Cricket

Entertainment

Football

جسٹس یحییٰ آفریدی نئے چیف جسٹس آف پاکستان ہوں گے۔ جسٹس یحییٰ آفریدی کو خصوصی پارلیمانی کمیٹی نے دوتہائی اکثریت سے چیف جسٹس نامزد کردیا ہے۔26 ویں آئینی ترمیم کے بعد نئے چیف جسٹس پاکستان کی تعیناتی کے لیے بنائی گئی خصوصی پارلیمانی کمیٹی کی جانب سے سنیارٹی لسٹ میں تیسرے نمبر پر موجود جسٹس یحییٰ آفریدی کو بطور چیف جسٹس آف پاکستان نامزد کردیا ہے۔ سنی اتحاد کونسل کے اراکین کے بائیکاٹ کے باعث نئے چیف جسٹس آف پاکستان کی تقرری کیلئے پارلیمانی کمیٹی نے بنا اپوزیشن ممبران کے فیصلہ لیا۔پاکستان تحریک انصاف نے 12 رکنی پارلیمانی کمیٹی کے اجلاس کا بائیکاٹ کردیا تھا تاہم باقی 9 ارکان میں سے 8 نے جسٹس یحییٰ کے حق میں ووٹ دیا، جے یو آئی کے سینیٹر کامران مرتضیٰ نے جسٹس یحییٰ کے حق میں ووٹ نہیں دیا۔ چیف جسٹس کی تقرری کے حوالے سے خصوصی پارلیمانی کمیٹی کا دوسری بار ہونے والا اجلاس دیڑھ گھنٹے تک ہوا، جس میں تحریک انصاف کے علاوہ باقی تمام اراکین نے شرکت کی۔کمیٹی نے دو تہائی اکثریت سے یحییٰ آفریدی کو اگلا چیف جسٹس آف پاکستان تعینات کرنے کی منظوری دی اور وزیراعظم کو یحییٰ آفریدی کا نام منظوری کیلئے ارسال کردیا۔واضح رہے کہ تحریک انصاف نے چیف جسٹس کی تقرری کے معاملے کا بائیکاٹ اور کمیٹی اجلاس میں شرکت سے انکار کیا تھا۔واضح رہے کہ پاکستان کی تاریخ میں پہلی مرتبہ پارلیمانی کمیٹی کے ذریعے سپریم کورٹ کے چیف جسٹس کا انتخاب کیا گیا ہے، چیف جسٹس قاضی فائز عیسیٰ 25 اکتوبر کو اپنے عہدے سے ریٹائر ہو رہے ہیں، 26ویں آئینی ترمیم کی منظوری سے قبل جسٹس منصور علی شاہ کو سنیارٹی اصول کے تحت اگلا چیف جسٹس پاکستان بننا تھے۔پاکستان کے صوبہ خیبر پختونخوا کے قبائلی ضلع سے تعلق رکھنے والے جسٹس یحییٰ آفریدی اس وقت سپریم کورٹ میں سینیارٹی کے لحاظ سے تیسرے نمبر پر ہیں۔جسٹس یحیی آفریدی نے موجودہ چیف جسٹس قاضی فائز عیسی کے خلاف دائر صدارتی ریفرنس میں قاضی فائز عیسیٰ کی درخواست کو مسترد کیا تھا۔تاہم حال ہی میں وہ چیف جسٹس کے ساتھ ان چار ججوں میں شامل تھے جنہوں نے مخصوص نشستیں پاکستان تحریک انصاف کو الاٹ کرنے کی مخالفت کی تھی۔جسٹس یحییٰ آفریدی نے بطور جج اعلیٰ عدلیہ میں مختلف مقدمات کی سماعت کی جس میں سنی اتحاد کونسل کی مخصوص نشستوں سے متعلق کیس میں لارجر بینچ میں ان کی شمولیت بھی شامل ہے۔جسٹس یحییٰ آفریدی نے اس کیس سے متعلق فیصلے میں اپنا اختلافی نوٹ بھی تحریر کیا تھا۔نامزد چیف جسٹس، سابق وزیراعظم ذوالفقار علی بھٹو کی پھانسی کے خلاف صدارتی ریفرنس پر سپریم کورٹ کے 9 رکنی لارجر بینچ کا حصہ بھی رہے۔59 سالہ جسٹس یحییٰ آفریدی نے سپریم کورٹ پریکٹس اینڈ پروسیجر آرڈیننس 2024 کی 3 رکنی ججز کمیٹی میں شامل ہونے سے معذرت کی تھی۔نامزد چیف جسٹس یحییٰ آفریدی اپنے عہدے کا حلف اٹھانے کے بعد پاکستانی عدالت عظمٰی کے 30ویں چیف جسٹس بن جائیں گے۔

جسٹس یحییٰ آفریدی  نئے چیف جسٹس آف پاکستان ہوں گے

خصوصی پارلیمانی کمیٹی نے جسٹس یحییٰ آفریدی کو چیف جسٹس نامزد کر دیا

بھارت میں منائے جانے والی ہندو رسم کروا چوتھ خطرناک حد تک شدت اختیار کرگئی۔سوشل میڈیا پر کروا چوتھ منانے والے ایک بزرگ کی ویڈیو وائرل ہوگئی جس نے بھارتی صارفین کو آگ بگولہ کر دیا تو بہت سے صارفین کیلیے اپنی ہنسی روکنا مشکل ہوگئی۔بھارت سمیت دنیا بھر کے ممالک میں بروز اتوار 20 اکتوبر کو کروا چوتھ کا ہندو تہوار منایا گیا، اس دن خواتین اپنے شوہروں کی لمبی صحت منداور طویل زندگی کے لیے ورت رکھتی ہیں اور سارا دن کچھ کھاتی پیتی نہیں ہیں۔رات کو جب چاند نکلتاہے تو بیوی اپنے شوہر کی آرتی اتارتی ہے اور چھنی میں سے چاند کو دیکھنے کے بعد اپنے جیون ساتھی کو دیکھتی ہے اس کا مطلب ہے جتنے سوراخ چھنی میں ہوتے ہیں اتنے ہی سال شوہر کی زندگی بڑھتی ہے اور اس کے بعد شوہر اپنے ہاتھوں سے بیوی کو پانی اور پرشاد کھلاتا ہے اوراس کے ساتھ کرواچوتھ کا ورت پورا ہوتا ہے۔یہ تہوار شادی شدہ جوڑوں کے لیے مخصوص رسم سمجھی جاتی ہے، تاہم آج کل غیرشادی شدہ ہندو لڑکیاں بھی اپنے بوئے فرینڈ یا منگیتر کے لیے ورت رکھتی ہیں۔جہاں بھارت بھر میں ہندوؤں نےکروا چوتھ جوش و خروش سے منایا وہیں ایک بزرگ بھارتی شہری نے سابق پورن اسٹار میا خلیفہ کے لیے کروا چوتھ کا ورت رکھ کر سب کی توجہ حاصل کرلی ،بھارت میں ایک بزرگ نے غیر اخلاقی فلموں کی سابقہ اداکارہ میا خلیفہ کیلیے کروا چوتھ کا ورت رکھ کر صارفین کو صدمے میں ڈال دیا جس کی ویڈیوبھی سوشل میڈیا پر جاری کی گئی ہے۔کہرام مچاتی اس ویڈیو میں دیکھا گیا کہ ایک بزرگ شخص گھر کی چھت پر روایتی تھالی کو چھلنی اور مٹی کے چراغ سے پکڑے ہوئے ہیں جیسا کہ ہندو خواتین رسم کو انجام دیتی ہیں۔پھر معمول کی رسم ادا کرتے ہوئے بزرگ آدمی ’چھلنی‘ کے ذریعے چاند کو دیکھتا ہے اور پھر وہی چھلنی دیوار پر لگی میا خلیفہ کی تصویر کے سامنے کرلیتا ہے۔ایک صارف نے لکھا کہ یہ بہت ڈراؤنا ہے، ایک بزرگ شخص نے میا خلیفہ کے لیے ورت رکھ لیا، یہ دنیا میں کیا کیا ہورہا ہے۔

میا خلیفہ کی عمر درازی کیلئے  کروا چوتھ کاورت رکھنے والے بزرگ کی ویڈیو وائرل

بھارت میں ایک بزرگ نے غیر اخلاقی فلموں کی سابقہ اداکارہ کیلئے کروا چوتھ کا ورت رکھ کر صارفین کو صدمے میں ڈال دیا

