعہ پیش آیا ہے، جہاں نامعلوم شخص نے وزیر دفاع خواجہ آصف کے ساتھ ٹرین سے نکلتے وقت بدتمیزی کی اور پھر دھمکی دینے لگا۔تفصیلات کے مطابق لندن میں انڈر گراؤنڈ ریلوے اسٹیشن پر نامعلوم شخص کی جانب سے وزیردفاع خواجہ آصف کو دھمکیاں اور گالیاں دینے کی ویڈیو منظر عام پر آگئی ہے۔خواجہ آصف کے قریبی ذرائع نے تصدیق کی ہے کہ دھمکیوں اور گالیوں کی ویڈیو حقیقی ہے جو چند روز قبل کی ہے، نامعلوم شخص نے خواجہ آصف کا پیچھا کیا اور ان کو دھمکیاں اور گالیاں دیں۔ویڈیو میں دیکھا جاسکتا ہے کہ نامعلوم شخص نے پہلے ٹرین میں خواجہ آصف کی ویڈیو بنائی، جب وہ اترنے لگے تو چاقو سے مارنے کی دھمکی اور گالیاں دیں۔ویڈیو میں سنا جا سکتا ہے کہ ایک شخص کہہ رہا ہے۔ انہیں پکڑ کے لے جاؤ، بندے نے چھری ہی مار دینی ہے، ادھر چھری بج بھی جاتی ہے، دھمکیاں دینے والا شخص خواجہ آصف کو اول فول بھی کہتا ہے تاہم خواجہ آصف اسے جواب دیے بغیر وہاں سے چلے گئے۔یاد رہے کہ چند روز قبل سابق چیف جسٹس سپریم کورٹ قاضی فائز عیسیٰ پر لندن میں حملہ کرنے والے 23 پاکستانیوں کے نام پاسپورٹ کنٹرول لسٹ (پی سی ایل) میں ڈال دیے گئے تھے۔

لندن میں خواجہ آصف کیساتھ بدتمیزی،چاقو سے حملے کی دھمکی دی، گالیاں بھی دی گئیں

انڈر گراؤنڈ ریلوے اسٹیشن پر نامعلوم شخص کی جانب سے خواجہ آصف کو گالیاں دینے کی ویڈیو منظر عام پر آگئی

پاکستان اور آئی ایم ایف کے درمیان مذاکرات میں اہم پیش رفت ہوئی ہے، ایف بی آر حکام نے دعویٰ کیا ہے کہ عالمی مالیاتی فنڈ ادارے کی کارکردگی سے خوش ہے، منی بجٹ کا امکان ہے نہ ہی پٹرولیم مصنوعات پر جی ایس ٹی لگایا جائے گا۔ میڈیا رپورٹس کے مطابق آئی ایم ایف نے ٹیکس محصولات پر اطمینان کا اظہار کیا، ٹیکس ٹو جی ڈی پی کی شرح 8.8 فیصد سے بڑھ کر 10.3 فیصد ہوگئی، 12 ہزار 970 ارب کا ہدف برقرار رہے گا۔مذاکرات میں اتفاق ہوا کہ کوئی منی بجٹ نہیں آئے گا، اور نہ ہی پٹرولیم مصنوعات پر جی ایس ٹی لگایا جائےگا۔ آئی ایم ایف نے ٹیکس ٹو جی ڈی پی میں 1.5 فیصد بہتری پر اطمینان کا اظہار کیا۔ مذاکرات میں آئی ایم ایف کو بریفنگ میں بتایا گیا کہ زرعی آمدن پر ٹیکس وصولی اگلے سال سے شروع ہو جائے گی، آئی ایم ایف کے ساتھ مزید مذاکرات بھی ہوں گے۔مذاکرات میں آئی ایم ایف کے ساتھ تاجر دوست اسکیموں میں کچھ تبدیلیوں پر مذاکرات متوقع ہیں۔رپورٹس کے مطابق تین ماہ میں ری ٹیلرز سے 12 ارب روپے ٹیکس جمع کیا گیا، چار لاکھ نئے تاجروں نے ٹیکس گوشوارے جمع کرا دیے ہیں ، رجسٹرڈ تاجروں کی تعداد 2 لاکھ سے بڑھ کر 6 لاکھ تک پہنچ گئی ہے۔ذرائع کا مزید کہنا ہے کہ کسٹمز انٹیلی جنس اینڈ انویسٹی گیشن سے انفورسمنٹ واپس لے لی گئی ہے البتہ کسٹمز انٹیلی جنس ڈیپارٹمنٹ برقرار ہے، اس کے علاوہ فیڈرل بورڈ آف ریونیو جلد فیملی انکم ٹیکس ریٹرن بھی متعارف کروانے جارہا ہے جس کے تحت بڑی تعداد میں زیرو ٹیکس کے ساتھ جمع کروائی گئی انکم ٹیکس ریٹرنز ختم کردی جائیں گی کیونکہ ان میں سے زیادہ لوگ وہ ہیں جو ٹیکس اہلیت کے زمرے میں نہیں آتے۔

