Cricket

Entertainment

Football

اسٹیٹ بینک نے یکم جنوری کو بینکس عوام کے لین دین کے لیے بند رکھنے کا اعلان کردیا۔اسٹیٹ بینک کے مطابق اسٹیٹ بینک بدھ یکم جنوری 2025 کو’’ بینک تعطیل‘‘ کے موقع پر عوام سے لین دین کے لیے بند رہے گا۔نوٹیفکیشن کے مطابق تمام بینک،ترقیاتی مالی ادارے، مائیکروفنانس بینک بھی عوام سے لین دین کے لیے بند رہیں گے،اعلامیہ میں مزید کہا گیا ہے کہ تمام بینکوں کے ملازمین معمول کے مطابق دفتر میں حاضر ہوں گے۔

اسٹیٹ بینک ملک بھر کے بینکوں میں یکم جنوری کو چھٹی کااعلان کردیا

تمام بینک،ترقیاتی مالی ادارے، مائیکروفنانس بینک بھی عوام سے لین دین کیلئےبند رہیں گے،اعلامیہ

دو ٹیسٹ میچوں پر مشتمل سیریز کے پہلے میچ میں پاکستان نے اپنی دوسری اننگز میں 3 وکٹوں کے نقصان پر 88 رنز بنا لیے جبکہ مہمان ٹیم کی پہلی اننگز کا مزید 2 رنز کا خسارہ باقی ہے۔تفصیلات کے مطابق پاکستان کیخلاف پہلی اننگز میں جنوبی افریقا کی ٹیم 301 رنز بنا کر آؤٹ ہوگئی، پروٹیز کو گرین شرٹس پر 90 رنز کی برتری حاصل ہوگئی، پاکستان نے دوسری اننگز کھیلتے ہوئے 3 وکٹوں کے نقصان پر 88 رنز بنالیے۔سنچورین میں ٹیسٹ کے دوسرے دن جنوبی افریقا نے 82 رنز 3 کھلاڑی آؤٹ سے پہلی اننگز کا دوبارہ آغاز کیا، کپتان ٹیمبا باووما اور ایڈین مارکرم نے چوتھی وکٹ پر 70 رنز جوڑے، باووما 31 رنز بناکر آؤٹ ہوئے۔پانچویں وکٹ پر مارکرم اور بیڈہنگھم کے درمیان 42 رنز کی شراکت ہوئی، بیڈہنگھم نے 30رنز بنائے، ویرینی اور مارکو ینسین دو، دو اور رابادا 13 رنز بناسکے۔آخری وکٹ کی شراکت میں بوش اور پیٹرسن نے 47 رنز کا اضافہ کیا، کوربن بوش نے عمدہ بیٹنگ کرتے ہوئے 81 رنز  بنائے ۔جنوبی افریقا کی ٹیم 301 رنزبناکر آؤٹ ہوئی اور پہلی اننگز میں پاکستان کے خلاف 90 رنز کی برتری حاصل کرلی۔پاکستان کی جانب سے خرم شہزاد اور نسیم شاہ نے تین، تین وکٹیں حاصل کیں، دو کھلاڑیوں کو عامر جمال نے آؤٹ کیا۔پاکستان کی جانب سے دوسری اننگز کا آغاز صائم ایوب اور شان مسعود نے کیا تاہم دونوں کھلاڑی 28، 28 رنز بناکر آؤٹ ہوگئے جبکہ کامران غلام 4 رنز بناکر پویلین لوٹ گئے، بابر اعظم 16 اور سعود شکیل 8 رنز کیساتھ کریز پر موجود ہیں۔جنوبی افریقا کی جانب سے  جانب سے مارکو جینسن نے 2 اور رباڈا نے 1 وکٹ حاصل کی ہے۔

پہلاٹیسٹ، جنوبی افریقا کی ٹیم301 رنز پر آؤٹ، پاکستان کیخلاف 90 رنزکی برتری

دوسرے روزکھیل کے اختتام پر پاکستان نے 3 وکٹوں کے نقصان پر 88 رنز بنا لیے اور 2 رنز کا خسارہ ابھی باقی ہے

صدرمملکت آصف علی زرداری نے کہا ہے کہ مشکلات میرے لیے نئی بات نہیں، عوام گھبرائیں نہیں سب دیکھ لوں گا، اگر کوئی سپر پاور ہے تو ہم اللہ کی سپر پاور پر یقین رکھتے ہیں، مشکل حالات سے پاکستان کو نکالیں گے، یہ ہمارا کچھ نہیں بگاڑ سکتے، سب کو سنبھال لیں گے۔بینظیر بھٹو کے یوم شہادت پر گڑھی خدا بخش میں جلسہ میں عوام سے خطاب کرتے ہوئے صدر مملکت آصف علی زرداری نے کہا آج میں دوبارہ صدر بنا ہوں تو آپ کی، پیپلزپارٹی کی طاقت سے، اور بی بی صاحبہ کی دعائیں ہیں، شہید ہمارے نزدیک ہیں کبھی مرا نہیں کرتے، 45 سال بعد بھی بھٹو صاحب کا فیصلہ ’ریورس‘ کرا کے تاریخ کو یہ بتا دیا کہ وہ ایک قانونی قتل تھا۔صدر مملکت نے کہا ہم نے پہلے دن سے دھرتی گڑھی خدا بخش کی قسم کھائی ہوئی ہے کہ جو کام کریں گے وہ آپ لوگوں کو اور اس دھرتی کو جواب دہ ہوں گے، ہم نے اور میری آنے والی نسلوں نے یہاں دفن ہونا ہے،اس دھرتی، فیڈریشن اور پاکستان کو بچانا ہے، اگر کوئی سپر پاور ہے تو مولیٰ بھی پاور ہے اور وہی ایک پاور ہے جس پر ہم یقین رکھتے ہیں۔آصف علی زرداری کا کہنا تھا کہ اس مشکل حالات سےپاکستان کو نکالیں گے عوام پریشان نہ ہوں، ہم ملک کو خوشخبریاں دیں گے، یہ ہمارا کچھ نہیں بگاڑ سکتے، ہم سب کو سنبھالیں گے، ہر چیز کو ٹھیک رکھیں گے، ’ہاں مشکلیں ہیں، تکلیفیں ہیں، مگر یہ میرے لیے کوئی نئی بات نہیں، روز مسئلے اور تکلیفیں ہوتی ہیں، روز گرجتے ہیں اور لرزاتے ہیں، ہم ان گردوں سے لڑنے اور بھڑنے کے پرانے واقف کار ہیں۔انہوں نے کہا کہ کوئی پرواہ کرنے کی ضرورت نہیں، ان سب کو میں دیکھ لوں گا، نہ آپ کا پانی کہیں جاتا ہے نہ گیس کہیں جاتی ہے، سب آپ کو ملے گا جو آپ کا حق ہے، جو دوسروں کا حق ہے وہ ان کو ملے گا، خیبرپختونخوا کو اس کا حق ملے گا بلوچستان کو اس کا حق ملے گا، پنجاب کو بھی حق ملے گا اور سندھ کو بھی ملے گا، اس کے علاوہ ہمارے پاس کوئی فیصلہ نہیں ہے۔صدر آصف علی زرداری نے کہا کہ دنیا میں ماڈرن چیزیں ضرور ہورہی ہیں مگر وہ سب انسان کو فائدہ دیں گی، جو چیز انسان کو فائدہ دے گی وہ پاکستان کے لیے بھی فائدے کی ہی ہوگی۔

اگر کوئی سپر پاور ہے تو وہ اللہ ہے ہم اس کی سپر پاور پر یقین رکھتے ہیں،صدر مملکت

ہم نے 45 سال بعد بھٹو شہید کا فیصلہ ریورس کرایا، اب ہمیشہ عدالتی قتل رہے گا، بینظیر بھٹو کی برسی کے موقع خطاب

ایف آئی اے منی لانڈرنگ کے مقدمے میں بڑی پیش رفت،اسپیشل سینٹرل عدالت لاہور نے مونس الہی کی گرفتاری کیلئے دوبارہ اقدامات کرنے کا حکم دے دیا ہے۔عدالت کے جج تنویر احمد شیخ نے منی لانڈرنگ کے مقدمے کی گزشتہ سماعت کا تحریری حکم جاری کردیا۔ عدالت نے ایف آئی اے کو مونس الہی اور محمد جبران کو بیرون ملک سے گرفتار کرنے کیلئے دوبارہ اقدامات کا حکم دیا۔تحریری حکم نامےمیں کہا گیا کہ جے آئی ٹی کے ہیڈ عمرے پر ہونے کے باعث عدالت میں پیش نہیں ہوئے، اور آئندہ سماعت پر گرفتاری سے متعلق اقدامات کی رپورٹ پیش کی جائے۔عدالتی حکم میں کہا گیا کہ جے آئی ٹی کے سربراہ عمرے پر ہونے کے باعث عدالت پیش نہیں ہوئے، پرویز الہٰی نے بریت کی درخواست دائر کی، پرویز الہٰی کی بریت کی درخواست پر نوٹس جاری کرتے فریقین سے دلائل طلب کر لئے ہیں۔اسپیشل سینٹرل عدالت نے تحریری حکم میں مزید کہا کہ عدالت کیس کی مزید سماعت 20 جنوری کو کرے گی۔

اسپیشل سینٹرل عدالت کا مونس الٰہی کی دوبارہ گرفتاری کیلئے اقدامات کا حکم

مونس الٰہی اور محمد جبران کو بیرون ملک سے گرفتار کرنے کیلئے دوبارہ اقدامات کیے جائیں،عدالت

پاکستان اسٹاک مارکیٹ میں مسلسل مندی کے بعد آج مثبت رجحان رہا۔کاروباری ہفتے کے آخری روز کے اختتام پر اسٹاک ایکسچینج کے ہنڈر انڈیکس میں 927 پوائنٹس کے اضافہ ہوا جس کے ساتھ پاکستان اسٹاک مارکیٹ میں ایک لاکھ 11 ہزار پوائنٹس کی حد دوبارہ بحال ہوگئی، ہنڈرڈ انڈیکس 1 لاکھ 11 ہزار 351 پوائنٹس پر بند ہوا۔دوسری جانب ملک میں سونے کی فی تولہ قیمت میں آج 800 روپے کی کمی ہوئی ہے۔ آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت 800 روپے کم ہوکر 2 لاکھ 73 ہزار 200 روپے ہے۔10 گرام سونے کا بھاؤ 686 روپے کم ہوکر 2 لاکھ 34ہزار 225 روپے ہے۔

