Cricket

Entertainment

Football

نومنتخب امریکی صدر ڈونلڈ ٹرمپ نے نیا ہیئر اسٹائل اپنا لیا۔ ٹرمپ کے اس نئے ہیر اسٹائل نے انٹرنیٹ پر دھوم مچادی۔میڈیارپورٹس کے مطابق ڈونلڈ ٹرمپ کوگزشتہ دنوں ویسٹ پام بیچ، فلوریڈا میں واقع ان کے ٹرمپ انٹرنیشنل گالف کلب میں ایک مختلف ہیئر اسٹائل کے ساتھ دیکھا گیا، جس نے سوشل میڈیا پر قیاس آرائیوں کو جنم دیا کہ انہوں نے بال کٹوائے ہیں۔ٹرمپ کے حامی سوشل میڈیا اکاؤنٹ سے ایک ویڈیو شیئر کی گئی جس میں ٹرمپ کے بال عام طور پر نظر آنے والے اسٹائل کے مقابلے میں نمایاں طور پر چھوٹے یا زیادہ کمپیکٹ دکھائی دے رہے ہیں۔ویڈیو نے صارفین کی توجہ اپنی جانب مبذول کروالی۔سفید ٹی شرٹ، کالی پتلون اور سفید شوز پہنے ڈونلڈ ٹرمپ زرا منفرد نظر آ رہے ہیں۔ ان کے بال قدرے چھوٹے اور سلیقے سے بنے ہوئے ہیں۔یہ ہیئر اسٹائل بالوں کے اُس انداز سے بہت مختلف ہے جو اب ٹرمپ کا برانڈ چکا تھا۔ ابھی یہ واضح نہیں کہ یہ سب اتفاقیہ ہے یا واقعی ٹرمپ نے ہیئر اسٹائل تبدیل کیا ہے۔سوشل میڈیا پر یہ ویڈیو وائرل ہوتے ہی صارفین نے اس پر شدید تبصرے شروع کر دیئے، کچھ صارفین نے طنز کیا کہ کیا یہ تبدیلی اگلے سال صدر بننے سے پہلے کی گئی تھی۔2024 کے صدارتی انتخابات میں کامیابی حاصل کرنے والے ٹرمپ 20 جنوری 2025 کو اپنے عہدے کا حلف اٹھائیں گے۔صدر ٹرمپ سر کے بال اطراف اور اوپر سے پھولے ہوئے نظر آئے، ان کی عوامی شخصیت کو کئی دہائیوں سے نقل بھی کیا جاتا رہا ہے اور انہوں طنز کا بھی سامنا رہا ہے۔اسی وجہ سے ٹرمپ کے ہیئر سٹائل میں کوئی تبدیلی ایک بڑا قدم سمجھا جائے گا، تاہم یہ واضح نہیں کہ انہوں نے ایسا جان بوجھ کر کیا ہے یا وہ اپنی معمول کی ہیئر کیئر روٹین کو عارضی طور پر چھوڑ چکے تھے۔

نومنتخب امریکی صدر ڈونلڈ ٹرمپ کے نئے ہیئر اسٹائل نے سوشل میڈیاپر دھوم مچادی

پام بیچ کے گالف کلب میں نو منتخب امریکی صدرڈونلڈٹرمپ کو نئے ہیئر اسٹائل میں کھیلتے ہوئے دیکھا گیا

جنوبی افریقا کے بیٹر ہنرک کلاسن کو آؤٹ ہونے پر اسٹمپ پر لات مارنا مہنگا پڑ گیا۔ آئی سی سی نے پاکستان کے خلاف دوسرے ون ڈے میں شاندار بیٹنگ کرنے والے جنوبی افریقی بیٹر ہینرک کلاسن پر جرمانہ عائد کر دیا۔ہنرک کلاسن نے دوسرے ون ڈے میں آؤٹ ہونے پر اسٹمپ پر لات مار کر غصہ نکالا تھا۔پاکستان کیخلاف بیٹنگ کرتے ہوئے کلاسن جیسے ہی نسیم شاہ کی گیند پر چھکا مارنے کی کوشش میں آؤٹ ہوئے تو انہوں نے غصے میں سٹمپ کو لات ماری جس کی وجہ سے ان پر اب آئی سی سی کی جانب سے جرمانہ عائد کیا گیا ہے۔آئی سی سی کے مطابق کلاسن پر میچ فیس کا 15 فیصد جرمانہ عائد کیا گیا اور انہیں ایک ڈی میرٹ پوائنٹ بھی دیا گیا۔آئی سی سی کا کہناہے کہ کلاسن کو آئی سی سی کوڈ آف کنڈکٹ کی خلاف ورزی پر جرمانہ کیا گیا، انہوں نے کوڈ آف کنڈکٹ کے لیول ون کی خلاف ورزی کی۔ خیال رہے ہینرک کلاسن نے میچ میں 74 گیندوں پر 97 رنز کی باری کھیلی ، وہ آؤٹ ہونے والے آخری کھلاڑی تھے۔کلاسن نے 44 ویں اوور کی پہلی گیند پر نسیم شاہ کو چھکا مارنے کی کوشش کی اور وہ باؤنڈری لائن پر کیچ آؤٹ ہوگئے تھے۔پاکستان نے میچ میں جنوبی افریقا کو 81 رنز سے شکست دے کر سیریز میں 2-0 کی فیصلہ کن برتری حاصل کرلی ہے۔

وکٹ کولات مارنا مہنگا پڑ گیا ۔۔۔ ہینرک کلاسن پر میچ فیس کا 15 فیصد جرمانہ عائد

جنوبی افریقی بیٹر نے پاکستان کیخلاف میچ میں آؤٹ ہونے کےبعد اسٹمپ پر لات مار کر غصہ اتارا تھا

مدارس رجسٹریشن بل تنازعہ میںمثبت پیشرفت سامنے آئی ہے۔ جس میں مولانا فضل الرحمان نے دعویٰ کیا ہے کہ وزیراعظم نے ان کا مؤقف سن کر وزیرقانون کو آئین و قانون  کے مطابق فوری عملی اقدامات کرنے کی ہدایت کی ہے اور امید ہے کہ اقدامات ہمارے حق میں ہوں گے۔تفصیلات کے مطابق سربراہ جے یو آئی ف مولانا فضل الرحمان کاکہناہے کہ ہمارا مطالبہ آئین وقانون کےمطابق تھا انشااللہ اسےتسلیم کیا جائےگا۔اسلام آباد میں مولانا فضل الرحمان کا وزیراعظم سےملاقات کےبعد میڈیا سےگفتگو کرتے ہوئے کہنا تھا کہ محمد شہباز شریف نے آج بات چیت کے لیے دعوت دی تھی۔انہوں نے کہا کہ دینی مدارس کا بل دونوں ایوانوں سےپاس ہوا تھا، وزیراعظم سے اس بل کےحوالےسےبات چیت ہوئی، ہم نےاپنا موقف دہرایا ہے، بل پاس ہونے کے بعد اب ایکٹ بن چکا ہے۔سربراہ جے یو آئی ف کا کہنا تھا کہ اگرصدر نے بل پراعتراض کرنا تھا تووہ پہلے ہی ہوچکا ہے، اعتراض پر اسپیکر کا جواب آنے اور آئینی مدت گزرنے کے بعد اعتراض نہیں بنتا، ہمارا مطالبہ آئین وقانون کے مطابق تھا، انشااللہ اسے تسلیم کیا جائےگا۔فضل الرحمان نے کہا کہ ہمارا موقف پرشاید جوائنٹ سیشن کی ضرورت نہ پڑے، وزیراعظم نےمثبت جواب دیا ہے، ان سےدرخواست کی آئین وقانون کےمطابق فوری طورپرعملی اقدامات کریں، امید ہے ہمارے مطالبے کے مطابق آئینی طورپرعملی اقدام ہوگا۔ان کا مزید کہنا تھا کہ وزیراعظم نےقابل اعتماد اندازمیں بات کی ہے، آج ہماری گفتگو کا موضوع صرف مدارس بل ہی تھا۔واضح رہے کہ 16 دسمبر کو اتحاد تنظیمات مدارس دینیہ نے مطالبہ کیا تھا کہ مدارس بل باقاعدہ ایکٹ بن چکا ہے قانون کے مطابق بلاتاخیر اس کا گزٹ نوٹی فکیشن جاری کیا جائے۔