نہ منی بجٹ آئیگا اور نہ ہی پٹرولیم مصنوعات پر جی ایس ٹی لگایا جائیگا،ایف بی آر کادعویٰ

آئی ایم ایف کو یکم جنوری سے زرعی آمدن پر ٹیکس لگانے کی یقین دہانی کروائی گئی ہے،ایف بی آر

بلوچستان میں سیکیورٹی فورسز کے انٹیلی جنس بیسڈ آپریشن میں انتہائی مطلوب دہشت گرد 4 ساتھیوں سمیت مارا گیا۔پاک فوج کے شعبہ تعلقات عامہ آئی ایس پی آر کے مطابق 12 اور 13 نومبر کی رات سکیورٹی فورسز نے ضلع کیچ کے علاقے بلگتار میں دہشت گردوں کی موجودگی کی خفیہ اطلاع پر آپریشن کیا۔آپریشن کے دوران سکیورٹی فورسز اور دہشت گردوں کے درمیان شدید فائرنگ کے تبادلے میں 4 دہشت گرد ہلاک ہوگئے، ہلاک دہشت گردوں میں انتہائی مطلوب دہشت گرد اور گینگ کا سرغنہ ثنا عرف بارو بھی شامل ہے۔آئی ایس پی آر کے مطابق دہشت گرد ثنا عرف بارو ضلع کیچ میں نام نہاد مجید بریگیڈ کیلئے بھرتیاں کرتا تھا، جو خودکش بمباروں کا مرکزی ایجنٹ اور قانون نافذ کرنے والے اداروں کو انتہائی مطلوب تھا۔ہلاک دہشت گردوں سے ہتھیار اور گولہ بارود بھی برآمد کیا گیا ہے۔آئی ایس پی آر کے مطابق علاقے میں کسی ممکنہ دہشت گرد کی موجودگی پر کلیئرنس آپریشن جاری ہے، سیکیورٹی فورسز بلوچستان کا امن، استحکام اور ترقی سبوتاژ کرنے کی کوششوں کو ناکام بنانے کیلئے پرعزم ہیں۔

بلوچستان، ضلع کیچ میں سیکیورٹی فورسز کا آپریشن، 4 دہشت گردمارے گئے

دہشت گرد کمانڈر ثنا عرف بارو مکران ڈویژن میں خودکش بمبار بھرتی کرتا تھا، آئی ایس پی آر

قومی ٹیم کے کپتان محمد رضوان نے کہا ہے کہ بھارتی ٹیم آئے گی تو انہیں ویلکم کریں گے۔ محمد رضوان کاکہناتھا کہ آسٹریلیا کی کنڈیشن اتنی آسان نہیں ہوگی کیا بہتر کرسکتے ہیں اس پر کام کر رہے ہیں، پلیئنگ الیون پر مشاورت مکمل ہوگئی اور ابھی نام ظاہر نہیں کرنا چاہتے لیکن ٹی 20 سیریز میں بیسٹ الیون ہی میدان میں اتاریں گے، پہلی ترجیح ہماری آسٹریلیا کے خلاف سیریز جیتنا ہے۔آسٹریلیا کیخلاف ٹی ٹوئنٹی سیریزسےقبل میڈیا سے گفتگو میں کپتان محمد رضوان نےکہا انٹرنیشنل کرکٹ میں چیلنجز کا سامنا کرنا پڑتا ہے،آسٹریلیا کے خلاف کھیلنا یا آسٹریلیا میں کھیلنا ہمیشہ ایک چیلنج ہوتا ہے۔محمدرضوان کا کہناتھا کہ پلیئنگ الیون پربات ہوئی مگر اس کو خفیہ رکھنا چاہتے ہیں،بطور کپتان دوسروں کےساتھ مشورہ کروں گا، جیسن گلیسپی کو ہماری جیت کاکریڈٹ جاتا ہےوہ ایک بہترین کوچ ہیں، میری کپتانی میں ہیڈ کوچ سے نوجوان کھلاڑی تک سب سے مشورہ کرتا ہوں۔ایک سوال کے جواب میں قومی ٹیم کے کپتان کا کہنا تھا فخر زمان، افتخار احمد، محمد عامر اور شاداب خان بڑے کھلاڑی ہیں اور انہوں نے کافی عرصے تک پاکستان کے لیے خدمات انجام دی ہیں، ان کی کمی آسانی سے پوری نہیں ہو سکتی۔چیمپئنز ٹرافی میں بھارتی ٹیم کے آنے سے متعلق سوال پر محمد رضوان کا کہنا تھا بھارتی ٹیم آئے گی تو انہیں ویلکم کریں گے تاہم یہ بورڈز کے فیصلے ہیں کہ کیا کرنا ہے اور کیا نہیں، ہمیں امید ہے کہ بھارتی ٹیم پاکستان آئے گی۔