اسٹاک ایکسچینج میں مثبت رجحان100انڈیکس میں927پوائنٹس کااضافہ

ملک میں سونے کی فی تولہ قیمت 800 روپے کم ہوکر 2 لاکھ 73 ہزار 200 روپے ہوگئی

پاکستان ٹیم کے تجربہ کار کھلاڑی بابراعظم کرکٹ کے تینوں فارمیٹ میں 4، 4 ہزار رنز بنا کر دنیا کے تیسرے بلے باز بن گئے۔بابراعظم نے جنوبی افریقا کے خلاف پہلے ٹیسٹ میچ کے دوران یہ کارنامہ سرانجام دیا۔ بابراعظم پہلی اننگز میں 4 رنز بنا کر پویلین لوٹ گئے۔تفصیلات کے مطابق سابق کپتان بابراعظم نے ٹیسٹ کرکٹ میں 4 ہزار رنز مکمل کر لیے ہیں، انہوں نے یہ سنگ میل جنوبی افریقا کے خلاف پہلے ٹیسٹ میں عبور کیا۔بابراعظم کو ٹیسٹ کرکٹ میں 4 ہزار رنز مکمل کرنے کے لیے صرف 3 رنز درکار تھے، جو انہوں نے جنوبی افریقا کے خلاف ٹیسٹ کے پہلے دن مکمل کر لیے تاہم وہ 4 رنز بنا کر پویلین لوٹ گئے۔جنوبی افریقا کے خلاف سیریز کا پہلا ٹیسٹ بابر اعظم کے کیریئر کا 56 واں ٹیسٹ میچ ہے۔بابر اعظم ون ڈے، ٹی 20 اور ٹیسٹ میں 4 ہزار رنز مکمل کرنے والے دنیا کے تیسرے اور پاکستان کے واحد بلے باز ہیںاس سے قبل بھارتی کھلاڑی ویرات کوہلی اور روہت شرما نے یہ اعزاز حاصل کیا تھا۔

کرکٹ کے تینوں فارمیٹس میں 4 ہزار رنز،بابراعظم دنیا کے تیسرے بلے باز

بابر اعظم ون ڈے، ٹی 20 اور ٹیسٹ میں 4 ہزار رنز مکمل کرنے والے دنیا کے تیسرے اور پاکستان کے واحد بلے باز ہیں

ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ افغانستان سےدہشت گرد پاکستان میں کارروائیاں کررہے ہیں، افغانستان خارجیوں اور دہشت گردوں کو پاکستان پر فوقیت نہ دے۔ لیفٹیننٹ جنرل احمد شریف چوہدری نے کہا کہ وہ 2024 کے اہم معاملات خاص طور پر قومی سلامتی سے متعلق معاملات، بدلتی علاقائی صورتحال، ملکی دفاع، اندرونی سلامتی اور رواں سال انسداد دہشت گردی کے حوالے سے کیے جانے والے پر بات کریں گے۔انہوں نے مزید کہا کہ وہ مسلح افواج کی تربیتی مشقوں اور عوام کی فلاح و بہبود کے لیے کیے گئے اقدامات پر بھی بات کریں گے۔ڈی جی آئی ایس پی آرنے کہا کہ 9 مئی کے منصوبہ سازوں کو سزاؤں تک انصاف کا عمل مکمل نہیں ہوگا، 26 نومبر 2024 کی سازش 9 مئی 2023 کا تسلسل ہے، نومبر کی سازش کے پیچھے سیاسی دہشت گردوں کی سوچ ہے۔راولپنڈی میں پریس کانفرنس کرتے ہوئے ڈی جی آئی ایس پی آر لیفٹیننٹ جنرل احمد شریف چوہدری کا کہنا تھا کہ پاکستان نے دہشت گردی کیخلاف طویل جنگ لڑی ہے، رواں سال 59 ہزار 775 کامیاب آپریشنز کئے گئے، سکیورٹی فورسز نے 2024 میں مختلف آپریشنز کے دوران 925 دہشت گردوں کو جہنم واصل کیا جبکہ سیکڑوں گرفتار ہوئے، آپریشنز میں 27 افغان دہشت گردوں کو ہلاک کیا۔ڈی جی آئی ایس پی آر نے بتایا کہ گزشتہ 5 برس میں ہلاک دہشت گردوں کی یہ سب سے بڑی تعداد ہے۔ رواں سال سیکیورٹی فورسز نے خفیہ اطلاعات پر متعدد کارروائیاں کیں۔ دہشت گردوں کیخلاف روزانہ کی بنیاد پر کارروائیاں ہوتی ہیں، انہوں نے کہا کہ روزانہ کی بنیاد پر 169سے زیادہ آپریشنز کیے جارہے ہیں، دہشت گردی کے کئی منصوبوں کو ناکام بنایا گیا، آپریشنز کے دوران دہشت گردوں سے بھاری مقدار میں گولہ بارود برآمد کیا گیا، بلوچ دہشت گردوں کے انتہائی مطلوب سرغنہ کو بھی جہنم واصل کیا گیا، دہشت گرد معصوم لوگوں کی ذہن سازی کرتے ہوئے نوجوانوں کو استعمال کرتے ہیں۔لیفٹیننٹ جنرل احمد شریف چودھری کا کہنا تھا کہ 14مطلوب دہشت گردوں نے ہتھیار ڈال کر خود کو قومی دھارے میں شامل کیا، سال 2024 میں 383 بہادر آفیسرز اور جوانان نے جام شہادت نوش کیا، پوری قوم مسلح افواج کے بہادر سپوتوں اور لواحقین کو خراج تحسین پیش کرتی ہے، دہشت گردی کی یہ جنگ آخری دہشت گرد اور خوارج کے خاتمے تک جاری رہے گی۔لیفٹیننٹ جنرل احمد شریف چوہدری نے کہا کہ ویسٹرن بارڈر مینجمنٹ کے لیے کام آخری مرحلے میں داخل ہوچکا ہے، قبائلی اضلاع میں 72 فیصد علاقہ بارودی سرنگوں سے کلیئر کردیا گیا، ون ڈاکومنٹ رجیم کے نفاذ کے بعد غیرقانونی بارڈر کراسنگ، اسمگلنگ میں خاطر خواہ کمی آئی ہے، پاسپورٹ کے استعمال میں اضافہ ہوا ہے، پاکستان سے غیر قانونی افغان باشندوں کے انخلا کا عمل جاری ہے، اب تک 8 لاکھ 15 ہزار سے زائد افغان باشندے اپنے ملک جاچکے ہیں۔انہوں نے کہا کہ بھارت کی جانب سے مشرقی سرحد پر خطرات کا ہمیں ادراک ہے، بھارت خطے میں اپنی اجارہ داری کے لیے جو اقدامات کر رہا ہے، پاکستان کی سول و عسکری قیادت اس سے بخوبی آگاہ ہے، بھارت نے اس سال کئی بار چھوٹی سطح پر سیز فائر کی خلاف ورزیاں کی گئیں، جس میں 25 سیز فائر کی خلاف ورزیاں، 564 دیگر اور 161 فضائی خلاف ورزیاں کی گئیں، متعدد فالس فلیگ آپریشنز بھی کیے گئے، جن کا مقصد بھارت کی اندرونی سیاست پر اثر انداز ہونا تھا۔ان کا کہنا تھا پاک فوج لائن آف کنٹرول پر بھارت کی کسی بھی جارحیت کا منہ توڑ جواب دینے کی صلاحیت رکھتی ہے، پاک فوج پاکستان کی خود مختاری اور سلامتی کے لیے ہر طرح کی قربانی دینے کو تیار ہے۔ڈی جی آئی ایس پی آر نے کہا کہ بھارت کے زیر تسلط کشمیر میں عوام پر ہونے والے مظالم سے پوری دنیا آگاہ ہے، بھارتی فورسز کی جانب سے آپریشنز کرکے کشمیری نوجوانوں کو شہید کیا جارہا ہے، کشمیری عوام پر تشدد قابل مذمت ہے، بھارتی سپریم کورٹ نے گزشتہ سال آرٹیکل 370 برقرار رکھ کر عالمی قوانین کی خلاف ورزی کی، ہمارا اصولی موقف ہے کہ ہم مقبوضہ کشمیر کے مظلوم عوام کے ساتھ کھڑے ہیں، اور ہر فورم پر کشمیریوں کی اصولی، اخلاقی اور سیاسی حمایت جاری رکھیں گے۔انہوں نے کہا کہ اس وقت بھارت کی کئی ریاستوں میں علیحدگی کی تحریکوں کو قوت کے ذریعے کچلنے کا عمل جاری ہے، بیرون ملک سکھ رہنمائوں کو ماروائے عدالت قتل کیا جارہا ہے، اقلیتوں بالخصوص مسلمانوں، مسیحی باشندوں کی نسل کشی کی جارہی ہے، مساجد، گرجا گھروں کو ہندو انتہا پسند نشانہ بنارہے ہیں، مذہبی جبر کا یہ سلسلہ عالمی اور انسانی حقوق کے اداروں کے لیے کھلا سوال ہے۔ڈی جی آئی ایس پی آر نے کہا کہ افواج پاکستان قدرتی آفات اور ہر مشکل گھڑی میں عوام کی خدمت میں پیش پیش رہتی ہے، ان میں حکومت کی معاونت سے کئی شعبوں کے منصوبے مکمل کیے جاتے ہیں، 2024 میں خیبر پختونخوا میں پاک فوج نے مقامی افراد کے مسائل کے حل کے لیے 6500 پروگرام مکمل کیے، مقامی طلبہ کو آرمی پبلک اسکولز، کیڈٹ کالجز میں داخلے دیے گئے، نوجوانوں کو فورسز میں بھرتی کیا گیا، انفرا اسٹرکچر منصوبے مکمل کیے گئے۔لیفٹیننٹ جنرل احمد شریف چوہدری نے کہا کہ سیلاب کے دوران پختونخوا میں سیکڑوں میڈیکل کیمپس لگائے گئے، اسی طرح بلوچستان میں بھی امدادی پروگرامز کا سلسلہ جاری ہے، بلوچستان میں سوشو اکانومی منصوبوں کی شرح دیگر صوبوں سے زیادہ ہے، تاکہ بلوچستان کے حوالے سے جاری منفی پروپیگنڈا توڑا جاسکے، بلوچستان میں سعودی عرب اور چین کے تعاون سے کئی اہم منصوبے مکمل کیے گئے اور چند اب بھی جاری ہیں، بلوچستان میں کچھی کینال منصوبہ 65 ہزار کینال اراضی کو سیراب کر رہا ہے۔انہوں نے کہاکہ آرمی چیف کی خصوصی توجہ سے گوادر میں صحت، تعلیم، پانی کی فراہمی سمیت کئی منصوبوں پر کام چل رہا ہے، چمن ماسٹر پلان کی تکمیل اہم سنگ میل ہے، اور طور خم بارڈر پر تجارت کو سہولت فراہم کرنے کے لیے جدید سسٹم نصب کیا جارہا ہے، جس کے بعد کلیئرنس کا وقت مزید کم ہوجائے گا، 90 فیصد کام مکمل ہوچکا ہے، یہ منصوبہ 3 ماہ میں مکمل ہوجائے گا۔ڈی جی آئی ایس پی آر کے مطابق دہشتگردی کے واقعات کے تانے بانے اور شواہد افغانستان میں موجود دہشتگردوں کی پناہ گاہوں تک جاتے ہیں۔ ویسٹرن بارڈر مینجمنٹ ریجیم کے تحت کام تیزی سے جاری اور قبائلی اضلاع میں 72 فیصد علاقے کو بارودی سرنگوں سے پاک کر دیا گیا ہے۔ان کا کہنا تھا کہ حکومت کی خصوصی ہدایات پر اسمگلنگ، بجلی چوری، منشیات و ذخیرہ اندوزوں کے خلاف کریک ڈاؤن کا سلسلہ بھی جاری ہے۔ ستمبر 2023 سے اب تک 8 لاکھ 15 ہزار غیر قانونی افغان باشندے واپس جا چکے ہیں۔ بھارت کی جانب سے مشرقی سرحد پر خطرات کا ہمیں بخوبی ادراک ہے۔ڈی جی آئی ایس پی آر کا کہنا تھا کہ بھارتی حکومت ریاستی دہشتگردی کا کھلم کھلا ارتکاب کر رہی ہے۔ بھارتی ریاستی دہشتگردی میں بیرون ممالک ماورائے عدالت ٹارگٹ کلنگ بشمول بھارتی نزاد سکھوں کی ٹارگٹ کلنگ بھی شامل ہے۔ بھارت میں اقلیتوں بالخصوص مسلمانوں اور عیسائیوں کی سوچی سمجھی سازش کے تحت نسل کشی کی جا رہی ہے۔

