دورہ جنوبی افریقا کیلئے پاکستان نے ون ڈے،ٹیسٹ اور ٹی20 اسکواڈز کا اعلان کردیا

پاکستان کرکٹ بورڈ (پی سی بی) نے جنوبی افریقہ کے خلاف 3 ون ڈے، 3 ٹی20 اور 2 ٹیسٹ میچز پر مشتمل سیریز کے لیے ٹیموں کا اعلان کردیا ہے۔جنوبی افریقا میں 10 دسمبر سے 7 جنوری تک جاری رہنے والی اس سیریز میں ٹیسٹ ٹیم کے کپتان شان مسعود ہوں گے جبکہ ون ڈے اور ٹی20 ٹیم کے کپتان محمد رضوان ہوں گے۔ سفیان مقیم کو پہلی مرتبہ ون ڈے اسکوڈ میں شامل کیا گیا ہے۔پی سی بی کی جانب سے جاری کردہ اعلامیے میں بتایا گیا ہے کہ وائٹ بال ٹیم میں سابق کپتان بابراعظم کی واپسی ہوئی ہے جبکہ ان کے علاوہ محمد رضوان، صائم ایوب اور سلمان علی آغا بھی تینوں فارمیٹس میں قومی ٹیم کی نمائندگی کریں گے۔نسیم شاہ ٹیسٹ اور ون ڈے کےلیے اسکواڈ کا حصہ ہیں، ادھر شاہین شاہ آفریدی کو پھر ٹیسٹ اسکواڈ سے ڈراپ کردیا گیا ہے۔قومی ٹیم جنوبی افریقہ دورے کے دوران 3 ٹی20، 3 ون ڈے انٹرنیشنل اور 2 ٹیسٹ میچز کھیلے گی جبکہ دورے کا آغاز 10 دسمبر کو ڈربن میں پہلے ٹی20 میچ سے ہوگا۔ہلا ون ڈے 17 دسمبر کو پارل میں ہوگا جبکہ ٹیسٹ میچز بالترتیب 26 دسمبر اور 3 جنوری کو سنچورین اور کیپ ٹاؤن میں شروع ہوں گے۔بورڈ کا کہنا ہے کہ شاہین شاہ آفریدی کو ورک لوڈ منیجمنٹ کے طور پر وائٹ بال کے میچوں کےلیے منتخب کیا گیا تاکہ وہ آئی سی سی چیمپیئنز ٹرافی 2025 کےلیے اپنی بہترین فٹنس اور فارم برقرار رکھ سکیں۔ٹیسٹ ٹیم میں واپسی کرنے والے فاسٹ بولر محمد عباس ہیں جو آخری بار اگست 2021 میں جمیکا میں کھیلے تھے۔انگلینڈ کے خلاف ٹیسٹ سیریز میں 19 وکٹیں لینے والے آف اسپنر ساجد خان ٹیم کا حصہ نہیں ہیں، سلیکٹرز نے سنچورین اور نیو لینڈز ٹیسٹ کےلیے صرف ایک اسپیشلسٹ اسپنر نعمان علی کا انتخاب کیا ہے۔ون ڈے میں بائیں ہاتھ کے اسپنر سفیان مقیم پہلی بار سلیکٹرز کا اعتماد حاصل کرنے میں کامیاب ہوئے ہیں۔جنوبی افریقہ کے خلاف ون ڈے سیریز کے لیے 15 رکنی اسکوڈ میں محمد رضوان (کپتان، وکٹ کیپر ) عبداللہ شفیق، ابرار احمد، بابر اعظم، حارث رؤف، کامران غلام، محمد حسنین، محمد عرفان خان نیازی، نسیم شاہ، صائم ایوب، سلمان علی آغا، شاہین شاہ آفریدی، سفیان مقیم، طیب طاہر، عثمان خان ( وکٹ کیپر )شامل ہیں۔جبکہ15رکنی ٹیسٹ اسکواڈ میں شان مسعود (کپتان)، سعود شکیل (نائب کپتان)، عامر جمال، عبداللہ شفیق، بابر اعظم، حسیب اللہ (وکٹ کیپر)، کامران غلام، خرم شہزاد، میر حمزہ، محمد عباس، محمد رضوان (وکٹ کیپر )، نسیم شاہ، نعمان علی، صائم ایوب، سلمان علی آغا شامل ہیں۔اسی طرح15رکنی ٹی20اسکواڈ میںمحمد رضوان (کپتان، وکٹ کیپر )، ابرار احمد، بابر اعظم، حارث رؤف، جہانداد خان، محمد عباس آفریدی، محمد حسنین، محمد عرفان خان نیازی، عمیر بن یوسف، صائم ایوب، سلمان علی آغا، شاہین شاہ آفریدی، سفیان مقیم، طیب طاہر، عثمان خان ( وکٹ کیپر) شامل ہیں۔پاکستان اور جنوبی افریقہ کے مابین سب سے پہلے 3 ٹی20 میچز کھیلے جائیں گے۔ پہلا ٹی20 میچ ڈربن میں 10 دسمبر، دوسرا میچ سینچورین میں 13 دسمبر کو اور آخری ٹی20 میچ جوہانسبرگ میں 14 دسمبر کو کھیلا جائے گا۔اسی طرح، دونوں ٹیموں کے مابین 3 ون ڈے میچز کھیلے جائیں گے۔ پہلا ون ڈے میچ پارل میں 17 دسمبر، دوسرا ون ڈے کیپ ٹاؤن میں 19 دسمبر اور تیسرا اور آخری ون ڈے میچ جوہانسبرگ میں 22 دسمبر کو کھیلا جائے گا۔پاکستان اور جنوبی افریقہ کی ٹیموں کے درمیان 2 ٹیسٹ میچز کھیلے جائیں گے۔ پہلا ٹیسٹ میچ سینچورین میں 26 سے 30 دسمبر تک کھیلا جائے گا۔ دونوں ٹیموں کے مابین دوسرا اور آخری ٹیسٹ میچ کیپ ٹاؤن میں 3 سے 7 جنوری 2025 تک کھیلا جائے گا۔خیال رہے پاکستان اورجنوبی افریقا کے درمیان سیریز کے تمام میچز اشتہارات کے بغیر ایچ ڈی کوالٹی میںبراہ راست ٹیمپمیڈ پردکھائے جائیں گے۔