معروف امریکی گلوکارہ برٹنی اسپیئر نے تین ناکام شادیوں کے بعد خود سے شادی کر لی۔تفصیلات کے مطابق امریکا کی مشہور پاپ گلوکارہ برٹنی اسپیئر نے اپنے آپ سے ہی شادی کا اعلان کرکے اپنے پرستاروں کو حیران کردیا۔ گلوکارہ نے اپنے انسٹاگرام اکاؤنٹ پر شادی کے لباس میں تصاویر اور ویڈیو شیئر کرتے ہوئے خود سے شادی کا اعلان کیا جب کہ ویڈیو میں ان کو سفید رنگ کا عروسی گاؤن پہنے اور سر پر عروسی دوپٹہ لیے دیکھا گیا۔گلوکارہ نے ویڈیو پوسٹ کے کیپشن میں لکھا کہ’ وہ دن جب میں نے خود سے شادی کی، اگرچہ یہ شرمناک یا احمقانہ محسوس ہوسکتا ہے لیکن مجھے لگتا ہے کہ یہ میرا اب تک کا سب سے شاندار فیصلہ ہے۔واضح رہے کہ برٹنی اسپیئر کی اس سے قبل 3 شادیاں ناکام ہوچکی ہیں، 2004 میں برٹنی نے اپنے بچپن کے دوست جیسن الیگزینڈر سے شادی کی تھی برٹنی کی پہلی شادی محض 55 گھنٹے ہی چل سکی تھی اور پھر دونوں میں علیحدگی ہوگئی تھی جس کے بعد انہوں نے کیون فیڈلائن سے شادی کی تھی، یہ شادی 3 سال تک چل سکی تھی۔بعد ازاں 2022 میں برٹنی اسپیئرز نے اپنے ایرانی نژاد منگیتر سیم اصغری سے تیسری مرتبہ شادی کی تھی تاہم شادی کے 14 ماہ بعد ہی اس جوڑے نے علیحدگی کا فیصلہ کرلیا تھا۔

برٹنی اسپیئر نے خود سے شادی کرنے کا اعلان کر کے اپنے مداحوں کو دنگ کر دیا

معروف گلوکارہ نے تیسری شادی ایرانی نژاد امریکی شخص صام اصغری سے جون 2022 میں کی تھی

انگلینڈ نے پاکستان کے خلاف راولپنڈی میں کھیلے جانے والے سیریز کے تیسرے ٹیسٹ میچ کے لئے فائنل الیون کا اعلان کرتے ہوئے ٹیم میں دو تبدیلیاں کی ہیں اور تین اسپنرز کے ساتھ میدان میں اترنے کا اعلان کیا ہے۔تفصیلات کے مطابق انگلینڈ نے راولپنڈی میں ہونے والے تیسرے ٹیسٹ میچ کے لئے پلیئنگ الیون کا اعلان کر دیا ہے، مہمان ٹیم نے راولپنڈی ٹیسٹ کے لیے 2 تبدیلیاں کی ہیں۔پچ کی کنڈیشنز دیکھنے ہوئے انگلینڈ نے 3 اسپیشلسٹ اسپنرز کے ساتھ میدان میں اترنے کا فیصلہ کیا ہے۔مہمان ٹیم نے ریحان احمد کو اپنے اسپن اٹیک میں شامل کرنے کا فیصلہ کیا ہے جس میں پہلے ہی شعیب بشیر اور جیک لیچ شامل تھے کیونکہ وہ ایک ایسی وکٹ پر پاکستان سے مقابلہ کی توقع کررہے ہیں جہاں پچ میں تبدیلی متوقع ہے۔زیک کرالی، بین ڈکٹ، اولی پاپ، جو روٹ بھی پلیئنگ الیون کا حصہ ہیں۔ہیری بروک، کپتان بین اسٹوکس، جمی اسمتھ بھی راولپنڈی ٹیسٹ کھیلیں گے۔اس کے علاوہ فاسٹ بولر گس ایٹکنسن کی بھی پلیئنگ الیون میں واپسی ہوئی ہے۔انگلش ٹیم ٹیسٹ سیریز جیتنے کے لیے تین اسپنرز کے ساتھ میدان میں اترے گی۔واضح رہےتین ٹیسٹ میچز کی سیریز ایک ایک سے برابر ہے ،پاکستان اورانگلینڈ کے درمیان تیسرا اورفیصلہ کن ٹیسٹ میچ 24اکتوبر سے راولپنڈی میں کھیلا جائے گا۔

انگلینڈ بھی پاکستان کے نقش قدم پر، راولپنڈی ٹیسٹ کیلئے انگلش ٹیم کا اعلان، تین اسپنرز شامل

پاکستان اورانگلینڈ کے درمیان تیسرا اورفیصلہ کن ٹیسٹ میچ 24اکتوبر سے راولپنڈی میں کھیلا جائے گا

وزیراعلیٰ خیبرپختونخوا علی امین گنڈاپور کا کہنا ہے کہ آئینی ترمیم جونہیں مانتے ، ہم اس کیخلاف احتجاج کرینگے اور اس بار پورا پاکستان بلاک کریں گے ۔ پشاور میں میڈیا سے گفتگو کرتے ہوئے انہوں نے کہا کہ آئینی ترامیم آزاد عدلیہ پر حملہ ہیں، ان کونہیں مانتے، احتجاج کے لیے اس بار پورے پاکستان سے لوگ اسلام آباد آئیں گے۔علی امین گنڈاپور نے کہا کہ آئینی ترمیم کے حق میں ووٹ دینے والوں کو پارٹی سے نکالیں گے، پارٹی سے غداری کرنے والوں کو فارغ کیا جائےگا، بزدل لوگوں کی پارٹی میں کوئی جگہ نہیں، ہمارا احتجاج حکومت سے جان چھڑانے تک جاری رہے گا۔انہوں نے کہا کہ ترمیم کے حق میں ووٹ دینے والوں کو پارٹی کی جانب سے شوکاز نوٹس کیا جائے گا، ہم ڈٹے ہوئے ہیں،وقت بدلے گا ہم اپنا مینڈیٹ واپس لیں گے، برے وقت میں سب کا پتہ چل رہا ہے۔ وزیراعلیٰ کے پی نے کہا کہ ایسی حکومت نے ترامیم پاس کی جو خود جعلی ہے، آئینی ترمیم کے خلاف آوازاٹھائیں گے ، قانونی حق استعمال کرینگے، باجوڑمیں مبارک زیب کو ٹکٹ نہ دینا کا میرا فیصلہ ٹھیک تھا یہ لوٹا نکلا، مبارک زیب کے مقابلے میں پارٹی رہنماؤں نے قربانیاں دی، مبارک زیب نے صرف اپنا ووٹ نہیں بیچا باجوڑ کا حق بیچا ہے۔علی امین گنڈاپور نے کہا کہ پُرامن رہنا ہے سیاسی تحریک ہے سیاسی طریقے سے چلے گی، آنسو گیس اور ہر طرح کی فسطائیت کا مقابلہ کرنا آسان نہیں، پورے پاکستان کو بلاک کریں گے۔ان کا کہناتھا کہ عمران خان کے دور میں دہشت گردی ختم ہو گئی تھی لیکن جیسے ہی انہیں سازش کر کے ہٹایا گیا تو حالات خراب ہو گئے، پی ڈی ایم کے دور میں پچھلے ڈھائی سالوں میں جو حالات خراب ہوئے ہیں ہم اسے ٹھیک کرنے کی کوشش کر رہے ہیں، پولیس میں بھرتیاں کررہے ہیں، ان کی استعداد میں بھی اضافہ کررہے ہیں اور ہم جلد حالات پر قابو پا لیں گے۔علی امین گنڈاپور نے کہا کہ ہم پرامن لوگ ہیں اور پرامن طریقے سے اپنا احتجاج ریکارڈ کرائیں گے، ہم کسی کے ایجنڈے پر جا کر پرتشدد کبھی نہیں ہوں گے، پرامن طریقے سے اپنا حق لینا ہے، سیاسی تحریک ہے تو سیاسی طریقے سے ہو گی اور ہم اپنا حق لیں گے۔

آئینی ترمیم کو نہیں مانتے، احتجاج کرینگے اور پورا پاکستان بلاک کرینگے، علی امین گنڈاپور

اس قابض حکومت کے جان چھڑانے تک احتجاج جاری رہے گا، وزیراعلیٰ خیبرپختونخوا کی میڈیا سے گفتگو

نئے چیف جسٹس کی تقرری کے معاملے پر رجسٹرار نے چیف جسٹس کی جانب سے تین نام کمیٹی کو بھجوا دیئے۔میڈیارپورٹش کے مطابق سپریم کورٹ کے رجسٹرار نے چیف جسٹس کی جانب سے تین نام خصوصی پارلیمانی کمیٹی کو بھجوائے ہیں۔وزارت قانون کی جانب سے رجسٹرار سپریم کورٹ کو خط لکھا گیا تھا جس میں تین سینئر ترین ججوں کے نام نئے چیف جسٹس کے لئے مانگے گئے تھے۔چیف جسٹس کیلئے بھیجے گئے 3 ناموں میں جسٹس منصور علی شاہ، جسٹس منیب اختر اور جسٹس یحییٰ آفریدی شامل ہیں۔26 ویں آئینی ترمیم کے نفاذ کے بعد نئے چیف جسٹس کے تقرر کیلئے خصوصی پارلیمانی کمیٹی کا اجلاس آج ہوگا اور نئے چیف جسٹس کی تقرری موجودہ چیف جسٹس قاضی فائز عیسیٰ کی ریٹائرمنٹ سے تین روز قبل کی جائے گی۔چیف جسٹس قاضی فائز عیسیٰ ریٹائرمنٹ سے قبل چیمبر ورک پر چلے گئے ہیں جہاں وہ ان دنوں فیصلے لکھیں گے۔سپریم کورٹ کے تین سینئر ترین ججوں میں پہلے نمبر پر جسٹس منصور علی شاہ، دوسرے نمبر پر جسٹس منیب اختر اور تیسرے نمبر پر جسٹس یحییٰ آفریدی ہیں۔