افغانستان دہشت گردوں کو پاکستان پر فوقیت نہ دے، ڈی جی آئی ایس پی آر

رواں برس 59 ہزار 775 آپریشنز میں925 دہشت گردوں کوہلاک کیا، ڈی جی آئی ایس پی آر کی پریس کانفرنس

بھارت کے اسٹار بیٹر ویراٹ کوہلی کے آسٹریلوی بیٹر کو کندھا مارنے کے معاملے پر آسٹریلوی میڈیا نے کوہلی کو مسخرہ قرار دے دیا۔آسٹریلوی اخبار کی ہیڈ لائن سوشل میڈیا پر وائرل ہو گئی جس میں انہیں مسخرہ کہا گیا ہے، تاہم اب بھارتی میڈیا نے کوہلی کو مسخرہ قرار دینے کو ویرات کوہلی کی بے عزتی قرار دیا ہے۔ تفصیلات کے مطابق باکسنگ ڈے ٹیسٹ کے پہلے دن ویرات کوہلی کی آسٹریلوی اوپنر سیم کونسٹاس کے ساتھ الجھنے اور تلخی کے بعد آسٹریلوی میڈیا نے انہیں مسخرہ قرار دیا ہے، ساتھ ہی ان کے لیے ڈرپوک کا لفظ بھی استعمال کیا گیا۔خیال رہے گزشتہ روز میلبرن میں کھیلے جارہے سیریز کے چوتھے ٹیسٹ میچ کے پہلے روز ڈیبیو کرنیوالے آسٹریلوی اوپنر سیم کونسٹاس سے الجھ پڑے تھے جس پر انہیں تنقید کا نشانہ بنایا گیا تھا۔ٹیسٹ کے آغاز پر 19 سالہ آسٹریلوی اوپنر سیم کونسٹاس نے غیر معمولی بیٹنگ کرتے ہوئے بھارتی بولر جسپریت بمرا کی دھلائی بھی کردی تھی جس پر ہندوستانی فیلڈرز پریشان نظر آرہے تھے۔میچ کے 10ویں اوور کے اختتام پر ویرات کوہلی اور سیم کونسٹاس کے آپس میں کندھے ٹکرا گئے جس پر دونوں کے درمیان تکرار ہوئی تاہم عثمان خواجہ اور امپائرز نے بیچ بچاؤ کروا دیا۔واقعہ کے بعد ویرات کوہلی کو تنبیہ کرتے ہوئے میچ فیس کا صرف 20 فیصد جرمانہ اور ایک ڈیمیرٹ پوائنٹ دیا گیا۔سوشل میڈیا پر اس واقعے کے وائرل ہونے کے بعد ویرات کوہلی کو کم از کم ایک میچ کی معطلی کے حوالے کرنے کا مطالبہ کیا جارہا ہے تاہم آسٹریلوی میڈیا نے جمعہ کی صبح کے اخبارات میں کوہلی کو مسخرہ اور جوکر کہہ کر پُکارا جبکہ ایک تصویر میں انکے منہ میں بچے کی فیڈر بھی دیکھائی گئی۔دی ویسٹ آسٹریلیا نامی اخبار نے مسخرہ کوہلی کی ہیڈلائن درج کی، جس پر بھارتی سپورٹرز اور فینز بھڑک اُٹھے۔آسٹریلوی اخبار کی جانب سے ویرات کوہلی کی تصویر شائع کرتے ہوئے انہیں مسخرہ بنا کر پیش کیا گیا ہے جس سے بھارتی میڈیا آگ بگولہ ہو گیا ہے۔اخبار ’دی ویسٹ آسٹریلوی‘ نے سرخی میں سابق بھارتی کپتان ویرات کوہلی کی تصویر چھاپی جس پر کلاؤن کوہلی لکھا تھا۔

آسٹریلوی میڈیا نے ویراٹ کوہلی کو ’’جوکر‘‘کہہ ڈالا،بھارت کو مرچیں لگ گئیں

سابق بھارتی کپتان کوہلی کو بزدل، مسخرہ اور رونے والا بچہ قرار دینے پر بھارتی میڈیاآگ بگولہ ہوگیا

نیشنل ڈیٹا بیس اینڈ رجسٹریشن اتھارٹی (نادرا) کی جانب سے ہر پاکستانی شہری کے لیے اہم خبر سامنے آئی ہے۔پاکستان میں ہر شہری کے لیے 18 سال کی عمر مکمل کرنے پر قومی شناختی کارڈکا حصول لازمی ہے۔نادرا آرڈیننس 2000 کے سیکشن 9 (1) کے تحت 18 سال کی عمر کے بعد 90 دن کے اندر شناختی کارڈ کے لیے درخواست دینا ضروری ہے۔بروقت درخواست نہ دینے پر نادرا آرڈیننس کے سیکشن 30 (e) کے مطابق 6 ماہ تک قید بامشقت یا 50,000 روپے تک جرمانہ یا دونوں سزائیں ہو سکتی ہیں۔

شناختی کارڈ نہ بنوایا تو 6 ماہ کی قید یا بھاری جرمانہ، نادرا کی سخت وارننگ

اٹھارہ سال کی عمر کے بعد 90 دن کے اندر شناختی کارڈ کے لیے درخواست دینا ضروری ہے

کراچی میں پاراچنار واقعے کے خلاف مذہبی جماعت کی جانب سے شہر کے مختلف مقامات پر گزشتہ رات سے احتجاجی دھرنے جاری ہیں، جس کے باعث شہریوں کو شدید مشکلات کا سامنا کرنا پڑ رہا ہے۔ضلع کرم میں پاراچنار مرکزی شاہراہ کو بند ہوئے 79 دن گزر گئے جس کے باعث ادویات اور خوراک کا ذخیرہ ختم ہو چکا ہے۔ گرینڈ امن جرگہ فریقین سے مذاکرات مکمل کرنے کے باوجود اب تک کسی حتمی فیصلے تک نہ پہنچ سکا، راستوں کی بندش سے علاقے میں ادویات نہ پہنچنے کے باعث پاراچنار کے اسپتالوں سے مسلسل اموات کی خبریں آرہی ہیں جبکہ لوگ فاقہ کشی پر مجبور ہیں۔ کرم ایجنسی میں بگڑتی صورتحال کے باعث گزشتہ رات کراچی میں مذہبی جماعتوں نے شہر کے 6 مختلف مقامات پراحتجاج کیا۔مذہبی جماعتوں کی طرف سے یونیورسٹی روڈ، نمائش چورنگی،ملیر کالا بورڈ، نارتھ ناظم آباد، فائیو سٹار چورنگی پردھرنا دیا گیا، قائد آباد پل اورابوالحسن اصفہانی روڈ پر بھی دھرنا دیا گیا، شہر کے مختلف مقامات پر دھرنوں کے باعث ٹریفک کا نظام درہم برہم ہوگیا۔ٹریفک پولیس کے مطابق صرف مین شاہراہ فیصل کو کالا چھپرا کی طرف ٹریفک کے لیے کھول دیا گیا ہے۔ابوالحسن اصفہانی روڈ عباسی ٹاؤن، یونیورسٹی روڈ سماما شاپنگ سینٹر، اور نارتھ ناظم آباد فائیو اسٹار چورنگی پر دھرنے جاری ہیں۔نیشنل ہائی وے ملیر 15 برج، نمائش چورنگی، اور شارع فیصل چھوٹا گیٹ سے قائدآباد جانے والے راستوں پر بھی مظاہرے جاری ہیں۔رات بھر ان دھرنوں کے باعث شہریوں کو آمدورفت میں شدید مشکلات کا سامنا کرنا پڑا۔ ٹریفک پولیس کا کہنا ہے کہ متاثرہ مقامات پر متبادل راستوں کا انتظام کیا جا رہا ہے، اور شہریوں سے درخواست ہے کہ سروس روڈ اور دیگر متبادل راستے اختیار کریں تاکہ کسی بھی پریشانی سے بچ سکیں۔کراچی میں بند سڑکیں اور متبادل راستے کے حوالے سے ٹریفک پولیس کی جانب سے شہریوں کو آگاہی دی جارہی ہے۔ٹریفک پولیس کے مطابق مین ایم اے جنا ح روڈ نمائش چورنگی ٹریفک کے لیے بند ہے، متبادل راستہ کے لیے ٹریفک کو 45 کانگرس سے پی پی چورنگی اور گرو مندر سے سولجر بازار بھیجاجارہا ہے، سوسائٹی سگنل سے کوریڈور تھری، بریٹو روڈ سے سولجر بازار اور گرومندر کی طرف ٹریفک کو موڑ دیا گیا ہے۔اس کے علاوہ ابو الحسن اصفہانی روڈ سے سپر ہائی وے، عباس ٹاؤن کی سڑکیں بند ہیں، ٹریفک کو پیراڈائز بیکری سے فاریہ چوک کی طرف متبادل راستہ دیا گیا ہے، فائیو اسٹار چورنگی بند، سروس روڈ سے ٹریفک کی روانی جاری ہے۔ دھرنے کی صورتحال کے پیش نظر پولیس اور دیگر ادارے ٹریفک کی روانی کو بحال رکھنے کے لیے سرگرم ہیں۔میڈیارپورٹس کے مطابق شہریوں سے اپیل کی گئی ہے کہ وہ سفر سے پہلے صورتحال کا جائزہ لیں اور ٹریفک پولیس کی ہدایات پر عمل کریں۔