بھارتی کھلاڑیوں کو چیمپئنز ٹرافی کیلئے پاکستان آنے پرویلکم کریںگے، محمد رضوان

جیسن گلیسپی کو ہماری جیت کا کریڈٹ جاتا ہےوہ ایک بہترین کوچ ہیں،کپتان وائٹ بال ٹیم

وزیر اعلیٰ خیبرپختونخوا علی امین گنڈاپور نے کہا کہ احتجاج کی تمام تر تیاریاں مکمل ہیں، علیمہ خان نے تاریخ کا اعلان کردیا ہے، جب تک مطالبات پورے نہیں ہوتے واپسی نہیں ہوگی۔پشاور میں میڈیا سے غیررسمی گفتگو کرتے ہوئے صحافی کے جلسے سے متعلق سوال کہ علیمہ خان نے جلسے کا اعلان کردیا ہے، کا جواب دیتے ہوئے وزیراعلیٰ خیبرپختونخوا علی امین گنڈاپور نے کہا کہ ہماری تیاری پہلے ہی مکمل تھی ، بہترین طریقے سے تیاری کررہے تھےاور  اب بھی تیاری جاری ہے، اس بار بھی دیکھیں گے۔وزیراعلیٰ علی امین نے کہا کہ ہم نے پہلے ہی بتایا ہے کہ واپسی نہیں ہوگی،جب تک مطالبات پورے نہیں ہوتے واپسی نہیں ہوگی ۔خیال رہے بانی چیئرمین تحریک انصاف عمران خان نے 24 نومبر کو احتجاج کی فائنل کال دی ہے، عمران خان کی بہن علیمہ خان نے اعلان کیا کہ عمران خان نے پاکستان سمیت پوری دنیا میں احتجاج کی کال دی ہے۔اڈیالہ جیل کے باہر میڈیا سے گفتگو کرتے ہوئے علیمہ خان نے کہا کہ آپ نے اپنے چوری کیے گئے مینڈیٹ کے لیے نکلنا ہے۔ 26 ویں آئینی ترمیم کرکے 10 سالہ مارشل لا قائم کیا گیا ہے، بانی پی ٹی آئی نے قوم، کسانوں، وکلا، سول سوسائٹی، اوورسیز پاکستانیوں کو مخاطب کیا ہے، انہوں نے طلباء اور نوجوانوں کو بھی کہا ہے گھروں سے نکلیں۔

احتجاج کی تیاری مکمل، واپسی تب ہوگی جب مطالبات پورے ہونگے، وزیر اعلیٰ خیبرپختونخوا

عمران خان نے کال دیدی ہے، اسلام آباد کی طرف لانگ مارچ ہوگا، علی امین گنڈاپور کی صحافیوں سے غیررسمی گفتگو