مدارس رجسٹریشن بل،امید ہے ہمارا آئینی وقانونی مطالبہ تسلیم کیا جائے گا،مولانا فضل الرحمان

وزیراعظم نے مدارس بل پر وزارت قانون کو آئین و قانون کے مطابق اقدامات کی ہدایت کردی، سربراہ جے یوآئی کی میڈیا سے گفتگو

جنوبی افریقا کیخلاف سیریز کے دوسرے ون ڈے میں نصف سنچری اسکور کرکے اسٹار بیٹربابراعظم نے سابق بھارتی وکٹ کیپر بیٹر مہندرا سنگھ دھونی کا ریکارڈ توڑ دیا۔اسپورٹس کیڈا کی رپورٹ کے مطابق بابراعظم نے سینا ممالک(جنوبی افریقا،انگلینڈ، نیوزی لینڈ اور آسٹریلیا) کیخلاف مہندرا سنگھ دھونی کی جانب سے بنائی گئی نصف سنچریوں کا ریکارڈ توڑ ڈالا۔بابراعظم نے جنوبی افریقا کیخلاف سیریز کے دوسرے میچ میں 73 رنز کی ذمہ دارانہ اننگز کھیلی، جس میں 7 چوکے شامل تھے۔ نصف سنچری کیساتھ بابر اعظم سینا ممالک(جنوبی افریقا،انگلینڈ، نیوزی لینڈ اور آسٹریلیا) کیخلاف 39 ففٹیز بنانے کا ریکارڈ قائم کردیا۔اس سے قبل یہ ریکارڈ بھارتی وکٹ کیپر بیٹر مہندرا سنگھ دھونی کے پاس تھا جنہوں نے سینا ممالک کیخلاف 38 ففٹیز بنارکھی تھی۔قومی ٹیم کے سابق کپتان بابراعظم نے 300 سے زائد انٹرنیشنل میچز کھیلے ہیں جن میں 14 ہزار سے زائد رنز شامل ہیں جبکہ 31 سینچریاں اور 95 نصف سنچریاں سکور کررکھی ہیں۔خیال رہے کہ گزشتہ روز کیپ ٹاؤن میں کھیلے گئے دوسرے ون ڈے میچ میں پاکستان نے جنوبی افریقا کو 81 رنز سے شکست دیکر سیریز میںدوصفر کی برتری حاصل کرلی۔

اسٹار بیٹر بابر اعظم نے سابق بھارتی کپتان مہندرا سنگھ دھونی کا اہم ریکارڈ توڑ دیا

بابر اعظم سینا ممالک کیخلاف 39 ففٹیز بنانے کا ریکارڈ قائم کردیاجواس سے قبل مہندرا سنگھ دھونی کے پاس تھا

سپریم کورٹ کے جسٹس اطہر من اللہ نے ایک کیس کی سماعت کے دوران ریمارکس دیے ہیں کہ ریاست حکومت گرانے اور لانے میں مصروف ہے، تمام ادارے سیاسی مخالفین کے پیچھے پڑے ہیں۔سپریم کورٹ کے جسٹس جمال خان مندو خیل کی سربراہی میں 3 رکنی بینچ نے قتل کیس کے ملزم اسحاق کی درخواست ضمانت پر سماعت کی۔دوران سماعت جسٹس اطہر من اللہ نے ریمارکس دیے کہ 2017 سے کیس سپریم کورٹ میں زیرالتوا ہے، ریاست حکومت گرانے اور لانے میں مصروف ہے، تمام ادارے سیاسی مخالفین کے پیچھے پڑے ہیں۔جسٹس جمال مندوخیل نے ریمارکس دیے کہ ریاست کی کیا بات کریں؟ 3 وزرائے اعظم مارے گئے، تینوں وزرائے اعظم کے کیسز کا کیا بنا؟ بلوچستان میں ایک سینئر ترین جج بھی مارے گئے، کچھ معلوم نہیں ہوا، اصل بات کچھ کرنے کی خواہش نہ ہونا ہے۔جسٹس جمال مندوخیل نے مزید کہا کہ دیگر 2 صوبوں کی نسبت سندھ اور پنجاب میں پولیس کی تفتیش انتہائی ناقص ہے، جب تک ریاستی ادارے سیاسی انجنئیرنگ میں مصروف ہوں گے تو ایسا ہی حال رہے گا۔جسٹس اطہرمن اللہ نے کہا کہ آئین پر عمل ہوتا تو ایسے حالات نہ ہوتے۔ جسٹس جمال مندوخیل نے کہا کہ لوگوں کو اداروں پر یقین نہیں، لوگ چاہتے ہیں تمام کام سپریم کورٹ کرے۔جسٹس اطہر من اللہ نے کہا کہ یہ ادارہ (سپریم کورٹ) بھی اتنا سچ بولتا ہے جتنا ہمارا معاشرہ، 40 سال بعد منتخب وزیراعظم کے قتل کا اعتراف کیا گیا، وزیراعظم کے قتل سے بڑا جرم کیا ہوسکتا ہے؟ کسی کو ذمہ دار قرار دے کر سزا دی جانی چاہیئے تھی۔جسٹس ملک شہزاد نے کہا کہ جس ملک میں وزیراعظم کا ایسا حال ہو تو عام آدمی کا کیا حال ہوگا؟ وزیراعظم ایک دن پرائم منسٹر ہاؤس تو دوسرے دن جیل میں ہوتا ہے، کسی کو معلوم نہیں کس نے کتنے دن وزیراعظم رہنا ہے۔بعدازاں سپریم کورٹ نے پولیس کو ملزم اسحاق کو گرفتار کرکے جیل حکام کے حوالے کرنے کا حکم دے دیا۔واضح رہے کہ ملزم اسحاق اس سے پہلے ضمانت حاصل کرنے کے بعد فرار ہوگیا تھا۔

ریاست حکومت گرانے اور لانے میں مصروف ہے ادارے سیاسی مخالفین کے پیچھے پڑے ہیں، جسٹس اطہر من اللہ

ریاستی ادارے پولیٹیکل انجینئرنگ میں مصروف ہوں گے تو ریاست کا یہی حال ہوگا، ججز کے ریمارکس