نئے چیف جسٹس کی تعیناتی کا معاملہ، رجسٹرار سپریم کورٹ نے کمیٹی کو 3 نام بھجوادیے

سینئر ترین ججوں میں پہلے نمبر پر جسٹس منصور علی شاہ، دوسرے نمبر پر جسٹس منیب اختر اور تیسرے نمبر پر جسٹس یحییٰ آفریدی ہیں

بانی پی ٹی آئی عمران خان کی سابقہ اہلیہ ریحام خان نے پاکستانی مشہوراداکارہ ہانیہ عامر کو شادی نہ کرنے کا مشورہ دے دیا۔تفصیلات کے مطابق فلم پروڈیوسر، صحافی و ٹی وی میزبان ریحام خان نے ہانیہ عامر کو مشورہ دیا ہے کہ وہ اسی طرح کیریئر پر توجہ جاری رکھیں، ابھی وہ شادی نہ کریں۔ریحام خان نے حال ہی میں ایک پوڈکاسٹ میں شرکت کی، جہاں ان سے ہانیہ عامر سے متعلق سوال کیا گیا۔انہوں نے اس بات پر اظہار فخر کیا کہ انہوں نے ہانیہ عامر کو متعارف کرایا، ساتھ ہی کہا کہ اگر وہ انہیں متعارف نہ کراتیں تو کوئی اور انہیں متعارف کراتا۔ پوڈ کاسٹ میں گفتگو کرتے ہوئے ریحام خان کاکہناتھا کہ ہانیہ عامر میری دریافت ہیں جس پر مجھے بہت فخر ہے، انہیں شادی کے بجائے اپنے کیریئر پر توجہ دینے کی ضرورت ہے۔ایک سوال کا جواب دیتے ہوئے انہوں نے کہا کہ مجھے اس بات کی خوشی ہے کہ فلم جانان میں واحد ہانیہ عامر تھیں جنہیں میں نے تجویز کیا تھا۔انہوں نے بتایا اس وقت وہ (ہانیہ عامر) صرف 17 سال کی تھیں، میرے بھانجے کی دوست تھیں، اسی نے مجھے اس کا ڈبمیش دکھایا جو مجھے بہت پسند آیا تھا، اس میں بہت ٹیلنٹ ہے۔ ریحام خان نے مزید کہا کہ بہت جلد ہانیہ بالی ووڈ میں بھی نظر آئیں گی اور میں جو سوچتی ہوں وہ ہو جاتا ہے۔ان کا کہنا ہے کہ ہانیہ نے اپنے اہل خانہ کو سپورٹ کرنے کے لیے بہت محنت کی ہے، اگر وہ شادی کے بجائے اپنے کیریئر پر توجہ دے تو بہت آگے جائے گی۔ریحام خان کے مطابق ہانیہ عامر بہت میچور ایکٹنگ کرتی ہیں، ان کے جیسا ٹیلنٹ دبایا نہیں جاسکتا، اگر میں نہیں تو کوئی اور ہانیہ کے ٹیلنٹ کو پہچان جاتا۔انہوں نے ہانیہ عامر کی اداکاری کی تعریفیں کرتے ہوئے کہا کہ وہ ان کا ڈراما’’کبھی میں کبھی تم‘‘ مکمل طور پر دیکھ رہی ہیں اور پہلی بار وہ کوئی پاکستانی ڈراما پورا دیکھ رہی ہیں۔واضح رہے کہ ہانیہ عامر نے اپنی اداکاری کا آغاز ریحام خان اور حریم فاروق کی فلم ’’جانان‘‘ سے کیا تھا جس کے بعد سے وہ کامیابیوں کی سیڑھیاں چڑھتی جارہی ہیں،وہ بھارت میں بھی بے حدمقبول ہیں،آج کل ان کافہدمصطفیٰ کے ساتھ ڈرامہ بھی مقبولیت کی بلندیوں کوچھورہاہے۔

ریحام خان نے مشہوراداکارہ ہانیہ عامر کو شادی نہ کرنے کا مشورہ دے دیا

ہانیہ عامر میری دریافت جس پر مجھے فخر ہے،انہیں شادی کے بجائے کیریئر پر توجہ دینی چاہیے، ریحام خان

انٹرنیشنل کمیشن آف جیورسٹس (آئی سی جے)نے 26ویں آئینی ترمیم عدلیہ کی آزادی پر کاری ضرب قراردیتے ہوئے کہا ہے کہ آئینی ترمیم کے ذریعے پاکستان کے عدالتی نظام کے ڈھانچے خاص طور پر سپریم کورٹ اور ہائی کورٹس کے حوالے سے اہم ادارہ جاتی تبدیلیاں کی گئی ہیں، 26 ویں آئینی ترمیم عدالتی آزادی، قانون کی حکمرانی اور انسانی حقوق کے تحفظ کے لیے ایک دھچکا ہے۔انٹرنیشنل کمیشن آف جیورسٹ کا یہ بیان ایسے وقت میں سامنے آیا ہے جب گزشتہ روز سینیٹ اور قومی اسمبلی سے منظوری کے بعد وزیراعظم کی ارسال کردہ سمری پر صدر مملکت کے دستخط کے نتیجے میں 26ویں آئینی ترمیمی بل قانون بن گیا ہے۔بل کی منظوری پر ردعمل ظاہر کرتے ہوئےجاری کردہ ایک بیان میں آئی سی جے نے کہا کہ یہ ترمیم عدلیہ کی آزادی، قانون کی حکمرانی اور انسانی حقوق کے تحفظ کے لیے ایک دھچکا ہے۔آئی سی جے کے سیکرٹری جنرل سینٹیاگو کینٹن نے کہا کہ تبدیلیوں سے عدالتوں میں تعیناتیوں اور عدلیہ کے انتظامی معاملات پر سیاسی اثر و رسوخ میں غیر معمولی اضافہ ہوگیا ہے۔بیان میں کہا گیا کہ تبدیلیاں ریاست کے دیگر اداروں کی طرف سے زیادتیوں کیخلاف عدلیہ کی آزادانہ اور مؤثر طور پر جانچ پڑتال اور انسانی حقوق کے تحفظ کیلئے کام کرنے کی صلاحیت کو ختم کرتی ہیں۔ آئی سی جے نے اس عجلت پر بھی تنقید کی جسکے ساتھ یہ بل قانون بنایا گیا اور کہا کہ مسودے میں ترامیم کو خفیہ رکھا گیا اور ان ترامیم کو پارلیمنٹ میں پیش کرنے اور منظور کرنے سے پہلے ان پر عوامی سطح پر مشاورت نہیں کی گئی۔

آئی سی جےنے 26ویں آئینی ترمیم عدلیہ کی آزادی پر کاری ضرب قرار دیدی

آئینی ترمیم عدالتی آزادی، قانون کی حکمرانی اور انسانی حقوق کے تحفظ کیلئے ایک دھچکا ہے،آئی سی جے اعلامیہ

سابق امریکی صدر اور ریپبلکن صدارتی امیدوار ڈونلڈ ٹرمپ کی فرنچ فرائز بیچتے ہوئے ویڈیو سوشل میڈیا پر وائرل ہو گئی۔انتخابی امیدوار خواہ کہیں کے ہوں اور کوئی بھی ہوں، زیادہ سے زیادہ ووٹرز کو اپنی طرف متوجہ کرنے کے لیے عجیب و غریب یا اوٹ پٹانگ حرکتوں سے باز نہیں آتےایسا ہی کچھ رپبلکن صدارتی امیدوار ڈونلڈ ٹرمپ اپنی انتخابی مہم کے دوران کیا۔تفصیلات کے مطابق امریکی صدارتی انتخابات میں ریپبلکن پارٹی کے امیدوار و سابق صدر ڈونلڈ ٹرمپ گزشتہ اتوار کو پنسلوانیا میں لوگوں کی توجہ کا مرکز بن گئے جب وہ میکڈونلڈز کے ایک آؤٹ لیٹ میں چپس خود تل کر گاہکوں کو بیچتے نظر آئے۔ڈونلڈ ٹرمپ نے سوشل میڈیا ویب سائٹ ایکس پر موجود اپنے آفیشل اکاؤنٹ پر انتخابی مہم کی ایک نئی ویڈیو شیئر کی ہے۔ویڈیو میں وہ امریکی ریاست پنسلوانیا میں انتخابی مہم کے دوران معروف فاسٹ فوڈ برانچ کا دورہ کرتے اور وہاں پر عملے کی مدد سے فرینچ فرائز تیار کر کے کسٹمرز کو پیش کرتے ہوئے نظر آ رہے ہیں۔ڈونلڈ ٹرمپ کو اس ویڈیو میں معروف فاسٹ فوڈ کے عملے اور برانچ کے باہر جمع ہونے والے اپنے حمایتی شہریوں سے گفتگو کرتے بھی نظر آ رہے ہیں جہاں انہیں صدارتی انتخاب میں اپنی مخالف ڈیموکریٹ امیدوار کملا ہیرس پر طنز کے تیر برساتے ہوئے بھی دیکھا جا سکتا ہے۔سابق امریکی صدر نے دراصل یہ اقدام اپنی حریف جماعت ڈیموکریٹک کی صدارتی امیدوار کملا ہیرس کےمڈل کلاس پس منظر رکھنے کے دعووں کو چیلنج کرنے کیلئے کیا تھا۔کملا ہیریس اپنی انتخابی مہم اور تقاریر میں اکثر اس بات کا حوالہ دیتی ہیں کہ زندگی کے مشکل ادوار میں وہ میکڈونلڈز میں بھی کام کرچکی ہیں۔اُنہوں نے فاسٹ فوڈ برانچ کے عملے سے مخاطب ہو کر کہا کہ میں ہمیشہ سے ہی یہاں کام کرنا چاہتا تھا لیکن میں نہیں کر سکا، اب میں صدارتی انتخاب میں ایک ایسی خاتون کے خلاف کھڑا ہوں جنہوں یہ کام کرنے کے بارے میں ایک بالکل جھوٹی کہانی سنائی ہے۔ڈونلڈ ٹرمپ نے فرنچ فرائز اپنے کسٹمرز کو دیتے ہوئے بتایا کہ مجھے یہاں کام کرتے ہوئے بہت مزہ آ رہا ہے۔میکڈونلڈز میں چپس تلنے کے بعد ڈونلڈ ٹرمپ نے کملا ہیرس پر طنز کرتے ہوئے کہا کہ میں نے اب میکڈونلڈز میں کملا سے 15 منٹ زیادہ کام کرلیا ہے۔اس دوران ایک رپورٹر نے پوچھا کہ وہ کملا ہیرس کو انکی 60ویں سالگرہ کے موقع پر کیا پیغام دینا چاہیں گے؟ جواب میں ٹرمپ نے کہا کہ میں کہوں گا ہیپی برتھ ڈے کملا! میرا خیال ہے کہ میں انہیں کچھ پھول بھی دوں گا۔اس موقع پر ٹرمپ نے ڈرائیو تھرو ونڈو کے ذریعے گاہکوں سے بھی بات چیت کی، اُن کا کہنا تھا کہ یہاں موجود لوگوں کی بھیڑ دیکھیں، وہ بہت خوش ہیں کیونکہ ان کے پاس امید ہے، انہیں امید چاہیے۔