آئی سی سی ون ڈے رینکنگ میں پاکستانی کھلاڑیوں کا راج بیٹنگ اور بولنگ میں بابر اعظم اور شاہین شاہ آفریدی پہلی پوزیشن پر ہیں۔آسٹریلیا کے خلاف شاندار کارکردگی کا انعام شاہین شاہ کو دوبارہ آئی سی سی ون ڈے ریکنگ میں نمبر ون بولر کی پوزیشن حاصل کر کے مل گیا۔تفصیلات کے مطابق آسٹریلیا کو اس کے ہوم گراؤنڈ پر ون ڈے سیریز میں شکست دینے کے بعد پاکستانی بیٹرز اور بولرز کی ون ڈے رینکنگ میں بہتری آگئی۔انٹرنیشنل کرکٹ کونسل نےون ڈے کی نئی پلیئر رینکنگ جاری کر دی جس کے تحت ون ڈے بیٹرزاور بولرز کی نمبر ون پوزیشن پر پاکستان کے کھلاڑی براجمان ہیں۔پاکستان کے بابر اعظم نمبر ون بیٹر کی پوزیشن پر برقرار ہیں جبکہ شاہین آفریدی 3 درجے ترقی کے بعد نمبر ون پوزیشن پر آئے ہیں۔آسٹریلیا کے خلاف حالیہ ون ڈے سیریز کے دوران شاہین شاہ آفریدی نے بہترین بولنگ کرتے ہوئے 8 وکٹیں حاصل کی تھیں، انہوں نے سال بھر کے طویل وقفے کے بعد بولرز کی رینکنگ میں دوبارہ پہلا نمبر حاصل کیا ہے۔شاہین شاہ آفریدی نے اپنی بہترین بولنگ سے جنوبی افریقا کے اسپنر کیشو مہاراج کو تیسری نمبر پر دھکیل دیا تاہم افغانستان کے لیگ اسپنر راشد خان دوسرے نمبر پر براجمان ہیں۔اس کے ساتھ آسٹریلیا کے خلاف سیریز میں 10 وکٹیں حاصل کرنے والے حارث رؤف 14 درجے بہتری کے بعد 13ویں پوزیشن پر پہنچ گئے، حارث رؤف کو پلیئر آف دی سیریز کا ایوارڈ بھی دیا گیا تھا۔دوسری جانب ون ڈے بیٹرز کی رینکنگ میں 825 پوائنٹس کے ساتھ پاکستان کے تجربے کار بلے باز بابراعظم کا پہلا نمبر برقرار ہے، اس فہرست میں بھارت کے روہت شرما دوسرے، شبمن گل تیسرے اور ویرات کوہلی کی چوتھی پوزیشن برقرار ہے۔ون ڈے آل راؤنڈرز رینکنگ میں افغانستان کے محمد نبی کی پہلی پوزیشن برقرار ہے جب کہ زمبابوے کے سکندر رضا دوسری اور راشد خان ایک درجہ بہتری کے بعد تیسری پوزیشن پر آگئے ہیں۔واضح رہے کہ پاکستان نے 22 سال بعد آسٹریلیا کو اس کے ہوم گراؤنڈ پر ون ڈے سیریز میں شکست دیکر سیریز 1-2 سے اپنے نام کی تھی۔

آئی سی سی ون ڈے رینکنگ، شاہین شاہ آفریدی نمبر ون باؤلر بن گئے

ون ڈے بیٹرز کی رینکنگ میں پاکستان کے تجربے کار بلے باز بابراعظم کا پہلا نمبر برقرار ہے

معروف گلوکار عاطف اسلم نے سعودی عرب میں کنسرٹ سے متعلق منسوب بیان سے لاتعلقی کا اظہار کردیا۔عاطف اسلم بین الاقوامی طور پر مقبول پاکستانی گلوکار ہیں جنہیں ان کی سریلی آواز، بلند آواز اور ناقابل فراموش گانوں کی وجہ سے سراہا جاتا ہے۔ وہ سب سے مہنگے پاکستانی پرفارمر کے طور پر بھی جانے جاتے ہیں، جو کسی بھی کنسرٹ یا تقریب کے لیے بھاری رقم وصول کرتے ہیں۔ حال ہی میں گلوکار بین الاقوامی کنسرٹس میں مصروف ہیں۔عاطف اسلم کے بارے میں ایک وائرل بیان سوشل میڈیا پر گردش کر رہا ہے۔ تقریبا تمام پورٹلز، ویب سائٹس اور انسٹاگرام پیجز نے یہ خبر شیئر کرتے ہوئے دعویٰ کیا ہے کہ عاطف اسلم نے مبینہ طور پر کہا تھا کہ وہ سعودی عرب میں پرفارم نہیں کریں گے کیونکہ ان کا دل مقدس مقامات کے قریب گانا قبول نہیں کر سکتا۔اب عاطف اسلم نے ایک بیان میں ان افواہوں کی سختی سے تردید کی ہے۔ عاطف اسلم نے اپنے بیان میں کہا،یہ عجیب ہے کہ میرے نام سے وہ باتیں منسوب کی جاتی ہیں جو میں نے کبھی کہی ہی نہیں۔ انہوں نے میڈیا اور فنکار برادری پر زور دیا کہ وہ کسی بھی بیان کی سچائی کو جانچنے کے بعد ہی رپورٹ کریں۔انہوں نے وضاحت کی کہ ہم نے ماضی میں ریاض میں پرفارم کیا ہے، جو ہمارے موقف کا بہترین ثبوت ہے۔ ان کا یہ بیان سوشل میڈیا پر ایک جعلی بیان کے بعد آیا جس میں دعویٰ کیا گیا کہ عاطف کا دل مقدس مقامات کے قریب پرفارم کرنے کو قبول نہیں کرتا۔یاد رہے کہ سعودی عرب 2017 کے بعد سے عالمی فنکاروں کے کنسرٹس کا مرکز بن گیا ہے اور اب تک کئی بڑے بین الاقوامی اسٹارز، جیسے کہ K-pop کے مشہور گروپ BTS بھی یہاں پرفارم کر چکے ہیں۔عاطف اسلم نہ صرف پاکستان بلکہ بالی وڈ کے ہٹ گانوں جیسےدل دیاں گلاں  اورتو جانے نا کے لیے بھی جانے جاتے ہیں۔