خیبرپختونخوا کی ایپکس کمیٹی نے کرم میں قیام امن کے لئے تمام بنکرز اور بھاری اسلحہ ختم کرنے کا فیصلہ کر لیا۔نجی ٹی وی چینل کے مطابق ضلع کرم کی صورتحال پر خیبرپختونخوا ایپکس کمیٹی کا اہم اجلاس وزیراعلیٰ کے پی علی امین گنڈاپور کی زیر صدارت ہوا جس میں وفاقی وزیر داخلہ محسن نقوی سمیت کور کمانڈر پشاور، چیف سیکرٹری کے پی، آئی جی اور متعلقہ کابینہ اراکین نے شرکت کی۔اجلاس میں کرم میں قیام امن کے لئے صوبائی حکومت کے اقدامات کا جائزہ لیا گیا، کرم کی صورتحال پر شرکا کو بریفنگ دی گئی اور گرینڈ جرگے کے حوالے سے ہونے والی پشرفت سے بھی آگاہ کیا گیا۔اجلاس میں اپیکس کمیٹی نے فیصلہ کیا ہے کہ کُرم میں بنکرز اور اسلحے کے خاتمے کے بغیر پائیدار امن ممکن نہیں ہے،کُرم میں ادویہ اور دیگر اشیا بروقت فراہم کی جائیں گی۔اجلاس کے دوران وزیر داخلہ محسن نقوی نے وزیراعلیٰ خیبرپختونخوا کو قیام امن کیلئےہرممکن تعاون کی یقین دہانی کراتے ہوئے کہا کہ کرم میں قیام امن اولین ترجیح ہے، صوبے میں قانون نافذ کرنے والے اداروں کی استعداد کار بڑھانے میں سپورٹ کریں گے۔اس موقع پر ایپکس کمیٹی نے فیصلہ کیا کہ ضلع کرم میں تمام بنکرز کو ختم کیا جائے گا جبکہ علاقے میں لوگوں سے اسلحہ واپس لینے کے حوالے سے بھی بات چیت جاری ہے تاکہ مستقبل میں ناخوشگوار واقعات سے بچا جا سکے۔قبل ازیں وفاقی وزیر داخلہ محسن نقوی نے وزیراعلیٰ خیبرپختونخوا علی امین گنڈاپور سے ملاقات کر کے صوبے میں قیام امن کے حوالے سے ہر ممکن تعاون کی یقین دہانی کرائی تھی۔وزیراعلی خیبرپختونخوا علی امین گنڈاپور نے ایوان وزیراعلیٰ آمد پر وفاقی وزیر داخلہ محسن نقوی کا خیر مقدم کیا، دونوں رہنمائوں کی ملاقات میں صوبے میں امن و امان کی صورتحال اور کرم میں قیام امن کے لئے اقدامات پر تبادلہ خیال کیا گیا۔وزیر داخلہ محسن نقوی نے وزیراعلیٰ علی امین گنڈاپور کو قیام امن کے لیے ہر ممکن تعاون کی یقین دہانی کراتے ہوئے کہا کہ خیبرپختونخوا میں قانون نافذ کرنے والے اداروں کی استعداد کار بڑھانے میں پورا تعاون کریں گے، کرم میں قیام امن اولین ترجیح ہے۔

خیبر پختونخوا کی ایپکس کمیٹی کاپشاور میں اجلاس،ضلع کرم میں تمام بنکرز ختم کرنے کا فیصلہ

کُرم میں بنکرز اور اسلحے کے خاتمے کے بغیر پائیدار امن ممکن نہیں ،کُرم میں ادویہ اور دیگر اشیا بروقت فراہم کی جائیں گی، اجلاس میں فیصلہ

پاکستان سپر لیگ (پی ایس ایل) کے 10ویں ایڈیشن کے ڈرافٹس کی میزبانی پہلی بار بلوچستان کے تاریخی شہر گوادر میں کروائے جانے کا اعلان ہوگیا۔پی سی بی کی جانب سے جاری کردہ اعلامیے میں کہا گیا ہے کہ بلوچستان کا پورٹ سٹی گوادر پاکستان سپر لیگ کے 10ویں ایڈیشن کے پلیئر ڈرافٹ کی میزبانی کرے گا، پلئیر ڈرافٹس کی تقریب 11 جنوری 2025 بروز ہفتہ منعقد ہوگی۔چیئرمین پی سی بی محسن نقوی کا کہنا ہے کہ گوادر اپنی شاندار ساحلی پٹی اور اسٹریٹجک اہمیت کے ساتھ پاکستان کے معاشی مستقبل کے دل کی حیثیت رکھتا ہے، یہاں ایچ بی ایل پی ایس ایل پلیئر ڈرافٹ کی میزبانی کر کے ہمارا مقصد اس کی ثقافتی اور اقتصادی اہمیت کو اجاگر کرنا ہے۔انہوں نے کہا کہ میں 11 جنوری کو خوبصورت شہر گوادر میں تمام فرنچائزز اور متعلقہ سٹیک ہولڈرز کا خیرمقدم کرنے کا منتظر ہوں کیونکہ ہم پاکستان کے سب سے بڑے کھیلوں کے ایونٹ کے 10 ویں ایڈیشن کے آغاز کی طرف ایک اہم قدم اٹھا رہے ہیں۔ایچ بی ایل پی ایس ایل کے چیف ایگزیکٹو آفیسر سلمان نصیر کا کہنا ہے کہ مجھے گوادر کو پلیئر ڈرافٹ کے میزبان شہر کے طور پر اعلان کرنے پر بہت فخر ہے، یہ اقدام پی ایس ایل کی رسائی کو پاکستان کے کونے کونے تک پھیلانے اور پاکستان کی خوبصورتی کو دنیا کے سامنے دکھانے کے ہمارے عزم کی عکاسی کرتا ہے۔پی سی بی نے اپنی پریس ریلیز میں تقریب کے آغاز کا وقت اور مقام شیئر نہیں کیا ہے جبکہ کھلاڑیوں کی ریلیگیشن اور ریٹینشن کا اعلان دسمبر کے آخر میں کیا جائے گا۔

پاکستان سپرلیگ(پی ایس ایل) 10کے پلیئر ڈرافٹس کی میزبانی پہلی بار گوادر کو مل گئی

پی ایس ایل 10ویں ایڈیشن کے پلئیر ڈرافٹس کی تقریب 11 جنوری 2025 بروز ہفتہ گوادرمیں منعقد ہوگی

ہیومن رائٹس واچ نے انکشاف کیا ہے کہ غزہ میں فلسطینیوں کو جبری طور پر پیاسا رکھا جارہا ہے۔عالمی شہرت یافتہ انسانی حقوق کے ادارے ہیومن رائٹس واچ نے اپنی ایک تازہ رپورٹ میں کہا ہے کہ اسرائیل جس نے ہزاروں فلسطینیوں کو غزہ میں قتل کیا ہے، جانتے بوجھتے فلسطینیوں کو پینے کے صاف پانی تک سے محروم رکھے ہوئے ہے، اس کے اس انتہا کو چھوئے ہوئے یہ اقدامات نسل کشی ہیں۔ہیومن رائٹس واچ کے مطابق اسرائیل کے اقدامات کے تحت پانی اور صفائی کے بنیادی ڈھانچے کو جان بوجھ کر نقصان پہنچایا گیا جس کے نتیجے میں ہزاروں افراد کی اموات ہوئیں، یہ عمل انسانیت کے خلاف نسل کشی کے جرم کے مترادف ہے۔ہیومن رائٹس واچ کی جانب سے جاری کی گئی 179 صفحات پر مشتمل رپورٹ میں کہا گیا ہے کہ اکتوبر 2023 کے بعد سے اسرائیلی حکام نے غزہ کی پٹی میں زندہ رہنے کیلئے درکار مناسب پانی تک فلسطینیوں کی رسائی میں جان بوجھ کر رکاوٹ ڈالی ہے۔ہیومن رائٹس واچ نے مزید کہا غزہ میں اسرائیل جو کچھ کر رہا ہے یہ 1948 کے کنونشن کی رو سے نسل کشی کا اقدام ہے،رپورٹ کے مطابق اسرائیل نے بنیادی ڈھانچے کو جان بوجھ کر نقصان پہنچایا، جن میں پانی کی صفائی کے پلانٹس کو چلانے والے شمسی پینل، ایک ذخیرہ، اور پرزوں کا گودام شامل ہے جبکہ جنریٹرز کیلئے ایندھن کی سپلائی بھی روکی گئی۔ اسرائیل نے بجلی کی فراہمی کاٹ دی، مرمت کرنے والے کارکنوں پر حملے کیے، اور مرمت کیلئے درکار سامان کے غزہ میں داخلے کو روکا۔ہیومن رائٹس واچ کی ایگزیکٹو ڈائریکٹر تیرانا حسن نے کہا کہ یہ محض غفلت نہیں ہے بلکہ یہ محرومی کی ایک سوچے سمجھے منصوبے کی پالیسی ہے جس کے نتیجے میں ہزاروں افراد پیاس اور بیماری سے ہلاک ہو چکے ہیں، جو انسانیت کے خلاف جرم اور نسل کشی کے مترادف ہے۔خیال رہے کہ اسرائیل نے اکتوبر 2023 کو حماس کے اسرائیل پر حملے کے بعد غزہ میں ایک بڑی فوجی کارروائی کا آغاز کیا جس میں اب تک 45,129 افراد شہید ہو چکے ہیں جبکہ ہزاروں افراد زخمی ہیں، شہید اور زخمی ہونے والوں میں نصف سے زائد تعداد صرف بچوں اور خواتین پر مشتمل ہے۔