سابق امریکی صدر ڈونلڈ ٹرمپ کی فرنچ فرائز بیچتے ہوئے ویڈیو وائرل

ریپبلکن صدارتی امیدوار ٹرمپ میکڈونلڈز کے ایک آؤٹ لیٹ میں چپس خود تل کر گاہکوں کو بیچتے نظر آئے

بلوچستان نیشنل پارٹی (بی این پی) مینگل کے منحرف سینیٹر قاسم رونجھو نے سینیٹ رکنیت سے استعفیٰ دے دیا۔سینیٹر قاسم رونجھو نے سیکرٹری سینیٹ کو استعفیٰ جمع کرا دیا۔قاسم رونجھو سینیٹ میں بی این پی مینگل کے پارلیمانی لیڈر بھی ہیں، سربراہ بلوچستان نیشنل پارٹی سردار اختر مینگل نے دونوں سینیٹرز سے استعفیٰ طلب کیا تھا۔بی این پی مینگل کے سینیٹر نسیمہ احسان اور قاسم رونجھو نے آئینی ترمیم کے حق میں فلور کراس کیا تھا۔واضح رہے کہ بی این مینگل کے سربراہ اختر مینگل نے پارٹی پالیسی کے خلاف ووٹ دینے والے سے استعفی کا  مطالبہ کیا تھا پارٹی پالیسی کے خلاف ووٹ دینے والو ں میں سینیٹر نسیمہ احسان اور سینیٹر قاسم رونجھو شامل تھے۔

بی این پی مینگل کے منحرف سینیٹر قاسم رونجھو سینیٹ رکنیت سے مستعفی

پارٹی پالیسی کے خلاف ووٹ دینے والے سینیٹر قاسم رونجھونے اپنا استعفیٰ سیکریٹری سینیٹ کو جمع کروا دیا

چھبیسویں ویں آئینی ترمیم کالعدم قرار دینے کیلئے سپریم کورٹ اور سندھ ہائیکورٹ میں درخواست دائر کردی گئی۔ تفصیلات کے مطابق سپریم کورٹ میں محمد انس نامی شہری نے سپریم کورٹ سے آئینی ترمیم کالعدم قرار دینے کی استدعا کی ہے۔ درخواست میں وفاق کو فریق بناتے ہوئے مؤقف اپنایا گیا ہے کہ پارلیمنٹ کا قانون سازی کا اختیار ہے، پارلیمنٹ دو تہائی اکثریت سے آئین میں ترمیم کرسکتی ہے، تاہم پارلیمنٹ کو عدالتی امورپر تجاویز کرنے کا اختیار نہیں۔درخواست گزار کا کہنا ہے کہ ترمیم اداروں کے درمیان اختیارات کی تقسیم کے خلاف ہے، ترمیم کے ذریعے چیف جسٹس کی تعیناتی کاطریقہ کارتبدیل کردیا گیا، جس کے بعد چیف جسٹس کی تعیناتی حکومت وقت کے پاس چلی گئی ہے، 26 ویں آئینی ترمیم کو بنیادی حقوق اورعدلیہ کی آزادی کے منافی قراردے کرکالعدم قراردیا جائے، ترمیم کے بعد چیف جسٹس کی تعیناتی حکومت وقت کے پاس چلی گئی ہے، ججز تقرری کے جوڈیشل کمیشن کی ہیت کو بھی تبدیل کر دیا گیا ہے۔درخواست میں استدعا کی گئی کہ 26 ویں آئینی ترمیم کو بنیادی حقوق اور عدلیہ کی آزادی کے منافی قرار دے کر کالعدم قرار دیا جائے۔دوسری جانب 26 ویں آئینی ترمیم کو سندھ ہائی کورٹ میں بھی چیلنج کر دیا گیا۔عدالت عالیہ میں درخواست الہٰی بخش ایڈووکیٹ کی جانب سے دائر کی گئی، جس میں وفاق، وزارت قانون اور دیگر کو فریق بنایا گیا ہے۔درخواست میں موقف اپنایا گیا ہے کہ 26 ویں آئینی ترمیم پاس کر کے عدلیہ کی آزادی اور رول آف لا کی خلاف ورزی کی گئی ہے، آئین کے آرٹیکل 175۔اے میں ترمیم کر کے سپریم کورٹ میں ججز کی تعیناتی میں انتظامیہ کی مداخلت بڑھا دی گئی ہے اور اس قسم کی ترمیم عدلیہ کی آزادی اور عدلیہ کو انتظامیہ کے ماتحت کرنا ہے۔درخواست میں استدعا کی گئی کہ آئینی ترمیم کی سیکشن 8، 11 اور 14 کالعدم قرار دی جائیں۔

چھبیسویں آئینی ترمیم سپریم کورٹ اورسندھ ہائیکورٹ میں چیلنج، کالعدم قرار دینے کی استدعا

آئینی ترمیم کو بنیادی حقوق اورعدلیہ کی آزادی کے منافی قراردے کرکالعدم قراردیا جائے،سپریم کورٹ اور سندھ ہائیکورٹ سے استدعا