پارا چنار کی صورتحال،کراچی کے مختلف علاقوں میں مذہبی جماعتوں کے احتجاجی مظاہرے

شہرقائد کے مختلف مقامات پر دھرنوں کے باعث نظام درہم برہم ہوگیا،ٹریفک کی روانی شدید متاثر

عالم اسلام کی پہلی خاتون وزیراعظم ، دختر مشرق ، بے نظیربھٹو شہید کی 17 ویں برسی آج منائی جارہی ہے ۔2 بارپاکستان کی وزیراعظم بننےوالی بے نظیر بھٹو نے اپنی زندگی میں سیاسی مخالفین کے ساتھ جنرل ضیا اورجنرل مشرف کی آمریتوں کا مقابلہ کیا۔پاکستان پیپلز پارٹی کی چیئرپرسن اور 2 مرتبہ منتخب ہونے والی اسلامی دنیا کی پہلی خاتون وزیرِاعظم بے نظیر بھٹو 21 جون 1953ء کو کراچی میں پیدا ہوئیں۔بینظیربھٹو کو 35 سال کی عمر میں وزارتِ عظمیٰ حاصل ہوئی اور 2 مرتبہ اس عہدے پر فائز رہیں تاہم دونوں مرتبہ ان کی حکومت بدعنوانی کے الزامات پر برطرف کردی گئیں۔جون 1972 میں بے نظیر کی سیاسی تربیت کا آغاز ہوا،وہ اپنے والد کے ساتھ شملہ گئیں۔والد کی موت کےبعد 1986 میں فاتحانہ طور پر پاکستان میں داخل ہوئیں۔سیاسی آزمائشوں کا اپنے تدبر اوربہادری سے ڈٹ کر مقابلہ کیا،1988 میں بے نظیر وزیراعظم بنیں،اسی نشست پر جس پر ان کے والد تھے۔حکومت سے برطرف ہونے کے بعد، وہ 1993 میں دوسری بار وزیر اعظم بنیں،اور 1996 تک اس عہدے پر رہیں،پرویز مشرف دور میں پاکستان چھوڑنے کے بعد انہوں نے اپنا وقت لندن اور دبئی میں گزارا،لیکن جیالوں کے دل میں اُن کی محبت کم نہ ہوئی۔17 اکتوبر 2007 کو بے نظیر دوسری جلاوطنی ختم کرکے وطن واپس آئیں۔18اکتوبر دو ہزار سات کو سانحہ کارساز کے بعد بھی بے نظیر بھٹو خطرات کو خاطر میں نہ لائیں،اور سیاسی سرگرمیوں کا آغاز کیا۔دوماہ قبل دہشت گرد حملے کے باوجود بےنظیر بھٹو 27 دسمبر 2007 کو لیاقت باغ راولپنڈی جلسہ گاہ پہنچی،جلسہ کے اختتام پر خودکش حملےمیں انھیں شہید کردیا گیا۔محترمہ فاطمہ جناح کے بعد بےنظیر بھٹو وہ واحد رہنما تھیں،جنہوں نے خواتین کو عملی سیاست میں آنے کا حوصلہ دیا،اور اسمبلی کے ایوانوں تک پہنچایا۔محترمہ بے نظیر بھٹو کی شخصیت و کردار آج بھی لاکھوں لوگوں کے دلوں میں زندہ ہے۔بے نظیر بھٹو  نے اپنے دورِ اقتدار میں عورتوں کے حقوق کے لیے مثالی اقدامات کیے جن میں فرسٹ وومن بنک، وومن پولیس اسٹیشن اور یونیورسٹیز میں وومن اسٹڈی سینٹرز کا قیام، سرکاری ملازمتوں میں خواتین کے لیے 5 فیصد کوٹے کا اجرا، لیڈی ہیلتھ ورکرز پروگرام، خواتین کی ترقی کے لیے وفاقی وزارت کے قیام جیسے اقدامات شامل ہیں۔شہید بے نظیر بھٹو کو خراج عقیدت پیش کرنے کیلئے پیپلزپارٹی آج ملک بھر میں تقریبات منعقد کرے گی، مرکزی تقریب گڑھی خدابخش میں ہوگی، چیئرمین پیپلزپارٹی بلاول بھٹو زرداری شرکت کریں گے۔صدر مملکت آصف علی زرداری نے شہید بی بی کو خراج عقیدت پیش کرتے ہوئے اپنے پیغام میں کہا شہید بے نظیر بھٹو امید، استقامت ، جمہوریت اور انصاف کے اصولوں سے غیر متزلزل وابستگی کا پیکر تھی، شہید بی بی ہم سب کیلئے مشعل راہ تھیں۔آصف علی زرداری کا مزید کہنا تھاکہ انہوں نے ایسے پاکستان کا خواب دیکھا جہاں عوام کی طاقت راج کرے گی، شہید بے نظیر بھٹو کا نظریہ آج بھی زندہ ہے۔

عالم اسلام کی پہلی خاتون وزیراعظم بے نظیر بھٹو شہید کی 17 ویں برسی آج منائی جارہی ہے

بینظیربھٹو کو 35 سال کی عمر میں وزارتِ عظمیٰ حاصل ہوئی اور 2 مرتبہ اس عہدے پر فائز رہیں

بھارت کے سابق وزیراعظم منموہن سنگھ 92 برس کی عمر میں چل بسے۔منموہن سنگھ کی اچانک طبیعت خراب ہونے کے بعد انہیں دہلی میں آل انڈیا انسٹیٹیوٹ آف میڈیکل سائنسز (ایمس) ہسپتال لے جایا گیا، جہاں ڈاکٹرز نے فوری طور پر انکا طبی معائنہ شروع کردیا مگر سانس کی شدید دشواری کے باعث انتقال کرگئے۔بھارتی میڈیا کے مطابق ماہرمعاشیات من موہن سنگھ نے 2 مرتبہ بھارت کی حکمرانی کی اور وہ 2004 سے 2014 تک بھارت کے وزیراعظم رہے۔من موہن سنگھ نے وزیر خزانہ کی حیثیت سے معیشت کو لبرلائز کیا، وہ ایک معیشت دان سے سیاست دان بنے اور مرکزی بینک کے گورنر بھی رہے۔آل انڈیا انسٹیٹیوٹ آف میڈیکل سائنسز (ایمس) اسپتال نے منموہن کے انتقال کی تصدیق کرتے ہوئے کہا کہ “ہم گہرے رنج و غم کے ساتھ یہ اطلاع دیتے ہیں کہ ہندوستان کے سابق وزیر اعظم، ڈاکٹر منموہن سنگھ، 92 برس کی عمر میں چل بسے۔آنجہانی منموہن جنوبی ایشیائی ملک کے نہ صرف دو بار پرائم منسٹر رہے بلکہ وزیر خزانہ کے طور پر بھی انھوں نے بھارتی معیشت کی ترقی میں اہم کردار ادا کیا۔خیال رہے کہ بھارت کے پہلے سکھ وزیراعظم من موہن سنگھ 1932 میں پاکستان کے ضلع چکوال کے ایک گاؤں گاہ میں پیدا ہوئے تھے جہاں انہوں نے چوتھی جماعت تک تعلیم حاصل کی۔ پاکستان بننے کے بعد ان کا خاندان بھارت منقتل ہوگیا جہاں انہوں نے اعلیٰ تعلیم حاصل کی۔ انہوں نے برطانیہ کی آکسفورڈ اور کیمبرج یونیورسٹی سے معاشیات میں ڈگری حاصل کی، معاشیات میں ایم اے کرنے کے بعد ڈی لٹ بھی کیا، اس کے علاوہ کئی یونیورسٹیوں نے انہیں اعزازی طور پر ڈاکٹریٹ کی ڈگری سے نوازا۔