غزہ میں پانی کی فراہمی پر اسرائیلی پابندی قتل عام کے مترادف ہے، ہیومن رائٹس واچ

اسرائیل نے غزہ میں زندہ رہنے کیلئے درکار مناسب پانی تک فلسطینیوں کی رسائی میں جان بوجھ کر رکاوٹ ڈالی ہے، رپورٹ

امریکا کا کہنا ہے کہ پاکستان کے طویل فاصلے تک مار کرنے والے بیلسٹک میزائل پروگرام پر شدید تحفظات ہیں، لانگ رینج بیلسٹک میزائل پروگرام کی حمایت سے انکار دیرینہ پالیسی ہے۔تفصیلات کے مطابق پاکستان کے بیلسٹک میزائل پروگرام اور نئی امریکی پابندیوں سے متعلق امریکی محکمہ خارجہ کا بیان سامنے آگیا۔واشنگٹن میں پریس بریفنگ دیتے ہوئے امریکی محکمہ خارجہ کے نائب ترجمان ویدانت پٹیل نے کہا کہ ہمارا موقف واضح ہے، ہم نے کبھی بھی پاکستان کے بیلسٹک میزائل پروگرام کی حمایت نہیں کی۔پاکستانی اداروں پر پابندی سے متعلق سوال کے جواب میں ویدانت پٹیل نے کہا کہ امریکا عالمی سطح پر ہتھیاروں کے عدم پھیلاؤ کے لیے پُرعزم ہے، امریکا پاکستان کا اہم شراکت دار ہے، پاکستان کے بیلسٹک میزائل پروگرام سے متعلق تحفظات ہیں۔انہوں نے مزید کہا کہ طویل فاصلے تک مار کرنے والے بیلسٹک میزائل پروگرام کی حمایت نہ کرنا پالیسی ہے، پابندیاں بیلسٹک میزائل پروگرام سے متعلق ہمارے تحفظات پر مبنی ہے، امریکی محکمہ خارجہ قومی سلامتی کے لیے پابندیوں اور دیگر ٹولز کا استعمال جاری رکھے گا، امریکا ان مسائل پر پاکستان کے ساتھ بات چیت جاری رکھے گا، پابندیوں سے دیگر شعبوں میں پاک امریکا تعلقات متاثر نہیں ہوں گے۔واضح رہے کہ اس سے قبل امریکا کے نائب مشیر برائے قومی سلامتی جان فائنر کا کہنا تھا کہ پاکستان کے میزائل سے امریکا بھی محفوظ نہیں ہے۔جان فائنر نے کہا کہ پاکستان طویل فاصلے کے بیلسٹک میزائل بنا رہا ہے جو جنوبی ایشیا کے علاوہ امریکا تک اپنے اہداف کو نشانہ بنا سکتے ہیں۔ان کا کہنا تھا کہ اس میں کوئی دو رائے نہیں کہ یہ بیلسٹک میزائل جوہری ہتھیاروں سے بھی لیس کیے جا سکتے ہیں۔

پاکستان کے بیلسٹک میزائل پروگرام پر شدید تحفظات ہیں، امریکا

ہمارا موقف واضح ہے، ہم نے کبھی بھی پاکستان کے بیلسٹک میزائل پروگرام کی حمایت نہیں کی، ترجمان امریکی محکمہ خارجہ

پاکستان21 ویں صدی میں جنوبی افریقا میں تین مرتبہ ون ڈے سیریز جیتنے والی پہلی ٹیم بن گئی۔پاکستان نے جنوبی افریقہ کو دوسرے ون ڈے میچ میں شکست دے کر 3 میچز کی سیریز میں دو صفر کی ناقابل شکست برتری حاصل کرلی ، جیت کے ساتھ ہی قومی ٹیم نے منفرد ریکارڈ اپنے نام کرلیا ۔تفصیلات کے مطابق قومی ٹیم نے تیسری مرتبہ جنوبی افریقامیں ون ڈے سیریز اپنے نام کی ہے۔پاکستان اکیسویں صدی میں جنوبی افریقا میں تین مرتبہ ون ڈے سیریز جیتنے والی پہلی ٹیم بن گئی، پاکستان نے 2013، 2021 اور 2024 میں جنوبی افریقہ میں ون ڈے سیریز جیتیں۔پاکستان نے تیسری مرتبہ جنوبی افریقا میں ون ڈے سیریز جیت کر 21 ویں صدی میں جنوبی افریقا میں تین مرتبہ ون ڈے سیریز جیتنے والی پہلی ٹیم ہونے کا اعزاز حاصل کر لیا۔جنوبی افریقا میں پاکستان تین یا تین سے زیادہ بار ایک روزہ سیریز جیتنے والی دوسری ٹیم ہے۔پاکستان نے جنوبی افریقا میں مجموعی طور پر 7 دو طرفہ ون ڈے سیریز کھیلی ہیں، مجموعی طور پر پاکستان جنوبی افریقا میں 3 یا زیادہ مرتبہ ون ڈے سیریز جیتنے والی دوسری ٹیم ہے۔آسٹریلیا نے بھی جنوبی افریقا میں تین مرتبہ ون ڈے سیریز جیتی ہے، آسٹریلیا نے جنوبی افریقا میں 10 سیریز کھیلیں،1997، 2002 اور 2011 میں کامیاب رہا۔محمد رضوان جنوبی افریقا اور آسٹریلیا کے خلاف ون ڈے سیریز جیتنے والے پہلے پاکستانی کپتان بھی ہیں۔ یہی وہ 2 ممالک ہیں جہاں پاکستان کو کڑے کرکٹ چیلنجز کا سامنا کرنا پڑتا ہے۔یاد رہے کہ پاکستان نے 3 میچز کی ون ڈے سیریز کے دوسرے میچ میں جنوبی افریقا کو 81 رنز سے شکست دیکر سیریز اپنے نام کی ہےپاکستان نے 3 میچز کی سیریز میں جنوبی افریقہ پر 0-2 کی برتری حاصل کرلی۔