پاکستان کرکٹ بورڈ چیمپئنز ٹرافی 2025 کی میزبانی کیلئے پرعزم ہے اور اس میگا ایونٹ کی تیاریوں سے آئی سی سی بھی مطمئن ہے۔تفصیلات کے مطابق پاکستان میں آئندہ برس ہونے والی چیمپئنز ٹرافی 2025 کیلئے آسی سی سی نے اطمینان کا اظہار کر دیا۔دبئی میں آئی سی سی کی تین روزہ بورڈ میٹنگ میں پی سی بی کے چیئرمین محسن نقوی بھی شریک ہوئے، آئی سی سی بورڈ اجلاس میں پی سی بی حکام نے چیمپئنز ٹرافی 2025 کی تیاریوں سے متعلق رپورٹ بھی پیش کی گئی۔میڈیارپورٹس کے مطابق انٹرنیشنل کرکٹ کونسل (آئی سی سی) نے چیمپیئنز ٹرافی 2025 کے لیے پاکستان کرکٹ بورڈ کی تیاریوں پر اطمینان کا اظہار کیا ہے۔ پی سی بی کے چیئرمین محسن نقوی نے آئی سی سی بورڈ ممبران کو یقین دلایا کہ تینوں مجوزہ مقامات پر تزئین و آرائش کا کام ٹورنامنٹ شروع ہونے سے پہلے مکمل کر لیا جائے گا۔میٹنگ کے دوران چیئرمین پی سی بی نے آئی سی سی کے بورڈ ممبران کو پاکستان آنے کی دعوت بھی دی اور ٹورنامنٹ کی تیاریوں کو دیکھنے اور انتظامات کا جائزہ لینے کا بھی آپشن پیش کیا۔اس کے علاوہ اجلاس میں چیئر اور انڈیپنڈنٹ ڈائریکٹر کے عہدوں کی میعاد کو بھی زیر غور لایا گیا، جس میں چیئرمین کی تقرری کو 2 سے بڑھا کر 3 سال کی مدت تک توسیع کا مشورہ دیا گیا تاہم حتمی فیصلہ آئی سی سی کی رکنیت کی منظوری کے بعد کیا جائے گا۔یاد رہے چیمپئنز ٹرافی ٹورنامنٹ اگلے سال فروری مارچ میں پاکستان میں شیڈول ہے۔ آئی سی سی چیمپئنز ٹرافی 2025 میں 8ٹیمیں حصہ لیں گی، فائنل 9 مارچ کو مقرر کیا گیا ہے، 10 مارچ کو ریزرو ڈے رکھا گیا ہے۔ پاکستان گروپ اے میں بھارت، بنگلہ دیش اور نیوزی لینڈ کے ساتھ کھیلے گا۔ گروپ بی میں انگلینڈ، جنوبی افریقہ، آسٹریلیا اور افغانستان شامل ہیں۔دوسری جانب دبئی میں منعقدہ 4 روزہ آئی سی سی بورڈ میٹنگ اختتام پذیرہوگئی جس کا اعلامیہ بھی جاری کردیا گیا ہے ، اعلامیہ میں کہا گیا ہے کہ آئی سی سی مینز کرکٹ کمیٹی میں تبدیلی کردی گئی ہے۔اسکاٹ وینانک بطور نمائندہ فل ممبر اور اسکاٹ ایڈورڈز بطور نمائندہ ایسوسی ایٹ کمیٹی کا حصہ ہونگے،آئی سی سی میڈیکل ایڈوائزری کمیٹی میں بھی ایک تبدیلی کی گئی ،ڈاکٹر جان مکلین آئی سی سی میڈیکل ایڈوائزری کمیٹی میں شامل ہونگے۔ویمنز کرکٹ کے فیوچر ٹور پروگرام 2029-2025 کی منظوری بھی دی گئی ،آئی سی سی جلد ویمنز کرکٹ کا ایف ٹی پی جاری کرےگا،ویمنز رینکنگ کی سالانہ رینکنگ جاری کرنے کی تاریخ میں ردوبدل کیا گیا ہے۔سالانہ ویمنز رینکنگ اب یکم اکتوبر کے بجائے یکم مئی سے جاری ہوگی،ویمنز ٹیموں کو سال میں کم سے کم 6کے بجائے 8میچز کھیلنے ہوں گے۔2025سے 2028 کے درمیان ایسوسی ایٹ ممبرز میں سالانہ 2 انٹرنیشنل ٹورنامنٹ کا انعقاد کرایاجائے گا،ان ٹورنامنٹس میں 24 ٹیمیں ہاتھ ویز کے ذریعے شامل ہونگی،آئی سی سی اس حوالے مزید تفصیلات جلد جاری کریگا۔ویمنز ورلڈ کپ کوالیفائر 2025 میں 2 ایسوسی ایٹ ٹیمیں شامل ہونگی ،باقی ٹیموں کا تعین آئی سی سی کی سالانہ رینکنگ جاری ہونے پر کیا جائیگا۔

پاکستان میں چیمپئینز ٹرافی، آئی سی سی نے پاکستان کوگرین سگنل دیدیا

چیمپئنز ٹرافی 2025 کی تیاریوں پر آئی سی سی بورڈنےاطمینان کااظہارکردیا

پاکستان تحریک انصاف کی سیاسی کمیٹی کے ہونے والے اہم ترین اجلاس کا اعلامیہ جاری کر دیا گیا ہے۔اعلامیے کے مطابق پاکستان تحریک انصاف کا خصوصی پارلیمانی کمیٹی کے اجلاس سے مکمل طور پر الگ رہنے کا اعلان کر دیا ہے۔پاکستان تحریک انصاف کی سیاسی کمیٹی کے ہونے والے اہم ترین اجلاس کا اعلامیہ جاری کر دیا گیا ہے۔پی ٹی آئی کی جانب سے جاری سیاسی کمیٹی جلاس کے اعلامیے میں بتایا گیا ہے کہ 26 ویں آئینی ترمیم پرپارٹی پالیسی کے خلاف ووٹ دینے والے اراکین کے خلاف سخت کارروائی عمل میں لانےکی منظوری دی گئی ہے۔پی ٹی آئی کا مزید کہنا تھا کہ آئینی ترمیم کو ووٹ دینے والے اراکینِ کی بنیادی جماعتی رکنیت کی منسوخی سمیت ان کے خلاف حتمی تادیبی کارروائی پراتفاق ہوا ہے۔ اجلاس میں پارٹی ہدایات کی خلاف ورزی کرتے ہوئے پارٹی سے روابط منقطع کرنے والے دیگر اراکین کو شوکاز نوٹسز کے اجرا کی بھی منظوری دی گئی۔شوکاز نوٹسز کے ذریعے ان اراکینِ پارلیمان سے پارٹی سے روابط منقطع کرنے اور حکومتی حلقوں سے روابط قائم کرنے سمیت متعلقّہ معاملات کی خلاف ورزی پر اپنی پوزیشن واضح کرنے کا کہا جائے گا۔پی ٹی آئی کی سیاسی کمیٹی کے اہم اجلاس کے اعلامیے کے مطابق ان اراکین کے شوکاز نوٹس کے جوابات کی روشنی میں ان کے آئندہ کے مستقبل کا تعین کیا جائے گا۔خیال رہے کہ 26 ویں آئینی ترمیم کے تحت چیف جسٹس کی تقرری کیلئے خصوصی پارلیمانی کمیٹی کی تشکیل کا نوٹیفکیشن جاری کردیاہےجس میں پی ٹی آئی کے بیرسٹر گوہر خان، حامد رضا خان اور بیرسٹر علی ظفر کے نام بھی شامل ہیں۔

پی ٹی آئی کا خصوصی پارلیمانی کمیٹی کے اجلاس سے الگ رہنے کا اعلان

آئینی ترمیم کے حق میں ووٹ دینے والے اراکین کے خلاف سخت کارروائی عمل میں لانےکی منظوری دی گئی ہے،اعلامیہ

چیف جسٹس آف پاکستان کون ہوگا؟26 ویں آئینی ترمیم منظور ہونے کے بعد چیف جسٹس پاکستان کی تعیناتی کے لیے پارلیمانی کمیٹی کی تشکیل کا نوٹیفکیشن جاری کردیا گیا، کمیٹی کا اجلاس آج (منگل) شام 4 بجے طلب کیا گیا ہے۔تفصیلات کے مطابق پارلیمنٹ کی خصوصی پارلیمانی کمیٹی تشکیل پا گئی ہے جو نئے چیف جسٹس آف پاکستان کا فیصلہ کرے گی۔ چیف جسٹس کی نامزدگی سے متعلق کمیٹی کا ان کیمرہ اجلاس آج شام 4 بجے پارلیمنٹ ہاؤس میں ہوگا۔خصوصی پارلیمانی کمیٹی کیلئے  تمام 12 ممبران کے نام اسپیکر آفس کوموصول ہونے کے بعد کمیٹی کی تشکیل کا نوٹیفکیشن جاری کردیا گیا ہے۔خصوصی پارلیمانی کمیٹی کیلیےسینیٹ سے چار نامزد ممبران جمعیت علمائے اسلام ( ف )  کے کامران مرتضیٰ، پیپلز پارٹی کے فاروق ایچ نائیک، مسلم لیگ ن  کے اعظم نذیر تارڑ جبکہ پی ٹی آئی  کے بیرسٹر علی ظفر شامل ہیں۔اسی طرح خصوصی پارلیمانی کمیٹی کے لیے قومی اسمبلی کے 8اراکین میں مسلم لیگ ن  کے خواجہ آصف، احسن اقبال اور شائستہ پرویز شامل ہیں۔پیپلز پارٹی کے راجہ پرویز اشرف  اور نوید قمر جبکہ تحریک انصاف  کی جانب سے بیرسٹر گوہر اور صاحبزادہ حامد رضا اور متحدہ قومی موومنٹ پاکستان  کی رعنا انصار بھی خصوصی پارلیمانی پارٹی کا حصہ ہیں۔واضح رہے کہ وزارت قانون سے تین سینئر ججز کا پینل طلب کیا جائے گا، 12 رکنی کمیٹی ججز کے پینل میں سے چیف جسٹس آف پاکستان کا انتخاب عمل میں لائے گی، موجودہ چیف جسٹس کی ریٹائرمنٹ سے 3روز قبل 3 سینئر ججز کا پینل اسپیکر قومی اسمبلی کو ارسال کریں گے اورا سپیکر قومی اسمبلی چیف جسٹس کی تقرری کیلئے ججز کا پینل کمیٹی کو ارسال کریں گے۔