سابق بھارتی وزیراعظم منموہن سنگھ 92 برس کی عمر میں چل بسے

ڈاکٹرمنموہن سنگھ 2004 سے 2014 تک مسلسل دو بار بھارت کے وزیراعظم رہے

سابق وزیراعظم اور بانی چیئرمین پاکستان تحریک انصاف عمران خان نے کہا ہے کہ انہیں ڈیل کرنے کا پیغام ملا ہے لیکن وہ جیل میں رہ لیں گے لیکن کوئی ڈیل قبول نہیں کریں گے۔سماجی رابطے کی ویب سائٹ ’ایکس‘ پر جاری بیان میں سابق وزیراعظم عمران خان کا کہنا تھا کہ 2025 حقیقی آزادی کا سال ہے، انشااللہ 2024 پاکستان کے لیے ایک مشکل سال تھا، ظاہر ہے آزادی مشکل سے ہی ملتی ہے۔انہوں نے کہا ’مجھے پیغام ملا ہے کہ ہم سے ڈیل کریں، ہم آپ کی پارٹی کو ’سیاسی سپیس دیں گے لیکن آپ کو ہاؤس اریسٹ کر کے بنی گالہ میں منتقل کر دیں گے۔ میں نے جواب دیا ہے کہ پہلے باقی تمام سیاسی قیدیوں کو رہا کرو۔ میں جیل میں رہ لوں گا لیکن کوئی ڈیل قبول نہیں کروں گا۔ ہاؤس اریسٹ یا خیبرپختونخوا کی کسی جیل میں نہیں جاؤں گا۔عمران خان نے کہا’ اپنی قوم سے کہتا ہوں کہ آپ نے گھبرانا نہیں ہے، آپ کا کپتان ڈٹا ہوا ہے۔ میں اپنے سمندر پار پاکستانیوں سے کہوں گا کہ ترسیلاتِ زر کے بائیکاٹ کی مہم میں شامل ہوں۔ ابھی ہمارے مطالبات کے حوالے سے کمیٹی کمیٹی ہی کھیلا جا رہا ہے۔ تاہم اگر مذاکرات سے مثبت نتائج آئے تو ترسیلات زر کے بائیکاٹ کی مہم روک دی جائے گی۔ یہ حقیقی آزادی اور جمہوریت کی بحالی کے لئے ایک احتجاج ہے۔عمران خان نے کہا کہ اگر قانون کی حکمرانی ہوتی تو ملک میں سرمایہ کاری آتی اور معیشت سنبھل جاتی مگر اس پر کوئی توجہ نہیں دی گئی۔ سرمایہ دار اپنا سرمایہ نکال رہے ہیں اور کارخانے بند ہو رہے ہیں۔بانی چیئرمین پی ٹی آئی نے کہا کہ ملٹری کورٹ میں نو مئی سے متعلق اپنی مرضی کے ٹرائل کئے گئے ۔ اوپن کورٹ میں  ٹرائل چلائے جاتے تو نو مئی کی ویڈیو فوٹیج دینا پڑتی۔ اٹھارہ مارچ 2023 کو میرے اوپر جوڈیشل کمپلیکس اسلام آباد میں حملے کی ویڈیو کا ریکارڈ دانستہ طور پہ غائب کیا گیا۔انہوں نے کہا کہ شفاف ٹرائل شہریوں کا بنیادی آئینی حق ہے۔ فوجی عدالتوں میں مقدمات چلانے سے شہریوں کے بنیادی حقوق صلب ہوئے اور بین الاقوامی سطح پہ پاکستان کی شدید سُبکی ہوئی ہے۔ آئینی عدالت اس لیے بنائی گئی ہے تاکہ قاضی فائز عیسٰی کی طرح ہی ان سے کام لیا جا سکے۔انہوں نے کہا کہ خفیہ اداروں کا اصل کام سرحدوں کا تحفظ اور دہشت گردی سے بچاؤ ہے، اگر وہ پولیٹیکل انجنئیرنگ اور تحریک انصاف کو توڑنے میں ہی لگے رہیں گے تو سرحدوں کا تحفظ کون کرے گا؟ اپنی پالیسی کا دوبارہ جائزہ لیں۔سابق وزیراعظم نے کہا کہ افغانستان پر 2 دفعہ بمباری کی گئی ہے۔ پہلے دعوٰی کیا گیا تھا کہ مہاجرین کو زبردستی واپس بھیجنے سے دہشتگردی کم ہوگی مگر اس طریقہ کار سے نفرت مزید بڑھی جو علاقائی امن و امان کے لیے ٹھیک نہیں ہے۔’بلاول جب وزیر خارجہ بنا تو ایک بار بھی افغانستان نہیں گیا جو کہ ایک ترجیح ہونا چاہیے تھا۔ میں نے جنرل باجوہ سے بھی کہا تھا کہ افغانستان سے امریکی انخلا کے بعد حالات ایسے نہیں کہ ISI چیف جنرل فیض کو فوری تبدیل کیا جائے لیکن وہ سارے فیصلے پاکستان کی بجائے اپنی توسیع کے منصوبے کے لیے کر رہا تھا جس کا پاکستان کو نقصان ہوا اور دہشتگردی میں اضافہ ہوا۔

ڈیل کا پیغام ملا لیکن کوئی ڈیل قبول نہیں کروں گا، عمران خان

اپنی قوم سے کہتا ہوں کہ آپ نے گھبرانا نہیں ہے، آپ کا کپتان ڈٹا ہوا ہے، سابق وزیراعظم

سیکیورٹی فورسز کی خیبرپختونخوا کے 3 مختلف اضلاع میں انٹیلی جنس کی بنیاد پر کارروائیوں میں 13 دہشت گرد ہلاک اور 8 زخمی ہوگئے، جبکہ فائرنگ کے شدید تبادلے میں میجر محمد اویس شہید ہو گئے۔پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے ضلع بنوں کے علاقے جانی خیل، ضلع شمالی وزیرستان اور جنوبی وزیرستان میں 25 اور 26 دسمبر کو دہشت گردوں کی موجودگی کی اطلاعات پر آپریشن کیا۔ترجمان پاک فوج نے بتایا کہ سکیورٹی فورسز کی جانب سے آپریشنز کے دوران دہشت گردوں کے ساتھ فائرنگ کا شدید تبادلہ ہوا، ضلع بنوں کے علاقے جانی خیل میں 2 دہشت گردوں کو ہلاک کیا گیا۔دوسرا آپریشن شمالی وزیرستان میں کیا گیا، جس کے دوران  فائرنگ کے تبادلے میں پانچ دہشت گردمارے گئے اور آٹھ زخمی حالت میں گرفتار ہوئے۔اس آپریشن میں بہادری سے قیادت کرنے والے 31 سالہ میجر محمد اویس (ضلع نارووال کے رہائشی) نے جام شہادت نوش کیا۔آئی ایس پی آر کے مطابق تیسرا آپریشن جنوبی وزیرستان میں کیا گیا، جس میں سیکیورٹی فورسز نے چھ خوارج کو ہلاک اور آٹھ کو زخمی کر دیا۔آئی ایس پی آر کا مزید کہنا تھا کہ علاقے میں کسی بھی دہشت گرد کے خاتمے کے لیے کلیئرنس آپریشن کیا جارہا ہے، پاکستان کی سکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں، ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

سیکیورٹی فورسز کی خیبرپختونخوا کے 3 اضلاع میں کارروائیاں، 13 دہشت گرد ہلاک، میجر شہید

کارروائیاں بنوں کے علاقے جانی خیل، شمالی اور جنوبی وزیرستان میں کی گئیں، آئی ایس پی آر

پاکستان اسٹاک ایکسچینج تاریخی بلندیوں کو چھونے کے بعد منفی زون میں جانے لگی۔پاکستان اسٹاک ایکسچینج میں کاروباری ہفتے کے چوتھے دن 100 انڈیکس میں 1991 پوائنٹس کی کمی ہوئی، کاروبار کے اختتام پر ہنڈریڈ انڈیکس 1 لاکھ 10 ہزار 423 پوائنٹس پر بند ہوا۔ مارکیٹ 1 لاکھ 12 ہزار اور 1 لاکھ 11 ہزار کی 2 نفسیاتی حد سے نیچے آگئی، مندی کے باعث آج مارکیٹ میں 1 اعشاریہ 77 فیصد کی کمی واقع ہوئی۔ مارکیٹ میں آج بلند ترین سطح 1 لاکھ 12 ہزار 480 جبکہ کم ترین سطح 1 لاکھ 9 ہزار 858 رہی، دن بھر مجموعی طور پر 450 کمپنیوں کے شیئرز میں کاروبار ہوا، 113 کمپنیوں کے شیئرز میں اضافہ جبکہ 284 کے شیئرز میں کمی ہوئی۔ یاد رہے کہ گزشتہ روز انڈیکس 1 لاکھ 12 ہزار 414 پوائنٹس پر بند ہوا تھا۔دوسری جانب ملک میں سونے کی فی تولہ قیمت میں آج 1400 روپے اضافہ ہوا ہے۔آل پاکستان جیمز اینڈ جیولرز  ایسوسی ایشن کے مطابق آج ملک میں سونے کی فی تولہ قیمت1400 روپے بڑھ کر 2 لاکھ 74 ہزار  روپے ہے۔10گرام سونےکا بھاؤ 1200 روپے اضافے سے 2لاکھ34 ہزار 911 روپے ہے۔

پاکستان اسٹاک ایکسچینج میں مندی،100انڈیکس میں1991پوائنٹس کی کمی

ملک میں سونے کی فی تولہ قیمت1400 روپےاضافے کے بعد 2 لاکھ 74 ہزار روپے ہوگئی

جنوبی افریقا نے پہلے ٹیسٹ کی پہلی اننگ میں پاکستان کے 211 رنز کے جواب میں پہلے روز کھیل کے اختتام پر 3 وکٹ پر 82 رنز بنالیے ہیں۔پاکستان اور جنوبی افریقا کےدرمیان دو ٹیسٹ میچوں کی سیریز کا پہلا میچ سنچورین کے سپر اسپورٹس پارک میں کھیلا جارہا ہے۔ جنوبی افریقا نے ٹاس جیت کر فیلڈنگ کا فیصلہ کیا ۔جنوبی افریقا کے خلاف پاکستان کی بیٹنگ لائن فیل ہوگئی اور  پوری ٹیم 211 رنز بنا کرآؤٹ ہوگئی۔قومی ٹیم کے اوپنر کپتان شان مسعود 17، صائم ایوب 14، بابر اعظم 4 اور سعود شکیل 14 رنز بناکر آؤٹ ہوئے۔ ان کے علاوہ کامران غلام  54 اورمحمد رضوان 27 رنز بناکر آؤٹ ہوگئے۔سلمان آغا 18 رنز بناسکے، عامر جمال نے 28 رنز کی اننگز کھیلی، خرم شہزاد 11 رنز بنا کر آؤٹ ہوئے۔جنوبی افریقا کی جانب سے ڈین پیٹرسن نے 5، کوربن بوش نے 4 اور مارکو جینسن نے 1 کھلاڑی کو آؤٹ کیا۔پاکستان کی پہلی اننگز کے جواب میں دن کے اختتام تک جنوبی افریقا نے 3 وکٹوں کے نقصان پر 82 رنز بنا لیے، ٹرسٹن اسٹبز 9، رائن رکلٹن 8 اور ٹونی ڈی زورزی 2 رنز بنا کر آؤٹ ہوئے۔جنوبی افریقا کو ابھی 129 رنز کا خسارہ پورا کرنا باقی ہے اور اس وقت کریز پر ایڈن مارکرم 47 اور کپتان ٹیمبا بووما 4 رنز کے ساتھ موجود ہیں، پاکستان کی جانب سے خرم شہزاد نے 2 جبکہ محمد عباس نے 1 کھلاڑی کو آؤٹ کیا۔