سعودیہ میں کنسرٹ کرنے یا نہ کرنے کا کوئی بیان نہیں دیا، عاطف اسلم نے تردید کردی

یہ عجیب ہے کہ میرے نام سے وہ باتیں منسوب کی جاتی ہیں جو میں نے کبھی کہی ہی نہیں،معروف گلوکار

The Australia vs Pakistan 1st T20I will be played today on 14th November at 1 PM (PST). This will be the first match of the three-match T20 series.

Australia vs Pakistan 1st T20 Live Stream, Match Time, & Venue 2024

The match has been delayed due to rain.&nbsp;

The Australia vs Pakistan 1st T20I will be played today on 14th November at 1 PM (PST). This will be the first match of the three-match T20 series.&nbsp;

After securing a massive victory in the <a href="https://www.tapmad.com/blog/pak-vs-aus-schedule-squads-live-updates/478-2-0">PAK vs AUS</a> ODI series, the Men in Green will be looking to make a mark in the T20 series as well.&nbsp;

On the other hand, the hosts will be trying their best to bounce back and live up to their reputation of being the second-best white ball team in the world.&nbsp;

Pakistan and Australia last played a one-off T20 back in 2022. The kangaroos won that contest by 3 wickets.&nbsp;

As far as recent T20I performance is concerned, both Australia and Pakistan suffered a huge blow during the ICC Men&rsquo;s T20 World Cup 2024.&nbsp;

Out of all the teams in the world, Australia received their first defeat at the hands of Afghanistan in their 1st match of the Super-8 stage.&nbsp;

The <a href="https://www.tapmad.com/blog/afghanistan-vs-australia-kangaroos-fall-victim-to-afghanistans-exceptional-bowling-in-cwc-2024/316-2-0">Afghanistan vs Australia match</a> went down in history as one of the most shocking matches of the T20 World Cup.&nbsp;

Moreover, Pakistan, a well-experienced team was defeated by USA, a team that had just made its debut in T20 cricket.&nbsp;

In your opinion, which team do you think is headed towards another upset?&nbsp;

<h2>PAK vs AUS 1st T20 Pakistan time, match day, &amp; venue 2024</h2>

The <a href="https://www.tapmad.com/blog/pak-vs-aus-fixtures-match-dates-times-and-venues/480-2-0">Pak vs Aus 1st T20</a> will start at 1 PM (Pakistan Standard Time).&nbsp;

The 1st T20 will be played on 14th November at The Gabba, in Woolloongabba, Australia.&nbsp;

<h2>Where to watch Pakistan vs Australia 1st T20 live online?&nbsp;</h2>

Fans in Pakistan can watch the Pak vs Aus 1st T20 live online in HD and ad-free only on tapmad!&nbsp;

tapmad offers non-stop live coverage of the Pakistan tour of Australia 2024, so wait no more and subscribe to tapmad to watch your favorite matches without any ad interruption.&nbsp;

Australia vs Pakistan 1st T20 Live Match, Live Score, & Where to Watch Online?

PAK vs AUS 1st T20 Pakistan time, match day, & venue 2024

Where to watch Pakistan vs Australia 1st T20 live online?

Related Post

Pakistan vs Australia 1st T20I Live Match Updates: Rain Dampens The Spirits of the Players

Shaheen Afridi: Savior of the Team, But for How Long?