پاکستان اور آسٹریلیا کے درمیان پہلا ٹی ٹوئنٹی میچ بارش کے باعث تاخیر کا شکار

پاکستان اور آسٹریلیا کے درمیان ٹی ٹوئنٹی سیریز کے پہلے میچ کا ٹاس بارش کے باعث تاخیر کا شکار ہوگیا ہے۔تفصیلات کے مطابق پاکستان اور آسٹریلیا کے درمیان پہلا ٹی ٹوئنٹی میچ آج برسبین میں کھیلا جائے گا لیکن بارش کے سبب ٹاس تاخیر کا شکار ہوگیا۔پاکستانی وقت کے مطابق میچ دوپہر ایک بجے شروع ہونا تھا لیکن تاحال ٹاس نہ ہوسکا جب کہ ہلکی بارش کے باعث پچ کو کور سے ڈھانپ دیا گیاہےاور بارش کے رکنے کا انتظار کیا جارہا ہے، بارش زیادہ دیر تک جاری رہنے کی صورت میں کچھ اوور کم کیے جاسکتے ہیں۔واضح رہے کہ پاکستان کی کرکٹ ٹیم ان دنوں دورہ آسٹریلیا پر ہے جہاں وہ میزبان ٹیم کے خلاف 3 ون ڈے میچوں کی سیریز کھیل چکی ہے جس میںپاکستان نےآسٹریلیا کو 1-2 سے شکست دی تھی۔پاکستان اور آسٹریلیا کے مابین ٹی20 سیریز کا پہلا میچ آج کھیلا جائے گا۔ دوسرا ٹی20 میچ 16 نومبر کو سڈنی کرکٹ گراؤنڈ جبکہ تیسرا اور آخری ٹی20 میچ 18 نومبر کو بیلریو اوول ہوبارٹ میں کھیلا جائے گا۔ ٹی20 سیریز کے تینوں میچز نائٹ ہوں گے اور فلڈ لائٹس کی روشنی میں کھیلے جائیں گے۔