پاکستان جنوبی افریقا میں تین مرتبہ ون ڈے سیریز جیتنے والی پہلی ٹیم بن گئی

پاکستان نے 2013، 2021 اور 2024 میں جنوبی افریقہ میں ون ڈے سیریز جیتیں

امریکا کے نائب مشیر برائے قومی سلامتی جان فائنر کا کہنا ہے کہ پاکستان کے میزائل سے امریکا بھی محفوظ نہیں ہے۔تفصیلات کے مطابق امریکی نائب مشیر برائے قومی سلامتی جان فائنر نے کہا ہے کہ پاکستان ایسے میزائل بنا رہا ہے جو امریکا کو بھی نشانہ بنا سکتے ہیں،پاکستان کے میزائل پروگرام نےاس کے ارادوں پر سوالات اُٹھا دیئے ہیں۔غیر ملکی خبر رساں ادارے کے مطابق امریکی نائب مشیر قومی سلامتی جان فائنر کا ایک تقریب سے خطاب کرتے ہوئے کہنا تھا کہ پاکستان طویل فاصلے تک مار کرنے والے بیلسٹک میزائل تیار کر رہا ہے جو اسے جنوبی ایشیا سے باہر کے اہداف بشمول امریکا کو بھی نشانہ بنانے کے قابل بنا سکتے ہیں، اس میں کوئی دو رائے نہیں کہ یہ بیلسٹک میزائل جوہری ہتھیاروں سے بھی لیس کیے جا سکتے ہیں۔غیر ملکی خبر رساں ایجنسی کے مطابق امریکی نائب قومی سلامتی کے مشیر نے اسلام آباد کا طرز عمل طویل فاصلے تک اہداف کو نشانہ بنانے والے میزائل پروگرام کے مقاصد کے بارے میں شکوک شبہات کو جنم دیا ہے۔قومی سلامتی کے مشیر کا کہنا تھا کہ صاف ظاہر ہے کہ پاکستان کا بیلسٹک میزائل پروگرام امریکا کے لیے خطرے کا باعث ہے۔خیال رہے کہ امریکی محکمہ خارجہ نے گزشتہ روز پاکستان کے 4 اداروں پر بیلسٹک میزائل کی تیاریوں میں معاونت پر پابندی کا اعلان کیا تھا۔امریکی محکمہ خارجہ نے پاکستانی اداروں پر پابندی کے حوالے سے اپنے بیان میں مزید کہا تھا کہ امریکا جوہری ہتھیاروں اور اس سے وابستہ تمام سرگرمیوں کے خلاف اپنی کارروائی جاری رکھے گا۔

پاکستان کا بیلسٹک میزائل پروگرام امریکا کیلئے خطرے کا باعث ہے، جان فائنر

پاکستان ایسے میزائل بنا رہا ہے جو امریکا کے اہداف کو بھی نشانہ بنا سکتے ہیں، امریکی نائب مشیر قومی سلامتی

پاکستان نے جنوبی افریقا کو دوسرے ون ڈے میچ میں 81 رنز سے شکست دے کر سیریز میں دوصفر کی فیصلہ کن برتری حاصل کرلی۔کیپ ٹاؤن میں کھیلے گئے میچ میں پاکستان کی جانب سے دیے گئے 330 رنز کے تعاقب میں جنوبی افریقا کی ٹیم44ویں اوورز میں 248 رنز پر ڈھیر ہوگئی۔قبل ازیںدوسرے ون ڈے میچ میں جنوبی افریقا نے پاکستان کیخلاف ٹاس جیت کر پہلے فیلڈنگ کا فیصلہ کیا اور مہمان ٹیم کو بیٹنگ کی دعوت دی۔پہلے بیٹنگ کرتے ہوئے پاکستانی ٹیم نے 329 رنز بنائے اور آخری اوور میں پوری ٹیم آؤٹ ہوگئی۔پاکستان کی جانب سے کپتان محمد رضوان 80 اور بابر اعظم 73 رنز کی اننگ کھیل کر نمایاں رہے جبکہ کامران غلام نے 63 رنز کی جارحانہ اننگ کھیل کر بڑا ہدف دینے میں اہم کردار ادا کیا۔نائب کپتان سلمان آغا نے 33، صائم ایوب نے 25 ، شاہین آفریدی 16 اور عرفان نیازی 15 رنز کی اننگ کھیلی۔جنوبی افریقا کی جانب سے ڈیبیو کرنے والے کوینا مافاکا نے 4 کھلاڑیوں کو آؤٹ کیا۔ مارکو جینسن نے3 جبکہ ژورن فورٹن اور اینڈائل فیلوکوایا نے 1، 1 وکٹ حاصل کی۔ہدف کے تعاقب میں جنوبی افریقہ کی پوری ٹیم 44 ویں اوور میں 248 رنز بنا کر آؤٹ ہوگئی، ٹونی ڈی زورزی 34، ایڈن مارکرم 21، ڈیوڈ ملر 29 رنز بنا کرآئوٹ ہوئے، ہینرچ کلاسن نے شاندار کھیل کا مظاہرہ کرتے ہوئے 8 چوکوں اور 4 چھکوں کی مدد سے 97 رنز کی اننگز کھیلی۔شاہین شاہ آفریدی نے عمدہ باؤلنگ کا مظاہرہ کرتے ہوئے چار کھلاڑیوں کو آؤٹ کیا، نسیم شاہ نے 3، ابرار احمد نے 2 سلمان آغا نے ایک کھلاڑی کو آؤٹ کیا۔

دوسرا ون ڈے، پاکستان نے جنوبی افریقا کو 81 رنز سے ہرا کرسیریز جیت لی

پاکستان کی جانب سے دیے گئے 330 رنز کے تعاقب میں جنوبی افریقا کی ٹیم 248 رنز پر ڈھیر ہوگئی

جی ایچ کیو حملہ کیس میں انسداد دہشت گردی عدالت نے پی ٹی آئی رہنما شاہ محمود قریشی، وزیراعلیٰ کے پی علی امین گنڈا پور سمیت 14 ملزمان پر فرد جرم عائد کردی۔انسداد دہشت گردی عدالت کے جج امجد علی شاہ نے تھانہ آر اے بازار میں درج 9 مئی جی ایچ کیو حملہ کیس کی اڈیالہ جیل میں سماعت کی، بانی پی ٹی آئی، شاہ محمود قریشی، شبلی فراز، شیخ رشید، فواد چوہدری سمیت درجنوں ملزمان پیش ہوئے، عدالت نے مزید 14 ملزمان پر فرد عائد کردی۔ عدالت نے وزیر اعلی کے پی علی امین گنڈا پور، شبلی فراز، شاہ محمود قریشی، شہریار افریدی، کنول شوزب، کرنل ریٹائرڈ شبیر اعوان، لطاسب ستی، عمر تنویر بٹ، تیمور مسعود، سعد علی خان، سکندر زیب، زوہیب آفریدی، فہد مسعود اور راجہ ناصر محفوظ پر فرد جرم عائد کی۔عدالت نے فرد جرم پڑھ کر سنائی تو تمام ملزمان نے صحت جرم سے انکار کردیا۔ جج نے وزیراعلی علی امین گنڈا پور کی عدالت میں پیشی پر ان کے وارنٹ گرفتاری منسوخ کردئیے۔9 مئی جی ایچ کیو حملہ کیس میں بانی پی ٹی آئی، عمر ایوب، شبلی فراز سمیت مجموعی طور پر 113 ملزمان پر فرد جرم عائد ہو چکی، سماعت کے دوران بانی پی ٹی آئی کی جانب سے دائر فرد جرم کے لئے ناکافی شواہد کی درخواست پر ابتدائی سماعت مکمل کر لی گئی جبکہ درخواست پر مزید سماعت کل انسداد دہشتگردی عدالت راولپنڈی میں کی جائے گی۔وزیراعلیٰ خیبرپختونخوا، شہریار آفریدی اور کنول شوزب نے 265 ڈی کی درخواستیں دائر کردیں جن کو انسداد دہشت گردی کی عدالت نے کل سماعت کیلئے مقرر کرلیا۔وزیراعلی کے پی کے نے وکیل غلام حسنین سنبل کو 12 پلیڈر مقرر کردیا اور وارنٹ گرفتاری منسوخ کرنے پر جج کا شکریہ بھی ادا کیا، کیس کی سماعت کے بعد وزیراعلیٰ کے پی کے نے اڈیالہ جیل میں بانی پی ٹی آئی سے ملاقات بھی کی۔

جی ایچ کیو حملہ کیس، شاہ محمودقریشی،علی امین گنڈاپور،سمیت 14 ملزمان پر فرد جرم عائد

شبلی فراز، شہریار آفریدی، کنول شوذب سمیت دیگر ملزمان شامل، اب تک 113 ملزمان پر فرد جرم عائدکی جاچکی ہے