پہلا ٹیسٹ، پاکستان کی پہلی اننگز کے جواب میں جنوبی افریقا نے 3 وکٹوں پر 82 رنز بنالیے

جنوبی افریقا کی دعوت پر پہلے بیٹنگ کرتے ہوئے پہلی اننگز میں پاکستان کی ٹیم 211 رنز بنا کر آؤٹ ہوگئی

پی ٹی آئی نے 9 مئی واقعات کی شفاف تحقیقات کا مطالبہ کردیا، سنی اتحاد کونسل کے سربراہ صاحبزادہ حامد رضا نے کہا کہ تمام فوٹیجز کی جانچ پڑتال کی جائے، عمران خان ملک کی خاطر سب کو معاف کرنے کو تیار ہیں، ان کی رہائی ہمارا سب سے بڑا مطالبہ ہے، تمام بے گناہوں کو بھی رہا کیا جائے، مذاکرات کا ٹائم فریم جنوری 2025 تک ہے۔ راولپنڈی کی اڈیالہ جیل میں سابق وزیراعظم عمران خان سے ملاقات کے بعد پی ٹی آئی رہنماؤں کے ہمراہ پریس کانفرنس کرتے ہوئے سنی اتحاد کونسل کے سربراہ حامد رضا نے کہا کہ 26نومبر کو پاکستان کے عوام پر حملہ ہوا، 9مئی اور26 نومبر پر جوڈیشل کمیشن بنایا جائے۔میڈیا سے گفتگو کرتے ہوئے انہوں نے کہا کہ 31 جنوری 2025 تک مذاکرات کو منطقی انجام تک پہنچانا چاہتے ہیں، ہمارے کارکنان کو تشدد کا نشانہ بنایا گیا۔صاحبزادہ حامد رضا کا کہنا تھا کہ عمران خان نے کہا ہے کہ وہ اپنے اوپر ہونے والے قاتلانہ حملے، اپنے ساتھ کیے جانے والے نارواسلوک کو پاکستان کی خاطر معاف کرنے کو تیار ہیں۔ان کا کہنا تھا کہ عمران خان نے وزیراعلیٰ علی امین گنڈاپور پر بھرپور اعتماد کا اظہار کیا ہے اور تمام کارکنان کو فسطائیت کا سامنا کرنے پر خراج تحسین پیش کیا ہے۔حامد رضا نے کہا کہ ہمارے مطالبات دو ہیں، اول یہ کہ نو مئی اور 26 نومبر کی تحقیقات کے لیے جوڈیشل کمیشن بنائے جائیں، 9 مئی میں دوسری سائیڈ ذمہ دار ہے ایک کمیشن بنے جو سینئر موسٹ ججز پر بنے، سی سی ٹی وی فوٹیجز سامنے لائی جائیں جو لوگوں کو اُکسا رہے تھے ان کا تعین ہوسکے، 26 نومبر پر ہمارا موقف ہے کہ گولی چلی، 13 شہید ہیں، 64 زخمی ہیں یہ پاکستان کی جمہوریت پر حملہ ہے ہم 26 نومبر پر بھی جوڈیشل کمیشن کا مطالبہ کررہے ہیں۔انہوں نے دوسرا مطالبہ پیش کیا کہ مختلف جیلوں میں ہمارے لوگ قید ہیں انہیں رہا کیا جائے ان کی رہائی ہمارا ایجنڈا ہے اور آخر میں بانی پی ٹی آئی کی رہائی عمل میں لائی جائے ان کی رہائی کسی ڈیل پر نہیں عدالتوں سے ہوگی، ہم نے پیغام دیا ہے بانی پی ٹی آئی کی رہائی ہمارے ایجنڈے کا حصہ ہے وہ آئینی قانونی اور عدالتی طریقے سے رہا ہوں، پہلے بھی بانی پی ٹی آئی کی رہائی ہونی تھی لیکن ایک اور مقدمے میں انہیں گرفتار کرلیا گیا۔حامد رضا کا کہنا تھا کہ افغانستان پر حملے پر بانی پی ٹی آئی نے کہا کہ ہم کسی پرائی جنگ کا حصہ نہیں بن سکتے، انہوں ںے بانی افغانستان پر فضائی حملے کی مذمت کی ہے اور افغانستان سے تمام تنازعات بات چیت کے تحت حل کرنے پر زور دیا ہے۔حامد رضا نے مزید کہا کہ اب دو تاریخ کو حکومت سے مذاکرات ہوں گے اور تمام مطالبات حکومت کے سامنے رکھیں گے۔

پی ٹی آئی نے 9 مئی اور 26 نومبر کے واقعات کی شفاف تحقیقات کا مطالبہ کردیا

عمران خان ملک کی خاطر سب کو معاف کرنے کو تیار ہیں، ان کی رہائی ہمارا سب سے بڑا مطالبہ ہے، حامد رضا

پاکستان سپر لیگ سیزن 10 کے لئے انگلینڈ کے کھلاڑی ڈیوڈ ملان نے اپنی دستیابی ظاہر کر دی۔میڈیارپورٹس کے مطابق پاکستان سپر لیگ (پی ایس ایل) 10 کے لیے انگلینڈ کے ڈیوڈ میلان نے بھی ڈرافٹ کیلئے خود کو رجسٹر کرالیا ہے پی ایس ایل 10 کے لیے کھلاڑیوں کی رجسٹریشن کا عمل جاری ہے جس میں کئی غیر ملکی کھلاڑیوں نے اپنی دلچسپی ظاہر کی ہے۔پی ایس ایل 10 کے لیے آسٹریلیا کے عثمان خواجہ سمیت انگلینڈ کے جیسن روئے اور ڈیوڈ ویلی نے بھی اپنی اپنی دستیابی ظاہر کی ہے۔جبکہ ان کے علاوہ بنگلا دیش کے فاسٹ بولر مستفیض الرحمٰن، زمبابوے کے سکندر رضا اور انگلینڈ کے ٹام کرن نے بھی خود کو رجسٹر کرالیا ہے، پی ایس ایل کی ڈرافٹنگ 11 جنوری کو گوادر میں ہو گی۔خیال رہے کہ پاکستان سپر لیگ ( پی ایس ایل) کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے راؤنڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔

پی ایس ایل 10 کے لیے کھلاڑیوں کی رجسٹریشن کا عمل جاری

ڈیوڈ ویلی کے بعدڈیوڈ ملان نے بھی پی ایس ایل کیلئے اپنی دستیابی ظاہر کر دی

ملٹری کورٹ نے بانی پی ٹی آئی عمران خان کے بھانجے حسان خان نیازی سمیت سانحہ 9 مئی میں ملوث مزید 60 مجرمان کو سزائیں سنا دی ہیں۔پاک فوج کے شعبہ تعلقات عامہ (آئی ایس پی آر) کے مطابق سپریم کورٹ کے فیصلے کی روشنی میں سانحہ 9 مئی میں ملوث مزید 60 مجرمان کو فیلڈ جنرل کورٹ مارشل نے سزائیں سنائیں۔بیان کے مطابق فیلڈ جنرل کورٹ مارشل نے تمام شواہد کی جانچ پڑتال، مجرموں کو قانونی حق کی یقینی فراہمی اور قانونی تقاضوں کے مطابق کارروائی کرتے ہوئے سزائیں سنائیں۔آئی ایس پی آر کے مطابق سزا پانے والے 60 مجرموں میں جناح ہاؤس حملے میں ملوث حسان خان نیازی ولد حفیظ اللہ نیازی بھی شامل ہیں جنہیں 10 سال قید بامشقت سنائی گئی۔جناح ہاؤس حملے میں ملوث حسان خان نیازی ولد حفیظ اللہ نیازی کو 10 سال قید بامشقت۔۔جناح ہاؤس حملے میں ملوث میاں عباد فاروق ولد امانت علی کو 2 سال قید بامشقت۔۔جناح ہاؤس حملے میں ملوث رئیس احمد ولد شفیع اللہ کو 6 سال قید بامشقت۔۔جناح ہاؤس حملے میں ملوث ارزم جنید ولد جنید رزاق کو 6 سال قید بامشقت۔۔جناح ہاؤس حملے میں ملوث علی رضا ولد غلام مصطفی کو 6 سال قید بامشقت۔۔جی ایچ کیو حملے میں ملوث راجہ دانش ولد راجہ عبدالوحید کو 4 سال قید بامشقت۔۔جی ایچ کیو حملے میں ملوث سید حسن شاہ ولد آصف حسین شاہ کو 9 سال قید بامشقت۔۔اے آئی ایم ایچ راولپنڈی پر حملے میں ملوث علی حسین ولد خلیل الرحمان کو 7 سال قید بامشقت۔۔پنجاب رجمنٹ سنٹر مردان حملے میں ملوث زاہد خان ولد محمد نبی کو 2 سال قید بامشقت۔۔ہیڈکوارٹر دیر سکاؤنٹس تیمرگرہ حملے میں ملوث سہراب خان ولد ریاض خان کو4 سال قید مشقت۔۔جناح ہاؤس حملے میں ملوث بریگیڈیئر (ر) جاوید اکرم ولد چودھری محمد اکرم کو 6 سال قید بامشقت۔۔ملتان کینٹ چیک پوسٹ حملے میں ملوث خرم لیاقت ولد لیاقت علی شاہد کو 4 سال قید بامشقت۔۔قلعہ چکدرہ حملے میں ملوث ذاکر حسین ولد شاہ فیصل کو 7 سال قید بامشقت۔۔بنوں کینٹ حملے میں ملوث امین شاہ ولد مشتر خان کو 9 سال قید بامشقت۔۔آئی ایف بیس میانوالی حملے میں ملوث فہیم ساجد ولد محمد خان کو 8 سال قید بامشقت۔۔فیصل آباد آئی ایس آئی آفس حملے میں ملوث حمزہ شریف ولد محمد اعظم کو 2 سال قید بامشقت۔۔جناح ہاؤس حملے میں ملوث محمد ارسلان ولد محمد سراج کو 7 سال قید بامشقت۔۔جناح ہاؤس حملے میں ملوث محمد عمیر ولد عبدالستار کو 6 سال قید بامشقت۔۔جناح ہاؤس حملے میں ملوث نعمان شاہ ولد محمود احمد شاہ کو 4 سال قید بامشقت۔۔بنوں کینٹ حملے میں ملوث اکرام اللہ ولد خانزادہ خان کو 9 سال قید بامشقت۔۔راہوالی گیٹ گوجرانوالہ حملے میں ملوث محمد احمد ولد محمد نذیر کو 2 سال قید بامشقت۔۔ملتان کینٹ چیک پوسٹ حملے میں ملوث پیرزادہ میاں محمد اسحق بھٹہ ولد پیرزادہ میاں قمرالدین بھٹہ کو 3 سال قید بامشقت۔۔جی ایچ کیو حملے میں ملوث محمد عبداللہ ولد کنور اشرف خان کو 4 سال قید بامشقت۔۔فیصل آباد آئی ایس آئی آفس حملے میں ملوث امجد علی ولد منظور احمد کو 2 سال قید بامشقت۔۔جناح ہاؤس حملے میں ملوث محمد رحیم ولد نعیم خان کو 6 سال قید بامشقت۔۔پی اے ایف بیس میانوالی حملے میں ملوث احسان اللہ خان ولد نجیب اللہ خان کو 10 سال قید بامشقت۔۔راہوالی گیٹ گوجرانوالہ حملے میں ملوث منیب احمد ولد نوید احمد بٹ کو 2 سال قید بامشقت۔۔فیصل آباد آئی ایس آئی آفس حملے میں ملوث محمد علی ولد محمد بوٹا کو 2 سال قید بامشقت۔۔بنوں کینٹ حملے میں ملوث سمیع اللہ ولد میر داد خان کو 2 سال قید بامشقت۔۔جناح ہاؤس حملے میں ملوث میاں محمد اکرم عثمان ولد میاں محمد عثمان کو 2 سال قید بامشقت۔۔جناح ہاؤس حملے میں ملوث مدثر حفیظ ولد حفیظ اللہ کو 6 سال قید بامشقت۔۔جناح ہاؤس حملے میں ملوث سجاد احمد ولد محمد اقبال کو 4 سال قید بامشقت۔۔بنوں کینٹ حملے میں ملوث خضر حیات ولد عمر قیاض خان کو 9 سال قید بامشقت۔۔راہوالی گیٹ گوجرانوالہ کینٹ حملے میں ملوث محمد نواز ولد عبدالصمد کو 2 سال قید بامشقت۔۔پی اے ایف بیس میانوالی حملے میں ملوث محمد بلال ولد محمد افضل کو 4 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث محمد سلیمان ولد سِیعد غنی جان کو 2 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث اسد اللہ درانی ولد بادشاہ زادہ کو 4 سال قید بامشقت۔۔چکدرہ قلعے پر حملے میں ملوث اکرام اللہ ولد شاہ زمان کو 4 سال قید بامشقت۔۔فیصل آباد آئی ایس آئی آفس حملے میں ملوث محمد فرخ ولد شمس تبریز کو 5 سال قید بامشقت۔۔جناح ہاؤس حملے میں ملوث وقاص علی ولد محمد اشرف کو 6 سال قید بامشقت۔۔جناح ہاؤس حملے میں ملوث امیر ذوہیب ولد نذیر احمد شیخ کو 4 سال قید بامشقت۔۔اے آئی ایم ایچ راولپنڈی حملے میں ملوث فرہاد خان ولد شاہد حسین کو 7 سال قید بامشقت۔۔ہیڈکوارٹر دیر سکاؤٹس تیمرگرہ حملے میں ملوث عزت خان ولد اول خان کو 2 سال قید بامشقت۔۔راہوالی گیٹ گوجرانوالہ کینٹ حملے میں ملوث اشعر بٹ ولد محمد ارشد بٹ کو 2 سال قید بامشقت۔۔بنوں کینٹ حملے میں ملوث ثقلین حیدر ولد رفیع اللہ خان کو 9 سال قید بامشقت۔۔فیصل آباد آئی ایس آئی آفس حملے میں ملوث محمد سلمان ولد زاہد نثار کو 2 سال قید بامشقت۔۔ملتان کینٹ چیک پوسٹ حملے میں ملوث حامد علی ولد سید ہادی شاہ کو 3 سال قید بامشقت۔۔راہولی گیٹ گوجرانوالہ کینٹ حملے میں ملوث محمد وقاص ولد ملک محمد کلیم کو 2 سال قید بامشقت۔۔بنوں کینٹ حملے میں ملوث عزت گل ولد میردادخان کو 9 سال قید بامشقت۔۔جناح ہاؤس حملے میں ملوث حیدر مجید ولد محمد مجید کو 2 سال قید بامشقت۔۔جناح ہاؤس حملے میں ملوث گروپ کیپٹن وقاص احمد محسن(ریٹائرڈ) ولد بشیر احمد محسن کو 2 سال قید بامشقت۔۔ہیڈکوارٹر دیر سکاؤٹس تیمر گرہ حملے میں ملوث محمد الیاس ولد محمد فضل حلیم کو 2 سال قید بامشقت۔۔گیٹ ایف سی کینٹ پشاور حملے میں ملوث محمد ایاز ولدصاحبزادہ خان کو 2 سال قید بامشقت۔۔چکدرہ قلعے حملے میں ملوث رئیس احمد ولد خستہ رحمان کو 4 سال قید بامشقت۔۔چکدرہ قلعے حملے میں ملوث گوہر رحمان ولد گل رحمان کو 7 سال قید بامشقت۔۔بنوں کینٹ حملے میں ملوث نیک محمد ولد نصر اللہ جان کو 9 سال قید بامشقت۔۔فیصل آباد آئی ایس آئی آفس حملے میں ملوث فہد عمران ولد محمد عمران شاہد کو 9 سال قید بامشقت۔۔راہوالی گیٹ گوجرانوالہ کینٹ حملے میں ملوث سفیان ادریس ولد ادریس احمد کو 2 سال قید بامشقت۔۔بنوں کینٹ حملے میں ملوث رحیم اللہ ولد بیعت اللہ کو 9 سال قید بامشقت۔۔بنوں کینٹ حملے میں ملوث خالد نوازولد حامد خان کو 9 سال قید بامشقت۔۔ترجمان پاک فوج نے کہا کہ اِس کے ساتھ ہی فوجی حراست میں لئے جانے والے 9 مئی کے ملزمان پر چلنے والے مقدمات کی سماعت متعلقہ قوانین کے تحت مکمل کر لی گئی ہے۔آئی ایس پی آر کا کہنا تھا کہ تمام مجرموں کے پاس اپیل کا حق اور دیگر قانونی حقوق برقرار ہیں، جیسا کہ آئین اور قانون میں ضمانت دی گئی ہے، قوم، حکومت اور مسلح افواج انصاف اور ریاست کی ناقابل تسخیر رٹ کو برقرار رکھنے کے اپنے عزم میں ثابت قدم ہیں۔یاد رہے کہ اس سے قبل 21 دسمبر کو  فیلڈ جنرل کورٹ مارشل نے 9 مئی 2023 سانحے میں ملوث 25 مجرمان کو 2 سال قید بامشقت سے لے کر 10 سال قید بامشقت کی سزائیں سنائی تھی۔

ملٹری کورٹس نےعمران خان کے بھانجے سمیت مزید 60 مجرموں کو سزائیں سنا دیں

مجرموں کو قانونی حق کی یقینی فراہمی اور قانونی تقاضوں کے مطابق کارروائی کرتے ہوئے سزائیں سنائیں،آئی ایس پی آر

وفاقی وزیر خزانہ محمد اورنگزیب نے کہا کہ ٹیکسز کی وصولی بہتر بنانے کیلئے ڈھانچہ جاتی اصلاحات کا آغاز کر دیا ہے، ریونیو اہداف کے حصول کیلئے کوشاں ہیں، افراط زر کو کنٹرول کرنے کے لئے اقدامات کئے جا رہے ہیں۔وزیر مملکت علی پرویز ملک، وزیر اطلاعات عطا تارڑ اور چیئرمین ایف بی آر راشد محمود لنگڑیال کے ہمراہ پریس کانفرنس کرتے ہوئے وزیر خزانہ محمد اورنگزیب کا کہنا تھا کہ اصلاحاتی ایجنڈے میں ٹیکسیشن کا اہم کردار ہے، ٹیکس ٹو جی ڈی پی کی موجودہ شرح 9 سے 10 فیصد کے درمیان ہے، حکومت ٹیکس اور جی ڈی پی کے ہدف کو 13 فیصد سے زائد لے جانے کی خواہاں ہے۔انہوں نے کہا کہ ٹیکس کے نظام میں اصلاحات لا رہے ہیں، معاشی استحام کیلئے ٹیکس اہداف حاصل کرنا ناگزیر ہے، ریونیو اہداف کے حصول کیلئے کوشاں ہیں، ٹیکسوں کی وصولی کیلئے ڈھانچہ جاتی اصلاحات کا آغاز کر چکے ہیں، جو بھی اقدامات کر رہے ہیں قوم کو آگاہ کیا جا رہا ہے۔ان کا کہنا تھا کہ افراط زر کو کنٹرول کرنے کے لئے اقدامات کر رہے ہیں، شفافیت کے لئے ڈیجیٹائزیشن کی جانب جا رہے ہیں، ڈیجیٹائزیشن کے عمل کو تیزی سے آگے بڑھایا جا رہا ہے، دیانتداری سے ٹیکس دینے والوں کو مزید بوجھ سے بچانے پر توجہ دی جا رہی ہے، ٹیکس گیپ اور لیکیجز کو روکنے پر کام کیا جا رہا ہے تاکہ عام آدمی پر مزید بوجھ نہ پڑے۔محمد اورنگزیب نے کہا کہ ٹیکس ترمیمی بل کا مقصد ٹیکسوں کو ساڑھے 13 فیصد تک لانا ہے، ٹیکسوں سے متعلق یہ ہدف ہم نے تین سال میں حاصل کرنا ہے، ملک سے بدعنوانی اور ہراسیت کا خاتمہ بھی ضروری ہے۔اس موقع پرچیئرمین ایف بی آر راشد محمود لنگڑیال نے دو ٹوک اعلان کیا ہے کہ ٹیکس ریٹرن جمع نہ کرانے والوں کے خلاف کارروائی ہو گی۔ چیئرمین ایف بی آر راشد لنگڑیال نے پریس کانفرنس میں کہا کہ فیڈرل بورڈ آف ریونیو کا فوکس ٹاپ 5 فیصد لوگ ہیں۔ ایک لاکھ 69 ہزار مالدار افراد کو نوٹسز جاری کیے گئے ہیں۔ ان میں سے 38 ہزار افراد نے اپنے انکم ٹیکس گوشوارے جمع کرا دیے ہیں۔ ان افراد کا ڈیٹا مانیٹر کیا جا رہا ہے۔ ان افراد نے 37 کروڑ 76 روپے کا ٹیکس ادا کر دیا ہے۔انہوں نے کہا کہ شوگر انڈسٹری کی ڈیجیٹل مانیٹرنگ کی جا رہی ہے۔ اس شعبے کی پیداوار کو بھی مانیٹر کیا جا رہا ہے۔ پنجاب میں شوگر ملز کے خلاف کارروائی بھی کی گئی ہے۔چیئرمین ایف بی آر راشد لنگڑیال نے بتایا کہ ملک میں 49 لاکھ نان فائلرز کا ڈیٹا لیا گیا ہے، جنہیں مختلف زاویوں سے دیکھا گیا اور نوٹس جاری کیے گئے۔ اس میں ایک لاکھ 90 ہزار وہ شہری تھے جن سے ٹیکس لیا جانا چاہیے تھا جب کہ 38 ہزار لوگوں نے انکم ٹیکس متعلق فائلنگ کردی ہے۔انہوں نے کہا کہ فروری کے آخر تک شوکاز بھجوانے کے نمبرز میں اضافہ ہوجائے گا، جس کے بعد تقریباً 377 ملین ٹیکس مزید اکٹھا ہوا۔ کچھ سیکٹرز ایسے ہیں جن پر مزید مانیٹرنگ کی جاسکتی ہے۔ شوگر انڈسٹری میں وڈیو کیمرا کے ذریعے مانیٹر کیا جارہا ہے۔ شوگر ملز پر سختی بڑھا دی گئی ہے، آئی بی اور دیگر آزاد ذرائع سے بھی معلومات لی جاتی ہیں۔چیئرمین ایف بی آر نے کہا کہ جی ایس ٹی مستقبل میں کم کریں گے لیکن فی الحال حل یہی ہے کہ دیگر جو براہ راست ٹیکس ہیں وہ وقت کے مطابق تبدیل ہوں گے۔چیئرمین ایف بی آر نے کہا کہ شوگر میں سیلز ٹیکس پر عمل درآمد ہورہا ہے، پروڈکشن مانیٹرنگ پر تین چائنیز ہمارے ساتھ کام کررہے ہیں۔چیئرمین ایف بی آر نے کہا کہ پی او ایس میں دو ایشوز آرہے ہیں، 23ہزار آوٹ لیٹس پی او ایس میں رجسٹرڈ ہیں مگر بہت سے پی او ایس میں نہیں ہیں، ہمارے پاس فیلڈ فورس کی کمی ہے توقع ہے فروری میں یہ کمی دور ہو جائے گی، مزید آڈیٹرز بھی آجائیں گے، ریٹیلرز پر فوکس کیا جارہا ہے۔اس موقع پر وزیر مملکت برائے خزانہ علی پرویز ملک کا کہنا تھا کہ شہباز شریف کی قیادت میں معیشت بہتری کی جانب گامزن ہے، حکومت کا ہدف ٹیکس کے وسائل اور آمدن کے ذرائع کو بڑھانا ہے۔علی پرویز ملک کے مطابق عام آدمی کے لیے سب سے بڑا ٹیکس مہنگائی کی صورت میں لاگو ہوتا ہے، وزیر اعظم کی قیادت میں گورنس کے زریعے بہتری لائی گئی، ملک میں مہنگائی 40 فیصد سے کم ہو کر 4 فیصد پر آگئی ہے۔علی پرویز ملک کا کہنا تھا کہ ڈیٹا کے ذریعے ڈیش بورڈ پر موازنہ کیا گیا تو شہریوں کے معیار میں واضح فرق آیا، کیا ایک کروڑ کی گاڑی والے کو ٹیکس نیٹ میں نہیں آنا چاہیے۔انہوں نے کہا کہ ایف بی آر کی کیپسٹی بلڈنگ پاکستان کی بہتری کے لیے کی جارہی ہے، سپلائی اور ریٹیل چین سے بھی ڈیٹا اکھٹا کیا جائے گا، تاکہ متوازن ٹیکسیشن ممکن بنائی جاسکے۔ان کا کہنا تھا کہ ٹیکس نظام کے معیار میں بہتری کے ذریعے غریب آدمی پر بوجھ کم کرنا ہے، ایف بی آر ڈیجٹائزیشن کیلئے کمیٹی نے ملکر کام کیا اور محنت کی، صاحب استطاعت لوگوں سے استدعا ہے وہ اپنا ٹیکسیشن میں حصہ ڈالیں۔علی پرویز ملک نے بتایا کہ ایف بی آر ٹاسک فورس نے متعدد اقدامات کیےہیں، جن کے بعد نتائج کے حصول کے لیے ڈیش بورڈ بن گئے ہیں، اکتوبر کے آخر تک ٹیکس ریٹرنز کی تعداد 30 لاکھ سے بڑھ کر 50 لاکھ ہوگئی ہیں۔

ٹیکسز کی وصولی کو بہتر بنانے کیلئے ڈھانچہ جاتی اصلاحات کا آغاز کر چکے ، وزیر خزانہ محمد اورنگزیب

ایک لاکھ 69 ہزار مالدار افراد کو نوٹسز جاری کردیے، چیئرمین ایف بی آر کا وزیر خزانہ کیساتھ پریس کانفرنس سے خطاب

ڈسٹرکٹ اینڈ سیشن کورٹ اسلام آباد نے 4 مقدمات میں بانی پی ٹی آئی کی اہلیہ بشریٰ بی بی کی عبوری ضمانت 13 جنوری تک منظور کر لی۔ڈسٹرکٹ اینڈ سیشن کورٹس اسلام آباد میں ڈیوٹی جج شبیر بھٹی نے پی ٹی آئی کے 26 نومبر کے احتجاج پر بشریٰ بی بی کیخلاف درج مقدمات میں عبوری ضمانت کی درخواستوں پر سماعت کی، سابق خاتون اول اپنے وکلاء کے ہمراہ کمرہ عدالت میں پیش ہوئیں۔عدالت نے بشریٰ بی بی کی عبوری ضمانت 13 جنوری تک منظور کرلی، عدالت نے 50، 50 ہزار روپے کے مچلکوں کی عوض ضمانت منظور کی۔یاد رہے کہ بشریٰ بی بی کیخلاف تھانہ ترنول میں ایک اور 3 مقدمات تھانہ رمنا میں درج ہیں۔

چھبیس نومبر احتجاج کیسز ،بشریٰ بی بی کی 4 مقدمات میں عبوری ضمانت منظور

عدالت نے 50، 50 ہزار روپے کے مچلکوں کے عوض 13 جنوری تک ضمانت منظور کرلی

Babar Azam has become the third player in the world to score 4000 runs in all three formats of the game i.e, Test, ODI, & T20I.

PAK vs SA: Babar Azam Becomes the 3rd Player in History To Achieve This Feat!

On day 1 of PAK vs SA <a href="https://www.tapmad.com/blog/pak-vs-sa-1st-test-playing-xi-announced/545-2-0">1st test</a>, Babar Azam etched his name in history once again.&nbsp;

Pakistan team&rsquo;s former white-ball captain Babar Azam has become the third player in the world to score 4000 runs in all three formats of the game i.e, Test, ODI, &amp; T20I.&nbsp;

Although Babar&rsquo;s innings weren&rsquo;t handy in setting a chase-worthy target for the South African team, his 4 runs off 11 balls took him past the 4000-run mark in test matches.&nbsp;

Babar returned to Pakistan&rsquo;s test squad after he was dropped from the PAK vs ENG 2nd and 3rd test matches.&nbsp;

On team level, the former captain&rsquo;s comeback wasn&rsquo;t how he&rsquo;d hoped it to be. Babar edged a delivery to Aiden Markram at second slip, returning to the pavilion after a disappointing 4-run knock.

But on a personal level, Babar cemented his place amongst other cricket legends and etched his name in history as one of the most remarkable players to grace the game.&nbsp;

This significant milestone has previously been achieved by only two other Indian legends; Virat Kohli and Rohit Sharma.&nbsp;

Babar&rsquo;s total now stands at 4,001 runs from 56 matches in tests, 5,957 runs in 123 matches in ODIs, and 4,223 runs in 128 matches in T20Is.&nbsp;

On the other hand, India&rsquo;s heroic batsman Virat Kohli has amassed 9,166 runs in 121 tes matches, 13,906 runs in 295 ODI matches, and 4,188 runs in 125 T20I matches. He was the first one to achieve this remarkable feat.&nbsp;

Trailing behind him is Indian skipper Rohit Sharma. His tally stands at 4289 runs in 66 test matches, 10,866 runs in 265 ODI matches, and 4231 runs in 159 T20I matches.&nbsp;

PAK vs SA: Babar Azam Becomes the 3rd Player in History To Achieve This Feat!

Related Post

PAK vs SA: Babar Azam Becomes the 3rd Player in History To Achieve This Feat!

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Virat Kohli & Sam Konstas Shoulder Barge: Kohli Showcasing Dominance On Teen Debutant

PAK vs SA 1st Test: Pakistan Announces Playing XI For First Test

PAK vs SA: Babar Azam Becomes the 3rd Player in History To Achieve This Feat!

AUS vs IND 4th Test: After 3 Years of Spotless Bowling, Konstas Gives Bumrah The Taste of A Six

Virat Kohli & Sam Konstas Shoulder Barge: Kohli Showcasing Dominance On Teen Debutant

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan