پاکستان اور آسٹریلیا کے درمیان فیصلہ کن ون ڈے کل پرتھ میں کھیلا جائےگا

پاکستان اور آسٹریلیا کے درمیان ون ڈے سیریز کا فیصلہ کُن میچ کل کھیلا جائے گا۔آسٹریلیا کے خلاف دوسرا میچ جیتنے کے بعد پاکستان کرکٹ ٹیم کا اسکواڈ ایڈیلیڈ سے پرتھ پہنچ گیا جہاں کل دونوں ٹیمیں سیریز جیتنے کی کوشش کریں گی۔تین میچوں کی سیریز کا یہ فیصلہ کُن میچ کل پاکستانی وقت کے مطابق صبح ساڑھے 8 بجے شروع ہو گا۔سیریز کا پہلا میچ آسٹریلیا اور دوسرا پاکستان نے جیتا تھا۔پاکستان اور آسٹریلیا کے درمیان سیریز 1-1 سے برابر ہے۔اس ون ڈے سیریز کے بعد دونوں ٹیموں کے درمیان 3 ٹی ٹوئنٹی میچز بھی کھیلے جائیں گے۔یاد رہے پاکستان نے گزشتہ روز 28 سال بعد ایڈیلیڈ میں فتح درج کی تھی جہاں کینگروز کو 9 وکٹوں شکست ہوئی تھی۔پہلے ون ڈے میں آسٹریلیا نے پاکستان کو سنسنی خیز مقابلے کے بعد 2 وکٹوں سے ہرایا تھا۔خیال رہے پاکستان اورآسٹریلیا کے درمیان سیریز کے تمام میچز اشتہارات کے بغیر ایچ ڈی کوالٹی میں ٹیپمیڈ پردکھائے جارہے ہیں۔