پاکستان اسٹاک ایکسچینج میں آج مسلسل تیسرے روزبھی شدید مندی دیکھی گئی اور 100 انڈیکس 4 ہزار پوائنٹس سے زیادہ گرگیا جس کے باعث سرمایہ کاروں کو اربوں کا نقصان برداشت کرنا پڑا۔کاروباری ہفتے کے چوتھے روز پاکستان اسٹاک ایکسچینج میں مندی کے نئے ریکارڈ قائم ہوگئے، تاریخ میں پہلی بار ٹریڈنگ کے دوران ہنڈرڈ انڈیکس 5 ہزار 1سو سےزائد پوائنٹس مائنس ہوا۔تاریخ میں پہلی بارا سٹاک ایکسچینج کا اختتام 4 ہزار 795 پوائنٹس کی ریکارڈ مندی سے ہوا جس کے باعث 100 انڈیکس 1 لاکھ 6 ہزار 200 پوائنٹس پر بند ہوا۔کاروباری دن میں 100 انڈیکس 5 ہزار 807 پوائنٹس کے بینڈ میں رہا جبکہ انڈیکس کی آج کم ترین سطح ایک لاکھ 5 ہزار 937 رہی۔بازار میں آج 1.16ارب شیئرز کے سودے 56 ارب روپے میں طے ہوئے جبکہ  مارکیٹ کیپٹلائزیشن 541 ارب روپے کم ہوکر 13 ہزار 603 ارب روپے ہے۔گزشتہ 3 روز میں انڈیکس 9 ہزار 894 پوائنٹس گرا ہے جبکہ مارکیٹ کیپٹلائزیشن ایک ہزار 208 ارب روپے کم ہوئی ہے۔دوسری جانب ملک میں آج فی تولہ سونا 2600 روپے سستا ہوگیا۔ آل پاکستان جیمز اینڈ جیولرز ایسوسی ایشن کے مطابق اس کمی کے بعد ملک میں فی تولہ سونے کا بھاؤ 2 لاکھ 73 ہزار 300 روپے ہے۔اسی طرح 10 گرام سونے کا بھاؤ 2229 روپے کم ہو کر 2 لاکھ 34 ہزار 311 روپے ہے۔

اسٹاک ایکسچینج میں آج بھی شدید مندی،100 انڈیکس میں 4 ہزار 795 پوائنٹس کی کمی

تاریخ میں پہلی بارپاکستان ا سٹاک ایکسچینج کا اختتام 4 ہزار 795 پوائنٹس کی ریکارڈ مندی سے ہوا

پاکستان تحریک انصاف نے سلمان احمد کی بنیادی رکنیت ختم کر دی۔پی ٹی آئی چیئرمین بیرسٹر گوہر نے سلمان احمد کی بنیادی رکنیت ختم کی، بانی پی ٹی آئی و ان کی اہلیہ سمیت پارٹی کے خلاف بیان بازی پر رکنیت ختم کی گئی۔چیئرمین پاکستان تحریک انصاف (پی ٹی آئی) بیرسٹر گوہر نے سلمان احمد کی بنیادی رکنیت ختم کرنے کا نوٹیفکیشن جاری کرتے ہوئے کہا ہے کہ سلمان احمد سوشل میڈیا بیانات سے پارٹی قیادت اور ورکرز میں نفاق پیدا کرتے رہے، انہوں نے بانی پی ٹی آئی عمران خان اور اہل خانہ کے خلاف سوشل میڈیا میڈیا پوسٹ کیں۔نوٹیفکیشن میں کہا گیا ہے کہ پارٹی نے آپ کےطرزعمل اور بیانات سے خود کو الگ کرلیا تھا اور آپ کو آپ کے طرز عمل کے نتائج سے خبردار کیا تھا، کورکمیٹی کی پریس ریلیز کے ذریعے آپ کو وارننگ جاری کی گئی تھی کہ آپ قابل اعتراض پوسٹس کرنے سے گریز کریں، لیکن آپ باربار تنبیہہ کے باوجود قابل اعتراض پوسٹس کرتے رہے۔نوٹس میں کہا گیا ہے پارٹی سلمان احمد کے بیانات سے اظہار لاتعلقی کرتی ہے اور ان کی پی ٹی آئی کی بنیادی رکنیت ختم کی جاتی ہے، وہ مستقبل میں پی ٹی آئی کا نام استعمال نہیں کرسکتے۔

عمران خان کیخلاف پوسٹ شیئر کرنے پر سلمان احمد کی پی ٹی آئی رکنیت ختم کردی گئی

چیئرمین پی ٹی آئی بیرسٹر گوہر نے سلمان احمد کی بنیادی رکنیت ختم کرنے کا نوٹیفکیشن جاری کر دیا

پاکستان نے جنوبی افریقا کو دوسرے ون ڈے میچ میں جیت کے لیے 330 رنز کا ہدف دے دیا۔کیپ ٹاؤن میں کھیلے جارہے میچ میں جنوبی افریقا کے کپتان ٹیمبا باووما نے ٹاس جیت کر پاکستان کو بیٹنگ کی دعوت دی۔پہلے بیٹنگ کرتے ہوئے پاکستان کی پوری ٹیم آخری اوور میں 329 رنز بناکر آؤٹ ہوگئی، کپتان محمد رضوان 80 اور بابر اعظم 73 رنز کیساتھ نمایاں رہے۔ جبکہ کامران غلام نے 63 رنز کی جارحانہ اننگ کھیل کر بڑا ہدف دینے میں اہم کردار ادا کیا۔نائب کپتان سلمان آغا نے 33، صائم ایوب نے 25 ، شاہین آفریدی 16 اور عرفان نیازی 15 رنز کی اننگز کھیلی۔جنوبی افریقا کی جانب سے ڈیبیو کرنے والے کوینا مافاکا نے 4 کھلاڑیوں کو آؤٹ کیا۔ مارکو جینسن نے3 جبکہ ژورن فورٹن اور اینڈائل فیلوکوایا نے 1، 1 وکٹ حاصل کی۔

دوسرا ون ڈے، پاکستان نےجنوبی افریقا کو جیت کیلئے 330 رنز کا ہدف دیدیا

محمد رضوان 80 اور بابر اعظم 73 رنز جبکہ کامران غلام  63 رنز کی جارحانہ اننگزکیساتھ نمایاں رہے

انٹرنیشنل کرکٹ کونسل (آئی سی سی ) نے بھارت اور پاکستان کے درمیان چیمپئنزٹرافی 2025  اور27-2024  کے آئی سی سی ایونٹس کے لیے ہائبرڈ ماڈل کا اعلان کر دیا ہے، پاکستان آئی سی سی کے تمام ایونٹس کے لیے بھارت کا دورہ نہیں کرے گا۔تفصیلات کے مطابق پاکستان میں ہونے والی چیمپئنز ٹرافی 2025 سے 2027 تک ہونے والے تمام آئی سی سی ایونٹ ہائبرڈ ماڈل کے تحت کھیلے جائیں گے، آئی سی سی کی جانب سے تصدیق کرتے ہوئے کہا گیا کہ معاہدے کے تحت بھارت میں ہونے والے تمام ٹورنامنٹ کے لیے پاکستان وہاں نہیں جائے گا، وہ تمام میچز نیوٹرل مقام پر ہوں گے۔کھیلوں کی ویب سائٹ ’کرک انفو‘ کی رپورٹ کے مطابق آئی سی سی کو آخر کار چیمپئز ٹرافی 2025 کے حوالے سے اہم کامیابی حاصل ہوگئی اور یہ ٹورنامنٹ ہائبرڈ ماڈل کے تحت کھیلا جائے گا جس پر اتفاق رائے ہوگیا ہے۔رپورٹ کے مطابق اس ماڈل کے تحت 8 ٹیموں کے ٹورنامنٹ میں صرف بھارت کے میچز پاکستان کے علاوہ کسی دوسرے مقام پر کھیلے جائیں گے۔رپورٹ کے مطابق 2027 تک کے تمام آئی سی سی ایونٹس ہائبرڈ ماڈل کے تحت ہی کھیلیں جائیں گے اور اس دوران پاکستان بھی بھارت کا دورہ نہیں کرے گا اور بھارتی کی میزبانی میں ہونے والے تمام ایونٹس میں پاکستان کے میچز بھی نیوٹرل وینیو پر کھیلے جائیں گے۔ کرک انفو کی رپورٹ کے مطابق معاہدے کی تفصیلات کے ساتھ ایک قرارداد بھی دیکھی گئی ہے جس میں آئی سی سی بورڈ کی رائے شماری متوقع ہے۔ 2027 تک کے تمام آئی سی سی ایونٹس ہائبرڈ ماڈل کے تحت ہی کھیلے جائیں گے اور اس دوران پاکستان بھی بھارت کا دورہ نہیں کرے گا اور بھارت کی میزبانی میں ہونے والے تمام ایونٹس میں پاکستان کے میچز بھی نیوٹرل وینیو پر کھیلے جائیں گے۔ کرکٹ ویب سائٹ کی رپورٹ کے مطابق پاکستاں چار سال بعد ایک اور آئی سی سی ایونٹ کی میزبانی کرے گا، آئی سی سی نے 2028 کے ویمن ٹی 20 ورلڈ کپ کی میزبانی بھی پاکستاں کو دیدی ہے، 2028 ویمن ٹی 20 ورلڈ کپ اگلے سائیکل کا پہلا آئی سی سی ایونٹ ہوگا۔رپورٹ میں کہا گیا ہے کہ ویمن ٹی 20 ورلڈ کپ میں بھی پاکستان بھارت کا فیوژن فارمولا اپلائی ہوسکتا۔واضح رہے کہ ویمن ورلڈ کپ 2025 اور مینز ٹی ٹوئنٹی ورلڈ کپ 2026 کی میزبانی بھارت کے پاس ہے جبکہ  پاکستاں اور بھارت کے درمیان معاہدے کو آئی سی سی بورڈ سے باضابطہ منظوری دلائی جائے گی۔علاوہ ازیں آئی سی سی نے ایک سہ فریقی ٹی ٹوئنٹی سیریز کی تجویز پر بھی آمادگی ظاہر کی ہے جس میں پاکستان، بھارت اور کسی اور ایشیائی فل ممبر یا ایسوسی ایٹ ممبر ٹیم کو شامل کیا جاسکتا ہے۔ اس سیریز کا انعقاد بھی نیوٹرل وینیو پر ہوگا، یہ تجویز پاکستان کو چیمپئنز ٹرافی 2025 میں بھارت کے میچز کی میزبانی نہ ملنے کے ازالے کے طور پر پیش کی گئی ہے۔

چیمپئینز ٹرافی سمیت 2024-27 تک ایونٹس ہائبرڈ ماڈل پر ہونگے،آئی سی سی

پاکستان اور بھارت آئندہ 3 سال تک ایک دوسرے کے ملک میں نہیں کھیلیں گے،رپورٹ

پاکستان کرکٹ ٹیم کے فاسٹ بولر شاہین شاہ آفریدی نے بنگلہ دیش پریمیئر لیگ (بی پی ایل) کو جوائن کرلیا۔شاہین آفریدی بنگلا دیش پریمیئر لیگ (بی پی ایل) میں ’فارچیون باریشال‘ کی نمائندگی کریں گے۔بنگلا دیشی اخبار کے مطابق بی پی ایل کی دفاعی چیمپئن ’فارچیون باریشال‘ نے آج فاسٹ باؤلر کی باضابطہ دستیابی کا اعلان کیا۔بنگلا دیش پریمیئر لیگ کا آغاز 30 دسمبر سے ہوگا، ٹورنامنٹ میں 7 ٹیمیں شامل ہیں، ڈھاکہ کیپیٹلز، چٹاگونگ کنگز، دربر راج شاہی، فارچیون باریشال، کھلنا ٹائیگرز، رینگپور رائڈرز اور سلہٹ سکسرز ایک مہینے سے زائد تک جاری رہنے والے ایونٹ میں ایکشن میں نظر آئیں گی۔ایونٹ کا پہلا میچ اور فائنل ڈھاکہ میں کھیلا جائے گا جبکہ گروپ اسٹیج میچز میرپور اور سلہٹ میں بھی کھیلے جائیں گے۔یہ پہلا موقع ہے جب پاکستانی فاسٹ بولر شاہین شاہ بی پی ایل میں ایکشن میں نظر آئیں گے۔بی پی ایل کا آغاز رواں سال 30 دسمبر سے ہونا ہے، تاہم شاہین شاہ صرف باریشال کے ٹورنامنٹ میں پہلے 5 میچوں کے لیے دستیاب ہوں گے۔پاکستان کرکٹ بورڈ (پی سی بی) نے شاہین شاہ آفریدی کو 15 جنوری 2024 تک کھیلنے کی اجازت دی ہے، جبکہ بی پی ایل سیزن 7 فروری کو ختم ہوگا۔خیال رہے کہ پاکستان کرکٹ ٹیم کے فاسٹ باؤلر شاہین شاہ آفریدی ٹی 20 انٹرنیشنلز میں 100 وکٹیں حاصل کرچکے ہیں، انہوں نے حال ہی میں یہ کارنامہ ڈربن میں جنوبی افریقہ کے خلاف 3 ٹی 20 میچوں کی سیریز کے پہلے میچ میں انجام دیا تھا۔قومی ٹیم کے فاسٹ باؤلر مینز ٹی 20 انٹرنیشنلز میں 100 وکٹیں لینے والے تیسرے پاکستانی ہیں۔شاہین شاہ آفریدی کو پاکستان کے لیے بین الاقوامی کرکٹ کے تینوں فارمیٹس میں 100 وکٹیں لینے والے پہلے پاکستانی ہونے کا اعزاز بھی حاصل ہے۔خیال رہے کہ بنگلا دیش پریمیئر لیگ (بی پی ایل) کے تمام میچزاشتہارات کے بغیرایچ ڈی کوالٹی میںبراہ راست ٹیپمیڈ پردکھائے جائیں گے۔

شاہین آفریدی بنگلا دیش پریمیئر لیگ کھیلیں گے،’فارچیون باریشال‘ کیساتھ معاہدہ طے

بنگلا دیش پریمیئر لیگ کا آغاز 30 دسمبر سے ہوگا،شاہین آفریدی ’فارچیون باریشال‘ کی نمائندگی کرینگے

پاکستان اور جنوبی افریقا کے درمیان دوسرا ون ڈے ایک روزہ میچ آج کیپ ٹاؤن میں کھیلا جائے گا۔دونوں ٹیموں کے درمیان میچ کیپ ٹاؤن میں پاکستانی وقت کے مطابق شام 5 بجے شروع ہو گا، گرین شرٹس کو تین میچز کی سیریز میں ایک صفر کی برتری حاصل ہے۔پاکستان نے پہلے ون ڈے میں جنوبی افریقہ کو تین وکٹوں سے شکست دی تھی، صائم ایوب اور سلمان علی آغا نے قومی ٹیم کی کامیابی میں اہم کردار ادا کیا تھا، پاکستان کو 3 میچز کی سیریز میں ایک صفر کی برتری حاصل ہے۔پاکستانی ٹیم آج کا میچ جیت کر مسلسل تیسری ون ڈے سیریز اپنے نام کرسکتی ہے۔اس سے قبل پاکستانی ٹیم آسٹریلیا اور زمبابوے سے ون ڈے سیریز جیت چکی ہے۔خیال رہے کہ جنوبی افریقہ نے پاکستان کیخلاف ٹیسٹ سیریز کیلئے 16 رکنی اسکواڈ کا بھی اعلان کردیا ہے، ٹیسٹ سیریز میں جنوبی افریقی ٹیم کی قیادت ٹیمبا باووما کریں گے، دو میچز کی سیریز کا پہلا ٹیسٹ 26 دسمبر سے سنچورین میں کھیلا جائے گا۔