نیاچیف جسٹس آف پاکستان کون ؟خصوصی پارلیمانی کمیٹی آج فیصلہ کریگی

نئےچیف جسٹس کی تعیناتی کیلئے پارلیمانی کمیٹی کا نوٹیفکیشن جاری، اجلاس آج طلب

وزیر اعلیٰ خیبر پختونخوا علی امین گنڈاپور نے کہا ہے کہ جب بھی پاکستان تحریک انصاف (پی ٹی آئی) کو حکومت ملے گی، وہ 26ویں آئینی ترمیم کو ختم کرے گی اور اگر سینئر ترین جج کی سپریم کورٹ کا چیف جسٹس کے طور پر تقرر نہ کیا گیا تو پی ٹی آئی احتجاج کے لیے نکلے گی۔علی امین گنڈاپور کامزید کہناتھا کہ ایک غیر آئینی اقدام ہوا، رات میں ڈکیتی ہوئی، ایسی حکومت نے عدلیہ پر حملہ کیا جس کے پاس مینڈیٹ نہیں۔خیبر پختونخوا اسمبلی میں اظہار خیال کرتے ہوئے وزیراعلیٰ علی امین گنڈاپور نے کہا کہ ڈکیتی ہمیشہ رات میں ہوتی ہے، 26ویں آئینی ترمیم اشرافیہ کیلئے کی گئی، ہم ایسی ترامیم کو نہیں مانتے، اپنے بندے بٹھاکر فیصلے لیں گے تو ادارے آگے نہیں بڑھیں گے۔علی امین گنڈاپور نے کہا کہ ایسی حکومت نےعدلیہ پرحملہ کیاجس کےپاس جائزمینڈیٹ نہیں، حکومت نے غیرآئینی ترامیم کیں، جو لوگ بانی کی پیٹھ پر چھرا گھونپنے کیلئے کھڑے تھے آج رات تک ان سب کے نام آجائیں گے۔انھوں نے کہا کہ مشکل وقت آیا پارٹی پر، پتہ چل گیا کون بزدل اور ضمیرفروش تھا، غدار غدار ہے تاریخ میں غدار کو غدار ہی کہا جاتا ہے۔ یہ جو غیرآئینی ترمیم کی گئی ہے یہ چند اشرافیہ کے لیے کی گئی ہے، اشرافیہ کے نیچے عدلیہ کو لاکر عدلیہ کو محکوم بنادیا گیا ہے۔علی امین گنڈاپو رنے کہا کہ ایسی حکومت نے عدلیہ پر حملہ کیا جس کے پاس جائز مینڈیٹ نہیں، انہوں نے کہا کہ پہلے تو ہم عوام کے ذریعے اپنا مینڈیٹ واپس لیں گے، پھر ایسی ترامیم کو ہم مسترد کریں گے۔انہوں نے کہا کہ ہماری نظریے کی جنگ ہے، اس جنگ میں اگر کوئی یہ سمجتا ہے کہ وہ زور زبردستی سے ہمیں پیچھے ہٹا لے گا تو کچھ لوگ تو کمزور ہوں گے اور اللہ کا شکر ہے کہ مشکل وقت آیا ہماری پارٹی پر تو ہمیں پتا چل گیا کہ کون کیا تھا، ہمیں پتا چل گیا کہ کون ضمیر فروش تھا کون غدار تھا، کون بزدل تھا،ا ور کون وہ لوگ تھے جو نظریے کے لیے کھڑے ہیں اور انشااللہ کھڑے رہیں گے۔وزیراعلیٰ خیبرپختونخوا نے کہا کہ جن جن لوگوں نے آئینی ترمیم کے لیے ووٹ دیا اور جن لوگوں نے ووٹ نہیں دیا مگر عمران خان کی پیٹھ میں چھرا گھونپنے کے لیے ان کی صف میں کھڑے رہے آجج رات تک ان سب کے نام آجائیں گے اور ہم ایسے کسی بندے کو نہیں چھوڑیں گے۔انہوں نے کہا کہ غدار غدار ہوتا ہے چاہے وہ کسی مجبوری سے ہو یا پیسوں کی وجہ سے ہو۔ اگر مجبوری تھی تو استعفی دے دیتے، استعفی کیوں نہیں دیا۔ جنہوں نے ذاتی مفاد کے لیے اپنی وفاداریاں بدلی ہیں، قوم تو ان سے حساب لے گی ہم مگر ہم بھی ضرور حساب لیں گے، اور کسی کا یہ خیال ہے کہ بڑے آرام سے ہضم کرلے گا تو انشااللہ اتنے آرام سے ہضم نہیں ہوگا۔علی امین گنڈاپور نے کہا کہ اگرسینئر ترین جج کو چیف جسٹس نہ بنایا گیا تو ہم دوبارہ نکلیں گے۔علی امین گنڈا پور کا کہنا تھا کہ کل رات کوترمیم پاس کرکےڈکیتی کی گئی، حکومت نےآزاد عدلیہ پرحملہ کیا ہے،ظلم، فرعونیت کے خلاف باہرنکل کر آزادی لیں گے، وقت قریب ہے دوہی راستے ہیں ، ’’ڈواورڈائی‘‘،یہ نظریےحق اورسچ کی جنگ ہے، اب یہ جنگ جہاد کی شکل اختیارکرچکی ہے۔وزیر اعلی خیبر پختونخوا نے کہا کہ جب مرضی کےبندوں سےفیصلےکرائیں گےتوادارے ترقی نہیں کرسکیں گے، غلط پالیسیوں کی وجہ سےپاکستان تنزلی کا شکار ہوا ہے، ایسی ترمیم سے چند اشرافیہ کو فائدہ پہنچایا جا رہا ہے۔علی امین گنڈا پور کا مزید کہنا تھا کہ دہشت گردی کے خلاف جنگ میں پولیس نے بےشمار قربانیاں دیں، پولیس اہلکاروں کے مسائل کو بھی حل کریں گے، ہم سب ملکرصوبے کےامن کے لیے کام کریں گے۔

عدلیہ کوغلام نہیں بننےدیں گے،علی امین گنڈا پورنے تحریک چلانے کا اعلان کردیا

اگر سینئر ترین جج کو چیف جسٹس نہ بنایا گیا تو ہم دوبارہ نکلیں گے، وزیراعلیٰ خیبر پختونخوا کا اسمبلی میں اظہار خیال

ایمرجنگ ٹیمز ٹی20 ایشیا کپ میں پاکستان شاہینز نے عمان کو 74 رنز سے ہرادیا۔ میچ میں پاکستان شاہینز نے پہلے بیٹنگ کرتے ہوئے 5 وکٹ پر 185رنز بنائے، عمان کی ٹیم مقررہ اوورز میں 7 وکٹ پر 111 رنز بناسکی۔الامارت کرکٹ گراؤنڈ میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 185 رنز بنائے۔پاکستان کی جانب سے قاسم اکرم 48 کے ساتھ نمایاں رہے جبکہ روحیل نذیر نے 41 اور عرفان منہاس نے 31 رنز کی ناقابل شکست اننگز کھیلی۔ہدف کے تعاقب میں عمان کی ٹیم مقررہ 20 اوورز میں 7 وکٹوں پر 111 رنز بنا سکی، 20 گیندوں پر 41 رنز بنانے اور دو کیچ پکڑنے پر روحیل نذیر کو میچ کا بہترین کھلاڑی قرار دیا گیا۔پاکستان شاہینز کی ٹیم 23 اکتوبر بروز بدھ متحدہ عرب امارات کے خلاف اپنا آخری گروپ میچ کھیلے گی۔خیال رہے عمان کیخلاف کامیابی کے بعد پاکستان گروپ بی میں پہلے نمبر پر پہنچ گیا ہے ، یاد رہے پہلے میچ میں پاکستان کو بھارت کے ہاتھوں شکست کا سامنا کرنا پڑا تھا۔

ایمرجنگ ایشیا کپ میں پاکستان شاہینز نے عمان کو 74 رنز سے ہرادیا

عمان کی ٹیم 185 رنز ہدف کے تعاقب میں 111 رنز ہی بناپائی، روحیل نذیر میچ کے بہترین کھلاڑی قرار

ملک میں 26ویں آئینی ترمیم منظور ہونے کے بعد چیف جسٹس پاکستان کی تعیناتی کے لیے پارلیمانی کمیٹی کی تشکیل کا عمل شروع ہو گیا ہے۔ نجی ٹی وی کی رپورٹ کے مطابق اسپیکر قومی اسمبلی نے پارلیمانی لیڈرز سے کمیٹی ارکان کے نام مانگ لیے، کمیٹی کے لیے 8 ارکان قومی اسمبلی اور چار سینیٹ سے لیے جائیں گے۔ کمیٹی ججز کے پینل میں سے چیف جسٹس پاکستان کا انتخاب عمل میں لائے گی۔چیف جسٹس ریٹائرمنٹ سے 3روز قبل 3سینیئر ججز کا پینل اسپیکر قومی اسمبلی کو ارسال کریں گے اور اسپیکر قومی اسمبلی چیف جسٹس کی تقرری کیلئے ججز کا پینل کمیٹی کو ارسال کریں گے۔خصوصی کمیٹی میں پارلیمانی جماعتوں کی متناسب نمائندگی کا فارمولا بھی تیار کر لیا گیا جس کے مطابق 39 ارکان اسمبلی پر سیاسی جماعت کو خصوصی کمیٹی میں ایک نشست الاٹ ہوگی۔ سیاسی جماعتوں کو سینیٹ میں 21 ممبران پر ایک نشست ملے گی۔مجوزہ فارمولے کے تحت مسلم لیگ ن کو خصوصی کمیٹی میں 4 نشستیں ملنے کا امکان ہے جس میں تین ارکان اسمبلی اور ایک سینیٹ سے ملے گی۔پیپلز پارٹی کو خصوصی کمیٹی میں 3 نشستیں ملنے کا امکان ہے جس میں قومی اسمبلی سے 2 اور سینیٹ سے ایک نشست ملے گی۔اسی طرح، پی ٹی آئی اور سنی اتحاد کونسل کو بھی خصوصی کمیٹی میں نشستیں ملنے کا امکان ہے۔ سنی اتحاد کونسل کو قومی اسمبلی سے 2 جبکہ پی ٹی آئی کو سینیٹ سے ایک رکن ملے گا۔ایم کیو ایم اور جے یو آئی ف کو بھی خصوصی کمیٹی میں ایک ایک رکن ملنے کا امکان ہے۔ ایم کیو ایم کو قومی اسمبلی اور جے یو آئی کو سینیٹ سے ایک نشست خصوصی کمیٹی میں ملے گی البتہ جے یو آئی کو حکومتی کے خصوصی کوٹے سے ایک نشست ملنے کا امکان ہے۔آرٹیکل 175اے کی شق 3 اے کی ذیلی شق 1 اور 2 کے تحت خصوصی پارلیمانی کمیٹی تشکیل دی جائے گی۔خیال رہے  25 اکتوبر موجودہ چیف جسٹس قاضی فائز عیسیٰ کے عہدے کی مدت کا آخری دن ہے۔ 26 اکتوبر سے نئے چیف جسٹس عہدے کا حلف اٹھائیں گے، اس صورت حال میں قانونی ماہرین کے مطابق نئے چیف جسٹس کی نامزدگی 22 یا 23 اکتوبر کو ہو جانی چاہیے۔خصوصی پارلیمانی کمیٹی کے 12 ارکان میں قومی اسمبلی کے 8 اور سینیٹ کے چار ارکان ہوں گے۔ نیا چیف جسٹس سپریم کورٹ کے تین سینیئر ترین ججز میں سے منتخب ہو گا۔ نامزد جج کے انکار کی صورت میں باقی سینیئر ججز میں سے کسی کو نامزد کیا جا سکے گا۔ترمیم کے تحت پارلیمانی کمیٹی کے فیصلے کے خلاف کوئی سوال نہیں کیا جا سکے گا۔ چیف جسٹس کی مدت تین سال ہو گی، ماسوائے یہ کہ وہ استعفیٰ دے، 65 سال کا ہو جائے یا برطرف کیا جائے۔پارلیمانی کمیٹی کی تشکیل کے بعد چیف جسٹس 22 اکتوبر رات 12 بجے تک تین سینیئر ترین نام خصوصی پارلیمانی کمیٹی کو بھیجنے کے پابند ہیں۔ جن پر غور کرنے کے بعد پارلیمانی کمیٹی ایک نام کو نامزد کر کے نام وزیراعظم پاکستان کو بھجوائے گی۔ وزیراعظم چیف جسٹس کے تقرر کے لیے ایڈوائس صدر پاکستان کو حتمی منظوری کے لیے بھیجیں گے۔ چیف جسٹس بذریعہ وزارت قانون نام پارلیمانی کمیٹی کو بھجوائیں گے۔کمیٹی اپنے پہلے اجلاس میں تین سینیئر ترین ججوں میں سے کسی ایک کو چیف جسٹس پاکستان بنانے کے لیے غور کرے گی۔ 12 رکنی کمیٹی میں اکثریتی رائے کو ترجیح دی جائے گی۔

نیا چیف جسٹس پاکستان کون؟کب اور کیسےبنےگا؟

چیف جسٹس پاکستان کی تعیناتی،پارلیمانی کمیٹی کیلئے ارکان کے نام مانگ لیے گئے

پاکستان تحریک انصاف (پی ٹی آئی) رہنما اور سپریم کورٹ بار کے سابق صدر حامد خان نے نیشنل ایکشن کمیٹی کے ذریعے 26 ویں آئینی ترمیم کے خلاف وکلا تحریک شروع کرنے کا اعلان کرتے ہوئے کہا کہ وکلا جسٹس منصور علی شاہ کے علاوہ کسی کو اگلا چیف جسٹس نہیں مانیں گے۔ پی ٹی آئی رہنما حامد خان نے سپریم کورٹ کے باہر میڈیا سے گفتگو کرتے ہوئے کہا کہ کل اور آج کا دن سیاہ ترین ہیں، آئینی ترمیم نے آئین کا حلیہ بگاڑ دیا، ہم وکلا اس ترمیم کو غیر آئینی سمجھتے ہیں۔انہوں نے کہا کہ یہ آئینی ترمیم آئین کے ڈھانچے کے برعکس ہے، ایسی ترمیم کے بارے سپریم کورٹ کے ججز کی مثالیں موجود ہیں، ہم وکلا پر آئین اور و عدلیہ کا تحفظ فرض ہے، ہم وکلا کی ملک تحریک چلائیں گے۔ان کا کہنا تھا کہ لوگوں کو اٹھا کر وہیل چئیر پر لایا گیا، ہم سمجھتے ہیں یہ ووٹ گنے نہیں جاسکتے، ہارس ٹریڈنگ کے بغیر حکومت کا نمبر مکمل نہیں ہوتا۔حامد خان نے کہا کہ موجودہ چیف جسٹس کا اس میں افسوسناک کردار ہے، انہوں نے 63 اے کے اوپر نظر ثانی کی درخواست کو کھولا، اس سے ہارس ٹریڈنگ کا راستہ کھلا، 25 اکتوبر کو چیف جسٹس روانہ ہورہے ہیں، وکلا 25 اکتوبر یوم نجات کے طور پر منائیں گے۔پی ٹی آئی کے وکیل کا کہنا تھا کہ وکلا تحریک پہلے سے چل رہی ہے، اب تحریک حالیہ آئینی ترمیم کے خلاف ہوگی، مختلف شہروں میں وکلا کنونشن جاری ہیں، ججز کیس سامنے آنے پر آئین کا دفاع کریں گے، ججز نے آئین کے دفاع کا حلف اٹھایا ہوا ہے ۔اس موقع پر سپریم کورٹ بار ایسوسی ایشن کے سابق صدر عابد زبیری نے کہا کہ ہم عدلیہ کا جنازہ نہیں اٹھنے دیں گے، سب سے زیادہ حکومت کے خلاف کیس آتے ہیں، حکومت نے سب کچھ اسی لئے کیا ہے۔انہوں نے کہا کہ ہماری عدلیہ کے پر کاٹ دیے گئے ہیں، چیف جسٹس منصور علی شاہ ہی ہوں گے، ہماری وکلا تحریک شروع ہوچکی ہے، ہم نے خیبر تا کراچی وکلا سے مشاورت کر لی ہے، اسٹیبلشمنٹ کی ترمیم ہم نہیں مانیں گے، سپریم کورٹ کو اصل حالت میں بحال کرائیں گے، آئینی عدالت کے جج حکومتی ہوں گے، ایسے میں انصاف کدھر سے ہوگا۔ایڈیشنل سیکرٹری سپریم کورٹ بار ایسوسی ایشن شہباز کھوسہ نے میڈیا سے گفتگو کرتے ہوئے کہا کہ قاضی صاحب ایمانداری کا لبادہ اوڑھ کر بیٹھے ہیں، وہ بنیادی حقوق کے محافظ تھے، ایک جماعت سے اس کا نشان چھینا، الیکشن پر کیسے مہر ثبت کی ،سب کے ذمہ دار قاضی صاحب ہیں۔انہوں نے کہا کہ وکلا ان لوگوں کو پہچانیں ،کالی بھیڑیں باہر نکال کر بھیجیں، پارلیمنٹ کا آڈٹ ہونا چاہئے، اربوں لے کر قانون پاس کر دیا، بدبودار پارلیمان کے کردار سے پڑوسی ملک آگے نکل گئے۔ان کا کہنا تھا کہ قاضی صاحب نے 63 اے میں سہولت کاری کی، ججز کو تنبیہ کرتا ہوں، بنیادی حقوق کو مدنظر رکھتے ہوئے ان کا گھیرائو کریں گے، موجودہ حکومت ڈیفیکٹو حکومت ہے، کالے سانپ مستقبل میں آج کی حکومت کے گلے پڑیں گے لیکن تب کالے کوٹ ان کی سپورٹ کے لئے نہیں ہوں گے۔

عابد زبیری اورحامد خان نے آئینی ترمیم کیخلاف وکلا تحریک کا اعلان کر دیا

وکلا برادری جسٹس منصور علی شاہ کے علاوہ کسی کو اگلا چیف جسٹس نہیں مانیں گی، سابق صدر سپریم کورٹ بار

اوپنر فخر زمان کے بعد قومی ٹیم کے فاسٹ بولر محمد عامر بھی سابق کپتان بابراعظم کے حق میں بول اُٹھے۔قومی کرکٹ ٹیم کے مایہ ناز فاسٹ بولر محمد عامر نے سابق کپتان بابر اعظم کے حوالے سے تنقید کرنے والوں پر سخت تنقید کی ہے۔سماجی رابطے کی سائٹ ایکس (ٹوئٹر) پر ٹوئٹ کرتے ہوئے لکھا کہ اس گھٹیا سوچ کو ختم کریں کہ بابراعظم ٹیم میں نہیں تھا یا وہ ٹیم میں نہیں تھا تو ٹیم جیت گئی۔فاسٹ بولر محمد عامر نے لکھا کہ ہم بہتر حکمت عملی کے ساتھ کھیلے اور ہوم گراؤنڈ کا فائدہ اٹھایا اس لیے جیت گئے۔ محمد عامر نے اس سوچ کی مذمت کی کہ بابر اعظم کی عدم موجودگی کی وجہ سے پاکستان نے ملتان ٹیسٹ میں جیت حاصل کی۔محمد عامر نے واضح کیا کہ ٹیم کی کامیابی کا راز بہتر حکمت عملی اور ہوم گراؤنڈ کے فوائد میں ہے۔ انہوں نے کہا،ہم نے اس لیے جیت حاصل کی کیونکہ ہم نے بہتر کھیل پیش کیا، نہ کہ بابر کی غیر موجودگی کی وجہ سے۔عامر نے مزید کہا کہ لوگوں کو اپنے کھلاڑیوں کی ذاتیات پر تنقید نہیں کرنی چاہیے۔ہاں، ان کی کارکردگی پر اعتراض کرنا جائز ہے، مگر ذاتی حملے کرنا نامناسب ہے۔واضح رہے کہ پاکستان اور انگلینڈ کے درمیان کھیلے گئے دوسرے ملتان ٹیسٹ میچ میں بابراعظم سمیت نسیم شاہ اور شاہین آفریدی کو اسکواڈ میں شامل نہیں کیا گیا تھا۔ملتان میں کھیلے گئے پہلے ٹیسٹ میں انگلینڈ نے ایک اننگز اور 47 رنز سے کامیابی حاصل کی تھی جبکہ دوسرے میچ میں پاکستان نے 152 رنز سے میچ اپنے نام کیا اور 3 ٹیسٹ میچوں کی سیریز 1-1 سے برابر ہے۔دونوں ٹیموں کے درمیان سیریز کا تیسرا میچ 24 اکتوبر سے راولپنڈی میں شیڈول ہے۔

فخرزمان کے بعد محمد عامر بھی بابراعظم کے حق میں بول پڑے

محمد عامر نے اس سوچ کی مذمت کی کہ بابر اعظم کی عدم موجودگی کی وجہ سے پاکستان نے ملتان ٹیسٹ میں جیت حاصل کی

ترک صدر طیب اردوان کی حکومت کے ناقد اورمعروف مذہبی رہنما فتح اللّٰہ گولن 83 برس کی عمر میں امریکا میں انتقال کر گئے۔ترک میڈیا اور گولن سے وابستہ ایک ویب سائٹ نے تصدیق کرتے ہوئے بتایا کہ فتح اللّٰہ کچھ عرصے سے علیل تھے اور گزشتہ شب اسی ہسپتال میں انتقال کر گئے۔ فتح اللّٰہ کا تعلق ایک مذہبی گھرانے سے تھا، ان کے والد امامِ مسجد تھے جبکہ والدہ بچوں کو قرآن پڑھاتی تھیں ، انہوں نے ایک مدرسے تعلیم حاصل کی اور مسجد کے امام اور خطیب کے طور پر اپنے کیریئر کا آغاز کیا۔ فتح اللّٰہ خاصہ عرصہ ازمیر میں خطیب رہے اور انہوں نے وہیں سے اپنے دینی دعوتی کام کا آغاز کیا ، ان پر 2016ء میں ترک صدر طیب اردوان کے خلاف بغاوت کا الزام لگایا گیا تھا۔واضح رہے کہ فتح اللہ گولن پر 2016 میں ترکی کے صدر رجب طیب اردوان کے خلاف فوجی  بغاوت کا الزام تھا اور اس ناکام بغاوت کے بعد ترکی میں فتح اللہ گولن کی تنظیم پر پابندی عائد کر دی گئی اور اس تنظیم سے وابستہ ہزاروں افراد کو گرفتار کیا گیا۔اسی دوران ترک صرر نے ان کی ترکیہ کی شہریت بھی چھین لی  اور امریکہ سے ان کی حوالگی کا مطالبہ بھی کرتے رہے۔ جبکہ دوسری طرف فتح اللہ گولن اپنے خلاف لگائے گے ان الزامات کی تردید کرتے رہے۔فتح اللہ گولن تعلیمی انقلاب کے ذریعے معاشرے میں تبدیلی کے خواہش مند تھے۔ جس کے لیے دنیا بھر ماڈل اسکولز قائم کیے اور تدریس و اشاعت کے ادارے بھی قائم کیے۔ فتح اللہ کی کتب اور خطاب پر مشتمل کتابچوں کی تعداد 44 ہے جن میں سب سے مشہور سیرت النبی صلی اللہ علیہ وآلہ وسلم پر لکھی گئی کتاب ہے۔

ترکیہ کے معروف مذہبی رہنما فتح اللہ گولن امریکا میں انتقال کرگئے

ترک صدر طیب اردگان نے فتح اللہ گولن کو 2016 کی ناکام فوجی بغاوت کا محرک قرار دیا تھا،وہ امریکا میں خودساختہ جلاوطن تھے

رمیز راجا نے خراب وکٹوں کی ذمہ داری بابر اعظم پر ڈال دی،میڈیارپورٹس کے مطابق سابق چیئرمین پاکستان کرکٹ بورڈ (پی سی بی) رمیز راجا نے کہاہے کہ آسٹریلیا کے دورہ پاکستان اور ٹیسٹ سیریز کے دوران تیار کی جانے والی پچ بابر اعظم کے کہنے پر تیار کی گئی تھی۔ پچز کی تیاری اور کھلاڑیوں کی سلیکشن کپتان کی بنائی گئی حکمت عملی کے مطابق ہی ہوتی ہے۔سابق کرکٹر و چیئرمین پی سی بی رمیز راجا نے کہا کہ انہوں نے ہمیشہ پچز کی تیاری اور کھلاڑیوں کی سلیکشن پر کپتان کی حکمت عملی کو ترجیح دی۔ بابر اعظم جب کپتان تھے تو ان سے یہی کہا تھا کہ آپ نے کیا پلان بنایا ہے، آسٹریلیا کے خلاف سیریز میں بھی ایسا ہی ہوا، انہوں نے حکمت علی تیار کی اس کے مطابق وکٹ بنائی گئی۔سابق کرکٹر رمیز راجا نے کہا کہ بابر اعظم کپتان تھے، ان کو اجازت دے رکھی تھی کہ آپ گیم پلان ترتیب دیں، اپنے کھلاڑیوں کو اس کے مطابق تیار کریں، خاص طور پر پہلے ٹیسٹ میچ کے لیے، کیونکہ وہ کپتان تھے اور گراؤنڈ میں وہی ہوتا ہے جو کپتان نے پلان تیار کیا ہوتا ہے۔انہوں نے کہا کہ پچز کی نیچر کو جانے بغیر اندازے سے میچ کھیلنے کا نتیجہ سب کے سامنے آجاتا ہے، کیونکہ پچ کو سمجھے بغیر آپ کوئی بھی پلان یا حکمت عملی اپنا ہی نہیں سکتے اور آخر میں وہ چیز آپ کے نقصان کا باعث بنتی ہے۔ان کا کہنا تھا کہ پاکستان کو بھی اسی صورتحال سے گزرنا پڑ رہا ہے اور ہوم گراؤنڈ پر شکست کی وجہ بھی یہی ہے کہ پچز اس طرح کا ریسپانس نہیں دیتیں جس طرح کا ٹیلنٹ پاکستان میں موجود ہے۔

رمیز راجا نے خراب وکٹوں کی ذمہ داری بابر اعظم پر ڈال دی

آسٹریلیا، انگلینڈ ہوم ٹیسٹ سیریز میں خراب وکٹوں کی ذمہ داری بابر اعظم پر عائد ہوتی ہے، رمیز راجا

India bowled out for their third lowest total in tests during IND vs NZ 1st test.

IND vs NZ 1st Test: India Bowled Out For Just 46 Runs

The highly anticipated IND vs NZ test series kickstarted on 16th October. The New Zealand tour of India 2024 will feature 3 test matches, all of which will be a part of the World Test Championship 2023-25.&nbsp;

Team India was surely coming from a place of high morale as they recently won the test series against Bangladesh 2-0.&nbsp;

On the other hand, the New Zealand team&rsquo;s spirits must be dampened due to their recent 2-0 test series loss against Sri Lanka.&nbsp;

However, what unfolded in the Ind vs Nz 1st test was surely not what anyone was expecting.&nbsp;

The hosts were bowled out for their third-lowest total in tests and lowest total on their home ground.&nbsp;

Half of the Indian batting lineup returned to the pavilion without scoring a single run. Indian wicket-keeper Rishabh Pant was the highest scoring batsman with his 20 runs.

Matt Henry&rsquo;s 5-15 and William O&#39;Rourke&rsquo;s 4-22 completely crushed the Indian batting lineup.&nbsp;

The 46 run total was the lowest total scored by any team playing in India. Before this, it was New Zealand that held the record of scoring the lowest on Indian soil, 62 runs in an innings.&nbsp;

<h2>India vs New Zealand 1st test day 3 live score</h2>

India began their 2nd innings during the second half of day 3. In response to India&rsquo;s meager total of just 46 runs, the Black Caps scored a massive 402, leaving India trailing with 356 runs.&nbsp;

Openers Yashasvi Jaiswal and skipper Rohit Sharma started the game off quite well. The skipper scored a half century before getting out on 52 runs.&nbsp;

After the openers&rsquo; dismissal, legendary players Virat Kohli and Sarfaraz Khan took things in their hands. Their partnership of 105 runs appears to be going strong.&nbsp;

India is now trailing by 159 runs.&nbsp;

IND vs NZ 1st Test Live Updates: India's Shocking Collapse

India vs New Zealand 1st test day 3 live score

Related Post

PAK vs ENG 3rd Test: Desperate Times Call For Desperate Measures Like Fans & Heaters

Pakistan Tour Of Australia 2024 Fixtures, Squads, & How To Watch Online?