پاکستان اور جنوبی افریقا کے درمیان دوسرا ون ڈے میچ آج کھیلا جائیگا

میچ پاکستانی وقت کے مطابق شام5بجے شروع ہوگا، سیریز میں پاکستان کو جنوبی افریقا پر ایک صفر کی برتری حاصل ہے

سندھ حکومت نے 27 دسمبر کو شہید محترمہ بے نظیر بھٹو کی برسی پر عام تعطیل کا اعلان کردیا۔سندھ حکومت کی جانب سے شہید بینظیر بھٹو کی برسی پر 27 دسمبر کو عام تعطیل کا نوٹیفکیشن بھی جاری کردیا گیا ہے۔نوٹیفکیشن کے مطابق 27 دسمبر کو شہید بے نظیر بھٹو کی برسی پر صوبے بھر میں عام تعطیل ہوگی، سرکاری، نجی ادارے، لوکل کاؤنسلز اور صوبائی حکومت کے انتظامی دفاتر بند رہیں گے۔قبل ازیں سندھ حکومت نے شہید محترمہ بینظیر بھٹو کی17ویں برسی کے موقع پر وفاقی حکومت سے ہیلی کاپٹر طلب کیا ہے، محکمہ داخلہ سندھ نے وفاقی وزارت داخلہ کو لکھے گئے خط میں ہیلی کاپٹر دینے کی درخواست کی ہے ۔  برسی کے موقع پر گڑھی خدابخش میں فضائی نگرانی کیلئے وفاقی وزارت داخلہ سے ہیلی کاپٹر طلب کیاگیا ہے ۔

ستائیس دسمبر کوعام تعطیل کااعلان

سندھ حکومت نے بینظیر بھٹو کی برسی کے موقع  پر عام تعطیل کا اعلان کردیا

لاہور ہائیکورٹ نے پاکستان تحریک انصاف (پی ٹی آئی) کی درخواست پر بڑا فیصلہ سناتے ہوئے ان کو بذریعہ ویڈیو لنک پیش کرنے کا نوٹیفکیشن کالعدم قرار دے دیا، عدالت نے محکمہ داخلہ کے ویڈیو لنک پرعدالت پیشی کے نوٹیفکیشن کو غیرقانونی قرار دے دیا۔جسٹس طارق سلیم شیخ کی سربراہی میں دو رکنی بنچ نے تفصیلی تحریری فیصلہ جاری کیا جس میں کہا گیا کہ قانون کے مطابق اس معاملے کو کابینہ کے سامنے پیش کیا جاتا، دہشتگردی قوانین کے تحت انفرادی طور پر اس کا نوٹیفکیشن جاری نہیں کیا جاسکتا۔فیصلے کے مطابق ہوم ڈیپارٹمنٹ نے کابینہ کی منظوری کے بغیر عمران خان کو ویڈیو لنک پر عدالت پیش کرنے کا نوٹیفکیشن جاری کیا، اے ٹی اے کے تحت جرائم انتہائی خطرناک ہوتے ہیں۔عدالت نے فیصلے میں کہا کہ آئین ملزمان کے بنیادی حقوق کی بات کرتا ہے، جسمانی ریمانڈ میں ملزمان کو ویڈیو لنک پر پیش کرنے سے بنیادی حقوق متاثر ہو سکتے ہیں۔فیصلے میں کہا گیا ہے کہ اے ٹی اے کے قانون میں کئی ترامیم ہو چکی ہیں، جسمانی ریمانڈ کے سیکشن 21 ای میں کوئی تبدیلی نہیں ہوئی۔عدالت نے کہا کہ ٹرائل کے دوران عدالت میں ملزم کو ویڈیو لنک پر پیش کیا جاسکتا ہے، جسمانی ریمانڈ پر ویڈیو لنک کے ذریعے پیش نہیں کیا جا سکتا۔فیصلے میں کہا گیا ہے کہ عدالت 15 جولائی 2024 کو بانی پی ٹی آئی کو ویڈیو لنک پر عدالت پیش کرنے کا نوٹیفکیشن کالعدم قرار دیتی ہے، بانی پی ٹی آئی کی درخواست کو منظور کیا جاتا ہے۔بعدازاں عدالت نے بانی پی ٹی آئی عمران خان کو اے ٹی سی عدالت میں ویڈیو لنک کے ذریعے پیش کرنے کا نوٹیفکیشن بھی کالعدم قرار دے دیا، عدالت نے محکمہ داخلہ کے ویڈیو لنک پرعدالت پیشی کے نوٹیفکیشن کو غیرقانونی قرار دے دیا۔خیال رہے کہ بانی پی ٹی آئی عمران خان نے لاہور میں 9 مئی کے 12 مقدمات میں جسمانی ریمانڈ کے لیے ویڈیو لنک پیشی کا نوٹیفکیشن چیلنج کیا تھا۔

لاہور ہائیکورٹ نےعمران خان کو بذریعہ ویڈیو لنک پیش کرنے کا نوٹیفکیشن کالعدم قرار دیدیا

دہشت گردی قوانین کے تحت انفرادی طور پر اس کا نوٹیفکیشن جاری نہیں کیا جاسکتا، لاہور ہائیکورٹ کاتحریری فیصلہ

Bangladesh won the WI vs BAN T20I series 3-0.

Bangladesh Create History By Clean Sweeping The West Indies T20 Series 3-0

The Bangladesh Cricket Team&rsquo;s journey in the last quarter of 2024 has been nothing short of historic and ecstatic.&nbsp;

Once the underdogs, the Bengali tigers are now becoming one of the strongest cricket teams in the world and the second strongest team in Asia after India.&nbsp;

Bangladesh team&rsquo;s most recent achievement came against the West Indies where the former has gone for a tour to play 2 tests, 3 ODIs, and 3 T20Is.&nbsp;

The two match test series was drawn as both teams secured victory in one match each. The hosts came back with full force in the ODI series, winning the three match series 3-0.&nbsp;

When it comes to the T20I series, the last leg of the Bangladesh tour of West Indies, the tourists gave it their all to register a 3-0 historic series win against West Indies in the Twenty20 format.&nbsp;

Earlier in September, Bangladesh went on a tour of Pakistan to play a two-match test series that was a part of the World Test Championship 2023-25.&nbsp;

Contrary to popular belief and expectations, the Bengali tigers beat Pakistan on their home ground for the first time ever and registered a notable <a href="https://www.tapmad.com/blog/bangladesh-wins-pakistan-vs-bangladesh-test-series-2024/438-2-0">2-0 Test series win</a> over a competitive test side.&nbsp;

Such momentous victories say a lot about the team&rsquo;s potential and their intent to rise above the ranks.

Bangladesh Create History By Clean Sweeping The West Indies T20 Series 3-0

Related Post

Babar Azam’s Journey From Breaking Hearts to Breaking Records

Bangladesh Create History By Clean Sweeping The West Indies T20 Series 3-0

BPL 2024/25 Live Score, Live Streaming, Schedule, & Points Table

Mohammad Rizwan & Co. Clinch The PAK vs SA ODI Series 2-0

Babar Azam’s Journey From Breaking Hearts to Breaking Records

Bangladesh Create History By Clean Sweeping The West Indies T20 Series 3-0

BPL 2024/25 Live Score, Live Streaming, Schedule, & Points Table

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan